💕أحبني_مراهق💕
للكاتبة #رباب نجمة#
الجزء 23:
طلعات أمنية لبيتها وخدات دوش خفيف من بعد خرجات كملات نعاسها حتا فيقاتها مها بالمعيور كيف العادة..
مليكة: نوضي يا العديمة الله يعطيك الدل كثر ماراك غارقة فيه.. نوضي شوفي لالياتك تبارك الله عليهم فاقو مع 6 دالصبح طيبو الملاوي والبغرير ووجدو اتاي ودارو الغدا يطيب وتولو الدار ونتي الا مافيقناكش حنا تشركي الليل مع النهار..
أمنية: تا قلت تهنيت منك..
مليكة: اشنو قلتي اديك الحرامية..
أمنية: قلتلك هاني نايضة ديما حاكرة عليا..
مليكة: اوا صافي نوضي ابنتي الله يعطيك الرضا..
أمنية: وخا اماما..
"ناضت لبسات وتفركسات ونزلات تفطر"..
منير: اهلا بالحبيبة ديالي غبرت عليك غي سيمانة رجعت لقيتك زيانيتي..
أمنية: هه لهلا يخطيك عليا أبابا..
منير: اوا هي شديتو العطلة..
أمنية: راك عارفني شاداها من شحال هادي هه.. يلاه انا غانفطر ونخرج مع صحاباتي..
منير: وخا ابنتي الله يرضي عليك وماتقلقيليش ماماك..
أمنية: هه غانحاول.. يلاه بسلامة..
منير: بسلامة ابنتي..
مشات أمنية فطرات ومشات نيشان لدار دمراد دقات وهاد المرة بالآداب هه..
مراد كيشافها تبلوكا ماعرف باش تبلا كيفاش غايتصرف دبا..
أمنية: مالك كتشوفيا هاكدا پپف مغاديش تدخلني..
مراد: اا لا زيدي تفضلي..
أمنية: شكرا..
مراد: شنو تشربي..
أمنية: شي كاس دالما عفاك..
مراد: وخا..
أمنية: اوا لاباس عليك..
مراد: الحمد لله منين جاك هاد الأداب..
أمنية: من عند مك هه بغيت نقول والو أصلا انا هكا دايرة غير مكنبغيش ندوي..
مراد: امم اوك..
أمنية: الصراحة بغيت نهضر معاك فديكشي لي وقع لبارح..
مراد: لا بلاما تحتاجي تدوي انا غاندير بحالي ماطرا والو غير غلطة صغيرة وماغاديش تعاود..
"أمنية تعصبات ووقفات بحال قباض الرواح"..
أمنية: كيفاش غلطة صغيرة واش كتفلا "رجعات نزلات عندو وشدات فالكول دالتيشورط لي لابس" واش ندمتي ها هضر واش نت نادم..
مراد: اه..
أمنية: هئ هئ هئ هئ..
مراد: دبا علاش كتبكي..
أمنية: كنبكي على زهري المكوز..
مراد: مافهمتكش أأمنية دبا مالك أش طرا كاع.. هاد الأغلاط كيوقعو وانا نسيت كلشي..
أمنية: الا نت نسيتي انا مانسيتش واصلا الغلط ديالك نت.. نت لي ستاغليتيني كون ماضرباتني الفيقة ودفعتك علم الله اش كان وقع..
مراد: اوا راه ماوقعش داكشي لي نتي خايفة منو صافي نساي..
أمنية: سكت عفاك نت ماحاسش بيا وبشنو كنحس..
مراد: أمنية علاش باغا تكبري الموضوع اا..
أمنية: دبا وليت باغا نكبر الموضوع هئ هئ ياك امراد..
مراد: واش كتبغيني..
"امنية بقات مبلوكيا وكتشوف فيه اما مراد قرب ليها كثر وعاود نطق"..
مراد: جاوبي..
أمنية: اه كنبغيك هئ هئ وكنتسطا عليك..
مراد: من ايمتا..
أمنية: من ديما من اول مرة شفتك وانا قلبي كيضرب غير ليك هئ هئ..
""""مراد:ششش صافي احبيبتي ماتبكيش..
أمنية: صافي بعد مني..
مراد: وصافي حتا انا كنبغيك..
أمنية: اشنو قلتي عاودها..
مراد: شغانعاود..
أمنية: قلتي كتبغيني..
مراد: امم كنبغيك احبيبتي وروحي ومن دبا لفوق نتي ديالي وانا ديالك..
"عنقاتو أمنية بجهد وهي فرحانة أخيرا عطا فرصة لحبها"""""..
هادشي كامل داز فالمخيلة ديال أمنية قبل مايدوي مراد ويصدمها..
مراد: ماعرفتش شغانقول ليك والله..
أمنية (مسحات دموعها وشافت فيه واحد الشوفة مكتبشرش بالخير):سمع نقوليك جوج كلمات دخلهم لدماغك.. من اليوم نت ديالي والا شفتك مع شي وحدة ولا بغيتي تلعبها عليا والله تاتشوف وجه عمرك شفتيه وراك كتعرفني مانحتاجش نعاودليك..
مراد: مالك واش تسطيتي..
أمنية: اه تسطيت ونت السباب.. المهم لي عندي قلتوليك.. نت ديالي فهمتي.. يلاه باي..
"مشات وخلاتو مصدوم "..
مراد: هادي تسطات مافيهاش الشك..
#يتبع..
خليو أراءكم فالقصة.. وقراءة ممتعة حبيباتي ❤ماتنساونيش بالإشهارات
أنت تقرأ
أحبني مراهق A TEENAGER LOVED ME
Lãng mạnبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
