المتمردين

العشق المتمرد

#العشق_المتمرد
#جمان_فريد

الجزء77 القسم الثاني
🍁🍁🍁🍁
ﻣﺮﻭﺍ ﻣﺎﺑﻘﻲ ﻣﻦ ﺳﺎﻋﺎﺕ ﻫﺪﻳﻜﺎ ﺍﻟﻠﻴﻠﻪ ﻉ ﻋﻤﺎﺩ ﻭﻫﻮ ﺣﺎﺑﺲ ﺭﻭﺣﻪ ﻓﻲ ﺩﺍﺭﻩ ..
ﻭﺟﻌﻪ ﻣﻮﺕ ﺟﺪﻩ ...
ﻭﺻﺪﻣﻪ ﻣﻮﺕ ﺭﻣﺰﻱ ... ﺍﻛﺜﺮ ﺷﻲ ﻗﻬﺮ ﻋﻤﺎﺩ ﺍﻥ ﺭﻣﺰﻱ ﻛﺎﻥ ﻓﻲ ﺍﻟﻄﺮﻑ ﺍﻟﺘﺎﻧﻲ ﺍﻟﻠﻲ ﻫﻮ ﻋﺎﺩﺍﻩ .. ﺣﺲ ﻭﻗﺘﻬﺎ ﻭﻛﺈﻥ ﻫﻮ ﺍﻟﻠﻲ ﻗﺘﻠﻪ ..
ﻭﺑﺮﻏﻢ ﺯﻋﻠﻪ ﻣﻦ ﺍﻟﻠﻲ ﻭﺻﻠﻪ ﻣﻦ ﺧﻮﺗﻪ ﻋﻦ ﺧﺎﻻﺗﻪ ﻭﺧﺎﻟﻪ ﻣﺤﻤﺪ ﻟﻜﻦ ﺗﻮﺍ ﻋﻄﺎﻫﻢ ﻋﺬﺭ ﺑﺎﻟﺬﺍﺕ ﻣﺤﻤﺪ ..
ﺍﺳﺎﺳﺎ ﻫﻮ ﻭﻣﺤﻤﺪ ﻭﺭﻣﺰﻱ ﻛﺎﻧﻮﺍ ﺻﺤﺎﺏ ﻭﻗﺮﺍﺏ ﻉ ﺑﻌﺾ ﻫﻠﺒﻪ ﻓﻲ ﺍﻟﺴﻨﻴﻦ ﺍﻷﺧﻴﺮﺓ ... ﻭﻫﻮ ﻋﺎﺭﻑ ﻛﻮﻳﺲ ﻣﻜﺎﻧﺔ ﺭﻣﺰﻱ ﻋﻨﺪ ﻣﺤﻤﺪ ..
ﻟﻬﺬﺍ ﺷﻦ ﻣﺎﻗﺎﻝ ﻋﻠﻴﻪ ﻭﺣﻂ .. ﻣﺶ ﺣﻴﻠﻮﻣﻪ ﻭﻻﻳﺰﻋﻞ ﻣﻨﻪ ..
ﻋﺎﺭﻓﻪ ﻣﻦ ﻗﻬﺮﺗﻪ ﻗﺎﻟﻪ ...
🍃🍃🍃🍃
ﺑﻌﺪ ﺗﺤﺮﻳﺮ ﻃﺮﺍﺑﻠﺲ ...
ﺗﻮﺟﻬﻮﺍ ﺍﻟﺜﻮﺍﺭ ﻟﻠﻤﺪﻳﻨﺘﻴﻦ ﺍﻟﻠﻲ ﺻﻤﺪﻭﺍ ﻓﻲ ﺗﺄﻳﻴﺪﻫﻢ ﻟﻠﻘﺬﺍﻓﻲ ﺑﺮﻏﻢ ﺧﺮﻭﺝ ﺍﻟﻌﺎﺻﻤﻪ ﻋﻦ ﺳﻴﻄﺮﺗﻪ ..
ﻭﺑﺪﻱ ﺍﻟﻨﺰﻭﺡ ..
ﺍﻟﻠﻲ ﻟﻤﺼﺮﺍﺗﻪ .. ﻭﺍﻟﻠﻲ ﻟﺘﺮﻫﻮﻧﻪ .....
ﻭﻓﻲ ﺍﻟﻠﻲ ﺍﺳﺘﻘﺒﻠﻮﻫﻢ ﺍﻟﻌﺠﻴﻼﺕ ﻭﺻﺒﺮﺍﺗﻪ ..
🍃 ﺟﺒﻬﺔ ﺍﻟﺠﻨﻮﺏ ﺑﺎﻟﻨﺴﺒﻪ ﻟﻴﺎ ﻛﺎﻥ ﻭﺿﻌﻬﺎ ﻣﺶ ﻣﻔﻬﻮﻡ ﻻ ﺗﻨﻌﺮﻑ ﻃﻠﻌﺖ ﻋﻦ ﺳﻴﻄﺮﺓ ﺍﻟﻨﻈﺎﻡ ﺍﻭ ﺗﺤﺘﻪ ﺑﺲ ﺍﻟﺰﻭﺯ ﺍﻟﺘﺎﻧﻴﺎﺕ ﻛﺎﻧﻮﺍ ﻣﻮﻗﻔﻬﻢ ﻭﺍﺿﺢ 🍃
ﺣﺎﻭﻟﻮﺍ ﻓﻲ ﺍﻟﺒﺪﺍﻳﻪ ﻳﺘﻔﺎﻭﺿﻮﺍ ﻣﻊ ﻭﺣﺪﻩ ﻣﻨﻬﻢ ﺑﺶ ﻳﺨﺸﻮﺍ ﺳﻠﻤﻴﺎ ﺑﺲ ﺍﻟﻤﺪﻳﻨﻪ ﻛﺎﺑﺮﺕ ﻭﺭﻓﻀﺖ ..
ﻭﺑﺪﺕ ﻓﻴﻬﺎ ﺍﻟﺤﺮﺏ ..
🍁🍁🍁🍁
ﺍﻟﺤﺎﺟﻪ ﻓﺎﻃﻤﻪ ﻣﺸﺖ ﻣﻊ ﻣﻴﻼﺩ ﻟﻄﺮﺍﺑﻠﺲ ..
ﺣﻄﻬﺎ ﻋﻨﺪ ﺣﻤﻴﺪ ﻭﻣﻌﺎﻫﺎ ﺭﺯﺍﻥ ...
ﻭﻫﻮ ﻣﺸﻲ ﺑﻤﺮﺗﻪ ﻭﺍﻣﻬﺎ ﻭﺍﺧﺘﻬﺎ ﻟﺤﻮﺵ ﺣﻤﻴﺪﺍ ..
🍁 ﻫﺎﻧﻴﺒﺎﻝ ﻭﺍﻟﻬﺎﺩﻱ ..
ﻣﺸﻮﺍ ﻣﻊ ﺑﻌﺾ ﻟﺘﺮﻫﻮﻧﻪ ..
ﻣﻌﺎﻫﻢ ﻏﺎﻟﻴﻪ ﻭﺣﻤﻴﺪﻩ ﻭﺳﻤﻴﻪ ﺍﻟﻠﻲ ﺑﺮﻏﻢ ﺍﻟﻠﻲ ﺻﺎﺭ ﺑﻴﻨﻬﺎ ﻭﺑﻴﻦ ﺍﻟﻬﺎﺩﻱ ﻓﻲ ﻇﺮﻑ ﺯﻱ ﻫﺪﺍ ﻣﺎﺑﺎﺵ ﻳﺨﻠﻴﻬﺎ ..
ﺍﻟﺮﺍﺟﻞ ﺍﻟﻠﻲ ﺑﻴﻘﻌﺪﻭﺍ ﻋﻨﺪﻩ ..
ﻛﺎﻥ ﻳﺴﻜﻦ ﻓﻲ ﻗﻄﻌﻪ ﻫﻮ ﻭﺍﻫﻠﻪ ..
ﻫﻮ ﻋﺎﺯﺏ ﻳﻌﻨﻲ ﻣﺎﺯﺍﻝ ﻗﺎﻋﺪ ﻣﻊ ﺍﻣﺎﻟﻴﻪ ﻓﻲ ﺣﻮﺵ ﻛﺒﻴﺮ ..
ﻓﺠﻨﺐ ﻫﺎﻟﺤﻮﺵ ﻛﺎﻥ ﻓﻲ ﺣﻮﺵ ﺗﺎﻧﻲ ﻓﺎﺿﻲ ﻫﺪﺍ ﺣﻮﺷﻪ ﺍﻟﻠﻲ ﻧﺎﻭﻱ ﻳﺘﺰﻭﺝ ﻓﻴﻪ ..
ﻟﻜﻦ ﻓﺘﺤﻪ ﻟﻬﺎﻧﻴﺒﺎﻝ ﻭﻋﻴﻠﺘﻪ ..
💓🍃 ﻭﻫﺎﺩﻱ ﺗﺮﻫﻮﻧﻪ ﻳﺎﺳﺎﺩﻩ ...
ﻋﺸﻖ ﻛﺒﻴﺮ ﻟﻬﺎﻟﻤﺪﻳﻨﻪ ﻣﻦ ﺯﻣﺎﻥ ﻟﻬﺎﻟﻠﺤﻈﻪ ﻭﺍﻟﺘﺮﺍﻫﻨﻪ ﻟﻴﻬﻢ ﻓﻲ ﺍﻟﻘﻠﺐ ﻣﻜﺎﻥ ﺧﺎﺹ ﻓﺮﺿﻮﻩ ﺑﻄﻴﺐ ﺍﺧﻼﻗﻬﻢ 🍃💓
🍃🍃🍃
ﻣﺮﻭﺍ ﺃﻳﺎﻡ ﺑﻌﺪ ﺍﻟﻌﻴﺪ ﺍﻟﺼﻐﻴﺮ ..
ﻭﺍﻟﺒﻨﺎﺕ ﻛﺎﻥ ﻣﻦ ﺍﻟﻤﺴﺘﺤﻴﻞ ﺍﻧﻬﻢ ﻳﻤﺸﻮﺍ ﻟﺒﻼﺩﻫﻢ ﻭﻳﻌﻴﺪﻭﺍ ﻉ ﺃﻣﻬﻢ ﻭﻗﺘﻬﺎ ..
ﻟﻬﺪﺍ ﻛﻠﻬﻢ ﺍﻟﺘﻤﻮﺍ ﻓﻲ ﺣﻮﺵ ﺣﻤﻴﺪ ..
ﺩﺍﺭﺗﻠﻬﻢ ﻟﻄﻴﻔﻪ ﺍﻟﻮﺍﺟﺐ ﻭﺯﻳﺎﺩﻩ ...
ﻭﻛﺎﻧﺖ ﻗﺎﻳﻤﻪ ﺑﻌﺰﻭﺯﺗﻬﺎ ﻭﺍﻟﺒﻨﺎﺕ ﺍﺭﺗﺎﺣﻮﺍ ﻉ ﺍﻣﻬﻢ ﻣﻦ ﻫﺎﻟﻨﺎﺣﻴﻪ ..
ﺍﻟﺴﺎﻋﻪ 5:00 ﺑﻌﺪ ﺍﻟﻌﺼﺮ ..
ﻛﻔﺎﻳﻪ : ﺍﻣﻲ .. ﻋﻤﺎﺩ ﺑﻴﺨﺸﻠﻚ ..
ﻓﺎﻃﻤﻪ ﺑﻠﻬﻔﻪ : ﻭﻳﻨﻪ ..
ﻛﻔﺎﻳﻪ : ﻋﻤﺎﺩ ﻭﻟﺪﻱ ﺧﺶ ..
ﺧﺎﻻﺗﻪ ﻣﺘﻠﻬﻔﺎﺕ ﻋﻠﻴﻪ ﻫﻠﺒﻪ ...
ﺑﺮﻏﻢ ﺍﻥ ﻛﻔﺎﻳﻪ ﺍﺑﺪﺍ ﻣﺎﺑﺘﺶ ﺗﻜﻠﻢ ﺯﻳﻨﺐ ﻭﺣﺘﻰ ﺍﻟﻌﻴﺪ ﻋﻴﺪﻭﺍ ﺑﻤﺼﺎﻓﺤﺔ ﺍﻟﻴﺪ ﺑﺲ ..
ﻟﻜﻦ ﻓﻲ ﺣﺪ ﻟﻬﻔﺘﻪ ﻛﺎﻧﺖ ﻣﻀﺎﻋﻔﻪ ..
ﺑﺲ ﻣﺨﻔﻴﻪ ﻭﻣﺶ ﺑﺎﻳﻨﻪ ﻣﺤﺒﻮﺳﻪ ﺩﺍﺧﻞ .. ﻓﻲ ﻭﺳﻂ ﺍﻟﻘﻠﺐ ﺍﻟﺼﻐﻴﺮﻭﻥ ﺍﻟﻠﻲ ﻗﺎﻋﺪ ﻳﺮﺟﻒ ﺭﻏﻤﺎ ﻋﻨﻪ ..
ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﻟﻤﺎ ﺭﺍﺗﻪ ﺧﺶ .. ﻭﺳﻤﻌﺖ ﺻﻮﺗﻪ ﻭﻫﻮ ﻳﻘﻮﻝ ..
" ﺍﻟﺴﻼﻡ ﻋﻠﻴﻜﻢ .."
ﺍﺑﺘﺴﻤﻮﺍ ﺭﺍﻧﻴﺎ ﻭﺭﺑﺎﺏ ﻭﻧﻮﺭ ﻟﻤﺎ ﺷﺎﻓﻮﻩ ...
ﻛﺎﻥ ﻻﺑﺲ ﺳﺮﻭﺍﻝ ﺟﻴﻨﺰ ﺍﺳﻮﺩ ..
ﻭﺗﻴﺸﺮﺕ ﺍﺑﻴﺾ .. ﻋﻠﻴﻪ ﺯﻱ ﺍﻟﺴﻮﺭﻳﻪ ﻟﻮﻧﻬﺎ ﺍﺳﻮﺩ ﻣﻔﺘﻮﺣﻪ ﻧﺺ ﻛﻢ ...
ﻗﺎﻳﻢ ﺷﻌﺮﻩ .. ﻭﻻﺑﺲ ﻧﻈﺎﺭﺍﺕ ...
ﺑﺶ ﻳﺨﻔﻲ ﺑﻴﻬﻢ ﺩﻣﻮﻋﻪ ..
ﻧﺰﻝ ﻟﺤﻨﺎﻩ ﻭﺣﻀﻨﻬﺎ ﻭﻫﻲ ﺣﻀﻨﺎﺗﻪ ﻭﻋﻴﻮﻧﻬﺎ ﻣﻐﻤﻀﺎﺕ ﺑﺸﺪﻩ ﻭﺗﻘﻮﻝ : ﻃﻴﺐ ﻉ ﺳﻼﻣﺘﻚ ﻳﺎﻭﻟﻴﺪﻱ .. ﺍﻟﺤﻤﺪ ﻟﻠﻪ ﺍﻟﻠﻲ ﺭﺩﻙ ﻃﻴﺐ ﻳﺎﻭﻟﻴﺪﻱ .. ﺍﻟﺤﻤﺪ ﻟﻠﻪ ﺍﻟﻠﻲ ﺭﻳﺘﻚ ﻣﺎﺑﻴﻚ ﺷﻲ ﻳﺎﻭﻟﻴﺪﻱ ..
ﻋﻤﺎﺩ ﺩﺍﻓﻦ ﻭﺟﻬﻪ ﻓﺮﻗﺒﺘﻬﺎ ﺍﻟﻤﻐﻄﻴﻪ ﺑﻄﺮﻑ ﺭﺩﺍﻫﺎ ﻭﻳﺸﻢ ﻓﻲ ﺭﻳﺤﺘﻬﺎ ﺍﻟﻠﻲ ﻳﻤﻮﺕ ﻋﻠﻴﻬﺎ .. ﻳﺴﻤﻊ ﻓﻜﻼﻣﻬﺎ ﻭﺩﻣﻮﻋﻪ ﺗﻨﺰﻝ ...
ﻭﺍﻟﻜﻞ ﻳﺸﻮﻓﻠﻬﻢ ﻭﺑﺪﻭﺍ ﻳﺒﻜﻮﺍ ..
ﻭﺍﻛﺜﺮ ﻣﻦ ﻳﺒﻜﻲ ﺭﺍﻧﻴﺎ ﻭﺭﺯﺍﻥ ...
ﺗﻤﻨﻮﺍ ﺍﻟﺰﻭﺯ ﻟﻮ ﻳﻜﻮﻥ ﺭﻣﺰﻱ ﻣﻊ ﻋﻤﺎﺩ ﻓﻬﺎﻟﻤﻮﻗﻒ ..
ﻃﻮﻝ ﻭﻫﻮ ﺣﺎﺿﻨﻬﺎ ..
ﺑﻌﺪﻳﻦ ﺑﻌﺪﺍﺗﻪ ﻭﻫﻲ ﺷﺎﺩﺓ ﻭﺟﻬﻪ : ﺿﻌﻔﺖ ﻳﺎﻛﺒﺪﻱ ﻭﻭﺟﻬﻚ ﻛﻠﻪ ﺧﺒﺎﺵ .. ﻳﺎﻣﻴﻨﺘﻲ ..
ﺍﺑﺘﺴﻢ ﻭﻗﺮﺏ ﺑﺎﺱ ﺭﺍﺳﻬﺎ .. ﺑﻌﺪﻳﻦ ﺑﻌﺪ ﻭﻗﺎﻝ ﺑﺼﻮﺕ ﻣﺒﺤﻮﺡ : ﺍﻟﻤﻬﻢ ﺍﻧﺘﻲ ﺷﻦ ﺣﺎﻟﻚ ..
ﻓﺎﻃﻤﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺑﺎﻫﻴﻪ .. ﺑﺎﻫﻴﻪ .. ﺍﻟﺤﻤﺪ ﻟﻠﻪ ..
ﻋﻤﺎﺩ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ..
ﻧﻌﻴﻤﻪ : ﺣﻤﺪﻟﻠﻪ ﻉ ﺳﻼﻣﺘﻚ ﻋﻤﻮﺩﻩ ..
ﺷﺒﺢ ﻟﺨﺎﻟﺘﻪ ﻭﺍﺑﺘﺴﻢ ..
ﻭﺧﺮ ﻋﻦ ﺣﻨﺎﻩ ﻭﻭﻗﻒ ﻉ ﺣﻴﻠﻪ ﻭﻣﺸﺎﻟﻬﺎ ..
ﻫﻲ ﻧﺎﺿﺘﻠﻪ ....
ﺣﻂ ﻳﺪﻩ ﻭﺭﺍ ﺭﺍﺳﻬﺎ ﻭﺣﻀﻨﻬﺎ ﻭﻫﻮ ﻳﺒﻮﺱ ﻓﺮﺍﺳﻬﺎ ..
ﻭﻧﻌﻴﻤﻪ ﺗﻘﻮﻝ : ﺍﻟﺤﻤﺪ ﻟﻠﻪ ﺍﻟﻠﻲ ﺭﻭﺣﺖ ﻃﻴﺐ ..
ﺑﻌﺪﻫﺎ ﺟﻲ ﻟﺰﻳﻨﺐ ..
ﺍﻟﻠﻲ ﻛﺎﻧﺖ ﺗﺸﻮﻓﻠﻪ ﺑﺈﺑﺘﺴﺎﻣﻪ ﻓﻴﻬﺎ ﺧﺠﻞ ﻛﺒﻴﺮ ..
ﺧﺠﻞ ﻣﻦ ﻧﻮﻉ ﺗﺎﻧﻲ .. ﻣﺘﺤﺸﻤﻪ ﻣﻨﻪ ﻭﻳﻦ ﻳﺨﻄﺮ ﻋﻠﻴﻬﺎ ﺍﻟﻠﻲ ﻗﺎﻻﺗﻪ ﻋﻠﻴﻪ ﺗﻜﺮﻩ ﺭﻭﺣﻬﺎ ..
ﻫﻮ ﻧﺰﻟﻠﻬﺎ ﻭﺣﻀﻨﻬﺎ ﻭﻫﻮ ﻳﺒﻮﺱ ﻓﺮﺍﺳﻬﺎ ..
ﻭﻫﻲ ﻗﺎﻟﺖ ﺑﺼﻮﺕ ﻳﺪﻭﺏ ﻃﺎﻟﻊ ﻣﻦ ﺣﺸﻤﺘﻬﺎ : ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺑﻌﺪ ﻭﻫﻮ ﻳﻘﻮﻝ : ﺍﻟﻠﻪ ﻳﺴﻠﻤﻚ ..
ﺑﻌﺪﻳﻦ ﻧﺎﺽ ..
ﺳﻠﻢ ﻉ ﺭﺑﺎﺏ ..
ﻭﺑﻌﺪﻫﺎ ﺭﺍﻧﻴﺎ ﺍﻟﻠﻲ ﺻﺎﻓﺤﻬﺎ ﺑﺈﻳﺪﻳﻪ ﺍﻟﺰﻭﺯ ..
ﻭﺭﺍﻧﻴﺎ ﺗﻤﺴﺢ ﻓﺪﻣﻮﻋﻬﺎ ﻭﻫﻲ ﺗﺸﻮﻓﻠﻪ ﺑﺈﺑﺘﺴﺎﻣﻪ ﺃﻟﻢ ..
ﺑﻌﺪﻫﺎ ..
ﺟﻲ ﻟﺮﺯﺍﻥ ...
ﺍﻟﻠﻲ ﻟﻤﺎ ﺷﺎﻑ ﺩﻣﻮﻋﻬﺎ ﻗﻠﺒﻪ ﺍﻧﻔﻄﺮ
ﻣﺎﻛﺎﻧﺶ ﻳﺒﻲ ﻳﺴﻠﻢ ﻋﻠﻴﻬﺎ ﻻ ..
ﻛﺎﻥ ﻳﺒﻲ ﻳﺎﺧﺪﻫﺎ ﻓﺤﻀﻨﻪ .. ﻳﺪﺧﻠﻬﺎ ﻓﻲ ﻗﻠﺒﻪ ..
ﻣﻦ ﺷﻮﻗﻪ ﻟﻴﻬﺎ ﻭﻣﻦ ﻭﺟﻌﻪ ﻟﻮﺟﻌﻬﺎ ...
ﺻﺎﻓﺤﻬﺎ ﺑﺈﻳﺪﻳﻪ ﺍﻟﺰﻭﺯ ... ﻭﺷﺪ ﻉ ﻳﺪﻫﺎ ﻫﻠﺒﻪ .. ﻳﺪﻫﺎ ﺍﻟﻠﻲ ﺷﺒﻪ ﺍﺧﺘﻔﺖ ﺑﻴﻦ ﺍﻳﺪﻳﻪ ﺿﺨﺎﻡ ﺍﻟﺤﺠﻢ ..
ﻣﺎﻗﺪﺭﺵ ﻳﻤﻨﻊ ﻧﻔﺴﻪ ﻣﻦ ﺍﻧﻪ ﻳﻤﺴﺢ ﻉ ﺭﺍﺳﻬﺎ ..
ﻭﻫﻲ ﺣﺮﻛﺘﻪ ﻫﺎﺩﻱ ﺧﻠﺖ ﻗﻠﺒﻬﺎ ﺑﻴﻔﺮ ..💓
ﻃﻠﻖ ﻳﺪﻫﺎ ﺑﺎﻟﺴﻴﻒ ...
ﻭﻣﺸﻲ ﺳﻠﻢ ﻉ ﺭﻓﻘﻪ ..
ﻭﻣﻦ ﺑﻌﺪﻫﺎ ﻧﻮﺭ ....
ﺑﻌﺪﻳﻦ ﻭﺧﺮ ﻭﻫﻮ ﻳﺸﻮﻓﻠﻬﻢ ..
ﻗﺎﻝ : ﻣﺎﻋﻨﺪﻱ ﺷﻲ ﻧﻘﻮﻟﻪ ﻉ ﺍﻟﻠﻲ ﺻﺎﺭ ﻭﻻﻧﺒﻲ ﻧﺸﺮﺡ ﻟﺤﺪ ﺣﺎﺟﻪ .. ﺑﺲ ﺑﻨﻘﻮﻝ ﺷﻲ ﻭﺍﺣﺪ .. ﺍﻧﺘﻢ ﻋﻴﻠﺘﻲ ﻭﺍﻧﻲ ﻭﻟﺪﻛﻢ ﺍﻟﻠﻲ ﻳﻮﺟﻌﻜﻢ ﻳﻮﺟﻌﻨﻲ ... ﺣﺮﻙ ﻳﺪﻩ ﻣﻦ ﺍﻟﻴﻤﻴﻦ ﻟﻠﻴﺴﺎﺭ ﻭﻫﻮ ﻳﻘﻮﻝ .. ﻣﺎﻧﻲ ﻣﺨﻠﻲ ﺷﻲ ﻳﺨﺶ ﺑﻴﻨﻲ ﻭﺑﻴﻨﻜﻢ .. ﻭﺍﻧﻲ ﺍﻟﻠﻲ ﻳﺒﻴﻌﻨﻲ ﻣﺎﻧﺸﺮﻳﻪ .. ﻣﺎﻋﺪﺍ ﻋﻴﻠﺘﻲ ﻟﻮ ﺗﺒﻴﻌﻨﻲ ﺍﻟﻒ ﻣﺮﺓ ﻧﺸﺮﻳﻬﺎ ﻣﻠﻴﻮﻥ ﻣﺮﺓ ...
🍃 ﻛﺎﻥ ﻻﺯﻡ ﻳﻘﻮﻝ ﻫﺎﻟﻜﻼﻡ .. ﻷﻥ ﺍﻻﻭﺿﺎﻉ ﻛﻞ ﻣﺎﻟﻬﺎ ﺗﺘﻌﻘﺪ ﻭﺍﻟﺤﺴﺎﺳﻴﺎﺕ ﺣﺘﺰﻳﺪ ﺍﻛﺜﺮ ﻭﺍﻛﺜﺮ 🍃
ﻛﻠﻬﻢ ﺍﺑﺘﺴﻤﻮﺍ ﻟﻜﻼﻣﻪ ..
ﻓﺎﻃﻤﻪ : ﻭﻟﻴﺪﻧﺎ ﻣﺎﻧﺒﻴﻌﻮﻩ ﻳﺎﻛﺒﺪﻱ ﻟﻮ ﺷﻦ ﻳﺼﻴﺮ ..
ﺍﺑﺘﺴﻢ ﻭﻗﺎﻝ : ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻭﻳﺤﻔﻈﻚ .. ﻣﺮﺭ ﻧﻈﺮﻩ ﻋﻠﻴﻬﻢ ﻭﻗﺎﻝ ... ﺇﻥ ﺷﺎﺀ ﺍﻟﻠﻪ ﻫﺪﺍ ﺣﺪ ﺍﻟﺴﻮ .. ﺍﻟﺴﻼﻡ ﻋﻠﻴﻜﻢ ..
ﻭﻟﻒ ﻭﻃﻠﻊ ..
🌳🌳🌳🌳🌳🌳🌳🌳🌳🌳🌳🌳🌳🌳🌳
ﻫﻴﺎ ﺑﺴﺮﻋﻪ ﺳﻘﺪﻥ ﺑﺎﻟﻐﺪﻱ ..
: ﻫﻴﺎ ﻫﻲ ..
ﻃﻠﻊ ﻣﻦ ﺣﺪﺍﻫﻢ ..
ﻭﻫﻤﺎ ﺍﻷﺭﺑﻌﻪ ﺯﻱ ﺧﻠﻴﺔ ﺍﻟﻨﺤﻞ ﻳﺨﺪﻣﻮﺍ ﻉ ﻏﺪﻱ ﺿﻴﻮﻓﻬﻢ ..
ﻓﺠﺮﺓ .. ﻭﺻﺎﻝ .. ﻧﺪﻯ .. ﻣﻮﺩﺓ ..
ﻓﺠﺮﺓ " ﺍﻟﻜﺒﻴﺮﺓ :" ﻭﺻﺎﻝ ﻗﺼﺼﺘﻲ ﺍﻟﻄﺎﺟﻴﻦ ..
ﻭﺻﺎﻝ ﺟﺎﺑﺖ ﺍﻟﺼﻮﺍﻧﻲ : ﺍﻳﻪ ﺍﻫﻮﺍ ..
ﻭﺣﻄﺎﺗﻪ ..
ﻣﻮﺩﻩ ﻭﻫﻲ ﺗﺤﻂ ﻓﻲ ﺍﻟﻤﺴﻴﺮ : ﺑﺎﻟﻠﻪ ﻳﺎﺑﻨﺎﺕ ..
ﺷﺒﺤﻮﻟﻬﺎ ..
ﻓﺠﺮﺓ : ﺷﻨﻲ؟
ﻣﻮﺩﺓ : ﺭﻳﺘﻦ ﺻﺎﺣﺐ ﻋﺒﺪﺍﻟﻔﺘﺎﺡ ..
ﻭﺻﺎﻝ : ﺍﻳﻪ ﻳﺪﻭﺏ ﻟﻤﺤﺘﻪ ..
ﻣﻮﺩﺓ : ﺍﻧﻲ ﺭﻳﺘﻪ ﻳﻬﺒﻞ ﻳﻬﺒﻞ ﻳﻄﺮﺷﻖ ..
ﻧﺪﻯ : ﺗﺒﻲ ﻛﻒ ﺍﻧﺘﻲ ﺗﺸﺒﺤﻲ ﻟﺼﺤﺎﺏ ﺧﻮﺗﻚ ﻣﻦ ﺍﻣﺘﻰ؟
ﻣﻮﺩﺓ ﺑﺮﺑﻜﻪ : ﻭﺍﻟﻠﻪ ﻳﺎﻧﺪﻯ ﺻﺪﻓﻪ ﻓﺘﺤﺖ ﺍﻟﺮﻭﺷﻦ ﺭﻳﺘﻪ ﻭﻫﻮ ﻃﻠﻊ ﻳﻐﺴﻞ ﻓﻲ ﻭﺟﻬﻪ ﺑﺮﺍ ..
ﻓﺠﺮﺓ : ﺣﻲ ﻧﻬﺎﺭ ﺍﺣﺮﺵ ﻟﻴﺶ ﻳﻐﺴﻞ ﻓﻴﻪ ﺑﺮﺍ !!
ﻭﺻﺎﻝ؛ﻣﺎﻓﻴﻪ ﺷﻲ ﺍﻟﺤﻤﺎﻡ ﺍﺻﻼ ﺟﺪﻳﺪ ﻭﻣﺶ ﻣﺴﺘﻌﻤﻞ ﻭﺯﻳﺎﺩﺓ ﻧﻀﻔﻨﺎﻩ ..
ﻧﺪﻯ : ﺑﺎﻙ ﺯﺣﻤﺖ ﻋﻠﻴﻪ ﻃﻠﻊ ﻏﺴﻞ ﻭﺟﻬﻪ ﺑﺮﺍ ..
ﻣﻮﺩﺓ ﺑﺤﻤﺎﺱ : ﺍﻟﻤﻬﻢ ﻧﻜﻤﻠﻠﻦ ..
ﻣﺴﺢ ﻭﺟﻬﻪ ﺑﻬﺪﻳﻜﺎ ﺍﻟﻔﻮﻃﻪ ﺍﻟﻠﻲ ﻛﺎﻧﺖ ﻣﺤﻄﻮﻃﻪ ﻉ ﻛﺘﻔﻪ .. ﻭﺷﺒﺢ ﻟﺸﺠﺮﺓ ﺍﻟﺰﻳﺘﻮﻥ ﻭﺍﻟﺸﻤﺲ ﺗﺠﻴﻪ ﻋﻠﻴﻪ .. ﻳﺎﻏﺒﺎﺭﺗﻜﻦ ﻏﺒﺎﺭﺓ ﻛﺎﻥ ﺭﻳﺘﻨﻪ ..
ﻧﺪﻯ : ﻏﺒﺎﺭﺓ ﻉ ﺩﻣﺎﻏﻚ ﺑﺮﻭﺣﻚ ﻳﺎﺣﻤﺎﺭﺓ ﻣﺎﺗﺒﻲ ﺍﻻ ﻃﺮﻳﺤﻪ .. ﺍﻟﻬﻲ ﺑﺎﻟﻠﻲ ﻓﻴﺪﻙ ﺑﻼﺵ ﻗﻠﺔ ﺃﺩﺏ ..
ﺍﻟﺘﻔﺘﺖ ﻟﻠﻤﺴﻴﺮ ﻭﻫﻲ ﻣﻨﺤﺮﺟﻪ ﺗﻤﺘﻢ ﻉ ﺍﺧﺘﻬﺎ ﻓﺴﺮﻫﺎ ..
ﻭﺧﻮﺍﺗﻬﺎ ﻳﻀﺤﻜﻮﺍ ﻋﻠﻴﻬﺎ ...
🍁 ﻓﻲ ﺍﻟﺤﻮﺵ ﺍﻟﻠﻲ ﺟﻨﺒﻬﻢ ..
ﻏﺎﻟﻴﻪ : ﺣﺴﻨﻲ ﻣﺘﺤﺸﻤﻪ ..
ﺣﻤﻴﺪﻩ : ﺍﻟﻠﻪ ﻏﺎﻟﺐ ..
ﺳﻤﻴﻪ؛ﻟﻜﻦ ﺗﺤﺴﻴﻬﻢ ﻧﺎﺱ ﻣﺎﺷﺎﺀ ﺍﻟﻠﻪ ﻋﻠﻴﻬﻢ ﺍﻟﺤﻖ ﻛﻴﻒ ﺭﺣﺒﻮﺍ ﺑﻴﻨﺎ ..
ﺣﻤﻴﺪﻩ : ﺣﺘﻰ ﺍﻟﺤﻮﺵ ﺍﻟﻠﻲ ﻋﻄﻬﻮﻟﻨﺎ .. ﻣﺶ ﺍﻱ ﺣﺪ ﻳﻌﻄﻴﻚ ﺣﻮﺵ ﺟﺪﻳﺪ ﻣﺎﻧﺎﻗﺼﺎﺗﻪ ﺣﺎﺟﻪ ..
ﻏﺎﻟﻴﻪ : ﻭﻫﺪﻯ ﺍﻟﻠﻲ ﻣﺨﻠﻴﻨﻲ ﻣﺘﺤﺸﻤﻪ ﺑﺰﺍﻳﺪ ..
" ﻏﺎﻟﻴﻪ .."
ﻏﺎﻟﻴﻪ : ﺗﻌﺎﻝ ﻳﺎﻫﺎﻧﻴﺒﺎﻝ ..
ﺧﺶ ﻋﻠﻴﻬﻢ ﺑﻌﺪﻳﻦ ﻗﺎﻝ : ﺍﻟﻴﻮﻡ ﺑﺲ ﺍﻟﻨﺎﺱ ﺗﺨﺪﻡ ﻉ ﻣﺎﻛﻠﺘﻨﺎ .. ﻏﺪﻭﺓ ﻣﻦ ﺍﻟﺼﺒﺢ ﺑﻨﻄﻠﻊ ﻧﺠﻴﺐ ﺍﻟﻨﺎﻗﺺ .. ﺍﻛﺘﺒﻴﻪ ﻓﻮﺭﻗﻪ ﻭﺭﺍﻙ ﺗﻨﺴﻲ ﺷﻲ ..
ﻃﻖ ﺑﺎﺏ ﺍﻟﺤﻮﺵ ..
ﻣﺸﻲ ﻫﺎﻧﻴﺒﺎﻝ ﺑﻴﻔﺘﺤﻪ ...
ﺣﻤﻴﺪﻩ ﺑﻀﺤﻜﻪ : ﺯﻋﻢ ﺷﻦ ﺩﺍﻳﺮﻳﻦ ..
ﻏﺎﻟﻴﻪ ﻭﺳﻤﻴﻪ ﺿﺤﻜﻮﺍ ..
ﻭﻫﻲ ﻋﻀﺖ ﻉ ﺷﺎﺭﺑﻬﺎ ﻭﺿﺤﻜﺖ ..
ﺷﻮﻳﻪ ..
ﺧﺸﻠﻬﻢ ﻫﺎﻧﻴﺒﺎﻝ ﺑﺎﻟﺼﻔﺮﺓ ..
ﻧﺎﺿﺖ ﻏﺎﻟﻴﻪ ﺧﺪﺗﻬﺎ ﻣﻨﻪ ...
ﺑﻌﺪﻳﻦ ﻫﻮ ﻭﻻ ﻃﻠﻊ ﺑﺶ ﺑﻴﺘﻐﺪﺍ ﻓﻲ ﺣﻮﺵ ﺍﻫﻞ ﺻﺎﺣﺒﻪ ..
🍁 ﺣﻮﻟﺖ ﺣﻤﻴﺪﻩ ﺍﻟﻐﻄﺎ ﻣﻦ ﺍﻟﺼﻮﻧﻴﻪ .
ﻭﺗﻔﻮﺡ ﻋﻠﻴﻬﺎ ﺭﻳﺤﺔ ﺍﻟﻜﺴﻜﺴﻲ ﺑﺎﻟﺒﺼﻠﻪ ﻭﻫﺪﺍﻛﺎ ﺍﻟﻠﺤﻢ ﺑﺄﺣﺠﺎﻡ ﻛﺒﻴﺮﺓ ﻣﻐﻄﻴﻪ ..
ﺣﻤﻴﺪﻩ : ﻭﻭﻩ ﻣﻌﺎﺵ ﻗﺎﺩﺭﻩ ﻧﺼﺒﺮ ..
ﺳﻤﻴﻪ : ﺷﻮﺭﻫﻢ ﻣﺤﺼﻠﻴﻦ ﻏﺎﺯ ..
ﻏﺎﻟﻴﻪ : ﻗﺎﻟﻮﺍ ﺑﺪﻱ ﻳﺠﻴﻬﻢ ..
.....
ﻋﺒﺪﺍﻟﻔﺘﺎﺡ؛ﺗﻲ ﻏﻴﺮ ﺷﻦ ﺗﻘﻮﻝ ﻳﺎﺭﺍﺟﻞ ﺭﻳﺖ ﻫﺎﻟﺤﺎﺟﻪ ﺍﻟﻜﺒﻴﺮﺓ ﺳﻤﻲ ﺑﺎﻟﻠﻪ ﻭﺍﺑﺪﺍ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ؛ﺗﺴﻠﻢ ..
ﻭﺑﺪﻱ ﻫﺎﻧﻴﺒﺎﻝ ﻳﺎﻛﻞ ﻭﻫﻮ ﻣﺤﺮﺝ ..
ﻋﻼﻗﺘﻪ ﺑﻌﺒﺪﺍﻟﻔﺘﺎﺡ ﺟﺪﻳﺪﻩ ﻣﻦ ﻗﺒﻞ ﺍﻟﺜﻮﺭﺓ ﺑﺸﻬﺮﻳﻦ ﻣﺶ ﻫﺪﻳﻜﺎ ﺍﻟﺼﺤﺒﻪ ﻟﻜﻦ ﺍﻧﺴﺠﻤﻮﺍ ﻭﺗﺮﻳﺤﻮﺍ ﻟﺒﻌﺾ ..
....
ﻧﺠﺎﺓ " ﺍﻷﻡ :" ﺣﻄﻦ ﺍﻟﺸﺎﻫﻲ ﺍﻷﺧﻀﺮ ﻉ ﺍﻟﻨﺎﺭ ﻗﺎﻝ ﻋﺒﺪﺍﻟﻔﺘﺎﺡ ..
ﻣﻮﺩﺓ " ﺷﻜﻠﻪ ﻳﺤﺐ ﺍﻟﺸﺎﻫﻲ ﺍﻷﺧﻀﺮ :" ﺣﺎﺿﺮ ﻳﻤﻲ ..
ﻭﻣﺸﺖ ﻃﻮﻝ ﻟﻠﺪﻭﻻﺏ ﺑﺶ ﺍﻃﻠﻊ ﺑﺎﻛﻮ ﺍﻟﺤﺸﻴﺸﻪ ﺍﻟﺨﻀﺮﺍ ...
ﻃﻠﻌﺖ ﻣﻦ ﺣﺪﺍﻫﺎ ﻧﺠﺎﺓ ..
ﻭﻣﺸﺖ ﻟﻠﺪﺍﺭ ﻭﻳﻦ ﻣﺎﻣﻘﻌﻤﺰﺍﺕ ﺑﻨﺎﺗﻬﺎ ﺑﺼﻔﺮﺓ ﺍﻟﻐﺪﻱ ﻳﺮﺍﺟﻮ ﻓﻴﻬﺎ ﻫﻲ ﻭﻣﻮﺩﺓ ..
ﻗﻌﻤﺰﺕ ﻭﻫﻲ ﺗﻘﻮﻝ : ﺑﻌﺪ ﺍﻟﻐﺪﻱ ﻧﻌﺪﻭﻟﻬﻢ ..
ﻓﺠﺮﺓ : ﺣﺎﺿﺮ ..
🍁🍁🍁🍁
ﻭﻟﻴﺶ ﻳﺎﻛﺒﺪﻱ ﻳﺤﻂ ﻓﺘﺮﻫﻮﻧﻪ ! ؟ﻣﺶ ﻃﺮﺍﺑﻠﺲ ﻣﺎﺯﺍﻝ ﺁﻣﻨﻪ ﺧﻴﺮ ﻣﻨﻬﺎ ..
ﺿﻮ : ﻻﻳﻤﻲ ﺣﺘﻰ ﺗﺮﻫﻮﻧﻪ ﻣﺎﻋﻨﺪﻫﻢ ﺷﻲ .. ﺑﻌﺪﻳﻦ ﻫﻮ ﻫﻜﻲ ﻳﺒﻲ ..
ﻣﺮﺿﻴﻪ : ﺑﺎﻫﻲ ﺗﻘﻠﻨﻲ ﺑﻌﺪﻳﻦ ﻧﺸﻮﻑ ﺍﻟﺤﺎﺟﻪ ﻓﺎﻃﻤﻪ .
ﺿﻮ : ﺣﺎﺿﺮ ..
ﻫﺪﺍ ﻛﻠﻪ ﻭﻣﺮﺍﻡ ﺗﺴﻤﻊ ﻓﻲ ﺣﻮﺍﺭﻫﻢ ﺑﻘﻠﺒﻬﺎ ﻭﻋﻘﻠﻬﺎ ﻭﺩﺍﻳﺮﺓ ﺭﻭﺣﻬﺎ ﻻﻫﻴﻪ ﻣﻊ ﺍﻟﺘﻠﻔﺰﻳﻮﻥ ..
🍃🍃🍃🍃🍃
ﻭﺗﻤﺮ ﺍﻷﻳﺎﻡ ..
ﻭﺷﺒﻪ ﺍﻷﺣﻮﺍﻝ ﺑﺪﺕ ﺗﺘﺤﺴﻦ .. ﻓﻲ ﺍﻟﻌﺎﺻﻤﻪ ﻭﺍﻏﻠﺐ ﻣﺪﻥ ﺍﻟﻐﺮﺏ ﺍﻟﻠﻴﺒﻲ ..
ﻭﺍﻟﻨﺎﺱ ﻗﺎﻋﺪﻳﻦ ﻋﺎﻳﺸﻴﻦ ﻓﻲ ﺍﻟﺨﻴﺎﻝ ﺍﻟﻠﻲ ﻭﻻ ﺣﻘﻴﻘﻪ ..
" ﺍﻟﻘﺬﺍﻓﻲ ﺍﻧﺘﻬﻰ .."
ﻋﻠﻢ ﺍﻟﺪﻭﻟﻪ ﺍﻟﻠﻴﺒﻴﻪ ﺭﺟﻊ ﻳﺮﻓﺮﻑ ﻣﻦ ﺟﺪﻳﺪ ﺑﻌﺪ 41 ﻋﺎﻡ ..
ﺍﻏﺎﻧﻲ ﺍﻟﺜﻮﺭﺓ ﺍﻟﻠﻲ ﺍﻏﻠﺒﻬﺎ ﺗﺬﻡ ﻓﻴﻪ ﻭﺗﺴﺐ ﺗﺼﺪﺡ ﻓﻲ ﻛﻞ ﺗﺮﻛﻴﻨﻪ ..
ﻋﻤﺎﺩ ﻭﻫﻮ ﻳﺪﻫﻮﺭ ﻓﻲ ﺷﻮﺍﺭﻉ ﺍﻟﻌﺎﺻﻤﻪ ﻭﻳﺸﻮﻑ ﻓﻲ ﻫﺪﺍ ﻛﻠﻪ ..
ﻣﺘﺄﻣﻞ ﻫﻠﺒﻪ ﻓﻲ ﺃﻳﺎﻡ ﺣﻠﻮﺓ ﺟﺎﻳﻪ ﻭﻫﻮ ﻳﺸﻮﻑ ﻓﻲ ﺍﻟﺪﻧﻴﺎ ﺣﻮﺍﻟﻴﻪ ﻛﻴﻒ ﻭﻟﺖ ...
ﻛﺎﻥ ﻓﻲ ﺣﻮﺵ ﺍﻫﻞ ﺳﻴﻔﺎﻭ ﺗﻐﺪﺍ ﻋﻨﺪﻫﻢ .. ﻭﺷﺎﻑ ﺻﻐﻮﻳﺮﺗﻪ ﻭﻟﻌﺐ ﻣﻌﺎﻫﻢ ..
ﺑﻌﺪﻳﻦ ﺗﻮﻛﻞ ﻟﺤﻮﺵ ﺧﺎﻟﻪ ﺣﻤﻴﺪ ﺑﺶ ﻳﻄﻤﻦ ﻉ ﺣﻨﺎﻩ ..
ﻭﻧﺎﺱ ﺍﺧﺮﻳﻦ ..💓
💕 ﻭﺻﻞ ﻏﺎﺩﻱ ..
ﺩﺭﺱ ﺍﻟﺴﻴﺎﺭﺓ ..
ﻭﻧﺰﻝ ﺭﻥ ﻉ ﺧﺎﻟﻪ ..
ﺻﻜﺮ ﺑﺎﺏ ﺍﻟﺴﻴﺎﺭﺓ ﻭﻭﻗﻒ ﻳﺴﺘﻨﻰ ..
ﻓﺘﺤﻠﻪ ﻗﻴﺲ ﺳﻠﻢ ﻋﻠﻴﻪ ﻭﺧﺶ ﺩﺍﺧﻞ ..
🍁🍁🍁
ﺭﻓﻘﻪ : ﺣﻨﻴﻨﻪ ﻋﻤﺎﺩ ﻳﺒﻴﻚ ﺩﺍﺧﻞ ..
ﻓﺎﻃﻤﻪ : ﻭﺧﻴﺮﻩ ﻣﺎﻳﺠﻲ ﻫﻨﻰ ﻣﺎﻫﻨﺎﻙ ﺣﺪ ..
ﺭﻓﻘﻪ : ﻗﺎﻟﻪ ﺑﺎﺑﺎ ﻟﻜﻦ ﻫﻮ ﻣﺎﺑﺎﺵ ..
ﻓﺎﻃﻤﻪ : ﺑﺎﻫﻲ ﺑﺎﻫﻲ .. ﻧﺎﺿﺖ ﻭﻫﻲ ﺗﻘﻮﻝ .. ﻳﺎﺭﺏ ﺍﻟﺒﻴﺖ ﺍﺳﺘﺮ ﻣﺎﺭﻳﺖ ..
ﻣﺸﺖ ﻓﺎﻃﻤﻪ ..
ﻭﺭﻓﻘﻪ ﻣﺸﺖ ﻟﺪﺍﺭﻫﺎ ..
ﻟﻘﺖ ﺭﺯﺍﻥ ﻣﻘﻌﻤﺰﺓ ﺗﺒﺮﺑﺶ ﻓﺘﻠﻴﻔﻮﻧﻬﺎ ..
ﺭﻓﻘﻪ : ﻋﻼﺵ ﻣﺎﻃﻠﻌﺘﻴﺶ ﺳﻠﻤﺘﻲ ..
ﺭﺯﺍﻥ ﺑﺘﺼﻨﻊ ﺍﻟﻼﻣﺒﺎﻻﺓ : ﻣﺶ ﻻﺯﻡ ..
ﺭﻓﻘﻪ : ﻣﺶ ﻋﺎﺭﻓﻪ ﻋﻼﺵ ﻣﺎﻃﻴﻘﻴﺸﻲ ﻋﺴﻞ ﻋﻤﺎﺩ ..
ﺷﺒﺤﺘﻠﻬﺎ ﺑﺤﺪﻩ : ﻭﺍﻧﺘﻲ ﻣﺶ ﺗﺒﻲ ﺧﻮﻩ؟ !
ﺭﻓﻘﻪ ﺑﻀﺤﻜﻪ : ﺍﻳﻪ ﺑﺎﻫﻲ ﻭﺍﻧﻲ ﺷﻦ ﻗﻠﺖ .. ﻛﻼﻣﻲ ﻋﺎﺩﻱ .. ﻗﺼﺪﻱ ﺍﻥ ﻋﻤﺎﺩ ﻛﻮﻳﺲ ﻫﻠﺒﻪ ﻣﺎﺍﻋﺘﻘﺪﺵ ﺍﻧﻪ ﺩﺍﺭﻟﻚ ﺷﻲ ﻣﺨﻠﻴﻚ ﻫﻜﻲ ﺯﻱ ﺍﻟﻠﻲ ﺗﻜﺮﻫﻴﻪ ..
ﺭﺯﺍﻥ : ﻻﻧﻜﺮﻫﻪ ﻻﻧﺤﺒﻪ ﻭﻻﻳﻬﻤﻨﻲ ﻓﻲ ﺣﺎﺟﻪ ﻭﺑﺎﻟﻠﻪ ﻏﻴﺮﻱ ﺍﻟﻤﻮﺿﻮﻉ ﻭﻗﻮﻟﻴﻠﻲ ﺷﻦ ﺭﺍﻳﻚ ﻧﺪﻳﺮ ﺍﻟﺼﻮﺭﺓ ﻫﺎﺩﻱ ﺑﺮﻭﻓﺎﻳﻞ ..
ﺭﻓﻘﻪ ﺷﺒﺤﺘﻠﻬﺎ ﺑﺄﻟﻢ ..
ﻛﺎﻧﺖ ﺻﻮﺭﺓ ﺗﺘﻜﻠﻢ ﻋﻦ ﺍﻟﻢ ﺍﻟﻔﻘﺪ .. ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺭﺯﺍﻥ ﻭﺟﻬﺖ ﺗﻠﻴﻔﻮﻧﻬﺎ ﻟﻴﻬﺎ ﻭﻛﻤﻠﺖ ﺍﻟﻠﻲ ﺍﺩﻳﺮ ﻓﻴﻪ ..
....
ﻣﺎﺷﻲ ﻫﻮ ﻭﺧﺎﻟﻪ ﻭﺣﻨﺎﻩ ﻓﻲ ﺍﻟﻤﻤﺮ ..
ﻋﻤﺎﺩ : ﺍﻧﺘﻲ ﻏﻴﺮ ﺑﺮﻱ ﺟﻴﺒﻬﻤﻠﻲ ﻭﺍﻧﻲ ﺗﻮ ﻧﺪﺑﺮ ﻓﻴﻬﻢ ..
ﻓﺎﻃﻤﻪ : ﺑﺎﻫﻲ ﻫﻲ ﺷﻮﻳﻪ ﺑﺲ .. ﻣﺸﺖ ﻓﺎﻃﻤﻪ ..
ﺣﻤﻴﺪ : ﺑﺘﺴﻠﻢ ﺳﻼﺣﻚ؟
ﻋﻤﺎﺩ : ﻻ ﺑﻨﺨﻠﻴﻪ ﻋﻨﺪﻱ .. ﺃﺑﺘﺴﻢ ﻭﻗﺎﻝ .. ﺫﻛﺮﻯ ..
ﺣﻤﻴﺪ ﺑﺈﺑﺘﺴﺎﻣﻪ : ﻳﻌﻨﻲ ﺑﺘﻮﻟﻲ ﻟﺨﺪﻣﺘﻚ؟
ﻋﻤﺎﺩ : ﺑﻌﻮﻥ ﺍﻟﻠﻪ ..
ﺭﻥ ﺗﻠﻴﻔﻮﻥ ﺣﻤﻴﺪ ..
ﻃﻠﻌﻪ ﻣﻦ ﺟﻴﺒﻪ ﺭﺩ ﻭﺍﺷﺮ ﻟﻌﻤﺎﺩ ﺍﻧﻪ ﺑﻴﺨﺶ ..
ﻋﻤﺎﺩ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ...
...
ﻧﺰﻟﺖ ﺭﻓﻘﻪ ﺍﻟﺸﻨﻄﻪ ﻣﻦ ﻓﻮﻕ ﺍﻟﺪﻭﻻﺏ ..
ﻭﻣﺸﺖ ﻟﺤﻨﺎﻫﺎ ..
ﺭﻓﻘﻪ : ﻫﻲ ﻫﺎﺩﻱ
ﻓﺎﻃﻤﻪ : ﺗﺮﺍ ﺍﻓﺘﺤﻴﻬﻠﻲ
ﺍﺑﺘﺴﻤﺖ ﺭﻓﻘﻪ ﻭﺑﺪﺕ ﺗﻔﺘﺢ ﻓﻲ ﺍﻟﺴﺮﻳﺘﻪ ..
ﻓﻌﺰ ﺍﻧﺸﻐﺎﻟﻬﻢ ..
ﻃﻠﻌﺖ ﺭﺯﺍﻥ ﻭﻫﻲ ﺗﻤﺸﻲ ﺑﺤﺬﺭ
ﺳﻤﻌﺖ ﺻﻮﺗﻪ ﻳﺪﻧﺪﻥ ﻓﻲ ﺍﻏﻨﻴﻪ
" ﻭﻳﻦ ﻫﺮﺏ .. ﻭﻳﻦ ﻫﺮﺏ ﻳﺎﺳﺎﺩﻩ "
ﻭﻗﻔﺖ ﺣﺪﺍ ﺍﻟﺤﻴﻂ .. ﻭﻳﺪﻭﺏ ﺣﺎﻭﻟﺖ ﺗﺒﻴﻦ ﺭﺍﺳﻬﺎ ..
ﻟﻘﺎﺗﻪ ﻭﺍﻗﻒ ﻳﺸﻮﻑ ﻟﺘﻠﻴﻔﻮﻧﻪ ﻭﻳﻐﻨﻲ
ﻣﺮﺭﺕ ﻧﻈﺮﻫﺎ ﻋﻠﻴﻪ
ﻛﺎﻥ ﻻﺑﺲ ﺗﻴﺸﺮﺕ ﺭﺻﺎﺻﻲ ﻣﻌﻠﻘﺎﺕ ﻓﺮﻗﺒﺘﻪ ﻧﻈﺎﺭﺍﺗﻪ .
ﻭﺳﺮﻭﺍﻝ ﺟﻴﻨﺰ ﺍﺯﺭﻕ ..
ﻭﺷﻌﺮﻩ ﻣﺮﺑﻮﻁ ..
ﺭﻛﺰﺕ ﻉ ﺫﺭﺍﻋﻪ ﻛﻴﻒ ﻓﻴﻬﺎ ﺟﺮﺡ ..
ﻭﺭﻛﺰﺕ ﻉ ﺍﻟﺴﻠﺴﻠﻪ ﺍﻟﻠﻲ ﻛﺎﻧﺖ ﻋﺒﺎﺭﺓ ﻋﻦ ﻃﻮﻕ ﻓﻴﻪ ﺭﺻﺎﺻﻪ ..
ﺿﺤﻜﺖ ﻭﻭﺧﺮﺕ ﺭﺍﺳﻬﺎ ..
ﺑﻌﺪﻳﻦ ﺭﺟﻌﺖ ﺷﺎﻓﺘﻠﻪ ..
ﻟﻘﺎﺗﻪ ﺍﺗﻜﺎ ﻉ ﺍﻟﺤﻴﻂ ﻭﻫﻮ ﻣﺎﺯﺍﻝ ﻣﺮﻛﺰ ﻉ ﺗﻠﻴﻔﻮﻧﻪ ﻭﻫﻮ ﻳﻐﻨﻲ ..
ﺑﺲ ﺑﻜﻼﻡ ﻏﺮﻳﺐ ..
ﻛﺎﻥ ﻳﻐﻨﻲ ﻓﻲ ﺍﻏﻨﻴﺔ ﺍﻣﺎﺯﻳﻐﻴﻪ ..
ﻗﻌﺪﺕ ﺳﺮﺣﺎﻧﻪ ﻓﺘﻔﺎﺻﻴﻠﻪ ..
ﺑﺎﻟﺬﺍﺕ ﻣﻼﻣﺢ ﻭﺟﻬﻪ .. ﻭﻫﻮ ﻣﻨﺸﻐﻞ ﺑﺤﺎﺟﻪ ..
ﻛﺎﻧﺖ ﻋﻨﺪﻩ ﺣﺮﻛﻪ ﻣﻤﻴﺰﺓ ﻳﺪﻳﺮ ﻓﻴﻬﺎ .. ﻳﻘﻌﺪ ﻣﻀﻴﻖ ﻋﻴﻮﻧﻪ ﻟﻤﺎ ﻳﺮﻛﺰ ..
ﺣﻚ ﺣﺎﺟﺒﻪ .. ﻭﻛﻴﻒ ﺟﺎﻱ ﺑﻴﻘﻴﻢ ﺭﺍﺳﻪ .. ﻫﻲ ﺍﺩﺭﻗﺖ ..
ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﺟﻮ ﻓﻴﻪ ﺣﻨﺎﻫﺎ ﻭﺭﻓﻘﻪ ..
ﻭﻋﻤﺘﻚ ﻓﺎﻃﻤﻪ ﻗﺎﻟﺖ : ﺭﺯﺍﻥ ﺧﻴﺮﻙ ﻭﺍﻗﻔﻪ ﻫﻨﻲ ..
ﺭﺯﺍﻥ ﻗﺮﻳﺐ ﻣﺎﺗﺖ ﻭﻗﻌﺪﺕ ﻣﻔﻨﺼﻪ ﻋﻴﻮﻧﻬﺎ ..
ﻫﻮ ﺍﺑﺘﺴﻢ ﻭﺭﻓﻊ ﺣﺎﺟﺒﻪ ﺍﻷﻳﺴﺎﺭ ﻭﻗﺎﻝ : ﻣﻠﻌﻘﻪ ..!!
ﺭﻓﻘﻪ ﺿﺤﻜﺖ ..
ﻗﺪﻣﺖ ﻓﺎﻃﻤﻪ : ﺗﻌﺎﻟﻲ ﺳﻠﻤﻲ ﻉ ﻭﻟﺪ ﻋﻤﺘﻚ ﺑﻼﺳﻢ ﺍﻧﺎﺛﻲ ..
ﺭﻓﻘﻪ : ﻫﻬﻬﻬﻬﻪ .. ﺗﻌﺎﻟﻲ ﺭﻭﺯﻱ ..
ﻣﺎﻓﻴﺶ ﻗﺪﺍﻣﻬﺎ ﻏﻴﺮ ﺍﻧﻬﺎ ﺗﻄﻠﻊ ﺑﻌﺪ ﺍﻧﻔﻀﺤﺖ ﻫﺎﻟﻔﻀﻴﺤﻪ ﺍﻟﻠﻲ ﺑﺠﻼﺟﻞ ...😂
ﻃﻠﻌﺖ ﻭﻭﺟﻬﻬﺎ ﺍﺣﻤﺮ ﺯﻱ ﻧﺎﺭ : ﺍﺻﻼ ﻛﻨﺖ ﺑﻨﻌﺪﻱ ﺍﻟﻜﻮﺟﻴﻨﻪ ..
ﻣﺪ ﻳﺪﻩ ﻭﻗﺎﻝ ﻭﻫﻮ ﻳﻘﻠﺪ ﻓﺼﻮﺗﻬﺎ : ﻭﻟﻴﺶ ﻣﺎﻋﺪﻳﺘﻲ ﻳﺎﺣﻨﻪ .. ﻛﻤﻞ ﺑﺼﻮﺗﻪ .. ﺑﻨﺎﻛﻠﻮﻭﻙ !!
ﺭﻓﻘﻪ ﺗﻀﺤﻚ ﻭﺧﻼﺹ ..
ﻭﻓﺎﻃﻤﻪ ﺗﺸﻮﻓﻠﻬﺎ ﺑﺤﺪﻩ : ﺳﻠﻤﻲ ﻉ ﻭﻟﺪ ﻋﻤﺘﻚ ..
ﻣﺪﺕ ﺭﻭﺱ ﺻﻮﺍﺑﻌﻬﺎ ﻭﻳﺪﻭﺏ ﺳﻠﻤﺖ ﻭﻃﻮﻝ ﻣﺸﺖ ﻟﻠﻜﻮﺟﻴﻨﻪ ..
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺩﺭﻗﺖ ..
ﺍﺳﺘﺎﻗﺾ ﻉ ﺻﻮﺕ ﺣﻨﺎﻩ ﻭﻫﻲ ﺗﻘﻮﻝ : ﻫﻦ ﻫﺪﻳﻦ ﺑﺎﻛﻮﺍﺕ ﺍﻟﺪﻭﺍ ..
ﺍﺑﺘﺴﻢ ﻭﺧﺪﺍﻫﻢ ﻣﻦ ﺣﻨﺎﻩ ﻭﻗﺎﻝ : ﺗﻮ ﺑﺈﺫﻥ ﺍﻟﻠﻪ ﻏﺪﻭﺓ ﻳﻜﻮﻧﻮﺍ ﻋﻨﺪﻙ ..
ﻓﺎﻃﻤﻪ : ﺇﻥ ﺷﺎﺀ ﺍﻟﻠﻪ ..
ﻋﻤﺎﺩ : ﺍﺣﻤﻢ .. ﺣﻨﺎﻱ ﺑﻨﻘﻮﻟﻚ .. ﻋﻴﻮﻧﻜﻢ ﻉ ﺭﺯﺍﻥ .. ﻣﺶ ﻋﺎﺟﺒﺘﻨﻲ ..
ﺭﻓﻘﻪ : ﺻﺢ ﻣﺎﺗﺎﻛﻠﺶ ..
ﻓﺎﻃﻤﻪ ﺑﺄﻟﻢ : ﻗﺎﻋﺪ ﻭﺍﺟﻌﻬﺎ ﻭﺧﻴﻬﺎ ..
ﺗﻨﻬﺪ ﻋﻤﺎﺩ ﺑﺄﻟﻢ : ﺍﻟﻠﻪ ﻳﺮﺣﻤﻪ ... ﺣﻨﺎﻱ ﺗﺼﻴﺮ ﺍﻱ ﺣﺎﺟﻪ ﻛﻠﻤﻮﻧﻲ ﺑﺲ ..
ﻉ ﺟﻴﺔ ﺣﻤﻴﺪ : ﻣﺎﻋﻨﺪﻫﻢ ﻋﻼﺵ ﻣﻜﻠﻤﻴﻨﻚ ﻭﺍﻧﻲ ﻣﻮﺟﻮﺩ .. ﺍﻧﺖ ﻛﺎﻥ ﺗﺒﻲ ﺗﺠﻲ ﺗﻌﺎﻝ ﻣﺶ ﻻﺯﻡ ﻟﻴﻦ ﺗﺼﻴﺮ ﺣﺎﺟﻪ ..
ﻋﻤﺎﺩ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ..
🍁 ﺭﺯﺍﻥ ﻛﺎﻧﺖ ﺣﺎﺑﺴﻪ ﺭﻭﺣﻬﺎ ﻓﻲ ﺍﻟﻜﻮﺟﻴﻨﻪ ﻭﻫﻲ ﻣﻴﺘﻪ ﻣﻦ ﺍﻹﺣﺮﺍﺝ ..
ﺗﺮﺍﺟﻲ ﻓﻴﻪ ﺍﻣﺘﻰ ﻳﺮﻭﺡ ﺑﺶ ﺗﻄﻠﻊ ..
ﻣﻦ ﺭﻭﺷﻦ ﺍﻟﻜﻮﺟﻴﻨﻪ ..
ﺍﻭﻳﺲ : ﺭﺯﺍﻥ ﺗﺮﺍ ﻋﻄﻴﻨﻲ ﻣﻴﻪ ..
ﺭﺯﺍﻥ ﺑﺈﺑﺘﺴﺎﻣﻪ : ﻫﻲ ﺷﻮﻳﻪ ..
ﻗﻴﺲ : ﺭﺯﺍﻥ ﺣﺘﻰ ﺍﻧﻲ ﻧﺒﻲ ﻣﻴﻪ
ﺿﺤﻜﺖ ﻭﻗﺎﻟﺖ : ﺑﺎﻫﻲ
ﻣﺸﺖ .
ﺻﺒﺘﻠﻬﻢ ﺯﻭﺯ ﻃﻮﺍﺳﻲ ﻣﻴﻪ ﻣﻦ ﺍﻟﺘﻼﺟﻪ ...
ﻗﺎﻣﺘﻬﻢ ﺍﻟﺰﻭﺯ ...
ﻭﻟﻔﺖ ﺑﺘﺮﻓﻌﻬﻢ ﻟﻮﻻﺩ ﻋﻤﻬﺎ
" ﺣﺘﻰ ﺍﻧﻲ ﻧﺒﻲ ﻣﻴﻪ .."
ﺍﻧﺨﻠﻌﺖ ... ﻭﻣﻦ ﺍﻟﺨﻠﻌﻪ ﺍﻧﺘﻔﻀﺖ ﻓﻤﻜﺎﻧﻬﺎ ﺑﺲ ﻗﻌﺪﺕ ﺷﺎﺩﺓ ﺍﻟﻄﻮﺍﺳﻲ ﺍﻟﻠﻲ ﺗﻨﻄﺮﺕ ﻣﻨﻬﻢ ﻗﻄﺮﺍﺕ ﺑﺴﻴﻄﻪ ..
ﺿﺤﻜﻮﺍ ﻭﻻﺩ ﻋﻤﻬﺎ ..
ﻭﻫﻮ ﺿﺤﻚ ﺿﺤﻜﻪ ﺧﻔﻴﻔﻪ ..
ﻧﺰﻟﺖ ﻋﻴﻮﻧﻬﺎ ﻟﻠﻄﻮﺍﺳﻲ ..
ﻭﻣﺎﻫﻴﺶ ﻋﺎﺭﻓﻪ ﻛﻴﻒ ﺑﺪﻟﺖ ﺧﻄﺎﻭﻳﻬﺎ ﺑﺶ ﻭﺻﻠﺖ ﻓﻴﻬﻢ ..
ﻣﺪﺕ ﻟﻮﻻﺩ ﻋﻤﻬﺎ ﺍﻟﻄﻮﺍﺳﻲ ...
ﺧﺪﻭﻫﻢ ...
ﻋﻤﺎﺩ ﻛﺸﺦ ﻋﻠﻴﻬﺎ ﻣﺎﺯﺣﺎ : ﺗﻲ ﻫﻴﺎ ﺳﻘﺪﻳﻨﻲ ﺑﻨﻤﺸﻲ ..
ﻋﻄﺎﺗﻪ ﺷﺒﺤﺔ ﻣﻦ ﻓﻮﻕ ﻟﻠﻮﻃﺎ ..
ﺑﻌﺪﻳﻦ ﻟﻔﺖ ﻭﻣﺸﺖ ﻟﻠﺘﻼﺟﻪ ..
ﻋﻤﺎﺩ : ﺧﻠﻄﻴﻬﺎ ﺑﻴﻦ ﺳﺨﻮﻥ ﻭﻣﺼﻘﻊ .. ﺗﺠﻴﻨﻲ ﻣﺜﻠﺠﻪ ﻧﺪﻭﺷﻠﻚ ﺑﻴﻬﺎ .. ﻭﻛﺎﻥ ﺗﺠﻴﻨﻲ ﺳﺨﻮﻧﻪ .. ﻧﻔﺲ ﺍﻟﺸﻲ ..
ﺿﺤﻜﻮﺍ ﺍﻟﻮﻻﺩ ..
ﻫﻲ ﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ ﺑﻨﻔﺲ ﺍﻟﺸﺒﺤﻪ ..
ﻭﺭﺟﻌﺔ ﺷﺎﻓﺖ ﻟﻠﻄﻮﺍﺳﻲ ..
ﻭﻫﻮ ﻣﺒﺘﺴﻢ ﻭﻳﺸﻮﻓﻠﻬﺎ ﺑﻨﻈﺮﺍﺕ ..
ﻟﻮ ﺷﺎﻓﺘﻬﻢ ﻛﺎﻧﺖ ﺣﺘﻤﺎ ﺣﺬﻭﺏ ﻗﻄﻌﺔ ﻫﺎﻟﺴﻜﺮ ..💓
ﺑﻌﺪ ﻋﺒﺘﻬﺎ ...
ﻗﺎﻣﺘﻬﺎ .. ﻭﺭﻓﻌﺘﻬﻮﻟﻪ ﺑﺎﻟﺴﻴﻒ ..
ﻭﻣﺪﺗﻬﺎﻟﻪ ﻭﻫﻲ ﺗﺸﻮﻑ ﻟﻠﻄﺎﺳﻪ ﺑﺈﺯﺩﺭﺍﺀ .
ﻫﻮ ﺿﺤﻚ ...
ﻣﺪ ﻳﺪﻩ ﺧﺪﺍﻫﺎ ﺑﻴﺪ .. ﻭﺷﺪ ﻳﺪﻫﺎ ﺑﺎﻟﻴﺪ ﺍﻟﺘﺎﻧﻴﻪ ..
ﻫﻲ ﻓﻨﺼﺖ ﻭﻫﻲ ﺗﺸﺒﺤﻠﻪ ..
ﻭﺍﻟﻮﻻﺩ ﻳﺘﻔﺮﺟﻮﺍ .. ﺍﺧﺮ ﺍﻧﺴﺠﺎﻡ ..
ﻭﻋﻤﻚ ﻋﻤﺎﺩ ﻧﺎﺳﻴﻬﻢ ..
ﺣﻂ ﺍﻟﻄﺎﺳﻪ ﻗﺪﺍﻣﻪ ..
ﻭﻃﻠﻊ ﻣﻦ ﺟﻴﺐ ﺳﺮﻭﺍﻟﻪ .. ﺷﻜﻼﻃﺔ ﺟﺎﻻﻛﺴﻲ ..
ﻭﺣﻄﻬﺎﻟﻬﺎ ﻓﻴﺪﻫﺎ ..
ﺷﺪﺗﻬﺎ ﻭﻫﻮ ﻃﻠﻘﻬﺎ ... ﻭﺑﻌﺪﻳﻦ ﺧﺪﻱ ﺍﻟﻄﺎﺳﻪ ﻭﻫﻮﻳﻘﻮﻝ : ﻫﻲ ﻗﻮﻟﻲ ﺷﻜﺮﺍ ..
ﺭﺯﺍﻥ ﺑﺮﻓﻌﺔ ﺣﺎﺟﺐ ﻭﺑﺤﺪﻩ ﻣﻊ ﺍﻟﺘﺸﺪﻳﺪ ﻉ ﺍﻟﻜﻠﻤﻪ : ﻻﺍﺍﺍ ...
ﺷﻘﻠﺒﺖ ﻋﻴﻮﻧﻬﺎ ﻭﻣﺸﺖ ﻃﻮﻝ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ...
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﻭﻳﺸﺮﺏ ﻓﻲ ﺍﻟﻤﻴﻪ ﻭﻫﻮ ﻣﺒﺘﺴﻢ ..
ﺍﻭﻳﺲ : ﺷﻨﻮ ﻳﺎﻗﺪﺭ .. ﻣﺶ ﺣﺎﺳﺒﻨﺎ ﻓﻲ ﻃﺮﻑ ﺣﺘﻰ ﺣﻨﻲ ..
ﺍﺳﺘﺎﻗﻀﻠﻬﻢ ..
ﺷﺒﺢ ﻷﻭﻳﺲ ﻭﺍﻟﻄﺎﺳﻪ ﻣﺎﺯﺍﻝ ﻓﻲ ﻓﻤﻪ ..
ﻗﻴﺲ : ﻻﻻ ﺍﻟﺤﺎﺟﺎﺕ ﻫﺎﺩﻱ ﻣﺶ ﻟﻴﻨﺎ ﻳﺎﻭﻳﺴﻮ ..
ﻏﻴﺮ ﻋﻴﻮﻧﻪ ﻟﻘﻴﺲ ﻭﻫﻮ ﺑﻨﻔﺲ ﺍﻟﻮﺿﻌﻴﻪ ..
ﻫﻤﺎ ﺍﻟﺰﻭﺯ ﻳﻀﺤﻜﻮﺍ ﺑﺨﺒﺚ ..
ﺣﻂ ﺍﻟﻄﺎﺳﻪ ..
ﻭﺣﻂ ﺍﻳﺪﻳﻪ ﺍﻟﺰﻭﺯ ﻉ ﺭﻭﺳﻬﻢ ..
ﻭﺧﺮ .. ﻭﺧﺒﻂ ﺭﻭﺳﻬﻢ ﻓﻲ ﺑﻌﺾ ﻭﻫﻮ ﻳﻘﻮﻝ : ﺍﻧﺘﻢ ﻟﻴﻜﻢ ﺳﺒﻴﺴﺘﻮﻥ ﺑﺲ ..
ﻫﻤﺎ ﻣﻴﺘﻴﻦ ﺑﺎﻟﻀﺤﻚ
ﺍﺑﺘﺴﻢ ﻭﺿﺮﺑﻬﻢ ﻋﻨﻔﻘﻪ ﺍﻟﺰﻭﺯ .. ﺑﻌﺪﻳﻦ ﻗﺎﻝ : ﺗﺸﺎﻭﺍﺕ ﻳﺎﺟﺮﻳﻮﺍﺕ ..
ﺧﺪﻱ ﻧﻈﺎﺭﺍﺗﻪ ﺍﻟﻠﻲ ﻛﺎﻧﻮﺍ ﻣﻌﻠﻘﺎﺕ ﻓﻲ ﺭﻗﺒﺔ ﺗﻴﺸﺮﺗﻪ ﻭﻟﺒﺴﻬﻢ ﻭﻟﻒ ﻭﻣﺸﻲ ..
ﻭﺍﻟﻮﻻﺩ ﻳﺸﻮﻓﻮﻟﻪ ﻭﻳﻀﺤﻜﻮﺍ ..
ﻛﻤﻞ ﻃﺮﻳﻘﻪ ﻟﻠﺒﺎﺏ ﺍﻟﺒﺮﺍﻧﻲ ..
ﻓﺘﺤﻪ ﺟﺖ ﻗﺪﺍﻣﻪ ﻣﺮﺕ ﺧﺎﻟﻪ ﻣﺮﻭﺣﻪ ﻣﻦ ﺍﻟﺨﺪﻣﻪ ..
ﺳﻠﻤﻮﺍ ﻉ ﺑﻌﺾ ..
ﻭﻫﻲ ﺧﺸﺖ ﻭﻫﻮ ﻃﻠﻊ ...
🌳🌳🌳🌳🌳🌳🌳🌳🌳🌳🌳🌳🌳
ﻻﺍﺧﺘﻲ ﻧﻌﻴﻤﻪ ﻋﻨﺪﻫﺎ ﺯﻭﺯ ﺑﻨﺎﺕ ﻭﻭﻟﻴﺪ .
ﻣﻮﺩﺓ : ﻫﺪﻱ ﺍﻟﻠﻲ ﻭﺣﺪﻩ ﻣﻦ ﺑﻨﺎﺗﻬﺎ ﺭﺍﺟﻠﻬﺎ ﻣﺎﺕ ﻓﻲ ﺍﻟﻘﺼﻒ ﻉ ﺍﻟﺮﺗﻞ؟
ﺣﻤﻴﺪﻩ ﺑﺄﻟﻢ : ﺍﻳﻪ ﻫﻲ ﻫﺪﻱ ..
ﻭﺻﺎﻝ : ﺗﻌﺮﻓﻮﺍ ﻛﺎﻥ ﺗﻌﻄﻮﻧﺎ ﺍﺭﻗﺎﻣﻬﻢ ﻧﻌﺰﻣﻮﻫﻢ ﻧﻬﺎﺭ ﻳﺠﻮﺍ ﻋﺎﺭﻓﻴﻨﻜﻢ ﺍﻧﺘﻢ ﻛﺎﻥ ﻗﻠﻨﺎﻟﻜﻢ ﺗﻘﻮﻟﻮﻟﻬﻢ ﻳﺠﻮﺍ ﺑﺘﺤﺸﻤﻮﺍ ﻭﻣﺎﺗﻜﻠﻤﻮﻫﻤﺶ ..
ﺍﺑﺘﺴﻤﺖ ﻏﺎﻟﻴﻪ : ﻭﺍﻟﻠﻪ ﻣﺎﻟﻴﻪ ﺩﺍﻋﻲ ﻳﺎﻭﺻﺎﻝ ..
ﻓﺠﺮﺓ : ﻟﻴﺶ ﻣﺎﻟﻴﻪ ﺩﺍﻋﻲ؟ .. ﻳﻌﻠﻢ ﺍﻟﻠﻪ ﻗﺪﻳﺶ ﺣﺒﻴﻨﺎﻛﻢ ﻭﺧﺎﻃﺮﻧﺎ ﻧﺘﻌﺮﻓﻮﺍ ﻉ ﺍﻟﻌﻴﻠﻪ ﻛﻠﻬﺎ ..
ﺍﺑﺘﺴﻤﻮﺍ ﺣﻤﻴﺪﺓ ﻭﻏﺎﻟﻴﻪ ..
ﻏﺎﻟﻴﻪ : ﺗﺴﻠﻤﻲ ﺑﺎﺭﻙ ﺍﻟﻠﻪ ﻓﻴﻚ .. ﻭﺍﻟﻠﻪ ﺣﺘﻰ ﺣﻨﻲ ﺧﺸﻴﺘﻮﺍ ﺧﺎﻃﺮﻧﺎ ..
ﻓﺠﺮﺓ : ﺍﻟﻘﻠﻮﺏ ﻋﻨﺪ ﺑﻌﻀﻬﺎ ..
ﺩﺍﺧﻞ ..
ﻛﺎﻧﺖ ﺳﻤﻴﻪ ﻣﻘﻌﻤﺰﺓ ﺑﺮﻭﺣﻬﺎ ﻓﻲ ﺍﻟﺪﺍﺭ ﻣﻊ ﺻﻐﺎﺭﻫﺎ ﻣﺶ ﻃﺎﻳﻘﻪ ﺑﻨﺎﺕ ﺍﻟﻌﻴﻠﻪ ﺍﻟﻠﻲ ﻣﺴﺘﻀﻔﻴﻨﻬﻢ ..
ﻷﻥ ﻓﻨﻬﺎﺭ ﺟﻲ ﺍﻟﻬﺎﺩﻱ ﻳﻄﻤﻦ ﻋﻠﻴﻬﻢ ..
ﻭﺣﺼﻞ ﻣﻌﺎﺵ ﻗﺪﺭ ﻳﻮﻟﻲ .. ﻗﻌﺪ ﻣﻌﺎﻫﻢ ﺣﺘﻰ ﻫﻮ ..
ﻭﻻﺣﻈﺖ ﻉ ﻭﺣﺪﻩ ﻣﻦ ﺍﻟﺒﻨﺎﺕ ﻣﺮﺗﻴﻦ ﻭﻳﻦ ﺗﺘﻘﺎﺑﻞ ﻣﻌﺎﻩ ﺗﻘﻌﺪ ﺗﺸﺒﺤﻠﻪ .. ﻭﻫﻲ ﻛﺎﻥ ﺗﻠﻘﻰ ﺗﻘﻠﻌﻠﻬﺎ ﻋﻴﻮﻧﻬﺎ ﻣﻦ ﻣﻜﺎﻧﻬﻢ ..
🍁 ﺑﻌﺪ ﻫﺪﺭﺯﺓ ﺍﻟﻌﺸﻴﻪ ﺍﻟﻠﻲ ﺗﻌﻮﺩﻭﺍ ﻋﻠﻴﻬﺎ ﺷﺒﻪ ﻳﻮﻣﻴﺎ ..
ﺭﻭﺣﻮﺍ ﺍﻟﺒﻨﺎﺕ ﻟﻠﺤﻮﺵ ..
ﻭﻻﺯﻡ ﻳﻜﻮﻥ ﻣﺤﻮﺭ ﺣﺪﻳﺜﻬﻢ ﺍﻟﻌﻴﻠﻪ ﺍﻟﻠﻲ ﺟﺖ ﻧﺎﺯﺣﻪ ﻋﻨﺪﻫﻢ ..
ﻭﺻﺎﻝ : ﻛﻼ ﻛﻨﺘﻬﻢ ﻫﺪﻱ ﺗﻜﺴﺮ ﺍﻟﺮﻗﺒﻪ ﻣﺎﻧﻴﺶ ﻋﺎﺭﻓﻪ ﻛﻴﻒ ﺧﺪﺍﻫﺎ ﺧﻮﻫﻢ ..
ﻣﻮﺩﺓ ﺑﻀﺤﻜﻪ : ﻣﺎﻫﻲ ﻗﺎﻟﺘﻠﻚ .. ﺍﻧﻲ ﻭﻋﺒﺪﻭﺍ ﻗﻌﺪﻧﺎ ﻋﻼﻗﻪ 9 ﺳﻨﻴﻦ .. ﻗﺎﻟﺖ ﻫﺎﻟﻜﻼﻡ ﻭﻫﻲ ﺗﻘﻠﺪ ﻓﺼﻮﺕ ﺳﻤﻴﻪ ..
ﻭﺻﺎﻝ : ﻉ ﺷﻨﻮ ﻳﺎﻫﻤﻲ ﻉ ﺷﻨﻮ .. ﻫﻮ ﺣﺘﻰ ﻭﺍﻟﺸﻴﺐ ﻣﻌﺒﻲ ﺭﺍﺳﻪ ﻭﻟﺤﻴﺘﻪ ﻳﻬﺒﻞ .. ﻟﻜﻦ ﻫﻲ ﺍﺳﺘﻐﻔﺮ ﺍﻟﻠﻪ ﻭﺧﻼﺹ ..
ﻣﻮﺩﺓ ﺑﺈﺑﺘﺴﺎﻣﻪ ﺧﺒﻴﺜﻪ : ﺷﻜﻠﻪ ﻋﺎﺟﺒﻚ ..
ﻭﺻﺎﻝ ﺿﺤﻜﺖ ﺑﺨﺠﻞ : ﺍﻳﻪ .. ﺍﻟﺤﻖ ﻳﺎﺭﺑﻲ ﺍﻟﻌﻴﻠﻪ ﻭﻻﺩﻫﻢ ﻳﺪﻭﺧﻮﺍ ..
ﻣﻮﺩﺓ ﺗﻨﻬﺪﺕ ﺑﻬﻴﺎﻡ : ﻛﻠﻬﻢ ﻛﻮﻡ ﻭﻫﺎﻧﻴﺒﺎﻝ ﻓﻜﻮﻡ ﺑﺮﻭﺣﻪ ﻳﺎﻛﺒﺪﻱ ..
ﻧﻬﺎﺭﻫﺎ ﻣﺸﻴﺘﻠﻬﻢ .. ﻫﻮ ﻛﺎﻥ ﻃﺎﻟﻊ ﻭﺍﻧﻲ ﺧﺎﺷﻪ ..
ﻋﻠﻴﻚ ﻫﻴﺒﻪ ﻭﻃﻮﻝ ﻭﻋﺮﺽ ﻛﻴﻒ ﺍﻟﺒﺎﺏ ﻭﻳﻦ ﺭﺍﻧﻲ ﻃﻮﻝ ﻋﻴﻮﻧﻪ ﻧﺰﻟﻬﻦ .. ﻟﻜﻦ ﻟﻤﺎ ﻃﻠﻘﺖ ﺍﻟﺴﻼﻡ ﻣﺎﺑﺎﺵ ﻳﺮﺩﻩ ..
ﻭﺻﺎﻝ : ﻋﻠﻴﻚ ﻫﺒﻠﻪ ﻛﻴﻒ ﺩﻳﺮﻫﺎ ﻭﺗﻜﻠﻤﻴﻪ !
ﻣﻮﺩﺓ : ﻣﺎﻛﻠﻤﺘﺎﺵ ﻳﺎﻭﺩﻱ ﻃﻠﻘﺖ ﺍﻟﺴﻼﻡ ﺑﺲ ..
ﻭﺻﺎﻝ : ﻛﺎﻥ ﺗﺴﻤﻊ ﺑﻴﻚ ﻧﺪﻯ ﺗﻌﻔﺲ ﻋﻠﻴﻚ ..
ﻣﻮﺩﺓ : ﺍﻳﻪ ﻣﺎﻫﻲ ﻣﺨﻄﻮﺑﻪ ﻭﻋﻨﺪﻫﺎ ﻛﺎﻥ ﻣﺎﻋﻨﺪﻫﺎﺵ ﺭﺍﻙ ﺗﺸﻮﻓﻴﻬﺎ ﺷﻦ ﺩﻳﺮ ...
ﻭﺻﺎﻝ : ﻋﻴﻨﻚ ﻧﺪﻯ ﻣﻦ ﻳﻮﻡ ﻳﻮﻣﻬﺎ ﺍﻟﺤﺎﺟﺎﺕ ﻫﺪﻱ ﺗﻜﺮﻫﻬﺎ .. ﻭﺑﻌﺪﻳﻦ ﺍﻧﺘﻲ ﻳﺎﺣﻨﻪ ﺗﺒﻲ ﺗﺘﺰﻭﺟﻲ ﺇﻥ ﺷﺎﺀ ﺍﻟﻠﻪ ..!! ﺭﺍﻙ ﻗﺎﻋﺪﻩ ﻓﺮﺧﻪ ..
ﻣﻮﺩﺓ : ﻣﻮﺍﻟﻴﺪ 91 ﻣﻌﺎﺵ ﺻﻐﻴﺮﺍﺕ ..
ﻭﺻﺎﻝ : ﻻ ﺻﻐﻴﺮﺍﺕ ﻭﻣﺎﺯﺍﻟﻦ ﻣﺎﻃﻠﻌﻦ ﻣﻦ ﺍﻟﺪﺣﻴﻪ ﻗﻌﻤﺰﻱ ﻭﻫﻨﻲ ﺭﻭﺣﻚ ...
ﻣﻮﺩﺓ ﺷﻘﻠﺒﺖ ﻋﻴﻮﻧﻬﺎ ﻭﺳﻜﺘﺖ ..
🍃🍃🍃🍃🍃🍃
ﻭﺗﺴﺘﻤﺮ ﺍﻷﻳﺎﻡ ﻓﻲ ﻣﺮﻭﺭﻫﺎ ..
ﻭﺑﺪﻱ ﻳﻨﻘﻀﻲ ﺷﻬﺮ ﺳﺒﺘﻤﺒﺮ .. ﺍﻟﻔﺎﺗﺢ ...
ﻭﺍﻟﻤﻌﺎﺭﻙ ﻉ ﺍﺷﺪﻫﺎ ..
ﻓﻲ ﺳﺮﺕ ..
🍁 ﺩﻻﻝ ﻛﺎﻧﺖ ﺗﺴﻤﻊ ﻓﻲ ﺍﺧﺒﺎﺭﻫﺎ ﻓﻲ ﻛﻞ ﻭﻗﺖ ..
ﻭﻭﻳﻦ ﺗﺸﻮﻑ ﺍﻟﺨﺮﺍﺏ ﻭﺍﻟﺪﻣﺎﺭ ﺍﻟﻠﻲ ﺻﺎﺭ ﻓﻴﻬﺎ ..
ﺗﻘﻌﺪﻱ ﺗﺒﻜﻲ ﻟﻴﻦ ﻛﺒﺪﻫﺎ ﺍﻃﻴﺐ ﻣﻦ ﺍﻟﺒﻜﻲ ﻭﻣﺎﻓﻲ ﺣﺪ ﻣﻦ ﺍﻫﻠﻬﺎ ﻗﺪﺭ ﻳﻮﺍﺳﻴﻬﺎ ..
ﻧﻬﺎﺭ ﺳﻤﻌﺖ ﺑﺤﻮﺷﻬﺎ ﺍﻟﻠﻲ ﻓﻲ ﺍﻟﺠﻴﺰﺓ ﺍﻧﻪ ﺍﻧﻘﺼﻒ ..
ﻗﺮﻳﺐ ﺭﺍﺣﺖ ﻣﻦ ﺑﻴﻦ ﺍﻳﺪﻳﻬﻢ .. ﻭﻗﻌﺪﺕ ﺭﺍﻗﺪﻩ ﻓﺎﻟﻌﻴﺎﺩﻩ ﺍﺳﺒﻮﻋﻴﻦ ﻛﺎﻣﻼﺕ ...
ﺍﻟﻌﻴﻠﻪ ﻛﻠﻬﺎ ﻛﺎﻧﺖ ﻣﺎﺷﻴﻪ ﺟﺎﻳﻪ ﻋﻠﻴﻬﺎ ..
ﻣﺎﻋﺪﺍ ﺣﻨﺎﻫﺎ ﻓﺎﻃﻤﻪ ﺍﻟﻠﻲ ﻣﺶ ﻗﺎﺩﺭﺓ ﺗﺘﺤﻤﻞ ﺗﺸﻮﻑ ﺣﺎﻟﺘﻬﺎ ﻭﻭﺟﻌﻬﻢ ﻭﺍﺣﺪ ..
ﻧﻌﻴﻤﻪ ﻭﻋﺒﺪﺍﻟﺴﻼﻡ ﻫﺎﻷﻳﺎﻡ ﻫﺎﺩﻱ ﺍﺻﻌﺐ ﺍﻳﺎﻡ ﺗﻤﺮ ﻋﻠﻴﻬﻢ ..
ﻧﻌﻴﻤﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﻛﻴﻒ ﺑﻨﺘﻬﺎ ﻟﺘﻮﺍ ﻣﺎﺯﺍﻟﺖ ﺣﻴﺔ ﻓﺒﻄﻨﻬﺎ ..
ﻋﺒﺪﺍﻟﺴﻼﻡ ﺗﻨﻬﺪ ﺑﺄﻟﻢ ﻭﻗﻌﺪ ﺳﺎﻛﺖ ..
ﺭﻥ ﺗﻠﻴﻔﻮﻧﻪ .. ﻭﻛﺎﻥ ﺍﻟﻤﺘﺼﻞ ﺍﺧﺘﻪ ﺍﻣﻨﻪ ﺍﻟﻠﻲ ﺑﺎﻳﺘﻪ ﺣﺪﺍ ﺑﻨﺖ ﺧﻮﻫﺎ ...
ﻗﻠﺐ ﻋﺒﺪﺍﻟﺴﻼﻡ ﺍﻧﻘﺒﺾ ﻭﺭﺩ ﻃﻮﻝ : ﻫﺎﻩ ﺁﻣﻨﻪ .............. ﻛﻴﻒ ......!!! ﺑﺎﻫﻲ ﺑﺎﻫﻲ .. ﺻﻜﺮ ..
ﻧﻌﻴﻤﻪ ﺑﺨﻠﻌﻪ : ﺑﻨﺘﻲ ﺧﻴﺮﻫﺎ ..
ﻋﺒﺪﺍﻟﺴﻼﻡ ﻧﺎﺽ : ﻧﻮﺿﻲ ﺑﺴﺮﻋﻪ ﺑﺪﻟﻲ ﺑﻨﺘﻚ ﺑﺘﺠﻴﺐ ..
ﻧﻌﻴﻤﻪ : ﻧﻬﺎﺭﻱ ﺍﻷﺳﻮﺩ ﻣﺎﺯﺍﻟﺖ ﻓﻲ ﺍﻟﺴﺎﺑﻊ !!
ﻋﺒﺪﺍﻟﺴﻼﻡ ﺑﺘﻜﺸﻴﺨﻪ : ﺗﻲ ﺗﺤﺮﻛﻲ ﻭﺍﺳﻜﺘﻲ ..
ﻭﻣﺸﻲ ﻃﻮﻝ ﺧﺪﻱ ﻣﻔﺎﺗﻴﺤﻪ ﻭﻃﻠﻊ ﻳﺠﺮﻱ ...
ﻭﻧﻌﻴﻤﻪ ﻣﺸﺖ ﺗﺠﺮﻱ ﻟﺪﺍﺭ ﻧﻮﻡ ..
ﻧﻮﺭ ﻃﻠﻌﺖ ﻣﻦ ﺩﺍﺭﻫﺎ : ﻣﺎﻣﺎ ﺷﻦ ﻓﻲ .
ﻧﻌﻴﻤﻪ ﺑﺒﻜﻲ : ﺍﺧﺘﻚ ﺑﺘﺠﻴﺐ ..
ﺍﻧﺼﺪﻣﺖ ﻧﻮﺭ : ﻟﻜﻦ ﻣﺎﺯﺍﻝ ..!
🍁🍁🍁🍁
ﻭﻣﺸﻮﺍ ﻧﻌﻴﻤﻪ ﻭﻋﺒﺪﺍﻟﺴﻼﻡ ﻟﻠﻌﻴﺎﺩﻩ ﺍﻟﻠﻲ ﺭﺍﻗﺪﻩ ﻓﻴﻬﺎ ﺑﻨﺘﻬﻢ ..
ﻟﻘﻮﺍ ﺁﻣﻨﻪ ﻣﺸﻐﻮﻟﻪ ﺑﺎﻟﺪﻋﺎﺀ ..
ﻋﺒﺪﺍﻟﺴﻼﻡ ﺑﺨﻠﻌﻪ : ﺷﻦ ﺻﺎﺭ ..
ﺁﻣﻨﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻣﺎﺯﺍﻝ ﻣﺎﻃﻠﻊ ﻣﻨﻬﻢ ﺣﺪ ..
ﺍﻣﻬﺎ ﻗﻌﻤﺰﺕ ﻉ ﺍﻟﻜﺮﺳﻲ ﻣﻦ ﺍﻟﺮﻋﺸﻪ ﻣﺶ ﻗﺎﺩﺭﺓ ﺗﻮﻗﻒ ﺗﺪﻋﻲ ﻭﺑﺲ ..
ﻭﺑﻮﻫﺎ ﻛﺬﻟﻚ ﻳﺪﻋﻴﻠﻬﺎ ..
🍁 ﺑﻌﺪ ﺍﻧﺘﻈﺎﺭ ﺩﺍﻡ ﻟﻔﺘﺮﺓ ﻭﺟﻴﺰﺓ ..
ﻃﻠﻌﺖ ﺍﻟﺪﻛﺘﻮﺭﺓ ﻭﺑﻠﻐﺘﻬﻢ ﺍﻧﻬﺎ ﺟﺎﺑﺖ ﺑﻨﺖ ﻭﺍﻟﺒﻨﺖ ﺻﺤﺘﻬﺎ ﻛﻮﻳﺴﻪ ﺑﺲ ﻛﻤﺎ ﻫﻮ ﻣﻌﺮﻭﻑ ﺍﻷﻃﻔﺎﻝ ﺍﻟﺨﺪﺝ ﻻﺯﻡ ﻳﻘﻌﺪﻭﺍ ﻓﻲ ﺍﻟﺤﻀﺎﻧﻪ ..
ﻭﻗﺎﻟﺖ ﺍﻥ ﺩﻻﻝ ﺗﻌﺒﺖ ﻫﻠﺒﻪ ﺍﺛﻨﺎﺀ ﺍﻟﻮﻻﺩﺓ ﻟﻜﻦ ﻣﺎﺻﺎﺭﺗﻠﻬﺎﺵ ﺍﻱ ﻣﺸﺎﻛﻞ ﺍﻭ ﻣﻀﺎﻋﻔﺎﺕ ﺑﺲ ﻻﺯﻡ ﺗﻘﻌﺪ ﺍﺳﺒﻮﻉ ﺗﺎﻧﻲ ﻓﻲ ﺍﻟﻤﺴﺘﺸﻔﻰ ..
🍃 ﺧﺎﻻﺗﻬﺎ .. ﻭﻋﻤﺎﺗﻬﺎ .. ﻭﺧﻮﺍﻟﻬﺎ ﻭﻋﻤﺎﻣﻬﺎ ﺯﺍﺭﻭﻫﺎ ...
ﻭﺍﻟﻜﻞ ﻣﻮﺟﻮﻉ ﻉ ﺣﺎﻟﻬﺎ ﺍﻟﻠﻲ ﻳﻘﻄﻊ ﺍﻟﻘﻠﺐ ..
💔 ﻫﻲ ﺑﻌﺪ ﻓﺎﻗﺖ ﻛﺎﻧﺖ ﻧﻔﺴﻴﺘﻬﺎ ﺗﺎﻋﺒﻪ ﻗﻠﻴﻞ ﻣﺎﺗﺘﻜﻠﻢ ﻭﺍﻏﻠﺐ ﻭﻗﺘﻬﺎ ﺩﻣﻮﻋﻬﺎ ﻧﺎﺯﻻﺕ ..
ﺑﺎﻟﺬﺍﺕ ﻭﻳﻦ ﺗﻤﺸﻲ ﻣﻊ ﺍﻣﻬﺎ ﺗﺸﻮﻑ ﺑﻨﺘﻬﺎ ...
ﻓﻲ ﻳﻮﻡ ..
ﻧﻌﻴﻤﻪ : ﺗﺸﺒﻬﻠﻲ ﺣﺴﻴﺘﻬﺎ ..
ﺍﺑﺘﺴﻤﺖ ﺩﻻﻝ ..
ﻧﻌﻴﻤﻪ ﺍﺑﺘﺴﻤﺖ ﺑﺄﻟﻢ ﻭﻗﺎﻟﺖ : ﺷﻦ ﺑﺘﺴﻤﻴﻬﺎ ..
ﺗﻼﺷﺖ ﺍﺑﺘﺴﺎﻣﺘﻬﺎ ﻭﻳﻦ ﺧﻄﺮ ﻋﻠﻴﻬﺎ ﻳﻮﻡ ﺑﻌﻴﺪ ﻫﻠﺒﻪ ..
ﻋﺪﺍ ﻭﻣﻌﺎﺵ ﻳﺮﺟﻊ ...
》 ﻋﻤﺎﺭ ﺗﻨﻬﺪ ﻭﻗﺎﻝ : ﻧﺒﻲ ﺟﻮﺍﺩ .. ﻭﻧﺒﻲ ﻣﻌﻤﺮ .. ﻭﻧﺒﻲ ﺁﺳﻴﺎ ..
ﺩﻻﻝ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ : ﺿﺮﻭﺭﻱ ﻣﻌﻤﺮ ﻳﻌﻨﻲ !!
ﺷﺒﺤﻠﻬﺎ ﺑﻨﻔﺲ ﺭﻓﻌﺔ ﺍﻟﺤﺎﺟﺐ : ﺿﺮﻭﺭﻱ ﻭﻻﺑﺪ ﻭﻻﺯﻡ ..
ﺩﻻﻝ ﺿﺤﻜﺖ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ ..
ﻫﻮ ﺑﺎﺳﻬﺎ ﺑﻮﺳﻪ ﻟﻄﻴﻔﻪ ﻭﺑﻌﺪ : ﻭﺗﻨﺎﺩﻳﻪ ﻋﻤﻮﺭﺓ ..
ﺩﻻﻝ ﻓﺘﺤﺖ ﻋﻴﻮﻧﻬﺎ ﻭﻗﺎﻟﺖ : ﺑﺎﻩ ﻧﺴﻤﻮﻩ ﻓﺎﺗﺢ .. ﺣﻠﻮ ﻭﻻ ..
ﺑﺎﺳﻬﺎ ﻣﺮﺓ ﺗﺎﻧﻴﻪ ﻭﻗﺎﻝ : ﻡ .. ﻉ .. ﻡ .. ﺭ ..
ﺩﻻﻝ : ﻫﻬﻬﻬﻬﻬﻬﻬﻪ .. ﺣﻄﺖ ﺭﺍﺳﻬﺎ ﻉ ﻛﺘﻔﻪ ﻭﻗﺎﻟﺖ .. ﺗﻌﺮﻑ ﺑﻨﺤﺒﻪ ﻉ ﺧﺎﻃﺮﻙ ..
ﺍﺑﺘﺴﻢ ﻭﻗﺎﻡ ﻳﺪﻫﺎ ﻭﺑﺎﺳﻬﺎ ..
ﺩﻻﻝ : ﺍﻣﻤﻢ .. ﺑﺎﻫﻲ ﻟﻴﺶ ﺟﻮﺍﺩ ﻭﺁﺳﻴﺎ ..
ﻋﻤﺎﺭ : ﺟﻮﺍﺩ ﻷﻧﻪ ﺍﺳﻢ ﻳﻠﻢ ﺻﻔﺎﺕ ﺳﻤﺤﻪ ﻭﺍﺟﺪﻩ .. ﻭﻛﺬﻟﻚ ﺍﺳﻢ ﻣﻦ ﺍﺳﻤﺎﺀ ﺍﻟﺨﻴﻞ .. ﻭﺁﺳﻴﺎ ﻉ ﺍﺳﻢ ﺯﻭﺟﺔ ﻓﺮﻋﻮﻥ ﺍﻟﻠﻲ ﺗﻌﺘﺒﺮ ﻣﻦ ﺍﻓﻀﻞ ﻣﻦ ﺧﻠﻖ ﺭﺑﻲ ﻣﻦ ﺍﻟﻨﺴﺎﺀ 《..
💔 ﻧﺰﻟﻮﺍ ﺩﻣﻮﻋﻬﺎ ﻭﻗﺎﻟﺖ ..
" ﺁﺳﻴﺎ ..."
🍃🍃🍃🍃🍃🍃
...2011\10\19
ﻫﻲ ﻛﻠﻤﻪ ﻳﺎﻣﺆﻧﺲ .. ﻟﻴﻮﻡ ﺍﻟﺪﻳﻦ ﻣﺎﻧﺴﺎﻣﺤﻚ ﻛﺎﻥ ﻣﺎﻋﺪﻳﺘﺶ ﻭﺍﻣﺎﻧﺘﻲ ﻭﺻﻠﺘﻬﺎ ...
ﻣﺆﻧﺲ ﺑﻌﺪﻡ ﺍﺳﺘﻴﻌﺎﺏ ﻭﺑﺼﻮﺕ ﻋﺎﻟﻲ : ﻛﻴﻒ ﺗﺒﻴﻨﻲ ﻧﺨﻠﻴﻚ ﻭﻧﻬﺮﺏ ﻗﻮﻝ ﻛﻼﻡ ﻳﻘﺒﻠﻪ ﺍﻟﻌﻘﻞ ...
ﺭﺩ ﻋﻠﻴﻪ ﺑﺼﻮﺕ ﺯﻱ ﺍﻟﺮﻋﺪ ﻣﻦ ﺍﻟﻐﻀﺐ : ﺍﻟﻠﻪ ﻻﺗﺴﺎﻣﺤﻚ ﻳﺎﻣﺆﻧﺲ ﻛﺎﻥ ﻣﺎﻋﺪﻳﺘﺶ ﺗﻮﺍ ..
" ﻣﺆﻧﺲ ﺍﺳﻤﻊ ﻛﻼﻡ ﺧﺎﻟﻚ ﻭﻫﻴﺎ .."
ﻋﻤﺎﺭ ﻭﻫﻮ ﻳﺤﺮﻙ ﻓﻴﺪﻩ ﺑﻌﺼﺒﻴﻪ : ﻳﻌﻘﻮﺏ .. ﻃﺒﻪ ﻭﺍﺭﻓﻌﻪ .. ﻫﻴﺎ ..
ﻣﺆﻧﺲ : ﻳﺎﺧﺎﻝ ﺍﻓﻬﻤﻨﻲ ﺑﺎﻟﻠﻪ ﻋﻠﻴﻚ ..
ﺷﺪﻩ ﻳﻌﻘﻮﺏ ﻭﻗﻌﺪ ﻳﻄﻠﻊ ﻓﻴﻪ ..
ﻭﻋﻤﺎﺭ ﻟﻒ ﻣﺸﻲ ﺑﺴﺮﻋﻪ ..
ﻣﺆﻧﺲ ﻗﻌﺪ ﻳﺸﻮﻓﻠﻪ ﺑﺄﺣﺒﺎﻁ ﻭﻳﻌﻘﻮﺏ ﻳﻄﻠﻊ ﻓﻴﻪ ﻟﻴﻦ ﻭﺻﻠﻮﺍ ﺍﻟﺴﻴﺎﺭﺓ ﻭﻣﺆﻧﺲ ﻣﺴﻴﻄﺮ ﻋﻠﻴﻪ ﺍﺣﺒﺎﻁ ﻛﺒﻴﺮ ﻭﺍﻟﺤﺰﻥ ﻣﺘﻤﻠﻜﻪ ..
ﺭﻛﺒﻪ ﻳﻌﻘﻮﺏ ﻓﻲ ﺳﻴﺎﺭﺓ ﻣﺼﻔﺤﻪ ﻭﺭﻛﺐ ﻭﺳﻜﺮ ﺍﻟﺒﺎﺏ ..
ﻳﻌﻘﻮﺏ : ﻫﻲ ﻫﺪﻱ ﺍﻟﺪﻧﻴﺎ ﻳﺎﺧﻮﻱ ﻣﺆﻧﺲ ﻧﻬﺎﺭ ﻓﻮﻕ ﻭﻧﻬﺎﺭ ﻟﻮﻃﺎ ..
ﻣﺆﻧﺲ ﺑﺼﻮﺕ ﻣﺨﻨﻮﻕ : ﺗﻲ ﺍﻧﻲ ﻣﺎﺻﺪﻗﺖ ﻃﻠﻊ ﺣﻲ ﻳﺎﻳﻌﻘﻮﺏ ..
ﻳﻌﻘﻮﺏ : ﻣﺼﻴﺮﻩ ﻣﺨﻠﻴﻬﺎ ﻫﺎﻟﺪﻧﻴﺎ ..
ﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ﻃﻮﻝ ..
🍃 ﻛﻤﺎ ﻫﻮ ﻣﻌﻠﻮﻡ ﻋﻨﺪ ﻫﻠﺒﻪ ﻧﺎﺱ ﻓﻲ ﺍﻟﻠﻲ ﻣﺤﺴﻮﺑﻴﻦ ﻉ ﺍﻟﺜﻮﺍﺭ ﻳﻘﺎﺗﻠﻮﺍ ﻓﻲ ﺟﺒﻬﺔ ﺳﺮﺕ ﻭﻫﻤﺎ ﻣﻦ ﺍﻟﺒﺰﻧﺎﺳﻪ ﺯﻱ ﻣﺎﻳﻘﻮﻟﻮﺍ ..
ﺍﺗﻔﻘﻮﺍ ﻣﻌﺎﻫﻢ ﻣﺠﻤﻮﻋﻪ ﻣﻦ ﺟﻤﺎﻋﺔ ﺍﻟﻨﻈﺎﻡ ﺍﻥ ﻳﺄﻣﻨﻮﻟﻬﻢ ﻃﺮﻳﻖ ﻣﻬﺮﺏ ﺩﺍﺧﻞ ﺍﻟﺒﻼﺩ ﻣﻘﺎﺑﻞ ﻣﺒﻠﻎ ﻭﻗﺪﺭﻩ ﻫﺎﻟﺠﻤﺎﻋﻪ ﻣﻦ ﺿﻤﻨﻬﻢ ﻣﺆﻧﺲ 🍃
🍁🍁🍁🍁
...2011\10|20
ﻛﺎﻥ ﻳﻮﻡ ﺗﺎﺭﻳﺨﻲ ﺑﻜﻞ ﻣﻌﻨﻰ ﺍﻟﻜﻠﻤﻪ ..
ﻳﻮﻡ ﺍﻟﻠﻴﺒﻴﻦ ﻗﻌﺪﻭﺍ ﻭﻗﺖ ﺑﺶ ﺍﺳﺘﻮﻋﺒﻮﺍ ﺍﻧﻪ ﺣﻘﻴﻘﻪ ﻭﺍﻗﻌﻪ ..
ﺳﻴﻄﺮﻭﺍ ﻉ ﺳﺮﺕ ...
ﻭﻗﺼﻒ ﺍﻟﻨﺎﺗﻮ ﺭﺗﻞ ﻛﺒﻴﺮ ﻛﺎﻥ ﻫﺎﺭﺏ ﻓﻴﻪ ﺍﻟﻘﺬﺍﻓﻲ ...
ﻭﺍﻧﺸﺪ ...
🍃 ﻣﺎﻧﺒﻴﺶ ﻧﺤﻜﻲ ﻋﻦ ﺷﻌﻮﺭﻱ ﻟﻤﺎ ﺷﻔﺘﻬﻢ ﺷﺎﺩﻳﻨﻪ ..
ﺑﺲ ﺑﻨﺨﺘﺼﺮﻩ ﺑﺂﻳﺔ ﻗﺮﺁﻧﻴﻪ ﻛﺮﻳﻤﻪ ..
◇ ﻗﻞ ﺍﻟﻠﻬﻢ ﻣﺎﻟﻚ ﺍﻟﻤﻠﻚ ﺗﺆﺗﻲ ﺍﻟﻤﻠﻚ ﻣﻦ ﺗﺸﺎﺀ ﻭﺗﻨﺰﻉ ﺍﻟﻤﻠﻚ ﻣﻤﻦ ﺗﺸﺎﺀ ○ ﻭﺗﻌﺰ ﻣﻦ ﺗﺸﺎﺀ ﻭﺗﺬﻝ ﻣﻦ ﺗﺸﺎﺀ ◇
ﻣﻮﺗﻪ ...
ﻭﺍﻟﻄﺮﻳﻘﻪ ﺍﻟﻠﻲ ﻣﺎﺕ ﺑﻴﻬﺎ ..
ﻫﻲ ﻋﻈﻪ ﻭﻋﺒﺮﺓ ﻷﻭﻟﻲ ﺍﻷﻟﺒﺎﺏ ..
🍃 ﻟﻜﻦ ﻟﻸﺳﻒ ﻣﺎﻓﻴﺶ ﺃﻭﻟﻮﺍ ﺃﻟﺒﺎﺏ ﺍﺗﻌﻈﻮﺍ 🍃
ﺍﻷﻫﻢ ﻣﻦ ﻫﺬﺍ ﻛﻠﻪ ﺍﻵﻥ ...
ﻫﻮ ﺇﻥ ﻋﻤﺎﺭ ... ﻛﺎﻥ ﺿﻤﻦ ﺍﻟﻨﺎﺱ ﺍﻟﻠﻲ ﻗﺼﻔﻬﻢ ﺍﻟﺮﺗﻞ ...
ﻋﻤﺎﺭ ﺍﻟﻠﻲ ﻋﺎﺵ ﻉ ﻣﺒﺪﺃ ﻭﺃﺭﺍﺩ ﻳﻤﻮﺕ ﻋﻠﻴﻪ ﻷﻧﻪ ﻣﻘﺘﻨﻊ ﺑﻴﻪ ﻗﻨﺎﻋﻪ ﺗﺎﻣﻪ ..
ﺍﺗﻔﻘﺘﻮﺍ ﺍﻭ ﺍﺧﺘﻠﻔﺘﻮﺍ ﻣﻊ ﻋﻤﺎﺭ ... ﻭﺍﻟﻠﻲ ﺯﻳﻪ ..
ﻭﻣﻊ ﺍﻟﻤﻌﺘﺼﻢ ﺍﻟﻘﺬﺍﻓﻲ ﻭﺍﻟﻠﻲ ﺯﻳﻪ ..
ﺍﻻ ﺍﻧﻪ ﺍﻟﺮﺍﺟﻞ ﺍﻟﻠﻲ ﻳﻘﻌﺪ ﺛﺎﺑﺖ ﻷﺧﺮ ﻟﺤﻈﻪ ﺭﺍﻓﺾ ﺍﻧﻪ ﻳﺨﻮﻥ ﺍﻭ ﻳﺴﺘﺴﻠﻢ ...
ﻳﺴﺘﺤﻖ ﻛﻞ ﺍﻹﺣﺘﺮﺍﻡ ...
..... ﻳﺘﺒﻊ