#عيد_مبارك
#العشق_المتمرد
#جمان_فريد
باقي الجزء 65
القسم الثاني
🍁🍁🍁
ﺍﻟﺴﺎﻋﻪ 4:00 ﻡ
ﻣﻘﻌﻤﺰﺍﺕ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ..
ﺧﺸﺖ ﻋﻠﻴﻬﻢ ﻭﻗﻌﻤﺰﺕ ﻭﻫﻤﺎ ﻳﺸﺒﺤﻮﻟﻬﺎ ..
ﺯﻳﻨﺐ : ﺷﻦ ﺗﺒﻲ ..
ﻏﺎﻟﻴﻪ ﻭﻫﻲ ﺗﺸﺒﺢ ﻟﻠﺘﻠﻔﺰﻳﻮﻥ : ﻧﺎﺩﺗﻨﻲ ﺑﺶ ﺗﺴﺘﺴﻤﺢ ﻣﻨﻲ ﺑﻨﺘﻬﺎ ..
ﺷﺒﺤﻮﻟﻬﺎ ﺑﺈﺳﺘﻐﺮﺍﺏ ..
ﺣﻤﻴﺪﻩ : ﻭﺍﻧﺘﻲ ﺳﺎﻣﺤﺘﻴﻬﺎ ..
ﻏﺎﻟﻴﻪ : ﻣﺎﻻ ﺷﻨﻮ ﻳﺎﺣﻤﻴﺪﻩ ..
ﻛﻔﺎﻳﻪ ﻣﻄﺖ ﺷﻮﺍﺭﺑﻬﺎ ﺍﻟﻘﺪﺍﻡ ﺑﻀﻴﻖ ..
ﻧﻌﻴﻤﻪ : ﻏﺮﻳﺒﻪ ﻣﻦ ﺍﻣﺘﻰ ﺳﻌﻴﺪﻩ ﺍﺩﻳﺮ ﻫﻜﻲ ﻗﺒﻞ ﺍﻟﻠﻲ ﻳﻄﻖ ﻓﺮﺯﺍﻥ ﺗﻘﻠﺐ ﻋﻠﻴﻪ ﺍﻟﺪﻧﻴﺎ .. ﺣﺘﻰ ﻟﻮ ﻏﺎﻟﻄﻪ ..
ﻏﺎﻟﻴﻪ : ﺧﻼﺹ ﺗﻮﺍ ﺍﻟﻠﻲ ﺻﺎﺭ ﺻﺎﺭ ﻭﺍﻟﻄﺮﻳﺤﻪ ﻭﻛﻠﺘﻬﺎ ﻭﺍﻣﻬﺎ ﻭﻫﺰﺑﺘﻬﺎ .. ﻭﻛﺒﺖ ﺣﺘﻰ ﻉ ﺭﺍﺳﻲ ..
ﻭﺑﻌﺪﻳﻦ ﺭﺯﺍﻥ ﻣﺎﺯﺍﻟﺖ ﺻﻐﻴﺮﺓ ﺍﻣﻬﺎ ﻣﺄﺛﺮﺓ ﻋﻠﻴﻬﺎ ..
ﻛﻔﺎﻳﻪ؛ﻭﻫﺎﻙ ﻗﻠﺘﻴﻬﺎ ﺍﻣﻬﺎ .. ﺍﻣﻬﺎ ﺳﺒﺐ ﺍﻟﺒﻠﻲ ﻛﻠﻪ ..
ﻏﺎﻟﻴﻪ : ﺑﺎﻫﻲ ﺧﻼﺹ ﺗﻮﺍ ﺻﻜﺮﻥ ﻉ ﺍﻟﻤﻮﺿﻮﻉ ﻣﺎﻧﺒﻮﺵ ﻣﺸﺎﻛﻞ ..
ﺣﻤﻴﺪﻩ : ﻉ ﻛﻴﻔﻚ ﻳﺎﻏﺎﻟﻴﻪ ..
ﺳﻜﺘﻮﺍ ﺑﻌﺪﻫﺎ ﻛﻠﻬﻢ ﻭﻗﻌﺪﻭﺍ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ..
🍁 ﺯﻳﻨﺐ ﻣﺎﺑﺘﺶ ﺗﻌﻠﻖ ﺑﻮﻻ ﻛﻠﻤﻪ
ﺑﺲ ﻣﻦ ﺩﺍﺧﻞ ﺗﺴﺤﻦ .. ﻭﺣﺎﺳﻪ ﺍﻥ ﻓﻲ ﺷﻲ ﺣﻴﺼﻴﺮ ..
🍁🍁🍁🍁🍁
ﺑﻌﺪ ﺳﺎﻋﻪ ﻛﺎﻥ ﺣﻤﻴﺪ ﺟﺎﻱ ﺑﻌﻴﻠﺘﻪ ..
ﻭﺍﻛﺜﺮ ﻣﻦ ﻓﺮﺡ ﺑﺠﻴﺘﻬﻢ ﻣﺮﻭﺍﻥ 💕
ﺑﻌﺪ ﺳﻼﻡ ﺣﺎﺭ ﻭﻫﺪﺭﺯﺓ ..
ﻛﻠﻬﻢ ﻗﻌﻤﺰﻭﺍ ﻓﻲ ﺩﺍﺭ ﻭﺣﺪﻩ ﻗﺪﺍﻡ ﺍﻟﺘﻠﻔﺰﻳﻮﻥ ...
ﻳﺘﻔﺮﺟﻮﺍ ﻉ ﺣﻔﻞ ﺍﻹﺧﺘﺘﺎﻡ ...
ﻣﺎﻋﺪﺍ ﻧﻌﻴﻤﻪ ﻭﻟﻄﻴﻔﻪ ﺍﻟﻠﻲ ﻛﺎﻧﻮﺍ ﻳﻬﺪﺭﺯﻭﺍ ﻭﻣﺶ ﻣﺪﻭﺭﻳﻦ ..
ﻭﺍﻟﺒﺎﻗﻲ ﻳﺘﻔﺮﺟﻮﺍ ...
ﻭﻋﻤﺘﻚ ﺷﺎﻛﻴﺮﺍ ﻛﺎﻧﺖ ﻣﻮﺟﻮﺩﻩ ﻓﻲ ﺍﻟﺤﻔﻞ
ﻭﻋﺎﺩ ﺷﺎﻛﻴﺮﺍ ﻭﻣﺎﺍﺩﺭﺍﻙ ..
ﺳﻤﻴﻪ ؛ﻋﻠﻴﻚ ﺳﺎﻗﻄﻪ ..
ﺭﺍﻧﻴﺎ ﺑﻌﺘﺖ ﻟﺮﻣﺰﻱ ﺭﺳﺎﻟﻪ ..
" ﻭﻳﻨﻚ .."
ﺭﻣﺰﻱ ﻛﺎﻥ ﻛﻴﻒ ﻣﺮﻭﺡ ﻣﻦ ﺍﻟﺨﺪﻣﻪ ﺭﺩ ﻋﻠﻴﻬﺎ ..
" ﻛﻴﻒ ﻧﺰﻟﺖ ﻣﻦ ﺍﻟﺴﻴﺎﺭﺓ ..."
ﺍﺑﺘﺴﻤﺖ .. ﺍﻟﻤﻬﻢ ﻣﺎﻳﺘﻔﺮﺟﺶ ..
ﻧﻮﺭ ﺷﺒﺤﺘﻠﻬﺎ ﺑﻌﺪﻳﻦ ﺭﺟﻌﺖ ﺷﺎﻓﺖ ﻟﻠﺘﻠﻔﺰﻳﻮﻥ ﻭﺣﺴﺖ ﺭﻭﺣﻬﺎ ﺳﺨﻨﺖ ..
ﻧﺎﺿﺖ ﻛﻔﺎﻳﻪ ﻭﻫﻲ ﺗﺘﻜﻠﻢ ﺑﺎﻟﺘﻠﻴﻔﻮﻥ : ﺍﻳﻮﻩ ﻣﺎﻟﻚ ﻭﻳﻦ ﺍﻧﺖ ﻓﻢ ﺍﻟﺒﻮﺍﺑﻪ ..
ﻭﻃﻠﻌﺖ ..
ﺍﺑﺘﺴﻤﺖ ﻧﻮﺭ ﻭﺑﺮﺩﺕ ﻉ ﺍﻵﺧﺮ ..
ﻭﻗﻌﺪﺕ ﺳﻤﻴﻪ ﺑﺲ ﺗﻐﻠﻲ .. ﻷﻧﻬﺎ ﻛﺪﺍ ﻣﺮﺓ ﺷﺪﺕ ﺍﻟﻬﺎﺩﻱ ﻳﺘﻔﺮﺝ ﻉ ﺍﻟﻔﻴﺪﻳﻮ ﻛﻠﻴﺐ ﻣﺘﺎﻋﻬﺎ ﺑﺈﻧﺴﺠﺎﻡ ﺗﺎﻡ ..
ﻭﺩﺍﺭﺗﻠﻪ ﻧﻬﺎﺭ ﺍﺣﺮﻑ 😁..
🍁🍁🍁🍁🍁
ﻭﺑﺪﺕ ﺍﻟﻤﺒﺎﺭﺍﺓ ﺍﻟﻨﻬﺎﺋﻴﻪ ..
ﻭﺍﻟﻌﺎﻟﻢ ﻛﻠﻪ ﻳﺘﻔﺮﺝ ﻋﻠﻴﻬﺎ ...
ﺍﻟﻠﻲ ﻓﺤﻴﺎﺷﻬﻢ ..
ﻭﺍﻟﻠﻲ ﻓﻲ ﺳﺎﺣﺎﺕ ﻋﺎﻣﻪ ...
ﺯﻱ ﻣﺎﻓﻲ ..
ﺳﺮﺕ 💓..
ﺗﺤﺪﻳﺪﺍ ﻓﻲ ﺳﺎﺣﺔ ﻗﻬﻮﺓ " ﺍﻣﺤﻤﺪ .."
ﺍﻟﻤﺸﻬﻮﺭﺓ ﻏﺎﺩﻱ ..
ﻛﺎﻥ ﻓﻲ ﺷﺎﺷﻪ ﻛﺒﻴﺮﺓ ﻧﺎﻗﻠﻪ ﻟﻠﻤﺒﺎﺭﺍﺓ ...
ﻛﺎﻧﻮﺍ ﻓﻲ ﻫﻠﺒﻪ ﺷﺒﺎﺏ ﻳﺘﻔﺮﺟﻮﺍ ..
ﻣﻦ ﺿﻤﻨﻬﻢ ..
ﻣﺆﻧﺲ ﻭﺧﻮﺗﻪ ﻭﻭﻻﺩ ﺧﺎﻟﻪ ﻣﺤﻤﻮﺩ ﻭﻛﺎﻧﻮﺍ ﻣﺘﺤﻤﺴﻴﻦ ﻫﻠﺒﻪ ﺑﺮﻏﻢ ﺍﻥ ﻣﺎﻓﻴﺶ ﻭﻻ ﻭﺍﺣﺪ ﻓﻴﻬﻢ ﻳﺸﺠﻊ ﻓﻲ ﺍﻱ ﻣﻦ ﺍﻟﻤﻨﺘﺨﺒﻴﻦ
🍁🍁🍁🍁
ﺍﻟﻤﺒﺎﺭﺍﺓ ﻛﺎﻧﺖ ﻗﻮﻳﻪ ﻫﻠﺒﻪ ﻭﻣﺶ ﺳﺎﻫﻠﻪ ...
ﻭﻣﻦ ﻣﺘﻌﺔ ﺍﻟﻠﻌﺐ ﺣﺘﻰ ﺍﻟﻠﻲ ﻣﺎﻳﺸﺠﻌﻮﺵ ﻓﻮﻻ ﻣﻨﺘﺨﺐ ﻣﻦ ﺍﻟﻠﻲ ﻳﻠﻌﺒﻮﺍ ... ﺗﺤﻤﺴﻮﺍ ﻣﻌﺎﻫﺎ ...
🌴🌴🌴🌴🌴🌴🌴🌴
ﻓﻲ ﺍﻟﺪﺍﺭ
ﺍﻟﻠﻲ ﻛﺎﻧﺖ ﺯﺣﻤﻪ ..
ﻓﻲ ﻧﺎﺱ ﺍﻋﺼﺎﺑﻬﻢ ﻣﺸﺪﻭﺩﺓ ...
ﻣﺶ ﻣﻦ ﺍﻟﻤﺒﺎﺭﺍﺓ ﻻ ..
ﺑﻞ ﻣﻦ ﻭﺟﻮﺩ ﻧﺎﺱ ﺗﺎﻧﻴﻪ ﻣﺶ ﻃﺎﻳﻘﻴﻦ ﻳﺸﻮﻓﻮﻫﻢ ...
ﺳﻌﻴﺪﻩ ﻣﻘﻌﻤﺰﺓ ﺣﺪﺍ ﻟﻄﻴﻔﻪ ﻭﻳﻬﺪﺭﺯﻭﺍ ..
ﻭﺯﻳﻨﺐ ﻭﻛﻔﺎﻳﻪ ﺍﻟﺰﻭﺯ ﻉ ﺍﻋﺼﺎﺑﻬﻢ ..
ﻭﺭﺯﺍﻥ ﻛﺎﻧﺖ ﻣﻊ ﺍﻟﺒﻨﺎﺕ ..
ﻭﺗﺤﺪﻳﺪﺍ ﺭﻓﻘﻪ ﻳﺘﻔﺮﺟﻮﺍ ﻭﻳﻌﻠﻘﻮﺍ ..
ﻭﺭﺑﺎﺏ ﻛﺎﻥ ﺗﻠﻘﻰ ﺗﻮﻟﻊ ﻓﻴﻬﺎ ﺍﻟﻨﺎﺭ ..
🍁🍁🍁🍁🍁
ﺗﻤﺖ ﺍﻟﻤﺒﺎﺭﺍﺓ ..
ﻭﺧﺪﺕ ﺍﺳﺒﺎﻧﻴﺎ ﻛﺎﺱ ﺍﻟﻌﺎﻟﻢ ﺑﻬﺪﻑ ﺍﻧﻴﺴﺘﺎ ..
ﺍﻟﻠﻲ ﻗﺎﻡ ﺍﻟﻜﺎﺱ ﺯﻱ ﻣﺎﺗﻮﻗﻌﻪ ﺗﻮﻓﻴﻖ ﺑﺎﻟﺰﺑﻂ ..
ﻭﺑﻌﺪ ﺗﻤﺖ ﻛﻠﻬﻢ ﺍﻧﺘﺸﺮﻭﺍ ﺍﻟﻠﻲ ﻫﺪﺍ ﻓﻲ ﻣﻜﺎﻥ ..
ﻣﺎﻋﺪﺍ ﺍﻟﻨﺴﺎﻭﻳﻦ ﻗﻌﺪﻭﺍﻣﻊ ﺑﻌﺾ ...
ﺣﻤﻴﺪﻩ : ﻟﻮﻻ ﺍﻟﺤﻆ ﻳﺎﺭﻧﻮﺷﻪ ﻣﺎﺧﺪﻭﻫﺎ ..
ﺭﺍﻧﻴﺎ ﺑﻀﺤﻜﻪ : ﺍﻳﻪ ﺣﻆ ﺣﻆ ..
ﺳﻌﻴﺪﻩ ﺷﺒﺤﺖ ﻟﺮﺍﻧﻴﺎ ﺑﺤﻘﺪ ﺑﻌﺪﻳﻦ ﻷﻣﻬﺎ ..
ﺑﻌﺪﻫﺎ ﺷﺒﺤﺖ ﻟﺤﻤﻴﺪﻩ ﻭﻗﺎﻟﺖ : ﻭﺍﻟﻠﻪ ﺍﻟﻠﻲ ﻳﺘﺒﻊ ﺍﻟﻜﻮﺭﺓ ﺗﻌﺒﺎﻥ ..
ﺷﺒﺤﻮﻟﻬﺎ ﺯﻳﻨﺐ ﻭﺑﻨﺎﺗﻬﺎ ..
ﺣﻤﻴﺪﻩ ﺑﻀﺤﻜﻪ : ﺣﻨﻲ ﺗﻌﺒﺎﻧﻴﻦ ﻳﺎﺳﺘﻲ ..
ﺳﻌﻴﺪﻩ ﺑﻀﺤﻜﻪ؛ﻭﺍﺟﺪ ﻣﺶ ﺷﻮﻳﻪ ..
ﻛﻠﻬﻢ ﺭﻛﺰﻭﺍ ﻉ ﺍﺳﻠﻮﺏ ﺳﻌﻴﺪﻩ ..
ﺭﺑﺎﺏ ﻣﺎﺗﺤﻤﻠﺘﺶ : ﻣﺎﻫﻮ ﻣﺎﺗﻔﻬﻤﻴﺶ ﻓﻴﻬﺎ ﻫﺪﺍ ﻋﻼﺵ ..
ﺭﺯﺍﻥ : ﻟﻴﺶ ﺍﻟﻠﻲ ﻳﻔﻬﻤﻮﺍ ﻓﻴﻬﺎ ﺑﺸﻦ ﻧﻔﻌﺘﻬﻢ ..
ﻏﺎﻟﻴﻪ : ﺧﻴﺮﻛﻢ !!
ﺯﻳﻨﺐ : ﻫﻨﺎﻙ ﻣﻦ ﻳﺸﺮﻱ ﻓﻲ ﺍﻟﻤﺸﺎﻛﻞ ﺷﺮﻱ ﻳﺎﻏﺎﻟﻴﻪ ..
ﺭﺯﺍﻥ : ﺑﻨﺎﺗﻚ ﻳﺸﺮﻥ ﻓﻴﻬﺎ ..
ﻓﻨﺼﺖ ﺯﻳﻨﺐ ..
ﺭﺑﺎﺏ : ﺳﻜﺮﻱ ﺧﻠﻴﻘﺘﻚ ﺍﺣﺴﻠﻚ ..
ﻧﻌﻴﻤﻪ؛ﺷﻦ ﺟﺎﻛﻢ ﺍﻟﻠﻄﻒ ﻋﻼﺵ ﻫﺪﺍ ﻛﻠﻪ !!
ﺩﻻﻝ ﻭﻫﻲ ﺗﺸﻮﻑ ﻟﺮﺍﻧﻴﺎ ﻛﻴﻒ ﺧﺎﻳﻔﻪ : ﺧﻼﺹ ﺻﻠﻮﺍ ﻉ ﺍﻟﻨﺒﻲ ﻳﺎﻋﻴﻠﻪ ..
ﺳﻌﻴﺪﻩ ﻧﺎﺿﺖ؛ﺩﻳﻤﺎ ﻣﺶ ﻣﺮﻏﻮﺏ ﻓﻴﺎ ﺩﻳﻤﺎ ﺍﻧﻲ ﺑﺮﺍ ﻣﻦ ﺍﻟﺤﺴﺎﺏ ..
ﻧﺎﺿﺖ ﻣﻌﺎﻫﺎ ﺑﻨﺘﻬﺎ ...
ﺭﺯﺍﻥ : ﻭﺍﺿﺢ ﺗﻮ ﻣﻦ ﻣﺶ ﻧﺎﻭﻱ ﺍﻟﺨﻴﺮ ..
ﻭﻃﻠﻌﻮﺍ ﺍﻟﺰﻭﺯ ﻣﻊ ﺑﻌﺾ ..
ﻧﺎﺿﺖ ﺯﻳﻨﺐ ﻭﻃﻠﻌﺖ ﻭﺭﺍﻫﻢ ﻭﻛﻠﻬﻢ ﻟﺤﻘﻮﻫﺎ ..
ﺯﻳﻨﺐ : ﺍﻧﺘﻲ ...
🍁 ﻓﺎﻃﻤﻪ ﺍﻟﻠﻲ ﻛﺎﻧﺖ ﺗﺴﺒﺢ ﺑﺮﻭﺣﻬﺎ ﻓﻲ ﺍﻟﺪﺍﺭ ﺑﻌﺪ ﻛﻤﻠﺖ ﺻﻼﺓ ﻟﻤﺎ ﺳﻤﻌﺖ ﺻﻮﺕ ﺯﻳﻨﺐ ﻗﺎﻟﺖ : ﻳﺎﺭﺑﻲ ﻟﻄﻔﻚ .....
ﺍﻟﺘﻔﺘﺖ ﺳﻌﻴﺪﻩ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ..
ﺯﻳﻨﺐ : ﺷﻦ ﺗﺒﻲ ﻣﻨﺎ ﺑﺎﻟﺰﺑﻂ ﻗﻮﻟﻲ ...
ﺳﻌﻴﺪﻩ ﺗﺸﺒﺤﻠﻬﺎ ﺑﺪﻭﻥ ﻣﺎﺗﺮﺩ
ﺍﺳﺘﻔﺰﺍﺯ ..
ﺯﻳﻨﺐ : ﻫﻤﻚ ﻛﻠﻪ ﺷﺘﺎﺕ ﻫﺎﻟﻌﻴﻠﻪ ﺑﺲ ... ﻣﺶ ﻋﺎﺭﻓﻪ ﻟﻴﺶ ﻫﺎﻟﺤﻘﺪ ﻣﺶ ﻓﺎﻫﻤﻪ ..
ﺭﺯﺍﻥ : ﺍﻣﻲ ﻣﺶ ﺣﻘﻮﺩﺓ ﺍﻧﺘﻦ ﺍﻟﺤﻘﻮﺩﺍﺕ ..
ﻋﻤﺎﺗﻬﺎ ﺍﻧﺼﺪﻣﻮﺍ ..
ﺑﺎﻟﺬﺍﺕ ﻏﺎﻟﻴﻪ ..
ﻓﺎﻃﻤﻪ ﺑﺤﺪﻩ : ﺭﺯﺍﻥ ...
ﺑﺮﺍ ...
ﻛﺎﻧﻮﺍ ﺣﻤﺰﺓ ﻭﻣﺤﻤﺪ ﺟﺎﻳﻴﻦ ﻟﻠﺤﻮﺵ ..
ﺳﻤﻌﻮﺍ ﺍﺻﻮﺍﺕ ﻋﺎﻟﻴﻪ ﺧﺸﻮﺍ ..
ﻣﺤﻤﺪ : ﺧﻴﺮﻛﻢ ﺷﻨﻮ ﻓﻲ؟ !
ﺯﻳﻨﺐ ﺑﺼﺪﻣﻪ؛ﻗﻠﻴﻠﺔ ﺍﺩﺏ ﻭﺭﺑﺎﻳﻪ ..
ﺳﻌﻴﺪﻩ ﺟﺖ ﺑﺘﺮﺩ ﺳﺒﻘﺘﻬﺎ ﺑﻨﺘﻬﺎ ..
ﺍﻟﻠﻲ ﺷﺒﺤﺖ ﻟﺤﻤﺰﺓ ﺑﻌﺪﻳﻦ ﺷﺒﺤﺖ ﻷﻣﻪ ﻭﻗﺎﻟﺖ : ﻛﺎﻥ ﻓﻲ ﻗﻠﻴﻠﺔ ﺍﺩﺏ ﻭﺭﺑﺎﻳﻪ ﻫﻨﻰ ﻫﻲ ﺑﻨﺘﻚ ﺭﺍﻧﻴﺎ ﺍﻟﻠﻲ ﻗﺎﻋﺪﺓ ﺗﺘﻠﺼﻖ ﻉ ﺧﻮﻱ ﻭﻣﺪﺍﻳﺮﻩ ﻣﻌﺎﻫﺎ ﻋﻼﻗﻪ ...
ﺳﺎﺩ ﺍﻟﺼﻤﺖ ﺍﻟﻤﻜﺎﻥ ...
ﺳﻌﻴﺪﻩ ﺷﺒﺤﺖ ﻟﺒﻨﺘﻬﺎ ﺑﺼﺪﻣﻪ ..
ﺑﺲ ﻣﺶ ﺍﻗﻞ ﻣﻦ ﺻﺪﻣﺔ ﺯﻳﻨﺐ ... ﺍﻟﻠﻲ ﺣﺘﻰ ﻫﻲ ﻭﺟﻬﺖ ﻧﻈﺮﻫﺎ ﻟﺒﻨﺘﻬﺎ ..
ﺭﺍﻧﻴﺎ
ﺍﻟﻠﻲ ﻛﺎﻧﻮﺍ ﻋﻴﻮﻧﻬﺎ ﺟﺎﺣﻈﺎﺕ ﻭﺩﻣﻮﻋﻬﺎ ﻳﻨﺰﻟﻮﺍ ...
ﻛﻠﻬﻢ ﺷﺒﺤﻮﻟﻬﺎ ﻫﻲ ...
ﻟﻜﻦ ﻫﻲ ...
ﺷﺒﺤﺖ ﺑﺲ .. ﻟﻌﻴﻮﻥ ﺣﻤﺰﺓ ﺍﻟﻠﻲ ﻛﺎﻧﺖ ﺗﻘﺪﺡ ﺷﺮﺍﺭ ...
🍁🍁🍁🍁🍁
ﻓﻲ ﻣﻜﺎﻥ ﺗﺎﻧﻲ ﻓﻲ ﻫﺎﻟﻌﺎﻟﻢ ...
ﺭﻭﺳﻴﺎ ...
ﻣﻮﺳﻜﻮ ....
ﻣﻜﺎﻟﻤﻪ ﻫﺎﺗﻔﻴﻪ ..
ﻋﻤﺎﺭ : ﺍﻟﻌﺎﻡ ﺍﻟﻠﻲ ﻓﺎﺕ ﺍﻹﺣﺘﻔﺎﻝ ﺑﺎﻟﻌﻴﺪ 40 ﻛﺎﻥ ﻛﺒﻴﺮ ﻭﺍﺟﺪ ﻭﻓﻴﻪ ﻋﺮﺽ ﻋﺴﻜﺮﻱ ﺿﺨﻢ ..... ﺍﻳﻪ ..... ﻫﻬﻬﻬﻬﻬﻬﻬﻬﻪ .. ﻻﻋﺎﺩ 50 ﺑﺮﻭﺣﻪ ﺇﻥ ﺷﺎﺀ ﺍﻟﻠﻪ ....
......
ﺳﺮﺕ ...
ﺍﻟﻤﺰﺭﻋﻪ ...
ﺍﻟﻌﺎﻣﻞ ﺑﺨﻮﻑ : ﺍﻳﻪ ﻳﺎﺩﻛﺘﻮﺭ ..
ﺍﻟﺪﻛﺘﻮﺭ : ﻟﻸﺳﻒ .. ﺍﻟﺤﺼﺎﻥ ﺗﻮﻓﻰ ..
......
ﺍﻟﻮ .. ﻣﻼﺯﻡ ﻋﻤﺎﺭ ...
ﻋﻤﺎﺭ ﻭﻫﻮ ﺣﺎﻁ ﻳﺪﻩ ﻉ ﺭﻗﺒﺘﻪ ﺣﺎﺱ ﺑﺮﻭﺣﻪ ﻣﺨﻨﻮﻕ : ﺍﺳﺘﺎﺫ ﻧﻜﻠﻤﻚ ﺷﻮﻳﻪ ﺗﺎﻧﻴﻪ ..
: ﺧﻮﺩ ﺭﺍﺣﺘﻚ ..
ﺻﻜﺮ ﻋﻤﺎﺭ ﻃﻮﻝ ﻭﻫﻮ ﻣﺎﺯﺍﻝ ﺷﺎﺩ ﺭﻗﺒﺘﻪ ..
ﻃﻮﻝ ﺍﺗﺼﻞ ﺑﺮﻗﻢ ﻟﻴﺒﻲ ...
ﺣﻂ ﺍﻟﺘﻠﻴﻔﻮﻥ ﻉ ﻭﺫﻧﻪ ﻭﻣﺎﺯﺍﻝ ﺷﺎﺩ ﺭﻗﺒﺘﻪ ...
...
ﺍﻟﻌﺎﻣﻞ ﻭﻫﻮ ﻳﺒﻜﻲ : ﺍﻟﺒﻴﻪ ﻟﻮ ﻋﺮﻑ ﺣﻴﺰﻋﻞ ﻗﻮﻱ ..
ﺭﻥ ﺗﻠﻴﻔﻮﻧﻪ ..
ﻃﻠﻌﻪ ﻣﻦ ﺟﻴﺒﻪ ﻭﻗﺎﻝ ﺑﺄﻟﻢ : ﻗﻠﺒﻮﺍ ﻛﺎﻥ ﺣﺎﺳﺲ ..
ﺍﻟﺪﻛﺘﻮﺭ : ﻫﺎﺕ ﻧﻜﻠﻤﻪ ...
ﻋﻄﻲ ﺍﻟﻌﺎﻣﻞ ﺗﻠﻴﻔﻮﻧﻪ ﻟﻠﺪﻛﺘﻮﺭ ..
ﺧﺪﺍﻩ ﺍﻟﺪﻛﺘﻮﺭ ﻭﺭﺩ ﻃﻮﻝ ...
....
ﻋﻤﺎﺭ : ﺣﺴﻴﻦ ..
ﺍﻟﺪﻛﺘﻮﺭ : ﻣﻌﺎﻙ ﺍﻟﺪﻛﺘﻮﺭ ﺻﺎﻟﺢ ..
ﺑﻠﻊ ﺭﻳﻘﻪ ﻭﻗﺎﻝ : ﺍﻟﺠﻤﻮﺡ ...
ﺍﻟﺪﻛﺘﻮﺭ : ﻟﻸﺳﻒ ..
🍃 ﻧﺰﻝ ﻳﺪﻩ ...
ﻭﺍﺗﻜﺎ ﻉ ﺍﻟﺰﻳﺎﻧﻪ ﺍﻟﻠﻲ ﻗﺪﺍﻣﻪ ...
ﻗﻌﺪ ﻳﺎﺧﺪ ﻓﻲ ﺍﻧﻔﺎﺳﻪ ﺑﺼﻌﻮﺑﻪ ...
ﻭﺩﻣﻮﻋﻪ ﻃﻮﻝ ﻃﺎﺣﻮﺍ ...
ﻭﻗﺎﻝ ﺑﺼﻮﺕ ﻳﺮﺟﻒ ...
ﻣﻔﺮﻭﺽ ﺗﻠﺤﻘﻨﻲ .. ﻟﻜﻨﻚ ﺩﻳﻤﺎ ﺳﺒﺎﻕ .....
... ﻳﺘﺒﻊ
