#العشق_المتمرد
الجزء18
الساعه 11:00 صباحا..
الإستراحه 💓
ماعنداش صبر اكثر من هكي..
مستاحشها لدرجه انه لأول مرة مايكتفيش منها بالنظرات بس...
وزع نظره ع السور....
قعد يمشي ويشوف فيه..لعند وصل في تركينه...
ابتسم ع جنب لما شافها..
قدم فتح سورية البدله متاعه....
وبدي يركب...
💖من الجهة التانيه..
تشبح للسور وتتكلم:ماعنديش صبر يابنات نبي نشوفه مرة تانيه..
سالمه بضحكه:شن عندنا بنديرولك..
غزاله بضحكه؛بالك تبي تركب ع ظهورنا بش تنقز من السور..
عروبه :في حياااتي ماحنقابل اصمت منكن ..واشرت عليهم بسبابتها...
شويه وجتها عودة تجري هي وصاحبتها..
عودة وهي داهشه: هانيبال..يبيك
فنصت عيونها: وينه؟
عودة قدمت :وطي حسك..حدا السور من الورا...خليك عاديه وانتي ماشيه قالك ماتخلي حد يستاقظ بيك..
عروبه تتنفس بقوة :باهي..باهي.. شبحت لصاحباتها..يابنات سمحه؟؟
سالمه وغزاله : تهببببلي...ضحكوا..
وهي ضحكت ...بعدين خدت نفس عميق...زفرت وهي مغمضه عيونها...
فتحتهم..
ومشت وين ماقالتلها عودة...
قعدت تمشي وكلها لهفه..بس حاولت تسيطر عليها لعند توصله...
وصلت وين ماقالتلها اختها..كان مكان شبه فاضي...
قعدت ادور عليه...
لعند سمعت صوت حاجه نازله بقوة..
التفتت لقاته وراها بالزبط...
قعدت تشوف لعيونه...اكثر شي استاحشاته فيه 💓
وهو يشوف لعيونها اللي مافارقوش خياله💓....
هانيبال بإبتسامه وتضييقة عيونه:خيرك رحتي هكي تقول مومياء وعيونك طالعات ومنظرك يبشر بعام الشر..
عروبه برفعة حاجب : كان مش عارفه ان لسانك منشار ماتقدر تغيره راني عديت وخليتك..
هانيبال بقرنة حواجب وهومبتسم : تعدي عينك..تسمعي وتسكتي وانتي فرحانه..كنتي طولي انتي..
عروبه ابتسمت برفعة حاجب:ايه اني اللي طلتك💓
هانيبال ضحك ووزع نظره ع المكان وهو يقول: استاحشتك ياعنز...💖
عروبه بضحكه: وحق ربي ثور..
هانيبال ضحك وهو يشبحلها وهي تشبحله 💓💓..
حط يده فجيب السروال....وطلع منه التوكه...ومدهالها وهو يراقب فردة فعلها كان خايف لو ماتعجبهاش..
عروبه بفرحه :ياااااه تجنن😍
هو بنفس الإبتسامه: عجباتك حق ياعنز..💓
عروبه شبحتله : واجد ياثور💓..
خدتها منه....بعدين قالت : مذكر اول شفتك فيها؟
هانيبال حط ايديه فجيوبه: ايه..
عروبه : التوكه اللي عجباتك واني حطيت يدي عليها مذكرها..
هانيبال ضيق عيونه وهو يشبح القدام حاول يذكر : تس..ماندكرش..
عروبه بإبتسامه : المهم مذكر الموقف..
ابتسم ع جنب وهز راسه بأيجاب
هي قالت:لعند توا قاعدة عندي ..
هو ضحك ووزع نظره ع المكان...
كانت الدنيا مسحبه..ومغطيه الشمس شويه...
تبددت وطلعت الشمس وعكست عليه...
وهي ذااااابت وضاعت💓💓💓💓💓
فعيونه اللي هبلوا قلبها💖..
شبحلها ضحك وقال: خيرك ياهبله💓
عروبه وجهها ولا احمر : شي💓💓
هوضحك مرة تانيه وقال:عدي توا قبل اتم الإستراحه..
عروبه خطر عليها هايل...فكرت تقوله من توا بش ماياخدش موقف...
عروبه: هانيبال..
هانيبال: امم..
عروبه :احمم..بعدين...بيروح بيا.. ولدعمي
ملامح وجهه تغيروا وقال:نفسه اللي شفته معاك قبل؟!
عروبه وهي تشوفله بخوف:ايه هو..
هانيبال غير عيونه عنها وشبح للسور: به عدي..
عروبه : مش زعلان؟!
شبحلها شويه وقال:تس..
عروبه :لا زعلان ونص ..
هانيبال ببعض العصبيه :غير ياودي عدي توا..
عروبه بضيق : باهي..
لفت بتمشي وهي مضايقه وفداخلها تدعي ع هايل..
"بسسس..شجرة الدر"..
قلبها فر 💓 والتفتت..
لقاته مبتسم ابتسامه حلوة:مش زعلان....وغمزلها...
عروبه ابتسمت وقلبها مجنون بدقاته قالت بنبرة ملهوفه:نحبك 💓..
ولفت طول وفاتت تجري ...
وهو قعد واقف فمكانه ...
حالته حاله...
نبض متسارع...وانفاس قويه...
وهرمون السعاده ارتفع لأعلى معدلاته..💓💓...
استاقض لما سمع الجرس...
تنهد من الاعماق💓💓💓💓💓💓...
ولف وتوجه للسور ..ركب..ونقز للجهة التانيه..
🍁🍁🍁🍁🍁
كانت تحط في النعمه"بقايا الماكله" للخرفان..
بعد كملت لفت بتولي..انصدمت بيه واقف وراها لكن بعيد شوي..
قال بغضب: انتي لخليفه يابنت انتي ليا اني وبس..
ومشي طول..
وهي مصدومه ع فرحانه...
مش فاهمه علاش دار هكي..
لكن قعدت تضحك زي العبيطه..
كملت طريقها للحوش وهي تفكر فيه وفكلامه 💖..
لعند شافت سيارة خشت للقطعه..
هربت طول وخشت حوش ميلاد ادرقت..
نزل منها واحد وهو يضبح:ياميلاااد ..
حميده : ياربي شنو في...
في المربوعه ..
الحاج رمضان ع السرير: تفضل..منو...
شويه وجي خليفه يجري..
شبح الهادي نازل من السيارة ورجله ملفوفه انصدم..
زميل الهادي : تبزعت عليه شيشة الأشيدو..
خليفه بصدمه: كيف!!؟
الهادي جاهم: بسيطه بسيطه ..سعفوني فيسع..
رمضان من داخل: شنو في؟!!
الهادي : تعالوا للمربوعه خل نطمن الحاج...
وخشوا التلاته للمربوعه..
وحميده تندب وتقول:حي الهادي خيره ياربي..
سعيده كانت طالعه تساوي فالشلايك لقتها :خيرك حميده؟
حميده شبحتلها:فواحد جي وجاب الهادي قال تبزعت عليه شيشة اشيدو..
سعيده بتعجب: نهااار اسود!!
حميده بقلق :ربي يستر..
🍁🍁🍁🍁
في المصنع..
فردوس :خلاص عاد ماطراله شي..
سميه: شن ماطراله شي هدي !!اشيدو هدى ره اشيدو...
فردوس : تو يداوه ..
شبحتلها سميه من فوق للوطا...ومشت وخلتها...
فردوس:إن شاء الله تنحرقوا مالي بيكم..
🍁🍁🍁🍁🍁
الساعه 1:00ظهرا...
طلعت برا وهي تراجي..
لعند طلع وكان يهدرز مع سالم..
هانيبال: يومين ونردهنلك..
سالم :ع حسابك ....
فاتت من حداهم امال..
يدوب سرقلها سالم النظر..بعدين شبح لهانيبال: هي مالا بالسلامه...
هانيبال :بالسلامه...
مشي سالم...
وكان في بينه وبين أمال مسافه وشبه يتبع فيها..
اما هانيبال شبح جهة البنات وكان يبادل فعروبه النظرات..
لعند ماجي ...
هايل.....
درس...
عروبه شبحت لهانيبال..
وهانيبال يشوف لهايل بكره..
قدموا الزوز....
بس اللقطه اللي فاجئت هايل..وفرحت هانيبال..
ان عودة هي اللي ركبت من القدام ....وعروبه من الخلف..
هايل تلفت شبحلها شويه وهي مطنشاته..
عودة:هيا هايل..
هايل شبح لعودة ..بعدين رجع شبح لعروبه..لقاها تشبح لجهه..
شبح وين ماتشبح ...ماقدرش يزبط نظراتها لمنو كانت موجهه من الزحمه...
خبط يده ع الدومان بقوة...
انخلعوا الزوز...
شغل السيارة وتحرك بسرعه..
جت عينه فعين هانيبال..
وكانت نظرة عابرة بالنسبه لهايل..
عكس نظرة الكره والغيرة اللي كانت فعيون هانيبال..
تنهد هانيبال بضيق...وكمل طريقه للحوش..
🍁🍁🍁🍁🍁
سرت💓
كانت مربوعتهم...تملا وتفرغ..والناس جايه تبارك لعمار..
داخل..
سليمه :كيف صار وسمر جت..
امينه:ممكن عشان هندا جت...
اصاله : مش اول مرة تجينا هندا والعيله ملمومه...فشي من ورا جيتها متاكده..
امينه : زي شنو؟
اصاله:مانيش عارفه بس في شي...
شبحوا التلاته جيهتها..
...
سمر: مركزات هنى.
هندا : مادوريهنش...توا عدي حدا مرت عمك..وخليك شاطره سمورة..
ابتسمت...شويه وناضت من حدا هندا.. وهندا تشوفلها بأبتسامه..
...
اصاله:يرسمن ع عمار ..
امينه وهي تشوف لسمر اللي واقفه ع امهم وتهدرز:بانت
سليمه: ياقعادها تحلم مسكينه..عمار ونعرفه مستحيل يشبحلها..
ضحكوا البنات..
وهندا كانت تسرقلهم في النظر وهي تشوفلهم بحده...
🍁تغدوا...
وشربوا الشاهي...
وشويه شويه الضيوف بدوا يروحوا بعد صلاة العصر..
لعند جت الساعه 6:15مساءا..
خشوا محمود وعمار لخالاتهم وعماتهم..بعد اصروا عليهم يخشوا..
بنات العيله اتاخدوا بعمار هلبه...
خصوصا انه كان لابس العربي..والزماله..
وسمر حلت فمها فيه ...
شخصيه وهيبه ابدا ماينعطاش سنه..
قعدت تراقب فيه كيف يسلم ع عماته وخالاته..
كيف يتكلم..
كيف واقف...
كيف عيونه في بنات العيله ماقامهمش..
سمر"ياااه ياعمار امتي رحت هكي 💓"..
من جهة تانيه كانت غاده في حال يشبه حال سمر...عيونها عليه وبس 💓..
خالته الساكته:شد حيلك عاد توا بنزوجوك..
ضحك عمار بإحراج: مازااال ياخالتي مازاال واجد..
عمته نوريه: لاوين مازال ماشاء الله عليك...
كامله؛ عمار ناوي يخش الجيش..
سمر وغادة عيونهم قلوب😍😍..
عمار بإبتسامه: يامن عاش لبعد مانتخرج نفكروا فمواضيع اخري..
هندا تشبحله بأبتسامه وقالت لمحمود: طموح واجد..
محمود: كيف ماقتلك قبل يفكر يوصل فوق واجد..
هندا شبحت لمحمود: ربي يوصله إن شاء الله..
محمود: إن شاء الله..
سمر تجرأت بقوة وقالت: شنو حال الجموح بعد السباق..
قام عيونه وشافلها..
هي رعشت مع بعضها من نظرته..
وغاده رفعت حاجبها...
عمار ابتسم وغير عيونه: كيف صاحبه في احسن حال..
ابتسمت سمر...
خواته تفاجئوا اول مرة يرد ع وحده من البنات وهو مبتسم..
وهندا شبحت لسمر بفرح..
عمار: هي مالا نستأذنكم وراي مشاغل..
كامله: عدي مربوحه...
وردوا عليه عماته وخالاته حتى هما...
هو جاي بيمشي...شبح لسمر بطرف العين وكمل طريقه...
وطلع..وسمر معاه بعيونها لين طلع..وبنات العيله شبحولها..
وخواته معاهم...
برا..
ركب السيارة ...
عمار:هي هادي معناها...تمام..
شغل السيارة وتحرك...
🍁🍁🍁🍁
الساعه 10ليلا..
مقعمز فداره يشوف فرجله..
وحداه خوه يكتب ويكمل في اللي فات عليه لما غاب وفنفس الوقت يقرا في نص المسرحيه 😁..
الهادي سرح بفكره في اللي صار اليوم
فلاش باك..
ااااه...
التفت سميه : هاااادي ..وووك عليا!!!! تعيط وتقول....تعاااالوا ياناااس.
هو فعز وجعه يشوفلها وهي تبكي وتعيط وكلها خوف عليه...
لعند جوه زملائه...ورفعوه..
وهي تعيط وتقول: بالشوي عليه...بالشوي..
وهو كان يتألم ويشوفلها..
الوقت الحاضر..
ابتسم...
ع قيمة هانيبال لعيونه شافه مبتسم قال بضحك بعد رجع يشوف للنص: تو انت فشنو ولا شنو..
شبحله الهادي: وانت تكتب فواجبك ولا لاهي بشجرة الدر!
شبحله هانيبال بحده؛تفتش فحاجاتي من وراي ولاكيف؟!!
الهادي بضحكه: وحق الله صدفه..جي قدامي وقريته..
وعرفت من الدوائر اللي حطهن ع اسم شجرة الدر شن اللي خلاك تتهور هكي وتولي ممثل مرة وحده..
هانيبال : بالله ترا اشبح لرجلك واسرح بعيد وخليني فحالي..
ضحك الهادي بعدين شبح ؛ تعرف احسن حاجه تصير وقت الواحد يمرض ولا ينجرح ولا ينصاب ...هي خوف اللي يحبوه عليه ..
هو قعد يشبحله شويه ..بعدين ولا لواجبه وقعد يكتب..
🍁🍁🍁
ذويق لكن..
عروبه مصطنع: اكيد مادام اختارني..
عودة بخوف :لكن شفتي نظرات هايل اليوم تخوف.
عروبه غمضت عيونها بنفاد صبر: يعني لازم تجي سيرته بش يتعكر مزاجي..صكري ع سيرته تربحي...ياادوي ع هنوبه...يابلاش..
عودة: ههههههههه هنوبه هههههه..
عروبه: حلو 😒
عودة بضحكه:ايه حلو..بس ردي بالك تناديه بيه..وراس وخيتي..
عروبه: 😒
عودة: 😂....
🍁في نفس الوقت..
كان هايل مقعمز فداره ويفكر....
زي اللي حس ان في شي صاير مع عروبه مغيرها...
وقعد عقله يودي ويجيب..
هايل وهو يفكر: يحرم عليا ديني تطلعي تعرفي حد يابنت عمي ماضال الا حارقه حرق....
🍁🍁🍁🍁
مقعمز فداره يوتي فجدوله لغدوة ...ويتمم ع الكراسات اللي خداهم من زملائه....
طق باب الدار..
عمار: تفضل..
انفتح الباب وخش محمود
محمود: مازلت مارقدت
عمار بضحكه: تو كيف كنت جاي بنرقد..
محمود يشبحله وساكت..
شبحله عمار :خيرك سكتت!؟
محمود: احمم..كإني اليوم حسيت عينك انظارها انحازن..
عمار: هههههههههههه...ولمن انحازن؟!!
محمود: انت فاهم قصدي ..سمر..
عمار: هههههههههه...لالا انتم فهمتوا غلط...
محمود بضحكه:غير قول واحكي راني خوك عادي.
عمار شبحله شويه وابتسم بعدين قال: مذكر قبل ممكن 6شهور او 7تقريبا..اخر مرة مشينا فيها لمزرعة عمك..
محمود بإستغراب : ايه؟!
عمار : يومتها كنت خاش للأسطبل بنشوف حصناه..سمعت حس عراك وكان بين واحد ووحدة...
تبعت الصوت من فضولي..
بانوا عليا في التركينه...ولد عمك فضيل"ابوبكر"..وبنت عمك عبدالقادر اللي هي سمر..اني شكلها ماريتاش كويس بس حسها هو اللي سمعته لأنها كانت تعارك بصوت عالي...
محمود متفاجئ..
عمار : نعرفك راجل وكلام كيف اللي قلته توا ماطلعاش بالذات لهندا يامحمود..
محمود:اكيد مانعاوداش..بس انصدمت ...
عمار ابتسم بتهكم:اني منين كلمتني اذكرت الصوت والموقف وقمت عيني وشفتها بش نتأكد اكثر الملامح اللي بانن عليا ملامحها هي نفسها ..
محمود هز راسه بإيجاب وقعد ساكت..
عمار:محمود...كيف ماوصيتك..
محمود ابتسم : انت قلت تعرفني راجل ...اطمن مش حيطلع مني شي ...بس قولي مافيش وحده من بنات العيله عجباتك
عمار ضحك: لالا الحاجات هدين مش مفكر فيهن نهاااائي
محمود بضحكه: لما تفكر فيهن يكونن كلهن تزوجن..
عمار بمزح: تي اللي بناخدها اني لعند توا ماخشت مدرسه..
محمود ضحك بإستغراب.
عمار وهو يحرك في إيديك :يقولك خود وحده صغيره تربيها ع ايديك ...نزل ايديه وحطهم فجيوبه..واني مقتنع بالكلام هدى..
"هو لما يدوي مش حاط فباله حد يتكلم هكي وخلاص"..
محمود: هههههههههههههه...ياودي ع كيفك....هي تصبح ع خير..
عمار : قدامك كل خير..
لف محمود وطلع وصكر الباب..
وهو تمدد ع السرير..ورقد ع جنبه وبدي يقول في الأذكار لعند تغمضوا عيونه ورقد
🍁🍁🍁🍁
واااك يابنتي ارقدي...
دلال: إلاااااااااا...نبي عصير توا توا..
جاهم عبدالسلام: خيرها خيرها..
نعيمه :رقدت العشيه كلها وتوا نايضتلي تبي عصير وشاميه ومش عارفه شني..
عبدالسلام شبح لبنته وضحك: بس...قدم وقامها...حبيبة بوها هادي اللي تبيه ديروهولها...
نعيمه بضحكه: بتفسدها بالدلع..
عبدالسلام: كان ماتدلعش دلو مني اللي يدلع...هيا بابا نمشوا للكوجينه.
دلال مبتسمه بفرح :ايه..
مشي هو وياها ونعيمه شبحت لنور كيف راقده وابتسمت..
سمعت صوت راجلها في الكوجينه يغني هو وبنته..
"تشقشق الطيور...فرحانة بالنور....تقول فسرور..ماأجمل الضياء"..
ونعيمه ضحكت وقالت: الحمد لله اللي خلاك حنين فبناتك...
🍁🍁🍁🍁
وتعدي ليله....
ويجي اليوم اللي بعده.....
وطلع صبح...بنفس الروتين.....
الساعه 10:30 ...
في المدرسه...
تحديدا المسرح....
بربكه كانت تحكي معاه...
عروبه : لالا عادي ولد عمي بس..
هانيبال بشك: متأكده..
عروبه : ايه...رفعت حاجبها...كيفك انت وبنت عمك هديك..
هانيبال بضحكه: كيفي وكيفها؟؟
عروبه برفعة حاجب: جتني بدال المرة مرتين....تعجب فيها...هانيبال يبني...هانيبال متسميه عليه..هانيبال ققققق..
هانيبال:هههههههههه..
عروبه شبحتله بحده وتحاول تشد ابتسامتها :عجبك انت..
هانيبال بضحكه؛ عجبتني غيرتك💓..
عروبه ضحكت بعصبيه وقلبت وجهها عنه وقالت : مانغارش منها...
هانيبال بإبتسامه:بس تغاري عليا ياعنز💓..
هي شبحتله وابتسمت وهي رافعه حاجبها..
وهو قلدها....
هي ضحكت...وهو ضحك...
"هانيبال....عروبه هيا"..
تنهد هانيبال: هيا ياشجرة الدر
عروبه بضحكه: وريني شطارتك ياايبك..
هانيبال وهو رافع حاجبه الإيسار: راقبي بس ...
ضحكت ومشوا انضموا لزملائهم...
وبدوا البروفات...
طبعا كانت الأمكانيات بسيطه بس المهم داروا حاجه فيها قيمه...
كان تمثيل هانيبال حلو...والاحلى هو كلامه بالفصحى الممزوجه بالبدوي...
زي ماكان القذافي يتكلم بالفصحى كيف مازجها بالبدوي بطريقة حلوة..برغم انه كان يبالغ فيها...
عروبه وهانيبال لما كانت تجي مشاهدهم مع بعض..
الأبله "مصريه": عروبه ياحبيبتي انتي هنى لازم تكوني مش طايقه ايبك لما تيجي تبوصيلوا خلي بصاتك حاده شويه ...
وقالت بضحكه..دا أيبك ياحبيبتي مش هانيبال..
ماتت من الخجل...
شبحت لزملائها ووجهها نار...كان تلقى الارض تنشق وتبلعها.
زملائها يضحكوا..
وهو ضحك بإحراج...
💓اصلا قصتهم المدرسه تعرفها...
وشبه انشهرت ...هانيبال والبنيه الفلسطينيه..
كانوا مميزين..بالذات بالمواقف اللي مروا بيها...
🍃🍃🍃
وتمر الأيام...
والمشاعر تزيد...والحب يكبر...
والزوز ولوا حابين المدرسه وطلوع الصبح بش يشوفوا بعض..
يتلهفوا للبروفات ولحصة الرياضه بش يحكوا مع بعض...💓💓
وعديت ياشهر 11....
وجيت ياشهر 12...شهر الكانون....
يعني الشتي بدي ع اصوله.....🌬❄
وهديكا المدينه تحديدا أجوائها جميدي...
في المدرسه...
الإستراحه...
حدا السور......
شن هدى اللي لابسه...
هانيبال: خيره...جيبوطي..
عروبه : وفاتحه....ورقبتك عريانه ...ويضربك الصقع ع صدرك ..سكره..
هانيبال: مانحبش ..ننخنق..
عروبه:يللا من غير دلع...سرته...
ضحك هانيبال وسرته....
عروبه..شبحتله وضحكت..كانت معاها شنطتها..فتحتها وطلعت منها شال صوف...ومدتهوله..
هانيبال اتفاجأ: شنو هدى!!؟
عروبه:امي دير فيهن...خديت منها واحد..خوده هيا ولفه ع رقبتك..انت مراض وع سبله..
خداه منها وهو يشوفلها بنظرات تقتل 💖...
وهي قعدت ترجف من حلاوتها زياده ع حلاوة عيونه..
لفه ع رقبته ومازال يشوفلها بنفس النظرات...
نزلت عيونها لأنها تحشمت هلبه💓...
هانيبال: بسس هييي...قيمي عيونك..
قامت عيونها....
هانيبال بإبتسامه مع قرنة حواجب: نحبك ياعنز عندك علم💓
عروبه ضحكت ...وهربت منه طول...
هانيبال بضحكه؛:خززززيييي هرابه..
وهي ماشيه وتسمع فيه وتضحك وقلبها 💓💓💓💓💓
🍁🍁🍁🍁🍁
في المصنع...
سميه ببكي : طلعت واحد قاسي وقلبك حجر..وكذبت لما قلت تحبني ..
الهادي : مش اني اللي كذبت..
سميه بعيون جاحظه:يعني اني اللي كذبت..
الهادي بعصبية:ايه كذبتي ودرقتي ...منين يبعتلك يونس يبي يخطبك درقتي وانقلبتي عليا ...ليش ترا قولي؟؟!!...
سميه انصدمت وقعدت ساكته...
الهادي : عدي من حداي توا عدي ...
بلعت ريقها ودموعها استمروا في النزول...ولفت ومشت وخلاته...
وهو كمل خدمته....وكان مضاااايق ع الآخر....
🍁🍁🍁🍁
في حوش حد من عرب الجيران....
مقعمزة تهدرز...
وفي نفس الحوش كانت جايه ام العروس اللي عرسها كان من حوالي شهر...
يهدرزوا من هني وهني....
لعند ماقالت المراة...
: عجبتها وحده من بناتك يافاطمه...لكن قالت خسارتها طلعت متسميه لضنى عمها..
فاطمه انصدمت..
:قالت ياريتها قالتهالي من الأول وماعشمتني..
فاطمه بصدمه: ومن قاللها البنات متسميات ع ضنى عمهن..
جارتهم التانيه: سامعه بيها من كسرة الحاج رمضان وقالوا كنتك هي اللي قالت...
فاطمه من داخلها تغلي غلي...
وقررت غير تروح تمشي لسعيده وتحطلها حد....
....يتبع....
