ဦးရဲ့ကမ္ဘာငယ်
"သီရိမေ...
ဘာလို့သိရဲ့သားနဲ့
ငါ့ကိုမပြောပြခဲ့တာလဲ"
"ပြောပြရင်...
သီရိကပြောပြလိုက်ရင်
Bossကသူပေးတာတွေကို
ယူတော့မှာမို့လို့လား"
"အားလုံးကငါ့ကိုဝိုင်းပြီး
လျို့ဝှက်ထားကြတယ်
ငါအယုံကြည်ဆုံး
အတွင်းရေးမှူးကတောင်
ငါ့ကိုလျို့ဝှက်ထားတာပဲ"
"မဟုတ်ဘူး...
သီရိကပြောပြချင်ပါတယ်
ဒါပေမဲ့...
သူကBossကိုတစ်ကယ်ချစ်တဲ့
ကလေးလေးပါ"
-အဲ့မှာကလေးလို့ပြောနေလိုက်ဟ...
ဟိုက ကလေးမဟုတ်လို့ငါ့ကိုအိမ်ပေါ်ထိတက်ပြီး
ဖက်နမ်းသွားတာဟေ့-
ဘုန်းမြတ်သူအတွေးထဲကအတိုင်းအော်လွှတ်လိုက်ချင်ပါသည်။ပြန်တွေးလေရှက်စိတ်နှင့်ဒေါသစိတ်တို့ရောထွေးလာလေပင်ဖြစ်သည်။သူ့စိတ်သူပင်အစိုးမရ။
အတန်ငယ်ဒေါသကြီးနေဟန်ရှိသည့်ဘုန်းမြတ်သူအားသီရိမေ စိုက်ကြည့်လိုက်မိသည်။အကိုက်ခံထားရသည်လောအပူကန်သည်လောမသဲကွဲသောဒဏ်ရာလေးသည်ဘုန်းမြတ်သူ၏နှုတ်ခမ်းထောင့်စွန်းတွင်တည်ရှိနေ၏။သီရိမေသဘောပေါက်သည့်အခါတွင်တော့ရယ်ချင်စိတ်တွေကိုအသည်းအသန်ပြန်ချုပ်တည်းလိုက်ရသည်။မဟုတ်ပါကဝါးလုံးကွဲရယ်ရင်းထအော်မိမည်သာဖြစ်သည်။
-အမလေး...သွက်လိုက်တာဟယ်
ရှိုင်းထက်အောင်ရယ်...
ငါဘာပြောရမယ်တောင်မသိတော့ဘူးဟ-
"ဘာတွေကိုတွေးပြီး
ပြုံးစိပြုံးစိလုပ်နေတာလဲ
သီရိမေ...မင်းက
ငါကအလျှော့ပေးတယ်ဆိုပြီး
ငါ့ကိုမလေးစားတော့တာလား"
YOU ARE READING
ဦးရဲ့ကမ္ဘာငယ် (Completed)
Teen Fiction15နှစ်ကွာတဲ့ Relationship တစ်ခု။ အသက်35နှစ်လုပ်ငန်းရှင်ဦးနဲ့ အသက်20အရွယ်ဆေးကျောင်းသား ကောင်လေးတစ်ယောက်။ Start : 20 | 2 | 2021| End : 20 | 2 | 2022|
