#رمضان_احلا_مع_جمان_فريد
#العشق_المتمرد
الجزء 13القسم الثاني
ﺗﻔﻀﻞ ..
ﻣﺪ ﻳﺪﻩ .. ﻭﺣﻄﻠﻪ ﻭﻟﺪ ﻋﻤﻪ ﻓﻴﻬﺎ ﺍﺟﺰﺍﺀ ﺭﺳﺎﻟﺘﻪ ﺍﻟﻤﻤﺰﻗﻪ ..
ﻭﻟﺪ ﺧﺎﻟﻪ ﺿﺤﻚ ...
ﺍﻣﺎ ﻫﻮ ﻗﺮﻥ ﺣﻮﺍﺟﺒﻪ ﻭﺭﻗﻴﺘﻠﻪ ﻭﻭﺟﻬﻪ ﻭﻻ ﺃﺣﻤﺮ ..
ﺳﻠﻴﻤﺎﻥ ﺑﻀﺤﻜﻪ : ﻭﻗﺎﻟﺘﻠﻚ ﺍﻣﺮﻙ ﻣﺎﻳﻬﻤﻨﻴﺶ ﺗﻤﺮﺽ ﻭﻻﺗﻤﻮﺕ ..
ﻫﺎﻧﻴﺒﺎﻝ ﺑﻐﻀﺐ : ﻧﺴﺘﺎﻫﻞ ﺍﻟﻠﻲ ﺩﺭﺕ ﻟﻮﺣﺪﻩ ﻛﻴﻒ ﻫﺪﻱ ﻗﻴﻤﻪ ..
ﻋﻤﺎﺭ ﺑﻀﺤﻜﻪ : ﻫﺪﺉ ﻣﻦ ﺭﻭﻋﻚ ﻳﺎﻫﺬﺍ .... ﻓﻜﺮ ﻓﻴﻬﺎ ﺑﻄﺮﻳﻘﺔ ﺗﺎﻧﻴﻪ ..
ﻫﺎﻧﻴﺒﺎﻝ ﺑﻌﺼﺒﻴﻪ : ﺑﺎﻟﻠﻪ ﻳﺎﻋﻤﺎﺭ ﻓﻜﻨﻲ ﻣﻦ ﺍﻟﻔﻠﺴﻔﻪ ﺍﻟﺰﺍﻳﺪﺓ .
ﻋﻤﺎﺭ : ﻣﺶ ﻓﻠﺴﻔﻪ ﻳﺎﺑﻨﻲ ﺁﺩﻡ ﻫﺪﻱ ﻭﺍﺳﻤﻊ .. ﻫﻲ ﺯﻋﻼﻧﻪ ﻣﻨﻚ ﻟﻜﻦ ﻋﻜﺲ ﻣﺎﻗﺎﻟﺖ ﺍﻣﺮﻙ ﻳﻬﻤﻬﺎ ﻣﺎﺩﺍﻡ ﻗﺮﺕ ﺭﺳﺎﻟﺘﻚ ..
ﺳﻠﻴﻤﺎﻥ : ﺻﺢ .. ﺧﺪﺗﻬﺎ ﻣﻨﻲ ﺍﻭﻝ ﻣﺎﻋﻄﺘﻬﻠﻬﺎ ﻛﺎﻥ ﻣﺶ ﻫﺎﻣﻬﺎ ﺭﺍﻫﻲ ﻣﺰﻗﺘﻬﺎ ﻣﻦ ﺍﻻﻭﻝ .. ﻏﻴﺮ ﻗﺎﻋﺪﺓ ﺣﺮﺟﺎﻧﻪ ..
ﻋﻤﺎﺭ : ﺭﺍﻙ ﺗﻨﺴﻰ ﺷﻨﻮ ﻗﺎﻳﻞ ﻟﻠﺒﻨﺎﺕ ﻛﻼﻣﻚ ﻭﺍﻋﺮ ﻳﺎﻫﺎﻧﻴﺒﺎﻝ ..
ﻛﻼﻣﻬﻢ ﻫﺪﺍﻩ ... ﻟﻜﻦ ﺧﻼ ﻧﺒﻀﺎﺕ ﻗﻠﺒﻪ ﺗﻘﻮﺍ .. ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺧﻔﻴﻔﻪ ﻭﻫﻮ ﻳﻔﻜﺮ ﻓﻜﻼﻣﻬﻢ ..
ﺳﻠﻴﻤﺎﻥ ﺑﻀﺤﻜﻪ : ﻭﺍﻟﻠﻪ ﻭﺟﺎﻙ ﺍﻟﻴﻮﻡ ﺍﻟﻠﻲ ﻃﺤﺖ ﻓﻴﻪ ﻳﺎﺯﻋﻴﻢ ..
ﻋﻤﺎﺭ : ﻫﻬﻬﻬﻬﻬﻪ .. ﻟﻜﻦ ﺧﺴﺎﺭﺓ ﻭﺍﻟﻠﻪ ..
ﻫﺎﻧﻴﺒﺎﻝ : ﻭﺍﻟﻠﻪ ﻣﺎﻓﻲ ﻭﺍﺣﺪ ﺧﺎﺳﺮ ﻏﻴﺮﻙ ..
ﻋﻤﺎﺭ : ﻫﻬﻬﻬﻬﻬﻬﻬﻬﻪ ...
ﺳﻠﻴﻤﺎﻥ ﻛﺎﻥ ﻣﺮﻛﺰ ﺑﻨﻈﺮﻩ ﻉ ﻓﻢ ﺍﻟﺒﻮﺍﺑﻪ ..
ﺷﺎﻑ ﺩﻻﻝ ﻃﺎﻟﻌﻪ ﺗﻠﻌﺐ ﻣﻊ ﺭﺍﻧﻴﺎ ﺑﺎﻟﺘﺮﺍﺏ ﻭﺍﻟﻤﻴﻪ ..
ﺳﻠﻴﻤﺎﻥ ﺑﻀﺤﻜﻪ : ﺑﻨﺖ ﺍﺧﺘﻚ ﻫﺪﻱ ﻣﺎﺷﺎﺀ ﺍﻟﻠﻪ ﻛﻴﻒ ﺍﻟﺒﻨﺎﺑﻞ " ﺍﻟﻠﻌﺒﻪ .."
ﺍﻟﺘﻔﺘﻮﺍ ﺍﻟﺰﻭﺯ ﻭﺷﺎﻓﻮﻫﺎ ...
ﻫﺎﻧﻴﺒﺎﻝ : ﺗﺸﺒﻪ ﻫﻠﻬﺎ ﻭﺍﻣﻬﺎ ... ﺭﻛﺰ ﻋﻠﻴﻬﻢ ﺷﻦ ﻳﻠﻌﺒﻮﺍ ..... ﺩﻻﺍﺍﺍﺍﺍﺍﻝ ... ﺭﺍﺍﺍﺍﺍﺍﻧﻴﺎ ..
ﺷﺒﺤﻮﻟﻪ ﺍﻟﺰﻭﺯ ...
ﺧﺎﻓﻮﺍ ﻭﺧﺸﻮﺍ ﻳﺠﺮﻭﺍ ..
ﻋﻤﺎﺭ : ﻫﻬﻬﻬﻬﻬﻬﻬﻪ ﺣﺮﺍﻡ ﻋﻠﻴﻚ ﻳﺎﺭﺍﺟﻞ ..
ﻫﺎﻧﻴﺒﺎﻝ ﺑﻀﺤﻜﻪ : ﻫﺎﺩﻳﻨﺎ ﻛﺎﻥ ﺗﻼﻗﻦ ﻣﺎﻳﺪﻳﺮﻥ ﻃﻴﺐ ...
ﻓﺠﺎﺓ ﺷﺎﻓﻮﺍ ﺳﻴﺎﺭﺗﻴﻦ ﺧﺎﺷﺎﺕ ﻟﻠﻘﻄﻌﻪ ﻭﺭﺍ ﺑﻌﺾ ..
ﻫﺎﻧﻴﺒﺎﻝ : ﺳﻴﺪﻱ ﺭﻭﺡ ...
🍁🍁🍁🍁🍁
ﻋﻮﺩﺓ : ﺧﺎﻃﺮﻱ ﻧﻌﻄﻴﻚ ﻃﺮﻳﺤﻪ .. ﻃﺮﻳﺤﻪ .. ﻟﻴﻦ ﻳﻘﻮﻟﻮﺍ ﻛﻴﻒ ﺩﺍﺭﺗﻠﻬﺎ .
ﻋﺮﻭﺑﻪ : ﻭﻭﺍﺍﺍﻙ ﻳﺎﻋﻮﺩﺓ ﺩﻳﻤﺎ ﻫﻜﻲ ﻣﺎﺗﻔﻬﻤﻴﺶ ﻓﻴﺎ ..
ﻋﻮﺩﺓ : ﻣﻌﺎﺵ ﺍﺩﻳﺮﻱ ﺣﺎﺟﻪ ﻭﺗﻨﺪﻣﻲ ﻋﻠﻴﻬﺎ ﻭﺗﻘﻌﺪﻱ ﺗﺎﻛﻠﻲ ﺭﻭﺣﻚ ﻭﺗﺎﻛﻠﻲ ﺭﺍﺳﻲ ﻣﻌﺎﻙ ﺑﻜﻠﻤﺔ ﺯﻋﻢ .. ﻭﻳﺎﺭﻳﺖ ..
ﻋﺮﻭﺑﻪ ﺗﻨﻬﺪﺕ ﺑﻀﻴﻖ : ﻣﺎﻫﻮ ﺍﻧﺘﻲ ﻣﺶ ﺣﺎﺳﻪ ﺑﺎﻟﻠﻲ ﻧﺤﺲ ﺑﻴﻪ ﺷﻌﻮﺭ ﻭﺍﻋﺮ ﻭﺣﻠﻮ ﻓﻨﻔﺲ ﺍﻟﻮﻗﺖ .. ﻧﺤﺲ ... ﻧﺤﺲ ﻭﻛﺈﻥ ﻗﻠﺒﻲ ﻛﻴﻒ ﺍﻟﻠﻴﺎﻥ ﺍﻟﻜﺒﻴﺮ ﺍﻟﻠﻲ ﺗﻌﺒﺎ ﻭﻓﺎﺽ .. ﻭﺍﻧﻲ ﻗﻠﺒﻲ ﺗﻌﺒﺎ ﺑﻴﻪ ﻭﻓﺎﺽ ❤
ﻋﻮﺩﺓ ﺍﺑﺘﺴﻤﺖ : ﻟﻬﺎﻟﺪﺭﺟﻪ ..
ﻋﺮﻭﺑﻪ ﺍﺑﺘﺴﻤﺖ ﺑﺨﺠﻞ : ﻭﺍﻛﺜﺮ ﻳﺎﻋﻮﺩﺓ .. ﺭﻏﻢ ﺍﻥ ﻛﻼﻣﻪ ﻟﻴﺎ ﻛﻠﻪ ﻫﺰﺍﻳﺐ ﻭﺟﺎﺭﺡ ﻭﺩﻳﻤﺎ ﻳﻄﻔﺮ ﻋﻠﻴﺎ ﺑﺲ ﻳﺎﻧﺎﺱ ﻳﺰﻳﺪ ﻗﻠﺒﻲ ﻳﺤﺒﻪ ﻣﺎﻧﻲ ﻓﺎﻫﻤﻪ ﻛﻴﻒ ..
ﻗﺮﺑﺖ ﻋﻮﺩﺓ ﻭﺑﺎﺳﺘﻬﺎ ﻣﻦ ﺧﺪﻫﺎ ﺑﻘﻮﺓ : ﻟﻮ ﺗﺸﻮﻓﻲ ﻭﺟﻬﻚ ﻭﺍﻧﺘﻲ ﺗﺤﻜﻲ ﺗﻬﺒﻠﻲ 💕
ﺍﺑﺘﺴﻤﺖ ﻋﺮﻭﺑﻪ ﺑﺨﺠﻞ ..
💕 ﺑﺎﻫﻲ ﻫﻮ ﻣﻦ ﺍﻟﻠﻲ ﻳﻘﺪﺭ ﻳﻨﻜﺮ ﺍﻥ ﺍﻟﺤﺐ ﺣﻠﻮ ﺣﺘﻰ ﺑﻌﺬﺍﺑﻪ
ﺣﻠﻮ ﺑﻜﻞ ﻣﺮﺍﺣﻠﻪ ..
ﻣﺮﺍﻫﻘﻪ ... ﺭﺷﺪ ... ﻛﻬﻮﻟﻪ ...
ﻭﺣﺘﻰ ...
❤ ﻃﻔﻮﻟﻪ ...
ﺍﻳﻪ ﻃﻔﻮﻟﻪ ... ﺳﻤﻌﺖ ﻋﻦ ﻗﺼﺺ ﺣﺐ ﻣﻦ ﺍﻟﻄﻔﻮﻟﻪ ﻭﻛﺎﻧﺖ ﺣﻠﻮﺓ ..
ﻣﻊ ﻛﻞ ﻣﺮﺣﻠﻪ ﻋﻤﺮﻳﻪ ﻳﻜﺒﺮ ﻫﺎﻟﺤﺐ ﻭﻳﻨﻀﺞ ﻣﻌﺎﻩ ﺻﺎﺣﺒﻪ ...
ﺑﺲ ﻃﺒﻌﺎ ﺍﻟﻤﺸﺎﻋﺮ ﻓﻴﻪ ﻓﻲ ﻛﻞ ﻣﺮﺣﻠﺔ ﺗﺨﺘﻠﻒ ..
ﻳﻌﻨﻲ ﺍﻟﻠﻲ ﺗﻮﺍ ﻳﺤﺲ ﺑﻴﻪ ﺭﻣﺰﻱ ﻭﻫﻮ ﻣﺎﺷﻲ ﻳﺠﻴﺐ ﻟﺮﺍﻧﻴﺎ ﻓﻲ ﺍﻟﺸﻜﻮﻻﻃﻪ ﺑﺮﻱﺀ ﻫﻠﺒﻪ ﻭﺣﻠﻮ ...
ﻭﺗﻠﻘﺎﺋﻲ ﻫﻠﺒﻪ ...
ﺳﺒﺤﺎﻧﻪ ﻳﺤﻂ ﻓﻲ ﺍﻟﻘﻠﻮﺏ ﻣﻬﻤﺎ ﻛﺎﻧﺖ ﻣﺸﺎﻋﺮ ﺣﻠﻮﺓ ﻷﻥ ﺭﺍﻳﺪﻫﺎ ﻟﺒﻌﺾ ..
ﺧﺶ ﻟﺤﻮﺵ ﺟﺪﻩ ...
ﻟﻘﻲ ﺍﻟﺪﻧﻴﺎ ﻻﻫﻴﻪ ...
ﻭﻟﻘﺎﻫﺎ ﻣﻘﻤﻌﺰﺓ ﺗﻠﻌﺐ ﻣﻊ ﺑﻨﺖ ﺧﺎﻟﺘﻬﺎ ﺑﻠﻌﺒﺎﺕ ﺩﺍﻳﺮﺗﻬﻢ ﻏﺎﻟﻴﻪ ..
ﺑﺶ ﺗﻠﻬﻴﻬﻢ ...
ﻗﺪﻣﻠﻬﻢ ...
ﻭﻣﺪ ﺍﻟﺸﻮﻛﻼﻃﻪ ﻟﺮﺍﻧﻴﺎ ...
ﻫﻲ ﻟﻤﺎ ﺷﺒﺤﺘﻬﺎ ﻃﺎﺭﺕ ﻣﻦ ﺍﻟﻔﺮﺣﻪ ﻭﻋﻴﻮﻧﻬﺎ ﻗﻠﻮﺏ ... ﺧﺪﺗﻬﺎ ﻃﻮﻝ ...
ﻭﻣﺪ ﻭﺣﺪﻩ ﺗﺎﻧﻴﻪ ﻟﺪﻻﻝ ...
ﺩﻻﻝ ﻧﺎﺿﺖ ﺑﻴﻬﺎ ﺍﺩﻭﺭ ﻓﻲ ﺍﻣﻬﺎ ﺑﺶ ﺗﻔﺘﺤﻬﺎ ..
ﻭﺭﺍﻧﻴﺎ ﺟﺖ ﺑﺪﻳﺮ ﻧﻔﺲ ﺍﻟﺸﻲ ..
ﺭﻣﺰﻱ : ﻫﺎﺗﻲ ﻧﻔﺘﺤﻬﻠﻚ ..
ﻫﻲ ﺷﺒﺤﺘﻠﻪ ﺑﻌﺪﻳﻦ ﻣﺪﺗﻬﺎﻟﻪ ...
ﺧﺪﺍﻫﺎ ﻭﻓﺘﺤﻬﺎ ﻭﻋﻄﻬﺎﻟﻬﺎ .... ﺧﺪﺗﻬﺎ ﻣﻨﻪ ﻭﺑﺪﺕ ﺗﺎﻛﻞ ...
ﻭﺟﺘﻬﻢ ﺑﻌﺪﻳﻦ ﺩﻻﻝ ﻭﻫﻲ ﺗﺎﻛﻞ ﻓﻴﻬﺎ ...
ﻫﻮ ﺿﺤﻚ ... ﻭﺑﻌﺪﻳﻦ ﻟﻒ ﻭﻣﺸﻲ ﻭﺧﻼﻫﻢ ..
ﻭﻫﺪﺍ ﻛﻠﻪ ﻛﺎﻥ ﻉ ﻋﻴﻮﻥ ﺣﻤﻴﺪﺓ ﺍﻟﻠﻲ ﻛﺎﻧﺖ ﻭﺍﻗﻔﻪ ﻓﺮﻭﺷﻦ ﺍﻟﻜﻮﺟﻴﻨﻪ ﺍﻟﻠﻲ ﻳﻔﺘﺢ ﻉ ﺍﻟﺼﺎﻟﻪ ﻭﻫﻲ ﺗﺸﻮﻓﻠﻬﻢ ﺑﺈﺑﺘﺴﺎﻣﻪ ❤
" ﺍﻟﺸﺨﺼﻴﻪ ﺍﻟﺤﻘﻴﻘﻴﻪ ﺗﺤﺐ ﺗﺮﻛﺰ ﻫﻠﺒﻪ ﻉ ﺣﺎﺟﺎﺕ ﻫﺎﺩﻱ ﻭﺩﻳﻤﺎ ﺗﺨﻤﻴﻨﺎﺗﻬﺎ ﻓﻲ ﻫﺎﻷﻣﻮﺭ ﻓﻤﺤﻠﻬﺎ "💕
*****
ﻓﻲ ﺍﻟﻤﺮﺑﻮﻋﻪ ..
ﻛﺎﻧﻮﺍ ﺩﺍﻳﺮﻳﻦ ﻓﻴﻬﺎ ﺳﺮﻳﺮ ﻟﻠﺤﺎﺝ ﺭﻣﻀﺎﻥ ..
ﺣﻄﻮﻩ ﻋﻠﻴﻪ ﻭﺭﺟﻠﻪ ﻣﺠﺒﺴﻪ ..
ﻣﻴﻼﺩ : ﻗﺎﻝ ﻻﺯﻡ ﻳﻘﻌﺪ ﺍﻟﺠﺒﺲ 4 ﺃﺳﺎﺑﻴﻊ ...
ﺭﻣﻀﺎﻥ : ﻭﺍﻧﺖ ﺗﺼﻨﺖ ﻟﻜﻼﻡ ﺍﻟﺪﻛﺎﺗﺮﺓ !! ﻣﺎﻧﻘﻌﺪﺵ ﺭﺍﻗﺪ ﺷﻬﺮ ﻛﺎﻣﻞ ...
ﻣﺨﺘﺎﺭ ﺑﻀﺤﻜﻪ : ﻫﺪﻯ ﻟﻤﺼﻠﺤﺘﻚ ﻳﺎﺣﺎﺝ .. ﺭﺍﻧﺎ ﻛﺒﺮﻧﺎ ﻭﺍﻟﻌﻈﺎﻡ ﺑﺎﻟﻬﻮﻥ ﻭﻛﺴﺮ ﻛﻴﻒ ﻫﺪﻯ ﻣﺎﻳﺠﺒﺮﺵ ﻓﻴﺴﻊ ..
ﺭﻣﻀﺎﻥ : ﺍﺩﻭﻱ ﻉ ﺭﻭﺣﻚ ...
ﺿﺤﻜﻮﺍ ﺍﻟﺮﺟﺎﻟﻪ ..
ﺣﻤﻴﺪ ﺑﻀﺤﻜﻪ :. ﻻﺯﻡ ﻳﺎﺳﻴﺪﻱ ﻳﻘﻌﺪ ﺷﻬﺮ ﺑﺶ ﺑﻌﺪﻳﻦ ﻣﺎﺗﻘﻌﺪﺵ ﺗﻌﺎﻧﻲ ﻭﺗﺘﺤﺮﻙ ﺑﺮﺍﺣﻪ ..
" ﺣﻤﻴﺪ ﻛﺎﻥ ﻳﻘﺪﺭ ﻳﺄﺛﺮ ﻉ ﺑﻮﻩ ﻓﻲ ﺍﻟﻜﻼﻡ "
ﺣﻂ ﺭﻣﻀﺎﻥ ﻳﺪﻩ ﻉ ﺭﺟﻠﻪ : ﻳﺎﻭﺩﻱ ﺑﺎﻫﻲ ..
ﺧﻴﺮﻱ ﺑﻀﺤﻜﻪ : ﻣﺶ ﻛﺎﻥ ﺗﻜﻠﻤﺖ ﻣﻦ ﺍﻻﻭﻝ ﻳﺎﺭﺍﺟﻞ ...
ﺿﺤﻜﻮﺍ ﻛﻠﻬﻢ ﻭﺍﻟﺤﺎﺝ ﺭﻣﻀﺎﻥ ﻣﻌﺎﻫﻢ ...
ﻓﻲ ﺍﻟﺤﻮﺵ ..
ﺯﻳﻨﺐ : ﻣﺶ ﻃﺎﻳﻘﻪ ﺷﺒﺢ ﻭﺟﻬﻬﺎ ..
ﻧﻌﻴﻤﻪ : ﺍﻟﻠﻪ ﻏﺎﻟﺐ ﺗﺤﻤﻠﻲ ﻉ ﺧﺎﻃﺮ ﺍﻣﻚ
ﺟﺘﻬﻢ ﻏﺎﻟﻴﻪ : ﻫﻴﺎ ﻳﺎﺑﻨﺎﺕ ﺗﻌﺎﻟﻦ ﻟﻠﻤﺨﺰﻥ ..
ﻧﻌﻴﻤﻪ : ﻫﻲ ...
ﻏﺎﻟﻴﻪ : ﻧﻌﻴﻤﻪ ﻣﻴﻼﺩ ﻭﺣﻤﻴﺪ ﻗﺎﻝ ﻧﺒﻮﺍ ﺗﻄﻴﻴﺐ ﻧﻌﻴﻤﻪ ..
ﺿﺤﻜﻮﺍ ..
ﻛﻔﺎﻳﻪ : ﻭﺧﻴﺮﻧﺎ ﻳﺎﻛﺒﺪﻱ ﻭﺍﻟﻠﻪ ﻧﻌﺮﻓﻮﺍ ﻧﻄﻴﺒﻮﺍ ..
ﻏﺎﻟﻴﻪ : ﻣﻌﻠﻴﺸﻲ ﻃﻴﺎﺑﻜﻦ ﻣﺶ ﻛﻴﻒ ﻃﻴﺎﺏ ﻧﻌﻴﻤﻪ ..
ﺯﻳﻨﺐ ﺿﺮﺑﺖ ﻏﺎﻟﻴﻪ ﻉ ﺫﺭﺍﻋﻬﺎ :. ﺑﺎﻫﻲ ﻳﺎﻣﻌﻔﻨﻪ ..
ﺿﺤﻜﻮﺍ ... ﻭﻣﺸﻮﺍﻃﺎﻟﻌﻴﻦ ﻣﻦ ﺟﻬﺔ ﺍﻟﺒﻮﺍﺑﻪ ﻟﻠﻤﺨﺰﻥ ..
ﺯﻳﻨﺐ : ﺍﻷﻣﻴﺮﺍﺕ ﻓﻲ ﺍﻟﻤﺨﺰﻥ ..
ﻏﺎﻟﻴﻪ : ﺍﻳﻪ ﻳﺎﺣﻨﻪ ﻣﻦ ﺑﻜﺮﻱ ﻭﻫﻨﺎ ﻳﻮﺩﻭﺩﻥ ...
ﻧﻌﻴﻤﻪ : ﺧﻼﺹ ﺍﺹ ..
ﻭﺻﻠﻮﺍ ﻓﻲ ﺍﻟﻤﺨﺰﻥ ﻭﺧﺸﻮﺍ ..
ﻛﻔﺎﻳﻪ : ﻧﺤﺴﺎﺑﻜﻢ ﻗﺮﺿﺘﻮﺍ ﺍﻟﺒﺼﻞ ﻃﻠﻌﺘﻮﺍ ﺗﺮﺍﺟﻮ ﻓﻴﻨﺎ ..
ﺯﻳﻨﺐ : ﻫﻬﻬﻬﻬﻬﻪ .. ﺿﺤﻜﻲ ﻳﺎﻛﻔﺎﻳﻪ ..
ﻣﺸﺖ ﻓﺘﺤﺖ ﻟﻴﻔﺔ ﺍﻟﺒﺼﻞ ... ﺑﺶ ﺍﻃﻠﻊ ﻣﻨﻬﺎ ﺍﻟﺒﺼﻞ ..
ﻓﻜﺘﻬﺎ ﻣﻨﻬﺎ ﺳﻌﻴﺪﻩ : ﻣﺎﺑﻴﻨﺎﺵ ﻧﺪﻳﺮﻭﺍ ﺣﺎﺟﻪ ﻗﺒﻞ ﺗﺠﻦ
ﻭﻣﺸﺖ ﺣﺪﺍ ﺍﻟﺸﻴﺸﻤﻪ ﻭﺑﺪﺕ ﻓﻴﻪ ..
ﺍﻟﺘﻔﺘﺖ ﻟﺨﻮﺍﺗﻬﺎ ..
ﻟﻘﺖ ﻟﻄﻴﻔﻪ ﻭﺍﺧﺪﻩ ﺻﻮﻧﻴﻪ ﺗﺤﻂ ﻓﻴﻬﺎ ﻓﻲ ﺍﻟﻠﺤﻢ ﻭ
ﻭﺗﻐﺴﻞ ..
ﺷﺒﺤﻮﺍ ﺍﻟﺨﻮﺍﺕ ﻟﺒﻌﺾ ﺑﺈﺳﺘﻐﺮﺍﺏ ...
ﺍﻣﺎ ﺯﻳﻨﺐ ﺭﺟﻌﺖ ﻧﻈﺮﻫﺎ ﻟﻴﻬﻢ ﻭﻫﻲ ﺭﺍﻓﻌﻪ ﺍﻟﺤﺎﺟﺐ ...
🍁🍁🍁🍁
ﻓﻲ ﺍﻟﻤﺼﻨﻊ ..
ﻓﻤﻜﺎﻥ ﻟﻘﺎﺋﻬﻢ ﺍﻟﻤﻌﺘﺎﺩ ..
ﺳﻤﻴﻪ : ﻭﻟﻴﺶ ﺟﻴﺖ ﺍﻟﻴﻮﻡ ﻣﻔﺮﻭﺽ ﻗﻌﺪﺕ ﻭﺍﻃﻤﻨﺖ ﻉ ﺳﻴﺪﻙ ..
ﺍﻟﻬﺎﺩﻱ : ﺷﻨﻮ ﻧﺪﻳﺮ ﻓﻘﻠﺒﻲ ﻟﻤﺎ ﻗﺮﻳﺖ ﺭﺳﺎﻟﺘﻚ ﻣﺎﻗﺪﺭﺗﺶ ﻧﻘﻌﺪ ﻋﻨﻚ ..
ﺳﻤﻴﻪ ﺍﺑﺘﺴﻤﺖ : ﻣﺎﺷﺎﺀ ﺍﻟﻠﻪ ﻉ ﺭﻣﺰﻱ ﻭﻟﺪ ﺧﻮﻙ ﻟﻤﻦ ﻃﺎﻟﻊ ..
" ﻟﻘﺎﻫﺎ ﻓﻲ ﺩﻛﺎﻥ ﻭﻋﻄﺎﺗﻪ ﺍﻟﺮﺳﺎﻟﻪ ﻳﻮﺻﻠﻬﺎ ﻭﻣﺶ ﺍﻭﻝ ﻣﺮﺓ .. ﻭﻫﻮ ﻳﺒﻌﺘﻠﻬﺎ ﻑ ﺍﻟﺮﺳﺎﻳﻞ ﻣﻊ ﺍﺧﺘﻬﺎ ﺍﻟﺼﻐﻴﺮﺓ ﺍﻟﻠﻲ ﺗﻘﺮﺍ ﻣﻊ ﻋﺰﻳﺰﺓ ﺑﻨﺖ ﻋﻤﻪ .."
ﺍﻟﻬﺎﺩﻱ : ﻋﻨﺪﻱ ﻋﻤﺘﻲ ﺍﻟﻠﻪ ﻳﺮﺣﻤﻬﺎ ﻭﺧﻮﻱ ﻣﻴﻼﺩ ﻭﺧﻮﻱ ﻫﺎﻧﻴﺒﺎﻝ ﻭﻭﺣﺪﻩ ﻣﻦ ﺧﻮﺍﺗﻲ ﻧﻌﻴﻤﻪ ﺣﻜﻴﺘﻠﻚ ﻋﻨﻬﺎ ﻫﺪﻭﻣﺎ ﺟﻮ ﻛﻠﻬﻢ ﺷﻘﺮ ﻭﻋﻴﻮﻧﻬﻢ ﻣﻠﻮﻧﻪ ..
ﺳﻤﻴﻪ : ﻣﺎﺷﺎﺀ ﺍﻟﻠﻪ ...
ﺍﻟﻬﺎﺩﻱ : ﻋﻨﺪﻧﺎ ﻫﻨﻰ ﻭﺍﺟﺪ ﻫﻜﻲ ﺍﺷﻜﺎﻟﻬﻢ ﻭﺍﻟﻠﻪ ﻓﻲ ﺑﻨﺎﺕ ﺗﺤﻠﻔﻲ ﻋﻠﻴﻬﻦ ﻃﻠﻴﺎﻧﻴﺎﺕ ..
ﺳﻤﻴﻪ ﺑﻐﻴﺮﺓ : ﻭﺍﻧﺖ ﻭﻳﻦ ﺭﺍﻳﻬﻦ ..
ﺿﺤﻚ ﺍﻟﻬﺎﺩﻱ : ﺑﺎﻟﺼﺪﻓﻪ ﻭﺍﻟﻠﻪ ..
ﺳﻤﻴﻪ ﺑﺮﻓﻌﺔ ﺣﺎﺟﺐ : ﺑﺎﻟﺼﺪﻓﻪ !!! ﻃﻠﻌﺖ ﻭﺍﺣﺪ ﻋﻴﻨﻪ ﺯﺍﻳﻌﻪ .. ﻭﻟﻔﺖ ﻭﻣﺸﺖ ﻭﺧﻼﺗﻪ ﻭﻫﻲ ﻣﻌﺼﺒﻪ ..
ﻫﻮ ﻗﻌﺪ ﻳﻀﺤﻚ ﻭﺧﻼﺹ ..
ﻋﺎﺭﻓﻬﺎ ﺗﺤﺒﻪ ﻳﺮﺿﻴﻬﺎ ﻟﻬﺪﺍ ﺇﺩﻭﺭ ﻉ ﺍﺗﻔﻪ ﺍﻷﺳﺒﺎﺏ ﺑﺶ ﺗﺰﻋﻞ💕
🍁🍁🍁🍁🍁
ﻣﻊ ﺍﻟﺴﺎﻋﻪ 4 ﻛﺎﻥ ﺍﻟﻐﺪﻱ ﻭﺍﺗﻲ ..
ﻟﻜﻦ ﺍﻟﻮﺿﻊ ﻛﺎﻥ ﻣﺶ ﻣﺰﺑﻮﻁ ..
ﺍﻟﺠﻮ ﻣﺸﺤﻮﻥ ..
ﻭﺍﻟﺤﻜﺎﻳﻪ ﻣﺘﺴﺒﻠﻪ .. ﻭﻓﻲ ﺍﻱ ﻟﺤﻈﺔ ﺣﻴﺼﻴﺮ ﺍﻹﻧﻔﺠﺎﺭ ..
ﺍﻟﻜﻞ ﺗﻐﺪﻭﺍ ...
ﺭﺟﺎﻟﺔ ﻭﻧﺴﺎﻭﻳﻦ ..
ﻭﻛﺎﻧﺖ ﻋﻤﺘﻬﻢ ﻛﻴﻒ ﻭﺍﺻﻠﻪ ﻟﻤﺎ ﺣﻄﻮﺍ ﺍﻟﻐﺪﻱ ﻭﺟﺎﺑﺖ ﻣﻌﺎﻫﺎ ﻧﺠﻴﻪ ..
ﻭﺯﻳﻨﺐ ﻣﻀﻐﻮﻃﻪ ﻟﻴﻴﻴﻴﻦ ﺧﻼﺹ ...
ﺑﺎﻟﺬﺍﺕ ﺑﻌﺪ ﺗﻼﻗﻮﺍ ﺳﻌﻴﺪﺓ ﻭﻧﺠﻴﻪ ﻉ ﻫﺪﺭﺯﺓ ﻭﺿﺤﻚ ﻭﺗﻠﻘﻴﺢ ﻛﻼﻡ ...
ﻭﺍﻟﻠﻲ ﺗﻌﻮﺩﻭﺍ ﻋﻠﻴﻪ ﺑﻨﺎﺕ ﻓﺎﻃﻤﻪ ﻳﺴﻜﺘﻮﺍ ﻭﻳﺘﺤﻤﻠﻮﺍﻓﺮﻭﺍﺣﻬﻢ ..
ﻫﻜﻲ ﺗﺮﺑﻮﺍ ﺩﻳﻤﺎ ﻫﻤﺎ ﻳﺘﻨﺎﺯﻟﻮﺍ ﻭﻳﺴﻜﺘﻮﺍ ﻭﻳﺘﺠﺎﻫﻠﻮﺍ ﻭﻳﻔﻮﺗﻮﺍ🍃
******
ﺍﻟﺴﺎﻋﻪ 5:30 ﻋﺼﺮﺍ ...
ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ﻣﻬﺘﻤﻴﻦ ﺑﻴﻬﺎ ﻫﻠﺒﻪ ...
ﻣﻴﻼﺩ : ﺍﻛﻴﺪ ﻣﺎﻝ ﺷﻨﻮ ...
ﺧﻴﺮﻱ : ﺗﻘﻌﻤﻴﺰﺓ ﻓﻴﻬﺎ ﺑﻌﺪ ﻫﻜﻲ ﻓﺴﺎﺩ ..
ﺧﻮ ﺧﻴﺮﻱ : ﻟﻴﺎ ﻭﻗﺖ ﻣﺎﺟﻴﺖ ..
ﻫﺎﻧﻴﺒﺎﻝ : ﻗﻠﻨﺎ ﻓﺘﻴﺢ ﺧﻼﺹ ﺗﻜﺒﺮ ﻉ ﺍﻟﺒﻼﺩ ..
ﻣﻔﺘﺎﺡ ﺑﻀﺤﻜﻪ : ﻓﻲ ﺣﺪ ﻳﺘﻜﺒﺮ ﻉ ﺍﺻﻠﻪ ... ﺗﻲ ﻭﻟﺪﻫﺎ ﻭﺍﻓﺘﺨﺮ ..
ﻋﻤﺎﺭ ﺍﺑﺘﺴﻢ : ﻭﻧﻌﻢ ﺍﻟﻨﺴﺐ ﻭﺍﻻﺻﻞ ..
ﺧﻴﺮﻱ : ﺣﺘﻰ ﺍﻧﺘﻢ ﻧﻌﻢ ﺍﻟﻨﺎﺱ ..
ﻋﻤﺎﺭ : ﺗﺴﻠﻢ ..
ﻣﺤﻤﻮﺩ ﺟﺎﻫﻢ : ﻣﺎﺗﻤﻨﻰ ﺗﻄﻠﻊ ﻣﻨﻬﺎ ..
" ﻫﻴﻴﻴﻴﻴﻴﻴﻴﻴﻴﻴﻲ .."
ﺷﺎﻓﻮﺍ ﺟﻴﻬﺔ ﺍﻻﻭﻻﺩ ﻛﺎﻧﻮﺍ ﻳﻠﻌﺒﻮﺍ ﻓﻲ ﺍﻟﺒﻄﺶ ..
ﺳﻌﺪ : ﻭﺍﻟﻠﻪ ﺍﻟﺼﻐﺎﺭ ﻣﺎﻳﻨﺴﺠﻤﻮﺍ ﻏﻴﺮ ﻫﻨﻲ ..
ﺧﻴﺮﻱ : ﺻﺪﻗﺖ ..
ﻃﻠﻌﻮﺍ ﻣﻦ ﺍﻟﺠﺮﺩﻳﻨﻪ ﻭﻗﻌﺪﻭﺍ ﻳﺘﻤﺸﻮﺍ ..
ﻗﺎﺑﻠﻮﺍ ﺍﻟﺒﻨﺎﺕ ﻭﻣﻌﺎﻫﻢ ﺭﺑﺎﺏ ﻳﻠﻌﺒﻮﺍ ..
ﻣﻔﺘﺎﺡ : ﻋﻤﻮ ﺭﺑﺎﺏ ﺭﺍﻧﻴﺎ ..
ﺍﺑﺘﺴﻤﻮﺍ ﻟﻤﺎ ﺷﺎﻓﻮﻩ ﻭﺟﻮﻩ ﻳﺠﺮﻭﺍ ...
ﻗﻌﺪ ﻳﺤﻀﻦ ﻓﻴﻬﻢ ﻭﻳﺒﻮﺱ ..
ﻭﻛﺎﻧﺖ ﻣﻌﺎﻫﻢ ﺩﻻﻝ ﺗﺸﺒﺤﻠﻬﻢ ..
ﻣﻔﺘﺎﺡ ﺑﻌﺪ ﺑﻨﺎﺕ ﺧﻮﻩ ﻭﺷﺎﻑ ﻟﺪﻻﻝ : ﻣﺎﺷﺎﺍﺍﺀ ﺍﻟﻠﻪ ﻟﻤﻨﻮ ﺍﻟﺴﻤﺤﻪ ﻫﺎﺩﻱ ..
ﻫﺎﻧﻴﺒﺎﻝ : ﺑﻨﺖ ﻧﻌﻴﻤﻪ ..
ﻣﻔﺘﺎﺡ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ .. ﻃﺒﺲ ﻭﺑﺎﺱ ﺭﺍﺳﻬﺎ ... ﻃﻠﻴﺎﻧﻴﻪ ﺍﻟﺒﻨﺖ ...
ﺿﺤﻜﻮﺍ ..
ﻟﻜﻦ ﻋﻤﺎﺭ ﻛﺎﻥ ﻳﺸﻮﻑ ﻟﺪﻻﻝ ﻭﺣﺲ ﺑﺸﻲ ﻣﻦ ﺍﻟﺨﻮﻑ ﻋﻠﻴﻬﺎ ..
ﻣﻔﺘﺎﺡ : ﺭﺑﻲ ﻳﺼﻮﻥ ﻭﻳﺒﺎﺭﻙ ..
ﻫﺎﻧﻴﺒﺎﻝ : ﻫﻲ ﻋﺪﻥ ﺍﻟﻌﺒﻦ .. ﺭﺩﻱ ﺑﺎﻟﻚ ﻋﻠﻴﻬﻦ ﻳﺎﺭﺑﺎﺏ ...
ﻣﺸﻮﺍ ﻛﻤﻠﻮﺍ ﺩﻭﺭﺗﻬﻢ ...
ﻋﻤﺎﺭ ﻳﺸﺒﺢ ﻟﺪﻻﻝ ﺑﻌﺪﻳﻦ ﻗﺪﻣﻠﻬﺎ : ﺩﻟﻮﻟﻪ ... ﺗﻌﺎﻟﻲ ..
ﻫﻲ ﺍﺑﺘﺴﻤﺖ ﻭﺟﺎﺗﻪ ..
ﻃﺒﺲ ﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ..
ﻭﺻﻠﺖ ﻓﻴﻪ ... ﺣﻂ ﻳﺪﻩ ﻉ ﺭﺍﺳﻬﺎ ﻭﺑﺪﻱ ﻳﻘﺮﺍ ﻋﻠﻴﻬﺎ ﻭﻳﻤﺴﺢ ﻉ ﺷﻌﺮﻫﺎ ..
ﻭﻫﻲ ﻣﺶ ﻓﺎﻫﻤﻪ ﺷﻲ ..😁
ﺑﻌﺪ ﻛﻤﻞ ﻗﺮﺍﻳﻪ ﻓﺘﺢ ﻋﻴﻮﻧﻪ ﻭﻗﻌﺪ ﻳﺸﻮﻑ ﻟﺸﻌﺮﻫﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺗﺮﺍ ﺩﻭﺭﻱ ﺩﻟﻮﻟﻪ ..
ﺩﺍﺭﺕ ﻭﻋﻄﺎﺗﻪ ﺑﻈﻬﺮﻫﺎ ...
ﻟﻤﻪ ﻭﺑﺪﻱ ﻳﻈﻔﺮ ﻓﻴﻪ ...
ﻫﺎﻧﻴﺒﺎﻝ ﻓﻘﺪﻩ ... ﻗﻌﺪ ﻳﺪﻭﺭ ﻓﻴﻪ ﺑﻌﻴﻮﻧﻪ ﻟﻴﻦ ﺷﺎﻓﻪ ...
ﺗﻔﺎﺟﺄ ﻭﺍﺑﺘﺴﻢ ﻣﺎﻛﺎﻧﺶ ﻳﻌﺮﻑ ﺍﻧﻪ ﻳﺤﺐ ﺍﻟﺼﻐﺎﺭ ﻫﻜﻲ ..
ﺍﻭ ﻣﻤﻜﻦ ﺩﻻﻝ ﻏﻴﺮ ....
ﻷﻥ ﺩﻻﻝ ﻃﻔﻠﻪ ﺑﺠﻤﺎﻟﻬﺎ ﻭﺧﻔﺔ ﺩﻣﻬﺎ ﺗﺨﻄﻒ ﺃﻱ ﻗﻠﺐ ...
💕 ﺑﻌﺪ ﻛﻤﻞ ...
ﻟﻔﻬﺎ ﻟﻴﻪ : ﺭﺑﻲ ﻳﺤﻔﻈﻚ ﻳﺎﺳﻤﺤﻪ ..
ﺑﺎﺳﻬﺎ ﻉ ﺭﺍﺳﻬﺎ ﻭﻭﻗﻒ : ﻋﺪﻱ ﺍﻟﻌﺒﻲ ﻫﻲ ..
ﺩﻻﻝ ﺑﺈﺑﺘﺴﺎﻣﻪ ﻃﻔﻮﻟﻴﻪ : ﻃﻔﺮﺓ؟ ! " ﻇﻔﺮﺓ "
ﻋﻤﺎﺭ ﺿﺤﻚ : ﺍﻳﻪ ﻃﻔﺮﺓ ... ﺣﻠﻮﺓ ..
ﺩﻻﻝ : ﺍﻳﻪ .. ﺣﻠﻮﺓ ...
ﻭﻟﻔﺖ ﻭﻣﺸﺖ ﺗﺠﺮﻱ ﻟﻠﺒﻨﺎﺕ ﻭﻗﻌﺪﺕ ﺗﻮﺭﻳﻠﻬﻢ ﻓﺸﻌﺮﻫﺎ ..
ﻫﻮ ﻳﺸﻮﻓﻠﻬﺎ ﻭﻳﻀﺤﻚ ..
" ﺭﺑﻲ ﻳﺮﺯﻗﻚ ﺑﻤﺮﺍﺀﺓ ﻭﻳﺠﻴﻚ ﻛﻴﻔﻬﺎ .."
ﻋﻤﺎﺭ : ﻫﻬﻬﻬﻬﻬﻬﻬﻬﻪ .... ﻉ ﻫﻜﻲ ﺑﻨﺪﻭﺭ ﻭﺍﺟﺪ ﺑﺶ ﻧﻠﻘﻰ ﻭﺣﺪﻩ ﺗﺤﺴﻦ ﺍﻟﻨﺴﻞ ..
ﻫﺎﻧﻴﺒﺎﻝ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﺗﻌﺎﻝ ﺗﻌﺎﻝ .....
ﻭﻣﺸﻮﺍ ﻣﻊ ﺑﻌﺾ ﻭﻳﻦ ﻣﺎﻓﻲ ﺍﻟﺮﺟﺎﻟﻪ ...
*****
ﺍﻟﺴﺎﻋﻪ 9 ﻟﻴﻼ ...
ﺗﻌﺸﻮﺍ ﻭﻛﺎﻧﻮﺍ ﺩﺍﻳﺮﻳﻦ ﺍﻟﻌﺸﻲ ﻣﺴﻘﻲ ﻭﺗﻄﻴﻴﺐ ﻧﻌﻴﻤﻪ ..
ﻋﻤﺘﻬﻢ ﻣﺒﺮﻭﻛﻪ : ﺳﻠﻢ ﺍﻳﺪﻳﻚ ﻳﺎﻧﻌﻮﻣﻪ ﻋﻠﻴﻚ ﺗﻄﻴﻴﺐ ﻣﺎﺷﺎﺀ ﺍﻟﻠﻪ ..
ﻧﺠﻴﻪ : ﺭﺯ ﺯﻱ ﺍﻟﻌﺴﻞ ﻣﺎﺷﺎﺀ ﺍﻟﻠﻪ ..
ﺳﻌﻴﺪﻩ : ﺗﻄﻴﻴﺐ ﻧﻌﻴﻤﻪ ﻣﻌﺮﻭﻑ ﻣﺎﻓﻴﺶ ﻛﻴﻔﻬﺎ ﻓﺒﻨﺎﺕ ﻋﻤﻲ ..
ﻧﺠﻴﻪ : ﻭﺍﺿﺢ ..
ﻧﻌﻴﻤﻪ ﺷﺒﺤﺖ ﻷﺧﺘﻬﺎ ﻭﻗﺎﻟﺖ : ﺑﺎﺭﻙ ﺍﻟﻠﻪ ﻓﻴﻜﻢ ﻭﺻﺤﺘﻴﻦ .
ﺯﻳﻨﺐ ﻛﺎﻧﺖ ﺗﺴﻤﻊ ﻭﺍﻹﺑﺘﺴﺎﻣﻪ ﻉ ﻭﺟﻬﻬﺎ ﺗﺨﻔﻲ ﻓﻲ ﻏﻴﻈﻬﺎ ..
ﻭﻓﺎﻃﻤﻪ ﺗﺮﺍﻗﺐ ﻭﺳﺎﻛﺘﻪ ﻭﺧﺎﻳﻔﻪ ﻣﻦ ﺯﻳﻨﺐ ...
ﻛﻔﺎﻳﻪ ﺗﺸﻮﻓﻠﻬﻢ : ﺻﺤﺘﻴﻦ ...
ﻧﺎﺿﺖ ﻭﺧﺸﺖ ﻟﻠﻜﻮﺟﻴﻨﻪ ...
ﻛﻔﺎﻳﻪ ﺑﻬﻤﺲ : ﻗﺴﻤﺎ ﺑﺎﻟﻠﻪ ﺷﺎﺩﺓ ﺭﻭﺣﻲ ﺑﺎﻟﺴﻴﻒ ..
ﻏﺎﻟﻴﻪ : ﺯﻳﻨﺐ ﺑﺘﻨﻔﺠﺮ ﻋﻠﻴﻬﻦ ﻋﺎﺭﻓﻪ ..
ﺣﻤﻴﺪﻩ : ﺭﺑﻲ ﻳﻌﺪﻱ ﻫﺎﻟﻴﻮﻡ ﻉ ﺧﻴﺮ ...
ﻧﺎﺿﺖ ﺯﻳﻨﺐ ..
ﻭﻧﺎﺿﺖ ﺳﻌﻴﺪﻩ ﺑﺘﺮﻓﻊ ﺍﻟﺼﻔﺮﺓ ..
ﻧﻌﻴﻤﻪ : ﻻﻻ ﺧﻠﻴﻚ ﺗﻮ ﻧﺮﻓﻌﻬﺎ ﺍﻧﻲ ...
ﺷﺒﺤﺘﻠﻬﺎ ﺯﻳﻨﺐ ...
ﺳﻌﻴﺪﻩ : ﻏﻴﺮ ﺧﻠﻴﻨﻲ ﻧﺮﻓﻌﻬﺎ ﻋﺎﺩﻱ ..
ﺭﻓﻌﺘﻬﺎ ﻧﻌﻴﻤﻪ : ﺧﻼﺹ ﻗﻌﻤﺰﻱ ..
ﺧﺸﺖ ﻧﻌﻴﻤﻪ ﺑﺎﻟﺼﻔﺮﺓ ﻭﻭﺭﺍﻫﺎ ﺯﻳﻨﺐ : ﻋﻼﺵ ﻣﺎﺧﻠﻴﺘﻴﻬﺎﺵ ﺗﻘﻴﻤﻬﺎ؟ !
ﻧﻌﻴﻤﻪ : ﺍﻟﺼﻔﺮﺓ ﺭﺯﻳﻨﻪ ﻭﻫﻲ ﺣﺎﻣﻞ ..
ﺯﻳﻨﺐ : ﻣﺎﺣﻤﻠﺖ ﻛﺎﻥ ﻫﻲ ... ﻭﺑﻌﺪﻳﻦ ﻃﺒﻊ ﺍﻣﻲ ﻫﺪﺍ ﺍﻟﻠﻲ ﻏﺎﻟﺒﻚ ﺣﻮﻟﻴﻪ ﻳﺎﻧﻌﻴﻤﻪ ..
ﻛﻔﺎﻳﻪ : ﺻﺢ ﻃﻴﺒﻪ ﺯﻳﺎﺩﺓ ﻋﻦ ﺍﻟﻠﺰﻭﻡ ...
ﻛﺎﻧﺖ ﺧﺎﺷﻪ ﺳﻌﻴﺪﻩ ﺑﺎﻟﻤﻔﺮﺵ ﻭﺳﻤﻌﺘﻬﻢ ...
ﺣﻄﺎﺗﻪ ﻭﻭﻗﻔﺖ ﻉ ﺯﻳﻨﺐ : ﻛﺎﻥ ﻧﻌﺮﻑ ﺷﻦ ﺩﺍﻳﺮﺗﻠﻚ ﻳﺎﺑﻨﺖ ﻋﻤﻲ ﺑﺲ ... ﻟﻜﻦ ﺭﺑﻲ ﻳﺴﺎﻣﺤﻚ ..
ﺣﻄﺖ ﻃﺮﻑ ﺭﺩﺍﻫﺎ ﻉ ﺭﺍﺳﻬﺎ ﻭﻃﻠﻌﺖ ...
ﻧﺠﻴﻪ ﺷﺎﻓﺘﻬﺎ : ﻭﻳﻦ ﺳﻌﻮﺩﺓ ..
ﺳﻌﻴﺪﻩ ﻭﻉ ﻭﺟﻬﻬﺎ ﻣﻼﻣﺢ ﺍﻟﻀﻴﻖ : ﺑﻨﻌﺪﻱ ﻟﻬﻠﻲ ..
ﻧﺠﻴﻪ : ﺍﺭﻓﻌﻴﻨﻲ ﻣﻌﺎﻙ ﻧﺸﻮﻑ ﺍﻟﺒﻨﺎﺕ ﻭﺧﺎﻟﺘﻲ ﺣﺪﻫﻢ ...
ﺳﻌﻴﺪﻩ : ﺗﻌﺎﻟﻲ ...
ﻧﺠﻴﻪ ﻧﺎﺿﺖ ﻭﻫﻲ ﺗﻠﺒﺲ ﻓﺸﺎﺭﺑﺘﻬﺎ : ﺗﻠﺤﻘﻲ ﺑﻌﺪﻳﻦ ﻳﻤﺎ ..
ﻣﺒﺮﻭﻛﻪ : ﺍﻳﻪ ﺷﻮﻳﻪ ﺗﺎﻧﻴﻪ ...
ﻧﺠﻴﻪ : ﺑﺎﻫﻲ ﻭﻣﺸﺖ ﻣﻊ ﺳﻌﻴﺪﻩ ...
ﺩﺍﺧﻞ ..
ﺯﻳﻨﺐ ﺑﻐﻴﻆ ﻭﻫﻲ ﺗﻌﻆ ﻉ ﺻﺒﻌﻬﺎ : ﻳﺎﺭﻳﺘﻨﻲ ﺗﻜﺴﺮﺕ ﻳﻮﻣﻬﺎ ..
ﻧﻌﻴﻤﻪ ﺣﻄﺖ ﻳﺪﻫﺎ ﻉ ﻛﺘﻔﻬﺎ : ﺧﻼﺹ ﻣﻌﺎﺵ ﺩﻭﺭﻱ ..
ﺯﻳﻨﺐ ﻣﺸﺖ ﻣﻦ ﺣﺪﺍﻫﺎ ﻭﻗﻔﺖ ﻉ ﺍﻟﻼﻭﻧﻴﺪﻳﻨﻮ ﺑﺶ ﺗﻐﺴﻞ ﺍﻟﻤﺎﻋﻴﻦ .
ﺻﺪﻣﺘﻬﺎ ﺍﻟﺤﺮﻛﻪ ﻧﻌﻴﻤﻪ .. ﺷﺒﺤﺖ ﻟﻜﻔﺎﻳﻪ ..
ﻛﻔﺎﻳﻪ ﺷﺒﺤﺘﻠﻬﺎ ﺑﻀﻴﻖ .. ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ﻭﻫﻲ ﺗﺸﻮﻓﻠﻬﺎ ﻣﺘﺎﻉ ﻓﻮﺗﻲ ....
ﺗﻨﻬﺪﺕ ﻧﻌﻴﻤﻪ ... ﻭﺑﺪﺕ ﺗﻠﻢ ﻓﻲ ﺍﻟﻤﺎﻋﻴﻦ .
ﺣﻤﻴﺪﻩ ﻭﻫﻲ ﺗﺨﺪﻡ ﻓﻲ ﺍﻟﺸﺎﻫﻲ : ﺳﻌﺪﻧﺎ ﻃﺎﻳﺢ ﻭﺣﺪﻩ ﻛﻴﻒ ﺍﻟﻠﻔﻌﻪ ﻭﺍﻟﺘﺎﻧﻴﻪ ﺑﺎﻳﻨﻬﺎ ﺍﺣﺮﻑ ﻣﻨﻬﺎ ﺣﺘﻰ ﺍﻟﻐﺪﻱ ﻣﻌﺎﻧﺎ ﻣﺎﺑﺖ ﺗﺘﻐﺪﺍ ... ﻗﺎﻟﺖ ﺑﺘﻬﻜﻢ ... ﺩﺍﻳﺨﻪ .. ﻧﺘﺤﻮﻡ ... ﻣﺮﺽ ...
******
ﻓﻲ ﺣﻮﺵ ﻣﻴﻼﺩ ..
ﻓﻲ ﺩﺍﺭ ﺣﻤﻴﺪ ﻭﻟﻄﻴﻔﻪ ..
ﺣﻤﻴﺪ : ﺑﺎﻫﻲ ﺧﻼﺹ ﺷﺪﻱ ﺩﺍﺭﻙ ..
ﻟﻄﻴﻔﻪ : ﻟﻌﻨﺪ ﻧﺠﻴﺐ ﻣﻌﺎﺵ ﺟﺎﻳﻪ ﻣﺎﺩﺧﻠﻴﺶ ﺑﻴﻚ ..
ﺣﻤﻴﺪ ﻳﺴﺎﻳﺮ ﻭﺧﻼﺹ : ﺑﺎﻫﻲ ﺑﺎﻫﻲ ﺯﻱ ﻣﺎﺗﺒﻲ .. ﻏﻴﺮ ﺍﺭﻗﺪﻱ ﻭﺍﺭﺗﺎﺣﻲ ..
ﺭﻗﺪﺕ ﻭﻫﻮ ﻏﻄﺎﻫﺎ ... ﻭﻳﻔﻜﺮ ﻛﻴﻒ ﻳﺪﻳﺮ ﻣﻊ ﺟﻮ ﺍﻟﻨﺴﺎﻭﻳﻦ ﺍﻟﻠﻲ ﺑﻴﺒﺪﻭﻟﻪ ﻓﻴﻪ ﻣﺮﺗﻪ ﻭﺧﻮﺍﺗﻪ ..
🍁 ﻓﻲ ﺍﻟﻐﺎﻟﺐ ﻳﻜﻮﻥ ﺍﻟﺮﺍﺟﻞ ﺿﺤﻴﺔ ﻫﺎﻟﺼﺮﺍﻉ ﺍﻷﺯﻟﻲ ...
******
ﺍﻟﺴﺎﻋﻪ 9:30
ﻧﺠﻴﻪ : ﺯﻳﻨﺐ ﻣﺴﻤﻪ ﻭﺣﺮﻓﻪ ﻛﺎﻥ ﻣﺶ ﺣﺎﻃﻴﻠﻬﺎ ﺣﺪ ﺭﺍﻫﻲ ﻣﺒﻌﺪ ﺳﻨﻴﻨﻬﺎ ﻟﺰﺗﻨﺎ ﻣﻦ ﺣﻮﺵ ﺑﻮﻱ ..
ﺳﻌﻴﺪﻩ؛ ﻭﻫﻮ ﻫﺪﻯ ﺍﻟﻠﻲ ﺗﺒﻲ ﺩﻳﺮﻩ ﻣﻌﺎﻱ ﺗﺒﻴﻨﻲ ﻣﻌﺎﺵ ﻧﺠﻲ ﻟﺤﻮﺵ ﻫﻠﻬﺎ ﻟﻜﻦ ﺑﻌﺪﻫﺎ ... ﺣﻮﺵ ﻋﻤﻲ ﻧﺠﻴﻪ ﻭﻧﺠﻴﻪ ..
ﻧﺠﻴﻪ : ﺻﺤﻪ ﻟﻴﻚ ﻫﺪﺍ ﺍﻟﺼﺢ ..
ﺍﻣﺎﻝ : ﺯﻳﻨﺐ ﻣﺎﺳﺎﻟﻢ ﺣﺪ ﻣﻦ ﺷﺮﻫﺎ ..
ﺣﺪﻫﻢ ﻭﻣﺒﺮﻭﻛﻪ ﻣﻘﻌﻤﺰﻳﻦ ﻓﺘﺮﻛﻴﻨﻪ ﺗﺎﻧﻴﻪ ﻣﻦ ﺍﻟﺼﺎﻟﻪ ﻭﻳﻬﺪﺭﺯﻭﺍ ...
ﻓﻲ ﻋﺰ ﺍﻟﻬﺪﺭﺯﺓ ﻭﺍﻹﻧﺴﺠﺎﻡ ....
" ﻟﻴﻴﻴﻴﻞ ﻳﺎﻟﻴﻴﻴﻴﻴﻴﻴﻴﻞ ..."
ﻛﻠﻬﻢ ﺍﻧﺼﺪﻣﻮﺍ ....
ﺧﺶ ﻋﻠﻴﻬﻢ ﻭﻫﻮ ﻳﺪﻋﺪﻉ ﻭﻳﺮﻗﺺ : ﻳﺎﻋﻴﻴﻴﻴﻴﻦ ﻳﺎﻟﻴﻴﻴﻴﻴﻴﻴﻞ ... ﺍﻭﻭﻭﻭﻭﻭﻭﻭ ﻋﻤﺘﻲ ﻣﺒﺮﻭﻛﻜﻜﻪ .... ﻗﺪﻣﻠﻬﺎ .. ﺷﻨﻮﻭﻭﻭ ﺣﺎﺍﺍﻟﻚ ..
ﻣﺒﺮﻭﻛﻪ ﺗﺮﻋﺶ ﻭ ﺣﺪﻫﻢ ﺩﻣﻮﻋﻬﺎ ﻧﺰﻟﻮﺍ ﻭﻭﺟﻬﻬﺎ ﺗﻘﺸﺮ ..
ﻧﺠﻴﻪ : ﺧﻮﻙ ﻗﺎﻋﺪ ﻳﺎﺧﺪ ﻓﻲ ﺍﻟﺴﻢ ...
ﺳﻌﻴﺪﻩ ﺗﺸﺒﺤﻠﻪ ﻭﻭﺟﻬﻬﺎ ﺍﺳﻮﺩ ﻭﺗﺒﻜﻲ ...
ﺍﻣﻪ ﺩﻓﺎﺗﻪ ﻟﻤﺎ ﻗﺮﺏ ﻣﻨﻬﻢ ....
ﻫﻮ ﻭﺧﺮ : ﻫﻬﻬﻴﻬﻬﻴﻬﻴﻬﻴﻬﻴﻬﻲ "... ﺿﺤﻜﻪ ﺳﻜﺮﺍﻧﻪ .."😂
ﺗﻠﻔﺖ ﻭﺷﺎﻑ ﻧﺠﻴﻪ : ﻧﺠﻴﻴﻴﻴﻪ ﺣﺒﻴﻴﻴﻴﻴﺒﺘﻲ ... ﻟﻴﺶ ﻟﻤﺎ ﺟﻴﺖ ﺧﻄﺒﺘﻚ ﺭﺩﻳﺘﻴﻨﻲ ...
ﻗﺪﻣﻠﻬﺎ ﻭﻫﻮ ﻳﺪﻋﺪﻉ ...
ﻋﻴﻄﺖ ﻉ ﻃﻮﻝ ﺭﻗﺒﺘﻬﺎ ..
ﻫﻮ ﻋﺘﺮ ﻓﻲ ﺍﻟﺒﺴﺎﻁ ﻭﻃﺎﺡ ...
ﻛﻠﻬﻢ ﻋﻴﻄﻮﺍ ..
ﺷﻮﻳﻪ ﻭﺟﻮ ﺣﻤﻴﺪﺍ ﻭﺳﻠﻴﻤﺎﻥ ﻳﺠﺮﻭﺍ ...
ﻛﺮﻭﻩ ﻛﺮﺍﻥ ﻣﻦ ﺍﻟﺼﺎﻟﻪ ...
ﻭﻣﺒﺮﻭﻛﻪ ﻭﺑﻨﺘﻬﺎ ﻃﻮﻝ ﻃﻠﻌﻮﺍ ﻣﻦ ﺍﻟﺤﻮﺵ ﻣﺘﻮﺟﻬﻴﻦ ﻟﺤﻮﺵ ﺭﻣﻀﺎﻥ ﺟﺮﻱ ...
🍁🍁🍁
ﻫﺪﻳﻜﺎ ﺍﻟﻠﻴﻠﻪ ﻛﺎﻧﺖ ﻣﺮﺑﻮﻋﺔ ﺭﻣﻀﺎﻥ ﻣﻠﻴﺎﻧﻪ ..
ﺩﻳﻦ ﻣﻨﻬﻢ ﺟﺎﻱ ﻉ ﺧﺎﻃﺮ ﺭﻣﻀﺎﻥ ...
ﻭﺩﻳﻦ ﺗﺎﻧﻲ ﻉ ﺧﺎﻃﺮ ﺭﻣﻀﺎﻥ ﻭﻧﺴﻴﺒﻪ " ﻣﺨﺘﺎﺭ " ﺍﻟﻠﻲ ﻳﻜﻮﻥ ﺍﺣﺪ ﺍﻓﺮﺍﺩ ﺍﻟﺪﺍﺋﺮﺓ ﺍﻟﻤﻘﺮﺑﻪ ﻟﻠﻘﺬﺍﻓﻲ ﻭﻗﺘﻬﺎ ...
ﻭﻃﺒﻌﺎ ﻋﺒﺪﺍﻟﻠﻪ ﺧﻮ ﺭﻣﻀﺎﻥ ﻣﻌﺎﻫﻢ ﻭﻣﺎﻳﻨﺪﺭﻳﺶ ﻉ ﺍﻟﻌﺎﺭ ﺍﻟﻠﻲ ﺩﺍﺭﻩ ﻭﻟﺪﻩ ﺣﺴﻦ ﻭﺍﻟﻠﻲ ﺧﻮﺗﻪ ﺩﺳﻮﻩ ﻓﻴﺴﻊ ﻓﻴﺴﻊ ...
🍁 ﺍﻟﺴﺎﻋﻪ 1 ﻟﻴﻼ ...
ﻛﺎﻧﻮﺍ ﺍﻟﺒﻨﺎﺕ ﻭﺑﻨﺎﺗﻬﻢ ﻓﻲ ﺩﺍﺭ ...
ﻭﻓﺎﻃﻤﻪ ﻭﻣﺒﺮﻭﻛﻪ ﻭﻧﺠﻴﻪ ﻓﺪﺍﺭ ...
ﺯﻳﻨﺐ ﺑﻀﺤﻜﻪ : ﻋﻠﻴﻚ ﻛﺸﺎﻳﻒ ..
ﻛﻔﺎﻳﻪ : ﺍﻟﺤﻤﺪ ﻟﻠﻪ ﺍﻟﻠﻲ ﻣﺎﺣﺪ ﻋﻠﻢ ﺑﻴﻪ ﻓﻀﻴﺤﻪ ﻗﺪﺍﻡ ﺧﺎﻟﻲ ﻛﺎﻧﻬﺪﺍ ..
ﻏﺎﻟﻴﻪ : ﻛﻔﺎﻳﻪ ﻏﻄﻲ ﻣﺮﻭﺍﻥ ...
ﻛﻔﺎﻳﻪ ﺷﺒﺤﺖ ﻟﻮﻟﺪﻫﺎ ﺍﻟﻤﺘﻌﺮﻱ ﻭﻏﻄﺎﺗﻪ ...
ﻏﺎﻟﻴﻪ ﻛﻤﻠﺖ ﺗﻘﻮﻝ : ﻣﺶ ﻋﺎﺭﻓﻪ ﻟﻌﻨﺪ ﺍﻣﺘﻰ ﻫﺎﻟﺤﺎﻝ ..
ﻧﻌﻴﻤﻪ : ﺷﻦ ﺑﻴﺪﻳﺮﻭﻟﻪ ﺑﻠﻮﺓ ﻭﺍﻧﺒﻠﻮﺍ ﺑﻴﻬﺎ ..
ﺣﻤﻴﺪﻩ ﺑﻀﻴﻖ : ﺍﻟﻤﺸﻜﻠﻪ ﻣﺼﺒﻴﻠﻨﺎ ﻓﺤﻴﺎﺗﻨﺎ ..
ﻏﺎﻟﻴﻪ ﺑﺘﻨﻬﻴﺪﻩ : ﻋﻤﻲ ﺭﺑﻲ ﻳﻬﺪﻳﻪ .. ﺣﺴﻦ ﻣﺶ ﻣﺘﺎﻉ ﺯﻭﺍﺝ ﻟﻴﺶ ﻣﻮﻗﻒ ﻣﺼﻴﺮ ﺧﻮﺗﻪ ﻋﻠﻴﻪ .. ﻭﺯﻋﺖ ﻧﻈﺮﻫﺎ ﻉ ﺻﻐﺎﺭ ﺧﻮﺍﺗﻬﺎ .. ﺍﻟﻌﻤﺮ ﻳﺠﺮﻱ ..
ﺯﻳﻨﺐ : ﻭﺍﻟﻠﻪ ﻣﺎﻳﺴﺘﺎﻫﻠﻮﻛﻢ ..
ﺣﻤﻴﺪﻩ : ﺧﻠﻴﻔﻪ ﻛﻮﻳﺲ ﻳﺎﺯﻳﻨﺐ ..
ﻏﺎﻟﻴﻪ : ﻭﺣﻤﻴﺪﺍ ﻣﺎﺷﺎﺀ ﺍﻟﻠﻪ ﻋﻠﻴﻪ ﺳﺎﺩ ﺍﻟﻤﻮﻗﻒ ﺍﻟﻠﻲ ﺩﺍﺭﻩ ﻣﻊ ﺍﻟﻬﺎﺩﻱ ...
ﺯﻳﻨﺐ : ﻭﻭﻭﻙ ﻋﻠﻴﺎ ﻫﺪﺍ ﻭﻣﺎﺯﺍﻝ ﻣﺎﺻﺎﺭ ﻣﻨﻬﻢ ﻭﻫﻜﻲ ﺩﺭﺗﻮﺍ ..
ﻛﻔﺎﻳﻪ ﺑﻀﺤﻜﻪ : ﻗﺎﻟﺘﻠﻬﺎ ﺍﻟﻠﻲ ﻣﺎﺗﺮﺿﻰ ﺗﺴﻤﻊ ﻉ ﺧﻴﺮﻱ ﻛﻠﻤﻪ .
ﺯﻳﻨﺐ ﺑﺘﺮﻗﻴﺼﺔ ﺣﻮﺍﺟﺐ : ﻭﻫﻮ ﻓﻲ ﺯﻱ ﺧﻴﺮﻱ ﺍﻟﻠﻲ ﻗﺮﻳﺐ ﻳﺤﻄﻨﻲ ﺗﺎﺝ ﻉ ﺭﺍﺳﻪ ..
ﻛﻔﺎﻳﻪ ﺑﺘﺸﻘﻠﻴﺒﺔ ﻋﻴﻮﻥ : ﺍﻧﻲ ﺳﻌﺴﻮﻋﻲ ﺣﻄﻨﻲ ﺗﺎﺝ ﻉ ﺭﺍﺳﻪ ﻣﻦ ﺯﻣﺎﻥ ..
ﺿﺤﻜﻮﺍ ﻛﻠﻬﻢ ..
ﺑﺲ ﺿﺤﻜﺔ ﻧﻌﻴﻤﻪ ﻛﺎﻧﺖ ﺗﺨﻔﻲ ﻏﺼﺔ ﻗﻠﺒﻬﺎ ...💔
ﺻﻌﺐ ﻫﻠﺒﻪ ﻉ ﻣﺮﺍﺓ ﺗﻜﻤﻞ ﺣﻴﺎﺗﻬﺎ ﻣﻊ ﺭﺍﺟﻞ ﻣﺎﺗﺤﺴﺶ ﺍﺗﺠﺎﻫﻪ ﺑﺄﻱ ﺷﻌﻮﺭ ﻭﺩ ...
ﺍﺷﺒﻪ ﺑﺎﻟﻤﻮﺕ ﺍﻟﺒﻄﻲﺀ ....🍃
🍁🍁🍁🍁
ﻓﻮﻕ ﺳﻄﺢ ﺣﻮﺵ ﻣﻴﻼﺩ ..
ﻣﻔﺘﺎﺡ : ﻋﻨﺪﻱ ﺯﻭﺯ ﻭﻻﺩ ..
ﻋﻤﺎﺭ : ﺭﺑﻲ ﻳﺼﻮﻥ ﻭﻳﺒﺎﺭﻙ .
ﻣﻔﺘﺎﺡ : ﺗﺴﻠﻢ .. ﻗﻮﻟﻮﻟﻲ ﻳﺎﻭﻻﺩ ﺷﻦ ﺭﺍﻳﻜﻢ ﻧﻄﻠﻌﻮﺍ ﻏﺪﻭﺓ ﻟﻠﻮﺍﺩﻱ ﻧﺒﻜﺒﻜﻮﺍ ..
ﺿﺤﻚ ﺍﻟﻬﺎﺩﻱ : ﻣﺎﺯﺍﻝ ﺗﺬﻛﺮ ..
ﻣﻔﺘﺎﺡ : ﺗﻲ ﺍﺣﻠﻰ ﺍﻳﺎﻡ ﻳﺎﺭﺍﺟﻞ ..
ﻋﻤﺎﺭ : ﺣﻨﻲ ﺍﻥ ﺷﺎﺀ ﺍﻟﻠﻪ ﻣﺘﺴﻘﺪﻳﻦ ﺑﻌﺪ ﻏﺪﻭﺓ ... ﺧﻞ ﻧﻌﺪﻭﺍ ﻏﺪﻭﺓ ﻟﻠﻮﺍﺩﻱ ﻭﺑﺎﻟﻤﺮﺓ ﻧﺸﻮﻑ ﺍﻟﻨﺨﻞ ﻣﺘﺎﻋﺎﺗﻜﻢ ...
ﻫﺎﻧﻴﺒﺎﻝ : ﺍﻧﻲ ﻣﺎﻋﻨﺪﻳﺶ ﻣﺸﻜﻠﻪ ..
ﻣﺤﻤﻮﺩ : ﻳﺎﺭﻳﺖ ﺟﺒﺖ ﺍﻟﺼﻮﺍﺭﺓ ﻣﻌﺎﻱ ..
ﺍﻟﻬﺎﺩﻱ : ﻧﺎﺧﺪﻭﺍ ﺍﻟﻠﻲ ﻋﻨﺪ ﻣﻴﻼﺩ ...
ﻣﻔﺘﺎﺡ ﺑﻀﺤﻜﻪ : ﺗﻢ ﻣﻌﻨﺎﻫﺎ ..
ﺿﺤﻜﻮﺍ ..
ﻫﺎﻧﻴﺒﺎﻝ ﺍﻟﻠﻲ ﻛﺎﻥ ﻳﻔﻜﺮ : ﺗﻢ ..
🍃🍃🍃🍃
ﻭﻋﺪﻯ ﺍﻟﻠﻴﻞ ﻉ ﻣﻬﻠﻮ ....
ﻭﻫﺎﻧﻴﺒﺎﻝ ﻳﻔﻜﺮ ﻭﻳﻔﻜﺮ ... ﻳﺒﻲ ﻳﺸﻮﻓﻬﺎ .. ﺍﺳﺘﺎﺣﺸﻬﺎ ﻫﻠﺒﻪ ...
ﻭﺣﺘﻰ ﻏﺪﻭﺓ ﻟﻠﻤﺪﺭﺳﻪ ﻣﺎﻳﻘﺪﺭﺵ ﻳﻤﺸﻲ ...
ﻭﻛﻤﻞ ﺍﻏﻠﺐ ﻟﻴﻠﻪ ﻓﻲ ﺍﻟﺘﻔﻜﻴﺮ ...
ﻭﺍﻟﻠﻴﻞ ﻟﺴﻬﺮ ﺍﻟﻌﺎﺷﻘﻴﻦ ....💕
ﻫﻲ ﻛﺎﻧﺖ ﺗﺘﻘﻠﺐ ﻭﺗﻔﻜﺮ ﻓﻴﻪ ...
ﺯﻋﻢ ﻳﺠﻲ ﻭﻻ ... ﻭﻋﻼﺵ ﻏﺎﻳﺐ ...
ﻭﺯﻋﻤﺎ ﺷﻦ ﺭﺩﺕ ﻓﻌﻠﻪ ﻉ ﺗﻤﺰﻳﻖ ﺭﺳﺎﻟﺘﻪ ....
ﺗﻨﻬﺪﺕ ﻭﻗﺎﻟﺖ ﺑﻬﻤﺲ : ﺍﺳﺘﺎﺣﺸﺘﻪ ....💕💔
🌄 ﻭﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ...
ﺍﻟﺴﺎﻋﻪ 8:30 ...
ﻣﺪﺍﻳﺮﻳﻦ ﺻﻔﺮﺗﻴﻦ ﻓﻄﻮﺭ ﻟﻠﻨﺴﺎﻭﻳﻦ ...
ﻭﻛﻞ ﻣﺠﻤﻮﻋﻪ ﻉ ﺻﻔﺮﺓ ..
ﻭﻛﻞ ﻭﺣﺪﻩ ﻣﻦ ﺍﻟﺒﻨﺎﺕ ﺣﺪﺍﻫﺎ ﺻﻐﺎﺭﻫﺎ ﻳﻔﻄﺮﻭﺍ ..
ﻣﺎﻋﺪﺍ ﺣﻤﺰﺓ ﻭﻋﻤﺎﺩ ﻳﻔﻄﺮﻭﺍ ﻣﻊ ﺧﻮﺍﻟﻬﻢ ﻣﺤﻤﺪ ﻭﻋﻤﺮ ﺑﺮﺍ ...
ﺷﻮﻳﻪ
ﺟﻲ ﺭﻣﺰﻱ ﻣﻦ ﻓﻢ ﺍﻟﺒﻮﺍﺑﻪ ..
ﻗﺎﻝ ﻭﻫﻮ ﻣﺘﺤﺸﻢ : ﺻﺒﺎﺡ ﺍﻟﺨﻴﺮ ..
ﻛﻠﻬﻢ ﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﺻﺒﺎﺡ ﺍﻟﺨﻴﺮ ..
ﺭﻣﺰﻱ : ﻋﻤﺘﻲ ﻏﺎﻟﻴﻪ ﻛﺎﻥ ﻓﻲ ﻋﻨﺪﻛﻢ ﻣﻠﺢ ﻋﻄﻴﻨﻲ ..
ﻏﺎﻟﻴﻪ : ﺑﺎﻫﻲ .. ﻧﺎﺿﺖ ... ﻭﺧﺸﺖ ﻟﻠﻜﻮﺟﻴﻨﻪ ..
ﻧﻌﻴﻤﻪ : ﺗﻌﺎﻝ ﺍﻓﻄﺮ ﺭﻣﺰﻱ ..
ﺭﻣﺰﻱ ﺑﺤﺸﻢ : ﻓﻄﺮﺕ ...
ﻛﻔﺎﻳﻪ : ﻧﺪﻳﺮﻟﻚ ﻧﺺ ﺣﺒﻴﺒﻲ ..
ﺭﻣﺰﻱ : ﻻﻻ ﻭﺍﻟﻠﻪ ﻓﺎﻃﺮ ...
ﺣﻤﻴﺪﻩ : ﻣﺘﺤﺸﻢ ...
ﻧﻌﻴﻤﻪ : ﻣﺎﺗﺘﺤﺸﻤﺶ ﺣﺒﻴﺒﻲ ﻧﺪﻳﺮﻟﻚ ﻧﺺ ﺑﻄﺎﻃﺎ ..
ﺭﻣﺰﻱ ﺿﺤﻚ : ﺑﺎﻟﻠﻪ ﺣﻠﻒ ﻓﻄﺮﺕ ..
ﺿﺤﻜﻮﺍ ﺍﻟﻤﻮﺟﻮﺩﻳﻦ ..
ﻧﺠﻴﻪ : ﻣﺎﺷﺎﺀ ﺍﻟﻠﻪ ﻋﻠﻴﻪ ..
ﺗﺤﺸﻢ ﺑﺰﻳﺎﺩﺓ ...
ﺣﻤﻴﺪﺓ ﺿﺤﻜﺖ ﻟﻤﺎ ﺭﺍﻧﻴﺎ ﻧﺎﺿﺖ ﻣﺎﺷﻴﺘﻠﻪ ﻓﻴﺪﻫﺎ ﻃﺮﻑ ﺑﻄﺎﻃﺎ ..
ﺭﺍﻧﻴﺎ : ﻛﻮﻭﻝ ..
ﻫﻮ ﺧﺪﺍﻫﺎ ﻣﻨﻬﺎ ﻭﻛﻼﻫﺎ ..
" ﺭﺍﺍﺍﺍﻧﻴﺎ .."
ﺷﺒﺤﻠﻬﺎ ﺭﻣﺰﻱ ..
ﻭﻛﻠﻬﻢ ﺷﺒﺤﻮﻟﻬﺎ ...
ﺯﻳﻨﺐ ﺑﺮﻓﻌﺔ ﺣﺎﺟﺐ : ﺗﻌﺎﻟﻲ ﻫﻨﻲ ..
ﺧﺎﻓﺖ ﻣﻦ ﺍﻣﻬﺎ ﻭﻣﺸﺘﻠﻬﺎ ...
ﻭﻣﺴﻜﻴﻦ ﺭﻣﺰﻱ ﺍﺿﺎﻳﻖ ﻣﻦ ﺷﺒﺤﺔ ﻋﻤﺘﻪ ﺍﻟﻠﻲ ﻛﺎﻧﺖ ﺗﺨﻮﻑ ..
ﺟﺎﺗﻪ ﻏﺎﻟﻴﻪ ﻭﻫﻲ ﺗﺸﺒﺢ ﻟﺰﻳﻨﺐ : ﻫﺎﻙ ﺭﻣﺰﻱ ..
ﺧﺪﻱ ﺍﻟﻔﺎﺯﻭ ﻭﻃﻠﻊ ﻃﻮﻝ ...
ﻧﺠﻴﻪ " ﻭﻳﻨﻚ ﻳﺎﺧﻴﺮﻱ ﺗﺠﻲ ﺗﺸﻮﻑ .."😏
ﺍﻣﺎ ﺧﻮﺍﺗﻬﺎ ﻗﻌﺪﻭﺍ ﻳﺸﺒﺤﻮﻟﻬﺎ ﻭﻭﻫﻲ ﺗﻮﻛﻞ ﻓﺒﻨﺘﻬﺎ ﻭﻣﻼﻣﺢ ﻭﺟﻬﻬﺎ ﺣﺎﺩﻩ ...
ﻭﻃﺒﻌﺎ ...
ﺭﺑﺎﺏ ﻛﺎﻧﺖ ﺗﺴﺠﻞ ﻓﻲ ﻛﻞ ﺷﻲ ﻳﺼﻴﺮ ...
ﻭﺗﺤﺪﺩ ﻓﻲ ﻣﺸﺎﻋﺮﻫﺎ ﺍﺗﺠﺎﻩ ﻛﻞ ﺷﺨﺺ ﻉ ﺣﺴﺐ ﺣﺎﻟﺔ ﺍﻣﻬﺎ ...
🍁🍁🍁🍁
ﺍﻟﺴﺎﻋﻪ 1 ﻇﻬﺮﺍ ..
ﻃﻠﻌﺖ ﻣﻦ ﺍﻟﻤﺪﺭﺳﻪ ﻭﻫﻲ ﻣﻀﺎﻳﻘﻪ ﻭﻫﺪﺍ ﺗﺎﻧﻲ ﻳﻮﻡ ﻣﺎﺗﺸﻮﻓﺎﺷﻲ ﻓﻴﻪ ..
ﺷﺒﺤﺖ ﺟﻬﺔ ﺍﻟﻮﻻﺩ ﻭﺗﻨﻬﺪﺕ ﺑﻀﻴﻖ ..
ﻋﻮﺩﺓ : ﺑﻮﻩ ﺣﺎﻟﻪ ﺑﺎﻫﻲ .
ﺳﺎﻟﻤﻪ : ﺍﻳﻪ ﻃﻠﻊ ﺍﻣﺲ ﻭﻋﺪﻥ ﺍﻣﻲ ﻭﺧﻮﺍﺗﻲ ﻟﺤﻮﺵ ﻫﻞ ﻫﺎﻧﻴﺒﺎﻝ .
ﻏﺰﺍﻟﻪ : ﻋﺮﻭﺑﻪ .
ﻋﺮﻭﺑﻪ ﺑﻀﻴﻖ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﻫﻤﻢ ..
ﻏﺰﺍﻟﻪ : ﺧﻴﺮﻙ ..
ﻋﺮﻭﺑﻪ ﻧﺰﻟﻮﺍ ﺩﻣﻮﻋﻬﺎ ﻣﺠﺮﺩ ﺳﻤﻌﺖ ﻛﻠﻤﺔ ﺧﻴﺮﻙ ..
ﻗﻌﺪﺕ ﺗﻤﺴﺢ ﻓﻴﻬﻢ ...
ﻭﻫﻤﺎ ﻳﺸﺒﺤﻮﻟﻬﺎ ﺑﻀﻴﻖ ...
ﺷﻮﻳﻪ ..
ﻋﻮﺩﺓ ﺑﻔﺮﺣﻪ : ﻋﺮﻭﺑﻪ ﻋﺮﻭﺑﻪ ﻋﺮﻭﺑﻪ .. ﺷﻮﻓﻲ ..
ﺷﺒﺤﺖ ﻭﻳﻦ ﻣﺎ ﺍﺧﺘﻬﺎ ﺗﺸﺒﺢ ...
ﻭﺻﺎﺣﺒﺎﺗﻬﺎ ﻣﻌﺎﻫﺎ ...
ﻣﻦ ﻓﺮﺣﺘﻬﺎ ﺍﺑﺘﺴﻤﺖ ﺑﻔﺮﺡ ﻭﻫﻲ ﺗﺸﻮﻓﻠﻪ ﻣﺎﻗﺪﺭﺗﺶ ﺗﻤﻨﻊ ﻧﻔﺴﻬﺎ ﻣﺴﺘﺎﺣﺸﺎﺗﻪ 💓...
ﻫﻮ ﻭﺍﻗﻒ ﻣﻦ ﺑﻌﻴﺪ ﺷﻮﻳﻪ ﻭﺣﺎﻁ ﺍﻳﺪﻳﻪ ﻓﺠﻴﻮﺑﻪ ﻭﻳﺸﺒﺤﻠﻬﺎ ﺑﺈﺑﺘﺴﺎﻣﻪ ..
ﻏﺰﺍﻟﻪ ﺑﻀﺤﻜﻪ : ﻫﺪﻯ ﻏﻴﺮ ﺍﻣﺲ ﺑﻨﺪﻳﺮﻟﻪ ﻭﻧﻮﺭﻳﻪ ﻭﻧﻔﻌﻠﻪ ..
ﺳﺎﻟﻤﻪ ﺗﻘﻠﺪ ﻓﻴﻬﺎ : ﻣﻌﺎﺵ ﺑﻨﻘﻴﻤﻪ ﻣﻦ ﺍﺭﺿﻪ ﺧﻼﺹ ..
ﻋﻮﺩﺓ ﺗﻀﺤﻚ ..
ﻫﻲ ﺍﺳﺘﺎﻗﻀﺖ ﻟﻤﺎ ﺳﻤﻌﺖ ﻛﻼﻡ ﺻﺎﺣﺒﺎﺗﻬﺎ ..
ﺗﻼﺷﺖ ﺍﺑﺘﺴﺎﻣﺘﻬﺎ ﻭﺷﻘﻠﺒﺖ ﻋﻴﻮﻧﻬﺎ ﻭﻗﻠﺒﺖ ﻭﺟﻬﻬﺎ ﻋﻨﻪ ..
ﻟﻜﻦ ﺍﻟﻘﻠﺐ ...💓💓💓💓💓💓
ﻫﻮ ﺿﺤﻚ .. ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
ﻋﺮﻭﺑﻪ ﺑﺪﻭﻥ ﻣﺎﺗﺸﻮﻓﻠﻪ : ﻋﺪﺍ؟ !!
ﻋﻮﺩﺓ ﺑﻀﺤﻜﻪ؛ ﻣﺎﺯﺍﻝ ﻣﺼﺒﻲ ..
ﻋﺮﻭﺑﻪ ﺗﺒﻲ ﺗﺸﺒﺤﻠﻪ ﺣﺮﻛﺖ ﺭﺍﺳﻬﺎ ﻉ ﺍﺳﺎﺱ ﺗﻮﺯﻉ ﻓﻨﻈﺮﻫﺎ ﻉ ﺍﻟﻤﻜﺎﻥ ﺷﺎﻓﺘﻠﻪ ..
ﻫﻮ ﻣﻂ ﺷﻮﺍﺭﺑﻪ ﺑﺘﻬﻜﻢ ﻭﻫﻮ ﻳﻀﺤﻚ ...
ﺑﻌﺪﻳﻦ ﻟﻒ ﻭﻣﺸﻲ ..
ﻭﻗﻠﺒﻬﺎ ﻣﺸﻲ ﻭﺭﺍﻩ ..💓
ﻋﺮﻭﺑﻪ ﺗﻨﻬﺪﺕ : ﻳﺎﺍﺍﺭﺑﻲ 💓...
ﺿﺤﻜﻮﺍ ﺍﺧﺘﻬﺎ ﻭﺻﺎﺣﺒﺎﺗﻬﺎ ..
ﻭﻫﻮ ﻛﻤﻞ ﻃﺮﻳﻘﻪ ﻭﻫﻮ ﻓﻘﻤﺔ ﺍﻟﺴﻌﺎﺩﻩ ﻟﻌﻨﺪ ﻭﺻﻞ ﻓﺎﻟﺴﻴﺎﺭﺓ ﻭﺭﻛﺐ ..
ﻋﻤﺎﺭ ﺑﻀﺤﻜﻪ : ﻋﻨﺪﻙ ﻋﻠﻢ ﺍﻥ ﺍﻟﺤﺐ ﻣﺎﺷﻲ ﻣﻌﺎﻙ ..
ﻫﺎﻧﻴﺒﺎﻝ ﺿﺤﻚ ﺑﺮﻓﻌﺔ ﺣﻮﺍﺟﺐ : ﺣﺐ ﻣﺮﺓ ﻭﺣﺪﻩ !!
ﻋﻤﺎﺭ ﺑﻀﺤﻜﻪ : ﻭﻣﺎﻓﻴﺶ ﻏﻴﺮﻩ ..
ﻫﺎﻧﻴﺒﺎﻝ : ﻫﻬﻬﻬﻪ .. ﺍﻟﻠﻲ ﻳﺴﻤﻌﻚ ﻳﻘﻮﻝ ﺻﺎﺣﺐ ﺗﺠﺎﺭﺏ ..
ﻋﻤﺎﺭ : ﺍﻳﻪ ﺻﺢ ﻣﺎﺟﺮﺑﺘﻪ ﻟﻜﻦ ﻗﺮﻳﺖ ﻋﻨﻪ .. ﻭﺍﻟﻠﻲ ﻗﺮﻳﺘﻪ ﺷﻔﺘﻪ ﻓﻴﻚ .
ﻫﺎﻧﻴﺒﺎﻝ ﺑﺘﻬﻜﻢ : ﺑﺎﻫﻲ ﻳﺎﺷﺎﻋﺮ ﺩﻳﺮ ﻓﻲ ﺣﺎﻟﻲ ﻗﺼﻴﺪﺓ ..
ﻋﻤﺎﺭ ﺑﻀﺤﻜﻪ؛ ﻗﺼﺎﻳﺪﻱ ﻟﻠﻮﻃﻦ ﻭﺑﺲ ..
ﻫﺎﻧﻴﺒﺎﻝ :. ﻗﺼﺪﻙ ﻟﻴﻪ ﻫﻮ ﻭﺑﺲ ..
ﻋﻤﺎﺭ : ﺇﻳﻴﻴﻴﻴﻪ ﻋﻠﻴﻨﺎ ... ﻧﻘﻮﻟﻚ ﻧﻌﺪﻭﺍ ﻟﻠﻀﺮﺍﺭﻱ ﺑﺴﺮﻋﻪ ﺧﻴﺮ ..
ﻫﺎﻧﻴﺒﺎﻝ ﺿﺤﻚ ...
ﺷﻐﻞ ﻋﻤﺎﺭ ﺍﻟﺴﻴﺎﺭﺓ ﻭﺗﺤﺮﻛﻮﺍ ...
🍁🍁🍁🍁
ﺗﻮ ﺑﺎﻟﻠﻪ ﺣﺮﻛﺎﺕ ﺯﻱ ﻫﺎﺩﻱ ﺷﻦ ﻣﻌﻨﺎﻫﺎ ﺷﺎﺩﻩ ﺩﺍﺭﻫﺎ ﺣﺘﻰ ﻟﻠﻔﻄﻮﺭ ﻣﺎﺟﺘﺶ ﻭﺧﻠﺖ ﺍﻣﻲ ﺗﺮﻓﻌﻠﻬﺎ ﺻﻔﺮﺓ ﻓﻄﻮﺭﻫﺎ ﻟﻌﻨﺪﻫﺎ .. ﻭﺗﻮﺍ ﺍﻟﻐﺪﻱ ﺑﺘﺨﻂ ﻓﻴﻪ .. ﺷﻦ ﺑﻴﻘﻮﻟﻮﺍ ﻣﺒﺮﻭﻛﻪ ﻭﺑﻨﺘﻬﺎ ! ؟
ﻛﻔﺎﻳﻪ : ﺧﻼﺹ ﻳﺎﺯﻳﻨﺐ ﺑﻴﻨﻬﺎ ﻣﺎﻧﺒﻮﻫﻢ ﻭﻻﻧﺒﻮﺍ ﻧﺸﻮﻓﻮﺍ ﻭﺟﻮﻫﻬﻢ ..
ﻧﻌﻴﻤﻪ : ﻫﻲ ﺣﺎﻣﻞ ﻭﻣﺮﺍﺕ ﻣﻦ ﺍﻟﻮﺣﻢ ...
ﺯﻳﻨﺐ ﺑﺘﻬﻜﻢ : ﻳﺎ ﻃﻴﺒﻪ ﻳﺎﻣﻼﻳﻜﻪ ..
ﻧﻌﻴﻤﻪ ﺑﺘﻀﻴﻴﻘﺔ ﻋﻴﻮﻥ : ﺯﻳﻨﺐ ﺧﻴﺮﻙ ﻣﻦ ﺍﻣﺲ ﻭﺍﻧﺘﻲ ﺗﺘﺼﺮﻓﻲ ﻓﺘﺼﺮﻓﺎﺕ ﻣﺶ ﻓﺎﻫﻤﺘﻬﺎ ..
ﺯﻳﻨﺐ ﺷﻘﻠﺒﺖ ﻋﻴﻮﻧﻬﺎ ﻭﻓﺎﺗﺘﻬﺎ ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻧﻌﻴﻤﻪ ﺷﺒﺤﺖ ﻟﻜﻔﺎﻳﻪ ﺑﺼﺪﻣﻪ : ﻫﺎﺩﻱ ﺧﻴﺮﻫﺎ !!
ﻛﻔﺎﻳﻪ : ﻣﺎﺗﻨﺴﻴﺶ ﺣﺘﻰ ﻫﻲ ﺣﺎﻣﻞ ﻭﻫﺮﻣﻮﻧﺎﺕ ﻣﺎﺩﻭﺭﻳﻬﺎﺵ ..
ﺣﻤﻴﺪﻩ : ﺭﺍﻫﻮ ﻫﺪﻯ ﺍﻟﻠﻲ ﻳﻴﺒﻨﻪ ﺍﻟﺤﻘﻴﺮﺍﺕ ﻳﻄﻴﺤﻜﻦ ﻓﺒﻌﻀﻜﻦ ﻣﻦ ﺍﻣﺲ ﺭﻛﺰﺕ ﻋﻠﻴﻬﻦ ..
ﻏﺎﻟﻴﻪ ﻏﻄﺖ ﺍﻟﻄﻨﺠﺮﺓ : ﺣﺘﻰ ﺍﻧﻲ ﺭﻛﺰﺕ ﻳﺎﻧﻌﻴﻤﻪ ..
ﻧﻌﻴﻤﻪ : ﻭﺍﺧﺘﻜﻢ ﺷﻮﺭﻫﺎ ﻉ ﺳﺒﻠﻪ !! ؟
ﻛﻔﺎﻳﻪ : ﻃﺒﻊ ﺯﻳﻨﺐ ﻭﺍﻋﺮ ﻭﺗﻌﺮﻓﻴﻬﺎ ﻓﻲ ﺍﻟﻨﻬﺎﻳﺔ ﺍﻧﺘﻢ ﺧﻮﺍﺕ ﺗﺘﻌﺎﺭﻛﻮﺍ ﻭﺗﻮﻟﻮﺍ ﻟﺒﻌﺾ ..
ﺣﻤﻴﺪﺓ : ﺍﻟﻤﻬﻢ ﻣﺎﺗﺨﻠﻦ ﺣﺪ ﻳﺸﻤﺖ ﻓﻴﻜﻦ ...
*******
ﻓﻲ ﺣﻮﺵ ﺍﻟﺤﺎﺝ ﻋﺒﺪﺍﻟﻠﻪ ..
ﺍﻟﻜﻮﺟﻴﻨﻪ ..
ﺳﻌﻴﺪﻩ : ﻛﺎﻥ ﻣﺎﻗﻄﻌﺖ ﻛﺮﺍﻋﻬﺎ ﻣﻦ ﻫﻨﻰ ﻣﺎﻧﺒﺪﺍﺵ ﺳﻌﻴﺪﺓ ..
ﺍﻣﺎﻝ : ﻓﺮﺍﺳﻚ ﺷﻲ ..
ﺳﻌﻴﺪﺓ ﺑﻀﺤﻜﻪ : ﻧﺒﻲ ﺍﻟﻜﻞ ﻳﺸﻮﻓﻬﺎ ﻛﻴﻒ ﺩﻳﺮ ﻓﻲ ﻣﺸﺎﻛﻞ ﻣﻊ ﺍﻟﻜﻞ ﺣﻤﻮﺍﺗﻬﺎ ﺍﻟﻜﻨﺎﻳﻦ ﻭﺧﻮﺍﺗﻬﺎ ... ﻧﺨﻠﻴﻬﺎ ﻣﻨﺒﻮﺩﺓ ﻭﺗﻨﻘﺺ ﻛﺮﺍﻋﻬﺎ ﻣﻦ ﻫﻨﻰ ﻣﺮﺓ ﻭﺣﺪﻩ ... ﻛﺎﻥ ﻣﺎﻗﺼﻴﺖ ﻛﺮﺍﻋﻬﺎ ﻫﻲ ﺗﻘﺼﻬﻠﻲ
ﺍﻣﺎﻝ : ﺻﺪﻗﺘﻲ ..
🍁🍁🍁🍁
ﺍﻟﺸﺒﺎﺏ ﻛﺎﻧﻮﺍ ﻋﺎﻳﺸﻴﻦ ﺍﺣﻼ ﺟﻮ ﺑﻌﻴﺪ ﻋﻦ ﻛﻞ ﺍﻟﻤﻨﻐﺼﺎﺕ ﻭﺍﻟﻤﻜﺎﺋﺪ ﻭﺍﻟﺪﺳﺎﺋﺲ ...
ﺩﺍﺭﻭ ﻣﻜﺮﻭﻧﺘﻬﻢ ﻭﺟﺖ ﺯﻱ ﺍﻟﻌﺴﻞ ..💓
ﻭﺻﻮﺭﻭﺍ ﻟﻴﻦ ﻋﻴﻮﺍ ﻭﻫﻤﺎ ﻳﺪﻭﻫﺮﻭﺍ ﻓﻲ ﺍﻟﻮﺍﺩﻱ ..
ﻭﺍﺳﺘﻤﺮﺕ ﺳﺎﻋﺎﺗﻬﻢ ﺍﻟﺤﻠﻮﺓ ﻣﻊ ﺑﻌﺾ ..
ﺑﻌﺪ ﺻﻠﻮﺍ ﺍﻟﻌﺼﺮ ..
ﺍﺩﻫﻮﺭﻭﺍ ﻓﻲ ﺍﻟﺒﻼﺩ ﻛﻠﻬﺎ ﺑﺎﻟﺴﻴﺎﺭﺓ ..
ﻋﻤﺎﺭ ﺩﺭﺱ ﻣﺮﺗﻴﻦ ﻭﻧﺰﻟﻮﺍ ﺗﻤﺸﻮﺍ ﻓﻲ ﺍﻟﺴﻮﻕ ...
ﻭﻛﺎﻧﻮﺍ ﺍﻟﻨﺎﺱ ﺯﺍﺑﻄﻴﻨﻪ ﺳﺮﺗﺎﻭﻱ ﻣﻦ ﻫﻴﺌﺘﻪ ... ﻋﻜﺲ ﺧﻮﻩ ﺍﻟﻠﻲ ﻛﺎﻥ ﻻﺑﺲ ﻟﺒﺲ ﻋﺎﺩﻱ ..
ﻭﻣﻊ 7:30 ﺗﺴﻘﺪﻭﺍ ﻋﻨﺪ ﻭﺍﺣﺪ ﻳﻌﺮﻓﻮﻩ ﺷﺎﻓﻬﻢ ﻓﻲ ﺍﻟﻮﺍﺩﻱ ﻭﺣﻠﻒ ﻋﻠﻴﻬﻢ ﻳﺘﻌﺸﻮﺍ ﻋﻨﺪﻩ ..
" ﺍﻟﻜﺮﻡ ﻭﺍﻟﺠﻮﺩ ...."💓
🍁🍁🍁🍁
ﻃﻠﻌﻮﺍ ﺍﻟﺰﻭﺯ ﻭﻫﻤﺎ ﻻﺑﺴﻴﻦ ﺭﺩﻭﺍﺗﻬﻢ ..
ﺳﻌﻴﺪﻩ : ﻉ ﺍﻷﻗﻞ ﻗﺪﺍﻡ ﺍﻟﻨﺎﺱ ﺑﺶ ﻣﺎﻳﺤﻂ ﺣﺪ ﺍﻟﺤﻖ ﻋﻠﻴﻨﺎ ...
ﻟﻄﻴﻔﻪ : ﺻﺢ ..
ﻛﺎﻧﺖ ﺭﺍﻓﻌﻪ ﺳﻌﻴﺪﻩ ﻣﻌﺎﻫﺎ ﻭﻟﺪﻫﺎ ﺗﻮﻓﻴﻖ ..
ﺭﺑﺎﺏ ﺷﺎﻓﺘﻬﻢ ﻛﻴﻒ ﺟﺎﻳﻴﻦ ﻭﻛﺎﻧﺖ ﻛﻠﻬﺎ ﺣﻘﺪ ﻋﻠﻲ ﺳﻌﻴﺪﻩ ..
ﻓﺎﺗﺖ ﺗﺠﺮﻱ ﻭﻭﻳﻦ ﻗﺮﺑﺖ ﻣﻨﻬﻢ ﺩﻓﺖ ﺗﻮﻓﻴﻖ ﻃﻴﺤﺎﺗﻪ ..
ﺍﻟﻮﻟﺪ ﻗﻌﺪ ﻳﻌﻴﻂ ..
ﺳﻌﻴﺪﻩ ﻭﻫﻲ ﺗﻘﻴﻢ ﻓﻴﻪ : ﻋﻤﻲ ﺍﻟﻌﻴﻮﻥ ..
ﺭﺑﺎﺏ : ﺇﻥ ﺷﺎﺀ ﺍﻟﻠﻪ ﻓﻴﻚ ..
ﺷﻬﻘﺖ ﻟﻄﻴﻔﺔ ﻭﺣﻄﺖ ﻳﺪﻫﺎ ﻉ ﻓﻤﻬﺎ ...
ﺳﻌﻴﺪﻩ : ﺭﺑﺎﻳﺔ ﺯﻳﻨﺐ ..
ﺭﺑﺎﺏ : ﺍﻣﻲ ﺍﺣﺴﻦ ﻣﻨﻚ ﻳﺎﻣﺼﻨﻨﻪ
" ﺗﻌﺎﻭﺩ ﻓﻲ ﻛﻼﻡ ﺍﻟﻜﺒﺎﺭ .."
ﺳﻌﻴﺪﻩ ﺑﺼﺪﻣﻪ : ﻗﻠﻴﻠﺔ ﺭﺑﺎﻳﻪ ﻳﺎﺑﻨﺖ ﺍﻟﻜﻠﺒﻪ ..
ﺭﺑﺎﺏ : ﺍﻧﺘﻲ ﺍﻟﻜﻠﺒﻪ ... ﺗﻔﻮﻭﻭﻭﻭﻭ ...
ﻣﺎﺗﻨﺪﺭﻳﺶ ﻉ ﺭﻭﺣﻬﺎ ﺍﻻ ﻭﺣﺪ ﺟﺎﺑﺪﻫﺎ ﻣﻦ ﺩﺭﺍﻋﻬﺎ ﻭﻋﻄﺎﻩ ﻛﻒ ﻳﺸﺮﻳﻦ ﻓﻲ ﺍﻟﻮﺩﻥ ...
ﻣﻴﻼﺩ ﺑﻐﻀﺐ : ﻳﺎﻗﻠﻴﻠﺔ ﺍﺩﺏ ....
.... ﻳﺘﺒﻊ
