غير شفتو تقعدت قتلو اصيل ، قالي اصيل لي تمسخرتي بيه كيما حبيتي . اصيل لي خليتي لي يسوا ولي ميسوا يضحك عليه ، علابالك راني من قبيل وانا نتفرج عليك وأنتي راقدة كيما لملائكة ونقول كيفاش وحدة كيما هادي تقدر تولي شيطان كيفاش وحدة قريب قد بنتي لعبت بيا كيما حبت ورماتلي الما وحدة كيما هاذي دير وش درتي انتي تحبيه من لي كنتي صغيرة بغيتبه هو وعشقتيه هو وانا ؟ كنتي تتمسخري كي قولتيلي نحبك ؟ كنتي تحوسي شكون لي يفورني عليك ولقيتيني أنا ؟ ضحك قالي تفكرت مش قولتيلي نجيبك تحت رجلي راكع كنتي طبقي فيها وراكي جبتيني راكع ياك ؟ فرحانة درك. وصلتي وش كنتي حابة ؟ . قتلوا اصيل خليني نفهمك . ماجيت نكمل الكلمة هز الكورسي تاع الكوافاز ورماه عليا لمزية هربت راسي في آخر لحظة سينو يجي في وجهي ديراكت وقفت نجري من الخوف علابالي مهوش في وعبو باين من عينيه مهوش صاحي . أنا وصلت للدوش لحق عليا حكمني من شعر ويجبد وليت نعيط على طول صوتي ليوم يقتلني . وليت نحاول فيه اصيل اطلقني تعيش ونفهمك كلش اصيل تعيش اطلقني وهو يجر فيا من الشعر وصلني للسرير رماني وطلع فوقي وطاح فيا ديراكت بالكف نسمع في مسلم ورا الباب يعيط عليه اصيل آفتح وش راك دير هبلت أطلق الطفلة اصيل أنا خوك اطلقها راهي مريضة اطلقها . هو داخل عليا كف يدي كف يجيب ويقولي أنا وحدة كيفك انتي تخدعني اهدري كنت راح نديرك مرتي كون راح نديرلك الجنةً في الدنيا تخدعيني وحدة كيفك تخدعني تهستر نقتلك وواحد ما يديك نديرك في القبر وواحد ما يتزوج . بالاك كي راه شارب مش في وعيو بقا غير يعاود في نفس الهدرة وانا نفس مقدرتش نجبدو حتى باه نهدر مقدرتش كل ما نجي ننطق يهبط عليا كف دمومات عادت تجري من نيفي وفمي وكي نقولكم كف يعني يد تاع راجل اكبر من وجهي حتى الحيوانات ميضربوهمش كيما ضربني هو باللاك هادي هيا اول طريحة مسقمة ديتها في حياتي مسلم بقا يعيط من بعد كي عرفو مش راح يفتح الباب كسرو هو ووسيم ودخل عندي لقاه هكاك طايح فوقي بالكفوف وانا دخت صاي وليت نشوف غير في الخيالات جبدو من فوقي بسيف يقولو هبلت يا ربك هبلت انت صاي قتلت الطفلة قتلتها حكمو هو و وسيم بسيف ولبنات ومرت خالي جاو عندي يجرؤ يفطنو فيا وانا لا خبر غير نشوف في خيالات وجهي ثقيل ودمومات تسيح من وجهي كي مكسرليش كاش عظمة في وجهي راني مليحة بقاو يمسحولي في دم ويفطنو فيا بالريحة والماء بقيت وحد 10 دقايق باه فتحت عينيا لقيتهم كامل دايرين بيا مرت خالي والبنات الدموع في عينيهم حتى اسمهان معاهم بصح واقفة بعيد شوي هو قاعد فوق فوتاي حاط راسو بين يديه في هاد دقيقة ندمت على النهار لي عرفت فيه عليلو وعلى النهار لي بقيت فيه في هاد الدار أنا صح سباب كامل مشاكلهم وهمهم أنا هي لي نحس الإنسان لي ندور بيه نعديه بالنحس تاعي بقيت نشوف معاه والله غير ما غاضني ضربو ليا قد ما غاضتني قعدتو هادي أنا سبابو أنا حطمتلوا حياتو علابالي هو كان معايا راجل وقف معايا في الحلوة والمرة نواني لدارو للحلال بصح أنا نحس . طلع رأسوا شاف معايا عينيه جمر دمعة في عينو علابالي فوق جهدو ضربني علابالي كان جا صاحي ومش شارب مستحيل يضرني هكا وانا مستحيل نلومو أنا لي خدعتو أنا هيا سباب كلشي أنا صح منستاهلش انسان يحبني . بقا يشوف معايا شوي ووقف خرج لحقو مسلم ووسيم ولبنات بقاو معايا هما ومرت خالي وحدة. فيهم ما نطقت ولا هدرت علابالهم بلي أنا لي غالطة في حقو ونستاهل هاد الضرب قالتلهم مرت خالي صاي كل وحدة تروح لشمبرتها أنا راني مع جوليا يالله روحو هما خرجو وهيا قاتلي جوليا شفتي بلي كلامي كامل صواب تخيلي كان حكيتيلو كلشي مش يروحو يقتلو ويباصي شوفي غير انتي وش دار فيك كان ملحقناهش وحبسناه كان راه قتلك وكمل حياتو في الحبس ولدي ونعرفو علابالي راه يتعذب كي ضربك علابالي ندم وعلابالي بلي يحبك. بصح جوليا أنا ميمتك حق لي وقفنا معاك هو ماراه ليك وأنتي ما راكي ليه شوفي لوجهي ياك تحبيه تزوجي وبعديه مع الوقت ينسى ويلقى لي تنسيه فيك ادا تحبيه صح شهر ولا زوج ديري العرس وروحي هدا ما نطلب منكً كان تبقاي هنا مقابلاتو علابالي يا يقتلك يا يروح يقتلو صاي روحي بعديه تزوجي وأنسايه .
