"မောင်အထဲမှာရောက်နေပြီလား သီရိ"
"ရောက်နေပြီ ကိုခေါင်ရန်း"
"မှာထားတဲ့အတိုင်း အကုန်လုပ်ပြီးပြီမဟုတ်လား၊ ဧည့်သည်တွေလိုအပ်တာတွေ သေချာလုပ်ပေးဖို့ရော မှာထားရဲ့လား"
"ဟုတ်ကဲ့ ဝန်ထမ်းကောင်မလေးတွေကို သီရိသေချာမှာထားပါတယ်"
"ကောင်းပြီ"
"ပါပါး မီး Ice cream စားချင်တယ်"
ခေါင်ရန်းလက်ကိုလှုပ်ရမ်းရင်းဆိုလာသည့် သမီးလေးကြောင့် သမီးနားကို ဒူးညွှတ်ထိုင်ချလိုက်ကာ
"နည်းနည်းပဲစားရမယ်နော် သမီး၊ မနက်ကလဲ တစ်ခုစားထားသေးတယ် ဟုတ်"
"ဟုတ် ပါပါး၊ မီး ပိစိလေးပဲစားမှာ"
"အဲ့ဒါဆို သုံးဇွန်းပဲစားရမယ်နော်"
"ပါပါးကလဲ ငါးဇွန်းတော့လုပ်ပါ"
"မရဘူး မနက်က တစ်ဘူးလုံးစားပြီးသွားပြီလေ"
"ပါပါးကလဲ လုပ်ပါ Please Please"
ခေါင်ရန်းလက်ကို အတင်းလှုပ်ရန်းကာ မျက်လုံးဝိုင်းများဖြင့်ချွဲလာတာမလို့ ခေါင်ရန်းမှာ ကြာကြာပင် တင်းမထားနိုင်တော့ပေ။
"ငါးဇွန်းနော်၊ အဲ့ထက်ပိုမစားရဘူး"
"ဟုတ်"
"Promise နော်"
"ဟုတ် Promise"
သမီးလေးရဲ့ လက်သန်းပိစိလေးကိုချိတ်လိုက်ရင်း ကတိကဝတ်လုပ်ကာ နဖူးလေးကို မွခနဲမြည်အောင်နမ်းလိုက်၏။ ထို့နောက် သီရိကိုကြည့်လိုက်ကာ
"သမီးကို မုန့်စားဖို့ ခေါ်သွားပေးလိုက် သီရိ၊ သားသားရော ဘာစားဦးမလဲ"
ကျောင်းကပြန်လာကတည်းက အသံတိတ်နေသည့် သားကို ခေါင်ရန်းလှည့်မေးလိုက်၏။ သားကတော့ လက်ထဲက စာအုပ်ကိုကာ အာရုံစိုက်ဖတ်နေရာမှ ခေါင်ရန်းကိုကြည့်ကာ
"သား အခုမစားတော့ဘူး ပါပါး၊ အိမ်ရောက်မှ စားတော့မယ်"
"အိုခေ ဒါဆို အိမ်ရောက်မှ ပါပါးဖက်ထုပ်လုပ်ကျွေးမယ်နော်"
"ပါပါး အဲ့ဒါဆို မီးသွားပြီနော်"
မယ်သွက်လက်ကတော့ သီရိလက်ကိုဆွဲကာ ဆိုင်အပြင်ရောက်သွားသည်မှာ ခေါင်ရန်းရဲ့ အဖြေစကားကိုပင်စောင့်မသွားပါချေ။
KAMU SEDANG MEMBACA
သခင်ကြင်လျှင် ပန်တော်မူ (𝑪𝒐𝒎𝒑𝒍𝒆𝒕𝒆)
Romansaမြွေက သွေးအေး သတ္တဝါလို့ပြောရင် ခင်ဗျားပုံပြပြီးငြင်းခဲ့ရဦးမယ်။ တကယ်ပဲ ကိုယ့်ချစ်သူအပေါ် သွေးအေးချက်က လက်လန်တယ် (Normal ကနေ Version ပြောင်း၊ အခန်းသစ်ထပ်ထည့်ပြီးရေးထားတာမလို့ အဆင်ပြေမှဖတ်ပေးပါနော်)
