သခင်ကြင်လျှင် ပန်တော်မူ (𝑪𝒐𝒎𝒑𝒍𝒆𝒕𝒆)

Extra 13

Extra 13

Comment ပေးထားတာတွေဖတ်နေရင်းကနေ ပေါင်ပေါင်းဖတ်မိတဲ့ Fiction ကို Linkချပေးထားသူတစ်ယောက်ကိုတွေ့လိုက်ရ၏။

ရေးထားသည်ကလည်း "တော်တော်ရယ်ရလို့ မျက်ရည်တောင်ထွက်တယ်" ဟူ၍။ ကြည့် ဒါသပ်သပ်မဲ့ဂျင်းထည့်တာကြီး။

လက်ရုံး မဖြစ်တော့ဘူးဟုတွေးကာ Post ကိုပြန်ပြီး Edit လုပ်လိုက်ရသည်။ ဂျင်းထည့်ရင် Block မှာဆိုပြီး။

မဖြစ်သေးပါဘူး၊ ဒီလိုသာ ဂျင်းထည့်သူတွေများနေရင် အဆင်မပြေ။ ထို့ကြောင့် တွေ့တဲ့ Link တွေကို ပေါင်ပေါင်းဆီပေးဖို့အစီအစဉ်ကို လက်လျော့လိုက်ကာ ယူထားတဲ့ ပေါင်ပေါင်းဖုန်းနဲ့ပဲ link တွေတစ်ခုပြီးတစ်ခုလိုက်ဝင်ကြည့်ရသည်။

အစတစ်ပိုင်းဖတ်၊ ဇာတ်သိမ်းတစ်ပိုင်းဖတ်ကာ Reading list တွေခွဲကာ ပေါင်ပေါင်း Library ထဲထည့်ပေးထားလိုက်သည်။ Wattpad က မသုံးတတ်တာမလို့ ရွာလည်သွားသေးသည်။

ခပ်ချိုချိုလေးတွေ တစ်ခု၊ တောရွာတွေအကြောင်းက တစ်ခု၊ နောက် သုံးလေးယောက်အတူတူ link ချထားသည်ဟာလေးတွေကိုကျတော့ သပ်သပ်တစ်ခုဖြင့် Review ကောင်းတဲ့ Fic များဆိုပြီး ခွဲထည့်ပေးထားလိုက်သည်။

Horror တွေနဲ့ လူသတ်တာတွေ လာပေးထားတဲ့လူကရှိသေးတယ်။ ကိုယ်ဝန်ဆောင်သည်တွေက သွေးသံရဲရဲတွေဖတ်ဖို့မသင့်တော်တာမသိကြဘူးလား။

အင်း သိမဲ့ပုံလည်းမပေါ်ပါဘူး၊ လက်ရုံး Fan တွေက Single ကခပ်များများနဲ့။ အစက လက်ရုံးကိုစောင့်ပြီး FA တွေဖြစ်နေတာဆိုပေမဲ့ အခု လက်ရုံးတောင် ကလေးအဖေဖြစ်တော့မယ် သူတို့က ဘာလို့ မစွံကြသေးလဲတော့ မသိ။

တော်တော်လေးရွာလည်ပြီးနောက်မှာ အကုန်ပြီးစီးလို့ စိတ်ကျေနပ်လို့ နာရီကြည့်တော့မှ 12 နာရီကျော်နေပြီဖြစ်သည်။

အခန်းထဲ ဝင်လာတော့ အိပ်ပျော်နေတဲ့ ပေါင်ပေါင်းကိုတွေ့လိုက်ရသည်။ ဝင်လိုက်တာနဲ့ အအေးဓာတ်က ဆီးကြိုနေသည်။

လက်ရုံးက အအေးကြိုက်သူမလို့ ပေါင်ပေါင်းက တမင် Aircon ကို မပိတ်ဘဲထားထားတာဖြစ်လိမ့်မည်။ သူကိုယ်တိုင်ကတော့ အသားလေးတွေက အေးလို့။