المتمردين

العشق المتمرد

#العشق_المتمرد
الجزء98/القسم الثالث

..🌟
ﻳﺎﺟﻤﺎﻝ ﺍﻟﺤﺐ ﻳﺎﺣﻼﻭﺗﻪ .. ﻟﻤﺎ ﻳﻜﻮﻥ ﺻﺎﻓﻲ .. ﻣﺤﻠﻪ ﺍﻟﻘﻠﺐ ﻭﺑﺲ ..
ﺣﺐ ﻣﺤﻔﻮﻅ ﻻﻳﻘﺮﺑﻪ ﺩﻧﺲ ﺷﻬﻮﻩ ﺷﻴﻄﺎﻧﻴﻪ .. ﻭﻻﻳﻠﻮﺛﻪ ﺍﻧﺤﺮﺍﻑ ﺍﻟﻐﺮﺍﺋﺰ ..
ﺣﺐ ﻟﻠﻪ .. ﻣﻄﻠﻮﺏ ﻣﻦ ﺍﻟﻠﻪ ..
ﻭﻷﻧﻪ ﺭﺏ ﺍﻟﺤﺐ ﻭﻛﻞ ﺷﻲ ﺟﻤﻴﻞ ..
ﻳﺴﻮﻕ ﺍﻟﻘﻠﻮﺏ ﺍﻟﻤﺘﺤﺎﺑﻪ ﻭﻳﻮﺻﻠﻬﺎ ﻟﺒﻌﻀﻬﺎ ..
💖 ﺑﻠﻘﻴﺲ ﺍﻟﻠﻲ ﻛﺎﻧﺖ ﻓﻌﻼ ﺟﺮﻳﺌﺔ ﻓﺎﻟﺘﻌﺒﻴﺮ ﻋﻦ ﺍﻋﺠﺎﺑﻬﺎ ﻭﺷﻌﻮﺭﻫﺎ ﻟﻜﻦ ﻭﻻ ﻣﺮﺓ ﻓﻜﺮﺕ ﺗﺘﻌﺪﺍ ﺍﻟﺤﺪﻭﺩ ﺣﺘﻰ ﺑﻌﺪ ﻋﺮﻓﺖ ﺷﻌﻮﺭ ﻣﺤﻤﺪ ﺍﺗﺠﺎﻫﻬﺎ .. ﻛﻞ ﺷﻲ ﻛﺎﻥ ﻳﻄﻠﻊ ﻣﻨﻬﺎ ﻋﻔﻮﻱ ..
ﻭﻋﻔﻮﻳﺘﻬﺎ ﻫﺎﺩﻱ ﺟﺬﺑﺖ ﺍﻟﻮﺍﺩ ﺍﻟﺜﻘﻴﻞ .. ﺑﻮ ﻗﻠﺐ ﺣﺪﻳﺪ ﺍﻟﻠﻲ ﻋﺎﺵ ﻋﻤﺮ ﻻﻓﻜﺮ ﻓﺤﺐ ﻭﻻﺇﺭﺗﺒﺎﻁ ﺷﻐﻼﺗﻪ ﺑﻴﻬﺎ ﻭﺧﻼﺗﻪ ﻳﻔﻜﺮ ﻓﻴﻬﺎ ﻓﻜﻞ ﻭﻗﺖ ..
ﺧﻼﺗﻪ ﻛﺬﺍ ﻣﺮﺓ ﻳﻠﺤﻘﻬﺎ ﻭﻫﻲ ﻣﺎﺷﻴﻪ ﻟﻠﻤﺪﺭﺳﻪ ﻭﻻ ﻣﺮﻭﺣﻪ ﻣﻨﻬﺎ ﻭﻳﺮﺍﻗﺐ ﻛﻞ ﺗﺼﺮﻓﺎﺗﻬﺎ .. ﻳﺴﺄﻝ ﻋﻨﻬﺎ ﻛﻞ ﻣﻦ ﻳﻌﺮﻓﻬﺎ ﻭﻣﺎﺳﻤﻊ ﺍﻻ ﻛﻞ ﻃﻴﺐ ..
ﺣﺘﻰ ﺑﻌﺪ ﺧﺸﺖ ﺍﻟﻜﻠﻴﻪ ﻛﺬﺍ ﻣﺮﺓ ﻣﺸﻲ ﻭﺑﺪﻭﻥ ﻣﺎﺗﺤﺲ ﺑﻴﻪ ﻛﺎﻥ ﻳﺮﺍﻗﺐ ﻓﻴﻬﺎ ﻭﻓﺘﺼﺮﻓﺎﺗﻬﺎ ﺣﺘﻰ ﻟﻤﺎ ﻳﺠﻮﺍ ﺷﺒﺎﺏ ﻳﻜﻠﻤﻮﻫﺎ ﻛﺎﻧﺖ ﺗﻘﻄﻊ ﻋﻠﻴﻬﻢ ﻓﺎﻟﻄﺮﻳﻖ ..
ﻛﺎﻥ ﻳﺸﻮﻑ ﻓﺠﻮﻫﺎ ﻣﻊ ﺻﺤﺎﺑﺎﺗﻬﺎ ﺑﺼﺎﺭﺗﻬﺎ ﺍﺳﻠﻮﺑﻬﺎ ﻓﺎﻟﻬﺪﺭﺯﺓ ﺗﺼﺮﻓﺎﺗﻬﺎ ..
ﻛﻞ ﺷﻲ ﺧﻼﻩ ﻳﻄﻴﺢ ﻓﺤﺒﻬﺎ ﺑﺪﻭﻥ ﻣﺎﻳﺤﺲ ..
ﺧﻼﻩ ﻣﺠﺮﺩ ﻣﺎﺣﺲ ﺍﻧﻬﺎ ﻣﻤﻜﻦ ﺗﺮﻳﺢ ﻣﻨﻪ ﻃﻮﻝ ﺗﺤﺮﻙ ﺑﺶ ﻳﺤﻮﺯﻫﺎ ﻭﻣﺎﺗﻜﻮﻥ ﻟﺤﺪ ﻏﻴﺮﻩ ﻫﻮ ...
💕💕💕💕💕💕💕
ﺯﻱ ﺧﻮﻩ ﻫﺎﻧﻴﺒﺎﻝ ﺍﻟﻠﻲ ﻋﺎﺵ ﻓﺘﺮﻩ ﻣﺘﺨﺒﻂ ﻓﺤﻴﺎﺗﻪ ﺍﻟﻌﺎﻃﻔﻴﻪ ﻣﺶ ﻗﺎﺩﺭ ﻳﺎﺧﺪ ﻗﺮﺍﺭ ﺣﻜﻴﻢ ﺑﺮﻏﻢ ﻣﺎﻳﻤﻠﻚ ﻣﻦ ﺣﻜﻤﻪ ..
ﻓﻜﻞ ﻣﺮﺓ ﻛﺎﻥ ﻳﺨﺘﺎﺭ ﻏﻠﻂ ﻷﻧﻪ ﻭﻻﻣﺮﺓ ﺣﻜﻢ ﻋﻘﻠﻪ ﺧﻼ ﺷﻌﻮﺭﻩ ﺑﺲ ﻳﺘﺤﻜﻢ ﻓﻴﻪ ..
ﻭﻳﻦ ﺟﻲ ﺍﻟﻮﻗﺖ ﺍﻟﻠﻲ ﺗﺤﺮﻙ ﻓﻴﻪ ﺍﻟﻘﻠﺐ ﻣﻊ ﺍﻟﻌﻘﻞ ﺑﺪﻭﻥ ﺗﺮﺩﺩ ﺍﺧﺘﺎﺭ ﻭﻗﺮﺭ ﻭﺿﺮﺏ ﺍﻟﺤﺪﻳﺪ ﻭﻫﻮ ﺣﺎﻣﻲ ﻷﻧﻪ ﻛﺎﻥ ﻭﺍﺛﻖ ﻣﻠﻴﻮﻥ ﻓﻲ ﺍﻟﻤﻴﻪ ﺍﻥ ﺍﺧﺘﻴﺎﺭﻩ ﺻﺢ ﺍﻟﺼﺢ ..
ﻭﺣﺎﺭﺏ ﺑﺶ ﻳﻨﻮﻝ ﺍﻟﻠﻲ ﺍﺧﺘﺎﺭﻫﺎ .. ﻭﻧﺎﻟﻬﺎ .. ﻭﺍﺧﻴﺮﺍ ﻋﺮﻑ ﻣﻌﻨﻰ ﺍﻵﺳﺘﻘﺮﺍﺭ ﺍﻟﻌﺎﻃﻔﻲ .. ﻭﺍﺭﺗﺎﺡ .. ﻭﻛﺎﻧﺖ ﻟﻴﻪ ﺍﻟﺴﻜﻦ ﺍﻟﻠﻲ ﻳﺪﻭﺭ ﻋﻠﻴﻪ ..
💕💕💕💕💕💕💕💕
ﻭﻣﺶ ﺑﻌﻴﺪ ﻋﻠﻴﻬﻢ ﻣﺆﻧﺲ ..
ﺍﻟﻠﻲ ﻟﻤﺎ ﻋﺮﻑ ﺍﻟﺤﺐ ﻃﺮﻳﻖ ﻟﻘﻠﺒﻪ .. ﻛﺎﻥ ﺑﺎﺏ ﺍﻟﻤﺤﺒﻮﺏ ﻣﺼﻜﺮ ﻭﻗﻠﺒﻪ ﻣﺼﻜﺮ .. ﺍﻳﻪ ﺣﺲ ﺑﺨﻴﺒﺔ ﺍﻷﻣﻞ ..
ﺑﺲ ﻣﻦ ﻗﻠﺒﻪ ﻗﺎﻝ ﺟﻤﻠﻪ ﺑﻴﻨﺖ ﻣﺪﻯ ﻗﻮﺓ ﺇﻳﻤﺎﻧﻪ
" ﺍﻷﻗﺴﺎﻡ ﻋﻠﻰ ﺍﻟﻠﻪ "
ﻭﺳﻠﻤﻬﺎ ﻟﻠﻪ .. ﻭﺳﺒﺤﺎﻧﻪ ﺧﻼ ﻛﻞ ﺍﻷﺣﺪﺍﺙ ﺍﻟﻠﻲ ﺟﺮﺕ ﺑﻌﺪﻫﺎ ﺗﻜﻮﻥ ﻓﺼﺎﻟﺤﻪ ﻭﻟﻮ ﺍﻥ ﻣﻌﻈﻤﻬﺎ ﻛﺎﻥ ﻣﺆﻟﻢ ﺑﺎﻟﻨﺴﺒﻪ ﻟﻴﻪ ..
ﺍﻻ ﺍﻥ ﻓﺪﺍﺧﻞ ﻛﻞ ﺷﺪﺓ ﺭﺣﻤﻪ ...
ﺳﺎﻗﻠﻪ ﻣﺤﺒﻮﺑﺘﻪ ﻟﻴﻪ .. ﻭﺧﻼﻫﺎ ﻓﻲ ﺍﻟﻨﻬﺎﻳﻪ ﻣﻦ ﻧﺼﻴﺒﻪ ﻭﻛﺎﻥ ﻫﺪﺍ ﺟﺰﺍﺀ ﺣﺴﻦ ﻇﻨﻪ ﺑﻴﻪ .. ﺳﺒﺤﺎﻧﻪ 💖
🍃🍃🍃🍃🍃
ﺑﺲ ﻓﻲ ﻣﻦ ﻓﺎﻟﺤﻴﺎﻩ ..
ﺑﺮﻏﻢ ﺍﻧﻬﻢ ﺩﺍﺭﻭﺍ ﻫﻠﺒﻪ ﺧﻴﺮ ﻓﺤﻴﺎﺗﻬﻢ ..
ﺍﻻ ﺍﻧﻬﻢ ﻓﻴﻮﻡ ﻣﻦ ﺍﻷﻳﺎﻡ ﻛﺎﻧﻮﺍ ﺳﺒﺐ ﻛﺴﺮﺓ ﻗﻠﺐ ﻭﺃﻟﻤﻪ ..
ﻭﺍﻟﻌﺸﻢ ﻣﺶ ﺳﺎﻫﻞ ...
ﻭﻻﺑﺪ ﺗﺨﻠﺼﻪ ﻳﺎﻟﻠﻲ ﻋﺸﻤﺖ ﻓﻲ ﺍﻟﺪﻧﻴﺎ ﻻﺑﺪ ..
ﺍﻻ ﻛﺴﺮ ﺍﻟﻘﻠﻮﺏ ﺭﺑﻲ ﻣﺎﻳﻐﻔﺮﺍﺵ ﺩﻭﻥ ﺗﺄﺩﻳﺐ ..
ﻋﻦ ﻋﻤﺎﺩ ﺍﻟﻜﻼﻡ ...
ﺍﻟﻠﻲ ﻗﺎﻋﺪ ﺣﺎﻟﻴﺎ ﻳﻌﺸﻖ ﺑﻜﻞ ﺟﻮﺍﺭﺣﻪ ..
ﻭﺍﻟﻠﻲ ﻳﻌﺸﻘﻬﺎ ﺗﻌﺸﻘﻪ .. ﺑﺲ ﻧﺎﻭﻳﺘﻠﻪ ﻛﺴﺮ ﺍﻟﻘﻠﺐ ..
ﺑﺮﻏﻢ ﺍﻥ ﻗﻠﺒﻬﺎ ﻗﺎﻋﺪ ﻳﺬﻭﻕ ﻓﻲ ﺍﺻﻨﺎﻑ ﻭﺍﻷﻟﻮﺍﻥ ﺍﻟﻌﺬﺍﺏ ﻉ ﺧﺎﻃﺮﻩ ...
ﺍﻻ ﺍﻧﻬﺎ ﻣﺶ ﻗﺎﺩﺭﻩ ﺗﻐﻔﺮﻟﻪ ﺧﻴﺎﻧﺘﻪ .. ﻭﺣﺎﻟﻔﻪ ﺗﻌﺎﻗﺒﻪ ﻋﻠﻴﻬﺎ ..
🍁 ﺗﻌﺎﻗﺒﻪ ﻉ ﺫﻧﺐ ﻣﺎﺍﻗﺘﺮﻓﺎﺵ ..
ﻣﻈﻠﻮﻡ ... ﻫﻲ ﻣﺎﺗﻌﺮﻓﺶ .
ﺑﺲ ﻟﻤﺎ ﺗﻌﺮﻑ ﺷﻦ ﺣﺘﻜﻮﻥ ﺭﺩﺓ ﻓﻌﻠﻬﺎ؟
ﻭﻻ ..
ﻟﻮ ﻫﻮ ﻳﻌﺮﻑ ﺍﻟﻠﻲ ﻫﻲ ﻧﺎﻭﻳﺘﻠﻪ ﻋﻠﻴﻪ ﺷﻦ ﺣﺘﻜﻮﻥ ﺭﺩﺓ ﻓﻌﻠﻪ؟ !
ﺍﺳﺌﻠﻪ ﺍﻹﺟﺎﺑﻪ ﻋﻨﻬﺎ ﺣﺎﻟﻴﺎ ﻣﺶ ﻣﻌﺮﻭﻓﻪ ..
ﺑﺲ ﺻﻌﺐ ﺟﺪﺍ ﺗﻮﻗﻌﻬﺎ ﺑﻞ ﻣﺆﻟﻢ ﻟﺪﺭﺟﺔ ﻛﺒﻴﺮﺓ ..
ﻟﻜﻦ ﺯﻱ ﻣﺎﻳﻘﻮﻟﻮﺍ ..
🍃 ﺍﻟﺪﻧﻴﺎ ﺧﻼﺻﻬﺎ ﻓﻴﻬﺎ 🍃
ﻋﺬﺍﺏ ﺭﺍﻧﻴﺎ ﻣﻦ ﻓﺮﺍﻕ ﺍﻷﺻﻔﺮ ﻣﺶ ﺷﻮﻳﻪ ..
ﻳﺎﻣﺎ ﺑﻜﺖ ﻭﺗﺄﻟﻤﺖ ﻭﺷﺎﻓﺖ .. ﻭﻟﻬﺎﻟﻠﺤﻈﻪ ﻣﺎﺯﺍﻟﺖ ﺗﺒﻜﻲ ﻭﺗﺘﺄﻟﻢ ﻭﺗﺨﻤﻢ ﻭﻛﻠﻬﺎ ﺧﻮﻑ ﻋﻠﻴﻪ .. ﻉ ﻣﺼﻴﺮﻩ ..
ﻭﻫﻮ ..
ﺍﻟﻠﻲ ﺑﺮﻏﻢ ﻭﺟﻮﺩﻩ ﻓﻲ ﺍﻟﺴﺠﻦ ..
ﻭﺑﺮﻏﻢ ﺍﻟﻠﻲ ﺷﺎﻓﻪ ﻭﺍﻟﻠﻲ ﻋﺎﻧﺎﻩ ﻭﻻ ﻣﺮﺓ ﺭﺍﺣﺖ ﻋﻦ ﺑﺎﻟﻪ ..
ﻳﺸﻮﻑ ﻟﺤﺪﻳﺪﺗﻬﺎ ﺍﻟﻠﻲ ﻻﺑﺴﻬﺎ ﺍﻟﺤﺪﻳﺪﻩ ﺍﻟﻠﻲ ﺣﺘﻰ ﺑﻌﺪ ﺩﺧﻠﻮﻩ ﻟﻠﻌﻤﻠﻴﺎﺕ ﻣﺎﺣﻮﻟﻬﺎﺵ ﻣﻤﻜﻦ ﺻﻌﻮﺑﻪ ﺍﻟﻮﺿﻊ ﻭﻗﺘﻬﺎ ﺧﻼ ﻛﻞ ﺷﻲ ﻳﺼﻴﺮ ﺑﺴﺮﻋﻪ ﺗﺤﺖ ﺿﻐﻂ ﺧﻼﻫﻢ ﻳﺴﻬﻮﺍ ﻋﻨﻬﺎ ..
ﻭﻫﺎﻟﺴﻬﻮ ﺣﻔﻈﻠﻪ ﺍﻟﺬﻛﺮﻯ ﺍﻟﻮﺣﻴﺪﻩ ﻣﻨﻬﺎ ﺍﻟﻠﻲ ﻗﺎﻋﺪﻩ ﺗﺼﺒﺮ ﻓﻴﻪ ﻉ ﻓﺮﺍﻗﻬﺎ ..
🍃🍃🍃🍃🍃
ﻭﺍﻩ ﻣﻦ ﺍﻟﻔﺮﺍﻕ ﺍﻷﺑﺪﻱ ..
ﺍﻟﻠﻲ ﻣﺎﻓﻴﺶ ﺑﻌﺪﻩ ﺭﺟﻌﻪ ..
ﺍﻟﻔﺮﺍﻕ ﺍﻟﻠﻲ ﻓﻴﻪ ﺍﻟﻤﻔﺎﺭﻗﻴﻦ .. ﻭﺍﺣﺪ ﻣﻦ ﺍﻫﻞ ﺍﻟﺪﻧﻴﺎ ﻭﺍﻟﺘﺎﻧﻲ ﺑﺮﺍ ﻣﻨﻬﺎ ..
ﺍﻟﻠﻲ ﻗﻌﺪ ﻓﻲ ﺍﻟﺪﻧﻴﺎ ﻳﻌﻴﺶ ﺍﻟﻌﺬﺍﺏ ﺍﺿﻌﺎﻑ ﻣﻀﺎﻋﻔﻪ ..
ﺑﺎﻟﺬﺍﺕ ﻟﻤﺎ ﺗﻘﻌﺪ ﻣﻦ ﺍﻟﻠﻲ ﻣﻔﺎﺭﻗﻪ ﺫﻛﺮﻯ ...
ﻭﻣﺶ ﺃﻱ ﺫﻛﺮﻯ ﺧﻼﻫﺎ ﻋﻤﺎﺭ ﻟﺪﻻﻝ ..
ﺟﻮﺍﺩ .. ﻣﻌﻤﺮ .. ﺁﺳﻴﺎ ..
🍁🍁🍁🍁
ﺍﻟﺤﻤﺪﻟﻠﻪ ﺍﻟﻴﻮﻡ ﺟﻮﺍﺩ ﺣﻔﻆ ﺳﻮﺭﺓ ﺍﻟﻠﻴﻞ .. ﺗﺼﺪﻕ ﻣﺎﻛﻨﺘﺶ ﻧﻌﺮﻑ ﺍﻥ ﺍﻟﺤﻔﻆ ﻓﺴﻦ ﺯﻱ ﻫﺎﺩﻱ ﺳﺎﻫﻞ ﻫﻜﻲ .. ﻧﺬﻛﺮ ﻗﺒﻞ ﻋﻤﻲ ﻗﺎﻟﻲ ﺍﻧﻚ ﺣﻔﻈﺖ ﺍﻟﻘﺮﺁﻥ ﻛﺎﻣﻞ ﻓﻌﻤﺮ 11 ﺳﻨﻪ .. ﻛﻨﺖ ﺷﻮﻳﻪ ﻣﺶ ﻣﺴﺘﻮﻋﺒﻪ ﻷﻥ ﺍﻟﻘﺮﺁﻥ ﻓﻨﻈﺮﻱ ﺻﻌﺐ ﻣﻔﺮﺩﺍﺗﻪ ﺻﻌﺒﻪ ﺟﺪﺍ ﻉ ﺍﻟﻜﺒﺎﺭ ﻳﺎﺑﺎﻝ ﺍﻟﺼﻐﺎﺭ .. ﺑﺲ ﻣﻊ ﺟﻮﺍﺩ ﻭﻟﺪﻧﺎ ﺍﺳﺘﻮﻋﺒﺖ ..
ﺍﺑﺘﺴﻤﺖ .. ﺑﻌﺪﻳﻦ ﻛﻤﻠﺖ ﻛﺘﻴﺒﻪ ..
ﺍﻳﻪ ﺍﺳﻴﺎ ﺑﺪﺕ ﺗﺘﻌﻠﻢ ﻓﻲ ﺍﻷﺭﻗﺎﻡ ... ﺍﺣﻴﺖ .. ﻧﻴﻦ .. ﺗﺎﺗﻪ ...
ﺿﺤﻜﺖ ... ﺑﻌﺪﻳﻦ ﺗﻨﻬﺪﺕ .. ﻭﺣﻄﺖ ﺍﻟﺒﻴﺮﻭ ...
ﺩﻣﻮﻋﻬﺎ ﺍﻟﻠﻲ ﻋﺒﻮﺍ ﻋﻴﻮﻧﻬﺎ ﻃﺎﺣﻮﺍ ..
ﻭﻗﻌﺪﺕ ﺗﺘﻜﻠﻢ ﺑﻠﺴﺎﻧﻬﺎ ﻫﺎﻟﻤﺮﻩ ..
ﺩﻻﻝ ﺑﺒﻜﻲ : ﺩﻳﻤﺎ ﻧﺘﺨﻴﻞ ﻓﻴﻚ ﺍﻧﺖ ﺍﻟﻠﻲ ﺗﻠﻌﺐ ﻣﻌﺎﻫﺎ ﻟﻤﺎ ﺑﺎﺑﺎ ﻳﻠﻌﺒﻬﺎ .. ﺗﺨﻴﻠﺘﻬﺎ ﻗﺎﻟﺘﻠﻚ ﺍﻧﺖ ﺑﺎﺑﺎ ﺍﻭﻝ ﻣﺮﺓ ﻟﻤﺎ ﻗﺎﻟﺘﻬﺎ ﻟﺒﺎﺑﺎ .. ﻣﺘﺄﻛﺪﻩ ﺇﻥ ﺁﺳﻴﺎ ﻛﺎﻧﺖ ﺣﺘﻨﺴﻴﻚ ﻓﻴﺎ .. ﻛﻨﺖ ﺣﻨﻐﻴﺮ ﻣﻨﻬﺎ ﻭﻧﺘﻌﺎﺭﻙ ﺍﻧﻲ ﻭﻳﺎﻫﺎ ﻋﻠﻴﻚ .. ﻣﺘﺄﻛﺪﻩ ﺍﻥ ﺷﻌﺮﻙ ﻛﻠﻪ ﺣﻴﻮﻟﻲ ﻋﻠﻴﻬﺎ ﻫﻲ ﻭﺑﺲ ..
ﺣﻄﺖ ﺍﻳﺪﻳﻬﺎ ﺍﻟﻠﻲ ﻳﺮﺟﻔﻮﺍ ﻉ ﻋﻴﻮﻧﻬﺎ ﻭﻗﻌﺪﺕ ﺗﺒﻜﻲ ..
🍃 ﻭﻳﺎﺩﻣﻮﻉ ﺍﻟﺪﻟﻮﻟﻪ ﻉ ﻓﺎﺭﺳﻬﺎ ﺍﻟﻠﻲ ﻣﺎﺑﻮﺍ ﻳﺠﻔﻮﺍ 🍃
💕 ﺍﻟﺪﻟﻮﻟﻪ ...
ﺍﻟﻠﻲ ﻭﻟﺖ ﺷﻐﻞ ﺍﻟﺪﻛﺘﻮﺭ ﺿﻮ ﺍﻟﺸﺎﻏﻞ ..
ﻛﻞ ﻭﻗﺘﻪ ﻳﻔﻜﺮ ﻓﻴﻬﺎ ... ﻳﺴﺮﺡ ﻣﻊ ﻧﻔﺴﻪ ﺍﺣﻴﺎﻧﺎ ﻟﻤﺎ ﺗﺠﻲ ﻉ ﺑﺎﻟﻪ
ﻣﻦ ﻳﻮﻡ ﻣﻨﺎﻗﺸﻪ ﺍﻟﻤﺸﺮﻭﻉ ﻹﺣﺪﻯ ﻃﺎﻟﺒﺎﺗﻪ .. ﻣﻌﺎﺵ ﺻﺎﺭ ﺑﻴﻨﺎﺗﻬﻢ ﺣﺪﻳﺚ ﻣﺮﺓ ﺗﺎﻧﻴﻪ ..
ﻟﻜﻦ ﻣﺎﻓﻴﺶ ﻳﻮﻡ ﻣﺮ ﻋﻠﻴﻪ ﺩﻭﻥ ﻣﺎﻳﺸﻮﻓﻬﺎ ﻓﻴﻪ ..
ﻃﻖ ﺑﺎﺏ ﺩﺍﺭﻩ ..
ﺍﺳﺘﺎﻗﺾ ﻣﻦ ﺳﺮﺣﺎﻧﻪ ﻭﻗﺎﻝ : ﺧﺶ ..
ﺍﻧﻔﺘﺢ ﺍﻟﺒﺎﺏ : ﺩﻛﺘﻮﺭ؟
ﺿﺤﻚ ﻭﻗﺎﻝ : ﺩﻛﺘﻮﺭﺓ
ﺿﺤﻜﺖ ﻭﺧﺸﺖ ﻭﻫﻲ ﺗﻘﻮﻝ : ﻻﻣﺎﺯﺍﻝ ﺑﻌﺪ ﻧﺮﻭﺡ ﻣﻦ ﻣﺎﻟﻴﺰﻳﺎ ﺇﻥ ﺷﺎﺀ ﺍﻟﻠﻪ ﻧﺎﺩﻳﻨﻲ ﺩﻛﺘﻮﺭﺓ ..
ﺿﺤﻚ ﻭﻗﺎﻝ : ﺣﺘﻰ ﺍﻧﻲ ﺑﻌﺪ ﻧﺤﻀﺮ ﺍﻟﺪﻛﺘﻮﺭﺍﺓ ﻧﺎﺩﻳﻨﻲ ﺩﻛﺘﻮﺭ ..
ﺍﺑﺘﺴﻤﺖ ﻭﻗﺎﻟﺖ : ﻣﺶ ﻧﺎﻭﻱ؟
ﺿﻮ : ﺗﺲ .. ﻣﻌﺎﺩ ﻋﻨﺪﻱ ﺣﻴﻞ ﻟﻠﻐﺮﺑﻪ ..
ﻣﺮﺍﻡ : ﻣﺎﻩ ﻛﺎﻧﻚ ﻣﺘﺰﻭﺝ ﺭﺍﻫﻲ ﺳﻬﻠﺖ ﻋﻠﻴﻚ ..
ﺭﻓﻊ ﺣﺎﺟﺒﻪ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﺍﻃﻤﻦ ﺍﻟﻤﻮﺿﻮﻉ ﻣﻦ ﺟﻴﻬﺘﻚ ﺻﻜﺮﺗﻪ ﻓﺘﺤﺘﻪ ﻣﻊ ﺻﺎﺑﺮ .
ﺿﻮ ﺑﻀﺤﻜﻪ : ﺩﺭﺗﻲ ﻓﻴﻪ ﺧﻴﺮ ﻭﻓﻜﺘﻴﻪ ﻣﻦ ﺑﻨﺖ ﺧﺎﻟﻚ ﺍﻟﻠﻲ ﺍﻣﻚ ﺗﻬﺪﺩ ﻓﻴﻪ ﺑﻴﻬﺎ ﻭﻳﻦ ﻳﻜﻨﺴﻞ ﺍﻟﻤﻮﺍﺿﻴﻊ ﺍﻟﻠﻲ ﺗﺠﻴﺒﻠﻪ ﻓﻴﻬﻦ ..
ﺿﺤﻜﺖ ﻭﻗﺎﻟﺖ : ﺇﻥ ﺷﺎﺀ ﺍﻟﻠﻪ ﻣﺎﻳﻜﻨﺴﻠﺶ ﺣﺘﻰ ﻫﺪﺍ ﻭﻗﺘﻬﺎ ﺧﻼﺹ ﺍﻧﺤﻜﻢ ﻋﻠﻴﻪ ﻳﺮﺿﻰ ﺑﺒﻨﺖ ﺧﺎﻟﻲ ..
ﺿﺤﻚ ...
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﻗﺎﻝ ﻫﻮ : ﺷﻦ ﺣﺎﻝ ﻋﺮﺑﻚ؟
ﻣﺮﺍﻡ : ﺍﻟﺤﻤﺪ ﻟﻠﻪ ﻛﻠﻬﻢ ﻛﻮﻳﺴﻴﻦ ..
ﺿﻮ : ﺍﻣﺲ ﺍﻟﻌﺸﻴﻪ ﻟﻤﺤﺖ ﺳﻨﺪ ﻣﺮﻭﺡ ﻭﻣﻌﺎﻩ ﻫﻠﻪ .. ﻣﻠﺘﻤﻴﻦ ﻓﺤﻮﺵ ﺍﻟﻌﻴﻠﻪ ﻛﺎﻧﻮﺍ؟
ﻣﺮﺍﻡ : ﻻﻻ ﺯﻳﻨﺐ ﺟﺖ ﺯﻳﺎﺭﺓ ﺑﺲ ..
ﺿﻮ : ﻫﻲ ﺑﺲ؟ !
ﻣﺮﺍﻡ : ﺍﻳﻪ ﻫﻲ ﺑﺲ ﻟﻴﺶ ﺗﺴﺄﻝ ..
ﺷﺒﺢ ﻟﻼﺏ ﻭﻗﺎﻝ : ﺳﺆﺍﻝ ﻭﺧﻼﺹ ..
ﺿﻴﻘﺖ ﻋﻴﻮﻧﻬﺎ ﻭﻫﻲ ﺗﺸﻮﻓﻠﻪ ﻭﻫﻮ ﺩﺍﺭ ﺭﻭﺣﻪ ﻻﻫﻲ ﺑﺎﻟﻼﺏ .
ﻣﺮﺍﻡ : ﺍﻣﻢ .. ﺑﺎﻫﻲ ﺑﻨﻄﻠﻊ ﻣﺎﺗﺒﻲ ﺷﻲ؟
ﺿﻮ : ﺗﺲ ..
ﻣﺮﺍﻡ : ﺗﻤﺎﻡ ..
ﺍﺑﺘﺴﻤﺖ ﻭﻣﺸﺖ ﻃﻠﻌﺖ ﺑﺮﺍ ﺍﻟﺪﺍﺭ ..
ﻣﺠﺮﺩ ﺻﻜﺮﺕ ﺍﻟﺒﺎﺏ ..
ﻫﻮ ﻭﺧﺮ ﻣﻦ ﻉ ﺍﻟﻼﺏ ﻭﻗﺎﻝ : ﻋﻠﻴﻚ ﺍﺳﺌﻠﺔ ﻧﺴﺄﻝ ﻓﻴﻬﻦ !!
🍁🍁🍁🍁🍁
ﻣﻘﻌﻤﺰﺓ ﺗﻮﻛﻞ ﻓﻲ ﺑﻨﺘﻬﺎ ﻣﻜﺮﻭﻧﻪ ..
ﻓﺠﺄﻩ ..
ﺳﻤﻌﺖ ﺻﻮﺕ ﺯﻏﺮﻭﻃﻪ ..
ﻗﻠﺒﻬﺎ ﺍﻧﺘﺨﺺ ﺑﻘﻮﺓ ..
ﺭﺟﻌﺖ ﺳﻤﻌﺘﻬﺎ ﻣﻦ ﺟﺪﻳﺪ ..
ﺣﻤﻴﺪﻩ ﺑﻨﺒﺮﺓ ﺑﺎﻛﻴﻪ ﻭﻫﻲ ﺗﻤﺪ ﻓﺎﻟﻜﺎﺷﻴﻚ ﻟﻔﻢ ﺑﻨﺘﻬﺎ ﺑﻴﺪﻫﺎ ﺍﻟﻠﻲ ﺗﺮﺟﻒ : ﻛﻮﻟﻲ .. ﻣﺎﻣﺎ ..
ﻓﺘﺤﺖ ﺍﻟﺒﻨﻴﻪ ﻓﻤﻬﺎ ﻭﻛﻠﺖ .. ﻭﻫﻲ ﻣﺮﻛﺰﺓ ﺑﻨﻈﺮﺍﺗﻬﺎ ﻉ ﺩﻣﻮﻉ ﺍﻣﻬﺎ ﺍﻟﻠﻲ ﺑﺪﻭﺍ ﻳﻨﺰﻟﻮﺍ ..
ﺑﺮﺍ ...
ﺍﻟﺼﺪﻳﻖ : ﺍﻟﻤﻬﻢ ﻳﻤﻲ ﺍﺗﻔﻘﺘﻮﺍ ﻉ ﺍﻟﻠﻲ ﻗﺘﻠﻚ ﻋﻠﻴﻪ ..
ﺳﺎﻟﻤﻪ ﺑﻔﺮﺣﻪ : ﺍﻳﻪ ﻳﺎﻭﻟﺪﻱ ﺍﻳﻪ .. ﻭﻗﺎﻟﻮﺍ ﺑﺎﻫﻲ ﻓﺸﻬﺮ ﺳﺘﻪ ..
ﻫﺰ ﺭﺍﺳﻪ ﺑﺈﻳﺠﺎﺏ ..
ﺷﺒﺤﺖ ﺍﻣﻪ ﻟﺤﻮﺷﻪ ﺑﻌﺪﻳﻦ ﻗﺎﻟﺖ : ﻭﻫﺪﻳﻚ ﺷﻦ ﺑﺪﻳﺮ ﻣﻌﺎﻫﺎ ..
ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﺗﻮ ﻧﺘﺼﺮﻑ .. ﻣﺶ ﺣﺎﺟﻪ ﺻﻌﺒﻪ ..
ﺳﺎﻟﻤﻪ ﺑﻀﺤﻜﻪ : ﺑﺎﻫﻲ ﺑﺎﻫﻲ ﻣﺒﺮﻭﻙ ﻋﻠﻴﻚ .. ﻭﺭﺑﻲ ﻳﻌﻮﺿﻚ ﺑﻴﻬﺎ ﻋﻦ ﻛﻞ ﺷﻲ ﻓﺎﺗﻚ ..
ﺍﻟﺼﺪﻳﻖ : ﺇﻥ ﺷﺎﺀ ﺍﻟﻠﻪ ..
ﺳﺎﻟﻤﻪ : ﺑﺘﺒﺎﺕ ﻫﻨﻰ ﻭﻻ ﻏﺎﺩﻱ ..
ﺍﻟﺼﺪﻳﻖ : ﻻ ﻋﻨﺪﻙ ﻳﻤﻲ ..
ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ ﺑﻪ ..
ﻭﺧﺸﺖ ﺩﺍﺧﻞ ﻭﻫﻲ ﻓﺮﺣﺎﻧﻪ ﺑﻄﻴﺮ ..
ﺍﻣﺎ ﻫﻮ .. ﻳﺪﻭﺏ ﺷﺒﺢ ﺟﻬﺔ ﺣﻮﺷﻪ ﺑﻄﺮﻑ ﻋﻴﻨﻪ ..
ﺑﻌﺪﻳﻦ ﺷﺒﺢ ﺍﻟﻘﺪﺍﻡ ...
ﻭﻗﻌﺪ ﻳﺬﻛﺮ ﻓﻲ ﺍﻟﻤﻘﺎﺑﻠﻪ ﺍﻟﺸﺮﻋﻴﻪ ﺍﻟﻠﻲ ﺩﺍﺭﻫﺎ ﻭﺷﻦ ﺻﺎﺭ ﻓﻴﻬﺎ ..
⚡ ﻓﻼﺵ ﺑﺎﻙ ..
ﻃﻖ ﺑﺎﺏ ﺍﻟﻤﺮﺑﻮﻋﻪ ..
ﺧﺸﺖ ..
ﺣﻠﻴﻤﻪ : ﺍﻟﺴﻼﻡ ﻋﻠﻴﻜﻢ ..
ﻫﻮ ﺣﺲ ﺑﺸﻌﻮﺭ ﻏﺮﻳﺐ ﻭﻗﻮﻱ ﻫﻠﺒﻪ ﺧﻼﻩ ﻻﺇﺭﺩﺍﻳﺎ ﻗﺪﺍﻡ ﺧﻮﻫﺎ ﻳﻘﻴﻢ ﻋﻴﻮﻧﻪ ﻓﻴﻬﺎ ..
ﻟﻤﺎ ﺷﺎﻓﻬﺎ ﺣﺲ ﺍﺗﺠﺎﻫﻬﺎ ﺑﻠﻬﻔﻪ ﻭﺭﻏﺒﻪ ..
ﻫﻲ ﻗﻌﻤﺰﺕ ﻣﻘﺎﺑﻼﺗﻪ ﻭﻋﻴﻮﻧﻬﺎ ﻣﻨﺰﻟﺘﻬﻢ ﻟﻮﻃﺎ ..
ﻧﺎﺟﻲ : ﻫﻲ ﻣﺎﻻ ﻧﺨﻠﻴﻜﻢ ﺗﺘﻔﺎﻫﻤﻮﺍ ﻣﻊ ﺑﻌﻀﻬﻢ ..
ﻧﺎﺽ .. ﻭﺗﻮﺟﻪ ﻟﻠﺒﺎﺏ ﻭﻃﻠﻊ ..
ﻫﻮ ﻗﻌﺪ ﻣﻌﺎﻩ ﺑﻌﻴﻮﻧﻪ ﺑﻌﺪﻳﻦ ﻏﻴﺮﻫﻢ ﺟﻴﻬﺘﻬﺎ ..
ﻟﻘﺎﻫﺎ ﺗﺸﺒﺤﻠﻪ ﺑﺈﺑﺘﺴﺎﻣﻪ ﻭﻧﻈﺮﺓ ﻋﻴﻨﻬﺎ ﺍﻟﻠﺌﻴﻤﻪ ﻛﺎﻧﺖ ﻣﻐﺮﻳﻪ ﺑﺎﻟﻨﺴﺒﻪ ﻟﻴﻪ ..
ﺣﻠﻴﻤﻪ ﺑﺘﺼﻨﻊ ﺍﻟﻐﻨﺞ : ﺍﺣﻤﻢ .. ﺷﻨﻮ ﺣﺎﻟﻚ .
ﺍﻟﺼﺪﻳﻖ ﺑﺈﻋﺠﺎﺏ : ﻛﻮﻳﺲ .. ﺍﻧﺘﻲ ﺷﻨﻮ ﺣﺎﻟﻚ ..
ﺣﻠﻴﻤﻪ : ﺗﻤﺎﻡ .. ﺍﺣﻤﻢ .. ﺧﻞ ﻧﺨﺶ ﻓﻲ ﺍﻟﻤﻮﺿﻮﻉ ﻃﻮﻝ .. ﺍﻧﻲ ﻣﻄﻠﻘﻪ ﻭﺍﻧﺖ ﺗﻌﺮﻑ ﺳﺒﺐ ﻃﻼﻗﻲ ﺍﻧﻲ ﻳﺎﻧﻌﻴﺶ ﻣﻌﺰﺯﺓ ﻣﻜﺮﻣﻪ ﻳﺎﺑﻼﺵ ... ﺗﻤﺎﻡ .. ﻭﺍﻧﻲ ﻧﻌﺮﻑ ﺍﻧﻚ ﻣﺘﺰﻭﺝ .. ﺍﻋﺘﻘﺪ ﺧﻮﻱ ﻗﺎﻟﻚ ﻣﺎﻧﺮﺿﺎﺵ ﺑﺎﻟﻀﺮﺓ .. ﺍﻧﻲ ﻭﺑﺴﺴﺲ ...
ﻫﻮ ﻳﺴﻤﻊ ﻭﻳﻬﺰ ﻓﺮﺍﺳﻪ ﺑﺈﻳﺠﺎﺏ ﺣﺲ ﺭﻭﺣﻪ ﻣﺶ ﻗﺎﺩﺭ ﻳﻌﺘﺮﺽ ﻉ ﺣﺮﻑ ﻣﻦ ﻛﻼﻣﻬﺎ .. ﻛﻞ ﺷﻲ ﺭﺍﺿﻲ ﺑﻴﻪ ..
ﺍﻟﺼﺪﻳﻖ : ﺍﻟﻠﻲ ﺗﺒﻴﻪ ﺍﻧﻲ ﻓﻴﻪ .. ﻏﻴﺮ ﻋﻄﻴﻨﻲ ﺍﻟﻔﺘﺮﻩ ﻫﺪﻱ ﻣﻦ ﻫﻨﻰ ﻟﻌﻨﺪ ﺷﻬﺮ ﺍﻟﻌﺮﺱ ﻭﺗﻮ ﻧﺘﺼﺮﻑ ..
ﺣﻠﻴﻤﻪ ﺑﺈﺑﺘﺴﺎﻣﻪ : ﻛﻮﻳﺲ .. ﻣﺘﻔﻘﻴﻦ .. ﺍﺣﻤﻢ .. ﻉ ﺍﻟﻌﻤﻮﻭﻡ .. ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻧﺎﺿﺖ ..
ﻭﻫﻮ ﻛﺎﻥ ﻳﻠﻘﺎﻫﺎ ﻣﺎﺗﻄﻠﻌﺶ ..
ﺣﻠﻴﻤﻪ : ﺑﺎﻱ .. ﻭﻣﺸﺖ ﺗﻮﺟﻬﺖ ﻟﻠﺒﺎﺏ ﻭﻃﻠﻌﺖ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﺍﻟﺼﺪﻳﻖ : ﺷﻦ ﺟﺎﺏ ﺣﻤﻴﺪﻩ ﻟﻴﻬﺎ ﺑﺲ !! ﻣﺎﻧﻲ ﻋﺎﺭﻑ ﻭﻳﻦ ﻛﺎﻥ ﻋﻘﻠﻲ ﻟﻤﺎ ﺧﺪﻳﺘﻬﺎ ..
ﻣﺸﻲ ﻟﺴﻴﺎﺭﺗﻪ ﺷﻴﻚ ﻋﻠﻴﻬﺎ ﻭﺻﻜﺮﻫﺎ .. ﺑﻌﺪﻳﻦ ﻭﻻ ﻟﺤﻮﺵ ﺃﻣﻪ .
🍁🍁🍁🍁
ﻣﻘﻌﻤﺰ ﻓﻌﺰ ﺍﻟﺼﻘﻊ ﻉ ﺍﻟﺮﻛﺎﺑﻪ ﺍﻟﻠﻲ ﻓﻮﻕ ﺍﻟﺠﺮﻑ ﺍﻟﻤﻄﻞ ﻉ ﺍﻟﻮﺍﺩﻱ ..
ﻳﻔﻜﺮ ﻓﻲ ﺍﻟﻬﻢ ﺍﻟﻠﻲ ﻧﺰﻝ ﻋﻠﻴﻪ ..
ﻣﺶ ﻋﺎﺭﻑ ﻛﻴﻒ ﻳﺪﻳﺮ ..
ﻋﺮﺱ ﺷﻦ ﺍﻟﻠﻲ ﺑﻴﺪﻳﺮﻩ ﻭﻫﻮ ﻟﻌﻨﺪ ﺗﻮﺍ ﻣﺎﺯﺍﻝ ﻣﺎﺩﺍﺭ ﺷﻲ ﻓﻲ ﺍﻟﺸﻘﻪ ﺍﻟﻠﻲ ﺷﺮﺍﻫﺎ ﻣﻦ ﺧﻮﻩ ..
ﻭﻓﻮﻗﻬﺎ ﻣﺎﻋﻨﺪﺍﺵ ﻓﻠﻮﺱ ﺑﺶ ﻳﺄﺟﺮ .. ﻳﻌﻨﻲ ﻫﻮ ﺑﻴﺪﻓﻊ ﺍﻷﻗﺴﺎﻁ ﻣﺘﺎﻉ ﺣﻖ ﺍﻟﺸﻘﻪ .. ﻭﻻ ﺑﻴﺄﺟﺮ ﻭﻻﺑﻴﺪﻳﺮ ﻋﺮﺱ؟ !
ﻣﺎﻋﻨﺪﺍﺵ ﻛﻴﻒ .. ﻣﺎﻋﻨﺪﺍﺵ ﺑﻜﻞ ..
ﻏﻤﺾ ﻋﻴﻮﻧﻪ ﺑﺸﺪﻩ ﻭﺯﻓﺮ ﺑﻘﻮﺓ ..
" ﻻﺑﺎﺱ ! ؟ "
ﻓﺘﺢ ﻋﻴﻮﻧﻪ ﻭﺗﻠﻔﺖ ..
ﻫﺎﻧﻴﺒﺎﻝ ﻭﻫﻮﻳﺸﻮﻑ ﻟﻠﻮﺍﺩﻱ ﻭﻣﺮﺑﻊ ﺍﻳﺪﻳﻪ ﺍﻟﻠﻲ ﺟﻤﺪﻭﺍ ﻣﻦ ﺍﻟﺼﻘﻊ : ﺷﻨﻮ ﻓﻲ؟
ﺗﻨﻬﺪ ﻋﻤﺮ ﻭﺷﺒﺢ ﺍﻟﻘﺪﺍﻡ : ﺧﻮﻙ ﻭﺣﻞ ﻭﺣﻠﻪ ﻳﺎﻫﺎﻧﻴﺒﺎﻝ .. ﺍﺍﺍﺥ ﻭﺧﻼﺹ ..
ﻫﺎﻧﻴﺒﺎﻝ ﺷﺒﺤﻠﻪ ﻭﻫﻮ ﻗﺎﺭﻥ ﺣﻮﺍﺟﺒﻪ ﻗﺎﻝ : ﺧﻴﺮ ﺍﻥ ﺷﺎﺀ ﺍﻟﻠﻪ .. ﺗﻜﻠﻢ ..
🍁🍁🍁🍁
ﺑﺎﻫﻲ ﺍﻟﺒﺲ ﻛﻮﻳﺲ ..
ﻋﻤﺎﺩ ﻭﻫﻮ ﻭﺍﻗﻒ ﻗﺪﺍﻡ ﺍﻟﻤﺮﺍﻳﻪ ﻭﻳﻤﺸﻲ ﻉ ﺷﻌﺮﻩ ﺍﻟﻤﺒﻠﻮﻝ ﺑﺼﻮﺍﺑﻌﻪ ﻟﻠﺨﻠﻒ : ﻻﺑﺲ ﻛﻮﻳﺲ ..
ﺭﺯﺍﻥ : ﻣﺘﻘﻲ ﺭﻗﺒﺘﻚ ﻣﺘﻘﻲ ﺻﺪﺭﻙ ﻛﻮﻳﺲ ! ؟ﻣﺶ ﺗﻠﺒﺲ ﺗﻮﺗﻪ ﺑﺴﺮﻳﺘﻪ ﻭﺗﺨﻠﻴﻬﺎ ﻣﻔﺘﻮﺣﻪ .. ﻻ ﺳﺮﺗﻬﺎ ﻟﻔﻮﻕ ﺷﻨﻖ ﺑﻴﻬﺎ ﺭﻗﺒﺘﻚ ..
ﺿﺤﻚ ﻭﻫﻮ ﻳﺸﻮﻑ ﻟﺮﻭﺣﻪ ﻓﺎﻟﻤﺮﺍﻳﻪ ﺑﻌﻴﻮﻥ ﻟﻤﻌﺔ ﺍﻟﻌﺸﻖ ﺑﺎﻳﻨﻪ ﻓﻴﻬﻢ ..
ﺭﺯﺍﻥ : ﻧﻘﻮﻟﻚ .. ﺍﺩﻫﻦ ﺻﺪﺭﻙ ﻭﺭﻗﺒﺘﻚ ﺑﺎﻟﻔﻴﻜﺲ ﻗﺒﻞ ﺗﺮﻗﺪ ..
ﻋﻤﺎﺩ : ﻣﺎﻧﻄﻴﻘﺶ ﺭﻳﺤﺘﻪ .
ﺭﺯﺍﻥ؛ﺑﻼ ﺩﻟﻊ ﺗﺮﺍ .. ﻫﺪﻯ ﻛﻠﻪ ﻉ ﺧﺎﻃﺮ ﺻﺤﺘﻚ .. ﺗﺤﻤﻞ ...
ﺗﻨﻬﺪ ﻭﻗﻠﺒﻪ ﻳﻨﺒﺾ ﺑﻘﻮﺓ 💕💕💕
ﺭﺯﺍﻥ : ﺗﻌﺸﻴﺖ ..
ﻋﻤﺎﺩ : ﺍﻳﻪ ﺭﺷﺪﻩ ﻟﺤﺲ ..
ﺭﺯﺍﻥ : ﺍﺣﺴﻦ ﺣﺎﺟﻪ ﻓﺎﻟﺸﺘﻲ ..
ﻋﻤﺎﺩ : ﻧﺤﺒﻬﺎ ﻫﻠﺒﻪ ..
ﺭﺯﺍﻥ : ﺍﻧﻲ ﻣﺎ ﻧﺤﺒﻬﺎ ﺍﻟﺤﻖ .. ﺑﺲ ﻳﻌﻨﻲ ﻧﺤﺒﻮﻫﺎ ﻉ ﺧﺎﻃﺮﻙ ﺑﻌﺪﻳﻦ ..
ﺣﻂ ﻳﺪﻩ ﻉ ﻧﻬﺎﻳﻪ ﺻﺪﺭﻩ .. ﻣﺎﺑﻴﻦ ﺑﻄﻨﻪ ﻭﺻﺪﺭﻩ .. ﻭﻫﻮ ﻣﺒﺘﺴﻢ ..
ﺭﺯﺍﻥ : ﺑﺎﻫﻲ ﺗﻮﺍ ﺑﻨﺼﻜﺮ ..
ﻓﻨﺺ ﻭﻗﺎﻝ : ﻋﻼﺵ !! ؟
ﺭﺯﺍﻥ : ﺑﻨﻘﺮﺍ ..
ﻋﻤﺎﺩ : ﺍﻟﻴﻮﻡ ﺧﻤﻴﺲ ﻭﻏﺪﻭﺓ ﺟﻤﻌﻪ ﻭﺑﻌﺪﻩ ﺳﺒﺖ ..
ﺭﺯﺍﻥ : ﻭﻛﺎﻥ ﻻﺯﻡ ﻧﺴﺘﻐﻞ ﺍﻳﺎﻡ ﺍﻟﻌﻄﻠﻪ ﻛﻠﻬﻦ ﺧﻼﺹ ﻣﻌﺎﺵ ﻓﻲ ﻭﻗﺖ ..
ﺗﻨﻬﺪ ﻭﻗﺎﻟﺖ : ﺁﺍﺍﺍﻩ .. ﻳﺎﺭﻳﺘﻨﻲ ﻣﺎﺩﻩ ﻓﻲ ﻗﺮﺍﻳﺘﻚ .. ﻳﺎﺭﻳﺘﻨﻲ ﺷﻴﺖ ﺗﺸﺪﻳﻪ ﺑﻴﻦ ﺍﻳﺪﻳﻚ ﻭﺗﻤﻠﻲ ﻣﻨﻪ ﻋﻮﻳﻨﺎﺗﻚ .. ﻳﺎﺭﻳﺘﻨﻲ ﺍﻟﻼﺏ ﻳﺎﺭﻳﺘﻨﻲ ﻭﻳﺎﺭﻳﺘﻨﻲ ﻭﻳﺎﺭﻳﺘﻨﻲ ﻭﻳﺎﺭﻳﺖ ..
ﻫﻲ ﺗﺴﻤﻊ ﻭﻣﺒﺘﺴﻤﻪ ﺑﺘﻬﻜﻢ ﻭﺍﻟﻌﻴﻮﻥ ﻣﻌﺒﻴﺎﺕ ﺩﻣﻮﻉ ..
ﻋﻤﺎﺩ : ﺍﺣﺤﺤﺢ ... ﺭﺑﻲ ﻳﻌﻄﻴﻨﻲ ﺍﻟﺼﺒﺮ ﻭﺧﻼﺹ ..
ﺭﺯﺍﻥ ﺗﺼﻨﻌﺖ ﺿﺤﻜﻪ ﻭﻗﺎﻟﺖ : ﺑﺎﻫﻲ ﺧﻼﺹ ﻳﺎﺳﺮﻙ ﻋﺪﻱ ﺍﺭﻗﺪ ﻭﺍﺭﺗﺎﺡ .. ﺗﺼﺒﺢ ﻉ ﺧﻴﺮ .. ﻭﺻﻜﺮﺕ ..
ﻧﺰﻟﻮﺍ ﺩﻣﻮﻋﻬﺎ ﻭﻗﺎﻟﺖ ﺑﺼﻮﺕ ﻣﺨﻨﻮﻕ : ﺭﺑﻲ ﻳﺼﺒﺮﻧﻲ ﺍﻧﻲ ﻣﺶ ﺃﻧﺖ ..
ﻓﺠﺄﺓ ﺭﻥ ﺗﻠﻴﻔﻮﻧﻬﺎ .. ﺍﻟﻤﺘﺼﻞ ﺑﻠﻘﻴﺲ ..
ﺍﺑﺘﺴﻤﺖ ﻭﻣﺴﺤﺖ ﺩﻣﻮﻋﻬﺎ .. ﻓﺘﺤﺖ ﻋﻠﻴﻬﺎ ﻭﺭﺩﺕ ..
ﺭﺯﺍﻥ : ﺍﻳﻮﻩ ﻳﺎﻣﻬﺒﻮﻟﻪ ..
ﺑﻠﻘﻴﺲ ﺑﻀﺤﻜﻪ : ﻳﺎﻣﺼﺪﻳﻪ ﺍﺣﺘﺮﻣﻲ ﻧﻔﺴﻚ ﻭﻟﻴﺖ ﻣﺮﺕ ﻋﻤﻚ ﻳﺎﻟﻠﻲ ﻣﺎﺗﺤﺸﻤﻲ ..
ﺭﺯﺍﻥ ﺑﻀﺤﻜﻪ : ﺷﻜﻠﻚ ﻛﻴﻒ ﻓﺎﻳﻘﻪ ﻣﻦ ﺍﻟﻨﻮﻡ ﺻﺢ؟؟
ﺑﻠﻘﻴﺲ ﺑﻀﺤﻜﻪ : ﺍﻳﻦ ﻧﻮﻡ ... ﻣﺎﻋﺎﺩ ﻓﻴﻬﺎ ﻧﻮﻡ ﺧﻼﺍﺍﺹ ...
ﺭﺯﺍﻥ ﺑﻀﺤﻜﻪ؛ﺧﻴﺮﻙ ﺑﻼﻙ ﻳﺎﺩﻋﻮﺓ ..
....
ﺍﺍﺍﺍﺍﻩ .. ﻫﻬﻬﻬﻬﻬﻬﻬﻪ .. ﺟﺪﻳﺎﺕ ﺑﻴﺴﻮ !! ؟
ﺑﻠﻘﻴﺲ ﺑﻀﺤﻜﻪ : ﺟﺪ ﺟﺪ ﺟﺪﻳﺎﺕ .. ﻧﺒﻲ ﻧﺰﻏﺮﻁ ﻳﺎﺣﺪﻫﻢ ﻧﺒﻲ ﻧﺰﻏﺮﻁ .. ﻳﺎﺭﺑﻲ ﺧﺎﻃﺮﻱ ﻧﺰﻏﺮﻁ .. ﻋﺎﺩﻱ ﻧﺰﻏﺮﻁ ﺣﺘﻰ ﺑﺼﻮﺕ ﻭﺍﻃﻲ .. ﺭﻭﺭﻭﺭﻭﺭﻭﻳﻴﻴﻴﻲ ..
ﺣﺪﻫﻢ : ﻫﻬﻬﻬﻬﻬﻬﻬﻬﻬﻪ
.....
ﺣﻄﺖ ﺍﻳﺪﻳﻬﺎ ﻉ ﻓﻤﻬﺎ ﻭﻫﻲ ﺗﻀﺤﻚ ﺑﺪﻫﺸﻪ ..
ﻏﺎﻟﻴﻪ ﺑﻀﺤﻜﻪ : ﺭﻳﺘﻲ ﻣﺎﻳﻄﻠﻊ ﻣﻨﻪ ..
ﺣﻮﻟﺖ ﺍﻳﺪﻳﻬﺎ ﻭﻗﺎﻟﺖ؛ﻃﻠﻊ ﻳﺤﺒﻬﺎ ﻭﺍﺟﺪ ..
ﻏﺎﻟﻴﻪ : ﻣﻴﺖ ﻋﻠﻴﻬﺎ ﻳﺎﺣﻨﻪ ﻣﺶ ﺑﺲ ﻳﺤﺒﻬﺎ ﺭﻳﺘﻲ ﻋﻤﺎﺩ ﻟﻤﻦ ﻃﺎﻟﻊ ..
ﺗﻌﻜﺮﺕ ﺍﺑﺘﺴﺎﻣﺘﻬﺎ .. ﺑﺲ ﺣﺎﻭﻟﺖ ﺗﺤﺎﻓﻆ ﻋﻠﻴﻬﺎ ﻭﻫﻲ ﺗﻬﺰ ﻓﺮﺍﺳﻬﺎ ﺑﺈﻳﺠﺎﺏ ..
🍁🍁🍁🍁
ﺍﻣﻤﻢ ﻗﺘﻠﻲ 5 ﻭﻻ ..6
ﻋﻤﺮ : ﺍﻳﻪ ..
ﻫﺎﻧﻴﺒﺎﻝ : ﺍﺣﻤﻢ .. ﺍﻧﺖ ﻣﺸﻜﻠﺘﻚ ﺍﻟﺴﻜﻦ ﻭﻻ؟
ﻋﻤﺮ : ﺍﻛﺒﺮ ﻣﺸﻜﻠﻪ ..
ﺷﺒﺤﻠﻪ ﻭﻗﺎﻝ : ﻣﺮﺍﻡ ﺣﺘﻤﻴﻪ ﺣﻜﺎﻳﻪ ﺑﻌﺘﺘﻬﺎ ﺧﻼﺹ .. ﻭﺍﻥ ﺷﺎﺀ ﺍﻟﻠﻪ ﻛﺎﻥ ﺳﺨﺮ ﺍﻟﻠﻪ ﺍﻟﺴﻔﺮ ﺍﺧﺮ ﺷﻬﺮ ..2
ﺷﺒﺤﻠﻪ ﻋﻤﺮ ..
ﺍﺑﺘﺴﻢ ﻭﻛﻤﻞ ﻳﻘﻮﻝ : ﺣﻼﻝ ﻋﻠﻴﻚ ﺍﻟﺸﻘﻪ ..
ﺗﻮﺳﻌﻮﺍ ﻋﻴﻮﻥ ﻋﻤﺮ ﻭﻫﻮ ﻳﺸﻮﻓﻠﻪ ..
ﺷﺒﺢ ﻫﺎﻧﻴﺒﺎﻝ ﻟﻠﻮﺍﺩﻱ ﻭﻫﻮ ﻣﻀﻴﻖ ﻋﻴﻮﻧﻪ ﻭﻗﺎﻝ : ﺍﺳﺎﺳﺎ ﺑﻌﺪ ﻧﻌﺪﻱ ﻣﻦ ﻫﻨﻰ ﺑﻨﻮﻛﻠﻜﻢ ﺍﻧﺖ ﻭﻣﺤﻤﺪ ﺗﺸﺮﻓﻮﺍ ﻉ ﺑﺎﻗﻲ ﺑﻨﻲ ﺣﻮﺷﻲ ﻭﺍﻟﻀﻲ ﻭﺍﻟﻤﻴﻪ ﻭﻏﻴﺮﻩ .. ﺑﺶ ﻟﻤﺎ ﻧﺮﻭﺡ ﺑﺈﺫﻥ ﺍﻟﻠﻪ ﻧﻠﻘﺎﻩ ﻭﺍﺗﻲ .. ﻭﻧﺴﻜﻨﻪ ﻃﻮﻝ ..
ﻋﻤﺮ : ﺑﺎﻫﻲ ﺍﻛﻴﺪ ﻓﻲ ﺍﺟﺎﺯﺍﺕ ﺗﺮﻭﺣﻮﺍ ﻓﻴﻬﻦ ﻭﻳﻦ ﺑﺘﻘﻌﺪﻭﺍ ..
ﻫﺎﻧﻴﺒﺎﻝ ﺑﻀﺤﻜﻪ : ﺣﻮﺵ ﻫﻠﻚ ﻣﻌﺒﻲ ﺩﻳﺎﺭ ..
ﻋﻤﺮ : ﻫﺎﻧﻴﺒﺎﻝ .. ﻣﺮﺍﺕ ﻣﺮﺍﺗﻚ ﻣﺎﺗﺮﺿﺎﺵ ..
ﺍﺑﺘﺴﻢ ﻫﺎﻧﻴﺒﺎﻝ ﻭﻗﺎﻝ : ﺑﺎﻟﻌﻜﺲ ﺣﺘﻔﺮﺡ ﺑﺎﻟﻠﻲ ﺩﺭﺗﻪ ﻭﺍﺟﺪ ..
....
ﺍﺳﺎﺳﺎ ﻭﺣﻨﻲ ﺑﺮﺍ ﺣﻨﻜﻤﻠﻮﺍ ﺍﻟﺤﻮﺵ ﺑﺴﺮﻋﻪ ﺧﻼﻝ ﺳﻨﻪ ﻉ ﺍﻗﻞ ﺗﻘﺪﻳﺮ ﺇﻥ ﺷﺎﺀ ﺍﻟﻠﻪ ..
ﻫﺎﻧﻴﺒﺎﻝ ﺿﻴﻖ ﻋﻴﻮﻧﻪ ﻭﻗﺎﻝ : ﺳﻨﻪ؟ !
ﻣﺮﺍﻡ؛ﺍﻳﻪ ﺳﻨﻪ .. ﻣﺎﻫﻮ ﺍﻧﻲ ﺣﻴﻌﻄﻮﻧﻲ ﻓﻠﻮﺱ ﻣﻨﺤﻪ ..
ﻗﺎﻃﻌﻬﺎ ﻭﻗﺎﻝ؛ﺍﺻﺺ ﺍﺻﺼﺺ ..
ﻣﺮﺍﻡ ﺳﻜﺘﺖ ﻭ ﺷﺒﺤﺖ ﺍﻟﻘﺪﺍﻡ ..
ﻫﺎﻧﻴﺒﺎﻝ؛ﺍﺧﺮ ﻣﺮﺓ ﺗﺤﻜﻲ ﻓﺤﺎﺟﻪ ﻛﻴﻒ ﻫﺪﻱ ..
ﺷﺒﺤﺘﻠﻪ ..
ﻫﻮ ﻏﻴﺮ ﻋﻴﻮﻧﻪ ﻟﻠﺘﻠﻔﺰﻳﻮﻥ ﻭﺣﻮﺍﺟﺒﻪ ﻣﻘﺮﻭﻧﺎﺕ ﻭﻣﻼﻣﺢ ﺍﻟﻐﻀﺐ ﺑﺎﺩﻳﻪ ﻉ ﻭﺟﻬﻪ ..
ﺍﺑﺘﺴﻤﺖ ... ﻗﺮﺑﺘﻠﻪ .. ﺑﺎﺳﺎﺗﻪ ﻣﻦ ﺧﺪﻩ ﺑﻮﺳﻪ ﺣﻠﻮﺓ ﻫﻠﺒﻪ ..
ﺑﺪﻱ ﻏﻀﺐ ﻫﺎﻧﻴﺒﺎﻝ ﻳﻬﺪﺍ ﺷﻮﻱ ..
ﺑﻌﺪﺕ ﻭﺣﻄﺖ ﺍﻧﻔﻬﺎ ﻉ ﺧﺪﻩ ﻭﻫﻲ ﺗﻘﻮﻝ : ﺧﻼﺹ ﻧﺄﺟﻠﻮﺍ ﻛﻼﻡ ﻓﻲ ﺍﻟﻤﻮﺿﻮﻉ ﻫﺪﻯ ..
ﻫﺎﻧﻴﺒﺎﻝ؛ﻣﺎﺗﺤﻜﻴﺶ ﻓﻴﻪ ﺑﻜﻞ ..
ﺿﺤﻜﺖ ﻭﻗﺎﻟﺖ : ﺑﺎﻫﻲ ..
ﺷﺒﺤﻠﻬﺎ ..
ﺍﻟﺰﻭﺯ ﻋﻴﻮﻧﻬﻢ ﺭﻛﺰﺕ ﻉ ﻧﻔﺲ ﺍﻟﻤﻜﺎﻥ ﻓﻮﺟﻮﻩ ﺑﻌﺾ ..
ﻗﺮﺑﻮﺍ ﻟﺒﻌﺾ ... ﻭﺑﺪﻭﺍ ﻳﻌﺰﻓﻮﺍ ﻓﺴﻴﻤﻔﻮﻧﻴﻪ ﺍﻟﺸﻮﻕ 💕
🍃 ﻭﻃﺒﻌﺎ ﻣﺮﺍﻡ ﺍﺟﻠﺖ ﺍﻟﻜﻼﻡ ﺑﺲ 🍃...
🍁🍁🍁🍁🍁
ﻗﺼﺪﻙ ﻭﻟﺪﻱ ﺍﻧﺤﻮﻝ؟ !!
ﺳﻜﺖ ﺍﻟﻬﺎﺩﻱ ﻭﻫﻮ ﻳﺸﻮﻑ ﻓﻲ ﺍﻟﻔﺮﺍﻍ ﺑﻀﻴﻖ ..
ﺳﻤﻴﻪ : ﺣﻴﻴﻲ ﻋﻠﻴﺎ ﻳﺎﻏﺒﻴﻨﻲ ﻳﺎﺍﻳﺎﻣﻲ ﺍﻟﺴﻮﺩ .. ﻳﺎﺑﺨﺘﻲ ﺍﻻﺣﺮﻑ ﻣﻦ ﺩﻭﻥ ﺍﻟﻨﺎﺱ .. ﻳﺎﻋﻴﺸﺘﻲ ﺍﻟﺴﻮﺩﺍ ﺍﻟﻤﺮﻣﺪﻩ .. ﻋﻠﻴﻚ ﺑﺨﺘﻚ ﺑﺨﺘﻚ ﻳﺎﺳﻤﻴﻪ ... ﻳﺎﻃﻴﺎﺡ ﺳﻌﺪﻱ ..
ﻫﻮ ﻣﻀﺎﻳﻖ ﻭﻫﻲ ﺯﺍﺩﺕ ﻏﻤﺎﺗﻪ ﺑﻜﻼﻣﻬﺎ ..
ﻧﺎﺽ ﻭﻃﻠﻊ ﻣﻦ ﺣﺪﺍﻫﺎ ﻣﺮﺓ ﻭﺣﺪﻩ ...
ﻫﻲ ﺷﺎﻓﺎﺗﻪ ﻗﻌﺪﺕ ﺗﻘﻮﻝ : ﻫﺪﻯ ﻣﺎﻋﻨﺪﻙ ﺍﻧﺖ ﻛﺎﻥ ﺍﻟﻬﺮﻭﺏ ﻛﺎﻥ ﺑﻨﻘﻮﻟﻚ ﻧﺪﻳﺮﻭﻟﻪ ﻋﻤﻠﻴﻪ ﺗﻘﻮﻝ .. ﻣﺎﻋﻨﺪﻱ ﻭﻣﻦ ﻭﻳﻦ ..
ﻭﻻﻟﻬﺎ ﻃﻮﻝ ﺧﺶ ﺍﻟﺪﺍﺭ ﻭﻫﻮ ﻓﺤﺎﻟﺔ ﻏﻀﺐ ﺷﺪﻳﺪ ﻭﻫﻮ ﺭﺍﻓﻊ ﺣﻮﺍﺟﺒﻪ ﻗﻌﺪ ﻳﻘﺪﻣﻠﻬﺎ ﻭﻫﻮ ﻳﻘﻮﻝ : ﻳﺎﺣﻴﻮﺍﻧﻪ .. ﻳﺎﺣﻤﺎﺭﻩ .. ﻳﺎﺑﻬﻴﻤﻪ ... ﻳﺎﺩﺍﺑﻪ ﻣﻦ ﻏﻴﺮ ﻋﻘﻞ .. ﻣﺶ ﻗﻠﺖ ﻋﻤﻠﻴﻪ ﺗﻮﺍ ﻣﺎﻳﻘﺪﺭﻭﺍ ﻳﺪﻳﺮﻭﻟﻪ .. ﺗﻨﺪﺍﺭ ﻟﻤﺎ ﻳﻮﺻﻞ ﺳﻦ ..16 ﻗﻠﺘﻪ ﻭﻻﻣﺎﻗﻠﺘﻪ ﻫﺎﻟﻜﻼﻡ .. ﺣﻂ ﺻﺒﻌﻪ ﻉ ﺭﺍﺳﻬﺎ ﻭﻗﻌﺪ ﻳﻀﺮﺏ ﻓﻴﻪ ﻭﻫﻮ ﻳﻘﻮﻝ .. ﻗﻠﺘﻪ .. ﻭﻻ ﻣﺎﻗﻠﺘﻪ ﻫﺎﻟﻜﻼﻡ ..
ﻫﻲ ﺑﺨﻮﻑ : ﺍﻳﻪ .. ﻗﻠﺘﻪ ﻗﻠﺘﻪ ..
ﻭﺧﺮ ﻋﻨﻬﺎ ﻭﻗﺎﻝ؛ﻧﺴﻤﻊ ﻛﻠﻤﻪ ﻣﻨﻚ ﺯﺍﻳﺪﻩ ﺗﺸﻮﻓﻲ ﻣﺨﻄﺮﻙ ﺍﻷﺣﺮﻑ ..
ﺷﺒﺤﻠﻬﺎ ﺷﻮﻳﻪ ﺑﻐﻀﺐ .. ﺑﻌﺪﻳﻦ ﻟﻒ ﻭﻃﻠﻊ ﻣﻦ ﺣﺪﺍ ..
ﻫﻲ ﻗﺎﻟﺖ ﺑﺒﻜﻲ ﻭﺻﻮﺕ ﻫﺎﻣﺲ : ﻋﻄﻴﻚ ﻣﺎﻳﺮﻓﻌﻚ ﻭﻳﻔﻜﻨﻲ ﻣﻨﻚ ..
ﻭﻗﻌﺪﺕ ﺗﺒﻜﻲ ...
🍁🍁🍁🍁
ﺍﻟﺴﺎﻋﻪ 11:00 ﻟﻴﻼ ..
ﻣﻘﻌﻤﺰﺓ ﺗﺘﻔﺮﺝ ﻉ ﻗﺮﻭﺏ ﻣﺮﺕ ﺧﻮﻫﺎ ..
ﺗﻔﺎﺟﺌﺖ ﻟﻤﺎ ﺷﺎﻓﺖ ﺻﻮﺭ ﺷﻐﻠﻬﺎ ﻓﻲ ﺍﻟﻄﻮﺭﻃﺎﺕ ﻣﻨﺸﻮﺭﺍﺕ ﻭﻛﺎﺗﺒﻪ ﻓﻮﻗﻬﻢ ﻏﺰﻻﻥ ..
ﻣﻦ ﺍﻳﺪﻳﺎﺕ ﺣﻤﺎﺗﻲ .. ﺭﺑﻲ ﻳﺤﻔﻈﻬﺎ .. ﺩﺍﻳﺮﺓ ﻗﻠﺐ ﻓﻲ ﺍﺧﺮ ﺍﻟﻜﻼﻡ ..
ﺍﺑﺘﺴﻤﺖ ﺑﻔﺮﺡ ..
ﺧﺸﺖ ﻉ ﺍﻟﺘﻌﻠﻴﻘﺎﺕ ..
ﻭﻛﻠﻬﺎ ﻛﺎﻧﺖ ﺗﻌﻠﻴﻘﺎﺕ ﺣﻠﻮﺓ ﺑﺎﻟﻤﺮﺓ .. ﺯﺍﺩﺕ ﻓﺮﺣﺖ ﺍﻛﺜﺮ ﻭﺍﻛﺜﺮ ..
ﻏﺎﻟﻴﻪ ﺑﻀﺤﻜﻪ ﻓﺮﺡ : ﻳﺎﻭﺧﻴﺘﻲ ﻧﺠﻴﻬﺎ .. ﻭﺍﻟﻠﻪ ﻣﺎﺗﻮﻗﻌﺘﻬﻦ ﻳﻌﺠﺒﻮﻫﺎ ﻟﻠﻬﺪﺭﺟﻪ !
ﺗﻔﺎﺟﺌﺖ ﻟﻤﺎ ﺑﺪﺕ ﺗﺸﻮﻑ ﻓﻲ ﺗﻌﻠﻴﻘﺎﺕ ﻧﺎﺱ ﺗﺴﺄﻝ ﻛﺎﻥ ﺍﺩﻳﺮ ﻓﻄﻠﺒﻴﺎﺕ ..
ﻏﺎﻟﻴﻪ ﺑﻔﺮﺡ : ﻫﻬﻬﻬﻬﻬﻪ ...
ﺑﻌﺪ ﻛﻤﻠﺖ ﻗﺮﺍﻳﺔ ﻛﻞ ﺍﻟﺘﻌﻠﻴﻘﺎﺕ ﻭﻫﻲ ﻓﻘﻤﺔ ﺍﻟﻔﺮﺡ ...
ﻃﻠﻌﺖ ﻣﻦ ﺍﻟﻤﻨﺸﻮﺭ ﻭﻣﺸﺖ ﻟﺨﺎﺹ ﻏﺰﻻﻥ .. ﻛﺘﺒﺘﻠﻬﺎ ﺭﺳﺎﻟﺔ ﺗﺸﻜﺮﻫﺎ ﻓﻴﻬﺎ .. ﻭﻗﺘﻬﺎ ﻏﺰﻻﻥ ﻛﺎﻧﺖ ﻣﺼﻜﺮﺓ ..
ﻃﻠﻌﺖ ﻣﻦ ﺍﻟﺨﺎﺹ ﻣﺘﺎﻋﻬﺎ ﻭﻣﺸﺖ ﻟﻠﺼﻔﺤﻪ ﺍﻟﺮﺋﻴﺴﻴﻪ ..
ﻗﺎﺑﻠﻬﺎ ﻣﻨﺸﻮﺭ ﻟﻌﻤﺎﺩ .. ﻛﺎﺗﺐ ﻓﻴﻪ ..
ﻳﻠﻌﻦ ﺑﻮﻫﻦ
ﺍﻟﺸﻮﻕ ﻭﺍﻟﻐﻼ ﻭﺍﻟﺼﻮﺏ ﻣﺎﻧﺒﻮﻫﻦ ..
ﻟﻮ ﻛﺎﻥ ﻣﺎﻧﻬﻦ ﻟﻚ ﻳﻠﻌﻦ ﺑﻮﻫﻦ ..
ﺿﺤﻜﺖ ﻏﺎﻟﻴﻪ : ﻣﻨﺘﻬﻲ ﻳﺎﻋﻤﻮﺩﻩ ﻓﺠﺮﺓ ﻟﻔﻌﺘﻚ ..
ﺣﺮﻛﺖ ﺍﻟﺸﺎﺷﻪ ﺑﺼﺒﻌﻬﺎ ﻟﻔﻮﻕ ..
ﺷﻮﻳﻪ ﻭﻗﺎﺑﻠﻬﺎ ﻣﻨﺸﻮﺭ ﻟﺪﻻﻝ .. ﻛﺎﺗﺒﻪ ﻓﻴﻪ ..
ﻣﺎﺯﻟﺖ ﺳﺎﻫﺮ ﺭﺍﻧﻲ .. ﻭﻣﺎﺯﻟﺖ ﻣﻦ ﻏﻴﺒﺔ ﻏﻼﻙ ﻧﻌﺎﻧﻲ
ﻣﺎﺯﺍﻝ ﺻﻌﺐ ﻧﺮﻭﻕ .. ﻭﻣﺎﺯﺍﻝ ﻏﺎﻟﺒﻨﻲ ﻋﻠﻴﻚ ﺍﻟﺸﻮﻕ ..
ﻭﻣﺎﺯﺍﻝ ﻃﻴﻔﻚ ﻳﺎﺑﻌﻴﺪ ﻳﺘﻮﻕ .. ﺑﻴﻦ ﺍﻟﻈﻼﻡ ﻳﻬﺰﻟﻲ ﻭﺟﺪﺍﻧﻲ ..
ﺗﻨﻬﺪﺕ ﺑﺄﻟﻢ ﻭﻗﺎﻟﺖ : ﺭﺑﻲ ﻳﺼﺒﺮ ﻗﻠﺒﻚ ﻳﺎﺩﻟﻮﻟﻪ .. ﻣﺶ ﻋﺎﺭﻓﻪ ﻟﻌﻨﺪ ﺍﻣﺘﻰ ﺑﺘﻘﻌﺪﻱ ﻫﺎﻟﺤﺎﻝ ﺑﺲ ..
ﺣﺮﻛﺖ ﺍﻟﺸﺎﺷﻪ ﺑﺼﺒﻌﻬﺎ ﻣﻦ ﺟﺪﻳﺪ ﻗﺎﺑﻠﻬﺎ ﻣﻨﺸﻮﺭ ﺑﻠﻘﻴﺲ ﺩﺍﻳﺮﺗﻠﻬﺎ ﺣﺪﻫﻢ ﺗﺎﻕ ﺑﺄﻏﻨﻴﺔ ﺇﻟﻴﺴﺎ ﻉ ﺑﺎﻟﻲ ﺣﺒﻴﺒﻲ ..
ﻏﺎﻟﻴﻪ : ﻫﻬﻬﻬﻬﻪ ... ﻋﻠﻴﻚ ﺟﻮ ...
ﺧﺸﺖ ﻉ ﺍﻟﺘﻌﻠﻴﻘﺎﺕ ﻟﻘﺖ ﺑﻠﻘﻴﺲ ﻣﻌﻠﻘﻪ ﺏ " ﻳﺎﺍﺍﺍﺭﺏ "..
ﻏﺎﻟﻴﻪ ﺑﻀﺤﻜﻪ : ﻣﺎﻧﻲ ﻋﺎﺭﻓﻪ ﻛﻴﻒ ﺑﺪﻳﺮﻱ ﺍﻧﺘﻲ ﻭﻫﺎﻟﻤﻌﻘﺪ .. ﺷﻦ ﺣﺒﺖ ﻓﻴﻪ ﻣﺶ ﻋﺎﺭﻓﻪ ..
ﺭﺟﻌﺖ ﺣﺮﻛﺖ ﺍﻟﺸﺎﺷﻪ ﺑﺼﺒﻌﻬﺎ ..
ﻗﺎﺑﻠﻮﻫﺎ ﻣﻨﺸﻮﺭﺍﺕ ﻋﺎﺩﻳﻪ ﺍﺧﺒﺎﺭ ﻭﻣﻨﺸﻮﺭﺍﺕ ﻋﺎﻣﻪ ..
ﺑﻌﺪﻳﻦ ﻃﺎﺣﺖ ﻓﻤﻨﺸﻮﺭ ﻟﻨﺠﻢ ﺍﻟﺪﻳﻦ ...
ﻣﺸﺎﺭﻛﻪ ﻣﻨﺸﻮﺭ ﺳﻴﺎﺳﻲ ..
ﻏﺎﻟﻴﻪ : ﺣﻲ ﺣﻴﻪ ..
ﻟﻘﺖ ﺍﻟﻼﻳﻜﺎﺕ ﺑﻌﺪﺩ ﻛﺒﻴﺮ .. ﺧﺎﻓﺖ .. ﻃﻮﻝ ﺣﺮﻛﺖ ﺍﻟﺸﺎﺷﻪ ﺑﺼﺒﻌﻬﺎ ..
ﻏﺎﻟﻴﻪ : ﺣﻲ ﻳﺎﻏﺎﻟﻴﻪ ﻛﺎﻥ ﻣﺎﻳﻄﻠﻊ ﻭﺍﺣﺪ ﻣﻨﻬﻢ ﻧﻬﺎﺭ ﻣﻐﺒﺮ !!
ﺷﻮﻳﻪ ﺟﻲ ﻗﺪﺍﻣﻬﺎ ﻣﻨﺸﻮﺭ ﻟﺮﺑﺎﺏ ..
ﺻﻮﺭﺓ ﺩﺑﻠﺘﻴﻦ .. ﻣﻜﺘﻮﺏ ﻓﻮﻗﻬﻢ ﻭﺟﻌﻠﻨﺎ ﺑﻴﻨﻬﻢ ﻣﻮﺩﻩ ﻭﺭﺣﻤﻪ ..
ﻭﺩﺍﻳﺮﻩ ﻓﻮﻗﻬﻢ ﺍﻳﻤﻮﺟﻲ ﺳﺎﻋﻪ ﺭﻣﻠﻴﻪ ..
ﺍﺑﺘﺴﻤﺖ ﻏﺎﻟﻴﻪ ﻭﻗﺎﻟﺖ : ﺭﺑﻲ ﻳﺘﻤﻢ ﻉ ﺧﻴﺮ ﻳﺎﺭﺏ ...
🍃🍃🍃🍃
ﻭﺗﺒﺪﺍ ﺍﻟﺴﺎﻋﻪ ﺍﻟﺮﻣﻠﻴﻪ ﺗﺤﺴﺐ ﻓﻲ ﺍﻟﻮﻗﺖ ⏳
ﻭﻳﻘﺮﺏ ﻣﻮﻋﺪ ﻓﺮﺣﺔ ﺭﺑﺎﺏ ..
ﻭﺑﺪﺕ ﺗﻄﻠﻊ ﻫﻲ ﻭﺍﻣﻬﺎ ﻳﻮﺗﻮﺍ ﻭﻳﺠﻬﺰﻭﺍ ﻭﻳﺤﺠﺰﻭﺍ ..
ﻓﻲ ﺍﻟﻮﻗﺖ ﺍﻟﻠﻲ ﻓﻴﻪ ..
ﻛﺎﻧﻮﺍ ﺭﺍﻧﻴﺎ ﻭﺩﻻﻝ ... ﻳﺠﺮﻭﺍ ﻉ ﻗﺮﺍﻳﺘﻬﻢ ﻭﺍﻣﺘﺤﺎﻧﺎﺗﻬﻢ ..
ﻣﺶ ﻫﻤﺎ ﺑﺲ ..
ﺣﺘﻰ ﺭﺯﺍﻥ ...
ﻫﻤﻠﺖ ﻋﻤﺎﺩ ﺷﻮﻳﻪ ﻓﻬﺎﻟﻔﺘﺮﻩ ..
ﻛﺎﻧﺖ ﺗﺒﻲ ﺗﺨﺶ ﺍﻹﻣﺘﺤﺎﻧﺎﺕ ﺑﻨﻔﺴﻴﻪ ﻣﺮﺗﺎﺣﻪ ﺷﻮﻳﻪ ﻭﻣﺎﺗﺒﻲ ﺗﺸﻐﻞ ﺑﺎﻟﻬﺎ ﺑﺸﻲ .
ﻳﺘﺼﻞ ﻣﺎﺗﺮﺩﺵ ﻋﻠﻴﻪ ﻳﺒﻌﺖ ﺭﺳﺎﻳﻞ ﻣﺎﺗﻌﺒﺮﺍﺵ ﻳﻜﻠﻤﻬﺎ ﻉ ﺍﻟﻔﻴﺲ ﺷﻲ ..
ﺍﺿﺎﻳﻖ ﻫﻠﺒﻪ ﻫﻠﺒﻪ ..
ﻫﺎﻟﺤﺎﻝ ﻣﺎﻛﺎﻧﺶ ﻳﻮﻡ ﻭﻻﻳﻮﻣﻴﻦ ﺍﺳﺒﻮﻉ ﺍﺳﺒﻮﻉ ﺑﺤﺎﻟﻪ ..
ﻫﻲ ﻛﺎﻧﺖ ﺗﻌﻔﺲ ﻉ ﻗﻠﺒﻬﺎ ﻋﻔﺲ .. ﺑﺮﻏﻢ ﻛﻞ ﺷﻲ ﺍﺩﻳﺮ ﻓﻴﻪ ﻣﺶ ﻫﺎﻳﻦ ﻋﻠﻴﻬﺎ ..
🍃 ﻣﺎﺑﻌﺪﻫﺎ 🍃
🍁🍁🍁🍁
ﺧﺎﺵ ﻟﻠﻜﻠﻴﻪ ﻭﻫﻮ ﻳﺘﻜﻠﻢ ﺑﺎﻟﺘﻠﻴﻔﻮﻥ ﺑﺸﻲ ﻣﻦ ﺍﻟﻌﺼﺒﻴﻪ ..
ﺯﻳﻦ : ﺧﻠﻴﻪ ﻳﺒﻠﻂ ﺍﻟﺒﺤﺮ ...... ﺍﻋﻠﻰ ﻣﺎﻓﺨﻴﻠﻪ ﻳﺮﻛﺒﻪ ﺍﻝ %$£₩ ﻫﺪﺍ ...... ﺍﺧﺮ ﻛﻼﻡ ﻋﻨﺪﻱ ﺧﻼﺹ .. ﺍﻭﻳﻨﺎ .. ﺻﻜﺮ ..
ﻛﻤﻞ ﻃﺮﻳﻘﻪ ﻭﻫﻮ ﻳﻤﺸﻲ ﺑﻌﺼﺒﻴﻪ ..
ﻟﻤﺢ ﺭﺍﻧﻴﺎ ﻭﺍﻗﻔﻪ ﻣﻊ ﺑﻨﺎﺕ ﻳﺮﺍﺟﻌﻮﺍ ﺍﻟﺒﺎﻳﻦ ..
ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻬﺎ ..
ﺷﺒﺤﺘﻪ ﻛﺎﻧﺖ ﺗﺨﻮﻑ ..
ﻏﻴﺮ ﻋﻴﻮﻧﻪ ﺍﻟﻘﺪﺍﻡ ﻭﻛﻤﻞ ﻃﺮﻳﻘﻪ ..
ﺭﺍﻧﻴﺎ " ﻣﺮﻳﺾ .."
🌴🌴🌴🌴🌴🌴
ﻓﻲ ﺍﺧﺮ ﻳﻮﻡ ﻟﻸﻣﺘﺤﺎﻧﺎﺕ ..
ﺭﻭﺣﺖ ﻭﻧﻔﺴﻴﺘﻬﺎ ﻓﻮﻕ ﺍﻟﺮﻳﺢ ..
ﻓﺮﺣﺎﻧﻪ ﻫﻠﺒﻪ ..
ﺣﻄﻬﺎ ﺗﻮﻓﻴﻖ ﻭﻣﺸﻲ ..
ﻣﺸﺖ ﺗﺠﺮﻱ ﻟﻌﻤﺘﻬﺎ ..
ﺭﺯﺍﻥ ﻭﻫﻲ ﺗﺠﺮﻱ ﻭﺗﻀﺤﻚ : ﺻﻘﻘﻘﻊ .. ﺻﻘﻘﻌﻊ .. ﺩﺩﺩﺩ ...
ﻭﺻﻠﺖ ﻓﻢ ﺍﻟﺒﻮﺍﺑﻪ ﻭﻫﻲ ﺗﺠﺮﻱ ..
ﻭﻭﺟﻬﺎ ﻳﺨﺶ ﻓﺤﻴﻂ ...
ﻭﺧﺮﺕ ﻭﻫﻲ ﺷﺎﺩﻩ ﺧﺸﻤﻬﺎ ..
ﺭﻓﻌﺖ ﻋﻴﻮﻧﻬﺎ ﻓﻴﻪ ..
ﻟﻘﺎﺗﻪ ﻳﺸﻮﻓﻠﻬﺎ ﺑﻨﻈﺮﺓ ﺍﻭﻝ ﻣﺮﺓ ﺗﺸﻮﻓﻬﺎ ..
ﻧﻈﺮﺓ ﻗﺴﻤﺖ ﻗﻠﺒﻬﺎ ﻭﺟﻌﺘﻬﺎ ﻫﻠﺒﻪ ..
ﻧﻈﺮﺓ ﻟﻮﻡ ﻋﺘﺎﺏ .. ﻣﻠﻴﺎﻧﻪ ﻣﻌﺎﻧﻲ ..
ﻭﺯﺍﺩﻫﺎ ﺻﻮﺗﻪ ﺍﻟﻤﺒﺤﻮﺡ ﺍﻟﻠﻲ ﺑﺎﻳﻦ ﻓﻴﻪ ﺍﻟﺰﻋﻞ ﻟﻤﺎ ﻗﺎﻝ : ﺷﺠﻮ ..
ﻫﻲ ﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ : ﺗﻤﺎﻡ ..
ﺿﻴﻖ ﻋﻴﻮﻧﻪ ﻭﻫﻮ ﻳﺸﻮﻓﻠﻬﺎ ﻗﺎﻝ : ﺟﺎﻭﺑﺘﻲ ..
ﺭﺯﺍﻥ : ﺍﻳﻪ ..
ﻭﺧﺮ ﻉ ﺍﻟﺒﺎﺏ ﻭﻗﺎﻝ : ﺧﺸﻲ ﺻﻘﻊ ..
ﻫﻲ ﻣﺸﺖ ﺧﻄﻮﺓ ﺑﺘﺨﺶ ﺑﻌﺪﻳﻦ ﻭﻗﻔﺖ ﻭﺷﺒﺤﺘﻠﻪ ﻭﻗﺎﻟﺖ : ﻣﺎﺗﻘﻌﺪﺵ ﺑﺮﺍ ..
ﺭﺩ ﻋﻠﻴﻬﺎ ﻭﻫﻮ ﻳﺸﺒﺢ ﺍﻳﻤﻴﻨﻪ ﺑﺘﻀﻴﻴﻘﺔ ﻋﻴﻮﻥ : ﻣﺎﺩﻭﺭﻳﺶ ﻣﺶ ﻣﻬﻢ ..
ﺭﻛﺰﺕ ﻉ ﺷﻜﻠﻪ ﻳﺒﺎﻥ ﺣﺮﺟﺎﻥ .. ﻣﻦ ﺗﻀﻴﻴﻘﺔ ﻋﻴﻮﻧﻪ ﻭﺣﺎﺟﺒﻪ ﺍﻟﻴﻤﻴﻦ ﺍﻟﻤﺮﻓﻮﻉ ﺷﻮﻳﻪ ..
ﻭﺣﺘﻰ ﺍﻧﻪ ﻣﺎﻳﺒﻴﺶ ﻳﺸﻮﻓﻠﻬﺎ ..
ﺷﻜﻠﻪ ﻋﺠﺒﻬﺎ ﻫﻠﺒﻪ ﺣﺒﺎﺗﻪ ﺣﺒﺎﺗﻪ ..
ﻭﻷﻥ ﺍﻟﺸﺘﻲ ﻳﻌﺮﻑ ﻛﻴﻒ ﻳﺤﺮﻙ ﺍﻟﻤﺸﺎﻋﺮ ﺑﻘﻮﺓ ..
ﺧﻼﻫﺎ ﺗﺘﺼﺮﻑ ﻫﺎﻟﻤﺮﺓ ﺑﺘﺠﺮﺩ ﺗﺎﻡ ﻣﻦ ﻛﻞ ﺷﻲ ﻟﻴﻪ ﻋﻼﻗﻪ ﺑﺄﻱ ﺷﻌﻮﺭ ﺳﻠﺒﻲ ...
ﺍﺑﺘﺴﻤﺖ ﻭﻗﺎﻟﺖ : ﺯﻋﻼﻥ؟
ﺭﺩ ﺑﺪﻭﻥ ﻣﺎﻳﺸﻮﻓﻠﻬﺎ : ﺧﺸﻲ ﺩﺍﺧﻞ ﺻﻘﻊ ﺧﺸﻲ ..
ﺣﻂ ﺍﻳﺪﻳﻪ ﻓﺠﻴﻮﺏ ﺑﺎﻟﻄﻮﻩ ﻭﺟﺎﻱ ﺑﻴﻤﺸﻲ ..
ﻭﻗﻒ ﻟﻤﺎ ﻳﺪﻫﺎ ﺷﺪﺕ ﺫﺭﺍﻋﻪ ..
ﺗﻜﻬﺮﺏ ..
ﻗﻠﺒﻪ ﻓﻌﺰ ﺍﻟﺼﻘﻊ ﻧﺎﺭﻩ ﻭﻟﻌﺖ ..
ﺯﺍﺩﺗﻬﺎ ﻟﻤﺎ ﻗﺎﻟﺖ : ﺍﺳﻔﻪ .. ﻣﺶ ﻗﺼﺪﻱ ..
ﺗﻨﻬﺪ ... ﺑﻌﺪﻳﻦ ﺷﺒﺤﻠﻬﺎ ..
ﻧﻈﺮﺍﺗﻪ ﻛﺎﻧﺖ ﺣﻠﻮﺓ ﻫﻠﺒﻪ .. ﺑﺲ ﻣﻤﺰﻭﺟﻪ ﺑﺎﻟﻌﺘﺐ ..
ﻃﻠﻘﺖ ﺫﺭﺍﻋﻪ ﻭﻫﻲ ﺗﻘﻮﻝ : ﺑﺘﺬﻫﺒﻠﻲ ﺷﻴﺮﺗﻲ ﻛﺎﻥ ﻛﻠﻤﺘﻚ ﻋﺎﺭﻓﻪ .. ﻭﺍﻧﻲ ﻧﺒﻲ ﻧﺼﻔﻲ ﻣﻦ ﺍﻻﻭﻝ ﺑﻤﻌﺪﻝ ﻗﻮﻱ .. ﻧﺒﻲ ﻧﻜﻮﻥ ﺍﻷﻭﻟﻰ .. ﻗﺘﻠﻚ ﻗﺒﻞ ..
ﻛﺎﻧﺖ ﺗﺘﻜﻠﻢ ﺑﺸﻲ ﻣﻦ ﺍﻟﺮﺑﻜﻪ ﺍﻟﻤﻤﺰﻭﺟﻪ ﺑﺎﻟﺨﺠﻞ ..
ﺯﺍﺩ ﺟﻤﺎﻟﻬﺎ ﺧﺪﻭﺩﻫﺎ ﻭﺧﺸﻤﻬﺎ ﺍﻟﻠﻲ ﻣﺤﻤﺮﻫﻢ ﺍﻟﺼﻘﻊ ..
ﻭﻧﻈﺮﺍﺕ ﻋﻴﻮﻧﻬﺎ ﺍﻟﻠﻲ ﻛﺎﻧﺖ ﺑﺮﻳﺌﺔ ﻫﻠﺒﻪ .. ﺍﻭﻝ ﻣﺮﺓ ﻳﺸﻮﻓﻬﻢ ﻫﻜﻲ ..
ﻋﻤﺎﺩ : ﻣﺼﻴﺒﺘﻲ ﺍﻧﻲ ﻧﻌﺸﻘﻚ ﻣﻮﺕ .. ﺗﻌﺮﻓﻲ ﺷﻦ ﻣﻌﻨﺎﻫﺎ ﻧﻌﺸﻘﻚ .. ﻳﻌﻨﻲ ﻣﻬﻤﺎ ﺍﺩﻳﺮﻱ ﻓﻴﺎ ﺣﺘﻰ ﻟﻮ ﻭﺟﻌﺘﻴﻨﻲ ﻉ ﻗﻠﺒﻲ ﺯﻱ ﺍﻟﻌﺴﻞ .. ﺣﺘﻰ ﻟﻮ ﺯﻋﻠﺖ .. ﻏﻴﺮ ﻧﺸﻮﻑ ﻫﺎﻟﻌﻮﻳﻨﺎﺕ ﻧﻨﺴﻰ ﺍﻟﺰﻋﻞ ﻭﻣﺎﻳﺠﻲ ﻣﻨﻪ ..
ﺍﺑﺘﺴﻤﺖ ﺍﺑﺘﺴﺎﻣﻪ ﺣﻠﻮﺓ ﻭﻫﻲ ﺗﺸﻮﻓﻠﻪ ..
ﻫﻮ ﺍﺑﺘﺴﻢ .. ﻭﻗﺎﻝ ..
ﻣﺎﻧﻌﻴﺶ ﺑﻼﻛﻢ ..
ﺍﻧﺘﻮﺍ ﺍﻟﻬﻮﺍ ﻭﺍﻟﺰﺍﺩ .. ﻣﺎﻧﻘﺪﺭ ﺗﻌﻴﺶ ﺑﻼﻛﻢ
ﻟﻮ ﺍﺗﺨﺎﻟﻔﻮﺍ ﺍﻟﻤﻴﻌﺎﺩ .. ﻭﺍﻟﻠﻪ ﻣﺎﻧﻨﺴﺎﻛﻢ ..
ﻣﻌﺎﻛﻢ ﻋﺮﻓﺖ ﺍﻟﻔﺮﺡ .. ﻭﺑﻴﻜﻢ ﻧﺴﻴﺖ ﺍﻟﺠﺮﺡ ..
ﻳﺎﻓﺮﺣﺘﻲ ﺑﻤﻠﻘﺎﻛﻢ ..
ﻫﻲ ﻭﺻﻠﺖ ﺍﻟﻜﻠﻤﺎﺕ ﻟﻘﻠﺒﻬﺎ ..
ﺑﺼﻮﺗﻪ ﺍﻟﻠﻲ ﺗﺤﺒﻪ ..
ﺑﻨﻈﺮﺍﺕ ﻋﻴﻮﻧﻪ ﺍﻟﻠﻲ ﺗﻌﺐ ﻓﻴﻬﺎ ..
ﻭﻣﻊ ﻫﺪﺍ ﻛﻠﻪ
ﺧﻄﺮ ﻋﻠﻴﻬﺎ ﺍﻟﻠﻲ ﻛﺎﻧﺖ ﻟﻠﺤﻈﻪ ﻧﺎﺳﻴﺎﺗﻪ ..
ﻭﻳﺮﺟﻊ ﻫﺪﺍﻛﺎ ﺍﻟﺼﺮﺍﻉ ﺍﻟﻠﻲ ﻣﻌﺬﺑﻬﺎ ﻳﻨﻮﺽ ﻣﻦ ﺟﺪﻳﺪ ..
ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻟﺤﺰﻥ ..
ﻓﻤﻬﺎ ﺑﺪﻱ ﻳﺘﻘﻮﺱ ﻭﻫﻮ ﻳﺮﺟﻒ ..
ﺩﻣﻮﻋﻬﺎ ﻃﺎﺣﻮﺍ ..
ﻫﻮ ﺗﻼﺷﺖ ﺍﺑﺘﺴﺎﻣﺘﻪ ﻭﻗﺎﻝ : ﺧﻴﺮﻙ ﺣﺒﻴﺒﻲ؟ !
ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﺍﻧﻬﺎﺭﺕ ﺑﺎﻟﺒﻜﻲ ..
ﺣﻂ ﺍﻳﺪﻳﻪ ﻉ ﺭﺍﺳﻪ ﻭﻫﻮ ﻳﻘﻮﻝ ﺑﺈﺳﺘﻴﺎﺀ : ﺭﺯﺍﻥ .. ﻣﻌﺎﺵ ﻧﻘﻮﻝ ﻛﻼﻡ ﺣﻠﻮ ﺧﻼﺹ !! ﻧﺰﻝ ﺍﻳﺪﻳﻪ ﻭﻗﺎﻝ .. ﻟﻔﻌﺔ ﻣﺴﻤﻮﻣﻪ ﻣﺴﺘﺨﺼﺮﻩ ﻓﻴﺎ ﻧﻔﺮﺡ ﺑﻠﺤﻈﻪ ﺣﻠﻮﺓ ﺑﻌﺪ ﻭﻳﻦ ﺗﺼﻴﺮ ﺑﻴﻨﻲ ﻭﺑﻴﻨﻚ ..
ﺣﻮﻟﺖ ﺍﻳﺪﻳﻬﺎ ﻣﻦ ﻉ ﻭﺟﻬﻬﺎ ﻭﻗﺎﻟﺖ ﺑﻐﻀﺐ ﻣﻦ ﺑﻴﻦ ﺩﻣﻮﻋﻬﺎ : ﺍﻟﺤﻖ ﻣﺶ ﻓﻴﻚ ﺍﻟﺤﻖ ﻓﺎﻟﺤﻤﺎﺭﺓ ﺍﻟﻠﻲ ﻭﺍﻗﻔﻪ ﻓﺠﻤﻴﺪﻱ ﺗﺮﺿﻲ ﻓﻴﻚ ..
ﻟﻔﺖ ﻭﻣﺸﺖ ﺑﺘﺨﺶ ..
ﻫﻮ ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ..
ﺭﻓﻊ ﺣﻮﺍﺟﺒﻪ ﻟﻤﺎ ﺷﺎﻓﻬﺎ ﻟﻔﺖ ﻭﻭﻟﺖ ..
ﻭﻗﻔﺖ ﻓﻲ ﺍﻟﺒﺎﺏ ﻭﻫﻲ ﺗﺸﻮﻓﻠﻪ ﺑﺤﺪﻩ؛ﻣﺎﺗﻘﻌﺪﺗﺶ ﻓﺎﻟﺼﻘﻊ .. ﺗﻮ ﺗﻤﺮﺽ .. ﻋﺪﻱ ﻟﻠﻤﺮﺑﻮﻋﻪ ..
ﺗﻨﻬﺪ ﻣﻦ ﻭﺳﻂ ﻗﻠﺒﻪ ﻭﻗﺎﻝ؛ﺣﺎﺿﺮ ..💖
ﻗﻌﺪ ﻳﻤﺸﻲ ﻟﻠﺨﻠﻒ ﻭﻫﻮ ﻳﺸﻮﻓﻠﻬﺎ ﻭﻫﻲ ﺗﺸﺒﺤﻠﻪ ﺑﻄﺮﻑ ﻋﻴﻨﻬﺎ ..
ﺿﺤﻚ ﻭﻟﻒ ﻭﻛﻤﻞ ﻃﺮﻳﻘﻪ ..
ﻭﻫﻲ ﺗﺸﻮﻓﻠﻪ ﺑﺄﻟﻢ ..
ﻟﻌﻨﺪ ﻣﺎﺍﺧﺘﻔﻲ ..
ﺭﺯﺍﻥ " ﻋﻠﻴﻚ ﻗﻠﺐ ﻗﻠﺒﻲ ﻓﻮﻕ ﻣﺎﻫﻮ ﻣﺠﺮﻭﺡ ﻣﻨﻪ ﻣﺶ ﻣﺘﺤﻤﻞ ﻓﻴﻪ ﺷﻲ .. ﻳﺎﺭﺑﻲ ﻛﻴﻒ ﻧﺪﻳﺮ ﻳﺎﺭﺑﻲ ﻧﺤﺒﻪ ﻭﺍﺟﺪ ﻭﺍﺟﺪ .. ﺑﺲ ﻣﺎﻧﻘﺪﺭ ﻧﻜﻤﻞ ﻣﻌﺎﻩ ﻭﺍﻧﻲ ﻋﺎﺭﻓﻪ ﺍﻧﻪ ﺧﺎﻳﻦ .. ﻭﻻ ﻗﺎﺩﺭﻩ ﻧﻌﺪﻳﻬﺎ ﻟﻪ .. ﺍﺭﺣﻤﻨﻲ ﻳﺎﺭﺑﻲ ﺑﺮﺣﻤﺘﻚ "
" ﺭﺯﺍﻥ .."
ﻣﺴﺤﺖ ﺩﻣﻮﻋﻬﺎ ﻭﺍﻟﺘﻔﺘﺖ
ﻟﻘﺖ ﺣﻨﺎﻫﺎ ﻃﺎﻟﻌﻪ ﻣﻦ ﺩﺍﺭﻫﺎ ..
ﻓﺎﻃﻤﻪ : ﺧﺸﻲ ﺻﻘﻊ ..
ﺭﺯﺍﻥ ﺑﺈﺑﺘﺴﺎﻣﻪ : ﻋﻤﺘﻲ ﻣﺎﻫﻨﺎﺵ ..
ﻓﺎﻃﻤﻪ : ﻣﺎﺯﺍﻟﺖ ﻣﺎﺭﻭﺣﺖ ﻣﺎﻫﻨﺎﻙ ﺣﺪ ﻓﻲ ﺍﻟﺤﻮﺵ ﻏﻴﺮﻱ ..
ﺟﻲ ﻋﻤﺎﺩ ﻗﺒﻞ ﺷﻮﻱ ﺳﻠﻢ ﻋﻠﻴﺎ ﻭﻗﺎﻝ ﺑﻨﻌﺪﻱ ﻟﻠﻤﺤﻼﺕ ... ﺭﻳﺘﻴﻪ ..
ﺭﺯﺍﻥ : ﺍﻳﻪ ... ﻫﻲ ﺗﻌﺎﻟﻲ ﻧﺨﺸﻮﺍ .. ﺷﺪﺗﻬﺎ ﻣﻦ ﺫﺭﺍﻋﻬﺎ ﻭﺧﺸﻮﺍ ..
ﻓﺎﻃﻤﻪ : ﺗﻤﻴﺘﻲ ﺍﻣﺘﺤﺎﻧﻜﻮ؟
ﺭﺯﺍﻥ ﺑﻀﺤﻜﻪ : ﺍﻳﻪ .. ﻏﻴﺮ ﺍﺩﻋﻴﻠﻲ ﺑﺲ ..
ﻓﺎﻃﻤﻪ : ﺍﻥ ﺷﺎﺀ ﺍﻟﻠﻪ ﺑﺎﻟﻨﺠﺎﺡ ..
ﺭﺯﺍﻥ : ﺁﻣﻴﻦ ..💖
🍃🍃🍃🍃
ﺍﻟﻨﺠﺎﺡ ..
ﺍﻟﻠﻲ ﻛﺎﻥ ﺣﻠﻴﻒ ﻣﺮﺍﻡ ...
ﺍﻟﻠﻲ ﻣﺎﻋﺮﻓﺘﺶ ﻭﻳﻦ ﺗﺤﻂ ﻓﺮﺣﺘﻬﺎ ﻟﻤﺎ ﺟﺎﻫﺎ ﺭﺍﺟﻠﻬﺎ ﻭﺑﻠﻐﻬﺎ ﺑﺎﻟﺨﺒﺮ ..
ﺣﻀﻨﺎﺗﻪ ﺑﻜﻞ ﻗﻮﺓ ﻭﻗﺎﻟﺖ ﺑﺘﻠﻘﺎﺋﻴﻪ ﻭﺣﻤﺎﺱ : ﻧﺤﺒﻚ ﻭﺍﺍﺍﺟﺪ💕
ﺭﻓﻊ ﺣﺎﺟﺒﻪ ﺍﻹﻳﺴﺎﺭ ..
ﺣﻂ ﺍﻳﺪﻳﻪ ﻉ ﺍﻳﺪﻳﻬﺎ ﺍﻟﻤﺤﺎﻭﻃﺎﺕ ﺧﺼﺮﻩ ﺑﻌﺪﻫﺎ .. ﻭﻫﻮ ﺷﺎﺩﻫﻢ ﻭﻗﺎﻝ : ﺷﻨﻮ؟ !!
ﺿﺤﻜﺖ ﻭﻫﻲ ﺗﻬﺮﺏ ﺑﻌﻴﻮﻧﻬﺎ ﺍﻟﻤﺪﻣﻌﺎﺕ ﻣﻨﻪ ..
ﺟﺒﺪﻫﺎ ﻟﻴﻪ ﻭﺣﺎﻭﻃﻬﺎ ﺑﺈﻳﺪﻳﻪ ..
ﺍﻧﻔﻪ ﻛﺎﻥ ﻣﻼﻣﺲ ﺍﻧﻔﻬﺎ ﻗﺎﻝ : ﺧﻠﻴﻚ ﺷﺠﺎﻋﻪ ﻭﻋﺎﻭﺩﻳﻬﺎ ..
ﻫﻲ ﺿﺤﻜﺖ ﻭﻗﺎﻟﺖ : ﻣﺎﻧﻴﺶ ﺷﺠﺎﻋﻪ ..
ﺷﺪ ﻋﻠﻴﻬﺎ ﺑﻘﻮﺓ ﻭﻫﻮ ﻳﻘﻮﻝ ﺑﻌﺼﺒﻴﻪ ﻣﺼﻄﻨﻌﻪ : ﻋﺎﻭﺩﻳﻬﺎ .. ﻗﺖ
.. ﻋﺎﻭﺩﻱ ..
ﺿﺤﻜﺖ ﻭﻗﺎﻟﺖ : ﻣﺎﻳﺨﻮﻓﻨﻴﺶ ﺍﻟﺘﻜﺸﻴﺦ ﺍﻧﻲ ..
ﻫﺎﻧﻴﺒﺎﻝ : ﺑﺎﻟﻠﻪ ..
ﻣﺮﺍﻡ ﺑﻀﺤﻜﻪ : ﻭﺍﻟﻠﻪ ..
ﻫﺎﻧﻴﺒﺎﻝ : ﺍﻧﺘﻲ ﻫﻜﻲ !! ﻣﺎﻝ ﺗﺤﻤﻠﻲ ﻣﺎﻳﺠﻴﻚ ..
ﻋﻀﻬﺎ ﻣﻦ ﺭﻗﺒﺘﻬﺎ ..
ﻣﺮﺍﻡ : ﻫﻬﻬﻬﺎﺍﺍﻫﻬﻪ .. ﻻﺍﺍ .. ﺻﻜﺮﺕ ﻓﻤﻬﺎﺑﺎﻟﻘﻮﺓ ﺑﺶ ﺻﻮﺗﻬﺎ ﻣﺎﻳﻄﻠﻌﺶ ...
ﺑﻌﺪ ﻭﻫﻮ ﻳﻀﺤﻚ ﺑﻘﺮﻧﺔ ﺣﻮﺍﺟﺐ : ﺑﺘﻌﺎﻭﺩﻳﻬﺎ ﻭﻻ ﻻ ..
ﻣﺮﺍﻡ ﺑﺈﺳﺘﻐﺒﺎﺀ : ﺷﻦ ﻫﻲ؟
ﻧﻄﺤﻬﺎ ﻭﻗﺎﻝ : ﺭﺍﻫﻮ ... ﻧﻄﺤﻬﺎ ﻣﺮﺓ ﺗﺎﻧﻴﻪ .. ﺧﻴﺮﻟﻚ !!
ﻗﻌﺪﺕ ﺗﻀﺤﻚ ..
ﻫﺎﻧﻴﺒﺎﻝ : ﻣﺎﺗﺒﻴﺶ ﺗﻌﺎﻭﺩﻳﻬﺎ؟
ﻣﺮﺍﻡ ﺑﻀﺤﻜﻪ؛ﺕ ﺷﻦ ﻫﻲ ؟؟
ﺭﺟﻊ ﻋﻀﻬﺎ ﻣﻦ ﺟﺪﻳﺪ ..
ﻭﻫﻲ ﻣﻴﺘﻪ ﻣﻦ ﺍﻟﻀﺤﻚ 💕💕💕💕💕..
🍁🍁🍁🍁🍁
ﻳﻮﻣﻬﺎ .. ﺍﺣﺘﻔﻠﻮﺍ ﻣﻊ ﺍﻟﻌﻴﻠﻪ ﺑﻨﺠﺎﺣﻬﺎ ..
ﻛﺎﻥ ﺍﺣﺘﻔﺎﻝ ﺑﺴﻴﻂ ..
ﻭﺍﻟﻴﻮﻡ ﺍﻟﻠﻲ ﺑﻌﺪﻩ ﻫﺎﻧﻴﺒﺎﻝ ﻋﺰﻡ ﺍﻫﻠﻬﺎ ﻭﺩﺍﺭﻭ ﻋﺸﻲ ..
ﺍﻫﺘﻤﺎﻡ ﻫﺎﻧﻴﺒﺎﻝ ﺍﻟﻮﺍﺿﺢ ﺑﻤﺮﺍﻡ ..
ﺧﻼ ﻋﻴﻮﻥ ﺳﻤﻴﻪ ﺗﻨﻔﺘﺢ ﻋﻠﻴﻬﺎ ﻫﻠﺒﻪ .. ﻻﺣﻈﺖ ﺍﻥ ﻫﺎﻧﻴﺒﺎﻝ ﻣﻬﺘﻢ ﺑﻴﻬﺎ ﻟﺪﺭﺟﻪ ﻛﺒﻴﺮﺓ ..
ﻋﻴﻮﻧﻬﺎ ﺭﻛﺰﻭﺍ ﻉ ﺭﻗﺒﺘﻬﺎ ﺷﺎﻓﺖ ﻓﻴﻬﺎ ﺗﻌﻠﻴﻘﻪ ﺣﻠﻮﺓ ﻫﻠﺒﻪ ﺍﻭﻝ ﻣﺮﺓ ﺗﺸﻮﻓﻬﺎ ﻋﻠﻴﻬﺎ ..
ﺳﻤﻴﻪ ﺑﺈﺑﺘﺴﺎﻣﻪ ﻣﺼﻄﻨﻌﻪ : ﻣﺮﺍﻡ .. ﺗﻌﻠﻴﻘﺘﻚ ﻫﺪﻱ ﻣﺶ ﺭﺍﻳﺘﻬﺎ ﻋﻠﻴﻚ ﻗﺒﻞ ..
ﻭﺯﻋﺖ ﻧﻈﺮﻫﺎ ﻉ ﻏﺎﻟﻴﻪ ﻭﺭﺯﺍﻥ ﻭﺣﻤﻴﺪﻩ ﺍﻟﻠﻲ ﻛﺎﻧﺖ ﺗﺸﻮﻓﻠﻬﺎ ﺑﺮﻓﻌﺔ ﺣﺎﺟﺐ ..
ﻏﻴﺮﺕ ﻋﻴﻮﻧﻬﺎ ﻟﺴﻤﻴﻪ ﻭﻗﺎﻟﺖ : ﺍﺣﻤﻢ .. ﺍﻳﻪ ﺍﻧﻲ ﻭﺍﺧﺪﺗﻬﺎ ﺍﻭﻝ ﻣﺮﺓ ﻧﻠﺒﺴﻬﺎ ..
ﺳﻤﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺷﺎﻛﻪ ﻓﺼﺪﻕ ﺍﺟﺎﺑﺘﻬﺎ ..
ﻭﻛﺬﻟﻚ ﺣﻤﻴﺪﻩ ..
ﻏﺎﻟﻴﻪ : ﻫﻲ ﺑﺴﺮﻋﻪ ﺳﻘﺪﻭﺍ ﺍﻟﺘﺮﻳﺲ ﻳﺮﺍﺟﻮﺍ ..
ﻭ ﺍﻟﻠﻲ ﻫﺪﺍ ﻗﻌﺪﺕ ﺗﻜﻤﻞ ﻓﺘﺠﻬﻴﺰ ﺍﻟﺼﻔﺮ ...
🍃 ﺍﻟﺘﻌﻠﻴﻘﻪ ﻛﺎﻧﺖ ﻫﺪﻳﺔ ﻧﺠﺎﺣﻬﺎ ﻣﻦ ﻫﺎﻧﻴﺒﺎﻝ 🍃
🍃🍃🍃🍃🍃
ﻭﺗﻌﺪﻱ ﺍﻷﻳﺎﻡ ..
ﻭﺗﻄﻠﻊ ﺍﻟﺒﻌﺜﻪ ﻟﻤﺮﺍﻡ ...
ﻭﻳﺒﺪﺍ ﻫﺎﻧﻴﺒﺎﻝ ﻳﺠﺮﻱ ﻉ ﺍﺟﺮﺍﺀﺍﺕ ﺍﻟﺴﻔﺮ ﺑﻤﺴﺎﻋﺪﻩ ﻋﻤﺎﺩ ﻭﻣﻌﺎﺭﻓﻪ ..
ﻟﻌﻨﺪ ﻣﺎﺗﻤﻮﺍ ﻛﻞ ﺷﻲ ..
ﻭﺗﺤﺪﺩ ﻣﻮﻋﺪ ﺍﻟﺴﻔﺮ ...2\25
🍃🍃🍃🍃🍃
ﺍﻭﻝ ﺍﺳﺒﻮﻉ ﻣﻦ ﻋﻄﻠﺔ ﻧﺺ ﺍﻟﺴﻨﻪ ...
ﺍﻟﻘﻄﻌﻪ ﻛﺎﻧﺖ ﺯﺣﻤﻪ ﺑﻀﻴﻮﻓﻬﺎ ...
ﻣﺨﺘﺎﺭ ﻭﻛﺎﻣﻠﻪ ﻭﺍﻣﻴﻨﻪ ﻭﺍﺻﺎﻟﻪ ﻭﺳﻠﻴﻤﻪ ..
ﻭﻣﻌﺎﻫﻢ ﺃﺻﻴﻞ ﻭﻋﺜﻤﺎﻥ ...
ﻭﺍﻟﺒﻨﺎﺕ ﻛﻠﻬﻢ ...
ﻳﻮﻡ ﺍﻹﺭﺑﻌﺎﺀ ...
ﺍﻳﻮﻩ ﻛﻮﻳﺲ ﻫﻨﻰ ..
ﺣﻄﻮﺍ ﺣﻤﺰﺓ ﻭﻣﺎﻟﻚ ﻛﺮﺳﻲ ﻣﻤﻴﺰ ﻓﻨﺺ ﺍﻟﺼﺎﻟﻪ ﺑﺶ ﺗﻘﻌﻤﺰ ﻋﻠﻴﻪ ﺭﺑﺎﺏ ...
ﻏﺎﻟﻴﻪ : ﺻﺤﻴﺘﻮﺍ .. ﻫﻲ ﺍﺳﺘﻔﺮﺗﺤﻮﺍ ..
ﺿﺤﻜﻮﺍ ﻭﻃﻠﻌﻮﺍ ﻃﻮﻝ ..
ﻟﻔﺖ ﻭﻫﻲ ﺗﻀﺤﻚ ﻭﻗﺎﻟﺖ : ﺳﻘﺪﻥ ﺑﺴﺮﻋﻪ ﺑﺶ ﺗﻠﺤﻘﻦ ﺗﻮﺗﻦ ﺍﺭﻭﺍﺣﻜﻦ ..
ﺍﺑﺘﺴﻤﻮﺍ ﺍﻟﺒﻨﺎﺕ ﻭﻫﻤﺎ ﻳﺮﺗﺒﻮﺍ ﻓﻲ ﺍﻟﻜﺮﺍﺳﻲ ..
ﻛﻤﻠﺖ ﻃﺮﻳﻘﻬﺎ ﻟﻠﻜﻮﺟﻴﻨﻪ .. ﺧﺸﺖ : ﺷﻦ ﺻﺎﺭ ﻓﻴﻜﻦ ..
ﺩﻻﻝ : ﻛﻠﻪ ﻭﺍﺗﻲ ﺧﺎﻟﺘﻲ ..
ﻛﻔﺎﻳﻪ : ﺳﺨﻦ ﻭﻃﻠﻊ ﺑﺲ ..
ﻏﺎﻟﻴﻪ : ﻛﻮﻳﺲ ..
🍁🍁🍁
ﻃﺒﻌﺎ ﺭﺑﺎﺏ ﻓﻲ ﺍﻟﻤﺰﻳﻦ ﻣﻌﺎﻫﺎ ﻟﻄﻴﻔﻪ ﻭﻣﺮﺍﻡ ..
.....
ﻣﺮﺍﻡ ﺗﻌﺪﻱ .. ﻟﻜﻦ ﺍﻧﻲ ﺷﻨﻮ ﺍﻧﻲ ﻃﻴﺎﺡ ﺳﻌﺪﻱ ..
ﻫﺎﺩﻱ ﺳﻤﻴﻪ ﻓﻲ ﺣﻮﺷﻬﺎ ..
ﺗﺤﺪﻳﺪﺍ ﻓﻲ ﺩﺍﺭﻫﺎ ﻭﻫﻲ ﺗﺤﺎﻭﻝ ﺗﺨﺘﺎﺭ ﻗﻔﻄﺎﻥ ﻳﻼﻳﻢ ﺍﻟﻤﻨﺎﺳﺒﻪ ﺗﻠﺒﺴﻪ ..
ﻗﻌﺪﺕ ﺗﺸﺒﺢ ﻟﻠﻘﻔﺎﻃﻴﻦ ﺑﻐﻀﺐ ﻗﺎﻟﺖ : ﻛﻠﻪ ﺍﻋﻌﻌﻌﻲ ﺍﺧﻴﻴﻲ ..
ﻃﻴﺎﺡ ﺳﻌﺪﻱ .. ﺧﺒﻄﺖ ﻭﺟﻬﻬﺎ ﻭﻗﺎﻟﺖ .... ﻃﻴﺎﺡ ﺳﻌﺪﻱ ...
🍁🍁🍁🍁
ﺍﻟﺴﺎﻋﻪ 4:30 ﻋﺼﺮﺍ ...
ﻓﻲ ﺍﻟﺠﺎﻣﻊ ...
ﺑﻌﺪ ﺻﻼﺓ ﺍﻟﻌﺼﺮ ..
ﻳﺪ ﻣﺆﻧﺲ ﻓﻴﺪ ﺧﻴﺮﻱ ..
ﻭﻳﺪ ﺍﻟﺸﻴﺦ ﻓﻮﻗﻬﻢ ..
ﻳﻘﻮﻝ ﺍﻟﺸﻴﺦ ﻣﺎﻳﻨﻘﺎﻝ ﻗﺒﻞ ﻋﻘﺪ ﺍﻟﻘﺮﺍﻥ ..
ﻓﻲ ﺍﻷﻭﻝ ﻟﻤﺆﻧﺲ ﻭﻫﻮ ﻳﺮﺩ ﻭﺭﺍﻩ ..
ﺑﻌﺪﻳﻦ ﻟﺨﻴﺮﻱ ﻭﻫﻮ ﻳﺮﺩ ﻭﺭﺍﻩ ..
ﻭﺍﺧﻴﺮﺍ ..
ﻗﺎﻝ ﺍﻟﺸﻴﺦ ..
ﺑﺎﺭﻙ ﺍﻟﻠﻪ ﻟﻬﻤﺎ ﻭﺑﺎﺭﻙ ﻋﻠﻴﻬﻤﺎ ﻭﺟﻤﻊ ﺑﻴﻨﻬﻤﺎ ﻋﻠﻰ ﺧﻴﺮ ..
ﻣﺆﻧﺲ ﻋﺮﻭﻕ ﻗﻠﺒﻪ ﻳﺤﻤﺪﻭﺍ ﻓﺮﺑﻲ ..
ﺍﻟﻠﻲ ﻗﺴﻤﻠﻪ ﺭﺑﺎﺏ ﻭﺧﻼﻫﺎ ﻣﻦ ﻧﺼﻴﺒﻬﺎ ..
ﻭﺑﺪﺕ ﺍﻟﻤﺒﺎﺭﻛﺎﺕ ﻭﺍﻟﺘﻬﺎﻧﻲ ...
ﺳﻼﻡ ﺍﻳﻤﻦ ﻭﻣﺆﻧﺲ ﻛﺎﻥ ﺣﺎﺭ ﻫﻠﺒﻪ ﺍﻛﺜﺮ ﻣﻦ ﺍﻟﻠﻲ ﺻﺎﺭ ﺑﻴﻨﻪ ﻭﺑﻴﻦ ﺧﻮﺗﻪ ..
ﺧﻮﺕ ﻭﺍﻛﺜﺮ ﻣﻦ ﺧﻮﺕ .. ﺧﻮﺕ ﻣﻌﺎﻧﺎﻩ .. ﺧﻮﺕ ﻋﺎﺷﻮﺍ ﻛﻞ ﻟﺤﻈﻪ ﻏﺮﺑﻪ ﻣﻊ ﺑﻌﺾ ﻭﺗﺤﻤﻠﻮﺍ ﻣﻊ ﺑﻌﺾ ﻭﺗﻌﻠﻤﻮﺍ ﻣﻦ ﺑﻌﺾ ﻭﻛﺎﻧﻮﺍ ﺳﻨﺪ ﻟﺒﻌﺾ ﻓﺄﺻﻌﺐ ﺍﻟﻈﺮﻭﻑ ..
ﻃﺒﻴﻌﻲ ﺟﺪﺍ ﻳﻜﻮﻥ ﻛﻞ ﺷﻲ ﻳﺼﻴﺮ ﺑﻴﻨﺎﺗﻬﻢ ﻏﻴﺮ ..
💕💕💕💕💕
ﻓﻲ ﺍﻟﺤﻮﺵ ..
ﺍﻟﺪﻧﻴﺎ ﻣﻘﻠﻮﺑﻪ ﺯﻏﺎﺭﻳﻂ ﻭﺩﺭﺑﻮﻛﻪ ...
ﻭﻛﻠﻬﻢ ﻳﻐﻨﻮﺍ ...
ﻛﺎﻣﻠﻪ ﻣﺮﺍﺓ ﻗﻮﻳﻪ ﻫﻠﺒﻪ .. ﺑﺲ ﻣﻮﺕ ﻋﻤﺎﺭ ﻛﺴﺮ ﻇﻬﺮﻫﺎ ﺣﺎﻭﻟﺖ ﺗﺸﺪ ﺭﻭﺣﻬﺎ ﻉ ﻗﺪ ﻣﺎﺗﻘﺪﺭ ﻣﺶ ﻫﺎﻳﻦ ﻋﻠﻴﻬﺎ ﺗﺼﻔﻖ ﻭﺗﻐﻨﻲ ﻭﺗﻔﺮﺡ .. ﻭﻫﻲ ﻣﺎﺯﺍﻝ ﺣﺎﺯﻧﻪ ﻉ ﻭﻟﺪﻫﺎ ..
ﻋﻴﻮﻧﻬﺎ ﺟﻮ ﻉ ﺩﻻﻝ ..
ﻟﻘﺘﻬﺎ ﻣﺮﺑﻌﻪ ﺍﻳﺪﻳﻬﺎ ﻭﺗﺸﻮﻓﻠﻬﻢ ﻭﻫﻲ ﻣﺒﺘﺴﻤﻪ ..
ﺩﻣﻮﻋﻬﺎ ﻧﺰﻟﻮﺍ .. ﻭﻣﻦ ﺩﺍﺧﻠﻬﺎ ﻓﺮﺣﺎﻧﻪ ﻫﻠﺒﻪ ﻣﻦ ﻭﻓﺎﺀ ﺩﻻﻝ ﻟﻌﻤﺎﺭ ﻭﻟﺪﻫﺎ ...
ﻧﻮﺭ ﺑﻀﺤﻜﻪ : ﺷﻮﻓﻮﺍ ﺍﺳﻮ ﺷﻮﻓﻮﺍ ..
ﻛﺎﻧﺖ ﻭﺍﻗﻔﻪ ﺗﺮﻗﺺ ...
ﻗﻌﺪﻭﺍ ﻳﺼﻔﻘﻮﻟﻬﺎ ﻭﻳﻐﻨﻮﺍ ﻭﻫﻤﺎ ﻳﻀﺤﻜﻮﺍ
ﺯﻳﻨﺐ : ﺯﻳﺪﻭﺍ ﺍﻟﺴﻨﺎﻓﺮ ﺯﻳﺪﻭﺍ .. ﺷﻴﺸﻪ ﻭﺣﻠﻴﺐ ﺍﻟﻨﻴﺪﻭ ..
ﻭﺧﺸﻮﺍ ﺭﻭﺍﻥ ﻭﺣﻨﻴﻦ ﻭﻧﻮﺭﻫﺎﻥ ﻣﻊ ﺍﺳﻴﺎ ﻭﺍﻟﻠﻲ ﻫﺎﺩﻱ ﻗﻌﺪﺕ ﺗﺴﺘﻌﺮﺽ ﻓﻤﻮﺍﻫﺒﻬﺎ 💕...
🍁🍁🍁🍁
ﺍﻟﺴﺎﻋﻪ 6:00 ﻣﺴﺎﺀﺍ ..
ﺧﺸﺖ ﺳﻴﺎﺭﺓ ﻫﺎﻧﻴﺒﺎﻝ ﻟﻠﻘﻄﻌﻪ ﻭﻫﻮ ﻳﻜﻠﻜﺲ ..
ﻭﻭﺭﺍﻫﻢ ﺳﻴﺎﺭﺓ ﺣﻤﻴﺪ ﺍﻟﻠﻲ ﻛﺎﻥ ﺟﺎﻳﺐ ﻣﺮﺗﻪ ..
ﻭﺍﻻﻭﻻﺩ ﺍﺳﺘﻘﺒﻠﻮﻫﻢ ﺑﺎﻷﻟﻌﺎﺏ ﺍﻟﻨﺎﺭﻳﻪ ..
ﺩﺭﺱ ﻫﺎﻧﻴﺒﺎﻝ ﺳﻴﺎﺭﺗﻪ ﻗﺪﺍﻡ ﻣﻤﺮ ﻓﻢ ﺍﻟﺒﻮﺍﺑﻪ ..
ﻓﺘﺢ ﺍﻟﺒﺎﺏ ﻭﻧﺰﻝ ..
ﻭ ﺍﻧﻔﺘﺢ ﺍﻟﺒﺎﺏ ﺍﻟﻠﻲ ﺟﻨﺒﻪ ﻭﻧﺰﻟﺖ ﻣﺮﺍﻡ ..
ﻣﺸﺖ ﻃﻮﻝ ﻟﺒﺎﺏ ﺍﻟﺨﻠﻔﻲ .. ﻓﺘﺤﺎﺗﻪ ..
ﻫﺎﻧﻴﺒﺎﻝ : ﻫﻲ ﺧﺎﻟﻲ ﻫﺎﺗﻲ ﻳﺪﻙ ..
ﻋﻄﺖ ﺭﺑﺎﺏ ﻳﺪﻫﺎ ﻟﺨﺎﻟﻬﺎ ﺷﺪﻫﺎ ﻭﻗﻌﺪ ﻳﻨﺰﻝ ﻓﻴﻬﺎ ﻭﺳﺎﻋﺪﺍﺗﻪ ﻣﺮﺍﻡ ..
ﻉ ﻃﻠﻌﺔ ﻏﺎﻟﻴﻪ ﺍﻟﻠﻲ ﻛﺎﻧﺖ ﻻﺑﺴﺔ ﻋﺒﺎﻳﻪ ﻭﺣﺠﺎﺏ ﻭﻣﻌﺎﻫﺎ ﺩﻻﻝ ..
ﻣﺸﻮﻟﻬﺎ ..
ﻋﻄﻲ ﻫﺎﻧﻴﺒﺎﻝ ﻳﺪ ﺭﺑﺎﺏ ﻟﻐﺎﻟﻴﻪ ﺷﺪﺗﻬﺎ ..
ﻭﻗﻌﺪﻭﺍ ﻳﺪﻳﺪﺷﻮﺍ ﻓﻴﻬﺎ ..
ﻫﺎﻧﻴﺒﺎﻝ : ﺩﻟﻮﻟﻪ .. ﻣﺪﻟﻬﺎ ﺍﻟﺴﺎﻛﻮ ..
ﺧﺪﺍﺗﻪ ﻣﻨﻪ ...
ﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ ..
ﻫﻲ ﺿﺤﻜﺖ ..
ﺑﻌﺪﻳﻦ ﻟﻔﺖ ﻭﻣﺸﺖ ...
ﻫﻮ ﺍﺑﺘﺴﻢ ..
ﻓﺎﺗﺖ ﻣﻦ ﻗﺪﺍﻣﻪ ﻟﻄﻴﻔﻪ ﺗﻤﺸﻲ ﺑﺴﺮﻋﻪ ..
ﺍﻟﺘﻔﺖ ﻟﻠﺠﻬﺔ ﺍﻟﺘﺎﻧﻴﻪ ﺷﺒﺢ ﺣﻤﻴﺪ ﻳﻬﺪﺭﺯ ﻉ ﺿﻮ ﻭﻳﻀﺤﻚ ..
ﻫﺎﻧﻴﺒﺎﻝ : ﻭﻻ ﺍﻟﺤﺎﺝ ﻣﺘﻮﻟﻲ ﻓﺰﻣﺎﻧﻪ ..
ﺿﺤﻚ .. ﺑﻌﺪﻳﻦ ﻣﺸﻲ ﺭﻛﺐ ﺳﻴﺎﺭﺗﻪ ...
💕💕💕💕💕
ﺑﻌﺪ ﺣﻮﻟﻮﺍ ﺍﻟﻜﺎﺏ ﻣﻦ ﻋﻠﻴﻬﺎ ﺍﻧﺒﻬﺮﻭﺍ ﺑﺒﻬﺎ ﻛﻴﻒ ﻃﺎﻟﻌﻪ ..
ﻻﺑﺴﻪ ﻗﻔﻄﺎﻥ ﻟﻮﻧﻪ ﺣﻠﻮﻱ ..
ﻣﻔﺼﻞ ﻉ ﺟﺴﻤﻬﺎ .. ﻣﻦ ﺗﺤﺖ ﻣﻨﻔﻮﺡ ..
ﺻﺪﺭﻩ ﻋﺮﻳﺎﻥ ﺷﻮﻳﻪ .. ﻭﻓﻴﻪ ﺳﻴﻮﺭ ﻏﻼﻁ .. ﻭﻟﻤﺎﻉ ..
ﺗﺴﺮﻳﺤﺘﻬﺎ ﻭﻷﻥ ﺷﻌﺮﻫﺎ ﻗﺼﻴﺮ ﺩﺍﺭﻭﻩ ﻣﻤﻮﺝ .. ﻣﺜﺒﺖ ﺑﺎﻟﺴﺒﺮﺍﻱ ..
ﻭﻉ ﺟﻨﺐ ﻫﻴﺪ ﺑﺲ ﻟﻮﻧﻪ ﺍﻟﻤﺎﺳﻲ ..
ﻭﻣﻜﻴﺎﺟﻬﺎ ﺳﻤﻮﻛﻲ ...
ﻣﻊ ﺍﻛﺴﺴﻮﺭﺍﺕ ﻟﻮﻧﻬﻢ ﺍﻟﻤﺎﺳﻲ ..
💓 ﺯﻏﺮﻃﻮﺍ ﻋﻠﻴﻬﺎ ...
ﻭﻗﻌﺪﻭﺍ ﻳﺪﺭﺑﻜﻮﺍ ﻭﻳﻐﻨﻮﺍ ... ﻫﻲ ﻓﺮﺣﺎﻧﻪ ﺑﻄﻴﺮ ﻣﻦ ﻓﺮﺣﺘﻬﺎ 💕
ﺗﻮﺯﻉ ﻓﻨﻈﺮﻫﺎ ﻋﻠﻴﻬﻢ ..
ﺍﻣﻬﺎ .. ﺍﺧﺘﻬﺎ ... ﺧﺎﻻﺗﻬﺎ .. ﺑﻨﺎﺕ ﺧﺎﻟﺘﻬﺎ ﻭﺧﻮﺍﻟﻬﺎ ..
ﺭﻛﺰﺕ ﻧﻈﺮﻫﺎ ﻉ ﻏﺎﻟﻴﻪ ..
ﺍﻟﻠﻲ ﻛﺎﻧﺖ ﺗﻐﻨﻲ ﻭﺗﺼﻔﻖ ﻭﺗﺸﻮﻓﻠﻬﺎ ﺑﻀﺤﻜﺔ ﻓﺮﺣﻪ ..
ﺩﺭﺍﺗﻠﻬﺎ ﺣﺮﻛﻪ ﺑﺨﺸﻤﻬﺎ .. ﺭﺑﺎﺏ ﺿﺤﻜﺖ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﻓﻲ ﺍﻟﻤﻮﻗﻒ ﻫﺪﺍ ..
ﺧﻄﺮ ﻉ ﺣﻤﻴﺪﻩ ﺑﻴﺎﻧﻬﺎ .. ﻧﻔﺲ ﺍﻟﺸﻲ ﻭﻗﺘﻬﺎ ﺑﻴﺎﻥ ﻭﻗﺮﺍﻳﺔ ﻓﺎﺗﺤﻪ ..
ﺍﻧﺨﻨﻔﺖ ﺑﻌﺒﺮﺗﻬﺎ ﻭﻻﻗﺪﺭﺕ ﺍﻃﻠﻌﻬﺎ ﻗﻌﺪﺕ ﺗﺼﻔﻖ ﻭﺗﻐﻨﻲ ﻣﻌﺎﻫﻢ ﻭﻣﻦ ﺩﺍﺧﻠﻬﺎ ﺗﺒﻲ ﺗﻨﺪﺏ ﻭﺗﻌﻴﻂ ..
🍁🍁🍁🍁
ﺑﻌﺪ ﻗﻌﻤﺰﻭﺍ ﺭﺑﺎﺏ .. ﻭﻟﻌﻮﺍ ﺍﻟﻤﻨﻈﻮﻣﻪ ﻭﺑﺪﻱ ﻓﻴﻬﺎ ﻏﻨﻲ ﻭﺭﻗﻴﺺ ﻭﻫﻴﺎﺟﻪ ..
ﻭﺭﺑﺎﺏ ﺗﺘﻔﺮﺝ ﻋﻠﻴﻬﻢ ﻭﻫﻲ ﺗﻀﺤﻚ ﺑﻔﺮﺡ ...
ﻭﺍﻟﺒﻨﺎﺕ ﻳﻬﻴﺠﻮﺍ ..
ﻧﻮﺭ ﻭﺭﻓﻘﻪ ﻭﺭﺯﺍﻥ ﻭﺣﺪﻫﻢ ... ﻗﺮﻳﺐ ﻳﻘﻠﺒﻮﺍ ﺍﻟﺪﻧﻴﺎ ..
ﻭﺭﺍﻧﻴﺎ ﻭﺍﻗﻔﻪ ﺣﺪﺍ ﺍﺧﺘﻬﺎ ﻭﻣﺮﺓ ﻣﺮﺓ ﺗﻬﺪﺭﺯ ﻋﻠﻴﻬﺎ ..
🍁🍁🍁
ﺑﻌﺪ ﺳﺎﻋﻪ ...
ﺍﻫﻞ ﻣﺆﻧﺲ ﺍﻟﻠﻲ ﻣﺸﻮﺍ ﻟﺸﻘﺔ ﺍﻟﻮﻻﺩ ﻗﺒﻞ ﺗﺮﻭﺡ ﺭﺑﺎﺏ ..
ﺭﻛﺒﻮﺍ ﺍﻟﺴﻴﺎﺭﺍﺕ .. ﻭﻣﻌﺎﻫﻢ ﻋﻤﺎﺩ ﻭﻣﺎﻟﻚ ..
ﻃﻠﻌﻮﺍ ﻣﻦ ﺍﻟﻘﻄﻌﻪ ..
ﺩﺍﺭﻭ ﻉ ﻗﺒﻴﻠﻪ ﻛﻠﻬﺎ ﻭﻗﻠﺒﻮﺍ ﺍﻟﺪﻧﻴﺎ ﺑﺎﻟﻜﻼﻛﺴﺎﺕ ...
ﻭﺑﻌﺪﻳﻦ ﻭﻟﻮﺍ ﻟﻠﻘﻄﻌﻪ ..
ﺧﺸﻮﺍ .. ﻭﺭﺍ ﺑﻌﺾ ..
ﺩﺭﺳﻮﺍ ..
ﻭﻧﺰﻟﻮﺍ ..
ﻭﻣﻌﺎﻫﻢ ﺳﻮﺍﺑﻴﺖ ﺍﻟﺒﻴﺎﻥ ..
ﺍﺳﺘﻘﺒﻠﻮﻫﻢ .. ﺑﺸﻮﻁ ﺣﻠﻮ ..
ﻭﺑﻌﺪﻳﻦ ﺧﺸﻮﺍ ﺩﺍﺧﻞ ..
ﻭﺣﻄﻮﺍ ﺳﻮﺍﺑﻴﺘﻬﻢ ﻓﻨﺺ ﺍﻟﺼﺎﻟﻪ ..
ﻭﻋﺎﺩ ﻋﺮﺏ ﺳﺮﺕ ﻣﻌﺮﻭﻓﻴﻦ ﻣﺎﻳﺠﻴﺒﻮﺍ ﻛﺎﻥ ﺍﻟﻠﻲ ﺗﺮﻓﻊ ﺍﻟﺮﺍﺱ ..
💕💕💕💕
ﺑﻌﺪ ﻣﺎﺩﺍﺭﻭ ﺷﻮﻁ ﺣﻠﻮ ...
ﺿﻴﻔﻮﻫﻢ ..
🍁🍁🍁🍁
ﻃﺒﻌﺎ ﻣﻦ ﻋﻴﺖ ﺧﻴﺮﻱ ﻣﺎﺟﻲ ﺣﺪ ﻛﺎﻥ ﺧﻮﺗﻪ ﻭﺑﻮﻩ ..
ﺍﻣﺎ ﺍﻟﻨﺴﺎﻭﻳﻦ ﻭﺍﻣﻬﻢ ﻗﺎﻋﺪﻳﻦ ﻗﺎﻃﻌﻴﻦ ﺍﻟﻌﻼﻗﺎﺕ ﻣﻌﺎﻫﻢ ..
ﺭﻏﻢ ﺍﻥ ﺯﻳﻨﺐ ﻭﺭﺑﺎﺏ ﻣﺸﻮﻟﻬﺎ ﻭﺗﺮﺟﻮﻫﺎ ﺗﺠﻲ ...
ﻟﻜﻦ ﻫﻲ ﻗﺎﻟﺖ " ﺍﻟﻠﻲ ﻣﺎﺑﻴﻴﺶ ﺑﻨﺎﺗﻲ ﻣﺎﻧﺒﻴﻪ "
ﻟﻸﺳﻒ ﺍﻟﺒﻨﺎﺕ ﻣﺴﻴﻄﺮﺍﺕ ﻉ ﺃﻣﻬﻢ ﺳﻴﻄﺮﺓ ﺗﺎﻣﻪ ﻭﻳﻤﺸﻮﺍ ﻓﻴﻬﺎ ﺯﻱ ﻣﺎﻳﺒﻮﺍ ..
ﺍﻧﻮﺟﻌﺖ ﺭﺑﺎﺏ ﻫﻠﺒﻪ ﻭﻛﺴﺮﺕ ﺣﻨﺎﻫﺎ ﺑﺨﺎﻃﺮﻫﺎ ..
ﻭﺯﻳﻨﺐ ﻛﺬﻟﻚ ﺭﻭﺣﺖ ﻣﻦ ﻋﻨﺪﻫﺎ ﻣﻜﺴﻮﺭﺓ ﺍﻟﺨﺎﻃﺮ ...
🍁🍁🍁🍁
ﻣﻘﻌﻤﺰﻳﻦ ﻓﺎﻟﺪﺍﺭ ...
ﺍﺳﺎﻣﻪ؛ﻫﻤﺎ ﺑﺘﺼﺮﻓﺎﺗﻬﻢ ﻳﺨﻠﻮﺍ ﻓﺮﺍﻧﻴﺎ ﺗﻜﺮﻩ ﺷﺒﺢ ﻭﺟﻬﻲ ..
ﻣﺮﻳﻢ : ﻣﺎﻫﻮ ﻛﻠﻪ ﻣﻨﻚ ﺍﻣﻲ ﻟﻤﺎ ﺷﺎﻓﺎﺗﻚ ﻗﺮﻳﺐ ﺗﻬﺒﻞ ﻋﻠﻴﻬﺎ ﻣﺎﺗﺤﻤﻠﺘﺶ ﺭﻓﻀﻬﻢ ﻭﺧﺪﺕ ﻣﻨﻬﻢ ﻣﻮﻗﻒ .. ﺍﻫﻮ ﺣﺘﻰ ﺑﻴﺎﻥ ﺑﻨﺖ ﺧﺎﻟﻲ ﻭﻓﺎﺗﺤﺘﻬﺎ ﻣﺎﺣﻀﺮﻧﺎﻫﻢ ..
ﺗﻨﻬﺪ ﺍﺳﺎﻣﻪ ﻭﺳﻜﺖ ﻭﻗﻌﺪ ﻳﻔﻜﺮ ..
🌴🌴🌴🌴🌴
ﺑﻌﺪ ﺗﻌﺸﻮﺍ ..
ﺟﻲ ﻭﻗﺖ ﺍﻟﺘﻠﺒﻴﺲ ..
ﺩﺧﻠﻮﺍ ﺭﺑﺎﺏ ﻏﻴﺮﻭﻟﻬﺎ ﺍﻟﻘﻔﻄﺎﻥ ...
ﻭﻟﺒﺴﻮﻫﺎ ﻗﻔﻄﺎﻧﻬﻢ ﺍﻟﻜﺒﻴﺮ .. ﺍﻟﻠﻲ ﻛﺎﻥ ﻟﻮﻧﻪ ﺍﺧﻀﺮ 💚...
ﺑﻌﺪﻳﻦ ﻃﻠﻌﻮﻫﺎ ...
ﻧﺎﺿﺖ ﺍﻣﻴﻨﻪ ﻟﻜﻨﺘﻬﺎ ..
ﻋﻠﺖ ﺍﺻﻮﺍﺕ ﺍﻟﺰﻏﺎﺭﻳﻂ ..
ﻭﺻﻠﺖ ﻓﺮﺑﺎﺏ ..
ﻭﻛﺎﻧﺖ ﻟﻄﻴﻔﻪ ﻭﺍﻗﻔﻪ ﻗﺪﺍﻣﻬﻢ ﺑﺎﻟﻜﺎﻣﻴﺮﺍ ﺗﺼﻮﺭ ...
ﻟﺒﺴﺖ ﺍﻣﻴﻨﻪ ﺭﺑﺎﺏ ﺩﺑﻠﻪ ﻃﺮﻓﻴﻦ ..
ﺑﻌﺪﻳﻦ ﻟﺒﺴﺘﻬﺎ ﻃﺎﻗﻢ ﺫﻫﺐ ﻓﻴﻪ ﻓﺼﻮﺹ ﺃﻟﻤﺎﺱ ..
ﻭﺳﺎﻋﻪ ﺫﻫﺐ ﻣﻦ ﺟﻮﺍﻧﺒﻬﺎ ﻣﻔﺼﺼﻪ ﺍﻟﻤﺎﺱ ..
ﻋﻴﻮﻥ ﺳﻤﻴﻪ ﻗﺮﻳﺐ ﻃﻠﻌﻮﺍ ﻭﻫﻲ ﺗﺸﻮﻑ ﻓﻴﻬﻢ .. ﻭﻣﻦ ﺩﺍﺧﻠﻬﺎ ﺗﻨﺪﺏ ﻓﻲ ﺣﻈﻬﺎ ..
🍁🍁🍁🍁🍁
ﻣﺤﻤﺪ : ﺗﻔﻀﻞ ﺧﺶ ..
ﻣﺆﻧﺲ : ﻳﺰﻳﺪ ﻓﻀﻠﻚ .. ﻭﺧﺶ ﻟﻠﻤﺮﺑﻮﻋﻪ ..
ﺭﺩ ﻣﺤﻤﺪ ﺍﻟﺒﺎﺏ .. ﻭﺭﻥ ﻉ ﻏﺎﻟﻴﻪ ..
💕💕💕💕
ﻏﺎﻟﻴﻪ : ﻫﻲ ﺻﺒﻲ ﻳﺎﺳﻤﺤﻪ ﺑﺶ ﺗﻄﻠﻌﻲ ﻟﺮﺍﺟﻠﻚ ...
ﺿﺤﻜﺖ ﻭﺗﻮﺗﺮﺕ ... ﻭﻗﻠﺒﻬﺎ ﻓﺮﻓﺢ ﻟﻤﺎ ﺳﻤﻌﺖ ﻛﻠﻤﺖ ﺭﺍﺟﻠﻚ 💖
ﻧﺎﺿﺖ ..
ﻟﺒﺴﻮﻫﺎ ﻛﺎﺑﻬﺎ ...
ﺍﻟﻠﻲ ﻏﻄﺎﻫﺎ ﺗﻤﺎﻣﺎ ﻷﻧﻪ ﻛﺎﻥ ﻛﺒﻴﺮ ..
ﻓﺘﺤﺖ ﺭﺍﻧﻴﺎ ﺍﻟﺒﺎﺏ ..
ﻃﻠﻌﺖ ﻏﺎﻟﻴﺎ ﺍﻷﻭﻟﻰ ...
ﺑﻌﺪﻳﻦ ﺧﺪﺕ ﻳﺪﻫﺎ ﻭﻃﻠﻌﺘﻬﺎ ...
ﺍﺑﺘﺴﻢ ﻣﺤﻤﺪ .. ﺧﺪﻱ ﻳﺪ ﺭﺑﺎﺏ ﻣﻦ ﻏﺎﻟﻴﻪ ﻭﻣﺸﻲ ﺑﻴﻬﺎ ﻟﻠﻤﺮﺑﻮﻋﻪ ..
ﻭﻏﺎﻟﻴﻪ ﻭﺭﺍﻧﻴﺎﺍﻟﻠﻲ ﻛﺎﻧﻮﺍ ﻣﺒﺘﺴﻤﺎﺕ ﺧﺸﻮﺍ ﺩﺍﺧﻞ
ﻣﺤﻤﺪ : ﻣﺒﺎﺭﻙ ﻳﺎﻃﺮﺷﻮﻟﻪ
ﺭﺑﺎﺏ ﺑﻀﺤﻜﻪ : ﺍﻟﻠﻪ ﻳﺒﺎﺭﻙ ﻓﻴﻚ .. ﻣﺒﺎﺭﻙ ﻋﻠﻴﻚ ﺣﺘﻰ ﺍﻧﺖ ﻭﺑﻠﻘﻮﺳﻪ ..
ﺿﺤﻚ ﻭﻗﺎﻝ ﺑﺈﺣﺮﺍﺝ : ﻳﺒﺎﺭﻙ ﻓﻴﻚ
ﻭﺻﻠﻮﺍ ﻓﻲ ﺍﻟﺒﺎﺏ ..
ﻓﺘﺤﻪ . ﻣﺤﻤﺪ ..
ﻣﺆﻧﺲ ﺷﺒﺢ ﻟﻠﺒﺎﺏ ﺑﻠﻬﻔﻪ ..
ﺑﻌﺪﻳﻦ ﻏﻴﺮ ﻋﻴﻮﻧﻪ ...
ﻭﻗﻌﺪ ﻳﺸﺒﺢ ﺍﻟﻘﺪﺍﻡ ..
ﺩﺧﻠﻬﺎ ﺧﺎﻟﻬﺎ ...
ﻣﺤﻤﺪ : ﻣﺒﺎﺭﻙ ﻋﻠﻴﻜﻢ ..
ﻣﺆﻧﺲ : ﺍﻟﻠﻪ ﻳﺒﺎﺭﻙ ﻓﻴﻚ .. ﻭﻋﻘﺒﺎﻟﻚ ..
ﻣﺤﻤﺪ ﺑﺈﺑﺘﺴﺎﻣﻪ؛ﺗﺴﻠﻢ ... ﻫﺎﻩ ﻛﻼﻣﻲ ﻣﻨﻲ ﺍﻧﻲ ﻟﻴﻚ .. ﺭﺑﺎﺏ ﻋﻨﺪﻱ ﺣﺎﺟﻪ ﻛﺒﻴﺮﺓ ﻭﺍﺟﺪ .. ﺣﻄﻬﺎ ﻓﻌﻴﻮﻧﻚ ..
ﻣﺆﻧﺲ ﺑﺈﺑﺘﺴﺎﻣﻪ : ﻣﻦ ﻏﻴﺮ ﻣﺎﺗﻮﺻﻲ ..
ﺍﺑﺘﺴﻢ ﻣﺤﻤﺪ ﻭﻗﺎﻝ : ﻛﻮﻳﺲ .. ﻫﻲ ﻣﺎﻝ ﺍﻧﻲ ﻧﺴﺘﺄﺫﻥ ..
ﻣﺆﻧﺲ : ﺍﺫﻧﻚ ﻣﻌﺎﻙ ..
ﻣﺸﻲ ﻣﺤﻤﺪ ﻓﺘﺢ ﺍﻟﺒﺎﺏ ﻭﻃﻠﻊ ﻭﺻﻜﺮﻩ ﻭﺭﺍﻩ ..
ﺧﺪﻱ ﻣﺆﻧﺲ ﻧﻔﺲ ﻭﻗﺎﻟﺖ : ﻫﺎﻳﺪﻱ ..
ﺿﺤﻜﺖ ..
ﻗﺎﻣﺖ ﺭﺍﺳﻬﺎ ﻭﻫﻲ ﺗﻮﺧﺮ ﻓﻲ ﺍﻟﻜﺎﺏ ..
ﻟﻤﺎ ﺑﺎﻧﻮﺍ ﻋﻠﻴﻪ ﻋﻴﻮﻧﻬﺎ ﻗﻠﺒﻪ ﺫﺍﺏ 💞
ﺍﺑﺘﺴﻤﺖ ﻭﻫﻲ ﺗﺸﻮﻓﻠﻪ ﺑﺈﻋﺠﺎﺏ ..
ﻛﻴﻒ ﻻﺑﺲ ﻋﺮﺑﻲ ... ﺑﻌﻤﺎﻣﺘﻪ ..
ﻭﺍﻟﻜﺸﺎﺑﻴﻪ ﻉ ﻛﺘﺎﻓﻪ ..
ﻗﻠﺒﻬﺎ ﻓﺮ ﻓﺮﺍﻥ ..💓
ﻗﺪﻣﻠﻬﺎ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ..
ﻫﻮ ﻳﻘﺪﻡ ..
ﻭﻗﻠﺒﻬﺎ ﻳﺰﻳﺪ ﻓﻲ ﺍﻟﺪﻟﻒ ...
ﻟﻌﻨﺪ ﻣﺎﻭﺻﻞ ﻓﻴﻬﺎ ..
ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﺑﻨﻈﺮﻩ ﻛﻠﻬﺎ ﻫﻮﻳﺎﻡ ...
ﻗﺎﻝ ﺑﺼﻮﺕ ﻋﺬﺏ ..
💚 ﻳﺎﻧﻈﻴﻒ ﺧﺪﻭﺩﻩ .. ﻓﻴﻚ ﺍﻟﺘﻮﺍﺿﻊ ﺯﺍﺩ ﻓﺎﺕ ﺍﺣﺪﻭﺩﻩ
ﻋﻨﺪﻙ ﺧﻔﻪ .. ﻛﻼﻣﻚ ﺭﻭﺍﻳﻊ ﻧﺎﺯﻟﻪ ﻣﻦ ﺍﻟﺸﻔﻪ
ﺳﺤﺮﻧﻲ ﺍﺳﻠﻮﺑﻚ ﻣﻦ ﺟﻤﺎﻝ ﻭﻋﻔﻪ ..
ﻭﺯﻳﺪ ﻉ ﺍﻟﺠﻤﺎﻝ ... ﺟﻤﺎﻝ ﻋﻴﻨﻚ ﺳﻮﺩﺍ ...
ﺣﺎﻭﻟﺖ ﻧﺘﺠﺎﻫﻞ ﻗﻠﺖ ﻣﺎﻧﻌﺮﻓﻪ
ﺍﻓﻀﺤﻨﻲ ﻋﻼﻳﻞ ﻛﺒﺪﺗﻲ ﺍﻟﻤﺼﻬﻮﺩﻩ
ﻋﻼﻳﻞ ﻣﺮﺍﺭ ﺍﻟﺸﻮﻕ ﻟﻮ ﺗﻌﺮﻓﻬﺎ ..
ﺍﺗﻨﻮﺽ ﻣﻦ ﻣﻜﺎﻧﻚ ﺗﻘﻮﻟﻲ ﺑﺎﻟﺠﻮﺩﻩ ..
💓💓💓💓
ﺑﺪﻭﻥ ﺳﺎﺑﻖ ﺍﻧﺬﺍﺭ ﻟﻴﻬﺎ ..
ﻟﻘﺖ ﺭﻭﺣﻬﺎ ﻓﻮﺳﻂ ﺣﻀﻨﻪ
ﻣﻀﻤﻮﻣﻪ ﺑﻘﻮﺓ ...
ﺭﺍﺣﺖ ﻓﺮﻳﺤﺘﻪ .. ﻓﺪﻓﻲ ﺣﻀﻨﻪ ..
ﻭﻫﻲ ﺗﺴﻤﻊ ﻓﺪﻗﺎﺕ ﻗﻠﺒﻪ ﺍﻟﻘﻮﻳﻪ ..
ﻏﻤﻀﺖ ﻋﻴﻮﻧﻬﺎ ..
ﻭﻟﻔﺖ ﺍﻳﺪﻳﻬﺎ ﻉ ﺧﺼﺮﻩ .. ﻭﺿﻤﺎﺗﻪ 💓..
ﻭﺍﻟﺰﻭﺯ ﻧﺴﻮﺍ ﺍﻟﺪﻧﻴﺎ ﻭﻣﺎﻓﻴﻬﺎ ﻓﻬﺎﻟﻠﺤﻈﻪ ..
ﻫﻮ ﻭﻫﻲ ﺧﻄﺮ ﻉ ﺑﺎﻟﻬﻢ ﺷﻲ ﻭﺍﺣﺪ ﻭﻫﻤﺎ ﺣﺎﺿﻨﻴﻦ ﺑﻌﺾ ..
》 ﻫﻮ ﺍﺑﺘﺴﻢ ﻭﻗﺎﻝ : ﺩﺍﻡ ﻋﺮﻓﺖ ﺑﻨﻔﺴﻲ ﻧﺒﻲ ﻧﺤﻜﻲ ﻃﻮﻝ ﺑﺪﻭﻥ ﻣﻘﺪﻣﺎﺕ ﻣﺎﻟﻴﻬﺎﺵ ﺩﺍ