أحبني مراهق A TEENAGER LOVED ME

|66|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 66:

#عند____مروى

تحركت شاداا فراسها وهي كتمشى فبيتها بعصبية..
مروى: آه يا ربي أشنو كيوقعلي..مابقيت فاهمة والو فراسي وفهاد القلب مرة كنبغي فيصل ومرة كنفكر ففهدد..شنو خصني ندير..

خرجات من بيتها باتجاه المطبخ..كانت إنجي كتشرب الما وباينة فيها فرحانة..شافت فيها باستغراب بلا ما تكلمها..
إنجي: وجدي راسك اليوم فليل عندنا الطيارة للمغرب..
مروى(بفرحة): واش كتهضري بصح..
إنجي(بابتسامة): معلوم مابقا والو وترجعي عند داك السرباي ديالك..
مروى(هزات حاجبها مامصدقاش كلامها ودايرة يديها على خصرها): نتي لاياش كتخططي..
إنجي: لاياش غانخطط مثلا !! والو... ياك هادشي لي بغيتي اوا هاانا كندير لي فجهدي باش نرضيك..

******
دخلات لالة أمينة للدار وموراها مصطفى جار لاڤاليز..
أمينة: صافي أولدي سير قابل شغالك أنا غانتكلف بيها..
(حرك راسو بالإيجاب ومشا)..

شافت فشمس وضحى كيتجمعوا وحداهم آية كتلعب..

أمينة: بناتي..توحشتكوم..
(ناضت شمس عندهاا كتعنق وتبوس)..
شمس: اهلا الزين تا انا توحشتك... غبرتي عليا وزيانيتي..
أمينة: ههه الله يمسخك..
ضحى: خالتي لاباس عليك.. كيف كان السفر..
أمينة: مزيان الحمد لله داز زوين.. سلم عليكم خويا محمد وختي جميلة..
شمس: يسلم عليهم الخير..
أمينة(باست آية وهزاتها بين يديها كتلعب معاها): الفريزة ديالي ماتوحشتينيش أدوي..

شافت ضحى فتيليفون لقاتها غيثة لي كتصوني غمزات شمس واستأذنات من لالة أمينة وطلعات لبيتها..

ضحى: ألو الزين..
غيثة: وااا غبورات هادي مشيتي بلاما تقوليهالي ألبقرة..
ضحى: كان ضروري نمشي سمحيلي حبيبة..
غيثة: ماشي مشكل.. بغيتك تجي عندي للڤيلا دخويا..
ضحى(ميعات قالبة عينيها): لا غي عفيني راني عيانة مافيا لي يمشي لشي قنت..بغيت نبقا غي فالدار..
غيثة: الموضوع مهم نبغيك تجي عندي دبا..
ضحى: أووف منك.. صافي غانجي يلاه تلاحي..
غيثة: بيزو..
*******
💛عند___مريم💛

الظلااام بدا كيطيح والبرد محرك.. سدات السرجم ورجعات هزات تيلفونها كتدوي مع ماماها فالواتساب.. سمعات الدقان فالباب.. استغربات من شكون غايكون.. حلاات وإذا به باها..
مريم: بابا..
الأب: بنتي مساء النور..
مريم: مساء الخير دخل..

دخل وكلس فوق الفوطاي وهو شابك يديه..

الأب: ولفتي شوية..
مريم(هزات راسها بايجاب): اه الحمد لله..
الأب: إيمان كتعاملك مزيان.. مكاين حتا مشكل!!
مريم: اه كون هاني أبابا..
(بقاو كيديو ويجيبو فالكلام حتا استأذن بحجة باغي ينعس)..
#يتبع..