Unicode
အပိုင်း ၅၀။ သူမက ငါ ဘာလုပ်သင့်လဲဆိုတာကို သင်ပြနေတာလား
ထို့နောက် တိုဘီသည် ပထမဆုံး ဗီဒီယိုကို နှိပ်လိုက်သည်။ ဆိုနီယာက တခြားမိဘတွေကို အေးအေးဆေးဆေး ခေါ်နေတာကို သူမြင်ပြီး တိုင်လာရဲ့ ဘတ်စကတ်ဘောကစားနိုင်စွမ်းကို သူတို့က မွေးခွန်းထုတ်သည့်အခါ သူမက တခြားကောင်လေးတွေကို အကောင်းဆုံး 3 ပွဲကို ယှဉ်ပြိုင်ခိုင်းသည်။ တိုင်လာသည် အစမ်းလေ့ကျင့်မှုများတွင် ပါဝင်လိုသောကြောင့် ထိုနေ့တွင် သူမထံသို့ သွားခဲ့ပုံရသည်။ ဒီအကြောင်းကို သူ ငါ့ဆီ လာမပြောရဲတာကြောင့် သူမကို အကူအညီတောင်းဖို့ သွားရှာခဲ့တာပဲ။
တိုဘီသည် ကျောင်းတွင် သူမက တိုင်လာကို တိတ်တဆိတ် ကူညီပေးနေခြင်းကို မကျေနပ်သဖြင့် မျက်ခုံးအနည်း
ငယ်ကြုံ့လိုက်သော်လည်း ဗီဒီယိုကို
အဆုံးထိကြည့်ရန်တော့ လုံလောက်စွာ စိတ်ရှည်နေခဲ့သည်။
"ငါ မင်းကို ပြိုင်ပွဲကို အလေးအနက်ထားပြီး ကစားစေချင်တယ်။ မင်း ရှုံးသွားရင် မင်းအစ်ကိုကို စိတ်ပျက်စေတာပဲ။"
ဗီဒီယိုထဲမှာ ဆိုနီယာက လူငယ်လေးဆီကို မျက်နှာသုတ်ပုဝါတစ်ထည် ပေးကာ ခဏလောက် စကားပြောခဲ့သည်။ သူမက သူ့ကိုကြည့်ဖို့ ခေါင်းကိုမော့လိုက်တော့ သူမမျက်လုံးတွေက ကောင်လေးမျက်နှာပေါ်မှာ စက္ကန့်အနည်းငယ်ကြာ ရပ်တန့်သွားခဲ့၏။ သို့သော်လည်း ဇိန့်သည် ၎င်းတို့ကို ထောင့်တစ်နေရာမှ မှတ်တမ်းတင်ထားသောကြောင့် တိုဘီ သည် သူမ၏မျက်နှာအမူအရာကို မမြင်နိုင်ပေ။ ဗီဒီယိုကို ကြည့်ပြီးသောအခါ သူက ဒုတိယတစ်ခုကို နှိပ်လိုက်သည်။
ဤဒုတိယဗီဒီယိုတွင် သူမသည် အေးဆေးတည်ငြိမ်သောလေသံဖြင့် တိုင်လာကို ဆက်ကာထောက်ပံ့ပေးရင်း တည်ငြိမ်သောအသံဖြင့် စကားပြောနေခဲ့၏။ "သူ ကျမကိုအပြစ်တင်ချင်ရင်တင်ခွင့်ပေးလိုက်မယ်။ သူက သူ့ကိုယ်သူပြန်စဉ်းစားရမယ့်အချိန်ရောက်ပြီ။ သူက အစ်ကိုတစ်ယောက်ဘယ်လိုလုပ်ရမလဲဆိုတာနဲ့ တိုင်လာက ဘယ်လိုဘဝမျိုး လိုချင်လဲဆိုတာ ပြန်စဉ်းစားသင့်တယ်။ မဟုတ်ရင် အနာဂတ်မှာ နောင်တရရမယ့်အရာတစ်ခု ဖြစ်လာလိမ့်မယ်။"
YOU ARE READING
၁။ ဘော့စ်ရဲ့ဇနီးက ကွာရှင်းခွင့်ထပ်တောင်းပြန်ပြီ
Любовные романыဆိုနီယာသည် အထက်တန်းကတည်းက တိုဘီကို ချစ်မိခဲ့ပြီး အကြောင်းရင်းတစ်ခုကြောင့် တိုဘီနှင့်လက်ထပ်ခွင့်ရခဲ့သော်လည်း ခြောက်နှစ်အကြာတွင် အိမ်ပေါ်မှနှင်ထုတ်ခံလိုက်ရကာ ဘာတွေဆက်ဖြစ်သွားလည်းဆိုတာ ...........
