Unicode
အပိုင်း (၁) ကွာရှင်းချင်နေတာလား... အိပ်မက်ပဲ မက်နေလိုက်!
VIP ဆေးရုံခန်း၏ အရှေ့၌ လူတစ်ယောက် ရပ်နေခဲ့သည်။ သူ၏ သွယ်လျကာ လှပသည့် လက်များက ဆေးသေတ္တာလေးပေါ်၌ ဖေးတင်နေသည်။ သူ၏ ဆွဲဆောင်မှု ရှိလှသော မျက်လုံးလေးများက တံခါးပေါ်သို့ ကျရောက်နေပြီး သူ့ မျက်နှာထက်တွင် ရှုပ်ထွေးနေသည့် အကြည့်တစ်ချက် ဖြတ်ပြေးသွားသည်။
အချိန်အတော်ကြာ တွေးပြီးနောက် သူက နောက်ဆုံး၌ တံခါးကို ညင်သာစွာ ခေါက်လိုက်သည်။
"ဝင်ခဲ့။" အထဲမှ ခပ်နိမ့်နိမ့်နှင့် အေးစက်သော အသံတစ်ခု ထွက်ပေါ်လာသည်။
ထိုအမျိုးသားလေး၏ လှပသော မျက်လုံးများက နက်မှောင်သွားပြီး သူက ချက်ချင်းပင် တံခါးကို ဖွင့်ကာ ဝင်သွားခဲ့သည်။
"ရွေ့ကော ကျွန်တော် ခင်ဗျားအတွက် ဆေးယူလာပေးတာ.." သူ၏ အသံက အနည်းငယ် စိုးရိမ်နေဟန် ရှိသည်။ သူ့မျက်လုံးများက သူ့ခြေဖျားကိုသာ ကြည့်နေပြီး ဆူပူအပြစ်ပေးခံရမှာ ကြောက်နေသော အမှားလုပ်မိသည့် ကလေးငယ်လေး တစ်ယောက်နှင့် တူနေပေသည်။
လူနာခန်းအတွင်း ပြတင်းပေါက်ဘေးတွင် ဆေးရုံလူနာဝတ်စုံ ဝတ်ဆင်ထားပြီး ဝှီးချဲလ်ပေါ် ထိုင်နေသည့် လူတစ်ယောက်က နှာမှုတ်ကာ သရော်လိုက်သည်။ "ရှန်ယွိ မင်းမှာ ပြစရာ မျက်နှာရှိသေးတယ်လား။"
ရှန်ယွိက ခေါင်းကိုမော့ကာ အံ့သြသွားသော်လည်း ကြောက်ရွံ့နေသည့် မျက်နှာကို ထုတ်ဖော်ပြလာသည်။ "ရွေ့ကော ကျွန်တော် တကယ် မရည်ရွယ်ခဲ့ပါဘူး။"
"ကျွန်တော် အဲဒီကားထဲက လူကို ယန်ရွေ့ချင်း လို့ ထင်ခဲ့...."
"အဲဒါကြောင့် မင်းက ဘရိတ်ကို ဖျက်ဆီးပစ်ခဲ့တာလား။" ဖုန်းစစ်ရွေ့၏ နှုတ်ခမ်းများက တင်းတင်းစေ့ထားကာ သူ့မျက်နှာထက်တွင် အေးစက်မှုတို့ စွန်းထင်းနေသည်။
ВЫ ЧИТАЕТЕ
ပင့်ကျောင်းစီအီးအိုက စိတ်ဖတ်စွမ်းရည်ရပြီးနောက် ငါလေးကို နေ့တိုင်း ဖက်ချင်နေတယ်
Любовные романыNote: ပင့်ကျောင်းစီအီးအို = Yandere CEO
