سعد:البقاء لله يا نورا
نورا :حياتك الباقية
سعد :انا عايزة اشوفك من يوم وفاتها بس منفعش طبعا
وكمان كلمتك كتير بس مكنتيش بتردى فانا قلت اسيبك يومين تهدى وترتاحى وبعدين اجى اعزيكى واطمن عليكى
نورا قلعت دبلتها :اتفضل
سعد :ايه دى
نورا :دبلتك سعد احنا مش هينفع نكمل مع بعض
سعد : انتى بتقولي ايه
نورا :بقولك اننا مش هينفع نكمل مع بعض
سعد :ليه يا نورا
نورا :علشان انا امى ماتت قدام عينيا عارف ماتت ليه يا سعد
سعد :ليه
نورا:علشان ابويا بعد عشرة تلاتين سنة
بتخدمه وقبلها كانت بتخدم اهله لحد ما ماتو وعايشة علي قد ظروفه وعمرها مشتكت واستحملت ضرب وذل واهانة
وتربيتنا الي مشاركش فيها انت عارف ابويا ميعرفش انا في سنة كام في الكلية السنة دى
شيلها مسئوليتنا ومسئولية نفسها لانه عمره معملها حاجة ومسئوليته هو كمان شيلها الهم كبرها قبل اوانها ساقاها المر كاسات واستحملت
وفى الاخر جاي يقولها انه هيتجوز واحدة اصغر منه بعشرين سنة مطلقة علشان مبتخلفش
ولما لقاها ساكتة مبتردش عليه
قالها انها تخليها عاقلة وتسكت لانه كده كده هيتجوزها
وهي معملتش حاجة ولا قالتله حاجة طبت ساكتة
ماتت قتلها خد منها كل حاجة صحتها شقاها ورثها من ابوها خده امى مشافتش من ورثها مليم
كرامتها وسنين عمرها وفي الاخر مكافاهوش فقهرها وموتها بقهرتها علي نفسها
وانت هتعمل زيه يا سعد لانك شبهه زيك زى ابويا
ارض بور مش ممكن تطرح خير مهما تعبنا وحاولنا نزرع فيها
امى فضلت تلاتين سنة بتحاول تزرع في ارض بور وتعبها راح عالفاضي مع راجل انانى مبيفكرش غير في نفسه
معندوش قلب
انت زيه بالظبط مش هو اللي جاييك ابن صاحبه ومجرد ما ابوك قاله وافق لأنك شبهه وهو بيحبك لانك شبهه
سعد:انا شبه ابوكى يا نورا
نورا :ايوه شبهه انا كام مرة اكلمك متردش عليا
كام مرة تعرف انى تعبانة ومتجيش تشوفنى حتى
كام مرة تكلمنى ولما اقولك انى لازم اقفل علشان عندى امتحانات في الكلية بزاكرلها تشتم فيا وفي كليتى
كام مرة تتخانق معايا وصوتك يعلي وتشتمنى
ايه اللي ناقص تمد ايدك هتعملها وانا في بيتك
مانت مينفعش تضربنى في التليفون ولا وانت في بيتنا
وانت عارف انى مش هعمل حاجة ولو اشتكيتك لابويا هيقول انى بدلع وهيقف في صفك
امى ميتة من اسبوع وجاى النهاردة تعزينى كنت سايينى اهدى صح
ابويا برضه كان بيسيب امى تهدى وقت موت ابوها وبعدها امها سابها تهدى لوحدها زيك بالظبط
عمره مقدر تعبها عارف امى كانت بتشتغل شغل البيت مهما كانت تعبانة
علشان نكمل تعليمنا انا وعبدالرحمن اخويا اشتغلت علي ماكينة خياطة وربت طيور وباعتها
لان ابويا المحترم مكنش فارق معاه تعليمنا
شايف ان عبدالرحمن يتعلم صنعة يكسب منها احسن
وانا اخرى اتجوز واقعد في البيت هيفدنى بايه العلام
اي حاجة كويسة حصلتلنا بسبب امى ابويا مكنش سبب لاى حاجة كويسة وفي الاخر حرمنا منها
انا مش هتجوزك يا سعد مش هزرع في ارض بور
مش هجيب عيال اربيهم لوحدى وابوهم عايش لنفسه ميعرفش عنهم حاجة
مش هعيش علشانك وفي الاخر موتى يبقي علي ايدك
اللي كانت مصبرانى عليك امى وامى ماتت بسبب ابويا اللي انت نسخة منه
عارف لو مطاوعتنيش وجبرتونى انت وابويا اتجوزك بالعافية هموت نفسي بايدى
الحياة مع اللي زيك انت وابويا اخرتها موت يا سعد
موت بموت بقي يبقي بايدى وبمزاجى مش بايدكم
سعد :يا نورا.
نورا :امشي يا سعد انا مش هسمعك مفيش حاجة تقولها هتفرق معايا امشي
ومشي سعد بعد موت امى بشهر ابويا اتجوز وقال انه هيجبها تخدمنا انا في الجامعة ومسيرى اتجوز مين هيشوف طلباته
وعبدالرحمن خلاص اتجوز
هيعيش لوحده طبعا مينفعش
بعد تلت ايام من جوازه هو والست عنايات
عنايات :انتى محضرتيش الغدا ليه
نورا :غدا لمين
عنايات :ليا انا وابوكى هو انتى صغيرة الي قدك فاتحين بيوت
نورا :لا انا ابويا ملزوم منك والبيت ده انتى اللي هتعملي شغله كله ولوحدك ملكيش دعوة بيا ولا باى حاجة تخصنى
ولا ايه يا بابا مش ده سبب جوازك منها بعد موت امى بشهر واحد معداش عليها اربعين يوم حتى
انها تخدمك وتخدمنى علشان انا في الكلية ومش هلاحق عليها وعلي شغل البيت
عرفه :اه ...ااا اه طبعا
نورا :سمعتى بودنك البيت ده ميخصكيش فيه وملكيش كلام مع حد غير ابويا انما انا لسانك ميخاطبش لسانى
عنايات :ليه ان شاء الله منشبهش ولا منشبهش
نورا :متشبهيش طبعا
انتى واحدة خطافة رجالة قبلتى تجوزى واحد متجوز ومخلف وحتي بعد ما مراته ماتت بقهرتها
اتجوزتيه برضه ودخلتي البيت اللي سته الي هى امى احسن وانضف منك ومن امثالك مليون مرة
بس نقول ايه ابويا بيرمرم وميعرفش الفرق بين الذهب الي زى امى الله يرحمها والنحاس المصدى اللي زيك
عرفه وهو بيرفع ايده :انا برمرم يا بنت ال...
نورا :ايوه هو ده لللي ناقص اضربنى الحاجة الوحيدة اللي معملتهاش فيا طول عمرك وانت كنت هتجيب طاقة منين
كت مضيع صحتك في ضرب امى
واديك خلاص قصفت عمرها وعبدالرحمن خرج من البيت وبعد موت امى مش هيعتبه تانى
يعنى مفضلش غيرى اضرب يا بابا اضرب والله مهحس بضربك ولا هيفرق معايا ولا هياثر انت موت احساسي مات مع امى اللي موتها
عرفه :انا مموتش امك
نورا :والله مموتهاش بجد
شكلك ناسي انا كنت معاكم في البيت يومها وشفتك وانت بتقولها انك هتجوز عليها بعد مضيعت عمرها معاك وشفتها وهي بطب ساكتة من قهرتها
يتمتنى بقيت يتيمة اب وام بسببك
ماهي امى بالنسبالى كانت امى وابويا وانت لما موتها يتمتنى ومبقاليش حد غير عبدالرحمن
انا هروح اعيش معاه لان البيت ده مش بيت ده ترب
امى ميتة من قبل متطلع روحها للي خلقها
ضربك وشتميتك وانانيتك موتوها بالحيا
مكنش باقي منها غير جسم عايشة بيه علشانا اتطمنت علي عبدالرحمن وكان نفسها تطمن عليا
وحتى دى قسوتك حرمتها منها
عارفة يا عنايات انا مش هدعي عليكى
عيشتك معاه هتبقي اكبر انتقام ليا علي عملتيه في امى
وهو ينسي ان ليه بنت ولا ابن
عبدالرحمن اللي انت حرمته من امه وقبلها منك ومن حنانك حرمته يكونله اب
ومكفكش حرمته ان امه تفرح ببنته ولا ابنه اللي لسه هيجو
معتبر نفسه زيى يتيم اب وام راحو لما امى ماتت
قالى انه خلاص مفضلش ليه حاجة في البيت ده
قالى اروح اعيش معاه وانا هروح اعيش معاه لانى مليش غيره بعد موت امى
عيش من غيرنا بقي شوف هتطلع قسوة قلبك دى علي مين
