Unicode
အခန်း 85 တိုင်လာ၏မကျေနပ်ချက်များ
ဤအချိန်အတွင်း၌၊ ဖူလာနေအိမ်တွင် တိုင်လာသည်လည်း စာဖတ်နေလေသည်။ စာကိုအကြိမ်အနည်းငယ် ဖတ်ရှုပြီးသည့်တိုင် သူသည်အကြိမ်တိုင်းအသစ်အဆန်းတစ်ခုကိုရှာဖွေနိုင်သေးသည်။ အတိအကျအားဖြင့်၊ ဂျွန်ရေးသောစာတွင်ဖော်ပြထားသောနေ့စဉ်လုပ်ရိုးလုပ်စဉ်များနှင့်ဝါသနာအများစုသည် တိုဘီနှင့်ဆင်တူကြောင်း သူနားလည်သွားခဲ့သည်။ ၎င်းတို့ကြားတွင် အထင်ရှားဆုံးသောတူညီချက်မှာ ဂျွန်၏လက်ရေးဖြစ်သည်။ သို့သော်လည်း ဂျွန်၏လက်ရေးစာသည် တိုဘီ၏သပ်သပ်ရပ်ရပ်နှင့် လေးနက်သောစကားလုံးများထက် အနည်းငယ်ပိုဆိုးနေပုံရသည်။
တိုဘီရဲ့စာရေးဖော်က တီနာဆိုတာကို တိုင်လာကသာမသိထားခဲ့ဘူးဆိုရင် တိုဘီစာရေးပို့လေ့ရှိသူက တကယ်ကို ဆိုနီယာလို့သူထင်မည်ပင်ဖြစ်သည်။ သိပ်မကြာခင်မှာပဲ တိုင်လာကစာကိုခေါက်ပြီးသိမ်းထားဖို့ စာအိတ်ထဲကိုပြန်ထည့်လိုက်၏။ ဆိုနီယာက သူမခွင့်မပြုဘဲ သူကယူသွားတာကို စိတ်ဆိုးနေလို့သာလွှင့်ပစ်ဖို့ပြောခဲ့တာဖြစ်ရမယ်။ ငါကတော့လွှင့်ပစ်မှာမဟုတ်ဘူး။ နောင်ကျရင် သူမကိုငါပြန်ပေးမယ်။ တိုင်လာကစာကို သူ့အံဆွဲထဲထည့်ထားရင်း နှာမှုတ်လိုက်သည်။
အဲဒီနောက် တစ်စုံတစ်ယောက်က သူ့တံခါးကိုလာခေါက်သည်။ "စားဖို့အဆင်သင့်ဖြစ်ပါပြီ သခင်လေးတိုင်လာ။"
"လာပြီ!" တိုင်လာက သူ့ကုလားထိုင်ပေါ်ကနေ မတ်တပ်ထရပ်ပြီးပြန်ဖြေသည်။ သူအောက်ထပ်သို့ရောက်သည်နှင့် တီနာကနူးညံ့သောအပြုံးဖြင့် သူ့ကိုနှုတ်ဆက်သည်။ "တိုင်လာ:"
"ခင်ဗျားရောက်နေတာပဲ တီနာ။" တိုင်လာကပြုံးပြီးပြန်ပြောလိုက်၏။
တီနာက စကားပြောရင်းခေါင်းညိတ်သည်။ "မဒမ်ဝှိုက်က ငါ့ကိုထမင်းစားဖိတ်တယ်လေ!"
"သိပြီ" တိုင်လာက ဂျင်းန်ကိုအကြည့်တစ်ချက်ပေးလိုက်သည်။ သူက "အမေ" ဟုလေးတွဲ့စွာရေရွတ်သည်။ ဂျင်းန်သည် စိတ်မဝင်စားသည့် ညည်းတွားသံသာထွက်လာသည်။ သူမက သူနှုတ်ဆက်တာကိုလျစ်လျူရှုပြီး ထမင်းစားခန်းဆီသို့ထွက်လာခဲ့သည်။ တိုင်လာသည် တိုဘီအား အားကိုးရာမဲ့ အကြည့်တစ်ချက်ပေးခဲ့ပြီး တိုဘီက အနည်းငယ်ခေါင်းညိတ်ကာတုံ့ပြန်ခဲ့သည်။
YOU ARE READING
၁။ ဘော့စ်ရဲ့ဇနီးက ကွာရှင်းခွင့်ထပ်တောင်းပြန်ပြီ
Romanceဆိုနီယာသည် အထက်တန်းကတည်းက တိုဘီကို ချစ်မိခဲ့ပြီး အကြောင်းရင်းတစ်ခုကြောင့် တိုဘီနှင့်လက်ထပ်ခွင့်ရခဲ့သော်လည်း ခြောက်နှစ်အကြာတွင် အိမ်ပေါ်မှနှင်ထုတ်ခံလိုက်ရကာ ဘာတွေဆက်ဖြစ်သွားလည်းဆိုတာ ...........
