المتمردين

العشق المتمرد

#العشق_المتمرد
#جمان_فريد
الجزء68

🍃 ﻃﻠﻊ ﻣﻦ ﺣﻮﺵ ﺻﺎﺣﺒﻪ ..
ﻭﻣﺎﺯﺍﻝ ﻣﺼﺪﻭﻡ ..
🍁 ﻫﻲ ﻛﺎﻧﺖ ﻭﺍﻗﻔﻪ ﺣﺪﺍ ﺑﺎﺏ ﺍﻟﻜﻮﺟﻴﻨﻪ ﻭﺗﺸﻮﻓﻠﻪ ﺑﺤﺰﻥ ..
ﺣﻜﺎﻟﻬﺎ ﺧﻮﻫﺎ ﻋﻦ ﻗﺼﺔ ﻣﻮﺕ ﻣﺠﺪﻭﻟﻴﻦ ﻭﺍﻟﻤﻜﺎﻟﻤﻪ ﺍﻟﻠﻲ ﺻﺎﺭﺕ ﺑﻴﻨﻪ ﻭﺑﻴﻦ ﻣﺠﺪﻭﻟﻴﻦ ﻗﺒﻞ ﻣﺎﺗﻤﻮﺕ ﺑﺘﻼﺗﻪ ..
ﻭﻛﺎﻥ ﺿﻮ ﻣﺤﺘﺎﺭ .. ﻳﺨﺒﺮ ﻫﺎﻧﻴﺒﺎﻝ ﻉ ﺍﻟﻤﻜﺎﻟﻤﻪ ﻭﻻﻻ ﺧﺎﻳﻒ ﻣﻦ ﺭﺩﺓ ﻓﻌﻠﻪ ..
ﻣﺮﺍﻡ ﻓﻜﺮﺕ ﻫﻠﺒﻪ .. ﻭﺣﻄﺖ ﺭﻭﺣﻬﺎ ﻓﻲ ﻣﻜﺎﻥ ﻣﺠﺪﻭﻟﻴﻦ ﻟﻘﺖ ﺍﻥ ﺍﺑﺴﻂ ﺣﻖ ﻣﻦ ﺣﻘﻮﻗﻬﺎ ﺑﻌﺪ ﻣﻮﺗﻬﺎ ﺍﻣﺎﻧﺘﻬﺎ ﺗﻮﺻﻞ ..
ﻭﻗﺎﻟﺖ ﻟﻀﻮ ﺧﺒﺮﻩ ...
🍁 ﺗﺸﻮﻓﻠﻪ ﻛﻴﻒ ﻃﻠﻊ ﻣﻦ ﺍﻟﺒﺎﺏ ﺍﻟﺒﺮﺍﻧﻲ ﻭﺧﻮﻫﺎ ﺻﻜﺮ ﻭﺭﺍﻩ ﺍﻟﺒﺎﺏ ..
ﺗﻨﻬﺪﺕ ﺑﺄﻟﻢ ﻭﺧﺸﺖ ﻟﻠﻜﻮﺟﻴﻨﻪ ..
ﺩﻣﻮﻋﻬﺎ ﻧﺰﻟﻮﺍ ...
ﻭﺟﻌﺘﻬﺎ ﻣﺠﺪﻭﻟﻴﻦ ... ﻭﻭﺟﻌﻬﺎ ﻫﻮ ...
🍃 ﻫﻮ
ﺍﻟﻠﻲ ﻛﺎﻥ ﻣﺼﻌﻮﻕ ﻣﻦ ﺍﻟﺨﺒﺮ ﺍﻟﻠﻲ ﺳﻤﻌﻪ ..
ﻭﺍﻷﻗﻮﻯ ﻣﻦ ﺍﻟﺨﺒﺮ ... ﻫﻮ ﺍﻟﻤﻜﺎﻟﻤﻪ ﺍﻟﻠﻲ ﺻﺎﺭﺕ ﺑﻴﻨﻬﺎ ﻭﺑﻴﻦ ﺿﻮ ..
⚡ ﻓﻼﺵ ﺑﺎﻙ ..
ﻣﻤﻜﻦ ﻗﺒﻞ ﺭﻣﻀﺎﻥ ﺑﺜﻼﺗﻪ ﺍﻳﺎﻡ ..
ﻛﻨﺖ ﻓﻲ ﺩﺍﺭﻱ .. ﻧﻮﺗﻲ ﻓﺮﻭﺣﻲ ﺑﻴﺶ ﻧﺮﻭﺡ ﻟﻠﺒﻼﺩ ..
ﺭﻥ ﻫﺎﺗﻔﻲ .. ﻛﺎﻥ ﺭﻗﻢ ﻏﺮﻳﺐ ﺭﺩﻳﺖ ﻃﻮﻝ ..
🍁 ﺷﻬﺮ ﻫﺎﻧﻴﺒﺎﻝ 2010/
ﺍﻟﺴﺎﻋﻪ 6:00 ﻣﺴﺎﺀﺍ ..
ﺿﻮ : ﺍﻳﻮﻩ ..
" ﺍﺳﺘﺎﺫ ﺿﻮ .. ﺍﻟﺴﻼﻡ ﻋﻠﻴﻜﻢ "
ﺿﻮ ﺑﺈﺳﺘﻐﺮﺍﺏ : ﻣﺠﺪﻭﻟﻴﻦ !
ﺍﺑﺘﺴﻤﺖ : ﺍﻳﻪ ﻣﺠﺪﻭﻟﻴﻦ ﻋﺮﻓﺘﻨﻲ ﻃﻮﻝ ..
ﺿﻮ ﺑﻀﺤﻜﻪ : ﺍﻛﻴﺪ ﺑﻨﺤﻔﻈﻪ ﺻﻮﺗﻚ .. ﻓﻤﺸﺮﻭﻋﻚ ﻗﻠﺒﺘﻴﻠﻲ ﺭﺍﺳﻲ ﺑﺈﺗﺼﺎﻻﺗﻚ ﻓﻲ ﻛﻞ ﻭﻗﺖ ..
ﻣﺠﺪﻭﻟﻴﻦ ﺑﻀﺤﻜﻪ : ﻷﻧﻲ ﻃﺎﻟﺒﻪ ﻣﺠﺘﻬﺪﻩ .
ﺿﺤﻚ ﺿﻮ : ﺍﻳﻪ ﻭﺍﺟﺪ ..
ﺿﺤﻜﺖ ﻣﺠﺪﻭﻟﻴﻦ ﺑﻌﺪﻳﻦ ﻗﺎﻟﺖ : ﺍﺣﻤﻢ .. ﺍﺳﺘﺎﺫ ﺷﻨﻮ ﺣﺎﻟﻚ ﻭﺷﻦ ﻣﺪﺍﻳﺮ ..
ﺿﻮ : ﺍﻟﺤﻤﺪ ﻟﻠﻪ ﻣﺎﺷﻲ ﺍﻟﺤﺎﻝ ..
ﻣﺠﺪﻭﻟﻴﻦ : ﺩﻭﻡ .. ﺍﺣﻤﻢ .. ﺑﻨﺴﺄﻟﻚ ..
🍁 ﻟﻤﺎ ﻗﺎﻟﺘﻠﻲ ﺑﻨﺴﺄﻟﻚ ﻃﻮﻝ ﻋﺮﻓﺖ ﺍﻧﻬﺎ ﺣﺘﺴﺄﻟﻨﻲ ﻋﻨﻚ ..
🍃 ﺿﻮ : ﺃﺳﺄﻟﻲ ..
ﻣﺠﺪﻭﻟﻴﻦ ﺑﺼﻮﺕ ﻣﺨﻨﻮﻕ ﺑﻌﺾ ﺍﻟﺸﻲ : ﺍﻩ .. ﺻﺎﺣﺒﻚ ... ﻫﺎﻧﻴﺒﺎﻝ ... ﺷﻦ .. ﺍﺧﺒﺎﺭﻩ ..
ﺿﻮ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻛﻮﻳﺲ ﻣﺎﺑﻴﺸﻲ ..
ﻣﺠﺪﻭﻟﻴﻦ ﺑﻠﻌﺖ ﺭﻳﻘﻬﺎ ﺑﻌﺪﻳﻦ ﻗﺎﻟﺖ : ﺍﺳﺘﺎﺫ .. ﺑﺼﺮﺍﺣﻪ .. ﻳﻮﻣﻬﺎ ..
🍁 ﺣﻜﺘﻠﻲ ﺍﻧﻬﺎ ﻋﺪﺕ ﻟﻤﺼﻮﺭ ﻭﺣﺪﻩ ﺗﻌﺮﻓﻬﺎ ﺗﺒﻴﻬﺎ ﻓﺸﻐﻞ .. ﺗﻔﺎﺟﺌﺖ ﺑﻴﻚ ﻭﻳﻦ ﺭﺍﺗﻚ ﻃﺎﻟﻊ ﻣﻨﻪ ﻭﻣﻌﺎﻙ ﺍﻟﻤﺼﻮﺭﺓ ﻭﻭﺿﻌﻜﻢ ﻳﺒﻴﻦ ﺍﻥ ﻓﻲ ﺷﻲ ﺑﻴﻨﺎﺗﻜﻢ ..
ﻭﻗﺎﻟﺖ ﺍﻥ ﺍﻟﻤﺼﻮﺭﺓ ﻫﻲ ﻧﻔﺴﻬﺎ ﺍﻟﻠﻲ ﺻﻮﺭﺗﻜﻢ ﻳﻮﻡ ﺍﻟﺒﻴﺎﻥ ...
🍃 ﻣﺠﺪﻭﻟﻴﻦ ﺑﻀﻴﻖ ﺷﺪﻳﺪ : ﺍﻧﻲ ﻣﺎﻓﻬﻤﺘﺶ .. ﺍﻟﻠﻲ ﺷﻔﺘﻪ ﻣﺎﻋﺮﻓﺘﺶ ﻛﻴﻒ ﻧﻔﺴﺮﻩ .. ﻳﻌﻨﻲ .. ﺑﺎﻟﻚ ﺍﻧﺖ ﺗﻌﺮﻑ .. ﺍﻧﺖ ﺻﺎﺣﺒﻪ ..
🍁 ﻭﺟﻌﺘﻨﻲ ﺍﻟﺤﻖ .. ﻟﻘﻴﺖ ﺭﻭﺣﻲ ﻧﺤﻜﻠﻴﻬﺎ ﻓﻲ ﺍﻟﻘﺼﻪ ﻛﺎﻣﻠﻪ ..
ﺍﺳﺘﻐﺮﺑﺖ ﻓﺮﺩﻫﺎ ..
🍃 ﻣﺠﺪﻭﻟﻴﻦ ﺑﻨﺒﺮﺓ ﺑﺎﻛﻴﻪ : ﻳﻌﻨﻲ ﻫﻲ ﻧﻔﺴﻬﺎ ﺍﻟﻠﻲ ﺣﻜﻮﺍ ﻋﻠﻴﻬﺎ ﻭﻗﺎﻟﻮﺍ ﺍﻧﻀﺮﺏ ﻉ ﺧﺎﻃﺮﻫﺎ .. ﻫﻲ ﻧﻔﺴﻬﺎ ﻋﺮﻭﺑﻪ ﺍﻟﻤﺼﻮﺭﺓ ! ؟
ﺿﻮ : ﺍﻳﻪ .. ﻫﻲ ﻧﻔﺴﻬﺎ ..
ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻫﺪﺍ ﻋﻼﺵ ﺗﻐﻴﺮ ﻫﻜﻲ .. ﻛﺎﻥ ﻳﺒﻲ ﻳﺴﻴﺒﻨﻲ ﻭﻣﺶ ﻋﺎﺭﻑ ﻛﻴﻒ .. ﻉ ﺧﺎﻃﺮﻫﺎ ..
ﺿﻮ : ﻫﻮ ﻣﺎﻛﺎﻧﺶ ﻳﺒﻲ ﻳﻈﻠﻤﻚ ﻣﻌﺎﻩ ﺭﺍﻫﻮ .. ﺍﻟﻠﻪ ﻏﺎﻟﺐ ﻳﺎﻣﺠﺪﻭﻟﻴﻦ ﻗﻠﺒﻪ ﻏﻠﺒﻪ ..
ﻣﺠﺪﻭﻟﻴﻦ ﺑﺄﻟﻢ : ﻋﺎﺭﻓﻪ ... ﺍﺻﻼ .. ﺣﺴﻴﺖ ﺑﻴﻪ ..
ﺿﻮ : ﻛﻠﻪ ﻧﺼﻴﺐ ﻓﻲ ﺍﻟﻨﻬﺎﻳﻪ ..
ﻣﺠﺪﻭﻟﻴﻦ ﺑﺼﻮﺕ ﻣﺨﻨﻮﻕ : ﺻﺪﻗﺖ ﻛﻠﻪ ﻧﺼﻴﺐ .. ﻭﺭﺑﻲ ﻳﺴﻌﺪﻫﻢ ﻭﻣﺎﻳﻔﺮﻗﻬﻢ ... ﺑﺲ ﻧﺒﻲ ﻧﻘﻮﻟﻚ ﺣﺎﺟﻪ ..
ﺿﻮ : ﺷﻨﻮ ..
ﻣﺠﺪﻭﻟﻴﻦ : ﺑﺎﻟﻠﻪ ﻋﻠﻴﻚ ﺳﻠﻤﻠﻲ ﻋﻠﻴﻪ .... ﻭﺍﻟﺴﻼﻡ ﺍﻣﺎﻧﻪ ..
ﺿﻮ ﺗﻨﻬﺪ ﻭﻗﺎﻝ : ﺇﻥ ﺷﺎﺀ ﺍﻟﻠﻪ ﻳﻮﺻﻞ ﺳﻼﻣﻚ
🍁 ﺑﻌﺪ ﺗﻔﻜﻴﺮ .. ﻟﻘﻴﺖ ﺍﻧﻲ ﻣﺶ ﻻﺯﻡ ﻧﺨﺒﺮﻙ ﻣﺎﻓﻴﺶ ﺩﺍﻋﻲ ﻧﻠﺨﺒﻄﻠﻚ ﻋﻘﻠﻚ .. ﻭﻻ ﻧﻔﺴﺪ ﻋﻠﻴﻚ ..
ﻟﻜﻦ ﺑﻌﺪ ﻋﺮﻓﺖ ﺍﻧﻬﺎ ﻣﺎﺗﺖ ... ﻣﻦ ﺍﺳﺒﻮﻋﻴﻦ ﺗﻘﺮﻳﺒﺎ ﺧﺒﺮﺗﻨﻲ ﺍﺳﺘﺎﺩﺓ ﺗﺮﺑﻄﻬﺎ ﺑﻴﻬﺎ ﻋﻼﻗﺔ ﻗﺮﺍﺑﻪ ..
ﻭﺍﻟﺨﺒﺮ ﻓﺠﻌﻨﻲ ﻭﻭﺟﻌﺘﻨﻲ ﻉ ﺍﻷﺧﺮ .. ﻟﻘﻴﺖ ﺍﻧﻲ ﻻﺯﻡ ﻧﺨﺒﺮﻙ ﻭﻧﻮﺻﻞ ﺍﻣﺎﻧﺘﻬﺎ ..
🍁🍁🍁🍁🍁🍁
⚡ ﺍﻟﻮﻗﺖ ﺍﻟﺤﺎﺿﺮ ..
ﺧﺶ ﻟﻠﻘﻄﻌﻪ ..
ﻭﻉ ﻭﺟﻬﻪ ﺑﺎﺩﻳﻪ ﻣﻼﻣﺢ ﺻﺪﻣﻪ ﻣﻤﺰﻭﺟﻪ ﺑﺎﻟﺤﺰﻥ ..
ﻳﻤﺸﻲ ﻭﻣﺶ ﻋﺎﺭﻑ ﻛﻴﻒ ﻳﻤﺸﻲ ..
ﺍﻟﺨﺒﺮ ﻛﺎﻥ ﺛﻘﻴﻞ ﻫﻠﺒﻪ .. ﺻﻌﺐ ﻋﻠﻴﻪ ...
> ﺍﺑﺘﺴﺎﻣﻪ : ﺻﺪﻓﻪ ﻭﻻﺑﺎﻟﻘﺼﺪ ﻛﻴﻒ ﺍﻟﻤﺮﺓ ﺍﻟﻠﻲ ﻓﺎﺗﺖ ..
ﻣﺠﺪﻭﻟﻴﻦ ﺑﺼﺪﻣﻪ : ﻻﻭﺍﻟﻠﻪ ﺍﻟﻤﺮﺓ ﻫﺎﺩﻱ ... ﺻﺪﻓﻪ !!
ﺿﺤﻚ .. ﻭﻭﺯﻉ ﻧﻈﺮﻩ ﻉ ﻣﻜﺎﻥ ..
ﻣﺠﺪﻭﻟﻴﻦ ﺑﻨﻈﺮﺓ ﺍﻋﺠﺎﺏ ﺷﺪﻳﺪ : ﻣﺠﺪﻭﻟﻴﻦ ...
ﺷﺒﺤﻠﻬﺎ : ﻳﺒﻴﻌﻮﺍ ﻓﻴﻬﺎ ﻫﻨﻰ؟ !
ﻣﺠﺪﻭﻟﻴﻦ : ﻫﻬﻬﻬﻬﻬﻬﻪ ... ﺍﺳﻤﻲ ﻣﺠﺪﻭﻟﻴﻦ ..
ﻫﺎﻧﻴﺒﺎﻝ ﺑﻀﺤﻜﻪ : ﻋﻠﻴﻚ ﺍﺳﺎﻣﻲ ..
ﻫﻲ ﺿﺤﻜﺖ ﺑﺮﻓﻌﺔ ﺣﻮﺍﺟﺐ ﻭﻗﺎﻟﺖ : ﻭﺍﻧﺖ ..
ﻫﺎﻧﻴﺒﺎﻝ : ﺷﻤﻌﺪﺍﻥ ..
ﻣﺠﺪﻭﻟﻴﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻫﻮ : ﻭﻃﻲ ﺣﺴﻚ ...
ﻫﻲ ﺣﻄﺖ ﻳﺪﻫﺎ ﻉ ﻓﻤﻬﺎ ﻭﺷﺒﺤﺘﻠﻪ ﺑﺮﻓﻌﺔ ﺣﻮﺍﺟﺐ ..
ﺍﻣﺎ ﻫﻮ ﺍﺑﺘﺴﻢ .. ﻭﻗﺎﻝ : ﻫﺎﻧﻴﺒﺎﻝ ...
ﻫﻲ ﻣﺎﺗﺖ ﻓﻲ ﺍﻹﺳﻢ ﺯﻱ ﻣﺎﻣﺎﺗﺖ ﻓﺼﺎﺣﺒﻪ ...
ﻣﺠﺪﻭﻟﻴﻦ ﺑﻬﻴﺎﻡ : ﻓﺮﺻﻪ ﺳﻌﻴﺪﺓ 💓
ﻫﺎﻧﻴﺒﺎﻝ : ﻛﻮﻳﺲ .. <<
🍁 ﺑﻴﻦ ﻋﻴﻮﻧﻪ ﻧﻈﺮﺍﺕ ﻋﻴﻮﻧﻬﺎ ﺍﻟﻠﻲ ﻣﺎﺭﻱ ﻣﻨﻬﻢ ﺍﻻ ﻛﻞ ﺣﺐ ..
ﻛﺎﻥ ﺑﺮﻏﻢ ﻋﺪﻡ ﺗﻘﺒﻠﻪ ﻟﺒﻌﺾ ﻣﻦ ﺳﻤﺎﺗﻬﺎ ﻭﺗﺼﺮﻓﺎﺗﻬﺎ ﺍﻻ ﺍﻧﻪ ﻛﺎﻥ ﻣﻨﺠﺬﺑﻠﻬﺎ ﻭﻣﺮﺗﺎﺡ ﻣﻌﺎﻫﺎ ..
ﺻﺢ ﻗﻠﺒﻪ ﻣﺎﺗﺤﺮﻛﻠﻬﺎﺵ .. ﺑﺲ ﺍﺳﺘﻠﻄﻒ ﻭﺟﻮﺩﻫﺎ .. ﻭﻗﺮﺑﻬﺎ ﻟﻴﻪ ..
ﻟﻜﻦ ﻫﻮ ﺗﻮﺍ ﺿﻤﻴﺮﻩ ﺑﻴﻘﺘﻠﻪ ﻣﻦ ﺍﻟﻌﺬﺍﺏ ..
ﺣﺎﺱ ﺭﻭﺣﻪ ﻇﺎﻟﻢ ..
ﻓﻬﺪﻳﻜﺎ ﺍﻟﺴﺎﻋﻪ ﻛﺮﻩ ﺭﻭﺣﻪ ..
ﺣﺲ ﺍﻧﻪ ﺧﺬﻟﻬﺎ ..
ﻭﻫﻲ ﻛﺎﻧﺖ ﺗﺤﺒﻪ ﻭﻣﺘﺄﻣﻠﻪ ﻓﻴﻪ ..
ﻭﻫﻮ ﺧﺬﻟﻬﺎ ﻟﻤﺎ ﺗﺨﻼ ﻋﻨﻬﺎ ﻭﺧﻼﻫﺎ ...
ﻭﺍﻟﺨﺬﻻﻥ ﺍﻣﺮ ﺷﻌﻮﺭ ..
💔 ﻟﻘﻲ ﺭﺟﻠﻴﻪ ﻭﺍﺧﺪﻳﻨﻪ ﻟﻠﺤﺎﻓﻪ ﺍﻟﻤﻄﻠﻪ ﻉ ﺍﻟﻮﺍﺩﻱ ﻓﻲ ﻗﻄﻌﺘﻬﻢ ..
ﻭﻗﻒ .. ﻭﻗﻌﺪ ﻳﺸﻮﻑ ﻗﺪﺍﻣﻪ ...
ﻭﺣﺲ ﺭﻭﺣﻪ ﻣﺨﻨﻮﻕ ﻭﺧﺎﻃﺮﻩ ﻳﺒﻜﻲ ..
ﻧﺰﻟﻮﺍ ﺩﻣﻮﻋﻪ ...
ﺑﺪﻱ ﻳﺒﻜﻲ ...
ﻭﺍﺟﻬﺶ ﺑﺎﻟﺒﻜﻲ ...
ﺣﻂ ﺍﻳﺪﻩ ﻓﻮﻕ ﻋﻴﻮﻧﻪ ﻭﻗﻌﺪ ﻳﺒﻜﻲ ﻭﻳﺒﻜﻲ ...
ﻭﺷﻌﻮﺭ ﺍﻟﺤﺰﻥ ﻣﺴﻴﻄﺮ ﻋﻠﻴﻪ ﻭﺿﻤﻴﺮﻩ ﻳﺰﻳﺪ ﻳﻌﺬﺏ ﻓﻴﻪ ﺃﻛﺜﺮ ﻭﺍﻛﺜﺮ ...
" ﻫﺎﻧﻴﺒﺎﻝ .."!!
ﻗﻌﺪ ﻳﻤﺴﺢ ﻓﺪﻣﻮﻋﻪ ﺑﻌﻨﻒ ..
ﺟﺎﻩ ﻃﻮﻝ ﻭﺣﻂ ﻳﺪﻩ ﻉ ﻛﺘﻔﻪ ﻭﻗﺎﻝ ﻭﻫﻮ ﻣﺨﻠﻮﻉ : ﺧﻴﺮﻙ ﺷﻦ ﻓﻲ ! ؟
ﻟﻒ ﻭﺟﻬﻪ ﻟﻠﺠﻬﺔ ﺍﻟﺘﺎﻧﻴﻪ ...
ﻋﻤﺮ ﻭﻫﻮﻣﺨﻠﻮﻉ : ﺧﻴﺮﻙ ﻗﻮﻝ ﻳﺎﺭﺍﺟﻞ ! ؟
ﻫﺎﻧﻴﺒﺎﻝ ﺑﺼﻮﺕ ﻣﺒﺤﻮﺡ : ﺷﻲ ..
ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ؛ﺳﻤﻌﺖ ﺑﻤﺠﺪﻭﻟﻴﻦ ..
ﺷﺒﺤﻠﻪ ﺑﺘﻔﻨﻴﺼﻪ : ﻗﺼﺪﻙ ﺗﻌﺮﻑ !!
ﻋﻤﺮ ﻫﺰ ﺭﺍﺳﻪ ﺑﺈﻳﺠﺎﺏ ...
ﻫﺎﻧﻴﺒﺎﻝ : ﻭﻟﻴﺶ ﻣﺎﻗﻠﺖ ﻟﻴﺶ !! ؟
ﻋﻤﺮ : ﺷﻦ ﺑﻨﻘﻮﻟﻚ .. ﻭﻻﻟﻴﺶ ﺑﻨﻘﻮﻟﻚ !
ﻫﺎﻧﻴﺒﺎﻝ : ﺣﺎﺟﻪ ﻛﻴﻒ ﻫﺪﻱ ﻻﺯﻡ ﻧﻌﻠﻢ ﺑﻴﻬﺎ ﻻﺯﻡ ...
ﻣﺸﻲ ﻋﻨﻪ ﻭﺧﻼﻩ ﻫﻮ ﻓﻘﻤﺔ ﺍﻷﻟﻢ ﻭﺍﻟﻀﻴﻖ ...
ﻋﻤﺮ ﺑﺄﺳﻒ : ﻻﺣﻮﻝ ﻭﻻﻗﻮﺓ ﺇﻻﺑﺎﻟﻠﻪ ..
🍃 ﻣﻊ ﺍﻟﻌﻠﻢ ﺍﻥ ﻫﺎﺩﻱ ﺍﻟﻤﺮﺓ ﺍﻷﻭﻟﻰ ﺍﻟﻠﻲ ﺗﻜﻠﻤﻮﺍ ﻓﻴﻬﺎ ﻋﻤﺮ ﻭﻫﺎﻧﻴﺒﺎﻝ ﻣﻊ ﺑﻌﺾ ﻣﻦ ﻫﺪﻳﻜﺎ ﺍﻟﻌﺮﻛﻪ 🍃
🍁🍁🍁🍁
ﺍﻟﻴﻮﻡ ﺍﻟﻠﻲ ﺑﻌﺪﻩ ...
...2011\2\15
ﺍﻟﺴﺎﻋﻪ 11:30 ﺻﺒﺎﺣﺎ
ﺍﺳﻤﻌﻲ ﺻﻔﺎﺀ ﻃﻴﺒﻲ ﺑﺰﺍﻳﺪ ﺣﻤﺎﺗﻲ ﺟﺎﻳﻪ ﻉ ﺍﻟﻐﺪﻱ ..
ﺻﻔﺎﺀ : ﺣﺎﺿﺮ ﻋﻤﺘﻲ ..
ﺻﻮﺕ ﺟﺮﺱ ﺍﻟﺤﻮﺵ ﺭﻥ ...
ﺻﻔﺎﺀ : ﻣﻨﻮ ﺯﻋﻤﻪ ..
ﻋﺰﻭﺯﺗﻬﺎ : ﺍﻟﻠﻪ ﺍﻋﻠﻢ ..
ﺻﻔﺎﺀ : ﻧﻄﻠﻊ ﻧﻔﺘﺢ؟
ﻋﺰﻭﺯﺗﻬﺎ : ﻻﻻﻋﻤﻚ ﺑﺮﺍ .. ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﺑﺮﺍ ..
ﺗﻮﺟﻪ ﺍﻟﺮﺍﺟﻞ ﺍﻟﺴﺘﻴﻨﻲ ﻟﻠﺒﺎﺏ ﻓﺘﺤﻪ ... ﺗﻔﺎﺟﺄ ﻉ ﺍﻵﺧﺮ ..
ﻟﻤﺎ ﺷﺎﻑ ﻃﻠﻴﻖ ﺑﻨﺘﻪ ﻭﺍﻗﻒ ﻗﺪﺍﻡ ﺍﻟﺒﺎﺏ .. ﺷﺒﻪ ﻟﺒﺴﻪ ﻛﻠﻪ ﺍﺳﻮﺩ
ﻭﻧﻈﺎﺭﺍﺕ ﺳﻮﺩ ﻉ ﻋﻴﻮﻧﻪ .. ﺑﺮﻏﻢ ﺍﻥ ﺍﻟﺠﻮ ﻣﺴﺤﺐ ..
ﻫﺎﻧﻴﺒﺎﻝ : ﺍﻟﺴﻼﻡ ﻋﻠﻴﻜﻢ ..
ﺃﺏ ﻣﺠﺪﻭﻟﻴﻦ ﺑﺄﻟﻢ : ﻭﻋﻠﻴﻜﻢ ﺍﻟﺴﻼﻡ .. ﺗﻔﻀﻞ ..
ﺧﺪﻱ ﻧﻔﺲ ﻭﺧﺶ ..
ﻭﺑﻮ ﻣﺠﺪﻭﻟﻴﻦ ﺻﻜﺮ ﺍﻟﺒﺎﺏ ..
ﻣﺪ ﻳﺪﻩ ﻫﺎﻧﻴﺒﺎﻝ ﻭﻗﺎﻝ : ﻋﻈﻢ ﺍﻟﻠﻪ ﺍﺟﺮﻛﻢ .. ﻣﺎﺳﻤﻌﺖ ﻛﺎﻥ ﺍﻣﺲ ..
ﺑﻮﻫﺎ ﺻﺎﻓﺤﻪ ﻭﻗﺎﻝ ﺑﺤﺰﻥ : ﺍﺟﺮﻧﺎ ﻭﺍﺟﺮﻙ ﻳﺎﻭﻟﺪﻱ ..
ﺩﺍﺧﻞ ...
ﻛﺎﻧﺖ ﺻﻔﺎﺀ ﺗﻀﻢ ﻓﻲ ﺍﻟﻜﻮﺟﻴﻨﻪ ..
ﺟﺘﻬﺎ ﻋﺰﻭﺯﺗﻬﺎ ﻃﻮﻝ ﻭﺩﻣﻮﻋﻬﺎ ﻳﻨﺰﻟﻮﺍ ﻗﺎﻟﺖ ﺑﺼﻮﺕ ﻳﺮﺟﻒ : ﻃﻠﻴﻖ ﻣﺠﺪﻭﻟﻴﻦ ..
ﺻﻔﺎﺀ ﺟﻤﺪﺕ ﻓﻤﻜﺎﻧﻬﺎ ﻭﻫﻲ ﺗﺸﻮﻓﻠﻬﺎ ﺑﺼﺪﻣﻪ ..
ﻭﻃﻮﻝ ﺩﻣﻌﺘﻬﺎ ﻧﺰﻟﺖ ...
🍁🍁🍁🍁🍁
ﺑﺎﻫﻲ ﻳﺎﺳﺘﻲ ﺗﻮ ﻧﺠﻴﺒﻪ ﻛﻠﻪ ... ﺧﻼﺹ ﺗﻮﺍ ﺑﻨﺨﺶ ﻟﻠﺴﻮﻕ .. ﺑﺎﻟﺴﻼﻣﻪ ..
ﺻﻜﺮ ... ﻭﺣﻂ ﻫﺎﺗﻔﻪ ﻗﺒﺎﻟﺘﻪ ..
ﻗﻌﺪ ﻳﻘﺪﻡ ﺑﺴﻴﺎﺭﺗﻪ ﻭﻫﻮ ﻳﺪﻭﺭ ﺑﻌﻴﻮﻧﻪ ﻓﻲ ﺍﻟﻤﻜﺎﻥ ..
ﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻠﺼﺪﻣﻪ ﻟﻤﺎ ﺷﺎﻑ ﺷﻲ ﻭﺟﻌﻠﻪ ﻗﻠﺒﻪ ﻭﺻﺪﻣﻪ ..
ﻭﻟﺪﻩ ﺍﻟﻠﻲ ﻋﺎﺑﻲ ﻋﻠﻴﻪ ﻓﻲ ﺍﻟﻤﺪﺭﺳﻪ ..
ﻟﻘﺎﻩ ﻣﺪﺍﻳﺮ ﻃﺎﻭﻟﻪ ﺍﻟﻌﺎﺏ ﺍﻃﻔﺎﻝ ﻭﺩﺭﺍﺑﻴﻚ ﻭﺷﺠﺮ ﺍﻟﻤﻴﻼﺩ ﻭﻳﺒﻴﻊ ..
ﻃﻮﻝ ﻗﻌﺪ ﻳﺪﻭﺭ ﻉ ﻣﻜﺎﻥ ﻳﺪﺭﺱ ﻓﻴﻪ .. ﻭﻟﻘﻲ ..
ﺩﺭﺱ ﺳﻴﺎﺭﺗﻪ ﻭﻧﺰﻝ ﻣﻨﻬﺎ ﻭﻣﺸﺎﻟﻪ ﻃﻮﻝ ..
ﻗﺺ ﺍﻟﻜﻴﺎﺱ ..
ﻭﻭﺻﻞ ﻓﻴﻪ .. ﻛﺎﻥ ﻳﺒﻴﻊ ﻟﺰﺑﻮﻥ ..
ﺳﻨﺪ : ﺗﻔﻀﻞ .. ﻭﻣﻴﻠﻮﺩﻙ ﻣﺒﺮﻭﻙ ..
ﺧﺪﻱ ﺍﻟﺰﺑﻮﻥ ﺣﺎﺟﺎﺗﻪ ﻭﻣﺸﻲ ..
" ﺳﻨﺪ .."!!
ﻓﻨﺺ ﻋﻴﻮﻧﻪ ﻭﺷﺒﺢ ﻃﻮﻝ ﺍﻳﻤﻴﻨﻪ : ﺑﻮﻱ !!
ﺧﻴﺮﻱ : ﻣﻔﺮﻭﺽ ﺍﻧﺖ ﻓﻤﺪﺭﺳﺘﻚ ﺗﻮﺍ ... ﺷﻦ ﻗﺎﻋﺪ ﺍﺩﻳﺮ ﻫﻨﻲ ؟؟ !!
ﺟﻲ ﺯﺑﻮﻥ ﻭﻗﻒ : ﺍﻟﺴﻼﻡ ﻋﻠﻴﻜﻢ ..
ﺷﺒﺤﻮﻟﻪ ﺍﻟﺰﻭﺯ ..
ﺳﻨﺪ ﻟﺒﻮﻩ : ﻟﺤﻈﻪ ﺷﻮﻳﻪ .. ﺷﺒﺢ ﻟﻠﺰﺑﻮﻥ .. ﺗﻔﻀﻞ ﺧﻮﻱ ..
ﻗﻌﺪ ﺍﻟﺰﺑﻮﻥ ﻳﻘﻮﻝ ﻟﺴﻨﺪ ﺷﻦ ﻳﺒﻲ ﻭﺳﻨﺪ ﻳﺘﻌﺎﻣﻞ ﻣﻌﺎﻩ ﻣﻌﺎﻣﻠﻪ ﻭﺍﺣﺪ ﻣﺘﻤﺮﺱ ﻓﻲ ﺍﻟﺨﺪﻣﻪ ﻫﺎﺩﻱ
ﺑﻮﻩ ﻗﻌﺪ ﻳﺸﻮﻓﻠﻪ ﺑﻌﺪﻡ ﺍﺳﺘﻴﻌﺎﺏ
ﺷﻦ ﺍﻟﻠﻲ ﺧﻼ ﺳﻨﺪ ﻳﺪﻳﺮ ﻫﻜﻲ ..
ﻛﻴﻒ ﻳﺨﻠﻲ ﻣﺪﺭﺳﺘﻪ ﻭﻳﺠﻲ ﻫﻨﻲ ﻭﻳﺨﺪﻡ ﻫﺎﻟﺨﺪﻣﻪ؟
ﺑﻌﺪ ﻛﻢ ﺧﻄﻮﺓ ﻭﻗﻌﻤﺰ ﻉ ﺭﻛﺎﺑﻪ ﻓﻲ ﻭﺍﺟﻬﺔ ﺍﺣﺪﻱ ﺍﻟﻤﺒﺎﻧﻲ ﺍﻟﺤﻜﻮﻣﻴﻪ ﺍﻟﻠﻲ ﻛﺎﻥ ﺳﻨﺪ ﻳﺒﻴﻊ ﻗﺮﻳﺐ ﻣﻨﻬﺎ
ﻭﻳﺮﺍﻗﺐ ﻓﻲ ﺍﻟﻠﻲ ﻳﺪﻳﺮ ﻓﻴﻪ ﻭﻟﺪﻩ
ﻭﺳﻨﺪ ﻛﺎﻥ ﻣﺮﺓ ﻣﺮﺓ ﻳﺸﻮﻓﻠﻪ
ﺷﻮﻳﻪ ﻭﻣﺸﻲ ﻟﺒﻮﻩ
ﺳﻨﺪ : ﺑﻮﻱ ..
ﺑﻮﻩ ﻳﺸﻮﻓﻠﻪ ﻭﻳﺮﺍﺟﻲ ﻓﻴﻪ ﻳﻜﻤﻞ ﻛﻼﻣﻪ ..
ﺳﻨﺪ ﻗﻌﻤﺰ ﻉ ﺭﻭﺱ ﺻﺒﺎﻉ ﺭﺟﻠﻴﻪ ﻭﻗﺎﻝ : ﻗﺎﻋﺪ ﻧﺨﺪﻡ ﻉ ﺭﺍﺳﻲ ﺯﻱ ﻫﺎﻟﻨﺎﺱ ﺍﻟﻠﻲ ﺗﺨﺪﻡ ..
ﺧﻴﺮﻱ : ﺑﺎﻫﻲ ﻋﻼﺵ؟ !
ﺳﻨﺪ : ﺑﻴﺶ ﻧﺴﺎﻋﺪﻙ ﻭﻧﺴﺎﻋﺪ ﺣﻤﺰﺓ ﻭﻧﺴﺎﻋﺪ ﻧﻔﺴﻲ .. ﺭﺍﻫﻮ ﻣﺶ ﺑﺲ ﺍﻧﺘﻢ ﺗﺘﺤﻤﻠﻮﺍ ﺍﻟﻤﺴﺆﻭﻟﻴﻪ ﺣﺘﻰ ﺍﻧﻲ ﻣﻌﺎﻛﻢ ..
ﺧﻴﺮﻱ ﻭﻫﻮ ﻣﺘﻔﺎﺟﺄ ﻉ ﺍﻷﺧﺮ : ﻭﻗﺮﺍﻳﺘﻚ ! ؟
ﺳﻨﺪ : ﻧﻘﺮﺍ ﻳﺎﺑﻮﻱ ﻧﻘﺮﺍ .. ﻣﻘﺴﻢ ﻭﻗﺘﻲ ﻭﻋﺎﺭﻑ ﺷﻦ ﻧﺪﻳﺮ ..
ﺑﻮﻩ ﻳﺸﺒﺤﻠﻪ ﻭﻣﺶ ﻣﺼﺪﻕ ﺑﻜﻞ .. ﺍﻣﺘﻰ ﺳﻨﺪ ﻛﺒﺮ ﻫﻜﻲ ﺍﻣﺘﻰ ﻭﻻ ﻫﻜﻲ !!
🍃 ﺍﺣﻴﺎﻧﺎ ﻗﺴﻮﺓ ﺍﻟﻈﺮﻭﻑ ﺗﻜﺒﺮﻧﺎ ﺳﻨﻴﻦ ﻭﺳﻨﻴﻦ ... ﻋﻘﻼ .. ﻭﺷﻜﻼ 🍃
🌴🌴🌴🌴🌴🌴🌴🌴🌴🌴
ﻳﺎﻭﺧﻴﺘﻲ ﺳﻠﻤﻪ ﺍﻟﺴﻤﺢ ﻳﺎﺭﺑﻲ .. ﺍﻣﻤﻤﻮﺍﻩ ..
ﻧﻌﻴﻤﻪ ﺑﻀﺤﻜﻪ : ﻭﻳﻦ ﺍﻣﻲ ..
ﻏﺎﻟﻴﻪ ﻭﻫﻲ ﻣﻘﻌﻤﺰﺓ ﻣﺠﺪ ﻓﺤﺠﺮﻫﺎ : ﻋﺪﺕ ﻟﺤﻮﺵ ﻋﻴﺖ ﺍﻟﺼﺎﺩﻕ
ﻧﻌﻴﻤﻪ : ﺧﻴﺮﻫﻢ ..
ﻏﺎﻟﻴﻪ : ﺑﻨﺘﻬﻢ ﻋﻴﺎﺩﻩ ﻭﺍﻛﻠﻪ ﻃﺮﻳﺤﻪ ﻧﺒﺎﺵ ﺍﻟﻘﺒﻮﺭ ﻣﻦ ﺭﺍﺟﻠﻬﺎ ﺭﻗﺪﻫﺎ ﻓﻲ ﺍﻟﻤﺴﺘﺸﻔﻰ
ﻧﻌﻴﻤﻪ ﺑﺼﺪﻣﻪ : ﻋﻼﺵ !!
ﻏﺎﻟﻴﻪ ﻭﻫﻲ ﺗﺸﻮﻑ ﻟﻤﺠﺪ ﻛﻴﻒ ﻧﺎﺽ ﻣﻦ ﺣﺠﺮﻫﺎ : ﺧﺪﻱ ﻋﻠﻴﻬﺎ ﻳﺎﺣﻨﻪ ﻭﺟﺎﺑﻬﻠﻬﺎ ﻟﻠﺤﻮﺵ .. ﺷﺒﺤﺖ ﻟﻨﻌﻴﻤﻪ .. ﻭﻫﻲ ﻻﺗﻌﻠﻢ ﻭﻻﺧﺎﻃﺮ ﻋﻠﻴﻬﺎ ﺣﺘﻰ ﺍﻟﺨﻄﻮﺭ ﻣﻨﻴﻦ ﺭﺗﻬﺎ ﻭﻗﺎﻟﻠﻬﺎ ﻣﺮﺗﻲ ﻗﻌﺪﺕ ﺗﺼﻜﺢ ﻓﻴﻪ ﻭﻗﻠﺒﺖ ﺍﻟﺪﻧﻴﺎ ﻉ ﺭﺍﺳﻪ ﻋﻄﺎﻫﺎ ﻃﺮﻳﺤﻪ
ﻧﻌﻴﻤﻪ : ﺑﺎﻫﻲ ﻣﺎﻟﻴﻬﺎ ﻣﺎﺩﺍﺭﻭ ﺷﻲ
ﻏﺎﻟﻴﻪ : ﻻ ﻭﻳﻦ ﻣﺎﺩﺍﺭﻭ ﺷﻲ ﻋﻠﻘﻮﺍ ﺧﻮﺗﻬﺎ ﻋﻠﻴﻪ ﻋﻄﻮﻩ ﻃﺮﻳﺤﻪ ﻗﺮﻳﺐ ﻗﺘﻠﻮﻩ
ﻧﻌﻴﻤﻪ : ﻳﺴﺘﺎﻫﻞ ﺍﻟﻜﻠﺐ .. ﻟﻜﻦ ﻫﻨﻲ ﺣﺎﻟﻪ ﺍﻟﺮﺟﺎﻟﻪ ﺍﻟﻠﻲ ﻫﺪﺍ ﺑﺪﻱ ﻳﺎﺧﺪ ﻉ ﻣﺮﺗﻪ ﻉ ﻓﺎﺿﻴﻪ ﻭﺍﻟﻤﻠﻴﺎﻧﻪ
ﺗﻨﻬﺪﺕ ﻏﺎﻟﻴﻪ ﺑﻀﻴﻖ ﻭﻗﺎﻟﺖ : ﻳﺎﺧﻮﻓﻲ ﻳﺎﻧﻌﻴﻤﻪ ﻉ ﺣﻤﻴﺪﻩ ..
ﻧﻌﻴﻤﻪ : ﻋﺰﻭﺯﺓ ﺍﻟﻬﻢ ﺷﻦ ﺩﺍﺭﺕ ﺗﺎﻧﻲ
ﻏﺎﻟﻴﻪ : ﺗﺴﻤﻊ ﻓﻴﻬﺎ ﻓﻲ ﻛﻼﻡ ﻉ ﺟﻴﺎﺏ ﺍﻟﻮﻟﺪ ﻭﻣﻦ ﻫﺎﻟﺪﻭﺓ
ﻧﻌﻴﻤﻪ : ﻣﺤﻠﻬﺎ ﺍﻟﻨﻬﺎﺭﺍﺕ ﺍﻟﺤﺮﻑ؛ ﻫﻲ ﻏﻴﺮ ﺍﻣﺘﻰ ﺟﺎﺑﺖ ﺑﺲ !!
ﻏﺎﻟﻴﻪ : ﺍﻟﻌﺰﻭﺯ ﻋﻄﻴﻬﺎ ﻣﺎﻳﺮﻓﻌﻬﺎ ﻭﺧﻼﺹ
ﻧﻌﻴﻤﻪ : ﺍﻱ ﻭﺍﻟﻠﻪ .. ﺑﺘﺠﻲ ﻫﻲ
ﻏﺎﻟﻴﻪ : ﻻ ﻓﻤﺼﺮﺍﺗﻪ ﺗﺪﻫﻮﺭ ..
ﺍﺑﺘﺴﻤﺖ ﻧﻌﻴﻤﻪ .
ﺑﺮﺍ
ﺣﻨﺎﻱ ﺧﻴﺮﻫﺎ ﺍﻟﻨﻌﺠﻪ ﻫﺪﻳﻜﺎ
ﻓﺎﻃﻤﻪ ﺑﻀﺤﻜﻪ : ﻫﺪﻱ ﺣﺎﻣﻞ ﻳﺎﺣﻨﻪ ﻣﻈﻨﻬﺎ ﺍﻟﻴﻮﻡ ﺗﺠﻴﺐ
ﻧﻮﺭ ﺑﺤﻤﺎﺱ : ﺍﻟﻠﻪ !! ﻻﻻ ﻣﺎﺩﺧﻠﻴﺶ ﺑﻨﺤﻀﺮ ﺟﻴﺎﺑﻬﺎ
ﻓﺎﻃﻤﻪ : ﻫﻬﻬﻬﻬﻬﻬﻪ
ﻗﻄﻊ ﻋﻠﻴﻬﻢ ﺻﻮﺕ ﻛﻼﺱ ﺳﻴﺎﺭﺓ ﻣﺎﻟﻚ
ﺍﻟﺘﻔﺘﺖ ﻧﻮﺭ ﺷﺎﻓﺖ ﺍﻟﺴﻴﺎﺭﺓ ﻗﻠﺒﻬﺎ ﻭﻻ ﻓﻲ 💓1000
ﻗﺪﻣﺖ ﺍﻟﺤﺎﺟﻪ ﻓﺎﻃﻤﻪ ﻭﻫﻲ ﻣﺒﺘﺴﻤﻪ ﺑﻔﺮﺡ .. ﻭﻃﻠﻌﺖ ﻣﻦ ﺍﻟﺰﺭﻳﺒﻪ ..
ﻗﻌﺪﻭﺍ ﻫﻲ ﻭﻧﻮﺭ ﻳﺸﻮﻓﻮﺍ ﻓﻲ ﻛﻔﺎﻳﻪ ﻛﻴﻒ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺑﻨﺘﻬﺎ ﻗﺒﻠﻬﺎ ﺗﺠﺮﻱ ﻟﺤﻨﺎﻫﺎ ..
ﻓﺎﻃﻤﻪ ﻭﻫﻲ ﻓﺎﺗﺤﻪ ﺍﻳﺪﻳﻬﺎ : ﻣﺮﺣﺒﺘﻴﻦ ﻣﺮﺣﺒﺘﻴﻦ
ﻭﻃﺒﺴﺖ ﺣﻀﻨﺘﻬﺎ
ﻭﻧﻮﺭ ﺗﺸﻮﻓﻠﻬﻢ ﺑﺈﺑﺘﺴﺎﻣﻪ
ﻭﺻﻠﺖ ﻓﻴﻬﻢ ﻛﻔﺎﻳﻪ : ﺍﻣﻲ .. ﻭﻗﺪﻣﺖ ﻭﺳﻠﻤﺖ ﻋﻠﻴﻬﺎ ..
ﻧﻮﺭ ﻏﻴﺮﺕ ﻋﻴﻮﻧﻬﺎ ﻟﻤﺎﻟﻚ ﻟﻘﺎﺗﻪ ﻳﻨﺰﻝ ﻓﻲ ﺍﻟﺤﺎﺟﺎﺕ ﻣﻦ ﺍﻟﺴﻴﺎﺭﺓ
ﺻﻜﺮ ﺍﻟﻜﻮﻓﻨﻲ ﻭﺷﺒﺤﻠﻬﺎ
ﺍﺑﺘﺴﻤﺖ ..
ﺍﺳﺘﺎﻗﻀﺖ ﻟﻜﻔﺎﻳﻪ ﺧﺎﻟﺘﻬﺎ ﻭﻫﻲ ﺗﻀﺮﺏ ﻓﻴﻬﺎ ﻉ ﺫﺭﺍﻋﻬﺎ : ﻏﻴﺮ ﺳﻠﻤﻲ ﺑﺎﻫﻲ ..
ﻣﺎﺗﺖ ﺑﺎﻟﺨﺠﻞ .. ﻭﺳﻠﻤﺖ ﻉ ﺧﺎﻟﺘﻬﺎ ﻭﻫﻲ ﻣﺘﺤﺸﻤﻪ ﻉ ﺍﻵﺧﺮ ﻭﻛﻔﺎﻳﻪ ﺗﻀﺤﻚ ﻋﻠﻴﻬﺎ
ﻣﺎﻟﻚ ﺍﺑﺘﺴﻢ ﻭﻣﺸﻲ ﺟﻬﺔ ﻣﻤﺮ ﻓﻢ ﺍﻟﺒﻮﺍﺑﻪ ﻭﺣﻂ ﺍﻟﺤﺎﺟﺎﺕ ﺍﻟﻠﻲ ﺟﺎﺑﻬﻢ ﻟﻘﻲ ﺧﺎﻻﺗﻪ ﻏﺎﻟﻴﻪ ﻭﻧﻌﻴﻤﻪ ﻳﺮﺍﺟﻮ ﻣﻦ ﻳﺨﺶ ..
ﺣﻂ ﺍﻟﺤﺎﺟﺎﺕ ﻭﻗﻌﺪ ﻳﺴﻠﻢ ﻋﻠﻴﻬﻢ ..
ﺧﺸﻮﺍ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﻛﻔﺎﻳﻪ ﻭﻓﺎﻃﻤﻪ ﻭﻧﻮﺭ ..
ﺍﻭﻝ ﻣﺎﺧﺸﺖ ﻧﻮﺭﻫﺎﻥ ﺍﺳﺘﻠﻤﻬﺎ ﻣﺠﺪ .. ﻭﻃﻮﻝ ﺟﺒﺪﻫﺎ ﻣﻦ ﺷﻌﺮﻫﺎ ..
ﻛﻔﺎﻳﻪ : ﻻﺍﺍﺍﻻﺍﺍﺍﺍﺍ .. ﻭﻗﻌﺪﺕ ﺗﻔﻚ ﻓﻲ ﺑﻨﺘﻬﺎ ﻣﻦ ﻣﺠﺪ ﻭﻛﻠﻬﻢ ﻳﻀﺤﻜﻮﺍ ..
ﻛﻔﺎﻳﻪ : ﻧﻌﻴﻴﻴﻴﻴﻤﻪ ﻭﻟﺪﻙ ﻳﺎﻧﻌﻴﻤﻪ
ﻭﻧﻌﻴﻤﻪ ﻣﻴﺘﻪ ﺑﺎﻟﻀﺤﻚ .. ﻣﺸﺘﻠﻪ ﻃﻮﻝ ﻭﻗﺎﻣﺎﺗﻪ ﻭﻫﻲ ﺗﻘﻮﻝ : ﻋﻴﺐ ﺑﻨﺖ ﺧﺎﻟﺘﻚ ..
ﻣﺠﺪ : ﺣﻤﺎﻟﻪ ﻫﺎﺩﻱ ..
ﻛﻔﺎﻳﻪ : ﻭﺍﺍﺍﺍﻙ ﻳﺎﻛﺒﺪﻱ ﺷﻦ ﻫﺪﺍ
ﺿﺤﻜﻮﺍ ..
ﻭﻧﻮﺭ ﻭﻣﺎﻟﻚ ﻳﺴﺮﻗﻮﺍ ﻓﻲ ﺍﻟﻨﻈﺮ ﻟﺒﻌﺾ ﻭﻳﺘﺒﺎﺩﻟﻮﺍ ﻓﻲ ﺍﻹﺑﺘﺴﺎﻣﺎﺕ ..
ﺑﻌﺪﻳﻦ ﻣﺎﻟﻚ ﻗﺎﻝ : ﻣﺎﻗﺎﻋﺪ ﺣﺪ ..
ﻏﺎﻟﻴﻪ : ﻻﻣﻬﻨﺎﻙ ﺣﺪ ..
ﻣﺎﻟﻚ : ﺗﻤﺎﻡ .. ﺍﻧﻲ ﺭﺍﻛﺐ ﻓﻮﻕ ..
ﻛﻔﺎﻳﻪ : ﻧﺰﻟﺖ ﻛﻞ ﺷﻲ ..
ﻣﺎﻟﻚ : ﺍﻳﻪ ..
ﺷﺒﺢ ﻟﻨﻮﺭ .. ﺑﻌﺪﻳﻦ ﻟﻒ ﻭﻣﺸﻲ ..
ﻭﻫﻲ ﻣﻌﺎﻩ ﺑﻌﻴﻮﻧﻬﺎ ..
ﻟﻴﻦ ﻭﺻﻞ ﻓﻢ ﺍﻟﺒﻮﺍﺑﻪ ..
ﺗﻠﻔﺖ ﻏﻤﺰﻟﻬﺎ ﻭﺍﺑﺘﺴﻢ ..
ﻫﻲ ﺍﺑﺘﺴﻤﺖ ﺑﺨﺠﻞ ﻭﻧﺰﻟﺖ ﻋﻴﻮﻧﻬﺎ ..
ﻭﻫﻮ ﺿﺤﻚ .. ﺑﻌﺪﻳﻦ ﻛﻤﻞ ﻃﺮﻳﻘﻪ ..
ﻏﺎﻟﻴﻪ : ﺑﻴﺠﻲ ﻣﺮﻭﺍﻥ ..
ﻛﻔﺎﻳﻪ : ﺍﻳﻪ ﺍﻟﻌﺸﻴﻪ ﻫﻮ ﻭﻋﻤﺎﺩ ..
ﻏﺎﻟﻴﻪ : ﺍﻳﺎﺍﺍﺍﻩ ﻛﺒﻴﺮﺓ ..
ﺿﺤﻜﺖ ﻛﻔﺎﻳﻪ ..
ﻓﺎﻃﻤﻪ : ﺍﻳﻪ ﺷﻦ ﺣﺎﻝ ﻋﺮﺑﻚ؟ !
🍃 ﺯﻣﺎﻥ ﻫﻠﺒﻪ ﻭﺍﻟﺼﻐﺎﺭ ﺻﻐﻴﺮﻳﻦ ﺑﺎﻟﻤﺮﺓ ﻛﺎﻧﻮﺍ ﻛﻞ ﻣﻮﻟﺪ ﺿﺮﻭﺭﻱ ﻳﺘﻼﻗﻮﺍ .. ﺑﺲ ﺑﻌﺪ ﺑﺪﻭﺍ ﺍﻟﺼﻐﺎﺭ ﻳﻜﺒﺮﻭﺍ ﺧﻔﻔﻮﺍ ﻣﻦ ﺟﻴﺎﺗﻬﻢ ﻭﺧﻠﻮﻫﺎ ﺗﻘﺘﺼﺮ ﻉ ﺍﻷﻋﻴﺎﺩ ﻭﺍﻟﻤﻨﺎﺳﺒﺎﺕ ﺧﻮﻓﺎ ﻣﻦ ﺍﻱ ﺍﺿﺮﺍﺭ ﺗﺼﻴﺮ ﺑﺴﺒﺐ ﻃﻘﻮﺱ ﺍﻟﻠﻴﺒﻴﻦ 🎆 ﻓﻲ ﺍﻹﺣﺘﻔﺎﻝ ﺑﺎﻟﻤﻮﻟﺪ
ﻫﺎﻟﻤﺮﺓ ﻗﺮﺭﻭﺍ ﻳﻠﺘﻤﻮﺍ ﺑﻄﻠﺐ ﻣﻦ ﺑﻮﻫﻢ ﺍﻟﻠﻲ ﺣﺐ ﻳﻌﺘﺬﺭ ﺑﻄﺮﻳﻘﺘﻪ ﻉ ﻛﻼﻣﻪ ﻟﻴﻬﻢ ﺍﺧﺮ ﻣﺮﺓ 🍃...
🍁🍁🍁🍁🍁
ﺍﻟﺴﺎﻋﻪ 1:15 ﺑﻌﺪ ﺍﻟﻈﻬﺮ ..
ﺍﻟﻤﻄﺮ ﺗﺼﺐ ﺑﻘﻮﺓ ...
ﻭﻫﻮ ﻛﻴﻒ ﺧﺶ ﻟﻠﻘﺒﻴﻠﻪ ﺑﺎﻟﺴﻴﺎﺭﺓ ..
ﻛﺎﻧﺖ ﻧﻔﺴﻴﺘﻪ ﺗﺎﻋﺒﻪ ﻉ ﺍﻵﺧﺮ ..
ﺍﻟﻤﻄﺮ ﺗﺼﺐ ﻭﻫﻮ ﻣﺎﺯﺍﻝ ﻻﺑﺲ ﺍﻟﻨﻈﺎﺭﺓ ﻣﺎﺑﺎﺵ ﻳﺤﻮﻟﻬﺎ ..
ﻭﻻﺑﻲ ﻣﻨﻈﺮ ﺍﺏ ﻭﺍﻡ ﻃﻠﻴﻘﺘﻪ ﻳﺮﻳﺢ ﻣﻦ ﻋﻴﻮﻧﻪ ..
ﻟﻌﻨﺪ ﻣﺎﺭﻥ ﺗﻠﻴﻔﻮﻧﻪ ..
ﺗﺄﻓﻒ ﻭﺷﺎﻑ ﻣﻦ ﺍﻟﻤﺘﺼﻞ ... ﻟﻘﺎﻩ ﻣﻴﻼﺩ .. ﺭﺩ ﻃﻮﻝ ..
ﻫﺎﻧﻴﺒﺎﻝ : ﺍﻳﻮﻩ ........... ﺍﻳﻪ ﻓﻲ ﺍﻟﻘﺒﻴﻠﻪ ........... ﺗﻤﺎﻡ .. ﺗﻤﺎﻡ ... ﺻﻜﺮ ﻭﺣﻂ ﺍﻟﺘﻠﻴﻔﻮﻥ ﻣﻘﺎﺑﻠﻪ ..
ﻭﻏﻴﺮ ﻃﺮﻳﻘﻪ ﻟﻤﺪﺭﺳﺔ ﺭﺯﺍﻥ ..
ﻭﺻﻞ ﻓﻴﻬﺎ .. ﻟﻘﻲ ﺭﺯﺍﻥ ﻗﺪﺍﻣﻪ ..
ﻛﻠﻜﺲ ..
ﺟﺎﺗﻪ ﺗﺠﺮﻱ ﻭﺭﻛﺒﺖ ﺟﻨﺒﻪ ..
ﺭﺯﺍﻥ : ﻋﻤﻮ ﺷﻦ ﺟﻮ ..
ﺍﺑﺘﺴﻤﻠﻬﺎ : ﻛﻴﻒ ﻣﺎﺗﺸﻮﻓﻲ ﻓﻴﻪ ..
ﺿﺤﻜﺖ ﺭﺯﺍﻥ ..
ﻭﺗﺤﺮﻙ ﻫﺎﻧﻴﺒﺎﻝ ..
ﻫﺎﻧﻴﺒﺎﻝ : ﺷﻨﻮ ﺷﺎﻃﺮﻩ ﻓﻲ ﺍﻟﻤﺪﺭﺳﻪ ﻭﻻ ﺣﻤﺎﺭﺓ ..
ﺭﺯﺍﻥ ﺑﻀﺤﻜﻪ : ﺃﺳﺄﻝ ﻋﻠﻴﺎ ﻣﺎﺗﺴﻤﻊ ﻛﺎﻥ ﺍﻟﻠﻲ ﻳﺸﺮﻓﻚ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻓﻴﻚ ﺣﺎﺟﺎﺕ ﺳﻤﺤﻪ ﻭﺍﺟﺪﻩ .. ﻗﺮﺻﻬﺎ ﻣﻦ ﺧﺪﻫﺎ ﺑﻘﻮﺓ .. ﻭﻓﻴﻚ ﺣﺎﺟﺎﺕ ﺧﻴﻴﻲ ﻛﺎﻥ ﻳﺘﺤﻮﻟﻦ ﺗﻮﻟﻲ ﺍﺣﺴﻦ ﻭﺣﺪﻩ ..
ﺭﺯﺍﻥ ﺗﺘﻮﺟﻊ ﻭﻫﻲ ﺗﻀﺤﻚ : ﺍﺍﺍﻩ .. ﺑﺎﻫﻲ ﺧﻼﺹ ..
ﺿﺤﻚ ﻭﺣﻮﻝ ﻳﺪﻩ ..
ﻭﻛﻤﻠﻮﺍ ﻭﻫﻤﺎ ﻳﻬﺪﺭﺯﻭﺍ ﻟﻌﻨﺪ ﻣﺎ ..
ﺭﺯﺍﻥ : ﺍﺑﻠﻪ ﻣﺮﺍﻡ !
ﻫﺎﻧﻴﺒﺎﻝ : ﻣﻦ ﺍﺑﻠﻪ ﻣﺮﺍﻡ ..
ﺭﺯﺍﻥ ﺗﺄﺷﺮﻟﻪ : ﺍﻟﻠﻲ ﺗﺠﺮﻱ ﻫﺪﻳﻚ ..
ﻫﺎﻧﻴﺒﺎﻝ ﺷﺒﺤﻠﻬﺎ : ﺧﻴﺮﻫﺎ ﻫﺪﻱ ﻏﺒﻴﻪ ! ﻛﻴﻒ ﺗﺮﻭﺡ ﻉ ﻛﺮﻋﻴﻬﺎ ﻓﻲ ﺟﻮ ﻛﻴﻒ ﻫﺪﻯ ..
ﺭﺯﺍﻥ : ﻣﺮﺍﺕ ﻣﺎﺟﺎﻫﺎ ﺣﺪ .. ﺧﻞ ﻧﺼﺒﻮﻟﻬﺎ ﻋﻤﻮ ..
ﻫﺎﻧﻴﺒﺎﻝ؛ﺗﻌﺮﻓﻲ ﻭﻳﻦ ﺗﺴﻜﻦ ..
ﺭﺯﺍﻥ : ﻫﺪﻱ ﺑﻨﺖ ﻋﻴﺖ ﻋﺒﻮﺩﺓ .. ﺍﺧﺖ ﺻﺎﺣﺒﻚ ﺿﻮ ..
ﻫﺎﻧﻴﺒﺎﻝ ﻃﻮﻝ ﺗﺤﺮﻙ ﺟﻴﻬﺘﻬﺎ ..
ﻭﺻﻞ ﺟﻨﺒﻬﺎ .. ﻛﻠﻜﺲ ..
ﺷﺒﺤﺖ ﺟﻨﺒﻬﺎ ﺍﻧﺼﺪﻣﺖ ..
ﺭﺯﺍﻥ ﺗﺄﺷﺮﻟﻬﺎ ﺑﻤﻌﻨﻰ ﺍﺭﻛﺒﻲ .. ﻭﻣﺪﺕ ﻳﺪﻫﺎ ﻟﻠﺨﻠﻒ ﻭﻓﺘﺤﺖ ﺍﻟﺒﺎﺏ ..
ﻣﺮﺍﻡ ﺑﺘﺮﺩﺩ .. ﻣﺸﺖ ﻟﻠﺒﺎﺏ ..
ﻓﺘﺤﺎﺗﻪ ﻭﺭﻛﺒﺖ ﺑﺪﻭﻥ ﻭﻻﺣﺮﻑ ..
ﺻﻜﺮﺕ ﺍﻟﺒﺎﺏ ..
ﻭﻗﻌﺪﺕ ﺗﺸﺒﺢ ﻟﻠﺮﻭﺷﻦ .. ﻭﺟﻬﻬﺎ ﺍﺣﻤﺮ ﺯﻱ ﺍﻟﻄﻤﺎﻃﻢ ..
ﺗﺤﺮﻙ ﻫﺎﻧﻴﺒﺎﻝ ﻭﻫﻮ ﻳﻘﻮﻝ : ﺧﻮﺗﻚ ﻭﻳﻦ ..
ﻫﻲ ﺭﻋﺸﺖ ﻣﻊ ﺑﻌﻀﻬﺎ ﻣﺎﻗﺪﺭﺗﺶ ﺗﺘﻜﻠﻢ ..
ﺭﺯﺍﻥ : ﺍﺑﻠﻪ ﻣﺮﺍﻡ ﻋﻤﻮ ﻳﻜﻠﻢ ﻓﻴﻚ ..
ﻣﺮﺍﻡ ﺭﺩﺕ ﻉ ﺭﺯﺍﻥ : ﻣﺎﻓﻲ ﺣﺪ ﻣﻨﻬﻢ ﻓﺎﺿﻲ .. ﻭﺑﻌﺪﻳﻦ ﺍﻟﺤﻮﺵ ﻣﺶ ﺑﻌﻴﺪ ﻭﺍﺟﺪ ﻋﻦ ﺍﻟﻤﺪﺭﺳﻪ ..
ﻫﺎﻧﻴﺒﺎﻝ ﻣﺎﺑﺎﺵ ﻳﻌﻠﻖ ﺑﻌﺪ ﺷﺎﻓﻬﺎ ﻣﺎﺑﺘﺶ ﺗﺮﺩ ﻋﻠﻴﻪ ..
ﻛﻤﻠﻮﺍ ﺍﻟﻄﺮﻳﻖ ﻭﻣﺮﺍﻡ ﻭﺟﻬﻬﺎ ﻣﻦ ﻉ ﺍﻟﺮﻭﺷﻦ ﻣﺤﻮﻻﺗﺎﺵ ..
ﺑﺮﻏﻢ ﺑﺮﻭﺩﺓ ﺍﻟﺠﻮ .. ﻟﻜﻦ ﻛﺎﻧﺖ ﺣﺎﺳﻪ ﺭﻭﺣﻬﺎ ﺳﺎﺧﻨﻪ ﻫﻠﺒﻪ ﻭﻛﺎﻥ ﺗﻠﻘﻰ ﺗﻤﺮﻭﺡ ﻉ ﺭﻭﺣﻬﺎ ...
ﺣﺎﺳﻪ ﺑﺸﻌﻮﺭ ﻋﺠﻴﺐ ﻭﻫﻲ ﻓﺴﻴﺎﺭﺗﻪ .. ﺷﻌﻮﺭ ﻓﻮﻕ ﺷﻌﻮﺭﻫﺎ ﺍﻟﻤﻌﺮﻭﻑ ..
ﺷﻌﻮﺭ ﻣﺨﻠﻴﻬﺎ ﺧﺎﻃﺮﻫﺎ ﺗﺘﻨﻬﺪ ....
ﻭﻉ ﻗﺪ ﻣﺎﺣﺎﻭﻟﺖ ﺗﺤﺒﺲ ﻫﺎﻟﺘﻨﻬﻴﺪﻩ .. ﻣﺎﻗﺪﺭﺗﺶ .. ﻃﻠﻌﺖ ﺑﺲ ﻛﺎﻧﺖ ﻣﻜﺘﻮﻣﻪ ..💓
ﻓﺠﺄﺓ ..
ﻛﺢ ﻫﺎﻧﻴﺒﺎﻝ ﺑﻘﻮﺓ ..
ﻫﻲ ﻗﻠﺒﻬﺎ ﻓﺰ .. ﺷﺒﺤﺘﻠﻪ ﻃﻮﻝ ... ﻭﻛﻞ ﻛﺤﻪ ﻛﺎﻧﺖ ﺗﺤﺲ ﻓﻴﻬﺎ ﻓﻮﺳﻂ ﻗﻠﺒﻬﺎ ...
ﻭﻛﺎﻧﺖ ﺗﺘﻤﻨﻰ ﻟﻮ ﺗﻘﺪﺭ ﺗﻘﻮﻟﻪ ﺷﻦ ﻳﺪﻳﺮ ﻳﺶ ﻳﺘﺠﻨﺐ ﺗﻄﻮﺭ ﻫﺎﻟﻜﺤﻪ ﻟﻠﻤﺮﺽ ..
ﺑﺲ ﺻﻌﺐ ﻣﺎﺗﻘﺪﺭﺵ ..
ﺭﺯﺍﻥ : ﺑﺘﻤﺮﺽ ﻋﻤﻮ ﺷﻜﻠﻚ ..
ﻫﺎﻧﻴﺒﺎﻝ : ﻻﻋﺎﺩﻱ ﺗﻤﺸﻲ ..
ﺭﺯﺍﻥ : ﻟﻤﺎ ﺗﺮﻭﺡ ﻗﻮﻟﻠﻬﻢ ﻳﺪﻳﺮﻭﻟﻚ ﺯﻧﺠﻴﺒﻞ ﻣﻐﻠﻲ ..
ﻫﺎﻧﻴﺒﺎﻝ ﺍﺑﺘﺴﻢ : ﺩﻳﺮﻳﻪ ﺍﻧﺘﻲ ..
ﺿﺤﻜﺖ ﺭﺯﺍﻥ : ﺣﺎﺿﺮ ..
ﺍﺑﺘﺴﻤﺖ ﻭﻫﻲ ﺗﺸﻮﻑ ﻟﻠﺮﻭﺷﻦ ..
ﻭﺻﻠﻮﺍ ﻟﺤﻮﺵ ﺍﻫﻠﻬﺎ ..
ﻛﻴﻒ ﺟﺖ ﺑﺘﻔﺘﺢ ﺍﻟﺒﺎﺏ ﻭﻗﻔﺖ ﻟﻤﺎ ﺳﻤﻌﺎﺗﻪ ﻗﺎﻝ ..
" ﺍﺳﺘﻨﻲ .."
ﺷﺒﺤﺘﻠﻪ ﻃﻮﻝ ..
ﻟﻘﺎﺗﻪ ﻃﻠﻊ ﺣﺎﺟﻪ ﻣﻦ ﺗﺤﺖ ﺭﺟﻠﻪ ...
ﻧﺰﻝ ﻣﻦ ﺍﻟﺴﻴﺎﺭﺓ ﻭﻫﻮ ﻳﻘﻮﻝ : ﻳﺎﺭﺏ ..
ﻓﺘﺢ ﺍﻟﺴﺤﺎﺑﻪ .. ﻭﻟﻒ ﻉ ﺍﻟﺴﻴﺎﺭﺓ ﻟﻴﻦ ﺟﻲ ﺟﻴﻬﺘﻬﺎ
ﻗﻌﺪﺕ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﺷﺎﻓﺎﺗﻪ ﻳﺄﺷﺮﻟﻬﺎ ﺑﺶ ﺗﻨﺰﻝ .
ﻓﺘﺤﺖ ﺍﻟﺒﺎﺏ ﻭﻫﻲ ﺗﺤﺎﻭﻝ ﺗﺘﻤﺎﺳﻚ ﻉ ﻗﺪ ﻣﺎﺗﻘﺪﺭ ..
ﻭﺑﺤﻜﻢ ﺍﻧﻪ ﻛﺎﻥ ﻓﻲ ﻣﺴﺎﻓﻪ ﺑﻴﻦ ﺑﺎﺏ ﺣﻮﺷﻬﺎ ﻭﺍﻟﻄﺮﻳﻖ ..
ﻫﻮ ﺩﺍﺭ ﻫﻜﻲ ..
ﺣﻂ ﺍﻟﺴﺤﺎﺑﻪ ﻓﻮﻗﻬﺎ ﺣﺘﻰ ﻫﻲ ﻣﻌﺎﻩ ..
ﻫﻲ ﺣﺴﺖ ﺑﺸﻌﻮﺭ ﺣﻠﻮ ﻗﻮﻱ ﺑﺎﻟﻤﺮﺓ ...
ﻣﺎﻗﺪﺭﺗﺶ ﺗﻤﻨﻊ ﻧﻔﺴﻬﺎ ﻣﻦ ﺍﻧﻬﺎ ﺗﻘﻴﻢ ﻋﻴﻮﻧﻬﺎ ﻓﻌﻴﻮﻧﻪ ..
ﻛﺎﻥ ﻻﺑﺲ ﻧﻈﺎﺭﺍﺕ ﺳﻮﺩ ﺻﺢ .. ﺑﺲ ﻋﻴﻮﻧﻪ ﻛﺎﻧﻮﺍ ﻳﺒﺎﻧﻮﺍ ..
ﻧﻈﺮﺓ ﻋﻴﻮﻧﻬﺎ ..
ﺧﻼﺗﻪ ﻳﺮﺟﻊ ﻳﺤﺲ ﺑﻬﺪﺍﻛﺎ ﺍﻟﺸﻌﻮﺭ ﺍﻟﻐﺮﻳﺐ ﺍﻟﻠﻲ ﻣﺶ ﻗﺎﺩﺭ ﻳﺘﺮﺟﻤﻪ ...
ﺿﻴﻖ ﻋﻴﻮﻧﻪ .. ﻭﻗﺮﻥ ﺣﻮﺍﺟﺒﻪ ..
ﻫﻲ ﻧﺰﻟﺖ ﻋﻴﻮﻧﻬﺎ .. ﻭﻗﻌﺪﺕ ﺗﻤﺸﻲ ﻭﻫﻲ ﺗﺒﻠﻊ ﻓﺮﻳﻘﻬﺎ ..
ﻣﺸﺖ ﻭﻗﻌﺪ ﻳﻤﺸﻲ ﻣﻌﺎﻫﺎ ﻟﻠﺒﺎﺏ ..
ﺭﺯﺍﻥ ﻭﻫﻲ ﺗﺸﻮﻓﻠﻬﻢ : ﻃﺎﻟﻌﻪ ﻋﻠﻴﻪ ﺍﻛﺘﺮ ﻣﻦ ﻫﺪﻳﻜﺎ ﺍﻟﻌﺰﻭﺯ " ﻗﺼﺪﻫﺎ ﻋﺮﻭﺑﻪ "😂
ﻭﺻﻠﺖ ﻓﻲ ﺍﻟﺒﺎﺏ : ﺷﻜﺮﺍ ..
ﻫﺎﻧﻴﺒﺎﻝ ﺷﺒﺤﻠﻬﺎ ﺷﻮﻳﻪ ﻭﻫﻲ ﺗﻔﺘﺢ ﻓﻲ ﺍﻟﺒﺎﺏ .. ﺷﺒﺢ ﻟﻴﺪﻫﺎ ﻟﻘﺎﻫﺎ ﺗﺮﻋﺶ ..
ﺭﻓﻊ ﺣﻮﺍﺟﺒﻪ .. ﺑﻌﺪﻳﻦ ﻟﻒ ﻭﻣﺸﻲ ﺑﺪﻭﻥ ﻣﺎﻳﻘﻮﻝ ﺷﻲ ..
ﻫﻲ ﻃﻮﻝ ﺧﺸﺖ ﻭﺻﻜﺮﺕ ﺍﻟﺒﺎﺏ ..
ﺍﺗﻜﺖ ﻋﻠﻴﻪ ﺑﺠﺒﻬﺘﻬﺎ ﻭﻗﻌﺪﺕ ﺗﺎﺧﺪ ﻓﻲ ﺍﻧﻔﺎﺳﻬﺎ ﺑﺼﻌﻮﺑﻪ ﻭﻫﻲ ﻣﻐﻤﻀﻪ ﻋﻴﻮﻧﻬﺎ .. ﻭﺩﻣﻮﻋﻬﺎ ﻃﻮﻝ ﻧﺰﻟﻮﺍ ...
ﺍﻣﺎ ﻫﻮ ..
ﺭﻛﺐ ﺍﻟﺴﻴﺎﺭﺓ ﻭﻗﺎﻝ : ﺷﻜﻠﻬﺎ ﻣﺶ ﻃﺒﻴﻌﻴﻪ ..
ﺭﺯﺍﻥ ﺑﻀﺤﻜﻪ؛ﻛﻴﻒ ..
ﻫﺎﻧﻴﺒﺎﻝ؛ﻣﺶ ﻋﺎﺭﻑ ﺣﺴﻴﺘﻬﺎ ﻣﺶ ﺻﺎﻓﻴﻪ ..
ﺭﺯﺍﻥ : ﺑﺎﻟﻌﻜﺲ ﺍﺑﻠﻪ ﻣﺮﺍﻡ ﺗﺠﻨﻦ ﺍﻟﻤﺪﺭﺳﻪ ﻛﻠﻬﺎ ﺗﺤﺒﻬﺎ ﻭﻛﻠﻬﻢ ﻣﺤﺘﺮﻣﻴﻨﻬﺎ ﺣﺘﻰ ﺍﻟﻤﺪﻳﺮ .. ﺗﻘﺮﻱ ﻓﻴﻨﺎ ﻓﻲ ﺍﻟﻜﻴﻤﻴﺎﺀ .. ﺷﺮﺣﻬﺎ ﻳﻬﺒﻞ ﻳﻬﺒﻞ .. ﺯﻣﺎﻥ ﻛﺎﻧﺖ ﺗﻌﻄﻲ ﻟﻠﺴﺎﺩﺱ ﻭﺗﻮﺍ ﻟﻠﺜﺎﻧﻴﻪ ﺗﺎﻧﻮﻱ .. ﺑﻌﺪ ﻗﻌﺪﺕ ﺗﻘﺮﺍ ﻓﻲ ﺍﻟﺠﺎﻣﻌﻪ .. ﺧﺎﻃﺮﻱ ﻧﻮﻟﻲ ﻛﻴﻔﻬﺎ .. ﺍﻟﻨﺎﺱ ﻛﻠﻬﺎ ﺗﺤﺒﻨﻲ ﻭﺗﺤﺘﺮﻣﻨﻲ ﻭﺍﻟﺮﺟﺎﻟﻪ ﻭﻳﻦ ﻳﺸﻮﻓﻮﻧﻲ ﻳﻨﺰﻟﻮﺍ ﻋﻴﻮﻧﻬﻢ ﻟﻮﻃﺎ ..
ﻫﺎﻧﻴﺒﺎﻝ ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﻟﻤﺎ ﺳﻤﻊ ﻛﻼﻡ ﺭﺯﺍﻥ ﻋﻦ ﻣﺮﺍﻡ ..
ﺑﻌﺪﻳﻦ ﺷﺒﺢ ﻟﺮﺯﺍﻥ ﻭﻗﺎﻝ : ﻣﺮﺑﻴﻬﺎ ﺷﻴﺦ ﻃﺒﻴﻌﻲ ﺗﻜﻮﻥ ﻫﻜﻲ ..
ﺭﺯﺍﻥ : ﻭﺣﺘﻰ ﺍﻧﻲ ﺑﺎﺑﺎ ﺷﻴﺦ ﻭﻳﺄﺫﻥ ﻓﻲ ﺍﻟﺠﺎﻣﻊ ﻭﻳﺼﻠﻲ ﺑﺎﻟﻨﺎﺱ .
ﺿﺤﻚ ﻫﺎﻧﻴﺒﺎﻝ ﻭﻗﺎﻝ ﻓﺴﺮ " ﺳﻌﻴﺪﻩ ﻭﺭﺍﻩ ﻭﺭﺑﻲ ﻳﺮﻋﺎﻩ "
ﺭﺯﺍﻥ ﺑﺮﻓﻌﻪ ﺣﺎﺟﺐ : ﻟﻴﺶ ﺗﻀﺤﻚ ..
ﺣﻂ ﺻﺒﻌﻪ ﻉ ﺣﺎﺟﺒﻬﺎ ﻭﻗﺎﻝ : ﺗﺮﻓﻌﻴﻪ ﻗﺪﺍﻣﻲ ﻣﺮﺓ ﺗﺎﻧﻴﻪ ﻧﺤﻠﻘﻪ ..
ﺿﺤﻜﺖ ﺭﺯﺍﻥ ﻭﺷﺒﺤﺖ ﺍﻟﻘﺪﺍﻡ ..
ﻭﻫﻮ ﺣﻮﻝ ﻳﺪﻩ ﻭﻫﻮ ﻣﺒﺘﺴﻢ ﻭﻃﻮﻝ ﺗﺤﺮﻙ ﺑﺎﻟﺴﻴﺎﺭﺓ ..
🍁🍁🍁🍁
ﻓﻲ ﺍﻟﻜﻮﺟﻴﻨﻪ ..
" ﺷﻨﻮﻭﻭﻭﻭﻭ؟ "!!!
ﻏﺎﻟﻴﻪ ﺑﻀﺤﻜﻪ : ﻭﺍﻟﻠﻪ ﻛﻴﻒ ﻣﺎﻧﺤﻜﻠﻴﻜﻦ ..
ﻛﻔﺎﻳﻪ : ﻫﺪﺍ ﻛﻞ ﻋﺸﺮﺓ ﺳﻨﻴﻦ ﻳﺨﻄﺐ ﻭﺣﺪﻩ ﻓﻴﻨﺎ !
ﺿﺤﻜﺖ ﻏﺎﻟﻴﻪ ..
ﻧﻌﻴﻤﻪ : ﺑﺎﻫﻲ ﻭﺷﻦ ﻗﻠﺘﻮﺍ ﻧﺘﻲ ﻭﺳﻴﺪﻱ ﻭﺍﻣﻲ ..
ﻏﺎﻟﻴﻪ : ﻻ ﻳﺎﺣﻨﻪ ﻭﺳﺘﻴﻦ ﻻ .. ﻫﺪﻯ ﺍﻟﻠﻲ ﻧﺎﻗﺺ ﻧﺼﻴﻢ ﻧﺼﻴﻢ ﻭﻧﻔﻄﺮ ﻉ ﺣﺴﻦ .. ﻧﻘﻌﺪ ﻫﻜﻲ ﻃﻮﻝ ﻋﻤﺮﻱ ﻭﻻﻧﺎﺧﺪﻩ ..
ﻛﻔﺎﻳﻪ : ﺍﺣﺴﻦ ﻣﺎﺩﺭﺗﻲ .. ﻭﻓﻮﻕ ﻫﻜﻲ ﻓﺮﻳﻖ ﺭﻳﺎ ﻭﺳﻜﻴﻨﻪ ﺍﻟﻠﻲ ﻋﻨﺪﻫﻢ ﻻ ﻳﺎﻛﺒﺪﻱ .. ﺣﺘﻰ ﺍﻟﻠﻲ ﺩﺍﺭﺍﺗﻪ ﺯﻳﻨﺐ ﻟﺮﺍﻧﻴﺎ ﻋﺠﺒﻨﻲ .. ﺗﺨﺎﻳﻠﻲ ﺑﺎﻟﻠﻪ ﺭﺍﻧﻴﺎ ﺗﻮﻟﻲ ﻛﻨﺔ ﺳﻌﻴﺪﻩ ﻭﺍﻟﻠﻔﻌﻪ ﺭﺯﺍﻥ ﺣﻤﺎﺗﻬﺎ ﻭﻭﻙ ﻋﻠﻴﺎ ﻳﺎﻛﺒﺪﻱ ..
ﻏﺎﻟﻴﻪ ﺑﻀﻴﻖ : ﻭﺭﻣﺰﻱ ﺷﻦ ﺫﻧﺒﻪ ﻳﺎﻛﻔﺎﻳﻪ ..
ﻛﻔﺎﻳﻪ : ﺑﺎﻟﻠﻪ ﻓﻜﻴﻨﻲ ..
ﻧﻌﻴﻤﻪ : ﺻﺢ .. ﺩﻭﺓ ﻓﺎﺿﻴﻪ ﻳﺎﻏﺎﻟﻴﻪ ﻣﺎﺩﺍﻡ ﻫﺪﻯ ﺣﺎﻝ ﺍﻣﻪ ﻣﻊ ﺯﻳﻨﺐ ﻭﺍﻟﻠﻪ ﻣﺎﺻﺎﻳﺮ ﻣﻨﻬﻢ ..
ﺗﻨﻬﺪﺕ ﻏﺎﻟﻴﻪ ﺑﻀﻴﻖ ﻭﺳﻜﺘﺖ ..
ﻟﻌﻨﺪ ﻣﺎﺳﻤﻌﻮﺍ ﺻﻮﺕ ﺳﻴﺎﺭﺓ ..
ﻏﺎﻟﻴﻪ : ﻫﺎﻧﻴﺒﺎﻝ ..
ﻛﻔﺎﻳﻪ : ﻟﻴﻪ ﻣﺪﺓ ﻣﺎﺟﺎﻧﻴﺶ ..
ﻏﺎﻟﻴﻪ : ﺍﻧﻈﺮ ﺧﻴﺮﻩ ﺍﻟﻤﺪﺓ ﺍﻻﺧﻴﺮﺓ ﺟﻮﻩ ﻣﺶ ﻋﺎﺟﺒﻨﻲ ﺑﻜﻞ ..
ﻧﻌﻴﻤﻪ : ﻣﺘﻌﺎﺭﻙ ﻫﻮ ﻭﻋﺮﻭﺑﻪ ﺑﺎﻟﻚ؟
ﻛﻔﺎﻳﻪ : ﻋﺎﺩﻱ ﺗﺼﻴﺮ .
ﻧﻌﻴﻤﻪ : ﻟﻌﻨﺪ ﺗﻮﺍ ﻣﺎﺳﻤﻌﺶ ﺑﻤﺠﺪﻭﻟﻴﻦ ! ؟
ﻏﺎﻟﻴﻪ : ﻣﺎﻧﻴﺶ ﻋﺎﺭﻓﻪ ..
ﺷﻮﻳﻪ ﻭﺧﺶ ﻋﻠﻴﻬﻢ ..
ﻫﺎﻧﻴﺒﺎﻝ : ﺟﻴﺘﻦ ...
ﻛﻔﺎﻳﻪ ﺑﻀﺤﻜﻪ : ﺟﻴﻨﺎ ..
ﻗﺪﻡ ﻭﺳﻠﻢ ﻋﻠﻴﻬﻢ ﻭﺳﺄﻟﻮﺍ ﻋﻦ ﺣﺎﻝ ﻭﺍﺣﻮﺍﻝ ﺑﻌﺾ ..
ﺍﻟﻐﺮﻳﺐ ﺍﻧﻪ ﻭﻫﻮ ﺩﺍﺧﻞ ﻓﻲ ﺍﻟﻜﻮﺟﻴﻨﻪ ﻣﺎﺣﻮﻟﺶ ﻧﻈﺎﺭﺍﺗﻪ ﺍﺳﺎﺳﺎ ﺟﻮ ﺍﻟﻴﻮﻡ ﻣﺎﻳﺒﻴﺶ ﻟﺒﺲ ﻧﻈﺎﺭﺍﺕ ..
ﻭﻏﻴﺮ ﻫﻜﻲ ﺣﺴﻮﻩ ﻣﺶ ﻣﺰﺑﻮﻁ ﻳﺪﻭﺏ ﻳﺮﺩ ﻉ ﺍﺳﺄﻟﺘﻬﻢ ﻭﺑﺲ ..
ﺷﻮﻳﻪ ﻭﻃﻠﻊ ﻣﻦ ﺣﺪﺍﻫﻢ ﺑﺶ ﻳﺮﻛﺐ ﻟﻤﺎﻟﻚ ..
ﻧﻌﻴﻤﻪ : ﺟﺮﺗﻪ ﺳﺎﻣﻊ ﺑﻤﺠﺪﻭﻟﻴﻦ ..
ﻛﻔﺎﻳﻪ : ﻟﻴﻬﺎ ﻟﺘﻮﺍ ﻓﻮﻕ 5 ﺷﻬﻮﺭ ﻫﺪﺍ ﻭﻳﻦ ﺳﻤﻊ ..
ﻏﺎﻟﻴﻪ : ﺍﻟﻠﻪ ﺃﻋﻠﻢ .. ﺗﻨﻬﺪﺕ ﺑﺄﻟﻢ ﻭﻗﺎﻟﺖ .. ﺍﻟﻠﻪ ﻳﺮﺣﻤﻬﺎ ..
🍃 ﻋﻠﻤﻬﻢ ﺑﻤﻮﺕ ﻣﺠﺪﻭﻟﻴﻦ ﺑﻌﺪ ﺍﺳﺒﻮﻉ ﻣﻦ ﻭﻓﺎﺗﻬﺎ ﺑﺤﻜﻢ ﺟﻴﺮﺓ ﺍﻫﻞ ﻣﺠﺪﻭﻟﻴﻦ ﻟﺤﻤﺎﺓ ﻧﻌﻴﻤﻪ .. ﻭﻣﺎﺑﻮﺵ ﻳﺤﻜﻮﺍ ﺧﻮﻓﺎ ﻣﻦ ﺗﺄﺛﻴﺮ ﺍﻟﺨﺒﺮ ﻋﻠﻴﻪ 🍃
🍁🍁🍁🍁🍁
ﻣﻊ ﺍﻟﻌﺸﻴﻪ ..
ﺟﺖ ﺯﻳﻨﺐ ...
ﻭﺟﺎﺑﻬﺎ ﺧﻴﺮﻱ .. ﻭﻣﺎﺟﻲ ﻣﻌﺎﻫﺎ ﺣﺪ ﺍﺧﻄﺎ ﺭﺑﺎﺏ ﻭﺭﻭﺍﻥ ..
ﻭﺭﺍﻧﻴﺎ ﻗﻌﺪﺕ ﻣﺠﺒﺮﺓ ﻣﻊ ﺧﻮﺗﻬﺎ ﺳﻨﺪ ﻭﺣﻤﺰﺓ 🍃
🍁 ﺍﻟﻤﺴﻜﻴﻦ ﺭﻣﺰﻱ ... ﻟﻤﺎ ﻭﺻﻠﻪ ﺧﺒﺮ ﺍﻥ ﻋﻤﺘﻪ ﺯﻳﻨﺐ ﺑﺘﺠﻲ ﻓﺮﺡ ﻗﺮﻳﺐ ﻃﺎﺭ .. ﻭﻳﻮﻣﺘﻬﺎ ﺭﻭﺡ ﻟﺤﻮﺷﻬﻢ ..
ﺑﺲ ﻟﻸﺳﻒ ﺧﺎﺏ ﺍﻣﻠﻪ ﻟﻤﺎ ﻋﺮﻑ ﺍﻧﻬﺎ ﻣﺎﺟﺘﺶ ..
ﻭﺯﺍﺩ ﺍﻧﻐﻢ ﺍﻛﺜﺮ ﻭﺍﻛﺜﺮ ...
ﻭﻭﻻ ﻣﺮﺓ ﺗﺎﻧﻴﻪ ﻟﺸﻘﺔ ﺧﺎﻟﻪ ..
ﺳﻌﻴﺪﻩ : ﺟﻲ ﻣﻦ **** ﻟﻬﻨﻰ ﻋﺸﺎﻧﻬﺎ ﻳﺎﺣﻨﻪ ..
ﺭﺯﺍﻥ : ﻟﻤﺎ ﻣﺎﺟﺘﺶ ﺯﻳﻨﺐ ﻓﻲ ﺍﻟﻌﻴﺪ ﺑﻌﺪ ﺍﻟﻠﻲ ﺻﺎﺭ ﻭﺳﻤﻊ ﺑﻴﻬﺎ ﺟﺎﻳﻪ ﺗﻮﺍ ﻳﺤﺴﺎﺑﻬﺎ ﺧﻼﺹ ..
ﺳﻌﻴﺪﻩ ﺑﻀﻴﻖ : ﺑﺎﻫﻲ ﻟﻌﻨﺪ ﺍﻣﺘﻰ ﺣﺎﻟﻪ ﻫﺪﻯ ﻟﻴﻪ ﻓﻮﻕ 6 ﺷﻬﻮﺭ ﻣﺨﻠﻴﻨﺎ ﻭﻻ ﺩﻭﺭ ﻭﻻ ﻋﺪﻝ .. ﻭﻻﺣﺘﻰ ﻗﺎﻡ ﺗﻠﻴﻔﻮﻥ ﻭﻧﺸﺪ ..
ﺭﺯﺍﻥ : ﻳﻀﺮﺑﻪ ﺍﻟﺤﻴﻂ ﻭﻳﻮﻟﻲ ﻣﺎﺩﻭﺭﻳﺶ .. ﻧﺎﺿﺖ .. ﺧﻞ ﺑﻨﻌﺪﻱ ﻧﻘﺮﺍ ..
ﺳﻌﻴﺪﻩ : ﺷﻦ ﺻﺎﺭ ﻣﻌﺎﻙ ﻓﻲ ﺑﻨﺖ ﻧﺠﺎﺓ ..
ﺭﺯﺍﻥ ﺑﻀﺤﻜﻪ : ﻧﺠﺤﻨﺎﻫﺎ ﺍﻟﺴﻨﻪ ﺍﻟﻠﻲ ﻓﺎﺗﺖ ﺑﺠﻴﺪ ﺍﻟﺴﻨﻪ ﻫﺪﻱ ﺑﺠﻴﺪ ﺟﺪﺍ ﺇﻥ ﺷﺎﺀ ﺍﻟﻠﻪ ..
ﺿﺤﻜﺖ ﺳﻌﻴﺪﻩ : ﻛﻮﻳﺲ ﻛﻮﻳﺲ ..
ﻟﻔﺖ ﺭﺯﺍﻥ ﻭﻣﺸﺖ ﻟﺪﺍﺭﻫﺎ ﻭﻫﻲ ﺗﻀﺤﻚ ..
🍁🍁🍁🍁🍁
ﻣﻘﻌﻤﺰﺓ ﺗﻠﺒﺲ ﻓﻲ ﺑﻨﺘﻬﺎ ﺍﻟﺸﺨﺸﻴﺮ ﻭﺗﺴﻤﻊ ﻓﻲ ﺍﺧﺘﻬﺎ ﻭﻫﻲ ﺗﺸﻜﻲ ..
ﻋﺮﻭﺑﻪ : ﻻﻋﺎﺩ ﺍﺗﺼﻞ ﻻﻋﺎﺩ ﺩﻭﺭ ﻭﻻﺷﻲ ..
ﻋﻮﺩﺓ : ﻣﻦ ﻳﻮﻣﻚ ﻫﻜﻲ ﻳﺎﻋﺮﻭﺑﻪ ﺍﺩﻳﺮﻱ ﺍﻟﺤﺎﺟﺔ ﻭﺗﻨﺪﻣﻲ ﻋﻠﻴﻬﺎ ..
ﻋﺮﻭﺑﻪ ﺑﻀﻴﻖ : ﻫﻮ ﺍﻟﺴﺒﺐ ﻫﻮ ﻳﺒﻲ ﻳﻔﺮﺽ ﻋﻠﻴﺎ ﺍﻟﺸﻲ ﻓﺮﺽ ﻳﻘﻮﻟﻲ ﻳﺎﺍﻧﻲ ﻳﺎﺧﺪﻣﺘﻚ ﻛﻴﻒ ﻫﻜﻲ ﺑﺲ ..
ﻋﻮﺩﺓ : ﺗﻌﺮﻓﻲ ﺷﻦ ﻣﺸﻜﻠﺘﻚ .. ﺍﻧﻚ ﺗﻌﺮﻓﻲ ﻛﻮﻳﺲ ﻃﺒﻊ ﻫﺎﻧﻴﺒﺎﻝ ﻭﻣﻊ ﻫﺪﺍ ﺗﺘﺼﺮﻓﻲ ﺑﻐﺒﺎﺀ ﻳﺎﻋﺮﻭﺑﻪ ..
ﻋﺮﻭﺑﻪ : ﻣﺶ ﺑﻐﺒﺎﺀ ﻳﺎﻋﻮﺩﺓ ... ﺗﺴﻠﻄﻪ ﻫﻮ ﺍﻟﻤﺸﻜﻠﻪ ..
ﻋﻮﺩﺓ؛ﺳﺎﻳﺮﻙ ﻭﺍﺟﺪ ﻭﺍﻧﺘﻲ ﺑﺮﻭﺣﻚ ﻗﻠﺘﻲ ﺍﻥ ﻓﻴﻪ ﺣﺎﺟﺎﺕ ﻣﺘﻐﻴﺮﺓ ﻣﻌﻨﺎﻫﺎ ﺗﻘﺪﺭﻱ ﺗﻘﻨﻌﻴﻪ ﺑﺎﻟﻌﻘﻞ ..
ﻋﺮﻭﺑﻪ ﺑﻨﺮﻓﺰﺓ : ﺍﻳﻦ ﻋﻘﻞ ﺗﺤﻜﻲ ﻋﻨﻪ .. ﻫﺎﻧﻴﺒﺎﻝ ﻛﺎﻥ ﺻﻜﺮ ﺭﺍﺳﻪ ﻉ ﺣﺎﺟﻪ ﺗﻢ ..
ﻋﻮﺩﺓﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻛﺎﻥ ﺑﺘﻘﻌﺪﻭﺍ ﻫﻜﻲ ﻣﻈﻨﻴﺶ ﺗﻜﻤﻠﻮﺍ ﻣﻊ ﺑﻌﺾ ﻳﺎﻋﺮﻭﺑﻪ ..
ﺷﺒﺤﺘﻠﻬﺎ ﺷﻮﻳﻪ .. ﺑﻌﺪﻳﻦ ﻧﺎﺿﺖ ﻣﻦ ﺣﺪﺍﻫﺎ ﻭﻣﺸﺖ ﻟﻠﺪﺍﺭ ..
ﻭﻋﻮﺩﺓ ﺗﻨﻬﺪﺕ .. ﺑﻌﺪﻳﻦ ﻧﺎﺿﺖ ﺗﺸﻮﻑ ﻓﻲ ﺑﻨﺘﻬﺎ ...
🍁🍁🍁🍁🍁
ﻣﻘﻌﻤﺰﺓ ﺗﻘﺮﺍ ...
ﺗﺤﺎﻭﻝ ﺗﺸﻐﻞ ﻧﻔﺴﻬﺎ ﻭﺗﻨﺴﻰ ﺍﻟﻤﻮﻗﻒ ﺍﻟﻠﻲ ﺻﺎﺭ ..
ﻣﺶ ﻗﺎﺩﺭﺓ ﺗﻨﺴﺎﻩ ﻟﻠﺤﻈﻪ ..
ﺧﻮﺍﺗﻬﺎ ﻋﻨﺪﻫﻢ .. ﻣﺎﺑﺘﺶ ﺗﺤﻜﻲ ﻟﻮﻻ ﻭﺣﺪﻩ ﺍﻱ ﺷﻲ ﻟﺴﺒﺒﻴﻦ
ﺍﻭﻟﻬﻢ ﺗﺬﻣﺮﻫﻢ ﻣﻦ ﻛﻼﻣﻬﺎ ﻋﻠﻴﻪ ..
ﺛﺎﻧﻴﻬﻢ ﺑﺶ ﻣﺎﻳﺰﻳﺪﻳﺶ ﺍﻟﻤﻮﺿﻮﻉ ﻳﻜﺒﺮ ﻓﻲ ﻋﻘﻠﻬﺎ ..
ﻓﻲ ﺍﻟﺤﻘﻴﻘﻪ ﻫﻮ ﺍﻟﻌﻘﻞ ﻣﺎﺩﺧﻼﺵ ﺑﺘﻜﺒﻴﺮ ﻫﺎﻟﻤﻮﺍﺿﻴﻊ .. ﺍﻟﻘﻠﺐ ﻫﻮ ﺍﻟﻠﻲ ﻉ ﺳﺒﻠﻪ ﻣﺎﻳﺼﺪﻕ ..
💓 ﻗﻠﺒﻬﺎ ﻳﻔﺮ ﻓﺮﺍﻥ ﻭﻳﻦ ﺗﺬﻛﺮ ﻟﻘﻄﻪ ﺍﻟﺴﺤﺎﺑﻪ ..
ﻛﺎﻧﻮﺍ ﺗﺤﺘﻬﺎ ﺍﻟﺰﻭﺯ ﻣﻊ ﺑﻌﺾ ..
ﻛﻴﻒ ﻣﺸﻮﺍ ﻫﺎﻟﻜﻢ ﺧﻄﻮﻩ ﻣﻊ ﺑﻌﺾ ﺗﺤﺖ ﺍﻟﻤﻄﺮ ﻭﺗﺤﺖ ﺳﺤﺎﺑﻪ ﻭﺣﺪﻩ ..
ﻛﻴﻒ ﻛﺎﻧﺖ ﻗﺮﻳﺒﻪ ﻋﻠﻴﻪ ﻭﻫﻮ ﻗﺮﻳﺐ ﻋﻠﻴﻬﺎ ..
ﻭﺃﻣﻴﺰ ﻣﺎﻳﻤﻴﺰ ﺍﻟﺮﺟﺎﻟﻪ ﺍﻟﻠﻲ ﺯﻳﻪ ﺭﻳﺤﺔ ﻋﻄﺮﻫﻢ ﺍﻟﻠﻲ ﺗﻜﻮﻥ ﺷﺒﻴﻬﺔ ﺑﻴﻬﻢ ﻓﺮﻳﺪﺓ ﻣﻦ ﻧﻮﻋﻬﺎ ..
ﺍﺫﻛﺮﺕ ﻧﻔﺴﻬﺎ ﻟﻤﺎ ﻗﺎﻣﺖ ﻋﻴﻮﻧﻬﺎ ﻓﻴﻪ .. ﻛﻴﻒ ﺷﺎﻓﺖ ﻋﻴﻮﻧﻪ ﻣﻦ ﺗﺤﺖ ﻣﺮﺍﻳﺎﺕ ﺍﻟﻨﻈﺎﺭﺓ ﺍﻟﺴﻮﺩ ..
ﻛﻴﻒ ﺿﻴﻖ ﻋﻴﻮﻧﻪ ﻭﻗﺮﻥ ﺣﻮﺍﺟﺒﻪ ..
ﻃﻠﻘﺖ ﺍﻟﺒﻴﺮﻭ ﺍﻟﻠﻲ ﻓﻴﺪﻫﺎ ..
ﻭﻣﺴﺤﺖ ﺑﺈﻳﺪﻳﻬﺎ ﻉ ﻭﺟﻬﻬﺎ ﻭﻫﻲ ﺗﻘﻮﻝ
" ﻣﻌﺎﺵ ﺗﻮﻫﻤﻲ ﺭﻭﺣﻚ .. ﻣﻌﺎﺵ ﺗﻜﺬﺑﻲ ﻉ ﺭﻭﺣﻚ "..
ﺗﻜﺮﺭ ﻓﻴﻬﺎ ﺍﻛﺜﺮ ﻣﻦ ﻣﺮﺓ ..
ﺑﺲ ﻣﻊ ﺍﻻﺳﻒ ﻛﻞ ﻣﺎﻟﻬﺎ ﺗﺰﻳﺪ ﺗﻔﻜﺮ ﻓﻲ ﺍﻟﻤﻮﻗﻒ ﺍﻛﺜﺮ ﻭﺍﻛﺜﺮ ..
ﻧﺎﺿﺖ ﻣﻦ ﻣﻜﺎﻧﻬﺎ ...
ﻭﻃﻮﻝ ﻃﻠﻌﺖ ﺑﺮﺍ ﺍﻟﺪﺍﺭ ﺑﺶ ﺗﺸﻐﻞ ﺭﻭﺣﻬﺎ ﻣﻊ ﺧﻮﺍﺗﻬﺎ ﻭﺻﻐﺎﺭﻫﻢ ﻭﺗﺒﻄﻞ ﺗﻔﻜﻴﺮ ﻓﻴﻪ ﻭﻟﻮ ﺷﻮﻳﻪ 💓..
🍁🍁🍁🍁🍁🍁
ﻣﻊ ﺍﻟﺴﺎﻋﻪ 8:00 ..
ﺑﺪﺕ ﺍﺣﺘﻔﺎﻻﺕ ﺍﻟﻠﻴﺒﻴﻦ ﺑﺬﻛﺮﻯ ﺍﻟﻤﻮﻟﺪ ﺍﻟﻨﺒﻮﻱ ..
ﺍﺣﺘﻔﺎﻻﺕ ﻣﺎﻟﻬﺎﺵ ﻋﻼﻗﻪ ﺑﺎﻟﻨﺒﻲ ﻭﻻﺩﻳﻨﻪ ..
ﻏﻴﺮ ﺟﻮ ﺍﻟﻠﻴﺒﻴﻦ ﺣﺒﻮﻩ ﻭﺗﻌﻮﺩﻭﺍ ﻳﺪﻳﺮﻭﻩ ﻛﻞ ﻋﺎﻡ ...
ﻳﻌﻨﻲ ﻫﻮ ﺫﻛﺮﻯ ﻣﻮﻟﺪ ﺧﻴﺮ ﺍﻟﺒﺸﺮ ﻭﻳﺤﺘﻔﻠﻮﺍ ﺑﻴﻪ ﺑﻄﺮﺑﻴﻖ ﺍﻟﺨﻂ ﻭﻟﻮﺡ !!
🍃 ﻧﺮﺍﺟﻲ ﻓﺎﻟﻴﻮﻡ ﺍﻟﻠﻲ ﺗﻨﺘﻬﻲ ﻓﻴﻪ ﻫﺎﻟﻌﺎﺩﺓ ﺍﻟﺴﻔﻴﻬﻪ 🍃..
ﺍﻟﻤﻬﻢ ..
ﺍﻟﺸﺒﺎﺏ ﻓﻲ ﺍﻟﻘﻄﻌﻪ ﻗﺎﻟﺒﻴﻦ ﺍﻟﺪﻧﻴﺎ ﻉ ﺭﻭﺳﻬﻢ ..
ﻭﺭﻣﻀﺎﻥ ﺍﻟﻠﻲ ﻛﺎﻥ ﻣﻘﻌﻤﺰ ﻓﻲ ﺍﻟﺠﺮﺩﻳﻨﻪ ﻳﺘﻔﺮﺝ ﻋﻠﻴﻬﻢ ﻭﻫﻮ ﻣﺒﺘﺴﻢ ..
ﻭﻛﺎﻥ ﻳﻤﻠﻲ ﻓﻌﻴﻮﻧﻪ ﻣﻨﻬﻢ 🍃
🎉 ﺍﻛﺜﺮ ﻣﻦ ﻗﻠﺐ ﺍﻟﺪﻧﻴﺎ ﺗﻼﺗﻪ ..
ﻋﻤﺮ .. ﻋﻤﺎﺩ .. ﻣﺤﻤﺪ ..
ﺩﺍﺧﻞ ..
ﻓﺎﻃﻤﻪ : ﻳﺎﻫﻮﻟﻲ ﻛﺎﻥ ﻣﺎﻳﺪﻳﺮﻭﺍ ﻓﻲ ﺑﻌﻀﻬﻢ ﺣﺎﺟﻪ .. ﺍﻃﻠﻌﻦ ﻟﻀﺮﺍﺭﻳﻜﻦ ..
ﻛﻔﺎﻳﻪ ﺑﻀﺤﻜﻪ؛ﺿﺮﺍﺭﻳﻚ ﻳﻤﻲ ﺣﺘﻰ ﻫﻤﺎ ﻗﺎﻟﺒﻴﻨﻬﺎ ﻉ ﺭﻭﺳﻬﻢ .
ﻓﺎﻃﻤﻪ ﺑﺈﺯﺩﺭﺍﺀ : ﺻﺪﻗﺘﻲ .. ﻛﺎﻥ ﺧﻮﺍﻟﻬﻢ ﻣﻬﺒﻠﻪ ﻣﺎﻋﻠﻴﻬﻢ ﻟﻮﻡ ..
ﺿﺤﻜﻮﺍ ﺍﻟﺒﻨﺎﺕ ..
" ﻗﺼﻲ ﺣﺒﻴﺒﻲ ﺗﻌﺎﻝ "
ﺷﺒﺤﻮﺍ ﺍﻳﻤﻴﻨﻬﻢ ..
ﻟﻘﻮﺍ ﻏﺎﻟﻴﻪ ﺷﺎﺩﻩ ﻗﺼﻲ ﻭﺗﻮﻛﻞ ﻓﻴﻪ ..
ﺯﻳﻨﺐ ﺑﺘﻬﻜﻢ : ﺍﻳﻪ ﺍﻗﻌﺪﻱ ﻭﻛﻠﻲ ﻭﺷﺮﺑﻲ ﻭﺣﻨﻲ ﻭﻳﻦ ﻳﻜﺒﺮﻭﺍ ﻳﺮﻗﻮﺍ ﻉ ﻇﻬﺮﻙ ..
ﻓﺎﻃﻤﻪ : ﺿﺮﺍﺭﻱ ﺧﻮﻙ ﻳﺎﺯﻳﻨﺐ ..
ﺷﺒﺤﺘﻠﻬﺎ : ﻭﻛﺎﻥ ﻳﻤﻲ .. ﺍﻗﺮﺏ ﺷﻲ ﻋﻨﺪﻙ ﺍﻟﻔﺮﺧﻪ ﺭﺯﺍﻥ ﻣﻦ ﻛﺎﻥ ﻳﻌﺎﻧﻲ ﻓﻴﻬﺎ ﻛﺎﻥ ﻏﺎﻟﻴﻪ .. ﻛﺒﺮﺗﻬﺎ ﻛﻞ ﺷﺒﺮ ﺑﺸﺒﺮﻩ .. ﻛﺎﻧﺖ ﺗﺮﻗﺪ ﻓﻴﻬﺎﺗﺤﺘﻬﺎ ﻟﻤﺎ ﺍﻣﻬﺎ ﺗﺒﺎﺕ ﻓﻲ ﺍﻟﻌﺮﺍﺱ ﻭﺗﺨﻠﻲ ﻓﻴﻬﺎ .. ﻭﻳﺎﻣﺎ ﻭﻳﺎﻣﺎ ﺩﺍﺭﺗﻬﻮﻟﻬﺎ ﻭﻓﻲ ﺍﻷﺧﻴﺮ ﺷﻮﻓﻲ ﺷﻦ ﺩﺍﺭﺕ ..
ﻛﻔﺎﻳﻪ : ﻫﻲ ﻫﺎﻟﻌﻘﺮﺏ ﺍﻟﺴﻮﺩﺍ ﺑﺲ .. ﻛﺎﻻ ﺍﻟﻮﻻﺩ ﻛﻮﻳﺴﻴﻦ ﺯﻱ ﺭﻣﺰﻱ ﺯﻱ ﺗﻮﻓﻴﻖ ..
ﺯﻳﻨﺐ : ﻣﺎﻓﻲ ﺧﻴﺮ ﻓﻲ ﺃﻡ ﺍﻟﺨﻴﺮ ..
ﻓﺎﻃﻤﻪ ﻣﺴﺘﺎﺀﺓ ﻫﻠﺒﻪ ﻣﻦ ﻛﻼﻡ ﺯﻳﻨﺐ .. ﺑﺲ ﺑﺪﺕ ﺗﺨﺎﻑ ﺗﻨﺎﻗﺸﻬﺎ ﻷﻥ ﺯﻳﻨﺐ ﺣﺘﻔﻬﻢ ﺍﻟﻤﻮﺿﻮﻉ ﻏﻠﻂ ﻣﻦ ﺍﻣﻬﺎ ﻭﺗﻔﺴﺮﻩ ﺑﺤﺴﺎﺳﻴﻪ ..
ﻧﻌﻴﻤﻪ ﺍﻟﻠﻲ ﻣﺎﺷﺎﺭﻛﺘﺶ ﻓﻲ ﺍﻟﺤﺪﻳﺚ ﺭﻛﺰﺕ ﻉ ﺍﻣﻬﺎﻗﺎﻟﺖ : ﺑﺎﻫﻲ ﻏﻴﺮﻭﻟﻨﺎ ﺍﻟﻤﻮﺿﻮﻉ ﻭﻗﻮﻟﻮﻟﻲ ﺯﻋﻤﻪ ﺷﻦ ﻳﺼﻴﺮ ﻳﻮﻡ ﺍﻟﺨﻤﻴﺲ ..
ﻛﻔﺎﻳﻪ : ﺣﺴﻨﻲ ﺧﺎﻳﻔﻪ ﺍﻟﺤﻖ ..
ﺯﻳﻨﺐ : ﻣﺎﻋﻨﺪﻙ ﻣﻦ ﺷﻦ ﺗﺨﺎﻓﻲ ﺑﺈﺫﻥ ﺍﻟﻠﻪ ﻣﺎﺻﺎﻳﺮﺓ ﺣﺎﺟﻪ ﻣﻌﻤﺮ ﺷﺎﺩﻫﺎ ﺑﻘﺒﻀﻪ ﻣﻦ ﺣﺪﻳﺪ .. ﻭﺑﻌﺪﻳﻦ ﻣﻦ ﻫﻮ ﺍﻟﻠﻲ ﻳﻘﺪﺭ ﻳﻄﻠﻊ ﻋﻠﻴﻪ ﻭﻻﻳﻘﻮﻝ ﺑﻐﻎ ..
ﻓﺎﻃﻤﻪ : ﺇﻥ ﺷﺎﺀ ﺍﻟﻠﻪ ﻣﺎﺗﺼﻴﺮ ﺣﺎﺟﻪ ﻫﻮ ﺻﺢ ﻣﻌﻤﺮ ﻣﺎﻫﻮﺵ ﻛﻮﻳﺲ ﻟﻜﻦ ﻛﺎﻥ ﻃﻠﻌﻮﺍ ﻋﻠﻴﻪ ﻣﺎﻳﺼﻴﺮﺵ ﺧﻴﺮ ..
ﻛﻔﺎﻳﻪ : ﺗﻲ ﻭﺍﻟﻠﻪ ﻟﻤﺎ ﺗﻨﻘﻠﺐ ﻗﻠﺐ ..
ﻧﻌﻴﻤﻪ : ﻳﺴﺘﺮ ﺍﻟﻠﻪ .. ﺑﻌﺪﻳﻦ ﺿﺤﻜﺖ ﻭﻗﺎﻟﺖ .. ﻟﻜﻦ ﺿﺤﻜﺖ ﻣﻦ ﻗﻠﺒﻲ ﻣﻨﻴﻦ ﻗﺎﻟﻮﺍ ﺑﻴﻄﻠﻊ ﻣﻊ ﺍﻟﺸﻌﺐ ﻣﻈﺎﻫﺮﺍﺕ ﺿﺪ ﺍﻟﺒﻐﺪﺍﺩﻱ
ﻛﻔﺎﻳﻪ : ﻫﻬﻬﻬﻬﻬﻬﻬﻪ .. ﻉ ﺍﺳﺎﺱ ﻣﻦ ﺍﻓﺮﺍﺩ ﺍﻟﺸﻌﺐ ﻫﻮ .. ﻣﺎﻫﻮ ﺍﻟﺴﻠﻄﻪ ﺑﻴﺪ ﺍﻟﺸﻌﺐ ..
ﺿﺤﻜﻮﺍ ﻧﻌﻴﻤﻪ ﻭﻓﺎﻃﻤﻪ ..
ﻭﺯﻳﻨﺐ ﺍﻟﻜﻼﻡ ﻣﺶ ﻋﺎﺟﺒﻬﺎ ..
🍃 ﻛﺎﻧﺖ ﻣﻌﺠﺒﻪ ﺑﻴﻪ ﺍﻳﺎﻡ ﺍﻟﻤﺮﺍﻫﻘﻪ ﻭﻛﺎﻧﺖ ﺗﺘﻤﻨﻰ ﺗﺘﺰﻭﺝ ﻭﺍﺣﺪ ﺑﻤﻮﺍﺻﻔﺎﺗﻪ .. ﻭﻟﺘﻮﺍ ﺍﻟﻘﺬﺍﻓﻲ ﻋﻨﺪﻫﺎ ﺣﺎﺟﻪ ﻛﺒﻴﺮﻩ 🍃..
ﺑﺮﺍ ...
ﻣﺎﻟﻚ : ﺧﻼﺹ ﻳﺎﻫﻮ ...
ﻋﻤﺎﺩ : ﻫﻬﻬﻬﻬﻬﻬﻬﻬﻪ ..
ﻋﻤﺮ ﺑﻀﺤﻜﻪ؛ﻫﻲ ﺗﻌﺎﻟﻮﺍ ﻧﺮﻗﻮﺍ ﻓﻮﻕ ... ﺻﻘﻊ ﺳﻢ ..
ﻣﺤﻤﺪ : ﺧﻞ ﻧﻌﺪﻱ ﻉ ﺍﻟﻜﻮﺟﻴﻨﻪ ﻗﺒﻞ ﺟﻌﺎﻥ ﺟﻌﺎﻥ ..
ﻋﻤﺎﺩ : ﺍﺣﺮﻑ ﻣﻨﻚ ..
ﻣﺸﻮﺍ ﻣﻊ ﺑﻌﻀﻬﻢ ﻟﻤﻤﺮ ﻓﻢ ﺍﻟﺒﻮﺍﺑﻪ ..
ﻋﻤﺎﺩ : ﺭﻣﺰﻱ ﻏﻴﺮ ﺭﻗﻤﻪ ..
ﻣﺤﻤﺪ : ﻻ ﻣﺼﻜﺮ ﻫﺎﺗﻔﻪ ..
ﻋﻤﺎﺩ : ﻭﺍﺟﻌﻨﻲ ﺣﺎﻟﻪ ..
ﻣﺤﻤﺪ : ﻫﻜﻲ ﺧﻴﺮ ﻳﺎﻋﻤﺎﺩ ﻛﺎﻥ ﻳﻀﻴﻊ ﻓﻮﻗﺘﻪ ﻭﺧﻼﺹ .. ﻫﻜﻲ ﻭﻻ ﻫﻜﻲ ﻣﺶ ﺻﺎﻳﺮ ﻣﻨﻬﻢ .. ﻋﺎﺩ ﺑﻌﺪ ﺍﻟﻠﻲ ﺩﺍﺭﺗﻪ ﺍﺧﺘﻪ ﻣﻌﺎﺵ ﻓﻴﻬﺎ ..
ﺿﻴﻖ ﻋﻤﺎﺩ ﻋﻴﻮﻧﻪ ﻭﻗﺎﻝ : ﺷﻦ ﺩﺍﺭﺕ ...
ﻭﻗﻒ ﻣﺤﻤﺪ ﻭﻭﻗﻒ ﻣﻌﺎﻩ ﻋﻤﺎﺩ ..
ﻋﻤﺮ ﻭﻫﻮ ﻳﻤﺸﻲ ﻗﺪﺍﻣﻬﻢ : ﺷﻦ ..
ﻋﻤﺎﺩ : ﺍﺳﺒﻘﻮﺍ ﻻﺣﻘﻴﻦ ..
ﻛﻤﻠﻮﺍ ﻋﻤﺮ ﻭﻣﺮﻭﺍﻥ ﻭﻣﺎﻟﻚ ﻃﺮﻳﻘﻬﻢ ..
ﻋﻤﺎﺩ : ﺍﻳﻪ ﺷﻦ ﺩﺍﺭﺕ ﺭﺯﺍﻥ ..
ﻣﺤﻤﺪ : ﻛﻴﻒ ﻗﺼﺪﻙ ﻣﺎﺗﻌﻠﻤﺶ ﺍﻥ ﺣﻤﺰﺓ ﻋﺮﻑ ﻣﻦ ﺭﺯﺍﻥ ..
ﺭﻓﻊ ﺣﻮﺍﺟﺒﻪ ..
ﻣﺤﻤﺪ : ﺍﻟﻔﺮﺧﻪ ﻫﺪﻱ ﺑﻨﺖ ﺧﻮﻱ ﺻﺢ ﺑﺲ ﻓﻴﻬﺎ ﺣﺎﺟﺎﺕ ﻭﺍﺟﺪﻩ ﺗﺤﺮﻕ ﺍﻟﺪﻡ ..
ﻋﻤﺎﺩ ﻫﺰ ﺭﺍﺳﻪ ﺑﺈﻳﺠﺎﺏ .. ﻭﻣﺸﻲ ﻭﻣﻌﺎﻩ ﻣﺤﻤﺪ ..
🍁🍁🍁🍁🍁
ﺗﺎﻧﻲ ﻳﻮﻡ ﺍﻟﺼﺒﺢ ..
...2011\2\16
ﺍﻟﺴﺎﻋﻪ 9:30 ﺻﺒﺎﺣﺎ ..
ﻧﺎﻳﻀﻪ ﻧﻌﻴﻤﻪ ﻭﻣﻌﺎﻫﺎ ﻏﺎﻟﻴﻪ ﻳﺪﻳﺮﻭﺍ ﻓﻲ ﺍﻟﻌﺼﻴﺪﻩ ..
ﻭﺍﻟﻜﻞ ﻛﺎﻧﻮﺍ ﻧﺎﻳﻀﻴﻦ ﺑﺶ ﻳﺎﻛﻠﻮﻫﺎ ..
ﻓﻲ ﺍﻟﺼﺎﻟﻪ ﺍﻟﺸﺒﺎﺏ ﻣﻊ ﺍﻟﺤﺎﺟﻪ ﻓﺎﻃﻤﻪ ﻳﻬﺪﺭﺯﻭﺍ ﻭﻧﻮﺭ ﻭﺭﺑﺎﺏ ﻣﻘﻌﻤﺰﻳﻦ ﺣﺪﺍﻫﻢ ..
ﺭﺑﺎﺏ ﻛﺎﻧﺖ ﻣﺴﺘﻤﻌﻪ ﺑﺲ ﻣﺎﺗﺒﻴﺶ ﺗﺸﺎﺭﻙ ﺑﺄﻛﺜﺮ ﻣﻦ ﺍﺑﺘﺴﺎﻣﻪ ﺍﻭ ﺿﺤﻜﻪ ﺧﻔﻴﻔﻪ ...
ﻋﻤﺮ : ﻗﺼﺪﻙ ﺍﻧﺘﻲ ﺗﻌﺮﻓﻲ ﺍﺩﻳﺮﻱ ﻋﺼﻴﺪﻩ ..
ﻧﻮﺭ : ﺍﻟﺤﻤﺪ ﻟﻠﻪ ﺣﺘﻰ ﺍﻟﺒﺎﺯﻳﻦ ﻧﻌﺮﻓﻪ ..
ﻋﻤﺮ : ﻭﺧﻴﺮﻙ ﻣﺎﺩﺭﺗﻴﻬﺎ ﺍﻧﺘﻲ ﻣﺨﻠﻴﻪ ﺍﻣﻚ ﺷﺎﻗﻴﻪ ﺑﻴﻬﺎ ..
ﻧﻮﺭ ﻭﺟﻬﻬﺎ ﻭﻻ ﺍﺣﻤﺮ : ﺍﻣﻲ ﺧﺎﻃﺮﻫﺎ ﺍﺩﻳﺮﻳﻬﺎ ..
ﻋﻤﺮ : ﺍﻳﻪ ﺍﻣﻚ ﺧﺎﻃﺮﻫﺎ ﺍﺩﻳﺮﻫﺎ !! ﺷﺒﺤﺘﻲ ﻓﻴﻚ ﺷﺒﺤﻪ ﺣﺘﻰ ﺍﻟﺸﻜﺸﻮﻛﻪ ﻣﺎﺗﻌﺮﻓﻲ ﺍﺩﻳﺮﻳﻬﺎ ..
ﻣﺤﻤﺪ ﺑﻀﺤﻜﻪ؛ﺍﻳﻪ ﺩﻳﻤﺎ ﺗﻘﻮﻝ ﺍﻧﻲ ﻧﻌﺮﻑ ﺍﻧﺪﻳﺮ ﻭﻧﻌﺮﻑ ﺍﻧﻄﻴﺐ ﻭﻫﻲ ﺣﺘﻰ ﺍﻟﻘﻬﻮﺓ ﻣﺎﺫﻗﻨﺎﻫﺎ ﻣﻨﻬﺎ ..
ﺷﺒﺤﺖ ﻟﻤﺎﻟﻚ ﻟﻘﺎﺗﻪ ﻳﻀﺤﻚ ..
ﺍﻧﺤﺮﺟﺖ ﻭﻗﺎﻟﺖ : ﻭﺍﻟﻠﻪ ﻭﻋﺸﺎﻛﻢ ﺍﻣﺲ ﻣﻦ ﺩﺍﺭﻩ؟ !!
ﻋﻤﺮ : ﺍﺍﺍﻩ .. ﻭﺍﻧﻲ ﻧﻘﻮﻝ ﺧﻴﺮﻫﺎ ﻫﻜﻲ ﺑﻴﻀﺎ ﻭﺗﻘﻮﻝ ﻣﺼﺒﻮﺑﻪ ﺑﻐﺴﺎﻟﻪ ..
ﻣﺤﻤﺪ : ﻣﺎﻫﻨﺎﻙ ﻣﺎﻛﻠﻴﺖ ﻫﻮ ﻓﻢ ﻭﺍﺣﺪ ﻭﻓﺘﺘﻬﺎ ..
ﻧﻮﺭ : ﻧﻬﺎﺭﻱ !!! ﻻﻻ ﻫﺎﺩﻱ ﻣﺶ ﻣﻜﺮﻭﻧﺘﻲ ﻣﻌﻠﻴﺸﻲ .. ﺍﻧﻲ ﻣﻜﺮﻭﻧﺘﻲ ﺣﻤﺮﺓ ﻣﺤﺮﺣﺮﺓ ﺗﺠﻨﻦ ﺑﺎﺑﺎ ﻳﻤﻮﺕ ﻋﻠﻴﻬﺎ ..
ﻋﻤﺮ : ﻭﻫﺎﻙ ﻗﺘﻴﻬﺎ ﺑﺎﺑﺎ .. ﻳﺠﺎﻣﻞ ﻓﻴﻚ ﻣﻌﻨﺎﻫﺎ ..
ﺿﺤﻜﻮﺍ ...
ﻧﻮﺭ : ﺑﻌﻼﻣﺔ ﺍﻟﺼﻮﺍﻧﻲ ﺍﺍﻟﻲ ﺟﻮ ﻣﻤﺴﻮﺣﺎﺕ ﺍﻣﺲ ..
ﻣﺤﻤﺪ : ﺻﺒﻴﻨﺎﻫﺎ ﻟﻠﺸﻮﺍﻫﻲ ..
ﺿﺤﻜﻮﺍ ..
ﻓﺎﻃﻤﻪ ﺑﻀﺤﻜﻪ : ﺧﻠﻦ ﺍﻟﺒﻨﺖ ﻓﺤﺎﻟﻬﺎ .. ﻣﺎﺗﻌﺪﻟﻴﺶ ﻋﻠﻴﻬﻦ ﻳﺎﺣﻨﻪ ﻣﻜﺮﻭﻧﺔ ﺍﻣﺲ ﺟﺖ ﻛﻴﻒ ﺍﻟﻌﺴﻞ ..
ﻣﺤﻤﺪ : ﻏﻠﻂ ﻳﻤﻲ ﻫﻜﻲ ﺭﺍﻫﻮ ﺍﺿﺮﻱ ﻓﻴﻬﺎ ﺍﻧﺘﻲ ..
ﻋﻤﺮ : ﻏﺪﻭﺓ ﺍﻟﻠﻲ ﺑﻴﺎﺧﺪﻫﺎ ﻳﻨﺰﻝ ﻓﻲ ﺑﻨﺘﻚ ..
ﻧﻮﺭ ﺷﺒﺤﺖ ﻟﻤﺎﻟﻚ ﺑﺈﺣﺮﺍﺝ ..
ﻫﻮ ﻛﺎﻥ ﻳﺸﻮﻑ ﻓﺘﻠﻴﻔﻮﻧﻪ .. ﻭﻣﺒﺘﺴﻢ ..
ﻋﻤﺎﺩ ﺑﻀﺤﻜﻪ : ﺑﺎﻫﻲ ﺧﻼﺹ ﺻﺎﺭﺣﺘﻮﻫﺎ ﺑﻤﺎ ﻓﻴﻪ ﺍﻟﻜﻔﺎﻳﻪ ﺗﻮﺗﺘﻌﻠﻢ ..
ﻧﻮﺭ : ﺣﺘﻰ ﺍﻧﺖ ﻳﺎﻋﻤﺎﺩ !!
ﻣﺎﻟﻚ ﻭﻟﻌﺖ ﻓﻴﻪ ﺍﻟﻨﺎﺭ .. ﺷﺒﺤﻠﻬﺎ ﺑﺤﺪﻩ ..
ﻣﺮﻭﺍﻥ ﺭﻛﺰ ﻋﻠﻴﻪ ﻭﻗﺎﻝ ﻓﻨﻔﺴﻪ " ﻳﺎﻣﺎ ﺟﺎﻳﻬﺎ ﻣﺴﻜﻴﻨﻪ .." ﺿﺤﻚ ﺿﺤﻜﻪ ﺧﻔﻴﻔﻪ ..
ﻉ ﺧﺸﺔ ﻫﺎﻧﻴﺒﺎﻝ؛ﻭﻳﻦ ﺍﻟﻌﺼﻴﺪﻩ ﺳﻴﺪﻱ ﻳﺮﺍﺟﻲ ﻓﻴﻬﺎ ..
ﻓﺎﻃﻤﻪ ﺑﺼﻮﺕ ﻋﺎﻟﻲ : ﻳﺎﺑﻨﺎﺍﺍﺕ ﺷﻦ ﺻﺎﺭ ﻓﻌﺼﻴﺪﺓ ﺳﻴﺪﻛﻦ ..
ﻏﺎﻟﻴﻪ ﻣﻦ ﺍﻟﻜﻮﺟﻴﻨﻪ : ﻫﻴﺎﺍﺍ ﺧﻼﺍﺍﺹ ..
ﺷﺒﺤﺖ ﻧﻮﺭ ﻟﺨﺎﻟﻬﺎ ﻭﻗﺎﻟﺖ : ﺑﺎﻟﻠﻪ ﺧﺎﻟﻲ ﺷﻦ ﺭﺍﻳﻚ ﻓﻲ ﻣﻜﺮﻭﻧﻪ ﺍﻣﺲ ..
ﻫﺎﻧﻴﺒﺎﻝ ﻭﻫﻮ ﻳﺸﺒﺢ ﻟﻔﻢ ﺍﻟﺒﻮﺍﺑﻪ : ﻣﻴﺔ ﻭﻣﻜﺮﻭﻧﻪ ﻭﻃﺸﺔ ﺩﻫﺎﻥ ..
ﺿﺤﻜﻮﺍ ﻛﻠﻬﻢ ..
ﻭﻧﻮﺭ ﺍﻧﺤﺮﺟﺖ ﻉ ﺍﻵﺧﺮ .. ﻭﻧﺎﺿﺖ ﻣﺸﺖ ﻟﻠﻜﻮﺟﻴﻨﻪ ..
ﻓﺎﻃﻤﻪ : ﻋﻴﺐ ﻋﻠﻴﻜﻢ ﻭﺣﻖ ﺍﻟﻠﻪ ﻛﻴﻒ ﺍﻟﻌﺴﻞ ..
ﻋﻤﺎﺩ : ﻫﺎﻧﻴﺒﺎﻝ ﺍﺻﻼ ﻣﺎﺗﻌﺸﺎﺵ ﺍﻟﺒﺎﺭﺡ ..
ﺷﺒﺤﺘﻠﻪ ﺍﻣﻪ ﻟﻘﺎﺗﻪ ﻣﺒﺘﺴﻢ ﻧﺺ ﺍﺑﺘﺴﺎﻣﻪ ..
ﺑﺲ ﻣﻼﺣﻈﻪ ﺍﻥ ﻓﻴﻪ ﻫﻢ .. ﺑﺎﻳﻦ ﻉ ﻭﺟﻬﻪ ..
ﺗﺒﺪﻟﺖ ﻣﻼﻣﺢ ﻭﺟﻬﻪ ﻟﻠﻀﺤﻚ .. ﻟﻤﺎ ﺷﺎﻑ ﺑﻨﺖ ﺧﻮﻩ ﺧﺎﺷﻪ ﺑﺼﻮﻧﻴﻪ ﻓﺨﺎﺭ ﻣﻐﻄﻴﻪ ..
ﻫﺎﻧﻴﺒﺎﻝ؛ﺟﺖ ﺍﻟﺰﻋﻴﻤﻪ ..
ﺷﺒﺤﺖ ﺍﻳﻤﻴﻨﻬﺎ ﺍﻟﺤﺎﺟﻪ ﻓﺎﻃﻤﻪ ﻭﺍﺑﺘﺴﻤﺖ ..
ﻭﺍﻟﻠﻲ ﻣﻘﻌﻤﺰﻳﻦ ﻓﻲ ﺟﻬﻪ ﻣﺶ ﻣﻘﺎﺑﻠﻪ ﺍﻟﺒﻮﺍﺑﻪ
ﻗﻌﺪﻭﺍ ﻳﺸﻮﻓﻮﺍ ﻟﺒﺎﺏ ﺍﻟﻤﺮﻭﺣﻪ ..
ﺷﻮﻳﻪ ﻭﺧﺸﺖ ﺭﺯﺍﻥ ..
ﺭﺑﺎﺏ ﻃﻮﻝ ﻧﺎﺿﺖ ﻭﺧﺸﺖ ﺩﺍﺧﻞ ..
ﻋﻤﺮ : ﻋﺼﻴﺪﻩ ﺍﻟﺰﻋﻴﻤﻪ ..
ﺭﺯﺍﻥ؛ﻟﺤﻨﺎﻱ ﻭﺳﻴﺪﻱ ﺑﺲ ..
ﻫﺎﻧﻴﺒﺎﻝ : ﻭﻋﻤﻚ ﻫﺎﻧﻴﺒﺎﻝ ..
ﺭﺯﺍﻥ ﺑﻀﺤﻜﻪ : ﺍﻳﻪ ..
ﻃﺒﺴﺖ ﺑﺎﺳﺖ ﻉ ﺭﺍﺱ ﺣﻨﺎﻫﺎ ...
ﻣﺤﻤﺪ : ﺑﺎﻫﻲ ﻳﺎﻓﺮﺧﻪ ﺑﺎﻫﻲ ..
ﺭﺯﺍﻥ ﺑﻀﺤﻜﻪ : ﻫﻴﺎ ﺻﺒﻲ ﺣﻨﺎﻱ ..
ﻓﺎﻃﻤﻪ : ﻫﻲ .. ﻳﺎﺍﺍﺭﺑﻲ .. ﻭﻗﻔﺖ ﻭﻣﺸﺖ ﻫﻲ ﻭﻳﺎﻫﺎ ﻭﻣﻌﺎﻫﻢ ﻫﺎﻧﻴﺒﺎﻝ ﻟﻤﺮﺑﻮﻋﻪ ﺭﻣﻀﺎﻥ ..
ﻣﺎﻟﻚ : ﺧﻴﺮﻫﺎ ﻻﺻﺒﺤﺖ ﻭﻻﺳﻠﻤﺖ ..
ﻣﺤﻤﺪ : ﺩﻳﻤﺎ ﻫﻜﻲ ﻫﻲ ..
ﻋﻤﺎﺩ ﻗﻌﺪ ﻳﺸﻮﻑ ﻟﺘﻠﻴﻔﻮﻧﻪ ﻭﺑﺎﺩﻳﻪ ﻉ ﻭﺟﻬﻪ ﻣﻼﻣﺢ ﺍﻟﻌﺼﺒﻴﻪ ..
ﻓﻲ ﻭﺣﺪﻩ ﻣﻦ ﺍﻟﺪﻳﺎﺭ ...
ﺯﻳﻨﺐ ﻭﻫﻲ ﺗﺮﺿﻊ ﻓﻲ ﺑﻨﺘﻬﺎ : ﻋﻠﻴﻚ ﺣﻘﻴﺮﺓ ..
ﺭﺑﺎﺏ : ﺳﺤﻴﻘﻪ ..
ﻛﻔﺎﻳﻪ؛ﺍﻟﺒﻨﺖ ﺗﺨﻮﻑ ﺍﻛﺜﺮ ﻣﻦ ﺍﻣﻬﺎ ..
🍁🍁🍁🍁
ﻓﻲ ﺍﻟﻜﻮﺟﻴﻨﻪ ..
ﻧﻌﻴﻤﻪ : ﻣﺎﺭﻳﺘﺶ ﺯﻱ ﺻﺤﺔ ﻫﺎﻟﻮﺟﻪ ..
ﻏﺎﻟﻴﻪ ﺗﻨﻬﺪﺕ ﺑﻀﻴﻖ ..
🍃 ﺑﻴﻨﻤﺎ ﻓﻲ ﺍﻟﻤﺮﺑﻮﻋﻪ ﻛﺎﻧﺖ ﻣﻊ ﺣﻨﺎﻫﺎ ﻭﻋﻤﻬﺎ ﻭﺟﺪﻫﺎ ﻳﺎﻛﻠﻮﺍ ﻓﻲ ﻋﺼﻴﺪﺗﻬﺎ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ...
ﺑﻐﺾ ﺍﻟﻨﻈﺮ ﻋﻦ ﺍﻱ ﺷﻲ .. ﺑﻨﺘﻬﻢ ﻫﺎﺩﻱ 🍃
🍁 ﺑﻌﺪ ﻛﻤﻠﻮﺍ ..
ﺧﺪﺕ ﺍﻟﺼﻮﻧﻴﻪ ﺑﻌﺪ ﻏﻄﺘﻬﺎ ﻭﻃﻠﻌﺖ ﻣﻦ ﺍﻟﻤﺮﺑﻮﻋﻪ ..
ﻭﻟﻔﺖ ﻉ ﺣﻮﺵ ﺑﺶ ﺗﻤﺸﻲ ﻟﺤﻮﺷﻬﻢ ...
ﺗﻔﺎﺟﺌﺖ ﺑﻌﻤﺎﺩ ﻣﻘﻌﻤﺰ ﻉ ﺭﻛﺎﺑﺔ ﺍﻟﺤﻮﺵ ﺍﻟﻘﺪﻳﻢ ..
ﺣﺎﻭﻟﺖ ﺗﺘﺠﺎﻫﻠﻪ ﺯﻱ ﻣﺎﺩﺍﺭﺕ ﺑﻜﺮﻱ ﻟﻜﻦ ﻭﻗﻔﻬﺎ ﻟﻤﺎ ﻗﺎﻝ ..
" ﻟﻔﻌﻪ .."
ﻫﻲ ﺷﺒﺤﺘﻠﻪ ﺑﺤﺪﻩ ..
ﻋﻤﺎﺩ : ﻣﺴﻤﻮﻣﻪ .. ﻭﺣﺮﻓﻪ ..
ﺭﺯﺍﻥ : ﻣﺎﻳﻬﻤﻨﻴﺶ ﺭﺍﻳﻚ ..
ﺿﺤﻚ ﻭﻧﺰﻝ ﻣﻦ ﻉ ﺍﻟﺮﻛﺎﺑﻪ ﻭﻗﺪﻣﻠﻬﺎ : ﺑﺎﻫﻲ ﻋﻼﺵ ﻭﻗﻔﺘﻲ ﺗﺴﻤﻌﻲ ﻓﻴﻪ ..
ﺭﺯﺍﻥ : ﻭﻗﻔﺖ ﺑﺶ ﻧﺮﺩ ﻋﻠﻴﻚ ﺑﺲ ..
ﻋﻤﺎﺩ ﺍﺑﺘﺴﻢ : ﺗﻌﺮﻓﻲ .. ﺧﺎﻃﺮﻱ ﻧﻌﻄﻴﻚ ﻃﺮﻳﺤﻪ ..
ﺭﺯﺍﻥ : ﻏﻴﺮ ﺟﺮﺏ ﺑﺲ ..
ﻋﻤﺎﺩ : ﻻ ﻣﺶ ﺗﻮﺍ ﻟﻤﺎ ﺗﻮﻟﻲ ﻣﺮﺍﺗﻲ ﺇﻥ ﺷﺎﺀ ﺍﻟﻠﻪ ..
ﺗﻜﻬﺮﺑﺖ ﻭﻗﻠﺒﻬﺎ ﻗﻌﺪ ﻳﺮﺟﻒ : ﻣﺎﻧﺎﻗﺺ 😳
ﻋﻤﺎﺩ ﺑﻀﺤﻜﻪ : ﻭﺣﻖ ﻣﻦ ﺩﺍﺭ ﻫﺎﻟﻌﻴﻮﻥ ﺍﻟﺴﻤﺎﺡ ﻣﺎﺿﺎﻝ ﺍﻻ ﻭﺍﺧﺪﻙ ﻭﻋﻄﻴﻚ ﻃﺮﺍﻳﺢ ﻟﻴﻦ ﻧﻘﻮﻝ ﺑﺲ .. ﻟﻌﻨﺪ ﻣﺎﺗﺘﺮﺑﻲ ﺻﺢ ..
ﻓﺘﺢ ﺍﻟﻤﻐﻄﺎ .. ﻟﻘﻲ ﻓﻲ ﺷﻮﻳﻪ ﻟﻘﻤﺔ ﻋﺼﻴﺪﻩ ﻗﺎﻋﺪﻩ ..
ﺧﺪﺍﻫﺎ ﺑﻴﺪﻩ ﺍﻟﺘﺎﻧﻴﻪ ﻭﻛﻼﻫﺎ .. ﻏﻄﺎ ﺍﻟﺼﻮﻧﻴﻪ ﻭﻗﺎﻝ : ﺍﻣﻢ .. ﻛﻮﻳﺲ .. ﻣﻌﻨﺎﻫﺎ ﻓﻄﻮﺭ ﻛﻞ ﺻﺒﺢ ﺇﻥ ﺷﺎﺀ ﺍﻟﻠﻪ .. ﻣﺎﻧﺤﺒﺶ ﺍﻟﻤﺎﻛﻠﻪ ﺍﻟﺨﻔﻴﻔﻪ ﺭﺍﻫﻮ ... ﻭﺗﻲ ﺭﻭﺣﻚ ﻣﻦ ﺗﻮﺍ .. ﻳﺎﻣﻠﻌﻘﻪ ﻫﺎﻧﻢ ...
ﺍﺑﺘﺴﻢ .. ﻭﻣﺸﻲ ﻋﻨﻬﺎ ...
ﻭﺧﻼﻫﺎ ﻭﺍﻗﻔﻪ ﻭﻫﻲ ﺗﺸﻮﻓﻠﻪ ﺯﻱ ﺍﻟﻤﺴﺒﻮﻫﻪ ..
ﻟﻌﻨﺪ ﻣﺎﺍﺧﺘﻔﻲ ﻣﻦ ﻗﺪﺍﻣﻬﺎ ﻗﺎﻟﺖ ﺑﺈﺭﺗﺒﺎﻙ : ﺑﺮﺍ .. ﻫﺪﻯ ﺍﻟﻠﻲ ﻧﺎﻗﺺ 😳
🍁🍁🍁🍁
ﺍﻟﻌﺸﻴﻪ ..
ﺟﻮ ﻋﺒﺪﺍﻟﺴﻼﻡ ﻭﺧﻴﺮﻱ ﻭﺳﻌﺪ ...
ﻫﺪﺭﺯﻭﺍ ﺷﻮﻳﻪ .. ﻭﺑﻌﺪﻳﻦ ﺍﻟﻠﻲ ﻫﺪﺍ ﺭﻭﺡ ﺑﻌﻴﻠﺘﻪ ..
ﻟﻤﺎ ﻛﺎﻧﺖ ﺍﻟﺴﻴﺎﺭﺍﺕ ﺗﻄﻠﻊ ﻭﺭﺍ ﺑﻌﻀﻬﺎ ﻣﻦ ﺍﻟﻘﻄﻌﻪ ﺳﻴﺎﺭﺍﺕ ﺍﻟﻨﺴﺎﺑﺎﺕ ﻭﺍﻟﻮﻻﺩ ...
ﻛﺎﻧﻮﺍ ﻓﺎﻃﻤﻪ ﻭﺭﻣﻀﺎﻥ ﻳﺴﻘﺪﻭﺍ ﻓﻴﻬﻢ ..
ﻗﻌﺪﺕ ﻓﺎﻃﻤﻪ ﺗﺸﺒﺢ ﻟﺮﻣﻀﺎﻥ ﺑﺈﺳﺘﻐﺮﺍﺏ ﻭﻫﻮ ﻳﻤﺸﻲ ﻭﺭﺍ ﺍﻟﺴﻴﺎﺭﺍﺕ ﻟﻌﻨﺪ ﻣﺎﻃﻠﻊ ﻭﺭﺍﻫﻢ ﻣﻦ ﺍﻟﻘﻄﻌﻪ ..
ﻭﻗﻒ ﺑﻌﺪﻫﺎ ... ﻭﻫﻮ ﻳﺸﻮﻑ ﻟﺴﻴﺎﺭﺍﺗﻬﻢ ﻟﻴﻦ ﺍﺧﺘﻔﺖ ..
ﺑﻌﺪﻳﻦ ﺗﻨﻬﺪ ... ﻭﻟﻒ ﻭﻣﺸﻲ ﻗﻌﻤﺰ ﻉ ﺑﻮﻣﺸﻴﻪ ﺣﺪﺍ ﺍﻟﺸﻌﺒﻪ ﺍﻟﻘﺮﻳﺒﻪ ﻣﻦ ﺍﻟﻘﻄﻌﻪ
ﻗﻌﺪ ﻳﺸﺒﺢ ﺍﻟﻘﺪﺍﻡ ﺑﺤﺰﻥ .. ﻭﻫﻮ ﺳﺎﺭﺡ ﺑﺘﻔﻜﻴﺮﻩ 🍃..
🍃 ﻟﻌﻠﻲ ﻻﺍﻟﻘﺎﻛﻢ ﺑﻌﺪ ﻋﺎﻣﻲ ﻫﺬﺍ 🍃💔
🍁🍁🍁🍁🍁🍁
ﺍﻟﺴﺎﻋﻪ 10:00 ﻟﻴﻼ ...
" ﻧﻮﺿﻲ ﻧﻮﺿﻲ ﻳﺎﺑﻨﻐﺎﺯﻱ ﺟﺎﻙ ﺍﻟﻴﻮﻡ ﺍﻟﻠﻲ ﻓﻴﻪ ﺗﺮﺍﺟﻲ ..."
ﻫﺬﺍ ﻛﺎﻥ ﻫﺘﺎﻑ ﺑﻌﺾ ﻣﻦ ﺍﻫﺎﻟﻲ ﺑﻨﻐﺎﺯﻱ ﺍﻟﻠﻲ ﻃﻠﻌﻮﺍ ﻣﻈﺎﻫﺮﺍﺕ ﻷﺟﻞ ﺳﺠﻦ ﻓﺘﺤﻲ ﺗﺮﺑﻞ ﻣﺤﺎﻣﻲ ﺍﻫﺎﻟﻲ ﺿﺤﺎﻳﺎ ﻣﺠﺰﺭﺓ ﺑﻮﺳﻠﻴﻢ ...
ﺍﻟﻤﻈﺎﻫﺮﺓ ﻫﺎﺩﻱ ﺍﻟﺘﺤﻘﻮﺍ ﺑﻴﻬﺎ ﺟﻤﻬﻮﺭ ﺍﺣﺪﻱ ﺍﻟﻤﺒﺎﺭﻳﺎﺕ ﺍﻟﻠﻲ ﺍﻗﻴﻤﺖ ﻓﻲ ﻫﺪﺍﻛﺎ ﺍﻟﻴﻮﻡ ..
ﻭﻃﺒﻌﺎ ﻧﻘﻠﺖ ﺍﻏﻠﺐ ﺍﻟﻘﻨﻮﺍﺕ ﺍﻟﺘﺴﺠﻴﻞ ﺍﻟﻤﺼﻮﺭ ﺑﻜﺎﻣﻴﺮﺍ ﻓﻴﺪﻳﻮ ﻷﺣﺪ ﺍﻟﻬﻮﺍﺗﻒ ..
ﻭﻣﻦ ﺍﻫﻢ ﻭﺍﺑﺮﺯ ﻫﺎﻟﻘﻨﻮﺍﺕ ..
ﺍﻟﺠﺰﻳﺮﺓ ﺍﻟﻘﻄﺮﻳﻪ ...
ﺍﻟﻠﻲ ﻛﺎﻥ ﻳﺘﻔﺮﺝ ﻋﻠﻴﻬﺎ ﻋﻤﺎﺭ ..
ﻭﻣﻼﻣﺢ ﻭﺟﻬﻪ ﻣﺘﺠﻬﻤﻪ ..
ﻭﺩﻻﻝ ﺗﺮﺍﻗﺐ ﻓﻴﻪ ﻭﻫﻲ ﺧﺎﻳﻔﻪ ...
ﻛﻞ ﻣﺎﻟﻬﺎ ﺗﺤﺲ ﺍﻥ ﺍﻟﻮﺿﻊ ﻣﺎﻳﻄﻤﻨﺶ ﺑﻜﻞ ..
🍁 ﺣﺘﻰ ﺑﻮﻫﺎ ..
ﺑﺮﻏﻢ ﻛﺮﻫﻪ ﻟﻠﻘﺬﺍﻓﻲ ..
ﻟﻜﻦ ﻣﺎﻛﺎﻧﺶ ﻣﺘﺮﻳﺢ ﻟﻠﻲ ﻗﺎﻋﺪ ﻳﺼﻴﺮ ﻷﻥ ﻋﺎﺭﻑ ﻛﻮﻳﺲ ﻛﻮﻳﺲ
ﺍﻥ ﺍﻟﻘﺬﺍﻓﻲ ﻣﺶ ﺯﻱ ﺣﺴﻨﻲ ﻣﺒﺎﺭﻙ ﻭﻻ ﺯﻳﻦ ﺍﻟﻌﺎﺑﺪﻳﻦ ..
ﻭﻃﺒﻴﻌﻲ ﺟﺪﺍ ﻣﻦ ﺍﻟﺒﺪﺍﻳﻪ ﺣﻴﻘﺎﺑﻞ ﻫﺎﻟﺘﺤﺮﻛﺎﺕ ﺑﻘﻮﺓ ﺍﻟﺴﻼﺡ ..
ﻭﻓﻲ ﻧﺎﺱ ﻓﻌﻼ .. ﻣﺎﺗﺖ ..
🍃 ﻧﻌﺠﺐ ﻓﻲ ﺍﻟﻠﻲ ﻳﻘﻮﻟﻮﺍ ﻻ ﻣﺎﻃﻠﻘﻮﺵ ﻭﻻ ﺭﺻﺎﺻﻪ ﻉ ﺍﻟﻤﺘﻈﺎﻫﺮﻳﻦ .. ﻫﻮ ﻳﺎﺍﻣﺎ ﺷﻌﺒﻨﺎ ﻳﻨﺴﻰ ﻓﻴﺴﻊ .. ﻭﻻﻣﻨﺎﻓﻖ ..
ﺑﺎﻫﻲ ﻋﻼﺵ ﻣﻦ ﺯﻣﺎﻥ ﺍﻟﻨﺎﺱ ﺗﻨﺮﻋﺐ ﻣﻦ ﺫﻛﺮ ﺍﺳﻤﻪ ﻭﻟﻮ ﻳﺒﻮﺍ ﻳﻨﺘﻘﺪﻭﻩ ﻻﺯﻡ ﻳﻜﻮﻧﻮﺍ ﻣﺼﻜﺮﻳﻦ ﻋﻠﻴﻬﻢ ﺍﻟﻒ ﺑﺎﺏ ﻭﺑﺎﺏ !!🍃
🍁 ﻣﻦ ﺍﻟﻨﺎﺱ ﺍﻟﻠﻲ ﻛﺎﻧﺖ ﺗﺎﺑﻊ ﻟﻴﻠﺘﻬﺎ
ﻫﺎﻧﻴﺒﺎﻝ ...
ﻣﺤﻤﺪ : ﻣﺶ ﻋﺎﺟﺒﻨﻲ ﺍﻟﻮﺿﻊ ..
ﻫﺎﻧﻴﺒﺎﻝ : ﺍﻟﻌﺎﻗﺒﻪ ﻣﺶ ﺧﻴﺮ ..
ﻋﻤﺮ : ﻳﺴﺘﺮ ﺍﻟﻠﻪ ﻭﺧﻼﺹ ..
ﺧﺶ ﻋﻠﻴﻬﻢ ﺍﻟﻬﺎﺩﻱ ﺑﻌﺪ ﺭﻭﺡ ﻣﻦ ﺣﻮﺵ ﻧﺴﺎﺑﺎﺗﻪ : ﺭﻳﺘﻮﺍ ﺷﻦ ﺻﺎﺭ ﻓﺒﻨﻐﺎﺯﻱ !
ﻫﺎﻧﻴﺒﺎﻝ : ﻟﻮ ﺍﺳﺘﻤﺮﺕ ﺍﻟﻤﻈﺎﻫﺮﺍﺕ ﺣﺘﻨﻘﻠﺐ ..
ﺍﻟﻬﺎﺩﻱ : ﺇﻥ ﺷﺎﺀ ﺍﻟﻠﻪ ﻻ ..
🍁🍁🍁🍁🍁
ﺍﻟﺨﻤﻴﺲ ..
2011\2\17
ﻓﻲ ﺍﻟﻌﺎﺻﻤﻪ ..
ﻛﺎﻧﺖ ﺍﻟﺤﺮﻛﻪ ﺷﺒﻪ ﻣﻌﺪﻭﻣﻪ ...
ﻧﺎﺱ ﻫﻠﺒﻪ ﻛﺎﻧﺖ ﺧﺎﻳﻔﻪ ..
🍃 ﻧﺬﻛﺮ ﻳﻮﻣﻬﺎ ﻣﺸﻴﺖ ﻟﻠﺠﺎﻣﻌﻪ ..
ﺗﻔﺎﺟﺌﺖ ﺑﺸﺒﻪ ﺧﻠﻮ ﺍﻟﺠﺎﻣﻌﻪ ﻣﻦ ﺍﻟﻄﻼﺏ ..
ﺍﻟﻨﺎﺱ ﺣﺴﺖ ﺍﻥ ﺍﻟﺤﻜﺎﻳﻪ ﺟﺪﻳﺎﺕ ..
ﻭﺍﻧﻲ ﻟﻬﺪﺍﻛﺎ ﺍﻟﻮﻗﺖ ﻣﺎﻛﻨﺘﺶ ﻭﺍﺧﺪﺗﻬﺎ ﺟﺪ .. ﺑﺲ ﻧﻌﺘﺖ ﺷﻌﺒﻨﺎ ﺑﺼﻔﺔ ﺍﻟﺠﺒﻦ 🍃..
ﺑﻴﻨﻤﺎ ﻓﻲ ﺷﺮﻕ ﺍﻟﺒﻼﺩ ..
ﻋﺎﻭﺩﺕ ﺍﻟﻤﺘﻤﺮﺩﻩ ﺍﻟﻜﺮﺓ ..
ﻭﻫﺎﻟﻤﺮﺓ ﻃﻠﻌﻮﺍ ﺍﻛﺜﺮ ﻣﻦ ﺍﻟﻴﻮﻡ ﺍﻟﻠﻲ ﻗﺒﻠﻪ ...
ﻭﻛﺎﻥ ﺍﻟﻬﺘﺎﻑ ...
" ﺍﻟﺸﻌﺐ ﻳﺮﻳﺪ ﺍﺳﻘﺎﻁ ﺍﻟﻌﻘﻴﺪ "
ﻭﺍﻟﺠﺰﻳﺮﺓ ﺗﻐﻄﻲ ﻭﺍﻟﻌﺮﺑﻴﻪ ﺗﻐﻄﻲ ..
ﻭﺳﻤﻌﻨﺎ ﺑﺎﻟﻘﺒﻌﺎﺕ ﺍﻟﺼﻔﺮ ..
ﻭﺳﻤﻌﻨﺎ ﺑﺎﻟﻤﺮﺗﺰﻗﻪ ...
ﻭﺍﻟﻘﻨﻮﺍﺕ ﺗﻐﻄﻲ ...
ﻭﻷﻥ ﺍﻟﺤﺮﺍﻙ ﻓﻲ ﻟﻴﻴﺒﺎ ﺟﻲ ﺑﻌﺪ ﺗﻮﻧﺲ ﻭﻣﺼﺮ ..
ﻓﻬﻮﺍﺓ ﺭﻳﺎﺿﺔ ﺭﻛﻮﺏ ﺍﻷﻣﻮﺍﺝ ﺧﺪﻣﻮﻫﺎ ﺻﺢ ...
ﺑﺮﺍ ﺍﻟﺒﻼﺩ ﻭﺩﺍﺧﻠﻬﺎ ... ﻟﻴﺒﻲ ﻭﻏﻴﺮ ﻟﻴﺒﻲ ..
ﻭﺑﺪﻱ ﻣﻦ ﻫﺪﺍﻛﺎ ﺍﻟﻮﻗﺖ .. ﺍﺳﺘﻐﻼﻝ ﺍﻟﺤﺮﺍﻙ ..
ﻭﺍﺳﺘﻐﻼﻝ ﻏﻀﺐ ﺍﻟﻨﺎﺱ ﻭﻛﺮﻫﻬﻢ ﻟﻠﻘﺬﺍﻓﻲ ..
ﻣﻦ ﻣﻨﺎ ﻧﺴﻲ ..
ﺟﻤﻠﺔ " ﻳﺒﻮﺍ ﻳﺤﺮﻗﻮﻧﺎ 🍃!!!"
🍁🍁🍁🍁
ﺑﺲ ﻛﻤﺎ ﻫﻮ ﻣﺘﻮﻗﻊ ﻣﻦ ﺍﻟﻘﺬﺍﻓﻲ ﻟﻦ ﻳﺴﺘﺨﺪﻡ ﺇﻻ ﺍﻟﻘﻮﺓ ...
ﻷﻥ ﻫﻲ ﻫﺎﺩﻱ ﺍﻟﻠﻐﻪ ﺍﻟﻮﺣﻴﺪﻩ ﺍﻟﻠﻲ ﻳﺘﻌﺎﻣﻞ ﺑﻴﻬﺎ ﻣﻊ ﺍﻟﻠﻴﺒﻴﻦ ﻣﻦ ﺯﻣﺎﻥ ..
ﻟﺒﺴﻂ ﺳﻴﻄﺮﺗﻪ ﻭﺳﻠﻄﺘﻪ ﺑﺎﻟﺨﻮﻑ ..
ﻭﺩﻭﻟﻪ ﻗﺎﺋﻤﺔ ﻉ ﺍﻟﻈﻠﻢ ﻭﺍﻟﺨﻮﻑ .. ﻟﻦ ﺗﺪﻭﻡ ﻣﻬﻤﺎ ﻃﺎﻝ ﺍﻣﺪ ﺑﻘﺎﺋﻬﺎ ..
🍁🍁🍁🍁
ﻃﺮﺍﺑﻠﺲ ..
ﺍﻟﺴﺎﻋﻪ 10:00 ﻟﻴﻼ ..
ﻓﻲ ﺣﻮﺵ ﺳﻴﻔﺎﻭ ﺻﺪﻳﻖ ﻋﻤﺎﺩ ..
ﺳﻴﻔﺎﻭ : ﺧﻼﺹ ﻳﺎﺭﺍﺟﻞ ﺍﻟﻨﺎﺱ ﻓﺪﺕ 41 ﺳﻨﻪ ﺷﻦ ﺩﺍﺭ ﻓﻴﻬﻢ ﻭﻻﺷﻦ ﺭﻳﻨﺎ ﻣﻨﻪ ..
ﻋﻤﺎﺩ