الموبايل بيرن
اسراء بصوت نايم :ايوه يا لبنى عايزة ايه عالصبح
لبنى :انا اتخانقت مع احمد
اسراء :وايه الجديد ما انتى علي طول متخانقة مع احمد
بصى ادخلي في الموضوع من غير متسمعينى اسطوانة خليكى زى ما انتي متتخطبيش بلا وجع قلب اللي بتسمعيهالي كل يومين دى وتنسيها اول متتصالحو
لبنى :مش راضى يخلينى اشتغل
اسراء :وفين المشكلة ما انتو متفقين من الاول انك مش هتشتغلي وانتى وافقتى لانك اصلا مش عايزة تشتغلي
انتى مش كل محكيلك حاجة عن شغلي او الغي خروجة بينا علشان الشغل
تقوليلي مش عارفة انتى مستحملة القرف ده ليه
لبنى :اه بس هو احمد كده بيلغي شخصيتى ويتحكم فيا
اسراء :يلغى شخصيتك قلتيلي مين اللي قالك البق الحمضان ده
لبنى :محدش ده كلامى
اسراء :لبني هقفل ومش هكمل كلام معاكى مين اللي قالك الكلام ده
لبنى :شيماء جارتنا
اسراء :وانتى تسمعى لشيماء ليه
وشيماء مالها ومالك انتى وخطيبك
كلام شيماء هانم يكون صح لما يكون احمد جابرك علي عدم الشغل انما هو اصلا متقدملك وانتى مبتشتغليش
وكان واضح معاكى وقالك انه مش عايز مراته تشتغل
وانتى وافقتى وكنتى مبسوطة
ذنبه ايه هو تنكدي عليه علشان انتى ودنية وبتسمعى للكل وملكيش راى ثابت هاه انا لو منه كان زمانى متجوزك مخصوص علشان اطلقك
حرام عليكى يا لبنى انتى حرة افضلي اسمعي لشيماء وسارة واي حد معدى في الشارع لحد ما يسيبك ويريح دماغه
لبنى :لا احمد بيحبنى ومش ممكن يسبنى
اسراء :ولما انتى عارفة كده خنقاه ليه بعمايلك دى
نصيحة منى حتي لو بيحبك صبره عليكى اكيد ليه اخر متجبيش اخره بقى وترجعى تندمى
لبنى :خلاص انا هصالحه وهعتذر ووعد مش هعمل كده تانى مش هسمع كلام حد
اسراء :تمام ربنا يهديكى يا لبنى
لبنى :بس انتى ازاي لسه نايمة انا قلت زمانك في طريقك للشغل
اسراء :مانا خدت النهاردة اجازة اريح فيه وجنابك مهانش عليكى تسبينى انام وارتاح وصحتينى
لبنى :خلاص بقى متحسسنيش بالذنب
كملي نوم طيب
اسراء :لا خلاص مدام صحيت يبقي مش هعرف انام تانى
انا هقوم احضر فطار واصحي ماما نفطر اكيد بابا نزل الشغل من بدرى واهو افطر فطار ابن ناس في البيت بدل الفطار الأي كلام اللي بفطره بسرعة ده علشان الحق الشغل
لبنى :ماشي يا حبيبتى الف هنا علي قلبك
هبقي اكلمك اعرفك عملت ايه مع احمد
اسراء :تمام هستناكى تكلمينى
قمت حضرت فطار وصحيت ماما فطرنا وقلت هقعد بقي اقرء رواية بقالي كتير مقرتش ولسه ببدء في الرواية لقيت جرس الباب بيرن
سلمى :صباح الخير يا اسراء
اسراء :صباح الفل يا سلمى
تعالي ادخلي
سلمى :لا مش هينفع ماما قالتلي انك واخدة النهاردة اجازة قلت اجيب ماجد وجنى تخليهم معاكى لحد ما انزل ادفع فواتير مهمة واجيب شوية حاجات واجي
ادخلو يا حبايبي اقعدو مع خالتو اسراء وخليكم مؤدبين متتعبوهاش
وقبل ما الحق ارد عليها كانت جريت من قدامى وسابتلي الكوارث البشرية اللي هي مخلفاها
سلمى اختى اتجوزت جارنا عينيه عليها من زمان واتقدم ليها وهي وافقت واتجوزو هو اهله ساكنين معانا في العمارة
وهو واخد شقة برضه في العمارة ومتجوز فيها هو وسلمى
وطبعا مينفعش تسيب ولادها مع حماها وحماتها الناس كبرت ومش حمل بهدلة عيالها
فبتاخدهم معاها لما بتنزل وبيطلعو عنيها لانهم اشقيا اوى
دخلت اشوفهم فين لقيت جنى جايبة قناة اطفال
وواقفة عالكنبة ومسكا الفازة وبتغنى انا البندورة الحمرا
وماجد ماسك المخدات بتاعت كنب الصالون ومصر يطلع القطن اللي جواها بره
الفازة اتكسرت وبالعافية اقنعت ماجد يسيب الكنب في حاله
وقعدت العب معاهم السلم والتعبان علي ما سلمى تيجى
ماجد وجنى عندهم خمس سنين هما توام
لعبنا وعملتلهم سندوتشات وعصير واتفرجنا علي كرتون
لحد ما سلمى بعد تلت ساعات جت
شكرتنى وخدتهم وطلعت شقتها
ماما قالتلي انها عزمت وائل اخويا هو وعروسته عالغدا هيجولنا المغرب علشان يكون بابا رجع من الشغل ونتغدا كلنا سوا
وائل اخويا عريس جديد اتجوز من شهرين
سلمى اكبر واحدة فى اخواتى وبعدها وائل وبعدين محمد
بس محمد شغال في شرم الشيخ وبيجي البيت كل اسبوعين تلاتة يقضي معانا يومين خاطب وهيتجوز كمان سنة خطب بعد فرح وائل لانه شاف خطيبته في الفرح تبقى بنت عم دينا مرات وائل وانا بقى اخر العنقود عندى تلاتة وعشرين سنة
اتخرجت من سنة من كلية حاسبات ومعلومات بشتغل في شركة كمبيوتر بقالي سنة اشتغلت فيها بعد ما اتخرجت علي طول
المهم انا وماما عملنا الغدا وبابا رجع من الشغل ووائل هو ومراته جم اتغدينا سوا وقعدو معانا شوية وبعدين مشيو
انا فتحت الفيسبوك قلبت فيه شوية ولبنى كلمتنى حكتلى انها اعتزرت لاحمد وسامحها وقلتلها تعقل بدل ما يجى عليه وقت ميقبلش اعتزارها
قالتلي خلاص والله حاضر ودعتلها ربنا يتتملهم على خير وقفلت معاها ونمت
تانى يوم رحت الشغل وانا نشيطة جدا انى اروح بعد كل اللي عملته امبارح في البيت
انا بعد كده مش هاخد اجازة من الشغل اقضيها في البيت لا انا هاخد اجازة من البيت اقضيها في الشغل
دخلت مكتبي انا بيشتغل معايا في المكتب تلاتة مهندسين كمبيوتر غيرى
امجد وده اكبر واحد فينا واقدم واحد فينا في الشغل بقاله اربع سنين
ميرنا ودي شغالة قبلي بست شهور
مالك وده شغال قبلي بسنتين
دخلت وقلت صباح الخير ردو عليا كلهم
مالك :صباح النور انتى مجتيش امبارح ليه
اسراء :عادى قلت اريح يوم من الشغل
مالك باندفاع :متعمليهاش تانى
اسراء :نعم
مالك بحرج :اااااااه...قصدى حمدلله علي سلامتك نورتى المكتب
اسراء :شكرا
وفتحت الكمبيوتر وبدات اشتغل او بمعنى اوضح اعمل نفسي بشتغل
مالك متضايق انى مجتش امبارح مش مصدقة نفسي يا بشر
مالك هو اللي دربنى اول ما بدات شغل لان امجد معندوش بال طويل
يعلم حد ويصبر عليه
مالك شاطر في شغله انا استفدت منه كتير بعد ما اشتغلت بتلت شهور بدء شعور جوايا يتحرك ناحية مالك
هو اصله غير انه شاطر في شغله كمان طيب وبيساعد الكل
بيصلي كل الفروض في وقتها الاذان ياذن وهو بيسيب اللي في ايده ويصلي في جامع الشركة هو اللي بيصلي بالموظفين جماعة
محترم وعارف حدوده مبيقوليش انا وميرنا غير يا بشمهندسة
مبيحاولش يتخطى حدوده مع ميرنا بالرغم انها موزة تقفيل لبنانى ه
وبتحاول تقرب ليه بس هو مصدر خمس ست وشوش خشب ومبيعبرهاش لحد ما رمت طوبت
من ست شهور كان بيعزمنا علي فرح اخوه الصغير ولما امجد قاله ان ازاى وهو الكبير قاله يا عم ده نصيب وانا لسه نصيبي مجاش اقعده جنبي بقي
لحد ما يجى نصيبي هو اختار واحدة ومصر عليها اقف في طريقة انا ليه واعطله واضيعها منه بدل ما افرحله واساعده يوصلها وربنا يجمعهم بحلاله في اسرع وقت
وبعد ده كله عايزنى محبوش ده انا يبقي معنديش دم
دخلت علي صفحته صدفة بصراحة انا بكدب انا دورت عليها كتير لحد ما لقتها ودخلت اشوف بيكتب ايه لقيته كاتب
حاجات كتير اوى وكلها في اخرها هاشتاج مسميه هاشتاج اليها
