شاهين :واهى دكتورة الحمير بتاعتنا جت اهيه
عشق :ان شاء الله هتكون انت اول حالة اعالجها لما اتخرج
مراد :هو انتو مينفعش تتكلمو غير لما ترخمو على بعض كده ايه مولودين فوق روس بعض عاملة ايه فى كليتك يا عشق
عشق :تمام الحمد لله صعبة شويتين الصراحة بس ادينى بحاول
مراد :ربنا يقويكى
شاهين :يقويها على ايه انت بتصدق اللى هى بتقوله دى بتبالغ
عشق :وانت كنت دخلت كليتى علشان تعرف اذا كنت ببالغ ولا لا كمان انا بجيب تقديرات فى كليتى مش زى سعادتك كل سنة بمقبول وخلصتها فى ست سنين مش خمسة كمان
مراد :ايه ده يا شاهين انت عدت سنة فى الكلية
شاهين :اه يا مراد فى التأنى السلامة انت عارف انا لازم امشى مواعد صحابى نخرج النهاردة
هو مشى وانا مكتشفتش اللى هببته بكلامى غير بعد ما قولته شاهين عاد السنة اللي عادها دى لان مامته ماتت قبل امتحاناته باسبوعين عاد اول سنة في الكلية ومن بعدها تقديراته مكنتش بتكون عالية
انا هببت الدنيا بجد
مش بس عايرته بتقديراته والسنة اللى عادها من حزنه علي مامته لا كمان عرفت مراد حاجة مكنش يعرفها عن شاهين
وده مش من حقى لا حقى اقول عنه حاجة هو مش حابب حد يعرفها ولا حقى اتكلم عن اللى حصله بسبب موت مامته بالشكل البشع ده
انا مكنش قصدى والله بس هو اللى استفزنى هو دايما بيستفزنى بس انا تقلت العيار جامد
شاهين يبقي ابن عمى عايشين فى بيت واحد لان بابا وعمى بيحبو بعض اوى وعلاقتهم ببعض قوية جدا
هو عنده اخ اكبر منه متجوز ومخلف واخت اصغر منه ودى خطيبة مراد
مراد يبقى خطيب اخته
وانا عندى اختين اكبر منى متجوزين ومخلفين
فضلت طول الليل مش عارفة انام بسبب اللى قولته حاسة بالذنب جدا انا غلطت مكنش المفروض اقول اللى قولته
قررت انى هعتذرله
تانى يوم شوفته وهو خارج رايح شغله وانا كنت رايحة الكلية قولت هوقفه اعتذرله
عشق :شاهين استنى
شاهين :يا نعم عايزة ايه على الصبح
عشق :ااا..بخصوص امبارح..انا اسفة
شاهين :ايه
عشق :انا اسفة يا شاهين على اللى قولته مكنش المفروض اقوله لو سمحت سامحنى
شاهين :والمفروض اقبل اعتذارك واسامحك صح
عشق :اعمل ايه طيب وتسامحنى وتقبل اسفى انا بجد اسفة اللى انت عايزه انا هعمله بس تقبل اسفى
شاهين :اللى انا عايزه هتعمليه
عشق :اللى انت عايزه هعمله مهما كان
شاهين :مهما كان
عشق :مهما كان يا شاهين
شاهين :ومش هتقوليلي لا مش موافقة وعنك ما سامحتنى
عشق :لا انا معرفتش انام من كتر ضيقى من نفسي انا غلطت وعايزة اصلح غلطى ها عايز ايه
شاهين :هفكر وابقى اقولك ودلوقتى انا هروح شغلى سلام
عشق :سلام
بعد يومين
شاهين :الو يا عشق
عشق :الو يا شاهين
شاهين :انزلى الجنينة عايز اتكلم معاكى
عشق :حاضر دقيقتين واكون قدامك
عشق :ها بقى اعمل ايه علشان تقبل اسفى
شاهين :هتخرجى معايا
عشق باستغراب :ايه
شاهين :هنخرج سوا ونتصور وهنزل الصور دى استوريهات على الفيس
عشق :وده ليه ان شاء الله
شاهين :انا مرتبط والبنت اللى انا مرتبط بيها اتخانقنا انا وهيا لما تشوف ان فى بنت تانية قريبة منى هتجيلي هيا لحد عندى
عشق :يا سلام وانا شكلى هيبقي ايه لما اخواتك واخواتى يشوفو الصور دى
شاهين :محدش هيشوفها انا عندى اكونت تانى معليهوش حد من العيلة هضيفك عليه
عشق :بس انت كده بتستغلنى
شاهين :مش قولتى هتعملى اى حاجة علشان اقبل اسفك ادينى قولتلك اللى عندى وانتى حرة بقي
عشق :وانا امثل انى بحبك ليه وليه تكسر قلبها
شاهين :انا مش هكسر قلبها احنا بقالنا شهرين متخانقين وانا عايز نتصالح كمان انتى مش هتمثلى انك بتحبينى كل الحكاية اننا هنخرج سوا كاصحاب عادى بس كلامى عن خروجاتنا مش هيكون برئ يعنى هخليها تحس انى شايفك اكتر من مجرد صديقة تحس بالخطر وانها ممكن تخسرنى فتجيلى لحد عندى
عشق :بقالكم شهرين متخانقين ودى الطريقة اللى هترجعو بيها انت متأكد انكم بتحبو بعض وانتو قادرين تفضلو كل المدة دى بعاد عن بعض
شاهين :دى حاجة متخصكيش المهم موافقة ولا لأ
عشق :طيب هنخرج سوا قد ايه
شاهين :لحد ما هى ترجعلى
عشق :نعم يا اخويا وافرضت مرجعتش هفضل انا اخرج معاك بقية حياتى لا انا مينفعنيش الكلام ده حدد مدة
شاهين :ليه خايفة تحبينى
عشق :بص يا شاهين انت اخر واحد فى الدنيا انا ممكن احبه
شاهين :اخر واحد
عشق :او اللى بعد الاخير على طول
انا عايزاك تحدد مدة علشان مش هفضل انا تحت رحمتك كتير واخرج معاك واتحملك فحدد مدة وخلصنى
شاهين :شهرين
عشق وهى بتضحك :كتير شهرين كمان شهرين علشان تخاف تخسرك شكلك مش مسيطر يا اسماعيل
شاهين :شهر وقبل ما يخلص كمان هيا هترجعلى وتترجانى ارجعلها
عشق :تمام شهر بعد ما يخلص انا هتبقي مهمتى خلصت سواء رجعتلك او لأ انت بعد شهر هتتقبل اسفى وتسامحنى واتفاقنا هيكون خلص تمام
شاهين :تمام اتفقنا
عشق :هنبدء من امتى
شاهين :وقت ما تحبى
عشق :يبقي من بكرة خلينا نخلص
