أحبني مراهق A TEENAGER LOVED ME

|93|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 93:

غادية جاية فالبيت كتفكر فشي حل لهاد المصيبة لي طاحت فوق راسها ..سمعات تيليفون كيصوني وهي تهزو بالزربة..

شمس: ألو..
رضى: ألو شموسة لاباس عليك.. أش كنقول حتا أنا أكيد كاين الباس..
شمس: فينك الحيوان رجعلي بنتي ولا والله تا نخليك شفايا لكاع الناس..
رضى(قهقه بصوت عالي): ههه كيعجبوني التهديدات ديالك أشمس ولكن مانافعينش معايا هاد المرة.. من الأحسن تشوفي الجديد..
شمس: فينها بنتي عنداك تكون درتيلها شي حاجة..
رضى: بنتك فالأمن والأمان غي ريحي بالك.. ومن الأحسن تتعودي على غيابها..
شمس: نت بايلي تسطيتي كفاش عطاك خاطرك تخطف بنت بريئة وتدخلها فسواقات الكبار.. رضى:تخيلي معايا بنتك بين أحضان أباء جداد.. كتقول لمرا اخرى "ماما" هه كفاش غايكون إحساسك ديك الساعة..
شمس: قسما عظما وماتجيبلي بنتي حتى نحرقك ونت حي.. يمكن وليتي كتعرفني مزيان..
رضى: اه معلوم كنعرفك ولكن نتي لي مكتعرفينيش..
طيط طيط..
شمس: ألو.. ألـــوو..
حقير غادي ندمك..

طلعات فالدروج خطوة القدام وجوج خطوات اللور.. كفاش غاتواجههاا بعد لي وقع بيناتهم.. إلا سمحاتليها غتكون أكبر غبية..

دقات فباب الغرفة لكن بدون رد.. عودات للمرة الثانية ودخلات بعد ما سمعات "دخل"..

شمس: نتي.. شنو كديري عندي !!
جيتي تتشفاي فيا..

أمنية: أشنو كتقولي.. راها بنت خويا كيما راها بنتك..

شمس: وشنو بغيتي لاش جاية..

أمنية: جيت نوقف معاك فهاد المحنة وننساو...

شمس(قاطعاتها وتكلمات بسخرية): ننساو ههه.. شنو غاننساو.. واش من نيتك ننسا بلي كنتي صديقة خائنة غير وفية.. خرجي عليا مامسالياش ليك..
أمنية: سمعي أنا م...
شمس: برااا خرجييي....

#يتبع..