المتمردين

العشق المتمرد

#رمضان_احلا_مع_جمان_فريد

#العشق_المتمرد

الجزء65

القسم الاول

ﺳﺮﺕ 💓
ﻣﻨﻄﻘﺔ ﺍﻟﺠﻴﺰﺓ ﺍﻟﻌﺴﻜﺮﻳﻪ ...
ﻓﻲ ﺍﺣﺪ ﻣﻨﺎﺯﻝ ﺗﻠﻚ ﺍﻟﻤﻨﻄﻘﻪ ..
💕 ﺗﻲ ﺗﻌﺎﻟﻰ ﻫﻨﻲ ﻳﺎﻣﺎﻣﺎ ﺗﻌﺎﻟﻰ ... ﺍﺍﺍﻩ ﻳﺎﺭﺑﻲ .. ﻋﻤﺎﺍﺍﺍﺭ .. ﻋﻤﻤﺎﺍﺍﺍﺍﺭ ..
ﻃﻠﻊ ﻣﻦ ﺩﺍﺭ ﺍﻟﻤﻜﺘﺒﻪ ﺟﺮﻱ ﻭﻫﻮ ﻳﻀﺤﻚ ..
ﻳﺠﺮﻱ ﻭﺭﺍ ﺟﻮﺍﺩ ﺍﻟﻠﻲ ﻛﺎﻥ ﻳﻤﺮﺩ ﺑﺴﺮﻋﻪ ﻫﺎﺭﺏ ﻣﻦ ﺍﻣﻪ ..
ﺣﺼﻞ ﻋﻠﻴﻪ ﻭﺷﺪﻩ ﻭﻗﺎﻣﻪ : ﺷﺪﻳﺖ ﺍﻟﻔﺎﺭﺱ ...
ﺩﻻﻝ ﻧﻔﺨﺖ ﻭﻗﺼﺘﻬﺎ ﻃﺎﺭﺕ ... ﻣﺪﺕ ﻟﻌﻤﺎﺭ ﻓﺮﺩﺓ ﺷﺨﺸﻴﺮ ﺟﻮﺍﺩ ..
ﻗﺪﻡ ﺑﻴﻪ ﻭﻫﻮ ﻳﻀﺤﻚ ﻭﻳﻘﻮﻝ : ﻫﺒﻠﺖ ﻣﺎﻣﺎ ﺧﻠﻴﺘﻬﺎ ﻛﻴﻒ ﻏﻮﻟﺔ ﺍﻟﺠﻨﺎﻧﺎﺕ ..
ﺩﻻﻝ ﺑﺘﻨﻔﻴﺼﻪ : ﺷﻨﻴﻴﻴﻴﻲ !!
ﻋﻤﺎﺭ ﺧﺪﻱ ﺍﻟﺸﺨﺸﻴﺮ ﻭﻫﻮ ﻳﻀﺤﻚ ..
ﻭﻗﻔﺖ ﺑﺎﻟﺸﻮﻱ ﻋﻠﻴﻬﺎ ﻭﻫﻲ ﺗﻘﻮﻝ : ﺍﺿﺤﻚ ﺯﻳﺪ ﺍﺿﺤﻚ .. ﺍﻧﻲ ﺍﺻﻼ ﻣﻦ ﺧﻼﻧﻲ ﻏﻮﻟﻪ ﻏﻴﺮﻙ ﺍﻧﺖ ﻭﻭﻟﺪﻙ ..
ﻭﻣﺸﺖ ﻟﻠﺪﺍﺭ ...
ﻭﻋﻤﺎﺭ ﻗﻌﺪ ﻳﻀﺤﻚ ﻭﻫﻮ ﻳﻠﺒﺲ ﻓﻲ ﺟﻮﺍﺩ : ﻣﺎﻣﺎ .. ﺍﺷﺮ ﺑﻴﺪﻩ ﻉ ﺭﺍﺳﻪ ﺑﺤﺮﻛﻪ ﺩﺍﺋﺮﻳﻪ " ﺑﻤﻌﻨﻰ ﻫﺒﻠﺖ .."
" ﺷﻮﻭﻭﻭﻓﺘﻚ .."
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ....
ﺑﻌﺪﻫﺎ ﻛﻤﻠﻪ ﻟﺒﺲ ﻭﻫﻮ ﻳﻐﻨﻴﻠﻪ : ﺑﺎﺑﺎ ﺗﻠﻴﻔﻮﻥ ﻗﻠﻮﺍ ﻣﻮ ﻫﻮﻥ ..
ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﻀﺤﻚ : ﺣﺘﻰ ﻫﺎﺩﻱ ﺣﻔﻈﺘﻬﺎ ..
ﻋﻤﺎﺭ ﺑﻀﺤﻜﻪ : ﺣﻜﻢ ﻋﻠﻴﻨﺎ ﺍﻟﺰﻣﺎﻥ ... ﻧﺤﻔﻈﻮﺍ ﺣﺎﺟﺎﺕ ﻭﺍﺟﺪﻩ ﻭﻧﺪﻳﺮﻭﺍ ﺣﺎﺟﺎﺕ ﻭﺍﺟﺪﻩ .. ﻣﺎﺗﻮﻗﻌﻨﺎ ﻧﺪﻳﺮﻭﻫﻦ ...
ﻫﻲ ﺍﺑﺘﺴﻤﺖ ﺑﻌﺪﻳﻦ ﻗﺎﻟﺖ : ﺑﺎﻫﻲ ﺍﺷﺒﺤﻠﻲ ﺗﺮﺍ .. ﺍﻣﺎ ﺍﺣﻠﻰ ﺍﻟﻤﺎﻟﻴﻪ ﻫﺎﺩﻱ ﻭﻻﻫﺎﺩﻱ ..
ﻗﺎﻡ ﺟﻮﺍﺩ ﻭﻫﻮ ﻳﺸﻮﻓﻠﻬﺎ .. ﻗﺪﻡ ﺟﻴﻬﺘﻬﺎ ..
ﻭﻭﺻﻞ ﻓﻴﻬﺎ ﻭﻗﺎﻝ : ﺍﻣﻤﻤﻢ ... ﺷﺒﺤﻠﻬﺎ ... ﻛﻞ ﺷﻲ ﻳﻄﻠﻊ ﻋﻠﻴﻚ ﻳﺎﺳﻤﺢ .. ﻭﺑﺎﺳﻬﺎ ..
ﺩﻻﻝ ﺑﻀﺤﻜﻪ : ﺑﺒﺒﺎﻫﻲ ... ﺍﻟﻤﻬﻢ ﺷﺪ ﻋﻠﻴﺎ ﻭﻟﺪﻙ ﻟﻴﻦ ﻧﻜﻤﻞ ..
ﻋﻤﺎﺭ : ﺑﺎﻫﻲ ﺳﻘﺪﻱ ﺭﻭﺣﻚ ﻋﻨﺪﻱ ﻣﺎﻧﺪﻳﺮ ..
ﺩﻻﻝ ﺑﺈﺑﺘﺴﺎﻣﻪ : ﺑﺎﻫﻲ .. ﻭﻟﻔﺖ ﻭﻣﺸﺖ ﻟﻠﺪﺍﺭ ...
ﻋﻤﺎﺭ ﻭﻫﻮ ﻳﺸﺒﺢ ﻟﺠﻮﺍﺩ : ﺣﻠﻮﺓ ﺍﻣﻚ ﻭﺍﺟﺪ ﻭﻫﻲ ﺩﺑﻪ ..
ﺟﻮﺍﺩ : ﻟﻮﻻ "... ﺩﻟﻮﻟﻪ "
ﻋﻤﺎﺭ ﻗﻌﺪ ﻳﻀﺤﻚ ...
💕 ﺑﻌﺪ ﺳﻜﺮ ﺟﻮﺍﺩ 40 ﻳﻮﻡ ... ﺍﻧﺘﻘﻠﻮﺍ ﻟﻠﺴﻜﻦ ﻓﻲ ﻣﻨﻄﻘﺔ ﺍﻟﺠﻴﺰﺓ ﺍﻟﻌﺴﻜﺮﻳﻪ ﺑﺈﻋﺘﺒﺎﺭ ﻋﻤﺎﺭ ﺍﺣﺪ ﺍﻟﻌﺴﻜﺮﻳﻴﻦ ...
ﺑﻌﺪ ﺷﻬﺮﻳﻦ ﻣﻦ ﺍﻧﺘﻘﺎﻟﻬﻢ ﺍﻛﺘﺸﻔﺖ ﺩﻻﻝ ﺍﻧﻬﺎ ﺣﺎﻣﻞ ﻭﻋﻤﺮ ﺣﻤﻠﻬﺎ ﻭﻗﺘﻬﺎ ﺷﻬﺮﻳﻦ ﺍﻟﺰﺑﻂ ...
ﻫﻲ ﺣﺎﻟﻴﺎ ﺣﺎﻣﻞ ﻓﻲ ﺍﻟﺸﻬﺮ ﺍﻟﺴﺎﺩﺱ .. ﻭﺟﻨﺲ ﺍﻟﻤﻮﻟﻮﺩ .. ﺫﻛﺮ ..
ﻭﻃﺒﻌﺎ ﺩﻻﻝ ﻣﻌﺎﺵ ﻭﻟﺖ ﻟﻘﺮﺍﻳﺘﻬﺎ ﺑﻜﻞ .. ﺍﻫﺘﻤﺎﻣﻬﺎ ﻛﻠﻪ ﻭﻻ ﻟﻮﻟﺪﻫﺎ ﺑﺲ ... ﻭﺯﻳﺎﺩﻩ ﺣﻤﻠﻬﺎ ﺍﻟﺘﺎﻧﻲ ﺗﻌﺒﻬﺎ ...
ﻭﻣﻌﺮﻭﻓﻪ ﻣﻌﺎﻧﺎﺓ ﺍﻷﻡ ... ﺍﻟﻠﻲ ﺗﺤﻤﻞ ﻭﻋﻨﺪﻫﺎﻃﻔﻞ ﺳﻮﺍﺀ ﻛﺎﻥ ﺑﻨﺖ ﻭﻻ ﻭﻟﺪ ﻣﺎﺳﻜﺮﺵ ﺍﻟﺴﻨﻪ ... ﻣﻌﺎﻧﺎﻩ ﺣﻘﻴﻘﻴﻪ ...
ﺑﺲ ﻋﻤﺎﺭ ﻛﺎﻥ ﻳﻤﺎﺭﺱ ﻓﻲ ﻣﻬﺎﻣﻪ ﻛﺄﺏ ﻭﺯﻭﺝ ﻉ ﺍﻛﻤﻞ ﻭﺟﻪ ﻭﻳﺤﺎﻭﻝ ﻳﻮﻓﻖ ﺑﻴﻦ ﺑﻴﺘﻪ ﻭﺧﺪﻣﺘﻪ ... ﺳﻮﺍﺀ ﻛﺎﻥ ﻓﻲ ﺍﻟﺪﻭﻟﻪ .. ﺍﻭ ﻧﺸﺎﻃﻪ ﺍﻟﺘﺠﺎﺭﻱ ﺍﻟﺨﺎﺹ ..
ﻭﻛﺬﻟﻚ ﻳﺤﺎﻭﻝ ﻳﺪﻳﺮ ﻭﺍﺟﺒﻪ ﻣﻊ ﺻﻐﺎﺭ ﺧﻮﻩ ...
🍁 ﺍﻟﻠﻲ ﻭﻟﻮﺍ ﻣﻴﺎﻟﻴﻦ ﻫﻠﺒﻪ ﻟﻌﻤﺘﻬﻢ ﺃﻣﻴﻨﻪ ﻭﻭﻻﺩ ﻋﻤﺘﻬﻢ ..
💕 ﻭﻣﺆﻧﺲ ...
ﻭﻻ ﻟﻴﻪ ﻗﻴﻤﻪ ﻛﺒﻴﺮﺓ ﻋﻨﺪﻫﻢ ... ﺑﺎﻟﺬﺍﺕ ﺑﻌﺪ ﻋﻄﺎﻫﻢ ﻭﻋﺪ ﻳﺴﺎﻓﺮﻭﺍ ﻷﻣﻬﻢ ﻭﻛﺎﻥ ﻗﺪ ﻭﻋﺪﻩ ...
ﺑﺲ ﺣﺪﻭﺩ ﻟﻘﺎﺋﻬﺎ ﺑﻴﻬﻢ ﻣﺎﺗﻌﺪﺍﺵ ﺍﻟﻴﻮﻡ ...
ﻛﺎﻧﺖ ﻓﻴﻬﻢ ﻫﻨﺪﺍ ﻻﻫﻴﻪ ﺑﺲ ﺑﻴﻬﻢ ﻗﻀﺖ ﻣﻌﺎﻫﻢ ﻫﺎﻟﻴﻮﻡ ﺑﻜﻞ ﺩﻗﻴﻘﻪ ﻓﻴﻪ ﻭﻣﺎﻓﻜﺮﺗﺶ ﺑﺘﺎﺗﺎ ﺗﺴﺄﻟﻬﻢ ﻋﻦ ﺃﻱ ﺣﺪ ﺗﺎﻧﻲ ..
ﺑﻌﺪﻫﻢ ﻋﻨﻬﺎ ... ﺧﻼﻫﺎ ﺗﻔﻬﻢ .. ﺍﻥ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻟﻴﻬﺎ ﻓﻲ ﺍﻟﺪﻧﻴﺎ ﻫﻤﺎ ﻭﻻﺩﻫﺎ ﻭﺑﺲ ...
ﻻﺯﻭﺝ .. ﻻﻓﻠﻮﺱ ... ﻻﻏﻴﺮﻩ ..
ﺑﺲ ﻣﻊ ﻫﺪﺍ ﻣﺎﺯﺍﻟﺖ ﻣﺴﺘﻤﺮﺓ ﻋﻘﻮﺑﺘﻬﺎ ...
ﻭﻛﺎﻧﺖ ﺗﺼﺒﺮ ﻓﻴﻬﺎ ﻣﻜﺎﻟﻤﺎﺕ ﺍﻟﺴﻜﺎﻳﺐ ﺑﻴﻦ ﺍﻟﻮﻗﺖ ﻟﻠﺘﺎﻧﻲ ...
💓 ﻣﺆﻧﺲ ﺧﺪﻱ ﺣﻴﺰ ﻛﺒﻴﺮ ﻓﺤﻴﺎﺓ ﺍﻻﻭﻻﺩ ..
ﻟﻤﺎ ﻳﺮﻭﺡ ﻣﻦ ﻃﺮﺍﺑﻠﺲ ﻟﺴﺮﺕ ﺍﻳﺎﻡ ﻋﻄﻠﺘﻪ ﻣﻌﺎﻫﻢ ﻫﻤﺎ ..
ﻣﺨﺘﺎﺭ ﻭﻋﺒﺪﺍﻟﺮﺯﺍﻕ ﻳﺤﺒﻮﻩ ﻫﻠﺒﻪ .. ﻭﺍﻳﻤﻦ ﻣﻴﺎﻟﻪ ﺑﻌﺾ ﺍﻟﺸﻲ ..
ﻭﻫﻮ ﻛﺎﻥ ﻳﺤﺎﻭﻝ ﻳﺤﺘﻮﻱ ﺍﻳﻤﻦ ﺑﺎﻟﺬﺍﺕ ﻉ ﻗﺪ ﻣﺎﻳﻘﺪﺭ ﻷﻧﻪ ﻓﻲ ﺳﻦ ﺣﺮﺟﻪ .. ﺯﻳﺎﺩﻩ ﻉ ﺫﻟﻚ ﻃﺒﻊ ﺍﻳﻤﻦ ﺍﻟﺤﺎﺩ ...
🍁🍁🍁🍁🍁
ﻓﻲ ﺍﻟﻤﺰﺭﻋﻪ ..
ﻭﺍﻗﻒ ﻳﺸﻮﻑ ﻣﻦ ﺑﻌﻴﺪ ﻓﻲ ﻋﺒﺪﺍﻟﺮﺯﺍﻕ ﻛﻴﻒ ﻳﺠﺮﻱ ﺑﺎﻟﺤﺼﺎﻥ ..
ﻣﺨﺘﺎﺭ : ﻋﺒﺪﺍﻟﺮﺯﺍﻕ ﻣﺎﺯﺍﻝ ﻳﺨﺎﻑ ..
ﺷﺒﺤﻠﻪ ﻣﺆﻧﺲ ﻭﻗﺎﻝ : ﺍﻳﻪ ﺻﺢ ﺑﺲ ﻣﻊ ﺍﻟﻤﻤﺎﺭﺳﻪ ﻳﺘﺸﺠﻊ ..
" ﺍﻟﺴﻼﻡ ﻋﻠﻴﻜﻢ .."
ﺍﻟﺘﻔﺖ ﺟﻨﺒﻪ : ﺍﻭﻭﻭﻭﻭ .. ﺯﻋﻴﻢ ... ﻣﺪﻳﺪﻩ ..
ﺍﻳﻤﻦ ﺻﺎﻓﺤﻪ ﻭﻫﻮ ﻳﺸﻮﻑ ﻟﻌﺒﺪﺍﻟﺮﺯﺍﻕ : ﻣﻌﺎﺵ ﻳﺨﺎﻑ ﻛﻴﻒ ﻗﺒﻞ ..
ﻣﺆﻧﺲ ﺷﺢ ﻳﺪ ﺍﻳﻤﻦ ﻭﻗﺎﻝ : ﻏﻴﺮ ﺍﺳﺄﻝ ﻋﻦ ﺣﺎﻟﻨﺎ ..
ﺍﻳﻤﻦ ﺑﻀﺤﻜﻪ : ﻣﺴﻴﺒﻜﻢ ﺍﻣﺲ ﺑﺲ ﻛﺎﻥ ﺟﺪ ﻋﻠﻴﻜﻢ ﺷﻲ ﺭﺍﻧﻲ ﻋﺮﻓﻪ .
ﺿﺮﺑﻪ ﻉ ﻛﺘﻔﻪ
ﺿﺤﻚ ﺃﻳﻤﻦ ...
ﺗﻠﻔﺖ ﻣﺆﻧﺲ ﻟﻌﺒﺪﺍﻟﺮﺯﺍﻕ .. ﻭﺍﺷﺮﻟﻪ ﺑﻴﺪﻩ ﻳﺠﻲ ..
ﻣﺆﻧﺲ : ﻋﻤﻜﻢ ﺟﺎﻱ ﺑﻌﺪﻳﻦ ﺷﻮﻱ
ﻣﺨﺘﺎﺭﺑﻠﻬﻔﻪ : ﺑﻴﺠﻴﺐ ﻣﻌﺎﻩ ﺟﻮﺍﺩ ..
ﺍﺑﺘﺴﻢ ﻣﺆﻧﺲ ﻭﻫﻮ ﻳﻬﺰ ﻓﺮﺍﺳﻪ ﺑﺈﻳﺠﺎﺏ ..
ﺍﻳﻤﻦ ﻳﺸﺒﺢ ﻟﺨﻮﻩ ﻛﻴﻒ ﺟﺎﻱ ﻭﻣﺘﺠﺎﻫﻞ ﺣﺪﻳﺜﻬﻢ ..
ﻭﺻﻞ ﻓﻴﻬﻢ ﻋﺒﺪﺍﻟﺮﺯﺍﻕ ﻭﻧﺰﻝ ﻗﺪﻡ ﻟﻤﺆﻧﺲ ﻭﻗﺎﻝ : ﻫﺎﻩ ﺷﻦ ﺭﺍﻳﻚ ..
ﻣﺆﻧﺲ : ﺍﺣﺴﻦ ﻣﻦ ﻗﺒﻞ ﻭﺍﺟﺪ ..
ﺍﺑﺘﺴﻢ ﻋﺒﺪﺍﻟﺮﺯﺍﻕ ﺑﺮﺑﻜﻪ : ﻛﻮﻳﺲ ..
ﺿﺤﻜﻮﺍ ﺧﻮﺗﻪ ...
ﺑﻌﺪﻳﻦ ﺷﺒﺢ ﻋﺒﺪﺍﻟﺮﺯﺍﻕ ﻷﻳﻤﻦ : ﺍﻟﻤﺮﺓ ﺍﻟﺠﺎﻳﻪ ﺑﻨﻌﺪﻱ ﻣﻌﺎﻛﻢ ﻟﻠﺼﻴﺪ ﻛﻴﻒ ﻣﺎﻟﻤﺮﻩ ﺍﻟﻠﻲ ﻓﺎﺗﺖ ﻋﺪﺍ ﻣﺨﺘﺎﺭ ..
ﺃﻳﻤﻦ : ﺍﻟﻤﺮﺓ ﺍﻟﻠﻲ ﻋﺪﺍ ﻓﻴﻬﺎ ﻣﺨﺘﺎﺭ ﻗﻠﻨﺎﻟﻚ ﺗﺠﻲ ﻣﻌﺎﻧﺎ ﻟﻜﻦ ﺍﻧﺖ ﻣﺎﺑﻴﺘﺶ ..
ﻣﺆﻧﺲ : ﻛﺎﻥ ﻋﻨﺪﻩ ﻗﺮﺍﻳﻪ .. ﺍﻟﻘﺮﺍﺍﺍﻳﻪ ﺍﻟﻠﻲ ﺍﻧﺖ ﻓﺎﻳﺘﻬﺎ ..
ﺍﻳﻤﻦ ﺑﻀﺤﻜﻪ : ﺑﺘﺒﺪﺍ ﻋﺎﺩ ..
ﻛﻴﻒ ﺟﺎﻱ ﺑﻴﺮﺩ ﻋﻠﻴﻪ ﻣﺆﻧﺲ .. ﻗﻄﻌﻬﻢ ﺻﻮﺕ ﺳﻴﺎﺭﺍﺕ ﺧﺸﻮﺍ ..
ﺍﻟﺘﻔﺘﻮﺍ .. ﻭﺷﺎﻓﻮﺍ ﺳﻴﺎﺭﺍﺕ ﺟﺪﻫﻢ ﻣﺨﺘﺎﺭ ﻭﻣﻌﺎﻫﻢ ﻋﻤﺎﺭ ..
ﺍﻳﻤﻦ ﺗﻠﻔﺖ ﺍﻟﻘﺪﺍﻡ ﻭﻣﺸﻲ ..
ﻣﺆﻧﺲ ﺷﺒﺤﻠﻪ ﺑﻄﺮﻑ ﻋﻴﻨﻪ .. ﺗﻨﻬﺪ ﺑﻌﺪﻳﻦ ﺭﺟﻊ ﺷﺎﻑ ﻟﻠﺴﻴﺎﺭﺍﺕ ..
ﻟﻤﺎ ﺷﺎﻓﻮﻫﻢ ﻭﻗﻔﻮﺍ ... ﻗﺪﻣﻮﻟﻬﻢ ...
ﺳﻠﻤﻮﺍ ﻋﻠﻴﻬﻢ ...
ﺍﻟﻮﻻﺩ ﺷﺎﻓﻮﺍ ﺩﻻﻝ ﻧﺎﺯﻟﻪ ﺑﺠﻮﺍﺩ ﺟﻮﻩ ﻳﺠﺮﻭﺍ ..
ﺍﺑﺘﺴﻤﺖ ﻭﻗﺎﻟﺖ : ﺧﻮﺩﻩ ﻋﺒﺪﺍﻟﺮﺯﺍﻕ ..
ﻋﺒﺪﺍﻟﺮﺯﺍﻕ : ﻫﻲ ﺗﻌﺎﻝ ﺟﻮﺍﺩ .. ﺟﺎﻩ ﻃﻮﻝ ﻭﻗﺎﻣﻪ ﻋﺒﺪﺍﻟﺮﺯﺍﻕ ..
ﻭﻗﻌﺪﻭﺍ ﺍﻟﺰﻭﺯ ﻳﻠﻌﺒﻮﺍ ﻋﻠﻴﻪ
ﻭﻋﻤﻬﻢ ﻭﺟﺪﻫﻢ ﻳﺸﻮﻓﻮﻟﻬﻢ ﺑﺈﺑﺘﺴﺎﻣﻪ ..
ﻋﻤﺎﺭ ﺷﺒﺢ ﻟﻤﺆﻧﺲ : ﺷﻦ ﺍﻷﺧﺒﺎﺭ ..
ﻣﺆﻧﺲ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ..
ﻣﺨﺘﺎﺭ : ﺍﻣﻚ ﻣﺎﻣﺨﻠﻴﻪ ﻣﺎﻣﺪﺍﻳﺮﺓ ﺿﺮﻭﺭﻱ ﺗﺠﻲ ﻉ ﺍﻟﻌﺸﺎ ..
ﺿﺤﻚ ﻭﻗﺎﻝ : ﺣﺎﺿﺮ ..
ﻋﻤﺎﺭ : ﺷﻦ ﺩﺍﻳﺮ ﺍﻟﺮﻋﺪ ..
ﻣﺆﻧﺲ : ﻳﺮﺟﻰ ﻓﺼﺎﺣﺒﻪ ..
ﺍﺑﺘﺴﻢ ﻋﻤﺎﺭ ﻭﺑﻌﺪﻳﻦ ﺷﺒﺢ ﻟﻮﻻﺩ ﺧﻮﻩ ﺍﻟﻠﻲ ﺷﺎﺩﻳﻦ ﻭﻟﺪﻩ : ﻋﻤﻲ ﻋﺒﺪﺍﻟﺮﺯﺍﻕ ...
ﺷﺒﺤﻮﻟﻪ ..
ﻋﻤﺎﺭ : ﺟﻴﺐ ﻭﻟﺪ ﻋﻤﻚ ﺗﺮﺍ ..
ﻗﺪﻡ ﻋﺒﺪﺍﻟﺮﺯﺍﻕ ﻟﻌﻤﻪ ﻭﻣﺪﻩ ﻟﻌﻤﺎﺭ ...
ﻋﻤﺎﺭ ﻭﻫﻮ ﻳﺎﺧﺪ ﻓﻲ ﻭﻟﺪﻩ : ﻫﻴﺎ ﻳﺎﻓﺎﺭﺱ ﻧﻌﺪﻭﺍ ﻧﺸﻮﻓﻮﺍ ﺣﺼﺎﻧﻚ ..
ﺿﺤﻜﻮﺍ
ﺑﻌﺪﻳﻦ ﻣﺸﻮﺍ ﻣﻊ ﺑﻌﻀﻬﻢ ﻭﻳﻦ ﻣﺎﻓﻲ ﺍﻹﺳﻄﺒﻞ ..
ﻭﻭﺭﺍﻫﻢ ﺩﻻﻝ ﻣﺒﺘﺴﻤﻪ ﻃﻮﻝ ﺍﻟﻮﻗﺖ ..
ﻭﻫﻲ ﻣﺎﺷﻴﻪ .. ﻛﺎﻧﺖ ﺗﻮﺯﻉ ﻓﻨﻈﺮﻫﺎ ﻉ ﺍﻟﻤﻜﺎﻥ ... ﺟﺖ ﻋﻴﻨﻬﺎ ﻉ ﺃﻳﻤﻦ ﻣﻘﻌﻤﺰ ﺑﺮﻭﺣﻪ ﺗﺤﺖ ﻭﺣﺪﻩ ﻣﻦ ﺍﻟﻨﺨﻞ ..
ﺗﻼﺷﺖ ﺍﺑﺘﺴﺎﻣﺘﻬﺎ ﻭﺍﺿﺎﻳﻘﺖ ﻫﻠﺒﻪ ..
ﻏﻴﺮﺕ ﻋﻴﻮﻧﻬﺎ ﻋﻨﻪ ﻭﻛﻤﻠﺖ ﻃﺮﻳﻘﻬﺎ ..
🍃 ﺍﻳﻤﻦ ﺩﻳﻤﺎ ﻣﺘﺠﻨﺒﻬﻢ ﻭﺑﻌﻴﺪ ﻋﻠﻴﻬﻢ .. ﺣﺘﻰ ﻋﻤﻪ ﻣﻌﺎﺵ ﻋﻨﺪ ﻟﻴﻪ .. ﻭﻳﻦ ﻳﺠﻲ ﻣﺎﻳﻄﻠﻌﻼﺵ ﺑﻜﻞ ...
ﻭﻛﺎﻥ ﺗﺼﺎﺩﻑ ﻫﻮ ﻭﻳﺎﻩ ﻳﺪﻭﺏ ﻳﺴﻠﻢ ﻋﻠﻴﻪ ﻭﻳﻔﻮﺗﻪ ..
ﻭﻋﻤﺎﺭ ﺑﺮﻏﻢ ﺍﻧﻪ ﻛﺎﻥ ﻳﻀﺎﻳﻖ ﻫﻠﺒﻪ ﻣﻦ ﻣﺠﺎﻓﺎﺓ ﺍﻳﻤﻦ ﻟﻴﻪ ﻟﻜﻦ ﻣﺎﻓﻜﺮﺵ ﻭﻻ ﻣﺮﺓ ﻳﻠﻮﻣﻪ ... ﻋﺎﻃﻴﻪ ﻋﺬﺭ ...
💕💕💕
ﻃﻠﻌﻮﺍ ﻟﺠﻮﺍﺩ ﺍﻟﻤﻬﺮ ﻣﺘﺎﻋﻪ ..
ﺩﻻﻝ ﻋﺠﺒﻬﺎ ﻫﻠﺒﻪ .. ﻛﺎﻥ ﻟﻮﻧﻪ ﺑﻨﻲ ﻏﺎﻣﻖ ﻭﺟﻤﻴﻞ ﻓﺸﻜﻠﻪ ..
ﻗﺮﺑﻪ ﺑﻮﻩ ﻟﻴﻪ ﻭﺣﻄﻪ ﻋﻠﻴﻪ ..
ﻭﺍﻟﺤﺎﺝ ﻣﺨﺘﺎﺭ ﻳﺼﻮﺭ ﻓﻴﻬﻢ ..
ﻭﺑﻮﻩ ﻳﻌﻠﻖ ﻋﻠﻴﻪ ﻭﻫﻤﺎ ﻳﻀﺤﻜﻮﺍ ..
🌴🌴🌴🌴🌴🌴🌴🌴🌴🌴🌴🌴
ﺭﻭﺡ ﻟﻠﺤﻮﺵ ﺑﻌﺪ ﻳﻮﻡ ﻋﻤﻞ ﻣﺘﻌﺐ ..
ﻏﺎﻳﺘﻪ ﻳﺘﻐﺪﺍ ﻭﻳﺮﻗﺪ ﺑﺶ ﻳﺮﻳﺢ ﺟﺜﺘﻪ ..
ﺑﺲ ﺑﻌﺪﻳﻦ ﺗﺄﻛﺪ ﺍﻧﻪ ﻣﺶ ﺣﻴﻨﻮﻝ ﻏﺎﻳﺘﻪ ﻟﻤﺎ ﺳﻤﻊ ﺻﻮﺗﻬﺎ ﻳﻨﺎﺩﻱ ﻓﻴﻪ ..
ﻣﻴﻼﺩ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ..
ﺗﻮﺟﻪ ﻃﻮﻝ ﻟﻠﺼﺎﻟﻪ ...
ﻟﻘﺎﻫﺎ ﻣﻘﻌﻤﺰﺓ ﻫﻲ ﻭﺑﻨﺘﻪ ﻭﺍﻟﻮﻟﻴﺪ ﺟﻨﺒﻬﻢ ﺭﺍﻗﺪ ..
ﻣﻴﻼﺩ : ﺷﻨﻮ ﻓﻲ ..
ﺳﻌﻴﺪﻩ : ﺗﻌﺎﻝ ﺷﻮﻑ ﻭﻟﺪﻙ ﺷﻦ ﺩﺍﻳﺮ ﻓﺄﺧﺘﻪ .. ﻋﻄﻴﻬﺎ ﻃﺮﻳﺤﻪ ﻗﺮﻳﺐ ﻗﺘﻠﻬﺎ ..
ﻣﻴﻼﺩ ﺷﺒﺢ ﻟﺮﺯﺍﻥ : ﻟﻴﺶ ..
ﺭﺯﺍﻥ : ﻭﺍﻟﻠﻪ ﻣﺎﺩﺭﺗﻠﻪ ﺣﺎﺟﻪ ﻳﺎﺑﺎﺑﺎ ﻃﻮﻝ ﺟﺎﻧﻲ ﺟﺒﺪﻧﻲ ﻣﻊ ﺭﻗﺒﺘﻨﻲ ﻭﻛﺮﻧﻲ ﻟﻠﺪﺍﺭ ﻭﺿﺮﺑﻨﻲ ﺑﺎﻟﺴﺒﺘﻪ ..
ﻣﻴﻼﺩ : ﺍﻳﻦ ﻣﻨﻬﻢ ..
ﺳﻌﻴﺪﻩ : ﺍﻟﻤﻀﻠﻮﻝ ﺭﻣﺰﻱ ..
ﻣﻴﻼﺩ : ﻣﻌﻨﺎﻫﺎ ﺍﻧﻈﺮ ﺷﻦ ﺩﺍﻳﺮﻩ .. ﻭﻟﻒ ﺑﻴﻤﺸﻲ ..
ﺭﺯﺍﻥ : ﻭﺍﻟﻠﻪ ﻣﺎﺩﺭﺕ ﺣﺎﺟﻪ ..
ﻣﺸﻲ ﻭﻃﻨﺸﻬﺎ ..
ﺳﻌﻴﺪﻩ ﺑﺼﻮﺕ ﻋﺎﻟﻲ : ﺗﻘﻮﻱ ﻓﻴﻪ ﻋﻠﻴﻨﺎ ﻳﺎﻣﻴﻼﺩ ..
ﺳﻤﻌﺖ ﺻﻮﺕ ﺑﺎﺏ ﺍﻟﺪﺍﺭ ﺗﺴﻜﺮ ..
ﺭﺯﺍﻥ : ﺷﻔﺘﻲ ﺑﺎﺑﺎ ﻳﺎﻣﺎﻣﺎ ..
ﺷﺒﺤﺘﻠﻬﺎ ﺑﻨﺺ ﻋﻴﻦ ﺑﻌﺪﻳﻦ ﺷﺒﺤﺖ ﺍﻟﻘﺪﺍﻡ ﻭﻗﺎﻟﺖ : ﺧﻼﺹ ﺗﻮﺍ ﺍﺳﻜﺘﻲ .. ﺍﻧﻲ ﺗﻮ ﻧﻮﺭﻳﻪ ﻋﻠﻴﻬﺎ ﻣﺪﺕ ﻳﺪﻩ ﻫﺪﻱ ﻉ ﺧﺎﻃﺮ ﻫﺪﻳﻚ ﺍﻟﺸﻴﻄﺎﻧﻪ ....
ﺭﺯﺍﻥ ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ ﻓﻨﻔﺴﻬﺎ " ﻭﺣﺘﻰ ﺍﻧﻲ ﺗﻮ ﻧﻮﺭﻳﻪ .."
🍁🍁🍁🍁🍁🍁
ﻳﺘﻤﺸﻮﺍ ﻓﻲ ﺍﻟﻤﺰﺭﻋﻪ ...
ﺩﻻﻝ : ﺍﻟﺠﻤﻮﺡ ﻣﺶ ﻋﺎﺟﺒﻨﻲ ..
ﺗﻨﻬﺪ ﻋﻤﺎﺭ ﻭﻗﺎﻝ : ﻣﺮﻳﺾ ﺷﻮﻱ ..
ﺩﻻﻝ : ﻫﺪﺍ ﻋﻼﺵ ﺍﻧﺖ ﺟﻮﻙ ﻣﺶ ﺗﻤﺎﻡ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ؟
ﻋﻤﺎﺭ ﺑﻀﻴﻖ : ﺍﻭﻝ ﻣﺮﺓ ﻳﺘﻌﺐ ﻫﻜﻲ ..
ﻭﻗﻔﺖ ﻭﻗﺎﻟﺖ ﺑﺨﻮﻑ : ﺷﻦ ﻗﺼﺪﻙ؟
ﻋﻤﺎﺭ ﺷﺪ ﻳﺪﻫﺎ ﻭﺍﺑﺘﺴﻢ : ﺧﻴﺮﻙ .. ﺍﻧﻲ ﻗﺼﺪﻱ ﻋﻤﺮﻩ ﻣﺎﻣﺮﺽ ﻣﺶ ﻭﺍﺧﺪ ﻋﻠﻴﻪ ﻳﻤﺮﺽ .. ﻫﺪﻯ ﻗﺼﺪﻱ ..
ﺩﻻﻝ : ﻳﻌﻨﻲ ﻣﺮﺿﺔ ﻋﺎﺩﻳﻪ !!
ﻋﻤﺎﺭ : ﺍﻳﻪ ﻳﺎﻋﻤﺮﻱ ﻋﺎﺩﻳﻪ ..
ﻗﻌﺪﺕ ﺗﺸﺒﺤﻠﻪ ..
ﻗﺮﺏ ﻭﺣﻀﻨﻬﺎ : ﻣﻮﻟﻴﻪ ﺣﺴﺎﺳﻪ ﻭﺍﺟﺪ ﻭﺧﻮﺍﻓﻪ .. ﺣﻤﻠﻚ ﺍﻟﻤﺮﺓ ﻫﺪﻱ ﺍﺧﻴﻲ ﻋﻠﻴﻪ ..
ﺣﻀﻨﺎﺗﻪ ﻭﻫﻲ ﺗﻀﺤﻚ ﻗﺎﻟﺖ : ﻛﻨﺖ ﺗﺒﻴﻪ ﺯﻱ ﺣﻤﻠﻲ ﺑﺠﻮﺍﺩ ..
ﻋﻤﺎﺭ : ﻻ ﻭﻻ ﺣﺘﻰ ﺑﺠﻮﺍﺩ .. ﻓﻲ ﺍﻟﺰﻭﺯ ﻛﻨﺘﻲ ﺍﺧﻴﻴﻲ ﻋﻠﻴﻚ ..
ﺩﻻﻝ : ﻫﻬﻬﻬﻬﻬﻬﻬﻬﻬﻪ ..
ﻫﻮ ﺿﺤﻚ ﻭﺯﺍﺩ ﺣﻀﻨﻬﺎ .. ﺑﻌﺪﻳﻦ ﺑﻌﺪﻫﺎ ﻭﻗﺎﻝ ﻭﻫﻮ ﻳﺸﺒﺢ ﻟﺒﻄﻨﻬﺎ : ﺍﻟﺒﺎﻳﻦ ﻣﻌﻤﺮ ﺑﻴﺠﻲ ﺳﻤﻴﻦ ﻭﺍﺟﺪ ..
ﺩﻻﻝ ﻭﻫﻲ ﺣﺎﻃﻪ ﻳﺪﻫﺎ ﻉ ﺑﻄﻨﻬﺎ : ﺑﻴﺠﻲ ﺣﺮﻧﻴﻒ ﻭﻣﺘﻌﺐ ﺍﻛﺘﺮ ﻣﻦ ﺟﻮﺍﺩ .. ﻣﻦ ﻭﻫﻮ ﺩﺍﺧﻞ ﻣﺶ ﻣﻬﻨﻲ ﺭﻭﺣﻪ ..
ﻋﻤﺎﺭ ﺑﺮﻓﻌﺔ ﺣﺎﺟﺐ : ﺿﺮﺍﺭﻱ ﻋﻤﺎﺭ ﻫﺪﻳﻤﺎ ﻛﻠﻬﻢ ﻃﺎﻗﻪ ﻭﺣﻴﻮﻳﻪ ﻣﻦ ﻳﻮﻡ ﻳﻮﻣﻬﻢ ..
ﺩﻻﻝ : ﻗﺼﺪﻙ ﻧﺎﺭ ﺣﻤﺮﺍ ..
ﺭﻓﻊ ﺣﺎﺟﺒﻪ ﻭﻗﺮﺻﻬﺎ ﻣﻦ ﺧﺪﻫﺎ ...
ﻫﻲ ﺷﺪﺕ ﻳﺪﻩ ﻭﺣﻄﺘﻬﺎ ﻭﺭﺍ ﻇﻬﺮﻫﺎ ﻭﻗﺮﺑﺘﻠﻪ ﻭﻫﻲ ﺗﻐﻨﻲ :
ﺍﻧﺖ ﻭﺑﺲ ﺣﺒﻴﺒﻲ ﺍﻟﻮﻓﻲ ﺣﺒﻴﺒﻲ ﺍﻟﻮﻓﻲ ..
ﺍﺑﺘﺴﻢ ﻭﻛﻤﻞ ..
ﺍﻧﺖ ﻭﺑﺲ ﺍﻟﻐﺎﻟﻲ ﻋﻠﻲ ﺍﻟﻐﺎﻟﻲ ﻋﻠﻲ ..
ﺍﻟﺰﻭﺯ ﻣﻊ ﺑﻌﺾ ..
ﺍﻧﺖ ﻭﺑﺲ ﻧﻮﺭﻙ ﻭﻧﺲ ..
ﻧﻮﺭﻙ ﻭﻧﺲ ﻟﻌﻴﻨﻲ ..
ﻭﻛﻤﻠﻮﺍ ﺍﻷﻏﻨﻴﻪ ﻣﻊ ﺑﻌﺾ ... ﻭﻛﺎﻧﻮﺍ ﺑﻤﺸﺎﻋﺮﻫﻢ ﻳﻘﻮﻟﻮﺍ ﻓﻲ ﻛﻠﻤﺎﺗﻬﺎ 💕..
ﻭﻣﻦ ﺟﻬﺔ ﺗﺎﻧﻴﻪ ﻓﻲ ﻧﻔﺲ ﺍﻟﻤﻜﺎﻥ ..
ﻛﺎﻥ ﺍﻟﺠﺪ ﻣﺨﺘﺎﺭ ﻣﻊ ﺍﺣﻔﺎﺩﻩ ﺍﻟﺘﻼﺗﻪ ..
ﺟﻮﺍﺩ ﻭﻣﺨﺘﺎﺭ ﻭﻋﺒﺪﺍﻟﺮﺯﺍﻕ ..
ﻳﻼﻋﺒﻮﺍ ﻓﻲ ﺟﻮﺍﺩ ﻭﻳﻀﺤﻜﻮﺍ ﻉ ﺣﺮﻛﺎﺗﻪ ﻭﻛﻼﻣﻪ ..
ﺑﺎﻟﺬﺍﺕ ﻭﻫﻮ ﻳﻘﻮﻝ ﻭﻳﻌﺎﻭﺩ ﻓﻲ ﻛﻠﻤﻪ ..
" ﺟﺪﻭ ..." ﻳﻨﻄﻖ ﻓﻴﻬﺎ ﺑﻠﻐﺔ ﻃﻔﻮﻟﻴﻪ ﺣﻠﻮﻩ " ﺩﺍﺩﺩﻭ ..."
ﺑﺲ ﻓﻲ ﻣﻜﺎﻥ ﺗﺎﻧﻲ ..
ﺗﻌﺪﻭﺍ ﻣﻌﺎﻱ ﻏﺪﻭﺓ؟
ﺃﻳﻤﻦ : ﺑﻨﺮﻭﺣﻮﺍ ﻓﻲ ﻧﻔﺲ ﺍﻟﻴﻮﻡ؟
ﻣﺆﻧﺲ : ﺍﻳﻪ ..
ﺍﻳﻤﻦ : ﺗﻤﺎﻡ ..
ﻣﺆﻧﺲ : ﺑﺎﻫﻲ ﺗﻮ ﺧﻠﻴﻨﺎ ﻣﻦ ﻣﺸﻴﺔ ﻃﺮﺍﺑﻠﺲ ﻭﻗﻮﻟﻲ .. ﻟﻌﻨﺪ ﺍﻣﺘﻰ ﺑﺘﻘﻌﺪ ﻉ ﺣﺎﻟﻚ ﻫﺪﻯ ﻣﻊ ﻋﻤﻚ ..
ﺍﻳﻤﻦ ﺷﺒﺢ ﺍﻟﻘﺪﺍﻡ ﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ ..
ﻣﺆﻧﺲ : ﻋﻤﺎﺭ ﺭﺍﻫﻮ ﻣﺶ ﻋﻤﻚ ﺑﺲ ﻫﺪﻯ ﺑﺎﺗﻚ ..
ﺍﻳﻤﻦ ﺑﺤﺪﻩ : ﻛﺎﻥ ﺑﺲ ﺗﻮﺍ ﻻﻋﺎﺩ ﻧﺒﻴﻪ ﺑﺎﺕ ﻻﻋﻢ ..
ﻣﺆﻧﺲ : ﺃﻳﻤﻦ
ﺍﻳﻤﻦ ﻗﺎﻃﻌﻪ ﺑﺪﻣﻮﻉ ﻗﺎﻝ : ﺍﻧﺖ ﻣﺎﺗﺤﺴﺶ ﺑﺎﻟﻠﻲ ﻧﺤﺲ ﺑﻴﻪ .... ﻭﻋﻴﺖ ﻉ ﺍﻟﺪﻧﻴﺎ ﻭﺍﻧﻲ ﻋﺎﺭﻑ ﺍﻧﻲ ﻳﺘﻴﻢ ... ﻟﻜﻦ ﻋﻤﺎﺭ ﻛﺎﻥ ﻫﻮ ﺑﺎﺗﻲ ﻛﺎﻥ ﺩﻳﻤﺎ ﻣﻌﺎﻧﺎ ﻭﻟﻴﻨﺎ ﺣﻨﻲ .. ﻟﻌﻨﺪ ﻣﺎﺟﺖ ﻫﺪﻱ ﻭﺧﺪﺍﺗﻪ ﻣﻨﺎ .. ﻭﺧﻠﺘﻨﺎ ﻳﺘﺎﻣﻰ ﻣﻦ ﺍﻟﺠﻴﻬﺘﻴﻦ ﻣﻦ ﺍﻟﺒﺎﺕ ﻭﺍﻷﻡ ..
ﻛﻼﻡ ﺍﻳﻤﻦ ﻭﺟﻊ ﻗﻠﺐ ﻣﺆﻧﺲ ﻫﻠﺒﻪ ﻭﺣﺲ ﻗﺪﺍﺵ ﻫﻮ ﺣﺎﻣﻞ ﻓﻲ ﻗﻠﺒﻪ ﻭﻳﺘﺄﻟﻢ ..
ﺣﻂ ﻳﺪﻩ ﻉ ﻛﺘﻔﻪ ﻭﻗﺎﻝ : ﺣﺎﺱ ﺑﻴﻚ ﻭﻓﺎﻫﻢ ﻋﻠﻴﻚ .. ﻟﻜﻦ ﺑﻨﺮﺩ ﻋﻠﻴﻚ ﺑﺸﻲ ﻭﺍﺣﺪ ﺑﺲ ﻋﻤﺎﺭ ﻣﺎﺯﺍﻝ ﻋﻤﻜﻢ ﺍﻟﻠﻲ ﻳﺤﺒﻜﻢ ﻭﻣﺎﻓﻲ ﺣﺪ ﻳﻘﺪﺭ ﻳﺎﺧﺪﻩ ﻣﻨﻜﻢ ﻭﻻﻓﻲ ﺣﺪ ﺧﺪﺍﻩ ﻣﻨﻜﻢ ... ﻭﺭﺍﻫﻮ ﻭﺍﺟﻌﻪ ﻣﻨﻚ ﻭﺍﺟﺪ ﺍﺳﺘﻜﺮﺍﺩﻙ ﻟﻴﻪ .. ﺻﺪﻗﻨﻲ ﻳﺎﺃﻳﻤﻦ ﻣﺎﻓﻲ ﺣﺪ ﻓﻲ ﺍﻟﺪﻧﻴﺎ ﻫﺪﻱ ﻳﺤﺒﻜﻢ ﻭﻳﺨﺎﻑ ﻋﻠﻴﻜﻢ ﻛﻴﻒ ﻋﻤﻜﻢ ﻋﻤﺎﺭ ..
ﺍﻳﻤﻦ ﻗﻠﺐ ﻭﺟﻬﻪ ﻟﻠﺠﻬﻪ ﺍﻟﺘﺎﻧﻴﻪ ﻭﺩﻣﻮﻋﻪ ﻧﺰﻟﻮﺍ ...
ﻃﺒﻄﺐ ﻣﺆﻧﺲ ﻉ ﻛﺘﻔﻪ ﻭﻧﺎﺽ ﻭﺧﻼﻩ ﺑﺮﻭﺣﻪ ﻳﻔﻜﺮ ﻭﻳﺮﺍﺟﻊ ﻧﻔﺴﻪ ..
🍁🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ...
ﺍﻟﺠﻮ ﻣﺴﺤﺐ ..
ﻭﺍﻟﺴﺤﺎﺏ ﻣﺜﻘﻞ .. ﻭﺗﺒﺎﻥ ﻓﻲ ﻣﻄﺮﺓ ﻗﻮﻳﻪ ﺟﺎﻳﻪ ..
ﻫﻲ ﻛﺎﻧﺖ ﻣﺎﺷﻴﻪ ﺑﺨﻄﻮﺍﺕ ﻏﺎﺿﺒﻪ ﻟﻠﺠﺮﺩﻳﻨﻪ ..
ﻗﺎﻋﺪﻩ ﻧﺎﺭﻫﺎ ﻣﺎﺑﺮﺩﺗﺶ ﻣﻦ ﺍﻟﻠﻲ ﺩﺍﺭﻩ ﻓﻴﻬﺎ ﺧﻮﻫﺎ ...
ﺧﺸﺖ ﻟﻠﺠﺮﺩﻳﻨﻪ .. ﻭﻣﺸﺖ ﻟﻠﺸﺠﺮﺓ ﻣﺘﺎﻋﻬﺎ ...
ﺍﻟﻠﻲ ﻛﺎﻧﺖ ﻣﺪﺍﻳﺮﺓ ﻧﻮﺍﺭ ﺭﻳﺤﺘﻪ ﺣﻠﻮﺓ ..
ﺍﻋﺼﺎﺑﻬﺎ ﺗﻬﺪﺍ ﻭﺗﺮﻭﻕ ﻭﻳﻦ ﺗﻮﻗﻒ ﻏﺎﺩﻱ ﻭﺗﺸﻢ ﻓﺮﻳﺤﺔ ﺯﻫﺮ ﺍﻟﻠﻴﻤﻮﻥ ..
ﻗﻌﺪﺕ ﻭﺍﻗﻔﻪ .. ﺗﺎﺧﺪ ﻓﻲ ﻧﻔﺲ ﺗﺸﻢ ﻓﻲ ﺍﻟﺮﻳﺤﻪ ﺍﻟﻤﻨﻌﺸﻪ ﻭﻧﻔﺴﻴﺘﻬﺎ ﺗﺘﻌﺪﻝ ﺷﻮﻳﻪ ﺷﻮﻳﻪ ...
ﺣﺴﺖ ﺑﺨﺪﻫﺎ ﺍﻧﺒﻞ ..
ﺷﺒﺤﺖ ﻟﻤﺎﻟﻴﺘﻬﺎ ﻟﻘﺖ ﻋﻠﻴﻬﺎ ﻗﻄﺮﺍﺕ ﻣﻴﻪ .. ﺷﺒﺤﺖ ﻟﻸﺭﺽ ﻭﺗﺄﻛﺪﺕ ﺍﻥ ﺍﻟﻤﻄﺮ ﺑﺎﺩﻳﻪ ﺗﺒﺸﺒﺶ ..
ﺭﺯﺍﻥ : ﻻﺯﻡ ﻧﺮﻭﺡ ...
ﺣﻄﺖ ﺑﺮﻧﻮﺳﻬﺎ ﻉ ﺭﺍﺳﻬﺎ ﻭﻟﻔﺖ ﻭﻃﻠﻌﺖ ﻣﻦ ﺍﻟﺠﺮﺩﻳﻨﻪ ..
ﻗﻌﺪﺕ ﺗﻤﺸﻲ ﻭﻫﻲ ﺣﺎﻃﻪ ﺍﻳﺪﻳﻬﺎ ﻓﺠﻴﻮﺑﻬﺎ ..
ﻭﺗﺸﺒﺢ ﻟﻸﺭﺽ ... ﻭﺗﻔﻜﺮ ..
ﻭﻗﻔﺖ ﻟﻤﺎ ﺷﺎﻓﺖ ﺳﺒﻴﺪﺭﻭﻩ ﺍﻷﺳﻮﺩ ﺍﻟﻠﻲ ﻣﻦ ﻣﺎﺭﻛﻪ ﻣﺸﻬﻮﺭﺓ ﻗﺪﺍﻡ ﺭﺟﻠﻴﻬﺎ ﺑﻤﺴﺎﻓﻪ ...
ﻗﺎﻣﺖ ﻋﻴﻮﻧﻬﺎ ﺑﺸﻮﻳﻪ .. ﺟﺖ ﻉ ﻳﺪﻩ ﺍﻟﻠﻲ ﻓﻴﻬﺎ ﺷﻜﻼﻃﻪ ﺣﺠﻢ ﻛﺒﻴﺮ ﻣﻦ ﻧﻮﻉ ﺟﺎﻻﻛﺴﻲ ..
ﺭﻓﻌﺖ ﻋﻴﻮﻧﻬﺎ ﻓﻴﻪ ..
ﻟﻘﺎﺗﻪ ﻣﺒﺘﺴﻢ ﻉ ﺟﻨﺐ ﻭﺣﺎﻁ ﺑﺮﻧﻮﺹ ﺍﻟﺘﻮﺗﻪ ﻣﺘﺎﻋﻪ ﻉ ﺭﺍﺳﻪ ﻭﻓﻲ ﺧﺼﻠﻪ ﻣﻦ ﺷﻌﺮﻩ ﺟﺎﻳﻪ ﻗﺪﺍﻡ ﺍﻧﻔﻪ ﺑﺎﻟﺰﺑﻂ ..
ﺭﻓﻌﺖ ﺣﺎﺟﺒﻬﺎ ..
ﺑﻌﺪﻳﻦ ﻣﺸﺖ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ...
ﻃﻮﻝ ﺟﻲ ﻗﺪﺍﻣﻬﺎ ...
ﻋﻤﺎﺩ : ﺧﻮﺩﻳﻬﺎ ﺑﻌﺪﻳﻦ ﻓﻮﺗﻲ ..
ﻗﻌﺪﺕ ﺗﺸﺒﺢ ﻟﻠﺸﻜﻼﻃﻪ ﺷﻮﻳﻪ ...
ﺟﺒﺪﺗﻬﺎ ﻣﻦ ﻳﺪﻩ ... ﻭﻣﺸﺖ ﻣﻦ ﺣﺪﺍﻩ ﻃﻮﻝ ..
ﻫﻮ ﺿﺤﻚ ﻭﺗﻠﻔﺖ ﻭﻫﻮ ﻳﺸﻮﻓﻠﻬﺎ ﻗﺎﻝ : ﺍﺳﻤﻌﻲ ..
ﻣﺎﺑﺘﺶ ﺗﻌﺪﻝ ﻋﻠﻴﻪ ..
ﻋﻤﺎﺩ ﺑﺤﺪﻩ : ﺍﺳﻤﻌﻲ ﻳﺎﺑﻨﺖ .. ﻧﺠﻴﻚ ﺭﻩ ..
ﻭﻗﻔﺖ ﻭﺍﻟﺘﻔﺘﺖ ﻭﻫﻲ ﺗﺸﻘﻠﺐ ﻓﻌﻴﻮﻧﻬﺎ ..
ﺍﺑﺘﺴﻢ ﻉ ﺟﻨﺐ ﻭﻗﺎﻝ : ﻣﺎﺳﻤﺢ ﺯﻭﻟﻚ ﻳﺎﺑﻨﻴﻪ ..
ﻭﺟﻬﻬﺎ ﻭﻻ ﺍﺣﻤﺮ ﻗﻠﺒﻬﺎ ﺭﻋﺶ ﻣﻦ ﺟﺪﻳﺪ ...💓 ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ .. ﻟﻔﺖ ﻃﻮﻝ ﻭﻣﺸﺖ ﺑﺴﺮﻋﻪ .. ﻭﺻﻠﺖ ﻓﻲ ﺍﻟﺤﻮﺵ .. ﺧﺸﺖ ﻃﻮﻝ ﻭﺻﻜﺮﺕ ﺍﻟﺒﺎﺏ ﺑﻘﻮﺓ ..
ﺭﺯﺍﻥ : ﻋﻠﻴﻚ ﻭﺍﺣﺪ ﺿﺎﻳﻊ ..😳
" ﺭﺯﺍﺍﺍﺍﺍﻥ ﺍﺭﻗﻲ ﻧﺰﻟﻲ ﺍﻟﺪﺑﺶ ﺍﻟﻤﻄﺮ ﺗﺼﺐ .."
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﺑﺎﻫﻲ ﻳﺎﻣﺎﻣﺎ .. ﻭﻣﺸﺖ ﻃﻮﻝ ﻟﺪﺍﺭ ﻟﻮﺣﺖ ﺍﻟﺸﻜﻼﻃﻪ ﻉ ﺍﻟﺴﺮﻳﺮ ... ﻭﺳﻜﺮﺗﻬﺎ .. ﺑﻌﺪﻳﻦ ﻣﺸﺖ ﺍﺩﻳﺮ ﻓﻲ ﺍﻟﻠﻲ ﺍﻣﻬﺎ ﻗﺎﻟﺘﻠﻬﺎ ﻋﻠﻴﻪ ...
🍁🍁🍁🍁
ﺗﺤﺪﺩﻟﻪ ﻓﺤﻮﺍﻳﺠﻪ ...
ﻭﻫﻮ ﻣﻘﻌﻤﺰ ﻳﻬﺪﺭﺯ ﻣﻌﺎﻫﺎ ..
ﺣﻤﻴﺪﻩ : ﺑﻴﺨﻄﻢ ﻋﻠﻴﺎ ﻫﺎﻧﻴﺒﺎﻝ ﺑﻌﺪ ﺗﻄﻠﻊ ..
ﺍﻟﺼﺪﻳﻖ : ﻛﻮﻳﺲ .. ﺗﻨﻬﺪ ﺑﻌﺪﻳﻦ ﻗﺎﻝ .. ﺍﻟﻠﻪ ﻏﺎﻟﺐ ﻫﺎﻟﺴﻔﺮﺓ ﺿﺮﻭﺭﻳﻪ ﻭﺍﺟﺪ ﻭﺍﻟﻠﻪ ﻟﻮﻻ ﺍﻥ ﻓﻲ ﺣﺎﺟﺎﺕ ﻭﺍﺟﺪﻩ ﺗﻮﻗﻒ ﻋﻠﻴﻬﺎ ﻣﺎﻛﻨﺘﺶ ﺧﻠﻴﺘﻚ ﺗﻌﺪﻱ ﺑﺮﻭﺣﻚ ..
ﺣﻤﻴﺪﻩ ﺑﺈﺑﺘﺴﺎﻣﻪ : ﻋﺎﺭﻓﺎﺗﻚ ﺻﺪﻭﻗﻪ ﻭﺑﻌﺪﻳﻦ ﻭﻳﻦ ﺍﻟﻤﺸﻜﻠﻪ ﻛﺎﻥ ﻋﺪﻳﺖ ﻣﻊ ﺧﻮﻱ ﻣﺮﺓ ﻣﻦ ﺍﻟﻤﺮﺍﺕ ﻋﺎﺩﻱ ..
ﺍﻟﺼﺪﻳﻖ : ﺑﺲ ﻓﻲ ﺣﺎﺟﻪ ﻛﻴﻒ ﻫﺪﻱ ﻧﺤﺴﻬﺎ ﻣﺎﺗﺠﻴﺶ ..
ﺣﻤﻴﺪﻩ ﺑﻀﺤﻜﻪ : ﻻ ﺗﺠﻲ ﻭﻧﺺ ﻣﺎﺩﻭﺭﺵ ﻋﺎﺩﻱ ﻭﺍﻟﻠﻪ ..
ﻗﺎﻣﺖ ﺍﻟﺴﻮﺭﻳﻪ ﻭﻗﺎﻟﺖ ... ﺯﻱ ﺍﻟﺴﻴﻒ ﻭﻻ ..
ﺍﺑﺘﺴﻢ ﺑﺤﺐ ﻭﻗﺎﻝ : ﺭﺑﻲ ﻣﺎﻳﺤﺮﻣﻨﻲ ﻣﻨﻚ ..
ﻧﺰﻟﺖ ﺍﻟﺴﻮﺭﻳﻪ ﻭﻫﻲ ﺗﻀﺤﻚ 💕
🍁🍁🍁🍁🍁
ﻭﻗﺪﻳﺶ ﺑﺘﻘﻌﺪﻱ ﻏﺎﺩﻱ ..
ﺩﻻﻝ ﻭﻫﻲ ﺗﻮﻛﻞ ﻓﻲ ﺟﻮﺍﺩ : ﺗﻼﺗﻪ ﺍﻳﺎﻡ ﻉ ﺣﺴﺐ ﺧﺪﻣﺔ ﻋﻤﺎﺭ .
ﻛﺎﻣﻠﻪ : ﺑﺎﻫﻲ ﺑﺎﻫﻲ ﺗﻤﺸﻮﺍ ﻭﺗﺠﻮﺍ ﺑﺎﻟﺴﻼﻣﻪ ..
ﺩﻻﻝ ﺑﺈﺑﺘﺴﺎﻣﻪ : ﺳﻠﻤﻚ ﻋﻤﺘﻲ .. ﺷﺒﺤﺖ ﻟﺠﻮﺍﺩ ﺍﻟﻠﻲ ﻛﺎﻥ ﻳﺸﺢ ﻓﻲ ﺍﻟﺼﻮﻧﻴﻪ ﻗﺎﻟﺖ .. ﻋﻴﻨﻚ ﻏﻴﺮ ﻭﺍﻟﻠﻪ ﻧﻘﺮﺵ ..
ﻛﺎﻣﻠﻪ ﺑﻀﺤﻜﻪ : ﺧﻠﻴﻪ ﺑﻴﻨﻪ ..
ﺩﻻﻝ : ﻻ ﻳﺎﻋﻤﺘﻲ ﻳﻠﺒﺰﻭ ﻳﻘﻠﺐ ﺍﻟﺪﻧﻴﺎ ﻭﻣﺎﻳﺎﻛﻠﺶ ..
ﺟﺒﺪ ﻣﻨﻬﺎ ﺍﻟﺼﻮﻧﻴﻪ ﺑﺎﻟﻘﻮﺓ ﻃﺎﺣﺖ ﺗﺒﺰﻉ ﺍﻟﻠﻲ ﻓﻴﻬﺎ ..
ﺩﻻﻝ ﺑﺼﺪﻣﻪ : ﻫﻴﻴﻴﻴﻴﻴﻴﻴﻴﻴﻲ
ﺧﺪﺍﺗﻪ ﻃﻮﻝ ﻛﺎﻣﻠﻪ ﻣﻦ ﻛﺮﺳﻴﻪ ﺍﻟﺨﺎﺹ ﺑﺎﻷﻛﻞ ﻭﻫﻲ ﺗﻘﻮﻝ : ﺗﻀﺮﺑﻴﻪ ﻧﻮﺭﻳﻚ ..
ﺩﻻﻝ : ﻳﺒﻴﻪ ﺍﻟﻀﺮﺏ ﻳﺎﻋﻤﺘﻲ ﺍﻟﻤﻌﻔﻦ ﻫﺪﺍ ....
ﻛﺎﻣﻠﻪ ﻭﻫﻲ ﺗﻀﺤﻚ : ﻳﺒﻲ ﻋﻴﻨﻚ .. ﻭﻣﺸﺖ ﺑﻴﻪ ... ﻟﻠﻜﻮﺟﻴﻨﻪ ﺍﺗﻜﻠﻢ ﺍﻟﺸﻐﺎﻟﻪ ﺑﺶ ﺗﻨﻈﻒ ﺍﻟﻠﻲ ﺩﺍﺭﻩ ﺟﻮﺍﺩ ..
ﻭﺩﻻﻝ ﺗﻀﺤﻚ ﺑﻘﻠﺔ ﺣﻴﻠﻪ ..
💕 ﺷﻮﻳﻪ ..
ﻭﻗﻌﻤﺰﺕ ﺩﻻﻝ ﺗﺘﺼﻔﺢ ﻓﻲ ﺍﻟﻔﻴﺲ ﻓﺘﻠﻴﻔﻮﻧﻬﺎ ..
ﻭﻛﺎﻣﻠﻪ ﺗﻼﻋﺐ ﻓﻲ ﺟﻮﺍﺩ ..
ﻟﻌﻨﺪ ﻣﺎ ..
ﻛﺎﻣﻠﻪ ﻧﺎﺿﺖ ﻭﻫﻲ ﺗﻘﻮﻝ : ﺩﻻﻝ ﺑﻨﻌﺪﻱ ﻟﻠﺤﻤﺎﻡ ﺣﺪﺍﻙ ﻭﻟﺪﻙ ..
ﺩﻻﻝ ﻭﻫﻲ ﺗﺸﻮﻑ ﻟﻠﺘﻠﻴﻔﻮﻥ : ﺑﺎﻫﻲ ... ﺷﺒﺤﺖ ﻟﻌﻤﺘﻬﺎ ﻃﻮﻝ .. ﺑﺎﻫﻲ ﺑﺎﻫﻲ ..
ﻣﺸﺖ ﻛﺎﻣﻠﻪ ..
ﻭﺩﻻﻝ ﻗﻌﺪﺕ ﺗﺸﻮﻑ ﻟﻮﻟﺪﻫﺎ ﻛﻴﻒ ﻳﻠﻌﺐ ﺑﺎﻷﻟﻌﺎﺏ ﺷﻮﻳﻪ ﻭﺭﺟﻌﺖ ﻟﻠﻔﻴﺲ ..
ﺍﻟﻮﻟﺪ ﻓﻲ ﻫﺎﻟﻮﻗﺖ ﺳﻴﺐ ﺍﻟﻌﺎﺑﻪ ..
ﻭﺑﺪﻱ ﻳﻤﺮﺩ ... ﻭﻛﺎﻥ ﻳﻘﺮﺏ ﻣﻦ ﺍﻟﺘﻼﺕ ﺩﺭﺟﺎﺕ ﺍﻟﻠﻲ ﻳﺪﺧﻠﻮﺍ ﻟﻠﺼﺎﻟﻪ ﺍﻟﻠﻲ ﻫﻤﺎ ﻓﻴﻬﺎ ..
ﺷﺒﺤﺖ ﺩﻻﻝ ﻭﻳﻦ ﻣﺎﻛﺎﻥ ﻣﺎﻟﻘﺘﺎﺵ ..
ﺷﺒﺤﺖ ﺍﻳﻤﻴﻨﻬﺎ .. ﻓﻨﺼﺖ ﻭﻧﺎﺿﺖ ﻃﻮﻝ ﺗﺠﺮﻱ ﻭﺭﺍﻩ ﻭﻫﻲ ﺗﻘﻮﻝ : ﺟﻮﺍﺩ ..
ﺍﻟﻮﻟﺪ ﻭﺻﻞ ﻟﻠﺪﺭﻭﺝ ﺧﻼﺹ ..
ﺩﻻﻝ ﺑﻬﻠﻊ : ﺣﻴﻲ ﻋﻠﻴﺎ ﻭﻟﺪﻱ ..
ﺧﻼﺹ ﺍﻟﻮﻟﺪ ﻛﺎﻥ ﺣﻴﻄﻴﺢ ...
ﻟﻮﻻ ﺭﺑﻚ ﺑﻌﺖ ﺍﻳﻤﻦ ﻓﻲ ﻧﻔﺲ ﺍﻟﻠﺤﻈﻪ ... ﻃﻮﻝ ﻳﺠﺮﻱ ﺧﺪﺍﻩ ..
ﻉ ﺧﺸﺔ ﻋﻤﺎﺭ ﺑﺎﻟﺰﺑﻂ ﺷﺎﻑ ﺍﻟﻠﻘﻄﻪ ..
ﺩﻻﻝ ﻛﺎﻧﺖ ﻣﻐﻤﻀﻪ ﻋﻴﻮﻧﻬﺎ ﻭﺣﺎﻃﻪ ﻳﺪﻫﺎ ﻉ ﺻﺪﺭﻫﺎ ﻭﺗﺘﻨﻔﺲ ﺑﺎﻟﻘﻮﺓ ..
ﻭﺍﻳﻤﻦ ﻭﻫﻮ ﺷﺎﺩ ﺟﻮﺍﺩ ﻳﺸﻮﻓﻠﻬﺎ ﺑﺈﻣﺘﻌﺎﺽ ..
ﺑﺲ ﻋﻤﺎﺭ ﺷﺎﻑ ﺍﻟﻤﻮﺿﻮﻉ ﻣﻦ ﺟﺎﻧﺐ ﺗﺎﻧﻲ ﻭﺭﺩﺓ ﺍﻟﻔﻌﻞ ﻛﺎﻧﺖ ﻛﺎﻟﺘﺎﻟﻲ ...
ﻋﻤﺎﺭ ﺑﻐﻀﺐ : ﺍﻧﺘﻲ ﻭﻳﻦ ﻛﻨﺘﻲ ﺍﻟﻠﻲ ﻭﻟﺪﻙ ﻗﺮﻳﺐ ﻃﺎﺡ ﺍﻧﻜﺴﺮ ..
ﺩﻻﻝ ﺑﺨﻮﻑ : ﻛﻨﺖ .. ﻛﻨﺖ ﻫﻨﻲ ..
ﻋﻤﺎﺭ : ﻛﻨﺘﻲ ﻫﻨﻲ !!! ﻻ ﻭﺍﻟﻠﻪ ﺑﺎﻳﻦ ﻭﺍﺟﺪ ..
ﻉ ﺟﻴﺔ ﻛﺎﻣﻠﻪ : ﺧﻴﺮﻛﻢ ﺷﻦ ﻓﻲ ..
ﻗﺪﻡ ﻋﻤﺎﺭ ﻭﻫﻮ ﻣﻌﺼﺐ ﺧﺪﻱ ﻭﻟﺪﻩ ﻣﻦ ﺃﻳﻤﻦ ﻭﻣﺸﻲ ﺑﻴﻪ ﻟﻠﻤﺮﺑﻮﻋﻪ ..
ﻭﺍﻳﻤﻦ ﻃﻮﻝ ﻣﺸﻲ ﻟﻠﺒﺎﺏ ﻓﺘﺤﻪ ﻭﻃﻠﻊ ..
ﻭﺩﻻﻝ ﻃﻮﻝ ﺩﻣﻮﻋﻬﺎ ﻧﺰﻟﻮﺍ ...
ﻛﺎﻣﻠﻪ : ﺳﻬﻴﺘﻲ ﻋﻦ ﺟﻮﺍﺩ ..
ﺣﻄﺖ ﺩﻻﻝ ﻳﺪﻫﺎ ﻉ ﻓﻤﻬﺎ ﻭﺑﺪﺕ ﺗﺒﻜﻲ ﺑﺎﻟﻌﺒﺮﺓ ..
ﻗﺮﺑﺘﻠﻬﺎ ﻛﺎﻣﻠﻪ ﻭﺷﺪﺗﻬﺎ ﻣﻦ ﺫﺭﺍﻋﻬﺎ ﻭﻗﻌﺪﺕ ﺗﻤﺸﻲ ﻓﻴﻬﺎ : ﺧﻼﺹ ﺗﻌﺎﻟﻲ ﻗﻌﻤﺰﻱ ﻭﺍﺭﺗﺎﺣﻲ .. ﺧﻼﺹ ﻣﻌﺎﺵ ﺗﺒﻜﻲ ﻫﻜﻲ ﻣﺶ ﺑﺎﻫﻲ ﻟﻴﻚ ..
ﻓﻲ ﺍﻟﻤﺮﺑﻮﻋﻪ ..
ﻣﺨﺘﺎﺭ : ﻏﻠﻂ ﺗﻬﺰﺑﻬﺎ ﻗﺪﺍﻣﻬﻢ ﻫﻜﻲ ..
ﻋﻤﺎﺭ ﻭﻫﻮ ﻳﺸﻮﻑ ﻟﺠﻮﺍﺩ : ﻛﺎﻥ ﻣﺎﻟﺤﻘﺶ ﺍﻳﻤﻦ ﺭﺍﻫﻮ ﺍﻧﻈﺮ ﺷﻦ ﺻﺎﺭﻟﻪ ..
ﻣﺨﺘﺎﺭ : ﻭﺷﻦ ﺑﻴﺼﻴﺮﻟﻪ ﺑﻴﻄﻴﺢ ﻣﻦ ﺍﻟﺪﻭﺭ ﺍﻟﺜﺎﻟﺚ ﻣﺘﻼ؟ !! ﻭﺑﻌﺪﻳﻦ ﺍﻧﺘﻢ ﻳﺎﻣﺎ ﻃﺤﺘﻮﺍ .. ﺍﻧﺖ ﺑﺎﻟﺬﺍﺕ ﻣﻦ 5 ﺩﺭﺟﺎﺕ ﺟﻴﺖ ﻣﺘﻜﺮﻛﺐ ﻉ ﻭﺟﻬﻚ ﻭﺍﻣﻚ ﻭﻗﺘﻬﺎ ﺳﻬﺖ ﻋﻨﻚ .. ﻭﻻﻛﺎﻧﺖ ﺣﺎﻣﻞ ﻭﻻﺗﺎﻋﺒﻪ .. ﻋﻜﺲ ﻣﺮﺗﻚ ﻣﺴﻜﻴﻨﻪ .. ﺭﺍﻫﻮ ﻣﺶ ﺳﺎﻫﻞ ﻋﻠﻴﻬﺎ ﻓﻌﻤﺮﻫﺎ ﻫﺪﻯ .. ﺗﻌﺎﻧﻲ ﻓﻌﻴﻞ ﻋﻤﺮﻩ 8 ﺷﻬﻮﺭ ﻭﻫﻲ ﺣﺎﻣﻞ ﻣﺜﻘﻠﻪ ..
ﻋﻤﺎﺭ ﺳﺎﻛﺖ ﻭﻻﻛﻠﻤﻪ ..
ﻣﺨﺘﺎﺭ : ﺭﻓﻘﺎ ﺑﺎﻟﻘﻮﺍﺭﻳﺮ ﻳﺎﻓﺎﺭﺱ ..
ﺗﻨﻬﺪ ﺑﻀﻴﻖ .. ﺑﻌﺪﻳﻦ ﻧﺎﺽ ﻳﺠﺮﻱ : ﺗﻲ ﺗﻌﺎﻝ ﻫﻨﻰ ﻳﺎﻭﻟﺪ ﺍﺳﻤﻊ ..
ﻣﺨﺘﺎﺭ ﺿﺤﻚ ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
🍁🍁🍁🍁🍁
ﺍﻟﺴﺎﻋﻪ 8:30 ﻣﺴﺎﺀﺍ ..
ﻭﺍﻗﻒ ﻗﺪﺍﻡ ﺍﻟﻤﻘﻬﻰ ﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﻫﺎﻧﻴﺒﺎﻝ : ﺍﻳﻪ ﻏﺪﻭﺓ ﺟﺎﻱ ﺇﻥ ﺷﺎﺀ ﺍﻟﻠﻪ ..
ﻋﺮﻭﺑﻪ : ﺗﻤﺎﻡ .. ﻓﻴﻨﺎ ﻧﺸﻮﻓﻚ .
ﺍﺑﺘﺴﻢ ﻭﻗﺎﻝ : ﻭﺍﻧﺘﻲ ﺗﺒﻲ ﺗﺸﻮﻓﻴﻨﻲ ..
ﻋﺮﻭﺑﻪ ﺑﺈﺑﺘﺴﺎﻣﻪ : ﺍﻣﻤﻢ ..
ﻫﺎﻧﻴﺒﺎﻝ ﺑﻀﺤﻜﻪ : ﺑﺎﻫﻲ .. ﺗﻮ ﻧﺸﻮﻑ ﻛﺎﻥ ﻟﻘﻴﺖ ﻭﻗﺖ ﻧﺠﻴﻚ ﻟﻠﻤﺼﻮﺭ ..
ﻋﺮﻭﺑﻪ ﺑﻀﻴﻖ : ﺑﺮﺍﺣﺘﻚ ..
ﻫﺎﻧﻴﺒﺎﻝ ﺑﺈﺳﺘﻔﺰﺍﺯ : ﺧﻴﺮﻩ ﺻﻮﺗﻚ ﺗﻐﻴﺮ !!
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﺍﻧﺎ؟ !! ﻻﺍﺑﺪﺍ ..
ﻫﺎﻧﻴﺒﺎﻝ : ﺗﻤﺎﻡ .. ﻳﻠﻼ ﺗﻮ ﺗﺼﺒﺤﻲ ﻉ ﺧﻴﺮ ..
ﻋﺮﻭﺑﻪ ﺑﺘﻠﻘﺎﺋﻴﻪ : ﻣﺎﺯﺍﻝ ﺑﻜﺮﻱ ..
ﻫﻮ ﻗﻠﺒﻪ ﺩﻕ ﺑﻌﻨﻒ ﺷﺪﻳﺪ ﻭﻗﺎﻝ : ﻣﺎﺯﺍﻝ ﺑﻜﺮﻱ ﻉ ﺷﻨﻮ؟
ﺍﺳﺘﺎﻗﻀﺖ ﻟﻨﻔﺴﻬﺎ ﻭﻗﺎﻟﺖ ﺑﺮﺑﻜﻪ : ﻋﻠﻰ .. ﺷﻲ .. ﻭﻻﺷﻲ .. ﺗﻤﺎﻡ ﻭﺍﻧﺖ ﻣﻦ ﺍﻫﻠﻮ .. ﻭﻃﻮﻝ
ﺻﻜﺮﺕ ﻋﻠﻴﻪ ...
ﻫﻮ ﻏﻤﺾ ﻋﻴﻮﻧﻪ ﺑﺸﺪﻩ ﻣﻦ ﺍﻟﻐﻀﺐ .. ﻧﺰﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ..
ﻓﺘﺢ ﻋﻴﻮﻧﻪ .. ﻭﻟﻒ ﻭﺧﺶ ﻟﻠﻤﻘﻬﻰ ..
🍁🍁🍁🍁
ﻫﻬﻬﻬﻬﻬﻬﻬﻬﻪ .. ﻋﺪﻱ ﻳﺎﺑﻠﻌﻮﻃﻪ ..
ﻟﻤﻴﺎﺀ ﺑﻀﺤﻜﻪ : ﻭﺍﻟﻠﻪ ﺍﻟﻌﻈﻴﻢ ﻧﺪﻳﺮ ﻓﻴﻬﺎ ﺑﻄﺮﻳﻘﺔ ﺗﺴﺤﺮ ..
ﻋﻤﺮ ﻭﻫﻮ ﻳﺮﺍﻗﺐ ﻓﻲ ﺣﺮﻛﺔ ﺍﻟﺰﺑﺎﻳﻦ ﻓﻲ ﺍﻟﻘﻬﻮﺓ ﻣﺘﺎﻋﻪ : ﺑﺎﻫﻲ ﺍﻧﻲ ﻧﺒﻲ ﻧﻨﺴﺤﺮ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﺗﻤﺎﻡ .. ﺍﻧﺖ ﻏﻴﺮ ﻗﻮﻟﻲ ﺍﻣﺘﻰ ﺗﺠﻲ ﻭﺍﻧﻲ ﻧﺪﻳﺮﻫﺎﻟﻚ ..
ﻋﻤﺮ : ﻏﺪﻭﺓ ...
ﻟﻤﻴﺎﺀ ﺑﻔﺮﺡ : ﻭﺍﻟﻠﻪ !!
ﻋﻤﺮ ﺑﻀﺤﻜﻪ : ﻭﺍﻟﻠﻬﻲ ﻭﺍﻟﻠﻬﻲ ﻭﺍﻟﻠﻪ ..
ﺿﺤﻜﺖ ﻟﻤﻴﺎﺀ ﻭﻗﺎﻟﺖ : ﺧﻼﺹ ﻏﺪﻭﺓ ﺍﺣﻼ ﺣﺎﻓﻈﻪ ﺩﺑﻠﻪ ﺗﺮﺍﺟﻲ ﻓﻴﻚ ..
ﻋﻤﺮ : ﻭﺍﻧﻲ ﺑﻨﺮﺍﺟﻲ ﺍﻣﺘﻰ ﻳﺠﻲ ﻏﺪﻭﺓ ﺑﻴﺶ ﻧﺸﻮﻑ ﺍﻟﺪﺑﻠﻪ ﻭﺻﺎﺣﺒﺘﻬﺎ ..
ﺿﺤﻜﺖ ﻟﻤﻴﺎ ..
ﻋﻤﺮ ﺿﺤﻚ ﺑﻌﺪﻳﻦ ﻗﺎﻝ : ﺁﺍﺍﺍ .. ﻉ ﻓﻜﺮﺓ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﺍﻣﻤﻢ ..
ﻋﻤﺮ : ﻧﺤﺒﻚ 💕
ﻫﻲ ﺍﺑﺘﺴﻤﺖ ﺑﺨﺠﻞ ..
🍁🍁🍁🍁🍁
ﺗﻀﺮﺏ ﺍﺧﺘﻚ ﻫﻜﻴﺪﻳﺎ ﻉ ﺧﺎﻃﺮ ﻣﻦ ﻫﺎﻩ .. ﻉ ﺧﺎﻃﺮ ﺑﻨﺖ ﺯﻳﻨﺐ ..
ﺭﻣﺰﻱ ﻭﻫﻮ ﻳﺤﺮﻙ ﻓﻲ ﺳﺒﺎﺑﺘﻪ ﺑﺘﺤﺬﻳﺮ : ﺍﻣﻲ ﺍﻟﻜﻼﻡ ﻫﺪﻯ ﻟﻮ ﻋﺎﻭﺩﺗﻴﻪ ﻣﺎﺗﻠﻮﻣﻨﻴﺶ ﻉ ﺍﻱ ﻛﻠﻤﻪ ﻧﻄﻠﻌﻬﺎ ﻣﻦ ﻓﻤﻲ ..
ﺳﻌﻴﺪﻩ ﺑﺮﻓﻌﺔ ﺣﻮﺍﺟﺐ .. ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺍﻣﻤﻢ .. ﺑﺎﻫﻲ ﻳﺎﺭﻣﺰﻱ .. ﺩﻳﺮ ﺍﻟﻠﻲ ﻳﻌﺠﺒﻚ ﺍﻟﻠﻲ ﻳﻌﺠﺒﻚ ﺩﻳﺮﻩ .. ﺻﺎﺣﺐ ﻣﻦ ﺗﺼﺎﺣﺐ ﻭﻛﻠﻢ ﻣﻦ ﺑﺘﻜﻠﻢ .. ﻟﻜﻦ ﻭﺣﻴﺎﺓ ﺳﻴﺪﻱ ﻳﺎﺭﻣﺰﻱ .. ﻏﻴﺮ ﺍﻟﻠﻲ ﺍﻧﻲ ﺭﺍﺿﻴﻪ ﻋﻠﻴﻬﺎ ﻣﺎﻧﻜﺶ ﻭﺍﺧﺪ ..
ﺍﺑﺘﺴﻢ ﺑﺘﻬﻜﻢ ﻭﻟﻒ ﻭﺗﻮﺟﻪ ﻟﻠﺒﺎﺏ ﻭﻃﻠﻊ ..
ﻭﺍﻣﻪ ﺗﺸﻮﻑ ﻟﻠﺒﺎﺏ ﺑﻐﻞ ..
ﺷﻮﻳﻪ ﻭﺧﺶ ﺳﻠﻴﻤﺎﻥ : ﺧﻴﺮﻙ ﺍﻧﺘﻲ ﻭﺭﻣﺰﻱ ﻧﺴﻤﻊ ﻓﺼﻴﺎﺣﻜﻢ ﻣﻦ ﻣﺮﺑﻮﻋﺘﻨﺎ ..
ﺳﻌﻴﺪﻩ : ﺿﺎﺭﺏ ﺍﺧﺘﻪ ﺍﻟﻘﺮﺩ ..
ﺳﻠﻴﻤﺎﻥ ﺑﻀﺤﻜﻪ : ﻛﻼ ﺭﺯﺍﻥ ﺗﺴﺘﺎﻫﻞ .. ﻃﺮﺍﻳﺢ ﻣﺶ ﻏﻴﺮ ﻃﺮﻳﺤﻪ ..
ﻓﻨﺼﺖ ﺳﻌﻴﺪﻩ ..
ﺳﻠﻴﻤﺎﻥ : ﺑﺠﺪﻳﺎﺕ ﻳﺎﺳﻌﻴﺪﻩ ﻟﺴﺎﻧﻬﺎ ﻃﻮﻝ ﻭﺍﺟﺪ ﻭﻣﻌﺎﺵ ﻣﺤﺘﺮﻣﻪ ﺣﺪ ..
ﺷﺒﺤﺘﻠﻪ ﺑﺈﻣﺘﻌﺎﺽ ﻭﻗﺎﻟﺖ : ﺷﻦ ﺗﺒﻲ 😑
ﺳﻠﻴﻤﺎﻥ ﺑﻀﺤﻜﻪ : ﻧﺒﻲ ﻧﺘﻜﻠﻢ ﻣﻌﺎﻙ ﻓﻤﻮﺿﻮﻋﻲ ﺷﻦ ﺻﺎﺭ ﻓﻴﻪ ﻭﺷﻦ ﺩﺭﺗﻲ ..
ﺳﻌﻴﺪﻩ ﻟﻔﺖ ﻭﻣﺸﺖ ﻟﻠﺼﺎﻟﻪ ..
ﻭﺳﻠﻴﻤﺎﻥ ﻟﺤﻘﻬﺎ ﻭﻫﻮ ﻳﻀﺤﻚ ..
🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 10:00 ﺻﺒﺎﺣﺎ ..
ﻓﻲ ﺍﻟﻄﺮﻳﻖ ..
" ﺟﻮﺍﺩ "
ﻳﻌﺮﻑ ﺍﺳﻤﻪ ﻛﻄﻔﻞ ﻓﻬﺎﻟﻌﻤﺮ .. ﻃﻮﻝ ﺗﻠﻔﺖ ﻟﺒﻮﻩ ..
ﻋﻤﺎﺭ : ﻣﺎﻣﺎ ﺍﻟﺪﺑﻪ ﻣﺎﺯﺍﻟﺖ ﺯﻋﻼﻧﻪ ..
ﺭﺩ ﻋﻠﻴﻪ ﺟﻮﺍﺩ ﺑﻠﻐﺔ ﺍﻷﻃﻔﺎﻝ ﺍﻟﻠﻲ ﺗﻘﻄﺮ ﻋﺴﻞ 💕
ﻋﻤﺎﺭ : ﺍﻳﻪ ﺗﺪﻟﻊ ﻭﺍﺟﺪ ﺍﻣﻚ ﻫﺪﻱ ﻣﻦ ﺍﻣﺲ ﻭﺍﺣﻨﻲ ﻧﻌﺘﺬﺭﻭﺍ ﻭﻧﺘﺎﺳﻔﻮﺍ ﺷﻲ ..
ﻭﺟﻮﺍﺩ ﻳﺘﺠﺎﺫﺏ ﻣﻊ ﺑﻮﻩ ﺍﻃﺮﺍﻑ ﺍﻟﺤﺪﻳﺚ ﺑﻄﺮﻳﻘﺘﻪ ﺍﻟﺨﺎﺻﻪ .
ﺩﻻﻝ ﻭﻳﻦ ﺗﺴﻤﻊ ﺟﻮﺍﺩ ﻳﺘﻜﻠﻢ ﻛﺎﻧﺖ ﺗﺸﺪ ﻓﻀﺤﻜﺘﻬﺎ .. ﻟﻜﻦ ﻋﻤﺎﺭ ﻣﺎﺗﺒﻴﺶ ﺗﻌﺒﺮﻩ ..
ﻋﻤﺎﺭ : ﺑﺎﻫﻲ ﺧﺶ ﺑﻴﻨﺎﺗﻨﺎ ﻭﺍﺳﻄﻪ ... ﻗﻮﻟﻠﻬﺎ ﻗﺎﻝ ﺑﺎﺑﺎ ..
ﻳﺎﺩﻟﻮﻟﻪ ﻋﻠﻴﻚ ﻧﻤﻮﺕ .. ﻳﺎﺃﺣﻠﻰ ﻣﻦ ﻃﻌﻢ ﺍﻟﺘﻮﺕ ..
ﺟﻮﺍﺩ : ﻟﻮﻟﻪ .. ﻟﻮﻟﻪ ...
ﻭﺷﺒﺢ ﻷﻣﻪ ﺑﻌﺪ ﺭﻓﻊ ﺭﺍﺳﻪ ﻟﻴﻬﺎ ﺑﻄﺮﻳﻘﻪ ﻣﻀﺤﻜﻪ ﻭﻫﻮ ﻳﻘﻮﻝ : ﻟﻮﻟﻪ .
ﺩﻻﻝ ﺷﺒﺤﺖ ﻟﺠﻮﺍﺩ ﻭﺿﺤﻜﺖ .. ﺑﻌﺪﻳﻦ ﺑﺎﺳﺎﺗﻪ ﻉ ﺭﺍﺳﻪ ..
ﻋﻤﺎﺭ ﻳﺴﻮﻕ ﻭﻫﻮ ﻳﻀﺤﻚ : ﻫﺎﻩ ﻳﺎﺯﻋﻴﻢ ﺷﻦ ﺻﺎﺭ ﻣﻌﺎﻙ ..
ﺩﻻﻝ : ﻗﻮﻟﻪ ﻗﺎﻟﺘﻠﻚ ﻣﺎﻣﺎ ﺭﺿﺎﻱ ﻣﺶ ﺳﺎﻫﻞ ﻭﻫﻮ ﻋﺎﺭﻑ ..
ﻋﻤﺎﺭ : ﻗﻮﻟﻠﻬﺎ ﻗﺎﻟﻚ ﺑﺎﺑﺎ ﻗﻠﺒﻚ ﺍﺳﻮﺩ ﻳﺎﻣﺎﻣﺎ ..
ﺩﻻﻝ ﺑﺤﺪﻩ؛ﺯﻳﺪ ﻋﺒﻲ ﺭﺍﺱ ﺍﻟﻮﻟﺪ ﻋﻠﻴﺎ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻪ ﺷﻨﻮ؟؟؟
ﺩﻻﻝ ﺷﺒﺤﺖ ﺍﻟﻘﺪﺍﻡ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ..
ﻭﺟﻮﺍﺩ ﻋﻼ ﺻﻮﺗﻪ ﻭﻫﻮ ﻳﺘﻜﻠﻢ ..
ﻋﻤﺎﺭ : ﺭﻳﺘﻴﻪ ﻛﻴﻒ ﻗﻠﺪﻙ ﻓﻨﺒﺮﺓ ﺻﻮﺗﻚ .. ﺭﺩﻱ ﺑﺎﻟﻚ ﺩﻻﻝ ﻭﻳﻦ ﻳﺒﺪﺍ ﻳﻜﺒﺮ ﻭﻳﻮﻋﻰ ﻣﻮﺍﻗﻒ ﻛﻴﻒ ﻫﺪﻳﻦ ﻣﺎﻧﺒﻴﻬﻨﺶ ﻳﺼﻴﺮﻥ ﻗﺪﺍﻣﻪ ..
ﺩﻻﻝ ﻭﻫﻲ ﺗﺸﺒﺢ ﻟﻮﻟﺪﻫﺎ : ﺻﺢ ﻋﻨﺪﻙ ﺍﻟﺤﻖ ..
ﻋﻤﺎﺭ ﺑﻀﺤﻜﻪ ﻭﻫﻮ ﻳﺸﺒﺤﻠﻬﺎ : ﺭﺿﻴﺘﻲ ﻣﻌﻨﺎﻫﺎ ..
ﺩﻻﻝ ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﺍﻟﻘﺪﺍﻡ ..
ﻭﻋﻤﺎﺭ ﺿﺤﻚ ﻋﻠﻴﻬﺎ ...
🍁🍁🍁🍁🍁🍁
ﺍﻟﺴﺎﻋﻪ 12:20 ﻣﺎﻗﺒﻞ ﺍﻟﻈﻬﺮ ..
ﺧﺸﻮﺍ ﻟﺰﻧﻘﺔ ﺣﻮﺵ ﺍﺧﺘﻬﻢ ..
ﻫﺎﻧﻴﺒﺎﻝ : ﺍﻳﻪ ﺍﻧﻲ ﻛﻠﻤﺘﻪ ﺍﻣﺲ ﺑﺲ ﻣﺎﻗﻠﺘﺶ ﺍﻧﻚ ﺟﺎﻳﻪ ﻣﻌﺎﻱ ..
ﺣﻤﻴﺪﻩ ﺑﻀﺤﻜﻪ؛ﻣﻔﺎﺟﺄﺓ ﻗﺼﺪﻙ ..
ﻫﺎﻧﻴﺒﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ..
ﻭﺻﻠﻮﺍ ﻗﺪﺍﻡ ﺣﻮﺵ ﺍﺧﺘﻬﻢ ..
ﻭﻗﻒ ﺑﺎﻟﺴﻴﺎﺭﺓ ﻭﺍﺗﺼﻞ ﺑﻨﻌﻴﻤﻪ ..
ﺩﺍﺧﻞ ..
ﻧﻮﺭ ﻭﻫﻲ ﺷﺎﺩﻩ ﺟﻮﺍﺩ : ﻣﺎﺷﺎﺀ ﺍﻟﻠﻪ ﺑﻄﻨﻚ ﺍﻟﻤﺮﺓ ﻫﺎﺩﻱ ﺍﻛﺒﺮ ..
ﻧﻌﻴﻤﻪ : ﻣﺘﺄﻛﺪﻩ ﻣﺎﻫﻤﺶ ﺗﻮﺃﻡ ..
ﺩﻻﻝ ﺑﻀﺤﻜﻪ : ﺭﺑﻲ ﻳﺒﺎﺭﻙ ﻉ ﻭﻟﻴﺪﻱ ﺩﺑﺪﻭﺏ ﺑﻴﺠﻲ ..
ﺿﺤﻜﻮﺍ ﺍﻣﻬﺎ ﻭﺍﺧﺘﻬﺎ ..
ﺟﺎﻫﺎ ﻣﺠﺪ ﻳﺠﺮﻱ ﻭﻋﻄﺎﻫﺎ ﺗﻮﺕ : ﺧﻮﺩﻱ ..
ﺧﺪﺗﻬﻢ ﻣﻨﻪ ﻭﺟﺒﺪﺍﺗﻪ ﻭﺣﻀﻨﺎﺗﻪ ﻭﻫﻲ ﺗﺒﻮﺱ ﻓﻴﻪ : ﻧﺠﻴﻠﻲ ﺍﻟﺴﻤﺢ ﺣﺒﻴﺐ ﺍﺧﺘﻪ ﻗﻠﺒﻲ ..
ﺟﻮﺍﺩ ﻗﻌﺪ ﻳﻜﺸﺦ ﺑﺎﻟﺼﻮﺕ ..
ﻧﻮﺭ : ﻫﻬﻬﻬﻬﻬﻬﻬﻬﻪ ﻏﺎﺭ ..
ﻧﻌﻴﻤﻪ ﺑﻀﺤﻜﻪ : ﺣﻲ ﻣﺎﻳﺸﺤﻂ ﻓﻌﺮﻭﻗﻪ ﺣﺘﻰ ﻫﻮ ﻭﺣﺎﻟﺘﻪ ﺣﺎﻟﻪ ..
ﺩﻻﻝ : ﻃﺎﻟﻊ ﻟﺒﻮﻩ ﻳﺎﺣﻨﻪ ..
ﺿﺤﻜﻮﺍ ...
ﺳﻤﻌﺖ ﻧﻌﻴﻤﻪ ﺻﻮﺕ ﺗﻠﻴﻔﻮﻧﻬﺎ ﻧﺎﺿﺘﻠﻪ؛ﻫﺪﺍ ﻫﺎﻧﻴﺒﺎﻝ ..
ﺩﻻﻝ : ﻭﻭﻭﻩ ﻳﺎﺣﺸﻤﺘﻲ ﺑﻴﺸﻮﻓﻨﻲ ﻫﻜﻲ 😳..
ﻧﻮﺭ : ﻫﻬﻬﻬﻬﻬﻬﻬﻬﻬﻪ
ﻃﻠﻌﺖ ﻧﻌﻴﻤﻪ ﺑﺮﺍ ..
ﻭﻣﺸﺖ ﻟﻠﺒﺎﺏ ﺍﻟﺒﺮﺍﻧﻲ .. ﻓﺘﺤﺎﺗﻪ .. ﻭﺍﻧﺼﺪﻣﺖ ..
ﺣﻤﻴﺪﻩ ﺑﺈﺑﺘﺴﺎﻣﻪ : ﻣﻔﺎﺟﺄﺓ ﺳﻤﺤﻪ ..
ﺍﺑﺘﺴﻤﺖ ﻧﻌﻴﻤﻪ ﺑﺮﺑﻜﻪ : ﻫﻠﺒﻪ .. ﺧﺸﻲ ..
ﺧﺸﺖ ﺣﻤﻴﺪﻩ ﻭﺳﻠﻤﻮﺍ ﻉ ﺑﻌﺾ ﺑﺎﻷﺣﻀﺎﻥ ﻭﻧﻌﻴﻤﻪ ﺻﻘﻌﺖ ﻣﻊ ﺑﻌﻀﻬﺎ ..
ﺑﻌﺪﻳﻦ ﺧﺶ ﻫﺎﻧﻴﺒﺎﻝ ﺑﻌﺪﻫﺎ ﻭﻫﻮ ﺷﺎﺩ ﺍﻛﻴﺎﺱ ﺣﺎﺟﺎﺕ ﺟﺎﻳﺒﻬﻢ ..
ﻭﺣﺎﺟﺎﺕ ﺟﺎﻳﺒﺘﻬﻢ ﺣﻤﻴﺪﻩ ..
ﻧﻌﻴﻤﻪ ﻭﻟﻮﻥ ﻭﺟﻬﻬﺎ ﻣﺨﻄﻮﻑ : ﻋﻼﺵ ﻣﺘﻌﺒﻴﻦ ﺍﺭﻭﺍﺣﻜﻢ ..
ﺣﻤﻴﺪﻩ : ﺭﻳﺖ ﻫﺎﻟﺤﺎﺟﻪ ﺍﻟﻜﺒﻴﺮﺓ ..
ﻫﺎﻧﻴﺒﺎﻝ؛ﺩﻻﻝ ﻭﺻﻠﺖ ..
ﻧﻌﻴﻤﻪ : ﺍﺣﻤﻤﻢ .. ﺍﻳﻪ ﻟﻴﻬﺎ ﻟﻌﻨﺪ ﺗﻮﺍ ﺭﺑﻊ ﺳﺎﻋﻪ ..
ﺣﻤﻴﺪﻩ : ﺍﺳﺘﺎﺣﺸﺘﻬﺎ ﻭﺍﺟﺪ ﺍﻟﻤﻌﻔﻨﻪ ﻣﻦ ﻳﻮﻡ ﻃﻬﻮﺭ ﺟﻮﺍﺩ ﻣﻌﺎﺵ ﺷﻔﻨﺎﻫﺎ ..
ﻧﻌﻴﻤﻪ ﺑﻠﻌﺖ ﺭﻳﻘﻬﺎ : ﺍﻳﻪ ﺻﺢ ..
ﺩﺧﻠﺘﻬﻢ ﻭﺧﺸﻮﺍ ...
ﻭﻫﻤﺎ ﺧﺎﺷﻴﻦ ﺍﻟﺒﻨﺎﺕ ﻛﺎﻧﻮﺍ ﻭﺍﻗﻔﻴﻦ ﺑﻴﺴﺘﻘﺒﻠﻮﺍ ﺧﺎﻟﻬﻢ ﺍﻧﺼﺪﻣﻮﺍ ﺑﺨﺎﻟﺘﻬﻢ ﺟﺎﻳﻪ ﻣﻌﺎﻩ ..
ﺑﺲ ﻣﺶ ﺍﻗﻞ ﻣﻦ ﺻﺪﻣﺘﻬﺎ ﻫﻲ ﻟﻤﺎ ﺷﺎﻓﺖ ﺩﻻﻝ ﻭﺑﻄﻨﻬﺎ ﻗﺪﺍﻣﻬﺎ ..
ﻻﻫﻲ ﺣﺎﻣﻞ ﺑﺸﻬﺮ ﻻﺑﺸﻬﺮﻳﻦ 6.. ﺷﻬﻮﺭ .. 6 ﺷﻬﻮﺭ ﻭﻫﻲ ﻣﺎﺗﻌﺮﻓﺶ 🍃
🍁🍁🍁🍁🍁🍁
ﺑﻴﺘﻐﺪﻭﺍ ﻓﻲ ﺣﻮﺵ ﺧﺎﻟﺘﻲ ﻧﻌﻴﻤﻪ؟ !!
ﺯﻳﻨﺐ : ﻋﻠﻴﻚ ﻫﻢ ﻭﺧﻼﺹ ﻳﺎﺭﻳﺘﻪ ﻗﺎﻝ ..
ﺭﺍﻧﻴﺎ : ﻋﻠﻴﻚ ﻣﻮﻗﻒ ﺯﻓﺖ ..
ﺭﺑﺎﺏ : ﺣﺘﻰ ﻫﻲ ﺧﺎﻟﺘﻲ ﺭﺑﻲ ﻳﻬﺪﻳﻬﺎ ﻛﺎﻥ ﻗﺎﻟﺘﻠﻬﺎ ﻭﻓﻜﺖ ﺭﻭﺣﻬﺎ ..
ﺯﻳﻨﺐ : ﺧﺎﻟﺘﻚ ﺣﻤﻴﺪﻩ ﺗﺘﻌﺐ ﻧﻔﺴﻴﺘﻬﺎ ﻫﻠﺒﻪ ﻭﺗﺘﺄﺛﺮ ﻟﻴﻦ ﺧﻼﺹ ﻟﻮ ﻋﺮﻓﺖ ..
ﺭﺑﺎﺏ : ﺗﻮﺍ ﻧﻔﺴﻴﺘﻬﺎ ﺣﺘﺘﻌﺐ ﺍﻛﺜﺮ ﻭﺍﻛﺜﺮ ..
ﺭﺍﻧﻴﺎ : ﺍﻟﻠﻪ ﻏﺎﻟﺐ ﻫﻤﺎ ﻧﻴﺘﻬﻢ ﺧﻴﺮ ﻟﻤﺎ ﺩﺭﻗﻮﺍ ..
ﺯﻳﻨﺐ : ﻳﺴﺘﺮ ﺍﻟﻠﻪ ﻭﺧﻼﺹ ﺗﻮﺍ .. ﺇﻥ ﺷﺎﺀ ﺍﻟﻠﻪ ﻏﻴﺮ ﺗﺎﺑﺎ ﺗﻤﺸﻲ ﻣﻌﺎﻱ ﻟﻠﻌﻴﺎﺩﻩ ﺑﻌﺪﻳﻦ ...
ﺗﻨﻬﺪﻭﺍ ﺭﺑﺎﺏ ﻭﺭﺍﻧﻴﺎ ﺑﻀﻴﻖ ..
🍁🍁🍁🍁🍁
ﻭﺍﻟﻠﻪ ﺍﻟﻌﻈﻴﻢ ﻳﺎﺣﻤﻴﺪﻩ ﻣﺎﻧﻘﺼﺪ ﺑﻴﻬﺎ ﺷﺮ ..
ﺩﻻﻝ ﺑﺪﻣﻮﻉ : ﺣﻨﻲ ﻛﻨﺎ ﻧﺒﻮﺍ ﻧﻔﺴﻴﺘﻚ ﺗﺮﺗﺎﺡ .. ﺍﻟﺪﻛﺘﻮﺭﺓ ﺍﻟﻠﻲ ﻧﻤﺸﻴﻠﻬﺎ ﻗﺎﻟﺘﻠﻲ ﺭﺍﻫﻮ ﺍﻟﻨﻔﺴﻴﻪ ﻟﻴﻬﺎ ﺩﻭﺭ ﻛﺒﻴﺮ ﻳﺎﺧﺎﻟﺘﻲ .
ﺣﻤﻴﺪﻩ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ﺍﻟﻠﻲ ﻳﻨﺰﻟﻮﺍ : ﻋﺎﺭﻓﻪ ﻭﻓﺎﻫﻤﻪ .. ﻟﻜﻦ ﻭﺟﻌﺘﻨﻲ ﺣﺴﻴﺖ ﺭﻭﺣﻲ ﻛﻴﻒ ﺍﻟﻠﻲ ﻣﺘﻌﺒﻪ ﻧﻔﺴﻴﺘﻜﻢ ﺣﺘﻰ ﺍﻧﺘﻢ ﻣﻌﺎﻱ .. ﻭﺣﻄﺖ ﻳﺪﻫﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ..
ﺣﻀﻨﺘﻬﺎ ﻧﻌﻴﻤﻪ ﻭﻫﻲ ﺗﺒﻜﻲ ﻭﺗﻘﻮﻝ : ﺍﻧﺘﻲ ﺍﺧﺘﻲ ﻭﺧﺎﻟﺘﻬﻢ ﻭﺯﻱ ﺍﻣﻬﻢ ﻛﺎﻥ ﻣﺎﺧﻤﻤﻨﺎﺵ ﻓﻴﻚ ﻓﻤﻦ ﻧﺨﻤﻤﻮﺍ ..
ﺩﻻﻝ ﺗﺒﻜﻲ ﻭﺧﻼﺹ ..
ﺑﺮﺍ ..
ﻓﺴﺨﺔ ﻋﻤﺎﺭ ..
ﻧﻮﺭ ﺿﺤﻜﺖ ..
ﺷﺒﺤﻠﻬﺎ ﻫﺎﻧﻴﺒﺎﻝ ﺑﻌﺪﻳﻦ ﻗﺎﻝ : ﻋﻨﺪﻙ ﺷﻲ ﺑﻌﺪﻳﻦ ..
ﻧﻮﺭ ﺑﺈﺳﺘﻐﺮﺍﺏ : ﻻﻻ ..
ﺭﺟﻊ ﺷﺒﺢ ﻟﻤﺠﺪ ﻭﺟﻮﺍﺩ ﻭﻫﻤﺎ ﻳﻠﻌﺒﻮﺍ ﻭﺍﺑﺘﺴﻢ ..
ﻭﻧﻮﺭ ﺗﺸﻮﻓﻠﻪ ﺑﺈﺳﺘﻐﺮﺍﺏ ﺳﺄﻟﺖ : ﻟﻴﺶ ﺧﺎﻟﻮﺍ ..
ﻫﺎﻧﻴﺒﺎﻝ ﻭﻫﻮ ﻳﻼﻋﺐ ﻓﺠﻮﺍﺩ : ﺑﻌﺪﻳﻦ ﺗﻌﺮﻓﻲ ..
🍁🍁🍁🍁🍁
ﺗﺘﻮﻗﻌﻲ ﻭﻳﻦ ﺑﻴﺮﻓﻌﻨﺎ ..
ﺭﺑﺎﺏ : ﻋﺎﺭﻓﻪ ﻭﻣﺘﺎﻛﺪﻩ .. ﻟﻌﺮﻭﺑﻪ ..
ﺭﺍﻧﻴﺎ : ﺣﺘﻰ ﺍﻧﻲ ﺣﺎﺳﺘﻬﺎ ﻫﻜﻲ ..
ﺭﺑﺎﺏ : ﺧﺎﻟﻮ ﺷﻜﻠﻪ ﻧﺎﻭﻱ ﺍﻟﺮﺳﻤﻲ ..
ﺭﺍﻧﻴﺎ ﺑﻀﺤﻜﻪ : ﺑﻴﺮﻓﻌﻨﺎ ﺣﻨﻲ ﻧﺨﻄﺒﻮﻫﺎ ..
ﺭﺑﺎﺏ ﺑﻀﺤﻜﻪ : ﺷﻜﻠﻪ ..
ﻓﻲ ﺍﻟﺪﺍﺭ ...
ﻣﻜﺎﻟﻤﻪ ﻫﺎﺗﻔﻴﻪ ..
ﺯﻳﻨﺐ : ﻣﺎﻗﺎﻟﻮﺵ؟؟
ﻏﺎﻟﻴﻪ : ﻭﺍﻟﻠﻪ ﻣﺎﻃﺮﻭﻫﺎ ..
ﺯﻳﻨﺐ : ﺗﺲ .. ﻋﻠﻴﻚ ﻣﻮﻗﻒ ﺍﻟﻠﻪ ﺍﻋﻠﻢ ﺷﻦ ﺻﺎﺭ ﺗﻮﺍ ..
ﻏﺎﻟﻴﻪ ﺑﻀﻴﻖ : ﻣﻦ ﻏﻴﺮ ﺷﻲ ﻧﻔﺴﻴﺘﻬﺎ ﺯﻓﺖ ﻣﻦ ﺍﻟﻌﺰﻭﺯ ﺍﻟﺤﺮﻓﻪ ..
ﺯﻳﻨﺐ : ﻟﻴﺶ ﺷﻦ ﺻﺎﺭ ﺗﺎﻧﻲ ..
ﻏﺎﻟﻴﻪ : ﻋﺒﺖ ﺭﺍﺱ ﺑﻨﺎﺗﻬﺎ .. ﻃﻮﻝ ﺟﻦ ﻟﺤﻤﻴﺪﻩ ﻭﻗﻌﺪﻥ ﻳﻬﺰﺑﻦ ﻓﻴﻬﺎ
ﻟﻜﻦ ﻫﻲ ﺩﺍﻓﻌﺖ ﻋﻦ . ﻧﻔﺴﻬﺎ ﻛﻮﻳﺲ ﻭﺳﻜﺘﺘﻬﻦ ﻭﻃﻠﻌﻦ ﻣﻦ ﻋﻨﺪﻫﺎ ﻭﻫﻦ ﻳﺘﺄﺳﻔﻦ ..
ﺯﻳﻨﺐ : ﻫﺎﻟﺤﻘﻴﺮﺓ ﺷﻦ ﺗﺒﻲ ﻣﻨﻬﺎ ﺍﻋﻮﺫ ﺑﺎﻟﻠﻪ .. ﻣﻄﻴﺤﻨﺎ ﺣﻨﻲ ..
ﺗﻨﻬﺪﺕ ﻏﺎﻟﻴﻪ ﻭﻗﺎﻟﺖ : ﺍﻟﻠﻪ ﻏﺎﻟﺐ ..
🍁🍁🍁🍁🍁
ﺣﺎﻭﻟﻮﺍ ﻉ ﻗﺪ ﻣﺎﻳﻘﺪﺭﻭﺍ ﻳﻐﻴﺮﻭﺍ ﺍﻟﺠﻮ ..
ﺣﻤﻴﺪﻩ ﻇﺎﻫﺮﻳﺎ ﺗﻐﺎﺿﺖ ﻋﻦ ﺍﻟﻤﻮﺿﻮﻉ ﻭﻗﻠﺒﺖ ﺍﻟﺼﻔﺤﻪ ﻭﻗﻌﺪﻭﺍ ﻳﻬﺪﺭﺯﻭﺍ ...
ﻭﻃﻴﺒﻮﺍ ﺍﻟﻐﺪﻱ ﻣﻊ ﺑﻌﻀﻬﻢ ..
ﺭﻭﺡ ﻋﺒﺪﺍﻟﺴﻼﻡ ..
ﺗﻐﺪﻭﺍ ..
ﻭﺑﻌﺪ ﺍﻟﻐﺪﻱ ﺷﺮﺑﻮﺍ ﺍﻟﺸﺎﻫﻲ ..
ﻭﻛﻤﻠﻮﺍ ﻫﺪﺭﺯﺓ ﻟﻠﻌﺼﺮ ..
ﺑﻌﺪ ﺍﻟﺼﻼﺓ .. ﻃﻮﻝ ﺗﺴﻘﺪﻭﺍ ﻟﺤﻮﺵ ﺯﻳﻨﺐ ﻭﻣﺸﺖ ﻣﻌﺎﻫﻢ ﻧﻮﺭ ..
ﺩﻻﻝ : ﺣﺲ ﺻﺪﺭﻱ ﺍﻃﺒﻖ ﻣﻦ ﺍﻟﻤﻮﻗﻒ ﻣﺸﻨﺎﺍﺍﺍﻩ ..
ﻧﻌﻴﻤﻪ ﺗﻨﻬﺪﺕ ﺑﻌﺪﻳﻦ ﻗﺎﻟﺖ ﻟﺒﻨﺘﻬﺎ : ﻫﻴﺎ ﺧﺸﻲ ..
ﺧﺸﻮﺍ ﺩﺍﺧﻞ ﻭﺻﻜﺮﻭﺍ ﺑﺎﺏ ﺍﻟﺤﻮﺵ ﺍﻟﺪﺧﻼﻧﻲ ..
🍁🍁🍁🍁
ﻭﺻﻠﻮﺍ ﻟﺤﻮﺵ ﺯﻳﻨﺐ ..
ﻃﻠﻌﻮﺍ ﺯﻳﻨﺐ ﻭﺍﻟﺒﻨﺎﺕ ﻃﻮﻝ ﺭﻛﺒﻮﺍ ﺍﻟﺴﻴﺎﺭﺓ ..
ﺗﺤﺮﻙ ﻫﺎﻧﻴﺒﺎﻝ ﻭﻫﻤﺎ ﻗﻌﺪﻭﺍ ﻳﺴﻠﻤﻮﺍ ﻉ ﺑﻌﺾ ﻓﻲ ﺍﻟﺴﻴﺎﺭﺓ ...
ﻭﻫﺪﺭﺯﻭﺍ ﺷﻮﻳﻪ ...
ﻟﻌﻨﺪ ﻣﺎﺻﻠﻮﺍ ﻟﻠﻌﻴﺎﺩﻩ ﺣﻂ ﺯﻳﻨﺐ ﻭﺣﻤﻴﺪﻩ ...
ﻭﻣﺸﻲ ﻃﻮﻝ ﺑﺎﻟﺒﻨﺎﺕ ...
💕💕💕💕
ﻓﻲ ﺍﻟﻄﺮﻳﻖ ..
ﺭﺑﺎﺏ : ﺗﻲ ﺑﺎﻫﻲ ﻟﻤﺤﻠﻨﺎ ﺣﺘﻰ ﺗﻠﻤﻴﺢ ..
ﺷﺒﺢ ﻟﺮﺑﺎﺏ ﺟﻨﺒﻪ .. ﺑﻌﺪﻳﻦ ﺷﺒﺢ ﻟﺮﺍﻧﻴﺎ ﻭﻧﻮﺭ ﺍﻟﻠﻲ ﻭﺭﺍﻩ ﻣﻦ ﺍﻟﻤﺮﺍﻳﻪ ..
ﺷﺒﺢ ﺑﻌﺪﻫﺎ ﻟﻠﻄﺮﻳﻖ ﺍﺑﺘﺴﻢ ﻭﻗﺎﻝ : ﺑﻨﻌﺮﻓﻜﻢ ﻉ ﻣﺮﺍﺕ ﺧﺎﻟﻜﻢ ﺇﻥ ﺷﺎﺀ ﺍﻟﻠﻪ ..
ﺭﺑﺎﺏ ﺍﻟﺘﻔﺘﺖ ﻟﻨﻮﺭ ﻭﺭﺍﻧﻴﺎ ..
ﺿﺤﻜﻮﺍ ..
ﻫﻮ ﺿﺤﻚ ﻭﻛﻤﻞ ﻃﺮﻳﻘﻪ ...
ﻟﻌﻨﺪ ﻣﺎﻭﺻﻠﻮﺍ ﻟﻠﻤﺼﻮﺭ ..
ﻭﻗﻒ ﺑﺎﻟﺴﻴﺎﺭﺓ ﻭﻗﺎﻝ : ﺭﺩﻥ ﺑﺎﻟﻜﻦ ﺗﻘﻮﻟﻦ ﺷﻲ ﺑﺮﺍ ﺍﻟﻄﺮﻳﻖ .. ﺗﻤﺎﻡ ..
ﺍﺑﺘﺴﻤﻮﺍ ﻭﻗﺎﻟﻮﺍ ﻣﻊ ﺑﻌﺾ : ﺑﺎﻫﻲ ..
ﺩﺍﺧﻞ ..
ﺳﻤﻴﺮﺓ ﻣﺸﺖ ﻟﻌﺮﻭﺑﻪ ﺗﺠﺮﻱ : ﻫﺎﻧﻴﺒﺎﻝ ﺟﺎ ..
ﻋﺮﻭﺑﻪ ﻗﻠﺒﻬﺎ ﺩﻕ ﺑﺎﻟﻘﻮﺓ : ﺍﻭﻟﻴﻴﻲ 💕
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﻤﺼﻮﺭ ..
ﺷﺎﻓﺎﺗﻪ ﻛﻴﻒ ﻻﺑﺲ ﺑﺎﻟﻄﻮ ﺍﺭﺯﻕ ﻛﺤﻠﻲ .. ﺗﺤﺘﻪ ﻓﺎﻧﻴﻠﻴﻪ ﻏﻠﻴﻈﻪ ﻟﻮﻧﻬﺎ ﺭﺻﺎﺻﻲ ﻭﺳﺮﻭﺍﻝ ﺟﻴﻨﺰ ﺍﺯﺭﻕ ﻛﺤﻠﻲ ..
ﻭﺣﻮﺍﻟﻴﻦ ﺭﻗﺒﺘﻪ ﺷﺎﻝ ﺍﻧﺼﺪﻣﺖ ﻭﻳﻦ ﺭﺍﺗﻪ ..
ﻧﻔﺴﻪ ﺍﻟﺸﺎﻝ ﺍﻟﻠﻲ ﻫﺪﺗﻬﻮﻟﻪ ﺯﻣﺎﻥ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺟﺎﻳﺒﻠﻚ ﻣﻌﺎﻱ ﺯﺑﺎﻳﻦ ﺟﺪﺩ
ﺿﺤﻜﻮﺍ ﺳﻤﻴﺮﺓ ﻭﻋﺮﻭﺑﻪ ..
ﺍﻟﺘﻔﺖ ﻟﺒﻨﺎﺕ ﺧﻮﺍﺗﻪ : ﻫﻲ ﺧﺸﻦ .
ﺧﺸﻮﺍ ﺍﻟﺘﻼﺗﻪ ﻭﻫﻤﺎ ﻣﺘﺤﺸﻤﺎﺕ ﻗﺎﻟﻮﺍ : ﺍﻟﺴﻼﻡ ﻋﻠﻴﻜﻢ ..
ﺭﺩﻭﺍ ﺳﻤﻴﺮﺓ ﻭﻋﺮﻭﺑﻪ : ﻭﻋﻠﻴﻜﻢ ﺍﻟﺴﻼﻡ ..
ﻋﺮﻭﺑﻪ ﻗﺪﻣﺘﻠﻬﻢ ﻭﻫﻤﺎ ﻳﺸﻮﻓﻮﻟﻬﺎ ..
ﻣﺪﺕ ﻳﺪﻫﺎ ﻟﺮﺑﺎﺏ : ﺑﻨﺖ ﺯﻳﻨﺐ ..
ﻗﺎﻟﺘﻬﺎ ﺑﺎﻟﻠﻬﺠﻪ ﺍﻟﻠﻴﺒﻴﻪ ..
ﺭﺟﻊ ﻗﻠﺒﻪ ﺩﻕ ﺑﻌﻨﻒ ..
ﺭﺑﺎﺏ : ﺻﺢ .. ﻭﺳﻠﻤﻮﺍ ﻉ ﺑﻌﺾ ﺑﺎﻟﺨﺪ ..
ﺑﻌﺪﻳﻦ ﺟﺖ ﻟﺮﺍﻧﻴﺎ : ﺣﺘﻰ ﺍﻧﺘﻲ ..
ﺿﻜﺤﺖ ﺭﺍﻧﻴﺎ : ﺻﺢ .. ﻭﺳﻠﻤﺖ ﻋﻠﻴﻬﺎ ﺑﺎﻟﺨﺪ ..
ﺑﻌﺪﻳﻦ ﺟﺖ ﻟﻨﻮﺭ ..
ﻧﻮﺭ ﺑﻀﺤﻜﻪ : ﻭﺍﺿﺤﻪ ﺑﻨﺖ ﻧﻌﻴﻤﻪ ..
ﺿﺤﻜﻮﺍ ..
ﻭﺳﻠﻤﻮﺍ ﻉ ﺑﻌﺾ ﺑﺎﻟﺨﺪ ..
ﺑﻌﺪﻳﻦ ﺑﻌﺪﺕ ﺷﻮﻳﻪ ﻋﺮﻭﺑﻪ ﻭﻗﺎﻟﺖ ﺑﺈﺑﺘﺴﺎﻣﻪ : ﺗﻔﻀﻠﻮﺍ ﺧﺸﻮﺍ ..
ﻫﺎﻧﻴﺒﺎﻝ : ﻭﺍﻧﻲ ﻣﺎﻳﺴﻠﻤﻮﺵ ﻋﻠﻴﺎ ﻭﻻﻛﻴﻒ ..
ﺿﺤﻜﻮﺍ ﻛﻠﻬﻢ ...
ﺍﻣﺎ ﻋﺮﻭﺑﻪ ﺿﺤﻜﺖ ﺑﺈﺣﺮﺍﺝ .. ﻗﺪﻣﺖ ﻭﺳﻠﻤﺖ ﻋﻠﻴﻪ ﻭﻫﻮ ﺷﺪ ﻉ ﻳﺪﻫﺎ ..
ﻭﺍﻟﺒﻨﺎﺕ ﻭﺳﻤﻴﺮﺓ ﻳﺸﻮﻓﻮﻟﻬﻢ ...
ﺣﻮﻝ ﻧﻈﺎﺭﺍﺗﻪ ﻭﻃﻠﻖ ﻳﺪﻫﺎ ..
ﻫﻲ ﺍﺑﺘﺴﻤﺖ ﺑﺨﺠﻞ .. ﺑﻌﺪﻳﻦ ﺷﺒﺤﺖ ﻟﻠﺒﻨﺎﺕ
ﺳﺎﻭﺕ ﻭﺷﺎﺣﻬﺎ ﺑﺮﺑﻜﻪ ﻭﻗﺎﻟﺖ : ﺗﻔﻀﻠﻮﺍ ﻗﻌﻤﺰﻭﺍ ..
ﻣﺸﻮﺍ ﻗﻌﻤﺰﻭﺍ ﻉ ﺍﻟﻜﻨﺒﻪ ﻭﻫﻮ ﺧﺪﻱ ﻛﺮﺳﻲ ﻗﻌﻤﺰ ﺑﺮﻭﺣﻪ ..
ﻋﺮﻭﺑﻪ ﺍﺷﺮﺕ ﻟﺴﻤﻴﺮﺓ ﺑﻌﻴﻮﻧﻬﺎ .. ﺳﻤﻴﺮﺓ ﻓﻬﻤﺖ ..
ﺳﻤﻴﺮﺓ : ﻧﺴﺘﺄﺫﻥ ﺷﻮﻳﻪ ﻭﺟﺎﻳﻪ ..
ﻭﻣﺸﺖ ﻃﻮﻝ ﺳﻤﻴﺮﺓ ﻃﻠﻌﺖ ..
ﺑﻌﺪﻫﺎ ﺧﺪﺕ ﻋﺮﻭﺑﻪ ﻛﺮﺳﻲ ﻭﻗﻌﻤﺰﺕ : ﻣﺮﺣﺒﺘﻴﻦ ﺑﻴﻜﻢ ..
ﺭﺩﻭﺍ ﺑﺎﺻﻮﺍﺕ ﻣﺘﻘﻄﻌﻪ : ﻭﺑﻴﻚ ..
ﻋﺮﻭﺑﻪ : ﻧﻌﺮﻓﻜﻢ ﺑﻨﻔﺴﻲ ﻭﻻﺧﺎﻟﻜﻢ ﻋﺮﻓﻜﻢ ﺑﻴﺎ ..
ﻫﺎﻧﻴﺒﺎﻝ : ﺑﺎﻫﻲ ﺗﻘﺪﺭﻱ ﺍﻧﺘﻲ ﺗﺠﻴﺒﻲ ﻛﻞ ﻭﺣﺪﻩ ﺑﺈﺳﻤﻬﺎ .
ﺿﺤﻜﺖ ﻭﻗﺎﻟﺖ : ﺍﻣﻤﻢ .. ﺍﺷﺮﺕ ﻉ ﻧﻮﺭ ﻭﻗﺎﻟﺖ .. ﺑﻤﺎ ﺍﻧﻬﺎ ﺑﻨﺖ ﻧﻌﻴﻤﻪ ﻣﻌﻨﺎﻫﺎ ﻫﻲ ﻧﻮﺭ ...
ﺍﺑﺘﺴﻤﺖ ﻧﻮﺭ ..
ﻭﻫﺎﻧﻴﺒﺎﻝ ﺿﺤﻚ ﻭﻗﺎﻝ : ﻣﺎﺗﺒﻴﺶ ﺫﻛﺎﺀ ..
ﺷﺒﺤﺘﻠﻪ ﺑﺮﺑﻊ ﻋﻴﻦ ﻭﺷﺎﻓﺖ ﻟﻠﺒﻨﺎﺕ ؛ﺧﺎﻟﻜﻢ ﺩﻳﻤﺎ ﻫﻜﻲ ..
ﺭﺑﺎﺏ ﺑﻀﺤﻜﻪ : ﺍﻳﻪ ..
ﺿﺤﻜﻮﺍ ..
ﻫﺎﻧﻴﺒﺎﻝ ﺑﻀﺤﻜﻪ : ﺑﺎﻫﻲ ﻛﻤﻠﻲ ..
ﻋﺮﻭﺑﻪ : ﺍﻣﻤﻢ .. ﺍﺷﺮﺕ ﻉ ﺭﺑﺎﺏ .. ﻫﺪﻱ ﺭﺑﺎﺏ ... ﻭﺍﻟﻠﻲ ﺟﻨﺒﻬﺎ ﻻﺑﺪ ﺗﻜﻮﻥ ﺭﺍﻧﻴﺎ ..
ﺿﺤﻜﻮﺍ ...
ﻭﻫﻮ ﻗﺎﻝ : ﺻﺢ ..
ﻫﻲ ﺍﺑﺘﺴﻤﺖ ﻭﻫﻲ ﺗﻘﻮﻝ : ﺍﻣﻢ .. ﺑﺎﻫﻲ ﻧﻌﺮﻓﻜﻢ ﺑﻨﻔﺴﻲ ﻋﺮﻭﺑﻪ ﻛﻨﺖ ﺯﻣﻴﻠﻪ ﺧﺎﻟﻜﻢ ﻓﻲ ﺍﻟﻤﺪﺭﺳﻪ ﺯﻣﺎﻥ ..
ﻫﺎﻧﻴﺒﺎﻝ ﺑﺮﻓﻌﺔ ﺣﻮﺍﺟﺐ : ﺑﺲ !
ﻫﻲ ﺍﻧﺤﺮﺟﺖ ﻭﺳﻜﺘﺖ ..
ﻫﺎﻧﻴﺒﺎﻝ ﻭﺑﻜﻞ ﺟﺮﺃﺓ : ﻭﻛﺎﻧﺖ ﺍﻭﻝ ﺣﺐ ﻓﺤﻴﺎﺗﻲ
ﺍﻟﺒﻨﺎﺕ ﺗﻔﺎﺟﺌﻮﺍ ﻉ ﺍﻵﺧﺮ ..
ﻭﻫﻮ ﻳﺘﻜﻠﻢ ﻭﻳﺸﻮﻑ ﻟﻌﺮﻭﺑﻪ : ﻓﺮﻗﻨﺎ ﺍﻟﻮﻗﺖ ﻭﺭﺟﻊ ﺟﻤﻌﻨﺎ ... ﻭﺗﺄﻛﺪﺕ ﺍﻧﻲ ﻣﺎﺣﺒﻴﺘﺶ ﻓﺤﻴﺎﺗﻲ ﻏﻴﺮﻫﺎ ..
ﻋﺮﻭﺑﻪ ﺑﻌﻴﻮﻥ ﻣﺼﺪﻭﻣﻪ : ﻫﺎﻧﻴﺒﺎﻝ !!
ﻫﺎﻧﻴﺒﺎﻝ ﺑﺠﺮﺃﺓ ﺍﻛﺒﺮ : ﻭﻫﻲ ﺗﺤﺒﻨﻲ ﻭﺍﺟﺪ ﻭﻣﺶ ﺷﻮﻳﻪ ..
ﻋﺮﻭﺑﻪ ﺑﺼﻮﺕ ﻳﺮﺟﻒ : ﻫﺎﻧﻴﺒﺎﻝ ..
ﺍﻟﺒﻨﺎﺕ ﻳﺸﻮﻓﻮﻟﻪ ﻭﻋﻴﻮﻧﻬﻢ ﻣﻌﺒﻴﺎﺕ ﺩﻣﻮﻉ .... ﻳﺸﻮﻓﻮﺍ ﻓﻴﻪ ﻛﻴﻒ ﻳﺘﻜﻠﻢ ﺑﻜﻞ ﻣﺸﺎﻋﺮﻩ ...
ﺷﺒﺤﻠﻬﻢ : ﻫﻲ ﻣﺎﺯﺍﻟﺖ ﺿﻴﻊ ﻓﻲ ﺳﻨﻴﻦ ﻣﻦ ﻋﻤﺮﻧﺎ ﻭﺗﻜﺎﺑﺮ ﻣﺎﺯﺍﻟﺖ ..
ﺍﻟﺒﻨﺎﺕ ﺷﺒﺤﻮﻟﻬﺎ ... ﻟﻘﻮﺍ ﺩﻣﻮﻋﻬﺎ ﻧﺎﺯﻻﺕ ﻭﻫﻲ ﺗﺸﺒﺤﻠﻪ ..
ﺍﻟﻮﺣﻴﺪﻩ ﺍﻟﻠﻲ ﺍﻟﻤﻮﻗﻒ ﺍﺛﺮ ﻓﻴﻬﺎ ﺑﺪﺭﺟﺔ ﻛﺒﻴﺮﺓ ﻭﺧﻼ ﻗﻠﺒﻬﺎ ﻳﻨﻘﺒﺾ ﻣﻨﻪ ﻫﻠﺒﻪ ..
ﺭﺍﻧﻴﺎ ..
ﺍﻟﻠﻲ ﻟﻘﺖ ﺭﻭﺣﻬﺎ ﺗﻠﻘﺎﺋﻴﺎ ﺗﺘﻜﻠﻢ ﻭﺩﻣﻮﻋﻬﺎ ﻳﻨﺰﻟﻮﺍ : ﺷﻦ ﺗﺮﺍﺟﻲ ﻗﻮﻟﻴﻠﻲ ..
ﺷﺒﺤﻮﻟﻬﺎ ﻛﻠﻬﻢ ..
ﺭﺍﻧﻴﺎ : ﻣﺶ ﻛﻞ ﻭﺣﺪﻩ ﻓﻲ ﺍﻟﺪﻧﻴﺎ ﺳﺎﻫﻞ ﻋﻠﻴﻬﺎ ﺗﻠﻘﻰ ﻭﺍﺣﺪ ﻳﺤﺒﻬﺎ ﺑﻨﻴﻪ ﺻﺎﻓﻴﻪ ﻭﻣﺘﻤﺴﻚ ﺑﻴﻬﺎ ﻭﻗﻌﺪ ﺳﻨﻴﻦ ﻳﺤﺒﻬﺎ ﻭﻣﺎﻧﺴﺎﻫﺎ ﺣﺘﻰ ﺑﻌﺪ ﺧﻼﺗﻪ ..
ﻋﺮﻭﺑﻪ ﺑﺪﻣﻮﻉ : ﻣﺎﺧﻠﻴﺘﺎﺵ ..
ﺭﺍﻧﻴﺎ : ﻟﻮ ﺗﺒﻲ ﺗﺜﺒﺘﻲ ﺍﻧﻚ ﺣﻖ ﻣﺎﺧﻠﻴﺘﻴﺶ ﻣﻌﺎﺵ ﺗﻜﺎﺑﺮﻱ ...
ﺭﺑﺎﺏ ﺷﺪﺕ ﻉ ﻳﺪ ﺍﺧﺘﻬﺎ ...
ﻋﺮﻭﺑﻪ ﺗﺸﺒﺢ ﻟﺮﺍﻧﻴﺎ ﻛﻴﻒ ﺗﺸﺒﺤﻠﻬﺎ ﺑﺤﺪﻩ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻭﻫﺎﻧﻴﺒﺎﻝ ﻳﺸﻮﻑ ﻟﺮﺍﻧﻴﺎ ..
ﻭﺭﺍﻧﻴﺎ ﺗﺮﺍﺟﻲ ﻓﺮﺩﻫﺎ
🍁🍁🍁🍁🍁🍁
ﻓﻲ ﺍﻟﻌﻴﺎﺩﺓ ..
ﺟﻲ ﺩﻭﺭ ﺣﻤﻴﺪﻩ : ﺧﺸﻲ ﺍﻧﺘﻲ ..
ﺯﻳﻨﺐ : ﺩﻭﺭﻱ ﺑﻌﺪﻙ ﺧﺸﻲ ﻫﻴﺎ ..
ﺣﻤﻴﺪﻩ : ﻏﻴﺮ ﺧﺸﻲ ﺍﻧﺘﻲ ﻗﺒﻞ ﻭﺍﻧﻲ ﺑﻌﺪﻙ ﺑﺎﻟﻠﻪ ﻋﻠﻴﻚ ﺯﻳﻨﺐ ..
ﺯﻳﻨﺐ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺑﺎﻫﻲ ..
🍃 ﺯﻳﻨﺐ ﻛﺎﻧﺖ ﺗﺤﺲ ﺑﺄﻭﺟﺎﻉ ﻓﻲ ﺍﻟﺮﺣﻢ ﺍﻟﻔﺘﺮﺓ ﺍﻷﺧﻴﺮﻩ ﻭﺟﺎﻳﻪ ﺗﻌﺎﻳﻦ 🍃
ﻧﺎﺿﺖ ﺑﺎﻟﺴﻴﻒ ﻭﺧﺸﺖ ..
ﺍﻣﺎ ﺣﻤﻴﺪﻩ ... ﻃﻮﻝ ﻧﺎﺿﺖ ﻭﻗﻌﺪﺕ ﺗﻤﺸﻲ ﻓﻲ ﻣﻤﺮ ﺍﻟﻌﻴﺎﺩﻩ ..
ﺣﺎﺳﻪ ﺑﻀﻴﻖ ﺷﺪﻳﺪ ﻭﻗﻠﺒﻬﺎ ﻣﻮﺟﻮﻉ ...
ﻭﻫﻲ ﺗﻤﺸﻲ ﺧﻄﻮﺍﺗﻬﺎ ﺭﻓﻌﻮﻫﺎ ﺑﺮﺍ ﺍﻟﻌﻴﺎﺩﺓ ..
ﺧﺪﺕ ﻧﻔﺲ ﻋﻤﻴﻖ .. ﺑﻌﺪﻳﻦ ﺷﺒﺤﺖ ﺟﻨﺒﻬﺎ ... ﻟﻘﺖ ﻛﺮﺳﻲ ﺭﺧﺎﻡ ﻗﻌﻤﺰﺕ ﻋﻠﻴﻪ ..
ﻗﻌﺪﺕ ﺗﻮﺯﻉ ﻓﻨﻈﺮﻫﺎ ﺣﻮﺍﻟﻴﻬﺎ .. ﺩﻣﻮﻋﻬﺎ ﻧﺰﻟﻮﺍ ...
ﻋﺎﺭﻓﻪ ﺍﻟﺪﻛﺘﻮﺭﺓ ﺣﺘﻘﻮﻟﻠﻬﺎ ﻧﻔﺲ ﺍﻟﻜﻼﻡ ﺍﻟﻠﻲ ﻋﻴﻴﺖ ﻭﻫﻲ ﺗﺴﻤﻊ ﻓﻴﻪ ﻣﻦ ﺍﻟﺪﻛﺎﺗﺮﺓ .. ﺣﺘﻰ ﻣﻦ ﺩﻛﺎﺗﺮﺓ ﺍﻷﻋﺸﺎﺏ ..
ﻣﺴﺄﻟﺔ ﻭﻗﺖ ...
ﺑﺲ ﻫﺎﻟﻮﻗﺖ ﻃﻮﻝ ﻫﻠﺒﻪ ﻭﺍﻟﻌﻤﺮ ﻳﺠﺮﻱ .. ﻭﺍﻟﻔﺮﺹ ﺑﺪﺕ ﺗﻘﻞ ..
ﺭﻓﻌﺖ ﺭﺍﺳﻬﺎ ﻓﻮﻕ ﻭﻗﺎﻟﺖ ﻣﻦ ﻭﺳﻂ ﻗﻠﺒﻬﺎ : ﻳﺎﺍﺍﺍﺭﺏ ..
ﻭﺩﻣﻮﻋﻬﺎ ﺳﻴﻞ ...
ﻓﻲ ﺟﻨﺒﻬﺎ ﺑﻤﺴﺎﻓﻪ ..
ﻛﺎﻥ ﻓﻲ ﺯﻭﺯ ﻧﺴﺎﻭﻳﻦ ﻭﺍﻗﻔﺎﺕ ..
: ﺷﻦ ﺗﺤﺴﺎﺑﻲ ﺍﻧﺘﻲ ﺭﺍﻫﻲ ﻋﻴﺎﺩﻩ ﻭﻳﺒﻮﺍ ﺣﻖ ﻛﺸﻒ ﺑﻬﺪﺍﻛﺎ ﺍﻟﺤﺴﺎﺏ ..
ﺭﺩﺕ ﻋﻠﻴﻬﺎ ﺍﻟﺘﺎﻧﻴﻪ ﺑﺒﻜﻲ : ﻧﺒﻲ ﻧﻄﻤﻦ ﺩﻛﺎﺗﺮﺓ ﺍﻟﻤﺴﺘﺸﻔﻴﺎﺕ ﻣﺎﻳﺨﺪﻣﻮﺵ ﺑﻘﻠﺐ .. ﻳﻜﺬﺑﻮﺍ ﺣﺎﺳﺘﻬﻢ ..
: ﺗﻲ ﻏﻴﺮ ﻋﻼﺵ ﺑﻴﻜﺬﺑﻮﺍ ﺑﺲ ..
: ﻣﺎﻧﻌﺮﻓﺶ ﻣﺎﻧﻴﺶ ﻣﺴﺘﺮﻳﺤﻪ .. ﺣﻄﺖ ﻳﺪﻫﺎ ﻉ ﺑﻄﻨﻬﺎ ﻧﺒﻲ ﻧﻄﻤﻦ ﻉ ﻭﻟﺪﻱ ﻭﺑﺲ ..
: ﺑﺎﻫﻲ .. ﺗﺤﺘﻚ 50 ﺩﻳﻨﺎﺭ ..
ﻗﻌﺪﺕ ﺗﺒﻜﻲ ..
: ﻣﻌﻨﺎﻫﺎ ﺗﻌﺎﻟﻲ ﻧﺮﻭﺣﻮﺍ ﻣﻦ ﻏﻴﺮ ﻫﺒﺎﻝ ..
: ﻏﻴﺮ ﻭﺍﻟﻨﺒﻲ ﺧﻠﻴﻨﺎ ﻧﺨﺸﻮﺍ ﻧﺘﺮﺟﻮﻫﺎ ﻧﺘﻐﻮﻃﻮﻟﻬﺎ ﻧﺪﻳﺮ ﻛﻞ ﺷﻲ ﺗﻮ ﺗﺴﺨﻒ ﻋﻠﻴﺎ ﻭﺍﺩﺧﻠﻨﻲ ..
: ﻻ ﺍﻧﺘﻲ ﻫﺒﻠﺘﻲ ﺭﺳﻤﻲ ..
🍃 ﻛﺎﻧﺖ ﻓﺠﻨﺒﻬﻢ ﺗﺴﻤﻊ ﻭﺗﺸﻮﻑ ..
ﻧﺴﺖ ﻫﻤﻬﺎ ﻭﻗﻌﺪﺕ ﺑﺲ ﺗﻔﻜﺮ ﻓﻲ ﺍﻷﻡ ﺍﻟﻠﻲ ﻗﺪﺍﻣﻬﺎ ﻭﻫﻲ ﺣﺎﻃﻪ ﻳﺪﻫﺎ ﻉ ﺑﻄﻨﻬﺎ ﻭﺗﺒﻜﻲ ...
ﻣﺴﺤﺖ ﺩﻣﻮﻋﻬﺎ ﻭﻧﺎﺿﺖ ﻃﻮﻝ ﻣﺸﺖ ﻧﺎﺣﻴﺘﻬﻢ ...
ﻭﺻﻠﺖ ﻓﻴﻬﻢ .. ﻃﻠﻌﺖ ﻣﻦ ﺷﻨﻄﺘﻬﺎ 100 ﺩﻳﻨﺎﺭ ﻭﻣﺪﺗﻬﻢ ﻟﻠﻤﺮﺍﺓ ..
ﺍﻟﺰﻭﺯ ﺍﻧﺼﺪﻣﻮﺍ ..
ﺣﻤﻴﺪﻩ : ﺧﻮﺩﻱ .. ﻭﺧﺸﻲ ..
ﺍﻟﻤﺮﺍﺓ ﺑﺼﺪﻣﻪ؛ﻧﺒﻲ ﺑﺲ ..50
ﺣﻤﻴﺪﻩ؛ﺧﻮﺩﻳﻬﻦ ﻣﺎﻋﻨﺪﻱ ﻣﺎﻧﺪﻳﺮ ﺑﻴﻬﻦ .. ﺍﻧﺖ ﺍﻭﻟﻰ ..
ﺷﺒﺤﻮﺍ ﺍﻟﻨﺴﺎﻭﻳﻦ ﻟﺒﻌﻀﻬﻢ ..
ﺣﻤﻴﺪﻩ : ﻫﻴﺎ ..
ﺍﻟﻤﺮﺍﺓ ﺍﻟﺤﺎﻣﻞ ﻣﺪﺕ ﻳﺪﻫﺎ ﺑﺘﺮﺩﺩ ..
ﺧﺪﺕ ﺣﻤﻴﺪﻩ ﻳﺪﻫﺎ ﻭﺣﻄﺘﻠﻬﺎ ﻓﻴﻬﻢ ﺍﻟﻔﻠﻮﺱ ﻭﻗﺎﻟﺖ : ﺭﺑﻲ ﻳﻄﻤﻨﻚ ﻋﻠﻴﻪ ..
ﻭﻟﻔﺖ ﻭﻣﺸﺖ ﻭﻟﺖ ﻟﻜﺮﺳﻲ ﺍﻟﺮﺧﺎﻡ .. ﻭﻗﻌﻤﺰﺕ ..
ﻗﻌﺪﻭﺍ ﻳﺸﻮﻓﻮﻟﻬﺎ ...
ﺍﻟﻤﺮﺍﺓ ﻣﻦ ﻗﻠﺒﻬﺎ ﻗﺎﻟﺖ : ﺭﺑﻲ ﻳﻔﺮﺝ ﻋﻠﻴﻬﺎ ﺯﻱ ﻣﺎﻓﺮﺟﺖ ﻋﻠﻴﺎ ﻳﺎﺍﺍﺭﺑﻲ ..
ﻭﻣﺸﺖ ﻃﻮﻝ ﺧﺸﺖ ﻭﺍﻟﺘﺎﻧﻴﻪ ﻟﺤﻘﺘﻬﺎ ﻭﻫﻲ ﺗﻘﻮﻝ : ﺗﻌﺎﻟﻲ ﻻﺯﻡ ﻣﻦ ﻣﻮﻋﺪ ﺭﺍﻫﻮ ..
: ﻧﺎﺧﺪﻭﻩ ﻣﺴﺘﻌﺠﻞ ﻧﻌﻄﻴﻬﺎ 100 ﻛﺎﻣﻠﻪ ..
ﺿﺤﻜﻮﺍ .. ﻭﻣﺸﻮﺍ ﺍﻟﺰﻭﺯ .. ﻭﺯﻳﻨﺐ ﺧﻄﻤﺖ ﻣﻦ ﺣﺪﺍﻫﻢ ﻭﻫﻲ ﻃﺎﻟﻌﻪ ﺍﺩﻭﺭ ﻉ ﺍﺧﺘﻬﺎ ...
ﻃﻠﻌﺖ ﺑﺮﺍ ﺍﻟﻌﻴﺎﺩﺓ ﻭﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻟﻴﻦ ﺷﺎﻓﺘﻬﺎ ..
ﻃﻮﻝ ﻣﺸﺘﻠﻬﺎ ...
ﻭﺻﻠﺖ ﻓﻴﻬﺎ : ﺣﻤﻴﺪﻩ؟ !!
ﺣﻤﻴﺪﻩ : ﺷﻦ ﺻﺎﺭ ﻓﻴﻚ ..
ﺯﻳﻨﺐ ﻗﻌﻤﺰﺕ ﺣﺪﺍﻫﺎ ﻭﻗﺎﻟﺖ : ﺧﻴﺮﻙ ﻃﻠﻌﺘﻲ ..
ﺣﻤﻴﺪﻩ ﺗﻨﻬﺪﺕ ﻭﻗﺎﻟﺖ : ﺯﺍﻳﺪ ﻧﺎﻗﺺ ﻭﺍﻟﻠﻪ .. ﻧﻔﺲ ﺍﻟﻜﻼﻡ ﻓﻲ ﻛﻞ ﻣﺮﺓ .. ﻣﺴﺄﻟﺔ ﻭﻗﺖ .. ﻣﺴﺄﻟﺔ ﻭﻗﺖ .. ﺧﻠﻴﻚ ﻣﻨﻲ ﺗﻮﺍ ﻭﻗﻮﻟﻴﻠﻲ ﺍﻧﺘﻲ ﺷﻦ ﻗﺎﻟﻮﻟﻚ ..
ﻭﺟﻪ ﺯﻳﻨﺐ ﻭﻻ ﺍﺣﻤﺮ ﻭﺳﻜﺘﺖ ..
ﺣﻤﻴﺪﻩ : ﻫﻬﻬﻬﻬﻬﻬﻬﻬﻬﻬﻬﻪ ..
ﺷﺒﺤﺘﻠﻬﺎ ﺯﻳﻨﺐ ..
ﺣﻤﻴﺪﻩ ﺑﻀﺤﻜﻪ؛ﺑﺎﻫﻲ ﺍﻟﻠﻲ ﺟﻴﺖ ﻣﻌﺎﻙ ﻛﺎﻧﻬﺪﺍ ﻣﺎﺳﻤﻌﺘﺶ ﺍﻻ ﻧﻬﺎﺭ ﺟﻴﺎﺑﻚ .
ﺯﻳﻨﺐ ﻗﻌﺪﺕ ﺗﺸﻮﻓﻠﻬﺎ ﺑﻀﻴﻖ ..
ﺣﻤﻴﺪﻩ : ﻳﺎﻭﺩﻱ ﻋﺎﺩﻱ ﻭﺍﻟﻠﻪ ﻛﻠﻪ ﻗﺴﻢ ﻣﻦ ﺭﺑﻲ ﻭﺍﻟﺤﻤﺪ ﻟﻠﻪ .. ﻛﺎﻥ ﻋﻨﺪﻱ ﺣﺎﺟﻪ ﺗﻮ ﺗﺠﻴﻨﻲ ..
ﺍﺑﺘﺴﻤﺖ ﺯﻳﻨﺐ ﻭﺷﺪﺕ ﻉ ﻳﺪﻫﺎ ..
ﺣﻤﻴﺪﻩ ﺑﻀﺤﻜﻪ؛ﻛﻴﻒ ﺑﺘﻘﻮﻟﻴﻬﺎ ﻟﺼﻐﺎﺭﻙ ..
ﺯﻳﻨﺐ ﺿﺤﻜﺖ ﺑﺈﺣﺮﺍﺝ؛ﻣﺶ ﻋﺎﺭﻓﻪ ﻛﻴﻒ ﻭﺍﻟﻠﻪ ﻟﺘﻮﺍ ﻣﺎﻣﺼﺪﻗﻪ ..
ﺿﺤﻜﺖ ﺣﻤﻴﺪﻩ ..
🍃 ﻭﻛﻢ ﻣﻦ ﺿﺤﻜﻪ ﺿﺤﻜﻨﺎﻫﺎ ﻭﺭﺍﻫﺎ ﺍﻟﻒ ﻏﺼﻪ ﻭﻏﺼﻪ 🍃
🍁🍁🍁🍁🍁🍁
ﺷﻮﻳﻪ ﻭﺟﺎﻫﻢ ﻫﺎﻧﻴﺒﺎﻝ ..
ﻭﻣﺸﻮﺍ ﺑﻄﺮﻳﻘﻬﻢ ﻟﺤﻮﺵ ﻛﻔﺎﻳﻪ ﻭﺍﻟﺼﻤﺖ ﻛﺎﻥ ﺳﺎﺋﺪ ﺍﻟﻤﻜﺎﻥ ..
ﻭﻛﻠﻬﻢ ﺷﺎﻏﻠﻬﻢ ﺍﻟﺘﻔﻜﻴﺮ ..
ﻟﻌﻨﺪ ﻭﺻﻠﻮﺍ ﻗﺪﺍﻡ ﺣﻮﺷﻬﺎ ..
ﻧﺰﻟﻮﺍ ...
ﻭﻫﺎﻧﻴﺒﺎﻝ ﻭﻫﻮ ﻧﺎﺯﻝ ﺷﺒﺢ ﻟﺤﻮﺵ ﺟﻴﺮﺍﻥ ﺍﺧﺘﻪ ..
ﻭﻣﻌﺮﻭﻓﻴﻦ ﻣﻦ ﻫﻤﺎ ﺟﻴﺮﺍﻥ ﺍﺧﺘﻪ ..❤
🍁 ﺧﺸﻮﺍ ﻣﻦ ﺍﻟﺒﺎﺏ ﺍﻟﺒﺮﺍﻧﻲ ..
ﻃﻮﻝ ﻟﻠﺪﺧﻼﻧﻲ ﻭﻗﻌﺪﻭﺍ ﻳﻄﻘﻮﺍ ..
ﻃﻠﻌﺖ ﻛﻔﺎﻳﻪ ﻭﻓﺠﻨﺒﻬﺎ ﻧﻮﺭﻫﺎﻥ ..
ﻛﻔﺎﻳﻪ ﺑﻀﺤﻜﻪ : ﻳﺎﻫﻼ ﻭﻏﻼ ﻭﻛﺮﺗﻮﻥ ﺣﻼ ...
ﺿﺤﻜﻮﺍ ..
ﺧﺸﺸﺘﻬﻢ .. ﻭﺳﻠﻤﻮﺍ ﻉ ﺑﻌﺾ ..
ﻭﻫﺎﻧﻴﺒﺎﻝ ﻃﻮﻝ ﻗﺎﻡ ﻧﻮﺭﻫﺎﻥ ﻓﻐﻤﺮﻩ ﻭﻗﻌﺪ ﻳﻼﻋﺐ ﻓﻴﻬﺎ ..
🍁 ﻗﻌﻤﺰﻭﺍ ﻛﻠﻬﻢ ﻓﻲ ﺍﻟﺼﺎﻟﻪ ..
ﻛﻔﺎﻳﻪ : ﺷﻦ ﺩﺍﻳﺮ ﻋﻨﺪﻛﻢ ﻋﻤﻮﺩﺓ ..
ﻫﺎﻧﻴﺒﺎﻝ : ﻳﻬﻴﺞ ﻫﻮ ﻭﺧﻮﺍﻟﻪ ..
ﺣﻤﻴﺪﻩ : ﺭﻳﺘﻪ ﺍﻟﺼﺒﺢ ﻗﺒﻞ ﻟﻨﻄﻠﻌﻮﺍ ﻣﺘﻐﻴﺮ ﻭﺍﺟﺪ ﻛﻴﻒ ﺭﺍﺡ ﻃﻮﻳﻞ ﻭﻋﺮﻳﺾ ﻣﺎﺷﺎﺀ ﺍﻟﻠﻪ ..
ﻛﻔﺎﻳﻪ ﺑﻀﺤﻜﻪ؛ﺻﺎﻟﺔ ﺍﻟﺤﺪﻳﺪ ﻳﺎﺣﻨﻪ ..
ﺯﻳﻨﺐ : ﺣﺘﻰ ﺣﻤﺰﺓ ﺧﺶ ﻟﺼﺎﻟﻪ ..
ﻛﻔﺎﻳﻪ : ﻭﻣﺮﻭﺍﻥ ﺣﺘﻰ ﻫﻮ ﻟﺤﻖ ﻋﻤﺎﺩ ﻭﻣﺎﻟﻚ ..
ﻧﻮﺭ ﻗﻠﺒﻬﺎ ﺭﻗﺺ ﻣﺠﺮﺩ ﺍﻧﺬﻛﺮ ﺍﺳﻤﻪ ❤
ﻓﻲ ﻧﻔﺲ ﺍﻟﻮﻗﺖ ..
ﺍﻧﻔﺘﺢ ﺑﺎﺏ ﺍﻟﺤﻮﺵ ﺍﻟﺒﺮﺍﻧﻲ ..
ﻛﻔﺎﻳﻪ : ﻣﺎﻟﻚ ...
ﻧﻮﺭ ﺍﺑﺘﺴﻤﺖ .. ﻭﺭﺑﺎﺏ ﻭﺭﺍﻧﻴﺎ ﺷﺒﺤﻮﻟﻬﺎ ﻃﻮﻝ ..
ﻫﺎﻧﻴﺒﺎﻝ : ﻭﻳﻦ ﺳﻌﺪ ..
ﻛﻔﺎﻳﻪ : ﺳﻌﺪ ﻓﻲ ﺗﻮﻧﺲ ﻣﺎﺗﻌﺮﻓﺶ؟
ﻫﺎﻧﻴﺒﺎﻝ : ﻻ ﻭﺍﻟﻠﻪ ﻣﻨﻚ ﻧﺴﻤﻊ .. ﻟﻴﺶ ..
ﻛﻔﺎﻳﻪ : ﺑﻮﻩ ﺗﺎﻋﺐ ﺷﻮﻳﻪ ﻣﺸﻲ ﻣﻌﺎﻩ ..
ﺯﻳﻨﺐ : ﺷﻦ ﺻﺎﺭ ﻓﻴﻪ ..
ﻛﻔﺎﻳﻪ ﺗﻨﻬﺪﺕ ﻭﻗﺎﻟﺖ : ﺍﻟﺒﺎﻳﻦ ﺑﻴﺪﻳﺮﻭﻟﻪ ﻋﻤﻠﻴﻪ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﺭﺑﻲ ﻳﺸﻔﻴﻪ .. ﻻﺑﺎﺱ ..
ﺳﻤﻌﻮﺍ ﺻﻮﺕ ﺑﺎﺏ ﺍﻟﺤﻮﺵ ﺗﺼﻜﺮ ..
ﻧﻮﺭ ﻗﻠﺒﻬﺎ ﻧﺒﻀﺎﺗﻪ ﺯﺍﺩﺕ ﻗﻮﺕ ..
ﻉ ﺧﺸﺘﻪ ﻫﻮ .. ﺟﺖ ﻋﻴﻨﻬﺎ ﻓﻌﻴﻨﻬﺎ ﻃﻮﻝ ..
ﻧﺰﻟﺘﻬﻢ ..
ﻭﻫﻮ ﻭﺯﻉ ﻧﻈﺮﻩ ﻋﻠﻴﻬﻢ ﻭﻗﺎﻝ : ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺭﺩﻭﺍ : ﻭﻋﻠﻴﻜﻢ ﺍﻟﺴﻼﻡ ..
ﺑﺪﻱ ﺑﺎﻟﺴﻼﻡ ﻉ ﺧﺎﻻﺗﻪ .. ﺑﻌﺪﻳﻦ ﺧﺎﻟﻪ ..
ﻭﺑﻨﺎﺕ ﺧﺎﻻﺗﻪ ..
ﻭﻳﻦ ﻭﺻﻞ ﻓﻲ ﻧﻮﺭ ... ﻛﻌﺎﺩﺗﻪ ﺷﺪ ﻉ ﻳﺪﻫﺎ ..
ﺍﺑﺘﺴﻤﺖ ﻭﻫﻲ ﺗﺸﻮﻓﻠﻪ ﻭﻫﻮ ﺭﺩﻫﺎ ..
ﻭﻛﻔﺎﻳﻪ ﻣﺮﻛﺰﻩ ﻭﻣﺒﺘﺴﻤ?