ရှိုင်းထက်အောင်အတွက်သူ့ဦးစီစဉ်ပေးထားတဲ့ဓားပါ....
မိုရီကန်နီလိုချင်လာပြန်ပြီ😭
ရွိုင္းထက္ေအာင္အတြက္သူ႕ဦးစီစဥ္ေပးထားတဲ့ဓားပါ....
မိုရီကန္နီလိုခ်င္လာျပန္ၿပီ😭
¤¤¤¤¤¤
Unicode
ဦးရဲ့ကမ္ဘာငယ်
"ဦး!...
ကျွန်တော့်ကိုမထားခဲ့ဘူးလို့
ကတိပေးထားတယ်လေ
ဦး...ဦးကျွန်တော့်ကို
တစ်ချက်လောက်ကြည့်ပါဦးဗျာ"
ရင်ခွင်ထဲကချစ်ရသူဟာသွေးအိုင်ထဲမှာပင်ငြိမ်သက်စွာအိပ်စက်နေခဲ့ပါ၏။အေးချမ်းရာကိုရှာဖွေတွေ့ရှိသွားသည့်အလားချစ်ရသူ၏မျက်ဝန်းအိမ်တို့သည်ပြန်လည်ပွင့်အာလာတော့မည်မဟုတ်တော့။
"ဦး!..."
အိပ်ရာပေါ်ကချက်ချင်းထလို့ဘေးဘက်ကိုကြည့်လိုက်သည့်အခါမှသူစိတ်အေးသွားရသည်။သူ့ဦးကသူ့အနားမှာရှိနေတုန်းပဲ။ဦးကိုဆုံးရှုံးရရင်သူသေသွားမှာ။ငြိမ်ငြိမ်လေးအိပ်နေသည့်ဦးကိုရင်ခွင်ထဲထည့်ဖက်ထားလိုက်တော့နွေးထွေးမှုကိုခံစားလိုက်ရသည်။သူ့ရဲ့အနွေးဓာတ်လေး။
"အိပ်မပျော်ဘူးလား"
"ကျွန်တော့်ကြောင့်နိုးသွားတာလား"
စကားကိုပြိုင်တူပြောမိတော့ဦးကရယ်နေသည်။ဘယ်လိုနေနေချစ်ဖို့ကောင်းနေသည့်ဦးကိုသူအစိမ်းလိုက်ကိုက်ဆွဲပစ်ရင်တော့...သေချာပါသည်...သူ့ကိုဦးကအိမ်ပေါ်ကနေမောင်းချလိမ့်မယ်။
"မင်းကဆွဲဖက်လိုက်တော့နိုးသွားတာ
မင်းကြောင့်မဟုတ်ပါဘူး...
ငါကနည်းနည်းလေးလှုပ်တာနဲ့နှိုးတတ်လို့ပါ
အသက်ကြီးနေပြီလေ..."
"ဘာလို့အသက်ကြီးတယ်ဆိုတာကိုပဲ
ခဏခဏပြောနေရတာလဲ...
အသက်ကြီးတာတောင်နုနေလို့
ကျွန်တော့်မှာသဝန်တွေတိုနေရတာဗျသိရဲ့လား"
"သူစကားတွေတတ်နေတာပဲ..."
ရှိုင်းထက်အောင်ရဲ့နဖူးပေါ်ကျရောက်လာသည့်အနမ်းနွေးနွေးလေးတစ်ခု။တစ်ဘဝလုံးပုံပေးဖို့လုံလောက်ပါသည်။
YOU ARE READING
ဦးရဲ့ကမ္ဘာငယ် (Completed)
Ficção Adolescente15နှစ်ကွာတဲ့ Relationship တစ်ခု။ အသက်35နှစ်လုပ်ငန်းရှင်ဦးနဲ့ အသက်20အရွယ်ဆေးကျောင်းသား ကောင်လေးတစ်ယောက်။ Start : 20 | 2 | 2021| End : 20 | 2 | 2022|
