المتمردين

العشق المتمرد

#العشق_المتمرد "اختبار"

#جمان_فريد

الجزء 110القسم الأخير

🌟..
مكالمه هاتفيه..
"عاودتله!"..
توفيق بضيق:ايه وندمت واجد..
اريج :وشن ينفع ندمك توا؟؟!معقوله توفيق انت هكي تتصرف بدون ماتفكر!؟اقل شي فكرت فخوك مسكين في الحبس زدته ع مابيه حرام عليك..
توفيق:بالله ياأريج ماتزيدها عليا..
اريج:نرفزتي هلبه توفيق هلبه..انت حتى مانكش متاكد من بين رانيا واللي كان واقف معاها...وكان تطلع ظالمها وخربت عليها هي وخوك ع الفاضي!!
توفيق:تس ..افف...خلاص توا بنصكر عندي خدمه..
اريج :ع راحتك..
صكرت اريج وهي متعفلقه منه ع الآخر...
🍁🍁🍁🍁
《 رانيا :والله ولا ثانيه والله العظيم ولاثانيه فارقت عقلي وقلبي..والله يارمزي اني من غيرك ناقصه..اني من غيرك شي ولاشي..
رانيا ودموعها ينزلوا:ندعي لربي في كل وقت نكونوا لبعض في كل وقت..وحتى انت..دير هكي..》
تنهد بحرقه ودموع عيونه خانوه طول مسحهم ..شبح للحديده فيده..
وهو يشوفلها..
كل اللي عاشه مع رانيا من ايام كانوا صغار يمر قدام عيونه وفمواقف هلبه بينتله رانيا فيهم مدى تمسكها بيه ع قد ماشافت ومر عليها مافي حد قدر ياخدها منه...
اذكر اخر مرة راها في مكالمة الفيديو عيونها وحالتهم من البكي..ارهقتهم دموع شوقها ليه..
ولأول مرة..
رمزي مايصدقش فرانيا اللي سمعه من خوه ..
خوه اللي قال الكلام واكيد مش قاصد يفرق بينه وبين اللي يبيها..
لكن قال فنفسه "سوء فهم"..
مسح بيده ع وجهه..
بعدين خدي نفس..
وحط يده تحت فرشة السرير وطلع كراسه..
فتحها كان فوسطها بيرو ..
خداه..
وبدي يكتب..
(برغم ان زيارة اليوم سمحه في بدايتها بس اخرها غم ع قلبي..نقولك ياسمرا..والله ماصدقت ولايمكن نصدق..عارفك اني مربيك ومتربي معاك..مش انتي اللي تغدري وتخوني..متاكد اللي وصلي الكلام عنك فاهم غلط..قلبي يقول هكي برغم اني مش عارف شن شاف..بس اكيد فهم غلط..واثق فيك اكثر حتى من نفسي مستحيل تخوني وتغدري مستحيل..)
🍁🍁🍁🍁
وينه ياربي وينه ...
زينب:اللي يسمع يقول رايح منك خاتم ذهب..
رانيا وهي تبكي ودور قالت بشي من العصبيه:امي كانك ماتبيش ادوري معاي بري ارتاحي..
وقعدت ادور وادور..
وامها تنهدت بعدين طلعت قعمزت فالصاله..
رانيا ببكي:وين مشي ياربي وين..
رن تليفونها..مابتش تعبره..
كل همها تلقى خاتم رمزي..
رانيا:اني الحيوانه اني علاش نرمي فيه بس..
مشت بطريقها للكوجينه وامها تشوفلها
عاودت دورت فيها من جديد..
وروان معاها..
رانيا حطت ايديها ع راسها وقالت:ياربي وين مشي..خبطت بيدها ع فخادها وقالت..وييين..
"اهوا"..
نزلت ايديها وشبحت لأختها بعيون متوسعه..
لقتها واقفه قدام الفراغ البسيط بين الثلاجه والحيط..
جتها..
شبحت وين ماتشوف لقت الخاتم..
زفرت بقوة..
بعدين قالت:ترا حولي روني شويه..
وخرت روان..
شدت رباب التلاجه وقعدت تحرك فيها تحركت معاها شويه..
بعدين مشت للمكنسه فكتها..وخدت العصا..
وولت بيها حدا التلاجه دخلتها وقعدت تجبد شويه شويه والخاتم طلع..
لوحت العصا..وطبست خداته قعدت تمسح فيه بعدين باساته..
ورجعت لبساته وهي نقول:والله ماعاد محولاتك..
التفتت لاختها لقتها تشبحلها..
ابتسمت رانيا وطبست عليها وباستها من خدها وهي تقول:سلمهالي ..هي تعالي اطلعي..
مشوا طلعوا من الكوجينه..
بطريقها للدار عينها جت ع امها لقتها سرحانه..
تنهدت بضيق وقالت:يما لقيته..
استاقضت زينب وشبحتلها بعدين هزت راسها بإيجاب..
رانيا مشت خشت للدار واختها معاها..
عطتها ورقه وقلم تلعب بيهم..
بعدين مشت خدت تليفونها لقت زوز مكالمات من زين..
طول عاودتله...
....
وينك!!
رانيا:اسفه استاذ انشغلت.
زين:مش مشكله..المهم..بعتتلك رابط ليه علاقه بموضوع مشروعك شوفيه توا...
رانيا :حاضر..
زين:هي تصبح ع خير..
رانيا:قدامك كل خير..
صكر زين بعد ماصكرت..
بعدها حط تليفونه ع البار متاع الكوجينه..
وخدي صفرة عشاه ومشي بيها للصالون..
قعمز قدام اللاب متاعه..
وبدي ياكل وهو يشوفله...
🌴🌴🌴🌴
تهدرز ع التليفون بصوت واطي وهي فالدار..
لمياء:الدوشه متاع حميده ماخلتنيش نقول شي..
سناء:هما حيقولولك لان عماد قالي بيبعت امه نهار الاحد..
لمياء:باهي ع شن تفاهمتوا..
سناء بضحكه:هو مخطط لكل شي..قالي نديرلك الفضانيه توا وبيان كبير شهر 6..
لمياء :ههههه..حي ع الجو..حني توا فتلاته معناها بعد شهرين..باهي العرس..
سناء:قال لين نكمل حوشي..
لمياء:اقصى شي العام الجاي..
سناء:ممكن..بس تعرفي كل شي بسرعه بسرعه حسيته..
لمياء:هكي احسن ياغبيه..
سناء:هكي قولتك..
لمياء:ايه ياحماره بش تقربي منه براحتك وتعرفي كيف تسيطري عليه..تخليه مايشوف حد معاك..
تنهدت سناء وقالت:باهي....امم قوليلي امتى تحولوا..
لمياء:قبل نبوا مع بداية خمسه..لكن بعد المشكله اللي صارت بينه وبين خوه قررنا نقدموا المحوال لنص 4..
سناء:احسن افتكيتوا..
لمياء:تس..لكن اني الحق مانبيش..السكنه هني موفره علينا هلبه..
"لمياااااء"..
لمياء:خلاص سنسن بنصكر توا..اي تطور يصير معاك خبريني بيه طول..
سناء بضحكه:اوكي..بايات وبوسات..
لمياء بضحكه:باي..وصكرت..
"لمياااء تعااالي"
لمياء:جااايه جااايه..
🍁🍁🍁🍁
الساعه 12:00منتصف الليل..
كانت قاعده بروحها فالصاله تقرا ع اللاب...
وكانت فاتحه النت..
شويه وجتها رساله ع الماسنجر..
طول فتحتها...
(ابله مرام)
ابتسمت لما لقت الرساله جايه من رزان..
ردت
(هلا رزونه..شنو حالك حبيبتي)
رزان
(الحمد لله..شنو حالكم انتم؟)
مرام
(الحمد لله..شنو حال هلك كلهم)
رزان
(الكل بخير الحمد لله..اسفه اللي كلمتك فهالوقت)
مرام
(ولايهمك رزونه)
رزان
(تسلمي يارب..)
(ابله مرام)
مرام
(نعم)
رزان
(نبي مساعدتك فشي يخصني لو فيها كيف)
مرام
(واني في الخدمه حبيبتي..فشن تبي مساعدتي؟)
رزان
(عندك وقت )
مرام بإنتباه..
(ايه حبيبتي..احكي رزونه)
🍁🍁🍁🍁
"الحوار بالأمازبغي"...
اوليو بابا..اوليو... قول..بابا باا..با..
ايناروا بضحكه:تو يقولها ياودي
تيفسا وهو حاضن ولده:صغار العالم كله اول كلمة يتعلموها بابا..
ايناروا برفعة حواجب:محله تيفسا كيف خش الخمسه شهور راهو!
تيفسا:نبيه يكبر فيسع..
ايناروا ضحكت وجتهم..
حضناته من الخلف وهي حاطه راسها ع ظهره ومغمضه عيونها..
تيفسا غمز لولده وهو يقول:ماما اشبح شن تبي..خل نردك لسريرك بش نشوف خيرها..
حط ولده في السرير وعطاه لعبه يلعب بيها ومازالت ايناروا حاضناته..
شد ايديها وحولهم والتفتلها حطهم ورا رقبته وحاوطها من خصرها..وقرب منها لين جبهته لامست جبهتها وقال:شن تبي..
ايناروا وهي تشوفله بعشق وشوق:استاحشتك..معاش نشوف فيك بكل الخدمه وصحابك ديما واخدينك منا..
ضحك وقال:ضرايرك..
قالت بزعل مصطنع:احرف من الضرة..ع اقل ضرة يوم بيوم لكن هما كل يوم..
رفع حاجبه الآيسار وقال:معناها الضره اهون !؟
نزلت ايديها ع رقبتها وكأنها بتخنقه..
تيفسا:ههههههههه..
قرب بعدها باسها لحظات وبعدين بعد وهو يقول:عندك علم عماد بيخطب..
ايناروا:وحده غير رزان!!
هز راسه بإيجاب..
ايناروا:بسرعه هكي !؟
تيفسا:يبي يسبق..
وخرت ايناروا وقالت:كيف يسبق مافهمتش؟
نزل ايدين مرته وقعد شادهم..وهو يقول:الباين حتى بنت خاله هناك من بيخطبها..وهو يبي يسبق..
ايناروا:اها فهمت..لكن بجديات صاحبك يوجع..
تيفسا:تبدل حاله 180درجه ياإيناروا وكأنه مش عماد اللي نعرفه..
إيناروا:لكن هو هكي بيزيدها ع روحه..
تيفسا:حاولت ننصحه لكن هو صكر راسه مع الأسف..
ايناروا مطت شواربها لداخل بأسف....
🍁🍁🍁🍁
(رزان كسرة القلب مش ساهله..بالذات كسرة قلب الراجل)
رزان
(عارفه والله عارفه..اني تصرفت بغباء..ريتي لما تحبي حد لدرجه انك معادتقدري تعيشي من غيره وفلحظه غباء تخسريه بإرداتك..هدي اني..غبيه غبيه واجد)
تنهدت مرام..
وعاودت تقرا فكلامها بعدين بدت تكتب
(باهي انتي تبي مني ندخل ولاتبي عمك يدخل)
رزان
(لا حي عليا شن عمي يدخل!!مستحيل..اني نبي منك نصيحه بس)
مرام:اني نفسي احترت يارزان..
رزان
(يعني لو نحاول معاه مرة تانيه..نبي المحاوله هدي تكون مختلفه تقدر تلين قلبه..ترده ليا..يعني..كيف ندير)
مرام:ياروحي..البنت تحبه واجد...ونادمه واجد...تس..
بدت تكتب
(رزان نصحيتي الوحيده ليك انك معاش تفكري انك تحاولي معاه نهائي...ممكن مش هدي النصيحه اللي كنت تراجي فيها..لكن هي هدي النصيحه اللي تحتاجيها..تنازلتي واجد وكل ماتزيدي تتنازلي هو حيزيد يكابر ويتكبر يارزان ويحس انك لازم تتنازلي زياده ويزيد يجرحك اكثر..ببساطه لأنه مجروح)
رزان قعدت تقرا فكلامها وهي تبكي..
بعتت مرام تاني..
(خسرتيه...امر واقع لازم ترضي بيه...ماتخسري كرامتك يارزان هي الأخرى...خسارة الكرامه مايعوضه شي)
رزان تقرا وتبكي بألم ..
كل شي حواليها يقول خلاص استسلمي ودعي هالحب لغير رجعه..انسيه...
وهي مش قادره تقبل ولا تستوعب..
(رزان)
(رزان حبيبتي!)
قربت ايديها اللي يرجفوا من الكيبورد وبدت تكتب باصابعها المرتعشه..
(تمام...شكرا ابله مرام..وسامحيني ع الأزعاج)
تنهدت مرام بضيق وقالت: مااقتنعتش..
بدت تكتب ...
(ولايهمك حبيبتي...فأي وقت كلميني كان احتجتيني...تصبحي ع خير)...
في هالوقت رزان كانت مصكره...
كانت منطرحه ع سريرها وهي ودافنه وجهها فالمخده و تبكي وقلبها يوجع فيها وكل ماله وجع الفراق يزيد كل ماتلاشى الأمل من امكانيه الرجوع...💔
🍃🍃🍃🍃🍃
ومر اسبوع...
وحميده قاعده ع حالها ماتطلعش من الدار الا للحمام وماهناك ماتاكل حتى بنتها بدت تهمل فيها ومخليتها لغاليه بس...
الهادي ومحمد معاش خشوا الحوش بكل....
الهادي بالذات..ولا عصبي لدرجة كبيرة حتى مرته بدت تتحاشى فيه وع قد ماتقدر تتجنب الإحتكاك بيه..
وحميد جي فهالأسبوع وتفاهم مع حميده انها حيبدا اجراءات رفع قضية الطلاق..
وهي معاش عندها امنيه حاليا غير انها تفتك..
🍁وفي من حصل حصله الله اعلم ان كان حيقدر يطلع منها إن أراد يوم من الأيام..
مشت امه لحوش سناء وتكلمت فيها وهما روتينيا خدوا وقتهم بش يفكروا ويسألوا ع عماد..
كفايه مشت يوم الأحد..
ردوا عليهم الخميس بالموافقه..
وتحدد يوم الفضانيه..
فأول اسبوع مش شهر اربعه لأن خوها ابراهيم بيروح زيارة فهداك الأسبوع وهكي يحضر فضانية اخته..
كل العيله عندها علم..
الكل ماعدا ميلاد وعيلته..
رزان...ماتعرفش...🍃
🍁ورانيا ماتعرفش بالتخبيصة الكبيرة اللي خبصها سلفها المستقبلي..
بس سلفتها المستقبليه كانت تبي دير شي بش تصلح غلطة خطيبها...
"رانيا..رانيا"..
وقفت رانيا اللي كانت تمشي في ممر الكليه والتفتت..
ابتسمت بمفاجأة لما شافت اللي تنادي فيها:اريج.!!
اريج بإبتسامه مدت يدها وقالت:شن جو..
رانيا صافحتها وسلمت عليها بالخد وهي تقول:تمام الحمد لله شن جوك انتي..شن الريح اللي حدفاتك علينا..
اريج بضحكه:ليا توا قريب عشرة ايام فطرابلس جدتي مدايرة عمليه هني وحني جينا ع خاطرها..
رانيا:عملية ع شني..
اريج:بسيطه هي مرارة ..لكن جدتي مراة كبيرة تعبتها العمليه شوي..
رانيا:اها..لاباس عليها..
اريج :لايوريك باس..وزعت نظرها ع المكان وقالت..فاضيه ..
رانيا شبحتلها شويه بعدين هزت راسها بإيجاب وقالت:حاليا ايه..
اريج ابتسمت ابتسامه متوتره وقالت:نبيك فحاجه ضروريه..
رانيا ضيقت عيونها وقالت:باهي..تعالي نقعمزوا فمكان هادي..
اريج:باهي..
برا...
مستريحين في المدرسه؟
دلال بإبتسامه:امم للآن كل شي تمام..
ضو بإبتسامه:كويس..
دلال:شكرا..
ضو بضحكه:العفو...باهي شن الموضوع التاني اللي تبي تستشيرني فيه..
خدت نفس بعدين ركزت بنظرة ع يدها اللي كانت شاده بيها يد الشنطه وتفرك فيها بتوتر قالت:احمم..في هلبه...تنهدت وكملت تقول...هلبه...يعني مفقودين ايام الحرب متاع 2011
وفي اللي قالوا انهم..ماتوا..يحسابوهم ميتين..قامت عيونها فيه وقالت..وتوا في منهم رجع لأهله واللي طلع حي..
ملامح وجه ضو تغيرت..
برغم الشعور السيء اللي حس بيه وقتها بس كان مركز ع الدموع المحبوسات فعيونها وقلبه تلقائيا تألم لماشافهم..
دلال بنظرة تساؤل ممزوجه بالألم قالت:معقوله عمار يطلع منهم!؟
هو مط شواربه للأسفل وهو يوزع فنظره ع المكان..
دلال تبدلت ملامح وجهها للضيق حطت يدها ع جبهتها وقالت بربكه:احمم..انسى اللي قلته..نزلت يدها بدون ماتشوفله وهي قارنه حواجبها..مش عارفه كيف فتحت معاك موضوع زي هدا....احمم..اسفه..عن اذنك..
ولفت ومشت..
ضو قعد يشوفلها للحظات بعدين لحقها بسرعه..
ضو:دلال..دلال...استني.
وقفت..
هو جي قدامها وقال:تبي تسألي وتعرفي..قصدي تتأكدي من اللي تحسي بيه..
دلال حركت راسها ايمين ويسار نافيه وهي محرجه قالت:لالا...مانبيش..انسى اللي قلته بالله عليك ..
فاتت من حداه بسرعه وهي محرجه ع الآخر..
وهاربه فنفس الوقت..هي من يوم اللي انزرع فقلبها امل ان يكون راجلها حي..موجود فالدنيا..وهي تفكر ليل نهار فأنها ادور عليه...
لكن خايفه لو توصل فشي يصدمها..
خايفه يموت الأمل اللي فداخلها ويطلع اللي تحس بيه مجرد وهم..
وكذلك خايفه لو يطلع حي..وعايش عيشه تخليها تتمناله الموت ع انه يعيشها..
ضو حس بأنها خايفه حد يعرف باللي يدور فداخلها واستنتج انه اول من يعرف بيه..اول من تبوحله دلال بشي فمكنونها هي ماتبيش اطلعه..
بس طلعاته لسببين..انها وثقت فيه..وحست اتجاهه بالأمان...
وطبعا هالشي فرح ضو هلبه..
🍁🍁🍁🍁
بصوت مبحوح وبصدمه قالت:شن هيا!!؟؟؟
اريج :ايه هو اتسرع بس ندم ع اللي داره..
رانيا ودموعها ينزلوا قالت تهكما:بالله!!؟
اريج سكتت وهي مضايقه ع الآخر...
رانيا غمضت عيونها بشده وقالت بغضب:كان نلقاه نقتله..نقتله بإيديا توفيق الشياطين هدا..
اريج وجعتها الكلمه لذلك قالت:احمم..يعني هو ري خطيبة خوه واقفه مع واحد..عقله بيودي ويجيب الرجاله معروف تفكيرهم ..مانبيش نقول ماتلوميشي لكنه معذور شويه..
رانيا وهي تشوفلها بحده؛معذور لما تبدا خطيبه خوه وحده برانيه مايعرفهاش كويس ماتربتش معاه وعارفها من وهي صغيره وفي بينه وبينها رابط دم..مفروض صفر في المية تكون نسبة شكه فيا!!..حتى لو بنعذره يجي يسألني.. يتأكد...مش يمشي يعاود اللي شافه لخوه اللي يعاني في المعتقل ليه قريب اربع سنين لتوا..ويعلم الله شن شكل عيشته غادي ويزيده على مابيه..
اريج بحزن:حتى اني هادي اكثر حاجه ضايقتني...
رانيا وهي تمسح فدموعها :خسارة ماكنت نحسابه عاقل..
اريج شبحتلها بضيق..
رانيا:ربي يعينك عليه بجديات..
اريج:اني جيت قتلك نحاول نصلح غلطه..
رانيا شبحتلها ودموعها طاحوا وقالت:غير كيف يتصلح غلطه قوليلي..
اريج:ياريت نقدر نساعدك اكثر من هكي..
رانيا شبحت القدام بعدين رشفت وقالت:ع كل حال بارك الله فيك..
اريج:فيك بارك الله..بس نبي نطلب منك طلب..
رانيا هزت راسها بإيجاب وقالت:مش حنديرلك معاه مشاكل ماتخافيش...
ابتسمت اريج وقالت:مشكوره..ويارب تلقي طريقه توصلي بيها لرمزي وتوضحيله..
شبحتلها شويه بعدين قالت:وانتي وضحي لخطيبك ان اللي كنت واقفه عليه استاذي والمشرف ع مشروعي وعلاقتنا برا هالحدود ماطلعتش..
اريج ضمت شواربها لداخل بأسف بعدين وقالت:ربي يهديك ياتوفيق..
🌴🌴🌴🌴🌴
ياوخيتي الدنيا غاليه شايطه فيها النار هدا شنو..اللي نحطوا يدنا عليها تحرقنا..
سميه:الدولار رقي رقيه بكل..
لمياء:ايه..هدا علاش قررنا اني وعمر نديروا جلسه للصاله ونفرشوا وحده من الديار..وللمربوعه بناخد
جلسه من حوش ماليا ماهم بيغيروا جلسة مربوعتهم وهي قاعده جديده قلت لوى يبيعوها للغريب واني اولى بيها..
سميه :امم..عندك حق"عليك قفاصه"..
ع خشة غاليه اللي كانت جايه من الحوش القديم..
حطت كياس الكسكسي ع الرخامه وقالت:ايه لمياء شن صار في المراة اللي مشتيولها انتي وامك امس شن قالتلكم..
سميه:ايه حقه شن قالت..
لمياء وزعت نظرها عليهم وهي تذكر في اللي قالاته الشيخه اللي مشولها هي وامها
⚡فلاش باك..
الشيخه:مافيك شي يابنتي..لاعين ولاحسد ولاسحر...
نادره:متأكده ياشيخه!؟راهي تجهض بدون سبب..وحتى الدكاترة قالوا ماعندها شي..
الشيخه:قدامك يااختي نادره قريت عليها مابدرش من بنتك اي ردة فعل..
لمياء بخوف:كيف هكي!!؟يعني اللي اني فيه مالاش سبب معقوله!!؟
شبحتلها الشيخه وقالت:مافي شي يصير فالدنيا هادي من غير سبب...مرات ربك مش قاسم توا..ويختبر فيكم فصبركم..
لمياء زاد شعورها بالخوف..
نادره:ايه صح كلامك ياشيخه..خلي املك بالله قوي بنتي..
ابتسمت بالغصب وهي تشوف لأمها ومن داخل كانت يرجف قلبها من الخوف..
⚡الوقت الحاضر..
"عين قويه "
سميه:عين!!؟
لمياء :ايه..قالت العين ادخل للقبر ..
غاليه:الله يجيرنا..باهي قوليلي شن قالتك اديري..
لمياء:عطتني مية مرقيه  نشربها ونغسل بيها وزيت مرقي ندهن بيه جسمي..وقاتلي اغسلي حتى بالقسط الهندي..
سميه:ربي يشفيك..
غاليه:آمين..
لمياء بإبتسامه فيها شي من الربكه:ياارب..
🍁🍁🍁🍁
فالجامعه..
يعني كان خوه بيحول توا ليش مايقدم العرس!؟
رزان بضحكه:اثقلي ياحماره..
بلقيس:اولا احترمي نفسك راني مرت عمك افهمي..وتانيا نثقل ع منو؟!راجلي هدى راهو..
ضحكوا رزان وتغريد..
بلقيس بنرفزة:والنبي خلني فحالي..اففف..عمك هدى ماينعرفله طريق نجيبوه منها..ديما فاصل وراقيتله..
رزان بضحكه:هدى ومازال ماعشتي معاه وريتي عصبيته ع اصولها حيه عليك حيه..
بلقيس:اسكتي يافرخه مش ناقصه راني..
تغريد بضحكه:خلاص رزونه خلي مرت عمك فحالها..
بلقيس:نجيها ياربي هالعسل..
ابتسمت تغريد بخجل ورزان تشوفلها وتضحك..
بعدين سكتوا شويه وهما يوزعوا فانظارهم حواليهم..
شويه وقالت رزان:بنات..
شبحولها..
رزان فتحت شنطتها وطلعت بوكس صغير مسطح ..
فتحاته وقالت:شن رايكن..
كان في البوكس سلسله رجاليه لونها فضي وفيها تعليقه ع هيئة وجه الأسد..
كانت حلوه هلبه ومميزة..
تغريد:فضه؟
رزان هزت راسها بإيجاب..
بلقيس:سمحه ومميزة..بس لمن ؟
تنهدت وقالت بعيون معبيات دموع:لعماد..
تغريد شبحت القدام...
اما بلقيس قعدت تشبح للسلسله وهي ماطه شواربها لداخل ع جنب..
رزان:خيركن!؟
تنهدت تغريد وقعدت ساكته..
بلقيس شبحت لرزان بعدين قالت:بمناسبة شنو؟
رزان:بدون مناسبه..هو عمره ماهدالي هديه بمناسبه...
شبحت بلقيس القدام وقعدت ساكته..
نزلوا دموع رزان وقالت:بالله ماتحبطني..تعرفن..صرفت فرده من خراصي بيش نشريها..
شبحولها..
رزان بنبرة باكيه:ووالله مااسكتثرتها عليه ياما هو جاب ياما وعمره ما همه قديش يكلفه..كل همه انه يفرحني ويرضيني وبس..عماد كان يعطي فيا فكل شي بدون مقابل كل شي..حب..اهتمام..سعاده..يدير المستحيل بيش نضحك..وكان راني نبكي ولاحسني زعلانه مايرتاح لين يفرحني ويجلي زعلي...كان وين نزعل منه يدير كل شي بش يراضيني..مرات كان يراضيني واني الغالطه....والله..والله لو مهما درت مايجي فربع اللي دارهلي...
بلعت بلقيس ريقها وهي ادمع قالت:باهي خلاص توا كل حد عدا فحاله راهو هو مايراجي منك ترديله اللي داره..
رزان ببكي:مش هدى قصدي....خيركم كلكم مش قادرين تفهموني..ياناس اني مش قادره من غيره والله ماقادره شوفوا قديش لينا مسيبين بعض..والله ماقدرت لحظه لحظه وحده نحوله من قلبي..ولاقادرة نحس بشي فالدنيا..
حياتي بهتت بعده بهتت..ولت اخيي اخييي..وحطت يدهاع وجهها وهي تبكي.
تغريد حطت يدها ع كتف رزان وقعدت اطبطب عليها..
وبلقيس اللي كان قلبها متقطع عليها..في كلام ع طرف لسانها تبي تقول وخايفه ع صاحبتها من تأثيره..
🍁🍁🍁🍁
الماده هادي فطالبه في الدفعه اللي قبلكم ممتازة فيها نكلمهالك..
نور:من هي؟
مهند"المعيد":نوميديا ساسي..
نور :اها عرفتها..
مهند بضحكه قال وهو يشوف ورا نور :بنت حلال..
التفتت نور شافت نوميديا جايه جيهتهم وهي مبتسمه..
نوميديا بضحكه:تقرم فيا نعرفك..
مهند بضحكه:ليه ليه..
نور بإبتسامه:يشكر فيك..
نوميديا شبحتلها وقالت:كويس..
مهند:ايه نوميديا نعرفك..نور طالبه من الدفعه اللي بعدكم..
نوميديا بإبتسامه:لمحتها كذا مرة..اهلا نور..
نوميديا:اهلين بيك..
من بعيد شويه..
كان مالك كيف خاش لمبنى الكليه..
ليه فتره لاشاف نور ولاكلمها..ع اساس يبي يخليها تحط عقلها فراسه وتفهمه لما تقعد مع روحها وتفكر في الموضوع وهو بعيد..
لكن نور ديما عكس توقعاته..
بدال ماتفهمه..حرقاته بوقفتها ع غريمه..مهند اللي مرة صار بينه وبين مالك مشكله كبيرة لماشافه واقف ع نور..
لانه كان زابط نظرات مهند ليها نظرات اعجاب..
نوميديا؛تمام ..عطيني رقمك..
نور مدت تليفونها لنوميديا..
نوميديا ابتسمت وخداته وبدت تسجل فرقمها..
مهند :امم..فيها مشكله نور لو خديت رقمك..
نور شبحتله شويه بعدين هزت راسها بإيجاب وهي مبتسمه..
نوميديا كانت توزع فنظرها عليهم وهي مبتسمه لعند مارن تليفونها بعدين مدت تليفون نور لمهند..
مجرد شاف مالك تليفون نور فيد مهند عقله طار..
مشالهم طول بإندفاع وغضب..
وكأنه كتله نار متحركه..
وصل فيهم وجبد تليفون نور من يد مهند..
نور انصدمت..
ونوميديا استغربت..
مهند قرن حواجبه وقال:شن حركات الفروخ هادي..
مالك بغضب شديد وهو يتوعد قال:تو نوريك شن شكلها حركات الفروخ..
ومد تليفون لنور وقال بعصبيه:خودي وتحركي قدامي..
نوميديا ضيقت عيونها وهي تشوفله..
نور خدت تليفونها منه بقوة....
حطت عينها فعين مالك..ورجعت مداته لمهند وقالت :سجل رقمك مهند..
مهند اتفاجئ..
مالك زادت انفاسه تسارعت وهو يشوف للتليفون؛تعرفي يانور لو ياخده...حكمتي علينا بالنهايه خلاص..
نور:حني منتهيين قداش لينا وانت حكمت علينا هالحكم قبلي..وتوا لوسمحت برا شوف حالك ومعاش ليك دخل بيا مرة تانيه..
نوميديا وخرت ومشت بعيد شويه وهي تشوفلهم..
ومالك مصدوم هلبه..
قريب يموت...
.يشوفلها كيف غيرت عيونها عنه وشافت لمهند وقالت:خوده..
مهند خدي الهاتف وهو يشوف لمالك..
مالك وخر خطوة...
بعدين لف ومشي ...
مجرد تلفت نزلت من عينه دمعه مسحها طول..
تنهد بحرقه..
وكان حاس ببرد شديد تسلل لأطرافه..
وصل فسيارته...
ركب وشغلها وتحرك...
🍁🍁🍁🍁
كيف؟!
لطيفه بضحكه:ايه..يوم ليها ويوم ليا..
حميد:احني اتفقنا..يوم نهار فيه ليكم والليل ليهم..واللي بعده النهار ليهم والليل ليكم..
لطيفه:وشن الفرق!؟
حميد:لا في فرق وكبير..
لطيفه قدمتله وقفت قدامه وهي تشوف لعيونه:شن هو..
حميد ابتسم وقال:اعفيني من الإجايه..
شد وجهها بإيديها وقرب راسها وباسه وقال:سلام توا..
فات من حداها ومشي فتح الباب وطلع..
هي نزلوا دموعها..
كانت عارفه ان حميد مايقدرش يمر عليه يوم مايشوفش فيه غزلان وهي قريبه عليه..
مراة وتحس براجلها وتعرفه..
وبدت واثقه ان فقلب راجلها معاش ولا ليها غير مساحه صغيره اسماها المعزة...فقط..
🍃السؤال هني..هل حتختار  لطيفه الإنسحاب؟🍃
🍁🍁🍁🍁
وسؤال تاني مالاش اجابه..
علاش لما نحبوا مانجرحوا كان اللي نحبوهم ويحبونا...
جروح عميقة ومؤلمه لدرجه كبيره ..
وحني عارفين مكانتنا عندهم...
مالك توا وهو يجري في الفروسيه ليه فوق النص ساعه..
كان حاس بوجع شديد فقلبه..
لدرجة يتمنى قلبه يوقف ويرتاح..
ايه هو طموح وعملي..ومش من النوع اللي يعبر ديما عن مشاعره زي خوه الكبير...
لكن درجة حبه لنور ممكن تفوت شويه درجة حب خوه لبنت خالهم..
الدنيا كلها توقف عند نور بالنسبه لمالك..
نور بالنسبه ليه اغلى ماعنده فيها..
فقدانها شي مايقدرش عليه..
يبررلها بينه وبين نفسه ويقول هي دارت هكي تبي تقهره زي ماقهرها بدون قصد..
بس هني الفرق..
ان هو ماكانش قاصد..
لكن هي قصدت..
وين يذكر اللي صار قلبه نار زيد تسعر اكثر واكثر...
وهو حاليا يزيد ينهك فنفسه اكثر واكثر...
🍁🍁🍁🍁
الساعه 4:00عصرا..
فتح باب الحوش..
حاس انه شبه منتهي من التعب..
حول كندرته بصعوبه..
بعدين كمل مشي برجليه الثقال..
فات من حدا الصاله سمع اصوات هدرزة بوه وامه..
كفايه:اني نعرف ولدي مابتغبوني فيه..عماد مايتصرفش برغبته...
سعد سخرية:ساحرينه!!؟
كفايه بضيق شديد:مش عارفه..
سعد: اسمعي يامراة ..هو اختار اللي يبي يكمل حياته معاها وهادي حياته هو..وهو حررر..هوااا..حرررر..راجل بعقله..وعقله فراسه يعرف خلاص..
ابتسم بتهكم...
وبدي يركب فالدروج...
وصل فوق..
توجه لدار عماد..
فتحها..
كانت فاضيه..
خش وصكر الباب وراه..
بعدين مشي للسرير..
وارتمي عليه بتعب...
وغمض عيونه ورقد...
🌴🌴🌴🌴🌴
الساعه 5:30عصرا..
في الكوجينه..
اني راني جيتك مش باش تزيدني ع مابيا..تربحي عمتي ساعديني..
غاليه وعيونها معبيات دموع شبحت للهديه وقالت:راك تعبي فروحك..
رزان غمضت عيونها اللي كانوا يدمعوا بنفاد صبر:اففففففف..افففف..
غاليه "لازم تعرف خلاص لعند امتى بيقعد مدرق يعني"
فتحت عيونها وقالت بحزن:ليش ياعمتي حتى انتي ماتبي تحسي بيا ليش..
غاليه بحزم:رزان من الأخير..
"عماد خطب سناء"
🍁🍁🍁🍁
يتكلم بالتليفون وهو في المخزن متاع البضاعه..
عماد:فالصاله؟
سناء:ايه..ولازم نحجز من توا..قولي اما يوم فشهر سته..
عماد بنظرة بارده قال:يوم11\6....

يتبع...