حبيب :انا نازل الشغل وانتى متتلكعيش انزلى لامى متسيبهاش قاعدة لوحدها
حبيبة:حاضر
كنت عايزة اقوله وانا من امتى كنت اتلكعت وسيبتها تقعد لوحدها بس مقولتش لانى مليش صوت مليش صوت ومليش حقوق فى البيت ده من يوم ما دخلته من وانا عندى اربع سنين وانا مليش حقوق
انا حبيبة وهو حبيب يبقالى ايه مش عارفة بجد مش عارفة هو ابن عمتى ولا اعز اصحابى ولا اخو جوزى ولا جوزى نفسه
هحكيلكم الحكاية من الاول وانتو قررو هو مين فيهم لانى مش عارفة
ابويا وامى اتجوزو متفقوش اتطلقو بعد خناقات كتير بينهم ذكرياتى عنهم وهما متجوزين مش كتير لانى كنت صغيرة بس فى كل ذكرياتى القليلة دى هما كانو بيتخانقو مستحملوش يعيشو مع بعض ولا حتى علشانى فاتطلقو
ماما اتجوزت فبابا خدنى منها بابا بعدها اتجوز ومراته مرضيتش اعيش معاهم هى كانت انسة مسبقلهاش الجواز ومكنتش عايزة تبدء حياتها معاه وانا فى حياتهم ده كان شرطها علشان تقبل تتجوزو وبابا قبل الشرط ده عمتى قالتله انها هتاخدنى اعيش معاها وهتربينى مع ولادها سليم وحبيب بابا طبعا وافق ومن يومها وانا جيت اعيش معاهم
لما كبرت شوية من وانا فى اولى ثانوى وعمتى حكمت حبيبة لسليم وسليم لحبيبة
كانت بتخليه يودينى ساعات الدروس ويجبنى منها علشان محدش فى ولاد دفعتى يفكر يقربلي كانو بيخافو من سليم لانه طول بعرض يتخاف منه لو ضرب واحد فيهم كف هيفقده الذاكرة
مفيش مناسبة نحضرها فرح او خطوبة غير وتقولى عقبالك انتى وسليم وكانت برضه بتقول لسليم كده عقبالك انت وحبيبة
اول ما خلصت الثانوى وقبل ما ادخل الجامعة عمتى قررت اننا هتتخطب وانى مش هخطى الجامعة اول يوم الا ودبلة سليم فى ايدى
واتخطبنا انا دخلت كلية صيدلة بس مشتغلتش لما خلصت جامعة عمتى مرضيتش وسليم كان رايه من راى عمتى بعد ما خلصت جامعة اتجوزنا انا وسليم مع عمتى فى نفس البيت هو بيت بجنينة تلت ادوار اول دور فيه عمتى وتانى دور كنت عايشة فيه انا وسليم وتالت دور لحبيب
بعد جوازى بشهرين بقيت حامل وخلفت قاسم على اسم جوز عمتى انا اللى اخترت الاسم او بمعنى اوضح انا قولت الاول لان عمتى وسليم اكيد كانو هيسموه قاسم على اسم جوز عمتى الله يرحمه مات قبل جوازى من سليم بسنتين
انا بحبه اوى هو احن واحد عليا فى الدنيا احن عليا من عمتى نفسها
عمتى مش حنينة لا عليا ولا على حد طبعها قاسي وقلبها جامد بس عمى قاسم مكنش فيه اطيب من قلبه
فاكرة فى مرة عمتى كانت رفضت اطلع رحلة فى المدرسة هى كانت دايما بترفض فى المدرسة والجامعة وتقولى لما تتجوزى انتى وسليم يبقي هو ياخدك ويخرجك وتسافرو كمان
المهم كنت بعيط وقتها كنت فى تانية ثانوى
كنت بعيط وعمى قاسم كالعادة جه يطيب خاطرى
قاسم :ما هو مش علشان شكلك بيبقي حلو وزى القمر وانتى بتعيطى تقومى تعيطى وتنفطرى عياط كده خلاص بقي يا حبيبة هى اول مرة ما انتى عارفة انها مش هتوافق علشان بتخاف عليكى
حبيبة وهى بتعيط :بتخاف عليا ولا مبتحبنيش
قاسم :بتحبك يا حبيبة صدقينى عمتك بتحبك بس بطرقيتها هيا
عمتك طيبة وبنت اصول ميغركيش قسوتها دى قلبها مفيش اطيب منه صدقينى امال انا بحبها ليه
حبيبة بتفاجئ وهى بتمسح دموعها :ايه ده انت بتحب عمتو
قاسم وهو بيضحك :امال يعنى متجوزها تخليص حق عمتك بنت اصول عمرها ما بصت على حاجة فى ايد غيرها عمرها مقالتلى ما تجبلي زى ما مش عارف مين جاب لمراته عارفة فى مرة اتزنقت فى فلوس وكنت هستلف ولما هى عرفت حلفت عليا مستلفش من حد وادتنى دهبها ابيعه ومسالتنيش حتى انا هعمل ايه بالفلوس دى ولحد ما ربنا فتحها عليا بعدها ورجعتلها قد دهبها واكتر كمان هى مطالبتنيش بيه ولا عايرتنى انها فكت زنقتى
حبيبة :يبقي هى كده بتحبك انت مش بتحبنى انا
قاسم :بتحبك وبتحبنى بطريقتها زى ما اتتى بتحبينى بطريقتك وزى ما انا بحبك بطريقتى
حبيبة :بس انت طريقتك حنينة انما عمتى لا
قاسم :محدش فينا طريقته زى التانى يا حبيبة كل واحد ليه طريقته فى الحب المهم انها بتحبك
حبيبة :يمكن
المهم انك بتحبنى وان انا كمان بحبك ربنا يخليك ليا يا عمى
قاسم :ويخليكى لينا يا حبيبة عمك
قومى غيرى هدومك هاخدك وننزل نتمشى شوية واجبلك ايس كريم
حبيية وهى بتحضنه :فوريرة انا بحبك اوى يا عمى
قاسم :وانا كمان يا قلب عمك
روحية :حبيبة مينفعش كده
حبيبة بخوف :انا..انا عملت ايه
روحية :مينفعش تحضنى عمك قاسم كده ده حرام بس لما تتجوزى سليم هيبقى حلال ولحد ما ده يحصل متعمليش كده تانى فاهمة
حبيبة :فاهمة فاهمة
قاسم :روحى غيرى علشان نخرج
حبيبة :حاضر
قاسم :براحة عليها شوية يا روحية انا كنت هنبها بس بالهداوة
روحية :حلال ربنا وحرامه مفيهوش هداوة يا قاسم
قاسم :مش هتفهمينى انا هروح اغير علشان اخدها اخرجها بعد ما كالعادة رفضتى تروح الرحلة مع اصحابها ونكدتى عليها
