#رمضان_احلا_مع_جمان_فريد
#العشق_المتمرد
الجزء34
القسم الاول
" ﺇﻥ ﺍﻟﻠﻪ ﻣﻊ ﺍﻟﺼﺎﺑﺮﻳﻦ ...."
ﻛﺎﻧﺖ ﺭﺍﻗﺪﻩ ﻉ ﺟﻨﺒﻬﺎ ﺍﻟﻴﻤﻴﻦ ﻉ ﺍﻟﺴﺮﻳﺮ ﻭﻫﻲ ﻻﺑﺴﻪ ﺑﻴﺠﺎﻣﻪ ﺣﺮﺍﺭﻳﻪ ﻟﻮﻧﻬﺎ ﻳﺎﺟﻮﺭﻱ ...
ﻟﻤﺎ ﺳﻤﻌﺖ ﺻﻮﺕ ﺣﻠﻮ ﻳﺠﻮﺩ ﻓﻲ ﺍﻟﻘﺮﺁﻥ ...
ﻓﺘﺤﺖ ﻋﻴﻮﻧﻬﺎ .... ﻭﻗﻌﺪﺕ ﺗﺴﻤﻊ ... ﻣﺎﺯﺍﻝ ﻣﺶ ﻓﺎﻳﻘﻪ ﻛﻮﻳﺲ ...
ﺗﺴﻤﻊ ﻭﺧﻼﺹ ... ﺍﻟﺼﻮﺕ ﺣﻠﻮ ﻫﻠﺒﻪ ﻭﺟﺬﺑﻬﺎ ﻉ ﺍﻵﺧﺮ ﻭﺍﻟﻘﺮﺁﻥ ﻣﻌﺮﻭﻑ ﻫﻮ ﺍﻟﺮﺍﺣﻪ ﺑﻌﻴﻨﻬﺎ 💖
ﻣﻌﺎﺵ ﺳﻤﻌﺖ ﺍﻟﺼﻮﺕ ... ﺷﻜﻠﻪ ﺍﻟﻠﻲ ﻳﻘﺮﺍ ﻭﻗﻒ ﻗﺮﺍﻳﻪ ...
ﺷﺒﻪ ﺍﺳﺘﺎﻗﻀﺖ .. ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ... ﻭﺑﺪﺕ ﺗﺴﺘﻮﻋﺐ ﺷﻮﻳﻪ ﺷﻮﻳﻪ ﻫﻲ ﻭﻳﻦ ...
ﺍﻧﻐﻢ ﻉ ﺻﺪﺭﻫﺎ .. ﻭﺍﻟﺪﻣﻮﻉ ﻋﺒﻮﺍ ﻋﻴﻮﻧﻬﺎ .. ﻭﻗﻌﺪﺕ ﻉ ﻧﻔﺲ ﻭﺿﻌﻴﺘﻬﺎ ...
ﺗﺴﻤﻊ ﻓﺼﻮﺕ ﺧﻄﻮﺍﺕ ﻗﺮﻳﺒﻪ .... ﻏﻤﻀﺖ ﻋﻴﻮﻧﻬﺎ ....
ﻫﻮ ﺧﺶ ﺷﺎﻓﻬﺎ ﻛﻴﻒ ﺭﺍﻗﺪﻩ ...
ﻛﺎﻧﺖ ﻓﺘﻨﻪ ﻟﻴﻪ ﻓﻲ ﻛﻞ ﺣﺎﻻﺗﻬﺎ ... ﻭﻋﺬﺍﺏ ...💓...
ﻗﺪﻡ ﻛﻢ ﺧﻄﻮﺓ ﻟﻴﻦ ﻭﺻﻞ ﻓﻴﻬﺎ .... ﻗﻌﺪ ﻳﺘﺄﻣﻞ ﻓﻴﻬﺎ ﺍﺑﺘﺴﻢ ﺑﻬﻴﺎﻡ ...
ﻃﺒﺲ ﺑﺎﺱ ﺭﺍﺳﻬﺎ ...
ﻫﻲ ﺭﻋﺸﺖ ﻣﻊ ﺑﻌﻀﻬﺎ ... ﻭﺧﺎﻓﺖ ...
ﻫﻮ ﺣﺲ ... ﻭﻋﺮﻑ ﺍﻧﻬﺎ ﻓﺎﻳﻘﻪ ....
ﻓﻜﺮ ﻳﺘﻤﺎﺩﻯ ....💕
ﻃﺒﻊ ﻉ ﺧﺪﻫﺎ ﺑﻮﺳﻪ ﻟﻄﻴﻔﻪ ....
ﻫﻲ ﺗﻜﻬﺮﺑﺖ ﻣﺮﺓ ﺗﺎﻧﻴﻪ ....
ﻭﻫﻮ ﺯﺍﺩ ﺗﻤﺎﺩﻱ .... ﻭﺑﺎﺳﻬﺎ ﺑﻮﺳﻪ ﺧﻔﻴﻔﻪ 💕💋
ﺟﻤﺪﺕ ﻣﺮﺓ ﻭﺣﺪﻩ ...
ﻫﻮ ﺍﺑﺘﺴﻢ ﻭﻧﺎﺽ ﻭﻗﻒ ... ﺷﺒﺤﻠﻬﺎ ﺷﻮﻳﻪ ... ﺑﻌﺪﻳﻦ ﺗﻮﺟﻪ ﻟﻠﺤﻤﺎﻡ ...
ﻣﺠﺮﺩ ﺳﻤﻌﺖ ﺻﻮﺕ ﺍﻟﺒﺎﺏ ﺗﺴﻜﺮ ...
ﻓﺘﺤﺖ ﻋﻴﻮﻧﻬﺎ ... ﻗﻌﺪﺕ ﺗﻤﺴﺢ ﻓﻲ ﻓﻤﻬﺎ ﺑﺈﻳﺪﻳﻬﺎ ... ﺑﻌﺪﻳﻦ ﻣﺴﺤﺖ ﺧﺪﻫﺎ ﻭﺷﻌﺮﻫﺎ .. ﺑﺈﺷﻤﺌﺰﺍﺯ ....
ﺩﻻﻝ ﻭﺩﻣﻮﻋﻬﺎ ﻳﻨﺰﻟﻮﺍ : ﻳﺎﺍﺍﺭﺑﻲ ... ﺧﻠﺼﻨﻲ ﻣﻨﻪ ...
ﻭﻗﻌﺪﺕ ﺗﺒﻜﻲ ﺑﺼﻤﺖ ....
ﺷﻮﻳﻪ ﻭﺳﻤﻌﺖ ﺻﻮﺕ ﺍﻟﺒﺎﺏ ... ﻏﻴﺮﺕ ﺍﻟﺠﻬﻪ ﺍﻟﻠﻲ ﺭﺍﻗﺪﻩ ﻋﻠﻴﻬﺎ ﻭﻋﻄﺖ ﺑﺎﻟﻈﻬﺮ ...
ﻫﻮ ﻃﺎﻟﻊ ﻭﻛﺎﻥ ﻻﺑﺲ ﺩﺷﻤﺒﺮ ... ﻟﻤﺎ ﺷﺎﻓﻬﺎ ﻛﻴﻒ ﺭﺍﻗﺪﻩ ﺍﺑﺘﺴﻢ ...
ﻗﺪﻣﻠﻬﺎ .. ﻭﻗﻌﻤﺰ ﺣﺪﺍﻫﺎ ..
ﻫﻲ ﻗﺮﻳﺐ ﻣﺎﺗﺖ ...
ﻋﻤﺎﺭ : ﺩﻻﻝ ... ﺩﻻﻝ ...
ﻣﺎﺑﺘﺶ ﺗﺮﺩ ...
ﻋﻤﺎﺭ : ﺩﻟﻮﻟﻪ ﻓﻴﻘﻲ ... ﺍﻟﺴﺎﻋﻪ ...10 ﺻﺒﻲ ﺻﻠﻲ ﻭﺑﻴﺶ ﺗﻔﻄﺮﻱ .. ﻣﻊ 12 ﺑﻨﺮﻓﻌﻚ ﻟﺤﻮﺵ ﻫﻠﻲ ..
ﻣﺎﺗﺒﻴﺶ ﺗﺮﺩ ﻭﻻﺗﺒﻲ ﺗﻜﻠﻤﻪ ...
ﻫﻮ ﺗﻨﻬﺪ ﻭﻧﺎﺽ ﻭﻗﻒ : ﻧﻠﺒﺲ ﻭﻧﻌﺪﻱ ﻧﺪﻳﺮ ﺍﻟﻔﻄﻮﺭ ... ﺿﺤﻚ ﻭﻗﺎﻝ .. ﺍﻭﻝ ﻣﺮﺓ ﻓﻲ ﻋﻤﺮﻱ ﻧﺪﻳﺮﻫﺎ ..
ﻣﺸﻲ ﻟﻠﺪﻭﻻﺏ ﻭﻃﻠﻊ ﺣﻮﺍﻳﺠﻪ ﻭﻫﻮ ﻳﺘﻜﻠﻢ : ﻟﻤﺎ ﻛﻨﺖ ﻓﻲ ﺍﻟﻜﻠﻴﻪ ﺗﻌﻠﻤﺖ ﻧﻄﻴﺐ .. ﻭﻫﺎﻩ ﺑﻨﻪ ﺍﻳﻜﺎﻟﻲ ﻣﺶ ﻋﺎﺩﻳﻪ ... ﺑﺎﻟﺬﺍﺕ ﺍﻟﻤﺒﻜﺒﻜﻪ ..
ﻫﻲ ﻣﻨﻐﺎﺿﻪ ﻉ ﺍﻷﺧﺮ .. ﻛﻴﻒ ﻫﻜﻲ ﺑﺎﺭﺩ ﻭﻳﻬﺪﺭﺯ ﻋﺎﺩﻱ ﻭﻻ ﻛﺈﻧﻪ ﺩﺍﻳﺮ ﺷﻲ ..
ﻳﻠﺒﺲ ﻭﻳﻬﺪﺭﺯ ﻣﺎﺯﺍﻝ ... ﻭﻫﻲ ﺗﺰﻳﺪ ﺗﻨﺨﻨﻖ ... ﺧﺎﻃﺮﻫﺎ ﺗﻨﻮﺽ ﺗﻌﻴﻂ ﻓﻲ ﻭﺟﻬﻪ .. ﻭﺗﻀﺮﺑﻪ ﺣﺘﻰ ....
ﻫﻮ ﺑﻌﺪ ﻛﻤﻞ ...
ﺑﺪﻱ ﻳﻤﺸﻂ ﻓﺸﻌﺮﻩ ﻭﻫﻮ ﻳﻘﻮﻝ : ﺧﻮﺍﻟﻚ ﻫﻨﻰ ﻭﻋﻤﺘﻲ ﻓﺎﻃﻤﻪ ... ﺍﻟﺘﻔﺖ .. ﺍﻳﻪ ﺩﻟﻮﻟﻪ ... ﺍﺗﺼﻠﺖ ﺍﻣﻚ ..
ﻧﺎﺿﺖ ﻃﻮﻝ ﻓﺎﺯﺓ ... ﺷﺒﺤﺘﻠﻪ ﻭﺟﺖ ﺑﺘﺘﻜﻠﻢ ﺑﻠﻌﺖ ﻛﻼﻣﻬﺎ ...
ﻫﻮ ﺍﺑﺘﺴﻢ ...
ﻫﻲ ﻗﻠﺒﺖ ﻭﺟﻬﻬﺎ ﻋﻨﻪ ...
ﺍﻟﺘﻔﺖ ﻭﻫﻮ ﻣﺒﺘﺴﻢ ﻟﻠﺰﻳﺎﻧﻪ .. ﺧﺪﻱ ﺗﻠﻴﻔﻮﻧﻪ .. ﻭﻗﺪﻡ ﻭﻣﺪﻫﻮﻟﻬﺎ ...
ﺗﻠﻴﻔﻮﻧﻬﺎ ﻣﻘﻔﻞ ﻣﺎﻩ ....
ﻣﺎﺑﺘﺶ ﺗﺎﺧﺪﻩ ﻣﻨﻪ ...
ﺣﻄﻪ ﻉ ﺍﻟﺴﺮﻳﺮ ... ﻭﺭﺟﻊ ﻭﻗﻒ ﻉ ﺍﻟﻤﺮﺍﻳﻪ ...
ﻭﻫﻲ ﻗﻌﺪﺕ ﻣﻘﻌﻤﺰﺓ ﻭﻗﺎﻟﺒﻪ ﻭﺟﻬﻬﺎ ﻋﻨﻪ ...
ﺑﻌﺪﻳﻦ ﺣﺮﻛﺖ ﺭﺍﺳﻬﺎ ﺟﻬﺔ ﺍﻟﺘﻠﻴﻔﻮﻥ ﻭﻗﻌﺪﺕ ﺗﺸﻮﻓﻠﻪ ... ﺑﻌﺪﻳﻦ ﺣﺮﻛﺖ ﻋﻴﻮﻧﻬﺎ ﺑﺒﻂﺀ ﻭﺷﺒﺤﺘﻠﻪ .. ﻛﻴﻒ ﻳﺒﺦ ﻓﻲ ﺍﻟﺮﻳﺤﻪ .. ﺍﻟﻠﻲ ﻋﺒﺖ ﺍﻟﺪﺍﺭ ...
ﺣﺴﺖ ﺑﺸﻌﻮﺭ ﻏﺮﻳﺐ ﻟﻤﺎ ﺷﻤﺘﻬﺎ ....
ﻗﻌﺪﺕ ﺗﺸﻮﻓﻠﻪ ... ﻫﻮ ﺷﺒﺤﻠﻬﺎ ﻣﻦ ﺍﻟﻤﺮﺍﻳﻪ ... ﻃﻮﻝ ﻗﻠﺒﺖ ﻭﺟﻬﻬﺎ ..
ﻫﻮ ﺿﺤﻚ ﺿﺤﻜﻪ ﺧﻔﻴﻔﻪ ﻭﻃﻠﻊ ﻣﻦ ﺍﻟﺪﺍﺭ ....
ﻟﻔﺖ ﻭﺟﻬﻬﺎ ﻟﻠﺒﺎﺏ ... ﺑﻌﺪﻳﻦ ﺷﺎﻓﺖ ﻟﻠﺘﻠﻴﻔﻮﻥ ﺧﺪﺍﺗﻪ ... ﻭﺑﺪﺕ ﺗﻀﺮﺏ ﻉ ﺭﻗﻢ ﺍﻣﻬﺎ ...
🍁🍁🍁🍁🍁🍁
ﻣﻜﺎﻟﻤﻪ ﻫﺎﺗﻔﻴﻪ ..
ﻭﺍﻟﻠﻪ ﻣﺎﺭﻛﺰﻧﺎ ﻋﻠﻴﻪ ﺗﺼﺪﻕ ..
ﺭﻣﺰﻱ : ﺻﻌﺐ ﻳﺒﻴﻦ ﻗﺪﺍﻣﻜﻦ ..
ﺭﺍﻧﻴﺎ ﺗﻨﻬﺪﺕ ﺑﺄﻟﻢ : ﻳﺎﻧﺎﺭﻱ ﻉ ﻭﺧﻴﻲ ﻭﺍﻟﻠﻪ ﻣﻦ ﺍﻟﺒﺎﺭﺡ ﻭﺍﻧﻲ ﻧﺨﻤﻢ ﻓﻴﻪ ﻣﻦ ﺟﻬﺔ ﻭﻓﺪﻻﻝ ﻣﻦ ﺟﻬﻪ ..
ﺭﻣﺰﻱ : ﻣﺎﺗﺨﻤﻤﻲ ﻋﻠﻴﻬﺎ ﺩﻻﻝ .. ﺻﺪﻗﻴﻨﻲ ﺣﺘﺮﻳﺢ ﻓﺤﻴﺎﺗﻬﺎ .. ﻋﻤﺎﺭ ﺭﺍﺟﻞ ﻛﻮﻳﺲ ﻭﻳﺨﺎﻑ ﺭﺑﻲ ..
ﺭﺍﻧﻴﺎ : ﻳﺎﺍﺍﺍﺭﺏ ..
ﺭﻣﺰﻱ : ﺣﻤﺰﺓ ﻣﻊ ﺍﻟﻮﻗﺖ ﺗﻮ ﻳﻨﺴﻰ ﻭﺭﺑﻚ ﻳﻌﻮﺿﻪ ..
ﺭﺍﻧﻴﺎ : ﺍﻟﺤﺐ ﻣﻊ ﺍﻟﻮﻗﺖ ﻳﻨﺘﺴﻰ؟
ﺭﻣﺰﻱ : ﺍﻟﺤﻴﺎﺓ ﻣﺎﺗﻮﻗﻒ ﻉ ﺣﺪ ﻳﺎﺭﺍﻧﻴﺎ ..
ﺭﺍﻧﻴﺎ ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻳﻌﻨﻲ ﺣﻴﺎﺗﻚ ﻣﺶ ﺣﺘﻮﻗﻒ ﻋﻨﺪﻱ .. ﻟﻮ ﺟﻲ ﻧﻬﺎﺭ ﻭ ....
ﺭﻣﺰﻱ ﺑﻌﺼﺒﻴﻪ ﻭﻗﻠﺒﻪ ﻣﻘﺒﻮﺽ : ﺻﺒﺢ ﻳﺎﺭﺍﻧﻴﺎ ﺻﺒﺢ ..
ﺭﺍﻧﻴﺎ : ﻣﺶ ﻗﺼﺪﻱ ﻧﻬﺪﺭﺯﻭﺍ ﻋﺎﺩﻱ .
ﺭﻣﺰﻱ : ﻛﺎﻥ ﻣﺎﻋﻨﺪﻙ ﻏﻴﺮ ﻫﺎﻟﻘﻄﺎﻑ ﺗﻬﺪﺭﺯﻱ ﺑﻴﻪ ﻧﺼﻜﺮ ﺍﺣﺴﻦ .. ﻭﺻﻜﺮ ﻓﻮﺟﻬﻬﺎ ..
ﻫﻲ ﺿﺤﻜﺖ ﺑﻔﺮﺡ .. ﻭﺑﻌﺪﻳﻦ ﺗﻨﻬﺪﺕ ...💓💓💓
" ﺭﺍﻧﻴﺎ ﺑﻨﺘﻲ ..."
ﺭﺍﻧﻴﺎ : ﻫﻲ ﺷﻮﻳﻪ ﺧﺎﻟﺘﻲ ﻛﻔﺎﻳﻪ ... ﻭﺧﺸﺖ ﻟﻠﻜﻮﺟﻴﻨﻪ ..
" ﻗﺎﻋﺪﻳﻦ ﻓﻲ ﺣﻮﺵ ﻧﻌﻴﻤﻪ "...
🍁🍁🍁🍁🍁
ﺩﻭﺷﺖ ﻭﻟﺒﺴﺖ ﺳﺮﻭﺍﻝ ﺟﻴﻨﺰ ... ﻣﺎﻟﻴﻪ ﻏﻠﻴﻄﻪ ﺑﺮﻗﺒﻪ .. ﻭﻃﻮﻟﻬﺎ ﻟﻠﺮﻛﺒﻪ ... ﻟﻮﻧﻬﺎ ﻛﺮﻳﻤﻲ ...
ﺧﻠﺖ ﺷﻌﺮﻫﺎ ﻣﻄﻠﻮﻕ ﻭﻣﺎﺩﺍﺭﺕ ﻓﻮﺟﻬﻬﺎ ﻭﻻﺣﺎﺟﻪ ...
ﺗﺮﺩﺩﺕ ﻫﻠﺒﻪ ﻗﺒﻞ ﻟﺘﻄﻠﻊ ﻣﻦ ﺍﻟﺪﺍﺭ ....
ﺷﻮﻳﻪ ﻭﻃﻠﻌﺖ ....
ﺍﻟﺤﻮﺵ ﻛﺎﻥ ﻛﺒﻴﺮ ... ﻭﻓﺨﺎﻣﻪ ﺩﻳﻜﻮﺭﻩ ﻣﺨﻠﻴﻪ ﻳﺒﺎﻥ ﺍﻛﺒﺮ ...
ﻗﻌﺪﺕ ﺗﻤﺸﻲ ﻓﻴﻪ ﻭﺗﺸﻮﻓﻠﻪ ﻭﺣﺎﺳﻪ ﺑﻐﺮﺑﻪ ﻭﻭﺣﺸﻪ ...
" ﺗﻌﺎﻟﻲ ﻫﻨﻰ .."
ﻫﻲ ﺷﺒﺤﺖ ﻟﻤﺼﺪﺭ ﺍﻟﺼﻮﺕ ﺷﺎﻓﺖ ﺍﻟﻜﻮﺟﻴﻨﻪ ﺍﻟﻠﻲ ﻛﺎﻧﺖ ﻧﻈﺎﻡ ﺑﺎﺭ ....
ﻭﻗﺪﺍﻣﻬﺎ ﺻﺎﻟﻮﻥ ....
ﻣﺸﺖ ﻗﻌﻤﺰﺕ ﻉ ﺍﻟﺼﺎﻟﻮﻥ ...
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﺍﻟﻠﻲ ﻣﺎﻳﻘﺪﺭﻭﺵ ﻳﺸﻮﻓﻮﺍ ﻏﻴﺮﻫﺎ ﻣﻨﻴﻦ ﺍﻃﻞ 💕...
ﻓﻬﻢ ﺍﻧﻬﺎ ﻣﺎﺗﺒﻴﺶ ﺗﺨﺶ ﺍﻟﻜﻮﺟﻴﻨﻪ ﻭﻫﻮ ﻓﻴﻬﺎ ...
ﺗﻨﻬﺪ ... ﻭﻧﺎﺽ ﻣﻦ ﻉ ﻃﺎﻭﻟﺔ ﺍﻷﻛﻞ ﻭﻃﻠﻊ ﻣﻦ ﺍﻟﻜﻮﺟﻴﻨﻪ ... ﻭﺗﻮﺟﻪ ﻟﻤﻜﺎﻥ ﺗﺎﻧﻲ ﻓﻲ ﺍﻟﺤﻮﺵ ..
ﻫﻲ ﻭﻗﻔﺖ ﺑﻌﺪ ﻧﺎﺽ .. ﻣﺸﺖ ﻃﻮﻝ ﻟﻠﻜﻮﺟﻴﻨﻪ ..
ﻟﻘﺎﺗﻪ ﻣﺪﺍﻳﺮ ﻓﻄﻮﺭ ... ﻭﺯﻋﻤﻴﺘﻪ ﺣﺎﻭﻝ ﻳﻨﺴﻘﻪ ﺑﻄﺮﻳﻘﻪ ﺣﻠﻮﺓ ..
ﺑﺲ ﻣﺎﻛﺎﻧﺘﺶ ﺣﻠﻮﺓ ﻫﻠﺒﻪ ...😅
ﻫﻲ ﻣﺎﺑﺘﺶ ﺗﻘﺮﺑﻪ ﺑﻜﻜﻜﻞ ..
ﻭﻗﻔﺖ ﻋﺎﻟﺘﻼﺟﻪ ﺍﻟﻠﻲ ﻛﺎﻧﺖ ﻛﺒﻴﺮﺓ ...
ﻓﺘﺤﺘﻬﺎ ... ﻟﻘﺖ ﻓﻴﻬﺎ ﻛﻞ ﺷﻲ ... ﻭﺭﻑ ﻓﻴﻪ ﺷﻜﻼﻃﻪ ﻣﻦ ﺟﻤﻴﻊ ﺍﻷﻧﻮﺍﻉ ﺍﻟﻐﺎﻟﻴﻪ ﻭﻗﺘﻬﺎ ...
ﺧﺪﺕ ﻃﺮﻑ .... ﺑﻌﺪﻳﻦ ﻟﻘﺖ ﻛﻴﻜﻪ ... ﺧﺪﺕ ﻃﺮﻑ ... ﻭﺳﻜﺮﺕ ﺍﻟﺜﻼﺟﻪ ﻭﻃﻠﻌﺖ ﻭﺗﻮﺟﻬﺖ ﻟﻠﺪﺍﺭ ....
🍁🍁🍁🍁🍁🍁
ﻋﻤﺘﻲ ﺣﻤﻴﺪﻩ ﻗﺎﻟﺖ ﻫﻲ ﻣﺎﺗﺒﻴﺸﻲ ..
ﺍﻣﺎﻝ : ﻟﻴﺶ؟
ﺭﺯﺍﻥ ﻭﻫﻲ ﺗﺎﻛﻞ ﻓﻲ ﺍﻟﺸﻜﻼﻃﻪ : ﻣﺎﻗﺎﻟﺘﺶ ..
ﻋﺰﻳﺰﺓ ﺑﻐﻴﻆ : ﺇﻥ ﺷﺎﺀ ﺍﻟﻠﻪ ﻣﺎﺗﺘﻬﻨﻰ ﺍﻟﺼﻔﺮﺍ ﻫﺪﻱ ..
ﺳﻌﻴﺪﻩ : ﺧﻠﻮﻧﺎ ﻣﻦ ﺳﻴﺮﺗﻬﻦ ﻭﻗﻮﻟﻲ ﻳﺎﺃﻣﺎﻝ ﺷﻦ ﺻﺎﺭ ﻓﻲ ﺳﻲ ﺳﺎﻟﻢ ..
ﺍﻣﺎﻝ : ﻗﺎﻝ ﺑﻌﺪ ﺍﺳﺒﻮﻋﻴﻦ ﺑﻴﺠﻴﺐ ﻫﻠﻪ .
🍁🍁🍁🍁
ﻭﺍﺍﺍﺍﻙ ﺍﻟﺤﻮﺵ ﻛﻴﻒ ﺭﺍﻳﺢ ...
ﺣﻤﻴﺪﻩ : ﻣﺤﻤﺪ ﻫﺪﻯ ﺣﺎﻟﻪ ﻟﻌﺐ ﻓﻲ ﺍﻟﺤﻮﺵ ﻟﻌﺐ ..
ﻏﺎﻟﻴﻪ : ﺍﻩ ﺑﺪﻝ ﻣﺎﻟﻮﺍﺣﺪ ﻳﺮﻭﺡ ﻳﺮﺗﺎﺡ ﻳﺮﻭﺡ ﻟﻠﺸﻘﺎ
" ﺭﻭﺣﻮﺍ ﻃﻮﻝ ﻟﻠﺒﻼﺩ ﺍﻟﺼﺒﺢ ﻣﻊ ﻋﻤﺮ .."
ﻭﺍﻟﻠﻲ ﻣﺸﻮﺍ ﻟﺴﺮﺕ ﻫﺎﻧﻴﺒﺎﻝ ﻭﺍﻟﻬﺎﺩﻱ ﻭﻣﺮﺗﻪ ﻭﻓﺎﻃﻤﻪ ..
🍁🍁🍁🍁🍁🍁
ﺍﻟﺴﺎﻋﻪ 12:00 ﻗﺒﻞ ﺍﻟﻈﻬﺮ ...
ﻭﺗﺖ ﺣﺎﺟﺎﺕ ﺍﻟﺒﺪﻟﻪ ﺍﻟﻜﺒﻴﺮﺓ ....
ﻭﻟﺒﺴﺖ ﻭﺗﺄﻧﻘﺖ ...
ﺍﻫﻞ ﻋﻤﺎﺭ ﻛﺎﻧﻮﺍ ﻧﺎﻭﻳﻴﻦ ﻳﺪﻳﺮﻭﺍ ﺍﻟﻌﺎﺩﻩ ﺍﻟﻤﺸﻬﻮﺭﺓ ﻋﻨﺪ ﺍﻫﻞ ﻃﺮﺍﺑﻠﺲ ... ﺍﻟﻤﺤﻀﺮ .. ﻭﺗﻠﺒﺲ ﻓﻴﻪ ﺩﻻﻝ ﺍﻟﻌﺮﺑﻲ ... ﻭﻫﺪﺍ ﻛﻠﻪ ﺑﻄﻠﺐ ﻣﻦ ﻋﻤﺎﺭ ﻧﻔﺴﻪ ...
ﻗﻌﺪﺕ ﻣﻘﻌﻤﺰﺓ ﻉ ﺍﻟﺴﺮﻳﺮ ﻭﺗﺴﺘﻨﻰ ...
ﺷﻮﻳﻪ ﻭﺧﺶ ﻋﻠﻴﻬﺎ ... ﻛﺎﻥ ﻃﺎﺭﺡ ﻭﻃﺎﻟﻊ ﺧﻴﺎﻝ ...
ﻫﻲ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻏﻴﺮﺕ ﻋﻴﻮﻧﻬﺎ ...
ﻋﻤﺎﺭ : ﻭﺍﺗﻴﻪ ...
ﺩﻻﻝ ﻣﺎﺑﺘﺶ ﺍﺩﻳﺮ ﺍﻱ ﺭﺩﺓ ﻓﻌﻞ ..
ﻋﻤﺎﺭ ﺷﺒﺢ ﻟﺼﻨﺎﺩﻳﻖ ﺍﻟﺒﺪﻟﻪ ﺍﻟﻜﺒﻴﺮﺓ ﻭﺣﺎﺟﺎﺗﻬﺎ ... ﺍﺷﺮ ﻋﻠﻴﻬﻢ : ﻣﺶ ﻧﺎﺳﻴﻪ ﺷﻲ ..
ﻣﺎﺑﺘﺶ ﺗﻌﺒﺮﻩ ...
ﻋﻤﺎﺭ ﺷﺒﺤﻠﻬﺎ ﺷﻮﻳﻪ ﺑﻌﺪﻳﻦ ﺗﻨﻬﺪ ﻭﻗﺎﻝ : ﻣﻌﻠﻴﺶ ...
ﻗﺪﻡ ﻭﻗﺎﻡ ﺻﻨﺪﻭﻕ ﺍﻟﺒﺪﻟﻪ :. ﺑﺴﻢ ﺍﻟﻠﻪ .. ﻗﺎﻣﻪ .. ﻭﻃﻠﻊ ﺑﻴﻪ ...
ﻭﻫﻲ ﺗﺸﺒﺤﻠﻪ ﺑﺈﺯﺩﺭﺍﺀ ..
ﺷﻮﻳﻪ ﻭﻟﻰ ﻣﺮﺓ ﺗﺎﻧﻴﻪ ﻭﻗﻌﺪ ﻳﻄﻠﻊ ﻓﻲ ﺍﻟﺒﺎﻗﻲ ...
ﺑﻌﺪ ﺍﺧﺮ ﺷﻲ ﻃﻠﻌﻪ .. ﻃﻠﻌﺖ ﻭﺭﺍﻩ ...
ﻭﻛﺎﻧﺖ ﺗﻤﺸﻲ ﺑﺈﺳﺘﺤﻴﺎﺀ ... ﻟﻴﻦ ﻭﺻﻠﺖ ﻓﻲ ﺍﻟﺴﻴﺎﺭﺓ ...
ﺻﻜﺮ ﺍﻟﻜﻮﻓﻨﻲ ... ﻭﻗﺪﻡ ﻓﺘﺤﻠﻬﺎ ﺍﻟﺒﺎﺏ ... ﻭﻭﺧﺮ ..
ﻫﻲ ﺭﻛﺒﺖ ....
ﻫﻮ ﺳﻜﺮ ﺍﻟﺒﺎﺏ .... ﻭﺗﻨﻬﺪ ﻣﻦ ﺍﻋﻤﺎﻕ ﺍﻋﻤﺎﻗﻪ ..💓
ﻭﻣﺸﻲ ﺭﻛﺐ ...
ﻫﻲ ﻛﺎﻧﺖ ﻻﺻﻘﻪ ﻓﻲ ﺍﻟﺒﺎﺏ .. ﻭﻣﺘﻜﻴﻪ ﺑﻴﺪﻫﺎ ﺍﻟﻠﻲ ﻛﺎﻧﺖ ﺗﺤﺖ ﺧﺪﻫﺎ ﻉ ﺍﻟﺮﻭﺷﻦ ..
ﻫﻮ ﺷﺒﺤﻠﻬﺎ ﺷﻮﻳﻪ .. ﺍﺑﺘﺴﻢ ﻉ ﺟﻨﺐ ... ﻭﺷﻐﻞ ﺍﻟﺴﻴﺎﺭﺓ ... ﻭﺗﺤﺮﻙ ...
🍁🍁🍁🍁🍁
ﻓﻲ ﺣﻮﺵ ﻣﺨﺘﺎﺭ ....
ﻛﺎﻥ ﻣﻌﺒﻲ ﺑﺎﻷﻫﻞ ﻭﺍﻷﺣﺒﺎﺏ ...
ﻫﻨﺪﺍ ﻛﺎﻧﺖ ﻣﻮﺟﻮﺩﻩ ... ﻭﺑﻜﺎﻣﻞ ﺍﻧﺎﻗﺘﻬﺎ ﻭﻣﻘﻌﻤﺰﺓ ﻭﺣﺎﻃﻪ ﺭﺟﻞ ﻉ ﺭﺟﻞ ﻭﺟﻨﺒﻬﺎ ﺳﻤﺮ ..
ﻫﻨﺪﺍ : ﺭﻳﺘﻲ ﻭﺑﻴﺪﻳﺮﻭﻟﻬﺎ ﻣﺤﻀﺮ ﺑﻨﺖ ﺍﻟﺒﺎﺷﺎ ..
ﺳﻤﺮ : ﻋﺎﺩﺍﺕ ﻧﺎﺳﻬﺎ ...
ﻫﻨﺪﺍ : ﻟﻜﻦ ﻫﻲ ﻣﻔﺮﻭﺽ ﺗﻤﺸﻲ ﻉ ﻋﺎﺩﺍﺕ ﺍﻟﻨﺎﺱ ﺍﻟﻠﻲ ﻫﻨﻰ ﻣﺎﺩﺍﻡ ﺑﺘﻌﻴﺶ ﺑﻴﻨﺎﺗﻬﻢ ..
ﺳﻤﺮ : ﻭﺷﻦ ﻋﺎﺩﺍﺗﻨﺎ ﻭﺷﻦ ﻋﺎﺩﺍﺗﻬﻢ ... ﺍﺳﻤﻌﻴﻨﻲ ﻫﻨﺪﺍ ﺧﻠﻴﻚ ﺭﺍﻳﻘﻪ ﻣﺎﺗﺒﻴﻨﻴﺶ ﺍﻧﻚ ﻣﻨﻘﻬﺮﺓ .. ﺧﻮﺍﺗﻪ ﻳﺤﺼﻠﻨﻬﺎ ﻓﻴﻚ ﻓﺮﺻﻪ ..
ﻫﻨﺪﺍ ﺭﻓﻌﺖ ﺣﺎﺟﺒﻬﺎ ﻭﻗﻌﺪﺕ ﺗﻬﺰ ﻓﺮﺟﻠﻬﺎ ..
ﺷﻮﻳﻪ ..
ﺳﻤﻌﻮﺍ ﺻﻮﺕ ﻛﻼﻛﺴﺎﺕ ﻭﺃﻟﻌﺎﺏ ﻧﺎﺭﻳﻪ ...
ﻃﻠﻌﺖ ﻛﺎﻣﻠﻪ ﺗﺠﺮﻱ ﻭﻣﻌﺎﻫﺎ ﺑﻨﺎﺗﻬﺎ ﻭﺧﻮﺍﺗﻬﺎ ﺑﺎﻟﺪﺭﺑﻮﻛﻪ ...
ﻭﻟﻌﺖ ﺍﻟﻨﺎﺭ ﻓﻲ ﻫﻨﺪﺍ ...
ﺳﻤﺮ : ﺧﻠﻴﻚ ﺭﻳﻼﻛﺲ ﻳﺎﻫﻨﺪﺍ .. ﺭﻳﻴﻴﻼﺍﺍﺍﻛﺲ ...
ﻫﻨﺪﺍ ﺧﺪﺕ ﻧﻔﺲ ﻋﻤﻴﻖ .. ﻭﺯﻓﺮﺕ ﺑﻘﻮﺓ ...
ﺗﺴﻤﻊ ﻓﻲ ﺍﻟﺪﺭﺑﻮﻛﻪ ﻭﺍﻟﻐﻨﻲ ... ﻭﺍﻟﺰﻏﺎﺭﻳﻂ .. ﻭﺗﻨﺤﺮﻕ ﺣﺮﻕ ...
ﺑﻌﺪ 10 ﺩﻗﺎﻳﻖ ...
ﺷﺎﻓﺖ ﺯﻭﺯ ﺷﻐﺎﻻﺕ ﻳﺪﺧﻠﻮ ﻓﻲ ﺻﻨﺎﺩﻳﻖ ﻭﺣﺎﺟﺎﺕ ﺍﻟﺒﺪﻟﻪ ﺍﻟﻜﺒﻴﺮﺓ ﻭﻣﺘﻮﺟﻬﻴﻦ ﺑﻴﻬﺎ ﻟﻤﻤﺮ ﺍﻟﺪﻳﺎﺭ ... ﻭﻭﺍﺿﺢ ﻧﺎﻭﻳﻴﻦ ﻳﺤﻄﻮﻫﻢ ﻓﻲ ﺩﺍﺭ ﻋﻤﺎﺭ ...
ﻏﻴﺮﺕ ﻋﻴﻮﻧﻬﺎ ﻭﺭﺟﻌﺖ ﺷﺎﻓﺖ ﻟﻠﺒﺎﺏ ...
ﺷﺎﻓﺖ ﺿﺮﺗﻬﺎ ﺧﺎﺷﻪ ﻭﺣﻨﺎﻫﺎ ﺗﺴﻠﻢ ﻋﻠﻴﻬﺎ ..
ﻗﻌﺪﺕ ﺗﺸﻮﻓﻠﻬﺎ ﺑﻐﻞ ... ﻭﺯﺍﺩ ﻏﻠﻬﺎ ﻭﻫﻲ ﺗﺸﻮﻑ ﻟﻤﻌﺎﻣﻠﻪ ﻛﺎﻣﻠﻪ ﻭﺍﻟﺒﻨﺎﺕ ﻟﻴﻬﺎ ....
ﺧﺸﺖ ﺑﻌﺪﻫﺎ ﺩﻻﻝ ﺩﺍﺧﻞ ... ﻭﺑﺪﺕ ﺗﺴﻠﻢ ﻉ ﺑﺎﻗﻲ ﺍﻟﻨﺎﺱ ....
ﻗﻌﻤﺰﻭﻫﺎ ﺧﻮﺍﺗﻪ ﻭﻗﻌﻤﺰﻭﺍ ﺣﺪﺍﻫﺎ ﻭﻳﻬﺪﺭﺯﻭﺍ ﻋﻠﻴﻬﺎ .. ﻭﻳﺴﺄﻟﻮﺍ ﻓﻲ ﺍﻷﺳﺌﻠﺔ ﺍﻟﺼﺎﻣﺘﻪ ﺍﻟﻤﻌﺮﻭﻓﻪ .. ﻭﻫﻲ ﺗﺠﺎﻭﺏ ﺑﺨﺠﻞ ﻭﻛﺬﺏ ﻓﻨﻔﺲ ﺍﻟﻮﻗﺖ ...
🍁🍁🍁🍁🍁
ﻓﻲ ﻣﺮﺑﻮﻋﺔ ﺍﻟﺮﺟﺎﻟﻪ ...
ﻫﺎﻧﻴﺒﺎﻝ : ﺑﻨﻘﻮﻟﻚ ..
ﻋﻤﺎﺭ ﺑﺄﺑﺘﺴﺎﻣﻪ : ﻗﻮﻝ ﻳﺎﻭﻟﺪ ﻋﻤﺘﻲ ..
ﻫﺎﻧﻴﺒﺎﻝ : ﺭﺩ ﺑﺎﻟﻚ ﻉ ﺩﻻﻝ ﻳﺎﻋﻤﺎﺭ ﺭﺍﻫﻮ ﺍﻧﺖ ﻋﺎﺭﻓﻨﻲ ﻛﻮﻳﺲ ﻣﺎﻧﻌﺮﻑ ﺣﺪ ﻳﻮﺻﻞ ﻓﻲ ﻫﻠﻲ ﺑﺴﻮ ..
ﻋﻤﺎﺭ ﺑﺈﺑﺘﺴﺎﻣﻪ : ﺭﺍﻫﻲ ﻫﻠﻲ ﺗﻮ .. ﻳﻌﻨﻲ ﺍﻧﻲ ﺑﺲ ﺍﻟﻠﻲ ﻣﺎﻧﻘﺒﻞ ﻣﻦ ﻳﻮﺻﻞ ﻓﻴﻬﺎ ﻭﻻﻳﻨﺨﺼﻬﺎ ﺑﺸﻮﻛﻪ ...
ﻫﺎﻧﻴﺒﺎﻝ ﺍﺑﺘﺴﻢ ﻉ ﺟﻨﺐ ﻭﺷﺒﺢ ﺍﻟﻘﺪﺍﻡ ...
ﻭﻋﻤﺎﺭ ﺿﺤﻚ ﻭﺣﺮﻛﻪ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ...
🍁🍁🍁🍁🍁
ﺩﺍﺭﻭ ﺍﻟﻐﺪﻱ .... ﻭﺗﻐﺪﻭﺍ ﺭﺟﺎﻟﻪ ﻭﻧﺴﺎﻭﻳﻦ ...
ﻭﺟﺖ ﺳﻠﻴﻤﻪ ﺧﺪﺕ ﺩﻻﻝ ﺭﻓﻌﺘﻬﺎ ﻟﺪﺍﺭ ﻋﻤﺎﺭ .. ﻭﻳﻦ ﻣﺎﻓﻲ ﺑﻀﺎﻋﺘﻬﺎ ﻭﺍﻟﻤﺰﻳﻨﻪ ﺑﺘﺠﻴﻬﺎ ﻏﺎﺩﻱ ...
ﺳﻠﻴﻤﻪ : ﺧﻠﻴﻚ ﻫﻨﻰ ﺷﻮﻳﻪ ﻭﺗﺠﻲ ﺍﻟﻜﻮﺍﻓﻴﺮﺓ ..
ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻃﻠﻌﺖ ﺳﻠﻴﻤﻪ ﻭﺻﻜﺮﺕ ﺍﻟﺒﺎﺏ ..
ﻭﻗﻌﺪﺕ ﺩﻻﻝ ﺗﻮﺯﻉ ﻓﻨﻈﺮﻫﺎ ﺑﻔﻀﻮﻝ ﻉ ﺍﻟﺪﺍﺭ ...
ﺭﻛﺰﺕ ﻉ ﺭﻳﺤﺘﻬﺎ .... ﻫﻲ ﻧﻔﺴﻬﺎ ﺍﻟﺮﻳﺤﻪ ﺍﻟﻠﻲ ﺑﺨﻬﺎ ﺍﻟﺼﺒﺢ ..
ﺣﺴﺖ ﺑﻨﻔﺲ ﺍﻟﺸﻌﻮﺭ ﺍﻟﻐﺮﻳﺐ ﻟﻤﺎ ﺷﻤﺘﻬﺎ ﻟﻠﻤﺮﺓ ﺍﻟﺘﺎﻧﻴﻪ ..
ﺗﻨﻬﺪﺕ ﺑﻀﻴﻖ ... ﻭﻣﻼﻣﺢ ﻭﺟﻬﻬﺎ ﺗﺒﺪﻟﺖ ﻟﻠﺤﺰﻥ ... ﻭﺭﺟﻌﺖ ﺳﺮﺣﺖ ﺑﺘﻔﻜﻴﺮﻫﺎ ... ﻣﺎﺯﺍﻝ ﻣﺶ ﻣﺼﺪﻗﻪ ﺍﻟﻠﻲ ﻫﻲ ﻓﻴﻪ ﻭﻻﺍﻟﻠﻲ ﺻﺎﺭ ﻣﻌﺎﻫﺎ ...
ﺣﺒﺴﺖ ﺩﻣﻌﺘﻬﺎ .. ﻟﻤﺎ ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺍﻟﻤﺰﻳﻨﻪ ﻣﻌﺎﻫﺎ ﺳﻠﻴﻤﻪ ..
🍁🍁🍁🍁
ﺍﻟﺴﺎﻋﻪ 4:30 ...
ﻧﺨﻤﻢ ﻓﻴﻬﺎ ﻫﻠﺒﻪ ﻳﺎﻛﻔﺎﻳﻪ ...
ﻛﻔﺎﻳﻪ : ﻃﺒﻴﻌﻲ ﺑﺘﺨﻤﻤﻲ .. ﻟﻜﻦ ﻣﺎﺗﺒﺎﻟﻐﻴﺶ ﺭﺍﻙ ﺗﻨﺴﻲ ﺍﻧﻚ ﺣﺎﻣﻞ .. ﺣﺘﻰ ﻭﺟﻬﻚ ﻣﻮﻟﻲ ﺍﺻﻔﺮ ﺯﻱ ﺍﻟﺒﺰﺍﺭ ..
ﺗﻨﻬﺪﺕ ﻧﻌﻴﻤﻪ ﺑﻌﺪﻳﻦ ﻗﺎﻟﺖ : ﻻﺣﻈﺘﻲ ﺯﻳﻨﺐ ..
ﻛﻔﺎﻳﻪ : ﺧﻴﺮﻫﺎ ..
ﻧﻌﻴﻤﻪ : ﺯﻱ ﺍﻟﻠﻲ ﺣﺴﻴﺘﻬﺎ ﻣﻮﻃﻴﻪ ﻋﻴﻨﻬﺎ ..
ﻛﻔﺎﻳﻪ : ﺍﻧﻲ ﺣﺴﻴﺘﻬﺎ ﻋﺎﺩﻳﻪ ...
ﻧﻌﻴﻤﻪ : ﻣﺶ ﻋﺎﺭﻓﻪ .. ﺗﻨﻬﺪﺕ ﻭﻗﺎﻟﺖ ... ﺟﺖ ﺑﻌﻴﺪﻩ ﺑﻨﺘﻲ ﺣﺘﻰ ﻓﻲ ﻓﻨﻬﺎﺭ ﺯﻱ ﻫﺪﺍ ﻣﺎﻧﻘﺪﺭﺵ ﻧﻤﺸﻴﻠﻬﺎ ... ﺣﻄﺖ ﻳﺪﻫﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ..
ﻛﻔﺎﻳﻪ : ﺭﺑﻲ ﻳﻬﺪﻳﻚ ﻳﺎﻧﻌﻴﻤﻪ ..
......
ﺻﺤﻴﺖ ﻣﺮﻭﺍﻥ ﺑﺠﺪ ﻓﻬﻤﺘﻬﺎ ﺍﻛﺜﺮ ﻣﻦ ﺍﻻﺑﻠﻪ ...
ﻣﺮﻭﺍﻥ ﺑﺈﺑﺘﺴﺎﻣﻪ : ﻣﺎﻋﻨﺪﻳﺶ ﻓﻴﻪ ﺟﻤﻴﻞ ﻧﻮﺍﺭﺓ ﺍﻱ ﺣﺎﺟﻪ ﺗﺼﻌﺐ ﻋﻠﻴﻚ ﻛﻠﻤﻴﻨﻲ ﺑﺲ ﻣﺴﺘﻌﺪ ﻧﺸﺮﺣﻬﻢ ﺣﺘﻰ ﻉ ﺍﻟﺘﻠﻴﻔﻮﻥ ...
ﻧﻮﺭ ﺍﺑﺘﺴﻤﺖ : ﻣﺎﻓﻴﺶ ﻣﻨﻚ ﺍﻧﺖ ..
ﻣﺮﻭﺍﻥ ﺍﺑﺘﺴﻢ ﺑﺈﺣﺮﺍﺝ ﻭﻫﻲ ﺿﺤﻜﺖ ...
🍁🍁🍁🍁🍁
ﺍﻟﺴﺎﻋﻪ 6:30 ﻣﺴﺎﺀﺍ ....
ﺍﻟﻠﻬﻢ ﺻﻠﻲ ﻉ ﺍﻟﻨﺒﻲ ..
ﻋﻤﺎﺭ ﺑﺈﺑﺘﺴﺎﻣﻪ : ﻭﻳﻨﻬﺎ ..
ﺳﻠﻴﻤﻪ ﺑﻀﺤﻜﻪ ﻭﻫﻲ ﻣﻀﻴﻘﻪ ﻋﻴﻮﻧﻬﺎ : ﻣﻦ ﻫﻲ؟ !
ﺍﻣﻴﻨﻪ : ﺍﻳﻪ ﻣﻨﻲ؟ !!
ﻋﻤﺎﺭ : ﺑﺎﻟﻠﻪ ﻓﻜﻨﻲ ﻣﻦ ﺣﺮﻛﺎﻛﺘﻦ .. ﻭﻳﻨﻬﺎ ..
ﺍﺻﺎﻟﻪ ﺑﻀﺤﻜﻪ : ﻓﺪﺍﺭﻙ ﻳﺎﻏﺎﻟﻲ ...
ﻋﻤﺎﺭ ﺍﺑﺘﺴﻢ .. ﻭﻗﻠﺒﻪ ﻃﻮﻝ ﺣﺮﻙ ﺧﻄﺎﻭﻳﻪ ﻭﻳﻦ ﻣﺎﻫﻲ ...
ﺍﺻﺎﻟﻪ : ﺑﻴﻬﺒﻞ ﻋﻠﻴﻬﺎ ..
ﺍﻣﻴﻨﻪ : ﻳﺎﻛﺒﺪﻱ ﻣﺎﻳﻨﻼﻡ ...
......
ﻭﺻﻞ ﻓﻲ ﺍﻟﺪﺍﺭ ... ﻭﻓﺘﺢ ﺍﻟﺒﺎﺏ ...
ﻗﻠﺒﻪ ﺟﻦ ﺟﻨﻮﻧﻪ ...💓💓💓💓
ﺑﻠﻊ ﺭﻳﻘﻪ ﻭﺻﻜﺮ ﺍﻟﺒﺎﺏ ﻭﻗﻌﺪ ﻳﺘﺄﻣﻞ ﻓﻴﻬﺎ ..
ﻫﻲ ﻛﺎﻧﺖ ﺣﺎﻃﻪ ﺍﻳﺪﻳﻬﺎ ﻉ ﺑﻌﻀﻬﻢ ﻭﻭﺍﻗﻔﻪ ﻣﻘﺎﺑﻠﻪ ﺍﻟﻤﺮﺍﻳﻪ ﻭﻋﻴﻮﻧﻬﺎ ﻟﻮﻃﺎ .... ﻭﻣﻀﺎﻳﻘﻪ ﻫﻠﺒﻪ .. ﻭﺗﺮﺟﻒ ...
ﻫﻮ ﻣﺶ ﻋﺎﺭﻑ ﻛﻴﻒ ﻳﺪﻳﺮ ﻣﻌﺎﻫﺎ ...
ﺍﻟﺴﺤﺮ ﻭﺳﺤﺮﺍﺗﻪ ... ﻭﻓﻴﻬﺎ ﻋﻠﻘﺎﺗﻪ ... ﻭﻗﻠﺒﻪ ﻗﺎﻋﺪ ﻳﻮﻡ ﻋﻦ ﻳﻮﻡ ﻳﺬﻭﺏ ﻓﻴﻬﺎ ..
ﻛﻞ ﻳﻮﻡ ﻳﻐﺮﻕ ﺍﻛﺜﺮ ﻭﺍﻛﺜﺮ ﻓﺒﺤﺮﻫﺎ ﺍﻟﻐﺮﻳﻴﻴﻴﻖ ....
ﻗﺪﻣﻠﻬﺎ ... ﻭﻗﻒ ﻗﺪﺍﻣﻬﺎ ...
ﻫﻲ ﺷﺒﺤﺖ ﻟﺼﺪﺭﻩ ... ﺭﻛﺰﺕ ﺍﻧﻪ ﻻﺑﺲ ﺟﺮﺩ ﻫﺎﻟﻤﺮﺓ ﻓﻮﻕ ﺍﻟﺰﺑﻮﻥ ... ﺑﺲ ﻻﺣﻈﺖ ﺍﻥ ﺻﺪﺭﻩ ﻳﺮﻛﺐ ﻭﻳﻨﺰﻝ ...
ﺭﻋﺸﺖ ﻣﻊ ﺑﻌﻀﻬﺎ ﻟﻤﺎ ﺣﻂ ﻳﺪﻩ ﻉ ﺭﺍﺳﻬﺎ .. ﻭﻗﻌﺪ ﻳﻘﺮﺍ ﻋﻠﻴﻬﺎ ...
ﻫﻲ ﺳﻜﻨﺖ ﺷﻮﻳﻪ ﻭﺍﺭﺗﺎﺣﺖ ﺑﻌﺾ ﺍﻟﺸﻲ ..
ﺑﻌﺪ ﻛﻤﻞ .... ﻓﺘﺢ ﻋﻴﻮﻧﻪ .. ﻭﻗﻌﺪ ﻳﺘﺄﻣﻞ ﻓﻲ ﻣﻼﻣﺢ ﻭﺟﻬﻬﺎ 💓
ﺣﻀﻨﻬﺎ ...
ﻫﻲ ﺟﻤﺪﺕ ﻓﻲ ﻣﻜﺎﻧﻬﺎ .... ﺷﻤﺖ ﺭﻳﺤﺔ ﻋﻄﺮﻩ ﻭﺣﺴﺖ ﺑﻬﺪﺍﻛﺎ ﺍﻟﺸﻌﻮﺭ ﺯﺍﺩ ﻗﻮﻱ ..
ﻟﻜﻦ ﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻣﺨﻨﻮﻗﻪ ﻣﻨﻪ .... ﻭﺗﺒﻴﻬﺎ ﻳﺒﻌﺪ ﻋﻨﻬﺎ ...
ﻟﻜﻦ ﻣﺎﻗﺪﺭﺗﺶ ﺗﺒﻌﺪﻩ ..
ﺣﺴﺖ ﺑﺪﻗﺎﺕ ﻗﻠﺒﻪ ... ﻛﺎﻧﺖ ﻗﻮﻳﻪ ﻫﻠﺒﻪ ..💓💓💓💓💓
ﺷﻮﻳﻪ .. ﻭﻭﺧﺮ ..
ﺷﺪ ﻭﺟﻬﻬﺎ ﺑﺈﻳﺪﻳﻪ ﻭﻗﺎﻝ ....
❣ ﻛﻠﻤﺔ ﻧﺤﺒﻚ ﻧﺎﻗﺼﻪ ﻓﻲ ﺷﺎﻧﻚ
ﻳﺎﺑﺪﺭ ﻓﻲ ﻟﻴﻠﻲ ﺭﻗﺎ ﻭﺗﻌﻼ
ﺍﻧﺤﺒﻚ ﺍﻧﺤﺒﻚ ﻭﺍﻟﺰﻣﺎﻥ ﺯﻣﺎﻧﻚ
ﺍﻧﻤﻮﺕ ﻓﻴﻚ ﻳﺎﻏﺎﻟﻲ ﻭﺣﺎﻟﻒ ﺑﺎﻟﻠﻪ ..
ﻫﻲ ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻪ ....
ﻣﻌﺎﺵ ﻗﺪﺭ ﻳﺘﺤﻤﻞ ... ﻗﺮﺏ ﻭﺑﺎﺳﻬﺎ ...💓💋
ﺑﻠﻄﻒ ﻭﺑﻌﺪ ... ﻫﻲ ﻛﺎﻧﺖ ﺗﺮﻋﺶ ﺯﻱ ﺍﻟﺠﺮﻳﺪﻩ ...
ﻃﻠﻘﻬﺎ ... ﻭﻗﻌﺪ ﻳﺸﻮﻓﻠﻬﺎ ﺑﻨﻈﺮﺍﺕ ﻋﻴﻮﻥ ﻣﺪﺑﻠﻬﺎ ﺍﻟﻌﺸﻖ 💓💓......💓💓
ﺷﺒﺢ ﻟﺸﻔﺎﻳﻔﻬﺎ ... ﺑﻌﺪﻳﻦ ﺗﻮﺳﻌﻮﺍ ﻋﻴﻮﻧﻪ ... ﻭﻃﻮﻝ ﻗﺪﻡ ﻟﻠﻤﺮﺍﻳﺎ ﺿﺤﻚ ... ﻗﻌﺪ ﻳﺪﻭﺭ ﻉ ﺣﺎﺟﻪ ﻳﻤﺴﺢ ﺑﻴﻬﺎ ﺍﻟﻔﻀﻴﺤﻪ...💓
ﻟﻘﻲ ﻛﻠﻴﻨﻜﺲ ﻣﺒﻠﻞ .. ﺧﺪﻱ ﻣﻨﻪ ﻭﻗﻌﺪ ﻳﻤﺴﺢ ..
ﻫﻲ ﺷﺪﺕ ﺿﺤﻜﺘﻬﺎ ﻭﻟﻔﺖ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﻪ ...
ﺑﻌﺪ ﻣﺴﺢ ... ﻗﻌﺪ ﻳﻀﺤﻚ ﺑﺼﻮﺕ ﻋﺎﻟﻲ ...
ﻫﻲ ﺗﻠﻔﺘﺖ ﻭﻗﻌﺪﺕ ﺗﺸﻮﻓﻠﻪ ... ﺗﺒﺪﻟﺖ ﻣﻼﻣﺢ ﻭﺟﻬﻬﺎ ﻟﻠﻐﻴﻆ ..
" ﺷﻦ ﻳﻀﺤﻚ ﻓﻴﻪ ..."
ﻫﻮ ﺍﻟﺘﻔﺖ ﻭﺷﺒﺤﻠﻬﺎ ﻭﻗﺎﻝ ﺑﻀﺤﻜﻪ : ﺷﻔﺘﻲ ﻭﻳﻦ ﻭﺻﻠﺘﻴﻨﻲ ..💓
ﻫﻲ ﻧﺰﻟﺖ ﻋﻴﻮﻧﻬﺎ ﻟﻮﻃﺎ ....
ﻫﻮ ﺍﺑﺘﺴﻢ ..
ﻃﻖ ﺍﻟﺒﺎﺏ ...
ﻋﻤﺎﺭ : ﺧﺶ ...
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺍﻣﻪ ...
ﻛﺎﻣﻠﻪ : ﺍﻟﻠﻬﻢ ﺻﻞ ﻉ ﺍﻟﻨﺒﻲ .. ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ... ﺭﻗﻴﺘﻬﺎ ﻳﺎﻋﻤﺎﺭ ..
ﻋﻤﺎﺭ ﻭﻫﻮ ﺣﺎﻁ ﺍﻳﺪﻳﻪ ﻭﺭﺍ ﻇﻬﺮﻩ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮﻣﺒﺘﺴﻢ ..
ﻛﺎﻣﻠﻪ : ﺭﺑﻲ ﻳﺒﺎﺭﻛﻠﻜﻢ ﻓﺒﻌﻀﻜﻢ ..
ﺍﺑﺘﺴﻤﺖ ﺩﻻﻝ ﻣﺠﺎﻣﻠﻪ ..
ﻭﻫﻮ ﺍﺑﺘﺴﻢ ﻣﻦ ﻗﻠﺒﻪ ...💖
ﺧﺸﻮﺍ ﺑﻌﺪﻳﻦ ﺧﻮﺍﺗﻪ ...
ﻭﻫﻤﺎ ﻳﺒﺮﻛﻮﺍ ﻋﻠﻴﻬﺎ ﻣﻦ ﻛﺜﺮ ﻣﺎﺍﻧﺒﻬﺮﻭﺍ ﺑﻴﻬﺎ ...
ﺑﻌﺪﻫﺎ ﺑﺪﻭﺍ ﻳﺸﺘﻮﺍ ﻭﻳﺼﻔﻘﻮﺍ ..
ﺑﻮﻟﺤﻴﺔ ﻋﺎﻟﺨﺪ ﺧﻔﻴﻔﻪ ... ﺣﺎﻡ ﻭﺟﺎﺏ ﻏﺰﺍﻟﻪ ﻛﻴﻔﻪ ...
ﻭﺍﻣﻪ ﻭﺧﻮﺍﺗﻪ ﻳﻐﻨﻮﺍ .... ﻭﻫﻮ ﻗﻠﺒﻪ ﻳﺮﻗﺺ ﻣﻦ ﺩﺍﺧﻞ ﻭﻫﻮ ﻳﺘﺄﻣﻞ ﻓﻲ ﺍﺑﺘﺴﺎﻣﺘﻬﺎ 💓💓💓💓
ﺍﻣﺎ ﻫﻲ ﺍﺭﺗﺎﺣﺖ ﻷﻫﻠﻪ ﺑﺎﻟﺬﺍﺕ ﺍﻣﻪ .... ﻟﻜﻦ ﻣﻦ ﺩﺍﺧﻠﻬﺎ ﻣﺶ ﻗﺎﺩﺭﻩ ﺗﺘﻘﺒﻞ ﺍﻟﻮﺿﻊ .... ﺣﺎﺳﻪ ﺑﺠﺒﻞ ﻭﺍﻗﻒ ﻉ ﺻﺪﺭﻫﺎ ﻭﻣﻄﺒﻖ ﻋﻠﻴﻪ ..
ﺷﻮﻳﻪ ...
ﻭﻣﺸﻲ ﻋﻤﺎﺭ ... ﻭﻣﺎﻛﺎﻧﺶ ﺑﻮﺩﻩ ﻳﺘﺤﺮﻙ ﺳﺎﻧﺘﻲ ﻭﺍﺣﺪ ﺑﻌﻴﺪ ﻋﻨﻬﺎ 💓
ﻭﺧﻮﺍﺗﻪ ﻭﺍﻣﻪ ﻃﻠﻌﻮﻫﺎ ﻟﻠﻨﺎﺱ ﻓﻲ ﺍﻟﺼﺎﻟﻪ ..
ﻭﺍﻟﻨﺎﺱ ﺣﻠﻮ ﻓﻴﻬﺎ ﻓﺎﻣﻬﻢ ... ﺑﺎﻟﻌﺮﺑﻲ ﻃﺎﻟﻌﻪ ﺣﺎﺟﻪ ﻣﺎﺗﻨﻮﺻﻔﺶ 💕😍
" ﻭﺑﺼﺮﺍﺣﻪ ﻭﺑﺪﻭﻥ ﺗﺤﻴﺰ ﺍﻟﻌﺮﺑﻲ ﻳﻄﻠﻊ ﻉ ﺍﻟﺸﻘﺮﺍ ﺣﺎﺟﻪ ﺗﺎﻧﻴﻪ "😁
🍁 ﻫﻨﺪﺍ ﻛﺎﻧﺖ ﻻﺑﺴﻪ ﺷﺮﻗﺎﻭﻱ .... ﻭﻛﺎﻧﺖ ﺗﺸﻮﻑ ﻟﺪﻻﻝ ﺑﺸﺒﺤﺎﺕ ﺳﻢ ....
ﻧﺎﺿﺖ ...
ﺳﻤﺮ : ﻭﻳﻦ ﻣﺎﺷﻴﻪ ....
ﻫﻨﺪﺍ ﺍﺑﺘﺴﻤﺖ ﺑﻤﻜﺮ : ﺑﻨﺴﻠﻢ ﻉ ﺍﻟﻌﺮﻭﺱ ... ﻭﻣﺸﺖ ﺑﺈﺗﺠﺎﻩ ﺩﻻﻝ ....
.... ﻳﺘﺒﻊ
