ماجدة :ميسون ...ميسوووووون..انتى يا زفتة اصحى بقى
ميسون :صحيت يا ماما صحيت..العمارة كلها صحيت كده
بعد ربع ساعة
ميسون :ماما انا هنزل اروح الكلية بقى اشوفك لما ارجع يا ميجو
ماجدة :ميجو يا قليلة الادب
ميسون :تصدقى بالله انتى ست كئيبة اه والله كمان يا ماما صوتك عالى ليه وبتصحينى من المطبخ ما تيجى الاوضة تصحينى ليه الجيران كلهم يعرفو انك بتصحينى لييييه
ماجدة :مش كفاية انى بصحيكى هتتشرطى كمان
ميسون :لا طبعا متشرطش فين المشكلة ان صوتك عالى والجيران تقريبا عايشين معانا انا همشى علشان الحق محاضراتى
ماجدة :مش هتفطرى الاول
ميسون :لا
ماجدة :براحتك
ميسون وهى بتفتح الباب وبعدين بتقفله :ايه يا ميجو ده مش تمسكى فيا شوية يلا هفطر وبعدين انزل
فى شقة سحر
سحر :اميرة رنى على ميسون قوليلها تطلع
اميرة :رنيت قالتلى خمس دقايق وابقى عندكم..اهى جات اهيه روحى افتحلها
ميسون :سحور عاملة ايه..ميرو اخبارك يا بنتى
اميرة :كويسة يا اختى انتى عاملة ايه
ميسون :تمام الحمد لله اومال فين هبة
سحر :قالت مش هتنزلنا النهاردة علشان رايحة لحماتها هى وجوزها
ميسون :طيب ضمنا وصلة نكد بعد ما ترجع من عندها
اميرة :ام قويق حماتها دى بتفكرنى بمرات ابويا
ميسون :يا ربى هى اتخانقت معاكى تانى
اميرة :سخنت بابا عليا كالعادة يعنى مش كفاية انى بساعدها فى شغل البيت وباخد بالى من اخواتى اللى هما ولادها يمكن اكتر منها هى نغسها ومش بحاول اضايقها خالص
لا هى لازم تبخ سمها فى ودن بابا وهو بيصدقها او عايز يريح نفسه من زنها فبيزعقلى علشانه وخلاص اهى تتهد وترتاح
حاجة بقت اخر قرف
سحر :مفكرتيش تروحى تعيشى مع والدتك طيب
اميرة :جوزها مش هيرضى وانا نفسى مش هكون مرتاحة كمان وجدتى مين يخدمها ويخلى باله منها مرات ابويا مش هتناولها كوباية مية تاخد الدوا حتى ده انا سيبت شغلى علشانها
ميسون :عارفة يا بت يا اميرة انتى اطيب واحلى بنت فى الدنيا كلها وربنا هيجازيكى خير عن كل اللى اتحملتيه فى حياتك طلاق باباكى ومامتك وانتى صغيرة مرات ابوكى وعمايلها اخواتك ومعاملتك ليهم جدتك اللى واخدة بالك منها وسيبتى شغلك علشانها كل ده ربنا هيعوضك عنه طاقة قدر كده هتتفتحلك ومش هتبقى ملاحقة على الخير والسعادة اللى هيملو حياتك
سحر :اه والله يا اميرة ده كفاية طيبة قلبك وصبرك ده انتى شايلة حمل جبال يا بنتى كفاية ام قويق مرات ابوكى دى انا لو مكانك كان زمانى مسيحة دمها من زمان وواخدة فيها مؤبد
ميسون وهى بتضحك :عنيفة انتى اوى يا سحور..ومؤبد ليه واستاذ سفيان موجود اهو محامى وهيطلعك منها شوفته النهاردة بفتح باب الشقة لقيته فى وشى خارج من شقته قومت قافلة باب الشقة وداخلة تانى
اميرة وهى بتضحك :قفلتى الباب فى وشه يا نعمات
ميسون :اعمل ايه بتحرج منه والله بحسه عايش معانا الباب فى الباب وانتو عارفين ماما وصوتها انا حسا انه يعرف عنى حاجات انتو نفسكم متعرفوهاش بسبب امى
سحر :يا بنتى هو فى اطيب من مامتك
اميرة :ولا احن منها احمدى ربنا عليها غيرك يتمنى ضفرها
ميسون :ربنا يباركلى فى عمرها المشكلة انها من بعد ما احمد ومى اخواتى اتجوزو وهى موراهاش غيرى نقرها من نقرى طول اليوم ولازم تكلمنى من المطبخ والمطبخ جمب باب الشقة واوض النوم جوا زى ما انتو عارفين وهى صوتها عالى واى حد طالع ولا نازل بيبقى سامعها بوضوح بقولك حسا استاذ سفيان عايش معانا والله بسبب صوت ماما انا خايفة يقدم فينا شكوى ازعاج ولا حاجة
اميرة :ازعاج ايه ده تلاقيكم مسليينه وواخدين بحسه بدل ما هو عايش لوحده كده من بعد موت والده ووالدته الله يرحمهم
سحر :الله يكون فى عونه انا جربت مرة ابات فى البيت لوحدى لان مصطفى كان فى سفرية شغل فضلت طول الليل صاحية وتانى يوم روحت لاهلى كل ما مصطفى يسافر اروحلهم اقعد معاهم
ميسون :ده علشان انتى جبانة وبتخافى من خيالك يا سحور
سحر :ما بلاش انتى ده انتى بتخافى من كل الحيوانات اللى فى الدنيا حتى الكتاكيت
ميسون وهى بتضحك :شكلى بقا وحش..بس على فكرة انا ممكن ابات فى البيت لوحدى ومبخفش من الضلمة انا مبخفش من حاجات كتير بس بخاف من اى حاجة فيها روح
اميرة وهى بتضحك :لا بسيطة
سحر :بت يا اميرة مش عايزاكى تزعلى بكرة يجيلك اللى ياخدك من هنا ويخلصك من مرات ابوكى ادعى ربنا يرزقك بالزوج الصالح اللى يعوضك عن كل اللى شوفتيه فى حياتك خلى املك بربنا كبير
ميسون :الله عليكى يا سحور وانتى عاقلة كده على غير العادة
سحر :غير العادة يا جذمة هو انا فيه فى عقلى اصلا
ميسون :على يدى وخناقاتك مع مصطفى جوزك كل يوم اكبر دليل
سحر :انتى مفكرة خناقاتنا دى بجد لا ده انا بسلى نفسى بس علشان زهقت من قعدة البيت لما بيرجع هو تعبان من شغله وعايز ينام ولا حتى يقعد فى هدوء وصمت بلاقى روحى بتخانق معاه يعنى هو انا ملطوعة طول اليوم فى البيت مستنياه علشان يجى ينام او يقعد ساكت ويسبنى اكلم حيطان الشقة
اميرة :طيب ما تشتغلى يا سحر الفراغ وحش اشتغلى واشغلى وقتك على الاقل لحد ما تخلفى والولاد يملو يومك ويشغلوكى
هو حد يبقى ينفع يشتغل ويقعد فى البيت يا بنتى طيب يا ريت كان ينفع انا اشتغل بدل ما انا حسا انى خللت فى البيت كده
