ဦးရဲ့ကမ္ဘာငယ်
မျက်ဝန်းချင်းဆုံစည်းခဲ့ရာမှစတင်သောဇာတ်လမ်းတစ်ပုဒ်...။
ထိုကောင်လေးရဲ့အကြည့်တွေကိုခပ်မြန်မြန်ရှောင်လွှဲရင်းပြေးထွက်လာခဲ့မိသည်။ယုံနိုင်ကြရဲ့လား။သူ့ရဲ့စိတ်တွေကထိုကောင်လေးပြေးလိုက်လာဖို့ကိုမျှော်လင့်နေခဲ့မိတယ်ဆိုတာ။ထိုကောင်လေးကသူ့ကိုစိတ်မပျက်စေခဲ့ပါဘူး...။အသေအချာကိုပြေးလိုက်လာခဲ့တယ်။Car Parkingရောက်ချိန်မှထိုကောင်လေးကသူ့ကိုမှီလာတော့သည်။သို့တည်းမဟုတ်...တမင်ပင်လူပျက်သောနေရာထိပြေးစေချင်သည်လား...။
"ဦး...
ကျွန်တော့်ကိုစောင့်ပါဦး..."
ဦးကိုမှီလာပြီမို့ဦးရဲ့လက်ကိုဆွဲရင်းရင်ခွင်ထဲထည့်ဖက်ထားလိုက်မိသည်။မတိမ်းမယိမ်းရှိနေတဲ့အရပ်ဆိုသော်ငြားသူ့ရင်အုပ်ကျယ်ကျယ်တွင်ဦးကိုယ်လေးကသေးသေးလေး။ရင်ခွင်ထဲကဦးကသူ့ရဲ့ရင်အုပ်ကိုလက်သီးနဲ့ခပ်ကြမ်းကြမ်းထုလိုက်တာမို့အောင့်သွားရသည်။သူမေ့သွားခဲ့တယ်ဦးကလဲယောက်ျားလေးတစ်ယောက်ပဲ။
"ငါ့ကိုလွှတ်စမ်း
အရှက်မရှိ..."
"ဆက်ရုန်းရင်
ကျွန်တော်ဖက်နမ်းမှာ..."
"မင်း..."
ဦးရဲ့စကားသံသည်တစ်ဝက်တစ်ပျက်။နောက်မှဆက်ကာထွက်ပေါ်လာသောနွယ်သက်ခိုင်၏အသံ။
"အယ်...အယ်...
ဒီလိုအခြေအနေ...
အဲ...ပြန်ပြီ...
သာယာတဲ့အချိန်လေး
နှောင်ယှက်မိပါပြီ"
မြန်မြန်ဆန်ဆန်ပင်ပြန်လည်ပြေးထွက်သွားသောနွယ်သက်ခိုင်ကြောင့်သူရှက်လာရသည်လား...သို့တည်းမဟုတ်နေရာမရှောင်ဆွဲဖက်လိုက်သည့်ရှိုင်းထက်အောင်ရင်ပဲအခုန်မြန်လာသည်လား...Coffeeတစ်ခွက်ကြောင့်ရင်တုန်လာသည်လား...ဘုန်းမြတ်သူဘာကိုမှမတွေးနိုင်တော့ပါ။
ခဏလေးပါပဲ...ခဏလေးပဲဒီကလေးရဲ့ရင်ခွင်ကျယ်မှာမှီထားပါရစေ။အကြောင်းအရင်းတစ်စုံတစ်ရာမရှိပေမဲ့...တစ်ကယ်ကို...အချိန်ခဏလေးပါပဲ...။
YOU ARE READING
ဦးရဲ့ကမ္ဘာငယ် (Completed)
Teen Fiction15နှစ်ကွာတဲ့ Relationship တစ်ခု။ အသက်35နှစ်လုပ်ငန်းရှင်ဦးနဲ့ အသက်20အရွယ်ဆေးကျောင်းသား ကောင်လေးတစ်ယောက်။ Start : 20 | 2 | 2021| End : 20 | 2 | 2022|
