#العشق_المتمرد
الجزء22
ياليلة العيد آنستينا..
ياليلة العيد انستينا..
وجددتي الأمل فينا ياليلة العيد...
وكعادة اذاعه الجماهيرية زمان كل ليله عيد لازم تسمعنا كلمات هالاغنية اللي تترنم بيها الفنانه سهام ابراهيم..
💕نحسوا بالعيد اكثر واكثر وين نسمعوها...وكانت تزيد حلاوة بنة العيد..
🍁بيني وبينكم كل شي زمان كنا نحسوا بيه وبحلاوته بكل تفاصيله....
كانت دلال مطلعه قفطانها الوردي الكبير وحطاته ع المندار وحاطه جنبه شنطتها والكارونه ..وحديده وسلسله ..
كانت تشوفلهم بنظراتها الحلوة الطفوليه قعدت تفكر..
بعدين مشت لأمها تجري...
خشت عليها الدار ..كانت نعيمه ادير فشعرها دوامه..
دلال : ماما....ماما..
نعيمه :همممم..
دلال: نبي خاتم عمال..
نعيمه ضحكت وهي دير في اخر مساكه لشعرها: غدوة الصبح لما تلبسي فقطان العيد نعطيهولك..
فرحت دلال هلبه ومشت تجري ولت وين مافي قفطانها وقعمزت بحداه..
💕احلا فرحه ..فرحة الاطفال بالعيد..
رباب : ماما قصيلي قصيلي..
زينب وهي ودير في السواك: ممممهي..مممهي"باهي قصدها".
مشت خدت المقص وشدتها وبدت تقصلها فشعرها..اساسا شعر رباب قصير مش زي رانيا اللي كان طويل وناعم وكثيف..
كانت حتى هي تتأمل في بدلتها متاع العيد..
اللي كانت قونه وبدي وجاكه حلوة هلبه...ومعاهم شنطه وكندرة....
اما حمزة وخيري فكانوا في الحلاق هديكا الليله...
💕كفايه: ربي يحفظهم غزلاي...
قالتها وهي تشوف للبدالي الأفرنجيه اللي شروهم للولاد في العيد..التلاته زي بعض وبالقرواطه...
"حلاتهم😍"
🌴🌴🌴🌴🌴
اما في المدينه اللي تبعد عن طرابلس ب.....كيلو...
"مش قايله شن هي 😂😂😂😂"
المهم..
كانت تحددله في البدله العربيه...
رمزي: عمتي غاليه حلوة البدله العربيه؟
غاليه: احلى لبسه البدله العربيه تزيد الراجل هيبه..
رمزي : هيبه؟!
غاليه : اهي اللي يشوفه بيها يحترمه..
رمزي فرح بكلامها..
هو كان يبي يشري بدله افرنجيه لكن الولاد غادي كانوا يتسهوكوا ع اللي يلبس فيها شري سوريه طويله وزبون وفرمله وطاقيه..
وطبعا امه مدمدرة ع اساس تتوحم😒..
🍁🍁🍁
اني توفيق مش متحملاته يمي قولي لبنتك تقله لعماته..
حدهم: توفيييق..تعال هنى..
مشتله حدهم تجري وشادته بالسيف..
وامال خشت لدارها وسكرتها وبدت ادير في الفتله لوجهها..
🍁🍁🍁🍁
ياااه تجنن ياعروبه ماشية مع لبسة العيد..
عروبه تشوف للتوكه اللي هدالها هانيبال: قديش استاحشته...الهم عطلة نص السنه السودا هدي..
عودة :من غير ايام العيد مازالن 7ايام..
عروبه بحزن :يارب عديهن خطف يارب..💓..
🍁🍁🍁🍁
خش لحوش اهله هو ومرته في ايديهم كياس..
حميد: غاليه..حميييده...
طلعت غاليه من الدار القبليه ومعاها رمزي...وطلعت حميده من الدار التانيه...
حميد بإبتسامه:تعالن...
قدموله وهما مبتسمات بأستغراب...
مد لكل وحده فيهم كيسه وهو يقول: كل سنة وانتن طيبات..
هما فرحوا هلبه...
لطيفه بضحكه: ذوقي راهو..
ابتسمولها مجامله..
غاليه : كل عام وانت بخير ربي يطول فعمرك يارب..
حميده: ربي يبارك فعمرك ويزيدك من خيره ...
🍁غاليه وحميده ماكانوش يطلعوا للسوق هداكا الوقت بوهم محرم عليهم...
حميد: امي وين..
غاليه: راقدة..
مدتلها لطيفه كيسه: قوليلها من لطيفه...
خدتها غاليه:صحيتي..
حميد: هي مالا تو تصبحوا ع خير..
لطيفه: كل سنه وانتم طيبين..تصبحوا ع خير.
ردوا بأصوات متقطعه:كل سنه وانتي طيبه...قدامك كل خير..
طلعوا حميد ولطيفه..
وغاليه وحميده شبحوا لبعض وضحكوا بفرحه...
ومشوا خشو الدار وخش معاهم رمزي..
طلعوا اللي فالكياس..
لقوهم قونات وفانيليات صوف حلوات هلبه وموضه وقتها..
ولقوا توكه توكه...
غاليه : يهبلن...
حميده: كيف قونات بنات عيت ابراهيم.
غاليه :ايه قالن خديناهن من طرابلس..
"غاااليه..حميده"..
حميده: هانيبال روح من السوق..ناضت وطلعتله...
لقاته مع الهادي واقفين..
هانيبال:وين التانيه..
طلعت غاليه: شنو...
هانيبال:تعالن...
الهادي كان مبتسم..
قدموا الزوز ووقفوا قدامهم...
طلع هانيبال كيسه من حدا الحيط: خودي..
خدتها حميده كانت كندرة..
ومد الهادي وحده لغاليه وخدتها...
حميده: خديتوهن انتم الزوز..
الهادي :هانيبال متاعك انتي واني متاع غاليه..
الزوز عيونهم تعبوا دموع..
هانيبال: اييييه عاد...هيا هيا تحركن حطن حاجه ناكلوها...
ولف وطلع...
ضحكوا الزوز من بين دموعهم...
ضحك الهادي ولحق هانيبال...
برا...
الهادي :حطيت فلوسك اللي كسبتهن من الخدمه في الهدايا..
هانيبال: ريت هالحاجه الكبيرة...قعد يدور بعيونه..عمر وين..
الهادي : خليته راكب فوق..
وفعلا عمر كان فوق ومعاه محمد يوتوا في لبسهم العربي والكنادر اللي خدوهم..
🍁🍁🍁🍁
معيدين وديما عيد معيدين....
ملتمين معيدين وفرحانين معيدين..
نهني كل المخلصين معيدين..
تغني في الأغنيه مع المرحوم احمد سامي...
وتستف في المقروض في طناجر حلويات...بعد كملت تستيف الغريبه والصنوبرة والكعك بالتمر...
نعيمه كانت فالحه فتطييب الحار والحلو وماكلتها فيها الزايد..
خش عليها عبدالسلام وقدم خدي مقروضه: درتي لأمي..
اشرتله بصبعها ع صونيه كبيرة فخار مستفه فيها كل الأنواع..
ابتسم وقال: دلو رقدت..
نعيمه بضحكه:حدا قفطانها..
ضحك وقال: كملي وتعالي نبيك..
شبحلته..غمزلها وكلي المقروضه ففم واحد..
ضحكت..وهو ضحك وطلع من حداها..
💕💕💕
لا والنبي !!!
زينب وهي عاطيه بالظهر: بنرقد..
ابتسمت وهي مغمضه عيونها لما باسها ع خدها وهو يقول: زنوبيا ليلة عيد ره..
ضحكت ..
قعد يناشب فيها وهي تصد تصد...لين استسلمت في النهايه💕....
🍁🍁🍁🍁
راقدة فحضنه💕
كفايه: مانبيش نحولوا من هني تونست بماليك ومعاونيني ع الولاد..
سعد: خلاص حبيبتي اختي بتتزوج قريب وخوي حتى هو ل شاد البنت ليه عامين مدام حوشنا واتي ماعندنا علاش قاعدين...
تنهدت وحضناته اكثر..وهو حضنها...💕
🍁🍁🍁🍁🍁
هديكا الليله
غاليه.
كانت الوحيده اللي واكلها التخميم
كانت تدعي من قلبها العام الجاي تجي زيارة زي خواتها وفبطنها عيل ولا على ايديها...
🍁قداش توجع الأنثى لما تبدا حنونه بزياده وعندها عاطفه الأمومه غالبه عليها من وهي بنت ومايكونش مقدرلها الزواج..او لو تزوجت ماتجيبش الصغار....
زي حماة نعيمه أمنه ...اللي كانت الليل كله تبكي وهي تشوف فحوايج الصغار والعاب اللي شاريتهم لصغار سلافها وحمواتها وخوها ...
تحاول بكل الطرق تعوض فقدانها لهالنعمه...
لكن كل الإيمان واليقين...ان رب العزة فكل مقاديره خير....
🍁🍁🍁🍁🍁🍁
🎈🎈🎈🎈🎈🎉🎉🎉🎉🎉🎉
يالبنية ويالوليد...
يالبنية ويالوليد..
مبروك عليكم العيد..
يالبنيه ويالوليد...
ع انغام الاغنيه الجميله اللي اني نحبها هلبه اللي يتغنى بكلماتها ابراهيم فهمي..
كان حوش الحاج حمد يستقبل المعيدين..
والحاجه امباركه مقعمزة دلال فحجرها وتلود عليها بالمغرف..
"عادات جاهليه لكن كانت موجود بكثرة وقتها لدفع العين ع اساس"
نعيمه وفحجرها نور اللي كانت ملبستها وطالعة زي الغزاله حتى هي تتفرج ع عزوزتها وهي مبتسمه..
عبير: ياربي اعطيني زي دلو حبيبة عمتها...
دلال ابتسمت بطفوليه...
خش عمها ربيع: دلو تعالي..
خوله : خلي البنت فمكانها تجيها عين بنيتي..
امباركه :لالا خلاص لودت عليها...بري لعمك دلو...
ناضت دلال ومشت لعمها...
🍁🍁🍁🍁
الساعه 5مساءا....
خش عمهم للحوش..
مفتاح: هي واتيين...
صغاره وصغار خوه وخواته بصوت واحد: ايييييييييه..
اما حمزة كان يضحك..
مفتاح: هي اطلعوا للسيارة...
طلعوا الصغار كلهم...
وتوزعوا ع سيارات العمام او الخوال...
وبطريقهم للملاهي...
ومن ثم المصور....
💕الله عليك ايام كانت تهبل 💔
🌴🌴🌴🌴🌴🌴🌴🌴
كان حوشهم في اول يوم عيد زي اول يوم رمضان..
العيله ملتمه..
كانت عروبه لابسه قفطان لتحت الركبه..ودايرة لقطه فشعرها المجعد بتوكه هانيبال💓...
وطالعه تهبل...وعوده لابسه لبسة سروال..شعرها كان قصير هلبه يعني ولابسه عليه كارونه..وطالعه حلوة...
كان خوهم سامي عندهم من قبل الظهر...
ومناسك مرت خوها عيونها ع عروبه وتتمناها لخوها فايز..
فايز بروحه عاجباته عروبه شافها كدا مرة لما جو زيارات لسامي فطرابلس...
في الكوجينه...
عودة :عروبه خيرك شن قلب جوك..
عروبه تأففت بغضب: الحقير اللي ينقاله هايل خش وشافني هكي من غير حجاب...
عودة: عادي يعني مازالو ماتعودوا..
عروبه بعصبيه:ماتبرريش خوته وضراري العيله ولا واحد فيهم خش وليهم مدة لما عرفوني لبست حجاب مايخشوش الا هو قليل الربايه هدى..
عودة: اسكتي يسمعوك امه ولا اخته..
زفرت عروبه بقوة وطلعت صفرة القهوة والحلويات...
🍁🍁🍁🍁
في مكان تاني...
حوش هانيبال بعد ماناضوا من غيبوبه العيد اللي كانت تصيب الناس منذ قديم الأزل..
ناضوا لبسوا الاولاد بش يمشوا المصور...ومعاهم رمزي وولاد عمهم..
فنفس الوقت..
حدهم وامال وعزيزة جايين بطريقهم لحوش رمضان..
ع جيتهم الولاد كانوا طالعين بالسيارة اللي كان. يسوق فيها سليمان...
امال شافت هانيبال كيف طالع بالعربي والزماله لابسها ع راسه...ماتت فيه وقلبها قريب طلع من صدرها من قوة الدق وعيونها تعبوا دموع...
وخشوا للحوش...
والباقي تحركوا بالسيارة...
🍁🍁🍁🍁
تلبس فوشاحها ع المرايه بعد غيرت القفطان ولبست لبسة سروال..
عودة : عروبه هيا سامي يبيب..
عروبه:هي هي..
وطلعت مع اختها جري...
حتى هما ماشيين مع بنات وولاد العيله ....
وهايل عيونه مانزلهمش من علي عروبه...
🍁🍁🍁🍁
حميده:غير شن كانوا خسروا لو قلونا معاهم..
غاليه بضحكه:تبي سيدك يذبحنا..
لطيفه: تس تس تس..معليشي مع احترامي بس عمي تفكيره من عهد الطليان..
سعيده:عمي رمضان متزمت واجد وعقله قديم..
فاطمه:يحافظ ع بناته من العوج واللبز..
لطيفه: لامعليشي عمتي هانا خدمنا وطلعنا وخشينا وبأخلاقنا وخديتونا لولادكم...
حميده:كل حد وتفكيره...
لطيفه:والله كان عاجبكم ماعندي مانقول..
فاطمه بتغير السيرة: ايه ياحدهم نعدوا في الليل نتوقوا عيت عبودة..
حدهم : إن شاء الله..
البنات ناضوا ورا بعضهم...خشوا الكوجينه.
وسعيده ولطيفه رفعوا حواجبهم..
اما امال فكان عقلها مع هانيبال...
💕هانيبال اللي كان في المصور مع الشباب..
وعاد مافيش داعي نرجع نوصف الصور ايام زمان في المصور كيف ياخدو فيهم..
زعميتك الخلفيه غروب الشمس..
ومرة يصور عمر ورمزي ومحمد مع بعض.
مرة هانيبال والهادي وسليمان مع بعض...
ومرة رمزي مع عمامه الكبار...
ومرة مع خاله...
اخر شي...
صور هانيبال بروحه وهو مقعمز ع الكرسي وحاط رجل ع رجل...
وكانت حلوة هلبه الصورة...
المصور: تعال بعد غدوة خودهن..
الهادي: إن شاء الله..
توكلوا كلهم وطلعوا من المصور وهما يعلقوا ع بعض ويضحكوا..
وكملوا طريقهم مشي ويتلاقوا مع معارفهم..
وقفوا فمكان كان فيه صاحب يعرفوه عيدوا وقعدوا يهدرزوا عليه..
ع بعد مسافه..
نزلوا من السيارات...وبيخشوا لمصور تاني...
عمر ركز عليهم...
اي شي فيه بنات يركز عليه😁...
شاف عروبه اتفاجأ...
عروبه وهي تهدرز ع شاديه ضحكت وغيرت عيونها جو عليه جمدت فمكانها...
انقطعت عن الدنيا ومافيها..هبلت فيه ماتت عليه 💕💓.
هايل وهو ماشي ركز عليها ...
سامي : هيا يابنات ..
شاديه :عروبه..
عروبه استاقضت شبحت لشاديه هزت راسها بإيجاب وخشوا للمصور..
وهايل قعد مركز ع جهة الأولاد اللي كانت تشوفلهم ماقدرش يزبط مني فيهم لأنهم كانوا خمسه اللي واقفين..
غير عيونه جو فعيون عمر...شبحله بحده بعدين تلفت القدام وخش للمصور...
وهدا كله وهانيبال كان لاهي بالهدرزة...
شويه والولد اللي كانوا واقفين عليه مشي وهما جايين بيمشوا..
جي عمر لهانيبال شد يده : عروبه هنى..
هانيبال عيونه توسعوا: وين؟!!
عمر : في المصور اللي غاديكيا..
شبح جهة المصور وجهه ولا احمر وقلبه يدق بعنف..
سليمان بضحكه: خل نعدي نقرب الكرهبه..
الهادي ابتسم؛كويس..
مشي سليمان بعد خبط كتف هانيبال..
هانيبال ابتسم بإحراج..💓💕
داخل..
كان معقدها بنظراته اللي خوفتها..
صورت مع خوها واختها...
بعدين مع بنات العيله...وبعدين الولاد والبنات صوروا مع بعض..
هايل:معليش صورة اني وياك عروبه..
شبحتله بحده ...وشاديه وعودة شبحوله ...
سامي ابتسم: بسرعه هي..
عروبه شبحت لخوها يدوب ابتسمت..
قرب هايل وجي وقف جنبها..
المصور: ابتسمي...
هايل بإبتسامه مستفزة قال بصوت خافت: ابتسمي بش تولي الصورة سمحه بنوروها لصغارنا بعدين.
شبحتله بحده وهو شبح للمصور بإبتسامه..
المصور: يللا ياأختي ابتسمي عيد راهو ...
ابتسمت بالسيف..
وخدالهم الصورة...
والكل كانوا مركزين ان الوضع مش مزبوط بيناتهم..وسامي بالذات اللي عارف نية هايل جهة اخته ..
بعد كملوا...
طلعوا من المصور..
وهما طالعين..طول شبحت لنفس الجهة ..
لقاته متكي ع السيارة ويدوب يسرقلها في النظر فوجود ولاد عيلتها...والراجل اللي معاهم "خوها سامي" اللي يبان اكبر من الموجودين..
هي غيرت عيونها لأنها عارفه ان هايل معاها ع الخط..
هايل اللي كان مركز بنظره عليهم...وشبه زبط عروبه لمن تشبح فيهم...
...يتبع....
"في وحده تانيه في الليل متأخر 😚"
