المتمردين

العشق المتمرد

الجزء 42
#العشق_المتمرد

جمان فريد
" ﻫﻬﻬﻬﻬﻬﻬﻬﻪ ... ﺗﻔﺎﺟﺌﺘﻲ "
ﻗﻌﺪﺕ ﺗﺸﻮﻓﻠﻪ ﺑﺤﺪﻩ ﻭﺑﻨﻈﺮﺍﺕ ﻛﻠﻬﺎ ﻛﺮﻩ ...
ﻗﺪﻡ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﺍﻟﻤﺼﻮﺭ ... ﻭﻣﺒﺘﺴﻢ ﻉ ﺟﻨﺐ ...
ﻫﺎﻳﻞ : ﺗﻮﻗﻌﺘﻚ ﺗﻄﻠﻌﻲ ﻣﺤﺎﻣﻴﻪ .. ﻉ ﻃﻮﻝ ﻟﺴﺎﻧﻚ ﻭﺣﺮﺍﻓﺘﻚ ..
ﻭﻗﻒ ﻗﺪﺍﻣﻬﺎ ﻭﺣﻂ ﺍﻳﺪﻩ ﻉ ﺍﻟﻄﺎﻭﻟﻪ ﺍﻟﻠﻲ ﻗﺪﺍﻣﻬﺎ .. ﻟﻜﻦ ﺍﺧﺘﺮﺗﻲ ﺣﺎﺟﻪ ﺍﺑﺪﺍ ﻣﺎﺧﻄﺮﺗﺶ ﻉ ﺑﺎﻟﻲ ...
ﺑﺲ ﺫﻛﺮﺗﻨﻲ ﺑﻤﺎﺿﻲ ﺣﻠﻮ ﻳﺠﻤﻌﻨﺎ ...
ﺣﻂ ﻳﺪﻩ ﻓﻲ ﺟﻴﺐ ﺳﺮﻭﺍﻟﻪ ﺍﻟﺨﻠﻔﻲ ﻭﻃﻠﻊ ﺻﻮﺭﺓ ﻭﻭﺭﺍﻫﺎﻟﻬﺎ ...
ﻫﺎﻳﻞ : ﻣﺬﻛﺮﺗﻴﻬﺎ ﻓﺄﻳﻦ ﻋﻴﺪ ﺧﺪﻳﻨﺎﻫﺎ ... ﻭﻣﺬﻛﺮﺓ ﺷﻦ ﻗﺘﻠﻚ ﻭﻗﺘﻬﺎ ...
ﻋﺮﻭﺑﻪ ﻣﺎﺯﺍﻟﺖ ﺗﺸﻮﻓﻠﻪ ﺑﻨﻔﺲ ﺍﻟﻨﻈﺮﺓ ﻭﻣﺎﺯﺍﻝ ﻣﺤﺎﻓﻈﻪ ﻉ ﺻﻤﺘﻬﺎ ...
ﻫﺎﻳﻞ ﺍﺑﺘﺴﻢ : ﻭﺍﺿﺢ ﺍﻧﻚ ﻣﺬﻛﺮﺓ ﻳﺎﺳﻤﺤﻪ .. ﺣﻂ ﺍﻟﺼﻮﺭﺓ ﻉ ﺍﻟﻄﺎﻭﻟﻪ ﻭﻗﺎﻝ ... ﺳﺒﺤﺎﻥ ﺍﻟﻠﻪ ﺍﻟﺒﺎﻳﻦ ﺍﻟﻘﺪﺭ ﻳﺒﻴﻨﺎ ﻟﺒﻌﺾ ..
ﻋﺮﻭﺑﻪ ﺑﺤﺪﻩ : ﺍﺫﺍ .. ﻫﻸ .. ﺑﻬﺎﻟﻠﺤﻈﻪ .. ﻣﺎﺃﺧﺘﻔﻴﺖ ﻣﻦ ﻗﺪﺍﻡ ﻭﺷﻲ ﺭﺡ ﺍﺗﺼﻞ ﺑﺎﻟﺸﺮﻃﻪ .. ﻭﻟﺒﺴﻚ ﺗﻬﻤﻪ ﺟﺪﻳﺪﻩ ﻭﺧﻠﻴﻚ ﺗﻌﻔﻦ ﺑﺎﻟﺤﺒﻮﺱ ..
ﻫﺎﻳﻞ : ﻫﻬﻬﻬﻬﻬﻬﻬﻬﻬﻬﻬﻬﻪ ... ﺍﺍﺍﺍﺍﻩ ... ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻘﻮﻝ .. ﻃﺎﻟﻊ ﻃﺎﻟﻊ .. ﺑﺲ ﺭﺍﻫﻮ ﺑﻨﻮﻟﻲ ﻣﺮﺓ ﻭﺗﻨﻴﻦ ﻭﻻﺗﻼﺗﻪ ... ﺍﻳﻪ ﻭﺍﺗﺼﻠﻲ ﺑﻤﻦ ﺗﺒﻲ .. ﻭﻟﺒﺴﻴﻨﻲ ﺷﻦ ﺗﺒﻲ ... ﺍﻧﺘﻲ ﻓﺼﻠﻲ .. ﻭﺍﻧﻲ ﻧﻠﺒﺲ
ﻳﺎﺣﺒﻲ ... ﻭﺍﺑﺘﺴﻢ ﺑﺈﺳﺘﻔﺰﺍﺯ ... ﻭﺯﻉ ﻧﻈﺮﻩ ﻣﻦ ﺟﺪﻳﺪﻩ ﻉ ﻣﻜﺎﻥ ﻭﻗﺎﻝ ﺑﺘﻬﻜﻢ ... ﻳﺠﻌﻠﻮﺍ ﺁﻳﺔ ﺍﻟﺮﺯﻕ ﺍﻭﻟﻴﻚ ... ﻫﻬﻬﻬﻬﻬﻬﻬﻬﻬﻪ .
ﻭﻣﺸﻲ ﺗﻮﺟﻪ ﻟﻠﺒﺎﺏ .. ﻭﻳﻦ ﺟﺎﻱ ﺑﻴﻄﻠﻊ ﺷﺒﺤﻠﻬﺎ ﺑﻨﻈﺮﺓ ﺗﺨﻮﻑ ... ﺑﻌﺪﻳﻦ ﻟﻒ ﻭﻃﻠﻊ ﻭﺻﻜﺮ ﺍﻟﺒﺎﺏ ..
ﻭﺧﻼ ﻋﺮﻭﺑﻪ ﺍﻟﻠﻲ ﻛﺎﻧﺖ ﻣﺮﻛﺰﺓ ﺑﻨﻈﺮﻫﺎ ﻉ ﺍﻟﻄﺎﻭﻟﻪ ﺗﻐﻠﻲ ﻏﻠﻲ .. ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻭﺗﺨﺮﻁ ﺑﻈﻮﺍﻓﺮﻫﺎ ﻓﻲ ﺍﻟﻄﺎﻭﻟﻪ ....
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﻣﺮﺓ ﺗﺎﻧﻴﻪ ..
ﺧﻄﺮ ﻓﻲ ﺑﺎﻟﻬﺎ ﺍﻥ ﻫﻮ ﻭﻟﻰ ...
ﻋﺮﻭﺑﻪ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﺍﻟﺪﻣﻮﻉ ﻧﺰﻟﻮﺍ ﻣﻨﻬﻢ ﻭﻗﺎﻟﺖ ﺑﻐﻀﺐ : ﺍﻟﻠﻪ ﻳﺎﺍﺍﺧﺪﻙ ...
" ﺍﺣﻤﻢ "
ﻓﺘﺤﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺒﺎﺏ .. ﻭﺍﺗﻔﺎﺟﺌﺖ ﻭﺍﻧﺤﺮﺟﺖ ﻫﻠﺒﻪ ..
ﺣﻤﺪﻱ : ﺟﻴﺖ ﻓﻮﻗﺖ ﻏﻠﻂ .. ﻧﻮﻟﻲ؟
ﻋﺮﻭﺑﻪ ﻣﺴﺤﺖ ﺩﻣﻮﻋﻬﺎ : ﺍﺣﻤﻢ .. ﻻﺍﺑﺪﺍ .. ﺗﻔﻀﻞ ...
ﻗﻌﺪ ﻣﺮﻛﺰ ﻋﻠﻴﻬﺎ ﻛﻴﻒ ﻭﺟﻬﻬﺎ ﺍﺣﻤﺮ ﻭﺗﺒﺎﻥ ﻣﺶ ﻉ ﺑﻌﻀﻬﺎ ....
ﻋﺮﻭﺑﻪ : ﺍﺣﻤﻢ .. ﺣﻜﺖ ﻣﻌﻲ ﺍﺳﻤﺎ ﺍﻟﻴﻮﻡ ﺍﻟﺼﺒﺢ ﻭﻗﻠﺘﻼ ﺍﻥ ﻟﺴﺎ ﻣﺎﺟﻬﺰ ﺍﻷﻟﺒﻮﻡ .. ﺑﺲ ﺑﺎﻟﻨﺴﺒﻪ ﻟﻠﻔﻴﺪﻳﻮ ﺟﺎﻫﺰ ...
ﻃﻠﻌﺎﺗﻪ ﻣﻦ ﺍﻟﻘﺠﺮ ...
ﻭﺣﻄﺎﺗﻪ ﻓﻲ ﻛﻴﺴﺔ ﺧﺎﺻﻪ ﺑﺎﻟﻤﺼﻮﺭ ﻣﺘﺎﻋﻬﺎ ...
ﺣﻤﺪﻱ ﻻﺣﻆ ﺍﻧﻬﺎ ﺗﺮﻋﺶ ﻭﻣﻠﺨﺒﻄﻪ ﻉ ﺍﻵﺧﺮ ﻭﻓﻲ ﺩﻣﻌﻪ ﻣﻮﺟﻮﺩﻩ ﻉ ﻃﺮﻑ ﻋﻴﻨﻬﺎ ﺣﻄﻴﺢ ...
ﻋﺮﻭﺑﻪ : ﺗﻔﻀﻞ ..
ﻣﺪ ﻳﺪﻩ ﻭﺧﺪﻱ ﺍﻟﻜﻴﺲ ﻭﻫﻮ ﻳﺸﻮﻓﻠﻬﺎ ... ﺑﻌﺪﻳﻦ ﻗﺎﻝ : ﺍﻣﺘﻲ ﻳﻮﺗﻮﺍ ﺍﻟﺼﻮﺭ ..
ﻋﺮﻭﺑﻪ : ﺁﺧﺮ ﺍﻷﺳﺒﻮﻉ ...
ﺣﻤﺪﻱ ﻭﻫﻮ ﻣﺎﺯﺍﻝ ﻣﺮﻛﺰ ﻉ ﻣﻼﻣﺤﻬﺎ : ﺗﻤﺎﻡ ... ﺷﺒﺤﻠﻬﺎ ﺷﻮﻳﻪ ﻭﻗﺎﻝ ... ﺷﻦ ﺍﻟﺴﻴﺎﺭﺓ ﺍﻣﻮﺭﻫﺎ ﺗﻤﺎﻡ ﻣﻌﺎﺵ ﺩﺍﺭﺗﻬﺎ ﻓﻴﻚ ...
ﻋﺮﻭﺑﻪ ﺍﺑﺘﺴﻤﺖ ﻣﺠﺎﻣﻠﻪ ﻭﻗﺎﻟﺖ : ﺍﻳﻪ ﺗﻤﺎﻡ ...
ﻫﻮ ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﺑﺎﻫﻲ ... ﻣﺎﻧﻌﻄﻠﺶ ﻋﻠﻴﻚ .. ﺍﻟﺴﻼﻡ ﻋﻠﻴﻜﻢ ..
ﻋﺮﻭﺑﻪ : ﻭﻋﻠﻴﻜﻢ ﺍﻟﺴﻼﻡ ...
ﻭﻫﻮ ﻣﺎﺷﻲ .. ﻧﺒﻀﺎﺕ ﻗﻠﺒﻪ ﻗﻮﺕ ﻫﻠﺒﻪ 💓..
ﺣﺲ ﺭﻭﺣﻪ ﻣﺎﻳﺒﻴﺶ ﻳﺨﻠﻴﻬﺎ ...
ﻭﺻﻞ ﻓﻲ ﺍﻟﺒﺎﺏ ﺗﻠﻔﺖ ﻭﻗﺎﻝ؛ﺍﺣﻤﻢ .. ﻟﻮ ﺍﺣﺘﺠﺘﻲ ﺣﺎﺟﻪ ﻛﻠﻤﻴﻨﻲ ..
ﻫﻲ ﺷﺒﺤﺘﻠﻪ ﺑﺈﺳﺘﻐﺮﺍﺏ ..
ﻫﻮ ﺗﻠﺨﺒﻂ ﻭﻗﺎﻝ ﺑﺮﺑﻜﻪ : ﻗﺼﺪﻱ ﺑﺨﺼﻮﺹ ﺍﻟﺴﻴﺎﺭﺓ 😅
ﻋﺮﻭﺑﻪ ﻫﺰﺕ ﺭﺍﺳﻬﺎ ﺑﺄﻳﺠﺎﺏ ﻭﻣﺎﺯﺍﻟﺖ ﻣﻼﻣﺢ ﺍﻹﺳﺘﻐﺮﺍﺏ ﺑﺎﺩﻳﻪ ﻉ ﻭﺟﻬﻬﺎ ﻭﻗﺎﻟﺖ : ﺷﻜﺮﺍ ...
ﻫﻮ ﺍﺑﺘﺴﻢ .. ﻭﻃﻠﻊ ﻭﺻﻜﺮ ﻭﺭﺍﻩ ﺍﻟﺒﺎﺏ ...
ﺷﻮﻳﻪ ﻭﺧﺸﺖ ﺳﻤﻴﺮﺓ : ﺗﺄﺧﺮﺕ ...
ﻋﺮﻭﺑﻪ ﺑﺮﻓﻌﺔ ﺣﻮﺍﺟﺐ : ﺷﻮ ﻣﻦ ﻭﻳﻦ ﺟﺒﺘﻴﻪ ..
ﺳﻤﻴﺮﺓ؛ ﺑﺼﺮﺍﺣﻪ ﻭﻛﺎﻝ ﺍﻟﻘﻬﻮﺓ ﻫﺬﻱ ﻣﺎﻳﻌﺠﺒﺶ ﻓﻴﺎ ﻋﺪﻳﺖ ﻟﻠﻲ ﻓﻲ ﺍﻟﺸﺎﺭﻉ ﺍﻟﺘﺎﻧﻲ .... ﻫﺎﻩ ... ﺟﺎ ﺣﺪ ﻓﻐﻴﺎﺑﻲ ..
ﻋﺮﻭﺑﻪ ﻧﺰﻟﺖ ﻋﻴﻮﻧﻬﺎ ﻟﻠﺼﻮﺭﺓ ﺧﺪﺗﻬﺎ ﺑﺪﻭﻥ ﻣﺎﺗﻼﺣﻆ ﺳﻤﻴﺮﺓ : ﺧﻮ ﺍﺳﻤﺎ ﺍﺟﺎ ﻟﻴﺎﺧﺪ ﺍﻟﻔﻴﺪﻳﻮ ..
ﺳﻤﻴﺮﺓ : ﺍﻫﺎ ...
🌴🌴🌴🌴🌴🌴🌴🌴🌴🌴🌴🌴🌴🌴🌴
ﻣﻮﺟﻮﺩ ﻓﻤﻜﺎﻥ ﻋﻤﻠﻪ ﻭﻻﻫﻲ ﺑﺨﺪﻣﺘﻪ ..
ﺑﺲ ﻛﺎﻥ ﻗﺎﺭﻥ ﺣﻮﺍﺟﺒﻪ ﻭﻣﻀﻴﻖ ﻋﻴﻮﻧﻪ ﻭﻣﺘﻨﺮﻓﺰ ﻫﻠﺒﻪ ﻣﻦ ﺗﻠﻴﻔﻮﻧﻪ ﺍﻟﻠﻲ ﻣﺎﺑﻄﻠﺶ ﺭﻥ ..
ﺍﺧﺮ ﺷﻲ ﻗﺮﺭ ﻳﺮﺩ ..
ﻫﺎﻧﻴﺒﺎﻝ : ﺍﻳﻮﻩ ...
: ﺍﻧﺖ ﻫﺎﻧﻴﺒﺎﻝ ..
ﻫﺎﻧﻴﺒﺎﻝ ﺑﺈﺳﺘﻐﺮﺍﺏ : ﺍﻳﻪ ..
: ﺍﺳﻤﻊ ﺑﺎﻟﻠﻪ ﻋﻠﻴﻚ ﺑﺎﻟﻠﻪ ﻋﻠﻴﻚ ﻛﻠﻢ ﻣﺠﺪﻭﻟﻴﻦ ﺭﺍﻫﻮ ﺣﺎﻟﺘﻬﺎ ﺑﺎﻟﻮﻳﻞ ﻣﻦ ﻏﻴﺮﻙ ..
ﻫﺎﻧﻴﺒﺎﻝ ﺷﺒﻪ ﻣﺼﺪﻭﻡ : ﺧﻴﺮﻫﺎ؟؟
: ﺗﻮﺍ ﻫﻲ ﻓﻲ ﺍﻟﻤﺴﺘﺸﻔﻰ ﺑﺴﺒﺐ ﺳﻮﺀ ﺍﻟﺘﻐﺪﻳﻪ ﻟﻴﻬﺎ ﻣﺪﺓ ﻧﻔﺴﻴﺘﻬﺎ ﻣﺪﻣﺮﺓ ... ﺑﺎﻟﻠﻪ ﻋﻠﻴﻚ ﻭﻳﻦ ﺗﻔﻴﻖ ﻛﻠﻤﻬﺎ ﺍﺭﺟﻮﻙ ..
ﻫﺎﻧﻴﺒﺎﻝ : ﺗﻲ ﻏﻴﺮ ﺍﺻﺒﺮﻱ ﺷﻮﻱ ﺍﻧﺘﻲ ﻣﻨﻮ ﺍﺻﻼ ..
: ﺍﻧﻲ ﻣﺮﺕ ﺧﻮﻫﺎ ﻭﻋﺎﺭﻓﻪ ﻗﺼﺘﻜﻢ ﻛﻠﻬﺎ ..
ﻫﺎﻧﻴﺒﺎﻝ : ﻗﺼﺘﻨﺎ !!
: ﺍﻳﻪ ... ﺗﻮﺍ ﺑﻨﺼﻜﺮ ﻭﺧﻴﻲ ﻭﺑﻨﻤﺸﻲ ﻧﺸﻮﻓﻬﺎ ﻛﺎﻥ ﻟﻘﻴﺘﻬﺎ ﻓﺎﻳﻘﻪ ﺑﻨﻌﺎﻭﺩﻟﻚ ...
ﺻﻜﺮﺕ ﻋﻠﻴﻪ ....
ﻫﻬﻬﻬﻬﻬﻬﻬﻬﻬﻬﻬﻬﻪ ...
ﺻﻔﺎﺀ : ﺗﻀﺤﻜﻲ ﻳﺎﻣﻌﻔﻨﻪ ﻳﺎﻛﻠﺒﻪ .
ﻣﺠﺪﻭﻟﻴﻦ ﺑﻀﺤﻜﻪ : ﻣﻨﻈﺮﻙ ﺧﻴﺎﻟﻲ ﻟﻜﻦ ﻃﻠﻌﺘﻲ ﻣﻤﺜﻠﻪ ﻗﻮﻳﻪ
ﺻﻔﺎﺀ : ﺑﺎﻫﻲ ﺧﻠﻴﻚ ﻣﻦ ﺍﻟﻘﻄﺎﻑ ﻭﻗﻮﻟﻴﻠﻲ ﻛﺬﺑﻪ ﺯﻱ ﻫﺎﺩﻱ ﺗﻤﺸﻲ ﻋﻠﻴﻪ ...
ﻣﺠﺪﻭﻟﻴﻦ ﺗﻨﻬﺪﺕ : ﻣﺎﺃﻇﻨﺶ .. ﺑﺲ ﻧﺒﻴﻪ ﻳﻌﺮﻑ ﺍﻥ ﻣﺘﻤﺴﻜﻪ ﺑﻴﻪ ﺣﺘﻰ ﻟﻮ ﺑﺎﻟﻜﺬﺏ ﻧﺮﺩﻩ ...
ﺻﻔﺎﺀ ﺍﺑﺘﺴﻤﺖ؛ﺑﺎﻫﻲ ﺗﺘﻮﻗﻌﻴﻪ ﻳﻮﻟﻲ ...
ﻣﺠﺪﻭﻟﻴﻦ ﺑﺤﺰﻥ : ﻣﺎﻧﻌﺮﻓﺶ .. ﻟﻜﻦ ﻧﺘﻮﻗﻊ ﻟﻮ ﻣﺎﻋﺒﺮﻧﻴﺶ ﺍﻟﻜﺬﺑﻪ ﺍﻟﻠﻲ ﻛﺬﺑﻨﺎﻫﺎ ﺗﺼﻴﺮ ﺣﻖ ..
ﺭﻥ ﺗﻠﻴﻔﻮﻥ ﻣﺠﺪﻭﻟﻴﻦ ﺍﻟﻠﻲ ﻛﺎﻥ ﻓﻴﺪﻫﺎ
ﻣﺠﺮﺩ ﺷﺎﻓﺖ ﺍﻟﻤﺘﺼﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺻﻔﺎﺀ : ﺧﻴﺮ ﺩﻋﻮﺗﻚ؟ !!
ﻣﺠﺪﻭﻟﻴﻦ ﺑﻀﺤﻜﻪ : ﻣﺎﻣﺸﺘﺶ ﻋﻠﻴﻪ ... ﺧﺪﺕ ﻧﻔﺲ ﻭﻓﺘﺤﺖ ﺍﻟﺨﻂ ...
ﻫﺎﻧﻴﺒﺎﻝ : ﺍﻋﺮﻓﻦ ﻛﻴﻒ ﺗﻜﺬﺑﻦ ﻣﺮﺓ ﺗﺎﻧﻴﻪ ... ﺣﺘﻰ ﻉ ﺍﻟﻌﻴﻞ ﻓﻲ ﺍﻷﺑﺘﺪﺍﺋﻲ ﻣﺎﺗﻤﺸﻴﺶ ..
ﻣﺠﺪﻭﻟﻴﻦ : ﻫﻬﻬﻬﻬﻬﻬﻬﻬﻪ .
ﻫﺎﻧﻴﺒﺎﻝ : ﺗﻀﺤﻜﻲ ! ؟
ﻣﺠﺪﻭﻟﻴﻦ ﻫﺪﺕ ﺿﺤﻚ ﻭﻗﺎﻟﺖ ﻭﻫﻲ ﻣﺒﺘﺴﻤﻪ : ﻛﺬﺑﺘﻬﺎ ﻭﻋﺎﺭﻓﻪ ﺍﻧﻬﺎ ﻣﺶ ﺣﺘﻔﻮﺕ ﻋﻠﻴﻚ ..
ﻫﺎﻧﻴﺒﺎﻝ ﺍﺑﺘﺴﻢ ﻉ ﺟﻨﺐ ﻭﻗﺎﻝ : ﺷﻨﻮ ﺣﺎﻟﻚ ...
ﻣﺠﺪﻭﻟﻴﻦ ﺗﻨﻬﺪﺕ ﻭﻗﺎﻟﺖ : ﻣﺘﺴﺄﻟﺶ ﻉ ﺣﺎﻟﻲ ﻣﻦ ﻏﻴﺮﻙ ..
ﺍﺑﺘﺴﻤﺖ ﻣﺮﺓ ﺧﻮﻫﺎ ﻭﺍﻧﺴﺤﺒﺖ ﻣﻦ ﺍﻟﻤﻜﺎﻥ ..
ﻫﺎﻧﻴﺒﺎﻝ : ﺧﻴﺮﻙ ﻣﺎﻓﻴﻚ ﺷﻲ ﻫﺎﻙ ﻗﺎﻋﺪﺓ ﺗﻜﺬﺑﻲ ﻭﺗﻀﺤﻜﻲ ﻭﺟﻮﻙ ﻣﻠﻴﺢ ...
ﻣﺠﺪﻭﻟﻴﻦ ﺑﻀﺤﻜﻪ : ﺩﻳﻤﺎ ﻭﺍﻧﺖ ﻇﺎﻟﻤﻨﻲ ... ﻟﻮ ﺗﺠﻲ ﻭﺗﺸﻮﻑ ﺷﻜﻠﻲ ﻛﻴﻒ ﻭﻟﻰ ﺗﻌﺮﻑ ﺑﺎﻟﺤﻖ ﻣﻘﺎﻃﻌﺘﻚ ﻟﻴﺎ ﺷﻦ ﺩﺍﺭﺕ ﻓﻴﺎ ..
ﺍﺑﺘﺴﻢ ﻫﺎﻧﻴﺒﺎﻝ ﻭﻗﻌﺪ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ﻭﻗﺎﻝ : ﺳﻜﺮﻱ ﺗﻮﺍ ﻭﺑﻌﺪ ﻧﻔﻀﺎ ﻧﺤﻜﻮﺍ
ﻣﺠﺪﻭﻟﻴﻦ ﺑﺈﺑﺘﺴﺎﻣﻪ 💓💓💓ok:
ﺻﻜﺮ ... ﻭﻫﻲ ﺻﻜﺮﺕ ﺑﻌﺪﻫﺎ ... ﺿﺤﻜﺖ ﺑﻬﺴﺘﻴﺮﻳﺎ ﻣﻦ ﻓﺮﺣﺘﻬﺎ ﻧﺎﺿﺖ ﻓﺘﺤﺖ ﺍﻟﻤﻨﻈﻮﻣﻪ ﻉ ﺍﻏﻨﻴﺔ ﻟﻨﺎﻧﺴﻲ ﻋﺠﺮﻡ
ﻣﻌﺠﺒﻪ ...
ﻭﺑﺪﺕ ﺗﻐﻨﻲ ﻣﻌﺎﻫﺎ ﻭﺗﺮﻗﺺ ﻭﻫﻲ ﺑﻄﻴﺮ ﻣﻦ ﻓﺮﺣﺘﻬﺎ 💕
🍁🍁🍁🍁🍁🍁
ﺟﺎﻣﻌﺔ ﺍﻟﻔﺎﺗﺢ ...
ﻛﻠﻴﺔ ﺍﻟﻬﻨﺪﺳﻪ ..
ﻣﺎﻛﻠﻤﻜﺶ ﺑﻜﻞ ..
ﺭﺍﻧﻴﺎ ﻭﻫﻲ ﻻﻫﻴﻪ ﺑﺎﻟﻼﺏ : ﺑﺎﻟﻠﻪ ﻣﻌﺎﺵ ﺗﺠﻴﺒﻠﻲ ﺳﻴﺮﺗﻪ ..
ﻧﻬﻰ : ﻋﻼﺵ .. ﺷﻦ ﻛﺮﻫﺘﻴﻪ ﻣﺎﻻ؟
ﺭﺍﻧﻴﺎ ﺑﺈﻧﺰﻋﺎﺝ : ﻓﻜﻴﻨﻲ ﻣﻦ ﺳﻴﺮﺗﻪ ﻳﺎﻧﻬﻰ ﻗﺘﻠﻚ ..
ﺍﺑﺘﺴﻤﺖ ﻧﻬﻰ ﺑﺨﺒﺚ ...
ﻗﺎﻋﺪﻳﻦ ﺳﺎﻛﺘﻴﻦ ﺷﻮﻳﻪ ﻟﻌﻨﺪ ﻣﺎ ...
" ﺭﻧﻮﺷﻪ .."
ﻗﺎﻣﺖ ﻋﻴﻮﻧﻬﺎ ﻭﺍﺗﻔﺎﺟﺌﺖ : ﺍﺳﺎﻣﻪ ...
ﻧﻬﻰ " ﻛﻞ ﻭﺍﺣﺪ ﺍﺣﺮﻑ ﻣﻦ ﺍﻟﺘﺎﻧﻲ ﺗﻲ ﻏﻴﺮ ﻭﻳﻦ ﺍﻃﻴﺤﻲ ﻓﻴﻬﻢ "
ﺍﺳﺎﻣﻪ ﺑﺈﺑﺘﺴﺎﻣﻪ : ﺷﻦ ﺟﻮ ..
ﺭﺍﻧﻴﺎ : ﺗﻤﺎﻡ .. ﺍﻧﺖ ﺷﻦ ﺧﺒﺎﺭﻙ ..
ﺍﺳﺎﻣﻪ : ﺍﻟﺤﻤﺪ ﻟﻠﻪ ... ﻧﻘﻌﻤﺰ ...
ﺭﺍﻧﻴﺎ ﺑﻀﺤﻜﻪ : ﺍﻛﻴﺪ ...
ﻧﻬﻰ ﻧﺎﺿﺖ : ﻣﺎﻻ ﺍﻧﻲ ﻧﺴﺘﺄﺫﻥ ..
ﺭﺍﻧﻴﺎ : ﻻﺧﻠﻴﻚ .. ﺷﺒﺤﺖ ﻷﺳﺎﻣﻪ .. ﻫﺎﺩﻱ ﺻﺎﺣﺒﺘﻲ ﻧﻬﻰ .. ﺷﺒﺤﺖ ﻟﻨﻬﻰ .. ﻫﺪﺍ ﻭﻟﺪ ﻋﻤﺘﻲ ﺍﺳﺎﻣﻪ ..
ﻧﻬﻰ ﺍﺑﺘﺴﻤﺖ ﻣﺠﺎﻣﻠﻪ : ﻓﺮﺻﺔ ﺳﻌﻴﺪﻩ ..
ﺍﺳﺎﻣﻪ : ﺑﻴﻚ ﺍﺳﻌﺪ ..
ﻧﻬﻰ ﺑﺈﺑﺘﺴﺎﻣﻪ : ﺍﻧﻲ ﺑﻨﻤﺸﻲ ﻟﻠﻤﺼﻮﺭ ﺷﻮﻳﻪ ﻭﺟﺎﻳﻪ ..
ﺭﺍﻧﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ....
ﻣﺸﺖ ﻧﻬﻰ ....
ﺑﻌﺪﺕ ﻣﺴﺎﻓﻪ ﻻﺑﺄﺱ ﺑﻴﻬﺎ ....
ﻭﻃﻠﻌﺖ ﺗﻠﻴﻔﻮﻧﻬﺎ .... ﻭﻣﺸﺖ ﻟﺘﺮﻛﻴﻨﻪ ﻳﺒﺎﻧﻮ ﻋﻠﻴﻬﺎ ﻣﻨﻬﺎ ﺭﺍﻧﻴﺎ ﻭﺍﺳﺎﻣﻪ ...
ﻭﺑﺪﺕ ﺗﺎﺧﺪﻟﻬﻢ ﻓﻲ ﺍﻟﺼﻮﺭ .....
🍁🍁🍁🍁🍁
ﺍﻟﺴﺎﻋﻪ 1:30 ﺑﻌﺪ ﺍﻟﻈﻬﺮ
ﺳﺮﺕ 💓
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻣﺘﻮﺟﻬﻪ ﻟﻠﺼﺎﻟﻪ ...
ﺍﻟﻠﻲ ﻛﺎﻧﺖ ﻓﻴﻬﺎ ﻋﺰﻭﺯﺗﻬﺎ ﻣﻊ ﺍﺣﻔﺎﺩﻫﺎ ...
ﻛﺎﻣﻠﻪ ﺷﺎﻓﺘﻠﻬﺎ : ﻋﺠﻨﺘﻲ ﻋﺠﻴﻨﺘﻚ ..
ﺩﻻﻝ ﺑﺈﺑﺘﺴﺎﻣﻪ : ﺍﻳﻪ .. ﻗﻌﻤﺰﺕ ..
ﺷﺒﺤﺖ ﻟﻮﻻﺩ ﻣﺤﻤﻮﺩ ﺍﻟﺘﻮﺃﻡ ﺍﺑﺘﺴﻤﺖ ... ﺍﻟﺰﻭﺯ ﻓﻨﺼﻮﺍ ﻓﻴﻬﺎ ..
ﻫﻲ ﺍﻧﺼﺪﻣﺖ ...
ﻭﻛﺎﻣﻠﻪ ﻣﺎﺭﻛﺰﺗﺶ ﻋﻠﻴﻬﻢ ﻷﻧﻬﺎ ﻛﺎﻧﺖ ﻻﻫﻴﻪ ﻣﻊ ﺣﻔﻴﺪﻫﺎ ﺍﻟﻜﺒﻴﺮ ﺍﻳﻤﻦ ..
ﺭﻥ ﺗﻠﻴﻔﻮﻥ ﺩﻻﻝ ... ﻃﻠﻌﺎﺗﻪ ﻣﻦ ﺟﻴﺒﻬﺎ ﻭﻫﻲ ﺗﺸﻮﻑ ﻟﻠﺼﻐﺎﺭ ..
ﺑﻌﺪﻳﻦ ﺷﺎﻓﺖ ﺍﻟﺸﺎﺷﻪ ﻟﻘﺖ ﺭﻗﻢ ﺩﻭﻟﻲ ﻳﺘﺼﻞ ..
ﺍﺑﺘﺴﻤﺖ ﺑﻔﺮﺡ ... ﻧﺎﺿﺖ ﺑﺘﻤﺸﻲ ...
ﻛﺎﻣﻠﻪ؛ﻋﻤﺎﺭ ..
ﺍﺑﺘﺴﻤﺖ ﺩﻻﻝ ﻭﻗﺎﻟﺖ : ﺍﻳﻪ ..
ﺍﺑﺘﺴﻤﺖ ﻛﺎﻣﻠﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ... ﻭﺍﻳﻤﻦ ﻳﺸﻮﻑ ﻟﺪﻻﻝ ﺑﺤﻘﺪ ...
ﺩﻻﻝ ﻣﺸﺖ ﻃﻮﻝ ﻟﺪﺍﺭ ﻋﻤﺎﺭ ﺗﺠﺮﻱ ...
ﻭﺻﻠﺖ ﻓﻴﻬﺎ ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﺻﻜﺮﺕ ﻭﺭﺍﻫﺎ .. ﻭﺭﺩﺕ ﻃﻮﻝ ...
ﺩﻻﻝ : ﻋﻤﺎﺭﻱ 💓💓
ﻋﻤﺎﺭ : ﻭﺻﻠﺖ ...
ﺩﻻﻝ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﺭﻭﺣﻲ .. ﺍﺳﺘﺎﺣﺸﺘﻚ ﻣﻮﺕ ..
ﻋﻤﺎﺭ : ﺑﺎﺭﻙ ﺍﻟﻠﻪ ﻓﻴﻚ 💓💓 ﻫﻲ ﺑﺎﻟﺴﻼﻣﻪ .. ﻭﺻﻜﺮ ...
ﺩﻻﻝ : ﻫﻬﻬﻬﻬﻬﻬﻬﻬﻬﻪ ... ﺷﻜﻠﻪ ﻣﺶ ﺑﺮﻭﺣﻪ ... ﺗﻨﻬﺪﺕ ... ﺍﻟﻤﻬﻢ ﻭﺻﻞ ﺳﺎﻟﻢ ..
ﻃﻠﻌﺖ ﻣﻦ ﺍﻟﺪﺍﺭ .. ﻣﺘﻮﺟﻬﻪ ﻟﻠﺼﺎﻟﻪ ...
ﻟﻘﺖ ﺍﻟﻮﻻﺩ ﺑﺮﻭﺣﻬﻢ ﺣﻨﺎﻫﻢ ﻣﺶ ﻣﻌﺎﻫﻢ ..
ﻗﻌﻤﺰﺕ ...
ﻣﺨﺘﺎﺭ : ﺍﻧﺘﻲ ﻣﻦ ﻭﻳﻦ ..
ﺍﺑﺘﺴﻤﺖ ﺩﻻﻝ ﻟﺴﺆﺍﻟﻪ : ﺍﻧﻲ ******
ﻋﺒﺪﺍﻟﺮﺯﺍﻕ ﻗﺎﻟﻠﻬﺎ ﻛﻠﻤﻪ ... ﺳﺒﻪ ﻓﻲ ﺣﻖ ﻗﺒﻴﻠﺘﻬﺎ ..
ﺩﻻﻝ ﺍﻧﺼﺪﻣﺖ ..
ﺍﻳﻤﻦ ﺿﺤﻚ ﻭﻋﺎﻭﺩ ﻧﻔﺲ ﺍﻟﻜﻠﻤﻪ ﻭﺯﺍﺩ ﻋﻠﻴﻬﺎ ..
ﺩﻻﻝ ﻣﻌﺎﺵ ﻋﺮﻓﺖ ﺷﻦ ﺗﻘﻮﻝ ﻭﻻﻛﻴﻒ ﺗﺮﺩ ..
ﺻﻐﺎﺭ ﻣﺤﻤﻮﺩ ﻟﻴﻬﻢ ﻣﻜﺎﻧﻪ ﺧﺎﺻﻪ .. ﻣﺎﺣﺪ ﻳﻘﺪﺭ ﻳﻘﺮﺑﻬﻢ ﺑﻜﻠﻤﻪ .. ﺭﺍﺟﻠﻬﺎ ﻧﻔﺴﻪ ﺻﻐﺎﺭ ﻣﺤﻤﻮﺩ ﻋﻨﺪﻩ ﺧﻂ ﺍﺣﻤﺮ ...
ﻣﺎﻟﻘﺘﺶ ﺍﻓﻀﻞ ﻣﻦ ﺍﻧﻬﺎ ﺗﻨﻮﺽ ﻣﻦ ﺣﺪﺍﻫﻢ ﻭﺗﻤﺸﻲ ﻟﻠﻜﻮﺟﻴﻨﻪ ..
ﻭﻫﻤﺎ ﻣﺎﺯﺍﻟﻮﺍ ﻳﻌﺎﻭﺩﻭﺍ ﻓﻲ ﻧﻔﺲ ﺍﻟﻜﻼﻡ ..
ﻭﻫﻲ ﻛﺎﻧﺖ ﺑﺘﻤﻮﺕ ... ﻭﺻﻠﺖ ﻓﻲ ﺍﻟﻜﻮﺟﻴﻨﻪ ﻟﻘﺖ ﻋﺰﻭﺯﺗﻬﺎ ﺗﺸﻮﻑ ﻓﻲ ﺍﻟﻄﺒﻴﺨﻪ .. ﺗﺼﻨﻌﺖ ﺍﺑﺘﺴﺎﻣﻪ ﻉ ﻭﺟﻬﻬﺎ ... ﻭﺧﺸﺖ ﻟﻌﺰﻭﺯﺗﻬﺎ ﻭﻗﻌﺪﺕ ﺗﻬﺪﺭﺯ ﻋﻠﻴﻬﺎ ﺑﺲ ﻣﻦ ﺩﺍﺧﻠﻬﺎ ﻛﺎﻧﺖ ﺗﻐﻠﻲ ...
🍁🍁🍁🍁🍁🍁
ﺍﻟﺴﺎﻋﻪ 4:40 ﻣﺴﺎﺀﺍ ...
ﻛﻴﻒ ﺟﺎﻱ ﺑﻴﻄﻠﻊ ﻣﻦ ﺍﻟﻘﻬﻮﺓ ...
ﺭﻣﺰﻱ : ﻫﻲ ﺍﻟﺴﻼﻡ ﻋﻠﻴﻜﻢ ...
ﺭﺩﻭﺍ ﻋﻠﻴﻪ ﺍﻟﻌﺎﻣﻠﻴﻦ ﻣﻌﺎﻩ .....
ﻭﻫﻮ ﺗﻮﺟﻪ ﻟﻠﺒﺎﺏ ﻭﻃﻠﻊ ....
ﻭﻗﻔﻪ ﺻﻮﺕ ﻧﻐﻤﻪ ﺭﺳﺎﻟﻪ
.. ﻓﺰ ﻗﻠﺒﻪ ﺗﻮﻗﻌﻬﺎ ﺭﺍﻧﻴﺎ ...
ﺑﺲ ﻟﻘﺎﻩ ﺭﻗﻢ ﻏﺮﻳﺐ ﻭﺑﺎﻋﺖ ﺻﻮﺭﺓ ...
ﻓﺘﺤﻬﺎ ﻭﺷﺎﻓﻬﺎ ... ﻭﻗﻒ ﻓﻤﻜﺎﻧﻪ ...
ﻗﻌﺪ ﻳﺘﻤﻌﻦ ﻓﻴﻬﺎ ﻛﺒﺮﻫﺎ .. ﻗﻌﺪ ﻳﺪﻗﻖ ﻓﻲ ﺍﻟﺼﻮﺭﺓ ﻭﻓﻲ ﺍﻟﺒﻨﺖ ﺍﻟﻠﻲ ﻓﻴﻬﺎ ... ﻋﻴﻮﻧﻪ ﻣﺎﻳﺒﻮﺵ ﻳﺼﺪﻗﻮﺍ ﺍﻧﻬﺎ ﺭﺍﻧﻴﺎ ... ﻟﻤﺎ ﻗﺮﺏ ﺻﻮﺭﺓ ﺍﻟﻠﻲ ﻣﻌﺎﻫﺎ ... ﻛﺎﻥ ﻳﺒﺎﻥ ﻋﻠﻴﻪ ﺷﺨﺺ ﻳﻌﺮﻓﻪ ..
ﺳﺒﻖ ﻗﺒﻞ ﻫﺎﻟﻤﺮﺓ ﺻﺎﺭﺕ ﻣﺸﻜﻠﻪ ﺑﻴﻨﻪ ﻭﺑﻴﻨﻬﺎ ﺑﺴﺒﺒﻪ ...
ﻧﺰﻝ ﺍﻟﺘﻠﻴﻔﻮﻥ ﻭﻗﻌﺪ ﻳﻮﺯﻉ ﻓﻨﻈﺮﻩ ﺣﻮﺍﻟﻴﻪ ﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ ...
ﺗﺒﺪﻟﺖ ﻣﻼﻣﺢ ﻭﺟﻬﻪ ﻣﻦ ﺍﻟﺼﺪﻣﻪ ﻟﻠﻐﻀﺐ ...
ﺧﻼﺹ ﻣﻌﺎﺵ ﻳﺸﺒﺢ ﻓﻲ ﺷﻲ ..
ﻗﻌﺪ ﻳﻤﺸﻲ ﺑﻌﺼﺒﻴﻪ ... ﻣﺸﻲ ﻭﻣﺸﻲ .... ﻟﻴﻦ ﺍﺑﺘﻌﺪ ﺑﻤﺴﺎﻓﻪ ﻻﺑﺄﺱ ﺑﻴﻬﺎ ... ﻭﻗﻒ ...
ﺧﺪﻱ ﻧﻔﺲ ... ﻭﺍﺗﺼﻞ ﺑﻴﻬﺎ ..
🍁🍁🍁🍁
ﻫﻲ ﻛﺎﻧﺖ ﻻﻫﻴﻪ ﺑﻘﺮﺍﻳﺘﻬﺎ ...
ﻟﻤﺎ ﺭﻥ ﺗﻠﻴﻔﻮﻧﻬﺎ ﻛﺎﻥ ﻣﺤﻄﻮﻁ ﻗﺪﺍﻣﻬﺎ .. ﺷﺎﻓﺖ ﺍﻟﻤﺘﺼﻞ .. ﻟﻘﺎﺗﻪ
" ﺍﺣﻼﻡ ..." ﻗﻠﺒﻬﺎ ﻗﻌﺪ ﻳﻨﺒﺾ ﺑﺎﻗﻮﻯ ﻣﺎﻓﻴﻪ .. ﻭﻗﻌﺪﺕ ﺗﺮﻋﺶ ...
ﻧﺎﺿﺖ ﻃﻮﻝ ﺻﻜﺮﺕ ﻉ ﺭﻭﺣﻬﺎ ﺍﻟﺪﺍﺭ ...
ﻭﺭﺩﺕ .... ﻣﺎﻛﺎﻧﺘﺶ ﻗﺎﺩﺭﺓ ﺗﻘﻮﻝ ﺁﻟﻮ ﻣﺶ ﻷﻧﻬﺎ ﻣﺶ ﻗﺎﺩﺭﺓ ﺗﺘﻜﻠﻢ ... ﻻ ...
ﺑﻞ ﺑﺴﺒﺐ ﻓﺠﻌﺘﻬﺎ ﻣﻦ ﺍﻟﺒﺮﻛﺎﻥ ﺍﻟﻠﻲ ﺍﻧﻔﺠﺮ ﻓﻲ ﻣﺮﺓ ﻭﺣﺪﻩ ﻭﺣﻤﻤﻪ ﻭﺻﻠﺖ ﻟﻘﻠﺒﻬﺎ ...
ﺭﻣﺰﻱ ﺑﻐﻀﺐ ﻣﻤﺰﻭﺝ ﺑﺎﻟﺘﻬﻜﻢ : ﺷﻮﺭﻙ ﻣﺎﺻﺪﻗﺘﻲ ﺗﺨﺸﻲ ﺍﻟﺠﺎﻣﻌﻪ ﺑﺶ ﺗﻬﻴﺠﻲ ﻳﻮﻣﻚ ﻭﺗﺎﻟﻴﻚ ﻣﻊ ﻭﺍﺣﺪ ..... ﻣﺪﺍﻳﺮﺓ ﺳﺮﻳﺐ ﻣﻦ ﻭﺭﺍﻱ ﻭﺍﻧﻲ ﻣﻦ ﺿﻤﻦ ﻫﺎﻟﺴﺮﻳﺐ ... ﻟﻜﻦ ﺑﺎﻫﻲ ﻟﻠﻲ ﺭﺑﻲ ﻛﺸﻔﻚ ﻟﻴﺎ ﺑﻜﺮﻱ ﺑﻜﺮﻱ ... ﻭﺣﻖ ﺍﻟﻠﻪ ﻣﺎﺗﺴﺘﺎﻫﻠﻲ ﻧﺸﺒﺤﻠﻚ ﺣﺘﻰ ﺍﻟﺸﺒﺢ ﻣﺶ ﻧﺤﺒﻚ ﻭﻧﻌﻄﻴﻚ ﻗﻠﺒﻲ ... ﻃﻠﻌﺘﻲ ﻓﺎﻟﺼﻮ ... ﻳﺎﺧﺴﺎﺭﺓ ﻭﺧﻼﺹ ...
ﻭﺻﻜﺮ ﻋﻠﻴﻬﺎ ...
ﻭﻃﺒﻌﺎ ﻻﺯﻡ ﻳﻔﺸﻮﺍ ﻏﻠﻬﻢ ﻓﻲ ﺍﻟﺘﻠﻴﻔﻮﻥ ...😥
ﺣﺪﻓﻪ ﻉ ﻃﻮﻝ ﻳﺪﻩ ﺗﻔﺘﺮﺵ ﻛﻞ ﺣﺎﺟﻦ ﻓﺘﺮﻛﻴﻨﻪ ... ﻭﻛﻤﻞ ﻃﺮﻳﻘﻪ ﻳﻤﺸﻲ ﻭﻫﻮ ﺷﺎﺩ ﺩﻣﻌﺘﻪ ﻭﻧﺎﺭﻩ ﺍﻟﻠﻲ ﻭﺍﻟﻌﻪ ﺗﺤﺮﻕ ﻓﻴﻪ ﺣﺮﻕ ..
ﻭﻫﻲ ﻣﺴﻜﻴﻨﻪ ..
ﻣﺶ ﻓﺎﻫﻤﻪ ﺷﻲ ... ﻏﻴﺮ ﺣﺎﺟﻪ ﻭﺣﺪﻩ ...
ﺍﻥ ﻫﻲ ﻭﺭﻣﺰﻱ ﺧﻼﺹ ... ﺑﻌﺪ ﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ﻣﻨﻪ ﻻﻳﻤﻜﻦ ﻣﺎﺯﺍﻝ ﻳﺼﻴﺮ ﻣﻨﻬﻢ ﻣﺮﺓ ﺗﺎﻧﻴﻪ ...
ﻗﻌﺪﺕ ﺣﻮﺍﻟﻲ ﺭﺑﻊ ﺳﺎﻋﻪ ﻭﻫﻲ ﺗﺤﺎﻭﻝ ﺗﺴﺘﻮﻋﺐ ﺍﻟﻠﻲ ﺻﺎﺭ ...
ﻭﺍﻗﻔﻪ ﺯﻱ ﺍﻟﻤﺴﺒﻮﻫﻪ ﻭﺧﻼﺹ ...
ﻟﻌﻨﺪ ﻣﺎﻧﺎﺩﺗﻬﺎ ﺍﺧﺘﻬﺎ ..
ﺭﺑﺎﺏ : ﺗﻌﺎﻟﻲ ﺭﺍﻧﻴﺎ ﻛﺎﻥ ﺑﺘﺸﺮﺑﻲ ﻗﻬﻮﺓ ...
ﻣﺸﺖ ﺭﺍﻧﻴﺎ ﻭﻫﻲ ﺗﺒﺪﻝ ﻓﺨﻄﻮﺍﺗﻬﺎ ﺑﺎﻟﺴﻴﻒ ﻟﻌﻨﺪ ﻭﺻﻠﺖ ﻟﻠﺼﺎﻟﻪ ﻭﻳﻦ ﻣﺎﻓﻲ ﺍﻣﻬﺎ ﻭﺍﺧﺘﻬﺎ ﻭﺧﻮﻫﺎ ﺍﻟﺼﻐﻴﺮ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ ..
ﻳﺪﻭﺏ ﺧﻄﺖ ﺧﻄﻮﺓ ﺟﻴﻬﺘﻬﻢ ...
ﻃﺎﺣﺖ ﻣﻦ ﻃﻮﻟﻬﺎ ....🍃
ﺍﻟﻤﻮﺟﻌﻪ ﻟﻤﺎ ﺗﺠﻴﻚ ﻣﻦ ﺍﻟﺸﺨﺺ ﺍﻟﻐﻴﺮ ﻣﺘﻮﻗﻊ ﺗﺼﺪﻣﻚ ﺗﺨﻠﻴﻚ ﺗﻨﻬﺎﺭ ﺍﻧﻬﻴﺎﺭ ﺗﺎﻡ 💕🍃...
🍁🍁🍁🍁🍁🍁🍁🍁🍁
ﺍﻟﺴﺎﻋﻪ 10:00 ﻟﻴﻼ
ﻳﺎﻋﻤﺮﻱ ﺍﻧﻲ ﺍﺳﺘﺎﺣﺸﺘﻚ ﺍﺳﺘﺎﺣﺸﺘﻚ ﺍﺳﺘﺎﺣﺸﺸﺘﻚ ﻣﻮﻭﻭﺕ💕
ﻋﻤﺎﺭ : ﻛﻴﻒ ﻧﺪﻳﺮ ﺍﻧﻲ ﻗﻮﻟﻴﻠﻲ .. ﻧﺎﺧﺪ ﻃﻴﺎﺭﺓ ﻭﻧﺠﻴﻚ ﻭﻻﻛﻴﻒ ﺑﺎﻟﺰﺑﻂ 💓💓💓💓
ﺩﻻﻝ : ﻳﺎﺍﺍﺍﺍﺍﺭﻳﻴﻴﻴﺖ 💓💓💓
ﻋﻤﺎﺭ : ﺁﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ... ﻭﺧﻼﺹ 💕💕💕💕
ﺩﻻﻝ ﺿﺤﻜﺖ ..
ﻋﻤﺎﺭ ﺑﻀﺤﻜﻪ : ﺗﻀﺤﻜﻲ ﻳﺎﻗﻄﻮﺳﺘﻲ ... ﻛﺎﻥ ﻧﻮﺻﻞ ﻓﻴﻚ ﺑﺲ💓
ﺩﻻﻝ ﻋﻀﺖ ﻉ ﺷﺎﺭﺑﻬﺎ ﻭﻫﻲ ﺗﻀﺤﻚ ﺑﻌﺪﻳﻦ ﻗﺎﻟﺖ : ﺍﻳﻪ ﻋﻤﺎﺭﻱ .. ﺍﻟﺒﺲ ﻛﻮﻳﺲ ﺣﺒﻴﺒﻲ .. ﻭﺗﻘﻲ ﻉ ﺭﻗﺒﺘﻚ ﻭﻭﺫﺍﻧﻚ ﺭﺩ ﺑﺎﻟﻚ ﻉ ﺭﻭﺣﻚ .. ﻭﺩﻳﻤﺎ ﺍﺷﺮﺏ ﺣﺎﺟﺎﺕ ﺩﺍﻓﻴﻪ ..
ﻋﻤﺎﺭ ﺑﻀﺤﻜﻪ : ﻣﺶ ﺍﻭﻝ ﻣﺮﺓ ﻧﺠﻴﻬﺎ ﺭﻭﺳﻴﺎ ﺭﺍﻫﻮ ..
ﺩﻻﻝ ﺍﺑﺘﺴﻤﺖ ﻭﻗﺎﻟﺖ : ﺍﻭﻝ ﻣﺮﺓ ﺗﻤﺸﻴﻠﻬﺎ ﻭﺍﻧﺖ ﻣﺘﺰﻭﺝ .. ﻭﻣﺎﺩﺍﻣﻚ ﻣﺘﺰﻭﺝ ﻭﻋﻨﺪﻙ ﻣﺮﺍﺓ ﺣﺘﻘﻌﺪ ﺩﻳﻤﺎ ﺗﺨﻤﻢ ﻓﻴﻚ ﻭﺗﻮﺻﻴﻚ ﻉ ﺭﻭﺣﻚ ...
ﻋﻤﺎﺭ : ﺩﻟﻮﻟﺘﻲ ... ﺍﻧﻲ ﻭﺍﻟﻠﻪ ﻉ ﺍﻛﺜﺮ ﻣﻦ ﻣﺮﺓ ﺟﺎﻱ ﻣﺶ ﻣﻜﻠﻤﻚ ﺭﻩ ... ﺗﺰﻳﺪﻱ ﻓﻌﺬﺍﺑﻲ ﺍﺿﻌﺎﻑ .. ﺍﻟﻠﻴﻠﻪ ﻣﺶ ﻋﺎﺭﻑ ﻛﻴﻒ ﺑﻨﻔﻮﺗﻬﺎ ﻳﺎﺑﺎﻝ 6 ﻟﻴﺎﻟﻲ ﺍﻟﺠﺎﻳﺎﺕ ...
ﺩﻻﻝ : ﻻ ﺭﺩﺑﺎﻟﻚ ﺍﺩﻳﺮﻫﺎ ﻭﻣﺎﺗﻜﻠﻤﻨﻴﺶ ﻋﻤﺎﺭﻱ ﻧﺘﻌﺬﺏ ﺍﻧﻲ ﺑﻌﺪﻳﻦ ...
ﻋﻤﺎﺭ : ﺳﻼﻣﺔ ﻗﻠﺒﻚ ﻣﻦ ﺍﻟﻌﺬﺍﺏ ... ﺍﻧﻲ ﻧﺘﺤﻤﻠﻪ ﻋﺎﺩﻱ ﻭﻻﺍﻧﺘﻲ ﺗﻌﺎﻧﻴﻪ ..
ﺍﺑﺘﺴﻤﺖ ﻭﻗﻠﺒﻬﺎ ﻳﻔﺮ 💓 ﻭﻗﺎﻟﺖ؛ﻧﺤﺒﻚ 💓
ﻋﻤﺎﺭ : ﺍﻳﺎﺍﺍﻡ ﺳﻮﺩ ﻫﻦ ﻋﺎﺭﻓﻬﻦ 💓💓
ﺩﻻﻝ : ﻫﻬﻬﻬﻬﻬﻬﻬﻬﻬﻬﻬﻪ 💓💓💓💓
ﻭﺍﺳﺘﻤﺮﺕ ﻣﻜﺎﻟﻤﺘﻬﻢ ﻭﻫﻲ ﻣﻮﺟﻮﺩﺓ ﻓﻲ ﺩﺍﺭﻩ ... ﺗﺘﻨﻔﺲ ﻓﺮﻳﺤﺔ ﻋﻄﺮﻩ ﺍﻟﻠﻲ ﺧﺪﺍﺗﻪ ﻣﻨﻪ ﻗﺒﻞ ﻳﺴﺎﻓﺮ ... ﺑﺨﺘﻬﺎ ﻓﻲ ﺍﻟﺪﺍﺭ ﺑﺶ ﺗﺤﺲ ﺑﻮﺟﻮﺩﻩ ﻣﻌﺎﻫﺎ ﻭﻫﻮ ﻳﻜﻠﻢ ﻓﻴﻬﺎ ...
ﺍﻟﻌﺸﻖ ﻳﻔﺮﻕ ﻫﻠﺒﻪ ﻉ ﺍﻟﺤﺐ ...
ﺍﻟﻌﺸﻖ ﻫﻮ ﺍﻟﻤﺮﺣﻠﻪ ﺍﻟﻤﺘﻄﻮﺭﺓ ﻣﻦ ﺍﻟﺤﺐ ﺍﻟﻠﻲ ﺗﺨﻠﻲ ﺍﻟﻤﺤﺒﻮﺏ ﻭﻛﺄﻧﻪ ﺩﻡ ﻳﺴﺮﻱ ﻓﻲ ﺍﻟﻌﺮﻭﻕ ..💕💕💕
🍁 ﺑﺲ ﻋﺎﺩ ﻫﺎﻧﻴﺒﺎﻝ ﻣﺎﺣﺴﺶ ﻫﺎﻟﺸﻌﻮﺭ ﺍﺗﺠﺎﻩ ﻣﺠﺪﻭﻟﻴﻦ ..
ﻫﻮ ﺣﺎﺱ ﺍﺗﺠﺎﻫﻬﺎ ﺑﺈﺭﺗﻴﺎﺡ ﻭﻣﻨﺠﺪﺑﻠﻬﺎ ﻣﺶ ﻋﺎﺭﻑ ﻟﻴﺶ ..
ﻫﺎﻟﺸﻌﻮﺭ ﻣﺨﻠﻴﻪ ﻳﻜﻠﻤﻬﺎ ﺑﺎﻟﺴﺎﻋﺎﺕ ﻭﻳﻨﺴﺠﻢ ﻣﻌﺎﻫﺎ ﻭﻳﺎﺧﺪ ﻭﻳﻌﻄﻲ ..
ﻛﺎﻥ ﻭﺍﻗﻒ ﻗﺪﺍﻡ ﺍﻟﺪﺍﺭ ﺍﻟﻠﻲ ﻓﻮﻕ ﺍﻟﺴﻄﺢ ﻭﻳﻬﺪﺭﺯ ﻣﻌﺎﻫﺎ ﻭﻣﻨﺴﺠﻢ ﻣﺮﺓ ﻳﻀﺤﻚ ﻭﻣﺮﺓ ﻳﺒﺘﺴﻢ ..
ﻭﻋﻤﺮ ﻛﺎﻥ ﻳﺸﻮﻑ ﻓﻴﻪ ....
ﺗﺮﺩﺩ ﻫﻠﺒﻪ ﻳﻘﻮﻟﻪ ﻋﻦ ﺍﻟﻠﻲ ﺷﺎﻓﻪ ... ﺧﺎﻑ ﻉ ﺧﻮﻩ ﻳﺮﺟﻊ ﻟﻠﻬﻢ ﻭﺍﻟﻤﺸﺎﻛﻞ ﻣﻦ ﺟﺪﻳﺪ .. ﻓﻀﻞ ﺍﻟﺴﻜﻮﺕ ﻟﻤﺎ ﺷﺎﻓﻪ ﻭﻛﺄﻧﻪ ﻟﻘﻲ ﺣﺪ ﻳﻌﻮﺿﻪ ﻭﻳﻨﺴﻴﻪ ... ﻓﻠﻴﺶ ﻳﺮﺟﻊ ﻳﻔﺘﺤﻠﻪ ﺟﺮﻭﺡ ﻗﺪﻳﻤﻪ ﻣﺎﺯﺍﻝ ﺍﺛﺮﻫﺎ ﻓﻴﻪ ﻟﻌﻨﺪ ﻫﺎﻟﻠﺤﻈﻪ ... ﻓﻲ ﺟﺴﺪﻩ ﻭﻓﺮﻭﺣﻪ 🍃..
🍃🍃🍃🍃🍃🍃🍃
ﻣﺮﻭﺍ 6 ﺍﻳﺎﻡ ....
ﺍﻛﺜﺮ ﻣﻦ ﻛﺎﻥ ﻳﻌﺎﻧﻲ ﻓﻴﻬﻢ ...4
ﺭﻣﺰﻱ ﻭﺭﺍﻧﻴﺎ ﺍﻟﻠﻲ ﺣﺎﻟﺘﻬﻢ ﻛﺎﻧﺖ ﺻﻌﺒﻪ ... ﻭﻻﺣﺪ ﻓﻴﻬﻢ ﻃﺎﻳﺒﻪ ﻋﻠﻴﻪ ﺍﻟﺤﻴﺎﺓ ﻣﻦ ﻏﻴﺮ ﺍﻟﺘﺎﻧﻲ ﻭﺍﻟﺰﻭﺯ ﻳﻌﺎﻧﻮﺍ ﻣﻦ ﻋﺬﺍﺏ ﺑﻌﺾ ...
ﻭﻋﻤﺎﺭ ﻭﺩﻻﻝ .. ﺍﻟﻠﻲ ﺍﻟﺸﻮﻕ ﺩﺍﺭ ﻓﻴﻬﻢ ﻫﻮﺍﻳﻞ ﻭﻫﻤﺎ ﺑﻌﺎﺩ ﻋﻦ ﺑﻌﺾ ..
ﺯﺍﺩﺕ ﺩﻻﻝ ﺗﺄﻛﺪﺕ ﺍﻥ ﺣﺐ ﻋﻤﺎﺭ ﺗﻤﻜﻦ ﻣﻦ ﻗﻠﺒﻬﺎ ... ﻟﺪﺭﺟﻪ ﺍﻧﻬﺎ ﻉ ﺧﺎﻃﺮﻩ ﻗﺎﻋﺪﺓ ﺗﺘﺤﻤﻞ ﻓﻲ ﻗﻠﺔ ﺍﺩﺏ ﻭﻻﺩ ﺧﻮﻩ ﺍﻟﻠﻲ ﺗﻤﺎﺩﻭﺍ ﺑﻮﻗﺎﺣﺘﻬﻢ ...
ﺍﻟﻤﺼﻴﺒﻪ ﺍﻥ ﺍﻟﺼﻐﺎﺭ ﻣﻘﺮﻳﻴﻦ ﻛﻮﻳﺲ .. ﺑﺤﻴﺚ ﺍﻧﻬﻢ ﻣﺎﻳﺪﻳﺮﻭﺵ ﻓﻲ ﺍﻟﻠﻲ ﻳﺪﻳﺮﻭﺍ ﻓﻴﻪ ﻟﺪﻻﻝ ﺍﻻ ﻟﻤﺎ ﻳﻜﻮﻧﻮﺍ ﻣﻌﺎﻫﺎ ﺑﺮﻭﺣﻬﻢ .. ﻭﻣﺎﻓﻲ ﺣﺪ ﻣﻦ ﺍﻟﻌﻴﻠﻪ ﻣﻮﺟﻮﺩ ...
ﻧﺎﻫﻴﻚ ﻋﻦ ﺍﻳﻤﻦ ﻭﺍﻟﻜﻼﻡ ﺍﻟﻠﻲ ﻳﺤﻄﻠﻬﺎ ﻓﻴﻪ .. ﻭﺗﻬﺪﻳﺪﺍﺗﻪ ﺍﻟﻠﻲ ﻣﺨﻮﻓﺘﻬﺎ ...
ﻋﺎﺷﺖ 6 ﺍﻳﺎﻡ ﻉ ﺍﻋﺼﺎﺑﻬﺎ ... ﻟﺪﺭﺟﺔ ﺍﻧﻬﺎ ﻭﻳﻦ ﺗﺸﻮﻑ ﺍﻟﺼﻐﺎﺭ ﻳﺴﻴﻄﺮ ﻋﻠﻴﻬﺎ ﺍﻟﺨﻮﻑ ...
ﻣﺎﺗﻘﺪﺭﺵ ﺗﺤﺮﺵ ﻓﻴﻬﻢ ﺣﺪ .. ﺧﺎﻳﻔﻪ ﻳﺎﺧﺪﻭﺍ ﻣﻨﻬﺎ ﻣﻮﻗﻒ ...
ﻭﺑﺎﻟﻨﺴﺒﻪ ﻟﻌﻤﺎﺭ ﻣﺶ ﻣﻔﻜﺮﺓ ﺗﺠﻴﺒﻠﻪ ﺳﻴﺮﺓ ﻧﻬﺎﺋﻲ ....
ﻃﺒﻌﺎ ﺍﻟﺴﺖ ﻫﻨﺪﺍ ....
ﻛﺎﻧﺖ ﻣﻄﻠﻌﻪ ﺭﻭﺣﻬﺎ ﻣﻦ ﺍﻟﻤﺸﻬﺪ ... ﺧﻼﻝ ﻣﺪﺓ ﺳﻔﺮ ﻋﻤﺎﺭ ﻛﻠﻬﺎ
ﻣﺎﺟﺘﺶ ﻟﺤﻮﺵ ﺧﺎﻟﻬﺎ .. ﻭﻣﺴﻠﻤﻪ ﺍﻟﻤﻬﻤﻪ ﻟﻮﻻﺩﻫﺎ ...
ﻟﻌﻨﺪ ﺟﻲ ﺍﻟﻴﻮﻡ ﺍﻟﻠﻲ ﺭﻭﺡ ﻓﻴﻪ ﻋﻤﺎﺭ ...
ﺍﻟﻠﻲ ﻛﺎﻥ ﻧﺎﺭ ﺷﻮﻗﻪ ﻭﺍﻟﻌﻪ 💓💓💓💓💓
ﻓﻲ ﺩﺍﺭﻩ ....
ﻛﺎﻧﻮﺍ ﻋﺎﻳﺸﻴﻦ ﻟﺤﻈﺎﺕ ﻳﺼﺒﺮﻭﺍ ﻓﻴﻬﺎ ﺷﻮﻗﻬﻢ ﺷﻮﻳﻪ ...
ﺑﺲ ﺩﻻﻝ ﻛﺎﻧﺖ ﻣﺘﺤﺸﻤﻪ ﻷﻧﻬﺎ ﻓﻲ ﺣﻮﺵ ﺍﻫﻠﻪ ...
ﻋﻤﺎﺭ ﺑﻠﻬﻔﻪ : ﺧﻴﺮﻙ ﻳﺎﻋﻤﺮﻱ 💓
ﺩﻻﻝ ﺑﺨﺠﻞ : ﺧﻼﺹ ﺣﺒﻴﺒﻲ ﻣﺎﻳﺠﻴﺶ ﺭﻩ ﻭﺍﻟﻠﻪ ﻋﻴﺐ ..
ﻭﻋﻤﺎﺭ ﻭﻻ ﻋﺒﺮﻫﺎ ﻭﻻﺩﻭﺭﻫﺎ ﻭﺍﺳﺘﻤﺮ ﻳﻄﻔﻲ ﻓﻲ ﻧﺎﺭ ﺷﻮﻗﻪ 💓🔥
ﺑﺮﺍ ...
ﻫﻨﺪﺍ ﻛﺎﻧﺖ ﻣﻘﻌﻤﺰﺓ ﺑﻴﻦ ﺣﻤﻮﺍﺗﻬﺎ ﻭﻋﺰﻭﺯﺗﻬﺎ ...
ﻭﺗﺤﺮﻕ ﺣﺮﻕ ... ﻛﻞ ﻣﺎﻟﻬﺎ ﻧﺎﺭ ﻏﻴﺮﺗﻬﺎ ﺗﺰﻳﺪ ﺗﻘﻮﺍ ﻭﺣﻘﺪﻫﺎ ﻳﻜﺒﺮ ...
ﺍﻟﺘﻔﺘﺖ ﻟﺤﻤﻮﺍﺗﻬﺎ ﻟﻤﺎ ﺳﻤﻌﺘﻬﻢ ﻳﻘﻮﻟﻮﺍ ...
ﺍﻣﻴﻨﻪ : ﺍﻟﻠﻪ ﻳﻤﻲ ﻗﺎﻋﺪﻩ ﻋﻨﺪﻙ ﻟﺘﻮ ..
ﺳﻠﻴﻤﻪ : ﺣﺘﻰ ﺍﻧﻲ ﻧﺤﺴﺎﺑﻬﺎ ﺑﺎﻋﺘﻬﺎ ...
ﻛﺎﻣﻠﻪ : ﻫﺪﻱ ﺗﻌﻠﻴﻘﻪ ﻫﺪﻳﻪ ﻣﻦ ﺑﺎﺗﻲ ﺍﻟﻠﻪ ﻳﺮﺣﻤﻪ ﻻﻳﻤﻜﻦ ﻧﺒﻴﻌﻬﺎ ..
ﺍﺻﺎﻟﻪ : ﺑﻬﺪﺍﻛﺎ ﺍﻟﺤﺴﺎﺏ ﺗﻮﺍ ﻭﻛﺎﻥ ﺗﺼﺮﻓﻴﻬﺎ ﻳﻤﻲ ﺗﺠﻴﺒﻠﻚ ﺛﺮﻭﺓ ..
ﻛﺎﻣﻠﻪ : ﻻ ﻳﺎﻣﻴﻨﺘﻲ .. ﻣﺎﻋﻨﺪﻱ ﻋﻼﺵ ﻧﺼﺮﻑ ﺭﻳﺤﺔ ﺑﺎﺗﻲ ..
ﺿﺤﻜﻮﺍ ﺑﻨﺎﺗﻬﺎ ..
ﺑﻴﻨﻤﺎ ﻫﻨﺪﺍ ﻛﺎﻧﺖ ﻣﺮﻛﺰﺓ ﺑﻨﻈﺮﻫﺎ ﻉ ﺗﻌﻠﻴﻘﺔ ﻛﺎﻣﻠﻪ ﻭﺗﻔﻜﺮ ....
🍃🍃🍃🍃🍃
ﻭﺗﻤﺮ ﺍﻷﻳﺎﻡ ....
ﻭﻛﺎﻧﺖ ﺗﻤﺮ ﺑﻬﺪﻭﺀ ...
ﺗﻌﻮﺩﺗﻮﺍ ﻓﻲ ﺳﻄﻮﺭ ﻫﺎﻟﺮﻭﺍﻳﻪ ﻟﻤﺎ ﺗﻘﺮﻭﺍﻛﻠﻤﺔ ﻫﺪﻭﺀ ...
ﻣﻌﻨﺎﻫﺎ ﺍﻟﻬﺪﻭﺀ ﺍﻟﺬﻱ ﻳﺴﺒﻖ ﺍﻟﻌﺎﺻﻔﻪ ...
ﺑﺲ ﻟﻶﻥ ﻗﺎﻋﺪﺓ ﺍﻷﻳﺎﻡ ﺗﻤﺮ ﺑﻬﺪﻭﺀ ...
ﻭﻗﺮﺏ ﻣﻮﻋﺪ ﻓﺎﺗﺤﻪ ﺣﻤﻴﺪﻩ ﻭﺑﻴﺎﻧﻬﺎ ﻭﺍﻹﺳﺘﻌﺪﺍﺩﺍﺕ ﻉ ﻗﺪﻡ ﻭﺳﺎﻕ ....
ﻗﺒﻞ ﺍﻟﻔﺎﺗﺤﻪ ﺑﻴﻮﻡ ....
ﺍﻟﺒﻨﺎﺕ ﻛﻠﻬﻢ ﻣﻦ ﺍﻟﺼﺒﺢ ﻛﺎﻧﻮﺍ ﻓﻲ ﺍﻟﺒﻼﺩ ...
ﺍﻟﺴﺎﻋﻪ 12:30 ﻗﺒﻞ ﺍﻟﻈﻬﺮ ...
ﻓﻲ ﺍﻟﻜﻮﺟﻴﻨﻪ ..
ﺍﻟﺨﻮﺍﺕ ﻭﺑﻨﺎﺗﻬﻢ ﻳﺸﺘﻮﺍ ﻉ ﺣﻤﻴﺪﻩ ..
ﻳﺎﻭﺭﺩﺓ ﻓﻲ ﺟﻨﺎﻧﻚ ﻫﻴﻔﻲ .. ﺟﺪﻙ ﺷﻴﺦ ﻭﺑﻮﻙ ﺷﺮﻳﻔﻲ ...
ﻭﺣﻤﻴﺪﻩ ﺗﻀﺤﻚ ﺑﻔﺮﺡ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ...
ﻭﻏﺎﻟﻴﻪ ﺗﺸﻮﻓﻠﻬﺎ ﻭﻓﺮﺣﺎﻧﻪ ﻟﻔﺮﺣﺔ ﺍﺧﺘﻬﺎ .. ﻭﻣﺘﺄﻣﻠﻪ ﺍﻧﻬﺎ ﻣﻤﻜﻦ ﺗﻠﺤﻘﻬﺎ ..
ﻫﻤﺎ ﻳﺸﺘﻮﺍ ﻭﻳﺼﻔﻘﻮﺍ ﻓﻲ ﺍﻟﻜﻮﺟﻴﻨﻪ ﻭﺍﻟﻮﻻﺩ ﻳﺘﻔﺮﺟﻮﺍ ﻣﻦ ﺍﻟﺮﻭﺷﻦ ....
ﻛﺎﻥ ﻣﻦ ﺑﻴﻨﺎﺗﻬﻢ ﺭﻣﺰﻱ ...
ﺍﻟﻠﻲ ﻛﺎﻥ ﻳﺸﻮﻑ ﻟﺮﺍﻧﻴﺎ ﻛﻴﻒ ﺗﺼﻔﻖ ﻭﺗﻐﻨﻲ ﻭﺟﻮﻫﺎ ﻣﻠﻴﺢ ...
ﻗﺮﻳﺐ ﻳﻤﻮﺕ ....
ﻫﻮ ﻓﻘﺮﺍﺭﺓ ﻧﻔﺴﻪ ﻣﺶ ﻣﺼﺪﻕ ﺍﻥ ﺭﺍﻧﻴﺎ ﺗﺨﻮﻧﻪ .. ﻭﻋﺎﺭﻑ ﺍﻥ ﻓﻲ ﻣﺒﺮﺭﺍﺕ ﻟﻜﻞ ﺷﻲ ﺻﺎﺭ .. ﻭﺍﻥ ﺣﺘﻰ ﺍﻟﺼﻮﺭ ﺍﻟﻠﻲ ﻭﺻﻠﻮﻩ ﺍﻛﻴﺪ ﻟﻴﻬﻢ ﻣﺒﺮﺭ ...
ﺑﺲ ﻫﻲ ﺍﻟﻐﻴﺮﺓ ﺍﻟﺤﺮﻓﻪ ... ﻭﺑﺎﻟﺬﺍﺕ ﺍﻟﻠﻲ ﻋﻨﺪﻩ ﻫﻮ ﺗﺨﻠﻴﻪ ﺍﻋﻤﻰ ﺗﻤﺎﻣﺎ ...
ﻫﻲ ﻓﻲ ﻋﺰ ﺍﻧﺴﺠﺎﻣﻬﺎ ...
ﻋﻤﺎﺩ ﻗﻌﺪ ﻳﺘﺴﻬﻮﻙ ﻭﻳﺸﺘﻲ ﻣﻌﺎﻫﻢ ﺯﻋﻴﻤﺘﻪ ﺧﺮﺏ ﻋﻠﻴﻬﻢ .. ﺷﺒﺤﻮﺍ ﻟﻠﺮﻭﺷﻦ ﻭﺿﺤﻜﻮﺍ ...
ﻣﺎﻋﺪﺍ ﺭﺍﻧﻴﺎ ﺍﻟﻠﻲ ﻋﻴﻨﻬﺎ ﺟﺖ ﻓﻌﻴﻦ ﺭﻣﺰﻱ ..
ﺿﺤﻜﺘﻬﺎ ﺗﻼﺷﺖ .. ﻭﻭﺟﻬﻬﺎ ﺗﻐﻴﺮ ... ﻓﻴﺴﻊ ﻣﺎﻏﻴﺮﺕ ﻋﻴﻮﻧﻬﺎ ﻋﻨﻪ ....
🍁🍁🍁🍁
ﻣﺎﺻﺪﻗﻦ ﻳﺎﺣﻨﻪ ﻗﺮﻳﺐ ﻳﻘﻠﺒﻦ ﺍﻟﺪﻧﻴﺎ ﺑﺎﻟﺸﺘﺎﻭﺍﺕ ﻭﺍﻟﺼﻔﻴﻖ ﻭﺍﻟﺰﻏﺎﺭﻳﻂ ..
ﺣﺪﻫﻢ : ﻭﻟﻴﺶ ﻣﺎﻋﺪﻳﺘﻲ ..
ﺳﻌﻴﺪﻩ : ﻧﻌﺪﻱ ﻏﺪﻭﺓ ﻣﺎﻋﻨﺪﻱ ﻧﻴﺔ ﻧﺸﻮﻑ ﺧﻼﻳﻘﻬﻦ ﻋﺎﻟﺼﺒﺎﺣﺎﺕ ﻫﺪﻳﻦ ...
ﺍﻣﺎﻝ : ﺯﻋﻤﻪ ﺷﻦ ﻳﺠﺒﻮﻟﻬﺎ ...
ﻋﺰﻳﺰﺓ : ﻧﻌﺪﻭﺍ ﻏﺪﻭﺓ ﻭﻧﺸﻮﻓﻮﺍ ..
ﺳﻌﻴﺪﻩ : ﻋﺰﻣﻦ ﻧﺴﺎﻭﻳﻦ ﺧﻮﺗﻚ ..
ﺣﺪﻫﻢ : ﻓﺎﻃﻤﻪ ﺍﻣﺲ ﺟﺖ ﻭﻋﺰﻣﺘﻬﻦ ...
ﺳﻌﻴﺪﻩ : ﺭﺍﻫﻲ ﺍﻟﻠﻲ ﻳﻨﻘﺎﻟﻠﻬﺎ ﺭﺍﻭﻳﻪ ﺍﻟﻠﻲ ﺗﻌﺪﺕ ﺣﺪﻭﺩﻫﺎ ﻣﺎﺿﺎﻟﻪ ﺍﻻﺩﺍﻳﺮﺓ ﺍﻟﻌﺎﺭ ..
🍁🍁🍁🍁🍁🍁🍁🍁
ﻣﻘﻌﻤﺰﺍﺕ ﻓﻲ ﺍﻟﺼﺎﻟﻪ ﻳﻬﺪﺭﺯﻭﺍ ...
ﻭﺣﺪﺍﻫﻢ ﺍﻟﻮﻻﺩ ...
ﺭﺍﻧﻴﺎ ؛ﺭﻛﺰﻭﺍ ﻉ ﺧﺎﻻﺗﻲ ﻛﻔﺎﻳﻪ ﻭﻧﻌﻴﻤﻪ ﺷﻦ ﻻﺑﺴﺎﺕ ..
ﻧﻮﺭ ﺑﻀﺤﻜﻪ : ﻣﺎﻣﺎ ﻣﺎﺗﺒﻴﺶ ﺑﻄﻨﻬﺎ ﺗﺒﺎﻥ ﻗﺪﺍﻡ ﺧﻮﺍﻟﻲ ..
ﺭﺑﺎﺏ ﺑﻀﺤﻜﻪ : ﺣﺘﻰ ﺧﺎﻟﺘﻲ ﻛﻔﺎﻳﻪ ﻉ ﺍﻻﺳﺎﺱ ﻣﺶ ﺯﺍﺑﻄﻴﻦ ..
ﺿﺤﻜﻮﺍ ...
ﺷﻮﻳﻪ ﻭﺧﺸﺖ ﻋﻠﻴﻬﻢ ﺳﻤﻴﻪ ﺍﻟﻠﻲ ﻛﺎﻧﺖ ﻻﺑﺴﻪ ﻗﻔﻄﺎﻥ ﺿﻴﻖ ﺑﻌﺾ ﺍﻟﺸﻲ ﻣﺒﻴﻦ ﺑﻄﻨﻬﺎ ﺍﻟﻠﻲ ﺑﺎﺩﻳﻪ ﺗﻄﻠﻊ ﻻﻧﻬﺎ ﺣﻤﻠﺖ ..
ﺗﺒﻌﻮﻫﺎ ﺍﻟﺒﻨﺎﺕ ﺑﻌﻴﻮﻧﻬﻢ ﻭﻫﻲ ﺗﺴﻠﻢ ...
ﺑﻌﺪﻳﻦ ﺷﺒﺤﻮﺍ ﻟﺒﻌﺾ ﻭﺿﺤﻜﻮﺍ ..
ﺳﻤﻴﻪ : ﺷﻨﻮ ﺣﺎﻝ ﺩﻻﻝ ﻳﺎﻧﻌﻴﻤﻪ ..
ﺣﻤﺰﺓ ﻃﻮﻝ ﺷﺒﺢ ﻟﺨﺎﻟﺘﻪ ... ﻭﺍﻣﻪ ﺷﺒﺤﺘﻠﻪ ..
ﻧﻌﻴﻤﻪ : ﺍﻟﺤﻤﺪ ﻟﻠﻪ ... ﻭﺍﻟﻠﻪ ﺑﺎﻟﻬﺎ ﻫﻨﻲ ﺍﻟﻠﻪ ﻏﺎﻟﺐ ﺣﺎﻟﺔ ﺍﻟﻮﻓﺎﺓ ﺍﻟﻠﻲ ﺻﺎﺭﺕ ﺣﺮﻣﺘﻬﺎ ﺑﻨﻴﺘﻲ ..
ﻓﺎﻃﻤﻪ : ﻗﻮﻟﻴﻠﻲ ﻣﺘﺮﻳﺤﻪ ﻣﻊ ﻋﻤﺎﺭ ..
ﻧﻌﻴﻤﻪ؛ ﻭﺍﻟﻠﻪ ﻳﺎﻳﻤﻲ ﺗﺎﺧﺪ ﻭﺗﺸﻜﺮ ﻓﻴﻪ ﻭﻓﻤﺎﻟﻴﻪ .... ﻭﺗﻘﻮﻝ ﺍﻧﻬﺎ ﻣﺮﺗﺎﺣﻪ ﻣﻌﺎﻩ ..
ﻫﺎﻧﻴﺒﺎﻝ : ﻋﻤﺎﺭ ﺭﺍﺟﻞ ﺑﻤﻌﻨﻰ ﺍﻟﻜﻠﻤﻪ ﻭﺣﻆ ﺑﻨﺘﻚ ﻛﻮﻳﺲ ﺍﻟﻠﻲ ﺧﻼﻩ ﻣﻦ ﻧﺼﻴﺒﻬﺎ ..
ﺣﻤﺰﺓ ﻗﺎﻋﺪ ﻳﺘﻘﻄﻊ ﺑﺲ ﻳﺤﺎﻭﻝ ﻳﺘﻤﺎﺳﻚ ﻉ ﻗﺪ ﻣﺎﻳﻘﺪﺭ ..
ﻧﻮﺭ : ﺣﺘﻰ ﻫﻮ ﺣﻆ ﺣﻠﻮ ﺍﻟﻠﻲ ﺧﺪﻱ ﺍﺧﺘﻲ ...
ﺿﺤﻜﻮﺍ ..
ﻫﺎﻧﻴﺒﺎﻝ : ﺭﻳﺖ ﺍﻟﺠﺮﺍﻧﻪ ﻫﺪﻱ ﻟﺴﺎﻧﻬﺎ ﻃﻮﻝ ..
ﻣﺮﻭﺍﻥ ﻫﺎﻳﻢ ﻓﻴﻬﺎ ﻭﻣﺒﺘﺴﻢ ﻭﺧﻼﺹ ..
ﻣﺎﻟﻚ ﺑﻬﻤﺲ : ﻋﻴﻮﻧﻚ 😒..
ﻣﺮﻭﺍﻥ 😑:
ﻏﺎﻟﻴﻪ : ﺍﺳﺘﺎﺣﺸﺘﻬﺎ ﻭﺍﺟﺪ ﺍﻟﺤﻖ ...
ﻧﻌﻴﻤﻪ؛ﻗﺎﻟﺖ ﺑﺎﻟﻚ ﺑﻴﺠﻴﺒﻬﺎ ﺑﻌﺪ ﺍﻟﺒﻴﺎﻥ ﺗﺒﺎﺭﻙ .. ﺑﺎﻟﻚ ﺭﺍﻫﻮ ﻣﺎﺗﺸﺪﻭﻫﺎﺵ ﻋﻠﻴﺎ
🍁🍁🍁🍁🍁
ﻓﻲ ﺍﻟﻤﺰﺭﻋﻪ ..
ﻣﺮﻛﺒﻬﺎ ﻉ ﺍﻟﺠﻤﻮﺡ ﻭﺭﺍﻛﺐ ﻭﺭﺍﻫﺎ ... ﻣﺤﺎﻭﻁ ﺑﺈﻳﺪﻳﻪ ﻭﺷﺎﺩ ﺯﻣﺎﻣﻪ ..
ﻋﻤﺎﺭ : ﺍﻟﻠﻪ ﻏﺎﻟﺐ ﻳﺎﻋﻤﺮﻱ ﻏﻴﺮ ﻫﺎﻟﻈﺮﻑ ﺟﻲ ﻗﺪﺍﻣﻬﺎ ﻛﺎﻧﻬﺪﻯ ﺭﺍﻙ ﻏﺎﺩﻱ ﺗﻮ ..
ﺩﻻﻝ : ﻋﺎﺩﻱ ﺣﺒﻴﺒﻲ ﻣﺶ ﻣﺸﻜﻠﻪ ﺣﺘﻰ ﻓﻲ ﺍﻟﻌﺮﺱ ﺇﻥ ﺷﺎﺀ ﺍﻟﻠﻪ ..
ﻋﻤﺎﺭ ﺑﺎﺳﻬﺎ ﻣﻦ ﺧﺪﻫﺎ ﻭﺿﻤﻬﺎ ﻭﻗﺎﻝ : ﻣﺎﺯﺍﻝ ﻣﺎﺗﺒﻴﺶ ﺗﻘﻮﻟﻲ ﺧﻴﺮﻙ ﻭﺟﻬﻚ ﺍﻷﻳﺎﻡ ﻫﺪﻳﻦ ﺍﺻﻔﺮ ﻭﻧﺎﻗﺼﻪ ﻳﺎﻋﻤﺮﻱ ..
ﺩﻻﻝ ﺍﺭﺗﺒﻜﺖ : ﺷﻲ ﺣﺒﻴﺒﻲ ﻋﺎﺩﻱ ﺯﻱ ﻗﺒﻞ ..
ﻋﻤﺎﺭ ﺑﺎﺳﻬﺎ ﻣﻦ ﺧﺪﻫﺎ ﻭﻃﻮﻝ ..... ﺑﻌﺪﻳﻦ ﺑﻌﺪ ﻭﻗﺎﻝ : ﻛﺎﻥ ﻓﻲ ﺷﻲ ﻗﻮﻟﻲ ... ﺑﺎﻟﻚ ﺗﻄﻠﻌﻲ ﺩﺍﺳﺘﻴﻠﻲ ﺣﺎﺟﻪ ﻫﻨﻰ .. ﻭﺣﻂ ﻳﺪﻩ ﻉ ﺑﻄﻨﻬﺎ ..
ﺿﺤﻜﺖ ﺑﺨﺠﻞ ﻭﻭﺟﻬﻬﺎ ﻭﻻ ﺍﺣﻤﺮ : ﻻﻻ ﻣﺎﺍﻇﻨﻴﺶ ..
ﻋﻤﺎﺭ : ﻭﺍﻧﺘﻲ ﺷﻦ ﻋﺮﻓﻚ .. ﺍﺳﺄﻟﻲ ﻭﺷﻮﻓﻲ .. ﺑﺶ ﻛﺎﻥ ﻃﻠﻌﺘﻲ ﻓﻌﻼ ﺣﺎﻣﻞ ﺗﺮﺩﻱ ﺑﺎﻟﻚ ﻣﻦ ﺭﻭﺣﻚ ..
ﺩﻻﻝ ﺍﻟﻠﻲ ﻛﺎﻧﺖ ﺗﺤﺲ ﺑﻴﻪ ﺩﻻﻝ ﻫﻮ ﺍﻋﺼﺎﺏ ﻣﻌﺪﺓ ﻣﻦ ﺍﻟﺘﻮﺗﺮ ﻭﺍﻟﺨﻮﻑ ﺍﻟﻠﻲ ﻣﺴﺒﺒﻴﻨﻬﻮﻟﻬﺎ ﻭﻻﺩ ﻫﻨﺪﺍ ﺍﻟﻠﻲ ﻛﻞ ﻣﺎﻟﻬﻢ ﻳﺘﻤﺎﺩﻭﺍ ﻭﻫﻲ ﻣﺶ ﻋﺎﺭﻓﻪ ﺷﻦ ﺩﻳﺮ ﻣﻌﺎﻫﻢ ...
ﻭﻓﻨﻔﺲ ﺍﻟﻮﻗﺖ ﻣﺎﺗﻘﺪﺭﺵ ﺗﻘﻮﻝ ﻟﻌﻤﺎﺭ ﻧﺒﻲ ﻧﻘﻌﺪ ﻓﻲ ﺍﻟﺤﻮﺵ ﻟﻤﺎ ﻳﻤﺸﻲ ﻟﺨﺪﻣﻪ .. ﺍﻭ ﻳﺸﻮﻑ ﺍﺷﻐﺎﻟﻪ ﻷﻥ ﺍﻏﻠﺐ ﺍﻟﻨﻬﺎﺭ ﺑﺮﺍ .. ﻭﻓﻲ ﺍﻳﺎﻡ ﻳﻄﻠﻊ ﻓﻴﻬﻢ ﻣﻦ ﺳﺮﺕ ..
ﺭﻥ ﺍﻟﺘﻠﻴﻔﻮﻥ .... ﻋﻄﻲ ﺍﻟﺰﻣﺎﻡ ﻟﺪﻻﻝ ﻭﺭﺩ ..
ﻋﻤﺎﺭ : ﺍﻩ ﺍﻳﻤﻦ ..
ﻣﺠﺮﺩ ﺳﻤﻌﺖ ﺍﺳﻤﻪ ﺑﻄﻨﻬﺎ ﻭﺟﻌﺘﻬﺎ ..
ﻋﻤﺎﺭ : ﺑﺎﻫﻲ ﻫﺎﻧﻲ ﺟﺎﻱ ... ﺻﻜﺮ ..
ﻋﻤﺎﺭ : ﻋﻄﻴﺘﻬﻢ ﻭﻋﺪ ﺍﻟﻴﻮﻡ ﻧﻄﻠﻌﻬﻢ .. ﺗﻄﻠﻌﻲ ﻣﻌﺎﻧﺎ ..
ﺩﻻﻝ ﺑﻔﺰﺓ : ﻻﻻ ..
ﻋﻤﺎﺭ ﺧﺪﻱ ﻣﻨﻬﺎ ﺍﻟﺰﻣﺎﻡ ﻭﻫﻮ ﻳﺴﺄﻝ ﻓﻴﻬﺎ ﺑﺈﺳﺘﻐﺮﺍﺏ : ﻟﻴﺶ ﻻ ..
ﺩﻻﻝ : ﺍﻃﻠﻊ ﻣﻌﺎﻫﻢ ﺑﺮﻭﺣﻚ ﺍﻓﻀﻞ .. ﺧﻴﺮ ﻣﺎﻳﻘﻮﻟﻮﺍ ﻋﻠﻴﺎ ﺍﻧﻲ ﻣﺸﺎﺭﻛﺘﻬﻢ ﻓﻴﻚ ﺣﺘﻰ ﻓﻲ ﺍﻟﺤﺎﺟﻪ ﻫﺎﺩﻱ ..
ﻋﻤﺎﺭ ﻣﺎﻋﺠﺒﺘﺎﺵ ﻛﻠﻤﺘﻬﺎ : ﻟﻴﺶ ﻓﻲ ﻣﻦ ﻗﺎﻟﻚ ﻫﻜﻲ ﻗﺒﻞ ..
ﺩﻻﻝ ﺑﺮﺑﻜﻪ : ﻻﻻ .. ﺑﺲ ﺍﻧﻲ ﻫﻜﻲ ﻓﻜﺮﺕ ..
ﻋﻤﺎﺭ : ﻣﺎﻻ ﺧﻠﻲ ﻋﻨﻚ ﺍﻟﻘﻄﺎﻑ ﺍﻟﺰﺍﻳﺪ ﻭﺍﻟﺘﻔﻜﻴﺮ ﺍﻟﻐﺒﻲ ﻫﺪﻯ ﻭﺟﻮ ﺍﻟﻀﺮﺍﻳﺮ ﺑﻴﻨﻚ ﻭﺑﻴﻦ ﻫﻨﺪﺍ ﻣﺎﺩﺧﻠﻴﺶ ﺍﻟﻌﻮﻳﻠﻪ ﻓﻴﻪ ..
ﻭﻭﺧﺮ ﻣﻦ ﻋﻠﻴﻬﺎ ﻭﻫﻮ ﺷﺎﺩ ﺍﻟﺰﻣﺎﻡ ..
ﺍﺳﺎﺳﺎ ﻛﺎﻧﺖ ﻣﺘﻮﻗﻌﻪ ﻫﺎﻟﺸﻲ ﻋﻤﺎﺭ ﺣﺴﺎﺱ ﻉ ﺍﻷﺧﺮ ﻓﻲ ﺍﻱ ﺷﻲ ﻳﺨﺺ ﺻﻐﺎﺭ ﻣﺤﻤﻮﺩ ..
ﻭﻫﻲ ﻫﻨﻲ ﺯﺍﺩ ﺧﺎﻓﺖ ﺍﻛﺜﺮ ﻭﺍﻛﺜﺮ ..
ﻗﻌﺪ ﻋﻤﺎﺭ ﻭﺍﺧﺪ ﻣﻨﻬﺎ ﻣﻮﻗﻒ .. ﻟﻌﻨﺪ ﻣﺎﺻﻠﻮﺍ ﻟﻺﺳﻄﺒﻞ ﺩﺧﻞ ﺍﻟﺤﺼﺎﻥ ﻭﺑﻌﺪﻳﻦ ﻛﻤﻠﻮﺍ ﻃﺮﻳﻘﻬﻢ ..
ﻭﻻﻫﻲ ﺑﺖ ﺗﻜﻠﻤﻪ ﻭﻻﻫﻮ ﻳﺒﻲ ..
ﻭﺻﻠﻮﺍ ﻟﻠﺤﻮﺵ ...
ﻣﺸﻲ ﻟﻮﻻﺩ ﺧﻮﻩ ... ﻭﻫﻲ ﻛﻤﻠﺖ ﻭﺧﺸﺖ ﺩﺍﺧﻞ ..
🍁🍁🍁🍁
ﺍﻟﺴﺎﻋﻪ 3:30 ﺑﻌﺪ ﺍﻟﻈﻬﺮ ...
ﻓﻲ ﺍﻟﻜﻮﺟﻴﻨﻪ ...
ﺗﺤﻜﻲ ﻟﺨﺎﻟﺘﻬﺎ ﻭﻫﻲ ﺗﺒﻜﻲ ...
ﺭﺍﻧﻴﺎ : ﻭﺍﻟﻠﻪ ﻫﺪﺍ ﺍﻟﻠﻲ ﺻﺎﺭ ﺑﺎﻟﺤﺮﻑ ...
ﻏﺎﻟﻴﻪ ﺑﻀﻴﻖ : ﺗﺲ ﻋﻠﻴﻚ ﻋﻘﻠﻴﺔ ﻋﻘﻠﻴﺘﻪ .. ﻓﺎﺕ ﺳﻴﺪﻱ ﻭﺧﺎﻟﻪ ﻫﺎﻧﻴﺒﺎﻝ ﻏﺎﺩﻱ ..
ﺭﺍﻧﻴﺎ ﺗﺮﺷﻒ ﻭﺗﻤﺴﺢ ﻓﺪﻣﻮﻋﻬﺎ : ﺍﻧﻲ ﻭﺍﻟﻠﻪ ﻣﻌﺎﺩ ﻳﻬﻤﻨﻲ ﻭﻻ ﻋﺎﺩ ﻳﻌﻨﻴﻠﻲ ﻓﺸﻲ ﻭﻻﻋﺎﺩ ﻧﺒﻲ ﻣﻦ ﻳﺠﻴﺒﻠﻲ ﺳﻴﺮﺗﻪ ﺑﻜﻞ ..
ﻏﺎﻟﻴﻪ ﺳﻜﺘﺖ ﻷﻧﻬﺎ ﻋﺎﺩﺭﺗﻬﺎ ﺍﻟﻜﻼﻡ ﺍﻟﻠﻲ ﻗﺎﻟﻪ ﺭﻣﺰﻱ ﻭﺍﻋﺮ ﻫﻠﺒﻪ ﻭﺗﺼﺮﻓﺎﺗﻪ ﻻﺗﺤﺘﻤﻞ ﻣﺎﻓﻜﺮﺗﺶ ﺗﻨﺎﻗﺸﻬﺎ ..
ﻏﺎﻟﻴﻪ : ﺧﻼﺹ ﺣﺒﻴﺒﺘﻲ ﺍﻣﺴﺤﻲ ﺩﻣﻮﻋﻚ ﻭﻣﻌﺎﺵ ﺗﻔﻜﺮﻱ ﻓﺸﻲ ﻭﻫﻲ ﻧﻌﺪﻭﺍ ﻧﺸﻮﻓﻮﻫﻢ ﺷﻦ ﻳﺨﻄﻄﻦ ﻟﻐﺪﻭﺓ ..
ﺭﺍﻧﻴﺎ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ؛ﻫﻲ ..
ﻏﺎﻟﻴﻪ ﺑﻀﺤﻜﻪ : ﺻﺎﺭ ﺍﻟﻔﺮﺧﻪ ﺭﺑﺎﺏ ﺟﺎﺑﺖ ﺍﻟﺸﺮﻗﺎﻭﻱ ﺟﺎﺑﺎﺗﻪ ..
ﺭﺍﻧﻴﺎ ﺑﻀﺤﻜﻪ؛ﺭﻳﺘﻴﻬﺎ
🍁🍁🍁🍁
ﺍﻟﺴﺎﻋﻪ 10:00 ﻟﻴﻼ ...
ﺭﺍﻗﺪﻩ ﻉ ﺍﻟﺴﺮﻳﺮ ﻭﺗﺘﻮﺟﻊ ...
ﺍﻋﺼﺎﺏ ﺍﻟﻤﻌﺪﺓ ﺩﺍﻳﺮﻳﻦ ﻓﻴﻬﺎ ﺣﺎﻟﻪ ...
ﻫﻮ ﻓﻲ ﻣﻜﺘﺒﻪ ﻻﻫﻲ ﺑﺎﺷﻐﺎﻟﻪ .. ﻣﺎﻳﻨﺪﺭﻳﺶ ﻋﻠﻴﻬﺎ ﻭﻻﺑﺖ ﻫﻲ ﺗﻘﻮﻟﻪ ﺷﻲ ..
ﺧﺎﻓﺖ ﻳﺰﻳﺪ ﻳﺘﻜﻨﻄﺎ ﻣﻨﻬﺎ ﻭﻳﻘﻮﻝ ﺍﻧﻬﺎ ﺍﺩﻳﺮ ﻫﻜﻲ ﻉ ﺧﺎﻃﺮ ﺍﻟﻨﻘﺎﺵ ﺍﻟﻠﻲ ﺻﺎﺭ ﺑﻴﻨﺎﺗﻬﻢ ﺑﺴﺒﺐ ﻭﻻﺩ ﺧﻮﻩ ..
ﻗﻌﺪﺕ ﺗﺤﺮﻕ ﻓﺮﻭﺣﻬﺎ ﺑﺮﻭﺣﻬﺎ ﻣﺴﻜﻴﻨﻪ ... ﻭﻗﻌﺪﺕ ﺗﺮﺟﻊ ﻟﻴﻦ ﻣﻌﺎﺵ ﻟﻘﺖ ﻣﺎﺗﺮﺟﻊ ... ﻭﺷﺒﻪ ﻓﺸﻠﺖ ﺗﻤﺎﻣﺎ ...
ﺿﻐﻄﻬﺎ ﻫﺒﻂ ﻭﺟﺴﻤﻬﺎ ﺻﻘﻊ ... ﻭﻗﻌﺪﺕ ﻓﺎﻟﺴﺮﻳﺮ ﺗﺄﻥ ..
ﻉ ﺧﺸﺘﻪ ﻫﻮ ﻟﻠﺪﺍﺭ ﺳﻤﻊ ﺻﻮﺕ ﺁﻧﻴﻨﻬﺎ ..
ﻗﺪﻣﻠﻬﺎ ... ﻟﻘﺎﻫﺎ ﺭﺍﻗﺪﻩ ﻭﻭﺟﻬﻬﺎ ﺷﺎﺣﺐ .. ﻭﺍﻧﻔﺎﺳﻬﺎ ﺳﺮﻳﻌﻪ ...
ﻋﻤﺎﺭ ﺑﺨﻮﻑ : ﺩﻻﻝ ﺩﻟﻮﻟﺘﻲ ... ﻋﻤﺮﻱ .. ﺧﻴﺮﻙ ..
ﺩﻻﻝ ﺑﺼﻮﺕ ﻣﺘﻌﺐ : ﺷﻲ ...
ﻋﻤﺎﺭ : ﺷﻨﻮ ﺍﻟﻠﻲ ﺷﻲ ... ﻃﺒﺲ ﻋﻠﻴﻬﺎ ﻭﻗﻌﺪ ﻳﺸﻮﻑ ﻓﻲ ﺣﺮﺍﺭﺗﻬﺎ ﺑﺸﻔﺎﻳﻔﻪ .. ﻟﻤﺎ ﺣﻄﻬﻢ ﻉ ﺟﺒﻬﺘﻬﺎ ﻭﺧﺪﻭﺩﻫﺎ .. ﻟﻘﺎﻫﺎ ﻋﺎﺩﻳﻪ
ﺷﺎﻓﻬﺎ ﺷﺎﺩﺓ ﺑﻄﻨﻬﺎ ..
ﻋﻤﺎﺭ : ﺑﻄﻨﻚ ﺗﻮﺟﻊ ﻓﻴﻚ ..
ﺩﻻﻝ : ﻋﺎﺩﻱ ..
ﻋﻤﺎﺭ ﺑﻌﺼﺒﻴﻪ : ﺷﻦ ﻫﻮ ﺍﻟﻠﻲ ﻋﺎﺩﻱ ..!!
ﻫﻲ ﻟﻤﺎ ﻛﺸﺦ ﻋﻠﻴﻬﺎ ﺗﻜﻤﺸﺖ ﻓﻲ ﺑﻌﻀﻬﺎ ﻭﻗﻌﺪﺕ ﺗﺒﻜﻲ ..
ﻣﺎﺗﺤﻤﻠﺶ ﻣﻨﻈﺮﻫﺎ ﻫﺪﺍ ﺑﻜﻞ ..
ﻃﺒﺲ ﻋﻠﻴﻬﺎ ﻭﺣﻀﻨﻬﺎ : ﺧﻼﺹ ﻳﺎﻋﻤﺮﻱ ﺍﻧﻲ ... ﺍﺳﻒ .. ﻏﻴﺮ ﺧﺎﻳﻒ ﻋﻠﻴﻚ ﻳﺎﻗﻠﺒﻲ ﺍﻧﺘﻲ ..
ﻣﺎﺯﺍﻟﺖ ﺗﺒﻜﻲ ..
ﻋﻤﺎﺭ : ﺩﻟﻮﻟﺘﻲ .. ﺭﻭﺡ ﻋﻤﺎﺭ ... ﺑﺎﺳﻬﺎ ﻣﻦ ﺧﺪﻫﺎ .. ﻛﺎﻥ ﺗﺤﺒﻴﻨﻲ ﻣﻌﺎﺵ ﺗﺒﻜﻲ ..
ﻣﺎﺯﺍﻝ ﺗﺒﻜﻲ ..
ﺑﺎﺳﻬﺎ ﻉ ﺧﺪﻫﺎ ﻣﺮﺓ ﺗﺎﻧﻴﻪ ﻭﻗﺎﻝ : ﻛﺎﻥ ﺗﺤﺒﻲ ﻋﻤﺎﻝ ﺩﻟﻮﻟﺘﻲ ..
ﺿﺤﻜﺖ ..
ﻫﻮ ﺿﺤﻚ ﻭﻗﻌﺪ ﻳﺒﻮﺱ ﻓﻴﻬﺎ ﺑﻠﻄﻒ ﻉ ﺧﺪﻫﺎ :. ﻗﻄﻮﺳﻪ ... ﻧﻮﺿﻲ ﻣﻌﺎﻱ ﻗﻠﺒﻲ ﻫﻲ ..
ﺩﻻﻝ ﺷﺒﺤﺘﻠﻪ ...
ﻋﻤﺎﺭﺑﺨﻮﻑ : ﻋﻴﻮﻧﻚ ﻣﺤﻠﻘﺎﺕ ﻭﻭﺟﻬﻚ ﺍﺻﻔﺮ .. ﺿﻐﻄﻚ ﻫﺎﺑﻂ ..
ﺩﻻﻝ ﺗﺸﻮﻓﻠﻪ ﺑﻀﻴﻖ ﻭﺩﻣﻮﻋﻬﺎ ﺗﻨﺰﻝ ..
ﻧﺎﺽ ﺑﺴﺮﻋﻪ ... ﻃﻠﻊ ﺟﺎﺑﻠﻬﺎ ﻣﺎﺗﺎﻛﻞ ﻣﻦ ﺣﺎﺟﺎﺕ ﺗﺮﻓﻊ ﺿﻐﻄﻬﺎ ..
ﻭﺑﻌﺪ ﻛﻠﺖ ﺭﻓﻌﻠﻬﺎ ﺭﺟﻠﻴﻬﺎ ﻓﻮﻕ ...
ﻭﻛﺎﻥ ﻳﺒﺼﺮ ﻋﻠﻴﻬﺎ ﻣﺮﺓ ﻣﺮﺓ ﺑﺶ ﻧﻔﺴﻴﺘﻬﺎ ﺗﺘﻌﺪﻝ ..
ﺑﻌﺪﻳﻦ ﺭﻗﺪ ﻭﺧﺪﺍﻫﺎ ﻓﺤﻀﻨﻪ ﻭﻗﻌﺪ ﻳﻘﺮﺍ ﻋﻠﻴﻬﺎ ﻟﻴﻦ ﺭﻗﺪﺕ..💓
🍁🍁🍁🍁🍁
ﺗﺎﻧﻲ ﻳﻮﻡ ﺍﻟﻌﺼﺮ ..
ﺣﻤﻴﺪﻩ ﻛﺎﻧﺖ ﻻﺑﺴﻪ ﻗﻔﻄﺎﻥ ﺧﺪﺗﻬﻮﻟﻬﺎ ﺯﻳﻨﺐ .. ﻭﺟﺘﻬﺎ ﻣﺰﻳﻨﻪ ﻟﻠﺤﻮﺵ ﺩﺍﺭﺗﻠﻬﺎ ﻣﻜﻴﺎﺟﻬﺎ ﻭﺷﻌﺮﻫﺎ .. ﻃﻠﻌﺖ ﺁﻳﻪ ﻣﻦ ﺍﻟﺠﻤﺎﻝ ﻭﻣﺎﺗﻨﻌﻄﺎﺵ ﻋﻤﺮﻫﺎ ..
ﻭﺍﻟﻜﻞ ﻃﺒﻌﺎ ﻟﺒﺴﻮﺍ ﻭﻭﺗﻮﺍ ﺍﺭﻭﺍﺣﻬﻢ ﻹﺳﺘﻘﺒﺎﻝ ﺍﻫﻞ ﺍﻟﻌﺮﻳﺲ ..
ﺑﺲ ﻗﺒﻠﻬﺎ ﻛﺎﻧﺖ ﻓﻲ ﻟﺤﻈﻪ ﻣﻬﻤﻪ ..
ﻗﺮﺍﻳﺔ ﺍﻟﻔﺎﺗﺤﻪ ...
ﺧﺸﺖ ﻛﻔﺎﻳﻪ ﺗﺠﺮﻱ ﻭﺗﻀﺤﻚ : ﻗﺮﻭﻫﺎ ﻗﺮﻭﻫﺎ .. ﻭﺑﺪﺕ ﺗﺰﻏﺮﻁ ﻭﺍﻧﻘﻠﺒﺖ ﺍﻟﺪﻧﻴﺎ ﻛﻠﻬﺎ ﺑﺎﻟﺰﻏﺎﺭﻳﻂ ...
ﻭﺑﺪﺕ ﺍﻟﺪﺭﺑﻮﻛﻪ .. ﻭﻛﺎﻧﺖ ﺍﺻﻮﺍﺕ ﺍﻟﺒﻬﺠﻪ ﺗﺼﺪﺡ ﻓﻲ ﻛﻞ ﻣﻜﺎﻥ ..
ﻭﺣﻤﻴﺪﻩ ﻛﺎﻧﺖ ﻓﻘﻤﺔ ﺍﻟﺴﻌﺎﺩﻩ .. ﻭﺧﻮﺍﺗﻬﺎ ﺑﻴﻄﻴﺮﻭﺍ ﻣﻦ ﻓﺮﺣﺘﻬﻢ ﺣﺘﻰ ﻣﻦ ﻏﺎﻟﻴﻪ ﺑﺮﻏﻢ ﺍﻟﻐﺼﺔ ﺍﻟﻤﻜﺘﻮﻣﻪ ﺩﺍﺧﻠﻬﺎ ..🍃
ﻣﺶ ﻫﻲ ﺑﺲ ﺍﻟﻠﻲ ﻛﺎﻧﺖ ﻣﻐﺼﻮﺻﻪ ..
ﺣﺘﻰ ﺧﻠﻴﻔﻪ ﺍﻟﻠﻲ ﻣﺸﻲ ﺣﻀﺮ ﻗﺮﺍﻳﺔ ﺍﻟﻔﺎﺗﺤﻪ .. ﻛﺎﻥ ﻃﻮﻝ ﺍﻟﻮﻗﺖ ﻳﺸﺒﺢ ﻟﻠﺼﺪﻳﻖ ﻛﺎﻥ ﻳﻠﻘﻰ ﻳﻘﺘﻠﻪ ... ﻣﺶ ﻣﺼﺪﻕ ﺍﻥ ﺣﻤﻴﺪﻩ ﺍﻟﻠﻲ ﻋﺎﺵ ﻋﻤﺮ ﻳﺤﺒﻬﺎ ﺑﻜﻞ ﻗﻮﺓ ﻭﻟﺖ ﻟﻐﻴﺮﻩ ﺧﻼﺹ ..
ﺑﺲ ﻓﺪﺍﺧﻠﻪ ﻳﻘﻮﻝ " ﻧﺴﺘﺎﻫﻞ ﺫﻗﺖ ﻣﻦ ﺍﻟﻠﻲ ﺫﻭﻗﺘﻬﻮﻟﻬﺎ .."
🍃🍃🍃
ﺟﻮ ﺍﻫﻞ ﺍﻟﺼﺪﻳﻖ ﺑﺎﻟﺒﻴﺎﻥ ﻗﻠﺒﻮﺍ ﺍﻟﺪﻧﻴﺎ ﺑﺎﻟﻜﻼﻛﺴﺎﺕ .. ﻭﺍﻷﻟﻌﺎﺏ ﺍﻟﻨﺎﺭﻳﻪ ..
ﺟﺎﺑﻮﺍ ﺑﻴﺎﻥ ﻛﺒﻴﺮ ﻣﺎﻧﺎﻗﺼﺎﺗﻪ ﺣﺎﺟﻪ .. ﺣﺘﻰ ﻣﻦ ﺑﺎﻛﻮ ﺍﻟﺘﻠﻴﻔﻮﻥ ﻓﻮﺳﻄﻪ ﻭﻣﻦ ﺍﺣﺪﺙ ﻧﻮﻉ ...
ﺳﻌﻴﺪﻩ ﻭﺧﻮﺍﺗﻬﺎ ﻗﺮﻳﺐ ﺟﺘﻬﻢ ﺍﻟﺠﻠﻄﻪ ....
ﺍﻟﺪﺭﺑﻮﻛﻪ ﻭﺍﻟﻐﻨﻲ ﺷﻐﺎﻟﻴﻦ ..
ﻭﺯﻳﻨﺐ ﺗﺮﻗﺺ ﻭﺗﺨﻤﺲ ﻭﻳﻦ ﺗﺠﻲ ﺣﺪﺍ ﺳﻌﻴﺪﻩ ﻭﺧﻮﺍﺗﻬﺎ ..
ﻭﻫﻤﺎ ﻳﺸﻮﻓﻮﻟﻬﺎ ﺑﺤﻘﺪ ...
ﺑﺮﺍ ...
ﻛﺎﻧﺖ ﺭﺯﺍﻥ ﺟﺎﻳﻪ ﺗﺠﺮﻱ ... ﻋﺘﺮﺕ ﻃﺎﺣﺖ ﻉ ﺭﻛﺒﺘﻬﺎ
ﻋﻤﺎﺩ ﺍﻟﻠﻲ ﻛﺎﻥ ﺟﺎﻱ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﺷﺎﻓﻬﺎ ﺟﺎﻫﺎ ﻳﺠﺮﻱ ..
ﻋﻤﺎﺩ : ﺷﻦ ﺻﺎﺭﻟﻚ ..
ﺭﺯﺍﻥ ﺗﺘﻮﺟﻊ : ﻛﺮﺍﻋﻲ ..
ﻋﻤﺎﺩ ﺷﺪﻫﺎ ﻣﻦ ﻳﺪﻫﺎ ﻭﻭﻗﻔﻬﺎ ... ﻟﻘﻲ ﺭﻛﺒﺖ ﺍﻟﺴﺮﻭﺍﻝ ﻣﺘﺎﻋﻬﺎ ﻣﺸﺮﻭﻛﻪ ﻭﺗﺼﺐ ﺩﻡ ﻫﻲ ﻟﻤﺎ ﺭﺗﻬﺎ ﺭﻋﺸﺖ ﻭﻗﻌﺪﺕ ﺗﺒﻜﻲ .
ﻋﻤﺎﺩ ﻗﻌﺪ ﻳﻤﺴﺢ ﻉ ﺷﻌﺮﻫﺎ : ﻣﺎﺗﺒﻜﻴﺶ ﺧﻠﻴﻚ ﻫﻨﻲ ﺷﻮﻳﻪ ﺳﻤﻮﺣﻪ ..
ﻫﻲ ﻗﻌﺪﺕ ﻭﺍﻗﻔﻪ ﻭﺗﺒﻜﻲ ...
ﺗﺴﻤﻊ ﻓﻲ ﺍﻟﺪﺭﺑﻮﻛﻪ ﻭﺍﻟﻐﻨﻲ ﺧﺎﻃﺮﻫﺎ ﺗﺨﺶ ﺑﺲ ﻣﺶ ﻗﺎﺩﺭﺓ ﺷﻮﻳﻪ ﻭﺟﺎﻫﺎ ﻋﻤﺎﺩ ﻳﺠﺮﻱ ﻭﻓﻴﺪﻩ ﺣﺎﺟﺎﺕ ..
ﻛﺎﻧﺖ ﺗﺒﻊ ﺍﻷﺳﻌﺎﻓﺎﺕ .. ﻓﺎﺷﻪ ﻭﻗﻄﻦ ﻭﺳﺒﻴﺮﻳﺘﻮ ..
ﻋﻤﺎﺩ : ﺗﺤﻤﻠﻲ ﺑﺎﻫﻲ ..
ﺭﺯﺍﻥ : ﺑﺎﻫﻲ ...
ﻗﻌﺪ ﻳﺪﺍﻭﻳﻠﻬﺎ ﻓﻴﻪ .. ﻫﻲ ﺗﻮﺟﻌﺖ ﺭﻳﺸﺘﻠﻪ ﺷﻌﺮﻩ .
ﻋﻤﺎﺩ : ﻫﻬﻬﻬﻬﻬﻪ .. ﺍﺍﺍﻩ ﻳﺎﺷﻔﺸﻪ ...
ﻭﺭﺯﺍﻥ ﺗﺒﻜﻲ ﻭﺗﺘﻮﺟﻊ ...
ﻛﻤﻞ ﺷﻐﻠﻪ ﻭﻧﺎﺽ ﻭﻗﻒ ...
ﺭﺯﺍﻥ : ﻧﺒﻲ ﻧﺨﺶ .
ﻋﻤﺎﺩ : ﺑﺮﻱ ﺧﺸﻲ ..
ﺭﺯﺍﻥ : ﻳﺎﻏﺒﻲ ﻛﻴﻒ ﻧﺨﺶ ﻫﻜﻲ ..
ﻋﻤﺎﺩ : ﻏﺒﻲ !!! ﻣﺎﻻ ﺍﻗﻌﺪﻱ ﻻﺟﻌﻠﻚ ﺧﺸﻴﺘﻲ ﻭﻻﺭﻗﺪﺗﻲ ﻟﻴﻦ ﻋﻴﻴﺘﻲ ﻉ ﻗﻮﻟﺖ ﺍﻣﻲ ﻭﻣﺸﻲ ﻭﺧﻼﻫﺎ ..
ﺭﺯﺍﻥ : ﻋﺪﻱ ﻳﺎﻏﺒﻲ ﻳﺎﻏﺒﻲ ﺍﻟﻐﺒﻴﻴﻴﻦ .
ﻋﻤﺎﺩ ﺳﻤﻊ ﻛﻠﻤﺘﻬﺎ ﺍﻷﺧﻴﺮﺓ ﻗﻌﺪ ﻳﻀﺤﻚ .. ﻭﻣﺸﻲ ﺭﺩ ﺍﻟﺤﺎﺟﺎﺕ ﻟﻠﺴﻴﺎﺭﺓ ﻭﻭﻻ ﻭﻳﻦ ﻣﺎﻓﻲ ﺍﻟﺮﺟﺎﻟﻪ ..
ﺍﻣﺎ ﺭﺯﺍﻥ ﻣﺸﺖ ﻭﻟﺖ ﻟﻠﺤﻮﺵ ﺍﺩﻭﺭ ﺷﻲ ﺗﺎﻧﻲ ﺗﻠﺒﺴﻪ ﻣﺎﺗﻐﻠﺒﺶ ﻳﺎﻛﺒﺪﻱ .
🍁🍁🍁🍁
ﻳﻮﺗﻮﺍ ﻓﻲ ﺍﻟﻌﺸﻲ ...
ﻣﻌﻘﻮﻟﻪ ﻓﺎﺗﺤﺔ ﺍﺧﺘﻪ ﻣﺎﻳﺤﻀﺮﻫﺎ ...
ﺯﻳﻨﺐ : ﻋﺮﺱ ﺧﻮ ﺍﻟﻼ ﺍﻭﻟﻰ ...
ﻧﻌﻴﻤﻪ : ﻋﻠﻴﻚ ﺑﺨﻮﺕ ﺑﺨﻮﺗﻨﺎ ..
ﻛﻔﺎﻳﻪ : ﻛﻞ ﻭﺍﺣﺪ ﻓﻴﻬﻢ ﺍﺣﺮﻑ ﻣﻦ ﺍﻟﺘﺎﻧﻲ
ﺯﻳﻨﺐ : ﻣﺎﺯﺍﻝ ﻫﻮﻳﺪﻱ ﻳﺎﻛﺒﺪﻱ ﺷﻦ ﺩﺍﺳﻠﻨﺎ ﺣﺘﻰ ﻫﻮ ..
ﻏﺎﻟﻴﻪ : ﺍﻳﻪ ﻧﺴﺨﻨﻮﻩ ﺍﻟﻤﺒﻄﻦ ...
ﻛﻔﺎﻳﻪ : ﺳﺨﻨﺘﻪ ...
ﺳﻤﻴﻪ : ﺗﺒﻦ ﻧﺴﺎﻋﺪﻛﻦ ﻓﺸﻲ ...
ﺯﻳﻨﺐ : ﺗﻌﺎﻟﻲ ﻭﺯﻋﻲ ﺍﻟﻤﺴﻴﺮ ..
ﻉ ﺧﺸﺖ ﻧﻮﺭ ...
ﻛﻔﺎﻳﻪ؛ﺭﺑﺎﺏ ﻭﺭﺍﻧﻴﺎ ﻭﻳﻦ ..
ﻧﻮﺭ : ﺟﺎﻳﺎﺕ ﻭﺭﺍﻱ ...
🍁🍁🍁🍁
ﻣﻘﻌﻤﺰﺓ ﺗﺎﻛﻞ ﻓﻲ ﺳﻼﻃﻪ ﻓﻮﺍﻛﻪ ﻭﻋﻘﻠﻬﺎ ﻋﻨﺪﻫﻢ ...
ﺷﻤﺖ ﺭﻳﺤﺔ ﻋﻄﺮﻩ ﺍﻟﻠﻲ ﺳﺒﻘﺖ ﻗﺒﻠﺘﻪ ﺍﻟﻠﻲ ﻃﺒﻌﻬﺎ ﻉ ﺭﺍﺳﻬﺎ💓
ﻋﻤﺎﺭ : ﺷﻨﻮ ﻏﺰﺍﻟﺘﻲ ﺣﺎﻟﻚ ﺑﺎﻫﻲ ..
ﺩﻻﻝ ﺍﺑﺘﺴﻤﺖ : ﺍﻳﻪ ﺍﻟﺤﻤﺪ ﻟﻠﻪ ...
ﺑﺎﺳﻬﺎ ..💓 ﻭﻗﻌﻤﺰ ﻣﻘﺎﺑﻠﻬﺎ ... ﺷﺪ ﻳﺪﻫﺎ ﺑﺈﻳﺪﻳﻪ ﺍﻟﺰﻭﺯ ﻭﻗﺎﻝ ..
ﻋﻤﺎﺭ : ﻋﻘﻠﻚ ﻋﻨﺪﻫﻢ ﻋﺎﺭﻑ ..
ﺩﻻﻝ : ﻋﺎﺩﻱ ﺣﺒﻴﺒﻲ ﻓﻴﻬﺎ ﺧﻴﺮﺓ ..
ﺑﺎﺱ ﺍﻳﺪﻳﻬﺎ : ﺍﻟﺨﻤﻴﺲ ﺗﻜﻮﻧﻲ ﻋﻨﺪﻫﻢ ...
ﺩﻻﻝ ﺍﺑﺘﺴﻤﺖ .. ﻭﻗﺮﺑﺘﻠﻪ ﻭﺑﺎﺳﺘﻪ .. ﻭﺑﻌﺪﺕ ...💓
ﻋﻤﺎﺭ : ﺁﺍﺍﺍﻩ ﻭﺧﻼﺹ 💓💓
ﺿﺤﻜﺖ ﺩﻻﻝ 💓💓💓
🍃🍃🍃🍃🍃
ﻭﻣﺮ ﻫﺪﺍﻛﺎ ﺍﻟﻴﻮﻡ ﻉ ﺧﻴﺮ .. ﻭﻛﺎﻥ ﺍﺣﻠﻰ ﻳﻮﻡ ﻳﻤﺮ ﻉ ﺣﻤﻴﺪﻩ ...
ﻗﻌﺪﻭﺍ ﻛﻠﻬﻢ ﺳﻬﺮﺍﻧﻴﻦ ﻣﻦ ﻓﺮﺣﺘﻬﻢ ﻣﺶ ﻗﺎﺩﺭﻳﻦ ﻳﺮﻗﺪﻭﺍ ....
💓💓💓💓💓💓💓💓💓💓💓💓💓💓💓💓💓
🍃🍃🍃🍃🍃
ﻭﺗﻤﺮ ﺍﻷﻳﺎﻡ ﻭﻳﺠﻲ ﻧﻬﺎﺭ ﺍﻟﺨﻤﻴﺲ ..
ﻭﻳﻮﻓﻲ ﻋﻤﺎﺭ ﺑﻮﻋﺪﻩ ﻟﺪﻟﻮﻟﺘﻪ ...💓
ﻭﻳﺮﻓﻌﻬﺎ ﻟﻠﺒﻼﺩ ...
ﻛﺎﻧﻮﺍ ﺧﺎﻻﺗﻬﺎ ﻗﺎﻋﺪﺍﺕ .... ﻭﺍﻣﻬﺎ ﻭﺍﺧﺘﻬﺎ ﻭﺑﻨﺎﺕ ﺧﺎﻟﺘﻬﺎ ﻣﻠﻬﻮﻓﻴﻦ ﻟﺸﻮﻓﺘﻬﺎ ...
ﺍﻭﻝ ﻣﺎﻭﺻﻠﺖ ...
ﺣﻤﺰﺓ ﻣﺎﻗﺪﺭﺵ ﻳﻤﻨﻊ ﻧﻔﺴﻪ ﻣﻦ ﺷﻮﻓﺘﻬﺎ ...
ﻟﻘﺎﻫﺎ ﻧﺎﺯﻟﻪ ﻣﻦ ﺍﻟﺴﻴﺎﺭﺓ ﻭﻳﺒﺎﻥ ﺟﻮﻫﺎ ﻣﻠﻴﺢ ﻭﺗﻀﺤﻚ ﻭﺣﺘﻰ ﻋﻤﺎﺭ ﺑﺎﻳﻨﻪ ﻉ ﻭﺟﻬﻪ ﺍﻟﺴﻌﺎﺩﻩ ...
ﺍﻧﺨﻨﻖ ﻣﺴﻜﻴﻦ ﺑﺲ ﺗﻤﺎﺳﻚ ﻉ ﻗﺪ ﻣﺎﻳﻘﺪﺭ ...
ﻣﻦ ﻭﺭﺍ ﺍﻟﺒﺮﺳﻴﺎﻧﻪ ..
ﺭﺍﻧﻴﺎ : ﺑﺎﻟﻜﺎﺟﻮﺍﻝ ﺣﻜﺎﻳﺔ ﺗﺎﻧﻴﻪ ..
ﺭﺑﺎﺏ : ﺍﻳﻪ ﻃﺎﻟﻊ ﻳﺠﻨﻦ ...
ﻏﺎﻟﻴﻪ : ﺭﻳﺘﻮﺍ ﺩﻻﻝ ﻛﻴﻒ ﺗﻀﺤﻚ ..
ﺣﻤﻴﺪﻩ : ﻗﺘﻠﻜﻢ ﺣﺘﺤﺒﻪ ﻭﺗﻤﻮﺕ ﻓﻴﻪ ﺯﻳﺎﺩﻩ ..
ﺿﺤﻜﻮﺍ ...
ﺑﺮﺍ ..
ﻫﺎﻧﻴﺒﺎﻝ ﺣﺎﺿﻦ ﺩﻻﻝ : ﺧﻴﺮﻙ ﻫﻜﻲ ﺿﺎﻋﻔﻪ ﺑﺎﺑﻨﺖ ..
ﻋﻤﺎﺭ : ﺗﺮﺍ ﺭﻳﺢ ﺟﻤﺎﻟﻚ ..
ﺩﻻﻝ ﺑﻀﺤﻜﻪ : ﺍﻧﻲ ﻛﻮﻳﺴﻪ ﺧﺎﻟﻮ ..
ﻫﺎﻧﻴﺒﺎﻝ : ﺍﺳﻤﻌﻴﻨﻲ ﺟﺎﻱ ﻭﻣﺶ ﺗﺨﺎﻓﻲ ﻣﻨﻪ .. ﻳﺪﻳﺮ ﻣﻌﺎﻙ ﻫﻜﻲ ﻭﻻﻫﻜﻲ ﻛﻠﻤﻴﻨﻲ ﺑﺲ ﻗﺴﻤﺎ ﺑﺎﻟﻠﻪ ﻧﺠﻴﻚ ﻃﻮﻝ ..
ﻋﻤﺎﺭ : ﺍﻫﺪﺍ ﻳﺎﻛﺎﺑﺘﻦ ..
ﺯﺍﺩ ﺣﻀﻨﻬﺎ ﻫﺎﻧﻴﺒﺎﻝ : ﻧﻮﻗﻆ ﻓﻴﻬﺎ ﺑﺲ .. ﺑﻮﻙ ﻳﺴﻠﻢ ﻋﻠﻴﻚ ﻭﺍﺟﺪ ..
ﺩﻻﻝ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺳﻠﻤﻪ ﻭﺳﻠﻢ ﻣﻦ ﺟﺎﺏ ﺳﻼﻣﻪ ..
ﻫﺎﻧﻴﺒﺎﻝ : ﻣﺮﺗﺎﺣﻪ ﻣﻌﺎﻩ ..
ﻋﻤﺎﺭ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
ﺩﻻﻝ ﺑﻀﺤﻜﻪ : ﻫﻠﺒﻪ ﻣﺶ ﺷﻮﻳﻪ ..
ﺍﺑﺘﺴﻢ ﻋﻤﺎﺭ 💓💓💓💓
ﻫﺎﻧﻴﺒﺎﻝ : ﺣﻄﻲ ﻓﻲ ﺑﺎﻟﻚ ﺣﺎﺟﻪ ﻭﺣﺪﻩ ﺧﻮﺍﻟﻚ ﻣﺎﻳﺨﻠﻮﻛﺶ ﺑﻜﻞ ...
ﻋﻤﺎﺭ ﻗﺪﻡ ﻭﺷﺪ ﻳﺪﻫﺎ : ﺧﻼﺹ ﻋﺪﻱ ﺧﺸﻲ ﺧﺎﻟﻚ ﻳﺪﻭﺭ ﻓﻲ ﻣﺸﻜﻠﻪ ...
ﻫﺎﻧﻴﺒﺎﻝ ﻗﻌﺪ ﻳﻀﺤﻚ ...
ﺧﺪﻱ ﻳﺪﻫﺎ ﻣﻦ ﻳﺪ ﻋﻤﺎﺭ ﻭﻣﺸﻲ ﻫﻮ ﻭﻳﺎﻫﺎ ...
ﻋﻤﺎﺭ ﻳﺸﻮﻓﻠﻬﻢ ﻭﺣﺲ ﺑﻘﻠﺒﻪ ﺍﻧﻘﺒﺾ ﺑﻘﻮﺓ ﻭﻣﺶ ﻋﺎﺭﻑ ﺍﻟﺴﺒﺐ ..
🍃 ﻭﻓﺎﺕ ﻫﺪﺍﻛﺎ ﺍﻟﻴﻮﻡ ﻣﻦ ﺍﺣﻠﻰ ﻣﺎﻳﻜﻮﻥ ﻉ ﺩﻻﻝ ﺍﻟﻠﻲ ﺭﺟﻌﺖ ﺍﻳﺎﻡ ﺯﻣﺎﻥ ﺑﻠﻤﺘﻬﺎ ﻣﻊ ﺍﻣﻬﺎ ﻭﺍﺧﺘﻬﺎ ﻭﺧﺎﻻﺗﻬﺎ ...
ﻭﺣﻜﺖ ﻣﻊ ﺭﺍﻧﻴﺎ ﻓﻲ ﻣﻮﺿﻮﻉ ﺭﻣﺰﻱ ﻭﻣﺎﺯﺍﻟﺖ ﺗﺸﺠﻊ ﻓﻴﻬﺎ ﻉ ﺍﻧﻬﺎ ﺗﻔﻮﺗﻪ ﻭﺗﺸﻌﻔﻪ ...
ﻭﺭﻣﺰﻱ ﻣﺴﻜﻴﻦ ﺗﻌﺬﺏ ﻋﺬﺍﺏ ﻛﺒﻴﺮ ﻓﻲ ﻫﺎﻻﺳﺒﻮﻉ ﻭﺗﺠﺎﻫﻞ ﺭﺍﻧﻴﺎ ﻟﻴﻪ ﺯﺍﺩﻩ ﻉ ﻣﺎﺑﻴﻪ ... ﻭﺧﺎﻑ ﺍﻥ ﻫﺎﻟﻤﺮﺓ ﺣﻖ ﺭﺍﻧﻴﺎ ﺧﻼﺹ ﺣﺘﺼﻜﺮ ﺻﻔﺤﺘﻪ ...
🍃 ﺟﻲ ﺍﻟﻴﻮﻡ ﺍﻟﻠﻲ ﺑﻌﺪﻩ ﻭﺭﻭﺣﺖ ﺩﻻﻝ ....
ﻭﺧﺎﻻﺗﻬﺎ ﻭﺍﻣﻬﺎ ﺭﻭﺣﻮﺍ ﺍﻟﻌﺸﻴﻪ ...
ﻭﺍﻟﺤﻤﺪ ﻟﻠﻪ ﺗﻢ ﻛﻞ ﺷﻲ ﻉ ﺧﻴﺮ ... ﻭﻣﺎﺯﺍﻝ ﺍﻟﻬﺪﻭﺀ ﻫﻮ ﺍﻟﺴﺎﺋﺪ ﻉ ﺍﻷﺣﺪﺍﺙ ﺑﺎﻟﻤﺠﻤﻞ ....
ﻭﺍﺳﺘﻤﺮ .... ﻟﻤﺪﻩ ﺍﺳﺒﻮﻉ ﺗﺎﻧﻲ ...
ﻟﻌﻨﺪ ﻣﺎﻓﻲ ﻳﻮﻡ ...
ﻭﻛﺎﻥ ﻳﻮﻡ ﺟﻤﻌﺔ ....
ﺍﻟﺴﺎﻋﻪ 7:00 ﻣﺴﺎﺀﺍ ....
ﺳﺮﺕ 🍃
ﻛﺎﻣﻠﻪ : ﻛﻴﻒ ﻳﺎﻛﺒﺪﻱ ﻃﺎﺭ ﻣﻌﺎﺵ ﻧﺰﻝ ﻭﻳﻨﻪ ..
ﻫﻨﺪﺍ : ﻳﺎﻋﻤﺘﻲ ﻏﻴﺮ ﻓﻜﺮﻱ ﻭﻳﻦ ﺣﺎﻃﺘﻴﻪ ﺍﺧﺮ ﻣﺮﺓ ...
ﻛﺎﻣﻠﻪ : ﻉ ﺍﻟﺰﻳﺎﻧﻪ ﻓﺪﺍﺭﻱ ﻳﺎﻭﺩﻱ ...
ﺍﻣﻴﻨﻪ : ﺍﻫﺪﻱ ﻳﻤﻲ ﻫﺎﻧﺎ ﻧﺪﻭﺭﻭﺍ ...
ﻭﺩﻻﻝ ﻛﺎﻧﺖ ﺍﺩﻭﺭ ﻣﻌﺎﻫﻢ ...
ﺷﻮﻳﻪ ﻭﻭﺍﺣﺪ ﻣﻦ ﻭﻻﺩ ﻫﻨﺪﺍ ﻗﺎﻝ ..
ﻣﺨﺘﺎﺭ : ﺣﻨﺎﻱ .. ﺍﺩﻭﺭﻱ ﻉ ﺳﻠﺴﻠﺘﻚ ﺍﻟﻜﺒﻴﺮﺓ ..
ﻛﺎﻣﻠﻪ : ﺍﻳﻪ ﺍﻟﻜﺒﻴﺮﻩ ..
ﻣﺨﺘﺎﺭ : ﻫﺪﻱ ﺧﺪﺗﻬﺎ ... ﻭﺍﺷﺮ ﺑﺼﺒﻌﻪ ﻉ ﺩﻻﻝ ..
ﺩﻻﻝ ﺍﻧﺼﺪﻣﺖ ... ﻭﻛﻠﻬﻢ ﻗﻌﺪﻭﺍ ﻳﺸﻮﻓﻮﻟﻬﺎ ..
ﻣﺨﺘﺎﺭ : ﺷﻔﺘﻬﺎ ﺑﻌﻴﻮﻧﻲ ﺣﻄﺘﻬﺎ ﻓﺸﻨﻄﺘﻬﺎ ..
ﺩﻻﻝ ﺑﺼﺪﻣﻪ : ﺍﻣﺘﻰ ﻳﺎﻛﺬﺍﺏ ... ﺍﻣﺘﻰ ..
ﻫﻨﺪﺍ : ﻣﺎﺗﻜﺸﺨﻴﺶ ﻉ ﻭﻟﺪﻱ ..
ﺩﻻﻝ ﺷﺒﺤﺘﻠﻬﺎ ﺑﺤﺪﻩ : ﻻ ﺑﻨﻜﺸﺦ ﻭﻧﻜﺸﺦ ﻛﺎﻥ ﻣﺎﻟﻘﺎﺵ ﻣﻦ ﻳﻌﻠﻤﻪ ﺍﻥ ﺍﻟﻜﺬﺏ ﺣﺮﺍﻡ ﺍﻧﻲ ﻧﻌﻠﻤﻪ ..
ﻫﻨﺪﺍ ؛ﺍﺣﺘﺮﻣﻲ ﻧﻔﺴﻚ ..
ﻛﺎﻣﻠﻪ ﺑﺼﻮﺕ ﻋﺎﻟﻲ : ﺍﺳﻜﺘﻦ ﺍﻧﺘﻦ ﺍﻟﺰﻭﺯ ... ﻣﺨﺘﺎﺭ ﺣﺒﻴﺒﻲ .. ﺍﻧﺖ ﺷﻔﺘﻬﺎ ﺑﻌﻴﻨﻚ ...
ﻣﺨﺘﺎﺭ : ﺍﻳﻪ ﺷﻔﺘﻬﺎ ﻓﺘﺸﻮﺍ ﺷﻨﻄﺘﻬﺎ ﺑﺎﻫﻲ ..
ﺩﻻﻝ ﺑﺘﻤﻮﺕ ﺧﻼﺹ ... ﻣﺸﺖ ﺗﺠﺮﻱ ﻟﺸﻨﺘﻄﺘﻬﺎ ..
ﻓﺘﺤﺘﻬﺎ ﻭﻗﻌﺪﺕ ﺗﻨﻔﻆ ﻓﻴﻬﺎ ﻭﻟﻼﺳﻒ ..
ﺍﻟﺨﻨﺎﻕ ﻃﺎﺡ ﻣﻨﻬﺎ ....
ﻛﻠﻬﻢ ﺍﻧﺼﺪﻣﻮﺍ ... ﻣﺎﻋﺪﺍ ﻫﻨﺪﺍ ﺍﻟﻠﻲ ﻣﺜﻠﺖ ﺍﻧﻬﺎ ﻣﺼﺪﻭﻣﻪ ...
ﺩﻻﻝ ﻗﻌﺪﺕ ﺗﺮﻋﺶ ﻣﻊ ﺑﻌﻀﻬﺎ : ﻭﺍﻟﻠﻪ ﺍﻟﻌﻈﻴﻢ ﻭﺍﻟﻠﻪ ﻣﺎﺧﺪﻳﺘﻪ ﺍﻗﺴﻢ ﺑﺎﻟﻠﻪ ﻣﺎﺧﺪﻳﺘﻪ ﻣﺶ ﺍﻧﻲ ﻭﺍﻟﻠﻪ ﻣﺎﺍﻧﻲ ..
ﻣﺨﺘﺎﺭ : ﺍﻧﺘﻲ ﻳﺎﻛﺬﺍﺑﻪ ﺍﻧﺘﻲ ﺍﻧﻲ ﺷﻔﺘﻚ ﺍﻧﺘﻲ ﺧﺪﻳﺘﻴﻪ ﻳﺎﻛﺬﺍﺑﻪ ﻳﺎﺧﻨﺎﺑﻪ ... ﻭﺳﺐ ﻗﺒﻠﻴﺘﻬﺎ ...
ﻫﻨﻲ ﺩﻻﻝ ﻣﻌﺎﺵ ﺗﺤﻤﻠﺖ ﺗﺨﻠﻄﺖ ﻋﻠﻴﻬﺎ ﻓﻲ ﻣﺮﺓ ﻭﺣﺪﻩ ..
ﻭﻣﺨﺘﺎﺭ ﺑﺎﻟﺬﺍﺕ ﻭﻟﺪ 10 ﺳﻨﻴﻦ ﻭﺍﻛﻞ ﻉ ﻛﺒﺪﻫﺎ ﻭﺷﺎﺭﺏ ..
ﻣﺪﺕ ﻳﺪﻫﺎ ﻭﻋﻄﺎﺗﻪ ﻛﻒ ....
ﻭﻳﺎﻻ ﺍﻟﺤﻆ ﺍﻟﺴﻲﺀ ﻟﻤﺎ ﻳﺤﺐ ﻳﺤﻀﺮ ﻓﻲ ﺍﻟﻤﻮﺍﻗﻒ ﻫﺎﺩﻱ ﺣﻀﻮﺭﻩ ﻳﻜﻮﻥ ﻗﻮﻱ ...
ﺍﻟﻜﻒ ﺟﻲ ﻓﻌﻴﻮﻥ ﻋﻤﺎﺭ ..
ﺍﻟﻠﻲ ﻟﻤﺎ ﺳﻤﻊ ﺷﻬﻘﺎﺗﻬﻢ ﻭ ﺑﺎﻟﺬﺍﺕ ﺍﻣﻪ ﻟﻤﺎ ﻗﺎﻟﺖ " ﻭﻟﺪﻱ ..."
ﻣﻌﺎﺵ ﻭﻻ ﻳﺸﻮﻑ ﻓﻲ ﺷﻲ ...
ﻗﺪﻡ ﺑﻐﻀﺐ ﺷﺪﻳﺪ ﻟﺪﻻﻝ ....
ﻭﻳﺮﺩﻟﻬﺎ ﺍﻟﻜﻒ ﺑﺄﻗﻮﻯ ﻣﺎﻋﻨﺪﻩ ....
ﻛﻒ ﺧﻼﻫﻢ ﻳﺸﻬﻘﻮﺍ ﺍﻛﺜﺮ ﻭﻳﻨﺼﺪﻣﻮﺍ ﺑﺰﻳﺎﺩﺓ ..
ﺑﺮﻏﻢ ﻗﻮﺓ ﺍﻟﻜﻒ ﺩﻻﻝ ﻗﻌﺪﺕ ﺷﺎﺩﺓ ﺭﻭﺣﻬﺎ ...
ﺍﻭ ﻣﻤﻜﻦ ﻣﻦ ﻗﻮﺓ ﺍﻟﺼﺪﻣﻪ ﻫﻜﻲ ﺻﺎﺭ ﻓﻴﻬﺎ ...
ﺷﺒﺤﺖ ﻟﻬﻨﺪﺍ ﻃﻮﻝ ...
ﻟﻘﺖ ﻣﻼﻣﺢ ﺍﻟﺪﻫﺸﻪ ﺍﻟﻤﻤﺰﻭﺟﻪ ﺑﺎﻟﻔﺮﺡ ﺑﺎﻳﻨﻪ ﻉ ﻭﺟﻬﻬﺎ ...
ﻭﺍﻟﺸﻤﺎﺗﻪ ﻓﻌﻴﻮﻧﻬﺎ ...
ﻏﻴﺮﺕ ﻧﻈﺮﻫﺎ ﻟﻴﻪ ... ﻧﻈﺮﺗﻬﺎ ... ﺧﻮﺍﻓﺎﺗﻪ ﻫﻠﺒﻪ ...
ﻫﻮ ﻳﺪﻩ ﺣﺴﻬﺎ ﻭﺟﻌﺎﺗﻪ ﻣﺶ ﻣﻦ ﻗﻮﺓ ﺍﻟﻜﻒ ﻻ ...
ﻣﻦ ﺍﺣﺴﺎﺳﻪ ﺑﻤﺪﻯ ﺷﻨﺎﻋﺔ ﺍﻟﻔﻌﻞ ﺍﻟﻠﻲ ﺍﺭﺗﻜﺒﻪ ﻓﻲ ﺣﻖ ﺍﻛﺜﺮ ﺍﻧﺴﺎﻥ ﻳﺤﺒﻪ ﻓﻲ ﺣﻴﺎﺗﻪ ﻛﻠﻬﺎ ...
ﺩﻻﻝ ﺑﺪﺕ ﺗﺸﻮﻑ ﻓﻲ ﺍﻟﺼﻮﺭ ﻣﻀﺒﺒﻪ ﻭﻣﺘﺪﺍﺧﻠﻪ ....
ﻓﻨﺼﺖ ﻟﻤﺎ ﺳﻤﻌﺖ ﺍﻣﻴﻨﻪ ﻗﺎﻟﺖ ...
" ﺩﻡ ﻳﻨﺰﻝ ﻣﻨﻬﺎ ... ﺗﻨﺰﻑ ﺭﺍﻫﻲ .."
ﻣﺠﺮﺩ ﻛﻤﻠﺖ ﺍﻣﻴﻨﻪ ﺟﻤﻠﺘﻬﺎ ....
ﺩﻻﻝ ﻋﻴﻮﻧﻬﺎ ﺗﺴﻜﺮﻭﺍ ﺑﺮﻭﺣﻬﻢ ...
ﻭﻓﻘﺪﺕ ﺍﻟﻮﻋﻲ ....
.... ﻳﺘﺒﻊ ..