باقي الجزء99
#العشق_المتمرد
🍁🍁🍁
ﻛﻴﻒ ..!!!
: ﺍﻳﻪ .. ﻣﺸﺮﻓﺘﻚ ﺗﻮﺍ ﺍﻟﺪﻛﺘﻮﺭﺓ ﺳﻤﺎﺡ
ﺳﺎﻟﻢ ..
ﺭﺍﻧﻴﺎ : ﺑﺠﺪﻳﺎﺕ ﻋﺎﺋﺸﻪ؟ ..
ﻋﺎﺋﺸﻪ ﺑﻀﺤﻜﻪ : ﻭﺍﻟﻠﻪ ... ﻣﺸﺮﻓﺘﻨﺎ ﺍﻧﻲ ﻭﺍﻧﺘﻲ ..
ﺍﺑﺘﺴﻤﺖ ﺭﺍﻧﻴﺎ ﺑﻔﺮﺡ : ﺍﻟﺤﻤﺪ ﻟﻠﻪ ..
ﺿﺤﻜﺖ ﻋﺎﺋﺸﻪ ﻭﻗﺎﻟﺖ : ﻏﺪﻭﺓ ﻻﺯﻡ ﺗﺠﻲ .
ﺭﺍﻧﻴﺎ ﺑﻀﺤﻜﺔ ﻓﺮﺡ : ﺍﻛﻴﻴﻴﺪ ..
ﻋﺎﺋﺸﻪ : ﺗﻤﺎﻡ .. ﻣﺎﻧﻌﻄﻠﺶ ﻋﻠﻴﻚ .. ﺳﻼﻡ ..
ﺭﺍﻧﻴﺎ : ﺻﺤﻴﺘﻲ ﻋﻴﻮﺵ .. ﺳﻼﻡ .. ﺻﻜﺮﺕ ﻭﻫﻲ ﺗﻀﺤﻚ .. ﺍﻟﺤﻤﺪ ﻟﻠﻪ ﻳﺎﺭﺑﻲ .. ﺑﻌﺪﻳﻦ ﻗﺎﻟﺖ .. ﺷﻜﻠﻪ ﻃﻠﻊ ﻓﻴﻪ ﺷﻮﻳﺔ ﺁﺩﻣﻴﻪ ﻭﺍﺣﺴﺎﺱ .. ﻳﻠﻼ ﻣﺶ ﻣﻬﻢ ﺍﻟﻤﻬﻢ ﻧﺘﺨﺮﺝ ﺑﺴﺮﻋﻪ ﻭﻧﻔﺘﻚ ﻣﻦ ﻭﺟﻬﻪ .. ﺿﺤﻜﺖ ﺗﺎﻧﻲ ﻭﻗﺎﻟﺖ .. ﺧﻞ ﻧﻘﻮﻝ ﻟﺪﻻﻝ ...
🍁🍁🍁🍁🍁
ﻭﻋﻼﺵ ﻣﺎﻗﻠﺘﺶ ﺑﻜﺮﻱ؟
ﻋﻤﺎﺩ ﺑﻀﺤﻜﻪ : ﺗﻮﺍ ﻭﻻﺑﻜﺮﻱ ﻳﺎﻡ ﻣﺎﻓﻴﺶ ﻓﺮﻕ .. ﻫﻴﺎ ﺑﺮﻭﺍ ﻭﺗﻮﺍ ﺭﻭﺍﺣﻜﻢ ..
ﻧﻮﺭﻫﺎﻥ : ﻭﺑﺎﺑﺎ؟؟ !!
ﺣﻚ ﻋﻤﺎﺩ ﺣﺎﺟﺒﻪ ﻭﻗﺎﻝ ﻭﻫﻮ ﻳﺸﻮﻑ ﻷﻣﻪ : ﺑﺎﺑﺎ ﻣﺶ ﻓﺎﺿﻲ ﺣﺒﻴﺒﺘﻲ ..
ﻧﻮﺭﻫﺎﻥ ﺗﺒﺪﻟﺖ ﻣﻼﻣﺢ ﻭﺟﻬﻬﺎ ﻟﻠﺰﻋﻞ ..
ﻛﻔﺎﻳﻪ ﺑﺘﻬﻜﻢ : ﻗﺪﺍﺵ ﻟﻴﻪ ﻣﻌﺎﺵ ﻓﺎﺿﻴﻠﻨﺎ .. ﺧﺪﺕ ﺑﻨﺘﻬﺎ ﻣﻦ ﻳﺪﻫﺎ ﻭﻣﺸﺖ ..
ﻭﺍﻟﻮﻻﺩ ﺷﺒﺤﻮﺍ ﻟﺒﻌﺾ ..
🌴🌴🌴🌴🌴
ﺗﻠﺒﻴﺴﻪ !! ؟
ﻧﺠﺎﺓ ﺑﺈﺑﺘﺴﺎﻣﻪ : ﺍﻳﻪ ﺷﻬﺮ 4 ﻭﻗﺎﻟﻮﺍﺣﻨﻲ ﻧﺤﺪﺩﻭﺍ ﺍﻟﻴﻮﻡ ..
ﺍﺑﺘﺴﻤﺖ ﺑﻠﻘﻴﺲ ﺑﻔﺮﺡ : ﻗﺼﺪﻙ ﻳﻤﻲ ﺑﻨﻠﺒﺲ ﺩﺑﻠﻪ ﻭﻧﻌﺪﻱ ﺑﻴﻬﺎ ﻟﻠﻜﻠﻴﻪ ﻭﺍﻟﻠﻲ ﻳﻨﺸﺪﻧﻲ ﻋﻨﻬﺎ ﻧﻘﻮﻟﻪ ﻣﺨﻄﻮﺑﻪ ﻭﺧﻄﻴﺒﻲ ﻣﺤﻤﺪ ﺭﻣﻀﺎﻥ **** ؟؟
ﺿﺤﻜﺖ ﻧﺠﺎﺓ ..
ﺑﻠﻘﻴﺲ : ﻭﺍﻟﻠﻪ ﻟﻤﺎ ﻧﺰﻏﺮﻁ ﺑﺎﻫﻲ ..
ﻭﺗﺮﻛﻬﺎ ﺯﻏﺮﻭﻃﻪ ..
ﻭﺍﻣﻬﺎ ﺗﻔﻨﺺ ﻭﺗﻘﻮﻝ : ﺍﺻﺺ ... ﺍﺳﻜﺘﻲ ..
ﻉ ﺟﻴﺔ ﻭﺍﺣﺪ ﻣﻦ ﺧﻮﺗﻬﺎ : ﺷﻨﻮ ﻓﻲ؟؟ !
ﻫﻲ ﺗﺒﺘﺖ ﻉ ﻟﻘﻄﻪ ﻭﻗﻌﺪﺕ ﺗﺸﻮﻓﻠﻪ ..
ﺍﻣﻬﺎ ﺑﺮﺑﻜﻪ : ﻋﻤﺘﻚ ﻣﻐﻠﻴﻪ ﺭﻭﺣﺖ ﻣﻦ ﺍﻟﺤﺞ ! ؟
ﻫﻮ : ﺣﺞ؟؟ !!
ﺑﻠﻘﻴﺲ : ﻋﻤﺮﻩ .. ﻋﻤﺮﻩ ﻋﻤﺮﻩ ..
ﻫﻮ : ﺍﻣﺘﻰ ﻋﺪﺕ ﻟﻠﻌﻤﺮﺓ؟ !!
ﻧﺠﺎﻩ : ﺍﺣﻤﻢ ... ﻋﺪﺕ ﺍﻟﻤﺪﺓ ﺍﻟﻠﻲ ﻓﺎﺗﺖ .. ﻭﻟﻌﺖ ﻓﻴﻪ .. ﺑﻌﺪﻳﻦ ﺍﻧﺖ ﺷﻦ ﻳﺪﺭﻳﻚ ﺷﻦ ﺻﺎﻳﺮ ﻓﻲ ﺍﻟﺪﻧﻴﺎ ﻭﺍﻧﺖ ﺩﻳﻤﺎ ﻭﺍﺧﺪ ﻭﺟﻬﻚ ﻭﺩﺍﻳﺢ .. ﺣﺘﻰ ﻛﺎﻥ ﻣﺘﻨﺎ .. ﺗﺴﻤﻊ ﺑﻴﻨﺎ ﺑﻌﺪ ﻧﺮﺑﻌﻨﻮﺍ ..
ﻭﻟﺪﻫﺎ ﺍﻧﺼﺪﻡ ﻭﻗﺎﻝ : ﻫﺪﻯ ﻛﻠﻪ ﻉ ﺧﺎﻃﺮ ﻣﺎﻧﻌﻠﻤﺶ ﺑﻌﻤﺘﻲ ﻣﻐﻠﻴﻪ ﻋﺪﺕ ﻟﻠﻌﻤﺮﻩ ﻭﻻﻻ؟ ! ﺧﻼﺹ ﻳﺎﻭﺩﻱ ﺳﺎﻣﺤﻮﻧﺎ ﺍﺳﻔﻴﻦ .. ﻣﺮﺓ ﺗﺎﻧﻴﻪ ﺗﻮ ﻧﺪﻳﺮ ﺩﻭﺭﺓ ﻉ ﺍﻟﻌﻴﻠﻪ ﻛﻞ ﺍﺳﺒﻮﻉ ﻧﺸﻮﻑ ﺟﺪﻳﺪﻫﻢ .. ﻭﻟﻒ ﻭﻣﺸﻲ ﻭﻫﻮ ﻳﻘﻮﻝ .. ﻋﻠﻴﻚ ﺣﺎﻟﻪ ﻭﺧﻼﺹ ..
ﺍﻟﺘﻔﺘﺖ ﻉ ﺑﻠﻘﻴﺲ ﻟﻘﺘﻬﺎ ﺗﻀﺤﻚ ﻗﺮﺻﺘﻬﺎ ..
ﺑﻠﻘﻴﺲ ﺑﻀﺤﻜﻪ : ﺍﺣﺤﺤﺤﺢ ...
🍁🍁🍁🍁🍁
ﺗﺎﻧﻲ ﻳﻮﻡ ...
ﺟﺎﻣﻌﺔ ﻃﺮﺍﺑﻠﺲ ..
ﻛﻠﻴﺔ ﺍﻟﻬﻨﺪﺳﻪ ..
ﺍﻟﺴﺎﻋﻪ 3:30 ﺑﻌﺪ ﺍﻟﻈﻬﺮ ..
ﻣﻘﻌﻤﺰﺍﺕ ﺧﺪﺍ ﺍﻟﻜﺎﻓﺘﻴﺮﻳﺎ ..
ﺭﺍﻧﻴﺎ : ﻻ ﻣﻔﺮﻭﺽ ﺗﻜﻠﻤﻴﻪ ﺩﻟﻮﻟﻪ ..
ﺩﻻﻝ : ﺑﻌﺪ ﻧﺮﻭﺡ ﺍﻥ ﺷﺎﺀ ﺍﻟﻠﻪ .. ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ .. ﺍﻧﻲ ﻣﺎﺗﺮﻳﺤﺖ ﻛﺎﻥ ﺑﻌﺪ ﻣﺎﻋﺮﻓﺖ ﺍﻥ ﺍﻟﻮﺳﺦ ﻫﺪﺍﻛﺎ ﻃﺮﺑﻘﻮﻩ ..
ﺭﺍﻧﻴﺎ : ﻳﺴﺘﺎﻫﻞ ﺍﻟﺠﻴﻔﻪ .. ﻭﺧﻠﻪ ﻳﻜﻮﻥ ﻋﺒﺮﻩ ..
ﺩﻻﻝ : ﺯﻋﻤﻪ ﺍﻟﺘﻮﻣﺎﻫﻮﻙ ﻭﺭﺍﻫﺎ؟
ﺭﺍﻧﻴﺎ : ﻳﺴﺨﺮ ﺍﻟﺸﻴﺎﻃﻴﻦ ﻟﻠﻤﻼﻳﻜﻪ ..
ﺿﺤﻜﺖ ﺩﻻﻝ ..
ﻓﺠﺄﺓ ..
" ﻣﺮﺣﺒﺎ .."
ﻗﺎﻣﻮﺍ ﻋﻴﻮﻧﻬﻢ ﻭﺗﻔﺎﺟﺌﻮﺍ ..
ﻓﺮﺡ ﺑﺈﺑﺘﺴﺎﻣﻪ : ﺷﻦ ﺟﻮ ..
ﺍﺑﺘﺴﻤﻮﻟﻬﺎ ﺍﻟﺰﻭﺯ ﻣﺠﺎﻣﻠﻪ ﻭﻗﺎﻟﻮﺍ ﻣﻊ ﺑﻌﺾ : ﺗﻤﺎﻡ ..
🍁🍁🍁🍁
ﺑﺎﻟﻨﺴﺒﻪ ﻟﻴﺎ ﺍﻧﻲ ﺧﻼﺹ ﻭﻟﻴﺖ ﻣﺘﺄﻛﺪﻩ ﺍﻥ ﺣﺘﻰ ﺳﻌﺪ ﺩﺍﻳﺮﻫﺎ ..
ﺯﻳﻨﺐ : ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻳﺎﻛﻔﺎﻳﻪ ..
ﻛﻔﺎﻳﻪ ..: ﺑﺎﻙ ﺗﺤﺴﺎﺑﻴﻨﻲ ﺑﻨﺪﻳﺮﻟﻪ ﺩﻭﺷﻪ ﻛﺎﻥ ﻓﻌﻼ ﻃﻠﻊ ﺩﺍﻳﺮﻫﺎ .. ﻻﻻ ﺑﻨﻨﺴﺤﺐ ﻣﻦ ﺳﻜﺎﺕ .. ﻭﻻﺩﻱ ﻭﻟﻮﺍ ﺭﺟﺎﻟﻪ ﻛﺒﺎﺭ ﻳﺘﺤﻤﻠﻮﺍ ﻣﺴﺆﻭﻟﻴﺔ ﻧﻔﺴﻬﻢ .. ﻭﻣﺎﺍﻇﻨﻴﺶ ﻳﺎﺧﺪ ﻣﻨﻲ ﻧﻮﺭﻫﺎﻥ .. ﺑﺎﻟﻌﻜﺲ ﻣﺎﺩﺍ ﺑﻴﻪ ﻳﻔﺘﻚ ..
ﺯﻳﻨﺐ ﺑﺼﺪﻣﻪ : ﻗﺼﺪﻙ ﺑﺘﺘﻄﻠﻘﻲ؟ !!
ﻧﺰﻟﻮﺍ ﺩﻣﻮﻉ ﻛﻔﺎﻳﻪ ﻭﻫﻲ ﺗﻘﻮﻝ : ﺍﻳﻪ .. ﻣﺎﻧﻴﺶ ﺑﺒﺮﻭﺩ ﻟﻄﻴﻔﻪ .. ﻭﻻ ﺍﻧﻲ ﺯﻳﻬﺎ ﺭﺍﺟﻠﻲ ﻣﺎﻳﻬﻤﻨﻴﺶ ﺷﻦ ﻣﺎﺩﺍﺭ ﻳﺪﻳﺮ .. ﻗﻌﺪﺕ ﺗﺒﻜﻲ ﻭﻛﻤﻠﺖ ﺗﻘﻮﻝ .. ﺍﻧﻲ ﻧﺤﺒﻪ ﻫﻠﺒﻪ ﻳﺎﺯﻳﻨﺐ ﻣﺎﻧﺘﺤﻤﻠﺶ ﻭﺣﺪﻩ ﺗﺸﺎﺭﻛﻨﻲ ﻓﻴﻪ ﻣﺎﻧﻘﺪﺭﺵ ﺣﺘﻰ ﻧﻘﺒﻠﻬﺎ ﻛﻔﻜﺮﻩ .. ﻭﺍﻟﻠﻪ ﻧﻤﻮﺕ ﺑﻘﻬﺮﺗﻲ ﺑﻌﺪﻳﻦ ..
ﺯﻳﻨﺐ ﺑﺄﻟﻢ : ﺑﻌﻴﺪ ﺍﻟﺴﻮ ﻋﻠﻴﻚ ﻣﺎﺗﻘﻮﻟﻴﺶ ﻫﻜﻲ .. ﺻﺪﻗﻴﻨﻲ ﻛﻠﻪ ﻭﺳﺎﻭﺱ ﺷﻴﻄﺎﻥ .. ﻭﺭﺍﺟﻠﻚ ﻣﺴﺘﺤﻴﻞ ﻳﺪﻳﺮ ﺣﺎﺟﻪ ﺯﻱ ﻫﺎﺩﻱ ..
ﻛﻔﺎﻳﻪ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﻣﺎﻓﻲ ﺷﻲ ﻣﺴﺘﺤﻴﻞ ﻳﺎﺯﻳﻨﺐ ﻣﺎﻓﻲ ﺷﻲ ﻣﺴﺘﺤﻴﻞ ..
ﺯﻳﻨﺐ ﺑﻀﻴﻖ : ﺭﺑﻲ ﻳﻬﺪﻱ ﺍﻟﻨﻔﻮﺱ ﻭﺧﻼﺹ ..
ﻛﻔﺎﻳﻪ ﺭﺷﻔﺖ ﻭﻗﺎﻟﺖ : ﻳﻠﻼ ﻣﺎﻻ ﻧﺨﻠﻴﻚ ﺗﻮﺍ .. ﺑﺎﻟﺴﻼﻣﻪ ..
ﺯﻳﻨﺐ ﺑﻀﻴﻖ : ﺑﺎﻟﺴﻼﻣﻪ ..
ﺻﻜﺮﺕ ﻛﻔﺎﻳﻪ .. ﺑﻌﺪﻳﻦ ﻣﺴﺤﺖ ﺩﻣﻮﻋﻬﺎ .. ﻭﻧﺎﺿﺖ ﺑﺘﻤﺸﻲ ﺍﻟﻜﻮﺟﻴﻨﻪ ..
ﻣﺠﺮﺩ ﻟﻔﺖ .. ﻭﻗﻔﺖ ﻣﺼﺪﻭﻣﻪ ..
ﺷﺎﻓﺖ ﺳﻌﺪ ﻭﺍﻗﻒ ﻓﻲ ﺍﻟﺒﺎﺏ ﻭﻳﺸﻮﻓﻠﻬﺎ ﻭﻫﻮ ﺭﺍﻓﻊ ﺣﻮﺍﺟﺒﻪ ..
🍁🍁🍁🍁🍁
ﻭﺍﻗﻔﺎﺕ ﻉ ﺑﻌﺾ ﺍﻟﺰﻭﺯ ..
ﻭﺣﺪﻩ ﺗﺘﻜﻠﻢ ﻭﺍﻟﺘﺎﻧﻴﻪ ﺗﺴﻤﻊ ..
ﻓﺮﺡ : ﻫﻮ ﺧﻮﻱ ﺍﻧﺴﺎﻥ ﻛﻮﻳﺲ ﻭﺍﻟﻠﻪ ﻛﻮﻳﺲ .. ﺑﺲ ﻳﻌﻨﻲ ﻓﻴﻪ ﺷﻮﻳﻪ ﻋﻴﻮﺏ ﻣﻊ ﺍﻟﻮﻗﺖ ﺗﺘﻐﻴﺮ .. ﻫﻮ ﻣﺎﺷﺎﺩ ﻓﻴﻚ ﻫﺎﻟﺸﺪﻩ ﺍﻻ ﻷﻧﻪ ﺣﺎﺱ ﺍﻧﻚ ﺗﻘﺪﺭﻱ ﺍﺩﻳﺮﻱ ﻓﻴﻪ ﻫﻠﺒﻪ ﺣﺎﺟﺎﺕ ﺗﻐﻴﺮﻩ ﻟﻸﺣﺴﻦ .. ﺍﺑﺘﺴﻤﺖ ﻭﻗﺎﻟﺖ .. ﻳﺤﺒﻚ ﺭﺍﻫﻮ .. ﻭﻫﻠﺒﻪ ﻫﻠﺒﻪ .. ﻭﻫﺎﻟﺸﻲ ﺣﻴﺴﻬﻞ ﻋﻠﻴﻚ ﻫﻠﺒﻪ ﺣﺎﺟﺎﺕ ﻓﻌﻼﻗﺘﻜﻢ ﻣﺴﺘﻘﺒﻼ ... ﺍﻧﺘﻲ ﺑﺲ ﻋﻄﻴﻪ ﻓﺮﺻﻪ ..
ﺭﺍﻧﻴﺎ ﻏﻴﺮﺕ ﻋﻴﻮﻧﻬﺎ ﻋﻨﻬﺎ ... ﻭﻗﻌﺪﺕ ﺳﺎﻛﺘﻪ ..
ﻓﺮﺡ ﺑﻀﺤﻜﻪ : ﻏﺪﻭﺓ ﻓﻀﺎﻧﻴﺘﻲ ﻧﺒﻴﻪ ﻳﺤﻀﺮﻫﺎ ﻭﻫﻮ ﻓﺮﺣﺎﻥ .. ﺷﺪﺕ ﻳﺪﻫﺎ ﻭﻗﺎﻟﺖ .. ﺑﻠﻴﺰ ﺭﻧﻮﺷﻪ ..
ﺷﺒﺤﺘﻠﻬﺎ ﺭﺍﻧﻴﺎ ﺍﺑﺘﺴﻤﺖ ﺑﻀﻴﻖ ﻭﻗﺎﻟﺖ : ﺍﻧﻲ ﺍﺳﻔﻪ ﺑﺠﺪﻳﺎﺕ ﻣﺎﻧﻘﺪﺭﺵ ..
ﺷﺒﺤﺘﻠﻬﺎ ﻓﺮﺡ ﺷﻮﻳﻪ ﻭﻗﺎﻟﺖ : ﻓﻲ ﺣﺪ ﻓﺤﻴﺎﺗﻚ؟
ﺭﺍﻧﻴﺎ ﻧﺰﻟﺖ ﻋﻴﻮﻧﻬﺎ ..
ﺍﺑﺘﺴﻤﺖ ﻓﺮﺡ ﺑﺄﻟﻢ ﻭﻗﺎﻟﺖ : ﻣﻌﻨﺎﻫﺎ ﻓﻲ ..
ﺷﺒﺤﺘﻠﻬﺎ ﺭﺍﻧﻴﺎ ﺑﺮﺟﺎﺀ ﻭﻗﺎﻟﺖ : ﺑﺎﻟﻠﻪ ﻋﻠﻴﻚ ﻳﺎﻓﺮﺡ ﻣﺎﺗﻮﺻﻠﻴﻠﻪ ﺍﻟﻤﻌﻠﻮﻣﻪ ﻫﺎﺩﻱ .. ﺧﺎﻳﻔﺎﺗﻪ ﻳﺪﻳﺮﻟﻪ ﺷﻲ .. ﻭﺍﻟﻠﻪ ﻟﻮ ﻳﺪﻳﺮﻟﻪ ﺣﺎﺟﻪ ﻧﻤﻮﺕ ﺑﻌﺪﻳﻦ .. ﻧﺰﻟﻮﺍ ﺩﻣﻮﻉ ﺭﺍﻧﻴﺎ ..
ﻓﺮﺡ ﺗﺄﺛﺮﺕ ﻫﻠﺒﻪ ﻗﺎﻟﺖ ﻭﻫﻲ ﺗﺸﺪ ﻉ ﻳﺪ ﺭﺍﻧﻴﺎ : ﻣﺎﺗﺨﺎﻓﻴﺶ ﺣﺒﻴﺒﺘﻲ ﻭﺍﻟﻠﻪ ﻣﺎﻃﺎﻟﻌﻪ ﻣﻨﻲ ﺣﺎﺟﻪ ..
ﺭﺍﻧﻴﺎ ﻭﻫﻲ ﺗﺮﺷﻒ : ﺍﺭﺟﻮﻙ ..
ﻓﺮﺡ : ﻗﺘﻠﻚ ﺍﻃﻤﻨﻲ ﻣﺎﺗﺨﺎﻓﻴﺶ .. ﻧﻤﻮﺕ ﻭﻣﺎﺗﻄﻠﻊ ﻣﻨﻲ ﺣﺎﺟﻪ ..
ﺧﻼﺹ ﺍﻣﺴﺤﻲ ﺩﻣﻮﻋﻚ ﺑﺎﻟﻠﻪ ﻋﻠﻴﻚ .. ﻣﺎﻧﺤﺒﺶ ﻧﺸﻮﻑ ﺣﺪ ﻳﺒﻜﻲ ..
ﺍﺑﺘﺴﻤﺖ ﺭﺍﻧﻴﺎ ﻭﻫﻲ ﺗﻤﺴﺢ ﻓﺪﻣﻮﻋﻬﺎ .. ﺑﻌﺪﻳﻦ ﻗﺮﺑﺖ ﻟﻔﺮﺡ ﻭﺑﺎﺳﺘﻬﺎ ﻣﻦ ﺧﺪﻭﺩﻫﺎ ..
ﻓﺮﺡ ﺿﺤﻜﺖ ..
ﻭﺧﺮﺕ ﺭﺍﻧﻴﺎ ﻭﻗﺎﻟﺖ : ﺑﺠﺪﻳﺎﺕ ﺧﺸﻴﺘﻲ ﺧﺎﻃﺮﻱ ..
ﻓﺮﺡ ﺑﻀﺤﻜﻪ : ﺣﺘﻰ ﺍﻧﻲ ﻏﻴﺮ ﺧﺴﺎﺭﺓ ﻣﺎﻟﻨﺎﺵ ﻓﺎﻟﻄﻴﺐ ﻧﺼﻴﺐ ..
ﺭﺍﻧﻴﺎ : ﻛﻠﻪ ﻗﺴﻤﻪ ﻭﻧﺼﻴﺐ .. ﺑﺎﻟﻠﻪ ﻋﻠﻴﻚ ﺍﻗﻨﻌﻲ ﺧﻮﻙ ﺑﻬﺎﻟﺠﻤﻠﻪ ..
ﻓﺮﺡ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ .. ﺗﻨﻬﺪﺕ ﻭﻗﺎﻟﺖ .. ﻳﻼﺍ ﻣﺎﻝ ﻧﺨﻠﻴﻚ ﻣﻊ ﺻﺎﺣﺒﺘﻚ .. ﺳﻌﻴﺪﻩ ﺑﻤﻌﺮﻓﺘﻚ ..
ﺭﺍﻧﻴﺎ : ﺍﻧﻲ ﺍﻛﺜﺮ ..
ﻗﺮﺑﺖ ﻓﺮﺡ ﻣﻦ ﺭﺍﻧﻴﺎ ﺳﻠﻤﺖ ﻋﻠﻴﻬﺎ ﺑﺎﻟﺨﺪ ..
ﺑﻌﺪﻳﻦ ﺑﻌﺪﺕ ﻭﻗﺎﻟﺖ : ﺳﻼﻡ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﺳﻼﻡ ..
ﻟﻔﺖ ﻓﺮﺡ ﺑﺘﻤﺸﻲ ﺷﺒﺤﺖ ﻟﺪﻻﻝ ﺍﺷﺮﺗﻠﻬﺎ ﺑﻴﺪﻫﺎ ﺗﺤﻴﻴﻬﺎ ..
ﺭﺩﺗﻬﺎ ﺩﻻﻝ ﻭﻫﻲ ﻣﺒﺘﺴﻤﻪ ..
ﻛﻤﻠﺖ ﻃﺮﻳﻘﻬﺎ ﻓﺮﺡ ﻭﻫﻲ ﻣﺎﺷﻴﻪ ﺷﺒﺤﺖ ﺧﻮﻫﺎ ﻣﻦ ﺑﻌﻴﺪ ﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﺍﺑﺘﺴﻤﺖ ﺑﺄﻟﻢ ..
ﻫﻮ ﺷﺒﺤﻠﻬﺎ ﺍﺷﺮﻟﻬﺎ ﺑﻴﺪﻩ ﻉ ﺍﻟﺴﻴﺎﺭﺓ ﺗﻤﺸﻴﻠﻬﺎ ..
ﻫﻲ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻭﻣﺸﺖ ﻭﻳﻦ ﻣﺎﺍﺷﺮﻟﻬﺎ ..
ﺭﺍﻧﻴﺎ : ﺗﻬﺒﻞ ﺍﺧﺘﻪ ﻋﺴﻞ ..
ﺩﻻﻝ : ﺍﻳﻪ ﺗﺒﺎﻥ ﻃﻴﻮﺑﻪ ..
....
ﺯﻳﻦ ﺑﻌﻴﻮﻧﻪ ﻣﻊ ﺍﺧﺘﻪ ﻭﻫﻲ ﺗﻤﺸﻲ : ﺗﻢ ﻳﺎﺭﺍﺱ .. ﺑﻌﺪ ﻏﺪﻭﺓ ﻧﺠﻴﻚ ﺇﻥ ﺷﺎﺀ ﺍﻟﻠﻪ ..
...
ﺭﺍﻧﻴﺎ ﻛﺎﻧﺖ ﺗﺸﻮﻓﻠﻪ ﻗﺎﻟﺖ : ﺍﻟﻠﻪ ﺍﻋﻠﻢ ﺷﻦ ﺗﻜﻮﻥ ﺭﺩﺓ ﻓﻌﻠﻪ ..
ﺩﻻﻝ : ﻣﺎﺃﻇﻨﺶ ﻣﺎﺯﺍﻝ ﻳﺤﺎﻭﻝ ﻣﺮﺓ ﺗﺎﻧﻴﻪ ..
ﺿﻴﻘﺖ ﺭﺍﻧﻴﺎ ﻋﻴﻮﻧﻬﺎ ﻭﻫﻲ ﺗﺸﻮﻑ ﻟﻠﻄﺮﻳﻖ ..
ﻭﺻﻠﺖ ﻓﺮﺡ ﻉ ﺍﻟﺮﺻﻴﻒ ...
ﻉ ﺧﻄﻤﻪ ﺩﺑﻞ ﻗﺎﺑﻴﻨﻪ ..
ﻧﺰﻝ ﻣﺮﺷﻬﺎ .. ﻭﻃﻠﻊ ﻣﻨﻬﺎ ﻛﻼﺷﻦ ..
ﺍﻟﻠﻲ ﺷﺎﺩﻫﺎ .. ﺿﺮﺏ ﺑﺎﻟﺰﺑﻂ ..
ﻃﻠﻘﻪ .. ﺍﺗﻨﻴﻦ .. ﺗﻼﺗﻪ ... ﺍﺭﺑﻌﻪ ..
ﺍﺭﺑﻌﻪ ﺭﺻﺎﺻﺎﺕ ..
ﺍﺳﺘﻘﺮﻭﺍ ﻓﻤﻨﺎﻃﻖ ﻣﺘﻔﺮﻗﻪ ﻣﻦ ﺟﺴﺪ ..
ﻓﺮﺡ ...
ﻭﺍﻧﻄﻠﻘﺖ ﺑﻌﺪﻫﺎ ﺍﻟﺴﻴﺎﺭﺓ ﺑﺄﻗﺼﻰ ﺳﺮﻋﻪ ..
....
ﺩﻻﻝ ﺧﻄﺒﺖ ﺑﻴﺪﻫﺎ ﻉ ﻓﻤﻬﺎ ...
ﻭﺭﺍﻧﻴﺎ ﻃﺎﺣﻮﺍ ﻣﻨﻬﺎ ﺍﺩﻭﺍﺗﻬﺎ ... ﻭﻫﻲ ﺷﺎﺧﺼﻪ ﺍﻟﺒﺼﺮ ...
ﻣﺼﺪﻭﻣﻪ ..
ﺍﺻﻮﺍﺕ ﺍﻟﺼﺮﺍﺥ ﺗﻌﺎﻟﺖ ﻓﻲ ﺍﻟﻤﻜﺎﻥ ..
ﺑﺲ ﺍﻋﻠﻰ ﺻﻮﺕ ﻛﺎﻥ ﺻﻮﺕ ..
ﺯﻳﻦ ..
ﺍﻟﻠﻲ ﻛﺎﻥ ﻳﺠﺮﻱ ﻭﻳﻌﻴﻂ ﺑﺼﻮﺕ ﻋﺎﻟﻲ ...
" ﻓﺮﺡ "...
ﻓﺮﺡ ﺍﻟﻠﻲ ﻛﺎﻧﺖ ﺍﻃﻠﻊ ﻓﺎﻟﺮﻭﺡ ﻗﺪﺍﻣﻪ ..
ﻣﺎﻭﺻﻞ ﻓﻴﻬﺎ ﻭﻃﺎﺡ ﺑﺮﻛﺎﺑﻪ ﻋﻨﺪﻫﺎ ..
ﺍﻻ ﻭﻫﻲ ﻣﻄﻠﻌﻪ ﺍﺧﺮ ﻧﻔﺲ ﻓﻴﻬﺎ ..
ﻭﻫﻲ ﻣﻮﺟﻬﻪ ﺑﺼﺮﻫﺎ ﺍﺗﺠﺎﻩ ﺧﻮﻫﺎ ..
ﻣﻊ ﻧﺰﻟﺖ ﺍﺧﺮ ﺩﻣﻌﻪ ﻣﻦ ﻋﻴﻨﻬﺎ ...
... ﻳﺘﺒﻊ .
