Unicode
အပိုင်း ၃၈။ အရှုံးကိုလက်ခံခြင်း
အနက်ရောင်ကုတ်အင်္ကျီကို ဝတ်ဆင်ထားသည့် အမျိုးသားသည် သူ၏ဆွဲဆောင်မှုကို ပေါ်လွင်စေသည်။ သို့သော် သူ၏သဘာဝအတိုင်း အေးစက်သော သဘောထားနှင့် သူ၏အလှမ်းကွာသောအကြည့်များကြောင့် လူများက သူ့ထံ ချဉ်းကပ်ရန် မဖြစ်နိုင်တော့ပေ။
ဆိုနီယာ၏အကြည့်များက သူ့မျက်နှာပေါ်တွင် ကျရောက်သွားသောအခါ သူမ၏နှလုံးသားသည် ခုန်လှုပ်သွားပြီး သူမသည် သဘာဝအလျှာက် ခေါင်းငုံ့သွားခဲ့သည်။ အချိန်အတော်ကြာ ကွာရှင်းပြတ်စဲပြီးသည့်တိုင် သူသည်သူမအပေါ် သက်ရောက်မှုရှိနေဆဲဖြစ်မည်ဟု သူမ မမျှော်လင့်ခဲ့ပေ။
"ဥက္ကဋ္ဌဖူလာ၊ ရှင် ရောက်လာပြီ။" စင်သီယာသည် ရေဗက္ကာကြောင့် ဒေါသထွက်နေသော်လည်း သူမက တိုဘီကိုမြင်သောအခါ ချက်ချင်းပြုံးပြကာ နှုတ်ဆက်လိုက်သည်။ "ရှင် အလုပ်မပြီးသေးဘူးလို့ တီနာဆီက ကြားတယ်။ ရှင် သူ့ကိုခေါ်ဖို့ရောက်လာတာလား။"
သူက ယဉ်ယဉ်ကျေးကျေး ပြန်ဖြေ သည်။ သူ၏အကြည့်က ဆိုနီယာကိုဖြတ်သွားသောအခါတွင် သူက စိတ်မချမ်းသာစွာဖြင့် မျက်မှောင်ကြုတ်လိုက်သည်။ ဒီအမျိုးသမီးက ဆာကူရာဟိုက် မှာ ရခဲ့တဲ့သင်ခန်းစာကို မေ့များသွားပြီလား။
လွန်ခဲ့တဲ့ နာရီဝက်လောက်က ဇိန့်က သူ့ကို ဖုန်းခေါ်ပြီး ဆိုနီယာနဲ့ တီနာက
Luna ကလပ်ရှိ အခန်းတစ်ခုမှာ ဖဲအတူကစားနေတယ်ဆိုတာကို ပြောပြတဲ့အခါ တိုဘီက သူ့ကို မယုံခဲ့ပါဘူး။ ဆိုနီယာသည် ဖဲရိုက်ရာတွင် အလွန်ညံ့ဖျင်းကြောင်း သူသိပြီး သူမသည်
တီနာနှင့် ကစားရလောက်အောင် ဤမျှမိုက်မဲလိမ့်မည်မဟုတ်ဟု တွေးခဲ့သည်။
တိုဘီက သူ့ကို မယုံမှန်းသိတော့ ဇိန့် က ဓာတ်ပုံတစ်ပုံတောင် ပို့ပေးလိုက်သည်။ တိုဘီသည် ဓာတ်ပုံအထောက်အထားကို လက်ခံရရှိတဲ့အချိန်မှသာလျှင် သူကလပ်ကို ကားမောင်းသွားလာခဲ့သည်။ သူသည် တီနာထံသို့ ချက်ချင်း လျှောက်သွားပြီး ထိခိုက်လွယ်ပုံရသော သူမကို မြင်လိုက်ရသောအခါ သူ့လေသံက နူးညံ့သွားသည်။ "နေ့လည်က ချောင်းဆိုးနေတယ်လို့ မပြောခဲ့ဘူးလား၊ ဖဲကစားဖို့ ဘာလို့ ဒီမှာရောက်နေတာလဲ။"
YOU ARE READING
၁။ ဘော့စ်ရဲ့ဇနီးက ကွာရှင်းခွင့်ထပ်တောင်းပြန်ပြီ
Romanceဆိုနီယာသည် အထက်တန်းကတည်းက တိုဘီကို ချစ်မိခဲ့ပြီး အကြောင်းရင်းတစ်ခုကြောင့် တိုဘီနှင့်လက်ထပ်ခွင့်ရခဲ့သော်လည်း ခြောက်နှစ်အကြာတွင် အိမ်ပေါ်မှနှင်ထုတ်ခံလိုက်ရကာ ဘာတွေဆက်ဖြစ်သွားလည်းဆိုတာ ...........
