سلمى بابتسامة :سارة وحشتينى اوى
سارة :مين حضرتك
سلمى :انا سلمى حسين صاحبتك...هو انا شكلى اتغير اوى كده...انتى نستينى ولا ايه مش عارفانى بجد
سارة :انا معرفكيش ولا عايزة اعرفك
هناء :مين اللى على الباب يا سارة...ايه ده سلمى كل دى غيبة بقالنا سنين مشوفناكيش
سلمى وهى بتحضنها :وادينى جيت اهو يا طنط وهتشوفينى كتير
هناء :انتى واقفة على الباب ليه ادخلى تشربى ايه
سلمى :مش عايزة اتعب حضرتك
هناء :تعب ايه بس لا لازم تشربى حاجة ليكى سنين مدخلتيش بيتنا
سلمى :خلاص اى حاجة من ايد حضرتك هتبقى حلوة زيك
هناء :لسه لسانك حلو زى ما هو هعملك عصير
سلمى :ماشى يا طنط...سارة انتى رايحة فين
سارة :داخلة اوضتى
سلمى :وانا
سارة :اقعدى مع ماما اهى عرفاكى انما انا مش عايزة اعرفك
سلمى :انا جاية علشانك
سارة :ايه ده بجد جاية علشانى ويا ترى جاية علشانى ليه بقى
سلمى :علشان اعتذرلك وعلشان وحشتينى وعلشان نرجع صحاب تانى
سارة :وانا بقولك ان اسفك مش مقبول ولا يلزمنى اصلا زى ما انتى نفسك مبقتيش تلزمينى
وانتى موحشتنيش بالعكس انا حقيقى مش عايزة اشوفك ولا عايزة نرجع صحاب تانى
هناء وهى داخلة بالعصير :ايه ده رايحة فين يا سارة
سارة :داخلة انام يا ماما دماغى مصدعة اوى
هناء :هتنامى وتسيبى صاحبتك
سلمى :انا لازم امشى يا طنط
هناء :والعصير
سلمى :هشربه المرة الجاية
هناء :نورتينا يا سلمى متطوليش فى الغيبة علينا
سلمى :لا خلاص مفيش غيبة تانى يا طنط
شيماء بصدمة :مش ممكن سلمى
سلمى :وحشتينى يا شيماء
شيماء وهى بتحضنها :وانتى كمان ادخلى ادخلى انتى واقفة على الباب ليه
سلمى :شقتك حلوة
شيماء :اتفرجى عليها على ما ادخل المطبخ اعمل حاجة نشربها
سلمى :ماشى
بعد عشر دقايق
شيماء :انتى عرفتى مكان شقتى منين
سلمى :روحتلك بيت اهلك وسألتهم عنك قالولى انك اتجوزتى فطلبت منهم عنوانك
شيماء :ومكلمتنيش ليه فى الموبايل انا رقمى لسه زى ما هو
سلمى :رقمك مبقاش معايا
شيماء :مسحتيه صح
سلمى بحرج :اه
شيماء :يا بنت الايه يا سارة طلع معاها حق
سلمى :معاها حق فى ايه
شيماء :اصلها قالت انك عملتى كده مسحتى ارقامنا وقفلتى اكونت الفيس وغيرتى رقمك ونقلتى جامعة تانية
بعدتى عن رامى وعننا احنا كمان طلعتيه برا حياتك وطلعتينا معاه كالعادة سارة اكتر حد عارفك
سلمى :مكنتش هقدر افضل هنا كنت محتاجة بداية جديدة فى حياة جديدة اداوى فيها جرح قلبى
شيماء :ودويتى جرح قلبك
سلمى :اه وجالى اللى دواه كمان
شيماء :حبيتى تانى
سلمى :عشقت مش بس حبيت
شيماء :لسه رومانسية زى ما انتى بس انا فرحت علشانك
سلمى :انا كمان فرحانة علشانى
احنا هنتخطب قريب لو عزمتك هتيجى
شيماء :لو عرفت اجى هاجى
سلمى :انتى اتجوزتى امتى
شيماء :اتخطبت بعد ما خلصنا جامعة على طول وبعد سنة خطوبة اتجوزت بقالى سنتين متجوزة وخلفت مروان عنده سنة
سلمى :القمر اللى نايم جوه ده اسمه مروان ربنا يحميه
مبسوطة فى حياتك مع جوزك
شيماء :اه هانى جوزى انسان طيب وبيحبنى بتحصل بنا مشاكل عادى زى اى اتنين متجوزين بس بنعديها الحمد لله
سلمى :ربنا يخليكم لبعض
هى سارة متجوزتش وليد لما روحت بيت اهلها لقيتها هناك
شيماء :اتجوزته واتطلقو
سلمى بصدمة :ايه اتطلقو
شيماء :اه اتجوزو بعد ما اتخرجنا على طول وبعد سنتين ونص اتطلقو
سلمى :طلقها ليه
شيماء :هى اللى طلبت الطلاق
سلمى :ازاى دى كانت بتحبه اوى
شيماء :هى محكتلكيش
سلمى :دى مسلمتش عليا حتى وقالتلى انها مش عايزة تشوفنى تانى
شيماء :هو انتى ايه اللى خلاكى تروحيلها وتجيلى اصلا
سلمى :علشان وحشتونى اوى
انا بقالى اربع سنين هربانة من حياتى هنا بس خلاص رجعتلها ورجعتلكم
هتأسف على اللى عملته لحد ما تسامحونى
شيماء :انا مش محتاجة تتأسفيلى انا اخر واحدة انضميت لشلتكم فمكناش لحقنا انا وانتى نبقى صحاب لدرجة انك تحتاجى تطلبى منى السماح
ورحمة مش موجودة هنا علشان تطلبى منها تسامحك
سلمى بخضة :ليه هى ماتت ولا ايه
شيماء :بعد الشر عليها ماتت ايه بس لا اتجوزت وسافرت
سلمى :اتجوزت مين حد نعرفه
شيماء :تعرفيه عز المعرفة اتجوزت زياد
سلمى بصدمة :مين زياد دول مكنوش بيطيقو بعض مفيش مرة نتجمع فيها غير ويشدو سوا مفيش خروجة لينا من غير خناقة بينهم
هما حصلهم ايه بعد ما انا مشيت
شيماء :فضلو اخر سنة فى الجامعة زى ما هما بس يوم حفلة التخرج زياد قالها انه جايله فرصة شغل بره وهيسافر وعايزها معاه
سلمى :قالها كده بجد
شيماء :ده مسك الميكروفون وفضل يتكلم عن قد ايه هو بيحبها وحتى خناقهم بيحبه ومش هيقدر يستغنى عنها ولا عن خناقهم ومش هيسافر الا وهى معاه
سلمى :وهى وافقت
شيماء وهى بتضحك :الدفعة كلها وافقت وفضلو يصفرو ويسقفو
بعدها هو اتقدملها وهى وافقت وبعد خطوبة قصيرة اوى اتجوزو وسافرو
سلمى :ومبينزلوش مصر خالص
شيماء :لا نزلو مرة وهينزلو تانى خلال كام شهر
هديكى رقم الواتس بتاع رحمة ابعتيلها عليه
سلمى :تفتكرى هترضى تتكلم معايا ولا هتعمل زى سارة
شيماء :مش عارفة جربى وشوفى بنفسك
سلمى :انا عايزاكى تساعدينى اصالح سارة
شيماء :عايزانى اديكى رقمها
سلمى :لا لما تعرف انه انا اللى بتكلم هتقفل السكة وهتعمل لرقمى بلوك
وانا معرفتش اتكلم معاها فى بيت اهلها فعايزاكى تجيبيها عندك هنا وانا موجودة علشان اعرف اتكلم معاها
شيماء انتى هتساعدينى صح انا مليش غيرك يساعدنى
شيماء :هساعدك اه
