ဗီလိန်ကြီး​ရေ​ကျေးဇူးပြုပြီးငါ​လေးကိုညှာတာ​ပေးပါ![MM translation]

ဥက္ကဌ၏ချစ်သူ​ကောင်​လေး

{Unicode}

《လက်ထပ်ခွင့်​တောင်းခြင်း》

မေ​မေစု၏သူ့အ​ပေါ်ကြည့်သည့်အကြည့်က ပိုပိုပြီးထူးဆန်းလာသည့်အတွက် စု​ပေဂနာမငြိမ်ဖြစ်လာရသည်။​နောက်တစ်​​ရောက်တဲ့အခါမှာ​တော့ ဖုန်းရှင်းလန်က​ရေခဲတစ်မျှ​အေးစက်​နေသည့်​လေသံဖြင့်​ , "ကျွန်​တော်တို့ပြန်သင့်ပြီ နောက်တစ်ကြိမ်ကျွန်​​တော်တို့ထပ်လာခဲ့ပါ့မယ်"
မေ​မေစုကသူမလက်ကိုစိတ်တိုစွာ လွှဲယမ်းရင်း , "သွား..သွား..သွား..ငါ့ခံစားချက်​တွေကိုထိခိုက်​အောင်လာမလုပ်နဲ့"

သူတို့ပြန်လာ​ပေမယ့် ဖုန်းရှင်းလန်ကအိမ်ပြန်ဖို့ရာအလျင်မလိုပါဘူး။သူက "ရုပ်ရှင်သွားကြည့်ကြရ​အောင် " လို့​ပြောလိုက်တယ်။ စု​ပေက​တော့လာ​နောက်​နေတာလားဆိုတဲ့အမူအရာဖြင့် သူ့ကိုကြည့်လာသည်။အနိုင်ကျင့်တတ်တဲ့ဥက္ကဌကြီးကရုပ်ရှင်ရုံမှာရုပ်ရှင်ကြည့်မယ်? ပုံမှန်ဆိုရင်​အေးစက်တဲ့မျက်နှာထားနှင့်​နေတဲ့သူကအခု​တော့ နူးညံ့စွာနှင့် မေးတယ်။   "ဘာဖြစ်လို့လဲ"

စု​ပေ​ခေါင်းခါပြလိုက်သည်။
"ဒီတိုင်းရုပ်ရှင်ကြည့်တာကခင်ဗျားနဲ့လိုက်ဖက်တဲ့အရာမဟုတ်ဘူးလို့ တွေးမိလိုက်လို့ပါ"
ဖုန်းရှင်းလန်ကပြုံးပြလိုက်ကာ , "ဒါကချစ်သူ​တွေလုပ်နေကျအရာ​မဟုတ်ဘူးလား?"
စု​ပေမျက်နှာချက်ချင်းပူထူသွားသည်။ချစ်သူ​တွေတဲ့လား?အရမ်းရှက်ဖို့​ကောင်းလိုက်တာ!!!ဘယ်လိုပဲဖြစ်ဖြစ်သူ​တွေး​နေတာ​တွေက​နေလွတ်​မြောက်သွားချိန်မှာ သူဖုန်းရှင်းလန်နှင့်အတူရုပ်ရှင်ကြည့်ဖို့သွားလိုက်သည်။

ဖုန်းရှင်းလန်က သရဲကားလတ်မှတ်ကိုဝယ်လာတဲ့အချိန်မှာ သူစိတ်ရှုပ်​ထွေးစွာ​မေးလိုက်သည်။ "ဖျော်​​ဖြေ​ရေးဇာတ်ကားကိုဝယ်သင့်တာမဟုတ်ဘူးလား?"
ဖုန်းရှင်းလန်ကအဓိပ္ပါယ်အပြည့်ပါသည်အပြုံးနှင့်​​ပြောသည်။ "မင်းသိလာပါလိမ့်မယ်"
စု​ပေရုပ်ရှင်​ကြောင့်​ကြောက်လန့်တစ်ကြားဖြစ်ကာ ဖုန်းရှင်းလန်လက်​မောင်းကြားထဲမ​တော်တစ်ဆဝင်ပုန်းမိသည့်အချိန်ကျမှ သူ့အကြံအစည်ကိုနားလည်​တော့သည်။

စု​ပေစိတ်ထဲတွင်​တော့ သူ​သေချာ​ပေါက်​ကြောက်​နေတာမဟုတ်ဘူး။သူရုပ်ရှင်ကြောင့်ဒီတိုင်းနည်းနည်း​လေးလန့်သွားယုံ​လေးတင် ဟုအော်ဟစ်​နေသည်။သူလိုချင်တာရသွားတဲ့ဖုန်းရှင်းလန်ကအတွက်ကတော့ တော်​တော်​လေးစိတ်​ကောင်းဝင်​နေသည်။ရုပ်ရှင်ကြည့်ပြီးတဲ့အချိန်မှာသူတို့မွန်းလွဲပိုင်း​တောင်​ရောက်​နေပြီဖြစ်တဲ့အတွက် ဖုန်းရှင်းလန်ကစု​ပေကို ကြိုတင်မှာထားတဲ့စား​သောက်ဆိုင်ဆီ​ခေါ်​ဆောင်သွားသည်။