حياة :يعنى ايه معكش فلوس نروح نصيف فى الساحل
مالك :يعنى معييش فلوس نصيف يا حياة مش بس نصيف فى الساحل معييش فلوس نصيف فى بلطيم حتى
حياة :وانا اعملك ايه يعنى انا عايزة اصيف انا متعودة اصيف مع اهلى كل سنة
خلاص نطلع معاهم السنة دى
مالك :وشكلى يبقى ايه وانا طالع على حسابهم
حياة :هما السنة دى هيروحو مرسى مطروح يعنى مش غالية زى الساحل
مالك :بقولك معييش فلوس افهمى
حياة :خلاص هخليهم يعزمونا
مالك :وانا مش هطلع عالة على اهلك
خلاص روحى معاهم لوحدك وانا هتصرف فى فلوس تصرفى منها وانتى هناك
حياة :ما انت ممكن تتصرف فى فلوس اهوه
اتصرف فى فلوس تكفينا احنا الاتنين
مالك :مش هينفع
حياة :وهو اللى ينفع انى اطلع مع اهلى لوحدى
متجوزاك علشان اطلع لوحدى اصيف
اومال اتجوزتك ليه بقى دى عيشة تقرف
مالك :عيشتك معايا تقرف يا حياة
ماشى شكرا يا بنت الأصول
انا داخل انام بدل ما اسمع كلامك اللى يحرق الدم ده
حياة :انا زهقت وتعبت
خلود :زهق ايه وتعب ايه يا حياة ده انتى متجوزة بقالك سنة ونص بس
ومطلعة عين مالك وهو متحمل علشان بيحبك
وبعدين مش ده مالك حب عمرك اللى رفضتى علشانه كل اللى اتقدمولك
حياة :يا ريتنى ما رفضتهم
انا بندم انى اتجوزت مالك
كل ما ابقى نفسى فى حاجة ومقدرش اجيبها علشان مفيش فلوس
او اكون عايزة اروح معاه مكان ومينفعش علشان غالى وهو معهوش فلوس
بندم انى اتجوزته
خلود :مالك ضغط نفسه علشان يتجوزك فى الشقة اللى اهلك طلبوها ويفرشها بالعفش اللى انتم عايزينه
انتى قولتيلى انه بيدفع تقريبا نص مرتبه اقساط للشقة والعفش
ومع ان هو اللى مضغوط وشايل فوق طاقته عمره ما حسسك انه مضايق منك ولا انه تعب بسببك
بالعكس هو بيعمل كل اللى يقدر عليه علشان يخليكى مبسوطة علشان هو بيحبك
حياة :انا كمان بحبه يا خلود
بس الحب مش كفاية وبعد الجواز وبعد ما لهفة البدايات راحت اكتشفت ان الحب ملوش لازمة اصلا
الفقر بيموت الحب
المهم الفلوس
انا مش مبسوطة مع مالك بقول يا ريتنى اتجوزت واحد غنى من اللى اتقدمولى
ولا يا ريتنى طلعت البعثة اللى بابا رفض انى اطلعها
اهو كان زمان مستقبلى احسن وكان زمانى مشوفتش مالك ولا حبيته ولا اتجوزته
انا تعبانة فى حياتى معاه
انا عايزة اعيش حياة مفيهاش مشاكل
خلود :مفيش حياة مفيهاش مشاكل يا حياة
حياة :لو فى فلوس مش هيكون فى مشاكل
خلود :بيتهيألك
انتى بس بتفكرى فى اللى ناقصك ومش واخدة بالك من اللى عندك
حياة :وانا عندى ايه
انا معنديش حاجة اصلا
سيبك انا هقفل علشان انام
تصبحى على خير
خلود :وانتى من اهله
حياة وهى بتتاوب :مالك موبايلك بيرن...ماااالك
سليم :مالك مين يا هانم
حياة بخضة :انت مين
سليم :والله دى حاجة حلوة اوى مراتى صاحية من النوم تنده على واحد غيرى لا وكمان مش عارفة انا مين
ده مقلب من مقالبك السخيفة
انتى مش هتكبرى بقى
مية مرة قولتلك انتى مرات سليم العدوى لازم تتصرفى على الأساس ده
حياة :افتكرتك
انت اللى اتقدمتلى بعد ما شوفتنى فى فرح امجد ابن عمى
بس مش احنا رفضناك
سليم :بقى انتى واهلك ترفضونى انا
فوقى يا مدام مش سليم العدوى اللى يترفض
انتى واهلك ما صدقتو اصلا ده احنا اتجوزنا بعد خطوبة اربع شهور بس
حياة :وبقالنا قد ايه متجوزين
سليم :انتى مصرة تكملى فى المقلب السخيف ده
حياة :معلش علشان خاطرى قولى متجوزين بقالنا قد ايه
سليم :سبع سنين
حياة :بقالنا كتير وعندنا ولاد قد ايه انا مش سامعة صوت لحد غيرنا ليه فى البيت هما نايمين لدلوقتى
سليم :لا ده انتى شكلك اتجننتى بجد
احنا مخلفناش اصلا
حياة :ليه مخلفناش
سليم :علشان انا مش عايز اطفال وزن العيال وقرفهم دلوقتى
حياة :وانا وافقت على الهبل ده
سليم :ما تتظبطى وتاخدى بالك من كلامك متخلينيش اضربك على الصبح
حياة بصدمة :انت بتضربنى
وانا عايشة معاك وانت بتضربنى
سليم :اه عادى وبعدها بصالحك بفلوس او بهدية غالية وانتى بتعديها
لأنك عارفة انك مينفعش تعصيلى امر
براحتى اضربك اصالحك مخلفش منك اخلف منك وقت ما يجيلى مزاجى انا حر
حياة :ليه هو انت اتجوزتنى ولا اشترتنى
سليم :الاتنين
حياة :ده ايه العيشة اللى تقرف دى
سليم :لولا انى متأخر على شغلى كنت ربيتك وضربتك علقة تعرفك ازاى تقولى على عيشتك معايا تقرف بس احنا فيها لما ارجع هربيكى
حياة :وانت مفكر انك هترجع تلاقينى اصلا
انا رايحة لاهلى وانت هتطلقنى بمزاجك او غصب عنك
سليم وهو بيشد حزامه من هدومه :تصدقى علشان قلة أدبك دى انا هتأخر على شغلى علشان اربيكى من اول وجديد على قلة ادبك دى
حياة وهى بتصرخ :ابعد عنى الحقووووونى
