المتمردين

العشق المتمرد

#العشق_المتمرد
الحزء91 القسم الاول

#جمان_فريد

🌟🌟🌟🌟🌟🌟🌟🌟
ﺧﺶ ﺑﺴﻴﺎﺭﺗﻪ ﻣﻦ ﺑﺎﺏ ﺍﻟﻘﻄﻌﻪ ﺍﻟﺨﻠﻔﻲ ..
ﻛﻤﻞ ﺑﻴﻬﺎ ﻭﺩﺭﺱ ﺑﺎﻟﺰﺑﻂ ﻗﺪﺍﻡ ﺑﺎﺏ ﻋﻤﺎﺭﺓ ﻭﻻﺩ ﻋﺒﺪﺍﻟﻠﻪ ..
ﻧﺰﻝ ﻣﻦ ﺍﻟﺴﻴﺎﺭﻩ ..
ﺻﻜﺮ ﺑﺎﺑﻬﺎ ..
ﻭﻣﺸﻲ ﻃﻮﻝ ﻟﻠﺒﺎﺏ ﻭﻃﻖ ...
ﺩﺍﺧﻞ ..
ﺣﺴﻦ ﺳﻤﻊ ﺻﻮﺕ ﺍﻟﺴﻴﺎﺭﺓ ﻭﺑﻌﺪﻫﺎ ﻃﻘﺔ ﺍﻟﺒﺎﺏ ﻣﺸﻲ ﻃﻮﻝ ﻟﻠﺒﺎﺏ ﻭﻓﺘﺤﻪ ..
ﺣﺴﻦ : ﺍﻭﻭ ﻋﻤﺎﺩ ﺷﻦ ﺟﻮ ..
ﻋﻤﺎﺩ ﺑﺈﺑﺘﺴﺎﻣﻪ ﻣﺪ ﻳﺪﻩ؛ﻛﻴﻒ ﺣﺎﻟﻚ ﻳﺎﺧﺎﻝ ..
ﺣﺴﻦ ﺻﺎﻓﺤﻪ : ﺍﻟﺤﻤﺪ ﻟﻠﻪ .. ﺗﻔﻀﻞ ﺗﻔﻀﻞ ..
ﻋﻤﺎﺩ : ﻳﺰﻳﺪ ﻓﻀﻠﻚ .. ﺧﺶ .. ﺷﺒﺢ ﻟﺸﻘﺔ ﻣﺆﻧﺲ ﻭﺃﻳﻤﻦ ﻗﺎﻝ .. ﺍﻟﺸﺒﺎﺏ ﻗﺎﻋﺪﻳﻦ ..
ﺷﺎﻑ ﺣﺴﻦ ﻟﺴﺎﻋﺘﻪ ﻭﻗﺎﻝ : ﺭﺑﻊ ﺳﺎﻋﻪ ﻭﻳﻜﻮﻧﻮﺍ ﻫﻨﻰ ﺗﻔﻀﻞ ﺍﺷﺮﺏ ﻣﻌﺎﻱ ﻗﻬﻮﺓ ﻟﺒﻴﻦ ﻣﺎﻳﻮﺻﻠﻮﺍ ..
ﻋﻤﺎﺩ : ﻣﺎﻓﻴﻬﺎﺵ ﺍﺯﻋﺎﺝ؟
ﺣﺴﻦ ﺑﻀﺤﻜﻪ : ﺍﺯﻋﺎﺝ ﺷﻨﻮ ﻳﺎﺭﺍﺟﻞ ﺧﺶ ﺧﺶ ..
ﺍﺑﺘﺴﻢ ﻋﻤﺎﺩ ..
ﺻﻜﺮ ﺣﺴﻦ ﺍﻟﺒﺎﺏ ﻭﻣﺸﻲ ﻭﻋﻤﺎﺩ ﻭﺭﺍﻩ ..
🍁🍁🍁🍁🍁🍁
ﺗﻤﺎﻡ ﺗﻮﺍ؟
ﺑﻠﻘﻴﺲ ﻭﺭﺯﺍﻥ : ﺗﻤﺎﻡ ..
ﻣﺮﺍﻡ ﺑﺈﺑﺘﺴﺎﻣﻪ : ﺭﺑﻲ ﻳﻔﺘﺢ ﻋﻠﻴﻜﻢ .. ﻭﺑﺎﻟﻨﺠﺎﺡ ﺇﻥ ﺷﺎﺀ ﺍﻟﻠﻪ ..
ﺍﻟﺰﻭﺯ ﻭﻫﻤﺎ ﻣﺒﺘﺴﻤﺎﺕ ﺭﺩﻭﺍ : ﺁﻣﻴﻦ ..
ﻧﺎﺿﺖ ﻭﻫﻤﺎ ﻧﺎﺿﻮﺍ ﻣﻌﺎﻫﺎ ﻭﺧﺸﻮﺍ ﺩﺍﺧﻞ ..
ﻉ ﻃﻠﻌﺔ ﻏﺎﻟﻴﻪ ﻣﻦ ﺍﻟﻜﻮﺟﻴﻨﻪ ﻓﻴﺪﻫﺎ ﺻﻔﺮﺓ ﻧﺴﻜﺎﻓﻴﻪ ﻭﺣﻠﻮﻳﺎﺕ ﻗﺎﻟﺖ ﻭﻫﻲ ﻣﺒﺘﺴﻤﻪ : ﻛﻤﻠﺘﻦ ..
ﺍﻟﺜﻼﺗﻪ : ﺍﻳﻪ ..
ﻏﺎﻟﻴﻪ : ﺑﺎﻫﻲ ﺗﻌﺎﻟﻦ ..
ﺧﺸﺖ ﻏﺎﻟﻴﻪ ..
ﻭﺑﻌﺪﻫﺎ ﻣﺮﺍﻡ ﻭﺍﻟﺒﻨﺎﺕ ..
ﻭﻛﺎﻧﺖ ﺍﻟﺪﺍﺭ ﻣﻌﺒﻴﻪ ﺣﺘﻰ ﺣﺪﻫﻢ ﻣﻮﺟﻮﺩﻩ ..
ﻭﺳﻤﻴﻪ ﻛﺬﻟﻚ .. ﺗﺸﻮﻑ ﻟﻤﺮﺍﻡ ﻭﻟﺒﺴﺘﻬﺎ ﻭﻣﻜﻴﺎﺟﻬﺎ ﻭﺍﻳﺪﻳﻬﺎ ﺷﻦ ﻻﺑﺴﻪ ﻓﻴﻬﻢ ﺑﻌﺪﻳﻦ ﺣﺮﻛﺖ ﻋﻴﻮﻧﻬﺎ ﺑﺒﻄﻰ ﻟﺮﻭﺣﻬﺎ ﻭﺷﺎﻓﺖ ﺷﻦ ﻻﺑﺴﻪ .. ﻗﻔﻄﺎﻥ ﺣﻮﺵ ﻭﻭﺷﺎﺡ ﻋﺎﺩﻱ ﻉ ﺭﺍﺳﻬﺎ ..
🍃 ﻫﻲ ﺍﻟﻤﻘﺎﺭﻧﺎﺕ ﺣﺎﻟﻴﺎ ﻏﻠﻂ ﻳﻌﻨﻲ ﻫﻲ ﻋﺮﻭﺳﻪ ﻃﺒﻴﻌﻲ ﺑﺘﻜﻮﻥ ﻫﻜﻲ ﺑﺪﺍﻳﺔ ﺯﻭﺍﺟﻬﺎ .. ﻟﻜﻦ ﻓﻲ ﻧﻔﺲ ﺍﻟﻮﻗﺖ ﺍﻹﻫﻤﺎﻝ ﺍﻛﺒﺮ ﻏﻠﻂ .. ﺣﺘﻰ ﻟﻮ ﻣﺮﺕ ﻉ ﺍﻟﻮﺣﺪﻩ ﺳﻨﻴﻦ ﻭﻫﻲ ﻣﺘﺰﻭﺟﻪ ﻻﺯﻡ ﺗﺤﺎﻓﻆ ﻉ ﻣﻈﻬﺮﻫﺎ ﺍﻟﺤﺴﻦ ﻭﺍﻧﺎﻗﺘﻬﺎ ﺍﻗﻞ ﺷﻲ ﻗﺪﺍﻡ ﺍﻟﻨﺎﺱ 🍃
ﺯﻳﻨﺐ : ﻣﺮﺍﻡ ﺍﻟﺒﻌﺘﻪ ﻛﺎﻥ ﺳﺨﺮﻟﻚ ﺭﺑﻲ ﻭﺧﺪﻳﺘﻴﻬﺎ ﻭﻳﻦ ﺣﺘﻜﻮﻥ؟
ﻣﺮﺍﻡ ﺑﺈﺑﺘﺴﺎﻣﻪ؛ﻣﺎﻟﻴﺰﻳﺎ ..
ﻛﻔﺎﻳﻪ : ﻣﻠﻴﺤﻪ ﻣﺎﻟﻴﺰﻳﺎ ﺧﺎﻃﺮﻱ ﻧﻤﺸﻴﻠﻬﺎ .. ﻋﻤﺎﺩ ﻗﺮﻳﺐ 7 ﻣﺮﺍﺕ ﻣﺎﺷﻲ ﻏﺎﺩﻱ ..
ﻭﻳﻦ ﺟﺖ ﺳﻴﺮﺗﻪ ﺭﺯﺍﻥ ﻗﻠﺒﻬﺎ ﺍﻧﺘﻔﺾ ﻭﺷﺒﺤﺖ ﻃﻮﻝ ﻟﻌﻤﺘﻬﺎ ..
ﻣﺮﺍﻡ : ﺣﻜﻮﻟﻲ ﻋﻦ ﻃﺒﻴﻌﺔ ﺍﻟﺤﻴﺎﺓ ﻓﻴﻬﺎ ﻭﻗﺎﻟﻮﺍ ﺗﻌﺘﺒﺮ ﺭﺧﻴﺼﻪ ﻗﺪﺍﻡ ﻫﻠﺒﻪ ﺩﻭﻝ .
ﻛﻔﺎﻳﻪ : ﻋﻤﺎﺩ ﻗﺎﻟﻲ ﻏﺎﻟﻴﻪ ﻣﻮﻟﻴﻪ ﻟﻜﻦ ﺗﺪﺑﺮ ﺍﻷﻣﻮﺭ ﻓﻴﻬﺎ ..
ﺯﻳﻨﺐ : ﺭﺑﻲ ﻳﺴﻴﺮﻫﺎ ﺇﻥ ﺷﺎﺀ ﺍﻟﻠﻪ ﻭﻳﻤﺸﻮﺍ ﻭﺗﺮﻭﺣﻠﻨﺎ ﻛﻨﻴﻨﺘﻨﺎ ﺩﻛﺘﻮﺭﺓ ..
ﺍﺑﺘﺴﻤﺖ ﻣﺮﺍﻡ ﺧﺠﻼ ..
ﻭﺳﻤﻴﻪ ﻛﺎﻥ ﺗﻠﻘﻰ ﺗﻮﻟﻊ ﻓﻴﻬﺎ ﺍﻟﻨﺎﺭ ..
ﻛﻤﻠﻮﺍ ﻫﺪﺭﺯﺓ ﻭﺟﻮﻫﻢ ﻛﺎﻥ ﺣﻠﻮ ..
ﺑﺲ ﻧﻮﺭ ﻻﺣﻈﺖ ﺍﻥ ﺣﺪﻫﻢ ﻣﺶ ﻉ ﺑﻌﻀﻬﺎ ﻭﺍﻏﻠﺐ ﺍﻟﺘﻘﻌﻤﻴﺰﺓ ﺳﺮﺣﺎﻧﻪ ..
ﻧﻮﺭ : ﺣﺪﻭﺩ .. ﺩﻭﺩﻭ ..
ﺷﺒﺤﺘﻠﻬﺎ ﻭﻫﻲ ﺭﺍﻓﻌﻪ ﺣﻮﺍﺟﺒﻬﺎ : ﺍﻣﻢ ..
ﻧﻮﺭ : ﻭﻳﻦ ﺩﻳﺎﺭ ﻋﻘﻠﻚ .
ﺿﺤﻜﺖ ﺣﺪﻫﻢ ﺑﺄﻟﻢ ﻭﻗﺎﻟﺖ : ﻋﻨﺪ ﻣﺎﻣﺎ ..
ﻧﻮﺭ ﺑﺪﺕ ﻉ ﻭﺟﻬﻬﺎ ﻣﻼﻣﺢ ﺍﻟﺤﺰﻥ ﻭﺳﻜﺘﺖ ﻣﺎﻋﺮﻓﺘﺶ ﺷﻦ ﺗﻘﻮﻟﻠﻬﺎ ..
ﻭﺣﺪﻫﻢ ﺭﺟﻌﺖ ﺳﺮﺣﺖ ﻣﻦ ﺟﺪﻳﺪ ..
🍁🍁🍁🍁
ﺩﺭﺳﺖ ﺳﻴﺎﺭﺓ ﻣﺆﻧﺲ ﻭﺍﻳﻤﻦ ﺣﺪﺍ ﺍﻟﺤﻮﺵ ..
ﻧﺰﻟﻮﺍ ..
ﺑﻌﺪ ﺻﻜﺮﻭﺍ ﺍﻟﺒﻴﺒﺎﻥ ..
ﺗﻮﺟﻬﻮﺍ ﻃﻮﻝ ﻟﺒﺎﺏ ﺍﻟﺤﻮﺵ ..
ﻓﺘﺢ ﻣﺆﻧﺲ ﺍﻟﺒﺎﺏ ..
ﻭﺧﺸﻮﺍ ﺍﻟﺰﻭﺯ ..
ﺍﻭﻝ ﻣﺎﺧﺸﻮﺍ ﻧﺎﺩﺍﻫﻢ ﺣﺴﻦ ..
ﺣﺴﻦ : ﺧﻮﻱ ﻣﺆﻧﺲ ..
ﻣﺆﻧﺲ ﺩﻳﻤﺎ ﻭﻳﻦ ﻳﻨﺎﺩﻳﻪ ﺣﺴﻦ ﻗﻠﺒﻪ ﻳﻨﻘﺒﺾ ..
ﺍﻭﻝ ﺣﺎﺟﻪ ﻳﻔﻜﺮ ﻓﻴﻬﺎ ﻃﻮﻝ ﺍﻥ ﺑﻴﻄﻠﻌﻬﻢ ..
🍃 ﻧﻌﻤﺔ ﺍﻹﺳﺘﻘﺮﺍﺭ ﻻﺗﻘﺪﺭ ﺑﺜﻤﻦ ﻭﻫﻤﺎ ﻓﺎﻗﺪﻳﻨﻬﺎ 🍃
ﺗﻠﻔﺘﻮﻟﻪ ﺍﻟﺰﻭﺯ ..
ﻭﻗﻒ ﻋﻠﻴﻬﻢ ﺣﺴﻦ ﻭﻗﺎﻝ : ﻋﻤﺎﺩ ﻣﻦ ﺑﻜﺮﻱ ﻫﻨﻰ ﻭﻳﺮﺍﺟﻲ ﻓﻴﻚ ..
ﻣﺆﻧﺲ ﻭﺍﻳﻤﻦ ﺍﺳﺘﻐﺮﺑﻮﺍ ..
ﻣﺆﻧﺲ : ﻓﻲ ﺍﻧﻲ؟
ﺣﺴﻦ : ﺍﻳﻪ ..
ﺍﻳﻤﻦ ﺑﺘﻬﻜﻢ : ﺍﻟﻠﻪ ﺍﻋﻠﻢ ﻗﺪﻳﺶ ﻃﺎﻟﺒﻴﻦ ﻓﻴﻨﺎ ﺗﻮﺍ ﺑﻴﺶ ﺑﻴﺴﻠﻤﻨﺎ ﻟﻴﻬﻢ ..
ﻣﺆﻧﺲ ﺷﺒﺢ ﻷﻳﻤﻦ ..
ﻭﺣﺴﻦ ﻗﻌﺪ ﻳﻔﻜﺮ ﻓﻜﻼﻡ ﺍﻳﻤﻦ ﺑﻌﺪﻳﻦ ﻗﺎﻝ : ﺧﻠﻪ ﻳﻘﺘﻠﻨﻲ ﻭﺑﻌﺪﻳﻦ ﻳﺎﺧﺪﻛﻢ ..
ﺣﻂ ﻣﺆﻧﺲ ﻳﺪﻩ ﻉ ﻛﺘﻒ ﺣﺴﻦ ﻭﻃﺒﻄﺐ ﻋﻠﻴﻪ ﻭﻗﺎﻝ : ﻓﻲ ﺍﻟﻤﺮﺑﻮﻋﻪ ﻫﻮ؟
ﺣﺴﻦ : ﺍﻳﻪ ..
ﺗﻨﻬﺪ ﻣﺆﻧﺲ ﻭﻣﺸﻲ ﻭﺭﺍﻓﻘﻮﻩ ﺣﺴﻦ ﻭﺍﻳﻤﻦ ..
ﻭﺻﻠﻮﺍ ﻓﻲ ﺑﺎﺏ ﺍﻟﻤﺮﺑﻮﻋﻪ ..
ﺧﺶ ﺣﺴﻦ ..
ﺑﻌﺪﻩ ﺧﺶ ﻣﺆﻧﺲ ﻭﻫﻮ ﻳﻘﻮﻝ ﺑﻜﺒﺮ : ﺍﻟﺴﻼﻡ ﻋﻠﻴﻜﻢ ..
ﻋﻤﺎﺩ ﺍﺑﺘﺴﻢ ﻭﻧﺎﺽ ﻭﻗﻒ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻣﻠﻪ ﻣﺆﻧﺲ ..
ﻣﺪ ﻋﻤﺎﺩ ﻳﺪﻩ : ﻛﻴﻒ ﺣﺎﻟﻚ ..
ﺻﺎﻓﺤﻪ ﻣﺆﻧﺲ ﻭﻫﻮ ﺭﺍﻓﻊ ﺣﺎﺟﺒﻪ : ﺍﻟﺤﻤﺪ ﻟﻠﻪ .. ﻗﺎﻟﻮﺍ ﺗﺒﻴﻨﻲ ..
ﻋﻤﺎﺩ ﺑﺈﺑﺘﺴﺎﻣﻪ : ﺍﻳﻪ ﺑﺲ ﻉ ﺍﻧﻔﺮﺍﺩ ..
ﺍﻳﻤﻦ ﻭﺣﺴﻦ ﺷﺒﺤﻮﺍ ﻟﻌﻤﺎﺩ ﺑﺤﺪﻩ ..
ﻣﺆﻧﺲ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﺑﺎﻫﻲ ..
ﺷﺒﺢ ﻷﻳﻤﻦ ﻭﻣﺆﻧﺲ ﻭﻗﺎﻝ : ﻣﻌﻠﻴﺶ ﺧﻠﻮﻧﻲ ﻣﻌﺎﻩ ..
ﻋﻤﺎﺩ ﺷﺒﺤﻠﻬﻢ ﺣﺲ ﻣﻦ ﻧﻈﺮﺍﺗﻬﻢ ﺍﻧﻬﻢ ﻓﺎﻫﻤﻴﻦ ﻏﻠﻂ ﻟﻜﻦ ﻣﺎﺑﺎﺵ ﻳﺘﻜﻠﻢ ..
ﺷﻮﻳﻪ ﻭﻃﻠﻌﻮﺍ ﺍﻳﻤﻦ ﻭﺣﺴﻦ ..
ﻭﻧﻈﺮﺍﺕ ﺍﻳﻤﻦ ﻟﻌﻤﺎﺩ ﻭﻫﻮ ﻃﺎﻟﻊ ﻛﻠﻬﺎ ﻛﺮﻩ ..
ﻣﺆﻧﺲ ﺷﺒﺢ ﻟﻌﻤﺎﺩ ﺭﻓﻊ ﺣﻮﺍﺟﺒﻪ ﻭﻗﺎﻝ : ﻫﺎﻧﺎ ﻗﻌﺪﻧﺎ ﺑﺮﻭﺍﺣﻨﺎ ﺷﻦ ﻋﻨﺪﻙ؟
ﺍﺑﺘﺴﻢ ﻋﻤﺎﺩ ﻭﻗﺎﻝ : ﻧﻘﻌﻤﺰﻭﺍ ﻗﺒﻞ؟ !
ﺷﺒﺤﻠﻪ ﻣﺆﻧﺲ ﺷﻮﻳﻪ ﺑﻌﺪﻳﻦ ﻗﻌﻤﺰ ﻭﻗﻌﻤﺰ ﻋﻤﺎﺩ ﻣﻌﺎﻩ ..
ﻋﻤﺎﺩ : ﻓﺸﻦ ﻣﺘﻮﻗﻌﻨﻲ ﻧﺒﻴﻚ؟
ﻣﺆﻧﺲ؛ﺍﻧﻲ ﻧﺒﻲ ﻧﻌﺮﻑ ﻣﻨﻚ؟
ﻋﻤﺎﺩ ﺣﻚ ﺣﺎﺟﺒﻪ ﻭﻗﺎﻝ؛ﺑﺎﻫﻲ .. ﻗﺒﻞ ﻧﺘﻜﻠﻢ ﻧﺒﻴﻚ ﺑﺲ ﺗﻔﻬﻢ ﻋﻠﻴﺎ ﻭﺗﺴﻤﻌﻨﻲ ﺑﺪﻭﻥ ﺣﺴﺎﺳﻴﺎﺕ ﻭﺗﻔﻬﻤﻨﻲ ﻛﻮﻳﺲ ﻭﺗﺤﻮﻝ ﻉ ﺗﺮﻛﻴﻨﻪ ﻛﻞ ﺷﻲ ﻟﻴﻪ ﻋﻼﻗﻪ ﺑﺘﻮﺟﻬﻲ ﻭﺗﻮﺟﻬﻚ ﻓﻜﺮ ﺑﺲ ﻓﻲ ﺻﻠﻪ ﺍﻟﻘﺮﺍﺑﻪ ﺍﻟﻠﻲ ﺗﺮﺑﻄﻨﺎ ﺑﺒﻌﺾ .. ﺑﺲ ..
ﻣﺆﻧﺲ ﻧﺰﻝ ﻋﻴﻮﻧﻪ ﻭﻫﻮ ﺭﺍﻓﻊ ﺣﺎﺟﺒﻪ ﻓﻜﺮ ﺷﻮﻱ ﺑﻌﺪﻳﻦ ﻗﺎﻝ؛ﻫﺎﺕ ﺍﻟﻠﻲ ﻋﻨﺪﻙ ..
🍁🍁🍁🍁🍁
ﻻﻋﺎﺩ ﻫﻤﺎ ﻳﻘﺮﺏ ﺭﻣﻀﺎﻥ ﻳﺒﺪﻭﺍ ﻳﺪﻳﺮﻭﺍ ﻓﺪﻋﺎﻳﺎﺕ ﻉ
ﻣﺴﻠﺴﻞ ﻫﺮﻭﺏ ﺍﻟﻀﻲ ..
ﺿﺤﻜﻮﺍ ..
ﻧﻌﻴﻤﻪ ﺑﻀﺤﻜﻪ : ﺻﺪﻗﺘﻲ ﻳﺎﻛﻔﺎﻳﻪ ﻭﻋﺎﺩ ﺭﻣﻀﺎﻥ ﺍﻟﺴﻨﻪ ﻫﺎﺩﻱ ﻓﻲ ﻋﺰ ﺍﻟﺤﻨﺤﺎﻃﻲ ..
ﻏﺎﻟﻴﻪ : ﻋﻠﻴﻜﻢ ﻭﻋﻠﻰ ﺍﻟﻤﻮﻟﺪﺍﺕ ..
ﺯﻳﻨﺐ : ﺍﻳﻪ ﺣﻘﻪ ﺑﺘﺎﺧﺪﻭﺍ ﺍﻧﺘﻢ ﻏﺎﻟﻴﻪ ..
ﻏﺎﻟﻴﻪ : ﻣﻦ ﻗﺒﻞ ﻋﺮﺱ ﻫﺎﻧﻴﺒﺎﻝ ﺍﺗﻔﻘﻮﺍ ﻋﻤﺮ ﻭﻣﺤﻤﺪ ﻳﺸﺘﺮﻛﻮﺍ ﻓﻲ ﻭﺍﺣﺪ .. ﺷﺒﺤﺖ ﻟﻤﺮﺍﻡ .. ﻭﻫﺎﻧﻴﺒﺎﻝ ﻗﺎﻝ ﺑﻴﺎﺧﺪ ﻭﺍﺣﺪ ﺑﺮﻭﺣﻪ ..
ﻣﺮﺍﻡ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺍﻳﻪ ..
ﻛﻔﺎﻳﻪ ﺷﺒﺤﺖ ﻟﺴﻤﻴﻪ : ﻭﺍﻧﺘﻢ ﺳﻤﻴﻪ ..
ﺳﻤﻴﻪ ﺍﺭﺗﺒﻜﺖ : ﻣﺎﻧﻌﻠﻢ ﻉ ﻋﻘﻞ ﺍﻟﻬﺎﺩﻱ ﺷﻦ ﻓﻴﻪ ..
ﻏﺎﻟﻴﻪ : ﻗﺎﻝ ﺑﻴﺎﺧﺪ ﻣﻦ ﻫﺎﻧﻴﺒﺎﻝ ﺿﻲ ﻣﺎﻳﻮﻟﻊ ﻻﻣﺒﺎﺕ ﻭﻫﻜﻲ ..
ﻭﺟﻪ ﺳﻤﻴﻪ ﻭﻻ ﺍﻟﻮﺍﻥ ..
🍃 ﻫﻲ ﺗﻌﺮﻑ ﻏﻴﺮ ﻣﺎﺗﺒﻴﺶ ﺗﻘﻮﻝ ﺣﺎﺟﻪ ﺯﻱ ﻫﺎﺩﻱ ﻗﺪﺍﻡ ﻣﺮﺍﻡ ﻭﺗﺒﺎﻥ ﺍﻗﻞ ﻣﻨﻬﺎ ﻭﻛﺈﻧﻬﺎ ﻫﻲ ﺍﻟﻠﻲ ﻋﺎﻃﻴﺘﻬﻢ 🍃
ﺳﻤﻴﻪ ﺑﺮﺑﻜﻪ : ﺍﻳﻪ ﻫﻮ ﻗﺎﻝ ﻟﻜﻦ ﻣﺎﺍﻛﺪﺵ ..
ﻏﺎﻟﻴﻪ : ﺍﻫﺎ ..
ﻭﺍﻟﺒﺎﻗﻲ ﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ..
ﺷﺒﺤﺖ ﺩﻻﻝ ﻟﺮﺍﻧﻴﺎ ﻭﺭﺑﺎﺏ ﻭﻫﻤﺎ ﺷﺒﺤﻮﻟﻬﺎ ﻭﺍﺷﺮﻭﺍ ﺑﻌﻴﻮﻧﻬﻢ ﻟﺒﻌﺾ ..
🍁🍁🍁🍁🍁
ﻣﺶ ﻣﻨﻴﻪ ﻣﻨﻲ ﻭﻻﺟﻤﻴﻞ .. ﺍﻋﺘﺒﺮﻩ ﻭﺍﺟﺐ ﻉ ﺍﻷﻗﺎﺭﺏ ﻓﺒﻌﻀﻬﻢ ... ﻭﻻ ﺍﻋﺘﺒﺮﻩ ﺧﻴﺮ ﺩﺭﺗﻪ ﻓﻴﻮﻡ ﻣﻦ ﺍﻷﻳﺎﻡ ﻭﺭﺑﻚ ﺩﺳﻬﻮﻟﻚ ﺑﺶ ﺑﻴﺮﺩﻩ ﺗﻮﺍ .. ﺍﻋﺘﺒﺮﻩ ﻛﻞ ﺷﻲ ﺑﺎﻫﻲ ﻭﻻﺗﻌﺘﺒﺮﻩ ﻳﻮﺻﻞ ﻓﻜﺮﺍﻣﺘﻚ ﺍﻭ ﻳﻤﺲ ﻋﺰﺓ ﻧﻔﺴﻚ ﻓﺸﻲ ..
ﻣﺆﻧﺲ : ﻭﻣﻦ ﻗﺎﻝ ﺍﻧﻚ ﻣﺎﺗﻜﺬﺑﺶ ! ؟
ﻋﻤﺎﺩ ﺑﻀﺤﻜﻪ : ﺗﻤﺎﻡ ﺍﻧﺖ ﻣﺶ ﻣﺼﺪﻕ ﺍﻧﺖ ﺣﺮ ﺍﻧﻲ ﺍﻟﻠﻲ ﻋﻠﻴﺎ ﺩﺭﺗﻪ ﻭﺑﻠﻐﺘﻚ ﻭﺑﺲ .. ﺣﺪﻱ ﻧﻄﻠﻊ ﻣﻦ ﻫﻨﻲ ﻭﻧﻤﺸﻲ ﻉ ﺣﺎﻟﻲ ﻭﻣﺘﺮﻭﻟﻚ ﺍﻧﺖ ﺣﺮﻳﺔ ﺍﻟﻘﺮﺍﺭ ..
ﺷﺒﺢ ﻣﺆﻧﺲ ﺍﻟﻘﺪﺍﻡ ﻭﻫﻮ ﻳﻔﻜﺮ ..
ﻋﻤﺎﺩ ﺑﺈﺑﺘﺴﺎﻣﻪ : ﻻﺍﻧﻲ ﺣﺎﻓﻆ ﻟﻜﺘﺎﺏ ﺍﻟﻠﻪ ﺯﻳﻚ ﻭﻻﺍﻧﻲ ﻣﻠﺘﺰﻡ ﺍﻹﻟﺘﺰﺍﻡ ﺍﻟﺼﺢ ﺯﻳﻚ .. ﻧﺼﻠﻲ ﻓﺼﻼﺗﻲ ﻭﻧﺄﺩﻱ ﻓﺤﻖ ﺭﺑﻲ ﻋﻠﻴﺎ ﻭﺭﺑﻚ ﺳﺎﺗﺮﻧﻲ ﺑﺴﺘﺮﻩ .. ﻟﻜﻦ ﻣﻊ ﻫﺬﺍ ﺑﻨﺬﻛﺮﻙ ﺑﺂﻳﻪ ﻓﻲ ﺍﻟﻘﺮﺁﻥ
" ﻳﺎﺃﻳﻬﺎ ﺍﻟﺬﻳﻦ ﺀﺍﻣﻨﻮﺍ ﺍﺟﺘﻨﺒﻮﺍ ﻛﺜﻴﺮﺍ ﻣﻦ ﺍﻟﻈﻦ ﺍﻥ ﺑﻌﺾ ﺍﻟﻈﻦ ﺇﺛﻢ "
ﻭﺣﺪﻳﺚ ﻧﻌﺮﻓﻪ ﻛﻮﻳﺲ ﺑﻤﺎ ﻣﻌﻨﺎﻩ " ﻛﺎﻥ ﺍﻟﻠﻪ ﻓﻲ ﻋﻮﻥ ﺍﻟﻌﺒﺪ ﻣﺎﻛﺎﻥ ﺍﻟﻌﺒﺪ ﻓﻌﻮﻥ ﺍﺧﻴﻪ " ﻭﺍﻧﻲ ﻣﺎﺷﻲ ﺑﻴﻪ ﻓﺤﻴﺎﺗﻲ ﻛﻠﻬﺎ ..
🍃 ﻣﺆﻧﺲ ﺩﺍﺧﻠﻴﺎ ﺍﺭﺗﺎﺡ ﺑﺲ ﻣﺎﺑﺎﺵ ﻳﺒﻴﻦ ﻫﺎﻟﺸﻲ ﻟﻌﻤﺎﺩ ﺣﺬﺭ ﻣﻤﺰﻭﺝ ﺑﺎﻟﻜﺒﺮ 🍃
🍁🍁🍁🍁🍁🍁
ﻓﻌﺰ ﺍﻟﻬﺪﺭﺯﺓ ..
ﺧﺶ ﺍﻟﺼﻐﺎﺭ ﻉ ﺍﻣﻬﺎﺗﻬﻢ ..
ﻓﺆﺍﺩ : ﺍﻣﻲ ﻣﺠﺪ ﺿﺮﺑﻨﻲ ..
ﻧﻌﻴﻤﻪ : ﻣﺠﺪ؟ !
ﻣﺠﺪ ﺑﻐﻀﺐ : ﻳﻀﺮﺏ ﻓﺮﻭﺍﻥ ..
ﺯﻳﻨﺐ : ﻋﻼﺵ ﻳﺎﻓﺆﺍﺩ ﺗﻀﺮﺏ ﻓﺮﻭﺍﻥ ﻳﺎﺑﺎﺑﺎ ﺻﻐﻴﺮﺓ ﺷﻦ ﺩﺍﺭﺗﻠﻚ ..
ﻓﺆﺍﺩ : ﺗﺎﺧﺪ ﻓﺄﻟﻌﺎﺑﻲ ..
ﻏﺎﻟﻴﻪ : ﻣﻌﻠﻴﺸﻲ ﺣﺒﻴﺒﻲ ﺍﻟﻌﺒﻮﺍ ﺟﻤﻴﻊ ..
ﺯﻳﻨﺐ ﺣﺎﺿﻨﻪ ﺑﻨﺘﻬﺎ ﺍﻟﻠﻲ ﺗﺒﻜﻲ ﻭﺭﺍﻗﻴﺘﻠﻬﺎ ..
ﻧﻌﻴﻤﻪ : ﻣﺮﺓ ﺗﺎﻧﻴﻪ ﻳﺎﻣﺠﺪ ﻟﻤﺎ ﻳﻀﺮﺑﻬﺎ ﺗﺠﻲ ﻟﻤﺮﺕ ﺧﺎﻟﻚ ﺗﻘﻮﻟﻠﻬﺎ ﻣﺎﺗﻀﺮﺑﺎﺵ ﺗﻀﺮﺑﻪ ﻣﺮﺓ ﺗﺎﻧﻴﻪ ﻧﻀﺮﺑﻚ ﻗﺪﺍﻣﻬﻢ ..
ﺳﻜﺖ ﻣﺠﺪ ﻭﻫﻮ ﻣﻌﺼﺐ ..
ﻭﺳﻤﻴﻪ ﺣﺎﺿﻨﻪ ﻭﻟﺪﻫﺎ ﻭﻣﻦ ﺩﺍﺧﻠﻬﺎ ﺗﺪﻋﻲ ﻭﺗﺴﺤﺴﺢ ..
ﺟﻮﺍﺩ : ﻫﻴﺎ ﺗﻌﺎﻟﻲ ﻧﻠﻌﺒﻮﺍ ..
ﺩﻻﻝ : ﺗﻠﻌﺒﻮﺍ ﻫﻨﻲ ﻓﻲ ﺍﻟﺼﺎﻟﻪ ..
ﻣﻌﻤﺮ؛ﻧﺒﻲ ﺑﺮﺍ
ﺩﻻﻝ ﻓﻨﺼﺖ ﻓﻴﻪ
ﻣﻌﻤﺮ ﻗﻮﺱ ﺷﻮﺭﺍﺑﻪ ﻭﺳﻜﺖ ..
ﺟﻮﺍﺩ : ﺑﺎﻫﻲ ..
ﺧﺪﻱ ﺧﻮﻩ ﻭﻃﻠﻌﻮﺍ ﻫﻤﺎ ﻭﺧﺎﻟﻬﻢ ﻭﺭﻣﻀﺎﻥ ﻣﻌﺎﻫﻢ ..
ﺍﻣﺎ ﻓﺆﺍﺩ ﻗﻌﺪ ﻋﻨﺪ ﺍﻣﻪ ...
ﻭﻣﺮﺍﻡ ﺗﺸﻮﻓﻠﻪ ﻻﺣﻈﺖ ﻓﻲ ﺍﻟﻮﻟﺪ ﺷﻲ ﻏﺮﻳﺐ ..
ﻭﺣﺪﻩ ﻣﻦ ﻋﻴﻮﻧﻪ ﺍﻟﻌﺪﺳﻪ ﻣﺘﺎﻋﻬﺎ ﺯﻱ ﺗﻤﺸﻲ ﺑﺮﻭﺣﻬﺎ ﻣﺮﺓ ﻣﺮﺓ
ﻗﺮﺑﺖ ﻟﺮﺯﺍﻥ ﻭﻗﺎﻟﺖ : ﻋﻴﻦ ﻓﺆﺍﺩ ﺧﻴﺮﻫﺎ ..
ﺷﺒﺤﺖ ﺭﺯﺍﻥ ﻟﻔﺆﺍﺩ : ﻟﻴﻨﺎ ﻓﺘﺮﺓ ﻣﻼﺣﻈﻴﻨﻬﺎ ﻭﻗﺎﺕ ﻋﻠﻴﻬﺎ ﻋﻤﺘﻲ ﻏﺎﻟﻴﻪ ﻟﺴﻤﻴﻪ ﻗﺎﺕ ﻋﺎﺩﻳﻪ ﻣﺎﻓﻴﻬﺎ ﺷﻲ ..
ﻫﺰﺕ ﻣﺮﺍﻡ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺸﻮﻑ ﻟﻔﺆﺍﺩ ..
ﻏﺎﻟﻴﻪ : ﺑﺎﻟﻠﻪ ﺭﺯﻭﻧﻪ ﺻﺒﻲ ﺍﺭﻓﻌﻲ ﺍﻟﺼﻔﺮﺓ ..
ﺭﺯﺍﻥ : ﺣﺎﺿﺮ .. ﻃﺒﺴﺖ ﻗﺎﻣﺖ ﺍﻟﺼﻔﺮﺓ ﻭﻣﺸﺖ ﻃﻠﻌﺖ ﻣﻦ ﺍﻟﺪﺍﺭ ..
ﺯﻳﻨﺐ : ﺑﻠﻘﻴﺲ ﻉ ﺷﻦ ﻧﺎﻭﻳﻪ ﺑﻌﺪ ﺗﻄﻠﻌﻲ ﻣﻦ ﺍﻟﺜﺎﻧﻮﻱ
ﺑﻠﻘﻴﺲ ﺑﺈﺑﺘﺴﺎﻣﻪ : ﺑﻨﺨﺶ ﻣﻌﻬﺪ ﻣﻌﻠﻤﺎﺕ ..
ﺍﺑﺘﺴﻤﻮﺍ ﺍﻟﺒﻨﺎﺕ ﻭﻫﻤﺎ ﻳﺸﻮﻓﻮﺍ ﻟﺒﻌﺾ ..
ﻭﻫﻲ ﺗﺤﺸﻤﺖ ..
ﻭﺣﺪﻫﻢ ﻭﺭﺍﻧﻴﺎ ﻭﺩﻻﻝ ﻣﺮﻛﺰﻳﻦ ﻋﻠﻴﻬﺎ 💞
🍁🍁🍁🍁🍁
ﺭﺯﺍﻥ ﻭﻫﻲ ﺗﻐﺴﻞ ﻓﻲ ﺍﻟﻤﺎﻋﻴﻦ ﻋﻘﻠﻬﺎ ﻣﺎﺷﻲ ﺷﻮﺭ ﺍﻟﺰﻳﻨﻴﻦ 💖
ﺗﻔﻜﺮ ﻓﻴﻪ ﻋﻼﺵ ﻣﺎﺟﺎﺵ ﻟﺘﻮﺍ؟ !
ﺯﻋﻤﻪ ﺍﻧﺸﻐﻞ؟ﻭﻻﺑﻴﺠﻲ ﻧﻬﺎﺭ ﺗﺎﻧﻲ؟
ﻫﻲ ﻛﺎﻧﺖ ﺗﺴﺘﻨﻰ ﻓﻲ ﺍﻟﻴﻮﻡ ﺑﺎﻟﺴﺎﻋﻪ ﻭﺍﻟﺪﻗﻴﻘﻪ ..
ﻭﻛﺎﻧﺖ ﻣﺘﻮﻗﻌﺎﺗﻪ ﻣﻦ ﺍﻟﺼﺒﺢ ﻳﻜﻮﻥ ﻣﻮﺟﻮﺩ ﻟﻜﻦ ﺍﻫﻮ ﺍﻟﻤﻐﺮﺏ ﻗﺮﻳﺐ ﻭﻣﺶ ﺑﺎﻳﻨﻠﻪ ﺟﻴﻪ ..
ﺑﻌﺪ ﻛﻤﻠﺖ ﻏﺴﻞ ﺍﻟﻤﺎﻋﻴﻦ ..
ﺍﺧﺘﺎﺭﺕ ﺗﻄﻠﻊ ﺗﻘﻌﻤﺰ ﻓﻢ ﺍﻟﺒﻮﺍﺑﻪ ﻧﺴﻤﻪ ﺑﺎﺭﺩﻩ ﺑﺮﺍ ﻭﻫﺪﻭﺀ .
ﻃﻠﻌﺖ ﻗﻌﻤﺰﺕ ﺍﺗﻜﺖ ﺑﺈﻳﺪﻳﻬﺎ ﻉ ﺍﻷﺭﺽ ﻭﺗﻨﺖ ﺭﻛﺎﺑﻬﺎ ﻟﻔﻮﻕ ﻭﺷﺒﺤﺖ ﻳﻤﻴﻨﻬﺎ ﻭﺳﺮﺣﺖ ﺑﺎﻟﺘﻔﻜﻴﺮ
ﺷﻌﻮﺭ ﺑﺎﻟﻐﺮﺑﻪ ﻓﻐﻴﺎﺑﻪ ﺩﻳﻤﺎ ﺗﺤﺲ ﺑﻴﻪ ...
ﺗﺤﺲ ﻓﺮﻭﺣﻬﺎ ﻧﺎﻗﺼﻪ ﻣﻦ ﺩﻭﻧﻪ ..
💖 ﻫﻮ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﻣﻦ ﺑﻌﻴﺪ ﻛﺎﻥ ﺟﺎﻱ ﺷﺎﻓﻬﺎ ﻣﻘﻌﻤﺰﺓ ﺍﺑﺘﺴﻢ ﺑﻔﺮﺡ ﻭﻗﻠﺒﻪ ﺭﻗﺺ 💓
ﻗﻌﺪ ﻳﻤﺸﻲ ﺑﺎﻟﺸﻮﻳﻪ ﺑﺪﻭﻥ ﻣﺎﺗﺤﺲ ﺑﻴﻪ ..
ﺧﻄﻮﺍﺕ ﺧﻔﻴﻔﻪ ﻏﻴﺮ ﻣﺴﻤﻮﻋﻪ ﺑﺎﻟﺬﺍﺕ ﻟﻴﻬﺎ ﻫﻲ ﺍﻟﻠﻲ ﺑﺎﻳﻦ ﺍﻧﻬﺎ ﺳﺎﺭﺣﻪ ..
ﻫﻜﻲ .. ﻟﻌﻨﺪ ﻣﺎﻭﺻﻞ ﻟﻠﻤﻜﺎﻥ ﺍﻟﻤﻘﻌﻤﺰﺓ ﻓﻴﻪ ﻭﻗﻌﻤﺰ ﺟﻨﺒﻬﺎ ﺑﻬﺪﻭﺀ
ﻭﻗﻌﺪ ﻳﺸﺒﺤﻠﻬﺎ ﻭﻳﺘﺄﻣﻞ ..
ﺗﻨﻬﺪﺕ ..
ﺍﺑﺘﺴﻢ ..
ﺣﺮﻛﺖ ﺍﻟﻨﺴﻤﻪ ﺷﻌﺮﻫﺎ ﻭﺧﺮﺍﺗﻪ ﺑﺈﻳﺪﻳﻬﺎ ﻋﻦ ﻭﺟﻬﻬﺎ ..
ﻭﻟﻔﺖ ﻭﺟﻬﻬﺎ ﻟﻠﺠﻬﻪ ﺍﻟﺘﺎﻧﻴﻪ ..
ﺍﻧﺘﻔﻀﺖ ﻣﻦ ﺍﻟﺨﻠﻌﻪ .. ﻭﺣﻄﺖ ﻳﺪﻫﺎ ﻉ ﻗﻠﺒﻬﺎ ..
ﻋﻤﺎﺩ : ﻫﻬﻬﻬﻬﻪ ... ﺧﻴﺮﻙ ﺷﻔﺘﻲ ﺟﻦ !
ﻫﻲ ﺣﻄﺖ ﻳﺪﻫﺎ ﻉ ﻭﺟﻬﻬﺎ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻭﺗﻀﺤﻚ : ﺑﺎﺭﺩ ﻭﺍﻟﻠﻪ ﺑﺎﺭﺩ ...
ﻫﻮ ﻗﻌﺪ ﻳﻀﺤﻚ ﺑﻌﺪﻳﻦ ﻗﺎﻝ : ﺷﻦ ﺟﻮ ..
ﻫﻲ ﺑﺪﻭﻥ ﻣﺎﺗﺸﺒﺤﻠﻪ : ﺗﻤﺎﻡ ..
ﻋﻤﺎﺩ : ﺗﻘﺮﻱ
ﺭﺯﺍﻥ : ﺍﻳﻪ ..
ﻋﻤﺎﺩ : ﻣﺎﻓﻲ ﺷﻲ ﺻﻌﺐ ﻋﻠﻴﻚ
ﺭﺯﺍﻥ ﺑﺮﻓﻌﺔ ﺣﺎﺟﺐ : ﻣﺎﻓﻲ ﺷﻲ ﻳﺼﻌﺐ ﻋﻠﻴﺎ
ﻋﻤﺎﺩ ﺑﻀﺤﻜﻪ : ﺍﺍﻩ ﻳﺎﺟﺎﻣﺪ ﺍﻧﺖ ﻳﺎﻭﺣﺤﺤﺸﺸﺶ " ﻗﺎﻟﻬﺎ ﺑﺎﻟﻤﺼﺮﻱ "
ﻫﻲ ﺿﺤﻜﺖ ﺑﺘﺸﻘﻠﻴﺒﺔ ﻋﻴﻮﻥ ..
ﻫﻮ ﺗﺒﺪﻟﺖ ﺿﺤﻜﺘﻪ ﻹﺑﺘﺴﺎﻣﻪ ﻗﻌﺪ ﻳﺸﻮﻓﻠﻬﺎ ﻭﻓﻌﻴﻮﻧﻪ ﻫﻠﺒﻪ ﻛﻼﻡ ﻣﺎﻳﻘﺪﺭﺵ ﻳﻘﻮﻟﻪ ﺑﻠﺴﺎﻧﻪ ..
ﻭﻫﻲ ﻗﻌﺪﺕ ﺗﺸﻮﻓﻠﻪ ﺑﻨﻈﺮﻩ ﺑﺮﻏﻢ ﺍﻟﻐﺮﻭﺭ ﺍﻟﻮﺍﺿﺢ ﻓﻴﻬﺎ ﺍﻻ ﺍﻧﻬﺎ ﻣﻠﻴﺎﻧﻪ ﻫﻠﺒﻪ ﻛﻼﻡ ﺍﺣﻠﻰ ﻣﻦ ﺍﻟﻜﻼﻡ ﺍﻟﻠﻲ ﻓﻌﻴﻮﻧﻪ 💓
ﺑﻌﺪﻳﻦ ﻭﻫﻮ ﻳﻮﺧﺮ ﻓﺸﻌﺮﻩ ﺑﺼﻮﺍﺑﻌﻪ ﻗﺎﻝ : ﺷﻦ ﺭﺍﻳﻚ ﻓﻘﺼﺘﻪ ﻫﻜﻲ ﺍﺣﻼ ﻭﻻﻗﺒﻞ ﺍﺣﻼ .. ﻭﻻ ﻟﻮﺣﻠﻘﺘﻪ ﺑﻜﻞ ﺍﺣﻼ
ﻫﻲ ﺍﺑﺘﺴﻤﺖ ﻉ ﺟﻨﺐ ﻭﻗﺎﻟﺖ : ﺍﺣﻤﻢ .. ﻧﺰﻟﺖ ﻋﻴﻮﻧﻬﺎ .. ﺳﻤﺢ ﻋﻠﻴﻚ ﻛﻠﻪ
ﻫﻮ ﺍﻧﺼﺪﻡ ﺭﻣﺶ ﻋﻴﻮﻧﻪ .. ﻗﻌﺪ ﻳﺪﻗﻖ ﺑﺎﻟﻨﻈﺮ ﻓﻴﻬﺎ ﻗﺎﻝ : ﺍﻧﺘﻲ ﺭﺯﺍﻥ .. ﻧﻔﺴﻬﺎ ﺑﻨﺖ ﺧﺎﻟﻲ ﻣﻴﻼﺩ .. ﺍﻟﻠﻲ ﺍﻣﻬﺎ ﺳﻌﻴﺪﻩ ﻭﺧﻮﺗﻬﺎ ﺭﻣﺰﻱ ﻭﺗﻮﻓﻴﻖ ﻭﻗﻮﺻﻲ !!
ﻫﻲ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻫﻲ ﺗﻀﺤﻚ : ﻣﻌﺎﺩ ﺗﻌﺠﺐ ﻉ ﺍﻣﻲ ﻳﺎﺑﺎﺭﺩ ..
ﻋﻤﺎﺩ : ﻋﻴﺐ .. ﺍﻧﻲ ﻧﻌﺠﺐ ﻉ ﻧﺴﻴﺒﺘﻲ ﺍﻟﺒﺎﻫﻴﻪ ﺗﻲ ﺳﺎﺩﻧﻲ ﺍﻟﻠﻲ ﺟﺎﺑﺘﻠﻲ ﻫﺎﻟﻤﻠﻌﻘﻪ ﺍﻟﺴﻤﺤﻪ ﺍﻟﻠﻲ ﻣﺬﻭﺑﻪ ﻗﻠﺒﻲ ﻓﺸﺎﻫﻲ ﻏﺮﺍﻣﻬﺎ💓
ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻫﻲ ﺗﻀﺤﻚ ..
ﻭﻫﻮ ﻳﺸﻮﻓﻠﻬﺎ ﻭﻳﻀﺤﻚ ﻭﻋﻴﻮﻧﻪ ﻳﺘﻤﻠﻮﺍ ﻣﻨﻬﺎ 💓
ﻉ ﺟﻴﺔ ﺍﻣﻪ ..
ﻛﻔﺎﻳﻪ : ﻭﻟﻴﺪﻱ .. ﺟﻴﻴﺖ ! ؟
ﺷﺒﺤﻠﻬﺎ ﻭﻗﺎﻝ : ﺣﺒﻲ ..
ﻧﺎﺿﻠﻬﺎ .. ﻗﺪﻣﻠﻬﺎ ﻭﺣﻀﻨﻬﺎ ..
ﻛﻔﺎﻳﻪ ﺑﻀﺤﻜﻪ : ﺷﻦ ﺟﻮ ..
ﺑﻌﺪ ﻭﻫﻮ ﻳﺸﻔﺸﻒ ﻓﺸﻌﺮﻫﺎ : ﺑﻴﻚ ﺍﺣﻠﻮ ﻳﺎﺣﻠﻮ ﺍﻧﺖ ..
ﻛﻔﺎﻳﻪ ﺗﻀﺮﺏ ﻓﻴﻪ ﻉ ﺍﻳﺪﻳﻪ؛ﺑﻄﻞ ﻳﺎﺩﻋﻮﺓ .. ﺍﺍﺍﻱ .. ﺑﻄﻞ ..
ﻭﺭﺯﺍﻥ ﺗﺘﺄﻣﻞ ﻓﻴﻪ ﻭﺗﻀﺤﻚ ..
ﻭﻗﻒ ﻭﺑﺎﺱ ﺭﺍﺳﻬﺎ ﻭﻗﺎﻝ : ﺟﻌﺎﺍﻥ ﺑﻨﻄﻴﺢ ﻣﻦ ﻃﻮﻟﻲ ..
ﻛﻔﺎﻳﻪ ﻭﻫﻲ ﺗﺴﺎﻭﻱ ﻓﺸﻌﺮﻫﺎ ﺷﺒﺤﺖ ﻟﺮﺯﺍﻥ ﻭﻗﺎﻟﺖ؛ﻧﻮﺿﻲ ﺩﻳﺮﻱ ﻟﺮﺍﺟﻠﻚ ﻣﺎﻳﺎﻛﻞ ﻳﺎﺣﻨﻪ ...
ﺭﺯﺍﻥ ﺗﺤﺸﻤﺖ ﻉ ﺍﻵﺧﺮ
ﻋﻤﺎﺩ ﺑﻤﺰﺡ : ﻫﻴﺎﺍ ﺍﺳﻤﻌﻲ ﻛﻼﻡ ﻋﺰﻭﺯﺗﻚ ﺗﺤﺮﻛﻲ ..
ﻫﻲ ﺿﺤﻜﺖ ﻭﻧﺎﺿﺖ ﺑﺘﺨﺶ ..
ﻛﻔﺎﻳﻪ : ﻣﺎﻗﺎﻟﺶ ﺷﻦ ﻳﺒﻲ ﻫﻮ؟
ﺭﺯﺍﻥ ﺷﺒﺤﺘﻠﻬﺎ ﺑﺈﺑﺘﺴﺎﻣﻪ : ﻋﺠﻪ ﻭﺟﺒﻨﺔ ﻣﺜﻠﺘﺎﺕ .
ﻭﻣﺸﺖ ﺧﺸﺖ ﺩﺍﺧﻞ ..
ﺷﺒﺤﺘﻠﻪ ﺍﻣﻪ ﻟﻘﺎﺗﻪ ﻣﻌﺎﻫﺎ ﺑﻌﻴﻮﻧﻪ ..
ﺍﺑﺘﺴﻤﺖ ﻭﻣﺸﺖ ﺧﺸﺖ ﺩﺍﺧﻞ ..
ﺟﺎﻱ ﺑﻴﻤﺸﻴﻠﻬﺎ ﻣﻦ ﺭﻭﺷﻦ ﺍﻟﻜﻮﺟﻴﻨﻪ ..
" ﻋﻮﻭﻣﻤﻤﺪﺍﺍﺍ "
ﺍﻟﺘﻔﺖ ﻟﺨﺎﻟﻪ ﻣﺤﻤﺪ ..
ﻋﻤﺎﺩ : ﺣﻤﻮﻭﻭﺩ ..
ﻭﻣﺸﺎﻟﻪ ﻭﺧﻼ ﻗﻠﺒﻪ ﻋﻨﺪ ﺑﻨﻴﺘﻪ 💖
🍁🍁🍁🍁🍁
ﺍﻧﺖ ﺑﻮﺩﻧﻚ ﺳﻤﻌﺖ ﻭﺑﻌﻴﻨﻚ ﺷﻔﺖ ..
ﺍﻟﺼﺪﻳﻖ ﺑﺘﺬﻣﺮ : ﺍﻳﻴﻴﻴﻴﻴﻴﻪ .
ﺣﻤﻴﺪﻩ ﺑﺒﻜﻲ : ﺍﻧﻲ ﻟﺠﻌﻨﻲ ﺭﺩﻳﺖ ﻟﻜﻦ ﺑﻨﺘﻚ ﺣﻔﻴﺪﺗﻬﻢ ﻋﻴﻞ ﺻﻐﻴﺮﺓ ﺷﻦ ﺑﻴﻨﻬﻢ ﻭﺑﻴﻨﻬﺎ ﺑﻴﺶ ﻳﺪﻳﺮﻭﻟﻬﺎ ﻫﻜﻲ ﻣﺶ ﺣﺮﺍﻡ ﻋﻠﻴﻬﻢ ﺣﺮﺍﻡ ..
ﺍﻟﺼﺪﻳﻖ ﺑﺈﺯﺩﺭﺍﺀ : ﺗﻌﺮﻓﻲ ﻗﺴﻤﺎ ﺑﺎﻟﻠﻪ ﻋﻴﺸﺘﻲ ﻣﻌﺎﻙ ﻛﺮﻫﺘﻬﺎ ﻭﺍﻟﻠﻪ ﻛﺮﻫﺘﻬﺎ .. ﻗﻌﺪ ﻳﻌﺪ ﻉ ﺻﻮﺍﺑﻌﻪ .. ﻧﻘﻴﻖ ﻣﺸﺎﻛﻞ ﻫﻢ ﻏﻢ .. ﺑﻠﻲ ﺍﺳﻮﺩ ﻭﻳﻦ ﻧﺠﻲ ﻟﻠﺤﻮﺵ ﻧﻨﻐﻢ ﻛﺮﻫﺘﻴﻨﻲ ﻓﻴﻪ ﺣﺘﻰ ﻫﻮ ..
ﺣﻤﻴﺪﻩ ﺑﺮﻓﻌﺔ ﺣﺎﺟﺐ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﻉ ﺷﻦ ﺗﻠﻤﺢ ﻗﻮﻝ .. ﺗﻜﻠﻢ ..
ﺍﻟﺼﺪﻳﻖ : ﺍﻧﺘﻲ ﺍﻟﻮﺍﺣﺪ ﻳﺨﻠﻴﻬﻠﻚ ﻭﻳﻄﻠﻊ ﺧﻴﺮ ..
ﻭﻟﻒ ﻭﻣﺸﻲ ﻭﻫﻲ ﺗﻘﻮﻟﻪ ..
ﺣﻤﻴﺪﻩ : ﺑﺎﻙ ﺗﺤﺴﺎﺑﻨﻲ ﻏﺒﻴﻪ ﻭﻣﺶ ﻓﺎﻫﻤﻪ ﻛﻞ ﺷﻲ ﻓﺎﻫﻤﺎﺗﻪ ..
ﻗﺮﺑﻊ ﺑﺎﺏ ﺍﻟﺤﻮﺵ ﻭﺭﺍﻩ ﺑﻌﺪ ﻃﻠﻊ ..
ﻭﻫﻲ ﻗﻌﺪﺕ ﺗﻘﻮﻝ ﺑﺒﻜﻲ : ﻛﻞ ﺷﻲ ﻓﺎﻫﻤﺎﺗﻪ ﻛﻞ ﺷﻲ ﻛﻞ ﺷﻲ .. ﻭﺍﻧﻬﺎﺭﺕ ﺑﺎﻟﺒﻜﻲ ﻭﻫﻲ ﻣﻘﻌﻤﺰﺓ ﻉ ﺍﻷﺭﺽ ..
ﺷﻮﻱ ﻭﺟﺘﻬﺎ ﺑﻨﺘﻬﺎ ﺣﻀﻨﺘﻬﺎ ..
ﻫﻲ ﺯﺍﺩﺕ ﺃﻟﻢ ﻉ ﺃﻟﻤﻬﺎ .. ﺧﺪﺕ ﺑﻨﺘﻬﺎ ﻓﺤﻀﻨﻬﺎ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ ..
🍁🍁🍁🍁🍁
ﻓﺮﺷﺖ ﻭﺭﻏﺎﻥ ﺟﺪﻳﺪ ﻫﻲ ﺷﺎﺭﻳﺎﺗﻪ ﻟﻠﺴﺮﻳﺮ ﻭﺣﻮﻟﺖ ﺍﻟﻮﺭﻏﺎﻥ ﺍﻷﻭﻝ ﻷﻥ ﻛﺎﻥ ﻣﺒﻬﺮﺝ ﻭﻓﺨﻢ ﻳﺒﺎﻥ ﻣﺎﺗﺒﻴﺸﻲ ﻳﻔﺴﺪ ..
ﻭﻭﺭﻏﺎﻧﻬﺎ ﻫﻲ ﻛﺎﻥ ﺣﻠﻮ ﻭﻣﻨﺎﺳﺐ ..
ﺳﻤﻌﺖ ﺑﺎﺏ ﺍﻟﺤﻮﺵ ﺗﺴﻜﺮ ﺍﺑﺘﺴﻤﺖ ..
ﺍﺳﺘﺎﺣﺸﺎﺗﻪ ﻫﻠﺒﻪ 💓
ﻭﻗﻌﺪﺕ ﺗﺮﺍﺟﻲ ﺗﺴﻤﻊ ﻣﻨﻪ ﻛﻠﻤﺔ " ﺑﻨﺖ ﻋﺒﻮﺩﻩ "
ﺳﺎﻭﺕ ﺍﻟﻮﺭﻏﺎﻥ ﻣﻦ ﺍﻟﺠﻨﺐ ﻭﻭﻗﻔﺖ ﺗﺸﻮﻓﻠﻪ ..
ﻣﺎﺣﺴﺘﺶ ﺑﺮﻭﺣﻬﺎ ﺍﻻ ﻭﻫﻲ ﻣﺤﺎﺻﺮﺓ ﺑﻴﻦ ﺍﻳﺪﻳﻪ ﻣﺄﺳﻮﺭﺓ ..
ﻫﻮ ﺣﺎﺿﻨﻬﺎ ﻣﻦ ﺍﻟﺨﻠﻒ ﻭﺩﺍﻓﻦ ﻭﺟﻬﻪ ﻓﺸﻌﺮﻫﺎ ﻭﻳﺸﻢ ﻓﺮﻳﺤﺘﻬﺎ ﻭﺷﻌﻮﺭﻩ ﺍﺗﺠﺎﻫﻪ ﻫﺪﺍﻛﺎ ﺍﻟﻮﻗﺖ ﺟﺎﺭﻑ ..
ﺭﻛﺰ ﻋﻠﻴﻬﺎ ﺗﺘﻨﻔﺲ ﺑﺴﺮﻋﻪ .. ﻭﺩﻗﺎﺕ ﻗﻠﺒﻬﺎ ﻗﻮﻳﻪ 💓
ﺑﻌﺪ ﺷﻮﻳﻪ ﻭﻗﺮﺏ ﻣﻦ ﻭﺫﻧﻬﺎ ﻭﻗﺎﻝ ﺑﺼﻮﺕ ﻫﺎﺩﻱ : ﺍﺳﺘﺎﺣﺸﺘﻚ💓
ﻭﻗﺮﺏ ﻣﻦ ﺧﺪﻫﺎ ﻭﻃﺒﻊ ﻋﻠﻴﻪ ﺑﻮﺳﻪ ﻋﻤﻴﻘﻪ ..
ﻣﺮﺍﻡ ﻛﺎﻧﺖ ﺭﺍﻳﺤﻪ ﻓﻴﻬﺎ ﺭﺳﻤﻲ ..
ﻓﺎﺟﺌﻬﺎ ﺑﺤﺮﻛﺘﻪ ﺍﻟﻐﻴﺮ ﻣﺘﻮﻗﻌﻪ ﻛﺎﻧﺖ ﻏﺮﻳﺒﻪ ﻭﺻﻠﻬﺎ ﻣﻨﻪ ﺍﺣﺴﺎﺱ ﻣﺎﻭﺻﻠﻬﺎﺵ ﻗﺒﻞ ﻣﻌﺎﻩ 💞..
ﺑﻌﺪ ﻭﻗﺎﻝ : ﺟﻌﺎﻥ ..
ﺿﺤﻜﺖ .
ﻟﻔﻬﺎ ﻟﻴﻪ .. ﻭﻗﻌﺪ ﻣﺤﺎﻭﻃﻬﺎ ﺑﻴﺪ ﻭﺍﻟﻴﺪ ﺍﻟﺘﺎﻧﻴﻪ ﻳﺪﺍﻋﺐ ﺑﻴﻬﺎ ﻓﺨﺪﻫﺎ ﻭﻫﻮ ﻳﻘﻮﻝ : ﻧﺒﻲ ﻧﺎﻛﻞ ﺣﺎﺟﻪ ﺧﻔﻴﻔﻪ ﺳﺮﻳﻌﻪ ﺳﻤﺤﻪ ﻣﻦ ﺗﺤﺖ ﺍﻳﺪﻳﻚ ﻳﺎﺳﻤﺤﻪ .. ﺗﻤﺎﻡ .
ﻣﺮﺍﻡ ﻭﻫﻲ ﺗﺸﻮﻑ ﻟﻌﻴﻮﻧﻪ ﺑﻌﺸﻖ : ﺗﻤﺎﻡ 💓
ﺣﻂ ﺟﺒﻬﺘﻪ ﻉ ﺟﺒﻬﺘﻬﺎ ﻭﻗﺎﻝ : ﻋﻨﺪﻙ ﻋﻠﻢ .. ﻃﻮﻝ ﻣﺎﺍﻧﻲ ﺑﺮﺍ ﻋﻘﻠﻲ ﻋﻨﺪﻙ ﺍﻧﺘﻲ ﻭﺑﺲ 💓
ﻫﻲ ﺗﺴﻤﻊ ﻭﻣﺶ ﻗﺎﺩﺭﻩ ﺗﺮﺩ ﻣﺶ ﻣﺴﺘﻮﻋﺒﻪ ﻛﻤﻴﺔ ﺍﻟﻤﺸﺎﻋﺮ ﺍﻟﻠﻲ ﻫﺎﻧﻴﺒﺎﻝ ﺣﺎﻟﻴﺎ ﻣﺤﺴﺴﻬﺎ ﺑﻴﻬﻢ ..
ﻫﺎﻧﻴﺒﺎﻝ : ﺧﻴﺮﻙ ﺳﺎﻛﺘﻪ .. ﺷﺪ ﻋﻠﻴﻬﺎ ﺑﻘﻮﺓ .. ﺗﻜﻠﻤﻲ ..
ﻫﻲ ﺿﺤﻜﺖ ﻭﻗﺎﻟﺖ : ﺷﻦ ﺗﺒﻲ ﺗﺎﻛﻞ ..
ﻫﺎﻧﻴﺒﺎﻝ : ﺍﻱ ﺷﻲ ﺍﻟﻤﻬﻢ ﺍﻧﺘﻲ ﺗﻜﻮﻧﻲ ﺩﺍﻳﺮﺗﻴﻪ ..
ﺍﺑﺘﺴﻤﺖ ..
ﻫﻮ ﺷﺎﻑ ﻟﻌﻴﻮﻧﻬﺎ ﻭﺟﺖ ﺑﻴﻦ ﻋﻴﻮﻧﻪ ﺟﻤﻠﻪ ﻗﺮﺍﻫﺎ ﻗﺎﻋﺪﻩ ﻓﺒﺎﻟﻪ ﻭﻣﺎﻧﺴﻬﺎﺵ ﺑﻜﻞ
》 ﻭﻧﻘﻮﻝ ﻟﻨﻔﺴﻲ ﻫﺎﻧﻴﺒﺎﻝ ﺣﻴﻜﻮﻥ ﻳﻮﻡ ﻣﻦ ﺍﻷﻳﺎﻡ ﺭﺍﺟﻠﻲ ﻭﺑﻮ ﺻﻐﺎﺭﻱ .. ﺭﻳﺘﻲ ﻳﺎﻣﺮﺍﻡ ﻳﺎﻏﺒﻴﻪ ﻭﻳﻦ ﻭﺻﻠﻨﻚ ﺍﺣﻼﻣﻚ ﺍﻟﻮﺭﺩﻳﻪ ﻭﺍﻣﻠﻚ ﺍﻟﻜﺬﺍﺏ ﺭﻳﺘﻲ 《.......
ﺍﺑﺘﺴﻢ ﻭﻗﺎﻝ : ﻓﻲ ﺣﺎﺟﺎﺕ ﻧﺘﻤﻨﻮﻫﺎ ﻣﻦ ﺭﺑﻲ ﻭﻧﻔﺮﺣﻮﺍ ﻭﻳﻦ ﻳﻌﻄﻴﻬﻠﻨﺎ ..
ﻭﻓﻲ ﺣﺎﺟﺎﺕ ﻣﺎﻧﺘﻤﻨﻮﻫﺎﺵ ﻭﻫﻮ ﻳﻌﻄﻴﻬﺎ ﻭﺗﻜﻮﻥ ﺍﺣﻼ ﺑﻮﺍﺟﺪ ﺑﻮﺍﺍﺍﺍﺟﺪ ﻣﻦ ﺍﻟﻠﻲ ﺗﻤﻨﻴﻨﺎﻩ ..
ﺣﻂ ﺻﺒﻌﻪ ﻉ ﺧﺸﻤﻬﺎ ﻭﻗﺎﻝ ... ﺍﻫﻮ ﺍﻧﺘﻲ ﻳﺎﺳﻤﺤﻪ ﺣﺎﺟﻪ ﻓﻮﻕ ﺍﻟﺘﻤﻨﻲ ﻭﺍﺣﻼ ﺑﻮﺍﺍﺍﺍﺟﺪ ﻣﻦ ﺍﻟﻠﻲ ﺗﻤﻨﻴﺘﻪ ﺑﻮﺍﺍﺍﺍﺟﺪ ..
ﺣﻂ ﻳﺪﻩ ﻉ ﺧﺪﻫﺎ ﻭﻗﺮﺑﻬﺎ ﻟﻴﻪ ﻭﻫﻮ ﻳﺸﻮﻑ ﻟﻤﻜﺎﻥ ﻭﺍﺣﺪ ﻓﻮﺟﻬﻬﺎ ﻭﻳﻘﻮﻝ : ﻭﺍﺍﺍﺟﺪ ... ﻭﺑﺎﺳﻬﺎ 💓
ﻭﻣﺮﺍﻡ ﻣﺬﻫﻮﻟﻪ ﻫﻠﺒﻪ ﻣﻨﻪ ﻭﻣﻦ ﺍﻟﻠﻲ ﻗﺎﻋﺪ ﻳﻘﻮﻝ ﻓﻴﻪ ﻭﻳﺪﻳﺮ ﻓﻴﻪ ..
ﻭﻫﻮ ﻛﺎﻥ ﻫﺎﻟﻤﺮﺓ ﺷﻐﻮﻑ ﻟﺪﺭﺟﻪ ﻛﺒﻴﺮﺓ ..
ﻣﺮﺍﻡ ﺣﺴﺖ ﻭﻛﺄﻧﻬﺎ ﻓﻮﺳﻂ ﻋﺎﺻﻔﻪ ﻣﻦ ﺷﻌﻮﺭﻩ ..
ﻭﻛﺎﻥ ﻳﻘﻮﻝ ﻓﻜﻠﻤﻪ ﻭﺣﺪﻩ : ﺭﺍﺣﺘﻲ ﺍﻧﺘﻲ .. ﺭﺍﺣﺘﻲ 💓..
💕💕💕💕💕💕💕💕💕
ﺟﺎﺗﻪ ﻭﻗﻔﺖ ﻓﻲ ﺍﻟﺴﻘﻴﻔﻪ .
ﻏﺎﻟﻴﻪ : ﺧﻴﺮﻙ؟
ﻣﺪﻟﻬﺎ ﻛﻴﺴﻪ ﻭﻗﺎﻝ : ﻋﻄﻴﻬﺎ ﻟﻤﻠﻌﻘﻪ ﻏﻴﺮ ﺍﻟﺪﻧﻴﺎ ﺯﺣﻤﺖ ﻭﺗﻮﻓﻴﻖ ﺍﻟﻴﻮﻡ ﻃﺎﺡ ﻏﻼﻩ ﻓﺎﻟﺤﻮﺵ ﻣﻌﺎﺵ ﻳﺒﻲ ﻳﻄﻠﻊ ..
ﻏﺎﻟﻴﻪ ﺧﺪﺕ ﺍﻟﻜﻴﺴﻪ ﻭﻗﺎﻟﺖ ﺑﻀﺤﻜﻪ : ﻋﻴﻨﻪ ﻋﻠﻴﻜﻢ ﺗﻮﺍ ﻳﺎﺑﺎﺑﺎ ..
ﻋﻤﺎﺩ : ﻋﺎﺭﻓﻪ ﺑﻴﺒﺪﺍ ﺑﺠﻮ ﺍﻟﻜﻔﺮ ﻟﻜﻦ ﻧﺪﻳﺮﻟﻪ ﺣﻞ ..
ﺿﺤﻜﺖ ﻏﺎﻟﻴﻪ
ﻋﻤﺎﺩ ﺑﺈﺑﺘﺴﺎﻣﻪ؛ﻗﻮﻟﻴﻠﻬﺎ ﻗﺎﻟﻚ ﺍﻟﺒﺴﻴﻪ ﻟﻤﺎ ﺗﻄﻠﻌﻲ ..
ﻏﺎﻟﻴﻪ ﺑﻀﺤﻜﻪ : ﺑﺎﺍﻫﻲ ...
ﻗﺮﺹ ﺧﺎﻟﺘﻪ ﻣﻦ ﺧﺪﻭﺩﻫﺎ ﻭﻗﺎﻝ : ﺳﻠﻤﻬﺎ ﺍﻟﺤﻠﻮﺓ ﻫﺎﺩﻱ ..
ﻏﺎﻟﻴﻪ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ : ﺍﻃﻠﻖ ﻳﺎﺷﻔﺶ ..
ﺿﺤﻚ ﻭﻃﻠﻘﻬﺎ ..
ﻏﺎﻟﻴﻪ ﻭﻫﻲ ﺗﺘﺤﺴﺲ ﻓﺨﺪﻭﺩﻫﺎ : ﺧﺶ ﻫﻲ ..
ﺧﺸﺖ ﻫﻲ ﺍﻻﻭﻟﻰ ..
ﻭﺧﺶ ﻫﻮ ﺑﻌﺪﻫﺎ ﻭﻗﻌﻤﺰ ﺣﺪﺍﻫﻢ ﻓﻲ ﺍﻟﺼﺎﻟﻪ ..
ﻛﺎﻧﻮﺍ ﻣﻠﺘﻤﻴﻦ ﻉ ﻃﻮﺭﻃﻪ ﺩﺍﻳﺮﺗﻬﺎ ﻏﺎﻟﻴﻪ ﻟﻴﻬﻢ ﻛﻠﻬﻢ ﻉ ﺍﺩﻭﺍﺭ ﻛﺘﺠﺮﺑﻪ ﻭﻛﺎﻧﺖ ﻧﺎﺟﺤﻪ ..
ﻭﺍﻟﻠﻲ ﻛﺎﻧﺖ ﻭﺍﻗﻔﻪ ﻋﻠﻴﻬﺎ ﻭﺗﻘﺺ ﻭﺗﻔﺮﻕ ﻧﻌﻴﻤﻪ ..
ﻧﻌﻴﻤﻪ : ﺟﻮﺍﺩ .. ﺍﻋﻄﻲ ﻫﺎﺩﻱ ﻟﺨﺎﻟﻚ ﻋﻤﺎﺩ ..
ﺧﺪﻱ ﺟﻮﺍﺩ ﺍﻟﺼﻮﻧﻴﻪ ﻣﺸﻲ ﺑﻴﻬﺎ ﻟﻌﻤﺎﺩ ..
ﺟﻮﺍﺩ : ﺧﻮﺩ ﺧﺎﻟﻲ ..
ﺧﺪﺍﻫﺎ ﻋﻤﺎﺩ ﻭﻗﺎﻝ : ﺻﺤﻴﺖ ﻳﺎﺯﻋﻴﻢ ..
ﻭﻣﺸﻲ ﺟﻮﺍﺩ ﺣﺪﺍ ﺍﻟﺼﻐﺎﺭ ﻭﻛﻤﻞ ﻣﺎﻛﻠﻪ ..
ﺷﻮﻳﻪ ﻭﻃﻠﻌﺖ ﺭﺯﺍﻥ ﻫﻲ ﻭﻏﺎﻟﻴﻪ ﻭﻛﺎﻧﺖ ﻣﺒﺘﺴﻤﻪ ..
ﻧﻌﻴﻤﻪ : ﺗﻌﺎﻟﻲ ﺭﺯﺍﻥ ﺧﻮﺩﻱ ..
ﻫﻮ ﻗﺎﻡ ﻋﻴﻮﻧﻪ ﻓﻴﻬﺎ ﻭﻗﻌﺪ ﻳﺸﺒﺤﻠﻬﺎ ﻭﻫﻲ ﺧﺪﺕ ﺻﻮﻧﻴﺘﻬﺎ ﻭﻣﺸﺖ ﻃﻮﻝ ﻗﻌﻤﺰﺕ ﺣﺪﺍ ﻧﻮﺭ ..
ﺟﻮ ﻋﻴﻮﻧﻬﺎ ﻓﻌﻴﻮﻧﻪ ..
ﻧﺰﻟﺖ ﻋﻴﻮﻧﻬﺎ ﻟﺼﻮﻧﻴﺘﻬﺎ ﻭﻫﻲ ﻣﺒﺘﺴﻤﻪ ..
ﻭﻫﻮ ﻳﺎﻛﻞ ﻭﻗﻠﺒﻪ ﻳﺮﻓﺮﻑ 💓
ﻧﻌﻴﻤﻪ؛ﺧﻼﺹ ﺧﺪﻳﺘﻮﺍ ﻛﻠﻜﻢ ..
ﻛﻔﺎﻳﻪ : ﺭﺍﻛﻢ ﺗﻨﺴﻮﺍ ﻣﺤﻤﺪ ..
ﻉ ﺧﺸﺘﻪ ﻫﻮ ﻭﺗﻮﻓﻴﻖ ..
ﻃﺎﺣﺖ ﺍﻟﻜﻠﻤﻪ ﻓﻮﺩﻧﻪ ..
ﻧﻌﻴﻤﻪ : ﺣﻴﻲ ﺑﺎﻫﻲ ﺍﻟﻠﻲ ﺫﻛﺮﺗﻴﻨﻲ ..
ﻛﻔﺎﻳﻪ : ﻳﺎﻧﺎﺭﻱ ﻭﺧﻴﻲ ﺩﻳﻤﺎ ﻧﺎﺳﻴﻨﻪ ..
ﻫﻮ ﻳﺸﻮﻓﻠﻬﺎ ﻭﺧﻼﺹ ..
ﻭﻏﺎﻟﻴﻪ ﺗﺸﺒﺤﻠﻬﺎ ﻭﺗﺸﺒﺤﻠﻪ ..
ﻣﺤﻤﺪ ﻣﻌﺎﺵ ﺗﺤﻤﻞ ﻳﺒﻲ ﻳﺼﺎﻟﺤﻬﺎ ﺑﺄﻱ ﺷﻜﻞ ﻭﻻﺯﻡ ﺗﺮﺿﻰ ..
ﻗﺪﻣﻠﻬﺎ ﻗﺪﺍﻣﻬﻢ ﻛﻠﻬﻢ ..
ﻭﺣﻂ ﻳﺪﻩ ﻉ ﺭﺍﺳﻬﺎ ﻭﻗﺎﻝ : ﻧﺤﻠﻔﻚ ﺑﺎﻟﻠﻪ ﻳﺎﻛﻔﺎﻳﻪ ﻣﺎﺗﺮﺩﻳﻨﻲ ﻫﺎﻟﻤﺮﺓ ..
ﺷﺒﺤﻮﻟﻪ ﻛﻠﻬﻢ ﻭﻋﻤﺎﺩ ﺭﻓﻊ ﺣﻮﺍﺟﺒﻪ ﻭﻭﻗﻒ ﻣﻀﻎ ..
ﻛﻔﺎﻳﻪ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻗﻌﺪﺕ ﺳﺎﻛﺘﻪ ..
ﻏﺎﻟﻴﻪ ﺑﺪﻣﻮﻉ : ﻛﻔﺎﻳﻪ ..
ﻓﺎﻃﻤﻪ : ﺭﺍﻫﻮ ﻫﺪﻯ ﻭﺧﻴﻚ ﻳﺎﺑﻨﻴﺔ ﺭﻭﺣﻲ ﻭﺧﻴﻚ ﻭﺍﻫﻮ ﻧﺎﺩﻡ ﻭﺑﺪﺍﻝ ﺍﻟﻤﺮﺓ ﺟﺎﻙ ﻣﺮﺗﻴﻦ ..
ﻋﻤﺎﺩ : ﻳﺎﺍﺍﻡ !! ﻗﺼﺪﻙ ﺍﻧﺘﻲ ﻣﺎﺗﻜﻠﻤﻴﺶ ﻓﻤﺤﻤﺪ؟؟؟
ﻛﻔﺎﻳﻪ ﺗﺴﻤﻊ ﻭﺳﺎﻛﺘﻪ ﻭﺩﻣﻮﻋﻬﺎ ﻳﻨﺰﻟﻮﺍ ..
ﺯﻳﻨﺐ : ﺧﻼﺹ ﻛﻴﻔﻮ ﻋﺎﺩ ..
ﻧﻌﻴﻤﻪ : ﻛﻔﺎﻳﻪ ﻣﺎﻳﻄﻠﻌﺶ ﻋﻠﻴﻚ ﺍﻟﻠﻲ ﺩﻳﺮﻱ ﻓﻴﻪ ﺗﻮﺍ ﺭﺍﻫﻮ ..
ﻋﻤﺎﺩ : ﺻﺪﻗﺖ ﺧﺎﻟﺘﻲ ﻧﻌﻴﻤﻪ .. ﻭﺍﻟﻠﻪ ﻳﺎﻡ ﻣﺎﻳﻄﻠﻊ ﻋﻠﻴﻚ .. ﺍﻧﺘﻲ ﺍﻡ ﻗﻠﺐ ﺣﻠﻴﺐ ﺍﻟﻠﻲ ﺟﺎﺑﺖ ﻋﻤﺎﺩ ﺍﻟﺒﺎﻫﻲ ﻫﻜﻲ ﺍﺩﻳﺮ !!
ﺿﺤﻜﻮﺍ ..
ﻭﻫﻲ ﺿﺤﻜﺖ ﻣﻌﺎﻫﻢ ..
ﻣﺤﻤﺪ ﺗﻨﻬﺪ ﺑﻌﺪ ﺿﺤﻚ ﻭﻗﺎﻝ؛ﺳﺎﻣﺤﻴﻨﻲ ..
ﺗﻨﻬﺪﺕ ... ﺑﻌﺪﻳﻦ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻃﻮﻝ ﻣﺤﻤﺪ ﺑﺎﺳﻪ ﻭﻃﻮﻝ ..
ﻛﻠﻬﻢ ﺗﺄﺛﺮﻭﺍ ﻭﺍﻟﺪﻣﻮﻉ ﻣﺎﺻﺪﻗﺖ ﻧﺰﻟﺖ ..
ﻟﻜﻦ ﻋﻤﺎﺩ ..
ﺻﻔﻖ ﻭﻗﺎﻝ : ﻫﻴﻴﻴﻴﻴﻴﻴﻴﻴﻴﻪ
ﺍﻟﺼﻐﺎﺭ ﺻﻔﻘﻮﺍ ﻣﻌﺎﻩ ﻭﻗﺎﻟﻮﺍ : ﻫﻴﻴﻴﻴﻴﻴﻴﻴﻪ ..
ﻛﻠﻬﻢ ﻗﻌﺪﻭﺍ ﻳﻀﺤﻜﻮﺍ ..
💖 ﻭﻣﺮﺕ ﻋﻠﻴﻬﻢ ﻫﺪﻳﻜﺎ ﺍﻟﻠﻴﻠﻪ ﻣﻦ ﺃﺟﻤﻞ ﻣﺎﻳﻜﻮﻥ ﻭﺍﻟﻘﻠﻮﺏ ﻣﺘﺼﺎﻓﻴﻪ ﻭﻓﺮﺣﺎﻧﻪ 💖
🍁🍁🍁🍁🍁🍁
ﺍﻟﺴﺎﻋﻪ 2:00 ﻟﻴﻼ ..
ﻏﺎﻟﻴﻪ ﺑﺪﻣﻮﻉ : ﻭﺍﻟﻠﻪ ﻧﻔﻜﺮ ﻓﻴﻬﻢ ﻛﻴﻒ ﻛﻠﻬﻢ ﺑﻴﺮﻭﺣﻮﺍ ﻏﺪﻭﺓ ﻭﻳﺨﻠﻮﻧﻲ ﻛﻞ ﻣﺎ ﻳﻘﺮﺏ ﻭﻗﺖ ﻣﺮﻭﺍﺣﻬﻢ ﻗﻠﺒﻲ ﻳﻮﺟﻌﻨﻲ ﻭﺍﺟﺪ ..
ﻧﺠﻤﻲ ﺑﻀﻴﻖ : ﻫﺪﺍ ﺣﺎﻝ ﺍﻟﺪﻧﻴﺎ ﻧﺴﻤﻪ ﻧﺘﻼﻗﻮﺍ ﻭﻧﻔﺎﺭﻗﻮﺍ ﻉ ﺍﻣﻞ ﻧﺘﻼﻗﻮﺍ ﻣﺮﺓ ﺗﺎﻧﻴﻪ ... ﻭﺑﻌﺪﻳﻦ ﺣﺘﻰ ﺍﻧﺘﻲ ... ﺳﻴﻮﺭﻙ ﻣﺎﺷﻴﻪ ﺯﻳﻬﻢ ..
ﻗﺎﻟﻬﺎ ﻭﻫﻮ ﻣﺒﺘﺴﻢ ﻉ ﺟﻨﺐ ..
ﻫﻲ ﺍﺑﺘﺴﻤﺖ ﺑﺄﻟﻢ ﻭﻗﻌﺪﺕ ﺳﺎﻛﺘﻪ ..
ﻧﺠﻤﻲ؛ﻣﺎﺯﺍﻝ ﻣﺶ ﻣﻄﻤﻨﺘﻴﻠﻲ .. ﻣﺎﺯﺍﻝ ﺗﺒﻲ ﺗﻘﻌﺪﻱ ﻣﺠﻬﻮﻟﺔ ﺍﻟﻬﻮﻳﺔ ﻋﻨﺪﻱ ..
ﻏﺎﻟﻴﻪ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﻟﻮ ﻛﻨﺖ ﻣﻠﻴﺖ ﻣﺎﻓﻲ ﺷﻲ ﻳﺠﺒﺮﻙ ﻉ ﺍﻧﻚ ﺗﻜﻠﻤﻨﻲ ..
ﻏﻤﺾ ﻋﻴﻮﻧﻪ ﻭﻫﻮ ﻣﺒﺘﺴﻢ ﻭﻓﺘﺤﻬﻢ ﻭﻗﺎﻝ : ﺗﺼﺪﻗﻲ ﻟﻮ ﻧﺤﻜﻲ ﻟﺤﺪ ﻉ ﺍﻟﻠﻲ ﻗﺎﻋﺪ ﻳﺼﻴﺮ ﻣﻌﺎﻱ ﻭﺍﻟﻠﻪ ﻣﺎﻳﺼﺪﻗﻨﻲ ﻛﻴﻒ ﻧﺘﻌﻠﻖ ﺑﻮﺣﺪﻩ ﺑﺲ ﻟﻤﺠﺮﺩ ﺍﻧﻲ ﺳﻤﻌﺖ ﺻﻮﺗﻬﺎ .. ﻣﺶ ﺣﻴﻔﻬﻤﻮﺍ ﺷﻌﻮﺭﻱ ﻭﺍﻟﻠﻲ ﺍﻧﻲ ﻧﺤﺲ ﺑﻴﻪ ﻟﻤﺎ ﻧﻜﻠﻤﻚ ﺻﻮﺗﻚ ﻓﻴﻪ ﺣﻨﺎﻥ ﻏﺮﻳﺐ ﻳﺎﻧﺴﻤﻪ ﻓﻴﻪ ﺟﺎﺫﺑﻴﻪ .. ﻓﻴﻪ ﺷﻲ ﻣﺶ ﻋﺎﺭﻑ ﻛﻴﻒ ﻧﻮﺻﻔﻪ ﺣﺘﻰ ﺍﺣﺴﺎﺳﻚ ﺍﺳﻠﻮﺑﻚ ﻭﺍﻧﺘﻲ ﺗﺘﻜﻠﻤﻲ ﺍﻟﻤﻮﺍﺿﻴﻊ ﺍﻟﻠﻲ ﺗﺘﻜﻠﻤﻲ ﻓﻴﻬﺎ ﻛﻠﻪ ﻛﻠﻪ ﻳﺨﻠﻴﻨﻲ ﻣﻨﺠﺬﺑﻠﻚ ﻫﻠﺒﻪ ﻭﺣﺎﺱ ﺍﺗﺠﺎﻫﻚ ﺷﻌﻮﺭ .. ﺻﺪﻗﻴﻨﻲ ﺍﻗﺴﻤﻠﻚ ﺑﺎﻟﻠﻪ .. ﻣﻌﺎﺵ ﻗﺎﺩﺭ ﻧﺸﻮﻑ ﻟﺒﻨﺎﺕ ﻣﻦ ﺑﻌﺪ ﻋﺮﻓﺘﻚ ﻭﺍﻟﻠﻪ .
ﻏﺎﻟﻴﻪ ﻭﻫﻲ ﺗﺴﻤﻊ ﻓﻜﻼﻣﻪ ﺍﻧﺘﺎﺑﻬﺎ ﺷﻌﻮﺭ ﺷﺪﻳﺪ ﺑﺎﻟﺨﻮﻑ ﺻﺢ ﻛﻼﻣﻪ ﺣﻠﻮ ﺑﺲ ﻓﻲ ﺷﻦ ﺑﻴﻔﺮﺡ ﻏﺎﻟﻴﻪ !! ﻫﻲ ﻣﺘﺎﻛﺪﻩ ﻭﻭﺍﺛﻘﻪ ﻟﻮ ﻋﺮﻑ ﻋﻨﻬﺎ ﻛﻞ ﺷﻲ ﺣﻴﻔﻮﺗﻬﺎ ﺍﻛﻴﺪ ﻷﻧﻬﺎ ﺣﺴﺖ ﻣﻦ ﺻﻮﺗﻪ ﻭﻣﻦ ﺍﺳﻠﻮﺑﻪ ﺍﻧﻪ ﺻﻐﻴﺮ ﻓﻲ ﺍﻟﻌﻤﺮ ..
ﻟﺤﻈﺘﻬﺎ ﻓﺎﻗﺖ ﻉ ﻧﻔﺴﻬﺎ ﻭﻉ ﺍﻟﻐﻠﻄﻪ ﺍﻟﻔﺎﺩﺣﻪ ﺍﻟﻠﻲ ﺍﺭﺗﻜﺒﺘﻬﺎ ﻟﻤﺎ ﻋﻄﺎﺗﻪ ﻣﺠﺎﻝ ﻭﻛﻠﻤﺎﺗﻪ ﻟﻤﺪﺓ 6 ﺷﻬﻮﺭ ﻓﺎﺗﻮﺍ ..
ﻧﺠﻤﻲ : ﺍﻟﻮ .. ﻧﺴﻤﻪ ... ﺍﻟﻮ ..
ﻫﻲ ﺣﻮﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ ﺗﻠﻘﺎﺋﻴﺎ ﻭﺳﻜﺮﺕ ﻋﻠﻴﻪ ﺑﻌﺪﻳﻦ ﺻﻜﺮﺕ ﺗﻠﻴﻔﻮﻧﻬﺎ ﻣﺮﺓ ﻭﺣﺪﻩ ..
ﻭﻫﻲ ﺗﺸﺒﺢ ﻓﻮﻕ ﺯﻱ ﺍﻟﺘﺎﻳﻬﻪ ..
ﺷﻌﻮﺭﻫﺎ ﺍﺷﺒﻪ ﺑﺸﻌﻮﺭ ﻣﻘﺘﺮﻑ ﺍﻟﻤﻌﺼﻴﻪ ﺑﻌﺪ ﺍﻗﺘﺮﺍﻓﻬﺎ ﻳﻨﺪﻡ ﻃﻮﻝ ﻭﻣﺎﻳﺼﺪﻗﺶ ﻧﻔﺴﻪ ﻛﻴﻒ ﺩﺍﺭﻫﺎ ..
ﻭﻫﻲ ﻫﻜﻲ ﺗﺤﺲ ﻣﺶ ﻣﺼﺪﻗﻪ ﻛﻴﻒ ﺩﺍﺭﺕ ﻫﻜﻲ ﻛﻴﻒ ﻣﺎﻓﻜﺮﺗﺶ ﻓﺒﻌﺪﻳﻦ ﻛﻴﻒ؟؟
ﺣﻄﺖ ﻳﺪﻫﺎ ﻉ ﻭﺟﻬﻬﺎ ﻭﻣﺴﺤﺖ ﻋﻠﻴﻪ ﻭﺗﻨﻬﺪﺕ ﺑﺄﻟﻢ ..
ﺍﻣﺎ ﻫﻮ ..
ﻧﺠﻢ ﺍﻟﺪﻳﻦ : ﺍﻛﻴﺪ ﺷﺤﻨﻬﺎ ﺗﻢ ..
ﺣﻂ ﺗﻠﻴﻔﻮﻧﻪ ﻉ ﺍﻟﻜﺎﻣﺪﻳﻨﻮ ..
ﻭﺣﻂ ﺭﺍﺳﻪ ﻉ ﺍﻟﻤﺨﺪﻩ ﻭﺍﺑﺘﺴﻢ ﻭﻫﻮ ﻳﺤﺎﻭﻝ ﻳﺮﻗﺪ ..
🍁🍁🍁🍁🍁🍁
ﺍﻟﺴﺎﻋﻪ 5:30 ﻓﺠﺮﺍ ..
ﻣﻘﻌﻤﺰ ﻉ ﺍﻟﻜﺮﺳﻲ ﻓﻲ ﻭﺳﻂ ﺍﻟﺤﻮﺵ ﺍﻟﺼﻐﻴﺮ ..
ﻓﻴﺪﻩ ﺍﻟﻤﺬﻛﺮﺍﺕ ﻭﻳﻘﺮﺍ ..
‏( ﻓﺎﺟﺌﻨﻲ ﺟﺪﺍ ﺧﺒﺮ ﻃﻼﻗﻪ .. ﻭﺍﺛﺎﺭ ﺍﺳﺘﻐﺮﺍﺑﻲ .. ﻓﻠﻢ ﻳﻤﻀﻲ ﻉ ﻋﻘﺪ ﻗﺮﺍﻧﻪ ﺳﻮﻯ ﺷﻬﻮﺭ ﺗﻌﺪ ﻉ ﺍﺻﺎﺑﻊ ﺍﻟﻴﺪ ﺍﻟﻮﺍﺣﺪﻩ .. ﻟﻤﺎ ﺍﺭﺩ ﺳﺆﺍﻝ ﻧﻔﺴﻲ ﻋﻦ ﺍﻷﺳﺒﺎﺏ .. ﺍﻻ ﺍﻥ ﻓﻲ ﺩﺍﺧﻠﻲ ﺷﻌﻮﺭ ﻳﻘﻮﻝ ﺑﺄﻥ ﻣﺎﺩﻓﻌﻪ ﻟﻔﻌﻞ ﻫﺪﺍ ﺳﺒﺐ ﻣﻬﻢ ﺣﺘﻤﺎ ..
ﻣﺎﻳﻬﻤﻨﻲ ﺍﻵﻥ ﻫﻮ ﺍﻧﻨﻲ ﺭﻏﻤﺎ ﻋﻨﻲ ﻛﻨﺖ ﺳﻌﻴﺪﺓ ﻟﺴﻤﺎﻋﻲ ﺍﻟﺨﺒﺮ .. ﻋﺎﺩﺕ ﺍﻣﺎﻟﻲ ﻟﺘﺤﻴﺎ ﻣﻦ ﺟﺪﻳﺪ ﻋﺪﺕ ﻷﻗﻮﻝ ﻟﻨﻔﺴﻲ ﻟﺮﺑﻤﺎ ﻳﺎﻣﺮﺍﻡ ... ﺭﺑﻤﺎ ... ﻳﺘﺤﻮﻝ ﺫﻟﻚ ﺍﻟﺤﻠﻢ ﺍﻟﺒﻌﻴﺪ ﺍﻟﻰ ﺣﻘﻴﻘﻪ .. ‏)
ﺍﺑﺘﺴﻢ .. ﻭﻗﻠﺐ ﺍﻟﺼﻔﺤﻪ ..
ﻟﻘﻲ ﺍﺳﻤﻪ ﻣﻜﺘﻮﺏ ﻓﻴﻬﺎ ﺍﻛﺜﺮ ﻣﻦ ﻣﺮﺓ ﺑﺨﻂ ﺣﻠﻮ ﻫﻠﺒﻪ ..
ﺿﺤﻚ ﺿﺤﻜﻪ ﺧﻔﻴﻔﻪ ..
ﻗﻠﺐ ﺍﻟﺼﻔﺤﻪ ﺷﺎﻑ ﺍﻟﺘﺎﺭﻳﺦ ..
ﻣﺮﺭ ﻧﻈﺮﻩ ﻉ ﺍﻟﺼﻔﺤﻪ ﺷﺒﻴﻬﻪ ﺟﺪﺍ ﺑﺼﻔﺤﺔ ﻋﻘﺪ ﻗﺮﺍﻧﻪ ﻉ ﻣﺠﺪﻭﻟﻴﻦ .. ﺍﺛﺎﺭ ﺍﻟﺪﻣﻮﻉ ﻓﻴﻬﺎ ﻫﻠﺒﻪ ..
ﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻠﺤﺰﻥ ﻭﺑﺪﻱ ﻳﻘﺮﺍ ..
‏( ﺳﺎﻣﺤﻨﻲ ﻳﺎﻗﻠﺒﻲ ﻗﺪﻳﺶ ﻋﺬﺑﺘﻚ .. ﻭﺑﻬﺪﺗﻠﻚ ﺳﺎﻣﺤﻨﻲ ﺍﻧﻲ ﺍﻟﻠﻲ ﺟﻨﻴﺖ ﻋﻠﻴﻚ ﺑﻐﺒﺎﺋﻲ .... ﺗﻮﺍ ﺑﺲ ﻓﻬﻤﺖ ﺳﺒﺐ ﺣﺰﻧﻪ ﺗﻮﺍ ﻓﻬﻤﺖ ﺑﺲ ﺍﻥ ﻫﺎﻧﻴﺒﺎﻝ ﻋﻤﺮﻩ ﻣﺎﺣﺐ ﻏﻴﺮ ﺍﻟﺒﻨﻴﻪ ﺍﻟﻔﻠﺴﻄﻴﻨﻴﻪ ﺍﻟﻠﻲ ﺍﻭﻝ ﻣﺮﺓ ﺳﻤﻌﺖ ﺑﻘﺼﺘﻪ ﻣﻌﺎﻫﺎ ﻛﺎﻥ ﻋﻤﺮﻱ 16 ﺳﻨﻪ .. ﺍﻭﻝ ﻣﺮﺓ ﻧﻌﺮﻑ ﺷﻌﻮﺭ ﺍﻟﻐﻴﺮﺓ ﻭﻗﺘﻬﺎ ﻏﺮﺕ ﻭﺍﺟﺪ ﻭﺍﺟﺪ ﻣﻨﻬﺎ ﻫﺪﻱ ﺍﻟﻠﻲ ﻗﺪﺭﺕ ﺗﻤﻠﻚ ﻗﻠﺐ ﺣﺒﻴﺒﻲ .. ﺍﻟﻠﻲ ﻋﻤﺮﻩ ﻣﺎﺍﻟﺘﻔﺘﻠﻲ .. ﻭﻛﻴﻒ ﻧﺒﻴﻪ ﻳﻠﺘﻔﺘﻠﻲ ﻭﻫﻮ ﻣﻌﺒﻲ ﺑﻐﻴﺮﻱ ﻛﻴﻒ ... ﻳﺎﺍﺍﻩ ﻳﺎﺭﺑﻲ ﺳﻨﻴﻦ ﻃﻮﻳﻠﻪ ﻭﻫﻲ ﻓﻘﻠﺒﻪ ﻭﻫﻮ ﻣﺶ ﻧﺎﺳﻴﻬﺎ !!! ﺍﺿﺤﻜﻲ ﻳﺎﻣﺮﺍﻡ .. ﻟﻴﺶ ﺍﻧﺘﻲ ﻗﺪﺭﺗﻲ ﺗﻨﺴﻴﻪ ﻟﺤﻈﻪ !ﻭﻻ ﻗﺪﺭﺗﻲ ﺗﺤﺒﻲ ﻏﻴﺮﻩ !!..
ﻳﺎﺑﺨﺖ ﺍﻟﻔﻠﺴﻄﻴﻨﻴﻪ ﺍﻟﻠﻲ ﻣﻠﻜﺖ ﻗﻠﺐ **** ﺍﻟﻠﻲ ﺑﻨﺎﺕ ﻭﺍﺟﺪ ﺣﻠﻤﻦ ﻳﻤﻠﻜﻨﻪ ﻭﺍﻧﻲ ﻣﻨﻬﻢ ... ﻻ ﺍﻧﺎ ﺍﻛﺜﺮ ﻣﻨﻬﻢ ﺑﻮﺍﺟﺪ ﻭﺍﺍﺍﺍﺟﺪ
ﺑﺲ ﻛﻠﻪ ﻧﺼﻴﺐ .... ﻧﺪﻋﻲ ﺑﺲ ﺭﺑﻲ ﻳﺸﻔﻴﻨﻲ ﻣﻨﻪ ... ﻳﺎﺭﺑﻲ ﺍﺷﻔﻴﻨﻲ ﻣﻨﻪ .. ‏)
ﺻﻜﺮ ﺍﻟﻤﺬﻛﺮﺓ ﻭﺭﻓﻊ ﺭﺍﺳﻪ ﻓﻮﻕ ﻭﻫﻮ ﻣﻐﻤﺾ ﻋﻴﻮﻧﻪ ..
ﻣﺶ ﻗﺎﺩﺭ ﻳﺴﺘﻮﻋﺐ ﺣﺠﻢ ﺍﻟﺤﺐ ﺍﻟﻠﻲ ﻓﻘﻠﺒﻬﺎ ﻟﻴﻪ ﻭﻻﻗﺎﺩﺭ ﻳﺴﺘﻮﻋﺐ ... ﻛﻴﻒ ﻗﺪﺭﺕ ﺍﺩﺳﻪ ... ﻛﻴﻒ؟ !
ﻧﺎﺽ ﻣﻦ ﻣﻜﺎﻧﻪ ...
ﻣﺸﻲ ﻟﻠﺪﺍﺭ ..
ﺧﺶ ...
ﺷﺒﺤﻠﻬﺎ ﻛﻴﻒ ﺭﺍﻗﺪﻩ ﺍﺑﺘﺴﻢ ..
ﻣﺸﻲ ﻟﻠﻜﺎﻣﺪﻳﻨﻮ ﻭﺑﺤﺬﺭ ﻓﺘﺢ ﺍﻟﺪﺭﺝ ﻭﺭﺩ ﺍﻟﻤﺬﻛﺮﺓ ﻟﻤﻜﺎﻧﻬﺎ ﻭﺻﻜﺮﻩ ..
ﺑﻌﺪﻳﻦ ﻧﺎﺽ ..
ﻣﺸﺎﻟﻬﺎ ﻭﻗﻌﻤﺰ ﺣﺪﺍﻫﺎ ..
ﺣﺎﻭﻃﻬﺎ ﺑﺈﻳﺪﻳﻪ ..
ﻭﻗﺮﺏ ﻣﻦ ﻭﺟﻬﻬﺎ ...
ﻭﻏﺮﻗﻪ ﺑﺎﻟﻘﺒﻼﺕ 💓
ﻫﻲ ﻓﺘﺤﺖ ﻋﻴﻮﻧﻬﺎ ﺷﺎﻓﺎﺗﻪ ﺍﺑﺘﺴﻤﺖ ﺑﻤﻼﻣﺢ ﻭﺟﻪ ﻧﺎﻋﺴﻪ : ﻣﺎﺭﻗﺪﺗﺶ ..
ﻫﻮ ﻗﺎﻝ : ﺗﺲ .
ﺍﺑﺘﺴﻤﺖ ..
ﻗﺮﺏ ﻭﺧﺪﻱ ﺑﻮﺳﻪ ﻗﻮﻳﻪ ﻣﻦ ﺧﺪﺍﻫﺎ ..
ﺑﻌﺪﻳﻦ ﺑﻌﺪ ﻭﻗﺎﻝ : ﺗﺮﺍ ﺯﻳﺪﻱ ﻏﺎﺩﻱ ..
ﻫﻲ ﺗﺸﻮﻓﻠﻪ ﺑﺈﺑﺘﺴﺎﻣﻪ ﺍﺩﻧﺖ ﻫﻮ ﺧﺶ ﺟﻨﺒﻬﺎ ...
ﻭﺗﻤﺪﺩ ﻭﺧﺪﺍﻫﺎ ﻓﺤﻀﻨﻪ ﻭﻗﺎﻝ : ﻫﻲ ﻛﻤﻠﻲ ﻧﻮﻣﻚ ..
ﻫﻲ ﺍﺑﺘﺴﻤﺖ ﺑﺮﺍﺣﻪ ... ﻭﻏﻤﻀﺖ ﻋﻴﻮﻧﻬﺎ ﻭﺭﺟﻌﺖ ﺭﻗﺪﺕ ..
ﻭﻫﻮ ﻳﻤﺴﺢ ﻉ ﺷﻌﺮﻫﺎ ﻭﻗﻠﺒﻪ ﻳﺪﻗﻠﻬﺎ ﺑﻘﻮﺓ 💓
💕💕💕💕💕💕💕💕💕💕💕
🍁🍁🍁🍁🍁🍁🍁🍁🍁🍁🍁
ﻣﻊ ﺍﻟﺴﺎﻋﻪ 8:30 ﺻﺒﺎﺣﺎ ..
ﻛﺎﻧﻮﺍ ﻭﺍﺻﻠﻴﻦ ﺍﻟﻨﺴﺎﺑﺎﺕ ..
ﺑﻌﺪ ﻓﻄﺮﻭﺍ ..
ﻃﻮﻝ ﺗﺴﻘﺪﻭﺍ ﺍﻟﺒﻨﺎﺕ ﻭﻛﺎﻥ ﻭﺩﺍﻉ ﻛﻠﻪ ﺩﻣﻮﻉ ﻭﻛﺎﻟﻌﺎﺩﻩ ﻻﻫﻤﺎ ﻳﺒﻮﺍ ﻳﺮﻭﺣﻮﺍ ﻭﻻﻫﺎﺩﻡ ﻳﺒﻮﻫﻢ ﻳﺮﻭﺣﻮﺍ ..
ﻃﻠﻌﻮﺍ ﺍﻟﺴﻴﺎﺭﺍﺕ ﻭﺭﺍ ﺑﻌﺾ ﻣﻦ ﺍﻟﻘﻄﻌﻪ ..
ﻭﻋﻤﺎﺩ ﻛﻴﻒ ﺭﻛﺐ ﺳﻴﺎﺭﺗﻪ ﺑﻴﻠﺤﻘﻬﻢ ..
" ﺧﻮﻱ ﻋﻤﺎﺩ .."
ﺍﻟﺘﻔﺖ ﻋﻤﺎﺩ ﻟﻘﻲ ﻣﺆﻧﺲ ﺟﺎﻳﻪ ..
ﻣﺆﻧﺲ : ﺣﻄﻴﺖ ﻓﻴﻚ ﺍﻷﻣﺎﻥ ..
ﺍﺑﺘﺴﻢ ﻋﻤﺎﺩ ﻭﻗﺎﻝ : ﻣﺶ ﺣﺘﻨﺪﻡ .. ﺗﻔﻀﻞ ..
ﺍﺑﺘﺴﻢ ﻣﺆﻧﺲ ﻓﺘﺢ ﺍﻟﺒﺎﺏ ﻭﺭﻛﺐ ..
ﻭﺭﻛﺐ ﻋﻤﺎﺩ ..
ﻭﺷﻮﻳﻪ ﻭﺗﺤﺮﻙ ...
ﻭﺃﻳﻤﻦ ﻛﺎﻥ ﻳﺸﻮﻑ ﻣﻦ ﻓﻮﻕ ﺍﻟﺴﻄﺢ ..
ﻭﺭﺯﺍﻥ ﻛﺎﻧﺖ ﺗﺸﻮﻑ ﻣﻦ ﻭﺭﺍ ﺭﻭﺷﻦ ﺍﻟﺼﺎﻟﻪ ﻭﺩﻣﻮﻋﻬﺎ ﻳﻨﺰﻟﻮﺍ ...
🍁 ﺍﻳﻤﻦ : ﺍﺳﺘﻮﺩﻋﺘﻚ ﺍﻟﻠﻪ ﻳﺎﻭﻟﺪ ﻋﻤﺘﻲ ..
ﻭﻛﻴﻒ ﺟﺎﻱ ﺑﻴﻤﺸﻲ
ﺷﺎﻑ ﺣﺪﻫﻢ ﻃﺎﻟﻌﻪ ﻣﻦ ﺣﻮﺷﻬﻢ ﻭﻣﺎﺷﻴﻪ ﺟﻬﺔ ﺣﻮﺵ ﺭﻣﻀﺎﻥ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺩﺭﻗﺖ ..
ﺍﺑﺘﺴﻢ ﻉ ﺟﻨﺐ ﺑﻌﺪﻳﻦ ﻣﺸﻲ ...
🍃🍃🍃🍃🍃🍃🍃🍃🍃
ﺗﻔﻮﺕ ﺍﻷﻳﺎﻡ ...
ﻭﺗﺒﺪﺍ ﺍﻷﻣﺘﺤﺎﻧﺎﺕ ..
ﻭﺑﻠﻘﻴﺲ ﻭﺭﺯﺍﻥ ﻭﺭﻓﻘﻪ ﻓﻲ ﺣﺎﻟﺔ ﺗﻮﺗﺮ ﻣﺴﺘﻤﺮ ..
ﻭﻛﺎﻧﺖ ﺍﻳﺎﻡ ﺍﻷﻣﺘﺤﺎﻧﺎﺕ ﺗﻤﺮ ﻫﻜﻲ ..
.....
ﻭﻫﻲ ﺗﻠﺒﺲ ..
ﺭﻥ ﺗﻠﻴﻔﻮﻧﻬﺎ ...
ﻣﺸﺘﻠﻪ ﻃﻮﻝ ﺭﺩﺕ ..
ﺭﺯﺍﻥ : ﻣﺘﻮﺗﺮﺓ ﻣﺶ ﻭﻗﺖ ﺑﺮﺍﺩﻩ ..
ﻋﻤﺎﺩ : ﺣﺒﻲ ﻳﺎﻋﺴﻠﻲ ﺍﻧﺘﻲ ﻗﻮﻟﻲ ﻧﺤﺒﻚ ﻳﺎﻋﻤﺪﺓﻗﻠﺒﻲ ﺗﻮ ﺗﺠﺎﻭﺑﻲ ﺻﺪﻗﻴﻨﻲ ﻭﺗﺼﻜﺮﻱ ﺍﻟﺪﺭﺟﻪ ..
ﺭﺯﺍﻥ ﻭﻫﻲ ﺗﺒﻄﻢ ﻓﺎﻟﺒﻠﻮﺯﺓ ﻭﺷﺎﺩﻩ ﺿﺤﻜﺘﻬﺎ : ﻭﻭﺍﺍﻙ ﻳﺎﺭﺑﻲ ﻣﺒﺮﺩﻙ ..
ﻋﻤﺎﺩ : ﺍﺟﺒﺮﻱ ﺑﺨﺎﻃﺮﻱ ﺭﺑﻲ ﻳﺠﺒﺮ ﺑﺨﺎﻃﺮﻙ ..
ﺭﺯﺍﻥ ﻭﻫﻲ ﺗﻀﺤﻚ : ﻋﺪﻱ ﻳﺎﺑﺎﺭﺩ ..
ﻋﻤﺎﺩ : ﺍﻧﺘﻲ ﻫﻜﻲ !! ﻣﺎﻻ ﺍﻥ ﺷﺎﺀ ﺍﻟﻠﻪ ﺗﺴﻘﻄﻲ ﻭﻗﻠﺒﻲ ﻳﺘﻠﻘﺎﻙ ..
ﺭﺯﺍﻥ : ﻫﻬﻬﻬﻬﻬﻬﻪ .. ﺑﺎﺭﺩ .. ﻭﺻﻜﺮﺕ ﻋﻠﻴﻪ ..
" ﺭﺯﺍﺍﺍﺍﻥ .."
ﺭﺯﺍﻥ ﻭﻫﻲ ﺗﺤﻂ ﻓﻮﺷﺎﺣﻬﺎ ﻉ ﺭﺍﺳﻬﺎ : ﻫﻴﺎ ﻫﻲ ..
ﺧﺪﺕ ﺷﻨﻄﺘﻬﺎ ﻭﻃﻠﻌﺖ ...
......
ﻓﻲ ﺍﻟﻤﺪﺭﺳﻪ ..
ﺍﺍﺍﺥ ﻳﺎﺭﺑﻲ ﻫﻮ ﺳﺆﺍﻝ ﻭﺍﺣﺪ ﺳﺆﺍﻝ ﺑﺲ ..
ﺭﺯﺍﻥ : ﻣﻌﻠﻴﺸﻲ ﺣﺘﻰ ﺍﻧﻲ ﺍﻣﺲ ﻗﻌﺪﻟﻲ ﺳﺆﺍﻝ ..
ﻉ ﺟﻴﺔ ﻣﺮﺍﻡ : ﻫﺎ ﺑﻨﺎﺕ ﺷﻨﻮ .
ﺍﺑﺘﺴﻤﻮﺍ ﺍﻟﺰﻭﺯ : ﻛﻮﻳﺲ ..
ﺍﺑﺘﺴﻤﺖ ﻭﻗﺎﻟﺖ : ﺗﻤﺎﻡ .. ﻫﻲ ﺑﺴﺮﻋﻪ ﺧﻔﻦ ﺍﺭﻭﺍﺣﻜﻦ ﻫﺎﻧﻴﺒﺎﻝ ﻳﺴﺘﻨﻰ ..
ﻭﻃﻠﻌﻮﺍ ﻳﻤﺸﻮﺍ ﺑﺴﺮﻋﻪ ..
ﻭﺻﻠﻮﺍ ﻓﻴﻪ ﺭﻛﺒﻮﺍ ..
ﻫﺎﻧﻴﺒﺎﻝ : ﻋﺸﺮﺓ ﺳﻨﻴﻦ .. ﺍﻧﺤﺮﻗﻨﺎ ﺍﻟﻬﻢ ..
ﻣﺮﺍﻡ : ﻫﺪﻯ ﻭﻳﻦ ﺍﻟﺒﻨﺎﺕ ﻃﻠﻌﻦ ..
ﺷﺒﺤﻠﻬﻢ ﻣﻦ ﺍﻟﻤﺮﺍﻳﺎ : ﻫﺎﻩ ﺷﻨﻮ ﺩﺭﺗﻦ ..
ﺍﻟﺰﻭﺯ : ﺗﻤﺎﻡ .. ﻛﻮﻳﺲ .
ﺷﺒﺢ ﻟﻤﺮﺍﻡ : ﺭﺍﻗﺒﺘﻲ ﻋﻠﻴﻬﻦ ..
ﻣﺮﺍﻡ ﺑﻀﺤﻜﻪ : ﻻ ﺍﻟﻴﻮﻡ ﻻ ..
ﻓﺘﺢ ﺍﻟﻘﺠﺮ ﻭﻫﻮ ﻳﻘﻮﻝ : ﻣﻌﻨﺎﻫﺎ ﺭﺑﻲ ﻳﺴﺘﺮ ﻋﻠﻲ ﺍﻣﺘﺤﺎﻧﻜﻦ ﻛﺎﻥ ﺑﻨﺖ ﻋﺒﻮﺩﺓ ﻣﺮﺍﻗﺒﺘﺶ ﻓﻴﻪ ..
ﺭﺯﺍﻥ ﺑﻀﺤﻜﻪ : ﻟﻴﺶ ..
ﻣﺪ ﻫﺎﻧﻴﺒﺎﻝ ﺗﻮﻳﻜﺲ ﻟﻤﺮﺍﻡ ﻭﻗﺎﻝ : ﻣﺎﻫﻲ ﻭﺟﻪ ﺧﻴﺮ ..
ﺧﺪﺕ ﻣﻨﻪ ﻃﺮﻑ ﺍﻟﺸﻜﻼﻃﻪ ﻭﻫﻲ ﺗﻔﻨﺺ ﻓﻴﻪ ﻭﻭﺟﻬﻬﺎ ﺍﺣﻤﺮ ...
ﻭﺍﻟﺒﻨﺎﺕ ﺷﺎﺩﻳﻦ ﺿﺤﻜﺘﻬﻢ ﻭﻫﻤﺎ ﻳﺸﻮﻓﻮﺍ ﻟﺒﻌﺾ ..
ﻫﻮ ﻛﺎﻥ ﻣﺒﺘﺴﻢ ﻃﻮﻝ ﺍﻟﻮﻗﺖ ﻣﺪ ﻟﻠﺒﻨﺎﺕ ﻃﺮﻭﻑ ﺷﻜﻼﻃﻪ ﻭﺗﺤﺮﻙ .. ﻃﻮﻝ 💕...
🍃 ﻭﻫﻜﻲ ﻣﺮﺕ ﺍﻳﺎﻡ ﺍﻹﻣﺘﺤﺎﻧﺎﺕ ﻛﻠﻬﺎ ﻋﻠﻲ ﺑﻠﻘﻴﺲ ﻭﺭﺯﺍﻥ ..
ﺑﺲ ﻣﻊ ﺭﻓﻘﻪ ..
ﻛﺎﻥ ﺍﻟﻌﻜﺲ ..
ﺣﺴﺖ ﻧﻔﺴﻬﺎ ﻣﺎﺗﻮﻓﻘﺘﺶ ﻫﻠﺒﻪ .
ﻳﻌﻨﻲ ﻧﺠﺎﺣﻬﺎ ﻉ ﺍﻟﺤﺎﻓﻪ ..
ﻟﻌﻨﺪ ﻣﺎﺟﻲ ﺍﺧﺮ ﻳﻮﻡ ..
ﻛﺎﻧﺖ ﻣﻘﻌﻤﺰﺓ ﺗﺮﺍﺟﻊ ﻓﻲ ﺍﻟﻤﺎﺩﺓ ﻭﻫﻲ ﻣﺘﻮﺗﺮﻩ ..
ﻭﻗﻔﺖ ﻣﺮﺍﺟﻌﻪ ﻟﻤﺎ ﻃﺎﺣﺖ ﻓﻮﺩﻧﻬﺎ ﻛﻠﻤﻪ ﺻﺪﻣﺘﻬﺎ ..
ﻭﺭﺍﻫﺎ ﺑﺎﻟﺰﺑﻂ ..
ﻛﺎﻧﻮﺍ ﻓﻲ ﺷﻠﺔ ﺑﻨﺎﺕ ﻣﻘﻌﻤﺰﺍﺕ ﻳﻬﺪﺭﺯﻭﺍ ..
ﻧﺎﻫﺪ : ﺍﺳﻤﻪ ﻋﻤﺎﺩ ﺣﺪﺍﺩ ..
: ﻳﻬﺒﻞ ﻳﺠﻨﻦ ....
: ﻭﻳﻦ ﻃﺤﺘﻲ ﻓﻴﻪ ﻫﺪﺍ ﻳﺎﺩﻋﻮﻩ ﻭﻗﺪﺍﺵ ﻟﻴﻜﻢ ﻣﻊ ﺑﻌﺾ ..
ﻧﺎﻫﺪ : ﻟﺘﻮﺍ ﻟﻴﻨﺎ ﻟﻴﻦ 4 ﺷﻬﻮﺭ ... ﻓﻀﻴﻊ ﻳﺎﺑﻨﺎﺕ ﻭﻛﺮﻳﻢ ﻭﺩﻣﻪ ﻋﺴﻞ ...
ﺭﻳﺘﻮﺍ ﺍﻟﺨﺎﺗﻢ ﺍﻟﻠﻲ ﺍﻧﻲ ﻻﺑﺴﺎﺗﻪ ﻫﺪﺍ ﻣﻨﻪ ﻫﻮ ..
: ﺷﻜﻠﻪ ﻓﻠﻮﺱ !
ﻧﺎﻫﺪ : ﻓﻮﻕ ﺍﻟﺮﻳﺢ ..
: ﻃﺤﺘﻲ ﻭﺍﻗﻔﻪ ﻳﺎﻓﺮﺧﻪ ..
ﻧﺎﻫﺪ ﺭﻗﺼﺖ ﺣﻮﺍﺟﺒﻬﺎ ﻭﻗﺎﻟﺖ : ﺑﺶ ﺗﻌﺮﻓﻮﺍ .. ﻏﻴﺮ ﺗﻌﺎﻟﻮﺍ ﺷﻮﻓﻮﺍ .. ﻫﺎﺩﻭﺍ ﻓﻴﺪﻳﻮﺍﺕ ﺑﻌﺘﻬﻤﻠﻲ ﻣﻦ ﻋﺮﺱ ﺧﺎﻟﻪ ﻓﻲ **** ﺷﻮﻓﻮﺍ ..
ﻓﺘﺤﺖ ﺍﻟﻔﻴﺪﻳﻮ ﻭﻗﻌﺪﻭﺍ ﻳﺘﻔﺮﺟﻮﺍ ...
ﻭﺭﻓﻘﻪ ﻣﺼﺪﻭﻭﻣﻪ ..
ﻧﺎﺿﺖ ﻣﻦ ﻣﻜﺎﻧﻬﺎ ﻭﻣﺸﺖ ﻭﻗﺮﺑﺖ ﻣﻨﻬﻢ ..
ﺭﻓﻘﻪ : ﻣﻌﻠﻴﺸﻲ ..
ﻗﺎﻣﻮﺍ ﻋﻴﻮﻧﻬﻢ ﻓﻴﻬﺎ ..
ﺭﻓﻘﻪ : ﺷﻦ ﺑﻴﻨﻚ ﻭﺑﻴﻨﻪ ﻋﻤﺎﺩ؟
ﻧﺎﻫﺪ ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﻧﻌﻢ !!
ﺭﻓﻘﻪ ﺑﻀﺤﻜﻪ : ﻻ ﻏﻴﺮ ﻭﻟﺪ ﺟﻴﺮﺍﻧﺎ ﻭﻧﺤﺐ ﻧﻘﺼﻘﺺ ﻋﻠﻴﻬﻢ ..
ﻧﺎﻫﺪ : ﺣﻘﻪ !!
ﺭﻓﻘﻪ : ﺍﻳﻪ ... ﻫﻮ ﻛﺎﻥ ﻭﺍﺣﺪ ﻣﻦ ﺍﻟﺜﻮﺍﺭ ﻭﻻ ..
ﻧﺎﻫﺪ : ﺍﻳﻪ .. ﻭﺍﻫﻲ ﺻﻮﺭﺗﻪ ﻓﻲ ﺍﻟﺠﺒﻬﻪ .. ﻭﻭﺭﺗﻬﺎ ﻟﻠﺒﻨﺎﺕ .. ﻭﺑﻌﺪﻳﻦ ﻟﺮﻓﻘﻪ ..
ﺭﻓﻘﻪ ﺗﻘﻮﻝ ﻣﻦ ﻋﻄﺎﻫﺎ ﻛﻒ .. ﺍﺑﺘﺴﻤﺖ ﺍﺑﺘﺴﺎﻣﻪ ﺗﺨﻔﻲ ﺑﻴﻬﺎ ﺻﺪﻣﺘﻬﺎ : ﻳﻌﻨﻲ ﺍﻧﺘﻲ ﺻﺎﺣﺒﺘﻪ ..
ﻧﺎﻫﺪ : ﻗﺼﻘﺎﺻﻪ ﻫﻠﺒﻪ ﺭﺍﻙ ..
ﺭﻓﻘﻪ ﺿﺤﻜﺖ ﻭﻗﺎﻟﺖ : ﺍﻳﻪ ﻓﻀﻮﻟﻴﻪ ..
ﻧﺎﻫﺪ ﺑﺤﺪﻩ؛ﺍﻳﻴﻪ ﺻﺎﺣﺒﺘﻪ ﻋﻨﺪﻙ ﻣﺸﻜﻠﻪ ..
ﺭﻓﻘﻪ ﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻧﺎﻓﻴﻪ ﻭﻗﺎﻟﺖ : ﺍﺳﻔﻪ ﻉ ﺍﻹﺯﻋﺎﺝ .. ﻭﻣﺸﺖ ﻭﻫﻲ ﻣﺼﺪﻭﻣﻪ ﻷﺑﻌﺪ ﺣﺪ ...
ﻭﺟﻌﺘﻬﺎ ﺑﻨﺖ ﻋﻤﻬﺎ ﻫﻠﺒﻪ .. ﻭﻟﺤﻈﺘﻬﺎ ﻛﺮﻫﺖ ﻋﻤﺎﺩ ﻟﻴﻦ ﺧﻼﺹ ..
ﺭﻓﻘﻪ : ﺻﺪﻗﺘﻲ ﻳﺎﺭﻭﺯﻱ ﺍﻟﻠﻲ ﻓﻴﻪ ﻃﺒﻊ ﻋﻤﺮﻩ ﻣﺎﻳﺘﺤﻮﻝ ﻭﺍﻟﻠﻪ ﺧﺴﺎﺭﺓ ﻓﻴﻪ ﺍﻟﻮﺍﻃﻲ ﻫﺪﺍ ...
🍃 ﻋﻨﺪﻫﺎ ﺍﻟﺤﻖ .. ﻳﻌﻨﻲ ﻟﻮ ﺍﻧﺤﻄﻴﺘﻮﺍ ﻓﻤﻜﺎﻧﻬﺎ ﻭﺭﻳﺘﻮﺍ ﺍﻟﻠﻲ ﺭﺍﺗﻪ ﻫﻜﻲ ﺑﺘﻔﻜﺮﻭﺍ ﻻﻥ ﻫﺪﺍ ﺍﻟﻠﻲ ﺷﻔﺘﻮﻩ ..
ﺑﺲ ﺍﻟﻠﻲ ﺣﺘﻌﺮﻓﻮﻩ ﻭﺭﻓﻘﻪ ﻣﺶ ﻋﺎﺭﻓﺎﺗﻪ ﺍﻥ ﻧﺎﻫﺪ ﻧﻮﻋﻴﺘﻬﺎ ﻣﻦ ﻧﻮﻋﻴﺔ ﻫﻠﺒﻪ ﻣﺮﺍﻫﻘﺎﺕ ﻋﻨﺪﻫﻢ ﺍﺣﺴﺎﺱ ﺑﺎﻟﻨﻘﺺ ﻳﺒﻮﺍ ﻳﻌﻮﺿﻮﻩ ﺑﺄﻱ ﺷﻜﻞ ﻭﻳﺜﺒﺘﻮﺍ ﺍﻧﻬﻢ ﻣﺮﻏﻮﺑﺎﺕ ﻭﺍﻟﻮﻻﺩ ﻳﺠﺮﻭﺍ ﻭﺭﺍﻫﻢ ..
ﻋﻤﺎﺩ ﻻﻋﻤﺮﻩ ﻛﻠﻤﻬﺎ ﻭﻻﻳﻌﺮﻓﻬﺎ ﻭﻻ ﻳﻨﺪﺭﻱ ﻋﻠﻴﻬﺎ ﺍﺻﻼ ..
ﻭﻭﺍﻟﻠﻲ ﻋﻨﺪﻫﺎ ﻛﻠﻪ ﺳﺒﺒﻪ ﺍﻧﻬﺎ ﻫﻜﺮﺕ ﺣﺴﺎﺑﻪ ﻭﻗﺪﺭﺕ ﺗﻮﺻﻞ ﻓﻲ ﺍﻟﻔﻴﺪﻳﻮﺍﺕ ﺍﻟﻠﻲ ﺑﺎﻋﺖ ﺍﺟﺰﺍﺀ ﻣﻨﻬﻢ ﻟﺼﺤﺎﺑﻪ ﻓﺮﺳﺎﻳﻞ ..
ﻭﺍﻟﺨﺎﺗﻢ ﺍﻟﻠﻲ ﻗﺎﻟﺖ ﻋﻠﻴﻪ ﻫﻲ ﻭﺍﺧﺪﺍﺗﻪ ... ﺣﺎﻭﻟﺖ ﻓﻲ ﻋﻤﺎﺩ ﻫﻠﺒﻪ ﻟﺪﺭﺟﺔ ﺍﻧﻪ ﻏﻴﺮ ﺭﻗﻤﻪ ﺑﺴﺒﺒﻬﺎ ﻭﻟﻤﺎ ﻭﻣﺎ ﺻﻠﺘﺶ ﻓﻴﻪ ﻛﺬﺑﺖ ﻫﺎﻟﻜﺬﺑﻪ ﻭﻋﺎﺷﺖ ﻓﻴﻬﺎ ﻭﻛﺄﻧﻬﺎ ﺣﻘﻴﻘﻪ ..
ﻫﻠﺒﻪ ﻣﺮﺍﻫﻘﺎﺕ ﻋﺎﺷﻮﺍ ﻧﻔﺲ ﺣﺎﻟﺘﻬﺎ 🍃..
ﺑﺲ ﺍﻟﻤﻬﻢ ﺗﻮﺍ ...
ﺭﻓﻘﻪ ... ﻣﺎﺗﻌﺮﻑ ﺷﻲ ﻣﻦ ﻫﺪﺍ ﻛﻠﻪ ... ﻣﺎﺗﻌﺮﻑ ﺷﻲ ﺍﺧﻄﺎ ﺍﻟﻠﻲ ﺷﺎﻓﺎﺗﻪ ﻭﺳﻤﻌﺎﺗﻪ ﻣﻊ ﺍﻷﺳﻒ
... ﻳﺘﺒﻊ