ဦးရဲ့ကမ္ဘာငယ်
တစ်ကယ်တမ်းဖြစ်ကြတဲ့ပြဿနာဟာကြီးကြီးမားမာမဟုတ်ခဲ့ပါ။
နားလည်မှုလွဲခဲ့ကြခြင်းသာ။
ခဏတာတော့နှစ်ယောက်သားကတောက်ကဆဖြစ်သွားခဲ့ကြပေမဲ့
ဒီကိစ္စဟာချစ်သူရည်းစားတိုင်းကြုံ့တွေ့ရတဲ့
ပြဿနာသေးသေးမွှားမွှားလေးသာ။
သူတို့နှစ်ယောက်ကြားကိုဝင်ရှုပ်နိုင်သည့်ပြဿနာမဟုတ်။
"ကျွန်တော်တောင်းပန်ပါတယ်...
သဘောထားသေးသိမ်သလိုဖြစ်သွားတယ်..."
"ဦးလဲအထင်လွဲစရာဖြစ်အောင်ပြောမိသွားတယ်"
'တောင်းပန်ပါတယ်'ဆိုတာကိုတော့စိတ်ထဲကသာပြောလိုက်မိပါသည်။
လူတစ်ယောက်ကိုတောင်းပန်တာကသူလုပ်နေကျအလုပ်မဟုတ်ဘူး။
သိပ်ချစ်ရပါတယ်ဆိုတဲ့လူကိုလဲသူတောင်းပန်မှာမဟုတ်ဘူး။
ဘုန်းမြတ်သူနားလာကပ်ထိုင်တဲ့ရှိုင်းထက်အောင်ကမျက်နှာငယ်နှင့်။
ခုဏကရန်ထောင်နေခဲ့တာသူမဟုတ်သည့်အတိုင်း။
"ကျွန်တော်တို့ခွေးလေးကိုနာမည်မပေးရသေးဘူးနော်..."
"ကိုယ်ကတော့နာမည်မတွေးတတ်လို့...
ဒီအတိုင်းခွေးလေးလို့ပဲခေါ်ဖြစ်နေတာ"
"ကျွန်တော်လဲနာမည်မပေးတတ်တော့ဘူး...
အများကြီးနာမည်တွေလဲတွေးဖူးတယ်..."
"သင်္ကြန်ပြီးသွားရင်အိမ်ပြန်ပါတော့ကလေးရယ်
ဦးဆိုလိုချင်တာကိုသိတယ်မဟုတ်လား...
မိဘတွေနဲ့ နည်းနည်းသင့်သင့်မြတ်မြတ်နေပါ
အရင်ကလိမ္မာနေတဲ့ကလေးက
ဦးကြောင့်ဆိုးနေတယ်ဆိုပြီးအဖြစ်မခံချင်လို့ပါ
နော်...နားလည်တယ်မဟုတ်လား"
ရှိုင်းထက်အောင်ခေါင်းကိုပွတ်သပ်ပေးနေလိုက်ရင်း
လေသံအေးအေးနဲ့စကားပြောမိသည်။
YOU ARE READING
ဦးရဲ့ကမ္ဘာငယ် (Completed)
Novela Juvenil15နှစ်ကွာတဲ့ Relationship တစ်ခု။ အသက်35နှစ်လုပ်ငန်းရှင်ဦးနဲ့ အသက်20အရွယ်ဆေးကျောင်းသား ကောင်လေးတစ်ယောက်။ Start : 20 | 2 | 2021| End : 20 | 2 | 2022|
