المتمردين

العشق المتمرد

#العشق_المتمرد
#جمان_فريد

الجزء78
القسم الثاني

ﺍﻟﺴﺎﻋﻪ 3:00 ﺑﻌﺪ ﺍﻟﻈﻬﺮ ..
ﻭﺍﻗﻔﻪ ﺗﺘﻜﻠﻢ ﺑﺎﻟﺘﻠﻴﻔﻮﻥ ..
ﺭﺯﺍﻥ : ﻭﺍﻣﺘﻰ ﺑﺘﺠﻦ ..
ﺑﻠﻘﻴﺲ : ﺑﻌﺪ ﺍﻟﻌﺼﺮ ﺍﻧﻲ ﻭﺩﻧﻴﺎ ﻭﻧﺴﻴﺒﻪ ..
ﺭﺯﺍﻥ : ﺷﻦ ﺧﻄﺮ ﻋﻠﻴﻬﻦ ..
ﺑﻠﻘﻴﺲ : ﺍﻟﺤﻖ ﻓﻴﻬﻦ ﻳﺎﺣﻨﻪ ﺍﻟﻠﻲ ﺟﺎﻳﺎﺕ ﻳﻮﺍﺳﻨﻚ ﻭﻳﺎﺧﺪﻥ ﺑﺨﺎﻃﺮﻙ ..
ﺭﺯﺍﻥ ﺑﺈﻣﺘﻌﺎﺽ : ﻓﻴﻬﻦ ﺍﻟﺨﻴﺮ .. ﺑﺎﻫﻲ ﺧﻼﺹ ﺑﻌﺪ ﺍﻟﻌﺼﺮ ..
ﺑﻠﻘﻴﺲ : ﻫﻲ ﻣﺎﻻ ﻧﺘﻼﻗﻮﺍ .. ﺳﻼﻡ ..
ﺭﺯﺍﻥ : ﺑﺎﻱ .. ﻭﺻﻜﺮﺕ .. ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ .. ﻉ ﺍﻟﻠﻲ ﻣﺎﻳﻌﺮﻓﻚ ﻳﺎﺑﻠﻘﻴﺲ ..
ﻟﻔﺖ ﻭﻣﺸﺖ ﺧﺸﺖ ﻟﺤﻮﺵ ﺟﺪﻫﺎ ..
ﻛﻴﻒ ﺣﻄﻮﺍ ﺻﻔﺮ ﺍﻟﻐﺪﻱ ﺑﻴﺘﻐﺪﻭﺍ ..
ﻛﻔﺎﻳﻪ : ﺭﺯﻭﻧﻪ ﺗﻌﺎﻟﻲ ﺣﺪﺍﻱ ..
ﺷﺒﺤﻮﺍ ﺯﻳﻨﺐ ﻭﺑﻨﺎﺗﻬﺎ ﻟﻜﻔﺎﻳﻪ ..
ﺍﺑﺘﺴﻤﺖ ﺭﺯﺍﻥ ﻭﻣﺸﺖ ﻗﻌﻤﺰﺕ ﺣﺪﺍ ﻋﻤﺘﻬﺎ ..
ﻛﻔﺎﻳﻪ : ﺗﺮﺍ ﻧﻮﺭ ﺑﻨﺘﻲ ﺗﻌﺎﻟﻲ ﺟﻨﺒﻲ ﻣﻦ ﻫﻨﻲ ..
ﻧﻮﺭ ﺍﺑﺘﺴﻤﺖ ﻭﻗﻌﻤﺰﺕ ﺣﺪﺍ ﺧﺎﻟﺘﻬﺎ ..
ﻏﺎﻟﻴﻪ : ﻣﻦ ﻣﺰﺍﻝ ﺗﺎﻧﻲ ..
ﻛﻔﺎﻳﻪ ﺷﺒﺤﺖ ﻟﺮﻓﻘﻪ ﺍﻟﻠﻲ ﻗﻌﻤﺰﺕ ﺣﺪﺍ ﺭﺯﺍﻥ ﻭﻗﺎﻟﺖ : ﻻﺧﻼﺹ ..
ﻣﺎﺣﺪ ﻓﻬﻢ ﻗﺼﺪ ﻛﻔﺎﻳﻪ ﻏﻴﺮ ﻏﺎﻟﻴﻪ ﺍﻟﻠﻲ ﻛﺎﻧﺖ ﻣﺒﺘﺴﻤﻪ ﻭﺧﻼﺹ ..
ﺑﺪﻭﺍ ﻳﺘﻐﺪﻭﺍ ..
ﻛﺎﻧﺖ ﻛﻔﺎﻳﻪ ﺗﻬﺪﺭﺯ ﻫﻲ ﻭﻧﻌﻴﻤﻪ ﻭﻏﺎﻟﻴﻪ ﻭﻟﻄﻴﻔﻪ ﻭﻣﺮﻳﺮﺓ ﻣﺮﻳﺮﺓ ﻣﻊ ﺳﻌﻴﺪﻩ .. ﻭﻣﺴﺘﻜﺮﺩﻩ ﺍﺳﺘﻜﺮﺍﺩ ﺗﺎﻡ ﺣﻤﻴﺪﻩ ﻭﺯﻳﻨﺐ ..
ﻷﻭﻝ ﻣﺮﺓ ﺭﺑﺎﺏ ﻣﺎﺗﺎﺧﺪﺵ ﻣﻮﻗﻒ ﻣﻦ ﺣﺪ ﻳﺘﺸﺎﻛﻞ ﻣﻊ ﺍﻣﻬﺎ ..
ﻫﺎﻟﻤﺮﺓ ﻓﻌﻼ .. ﻛﺎﻧﺖ ﻣﻊ ﺍﻟﺤﻖ ..
ﺯﻳﻨﺐ ﻭﺣﻤﻴﺪﻩ ﺳﺎﻛﺘﺎﺕ ﻭﺧﻼﺹ ... ﻭﻋﺎﻃﻴﻴﻦ ﻛﻔﺎﻳﻪ ﻋﺬﺭﻫﺎ ..
🍁🍁🍁🍁🍁
ﻋﻨﺪ ﺍﻟﺮﺟﺎﻟﻪ ..
ﻛﺎﻥ ﺍﻟﻜﻞ ﻳﺘﺠﻨﺐ ﺍﻟﻜﻼﻡ ﻓﻲ ﺃﻱ ﺷﻲ ﻳﺴﺒﺐ ﺍﻟﺤﺴﺎﺳﻴﺎﺕ ..
ﻳﺪﻭﻭﺍ ﺑﺲ ﻉ ﺍﻟﻮﺿﻊ ﺍﻵﻗﺘﺼﺎﺩﻱ ﻭﺑﺤﺬﺭ ﻛﺬﻟﻚ ..
ﺑﻌﺪ ﺍﻟﻐﺪﻱ ..
ﻗﻴﻠﻮﺍ ﺭﺟﺎﻟﻪ ﻭﻧﺴﺎﻭﻳﻦ ..
ﺍﻣﺎ ﺍﻟﻤﺎﻋﻴﻦ ﺷﺪﻭﻫﻢ ﺭﺯﺍﻥ ﻭﻧﻮﺭ ﻭﺭﻓﻘﻪ ﻭﻣﻌﺎﻫﻢ ﻏﺎﻟﻴﻪ
ﻓﻲ ﺍﻟﻜﻮﺟﻴﻨﻪ ..
ﻧﻮﺭ : ﺗﺤﺴﻴﻬﺎ ﺑﺪﺕ ﺗﻬﺘﻢ ﺑﺎﻟﺼﻐﺎﺭ ﺍﻛﺜﺮ ﻣﻦ ﻗﺒﻞ ..
ﻏﺎﻟﻴﻪ : ﺑﺎﻫﻲ ﻛﻮﻳﺲ ﻛﺎﻥ ﻫﻜﻲ ..
ﻧﻮﺭ : ﻟﻜﻦ ﻛﻞ ﻟﻴﻠﻪ ﺗﺤﻠﻢ ﻭﺗﺠﻴﻬﺎ ﻛﻮﺍﺑﻴﺲ ﻭﻟﻤﺎ ﺗﻨﻮﺽ ﺗﺼﻴﺮ ﻓﻴﻬﺎ ﺣﺎﻟﻪ ..
ﺭﻓﻘﻪ ﺑﺄﻟﻢ : ﻳﺎﺭﻭﺣﻲ ..
ﺭﺯﺍﻥ ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻷﻟﻢ ..
ﻏﺎﻟﻴﻪ ﺗﻨﻬﺪﺕ ﻭﻗﺎﻟﺖ : ﺍﻟﻠﻪ ﻏﺎﻟﺐ ﻣﻘﺪﺭ ﻭﻣﻜﺘﻮﺏ .. ﺣﺘﻰ ﻫﻨﻰ ﻗﺪﻳﺶ ﻭﺣﺪﻩ ﻓﻮﺣﺪﻩ ﺗﺮﻣﻠﺖ ﻭﺻﻐﺎﺭﻫﺎ ﺗﻘﺰﻧﻮﺍ ..
ﻧﻮﺭ : ﺩﻻﻝ ﻋﻤﺎﺭ ﻋﻨﺪﻫﺎ ﻣﺶ ﺑﺲ ﺭﺍﺟﻠﻬﺎ ﻳﺎﺧﺎﻟﺘﻲ ﺍﺧﺘﻲ ﺑﺪﻭﻥ ﻣﺒﺎﻟﻐﻪ ﻋﺎﺷﻘﺎﺗﻪ ﺑﻜﻞ ﻣﻌﻨﻰ ﺍﻟﻜﻠﻤﻪ ..
ﺗﻨﻬﺪﺕ ﺭﺯﺍﻥ ﺑﻀﻴﻖ ..
ﻏﺎﻟﻴﻪ : ﺭﺑﻲ ﻳﺼﺒﺮ ﻗﻠﺒﻬﺎ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﺁﻣﻴﻦ ..
ﻏﺎﻟﻴﻪ ﻭﻫﻲ ﺗﺸﻮﻑ ﻓﺎﻟﺸﺎﻫﻲ : ﺷﻦ ﺍﻣﺘﻰ ﺗﻮﻟﻮﺍ ﻟﻠﻘﺮﺍﻳﻪ ..
ﻧﻮﺭ : ﺑﻌﺪ ﺍﻟﻌﻴﺪ ..
ﻏﺎﻟﻴﻪ : ﺑﺎﻟﺘﻮﻓﻴﻖ ..
ﺭﻥ ﺗﻠﻴﻔﻮﻥ ﻏﺎﻟﻴﻪ ..
ﺧﺪﺍﺗﻪ ﻣﻦ ﻉ ﺍﻟﺴﻜﺮﻳﻪ .. ﺷﺎﻓﺖ ﺍﻟﻤﺘﺼﻞ ..
ﻧﻔﺲ ﺍﻟﺮﻗﻢ ..
ﻣﻄﺖ ﺷﻮﺍﺭﺑﻬﺎ ﺑﻤﻠﻞ .. ﻭﺩﺍﺭﺗﻪ ﻉ ﺍﻟﺼﺎﻣﺖ .. ﻭﺭﺩﺍﺗﻪ ﻟﻤﻜﺎﻧﻪ ..
ﺭﺯﺍﻥ ﺑﻀﺤﻜﻪ : ﻧﻔﺲ ﺍﻟﺮﻗﻢ ..
ﻏﺎﻟﻴﻪ : ﺍﻳﻪ ..
ﻧﻮﺭ : ﺭﻗﻢ ﺷﻨﻮ ..
ﺭﺯﺍﻥ : ﻭﺍﺣﺪ ﺷﺎﺩﻫﺎ ﻓﺠﺮﺗﻬﺎ ﻟﻴﻪ ﻋﺸﺮﺓ ﺍﻳﺎﻡ ..
ﺿﺤﻜﺖ ﻧﻮﺭ : ﻭﻭﻩ ﻏﻴﺮ ﺍﻣﺘﻰ ﻳﻨﻘﺮﺿﻮﺍ ..
ﻏﺎﻟﻴﻪ ﻭﻫﻲ ﺗﺨﺪﻡ ﻓﻲ ﺍﻟﺸﺎﻫﻲ : ﺍﻟﻜﺎﺋﻨﺎﺕ ﺍﻟﻮﺣﻴﺪﻩ ﺍﻟﻠﻲ ﻣﺎﺗﻨﻘﺮﺽ ﻫﺎﻟﺸﻜﺎﻻﺕ ﻫﺪﻱ ..
ﺿﺤﻜﻮﺍ ﺍﻟﺒﻨﺎﺕ ...
" ﺭﻓﻘﻪ "
ﺭﻓﻘﻪ : ﻣﺎﻣﺎ ﺗﻨﺎﺩﻱ ...
ﻣﺸﺖ ﻃﻠﻌﺖ ﻣﻦ ﺣﺪﺍﻫﻢ ...
ﻭﻫﻤﺎ ﻛﻤﻠﻮﺍ ﺷﻐﻠﻬﻢ ...
ﻟﻌﻨﺪ ﻣﺎ ....
" ﻭﻳﻦ ﺍﻟﺸﺎﻫﻲ .."
ﺭﺯﺍﻥ ﺳﺨﻨﺖ ﻣﻊ ﺑﻌﻀﻬﺎ ..
ﻏﺎﻟﻴﻪ ﺑﻀﺤﻜﻪ : ﺑﺎﻫﻲ ﺍﻟﻠﻲ ﺟﻴﺖ ﺍﻧﺖ ﺗﺮﻓﻌﻪ ..
ﺧﺶ ﻭﻫﻮ ﻳﻘﻮﻝ : ﻗﺼﺪﻙ ﻣﺎﺯﺍﻝ ﻋﻤﺮ ﻉ ﻋﺎﺩﺍﺗﻪ ..
ﻧﻮﺭ ﺑﻀﺤﻜﻪ : ﺍﻟﻠﻲ ﻳﺴﻤﻌﻚ ﻳﺎﻋﻤﺎﺩ ﻳﻘﻮﻝ ﻟﻴﻚ ﺍﻟﺴﻨﻴﻦ ﻓﻲ ﺍﻟﺠﺒﻬﻪ ..
ﺿﺤﻜﻮﺍ ..
ﻋﻤﺎﺩ : ﺍﺳﻜﺘﻲ ﺍﻧﺘﻲ ﻳﺎﺑﺸﻴﺸﻪ .. ﻭﻏﻤﺰ ﺑﻌﻴﻨﻪ ..
ﻭﺟﻪ ﻧﻮﺭ ﻭﻻ ﺃﺣﻤﺮ ﺍﺑﺘﺴﻤﺖ ﺑﺨﺠﻞ ..
ﻏﺎﻟﻴﻪ ﺿﺤﻜﺖ ﻋﻠﻴﻬﺎ ..
ﻭﺭﺯﺍﻥ ﺑﺪﺕ ﺗﻐﻠﻲ ﻣﻊ ﺑﻌﻀﻬﺎ ..
ﻛﺎﻧﻮﺍ ﻋﻴﻮﻧﻬﺎ ﻣﺮﻛﺰﻳﻦ ﺑﺲ ﻉ ﺻﻮﺍﺑﻌﻬﺎ ﺍﻟﻠﻲ ﻳﻔﺮﻛﻮﺍ ﻓﻲ ﺍﻟﺮﺧﺎﻣﻪ ..
ﻫﻮ ﺷﺒﺤﻠﻬﺎ ﺑﻌﺪﻳﻦ ﺷﺒﺢ ﻟﻐﺎﻟﻴﻪ : ﺍﺳﺘﺎﺣﺸﺘﻚ ..
ﻏﺎﻟﻴﻪ ﺿﺤﻜﺖ : ﺗﺴﺘﺎﺣﺸﻚ ﺍﻟﻌﺎﻓﻴﻪ ...
ﻋﻤﺎﺩ : ﻣﺶ ﺷﻮﻳﻪ ﺭﺍﻫﻮ ﻫﻠﺒﻪ ..
ﻏﺎﻟﻴﻪ ﺷﺒﺤﺖ ﻟﺮﺯﺍﻥ : ﻭﺍﻟﻠﻪ ﺣﺘﻰ ﺍﻧﻲ ﻧﻨﺸﺪ ﻋﻠﻴﻚ ﺩﻳﻤﺎ ﺭﺍﻧﻲ ..
ﻧﻮﺭ ﺷﺒﺤﺖ ﻟﺮﺯﺍﻥ ﻭﻓﻬﻤﺖ ﺍﻟﺤﻜﺎﻳﻪ ..
ﻋﻤﺎﺩﺭﻓﻊ ﺣﻮﺍﺟﺒﻪ : ﻻﻻ !! ﺑﺠﺪﻳﺎﺕ !!
ﻏﺎﻟﻴﻪ : ﺑﺠﺪﻳﺎﺕ ﻭﻧﺘﻔﺮﺝ ﺣﺘﻰ ﺍﻻﺧﺒﺎﺭ ﻉ ﺧﺎﻃﺮﻙ ﻭﻳﻦ ﻳﺠﻦ ﺍﺧﺒﺎﺭ ﻋﻦ ﺟﺒﻬﺔ ﺍﻟﺠﺒﻞ ﻧﻌﻠﻲ ﻓﻲ ﺍﻟﺼﻮﺕ ﻭﻧﺴﻜﺖ ﺍﻟﻠﻲ ﺣﺪﺍﻱ ﻛﻠﻬﻢ ..
ﺭﺯﺍﻥ ﻗﺮﻳﺐ ﺗﺘﺒﺨﺮ ﻭﻣﺎﺗﺨﻠﻲ ﻣﺎﺗﻘﻮﻝ ﻓﺴﺮﻫﺎ ﻉ ﻋﻤﺘﻬﺎ ..
ﺷﺒﺢ ﻟﺮﺯﺍﻥ ﻭﻫﻮ ﻣﺒﺘﺴﻢ؛ﻭﺑﺎﻫﻲ ﻭﻳﻦ ﻳﻘﻮﻟﻮﺍ ﻋﻠﻴﺎ ﺟﺮﺫ ﺷﻦ ﺩﻳﺮﻱ ﺍﻧﺘﻲ ..
ﻏﺎﻟﻴﻪ : ﺣﻲ ﻳﺎﺣﻲ .. ﻧﺎﻛﻠﻬﻢ ﻣﺎﻛﻠﻪ ﻧﻄﻠﻖ ﻓﻴﻬﻢ ﻟﺴﺎﻧﻲ ﻭﻧﻤﺴﺢ ﺑﻴﻬﻢ ﺍﻟﻮﻃﺎ ...
ﻋﻤﺎﺩ ﺍﺑﺘﺴﻢ ﻭﺷﺒﺢ ﻟﻐﺎﻟﻴﻪ : ﻏﺎﻟﻴﻪ ﺭﺍﻧﻲ ﻧﺤﺒﻚ 💓
ﻏﺎﻟﻴﻪ ﺿﺮﺑﺎﺗﻪ ﻉ ﺫﺭﺍﻋﻪ؛ﺍﺭﻓﻊ ﺍﻟﺸﺎﻫﻲ ﻳﺎﻣﻄﻴﻮﺭ ﺍﺭﻓﻊ ﺣﺮﺍﻡ ﻣﺎﺗﻐﻴﺮﺕ ﻓﻴﻚ ﺣﺎﺟﻪ ..
ﺿﺤﻚ ﻭﻗﻌﺪ ﻳﺘﺤﺴﺲ ﻓﻲ ﻣﻜﺎﻥ ﺿﺮﺑﺘﻬﺎ ..
ﻣﺪﺗﻠﻪ ﺍﻟﺼﻔﺮﺓ ﺧﺪﺍﻫﺎ ..
ﻭﻫﻮ ﻳﺸﻮﻑ ﻟﺮﺯﺍﻥ ..
ﺑﻌﺪﻳﻦ ﻣﺸﻲ .. ﻭﻫﻮ ﻳﻘﻮﻝ : ﻣﺎﺯﺍﻝ ﻋﻨﺪﻱ ﻣﻌﺎﻙ ﻛﻼﻡ ﻳﺎﻏﺎﻟﻴﻪ ..
ﻏﺎﻟﻴﻪ ﺑﻀﺤﻜﻪ : ﻏﻴﺮ ﻋﺪﻱ ﻓﺤﺎﻟﻚ ..
ﻃﻠﻊ ﻭﻫﻮ ﻳﻀﺤﻚ ..
ﺷﺒﺤﺖ ﻟﺮﺯﺍﻥ ﻟﻘﺘﻬﺎ ﺗﻠﻬﻲ ﻓﺮﻭﺣﻬﺎ ﺑﻤﺴﺢ ﺍﻟﻐﺎﺯ ﺯﻋﻤﻴﺘﻬﺎ ..
ﺿﺤﻜﺖ ﻋﻠﻴﻬﺎ ﺑﻌﺪﻳﻦ ﻗﺎﻟﺖ : ﺧﻼﺹ ﺍﻧﻲ ﺑﻨﻄﻠﻊ .. ﺗﻜﻤﻠﻦ ﺍﻃﻠﻌﻦ ﻭﺳﻜﺮﻥ ﺍﻟﻜﻮﺟﻴﻨﻪ ﻭﺭﺍﻛﻦ ..
ﺭﺯﺍﻥ ﻭﻧﻮﺭ : ﺑﺎﻫﻲ .. ﺣﺎﺿﺮ ..
ﻃﻠﻌﺖ ﻏﺎﻟﻴﻪ ..
ﻭﺭﺯﺍﻥ ﻧﻮﺭ ﻛﻤﻠﻮﺍ ﺿﻤﺎﻥ ﺍﻟﻜﻮﺟﻴﻨﻪ ﻣﻦ ﺳﻜﺎﺕ ..
ﺍﻟﺰﻭﺯ ﻣﺶ ﻣﺘﻘﺒﻼﺕ ﺑﻌﺾ ﻫﻠﺒﻪ ﻋﻼﻗﺘﻬﻢ ﺑﺒﻌﺾ ﺳﻄﺤﻴﻪ .
ﻛﻤﻠﺖ ﺭﺯﺍﻥ ﺍﻟﻠﻲ ﻋﻠﻴﻬﺎ ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻣﻨﻬﺎ ﻟﻔﻢ ﺍﻟﺒﻮﺍﺑﻪ ﻭﻣﺸﺖ ﻟﺤﻮﺷﻬﻢ ..
ﺍﻣﺎ ﻧﻮﺭ ﺑﻌﺪ ﻛﻤﻠﺖ ﺗﻨﺸﻴﻒ ..
ﺧﺪﺕ ﺗﻠﻴﻔﻮﻧﻬﺎ ﻣﻦ ﺍﻟﺪﻭﻻﺏ .. ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﺻﻜﺮﺕ ﺍﻟﺒﺎﺏ ﺭﻥ ﺗﻠﻴﻔﻮﻧﻬﺎ ﻛﺎﻥ ﺭﻗﻢ ﻣﺎﻟﻚ ..
ﻭﻟﺖ ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﺳﻜﺮﺗﻬﺎ ﻭﺭﺍﻫﺎ ..
ﺭﺩﺕ ..
ﻧﻮﺭ : ﺁﻟﻮ .
ﻣﺎﻟﻚ : ﺷﻦ ﺍﻟﺮﺳﺎﻟﻪ ﺍﻟﻠﻲ ﺑﺎﻋﺘﻴﻬﺎ ﻫﺎﺩﻱ؟
ﻧﻮﺭ : ﺍﻧﺖ ﺷﻦ ﻫﻮ ﺍﻟﻠﻲ ﺩﺭﺗﻪ ﺍﻟﻴﻮﻡ ﻫﺪﺍ؟ﻣﻌﻘﻮﻟﻪ ﻳﺎﻣﺎﻟﻚ ﻋﻴﺪ ﻭﺗﻔﻮﺕ ﺧﺎﻻﺗﻚ ﻣﺎﺗﻌﻴﺪﺵ ﻋﻠﻴﻬﻢ .. ﻳﺎﺭﻳﺘﻚ ﺣﺘﻰ ﺳﻠﻤﺖ ﺑﻴﺪﻙ ﻳﺎﺳﻴﺪﻱ .. ﻭﺍﻟﻠﻪ ﺻﺪﻣﺘﻨﻲ ﻓﻴﻚ ..
ﻣﺎﻟﻚ ﺑﺤﺪﻩ : ﻧﻮﺭ ﺍﻣﻮﺭ ﺯﻱ ﻫﺎﺩﻱ ﻣﺎﺗﺪﺧﻠﻴﺶ ﻓﻴﻬﺎ ﺍﺭﺟﻮﻙ .
ﻧﻮﺭ : ﻛﻴﻒ ﻣﺎﻧﺪﺧﻠﺶ ﻓﻴﻬﺎ ﻗﻮﻟﻲ .. ﺍﻟﻠﻲ ﺩﺭﺗﻪ ﺍﻧﻲ ﻣﺎﻧﺮﺿﺎﺷﻲ .. ﻭﻣﺎﻧﺮﺿﺎﺵ ﻧﺸﻮﻓﻚ ﺗﻐﻠﻂ ﻭﻣﺎﻧﺒﻬﻜﺶ ..
ﻣﺎﻟﻚ : ﻧﻮﺭ ﺍﻧﺘﻲ ﻣﺶ ﻭﺍﺻﻠﻚ ﺷﻲ ﻫﺪﺍ ﻋﻼﺵ ﻣﺶ ﺣﺘﻔﻬﻤﻲ ﻋﻠﻴﺎ ..
ﻧﻮﺭ ﺑﺮﻓﻌﺔ ﺣﻮﺍﺟﺐ : ﻗﺼﺪﻙ ﻫﻜﻲ ﺗﻔﻜﺮ ﺍﻧﺖ؟
ﻣﺎﻟﻚ : ﻧﻮﺭ .. ﺍﺭﺟﻮﻙ ﺳﻜﺮﻱ ﻉ ﺍﻟﻤﻮﺿﻮﻉ ..
ﻧﻮﺭ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺗﻤﺎﻡ .. ﻭﺻﻜﺮﺕ ﻓﻮﺟﻬﻪ ﻭﺻﻜﺮﺕ ﺍﻟﺘﻠﻴﻔﻮﻥ ﻭﻣﺸﺖ
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻫﻲ ﺷﺎﺩﻩ ﺩﻣﻮﻋﻬﺎ ..
ﺍﻣﺎ ﻫﻮ ﺭﻗﻴﺘﻠﻪ ﻟﻤﺎ ﺻﻜﺮﺕ ﻋﻠﻴﻪ ..
ﻭﺍﻧﻐﻤﺖ ﻣﺮﺓ ﻭﺣﺪﻩ ﻟﻤﺎﻋﺎﻭﺩ ﻋﻠﻴﻬﺎ ﻭﻋﻄﺎﻩ ﻣﻘﻔﻞ ..
🍃 ﻭﻫﺎﺩﻱ ﺍﻭﻝ ﻣﺸﻜﻠﻪ ﺗﺼﻴﺮ ﺑﻴﻨﺎﺗﻬﻢ ﻓﻲ ﺑﺪﺍﻳﺔ ﻃﺮﻳﻘﻬﻢ 🍃
🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ...
ﺣﺪﺍ ﺍﻟﻔﺮﻥ ..
ﺍﻟﺨﻮﺍﺕ ﻭﻣﻌﺎﻫﻢ ﻟﻄﻴﻔﻪ ..
ﺯﻳﻨﺐ : ﺣﻤﻴﺪﺍ ﻋﻨﺪﻩ ﺍﻟﺨﺒﻴﺚ !!
ﺣﻤﻴﺪﻩ : ﺍﻳﻪ ﻓﻲ ﺍﻟﻤﻌﺪﻩ ... ﻳﻤﻬﻞ ﻭﻻﻳﻬﻤﻞ ..
ﺷﺒﺤﺖ ﻟﻄﻴﻔﻪ ﻟﺤﻤﻴﺪﻩ ﺑﺈﺳﺘﻨﻜﺎﺭ ..
ﻏﺎﻟﻴﻪ : ﺍﻟﺸﻤﺎﺗﻪ ﻣﺶ ﺑﺎﻫﻴﻪ ﻳﺎﺣﻤﻴﺪﻩ ..
ﺯﻳﻨﺐ : ﻣﺶ ﺷﻤﺎﺗﻪ ﻟﻜﻦ ﺍﻟﻠﻲ ﻳﺪﻳﺮ ﻳﻠﻘﻰ ..
ﻟﻄﻴﻔﻪ : ﺧﻼﺹ ﺗﻮﺍ ﺍﻟﻠﻲ ﺻﺎﺭ ﺻﺎﺭ ﻭﻫﻮ ﻣﻜﺘﻮﺑﻠﻪ ﻳﻨﺼﺎﺏ ﺑﻬﺎﻟﻤﺮﺽ ... ﺍﻫﻲ ﻏﺎﻟﻴﻪ ﻋﺎﻳﺸﻪ ﻭﻣﺮﺗﺎﺣﻪ .. ﺗﺨﺎﻳﻠﻴﻬﺎ ﺧﺪﺍﺗﻪ ﺭﺍﻫﻮ ﺗﻮﺍ ﺗﻌﺎﻧﻲ ﻭﻣﻤﻜﻦ ﺗﺘﺮﻣﻞ ﺑﻌﺪ ﻛﻢ ﺷﻬﺮ ..
ﻏﺎﻟﻴﻪ ﺍﺑﺘﺴﻤﺖ ﻭﻗﺎﻟﺖ ﻓﺴﺮﻫﺎ " ﺍﻟﺤﻤﺪﻟﻠﻪ "
ﻛﻔﺎﻳﻪ : ﻋﻨﺪﻙ ﺣﻖ .. ﺳﺒﺤﺎﻥ ﺍﻟﻠﻪ ﺍﻟﻮﺍﺣﺪ ﻣﺎﻳﻌﺮﻓﺶ ﺧﻴﺮﺗﻪ ﻭﻳﻦ ..
ﻧﻌﻴﻤﻪ ﺍﺑﺘﺴﻤﺖ ﺑﺄﻟﻢ : ﺻﺢ ..
ﺯﻳﻨﺐ ﻭﺣﻤﻴﺪﻩ ﻣﺶ ﻋﺎﺟﺒﻬﻢ ﺍﻟﻜﻼﻡ ﻭﻭﺟﻮﻫﻢ ﺍﻧﻘﻠﺒﺖ ..
ﻭﻏﺎﻟﻴﻪ ﻻﺣﻈﺘﻬﻢ ..
ﺍﺿﺎﻳﻘﺖ ... ﺑﻌﺪﻳﻦ ﺍﻟﺘﻔﺘﺖ ﻟﻠﻔﺮﻥ ﺑﺶ ﺗﺸﻮﻑ ﺍﻟﺨﺒﺰﺓ ..
🍁🍁🍁🍁🍁
ﺣﺪﺍ ﺍﻟﺠﺮﺩﻳﻨﻪ ..
ﺧﻴﺮﻙ ﻣﺎﻟﻚ؟؟
ﻣﺎﻟﻚ : ﻧﺒﻲ ﻣﻨﻚ ﺧﺪﻣﻪ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﺷﻦ ﻫﻲ ..
ﻣﺎﻟﻚ : ﺍﺣﻤﻢ .. ﺣﻚ ﻟﺤﻴﺘﻪ ﺑﻌﺪﻳﻦ ﻗﺎﻝ .. ﺻﺎﺭ ﺑﻴﻨﻲ ﻭﺑﻴﻦ ﻧﻮﺭ ﺳﻮﺀ ﺗﻔﺎﻫﻢ ﻟﻮ ﻓﻴﻬﺎ ﻛﻴﻒ ﺗﺨﺸﻲ ﺑﻴﻨﻲ ﻭﺑﻴﻨﻬﺎ ﺑﺎﻟﺨﻴﺮ ..
ﺭﺍﻧﻴﺎ ﺑﻀﺤﻜﻪ : ﺣﺎﺿﺮ .. ﺭﻏﻢ ﺍﻥ ﻣﺴﺘﻐﺮﺑﻪ ﻛﻴﻒ ﻧﺴﻴﻤﻪ ﺯﻱ ﻧﻮﺭ ﺗﺘﻌﺎﺭﻙ ..
ﻣﺎﻟﻚ : ﺍﻧﻲ ﺍﻟﻠﻲ ﻣﺎﻧﺼﻠﺤﺶ ..
ﺍﺑﺘﺴﻤﺖ ﺭﺍﻧﻴﺎ ..
ﻣﺎﻟﻚ : ﻣﺶ ﻭﺍﺧﺪﻩ ﻣﻨﻲ ﻣﻮﻗﻒ؟
ﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻧﺎﻓﻴﻪ ﻟﻜﻼﻣﻪ ﻭﻫﻲ ﻣﺒﺘﺴﻤﻪ ..
ﻣﺎﻟﻚ ﺑﺈﺑﺘﺴﺎﻣﻪ : ﺭﺑﻲ ﻳﻜﻤﻠﻚ ﺑﻌﻘﻠﻚ .. ﻫﻲ ﺍﻧﻲ ﻣﺎﺷﻲ .. ﺳﻼﻡ ..
ﺭﺍﻧﻴﺎ ﻭﻫﻲ ﺗﺸﻮﻓﻠﻪ ﻭﻫﻮ ﻣﺎﺷﻲ : ﺳﻼﻡ ..
ﻏﻴﺮﺕ ﻋﻴﻮﻧﻬﺎ ﻋﻦ ﻣﺎﻟﻚ ﻟﺪﻻﻝ ..
ﻟﻘﺘﻬﺎ ﻗﺎﻳﻤﻪ ﻣﻌﻤﺮ ﻓﻴﺪ ﻭﺷﺎﺩﻩ ﻳﺪ ﺟﻮﺍﺩ ﺑﻴﺪﻫﺎ ﺍﻟﺘﺎﻧﻴﻪ ﻭﺗﺪﻫﻮﺭ ﻫﻴﺎ ﻭﻳﺎﻫﻢ ﻓﻲ ﺍﻟﻘﻄﻌﻪ ..
ﻛﺎﻧﺖ ﻻﺑﺸﻪ ﻗﻔﻄﺎﻥ ﻭﺍﺳﻊ ﻟﻮﻧﻪ ﺍﺯﺭﻕ ﻛﺤﻠﻲ .. ﻭﻧﻔﺲ ﺍﻟﺸﺎﺭﺑﻪ ﺍﻟﻜﺒﻴﺮﺓ ﺍﻟﻜﺮﻳﻤﻴﻪ ..
ﺭﺍﻧﻴﺎ ﻓﻬﻤﺖ ﺍﻥ ﺩﻻﻝ ﺗﺒﻲ ﺗﻘﻌﺪ ﺭﺍﺑﻄﻪ ﻉ ﻋﻤﺎﺭ ﻃﻮﻝ ﻋﻤﺮﻫﺎ ..
ﻭﺟﻌﺘﻬﺎ ﻉ ﺍﻷﺧﺮ ...
ﺷﺎﻓﺘﻬﺎ ﻭﻫﻲ ﻛﻴﻒ ﻗﻌﻤﺰﺕ ﻉ ﺭﺷﺎﺩﻩ ﺗﺤﺖ ﺷﺠﺮﺓ ﺍﻟﻨﺒﻖ ..
ﻭﺣﺎﻃﻪ ﻣﻌﻤﺮ ﻓﻲ ﺣﺠﺮﻫﺎ ..
ﻭﺟﻮﺍﺩ ﻗﻌﻤﺰ ﻉ ﺍﻟﻮﻃﺎ ﺣﺪﺍﻫﺎ ﻭﻳﻠﻌﺐ ﺑﺴﻴﺎﺭﺗﻪ ..
ﺭﻛﺰﺕ ﻉ ﻧﻈﺮﺍﺗﻬﺎ ﻟﺼﻐﺎﺭﻫﺎ ﻛﻴﻒ ﻛﺎﻧﻮﺍ ﻧﻈﺮﺍﺕ ﺃﻟﻢ ..
ﻗﺎﻣﺖ ﻳﺪﻫﺎ ﻭﻣﺴﺤﺖ ﺧﺪﻫﺎ ..
ﻋﺮﻓﺖ ﺍﻥ ﺩﻣﻮﻋﻬﺎ ﻧﺰﻟﻮﺍ ...
ﺗﻨﻬﺪﺕ ﺭﺍﻧﻴﺎ ﺑﺄﻟﻢ ... ﻭﻣﺸﺖ ﺧﺸﺖ ﻟﻠﺤﻮﺵ ﺑﺶ ﺗﻜﻠﻢ ﻧﻮﺭ ..
🍁🍁🍁🍁
ﺗﻔﻀﻞ ﻳﺎﺻﺪﻳﻖ ﺗﻔﻀﻞ ..
ﺍﻟﺼﺪﻳﻖ : ﻳﺰﻳﺪ ﻓﻀﻠﻚ ..
ﺧﺶ ﺍﻟﻤﺮﺑﻮﻋﻪ ...
ﻭﻗﻌﻤﺰ ..
ﻧﺎﺟﻲ : ﺷﻮﻳﻪ ﻭﺟﺎﻱ ..
ﺍﻟﺼﺪﻳﻖ ﺑﺈﺑﺘﺴﺎﻣﻪ : ﺧﻮﺩ ﺭﺍﺣﺘﻚ ..
...
ﻃﻠﻊ ﻧﺎﺟﻲ ﻣﻦ ﺣﺪﺍﻩ .. ﻭﻣﺸﻲ ﻟﻠﻜﻮﺟﻴﻨﻪ ..
ﻧﺎﺟﻲ : ﺩﻳﺮﻥ ﻗﻼﻳﻪ ..
ﺣﻠﻴﻤﻪ ﺑﺈﺑﺘﺴﺎﻣﻪ ﻋﺮﻳﻀﻪ : ﺣﺎﺿﺮ ...
ﺍﺳﺘﻐﺮﺏ ﻧﺎﺟﻲ .. ﻭﻃﻠﻊ ..
ﺍﻟﺘﻔﺘﺖ ﺣﻠﻴﻤﻪ ﻟﻠﻜﻨﺎﻳﻦ : ﺍﻃﻠﻌﻦ ﺍﻧﺘﻦ ﻣﺎﻧﻌﺮﻑ ﻧﺪﻳﺮ ﺷﻲ ﻭﻓﻲ ﺣﺪ ﺣﺪﺍﻱ ﻓﻲ ﺍﻟﻜﻮﺟﻴﻨﻪ
ﺷﺒﺤﻮﻟﻬﺎ ﺯﻭﺯ ﺑﺈﺳﺘﻐﺮﺍﺏ ﺑﻌﺪﻳﻦ ﻃﻠﻌﻮﺍ ..
ﺍﻣﻴﺮﺓ ﺑﻬﻤﺲ : ﻫﺪﻱ ﺧﻴﺮﻫﺎ ..
ﺍﺣﻼﻡ : ﻭﺣﺪﻩ ﻣﺘﻠﻔﻪ ..
ﻓﻲ ﺍﻟﻜﻮﺟﻴﻨﻪ ..
ﺗﻘﺮﺽ ﻓﻲ ﺍﻟﻠﺤﻢ ﻭﻫﻲ ﺗﻐﻨﻲ : ﺍﻟﻄﻴﺮ ﺍﻟﺤﺮ ﻣﻨﻴﻦ ﻫﺒﻂ ..
ﻉ ﻣﺮﺑﻮﻋﺔ ﺑﻮﻫﺎ ﺣﻂ ...
🍁🍁🍁🍁🍁
ﺣﺪﺍ ﺍﻟﺒﻮﺍﺑﻪ ﻣﺘﺎﻉ ﺍﻟﺤﻮﺵ ﺍﻟﻘﺪﻳﻢ ...
ﻗﺎﻋﺪﻩ ﻧﺎﺧﺪ ﻓﻲ ﺍﻻﺩﻭﻳﻪ ﻭﻧﺪﻳﺮ ﻓﻲ ﻛﻞ ﺷﻲ ﻟﻜﻦ ﻣﺎﻓﻴﺶ ﻓﺎﻳﺪﻩ ..
ﻧﻌﻴﻤﻪ : ﺍﻧﺘﻲ ﻏﻴﺮ ﺣﺎﻭﻟﻲ ﺗﺮﻭﻗﻲ ﻭﻣﺎﺗﻌﺒﻴﺶ ﻧﻔﺴﻴﺘﻚ ﻳﺎﺣﻤﻴﺪﻩ ..
ﺣﻤﻴﺪﻩ : ﻛﺎﻥ ﺗﺴﻤﻌﻲ ﺗﻠﻘﻴﺢ ﺍﻣﻪ ﻭﺧﻮﺍﺗﻪ ﻳﺎﻧﻌﻴﻤﻪ ..
ﺯﻳﻨﺐ : ﻋﻄﻴﻬﺎ ﻣﺎﻳﺮﻓﻌﻬﺎ ﻋﺰﻭﺯ ﺍﻟﻨﺎﺭ ﻫﺎﺩﻱ .
ﺣﻤﻴﺪﻩ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ : ﺗﻌﺮﻓﻲ ﻳﻮﻣﻬﺎ ﻃﺎﻟﻌﻪ ﻟﻠﺠﻨﺎﻥ ﻭﻳﻦ ﺭﺕ ﺣﻨﻴﻦ ﺗﻠﻌﺐ ﻗﻌﺪﺕ ﺗﻘﻮﻝ ﻳﺎﻧﺎﺭﻱ ﻋﻠﻴﻚ ﻳﺎﻭﻟﺪﻱ ﻣﻘﻄﻮﻉ ﺍﻟﺨﻠﻒ ﻣﺎﻋﻨﺪﻙ ﻣﻦ ﻳﺎﺧﺪ ﺍﺳﻤﻚ ﻣﻦ ﺑﻌﺪﻙ ..
ﻭﻗﻌﺪﺕ ﺗﺪﻋﻲ ﻉ ﺣﻨﻴﻦ ..
ﻧﻌﻴﻤﻪ ﺑﺼﺪﻣﻪ : ﺷﻦ ﺍﻟﺒﻨﺎﺩﻣﻪ ﻫﺎﺩﻱ ﻣﻌﻘﻮﻟﻪ ﺗﺪﻋﻲ ﻉ ﻣﻠﻴﻜﻪ ..
ﺯﻳﻨﺐ؛ﺟﻌﻨﻬﺎ ﺗﻠﻘﺎﻩ ﺍﻟﺤﻘﻴﺮﺓ ..
ﺣﻤﻴﺪﻩ ﻭﺩﻣﻮﻋﻬﺎ ﻳﻨﺰﻟﻮﺍ : ﻳﻮﻣﻬﺎ ﻉ ﺍﻟﺼﺒﺢ ﻓﺘﺤﺖ ﺭﻭﺷﻦ ﺍﻟﻜﻮﺟﻴﻨﻪ ﻛﺎﻥ ﻧﻘﻮﻟﻠﻜﻦ ﺷﻦ ﻟﻘﻴﺘﻬﺎ ﺍﺩﻳﺮ
ﺯﻳﻨﺐ ﻭﻧﻌﻴﻤﻪ : ﺷﻨﻲ !!
ﺣﻤﻴﺪﻩ : ﺗﻠﻮﺡ ﻓﻲ ﺍﻟﻜﻨﺎﺳﻪ ﻓﻲ ﺟﻨﺎﻧﻲ ... ﺗﻜﻔﻲ ﻓﻲ ﺷﻜﺎﺭﺓ ﺍﻟﻜﻨﺎﺳﻪ ﻭﺗﻨﻔﺾ ﻓﻴﻬﺎ ﻧﻔﺾ
ﺯﻳﻨﺐ ﺑﺼﺪﻣﻪ : ﻫﺎﻟﻴﻬﻮﺩﻳﻪ ﺑﻨﺖ ﺍﻟﻜﻠﺐ
ﻧﻌﻴﻤﻪ : ﻫﺎﺩﻱ ﺧﻴﺮﻫﺎ ﺷﻦ ﺟﺎﻫﺎ ﻋﻠﻴﻚ
ﺣﻤﻴﺪﻩ ﻭﻫﻲ ﺗﺮﺷﻒ : ﻳﺎﻻﺵ ﺍﻥ ﻭﻟﺪﻫﺎ ﺩﻳﻤﺎ ﻭﺍﻗﻒ ﻣﻌﺎﻱ ﺿﺪﻫﺎ .. ﻗﺒﻞ ﺗﺒﻴﻨﻲ ﻧﻘﻌﺪ ﺧﺪﺍﻣﻪ ﺗﺤﺘﻬﺎ ﺍﻟﺸﻴﻄﺎﻧﻪ .. ﺗﺤﺴﺎﺑﻨﻲ ﻣﺎﺻﺪﻗﺖ ﺣﺼﻠﺖ ﺭﺍﺟﻞ ..
ﻧﻌﻴﻤﻪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﺯﻳﻨﺐ : ﻓﻮﺗﻴﻬﺎ ﻣﺎﺩﻭﺭﻳﻬﺎﺵ ﻣﺎﺩﺍﻡ ﺭﺍﺟﻠﻚ ﻣﻌﺎﻙ ﻛﻮﻳﺲ ﻓﻮﺗﻲ ..
ﺣﻤﻴﺪﻩ : ﺧﺎﻳﻔﺎﺗﻪ ﻳﺘﺎﺛﺮ ﺑﻜﻼﻣﻬﻢ ﺧﺎﻳﻔﻪ ﻭﺍﺟﺪ ..
ﻧﻌﻴﻤﻪ ﺷﺒﺤﺖ ﻟﺰﻳﻨﺐ ﺑﻀﻴﻖ ..
ﺯﻳﻨﺐ : ﺭﺑﻲ ﻣﺎﻳﻐﻴﺮﻩ ﻋﻠﻴﻚ ﺇﻥ ﺷﺎﺀ ﺍﻟﻠﻪ ﺭﺍﺟﻠﻚ ﻛﻮﻳﺲ ﻳﺎﺣﻤﻴﺪﻩ ..
ﻧﻌﻴﻤﻪ : ﺻﺢ ﺍﻟﺼﺪﻳﻖ ﺭﺍﺟﻞ ﻛﻮﻳﺲ ..
ﻣﺴﺤﺖ ﺩﻣﻮﻋﻬﺎ ﺣﻤﻴﺪﻩ ﻭﻗﻌﺪﺕ ﺳﺎﻛﺘﻪ ...
ﻭﻣﻦ ﺩﺍﺧﻞ ﻫﻮﺍﺟﺲ ﻳﺎﻫﻮﺍﺟﺲ ...
🍁🍁🍁🍁🍁
ﺍﻟﺴﺎﻋﻪ 6:00 ﻣﺴﺎﺀﺍ ..
ﻃﻠﻌﺖ ﻫﻲ ﻭﺍﻟﺒﻨﺎﺕ ﻣﻦ ﺣﻮﺷﻬﻢ ..
ﻧﺴﻴﺒﻪ : ﺧﻼﺹ ﺑﻴﻨﺎﺗﻨﺎ ﺁﻟﻮ ..
ﺭﺯﺍﻥ : ﺍﻧﻲ ﺍﻭﻝ ﻳﻮﻡ ﻣﺶ ﺣﻨﻌﺪﻱ ﻋﺪﻥ ﺍﻧﺘﻦ ﻭﻗﻮﻟﻠﻲ ﺷﻦ ﺍﻟﺠﻮ ..
ﺩﻧﻴﺎ : ﺑﺎﻫﻲ ..
ﺑﻠﻘﻴﺲ ﻣﺶ ﻣﻌﺎﻫﻢ ﺑﻜﻞ ﺍﺩﻭﺭ ﺑﻌﻴﻮﻧﻬﺎ ﻓﺤﺒﻴﺐ ﺍﻟﻘﻠﺐ ...
ﻭﻣﺎﻓﻴﺶ ﻟﻴﻪ ﺍﺛﺮ ﻭﺭﺯﺍﻥ ﻣﻼﺣﻈﺘﻬﺎ ...
ﺷﻮﻳﻪ ..
ﺑﻠﻘﻴﺲ : ﺣﻴﻴﻲ ﻋﻠﻴﻪ ﻭﻟﺪ ﻋﻤﺘﻚ ﻫﺪﻯ ﻛﻴﻒ ﻣﻮﻟﻲ ..
ﺷﺒﺤﻮﺍ ﺍﻟﺒﻨﺎﺕ ﻭﻳﻦ ﻣﺎﺗﺸﺒﺢ ﺑﻠﻘﻴﺲ ..
ﻭﺭﺯﺍﻥ ﻣﻌﺎﻫﻢ ...
ﻓﻨﺼﺖ ﻋﻴﻮﻧﻬﺎ ﻭﻫﻲ ﺗﺸﻮﻑ ﻓﻲ ﻋﻤﺎﺩ ﻳﻬﺪﺭﺯ ﺑﺎﻟﺘﻠﻴﻔﻮﻥ ﻭﻫﻮ ﻳﻤﺸﻲ ..
ﺑﺪﻭﻥ ﻣﺎﺗﺸﻌﺮ ..
ﻧﻄﺖ ﻗﺪﺍﻡ ﺍﻟﺒﻨﺎﺕ ﻓﺠﺄﺓ : ﺍﻳﻪ .. ﺧﻼﺹ .. ﺍﻧﻲ ﺗﻮ ﻧﻜﻠﻤﻜﻦ ..
ﻧﺴﻴﺒﻪ : ﺍﻟﻠﻪ ﺍﻛﺒﺮ ﻫﺪﻯ ﺷﻨﻲ 😍
ﺩﻧﻴﺎ : ﻛﻼ ﻋﻴﺖ ***** ﺍﻷﻧﺘﺎﺝ ﻋﻨﺪﻫﻢ ﻛﺎﺭﺛﻪ 😍
ﺭﺯﺍﻥ ﻭﻗﻔﺖ ﻉ ﺭﻭﺱ ﺻﺒﺎﻋﻬﺎ ﻣﺤﺎﻭﻟﺔ ﻣﻨﻬﺎ ﺍﻧﻬﺎ ﺍﺩﺭﻕ ﻋﻤﺎﺩ ﻋﻦ ﻋﻴﻮﻧﻬﻢ ..
ﻟﻜﻦ ﺷﻦ ﺑﺪﺭﻕ ﻣﺴﻜﻴﻨﻪ 😂...
ﻫﻤﺎ ﻭﻳﻦ ﺩﺭﻕ ﻋﻠﻴﻬﻢ ﻣﻦ ﺟﻬﺔ ﻳﺸﺒﺤﻮﺍ ﻣﻦ ﺍﻟﺜﺎﻧﻴﻪ ..
ﺍﻟﺘﻔﺘﺖ ﻟﻘﺎﺗﻪ ﻭﺍﻗﻒ ﻳﻬﺪﺭﺯ ﻭﻳﻀﺤﻚ ..
ﺷﺒﺤﺘﻠﻬﻢ ﻛﻴﻒ ﻣﺴﻬﻤﺎﺕ ﻓﻴﻪ ..
ﺍﻟﺒﻨﺖ ﻧﺎﺭ ﺗﺤﺮﻕ ﻓﻴﻬﺎ ﻣﻌﺎﺵ ﺗﺤﻤﻠﺖ ﻭﻗﺎﻟﺖ : ﺗﺮﺍ ﺭﻭﺣﻦ ..
ﺷﺒﺤﻮﻟﻬﺎ ﺑﺘﻔﻨﻴﺼﻪ ..
ﻭﺑﻠﻘﻴﺲ ﺷﺎﺩﻩ ﺿﺤﻜﺘﻬﺎ ...
ﻧﺴﻴﺒﻪ : ﺗﻠﺰﻱ ﻓﻴﻨﺎ ..
ﺭﺯﺍﻥ ﺑﺤﺪﻩ : ﺍﻳﻪ ﺑﺎﻫﻲ !!
ﻧﺴﻴﺒﻪ ﺟﺒﺪﺕ ﺻﺎﺣﺒﺘﻬﺎ ﻭﻣﺸﻮﺍ ﻣﻊ ﺑﻌﺾ ﻭﻫﻤﺎ ﺣﺮﺟﻨﺎﺕ ..
ﻟﺤﻘﺘﻬﻢ ﺑﻠﻘﻴﺲ ﻭﻫﻲ ﺗﻀﺤﻚ : ﻏﻴﺮ ﺭﺍﺟﻨﻲ ..
ﺭﺯﺍﻥ ﻟﺤﻘﺘﻬﻢ ﻷﻧﻬﻢ ﺣﻴﺨﻄﻤﻮﺍ ﺟﻨﺐ ﻋﻤﺎﺩ ...
ﻓﺎﺗﻮﺍ ﻣﻦ ﺣﺪﺍﻩ ...
ﻭﻫﻮ ﻣﻨﺴﺠﻢ ﻣﻊ ﺍﻟﻤﻜﺎﻟﻤﻪ ..
ﺭﺯﺍﻥ : ﻫﻴﺎ ﺑﺴﺮﻋﻪ ..
ﺩﻧﻴﺎ ﺑﺼﺪﻣﻪ : ﺭﺯﺍﻥ !!
ﺑﻠﻘﻴﺲ ﺑﻀﺤﻜﻪ : ﻳﺎﻭﺩﻱ ﻫﻴﺎ ﺳﻘﺪﻥ ﺍﺭﻭﺍﺣﻜﻦ ...
ﻭﺣﻄﺖ ﺍﻳﺪﻳﻬﺎ ﻉ ﻇﻬﻮﺭﻫﻢ ﻭﻗﻌﺪﺕ ﺍﻃﻠﻊ ﻓﻴﻬﻢ ..
ﻟﻌﻨﺪ ﻗﺮﺑﻮﺍ ﻣﻦ ﻓﻢ ﺍﻟﻘﻄﻌﻪ ..
ﺟﻲ ﻣﺤﻤﺪ ﺧﺎﺵ ...
ﺷﺒﺤﻮﻟﻪ ...
ﺑﻠﻘﻴﺲ : ﻫﻴﺎ ﻋﺪﻥ ﺍﻃﻠﻌﻦ ﻋﻠﻴﻚ ﻟﺼﺎﻗﻲ ...
ﻭﺍﻟﺒﻨﺎﺕ ﻣﺼﺪﻭﻣﺎﺕ ...
ﻧﺴﻴﺒﻪ : ﺍﺧﺮ ﻣﺮﺓ ﻧﺨﻠﻂ ﻋﻠﻴﻜﻦ ..
ﺩﻧﻴﺎ : ﺷﻴﻨﻚ ﺧﻠﻄﻪ ..
ﻭﻣﺸﻮﺍ ﻫﻤﺎ ﺍﻟﺰﻭﺯ ...
ﺑﻠﻘﻴﺲ : ﺳﺤﻘﻪ ﻭﻣﺤﻘﻪ .. ﻭﺍﻟﺘﻔﺘﺖ ﻭﻗﻌﺪﺕ ﺗﺸﻮﻑ ﻟﻤﺤﻤﺪ ﻣﻦ ﺑﻌﻴﺪ ﻛﻴﻒ ﻳﻬﺪﺭﺯ ﻫﻮ ﻭﻋﻤﺎﺩ ..
ﺭﺯﺍﻥ : ﻋﺪﻱ ﺭﻭﺣﻲ ﺣﺘﻰ ﺍﻧﺘﻲ ..
ﺑﻠﻘﻴﺲ : ﻋﻴﻨﻚ ﻳﺎﻣﺼﺪﻳﻪ ..
ﺭﺯﺍﻥ ﺿﺤﻜﺖ .. ﻭﻗﻌﺪﺕ ﺗﺸﻮﻑ ﻟﻌﻤﻬﺎ ﻛﻴﻒ ﻭﺍﻗﻒ ﻉ ﻋﻤﺎﺩ ﻭﻳﻬﺪﺭﺯﻭﺍ ﻋﺎﺩﻱ ..
ﺍﺑﺘﺴﻤﺖ ..
ﺗﻠﻔﺖ ﻣﺤﻤﺪ .. ﻭﺷﺒﺢ ﺟﻴﻬﺘﻬﻢ ..
ﺑﻠﻘﻴﺲ ﻟﻔﺖ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﻪ : ﻳﺸﺒﺤﻠﻲ ﻭﻻ ..
ﺭﺯﺍﻥ : ﻻﺑﺲ ﻧﻈﺎﺭﺍﺕ ﻭﻳﻦ ﻧﻌﻠﻢ ﻋﻠﻴﻪ ..
ﺑﻠﻘﻴﺲ : ﺑﺎﻫﻲ ﻣﺎﺯﺍﻝ ﻳﺸﺒﺢ ﻫﻨﻰ ..
ﺭﺯﺍﻥ ﺑﻀﺤﻜﻪ : ﻋﺪﺍ ﻣﻦ ﺑﻜﺮﻱ ..
ﺍﻟﺘﻔﺘﺖ ﺑﻠﻘﻴﺲ ﻣﺎﻟﻘﺖ ﺣﺪ ..
ﻻﻣﺤﻤﺪ ﻻﻋﻤﺎﺩ ..
ﺑﻠﻘﻴﺲ : ﻋﻤﻚ ﻫﺪﻯ ﻃﻠﻊ ﻋﻴﻮﻧﻲ ..
ﺭﺯﺍﻥ : ﻗﺘﻠﻚ ﻗﺒﻞ ﻓﻮﺗﻲ ﺍﻧﺴﻲ ﻣﺤﻤﺪ ﻭﺍﻟﻠﻪ ﻣﺎﺻﺎﻳﺮﻟﻚ ﻣﻨﻪ ﺍﻧﺘﻲ ﺷﻲ ﻗﺎﻋﺪﻩ ﺗﺠﺮﻱ ﻭﺭﺍ ﺳﺮﺍﺏ ..
ﺑﻠﻘﻴﺲ ﺷﺒﺤﺘﻠﻬﺎ ﺑﻀﻴﻖ ﺑﻌﺪﻳﻦ ﻗﺎﻟﺖ : ﺑﻨﺮﻭﺡ .. ﺳﻼﻡ ..
ﻭﻣﺸﺖ ﻃﻠﻌﺖ ﻣﻦ ﻓﻢ ﺍﻟﻘﻄﻌﻪ ..
ﺿﺤﻜﺖ ﺭﺯﺍﻥ ...
ﺑﻌﺪﻳﻦ ﺧﺸﺖ ﺩﺍﺧﻞ ..
ﺷﺒﺤﺖ ﺟﻬﺔ ﺍﻟﺤﻮﺵ ﺍﻟﻘﺪﻳﻢ ..
ﺑﺎﻧﻮﺍ ﻋﻠﻴﻬﺎ ﻋﻤﺎﺗﻬﺎ ﻣﻠﺘﻤﺎﺕ ﺣﺪﺍ ﺍﻟﻔﺮﻥ ..
ﻭﺷﺒﺤﺖ ﺩﻻﻝ ﻣﺎﺷﻴﺘﻠﻬﻢ ﻫﻲ ﻭﻭﻻﺩﻫﺎ ..
ﺗﻨﻬﺪﺕ ﺑﺄﻟﻢ ..
ﻛﻤﻠﺖ ﻃﺮﻳﻘﻬﺎ ﻭﻫﻲ ﻣﺎﺷﻴﻪ ﻭﺗﻔﻜﺮ ..
ﻭﺧﻄﺮ ﻋﻠﻴﻬﺎ ﺧﻮﻫﺎ ...
" ﻣﻠﻌﻘﻪ .."
ﺭﺯﺍﻥ " ﻭﻭﻭﻙ ﻳﺎﺭﺑﻲ .."😳
ﻭﻗﻌﺪﺕ ﺗﻤﺸﻲ ﺑﺴﺮﻋﻪ ..
ﻫﻮ ﺿﺤﻚ ..
ﺧﺶ ﻟﺤﻮﺵ ﺟﺪﻩ ﻣﻦ ﺍﻟﺒﺎﺏ ﺍﻟﻘﺪﺍﻣﻲ .. ﻭﻛﻤﻞ ﻟﻔﻢ ﺍﻟﺒﻮﺍﺑﻪ ﻭﻃﻠﻊ
ﻟﻘﺎﻫﺎ ﻛﻴﻒ ﺧﻄﻤﺖ ﻣﻦ ﺣﺪﺍ ﺍﻟﻤﻤﺮ ...
ﻣﺸﺎﻟﻬﺎ ﺑﺴﺮﻋﻪ ..
ﺍﻋﺘﺮﺽ ﻃﺮﻳﻘﻬﺎ ..
ﻭﻗﻔﺖ : ﻳﺎﺭﺑﻲ ﺍﻧﺖ ﺷﻦ ﺗﺒﻲ ﻣﻨﻲ ﺷﻦ ﺗﺒﻲ ..
ﻗﺎﻟﺖ ﻛﻼﻣﻬﺎ ﻭﻫﻲ ﺗﺮﺟﻒ ﻭﻋﻴﻮﻧﻬﺎ ﻟﻮﻃﺎ ..
ﻋﻤﺎﺩ ﺑﺈﺑﺘﺴﺎﻣﻪ : ﻧﺒﻲ ﻧﻜﻠﻤﻚ ﻓﻲ ﻣﻮﺿﻮﻉ ﺿﺮﻭﺭﻱ .. ﺟﺪﻳﺎﺕ ﻧﺤﻜﻲ ..
ﺭﻓﻌﺖ ﻋﻴﻮﻧﻬﺎ ﻓﻴﻪ : ﺷﻦ ﻫﻮ ؟
ﻋﻤﺎﺩ ﻗﻌﺪ ﻳﺸﺒﺢ ﻟﻌﻴﻮﻧﻬﺎ ﺑﻨﻈﺮﻩ ﺗﻠﻌﺐ ﺑﺎﻟﻘﻠﺐ ..
ﻫﻲ ﺍﺭﺗﺒﻜﺖ ﻭﻗﺎﻟﺖ : ﺍﺳﻤﻊ ﺭﺩﺑﺎﻟﻚ ﺗﺤﺴﺎﺑﻨﻲ ﻣﻦ ﺍﻟﺒﻨﺎﺕ ﺍﻟﻠﻲ ﺗﻌﺮﻓﻬﻢ ﺑﺘﻀﺤﻚ ﻋﻠﻴﺎ ﺑﺤﺮﻛﺎﺗﻚ ﺍﻟﻔﺎﺿﻴﻪ .. ﺍﺻﻼ ﺍﻧﺖ ﻛﻠﻚ ﻉ ﺑﻌﻀﻚ ﻣﺎﺗﺤﺮﻛﺶ ﻓﻴﺎ ﺷﻌﺮﺓ ... ﻣﺶ ﻧﺼﺪﻕ ﻛﻼﻣﻚ ﻭﺣﺮﻛﺎﺗﻚ ﺍﻟﺘﺎﻓﻬﻪ ..
ﻋﻤﺎﺩ : ﻋﺎﺭﻓﻚ ﻣﺶ ﺯﻳﻬﻢ .. ﺍﻧﺘﻲ ﻏﻴﺮ ... ﺍﻧﺘﻲ ﺑﻨﻴﺔ ﻗﻠﺒﻲ ...
ﻟﻤﺎ ﺳﻤﻌﺖ ﺍﻟﻜﻠﻤﻪ ﻗﺮﻳﺐ ﻣﺎﺗﺖ ...
ﻭﻗﻠﺒﻬﺎ ﺣﺴﺎﺗﻪ ﺑﻴﻄﻠﻊ ﻣﻦ ﻣﻜﺎﻧﻪ ...
ﻋﻤﺎﺩ؛ﺭﺯﻭﻧﻪ .. ﺑﻌﺪ ﺗﻜﻤﻠﻲ ﻗﺮﺍﻳﺘﻚ ﻓﻲ ﺍﻟﻤﺪﺭﺳﻪ ﺑﺈﺫﻥ ﺍﻟﻠﻪ ﺑﻨﺨﻄﺒﻚ ﻣﻦ ﺧﺎﻟﻲ ..
ﻗﻌﺪﺕ ﺗﺸﻮﻓﻠﻪ ﺯﻱ ﺍﻟﻤﺴﺒﻮﻫﻪ ..
ﺍﺑﺘﺴﻢ ﻭﻗﺎﻝ : ﺍﻧﻲ ﺭﺍﻫﻮ ﻗﺎﻋﺪ ﻧﺨﺒﺮ ﻓﻴﻚ .. ﻣﺎﻧﺎﺧﺪﺵ ﻓﺮﺍﻳﻚ ﻟﻬﺪﺍ ﻣﺶ ﺣﻨﻘﻮﻟﻚ ﻓﻜﺮﻱ ﻣﺎﻓﻜﺮﻱ ﻭﻣﺶ ﻋﺎﺭﻑ ﺷﻨﻮ ﺍﻟﻤﻮﺿﻮﻉ ﻣﺤﺴﻮﻡ ﺧﻼﺹ .. ﺗﻢ ﻓﻴﻪ ﺍﻟﻜﻼﻡ ...
ﻫﻲ ﺗﺸﺒﺤﻠﻪ ﻭﺧﻼﺹ ..
ﻭﻣﺘﺎﺧﺪﻩ ﺑﻴﻪ ..
ﺛﻘﺘﻪ ﺑﻨﻔﺴﻪ ﻭﻫﻮ ﻳﺘﻜﻠﻢ ﻣﺨﻠﻴﺘﻬﺎ ﺗﺰﻳﺪ ﺗﻨﺠﺬﺑﻠﻪ ﺍﻛﺜﺮ ﻭﺍﻛﺜﺮ ..
ﻋﻤﺎﺩ ﺑﺈﺑﺘﺴﺎﻣﻪ : ﻫﻲ ﺗﻮﺍ ﺑﺮﻱ ﻛﻤﻠﻲ ﻃﺮﻳﻘﻚ ... ﻭﺍﺧﺮ ﻣﺮﺓ ﺍﺧﺮ ﻣﺮﺓ ﻧﺸﻮﻓﻚ ﻻﺑﺴﻪ ﺍﻟﺴﺮﻭﺍﻝ ﺍﻫﻮﺍ ... ﻣﺎﺗﺨﻠﻨﻴﺶ ﻧﻘﻠﺐ ﻉ ﺍﻟﻮﺟﻪ ﺍﻟﺜﺎﻧﻲ ﺑﺎﻫﻲ .. ﻳﺎﺳﻤﺤﻪ ... ﻏﻤﺰ ﺑﻌﻴﻨﻪ ...
ﻫﻲ ﺭﻓﻌﺖ ﺣﻮﺍﺟﺒﻬﺎ ﻭﻫﻲ ﺗﺸﻮﻓﻠﻪ ﻛﻴﻒ ﻓﺎﺕ ﻣﻦ ﺣﺪﺍﻫﺎ ﻭﻣﺸﻲ ...
ﻗﻌﺪﺕ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﺍﺧﺘﻔﻲ ...
ﺍﺳﺘﺎﻗﻀﺖ ﻟﺮﻭﺣﻬﺎ ....
ﺭﺯﺍﻥ " ﻟﻴﺶ ﺗﺒﻜﺸﺖ ﻟﻴﺶ "...
ﺷﺒﺤﺖ ﻟﻠﺴﺮﻭﺍﻝ ﻭﻗﺎﻟﺖ : ﻳﻌﺪﻱ ﻳﻤﻠﺢ ...
ﻗﺎﻣﺖ ﺭﺍﺳﻬﺎ ﻭﺷﺒﺤﺖ ﻟﻠﻄﺮﻳﻖ ﺍﻟﻠﻲ ﻣﺸﻲ ﻣﻨﻬﺎ ...
ﺷﻘﻠﺒﺖ ﻋﻴﻮﻧﻬﺎ ﻭﻭﺟﻬﻬﺎ ﻣﺤﻤﺮ ﻗﺎﻟﺖ : ﻣﺎﻳﺎﺧﺪﻧﻲ ﻟﻮ ﻳﺼﺒﻲ ﻉ ﺭﻣﻮﺵ ﻋﻴﻮﻧﻪ ﻫﺪﻯ ﺍﻟﻠﻲ ﻛﺎﻥ ﻧﺎﻗﺺ 😳..
ﻭﻟﻔﺖ ﻭﻣﺸﺖ ﺑﺴﺮﻋﻪ ﻟﺤﻮﺷﻬﻢ ﻭﺧﺸﺖ ﻭﺻﻜﺮﺕ ﺍﻟﺒﺎﺏ ..
🍁🍁🍁🍁🍁
ﺍﻟﺴﺎﻋﻪ 11:00 ﻟﻴﻼ ..
ﻓﻲ ﻭﺣﺪﻩ ﻣﻦ ﺍﻟﺪﻳﺎﺭ ..
ﻛﺎﻧﻮﺍ ﻏﺎﻟﻴﻪ ﻭﺣﻤﻴﺪﻩ ﻭﺭﺑﺎﺏ ﻭﺭﺍﻧﻴﺎ ﻭﻧﻮﺭ ﻭﺩﻻﻝ ﻣﻘﻌﻤﺰﺍﺕ ﻣﻊ ﺑﻌﺾ ..
ﺩﻻﻝ ﺭﻗﺪﺕ ﺻﻐﺎﺭﻫﺎ ﺣﺪﺍﻫﺎ .. ﻭﻗﻌﺪﺕ ﻣﺘﻜﻴﻪ ﺗﺴﻤﻊ ﻓﻲ ﺍﻟﻬﺪﺭﺯﺓ ..
ﻏﺎﻟﻴﻪ : ﻣﺎﻧﻴﺶ ﻋﺎﺭﻓﻪ ﻛﺎﻥ ﻣﺎﺯﺍﻝ ﺧﻮﺍﻟﻚ ﻳﺨﻠﻮﻧﻲ ﻧﻮﻟﻲ ﻟﻠﺨﺪﻣﻪ ﻓﻬﺎﻟﻈﺮﻭﻑ ..
ﺭﺑﺎﺏ : ﺻﺢ ﺧﻞ ﻟﻴﻦ ﺍﻟﺪﻧﻴﺎ ﺗﻮﻟﻲ ﺍﻣﺎﻥ ﺷﻮﻳﻪ ..
ﺣﻤﻴﺪﻩ : ﻛﺎﻥ ﻣﺎﺯﺍﻝ ﻣﺸﺖ ﺍﻟﻘﺪﺍﻡ ..
ﻏﺎﻟﻴﻪ : ﻓﻜﻴﻨﺎ ﻣﻦ ﺍﻟﺘﺸﺎﺅﻡ ..
ﺣﻤﻴﺪﻩ : ﺍﻫﻮ ﻭﺟﻬﻲ ﻳﺎﻏﺎﻟﻴﻪ ﻛﺎﻥ ﻟﻴﺒﻴﺎ ﻫﺪﻱ ﻭﻟﺖ ﻭﺻﺎﺭ ﻣﻨﻬﺎ ..
ﺭﺍﻧﻴﺎ : ﺧﻠﻴﻨﺎ ﻧﺪﻋﻮﺍ ﻭﻧﻘﻮﻟﻮﺍ ﻳﺎﺭﺏ ﻳﺼﻴﺮ ﻣﻨﻬﺎ ﻉ ﺍﻷﻗﻞ ﻉ ﺧﺎﻃﺮ ﻫﺎﻟﺼﻐﻮﻳﺮﺓ ..
ﺷﺒﺤﺖ ﺣﻤﻴﺪﻩ ﻟﺒﻨﺘﻬﺎ ﻭﻗﻌﺪﺕ ﺳﺎﻛﺘﻪ ..
ﺭﻥ ﺗﻠﻴﻔﻮﻥ ﻏﺎﻟﻴﻪ ..
ﻏﺎﻟﻴﻪ : ﺍﻓﻔﻔﻔﻔﻔﻔﻔﻒ ..
ﺿﺤﻜﻮﺍ ﺍﻟﺒﻨﺎﺕ ..
ﺭﺑﺎﺏ : ﺧﻴﺮﻙ؟
ﻧﻮﺭ : ﻫﺪﺍ ﺍﻟﻠﻲ ﺷﺎﺩﻫﺎ ﻓﺠﺮﺗﻬﺎ ..
ﺭﺑﺎﺏ : ﻫﻬﻬﻬﻬﻪ .. ﺗﺮﺍ ﺑﺎﺍﻟﻠﻪ ﻫﺎﺗﻲ ﺧﻮﻳﻠﻪ ..
ﻏﺎﻟﻴﻪ : ﻻ ﺣﻴﻴﻪ ﻋﻠﻴﻚ ﻫﺪﻯ ﺍﻟﻠﻲ ﻣﺎﺯﺍﻝ ..
ﺭﺑﺎﺏ : ﻧﺒﻲ ﻧﺴﻤﻊ ﺻﻮﺗﻪ ﺑﺲ ..
ﺣﻤﻴﺪﻩ ﺑﻀﺤﻜﻪ : ﺣﺘﻰ ﺍﻧﻲ ..
ﻏﺎﻟﻴﻪ : ﻗﺴﻤﺎ ﺑﺎﻟﻠﻪ ﻳﺎﺭﺑﺎﺏ ﺗﻜﻠﻤﻴﻪ ﻳﺎﻭﻳﻠﻚ
ﺭﺑﺎﺏ : ﺍﻃﻤﻨﻲ ﻳﺎﻭﺩﻱ ﻣﺎﻧﺪﻳﺮﻫﺎﺵ ﻏﻴﺮ ﻫﺎﺗﻲ ..
ﻏﺎﻟﻴﻪ ﺑﺘﺮﺩﺩ ﻋﻄﺘﻬﺎ ﺍﻟﺘﻠﻔﻮﻥ ..
ﺧﺪﺍﺗﻪ ﺭﺑﺎﺏ ﻓﺼﻞ : ﺧﺴﺎﺍﺍﺭﺓ ..
ﺿﺤﻜﻮﺍ ..
ﻋﺎﻭﺩ ﺭﻥ ﻓﻲ ﻧﻔﺲ ﺍﻟﻠﺤﻈﻪ ..
ﺭﺑﺎﺏ : ﻫﻬﻬﻬﻬﻪ ... ﺍﺻﺼﺼﺺ ﻭﻻﻛﻠﻤﻪ ..
ﻓﺘﺤﺖ ﺍﻟﺨﻂ ﻭﺍﻟﻤﺎﻳﻚ ...
ﻭﻗﻌﺪﻭﺍ ﺳﺎﻛﺘﻴﻦ ﻭﻳﺘﺮﻗﺒﻮﺍ ..
" ﺍﻟﻮ .."
ﻓﻨﺼﻮﺍ ﺣﻤﻴﺪﻩ ﻭﻧﻮﺭ ﻭﺭﺑﺎﺏ ..
ﺍﻣﺎ ﺭﺍﻧﻴﺎ ﻭﺩﻻﻝ ﻛﺎﻧﻮﺍ ﻳﺮﺍﻗﺒﻮﺍ ﻓﻲ ﺍﻟﻮﺿﻊ ﺑﺈﺑﺘﺴﺎﻣﻪ ..
" ﺍﻳﻮﻩ .. ﺍﻟﻮ .."
ﺻﻜﺮﺕ ﺭﺑﺎﺏ ﻭﻫﻲ ﺗﻘﻮﻝ : ﻋﺬﺍﺏ ﺍﻟﺼﻮﺕ ..
ﺣﻤﻴﺪﻩ : ﻳﻬﺒﻞ ..
ﺧﺪﺕ ﻏﺎﻟﻴﻪ ﺍﻟﺘﻠﻴﻔﻮﻥ : ﻣﺎﻧﻲ ﻋﺎﺭﻓﻪ ﻛﻴﻒ ﻃﺎﻭﻋﺘﻜﻦ ..
ﻧﺎﺿﺖ ﻭﺻﻜﺮﺕ ﺍﻟﻀﻲ : ﻫﻲ ﺍﺭﻗﺪﻥ ..
ﺿﺤﻜﻮ ﻭﺍﻟﻠﻲ ﻫﺪﺍ ﺧﺸﺖ ﻓﺮﺍﺷﻬﺎ ..
🍃🍃🍃🍃🍃🍃
ﻓﺎﺗﻮﺍ ..
ﺗﺎﻟﺖ ﻭﺭﺍﺑﻊ ﻳﻮﻡ ﺍﻟﻌﻴﺪ
ﻭﺍﻻﺟﻮﺍﺀ ﺯﻱ ﻣﺎﻫﻲ ... ﻣﺎﻓﻲ ﺷﻲ ﺟﺪ ﻋﻠﻴﻬﻢ ..
ﺍﺧﻄﺎ ﻋﻤﺎﺩ ﻭﺣﺼﺎﺭﻩ ﻟﺮﺯﺍﻥ ﻭﻳﻦ ﻣﺎﻳﺸﻮﻓﻬﺎ ..
ﻭﻷﻧﻬﺎ ﺗﺤﺐ ﺗﺼﻜﺮ ﺭﺍﺳﻬﺎ ... ﻭﻣﺎﺗﺴﻤﻌﺶ ﻓﻲ ﺍﻟﻜﻼﻡ ..
...
ﻋﺪﻱ ﻏﻴﺮﻳﻪ ﻭﺟﻴﺒﻪ ﻟﻴﺎ ﻫﻨﻰ ..
ﺭﺯﺍﻥ ﺑﺘﺬﻣﺮ : ﺍﻓﻔﻒ ..
ﺗﻮﻓﻴﻖ : ﺿﻤﻲ ﻓﻤﻚ ﻳﺎﻛﻠﺒﻪ ..
ﺳﻜﺘﺖ ﻭﻫﻲ ﺑﺘﺘﻔﺠﺮ ...
ﺧﺸﺖ ﻏﻴﺮﺕ ﺍﻟﺴﺮﻭﺍﻝ ..
ﺑﻌﺪﻳﻦ ﻃﻠﻌﺖ ﻭﻋﻄﺘﻬﻮﻟﻪ ..
ﺧﺪﺍﻩ : ﺍﺧﺮ ﻣﺮﺓ ﺗﻠﺒﺴﻲ ﻫﻜﻲ ﻭﺣﻖ ﺍﻟﻠﻪ ﻣﺮﺓ ﺗﺎﻧﻴﻪ ﻃﺮﻳﺤﻪ ﻣﺸﻠﺤﻪ ﻣﻤﻠﺤﻪ ..
ﻭﻣﺸﻲ ﻃﻠﻊ ﻣﻦ ﺍﻟﺤﻮﺵ ..
ﺗﺄﻓﻔﺖ ﻭﻫﻲ ﻣﺎﺷﻴﻪ ﺑﺘﻄﻠﻊ ﻣﻦ ﺍﻟﺒﺎﺏ ﺍﻟﺘﺎﻧﻲ ﺑﻄﺮﻳﻘﻬﺎ ﻟﺤﻮﺵ ﺟﺪﻫﺎ ﻷﻥ ﺍﻟﺘﺮﺍﻫﻨﻪ ﻋﻨﺪﻫﻢ ...
ﻭﻳﻦ ﻭﺻﻠﺖ ﻓﻲ ﻣﻤﺮ ﻓﻢ ﺍﻟﺒﻮﺍﺑﻪ ..
ﻟﻘﺖ ﻋﻤﺎﺩ ﻭﺣﻤﺰﺓ ﻭﻣﺎﻟﻚ ﻣﻘﻌﻤﺰﻳﻦ ..
ﺷﺒﺤﻮﻟﻬﺎ ﺍﻟﺜﻼﺗﻪ ..
ﻫﻲ ﻧﺰﻟﺖ ﻋﻴﻮﻧﻬﺎ ﻭﻗﻌﺪﺕ ﺗﻤﺸﻲ ﻭﻗﻔﺖ ﻟﻤﺎ ..
ﺣﻤﺰﺓ : ﺑﺎﻟﻠﻪ ﺭﺯﺍﻥ ﻃﺎﺳﺔ ﻣﻴﻪ ...
ﺭﺯﺍﻥ ﺷﺒﺤﺘﻠﻪ : ﺑﺎﻫﻲ ..
ﻭﺧﺸﺖ ..
ﻋﻤﺎﺩ ﻭﻫﻮ ﻳﺤﻚ ﻓﻠﺤﻴﺘﻪ : ﺣﻤﺰﺓ ..
ﺷﺒﺤﻠﻪ ..
ﻋﻤﺎﺩ : ﺗﺮﻳﺲ ﻉ ﺭﻭﺣﻚ ..
ﻣﺎﻟﻚ ﺿﺤﻚ ..
ﻭﺣﻤﺰﺓ ﻳﺸﻮﻓﻠﻪ ﺑﺘﻀﻴﻴﻘﺔ ﺣﻮﺍﺟﺐ ..
ﻉ ﻃﻠﻌﺔ ﺭﺯﺍﻥ ﺑﺎﻟﻄﺎﺳﻪ :. ﻫﺎﻙ ﺣﻤﺰﺓ ..
ﻓﺰ ﺍﻟﻌﻤﺪﺓ ... ﻭﻗﺪﻡ ﺧﺪﺍﻫﺎ ﻣﻨﻬﺎ ﻭﻗﺎﻝ : ﺗﺤﺮﻛﻲ ﺧﺸﻲ ..
ﺷﺒﺤﺘﻠﻪ ﺑﺤﺪﻩ ﺑﻌﺪﻳﻦ ﺧﺸﺖ .. ﻭﻫﻲ ﻣﺤﺮﺟﻪ ..
ﻋﻄﻲ ﻋﻤﺎﺩ ﺍﻟﻄﺎﺳﻪ ﻟﺤﻤﺰﺓ ﻭﻗﻌﻤﺰ ..
ﺣﻤﺰﺓ . ﺑﻀﺤﻜﻪ : ﺻﺤﺔ ﻻﻳﺪﻫﺎ ﺭﺯﺍﻥ ﻫﺎﺩﻱ ﺍﻟﻠﻲ ﺟﺎﺑﺘﻚ ﻟﻠﻄﺮﻳﻖ ..
ﻣﺎﻟﻚ : ﺩﻳﻤﺎ ﻧﻘﻮﻝ ﻓﻴﻬﺎ ﺣﺘﻰ ﺍﻧﻲ ..
ﻋﻤﺎﺩ : ﺑﺎﻫﻲ ﻓﻬﻤﻨﺎ 😑
ﺣﻤﺰﺓ ﻭﻣﺎﻟﻚ ...😂😂:
🍁🍁🍁🍁🍁
ﻣﺎﺷﻴﻪ ﺑﻄﺮﻳﻘﻬﺎ ﻟﺤﻮﺵ ﺟﻴﺮﺍﻧﻬﻢ ..
ﻋﺘﺮﺕ ﻓﺮﺷﺎﺩﻩ ..
ﻃﺎﺡ ﻣﻨﻬﺎ ﺍﻟﻨﻘﺎﻝ ..
ﻣﺮﺍﻡ : ﻭﺍﺍﺍﻙ .. ﻃﺒﺴﺖ ﻭﺧﺪﺍﺗﻪ ﻭﻫﻲ ﺗﺸﻮﻑ ﻓﻴﻪ .. ﻛﻤﻠﺖ ﻃﺮﻳﻘﻬﺎ ﻭﻫﻲ ﺗﺤﺎﻭﻝ ﻧﻔﺘﺤﻪ ..
ﻣﺮﺍﻡ : ﻋﺪﺍ ﻓﻴﻬﺎ ﺧﻼﺹ ..
ﻓﻲ ﺍﺧﺮ ﻣﺤﺎﻭﻟﻪ ﺍﻧﻔﺘﺢ ..
ﻭﻫﻲ ﺧﺎﺷﻪ ﻟﻠﻘﻄﻌﻪ ﻻﻫﻴﻪ ﺑﺎﻟﺘﻠﻔﻮﻥ ﺍﻟﻠﻲ ﻓﺮﺣﺖ ﺑﻴﻪ ﺍﻧﻪ ﺍﻧﻔﺘﺢ ..
ﺍﻟﻔﺮﺣﻪ ﻣﺎﺗﻤﺖ ..
ﺟﺘﻬﺎ ﺧﺒﻄﻪ ﻗﻮﻳﻪ ﻉ ﺫﺭﺍﻋﻬﺎ ﺗﻨﻄﺮ ﻭﻃﺎﺡ ﻭﻛﻞ ﺣﺎﺟﻪ ﻣﻨﻪ ﻓﺘﺮﻛﻴﻨﻪ ..
" ﻭﻳﻦ ﻋﻴﻮﻧﻚ .."!!
ﺷﺒﺤﺘﻠﻪ ﻭﻗﺎﻟﺖ : ﺍﺳﻔﻪ ..
ﻭﻣﺸﺖ ﻣﻦ ﺣﺪﺍﻩ ﻭﻳﻦ ﻣﺎﻃﺎﻳﺢ ﺍﻟﺘﻠﻔﻮﻥ ﻗﻌﺪ ﺗﻠﻢ ﻓﻲ ﺍﺟﺰﺍﺋﻪ ﺑﻌﺪﻳﻦ ﻛﻤﻠﺖ ﻃﺮﻳﻘﻬﺎ ﻭﻫﻲ ﻣﻀﺎﻳﻘﻪ ﻷﻧﻪ ﻛﺸﺦ ﻋﻠﻴﻬﺎ ..
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺩﺭﻗﺖ ...
ﺑﻌﺪﻳﻦ ﻗﺎﻝ : ﻋﻠﻴﻚ ﻣﻮﺍﻗﻒ ﺯﻓﺘﻪ ﻧﻄﻴﺢ ﻓﻴﻬﻦ ﻣﻌﺎﻫﺎ ..
ﻭﻣﺸﻲ ﻃﻮﻝ ﻭﻫﻮ ﻣﺘﻜﻨﻄﻲ ..
🍁🍁🍁🍁🍁
ﺗﻌﺎﺭﻑ ﺑﺎﻗﻲ ﺍﻟﺒﻨﺎﺕ ﻉ ﻋﻴﻠﺔ ﺍﻟﺘﺮﺍﻫﻨﻪ ﻛﺎﻥ ﺣﻠﻮ ... ﺍﻧﺴﺠﻤﻮﺍ ﻣﻌﺎﻫﻢ ﻭﺣﺒﻮﻫﻢ ﻫﻠﺒﻪ ...
ﻣﺮﺍﻡ ﺍﻟﻠﻲ ﻛﺎﻧﺖ ﺟﺎﻳﻪ ﻣﻊ ﺍﻣﻬﺎ ﻭﺍﺧﺘﻬﺎ ﺍﻟﻜﺒﻴﺮﺓ ﻣﻦ ﺿﻤﻦ ﻫﻠﺒﻪ ﺟﻴﺮﺍﻥ ﺟﻮ ﻳﻮﻣﻬﺎ ..
ﻻﺣﻈﺖ ﺍﻥ ﺧﻮﺍﺕ ﻫﺎﻧﻴﺒﺎﻝ ﻣﻌﺠﺒﺎﺕ ﺑﺎﻟﺘﺮﻫﻮﻧﻴﺎﺕ ﻫﻠﺒﻪ ..
ﻭﺳﻤﻌﺖ ﺑﻮﺩﺍﻧﻬﺎ ﺣﻤﻴﺪﻩ ﺗﻘﻮﻝ ..
" ﻛﺎﻥ ﻧﺎﺧﺪﻭﺍ ﻭﺣﺪﻩ ﻣﻨﻬﻦ ﻟﻬﺎﻧﻴﺒﺎﻝ "
ﺍﺑﺘﺴﻤﺖ ﻓﺴﺮﻫﺎ ﺗﻬﻜﻤﺎ ﻭﻗﺎﻟﺖ " ﻟﻮ ﻳﺼﻴﺮ ﻣﺎﻳﺼﻴﺮ ﻳﺎﻣﺮﺍﻡ ﻫﺎﻧﻴﺒﺎﻝ ﻋﻤﺮﻩ ﻣﺎﻛﺎﻥ ﻟﻴﻚ .. ﻏﻴﺮ ﺍﻟﻠﻪ ﻏﺎﻟﺐ .. ﻗﻠﺒﻲ ﻣﺶ ﻗﺎﺑﻞ ﻏﻴﺮﻩ "...
ﺗﺼﻨﻌﺖ ﺍﺑﺘﺴﺎﻣﻪ ﻭﻗﻌﺪﺕ ﺗﻬﺪﺭﺯ ﻣﻊ ﺍﻟﻠﻲ ﺣﻮﺍﻟﻴﻬﺎ ﻋﺎﺩﻱ ﻭﻻﻛﺈﻧﻪ ﺩﺍﺧﻠﻬﺎ ﻣﺪﻣﺮ ..
🍃🍃🍃🍃
ﻧﺼﻴﺐ .. ﻛﻠﻪ ﻧﺼﻴﺐ ..
ﻭﻟﻠﻪ ﺣﻜﻤﻪ ﻓﻲ ﻛﻞ ﺷﻲ ..
🍃🍃🍃🍃
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻛﻠﻬﻢ ﺭﻭﺣﻮﺍ ﻣﻊ ﺑﻌﺾ ﺍﻟﺼﺒﺢ ﺑﻜﺮﻱ ...
ﻭﺭﺟﻌﺖ ﻓﻀﻴﺖ ﺍﻟﺪﻧﻴﺎ ﻋﻠﻴﻬﻢ ﻣﻦ ﺟﺪﻳﺪ
ﻭﺗﺮﺟﻊ ﺗﺴﺘﻔﺮﺩ ﺑﻴﻬﻢ ﺍﺣﺰﺍﻧﻬﻢ ...
🍃🍃🍃
ﻭﺗﻤﺮ ﺍﻷﻳﺎﻡ ...
ﻭﻣﺎﻓﻴﻬﺎﺵ ﺟﺪﻳﺪ ﺍﺧﻄﺎ ﺷﺪﺓ ﺳﻴﻒ ﺍﻟﻘﺬﺍﻓﻲ ...
ﻣﻌﺎﺵ ﻣﻬﻢ ﺧﻼﺹ ﺍﻧﺸﺪ ﻭﻻ ﻻ ﺯﺍﻳﺪ ﻧﺎﻗﺺ ..
ﺩﺍﻡ ﺑﻮﻩ ﻣﺎﺕ .. ﻭﺍﻟﻨﻈﺎﻡ ﺍﻧﻬﺎﺭ ...
🍃🍃🍃
ﺧﺶ ﺷﻬﺮ ...12
ﻭﻫﺪﻳﻜﺎ ﺍﻟﺴﻨﻪ ﻧﺬﻛﺮ ﺻﺒﺖ ﻣﻄﺮ ﻫﻠﺒﻪ ...
ﻭﻫﺮﺏ ﺍﻟﻀﻲ ﻫﻠﺒﻪ ..
ﻭﺑﺪﻳﻨﺎ ﻧﺘﻌﻮﺩﻭﺍﻉ ﻭﺿﻊ ﺍﻟﻀﻲ ﻭﻧﺤﻔﻈﻮﺍ ﻓﻲ ﺍﻟﺴﺎﻋﺎﺕ ﺍﻟﻠﻲ ﻳﻘﻌﺪ ﻫﺎﺭﺏ ﻓﻴﻬﻢ ..
ﻣﺶ ﻫﺎﺩﻱ ﺑﺲ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﺗﺄﻗﻠﻤﻨﺎ ﻋﻠﻴﻬﺎ ..
ﺗﺄﻗﻠﻤﻨﺎ ﻉ ﺳﻤﺎﻉ ﺍﺻﻮﺍﺕ ﺍﻟﺮﺻﺎﺹ ﺑﺠﻤﻴﻊ ﺍﻧﻮﺍﻋﻪ ..
ﻭﺑﺪﻱ ﻧﻤﻴﺰﻭﺍ ﺍﻟﻄﻠﻘﺎﺕ ﻋﻦ ﺑﻌﺾ ...
ﻭﻣﻜﻨﺎﺵ ﻋﺎﺭﻓﻴﻦ ﺍﻥ ﺣﺘﻮﺻﻞ ﺑﻴﻨﺎ ﺍﻟﻤﺮﺣﻠﻪ ﻟﺪﺭﺟﻪ ﻧﻤﻴﺰﻭﺍ ﺑﻴﻦ ﻗﺬﺍﺋﻒ ﺍﻟﺜﻘﻴﻠﻪ ..
ﺟﺮﺍﺩ ... ﻫﺎﻭﻥ .. ﻫﺎﻭﺯﺭ ...
🍃 ﺗﻌﻮﺩﻧﺎ ﺗﺄﻗﻠﻤﻨﺎ ﺗﻜﻴﻔﻨﺎ 🍃
🌴🌴🌴🌴🌴🌴🌴🌴
...2011\12\20
ﺍﻟﺴﺎﻋﻪ 5:30 ﻣﺴﺎﺀﺍ ..
ﺩﺭﺳﺖ ﺳﻴﺎﺭﺓ ﻓﻢ ﺍﻟﻘﻄﻌﻪ ﻭﺩﺍﺭﺕ ﻛﻼﻛﺲ ...
ﻃﻠﻌﻮﻟﻬﺎ ﻫﺎﻧﻴﺒﺎﻝ ﻭﺍﻟﻬﺎﺩﻱ ..
ﺍﻟﻬﺎﺩﻱ : ﺗﻌﺮﻓﻬﺎ ﻟﻤﻦ؟
ﻫﺎﻧﻴﺒﺎﻝ : ﺗﺲ ..
ﻭﺻﻠﻮﺍ ﻓﻴﻬﺎ ...
ﻧﺰﻝ ﻣﻨﻬﺎ ﻭﺍﺣﺪ ﻣﻠﺘﺤﻲ ﻻﺑﺲ ﻋﺮﺑﻲ ﻭﺯﻣﺎﻟﻪ ﻉ ﺭﺍﺳﻪ ..
ﻗﺪﻡ : ﺍﻟﺴﻼﻡ ﻋﻠﻴﻜﻢ ..
ﻫﺎﻧﻴﺒﺎﻝ ﺯﺍﺩ ﺭﻛﺰ ﻓﻴﻪ ﺑﻌﺪﻳﻦ ﻗﺎﻝ ﺑﺘﻀﻴﻴﻘﺔ ﻋﻴﻮﻥ : ﻣﺆﻧﺲ
. ﺍﻟﻬﺎﺩﻱ : ﻣﺆﻧﺲ !!!!
🍃🍃🍃🍃🍃🍃🍃
2011\12\30
ﻃﺮﺍﺑﻠﺲ ..
ﺍﻟﺴﺎﻋﻪ 6:00 ﻣﺴﺎﺀﺍ ..
ﻓﻲ ﺣﻮﺵ ﻋﺒﺪﺍﻟﺴﻼﻡ ..
ﺗﺤﺪﻳﺪﺍ ﺍﻟﻤﺮﺑﻮﻋﻪ ...
ﻛﺎﻥ ﻳﺸﻮﻑ ﻟﻬﺎﻧﻴﺒﺎﻝ ﺑﺼﺪﻣﻪ ﻭﻫﻮ ﻳﺴﻤﻊ ﻓﻴﻪ ﺷﻦ ﻳﻘﻮﻝ ..
ﻫﺎﻧﻴﺒﺎﻝ : ﻓﺒﻨﻐﺎﺯﻱ ...
⚡ ﻓﻼﺵ ﺑﺎﻙ ..
ﻣﺆﻧﺲ : ﻛﺎﻥ ﻗﺎﻋﺪ ﻓﻲ ﺑﻨﻐﺎﺯﻱ ﻟﻤﺪﻩ ﺗﻼﺗﻪ ﺷﻬﻮﺭ ..
ﻟﻤﺎ ﺧﺶ ﺍﻟﺮﺗﻞ ﻛﺎﻥ ﻣﻦ ﺍﻟﻀﺒﺎﻁ ﺍﻟﻠﻲ ﺧﺸﻮﻟﻬﺎ ..
ﺑﺲ ﺑﻌﺪ ﺑﺪﻭﺍ ﻳﻘﺼﻔﻮﺍ ....
ﺻﺎﺭﺕ ﺭﺑﻜﻪ ... ﺧﻼﺗﻪ ﻣﻌﺎﺵ ﻳﻘﺪﺭ ﻳﺪﻳﺮ ﺷﻲ ﻏﻴﺮ ﺍﻧﻪ ﻳﻘﺎﻭﻡ ﻷﺧﺮ ﻟﺤﻈﻪ ..
ﺑﺲ ﺍﻟﻠﻲ ﺻﺎﺭ ﻛﺎﻥ ﺍﻗﻮﻯ ﻣﻨﻪ ..
ﻣﻘﺎﻭﻣﻪ ﺍﻟﻨﺎﺱ ﺍﻟﻠﻲ ﺩﺍﺧﻞ ﻛﺎﻧﺖ ﻛﺒﻴﺮﺓ .. ﻭﺳﺒﺤﺎﻧﻪ ﻭﻗﻔﻠﻪ ﻓﻄﺮﻳﻘﻪ ... ﻃﺎﺭﻕ ...
ﺧﺪﺍﻩ ﻣﻌﺎﻩ ﻭﺩﺭﻗﻪ ﻓﺤﻮﺷﻪ ...
🍃 ﻋﺒﺪﺍﻟﺴﻼﻡ : ﻗﺼﺪﻙ ﻗﻌﺪ ﻋﻨﺪ ﻃﺎﺭﻕ ﺗﻼﺗﻪ ﺷﻬﻮﺭ ﺣﻲ ﻣﺎﻗﺎﻟﺶ ﻧﻄﻤﻦ ﻉ ﺍﻫﻠﻲ ﻣﺮﺗﻲ ﺻﻐﺎﺭﻱ !!
ﻫﺎﻧﻴﺒﺎﻝ : ﺍﻧﺖ ﻋﺎﺭﻑ ﺍﻥ ﺍﻹﺗﺼﺎﻻﺕ ﺍﻧﻘﻄﻌﺖ ..
⚡ ﻣﺆﻧﺲ : ﻭﻷﻥ ﺍﻟﻮﺿﻊ ﻛﺎﻥ ﺧﻄﻴﺮ ﻣﺎﻗﺪﺭﺵ ﻳﺪﻳﺮ ﺍﻱ ﺷﻲ .. ﺣﺘﻰ ﻣﻦ ﺍﻟﺤﻮﺵ ﺍﻟﻠﻲ ﻫﻮ ﻓﻴﻪ .. ﻣﻦ ﺍﻟﺪﺍﺭ ﺍﻟﻠﻲ ﻫﻮ ﻓﻴﻬﺎ ﻣﺎﺗﺤﺮﻛﺶ ...
ﻗﺎﻟﻲ ﺍﻧﻪ ﻋﺎﺵ ﻋﺬﺍﺏ ﻧﻔﺴﻲ ﺷﺪﻳﺪ .. ﺍﻟﻤﻜﺎﻥ ﺍﻟﻠﻲ ﻫﻮ ﻓﻴﻪ .. ﺗﻔﻜﻴﺮﻩ ﻓﻌﻴﻠﺘﻪ .. ﻭﺿﻊ ﺍﻟﺒﻼﺩ ..
ﺧﻠﻮﻩ ﻳﺘﻌﺐ ﻧﻔﺴﻴﺎ .. ﻭﻳﻘﻮﻝ ﻟﻄﺎﺭﻕ ﻳﺪﺑﺮﻟﻪ ﻓﻄﺮﻳﻘﻪ ﻳﻄﻠﻊ ﺑﻴﻬﺎ ﻣﻦ ﺑﻨﻐﺎﺯﻱ ..
ﻭﻃﺎﺭﻕ ﻷﻧﻪ ﻛﺎﻥ ﻧﺎﻭﻱ ﺍﻟﻤﺸﻴﻪ ﻟﻤﺼﺮﺍﺗﻪ ..
ﺭﻓﻌﻪ ﻟﺤﻮﺵ ﻭﺍﺣﺪ ﻳﻌﺮﻓﻪ ﻣﻮﺍﻟﻲ ﻟﻠﻘﺬﺍﻓﻲ ﻟﻜﻦ ﻣﺎﺧﺸﺶ ﻓﻲ ﺍﻱ ﺷﻲ ..
ﺧﻼﻩ ﻋﻨﺪﻩ ﻭﻗﺎﻟﻪ ﺍﻥ ﻫﻮ ﺣﻴﺘﺼﺮﻑ ...
ﻗﻌﺪ ﻋﻨﺪ ﺍﻟﺮﺍﺟﻞ ﻗﺮﻳﺐ ﺷﻬﺮﻳﻦ ﻟﻌﻨﺪ ﻣﺎﺩﺑﺮﻟﻪ ﻃﺮﻳﻘﺔ ﻟﻠﻬﺮﻭﺏ ..
🍃 ﻋﺒﺪﺍﻟﺴﻼﻡ : ﻟﻌﻨﺪ ﻫﺪﻳﻜﺎ ﺍﻟﻠﺤﻈﻪ ﻣﺎﻭﺻﻠﻪ ﺷﻲ ﻋﻠﻴﻨﺎ ..
ﻫﺎﻧﻴﺒﺎﻝ : ﻭﺻﻠﻮﻩ ﺍﺧﺒﺎﺭ ... ﻭﻋﺮﻑ ﺍﻧﻜﻢ ﺗﺤﺴﺎﺑﻮﻩ ﻣﺎﺕ ﻣﻊ ﺍﻟﻠﻲ ﻣﺎﺗﻮﺍ ﻓﻲ ﺍﻟﻘﺼﻒ ..
⚡ ﻣﺆﻧﺲ : ﺳﻤﻊ ﺑﺤﺎﻟﺔ ﻫﻠﻪ ﻭﺣﺎﻟﺔ ﺩﻻﻝ .. ﻗﺎﻟﻲ ﺍﻥ ﻋﺬﺍﺑﻪ ﺯﺍﺩ ﺍﺿﻌﺎﻑ .. ﺣﺲ ﺍﻧﻪ ﻋﺎﺟﺰ ﺍﻧﻪ ﻳﺪﻳﺮ ﺍﻱ ﺷﻲ .. ﺧﺎﻟﻲ ﻳﺎﻫﺎﻧﻴﺒﺎﻝ ﻣﺮ ﺑﻠﺤﻈﺎﺕ ﺣﺲ ﻓﻴﻬﻦ ﺍﻧﻪ ﺍﺿﻌﻒ ﻣﻦ ﺍﻟﺒﻌﻮﺿﻪ ... ﻭﻛﺮﻩ ﺭﻭﺣﻪ ﻭﺍﺟﺪ ...
ﻗﺎﻟﻲ .. ﺍﻥ ﺑﻌﺪ ﺗﻔﻜﻴﺮ ﻗﺮﺭ ﺍﻧﻪ ﻣﺎﻳﻮﺻﻠﺶ ﻷﻱ ﺣﺪ ﺧﺒﺮ ﺍﻧﻪ ﻣﺎﺯﺍﻝ ﺣﻲ .. ﻻﻧﻪ ﻛﺎﻥ ﻧﺎﻭﻱ ﻳﻜﻤﻞ ﻣﻘﺎﻭﻣﻪ ﻭﻣﺎﻳﺒﻴﺶ ﻻﻳﻨﺴﺤﺐ ﻭﻻﻳﺘﺮﺍﺟﻊ ...
🍃 ﻋﺒﺪﺍﻟﺴﻼﻡ : ﻣﻌﻨﺎﻫﺎ ﺣﺼﻞ ﻛﻴﻒ ﻳﻬﺮﺏ !!
ﻫﺎﻧﻴﺒﺎﻝ : ﺍﻳﻪ ... ﻃﻠﻊ ﻣﺘﺨﻔﻲ ...
ﻭﻃﻠﻌﻮﻩ ﻣﻨﻬﺎ ﺟﻤﺎﻋﻪ ﺧﺪﻭﺍ ﻣﻘﺎﺑﻞ ﻟﻬﺎﻟﺸﻲ ...
⚡ ﻣﺆﻧﺲ : ﻭﺻﻞ ﻟﺴﺮﺕ
ﺑﻌﺪ ﻣﺎﺷﺎﻑ ﺍﻟﻤﻮﺕ ﺑﻌﻴﻮﻧﻪ ﻣﺌﺎﺕ ﺍﻟﻤﺮﺍﺕ .
ﻭﺻﻞ ﻓﺎﻟﻴﻮﻡ ﺍﻟﻠﻲ ﺣﻨﻲ ﻃﻠﻌﻨﺎ ﻓﻴﻪ ﻣﻨﻬﺎ ... ﻛﺎﻥ ﺣﺎﺱ ﻭﻗﺘﻬﺎ ﺍﻥ ﻛﻞ ﺷﻲ ﻳﻤﺸﻲ ﺯﻱ ﻣﺎﻫﻮ ﻳﺒﻲ ...
ﻭﻗﻌﺪ ﻏﺎﺩﻱ ... ﻗﺎﻭﻡ ﺑﻜﻞ ﻣﺎﻋﻨﺪﻩ .. ﻟﻌﻨﺪ ﻣﺎﺟﻲ ﺍﻟﻴﻮﻡ ﺍﻟﻤﻮﻋﻮﺩ .. ﻭﺍﺭﺗﻘﺖ ﺭﻭﺣﻪ ﻟﺮﺑﻪ ﻣﻊ ﻣﺠﻤﻮﻋﻪ ﻣﺎﺗﺖ ﻓﻲ ﺍﻟﻘﺼﻒ ﻋﻠﻰ ﺭﺗﻞ ﺍﻟﻘﺎﻳﺪ ﺍﻟﻠﻪ ﻳﺮﺣﻤﻪ ...
🍃 ﻋﺒﺪﺍﻟﺴﻼﻡ : ﻫﻬﻬﻬﻬﻬﻬﻬﻪ ... ﻳﺎﻭﺍﻟﻠﻪ ﺣﺎﻝ .. ﺑﺘﻘﻮﻟﻲ ﺗﻮﺍ ﺍﻥ ﻋﻤﺎﺭ ﻣﺎﺕ ﻣﺮﺗﻴﻦ ..
ﻫﺎﻧﻴﺒﺎﻝ ﻗﻌﺪ ﻳﺸﻮﻑ ﻟﻌﺒﺪﺍﻟﺴﻼﻡ ﺑﻀﻴﻖ ..
ﻋﺒﺪﺍﻟﺴﻼﻡ : ﺍﺳﺘﻐﻔﺮ ﺍﻟﻠﻪ ﻳﺎﺭﺏ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﻛﻴﻒ ﺗﺒﻴﻨﻲ ﻧﻮﺻﻞ ﻛﻼﻡ ﺯﻱ ﻫﺪﺍ ﻟﺒﻨﺘﻲ ... ﻛﻴﻒ ﺑﻨﻘﻮﻟﻠﻬﺎ ﺭﺍﺟﻠﻚ ﺍﻟﻠﻲ ﻗﺘﻠﺘﻲ ﺭﻭﺣﻚ ﻣﻦ ﺍﻟﺤﺰﻥ ﻋﻠﻴﻪ ﺍﻟﻤﺪﻩ ﺍﻟﻠﻲ ﻓﺎﺗﺖ ﻫﺎﺩﻱ ﻛﻠﻬﺎ ﻛﺎﻥ ﺣﻲ ﻭﺑﻌﺪﻳﻦ ﻧﻘﻮﻟﻠﻬﺎ ... ﺭﺍﻩ ﻣﺎﺕ ﻣﺮﺓ ﺗﺎﻧﻴﻪ ... ﺧﺒﻂ ﺑﻴﺪﻩ ﻉ ﻓﺨﺪﻩ .. ﻛﻴﻒ ..
ﻫﻲ ﺍﻟﻠﻲ ﻛﺎﻧﺖ ﺗﺘﺴﻤﻊ ﻋﻠﻴﻬﻢ ﻣﻦ ﻭﺭﺍ ﺍﻟﺒﺎﺏ ﻭﻫﻲ ﻭﺍﻣﻬﺎ ﻷﻧﻬﻢ ﺷﻜﻮﺍ ﺍﻥ ﻓﻲ ﺷﻲ ﻣﻦ ﺟﻴﺔ ﻫﺎﻧﻴﺒﺎﻝ ﻭﺷﻜﻠﻪ ﻛﻴﻒ ﻛﺎﻥ ...
ﺗﺴﻤﻊ ﻓﻲ ﻛﻞ ﺷﻲ ﻭﻣﺠﻤﻮﻋﺔ ﻣﺸﺎﻋﺮ ﺗﺨﻠﻄﺖ ﻣﻊ ﺑﻌﻀﻬﺎ ﺣﺴﺖ ﺑﻴﻬﺎ ...
ﺣﺘﻰ ﺍﻟﻤﻮﺕ ﻭﺍﻟﺤﻲ ... ﻣﺎﺗﺖ ﻭﻧﺎﺿﺖ ﺣﻴﻪ ﻣﻊ ﻛﻞ ﻛﻠﻤﻪ ﻗﺎﻟﻬﺎ ﺧﺎﻟﻬﺎ ...
ﺧﺸﺖ ﻋﻠﻴﻬﻢ ..
ﻭﺟﻬﻬﺎ ﻛﺎﻥ ﺷﺎﺣﺐ ﺑﺲ ﺩﻣﻮﻋﻬﺎ ﻣﺎﻧﺰﻟﻮﺵ ﺍﺑﺪﺍ ﻗﺎﻟﺖ ﺑﻬﺪﻭﺀ ..
" ﻳﻌﻨﻲ ﺍﻛﻴﺪ ﻣﺎﺕ ﻫﺎﻟﻤﺮﺓ؟ "
ﻗﻌﺪﻭﺍ ﻳﺸﻮﻓﻮﻟﻬﺎ ﺑﻮﻫﺎ ﻭﺧﺎﻟﻬﺎ ..
ﻫﺎﻧﻴﺒﺎﻝ ﺑﺄﻟﻢ : ﺍﻳﻪ ..
ﺩﻻﻝ ﺍﺑﺘﺴﻤﺖ ﺑﺄﻟﻢ ﻭﻫﻲ ﺗﺸﻮﻑ ﻟﺨﺎﻟﻬﺎ ..
ﺍﻟﻠﻲ ﻧﺎﺽ ﻭﻓﻴﺪﻩ ﺷﻨﻄﺔ ﻳﺪﻩ ﺳﻮﺩﺍ ﻣﺘﻮﺳﻄﻪ ﺍﻟﺤﺠﻢ ...
ﻭﻗﻒ ﻗﺪﺍﻣﻬﺎ ﻭﻗﺎﻝ : ﻫﺪﻱ ﺍﻣﺎﻧﻪ ﻣﻨﻪ ﻟﻴﻚ .. ﻗﺎﻝ ﻟﻤﺆﻧﺲ ﺳﻠﻤﻮﻫﺎ ﻟﺪﻻﻝ ﺑﺲ ..
ﻗﻌﺪﺕ ﺗﺸﺒﺢ ﻟﻠﺸﻨﻄﺔ ﺣﻄﺖ ﻳﺪﻫﺎ ﻋﻠﻴﻬﺎ ﻭﺧﺪﺗﻬﺎ ..
ﺣﻀﻨﺘﻬﺎ ﻭﻟﻔﺖ ﻭﻃﻠﻌﺖ ﻃﻮﻝ ﻣﻦ ﺣﺪﺍﻫﻢ ..
ﻋﺒﺪﺍﻟﺴﻼﻡ ﻧﺎﺽ ﻭﻭﻗﻒ ﺣﺪﺍ ﻫﺎﻧﻴﺒﺎﻝ : ﻣﺎﻣﺘﻠﻘﻴﻪ ﻫﺎﻟﺒﻨﺖ ..
ﻫﺎﻧﻴﺒﺎﻝ : ﻳﻘﻮﻳﻬﺎ ﺍﻟﻠﻪ ...
🍁🍁🍁🍁🍁
ﻣﻘﻌﻤﺰﺓ ﺑﺮﻭﺣﻬﺎ ﻓﻲ ﺩﺍﺭ ﻣﺼﻜﺮ ﺑﺎﺑﻬﺎ ﻋﻠﻴﻬﺎ ..
ﻓﺘﺤﺖ ﺳﺮﻳﺘﻪ " ﺳﻮﺳﺘﻪ " ﺍﻟﺸﻨﻄﻪ ..
ﺍﻭﻝ ﻣﺎﺭﻓﻌﺖ ﺍﻟﻐﻄﺎ ...
ﺷﺎﻓﺖ ﺧﻤﺴﻪ ﺣﺎﺟﺎﺕ ﺑﺲ ...
ﺯﻣﺎﻟﻪ ﻟﻮﻧﻬﺎ ﻗﻬﻮﻱ ...
ﺩﻓﺘﺮ ...
ﻭﺷﺎﺡ ﻟﻴﻬﺎ ﻫﻲ ...
ﻭﻭﺭﻗﻪ ﻣﻄﺒﻘﻪ ..
ﻋﻄﺮ
ﺍﻭﻝ ﺷﻲ ﻣﺪﺕ ﻳﺪﻫﺎ ﻋﻠﻴﻪ ﺍﻟﻮﺭﻗﻪ ..
ﻛﺎﻧﺖ ﻛﺒﻴﺮﺓ ﺗﺒﺎﻥ ...
ﻓﺘﺤﺘﻬﺎ ﺑﺈﻳﺪﻳﻬﺎ ﺍﻟﻠﻲ ﻳﺮﺟﻔﻮﺍ ..
ﻟﻤﺎ ﺷﺎﻓﺖ ﺧﻄﻪ ﺍﻟﻤﻤﻴﺰ ...
ﻋﻤﺎﺭ ﻣﺎﻳﻜﺘﺒﺶ ﺍﻻ ﺑﺨﻂ ﺍﻟﺮﻗﻌﻪ ...
ﺩﻣﻌﺘﻬﺎ ﻃﺎﺣﺖ .. ﻭﻗﻠﺒﻬﺎ ﺗﻘﻮﻝ ﺳﻜﺎﻛﻴﻦ ﺗﻤﺰﻕ ﻓﻴﻪ ..
ﻃﻠﻊ ﻣﻦ ﻭﺳﻂ ﻗﻠﺒﻬﺎ ﺻﻮﺕ ﻳﻌﺒﺮ ﻋﻦ ﻣﺪﻯ ﺃﻟﻤﻬﺎ ..
ﺩﻻﻝ ﺑﺄﻟﻢ : ﺍﺍﺍﺍﺍﺍﺍﺍﺍﺍﺍﻩ ...
ﺷﻬﻘﺖ ... ﻭﺑﻌﺪﻳﻦ .. ﺣﻄﺖ ﻳﺪﻫﺎ ﻉ ﻓﻤﻬﺎ ﻭﺑﺪﺕ ﺗﻘﺮﺍ ..
‏( ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ...
ﺯﻋﻼﻧﻪ .... ﺧﺎﻃﺮﻙ ﻭﺟﻌﻚ ﻣﻨﻲ؟ ...
ﻟﻜﻦ ﻗﻠﺒﻲ ﻳﻘﻮﻟﻲ ﺍﻥ ﻗﻠﺒﻚ ﻋﺎﺫﺭﻧﻲ .. ﻷﻧﻪ ﻫﻮ ﺑﺲ ﺍﻟﻠﻲ ﻓﺎﻫﻤﻨﻲ ..
ﻋﺎﺭﻓﻨﻲ ﻛﻮﻳﺲ .. ﻋﺎﺭﻑ ﺍﻧﻲ ﻣﺎﻧﻌﺮﻓﺶ ﻧﻌﻄﻲ ﺣﺪ ﻋﻬﺪ ﻭﻧﺨﻮﻧﻪ ..
ﻣﺎﻧﻘﺪﺭﺵ ﻧﺘﺒﻄﺎ ﻉ ﺍﻟﻮﺍﺟﺐ ﻟﻤﺎ ﻳﻨﺎﺩﻳﻨﻲ ...
ﻗﻠﺒﻚ ﻋﺎﺭﻓﻨﻲ .. ﻋﺎﺭﻑ ﻣﺒﺪﺍﻱ .. ﻋﺎﺭﻑ ﺍﻧﻲ ﻓﺎﺭﺱ .. ﻭﺍﻟﻔﺎﺭﺱ ﻋﻤﺮﻩ ﻣﺎﻳﺨﻮﻥ ...
ﻳﻌﻠﻢ ﺍﻟﻠﻪ ﺍﻷﻳﺎﻡ ﺍﻟﻠﻲ ﻣﺮﻥ ﻋﻠﻴﺎ ﻛﻴﻒ ﻣﺮﻥ ﻳﺎﺩﻻﻝ ...
ﻳﻌﻠﻢ ﺍﻟﻠﻪ ﻗﺪﻳﺶ ﺭﻳﺖ ﻭﻋﺎﻧﻴﺖ ﻭﺗﺄﻟﻤﺖ ..
ﻋﻤﺮﻱ ﻣﺎﺗﻮﻗﻌﺖ ﻳﺠﻲ ﻧﻬﺎﺭ ﻭﻧﻌﻴﺶ ﻛﻴﻒ ﻫﺎﻷﻳﺎﻡ ..
ﺍﻳﺎﻡ ﺭﻳﺖ ﻓﻴﻬﻦ ﺍﻟﺬﻝ ﻭﻳﻦ ﻗﻌﺪﺕ ﻣﺤﺒﻮﺱ ﻓﻲ ﻣﻜﺎﻥ ﻳﺸﺒﻪ ﺍﻟﻘﺒﺮ ...
ﺗﺨﻴﻠﻲ ﺑﺲ ﺑﻨﺎﺩﻡ ﻳﻨﻘﺒﺮ ﻭﻫﻮ ﺣﻲ ....
⚡ ﻓﻼﺵ ﺑﺎﻙ ...
...2011\10\18
ﺍﻟﺴﺎﻋﻪ 1:00 ﻟﻴﻼ ..
ﻣﻘﻌﻤﺰ ﻳﻜﺘﺐ ﻓﺴﻄﻮﺭ ﺍﻟﺮﺳﺎﻟﻪ ﻭﻫﻮ ﻳﺴﻤﻊ ﻓﻲ ﺍﺻﻮﺍﺕ ﺍﻹﺷﺘﺒﺎﻛﺎﺕ ..
ﻳﻜﺘﺐ ﻭﻛﺎﻥ ﻣﺴﻜﺮ ﺷﻮﺍﺭﺑﻪ ﻉ ﺑﻌﺾ ﺑﺎﻟﻘﻮﺓ ﻭﺷﺎﺩ ﺩﻣﻮﻋﻪ ...
‏( ﺍﻩ ﻟﻮ ﺗﻌﺮﻓﻲ ﺷﻦ ﺣﺴﻴﺖ ﻭﺍﻧﻲ ﻧﺸﻮﻑ ﻓﻲ ﺍﻟﻮﻃﻦ ﻛﻴﻒ ﻗﺎﻋﺪ ﻳﻀﻴﻊ ﻗﺪﺍﻡ ﻋﻴﻮﻧﻲ ... ﻛﻴﻒ ﺍﻟﻨﺎﺱ ﻭﻫﻲ ﻣﺶ ﻭﺍﻋﻴﻪ ﻗﺎﻋﺪﺓ ﺗﺒﻴﻊ ﻓﻲ ﺍﻟﺒﻼﺩ ﺑﺜﻤﻦ ﺑﺨﺲ ..
ﺭﺍﻙ ﺗﺤﺴﺎﺑﻲ ﺍﻧﻲ ﻭﺍﻟﻠﻲ ﻛﻴﻔﻲ ﻭﻻﺋﻨﺎ ﻟﻠﻘﺎﻳﺪ ﻭﻻﺀ ﻟﺸﺨﺺ ﻻ .. ﻭﻻﺋﻨﺎ ﻟﻴﻪ ﻭﻻﺀ ﻟﻮﻃﻦ ﺍﺣﻨﻲ ﻣﺆﻣﻨﻴﻦ ﺇﻳﻤﺎﻥ ﺗﺎﻡ ﺍﻥ ﻣﺎﻓﻲ ﺣﺪ ﻳﻘﺪﺭ ﻳﺤﻜﻢ ﻟﻴﺒﻴﺎ ﻭﻳﺼﻮﻧﻬﺎ ﻏﻴﺮﻩ ..
ﻭﺣﺘﺠﻲ ﻟﻜﻼﻣﻲ ﺑﻌﺪﻳﻦ ﻳﺎ ﺭﻳﻤﺔ ﻗﻠﺒﻲ ... ‏)
ﻣﺴﺢ ﻋﻴﻮﻧﻪ ﺑﺈﻳﺪﻳﻪ ﺍﻟﺰﻭﺯ ﺑﻴﺶ ﺩﻣﻮﻋﻪ ﻣﺎﻳﻨﺰﻟﻮﺵ ...
ﻭﺭﺟﻊ ﺷﺪ ﺑﻴﺪﻩ ﺍﻟﻠﻲ ﺗﺮﺟﻒ ﺍﻟﺒﻴﺮﻭ
‏( ﺳﻤﻌﺖ ﺍﻥ ﺁﺳﻴﺎ ﺟﺖ ... ﺗﺴﺎﺋﻠﺖ ﺯﻋﻢ ﻟﻤﻦ ﺗﺸﺒﻪ ...
ﺿﺤﻚ ﻭﻣﻼﻣﺢ ﻭﺟﻬﻪ ﺗﺮﺟﻒ ﻷﻥ ﺍﻟﻀﺤﻜﻪ ﻗﺎﻋﺪﻩ ﺗﻜﺒﺖ ﻓﻲ ﺍﻟﺒﻜﻲ ...
‏( ﻧﻘﻮﻝ ﺍﻥ ﺷﺎﺀ ﺍﻟﻠﻪ ﺗﻄﻠﻊ ﺗﺸﺒﻬﻠﻚ ﺑﻴﺶ ﻣﺎﺗﻘﻌﺪﺵ ﻓﻲ ﺍﻟﺮﻗﺒﻪ ‏)
ﻗﻌﺪ ﻳﻀﺤﻚ ... ﻭﺩﻣﻮﻋﻪ ﻧﺰﻟﻮﺍ .. ﻃﻮﻝ ﻣﺴﺤﻬﻢ ﺑﺈﻳﺪﻳﻪ ﺍﻟﺰﻭﺯ ...
ﻭﺭﺟﻊ ﻳﻜﺘﺐ ﻣﻦ ﺟﺪﻳﺪ
‏( ﺭﺩﻱ ﺑﺎﻟﻚ ﺗﻘﻮﻟﻲ ﺳﻠﻢ ﻓﻴﻨﺎ ... ﻟﻮ ﻛﻨﺖ ﺳﻠﻤﺖ ﻓﻴﻜﻢ ﻣﺎﻛﻨﺘﺶ ﺧﻠﻴﺘﻚ ﻣﻊ ﺍﻛﺜﺮ ﺑﻨﺎﺩﻡ ﻓﻬﺎﻟﺪﻧﻴﺎ ﻳﺤﺒﻪ ﻗﻠﺒﻚ ... ﺭﺍﻫﻮ ﻛﺘﺒﺘﻬﺎ ﻭﻗﻠﺒﻲ ﻭﻟﻌﺖ ﻓﻴﻪ ﺍﻟﻨﺎﺭ .. ﺣﺘﻰ ﻣﻦ ﻇﻠﻚ ﻣﺶ ﻏﻴﺮ ﻣﻦ ﺑﺎﺗﻚ ﻧﻐﻴﺮ
ﺩﻻﻝ .... ﻳﺎﺯﻫﻰ ﺧﺎﻃﺮﻱ ﻭﺭﺑﻴﻊ ﺣﻴﺎﺗﻲ
ﻧﻮﺻﻴﻚ ... ﻭﻧﺴﺄﻟﻚ ﺑﺎﻟﻠﻪ ﻣﻮﻻﻱ ﻭﻣﻮﻻﻙ ﺍﻟﻠﻲ ﻟﻢ ﻗﻠﺒﻚ ﻉ ﻗﻠﺒﻲ ..
ﺍﻧﻚ ﺗﻨﻔﺪﻳﻬﺎ ...
ﻟﻮ ﺗﻬﻨﺖ ﻫﺎﻟﺒﻼﺩ ﻭﻧﻘﻮﻝ ﻳﺎﺭﺏ ﺗﻬﻨﻰ ﻉ ﺧﺎﻃﺮﻛﻢ ...
ﻛﻤﻠﻲ ﻗﺮﺍﻳﺘﻚ ﻳﺎﺩﻻﻝ .. ﺭﺑﻲ ﻋﻴﺎﻟﻨﺎ ﻳﺎﺩﻻﻝ ﻛﻴﻒ ﻣﺎﺗﺮﺑﻴﺖ ﻭﺗﺮﺑﻴﺘﻲ .. ﻭﺧﻠﻴﻚ ﻗﻮﻳﻪ .. ﺭﺍﻧﻲ ﻋﻠﻴﻚ ﻋﺎﺑﻲ ... ‏)
ﺗﺒﺪﻟﺖ ﻣﻼﻣﺤﻪ ﻟﻠﺤﺪﻩ ﻭﻫﻮ ﻳﻜﺘﺐ ﻓﻬﺎﻟﺴﻄﺮ ..
‏( ﻭﺭﺍﻫﻮ ﻧﻘﻮﻟﻚ .. ﻛﺎﻥ ﺧﺪﻳﺘﻲ ﺭﺍﺟﻞ ﺑﻌﺪﻱ ﻳﺎﺩﻻﻝ ﺍﻋﺮﻓﻲ ﺍﻧﻚ ﺣﺘﻘﻬﺮﻳﻨﻲ ﻭﺍﻧﻲ ﺗﺤﺖ ﺍﻟﻮﻃﺎ ... ﻭﺍﻟﻠﻪ ﺭﻭﺣﻲ ﺗﻨﻘﻬﺮ ...
ﺑﺘﻘﻮﻟﻲ ﺍﻧﺎﻧﻲ ﻧﻘﻮﻟﻚ ﻣﻦ ﻗﺒﻞ ﻗﻠﺘﻬﺎﻟﻚ ﺍﻧﻲ ﻓﺤﺒﻚ ﺍﻧﺘﻲ ﺍﻛﺒﺮ ﺍﻧﺎﻧﻲ ... ﻋﺎﺭﻓﺘﻨﻲ ﻳﺎﺩﻻﻝ ﻧﻘﺎﺍﺍﺍﺍﺭ .... ‏)
ﺿﺤﻚ ﻭﻣﺰﺍﻝ ﻣﺤﺘﻔﻆ ﺑﻤﻼﻣﺤﻪ ﺍﻟﺤﺪﻩ ﻉ ﻭﺟﻬﻪ ..
‏( ﻛﻴﻒ ﻣﺎﻧﻘﻮﻟﻮﺍ ﺣﻨﻲ ... ﻧﻐﺎﺭ ﻛﻴﻒ ﻣﺎﺗﻘﻮﻟﻮﺍ ﺍﻧﺘﻢ ...
ﻭﻫﺪﻱ ﻭﺻﻴﺘﻲ ﻳﺎﺩﻻﻝ ﺗﺒﻴﻨﻲ ﻧﺮﻗﺪ ﻓﻘﺒﺮﻱ ﻣﺘﺮﻳﺢ .. ﺗﺒﻴﻨﻲ ﻧﺒﺎﺕ ﻓﻘﺒﺮﻱ ﻣﺘﻬﻨﻲ ﻧﻔﺬﻳﻬﺎ ... ﻭﺍﻟﻠﻪ ﻳﺎﺩﻻﻝ ﻭﺍﻟﻠﻪ ... ﻟﻮ ﺧﺎﻟﻔﺘﻴﻬﺎ ﺍﻋﺮﻓﻲ ﺍﻥ ﺣﻜﻤﺘﻲ ﻋﻠﻴﺎ ﺑﺎﻟﻌﺬﺍﺏ ﻓﻮﻕ ﺍﻷﺭﺽ ﻟﻤﺎ ﺧﺪﻭﻙ ﻣﻨﻲ ﻣﺮﺓ .. ﻭﺗﺤﺘﻬﺎ ﻟﻮ ﺧﺪﻳﺘﻲ ﻏﻴﺮﻱ ﻣﻦ ﺑﻌﺪﻱ .. ‏)
" ﻣﻼﺯﻡ ﺍﻭﻝ ﻋﻤﺎﺭ .."
ﺷﺒﺢ ﻟﻠﺨﺶ ﻋﻠﻴﻪ ..
: ﺑﺴﺮﻋﻪ ﺍﻃﻠﻊ ﻻﺯﻡ ﻧﻐﻴﺮﻭﺍ ﺍﻟﻤﻜﺎﻥ ...
ﻋﻤﺎﺭ ﻫﺰ ﺭﺍﺳﻪ ﺑﺈﻳﺠﺎﺏ : ﻋﺪﻱ ﺟﺎﻱ ﻭﺭﺍﻙ ..
: ﺍﺳﺘﻌﺠﻞ ... ﻭﻣﺸﻲ ﻃﻠﻊ ﺑﺴﺮﻋﻪ ..
ﻗﻌﺪ ﻳﻜﺘﺐ ﺑﺴﺮﻋﻪ ..
‏( ﺧﻠﺘﻴﻠﻚ ﺯﻣﺎﻟﺘﻲ .. ﻭﻣﺬﻛﺮﺓ ﺍﺷﻌﺎﺭﻱ .. ﻭﻋﻄﺮﻱ .. ﻭﺻﻮﺭﺓ ... ﺧﻠﻴﺘﻠﻚ ﺣﺎﺟﺎﺕ ﻣﻨﻲ ﺗﻌﺸﻘﻴﻬﻦ ... ﻧﺒﻴﻬﻦ ﻳﺬﻛﺮﻧﻚ ﺩﻳﻤﺎ ﺍﻥ ﻣﺎﻓﻲ ﺭﺍﺟﻞ ﻓﻲ ﺍﻟﺪﻧﻴﺎ ﻳﻘﺪﺭ ﻳﺎﺧﺪ ﻣﻜﺎﻧﻲ ...
" ﻋﻤﺎﺍﺍﺍﺭ .."
ﻛﺘﺐ ﺑﺴﺮﻋﻪ ..
‏( ﺍﺩﻋﻴﻠﻲ ﺩﻳﻤﺎ ... ﻓﻮﺩﻳﻌﺔ ﺍﻟﻠﻪ ‏)
ﻃﺒﻖ ﺍﻟﻮﺭﻗﻪ ﻓﻴﺴﻊ ﻭﺣﻄﻬﺎ ﻓﻲ ﺍﻟﺸﻨﻄﻪ ﻭﺳﺮﺕ ﺍﻟﺴﻮﺳﺘﻪ ...
ﻭﺧﺪﺍﻫﺎ ﻭﻃﻠﻊ ﻳﺠﺮﻱ ...
ﻗﺎﺑﻠﻪ ﻣﺆﻧﺲ : ﻭﻳﻨﻚ ﻳﺎﺧﺎﻝ ..
ﺧﺒﻂ ﺑﻴﺪﻩ ﻉ ﻛﺘﻒ ﻣﺆﻧﺲ ﻭﻗﺎﻝ : ﻫﻴﺎ ...
ﻭﻃﻠﻌﻮﺍ ﻃﻮﻝ ...
🍁 ﻗﺮﺑﺖ ﻟﻴﻬﺎ ﺍﻟﻮﺭﻗﻪ ﻭﻗﻌﺪﺕ ﺗﺸﻢ ﻓﻴﻬﺎ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ...
ﻭﺩﻣﻮﻋﻬﺎ ﻣﺎﺑﻄﻠﻮﺵ ﻧﺰﻭﻝ ..
ﺷﻬﻘﺖ .. ﻭﺑﺪﺕ ﺗﺒﻜﻲ ﺑﺎﻟﻌﺒﺮﺓ ..
ﻭﺗﻘﻮﻝ : ﻣﺎﻓﻴﺶ ﺭﺍﺟﻞ ﺑﻌﺪﻙ ﻳﺎﻏﺎﻟﻲ .... ﺑﻨﻘﻌﺪ ﺭﺍﺑﻂ ﻋﻠﻴﻚ ﻃﻮﻝ ﻋﻤﺮﻱ ... ﻃﻮﻝ ﻋﻤﺮﻱ ..... ﻧﻘﻌﺪ ﻣﺮﺗﻚ ... ﻳﺎﺭﺍﺟﻠﻲ .. ﻳﺎﻓﺎﺭﺳﻲ .. ﻳﺎﺣﺐ ﻋﻤﺮﻱ ... ﻋﻤﺎﺍﺍﺍﺍﺍﺭﻱ .... ﻳﺎﻋﻤﺎﺍﺍﺍﺭﻱ ...
ﻓﺘﺤﺖ ﺍﻣﻬﺎ ﺍﻟﺒﺎﺏ ﻭﺧﺸﺖ ﻃﻮﻝ ﻭﻣﻌﺎﻫﺎ ﻧﻮﺭ ...
ﻟﻘﻮﻫﺎ ﻏﺎﻣﻪ ﻭﺟﻬﻬﺎ ﺑﺎﻟﻮﺭﻗﻪ ﻭﺗﻮﻣﻲ ﻭﺗﻌﻴﻂ ... ﻋﻤﺎﺍﺍﺍﺍﺭﻱ ...
ﻭﺍﻣﻬﺎ ﺣﻀﻨﺘﻬﺎ ﻭﻗﻌﺪﺕ ﺗﺒﻜﻲ ﻣﻌﺎﻫﺎ ...
ﻭﻧﻮﺭ ﺑﻌﺒﺮﺗﻬﺎ ...
ﺍﻣﺎ ﻓﻲ ﺍﻟﻤﺮﺑﻮﻋﻪ ...
ﻓﺨﺎﻟﻬﺎ ﻭﺑﻮﻫﺎ ﻳﺴﻤﻌﻮﺍ ﻓﻴﻬﺎ ...
ﻭﻻ ﻭﺍﺣﺪ ﻓﻴﻬﻢ ﻗﺪﺭ ﻳﺴﻴﻄﺮ ﻉ ﺩﻣﻮﻋﻪ ..
ﻋﺒﺪﺍﻟﺴﻼﻡ ﺑﺪﻣﻮﻉ : ﺇﻥ ﺷﺎﺀ ﺍﻟﻠﻪ ﺭﺑﻲ ﻳﺴﺎﻣﺤﻨﻲ ﻳﺎﺑﻨﺘﻲ ﺍﻧﻲ ﺍﻟﻠﻲ ﺩﺭﺗﻬﺎ ﻓﻴﻚ ..
ﻫﺎﻧﻴﺒﺎﻝ ﻭﻫﻮ ﻳﻤﺴﺢ ﻓﺪﻣﻮﻋﻪ ﺑﻴﺪ .. ﺣﻂ ﻳﺪﻩ ﺍﻟﺘﺎﻧﻴﻪ ﻉ ﻛﺘﻒ ﻋﺒﺪﺍﻟﺴﻼﻡ ﻭﻫﻮﻳﻘﻮﻝ : ﻧﺼﻴﺒﻬﺎ .. ﺍﻧﺖ ﻣﺎﻟﻴﻚ ﻳﺪ ﻓﺸﻲ ...
" ﺁﺍﺍﺍﺍﺍﺍﺍﺍﺍﺍﺍﺍﺍﺍﻩ ﺻﺒﺮﻧﻲ ﻳﺎﺍﺍﺍﺭﺑﻲ .."
ﻏﻤﺾ ﻋﻴﻮﻧﻪ ﺑﻮﻫﺎ ﺑﺸﺪﻩ ﻭﺣﻂ ﺍﻳﺪﻳﻪ ﻉ ﻭﺫﺍﻧﻪ ..
ﻫﺎﻧﻴﺒﺎﻝ : ﺗﻌﺎﻟﻰ ﺗﻌﺎﻟﻲ ..
ﺧﺪﺍﻩ ﻣﻌﺎﻩ ﻭﻃﻠﻊ ﻣﻦ ﺍﻟﺤﻮﺵ ﺑﻜﻞ ...
🌴🌴🌴🌴🌴🌴🌴🌴🌴🌴🌴🌴🌴🌴
ﻭﺍﻗﻔﻪ ﻓﻲ ﺍﻟﻜﻮﺟﻴﻨﻪ ﺍﺩﻳﺮ ﻓﻲ ﻛﻴﻜﻪ ...
ﺭﻥ ﺗﻠﻴﻔﻮﻧﻬﺎ ..
ﻏﺎﻟﻴﻪ : ﻋﺪﻱ ﻣﻠﺢ ..
ﻗﻌﺪ ﻳﺮﻥ ﻟﻴﻦ ﻓﺼﻞ ﺑﻌﺪﻳﻦ ﻋﺎﻭﺩ ..
ﻃﻨﺸﺖ ...
ﻟﻴﻦ ﻓﺼﻞ ...
ﺑﻌﺪﻳﻦ ﻋﺎﻭﺩ ﺭﻥ ....
ﺗﺄﻓﻔﺖ ﻭﻣﺸﺖ ﺑﺪﻳﺮﻩ ﺻﺎﻣﺖ ..
ﺧﺪﺍﺗﻪ ﻣﻦ ﻉ ﺍﻟﺴﻜﺮﻳﻪ ..
ﻭﻳﻦ ﺷﺎﻓﺖ ﺍﻟﻤﺘﺼﻞ .. ﻟﻘﺎﺗﻪ ﻋﻤﺎﺩ ..
ﻃﻮﻝ ﻓﺘﺤﺖ ﺍﻟﺨﻂ ﻭﺭﺩﺕ ﺑﻠﻬﻔﻪ ..
ﻏﺎﻟﻴﻪ : ﻋﻤﺎﺩ !!
ﻋﻤﺎﺩ ﺑﺼﻮﺕ ﻳﺮﺟﻒ : ﻏﺎﻟﻴﻪ ... ﺭﻣﺰﻱ ﺣﻲ ﻳﺎﻏﺎﻟﻴﻪ ... ﺭﻣﺰﻱ ﺣﻲ ..
ﻏﺎﻟﻴﻪ ﺑﻌﻴﻄﻪ : ﺷﻦ ﺗﻘﻮﻝ ﻳﺎﻋﻤﺎﺩ !!
ﻋﻤﺎﺩ ﺑﻀﺤﻜﻪ : ﻫﻬﻬﻬﻬﻬﻬﻬﻪ .. ﺍﻗﺴﻢ ﺑﺎﻟﻠﻪ ... ﺣﻲ ﻓﻤﺼﺮﺍﺗﻪ ... ﺍﺳﻴﺮ ﻫﻮ ﺑﻮ ﺳﻤﻴﻪ ﻣﺮﺕ ﺧﺎﻟﻲ ﺍﻟﻬﺎﺩﻱ ..
ﻏﺎﻟﻴﻪ ﺑﺪﻭﻥ ﻭﻋﻲ ..
ﻃﻠﻌﺖ ﺗﺠﺮﻱ ﻣﻦ ﺍﻟﻜﻮﺟﻴﻨﻪ ﻭﻫﻲ ﺗﻌﻴﻂ : ﺭﻣﺰﻱ ﺣﻴﻴﻴﻲ ...
ﺣﻴﻴﻴﻲ .. ﺭﻣﺰﻱ ﺣﻴﻴﻴﻲ ...
ﻃﻠﻌﺖ ﻣﻦ ﻓﻢ ﺍﻟﺒﻮﺍﺑﻪ ﺗﺠﺮﻱ ﻭﺗﻘﻮﻝ : ﺭﻣﺰﻱ ﺣﻴﻴﻴﻲ ...
ﺣﻴﻴﻴﻲ ... ﻳﺎﺳﻌﻴﺪﻩ ... ﺣﻴﻴﻴﻲ ... ﻳﺎﺭﺯﺍﻥ .... ﻳﺎﻣﻴﻼﺩ ... ﻳﺎﻣﺤﻤﺪ ...
ﺭﻣﺰﻱ ﺣﻴﻴﻲ ... ﻳﺎﺭﺍﻧﻴﺎﺍﺍﺍﺍ .. ﺣﻴﻴﻴﻲ ..
..... ﻳﺘﺒﻊ