المتمردين

العشق المتمرد

##العشق_المتمرد

الجزء93

#جمان_فريد

..🌟
ﺭﺍﻗﺪﻩ ﻉ ﺟﻨﺒﻬﺎ ﺍﻟﻴﻤﻴﻦ ...
ﻣﺨﺪﺗﻬﺎ ﺍﻧﺒﻠﺖ ﻣﻦ ﺍﻟﺪﻣﻮﻉ ...
ﺑﻨﺔ ﺍﻟﻤﺮﺍﺭ ﺗﺴﺘﻄﻌﻢ ﻓﻴﻬﺎ ... ﺗﻤﻮﺕ ﻗﺎﻋﺪﻩ ﺑﺎﻟﻌﺮﻕ ..
ﻣﺼﻌﺐ ﺷﻌﻮﺭ ﺍﻟﺨﻴﺎﻧﻪ .. ﻣﺎﻓﻴﺶ ﺍﺣﺮﻑ ﻣﻨﻪ ..
ﻳﻌﻨﻲ ﻟﻮ ﻛﺎﻧﺖ ﺍﻟﺨﻴﺎﻧﻪ ﻣﻦ ﺍﻟﻤﺸﺎﻋﺮ ﺍﻟﺴﻬﻞ ﺗﺠﺎﻭﺯﻫﺎ ..
ﺗﺮﺍﻫﻮ ﻣﺎﻛﺎﻧﺘﺶ ﻋﻘﻮﺑﻪ ﺍﻟﻠﻲ ﻳﺨﻮﻥ ﺍﻟﻮﻃﻦ ﺍﻹﻋﺪﺍﻡ ..
ﺍﻟﺨﻴﺎﻧﻪ .. ﺍﻟﺨﻴﺎﻧﻪ ..
ﺍﻟﻜﻠﻤﻪ ﺑﺸﻌﻪ ﺑﺤﺮﻭﻓﻬﺎ ﺑﺸﻌﻪ .. ﺑﻨﻄﻘﻬﺎ ﺑﺸﻌﻪ .. ﻣﻜﺮﻭﻫﻪ ﻣﻤﻘﻮﺗﻪ ..
ﻻﻧﻬﺎ ﺗﻜﺴﺮ ﺍﻟﻠﻲ ﺍﻧﺨﺎﻥ .. ﺍﺗﺤﻄﻤﻪ .. ﺗﺨﻠﻴﻪ ﻳﻔﻘﺪ ﺍﻟﺜﻘﻪ ﺣﺘﻰ ﻓﻲ ﻧﻔﺴﻪ ..
ﺍﻳﻪ ﺭﺯﺍﻥ ﺍﻫﺘﺰﺕ ﺛﻘﺘﻬﺎ ﺑﻨﻔﺴﻬﺎ .. ﻛﺎﻧﺖ ﺗﺤﺴﺎﺏ ﺭﻭﺣﻬﺎ ﺣﺎﺟﻪ ﻭﻳﻦ ﻋﻨﺪ ﻋﻤﺎﺩ .. ﻛﺎﻧﺖ ﺗﺸﻮﻑ ﺍﻧﻬﺎ ﺍﺳﺘﺜﻨﺎﺀ ﻋﻨﺪﻩ ﺑﻤﻌﺎﻣﻠﺘﻪ ﻟﻴﻬﺎ ..
ﻟﻜﻦ ﺍﻟﻠﻲ ﺳﻤﻌﺎﺗﻪ ﺧﻼﻫﺎ ﺗﻌﺮﻑ ﺍﻧﻬﺎ ﺯﻳﻬﺎ ﺯﻱ ﻏﻴﺮﻫﺎ ﻣﺎﻓﻴﺶ ﻓﺮﻕ ...
ﺣﺴﺖ ﺭﻭﺣﻬﺎ ﺍﻧﻬﺎ ﻋﺎﺩﻳﻪ ﺟﺪﺍ ﻣﺎﻓﻴﻬﺎ ﺷﻲ ﻳﻤﻴﺰﻫﺎ ﻋﻨﻬﻢ ﻏﻴﺮ ﺍﻧﻬﺎ ﻗﺮﻳﺒﺘﻪ ﻭﺑﺲ .. ﻟﻬﺪﺍ ﺧﻼ ﺍﺭﺗﺒﺎﻃﻪ ﺑﻴﻬﺎ ﺭﺳﻤﻲ ..
ﻣﺎﺗﻔﺮﻗﺶ ﻫﻠﺒﻪ ..
ﻏﻤﺖ ﻭﺟﻬﻬﺎ ﺑﺈﻳﺪﻳﻬﺎ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ ﻭﺗﺸﻬﻖ .. ﻭﻗﻠﺒﻬﺎ ﻳﻨﺰﻑ ﻭﻧﺎﺭ ﺗﺤﺮﻕ ﻓﻴﻬﺎ .. ﻧﺎﺭ ...
💔💔💔💔💔
ﻭﺻﻞ ﻗﺪﺍﻡ ﻣﺤﻞ ﻣﻦ ﺍﺷﻬﺮ ﻣﺤﻼﺕ ﺍﻟﺤﻠﻮﺍﻧﻲ ﻓﻲ ﺍﻟﻌﺎﺻﻤﻪ ..
ﺩﺭﺱ ..
ﻧﺰﻝ ﻣﻦ ﺍﻟﺴﻴﺎﺭﺓ ﻭﺧﺶ ﻃﻮﻝ ﻟﻠﻤﺤﻞ ..
ﺑﻌﺪ ﺭﺣﺐ ﺑﻴﻪ ﺻﺎﺣﺒﻪ ﻭﻫﺪﺭﺯﻭﺍ ﺷﻮﻳﻪ ﻃﻠﺐ ﻣﻨﻪ ﻃﻠﺐ ..
ﻋﻤﺎﺩ : ﻧﺒﻴﻬﺎ ﺗﺤﻔﻪ ﻳﺎﻣﻌﻠﻢ ﺣﺎﺟﻪ ﻣﺎﺻﺎﺭﺗﺶ ﺯﻱ ﻣﺎﻭﺻﻔﺘﻠﻚ ﺑﺎﻟﺰﺑﻂ ..
ﺿﺤﻚ ﺍﻟﺮﺍﺟﻞ ﻭﻗﺎﻝ : ﻭﻟﻮ ﺍﻧﻪ ﺍﻟﻠﻲ ﻃﻠﺒﺘﻪ ﻳﻀﺤﻚ ﺷﻮﻳﻪ ﻟﻜﻦ ﻣﻦ ﻋﻴﻮﻧﻲ ﺍﻟﻠﻲ ﺗﺒﻴﻪ ﻧﺪﻳﺮﻩ ..
ﻋﻤﺎﺩ ﺑﻀﺤﻜﻪ : ﻣﻨﻮﺭ ﻏﺎﻟﻴﻨﺎ .. ﻋﻨﺪﻙ ﺍﻟﺴﺒﻮﻉ ﻫﺪﺍ ﺗﻤﺎﻡ؟
ﺍﻟﺮﺍﺟﻞ ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﻛﻮﻳﺲ ﺗﻤﺎﻡ ..
ﺧﺒﻂ ﺍﻟﻄﺎﻭﻟﻪ ﺍﻟﻠﻲ ﻗﺪﺍﻣﻪ ﺧﺒﻄﻪ ﺧﻔﻴﻔﻪ ﻭﻗﺎﻝ : ﺑﺎﻫﻲ .. ﻣﺎﻻ ﻣﺎﻧﻌﻄﻠﺶ ﻋﻠﻴﻚ ﻳﺎﻣﻌﻠﻢ .. ﻧﻠﺘﻘﻲ .. ﻣﺪ ﻳﺪﻩ ..
ﺻﺎﻓﺤﻪ ﺍﻟﺮﺍﺟﻞ ﻭﻗﺎﻝ : ﺇﻥ ﺷﺎﺀ ﺍﻟﻠﻪ .. ﻧﻮﺭﺕ ﻳﺎﻋﻤﺪﻩ ..
ﻋﻤﺎﺩ : ﺍﻟﻨﻮﺭ ﻧﻮﺭﻙ .. ﺍﻟﺴﻼﻡ ﻋﻠﻴﻜﻢ ..
ﺍﻟﺮﺍﺟﻞ : ﻭﻋﻠﻴﻜﻢ ﺍﻟﺴﻼﻡ ...
ﻣﺸﻲ ﻋﻤﺎﺩ ﻭﻃﻠﻊ ﻣﻦ ﺍﻟﻤﺤﻞ ..
ﺧﺪﻱ ﺗﻠﻴﻔﻮﻧﻪ ﻭﻗﻌﺪ ﻳﺒﺮﺑﺶ ﻓﻴﻪ ﻭﻫﻮ ﻳﺪﻧﺪﻥ : ﻳﺎﺣﻼﻭﺗﻚ ﻭﺍﻧﺖ ﻉ ﻗﻠﺒﻲ ﻗﺎﺳﻲ ..
ﻳﺎﻏﻼﻭﺗﻚ ﻭﺍﻧﺖ ﻫﺎﺟﺮ ﻭﻧﺎﺳﻲ ..
ﻭﺻﻞ ﻓﻲ ﺍﻟﺴﻴﺎﺭﺓ ..
ﻓﺘﺢ ﺍﻟﺒﺎﺏ ﻭﺭﻛﺐ ﻭﻫﻮ ﺣﺎﻁ ﺍﻟﺘﻠﻴﻔﻮﻥ ﻉ ﻭﺫﻧﻪ ..
ﺻﻜﺮﻩ .. ﻭﺍﺗﻜﺎ ﺑﻤﺮﻓﻘﻪ ﻉ ﺍﻟﺮﻭﺷﻦ ﻭﻳﺮﺍﺟﻲ ﺍﻟﻠﻲ ﺍﺗﺼﻞ ﺑﻴﻪ ﻳﺮﺩ ..
🍁🍁🍁🍁🍁
ﻫﻲ ﺗﺴﻤﻊ ..
ﻭﻛﺎﻧﺖ ﻋﺎﺭﻓﻪ ﺍﻥ ﻫﻮ ..
ﺗﻤﺎﺳﻜﺖ ..
ﻧﺎﺿﺖ ﻗﻌﻤﺰﺕ ..
ﻣﺴﺤﺖ ﺩﻣﻮﻋﻬﺎ ﻭﺧﺪﺕ ﻧﻔﺲ ﻋﻤﻴﻖ ..
ﺭﺯﺍﻥ : ﺍﺿﺤﻜﻲ .. ﺍﻛﺬﺑﻲ .. ﺍﻛﺬﺑﻲ .. ﺍﻛﺬﺑﻲ .. ﺍﻛﺬﺑﻲ ...
ﺧﺪﺕ ﺍﻟﺘﻠﻴﻔﻮﻥ .. ﻭﻫﻲ ﺗﺸﻮﻑ ﻟﺮﻗﻤﻪ ..
ﻓﺘﺤﺖ ﺍﻟﺨﻂ .. ﻭﺣﻄﺎﺗﻪ ﻉ ﻭﺫﻧﻬﺎ ...
" ﻋﻤﺮﻱ .."
ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻗﻠﺒﻬﺎ ﺍﻧﻌﺼﺮ ..
ﻋﻤﺎﺩ : ﺍﺳﺘﺎﺣﺸﺘﻚ .. ﻣﻮﻭﻭﺕ ..
ﻓﺘﺤﺖ ﻋﻴﻮﻧﻬﺎ ﻭﻗﺎﻟﺖ : ﺣﺘﻰ ﺍﻧﻲ ..
ﺍﺑﺘﺴﻢ ﺑﻔﺮﺡ؛ﻫﻠﺒﻪ ﻭﻻ ﺷﻮﻳﻪ .
ﺭﺯﺍﻥ : ﻣﺶ ﻣﻬﻢ .. ﺍﻟﻤﻬﻢ ﺍﻧﻲ ﺍﺳﺘﺎﺣﺸﺘﻚ ﻭﺧﻼﺹ ..
ﻋﻤﺎﺩ ﺑﻀﺤﻜﻪ : ﺻﺪﻗﺘﻲ ﻫﻮ ﺍﻧﻲ ﺍﻧﻄﻮﻝ ﺭﺯﻭﻧﺘﻲ ﺗﺴﺘﺎﺣﺸﻨﻲ ﻭﺗﻘﻮﻟﻲ ﺍﺳﺘﺎﺣﺸﺘﻚ .. ﺳﺎﺩﻧﻲ ﻭﺍﻟﻠﻪ ﺳﺎﺩ ..
ﺗﺒﻠﻊ ﻓﺮﻳﻘﻬﺎ ﻭﺗﺤﺲ ﻓﻴﻪ ﺯﻱ ﺍﻟﺴﻢ .. ﻭﺣﺎﺳﻪ ﺍﻧﻬﺎ ﻣﻨﻘﺮﻓﻪ ﻣﻨﻪ ﻭﻛﺎﺭﻫﺎﺗﻪ ﻭﻓﻌﻘﻠﻬﺎ ﺍﻥ ﺍﻟﻜﻼﻡ ﺍﻟﻠﻲ ﺗﺴﻤﻊ ﻓﻴﻪ ﺍﻧﻘﺎﻝ ﻟﻤﻴﺔ ﺑﻨﺖ ﺗﺎﻧﻴﻪ ﻏﻴﺮﻫﺎ .. ﻣﻌﺎﻫﺎ ... ﻣﻌﺎﻫﺎ ... ﻣﻌﺎﻫﺎ 💔..
ﺗﻤﺎﺳﻜﺖ ﻭﻗﺎﻟﺖ : ﺍﻣﻢ .. ﺑﺎﻫﻲ .. ﻭﺻﻠﺖ ﺗﻮﺍ ﻟﻄﺮﺍﺑﻠﺲ ..
ﻋﻤﺎﺩ ﺑﺈﺑﺘﺴﺎﻣﻪ : ﻟﻴﺎ ﻭﺍﺻﻞ ﻫﻜﻲ ﺳﺎﻋﻪ ﺍﻻ ﺭﺑﻊ ..
ﺭﺯﺍﻥ : ﺍﻣﻢ .. ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺿﻴﻖ ﻋﻴﻮﻧﻪ ﻭﻗﺎﻝ : ﺍﻟﻠﻪ ﻳﺴﻠﻤﻚ .. ﻗﻠﺒﻲ ..
ﺭﻓﻌﺖ ﺣﻮﺍﺟﺒﻬﺎ ﻭﻗﺎﻟﺖ : ﺍﻣﻢ ..
ﻋﻤﺎﺩ : ﻧﺤﺲ ﻓﻴﻚ ﻣﺶ ﻉ ﺑﻌﻀﻚ .. ﺻﺎﻳﺮﺓ ﺣﺎﺟﻪ ..
ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﻻ ﻣﺎﺻﺎﻳﺮ ﺷﻲ .. ﺑﺲ ﺩﻳﻤﺎ ﻫﻜﻲ ﻳﺼﻴﺮﻟﻲ ﻭﻳﻦ ﺗﻌﺪﻱ ..
ﺍﺑﺘﺴﻢ ﻭﻗﺎﻝ : ﺷﻜﻠﻪ ﺍﻟﺒﻌﺪ ﺗﺄﺛﻴﺮﻩ ﻋﻠﻴﻚ ﺍﻛﺜﺮ ﻣﻦ ﺍﻟﻘﺮﺏ ..
ﺭﺯﺍﻥ : ﺍﻳﻪ ﻭﺍﺟﺪ ..
ﺗﻨﻬﺪ ﻭﻗﺎﻝ : ﻟﻜﻦ ﺍﻧﻲ ﻓﻲ ﻛﻞ ﺍﻟﺤﺎﻻﺕ ﻧﺘﺄﺛﺮ .. ﺑﻌﺪﻙ ﻭﻻ ﻳﺘﻌﺐ ﻓﻴﺎ ﺭﺯﻭﻧﺘﻲ ﻫﻠﺒﻪ ﻣﺶ ﺷﻮﻳﻪ .. ﻭﺍﻟﻠﻪ ﻟﻮﻻ ﻣﺸﺎﻏﻠﻲ ﻣﺎﻓﺎﺭﻗﺖ **** ﺗﺎﻧﻴﻪ ..
ﺑﻠﻌﺖ ﺭﻳﻘﻬﺎ ﻭﺩﻣﻮﻋﻬﺎ ﻧﺰﻟﻮﺍ ﻭﻗﻌﺪﺕ ﺳﺎﻛﺘﻪ ..
ﺧﺶ ﻋﻠﻴﻪ ﺍﻧﺘﻈﺎﺭ ..
ﻫﻲ ﻟﻤﺎ ﺳﻤﻌﺖ ﻧﻐﻤﻪ ﺍﻹﻧﺘﻈﺎﺭ ﻧﺎﺭ ﻭﻟﻌﺖ ﻓﻴﻬﺎ ﻛﻠﻬﺎ ﻣﻊ ﺑﻌﻀﻬﺎ ﺍﻧﻔﺠﺮﺕ ﻓﻲ ﻣﺮﺓ ﻭﺣﺪﻩ ﻭﻗﺎﻟﺖ ﺑﻌﺼﺒﻴﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﺷﻦ ﻗﺼﺘﻪ ﺍﻹﻧﺘﻈﺎﺭ ﻫﺪﻯ .. ﻣﺎﻓﻲ ﻣﺮﺓ ﻛﻠﻤﺘﻨﻲ ﻓﻴﻬﺎ ﺍﻻ ﻭﻳﺨﺸﻮﺍ ﻣﻜﺎﻟﻤﺎﺕ ﺗﺎﻧﻴﻪ .. ﺻﺒﺢ ﻗﺎﻳﻠﻪ ﻋﺸﻴﻪ ﻟﻴﻞ !!
ﻫﻮ ﺻﺪﻣﻪ ﺍﺳﻠﻮﺑﻬﺎ ... ﺑﺲ ﻣﻊ ﻫﺪﺍ ﺟﺎﻭﺑﻬﺎ ﺑﻜﻞ ﻫﺪﻭﺀ : ﺭﺯﺍﻥ ..
ﺭﺯﺍﻥ ﻭﻫﻲ ﺗﻬﺰ ﻓﺮﺟﻠﻬﺎ ﺑﻐﻀﺐ : ﺍﻣﻤﻢ ..
ﻋﻤﺎﺩ : ﺗﻮ ﺍﻧﺘﻲ ﻣﺎﺗﻌﺮﻓﻴﺶ ﻃﺒﻴﻌﺔ ﺧﺪﻣﺘﻲ ﻭﺍﻧﻲ ﺷﺨﺺ ﻋﻨﺪﻩ ﺍﺭﺗﺒﺎﻃﺎﺕ ﻫﻠﺒﻪ ﻭﻣﺸﻐﻮﻟﻴﺎﺕ ﻓﻲ ﻛﻞ ﻣﻜﺎﻥ ﻭﺍﻧﻲ ﻓﻮﻕ ﻣﺴﺆﻟﻴﺘﻲ ﻉ ﺭﺯﻗﻲ ﻣﺎﺳﻚ ﺭﺯﻕ ﺑﻮﻱ ﻭﺧﻮﺗﻲ ﻓﻲ ﺍﻟﺒﻼﺩ ﻭﺑﺮﺍ ﻣﻨﻬﺎ؟ ! ﻳﻌﻨﻲ ﻳﺎﺭﻭﺣﻲ ﻃﺒﻴﻌﻲ ﺟﺪﺍ ﺗﻠﻴﻔﻮﻧﻲ ﻫﺪﺍ ﻣﺶ ﺣﻴﻬﺪﺍ ﺑﻜﻞ ... ﺻﺢ ﻭﻻ؟
ﺳﻜﺘﺖ ﻣﺮﺓ ﻭﺣﺪﻩ .. ﺑﺎﻫﻲ ﻫﻮ ﻛﻼﻣﻪ ﻣﻘﻨﻊ ﺻﺢ .. ﺍﺳﺎﺳﺎ ﻣﻦ ﺯﻣﺎﻥ ﻣﻼﺣﻈﺘﻪ ﺩﻳﻤﺎ ﻳﺘﻜﻠﻢ ﺑﺎﻟﺘﻠﻴﻔﻮﻥ ﻭﺍﻏﻠﺐ ﺍﻟﻜﻼﻡ ﺍﻟﻠﻲ ﻳﻄﻴﺢ ﻓﻮﺫﻧﻬﺎ ﻣﻨﻪ ﻋﻦ ﺍﻟﺨﺪﻣﻪ ﻭﺍﻟﺒﻀﺎﻋﻪ ﻭﺍﻟﺼﻔﻘﺎﺕ ﻭﻣﺎﻳﺘﺒﻌﻬﺎ ..
ﻗﻌﺪﺕ ﺳﺎﻛﺘﻪ ﻭﻣﺎﺗﻜﻠﻤﺘﺶ ..
ﻫﻮ ﻣﺴﺢ ﺣﺎﺟﺒﻪ ﻭﻗﺎﻝ : ﻛﺎﻥ ﻫﺎﻟﺸﻲ ﻳﻀﺎﻳﻘﻚ ﻳﺎﻋﻤﺮﻱ ﻧﺪﻳﺮﻟﻪ ﺣﻞ ﻣﺎﺩﻭﺭﻳﺶ ﺍﻟﻤﻬﻢ ﺍﻧﺘﻲ ﻻﺗﻀﺎﻳﻘﻲ ﻭﻻﻳﻮﺟﻌﻚ ﻣﻨﻲ ﺷﻲ ..
ﻗﻠﺒﻬﺎ ﺩﻕ ﺑﻘﻮﺓ ... ﻛﺎﻧﺖ ﻣﻼﻣﺤﻬﺎ ﺣﺘﺮﺳﻢ ﺍﺑﺘﺴﺎﻣﻪ ..
ﺑﺲ ﻫﻲ ﻓﻴﺴﻊ ﻗﺘﻠﺖ ﻫﺎﻹﺑﺘﺴﺎﻣﻪ ...
ﺭﺯﺍﻥ : ﺗﻤﺎﻡ .. ﺑﺎﻫﻲ .. ﺍﻧﻲ ﺗﻮﺍ ﻧﺒﻲ ﻧﺮﻗﺪ ﺑﻌﺪﻳﻦ ﻧﺤﻜﻮﺍ ﺑﺎﻫﻲ ..
ﺍﺑﺘﺴﻢ ﻭﻗﺎﻝ : ﺑﺎﻫﻲ ﻣﻠﻌﻘﺘﻲ .. ﺑﺮﻱ ﺍﺭﻗﺪﻱ .. ﻧﻮﻡ ﺍﻟﻌﻮﺍﻓﻲ ..
ﺭﺯﺍﻥ : ﺑﺎﻱ ..
ﻋﻤﺎﺩ : ﻧﺤﺒﻚ .. ﺗﺸﺎﻭ ..
ﺻﻜﺮﺕ ﺑﺴﺮﻋﻪ ... ﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ..
ﻣﻼﻣﺢ ﻭﺟﻬﻬﺎ ﺗﺒﺪﻟﺖ ﻟﻠﺤﺰﻥ .
ﺣﻄﺖ ﺍﻳﺪﻳﻬﺎ ﻉ ﺭﻛﺎﺑﻬﺎ ..
ﺿﻤﺖ ﺷﻮﺍﺭﺑﻬﺎ ﻟﺒﻌﺾ ﺑﻘﻮﺓ .. ﻭﺍﻟﺪﻣﻮﻉ ﺑﺪﻭﺍ ﻳﻘﻄﺮﻭﺍ ﺩﻣﻌﻪ ﺩﻣﻌﻪ ..
💔💔💔💔💔💔
ﺍﻟﺴﺎﻋﻪ 12:30 ﻣﺴﺎﺀﺍ ..
ﻓﻲ ﺍﻟﻤﺤﻞ ..
ﺑﺠﺪﻳﺎﺕ ﺍﻧﺖ ﻣﺶ ﻃﺒﻴﻌﻲ !
ﻧﺠﻢ ﺍﻟﺪﻳﻦ : ﻋﺎﺭﻑ ..
ﺳﺎﻣﻲ " ﺻﺪﻳﻘﻪ :" ﻭﻋﺎﺭﻑ ﻓﻮﻗﻬﺎ !! ﻛﻴﻒ ﺗﺘﻌﻠﻖ ﺑﻮﺣﺪﻩ ﻣﻦ ﻣﻜﺎﻟﻤﺎﺕ ﺗﻠﻴﻔﻮﻥ !! ﻣﺎﻗﻠﺘﺶ ﻟﺮﻭﺣﻚ ﻣﺮﺍﺕ ﺗﻄﻠﻊ ﻣﺘﺰﻭﺟﻪ ﺑﺼﻐﺎﺭﻫﺎ ؟
ﻧﺠﻢ ﻗﻌﺪ ﻳﺸﺒﺤﻠﻪ ﻭﻳﻔﻜﺮ ﻓﻲ ﻛﻼﻣﻪ ﺑﻌﺪﻳﻦ ﻗﺎﻝ : ﺗﺲ .. ﻣﺘﺄﻛﺪ ﺍﻧﻬﺎ ﺑﻨﺖ ﺯﻱ ﻣﺎﻗﺎﻟﺘﻠﻲ ..
ﺳﺎﻣﻲ ﺿﺤﻚ ﺑﺘﻬﻜﻢ ﻭﻗﺎﻝ : ﻭﺍﻟﻠﻪ ﺗﺼﺨﻒ ﻳﺎﺻﺎﺣﺒﻲ ﻳﺎﻛﻢ ﻣﻦ ﻣﺘﺰﻭﺟﻪ ﺭﺍﺟﻠﻬﺎ ﻳﺒﺪﺍ ﻏﺎﻳﺐ ﻉ ﺍﻟﺤﻮﺵ ﻭﻻ ﻓﻲ ﺍﻟﻠﻴﻞ ﺭﺍﻗﺪ ﻓﺴﺎﺑﻊ ﻧﻮﻣﻪ ﻭﻣﺎﻳﻨﺪﺭﻱ ﻋﻠﻴﻬﺎ ﻣﻨﻴﻦ
ﺯﺍﺭﻗﻪ ﻭﻣﺮﺗﻪ ﺗﺘﻤﻌﺸﻖ ﻣﻊ ﻭﺍﺣﺪ ﺗﺎﻧﻲ ﺑﺎﻟﺘﻠﻴﻔﻮﻥ ﻟﻠﻔﺠﺮ ..
ﺳﻜﺖ ﻧﺠﻤﻲ ﻣﺮﺓ ﺗﺎﻧﻴﻪ ﻭﺭﺟﻊ ﻳﻔﻜﺮ ﻣﻦ ﺟﺪﻳﺪ ..
ﺳﺎﻣﻲ ﻗﺎﻃﻊ ﺗﻔﻜﻴﺮﻩ ﻟﻤﺎ ﻗﺎﻝ : ﻧﻘﻮﻟﻚ .. ﺍﻋﻄﻴﻨﻲ ﺭﻗﻤﻪ ﻭﺍﻧﻲ ﻧﻤﺸﻲ ﻧﺮﻓﻌﻪ ﻟﻮﻟﻴﺪ ﺻﺎﺣﺒﻲ ﻓﺸﺮﻛﺔ ﺍﻹﺗﺼﺎﻻﺕ ﻳﺸﻮﻓﻪ ﻟﻤﻨﻲ ..
ﻧﺠﻤﻲ ﺭﻓﻊ ﺣﺎﺟﺒﻪ ﻭﻗﺎﻝ : ﻧﻤﺸﻮﻟﻪ ﺍﻧﻲ ﻭﻳﺎﻙ .
ﺿﺤﻚ ﺻﺎﺣﺒﻪ ﻭﻗﺎﻝ : ﻭﺗﻐﻴﺮ ﻓﻮﻗﻬﺎ !! ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ .. ﺣﺎﺿﺮ ﻏﺪﻭﺓ ﺑﺎﻫﻲ ..
ﺗﻨﻬﺪ ﻧﺠﻤﻲ ﻭﻗﺎﻝ : ﺗﻤﺎﻡ ..
🌴🌴🌴🌴🌴🌴
ﻓﻲ ﺍﻟﻜﻮﺟﻴﻨﻪ ..
ﺗﻮﺗﻲ ﻟﻠﻐﺪﻱ ﻭﺗﺘﻜﻠﻢ ﺑﺎﻟﺘﻠﻴﻔﻮﻥ ..
ﻏﺎﻟﻴﻪ : ﻭﺍﻟﻠﻪ ﻳﺎﻟﻤﻴﺎ ﺷﻦ ﺑﻨﻘﻮﻟﻚ ﻻﺯﻡ ﻧﺎﺧﺪ ﺭﺍﻱ ﺍﻟﻮﻻﺩ ﻗﺒﻞ .
ﻟﻤﻴﺎ : ﺍﻛﻴﺪ ﻭﻋﻤﺮ ﻗﺎﻟﻲ ﺣﻴﻘﻨﻌﻬﻢ ﺭﺍﺟﻞ ﺧﺎﻟﺘﻲ ﻫﻮ ﻟﺤﻴﺎﺧﺪ ﻭﺭﺍﻙ ﻭﻳﺘﺼﺮﻑ ﻭﺗﺘﻌﻴﻨﻲ ﻓﻲ ﺍﻟﻤﺴﺘﺸﻔﻰ ..
ﻏﺎﻟﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻟﻤﻴﺎﺀ : ﺇﻥ ﺷﺎﺀ ﺍﻟﻠﻪ .. ﺗﺮﺍ ﻋﻄﻴﻨﻲ ﻋﻤﺘﻲ ..
ﻏﺎﻟﻴﻪ : ﺑﺎﻫﻲ ﺭﺍﺟﻲ ﺷﻮﻱ ..
ﻣﺸﺖ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﺗﻮﺟﻬﺖ ﻟﺪﺍﺭ ﺍﻣﻬﺎ ﺍﻟﻠﻲ ﻛﺎﻧﺖ ﻣﻘﻌﻤﺰﻩ ﻉ ﺻﻼﻳﺘﻬﺎ ﺗﺴﺒﺢ ﺑﻌﺪ ﺻﻠﺖ ﺻﻼﺓ ﺍﻟﻀﺤﻰ ..
ﻭﻗﻔﺖ ﻋﻠﻴﻬﺎ ﻭﻗﺎﻟﺖ : ﺗﺒﻲ ﺗﻜﻠﻤﻚ ﻟﻤﻴﺎ ﻳﻤﻲ ..
ﺗﻌﻜﺮﺷﺖ ﻣﻼﻣﺢ ﺍﻟﺤﺎﺟﻪ ﻓﺎﻃﻤﻪ ..
ﻭﺣﺮﻛﺖ ﻳﺪﻫﺎ ﺍﻟﻠﻲ ﻓﻴﻬﺎ ﺍﻟﺴﺒﺤﻪ ﻟﻠﺨﻠﻒ ..
ﺷﺪﺕ ﻏﺎﻟﻴﻪ ﺿﺤﻜﺘﻬﺎ ﻭﻗﺎﻟﺖ : ﺍﻫﻲ ﻣﻌﺎﻙ ﺍﻣﻲ ﻟﻤﻴﺎ ..
ﻣﺪﺕ ﺍﻟﺘﻠﻴﻔﻮﻥ ﻷﻣﻬﺎ .. ﺧﺪﺍﺗﻪ ﺍﻟﺤﺎﺟﻪ ﻓﺎﻃﻤﻪ ﻭﺭﺩﺕ :
" ﺁﻟﻮ "
🍁🍁🍁🍁🍁
ﻃﻠﻌﺖ ﻣﻦ ﺍﻟﺤﻤﺎﻡ ..
ﻭﺟﻬﺎ ﺍﺻﻔﺮ ..
ﻭﻛﺎﻧﺖ ﺗﺎﺧﺪ ﻓﻲ ﺍﻧﻔﺎﺳﻬﺎ ﺑﺼﻌﻮﺑﻪ ..
ﺻﻜﺮﺕ ﺍﻟﺒﺎﺏ ..
ﻭﻣﺸﺖ ﻃﻮﻝ ﻟﺪﺍﺭ ﺍﻟﻨﻮﻡ ..
ﺧﺸﺘﻠﻬﺎ ..
ﺗﻮﺟﻬﺖ ﻟﻠﺴﺮﻳﺮ ﻃﻮﻝ ﻭﺍﻧﻄﺮﺣﺖ ﻋﻠﻴﻪ ..
ﻭﻫﻲ ﻓﻘﻤﺔ ﺍﻟﺘﻌﺐ ..
ﺭﻥ ﺗﻠﻴﻔﻮﻧﻬﺎ ..
ﺑﺘﻌﺐ .. ﻣﺪﺕ ﻳﺪﻫﺎ ﻟﻠﻜﺎﻣﺪﻳﻨﻮ ﻭﺧﺪﺍﺗﻪ ..
ﻭﻓﺘﺤﺖ ﺍﻟﺨﻂ .. ﺣﻄﺎﺗﻪ ﻉ ﻭﺫﻧﻬﺎ ﻭﻗﺎﻟﺖ ..
ﻣﺮﺍﻡ : ﺁﻟﻮ ..
ﻫﺎﻧﻴﺒﺎﻝ ﻭﻫﻮ ﻳﺴﻮﻕ : ﺷﻦ ﺟﻮ ..
ﻣﺮﺍﻡ ﺗﺤﺎﻭﻝ ﺗﺨﻔﻲ ﺗﻌﺒﻬﺎ : ﺑﺎﻫﻲ ..
ﺑﺲ ﻟﻸﺳﻒ ﻣﺎﻧﺠﺤﺘﺶ ﺯﺑﻄﻬﺎ ﻣﻦ ﺻﻮﺗﻬﺎ ﺍﻧﻬﺎ ﻣﺶ ﻣﺰﺑﻮﻃﻪ ..
ﻭﻗﻒ ﺍﻟﺴﻴﺎﺭﺓ ﻉ ﺗﺮﻛﻴﻨﻪ ﻭﻗﺎﻝ : ﺗﺎﻋﺒﻪ؟
ﻣﺮﺍﻡ ﺳﻜﺘﺖ .
ﻫﻮ ﻋﺎﻭﺩ ﺳﺆﺍﻟﻪ ﺑﻨﺒﺮﺓ ﻓﻴﻬﺎ ﺷﻲ ﻣﻦ ﺍﻟﻌﺼﺒﻴﻪ : ﺭﺩﻱ ..
ﻣﺮﺍﻡ : ﺷﻮﻳﻪ ..
ﺷﻐﻞ ﺳﻴﺎﺭﺗﻪ ﻭﻗﺎﻝ : ﺑﺎﻫﻲ ﺟﺎﻱ .. ﻭﺻﻜﺮ ﻋﻠﻴﻬﺎ ..
ﺗﻨﻬﺪﺕ ﻣﺮﺍﻡ ﺑﺘﻌﺐ ﻭﻋﻴﻮﻧﻬﺎ ﺑﺪﻭﺍ ﻳﺘﺴﻜﺮﻭﺍ ﺑﺮﻭﺣﻬﻢ ..
🍁🍁🍁🍁🍁
ﻓﺘﺢ ﺑﺎﺏ ﺍﻟﺤﻮﺵ ﻭﻃﻠﻊ ..
ﺻﻜﺮﻩ ﻭﻫﻮ ﻳﺸﻮﻑ ﻟﺴﻴﺎﺭﺓ ﺣﺴﻦ ﺟﺎﻳﻪ ..
ﺗﺒﻌﻪ ﺑﻌﻴﻮﻧﻪ ﻟﻌﻨﺪ ﻭﺻﻠﺖ ﻓﻢ ﺑﺎﺏ ﺣﻮﺵ ﺍﻫﻠﻪ ..
ﺩﺭﺳﺖ ..
ﺍﻧﻔﺘﺢ ﺍﻟﺒﺎﺏ ﻭﻧﺰﻟﺖ ﺣﺪﻫﻢ ..
ﺍﺗﻔﺎﺟﺎ ﻟﻤﺎ ﺷﺎﻓﻬﺎ ﻻﺑﺴﻪ ﺣﺠﺎﺏ ..
ﻧﺰﻝ ﺣﺴﻦ ..
ﺗﻠﻔﺖ ﺟﻨﺒﻪ ﺍﻭﻝ ﻣﺎﺷﺒﺢ ﻷﻳﻤﻦ ..
ﺍﻳﻤﻦ ﻃﻮﻝ ﺣﻴﺎﻩ ﺑﺤﺮﻛﺔ ﺍﻟﻴﺪ ﻭﻗﺎﻝ : ﺣﻤﺪ ﻟﻠﻪ ﻉ ﺳﻼﻣﺘﻜﻢ ..
ﺣﺪﻫﻢ ﺷﺒﺤﺘﻠﻪ ﺍﺑﺘﺴﻤﺖ ﻭﻣﺸﺖ ﻃﻮﻝ ﻟﻠﺒﺎﺏ ﺧﺸﺖ ﻟﻠﺤﻮﺵ ..
ﻭﺣﺴﻦ ﺭﺩ ﻉ ﺍﻳﻤﻦ ﻭﻗﺎﻝ : ﺍﻟﻠﻪ ﻳﺴﻠﻤﻚ ﺷﻨﻮ ﺣﺎﻟﻚ ..
ﻫﻲ ﺩﺍﺧﻞ ﺗﺴﻤﻊ ﻓﻴﻪ ﻛﻴﻒ ﻳﻬﺪﺭﺯ ﻉ ﺑﻮﻫﺎ ﻭﺍﺑﺘﺴﺎﻣﺘﻬﺎ ﻉ ﻭﺟﻬﻬﺎ ..
" ﺭﻭﺣﺘﻲ ! ؟ "
ﺷﺒﺤﺖ ﻗﺪﺍﻣﻬﺎ ﺗﻼﺷﺖ ﺍﺑﺘﺴﺎﻣﺘﻬﺎ ﻭﺭﻓﻌﺖ ﺣﺎﺟﺒﻬﺎ ..
ﻋﺰﻳﺰﺓ ﺑﺘﻬﻜﻢ : ﻟﻴﺶ ﻣﺎﺷﺪﺍﺗﻚ ﺍﻣﻚ ﺍﺳﺒﻮﻉ ﺗﺎﻧﻲ؟
ﺗﺠﺎﻫﻠﺘﻬﺎ ﺣﺪﻫﻢ ﺗﺠﺎﻫﻞ ﺗﺎﻡ ﻭﺧﺸﺖ ﻟﻠﺤﻮﺵ ﻭﻫﻲ ﺗﻨﺎﺩﻱ :
ﺣﻦ .. ﻧﺎﺍﺍﺍﺍﺍﺍﻱ .
🍁🍁🍁🍁
ﻭﺻﻠﺖ ﺳﻴﺎﺭﺓ ﻫﺎﻧﻴﺒﺎﻝ ﻟﻠﻘﻄﻌﻪ ..
ﺩﺭﺱ ﻭﻧﺰﻝ ﻣﻨﻬﺎ ... ﺻﻜﺮ ﺍﻟﺒﺎﺏ ..
ﻭﻃﻮﻝ ﻟﻠﺤﻮﺵ ..
ﺗﻮﺟﻪ ﻟﻠﺪﺭﻭﺝ ﻭﺭﻛﺐ ..
ﻉ ﻃﻠﻌﺔ ﺳﻤﻴﻪ ﻣﻦ ﺣﻮﺷﻬﺎ ﻣﻊ ﻭﻻﺩﻫﺎ ﻣﺘﻮﺟﻬﻪ ﻟﺤﻮﺵ ﺷﻴﺎﺑﻴﻨﻬﺎ ..
ﺷﺎﻓﺖ ﺍﻟﺴﻴﺎﺭﺓ ..
ﺑﻌﺪﻳﻦ ﻛﻤﻠﺖ ﻃﺮﻳﻘﻬﺎ ﻟﻴﻦ ﺧﺸﺖ ﻟﻠﺤﻮﺵ ..
ﺳﻤﻴﻪ : ﻋﻤﺘﻲ .. ﻏﺎﻟﻴﻪ ..
ﻏﺎﻟﻴﻪ ﻣﻦ ﺍﻟﻜﻮﺟﻴﻨﻪ : ﻫﻨﻰ ﻳﺎﺳﻤﻴﻪ ﻫﻨﻰ ..
ﻣﺸﺖ ﺳﻤﻴﻪ ﺑﺎﻟﺼﻐﺎﺭ ﻟﻠﻜﻮﺟﻴﻨﻪ ..
ﺧﺸﺖ ﻭﻫﻲ ﺗﻘﻮﻝ : ﺍﻟﺴﻼﻡ ﻋﻠﻴﻜﻢ ..
ﻏﺎﻟﻴﻪ ﻭﻫﻲ ﺗﺤﺒﺐ ﻓﻲ ﺍﻟﻜﺴﻜﺴﻲ : ﻭﻋﻠﻴﻜﻢ ﺍﻟﺴﻼﻡ ..
ﺳﻤﻴﻪ : ﺭﻭﺣﻮﺍ ﺍﻟﺼﺒﺢ ..
ﻏﺎﻟﻴﻪ : ﺍﻳﻪ ﻛﻠﻬﻢ .. ﺭﺩﺕ ﺍﻟﻜﺴﻜﺎﺱ ﻉ ﺍﻟﻄﻨﺠﺮﺓ ..
ﻗﻌﻤﺰﺕ ﻉ ﺍﻟﻄﺎﻭﻟﻪ ﺍﻟﺼﻐﻴﺮﻭﻧﻪ .. ﻭﺍﻟﺼﻐﺎﺭ ﺣﺪﺍﻫﺎ ﻳﻤﺼﻮﺍ ﻓﻲ ﺍﻟﺤﻠﻮﻱ ﺍﻟﻠﺤﺎﺳﻪ ..
ﺳﻤﻴﻪ : ﺣﻖ ﻋﺮﺏ ﺗﺮﻫﻮﻧﻪ ﺟﺎﻳﻴﻦ ﺑﻌﺪ ﻳﻮﻣﻴﻦ ..
ﻏﺎﻟﻴﻪ : ﺍﻳﻪ .. ﻫﺪﻯ ﻭﻳﻦ ﻗﺪﺭﻭﺍ ﻳﺠﻮﺍ ﺑﻴﺶ ﻳﺒﺎﺭﻛﻮﺍ ﻟﻬﺎﻧﻴﺒﺎﻝ ..
ﺳﻤﻴﻪ : ﺧﺴﺎﺭﺓ ﻟﻮﻻ ﺣﺎﻟﺔ ﺍﻟﻮﻓﺎﺓ ﺗﺮﺍﻫﻢ ﺟﻮ ..
ﻏﺎﻟﻴﻪ : ﺍﻳﻪ ﺗﻤﻨﻴﺘﻬﻢ ﺣﻀﺮﻭﻩ ..
" ﻏﺎﻟﻴﻪ "
ﻓﻨﺼﺖ ﻭﻗﺎﻟﺖ : ﻫﺎﻧﻴﺒﺎﻝ !
ﺳﻤﻴﻪ : ﺍﻳﻪ ﺭﻳﺖ ﺳﻴﺎﺭﺗﻪ ﺗﻮﺍ ..
ﻃﻠﻌﺖ ﻏﺎﻟﻴﻪ ﻃﻮﻝ ﻣﻦ ﺍﻟﻜﻮﺟﻴﻨﻪ ..
ﻭﺳﻤﻴﻪ ﻗﻌﺪﺕ ﺗﺮﺍﻗﺐ ﻓﻮﻻﺩﻫﺎ : ﻫﻲ ﻓﺆﺍﺩ ﺧﻠﻲ ﺣﻠﻮﺓ ﺧﻮﻙ ..
ﺷﺒﺤﻠﻬﺎ ﻭﻭﺧﺮ ﻋﻦ ﺧﻮﻩ ...
ﻭﻫﻲ ﺗﺸﻮﻑ ﻟﻌﻴﻨﻪ ﻭﻗﻠﺒﻬﺎ ﻭﺍﺟﻌﻬﺎ ﻛﻞ ﻣﺎﻟﻬﺎ ﻟﻸﺳﻮﺍ ..
ﻉ ﺟﻴﺔ ﻏﺎﻟﻴﻪ ﻭﻫﻲ ﻣﺘﻮﺗﺮﻩ : ﺑﺎﻟﻠﻪ ﺳﻤﻴﻪ ﻋﻴﻨﻚ ﻉ ﺍﻟﻐﺪﻱ .. ﺑﻨﻌﺪﻱ ﻣﻊ ﻫﺎﻧﻴﺒﺎﻝ ﻭﻣﺮﺍﻡ ﺍﻟﻤﺮﺍﺓ ﻣﺮﻳﻀﻪ .
ﺳﻤﻴﻪ : ﺑﺎﻫﻲ ..
ﻣﺸﺖ ﻃﻮﻝ ﻏﺎﻟﻴﻪ
ﺳﻤﻴﻪ ﺑﻬﻤﺲ : ﺗﻘﻮﻝ ﻣﺎﺣﻤﻠﺖ ﻛﺎﻥ ﻫﻲ
🍁🍁🍁🍁🍁
ﻣﺸﻮﺍ ﻏﺎﻟﻴﻪ ﻭﻫﺎﻧﻴﺒﺎﻝ ﻭﻣﺮﺍﻡ ﻟﻮﺣﺪﻩ ﻣﻦ ﺍﻟﻌﻴﺎﺩﺍﺕ
ﺭﻛﺒﻮﺍ ﻟﻤﺮﺍﻡ ﺗﻐﺪﻳﻪ ﺗﻘﻌﺪ ﻟﻤﺪﺓ 5 ﺳﺎﻋﺎﺕ
ﻭﻫﻜﻲ ﺑﺘﻀﻄﺮ ﻏﺎﻟﻴﻪ ﺗﻘﻌﺪ ﻣﻌﺎﻫﺎ
ﺍﻣﺎ ﻫﺎﻧﻴﺒﺎﻝ ﻓﻜﺎﻥ ﺷﺎﻏﻠﻪ ﺣﺎﻝ ﻣﺮﺍﻡ ﻭﺧﺎﻑ ﻋﻠﻴﻬﺎ ﻫﻠﺒﻪ ﻭﻷﻭﻝ ﻣﺮﺓ ﻳﺤﺲ ﺷﻌﻮﺭ ﺑﺎﻟﺨﻮﻑ ﻟﺪﺭﺟﻪ ﻛﺒﻴﺮﺓ ﻉ ﺣﺪ ﻫﻜﻲ ..
🍁🍁🍁🍁🍁
ﺍﻟﺴﺎﻋﻪ 3:00 ﺑﻌﺪ ﺍﻟﻈﻬﺮ ..
ﺗﻐﺴﻞ ﻓﻲ ﻣﺎﻋﻴﻦ ﺍﻟﻐﺪﻱ ..
ﻭﻻﻗﺎﻟﻮﺍ ﺩﻣﻮﻋﻬﺎ ﻧﺒﻄﻠﻮﺍ ﻧﺰﻭﻝ ..
ﻭﻻ ﻗﺎﻟﺖ ﺍﻟﻨﺎﺭ ﺍﻟﻠﻲ ﻓﺼﺪﺭﻫﺎ ﻧﻬﺪﺍ .. ﻛﻞ ﻣﺎﻟﻬﺎ ﺗﺰﻳﺪ ﺗﻠﻬﺐ ﺍﻛﺜﺮ ﻭﺍﻛﺜﺮ ... ﻭﻫﻲ ﺗﺬﻛﺮ ﻓﻜﻼﻡ ﺑﻨﺖ ﻋﻤﻬﺎ ..
》 ﺑﺎﻋﺘﻠﻬﺎ ﻓﻴﺪﻳﻮﺍﺕ ﺍﻟﻌﺮﺱ ﺗﻮﺭﻱ ﻓﻴﻬﻢ ﻟﺼﺎﺣﺒﺎﺗﻬﺎ .. ﻭﻳﺎﺭﻳﺘﻚ ﺗﺸﻮﻓﻲ ﺍﻟﺨﺎﺗﻢ ﺍﻟﻠﻲ ﻭﺍﺧﺪﻫﻮﻟﻬﺎ 《..
ﺗﻨﻬﺪﺕ ﺑﺤﺮﻗﻪ ..
ﻭﺿﻤﺖ ﺷﻮﺍﺭﺑﻬﺎ ﺑﺸﺪﻩ ﻭﺩﻣﻮﻉ ﺳﻴﻞ ..
ﺗﺒﻲ ﺗﻜﻤﻞ ﺑﺴﺮﻋﻪ ﺑﺶ ﺗﺨﺶ ﺩﺍﺭﻫﺎ ﻭﺗﺒﻜﻲ ﺑﺮﺍﺣﺘﻬﺎ ﺑﺪﻭﻥ ﻣﺎﺣﺪ ﻳﻼﺣﻆ ..
ﺑﺎﻟﺴﻴﻒ ﻛﻤﻠﺘﻬﻢ ..
ﻭﻃﻮﻝ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﺗﻮﺟﻬﺖ ﻟﺪﺍﺭﻫﺎ ﻭﻫﻲ ﺗﺴﻤﻊ ﻓﺒﻮﻫﺎ ﻭﺍﻣﻬﺎ ﻭﺧﻮﻫﺎ ﻳﻬﺪﺭﺯﻭﺍ ..
ﺧﺸﺖ ﺍﻟﺪﺍﺭ ﻭﺻﻜﺮﺕ ﺍﻟﺒﺎﺏ ..
ﻓﻲ ﺍﻟﺼﺎﻟﻪ ..
ﻣﻴﻼﺩ : ﻓﺎﻟﺰﺍﺍﺍﻭﻳﻪ !!
ﺗﻮﻓﻴﻖ : ﻭﻳﻦ ﺍﻟﻤﺸﻜﻠﻪ ﻳﻌﻨﻲ ﻣﺎﻛﻢ ﻋﻄﻴﺘﻮﺍ ﻟﻄﺮﺍﺑﻠﺲ ﻭﺧﺪﻳﺘﻮﺍ ﻣﻨﻬﺎ ﻳﺎﺳﻴﺪﻱ؟ !
ﺷﺒﺤﺘﻠﻪ ﺳﻌﻴﺪﻩ ﺑﺮﺑﻊ ﻋﻴﻦ ..
ﻣﻴﻼﺩ ﺑﺮﻓﻌﺔ ﺣﻮﺍﺟﺐ : ﺑﺎﻫﻲ .. ﺗﻮ ﺍﻧﺖ ﺳﺄﻟﺖ ﻋﻨﻬﺎ ﺗﻌﺮﻑ ﻫﻠﻬﺎ ﻛﻮﻳﺲ ..
ﺗﻮﻓﻴﻖ : ﺍﻛﻴﺪ ﻳﺎﺳﻴﺪﻱ ﻭﻛﺎﻥ ﻣﺎﺳﺄﻟﺖ ﻋﻨﻬﺎ ﻛﻮﻳﺲ ﻣﺎﻓﺘﺤﺖ ﻣﻮﺿﻮﻋﻬﺎ ﻣﻌﺎﻙ ..
ﺳﻌﻴﺪﻩ : ﻭﻣﻦ ﻗﺎﻝ ﻳﻌﻄﻮﻫﻠﻚ .. ﻭﻳﺨﻠﻮﻫﺎ ﺗﻌﻴﺶ ﺑﻌﻴﺪﻩ ﻋﻨﻬﻢ؟
ﺗﻮﻓﻴﻖ ﺷﺒﺤﻠﻬﺎ ﺑﻨﺺ ﻋﻴﻦ : ﻳﻌﻄﻮﻫﺎ ﺇﻥ ﺷﺎﺀ ﺍﻟﻠﻪ ﻳﻌﻄﻮﻫﺎ ..
ﺭﻓﻌﺖ ﺣﺎﺟﺒﻬﺎ ﻭﻫﻲ ﺗﺸﻮﻑ ﻟﻠﺘﻠﻔﺰﻳﻮﻥ ..
ﺷﺒﺢ ﺗﻮﻓﻴﻖ ﻟﺒﻮﻩ ﻭﻗﺎﻝ : ﺷﻨﻮ ﻳﺎﺳﻴﺪﻱ ..
ﻣﻴﻼﺩ ﻗﻌﺪ ﺳﺎﻛﺖ ﻭﻫﻮ ﻳﻔﻜﺮ .. ﻋﻘﻠﻪ ﻋﻨﺪ ﻭﻟﺪﻩ ﺍﻟﻜﺒﻴﺮ .. ﻣﻜﺎﻧﺔ ﺭﻣﺰﻱ ﻛﺒﻴﺮﺓ ﻋﻨﺪ ﻣﻴﻼﺩ ﻭﺯﺍﺩﺕ ﺑﻌﺪ ﺍﻟﺤﺒﺴﻪ .. ﻣﺶ ﻃﺎﻳﺐ ﻋﻠﻴﻪ ﺧﺎﻃﺮﻩ ﺧﻮﺗﻪ ﺍﻻﺻﻐﺮ ﻣﻨﻪ ﺍﻟﻠﻲ ﺍﻧﺨﻄﺐ ﻭﺍﻟﻠﻲ ﺑﻴﺨﻄﺐ ﻭﻫﻮ ﻣﺎﺯﺍﻝ ﻣﺤﺒﻮﺱ ﻭﻣﺼﻴﺮﻩ ﺭﻏﻢ ﺍﻧﻪ ﻭﺍﺿﺢ ﻟﻜﻨﻪ ﻣﺎﺯﺍﻝ ﺣﺎﺳﻪ ﻣﺠﻬﻮﻝ ﻓﻈﻞ ﻏﻴﺎﺏ ﺍﻟﻘﺎﻧﻮﻥ ﻋﻦ ﺍﻟﺒﻼﺩ ..
ﺗﻮﻓﻴﻖ : ﺳﻴﺪﻱ ! ؟
ﺳﻌﻴﺪﻩ ﺷﺒﺤﺖ ﻟﻤﻴﻼﺩ ..
ﺗﻨﻬﺪ ﻣﻴﻼﺩ ﻭﻗﺎﻝ : ﻉ ﺧﻴﺮ ﺇﻥ ﺷﺎﺀ ﺍﻟﻠﻪ ﻓﻮﺕ ﺍﺳﺒﻮﻋﻴﻦ ﻫﺪﻳﻦ ﻭﺑﻌﺪﻳﻦ ﻳﺼﻴﺮ ﺍﻟﻠﻲ ﺗﺒﻴﻪ ..
ﻣﻄﺖ ﺳﻌﻴﺪﻩ ﺷﻮﺍﺭﺑﻬﺎ ﺑﻤﻠﻞ ..
ﺍﻣﺎ ﺗﻮﻓﻴﻖ ﺍﺑﺘﺴﻢ ﻭﻗﺎﻝ : ﻉ ﺧﻴﺮ ﺇﻥ ﺷﺎﺀ ﺍﻟﻠﻪ ..
ﺷﻮﻳﻪ ﻭﺟﻲ ﻗﺼﻲ ﻷﻣﻪ ﻣﻦ ﻗﺪﺍﻡ ﺍﻟﺘﻠﻔﺰﻳﻮﻥ ﻭﻗﺎﻟﻠﻬﺎ : ﻧﺒﻲ ﺩﻻﻉ ..
ﻣﻴﻼﺩ : ﺍﻳﻪ ﺻﺒﻲ ﺩﻳﺮﻳﻠﻨﺎ ﺩﻻﻉ ..
ﻧﺎﺿﺖ ﺳﻌﻴﺪﻩ ﻭﻫﻲ ﺗﻘﻮﻝ : ﺑﺎﻫﻲ .. ﻣﺸﺖ ﻭﻗﺼﻲ ﻭﺭﺍﻫﺎ ..
🍁🍁🍁🍁🍁
ﺍﻟﺴﺎﻋﻪ 8:00 ﻣﺴﺎﺀﺍ ..
ﻫﻲ ﻣﺎﻣﺎ ﻛﻮﻟﻲ ..
ﺣﻨﻴﻦ : ﻋﺎﺵ ﻧﺒﻲ .
ﺣﻤﻴﺪﻩ : ﻏﻴﺮ ﺷﻦ ﻛﻠﻴﺘﻲ ﻳﺎﻣﺎﻣﺎ !! ﻫﺪﻱ ﺑﺲ ﻫﻲ ﺳﻠﻢ ﺣﻨﻨﻮ ..
ﻓﺘﺤﺖ ﺣﻨﻴﻦ ﻓﻤﻬﺎ ﻭﻛﻠﺖ ..
ﺣﻤﻴﺪﻩ : ﺷﺎﻃﺮﻩ ﺑﻨﺘﻲ ..
ﺳﻤﻌﻮﺍ ﺑﺎﺏ ﺍﻟﺤﻮﺵ ﺍﻧﻔﺘﺢ ..
ﺍﻟﺘﻔﺘﺖ ﺣﻤﻴﺪﻩ ..
ﺷﺎﻓﺎﺗﻪ ﺧﺎﺵ ﺑﺴﺮﻋﻪ ﻭﻃﻮﻝ ﻟﺪﺍﺭ ﺍﻟﻨﻮﻡ ...
ﻟﺤﻈﺎﺕ ..
ﻭﻃﻠﻊ ﻣﻨﻬﺎ ﻓﻴﺴﻊ .. ﻭﻓﻴﺪﻩ ﻭﺭﺍﻕ ..
ﻭﺷﻮﻳﻪ ﻭﺳﻤﻌﻮﺍ ﺑﺎﺏ ﺍﻟﺤﻮﺵ ﺗﺼﻜﺮ ..
ﺣﻨﻴﻦ : ﻧﺒﻲ ﺑﺎﺑﺎ ..
ﺷﺒﺤﺘﻠﻬﺎ ﺣﻤﻴﺪﻩ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻗﺎﻟﺖ ﻓﻨﻔﺴﻬﺎ " ﺑﺎﺑﺎ ﻣﻌﺎﺵ ﻳﺒﻴﻨﺎ "
🍁🍁🍁🍁🍁
ﻧﺎﺿﺖ ﻣﻔﺰﻭﻋﻪ ﺑﻌﺪ ﻧﻮﻡ ﻏﻠﺒﻬﺎ ﻣﻦ ﻛﺜﺮ ﺍﻟﺒﻜﻲ ..
ﻓﺰﻋﻬﺎ ﺻﻮﺕ ﺍﻟﺘﻠﻴﻔﻮﻥ ..
ﺷﺒﺤﺘﻠﻪ ..
ﺧﺪﺍﺗﻪ ﻣﻦ ﻉ ﺍﻟﻜﺎﻣﺪﻳﻨﻮ .. ﻟﻘﺖ ﺭﻗﻢ ﻏﺮﻳﺐ ﻳﺘﺼﻞ ﺍﺳﺘﻐﺮﺑﺖ ..
ﺧﻼﺗﻪ ﻳﺮﻥ ﻟﻴﻦ ﻓﺼﻞ ..
ﺷﺎﻓﺖ ﺭﺳﺎﻟﻪ ..
ﻓﺘﺤﺘﻬﺎ ..
‏( ﺭﺩﻱ .. ﻋﻤﺎﺩ ‏)
ﺗﻨﻬﺪﺕ ﺑﺄﻟﻢ .. ﻭﻫﻲ ﻣﺮﻛﺰﻩ ﺑﻌﻴﻮﻧﻬﺎ ﻉ ﺍﺳﻤﻪ ..
🍃 ﻣﻮﻋﺮﻫﺎ ﺍﻟﺤﻴﺮﺓ .. ﺑﻴﻦ ﺍﻟﻜﺮﻩ ﻭﺍﻟﻤﺤﺒﻪ .. ﻫﻲ ﻻﻋﺎﺭﻓﻪ ﺗﻜﺮﻫﻪ ﻻﻋﺎﺭﻓﻪ ﺗﺤﺒﻪ .. ﻫﻲ ﻗﺎﻋﺪﺓ ﺗﻌﻴﺶ ﻓﻲ ﺍﻟﺸﻌﻮﺭﻳﻦ ﻣﻊ ﺑﻌﺾ ﻓﻲ ﺁﻥ ﻭﺍﺣﺪ ... ﻣﺎﺑﻌﺪ ﻗﻠﺒﻬﺎ 🍃💔
ﻋﺎﻭﺩ ﺍﺗﺼﻞ ..
ﺑﻠﻌﺖ ﺭﻳﻘﻬﺎ ﻭﻓﺘﺤﺖ ﺍﻟﺨﻂ ..
ﻭﺣﻄﺎﺗﻪ ﻉ ﻭﺫﻧﻪ ..
" ﻭﺍﺧﻴﺮﺍ .."
ﺭﺯﺍﻥ : ﻛﻨﺖ ﺭﺍﻗﺪﻩ ..
ﻋﻤﺎﺩ ﺑﻀﺤﻜﻪ : ﻋﻨﺪﻙ ﺣﻖ ﺭﻭﺗﻴﻦ ﺭﻣﻀﺎﻥ ﺻﻌﺐ ﻳﺘﻌﺪﻝ ﻓﻨﻬﺎﺭﻳﻦ .. ﻭﻟﺒﺲ ﺍﻟﻜﺎﻧﺘﻴﺮﺍ ..
ﺧﺪﻱ ﺗﻠﻴﻔﻮﻧﻪ ﻭﺻﻜﺮ ﺍﻟﻤﺎﻳﻚ ..
ﻭﺍﻧﻄﺮﺡ ﻉ ﺍﻟﺴﺮﻳﺮ ﺣﻂ ﻳﺪﻩ ﻭﺭﺍ ﺭﺍﺳﻪ ﻭﻗﺎﻝ ... ﺷﻦ ﺟﻮ ﺗﻮﺍ ..
ﺭﺯﺍﻥ : ﺍﺣﻤﻢ .. ﺗﻤﺎﻡ ..
ﻋﻤﺎﺩ : ﺣﺎﺳﻚ ﻗﺎﻋﺪﻩ ﺯﻋﻼﻧﻪ .. ﻭﺍﻧﻲ ﻭﺍﻟﻠﻪ ﻣﺎﻳﻬﻮﻥ ﻋﻠﻴﺎ ﺯﻋﻞ ﺑﻨﻴﺔ ﻗﻠﺒﻲ .. ﻭﻫﺪﺍ ﻳﺎﺣﺒﻲ ﺭﻗﻤﻲ ﺍﻟﺠﺪﻳﺪ ﺩﺭﺗﻪ ﻟﻴﻚ ﺍﻧﺘﻲ ﺑﺲ ﺑﺲ ﺑﺲ .. ﻭﺩﺭﺗﻠﻪ ﺣﺘﻰ ﺗﻠﻴﻔﻮﻥ ﺑﺮﻭﺣﻪ .. ﺑﺶ ﻟﻤﺎ ﻧﻜﻠﻤﻚ ﻣﺎﻳﺨﺸﺶ ﺑﻴﻨﻲ ﻭﺑﻴﻨﻚ ﻋﺬﻭﻝ ﻭﻻ ﺑﺄﻱ ﺷﻜﻞ ..
ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻟﺤﺰﻥ .. ﻭﻗﻌﺪﺕ ﺳﺎﻛﺘﻪ ..
ﻗﻠﺒﻬﺎ ﻣﻮﺟﻮﻉ ﻫﻠﺒﻪ ﻫﻠﺒﻪ .. ﺗﺴﻤﻊ ﻛﻼﻡ ﺣﻠﻮ ﻣﻦ ﺍﻟﻠﻲ ﺗﺤﺒﻪ ﺧﺎﻃﺮﻫﺎ ﺗﺼﺪﻗﻪ .. ﺑﺲ ﻣﺶ ﻗﺎﺩﺭﻩ ﺧﻼﺹ ﻓﺒﺎﻟﻬﺎ ﻫﺎﻟﻜﻼﻡ ﺳﻤﻌﺎﺗﻪ ﻣﻴﺔ ﻭﺫﻥ ﻗﺒﻠﻬﺎ ﻫﻲ ..
ﻋﻤﺎﺩ : ﻗﻠﺒﻲ ..
ﺭﺯﺍﻥ : ﺍﻣﻤﻢ ..
ﻋﻤﺎﺩ : ﺧﻴﺮﻙ ﻳﺎﻋﻤﺮﻱ .. ﻣﺮﻳﻀﻪ ﻭﻻﺑﺘﻤﺮﺿﻲ؟ﻣﺶ ﻋﺎﺟﺒﺘﻴﻨﻲ ﺑﻜﻞ ﺣﺘﻰ ﺻﻮﺗﻚ ﻣﻬﺒﻲ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻧﻔﻜﺮ ﻓﻲ ﺍﻟﻨﺘﻴﺠﻪ ﺑﺲ ..
ﻋﻤﺎﺩ : ﻣﺎﺗﻔﻜﺮﻳﺶ ﻫﻠﺒﻪ ﻳﺎﻋﺴﻞ .. ﺑﺈﺫﻥ ﺍﻟﻠﻪ ﻧﺎﺟﺤﻪ ﻭﺑﺘﻔﻮﻕ ﻭﻗﻮﻟﻲ ﻋﻤﺪﺓ ﻗﻠﺒﻲ ﻗﺎﻟﻬﺎ ..
ﺑﻠﻌﺖ ﺭﻳﻘﻬﺎ ﺗﺎﻧﻲ ﻭﻗﺎﻟﺖ : ﺇﻥ ﺷﺎﺀ ﺍﻟﻠﻪ ..
ﻋﻤﺎﺩ ﺑﺈﺑﺘﺴﺎﻣﻪ : ﺑﺎﻫﻲ ﺗﻮﺍ ﺧﻠﻴﻨﺎ ﻣﻦ ﻫﺪﺍ ﻭﺧﻞ ﻧﺤﻜﻴﻠﻚ ﺷﻦ ﺻﺎﺭﻟﻲ ﺍﻟﻴﻮﻡ ﻣﻦ ﻣﻘﻠﺐ ..
ﺭﺯﺍﻥ : ﺍﺣﻜﻲ ..
🍃 ﻭﺑﺪﻱ ﻳﺤﻜﻴﻠﻬﺎ .. ﻭﻣﻌﺮﻭﻑ ﺍﺳﻠﻮﺑﻪ .. ﺗﻌﺮﻓﻮﺍ ﻛﻴﻒ ﻛﺎﻧﺖ ﺗﺘﻔﺎﻋﻞ ﻣﻊ ﺍﻟﻠﻲ ﺗﺴﻤﻊ ﻓﻴﻪ .. ﺗﻀﺤﻚ ﻭﺩﻣﻮﻉ ﻳﻨﺰﻟﻮﺍ .. ﻣﺮﺓ ﺍﻟﺤﺰﻥ ﻳﻐﻠﺐ ﺍﻟﻀﺤﻜﻪ ﻭﻣﺮﺓ ﺍﻟﻀﺤﻜﻪ ﺗﻐﻠﺐ ﺍﻟﺤﺰﻥ ﻭﻫﻤﺎ ﻳﺘﺼﺎﺭﻋﻮﺍ ﻉ ﻣﻼﻣﺢ ﻭﺟﻬﻬﺎ 🍃...
ﻋﻤﺎﺩ ﺑﻀﺤﻜﻪ : ﺍﻟﻤﻬﻢ ﺭﻭﺣﻨﺎ ﺑﺎﻟﺴﻴﺎﺭﺓ ﻉ ﺧﻴﺮ ﻭﺭﺯﻕ ﺍﻟﺤﻼﻝ ﻣﺎﻳﺮﻳﺤﺶ ..
ﺭﺯﺍﻥ : ﺑﺎﻫﻲ ﻛﻮﻳﺲ ..
ﻋﻤﺎﺩ ﺗﻨﻬﺪ ﻭﻗﺎﻝ : ﺣﺒﻴﺒﻲ ..
ﺭﺯﺍﻥ : ﺍﻣﻢ ..
ﻋﻤﺎﺩ : ﻗﻮﻟﻴﻠﻲ ﺷﻦ ﺍﻛﺜﺮ ﺣﺎﺟﻪ ﺧﺎﻃﺮﻙ ﻓﻴﻬﺎ .. ﻫﻜﻲ ﺣﺎﺟﻪ ﻣﺘﻤﻨﺘﻴﻬﺎ ﻭﺗﺒﻴﻬﺎ ﺍﻱ ﺷﻲ ﻳﺎﻗﻠﺒﻲ ..
ﺭﺯﺍﻥ ﻗﻌﺪﺕ ﺗﻔﻜﺮ .. ﻛﻼﻡ ﺭﻓﻘﻪ ﻓﻌﻘﻠﻬﺎ ﺑﺎﻟﺬﺍﺕ ﻋﻦ ﺍﻟﺨﺎﺗﻢ ﺍﻟﻠﻲ ﺧﺪﺍﻩ ﻟﻠﺒﻨﺖ .. ﻫﻨﻲ ﻫﻲ ﺣﻘﺪﻫﺎ ﺗﻘﻮﺍ ﻭﺍﻭﻝ ﺧﻄﻮﺓ ﻓﻜﺮﺕ ﺗﺨﻄﻴﻬﺎ ﻓﻲ ﺍﻧﺘﻘﺎﻣﻪ ﻣﻨﻪ ﻫﻲ ..
ﺭﺯﺍﻥ : ﺍﻣﻤﻢ .. ﻣﻦ ﻣﺪﻩ ﺷﻔﺖ ﺻﻮﺭ ﻟﺸﻨﻄﻪ ﻭﻛﻨﺪﺭﻩ ﻭﻧﻈﺎﺭﺍﺕ ﻣﻦ ﻣﺎﺭﻛﺔ " ﻗﻮﺷﻲ " ﻳﻬﺒﻠﻮﺍ ﻳﻬﺒﻠﻮﺍ .. ﻗﺪﻳﺶ ﺟﻲ ﺧﺎﻃﺮﻱ ﻓﻴﻬﻦ ﺑﺲ ﻳﻌﻨﻲ ﺣﺎﺟﺎﺕ ﻛﻴﻒ ﻫﺪﻱ ﺍﻷﺻﻠﻲ ﻣﻨﻬﺎ ﻣﺎﻧﻄﻘﻮﺵ ﻓﻴﻪ ..
ﻫﻮ ﺍﺑﺘﺴﻢ ﻭﻗﺎﻝ : ﺍﻣﻢ .. ﻗﻮﺷﻲ .. ﺑﺎﻫﻲ .. ﻭﺷﻦ ﺗﺎﻧﻲ ..
ﺣﺴﺖ ﺍﺗﺠﺎﻩ ﻧﻔﺴﻬﺎ ﺑﺸﻲ ﻣﻦ ﺍﻹﺷﻤﺌﺰﺍﺯ ﻭﻫﻲ ﺗﺘﻜﻠﻢ ﻋﻤﺮﻫﺎ ﻣﺎﻛﺎﻧﺖ ﻣﺎﺩﻳﻪ ﻭﻉ ﻗﺪ ﻣﺎﺭﺕ ﻣﻦ ﻋﻤﺎﺩ ﻣﻦ ﻫﺪﺍﻳﺎ ﻭﺻﺮﻑ ﻋﻤﺮﻫﺎ ﻣﺎﻃﻠﺒﺖ ﻣﻨﻪ ﺣﺎﺟﻪ ﺩﻳﻤﺎ ﻳﺠﻴﻬﺎ ﻟﻌﻨﺪﻫﺎ .. ﺑﺲ ﻫﺎﻟﻤﺮﺓ ﺍﻟﻮﺿﻊ ﻳﺨﺘﻠﻒ ﻫﻠﺒﻪ .. ﻭﻣﻊ ﺍﻹﻧﺘﻘﺎﻡ ﻛﻞ ﺷﻲ ﻣﺒﺎﺡ ..
ﺭﺯﺍﻥ : ﺍﻣﻢ .. ﺧﺎﺗﻢ ﺫﻫﺐ ﻻﺯﻭﺭﺩﻱ ﺷﻜﻠﻪ ﻛﻴﻒ ﺍﻟﻮﺭﺩﺓ ﻳﺠﻨﻦ ﻳﺠﻨﻦ ﻋﻘﻠﻲ ﻗﻌﺪ ﻋﻨﺪﻩ ﻟﻤﺎ ﺷﻔﺘﻪ ..
ﺍﺑﺘﺴﻢ : ﻭﺍﻧﻲ ﺍﻟﻠﻲ ﻧﺤﺴﺎﺏ ﻋﻘﻠﻚ ﻋﻨﺪﻱ !
ﻫﻲ ﺿﺤﻜﺖ ﺿﺤﻜﻪ ﺧﻔﻴﻔﻪ ..
ﻋﻤﺎﺩ ﺑﻀﺤﻜﻪ : ﺑﺎﻫﻲ .. ﻭﺷﻦ ﺗﺎﻧﻲ ..
ﻣﻌﺎﺵ ﺗﻘﺪﺭ ﺧﻼﺹ ﻗﺎﻟﺖ : ﻫﻮ ﻫﺪﻯ ﺑﺲ .. ﺍﻣﻢ .. ﻟﻴﺶ ﺗﺴﺄﻝ ..
ﺗﻨﻬﺪ ﻭﻗﺎﻝ : ﻫﻜﻲ ﻭﺧﻼﺹ ..
ﻃﻖ ﺑﺎﺏ ﺩﺍﺭﻫﺎ ..
" ﺭﺯﺍﻥ .."
ﺭﺯﺍﻥ : ﻫﺪﻱ ﻣﺎﻣﺎ ... ﻧﺤﻜﻮﺍ ﺑﻌﺪﻳﻦ .. ﺑﺎﻱ ﺗﻮﺍ ..
ﻭﺻﻜﺮﺕ ..
ﻭﻃﻮﻝ ﻧﺎﺿﺖ ﻭﻣﺸﺖ ﻟﻠﺒﺎﺏ ..
ﻓﺘﺤﺎﺗﻪ ..
ﺳﻌﻴﺪﻩ : ﻭﻳﻨﻚ ﻫﺪﻯ ﻛﻠﻪ ﻧﻮﻡ ..
ﺭﺯﺍﻥ : ﺍﻳﻪ ﺧﺪﺍﻧﻲ ﺍﻟﻨﻮﻡ ..
ﺳﻌﻴﺪﻩ : ﺧﻴﺮﻩ ﻭﺟﻬﻚ ﺍﺻﻔﺮ ﻭﻋﻴﻮﻧﻚ ﻣﻨﻔﻮﺧﺎﺕ ﻫﻜﻲ؟
ﺭﺯﺍﻥ ﺑﺸﻲ ﻣﻦ ﺍﻟﺮﺑﻜﻪ : ﻋﺎﺩﻱ ﻣﺎﻣﺎ .. ﻣﻦ ﺍﻟﻨﻮﻡ ..
ﺳﻌﻴﺪﻩ ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺑﺎﻫﻲ .. ﺻﻠﻲ ﺻﻼﺗﻚ ﻭﺍﻟﺤﻘﻴﻨﻲ ﻟﺤﻮﺵ ﺟﺪﻙ ﺧﺎﻟﺘﻚ ﺍﻣﺎﻝ ﺟﺎﻳﻪ ﺣﺘﻰ ﺍﻟﻴﻮﻡ ..
ﺭﺯﺍﻥ : ﻟﻴﺶ؟
ﺳﻌﻴﺪﻩ : ﻋﺮﺱ ﺧﺎﻟﺘﻚ ﻋﺰﻳﺰﺓ ﻣﺎﺯﺍﻝ ﻋﻠﻴﻪ 15 ﻳﻮﻡ ﺑﺲ ﺭﺍﻫﻮ ﻧﺴﻴﺘﻲ .. ﺍﻣﺎ ﻧﻠﺤﻘﻮﺍ ﻧﻮﺗﻮﻟﻪ؟؟ !!
ﺭﺯﺍﻥ : ﺍﻳﻪ ﺻﺢ .. ﺑﺎﻫﻲ ﻋﺪﻱ ﺍﻧﺘﻲ ﺗﻮ ﻧﻠﺤﻘﻚ ..
ﺳﻌﻴﺪﻩ : ﻣﺎﺗﺒﻄﻴﺶ ..
ﺭﻓﻌﺖ ﺭﺩﺍﻫﺎ ﻉ ﺭﺍﺳﻬﺎ ﻭﻣﺸﺖ ﻃﻮﻝ ..
ﻭﺭﺯﺍﻥ ﻭﻟﺖ ﻟﺪﺍﺭﻫﺎ ﺑﺶ ﺑﺘﺎﺧﺪ ﺻﺎﺑﻮﻧﻬﺎ ..
ﺭﻥ ﺗﻠﻴﻔﻮﻧﻬﺎ ﺗﺎﻧﻲ .. ﻣﺸﺘﻠﻪ ﻃﻮﻝ ﻟﻘﺖ ﺭﻓﻘﻪ ﺗﺘﺼﻞ ..
ﻓﺘﺤﺖ ﺍﻟﺨﻂ ﻃﻮﻝ ..
ﺭﺯﺍﻥ : ﻫﻼ ﺭﻭﻓﻲ ..
ﺭﻓﻘﻪ : ﻫﻼ ﺭﻭﺯﻱ ﺣﺒﻴﺒﺘﻲ ﺷﻦ ﺟﻮ ..
ﺭﺯﺍﻥ ﺑﺤﺰﻥ : ﻛﻴﻒ ﺑﻴﻜﻮﻥ ﻳﻌﻨﻲ ..
ﺭﻓﻘﻪ ﺳﻜﺘﺖ ﻭﻫﻲ ﻣﺘﺄﻟﻤﻪ ﻋﻠﻰ ﺑﻨﺖ ﻋﻤﻬﺎ ..
ﺭﺯﺍﻥ ﺑﺤﻘﺪ : ﻟﻜﻦ ﻭﺍﻟﻠﻪ ﻳﺎﺭﻓﻘﻪ ﻫﺎﻟﻤﺮﺓ ﻣﺎﺣﻴﻨﺠﻰ ﺑﻌﻤﻠﺘﻪ .. ﺍﻟﻜﺬﺏ ﻭﺍﻟﺨﻴﺎﻧﻪ ﻭﺍﻟﻠﻌﺐ ﺑﺎﻟﻤﺸﺎﻋﺮ .. ﺍﻗﺴﻢ ﺑﺎﻟﻠﻪ ﻛﻠﻪ ﻧﺨﻠﻴﻪ ﻳﺬﻭﻕ ﺍﺿﻌﺎﻓﻪ ..
ﺭﻓﻘﻪ : ﻛﻴﻒ ﻗﺼﺪﻙ ﺑﺘﺨﻮﻧﻴﻪ؟ !
ﺭﺯﺍﻥ : ﻋﺎﺭﻓﺘﻴﻨﻲ ﺍﻧﺘﻲ ﻣﺎﻧﻴﺶ ﺣﻘﻴﺮﺓ ﺑﺶ ﻧﺘﺼﺮﻑ ﻫﻜﻲ .. ﻟﻜﻦ ﺣﻨﺪﻳﺮ ﻓﻴﻪ ﻛﻴﻒ ﻣﺎﻗﺎﻋﺪ ﻳﺪﻳﺮ ﻣﻌﺎﻱ ﻭﻣﻊ ﻏﻴﺮﻱ .. ﺣﻨﻠﻌﻘﻪ ﻓﻴﺎ ﻳﺎﺭﻓﻘﻪ ﺣﻨﺨﻠﻴﻪ ﺑﺠﺪﻳﺎﺕ ﻣﺎﻳﺸﻮﻑ ﻏﻴﺮﻱ ﻭﺑﻌﺪ ﻳﻮﺻﻞ ﻟﻤﺮﺣﻠﺔ ﻓﻴﻬﺎ ﻣﺎﻳﻘﺪﺭﺵ ﻳﺴﺘﻐﻨﻰ ﻋﻨﻲ ﺣﻖ ﻣﺶ ﻛﻼﻡ ﺷﻮﺍﺭﺏ .. ﻧﺮﺧﻲ ﺑﻴﻪ ﻭﻧﺴﻴﺒﻪ ..
ﺭﻓﻘﻪ ﺑﺮﻓﻌﺔ ﺣﻮﺍﺟﺐ : ﺍﻳﻪ .. ﺑﺲ ﻫﻮ ﻣﻜﻠﻢ ﺑﻮﻙ ﻋﻠﻴﻚ ..
ﺭﺯﺍﻥ ﺑﺮﻓﻌﺔ ﺣﺎﺟﺐ : ﻣﺎﻓﻴﺶ ﻣﺸﻜﻠﻪ ﺍﻧﻲ ﻧﻌﺪﻱ ﻟﺴﻴﺪﻱ ﻭﻧﻘﻮﻟﻪ ﺑﻌﺪﻳﻦ ﻟﻴﺶ ﻧﺒﻲ ﻧﺴﻴﺒﻪ ﺑﻌﺪ ﻳﻌﺮﻑ ﺍﻟﺴﺒﺐ ﻭﺍﻟﻠﻪ ﻋﻤﺎﺩ ﻫﺪﻯ ﻟﻮ ﻳﻤﻮﺕ ﺳﻴﺪﻱ ﻣﺎﻳﻌﻄﻴﻪ ..
ﺭﻓﻘﻪ : ﻳﺴﺘﺎﻫﻞ ﻳﺒﻴﻬﺎ ﺍﻟﻠﻲ ﻳﻠﻌﺐ ﺑﺒﻨﺎﺕ ﺍﻟﻨﺎﺱ ﻭﻭﺻﻠﺖ ﺑﻴﻪ ﺣﺘﻰ ﺑﻨﺖ ﺧﺎﻟﻪ ﻳﺪﻳﺮ ﻓﻴﻬﺎ ﺯﻱ ﻣﺎﻳﺪﻳﺮ ﻓﻴﻬﻢ ﻳﺴﺘﺎﻫﻞ .. ﺍﺻﻼ ﻣﺮﺍﺕ ﻫﻮ ﻛﺎﻥ ﻧﺎﻭﻱ ﻳﺮﺧﻲ ﺑﻴﻚ ﺑﻌﺪﻳﻦ .. ﻣﺎﺗﻨﺪﺭﻳﺶ ﺍﻟﻨﻤﺎﺫﺝ ﺍﻟﻠﻲ ﺯﻳﻪ ﻛﻴﻒ ﻳﻔﻜﺮﻭﺍ ..
ﺭﺯﺍﻥ ﺑﺤﻘﺪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﺻﺢ .. ﻋﻨﺪﻙ ﺣﻖ .. ﺍﺣﻤﻢ .. ﺍﻧﻲ ﺗﻮﺍ ﻣﺸﻐﻮﻟﻪ ﺑﻌﺪﻳﻦ ﻧﻬﺪﺭﺯﻭﺍ ﻉ ﺍﻟﻔﻴﺲ ﺑﺎﻫﻲ ..
ﺭﻓﻘﻪ : ﺑﺎﻫﻲ .. ﺑﺎﻱ ﺭﻭﺯﻱ ..
ﺭﺯﺍﻥ : ﺑﺎﻱ .. ﺻﻜﺮﺕ ..
ﻏﻤﻀﺖ ﻋﻴﻮﻧﻬﺎ ﺑﺸﺪﻩ .. ﺧﺪﺕ ﻧﻔﺲ ﻋﻤﻴﻖ ..
ﺑﻌﺪﻳﻦ ﻣﺸﺖ ﻃﻮﻝ ﻟﺪﻭﻻﺑﻬﺎ ..
🍃🍃🍃🍃
ﻭﻋﺪﻭﺍ ﻳﻮﻣﻴﻦ ..
ﻭﻓﻲ ﻫﺎﻟﻴﻮﻡ ...
ﻧﺘﻴﺠﺘﻴﻦ ﺣﻴﻄﻠﻌﻮﺍ ..
ﻧﺘﻴﺠﻪ ﺭﺯﺍﻥ ﻭﺑﻠﻘﻴﺲ ﻭﺭﻓﻘﻪ ..
ﻭﻧﺘﻴﺠﻪ ﺩﻻﻝ ﻭﺭﺍﻧﻴﺎ ...
🍁 ﺭﺍﻧﻴﺎ ﻣﻦ ﺧﻮﻓﻬﺎ ﺧﻠﺖ ﺩﻻﻝ ﻭﻷﻭﻝ ﻣﺮﺓ ﻫﻲ ﺍﻟﻠﻲ ﺗﺸﻮﻓﻠﻬﺎ ..
ﻣﻘﻌﻤﺰﺓ ﻓﻲ ﺍﻟﺪﺍﺭ ﺣﺪﺍ ﺗﻠﻴﻔﻮﻧﻬﺎ ﻭﻫﻲ ﻓﻘﻤﺔ ﺍﻟﺘﻮﺗﺮ ..
ﻭﺍﺧﺘﻬﺎ ﺗﺸﻮﻓﻠﻬﺎ ..
ﺭﺑﺎﺏ : ﺍﻫﺪﻱ ﺭﺍﻧﻴﺎ ﺧﻴﺮﻙ؟
ﺭﺍﻧﻴﺎ ﺷﺎﻓﺘﻠﻬﺎ ﺑﻘﻠﻖ ﻭﻣﺎﺗﻜﻠﻤﺘﺶ ..
ﺭﻥ ﺗﻠﻴﻔﻮﻧﻬﺎ ...
ﺑﺨﻮﻑ ﺧﺪﺍﺗﻪ .. ﻭﻓﺘﺤﺖ ﺍﻟﺨﻂ ﻭﺭﺩﺕ ..
ﺩﻻﻝ ﺑﻀﺤﻜﻪ : ﺻﻔﻴﺘﻴﻬﻢ ﻛﻠﻬﻢ ..
ﺭﺍﻧﻴﺎ ﺑﺼﺪﻣﻪ : ﺩﻻﺍﻝ .. ﺑﻼﺑﺮﺍﺩﻩ ..
ﺩﻻﻝ : ﻫﻬﻬﻬﻪ ﻭﺍﻟﻠﻪ ﺍﻟﻌﻈﻴﻢ .. ﻭﻓﻮﻕ ﻫﻜﻲ ﻣﺎﺩﺓ " ﺍﻟﺘﻮﻣﺎﻫﻮﻙ " ﺍﻋﻠﻰ ﺩﺭﺟﻪ ..%80..
ﺯﺍﺩﺕ ﺍﻧﺼﺪﻣﺖ ﺭﺍﻧﻴﺎ ..
ﺭﺑﺎﺏ ﺗﺸﻮﻓﻠﻬﺎ .. ﺧﺎﻓﺖ : ﺭﺍﻧﻴﺎ ..!!
ﺑﻠﻌﺖ ﺭﺍﻧﻴﺎ ﺭﻳﻘﻬﺎ ﻭﻗﺎﻟﺖ : ﺩﻻﻝ ﻣﺘﺄﻛﺪﻩ ﺍﻧﻚ ﺷﻔﺘﻲ ﻧﺘﻴﺠﺘﻲ ﺍﻧﻲ ﻧﺘﻴﺠﻪ ﺭﺍﻧﻴﺎ ﺑﻨﺖ ﺧﺎﻟﺘﻚ .. ﺭﺍﻧﻴﺎ ﺧﻴﺮﻱ ﻣﺤﻤﺪ ..****
ﺩﻻﻝ : ﻫﻬﻬﻬﻬﻬﻪ .. ﻭﺭﻗﻢ ﻗﻴﺪﻫﺎ ...*****
ﺷﺒﺤﺖ ﺭﺍﻧﻴﺎ ﻷﺧﺘﻬﺎ ﻭﻫﻲ ﻣﺼﺪﻭﻣﻪ ﻗﺎﻟﺖ ﺑﺮﺑﻜﻪ : ﻭﺍﻧﺘﻲ ..
ﺩﻻﻝ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻛﻠﻬﻢ ﺻﻔﻴﺘﻬﻢ ..
ﺍﺑﺘﺴﻤﺖ ﺭﺍﻧﻴﺎ ﻧﺺ ﺍﺑﺘﺴﺎﻣﻪ ﻭﻗﺎﻟﺖ : ﻣﺒﺮﻭﻙ ..
ﺭﺑﺎﺏ؛ﻳﺎﺩﺭﺍﻩ ﻗﻮﻟﻲ ﺻﻔﻴﺘﻲ ..
ﺭﺍﻧﻴﺎ ﺿﺤﻜﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺯﻏﺮﻃﺖ ﺭﺑﺎﺏ ﻭﻧﺎﺿﺖ ﻃﻠﻌﺖ ﻷﻣﻬﺎ ..
ﻭﺭﺍﻧﻴﺎ ﺗﻀﺤﻚ ﻋﻠﻴﻬﺎ ﺑﺲ ﻣﻦ ﺩﺍﺧﻞ ﻗﻠﺒﻬﺎ ﻣﻘﺒﻮﺽ ..
🍁🍁🍁🍁
ﺍﻣﺎ ﻧﺘﻴﺠﺔ ﺑﻨﺎﺕ ﺍﻟﺜﺎﻧﻮﻳﻪ ..
ﻏﺎﻟﻴﻪ ﻭﻫﻲ ﻣﻮﻟﻴﻪ ﻣﻦ ﺍﻟﺤﻮﺵ ﺍﻟﻘﺪﻳﻢ ﻭﻓﻴﺪﻫﺎ ﺍﻟﺠﻠﻮﺍﻝ ﺳﻤﻌﺖ ﺯﻏﺎﺭﻳﻂ ﻣﺼﺪﺭﻫﻢ ﻣﻦ ﻭﺭﺍ ﺍﻟﺼﻮﺭ ..
ﻏﺎﻟﻴﻪ ﺑﻀﺤﻜﻪ : ﺑﻠﻘﻴﺲ ﻧﺠﺤﺖ .. ﺗﻼﺷﺖ ﺿﺤﻜﺘﻬﺎ ﻭﻭﻗﺎﻟﺖ .. ﺯﻋﻢ ﺭﺯﺍﻥ ﻭﺭﻓﻘﻪ ﺷﻨﻮ؟ ..
ﻏﻴﺮﺕ ﻃﺮﻳﻘﻬﺎ ﻭﻣﺸﺖ ﻟﺤﻮﺵ ﺧﻮﻫﺎ ﻣﻴﻼﺩ ..
ﻓﻲ ﺍﻟﺤﻮﺵ ..
ﺭﺯﺍﻥ ﻛﺎﻧﺖ ﺗﻌﻠﻖ ﻓﺤﻮﺍﻳﺠﻬﺎ ﻓﺎﻟﺪﻭﻻﺏ ﺑﻌﺪ ﺭﺗﺒﺎﺗﻪ ..
ﺭﻥ ﺗﻠﻴﻔﻮﻧﻬﺎ ..
ﻣﺸﺘﻠﻪ ﻟﻘﺎﺗﻪ ﻫﻮ ﻳﺘﺼﻞ ..
ﺭﺩﺕ ﻋﻠﻴﻪ ..
ﺭﺯﺍﻥ : ﺍﻟﻮ ..
ﻋﻤﺎﺩ ﺑﻀﺤﻜﻪ : ﺣﺐ ﻗﻠﺒﻲ ﺍﻧﻲ .. ﻧﺠﺤﺖ ﻣﻤﺘﺎﺯ .. ﻭﺗﻘﺪﻳﺮﻫﺎ ..%92
ﺭﺯﺍﻥ ﺑﻌﻴﻄﻪ : ﺍﺣﻠﻠﻠﻒ !!
ﻋﻤﺎﺩ ﺑﻀﺤﻜﻪ : ﻭﺍﻟﻠﻪ ﺍﻟﻌﻈﻴﻢ ..
ﺭﺯﺍﻥ ﺑﺘﻠﻘﺎﺋﻴﻪ ﻭﺑﻨﺒﺮﺓ ﻓﺮﺡ : ﺗﻬﺒﻞ ﺍﻧﺖ ﺗﻬﺒﻞ ..
ﺻﻜﺮﺕ ﻋﻠﻴﻪ ﻭﻟﻮﺣﺖ ﺗﻠﻴﻔﻮﻧﻬﺎ ﻉ ﺍﻟﺴﺮﻳﺮ ﻭﻃﻠﻌﺖ ﻣﻦ ﺍﻟﺪﺍﺭ ..
ﻻﻗﺖ ﻏﺎﻟﻴﻪ ﻭﻫﻲ ﺗﻀﺤﻚ ﻗﺎﻟﺖ .. ﻧﺠﺤﺖ ﻋﻤﺘﻲ ﻧﺠﺤﺖ ﻣﻤﺘﺎﺯ ..
ﻭﻣﺸﺘﻠﻬﺎ ﺗﺠﺮﻱ ﺣﻀﻨﺘﻬﺎ ﻭﻏﺎﻟﻴﻪ ﺗﻀﺤﻚ ﻭﺗﻘﻮﻝ .. ﻣﺒﺎﺭﻙ ﻣﺒﺎﺭﻙ ..
ﻉ ﻃﻠﻌﺔ ﺳﻌﻴﺪﻩ ﻣﻦ ﺩﺍﺭ ﺍﻟﻨﻮﻡ ﻭﻫﻲ ﺗﺰﻏﺮﻁ ..
💕💕💕💕💕
ﺍﻣﺎ ﻋﻤﺎﺩ ..
ﺑﻌﺪ ﺻﻜﺮﺕ ﻣﻨﻪ .. ﻗﻌﺪ ﻟﺤﻈﺎﺕ ﺳﺎﺭﺡ .. ﻓﻲ ﻧﺒﺮﺓ ﻓﺮﺣﺘﻬﺎ ﻭﻫﻲ ﺗﻘﻮﻟﻪ " ﺗﻬﺒﻞ ﺍﻧﺖ ﺗﻬﺒﻞ .."
ﻭﻛﺈﻧﻬﺎ ﻗﺎﻟﺖ ﻧﺤﺒﻚ ..
ﻗﻠﺒﻪ ﻳﻨﺒﺾ ﺑﻘﻮﺓ ﺷﺪﻳﺪﻩ .. ﻗﺎﻝ ﻓﻨﻔﺴﻪ " ﻭﺍﻟﻠﻪ ﺍﻧﺘﻲ ﺍﻟﻠﻲ ﺗﻬﺒﻠﻲ ﻳﺎﻋﻤﺮﻱ ... ﻫﺒﻠﺘﻴﻨﻲ "💓
" ﺍﻟﺴﻼﻡ ﻋﻠﻴﻜﻢ .."
ﺷﺒﺢ ﻟﺒﺎﺏ ﺍﻟﻤﺤﻞ ﺿﺤﻚ ﺑﻤﻔﺎﺟﺄﺓ ﻭﻗﺎﻝ : ﺗﻴﻔﺴﺎ !!
🍁🍁🍁🍁
ﺑﺲ ﻋﻨﺪ ﺭﻓﻘﻪ ..
ﻟﻸﺳﻒ ..
ﻛﺎﻧﺖ ﺗﺒﻜﻲ ﻓﺤﻀﻦ ﺍﻣﻬﺎ ..
ﻻﻧﻬﺎ ﺧﻠﺖ ﻣﺎﺩﻩ ...
ﺍﻟﻤﺎﺩﻩ ﻫﺎﺩﻱ ﻫﻲ ﻧﻔﺴﻬﺎ ﺍﻟﻠﻲ ﺍﻣﺘﺤﻨﺖ ﻓﻴﻬﺎ ﻧﻬﺎﺭ ﺳﻤﻌﺖ ﻛﻼﻡ ﻧﺎﻫﺪ ..
🍃 ﺍﻧﺴﺎﻧﻪ ﻧﻘﻴﻪ ﻫﻠﺒﻪ ﺣﺘﻰ ﻟﻤﺎ ﺗﺘﻮﺟﻊ ﻉ ﺍﻟﻠﻲ ﺗﺤﺒﻬﻢ ﺗﺘﻮﺟﻊ ﺑﻘﻮﺓ ﻭﺗﻜﺮﻩ ﻣﻦ ﻗﻠﺒﻬﺎ ﻛﻞ ﺷﻲ ﻣﺶ ﺻﺎﻓﻲ ﺣﻮﺍﻟﻴﻬﺎ .. ﻭﻫﺪﺍ ﺍﻟﻠﻲ ﺻﺎﺭﻟﻬﺎ ﻣﻊ ﻋﻤﺎﺩ ﻭﻟﺪ ﻋﻤﺘﻬﺎ 🍃
🍁🍁🍁🍁🍁
ﻟﻴﻠﺘﻬﺎ ..
ﻋﻤﺎﻡ ﺭﺯﺍﻥ ﻭﺧﻮﺍﻟﻬﺎ ﺩﺍﺭﻭﻟﻬﺎ ﺯﺭﺩﺓ ﻣﺎﺧﻠﻮﺍ ﻣﺎﺟﺎﺑﻮﺍ ..
ﻉ ﺣﻠﻮ ﻭﻉ ﺣﺎﺭ ..
ﻭﺳﻌﻴﺪﻩ ﺣﺎﻟﻔﻪ ﺩﻳﺮ ﻋﺰﻭﻣﻪ ﻛﺒﻴﺮﺓ ﻟﺒﻨﺘﻬﺎ .. ﻭﺍﺧﺘﺎﺭﻭﺍ ﻳﺪﻳﺮﻭﻫﺎ ﻣﻊ ﺟﻴﺔ ﺍﻟﺘﺮﺍﻫﻨﻪ ﺍﻟﻠﻲ ﺣﻴﻘﻌﺪﻭﺍ ﻓﻲ ﺍﻟﺒﻼﺩ 3 ﺃﻳﺎﻡ ..
🍁🍁🍁🍁
ﻳﺎﻧﺎﺭﻱ ﺑﻨﻴﺘﻲ ..
ﻣﺮﻭﺍﻥ : ﻫﺎﻙ ﻳﺎﻡ ﻛﻠﻤﻴﻬﺎ ﻧﻔﺴﻴﺘﻬﺎ ﺯﻱ ﺍﻟﺰﻓﺖ ..
ﻛﻔﺎﻳﻪ : ﻫﺎﺕ ﺍﻣﻲ ﻫﺎﺕ ..
ﺧﺪﺕ ﺍﻟﺘﻠﻴﻔﻮﻥ ﻭﺣﻄﺎﺗﻪ ﻉ ﻭﺫﻧﻬﺎ ﻭﻗﺎﻟﺖ : ﺭﻭﻓﻲ ﺣﺒﻴﺒﺘﻲ ..
ﻭﻣﺸﺖ ﺑﺎﻟﺘﻠﻴﻔﻮﻥ ﻟﻠﺼﺎﻟﻪ ﻭﻳﻦ ﻣﺎﻓﻲ ﺿﻴﻮﻓﻬﺎ .. ﺍﻳﻨﺎﺭﻭﺍ ﻭﺗﺎﻻ ..
ﻓﻲ ﺍﻟﻤﺮﺑﻮﻋﻪ ..
ﺣﻤﺰﺓ : ﺧﻼﺹ ﻣﻌﻨﺎﻫﺎ ﺑﺘﺤﻮﻝ ﻫﻨﻲ؟
ﺗﻴﻔﺴﺎ : ﺍﻳﻪ ..
ﻋﻤﺎﺩ : ﻭﺍﻣﻚ؟
ﺗﻴﻔﺴﺎ : ﺑﻴﺠﻴﺒﻬﺎ ﺧﻮﻱ ﺍﻷﻳﺎﻡ ﺍﻟﺠﺎﻳﻪ ..
ﻣﺎﻟﻚ : ﻉ ﺧﻴﺮ ﺇﻥ ﺷﺎﺀ ﺍﻟﻠﻪ ..
ﺗﻴﻔﺴﺎ : ﺇﻥ ﺷﺎﺀ ﺍﻟﻠﻪ .. ﺍﻫﻮ ﺣﺘﻰ ﺍﺧﺖ ﺍﻟﻌﻴﻠﻪ ﺑﺘﻘﺮﺍ ﻫﻨﻲ ﺑﻨﺴﺠﻠﻬﺎ ﻓﻜﻠﻴﺔ ﺍﻟﻄﺐ ..
ﻣﺎﻟﻚ : ﺗﺒﻲ ﺍﻱ ﻣﺴﺎﻋﺪﻩ ﻛﻠﻤﻨﻲ ﻃﻮﻝ ..
ﺣﻤﺰﺓ ﺑﺈﺑﺘﺴﺎﻣﻪ : ﺣﺘﻰ ﺍﻧﻲ ﻓﻲ ﺍﻟﺨﺪﻣﻪ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﺑﺎﺭﻙ ﺍﻟﻠﻪ ﻓﻴﻜﻢ ..
🌴🌴🌴🌴🌴🌴🌴🌴
ﺍﻟﺴﺎﻋﻪ 10:00 ﻟﻴﻼ ..
ﻣﻘﻌﻤﺰﺓ ﺍﻃﺒﻖ ﻓﺎﻟﺤﻮﺍﻳﺞ ..
ﻭﻫﻮ ﻣﺘﻜﻲ ﻉ ﺍﻟﺴﺮﻳﺮ .. ﻭﻳﺸﻮﻓﻠﻬﺎ .. ﺣﺴﻬﺎ ﻣﻀﺎﻳﻘﻪ ..
ﻫﺎﻧﻴﺒﺎﻝ : ﻣﺎﺭﻣﺮﻳﺘﺎ ..
ﺍﺑﺘﺴﻤﺖ ﻭﺷﺒﺤﺘﻠﻪ : ﻧﻌﻢ ..
ﻫﺎﻧﻴﺒﺎﻝ : ﺗﺎﺧﺪﻱ ﻓﺪﻭﺍﻙ ﻭﻓﻴﺘﺎﻣﻴﻨﺎﺗﻚ؟
ﻣﺮﺍﻡ ﺑﺈﺑﺘﺴﺎﻣﻪ : ﺍﻳﻪ ..
ﻫﺎﻧﻴﺒﺎﻝ : ﻣﻌﺎﺵ ﺗﺘﻌﺒﻲ ﻭﺍﺟﺪ؟
ﻣﺮﺍﻡ : ﻣﺶ ﻛﻴﻒ ﻗﺒﻞ .. ﻭﻧﺎﺿﺖ ﺑﺎﻟﺤﻮﺍﻳﺞ ﺍﻟﻤﻄﺒﻘﺎﺕ ﻟﻠﺪﻭﻻﺏ .. ﻗﺎﻟﺖ .. ﺍﻣﺘﻰ ﺑﻴﺠﻮﺍ ﺍﺻﺤﺎﺑﻚ؟
ﻫﺎﻧﻴﺒﺎﻝ؛ﺍﻟﻌﺸﻴﻪ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻋﺎﻃﻴﺎﺗﻪ ﺑﺎﻟﻈﻬﺮ ..
ﻫﻮ ﻗﻌﺪ ﻳﻔﻜﺮ ... ﺳﺆﺍﻟﻬﺎ .. ﺟﺎﺑﻠﻪ ﺳﻄﺮ ﻗﺮﺍﻩ ﻓﻤﺬﻛﺮﺍﺗﻬﺎ ..
》 ﻭﺣﺪﻩ ﻣﻦ ﺧﻮﺍﺗﻪ ﺍﻟﻴﻮﻡ ﻗﺎﻟﺖ ﺍﻧﻬﻢ ﻧﺎﻭﻳﻴﻦ ﻳﺨﻄﺒﻮﻟﻪ ﺗﺮﻫﻮﻧﻴﻪ ﺑﻨﺖ ﺍﺻﺤﺎﺑﻬﻢ .. ﺳﺒﺤﺎﻥ ﺍﻟﻠﻪ ﻃﻖ ﻓﻜﻞ ﺍﻟﻨﺎﺱ ﻭﻻ ﺑﻲ ﻳﻮﺻﻞ ﻓﻴﺎ ﺣﺘﻰ ﺑﻄﺮﻑ ﺍﻟﻌﻴﻦ .. ﻣﺶ ﻋﺎﺭﻓﻪ ﺍﻣﺘﻰ ﻧﻘﺘﻨﻊ ﺍﻧﻪ ﻣﺶ ﻧﺼﻴﺒﻲ ﻣﺶ ﻋﺎﺭﻓﻪ 《
ﺍﺑﺘﺴﻢ ﻭﻗﺎﻝ ﻓﻨﻔﺴﻪ " ﻣﺎﻛﻨﺖ ﻧﺼﻴﺐ ﻟﺤﺪ ﻏﻴﺮﻙ ﺍﻧﺘﻲ .."
ﻫﺎﻧﻴﺒﺎﻝ : ﻣﺮﺍﻡ ..
ﺻﻜﺮﺕ ﺍﻟﺪﻭﻻﺏ ﻭﺷﺒﺤﺘﻠﻪ : ﻧﻌﻢ ..
ﺍﺑﺘﺴﻢ ﻭﻗﺎﻝ : ﺗﻌﺎﻟﻲ ...
ﺿﺤﻜﺖ .. ﻭﻣﺸﺖ ﻃﻮﻝ ..
ﺧﺸﺖ ﺣﻀﻨﻪ ﻭﻫﻮ ﺣﺎﻭﻃﻬﺎ ﻭﻗﺎﻝ : ﻛﺎﻧﻚ ﺗﺎﻋﺒﻪ ﻣﺶ ﻻﺯﻡ ﺗﻨﺰﻟﻲ ﻏﺪﻭﺓ ﺣﺘﻰ ﺍﻟﻴﻮﻡ ﺍﻟﻠﻲ ﺑﻌﺪﻩ .. ﻣﺎﻓﻴﺶ ﻣﺸﻜﻠﻪ ..
ﻣﺮﺍﻡ : ﻻﻻ ﻣﺶ ﺗﺎﻋﺒﻪ ﻣﺎﻓﻴﺎ ﺷﻲ ﻋﺎﺩﻱ ..
ﺍﺑﺘﺴﻢ ﻭﻗﻌﺪ ﻳﻤﺴﺢ ﺑﻴﺪﻩ ﻉ ﻇﻬﺮﻫﺎ ..
ﻣﺮﺍﻡ : ﺑﻨﻘﻮﻟﻚ ﻫﺎﻧﻲ ..
ﻫﺎﻧﻴﺒﺎﻝ : ﻗﻮﻟﻲ ..
ﻣﺮﺍﻡ : ﺑﺘﺒﺪﺍ ﻗﺮﺍﻳﺘﻲ ﻧﺺ ..8
ﻫﺎﻧﻴﺒﺎﻝ : ﻗﺎﻟﻲ ﺿﻮ ..
ﻣﺮﺍﻡ : ﻳﻌﻨﻲ ﻣﺴﺘﻌﺪ ..
ﺿﺤﻚ ﻭﻗﺎﻝ : ﻟﺸﻨﻲ ..
ﺑﻌﺪﺕ ﻣﺮﺍﻡ ﻭﺷﺒﺤﺘﻠﻪ : ﺑﻴﺘﻐﻴﺮ ﺍﻟﻨﻈﺎﻡ .. ﻳﻌﻨﻲ ﻗﺮﺍﻳﺘﻲ ﺣﺘﺎﺧﺪ ﺣﻴﺰ ﻛﺒﻴﺮ ﻓﺤﻴﺎﺗﻲ .. ﻧﺒﻴﻚ ﺗﺴﺘﻌﺪ ﻟﻠﺸﻲ ﻫﺪﻯ ..
ﺍﺑﺘﺴﻢ ﻭﻗﺮﺻﻬﺎ ﻣﻦ ﺧﺪﻫﺎ ﻭﻫﻮ ﻳﻘﻮﻝ : ﺗﺮﻳﺤﻲ .. ﻣﻦ ﺍﻻﻭﻝ ﻋﻄﻴﺖ ﻛﻠﻤﻪ .. ﻭﻗﺘﻠﻚ ﻗﺒﻞ .. ﺷﻜﻠﻴﻦ ﻣﺎﺑﺤﻜﻲ ..
ﺿﺤﻜﺖ ﻭﺭﺟﻌﺖ ﺧﺸﺖ ﺣﻀﻨﻪ .. ﻭﻫﻮ ﺯﺍﺩ ﺣﻀﻨﻬﺎ ﺍﻛﺜﺮ ﻭﻫﻮ ﻳﻀﺤﻚ ..
🍁🍁🍁🍁🍁
ﻫﺪﻳﻜﺎ ﺍﻟﻠﻴﻠﻪ ..
ﺑﻌﺪ ﺻﻜﺮﺕ ﺭﺯﺍﻥ ﻣﻦ ﺭﻓﻘﻪ ﺑﻌﺪ ﻭﺍﺳﺘﻬﺎ ﻭﺗﻨﻜﺪﺕ ﻉ ﺧﺎﻃﺮﻫﺎ ..
ﺯﺍﺩﺕ ﺗﻨﻜﺪﺕ ﺍﻛﺜﺮ ﻷﻥ ﻋﻤﺎﺩ ﻣﺎﻛﻠﻤﻬﺎﺵ ﺑﻜﻞ ..
ﻭﻋﻘﻠﻬﺎ ﻣﻌﺮﻭﻑ ﺟﺪﺍ ﻭﻳﻦ ﺭﻓﻌﻬﺎ ..
ﺑﺮﻏﻢ ﻛﻞ ﺷﻲ ..
ﻣﺎﺯﺍﻟﺖ ﺗﻐﺎﺭ ﻋﻠﻴﻪ ﺑﺠﻨﻮﻥ ...
ﻟﺪﺭﺟﺔ ﺍﻧﻬﺎ ﻣﺎﺭﻗﺪﺗﺶ ﻏﻤﻀﻪ .. ﻭﻃﻮﻝ ﻟﻴﻠﻬﺎ ﻭﻫﻲ ﺗﺒﻜﻲ 💔..
🍁🍁🍁🍁
ﺗﺎﻧﻲ ﻳﻮﻡ ..
ﻣﻊ ﺍﻟﺴﺎﻋﻪ 5:30 ﻋﺼﺮﺍ ..
ﻭﺻﻠﻮﺍ ﻋﻴﺖ ﻋﺒﺪﺍﻟﻔﺘﺎﺡ ﻟﻠﻘﻄﻌﻪ ..
ﻭﻛﺎﻥ ﻓﻲ ﺍﺳﺘﻘﺒﺎﻟﻬﻢ ﺍﻟﺤﺎﺟﻪ ﻓﺎﻃﻤﻪ ﻭﻭﻻﺩﻫﺎ ..
ﺧﺸﺖ ﺑﺎﻟﻨﺴﺎﻭﻳﻦ ﺍﻟﻠﻲ ﺟﻮ ﻛﻠﻬﻢ ﺍﻟﻤﺮﺍﺓ ﺑﺒﻨﺎﺗﻬﺎ ﺍﻷﺭﺑﻌﻪ ..
ﻭﺻﻠﻬﻢ ﻓﻤﻤﺮ ﻓﻢ ﺍﻟﺒﻮﺍﺑﻪ ..
ﻛﺎﻧﻮﺍ ﺣﻤﻴﺪﻩ ﻭﻏﺎﻟﻴﻪ ﻭﺳﻤﻴﻪ ﻓﻲ ﺍﻟﻤﻘﺪﻣﻪ ..
ﺭﺣﺒﻮﺍ ﺑﻴﻬﻢ ﺗﺮﺣﻴﺐ ﺣﺎﺭ ...
ﺑﻌﺪﻫﻢ ﺳﻌﻴﺪﻩ ﻭﺭﺯﺍﻥ ﻭﻣﺮﺍﻡ ..
ﻛﻠﻬﻢ ﺳﻠﻤﻮﺍ ﻉ ﻣﺮﺍﻡ ﺑﺤﺮﺍﺭﺓ ﻣﺎﻋﺪﺍ ﻣﻮﺩﺓ ﻣﻦ ﻓﻮﻕ ﻧﻔﺴﻬﺎ ..
ﺍﻟﻤﻬﻢ ..
ﺑﻌﺪ ﺍﻟﺘﺮﺣﻴﺐ ﺩﺧﻠﻮﻫﻢ ..
ﻭﺑﺪﺕ ﺻﻔﺮ ﺍﻟﻀﻴﺎﻓﻪ ﺗﺘﺤﺮﻙ ﻟﻠﺼﺎﻟﻪ .. ﻭﺍﻟﻤﺮﺑﻮﻋﻪ ﺍﻟﺨﺎﺭﺟﻴﻪ ..
ﻓﻲ ﺍﻟﺼﺎﻟﻪ ..
ﺍﻟﻨﺴﺎﻭﻳﻦ ﻳﻬﺪﺭﺯﻭﺍ ..
ﻭﻣﺮﺍﻡ ﻋﻴﻮﻧﻬﺎ ﻛﺎﻧﻮﺍ ﻉ ﻧﺪﻯ .. ﻟﻔﺘﺖ ﺍﻧﺘﺒﺎﻫﻬﺎ ﻫﻠﺒﻪ ..
ﺣﻠﻮﺓ ﻭﻓﻴﻬﺎ ﺟﺎﺫﺑﻴﻪ ﻭﻏﻴﺮ ﻫﻜﻲ ﻫﺪﺭﺯﺗﻬﺎ ﺭﺍﻛﺰﺓ ﻫﻠﺒﻪ ..
🍁🍁🍁
ﻓﻲ ﺍﻟﻜﻮﺟﻴﻨﻪ ..
ﻭﻫﻤﺎ ﻳﻮﺗﻮﺍ ﻓﻲ ﺍﻟﻌﺸﻲ ﻟﻠﻀﻴﻮﻑ ..
ﻣﺮﺍﻡ؛ﻛﻠﻬﻦ ﻣﺎﺷﺎﺀ ﺍﻟﻠﻪ ﻋﻠﻴﻬﻦ ﺑﺲ ﺍﻛﺜﺮ ﻭﺣﺪﻩ ﻟﻔﺘﺖ ﺍﻧﺘﺒﺎﻫﻲ ﻧﺪﻯ ﻣﺮﺗﺒﻄﻪ؟
ﺍﺑﺘﺴﻤﺖ ﻏﺎﻟﻴﻪ ﻭﻗﺎﻟﺖ : ﻛﺎﻧﺖ ﻣﺨﻄﻮﺑﻪ ﻟﻜﻦ ﻓﺴﺨﺖ ..
ﻣﺮﺍﻡ : ﻟﻴﺶ ..
ﻏﺎﻟﻴﻪ : ﻉ ﺩﻭﺓ ﻫﺎﻟﺴﻴﺎﺳﻪ ﻫﺪﻱ ﺧﻄﻴﺒﻬﺎ ﻣﻌﺎﺭﺽ ..
ﻣﺮﺍﻡ : ﺍﻣﻤﻤﻢ .. ﺧﺴﺎﺭﺓ ..
ﻏﺎﻟﻴﻪ : ﻟﻴﺶ ..
ﻣﺮﺍﻡ؛ﻋﺠﺒﺘﻨﻲ ﺍﻟﺤﻖ ﻭﺗﻤﻨﻴﺘﻬﺎ ﻟﺨﻮﻱ ﺿﻮ ﺑﺲ ﻛﻴﻒ ﻣﺎﺗﻌﺮﻓﻲ ﺿﻮ ﺧﻮﻱ ﻣﻌﺎﺭﺽ ..
ﻏﺎﻟﻴﻪ : ﻻ ﻣﺶ ﻫﻜﻲ ﺍﻟﺤﻜﺎﻳﻪ .. ﺧﻄﻴﺒﻬﺎ ﺧﺶ ﻓﻤﻌﺎﻣﻊ ﺍﻟﻜﺘﺎﻳﺐ ﻭﺍﻟﻠﺒﺰ ﻫﺪﻯ .. ﺳﻴﺒﺎﺗﻪ ﻟﻬﺎﻟﺴﺒﺐ ﻣﺶ ﻷﻧﻪ ﻣﻌﺎﺭﺽ ﺑﺲ ..
ﻣﺮﺍﻡ : ﻗﺼﺪﻙ ﻟﻮ ﻣﺜﻼ ﻃﻠﺒﻨﺎﻫﺎ ﻣﺎﻳﺮﺩﻭﻧﺎ ..
ﻏﺎﻟﻴﻪ : ﺑﺈﺫﻥ ﺍﻟﻠﻪ ﻻ ..
ﺭﺯﺍﻥ : ﻭﺑﻌﺪﻳﻦ ﻫﺪﻯ ﺧﻮﻙ ﺍﻧﺘﻲ ﻣﻌﻨﺎﻫﺎ ﻛﻴﻔﻚ ﻳﺎﺑﺨﺘﻬﻢ ﺑﻴﻪ ..
ﻗﺪﻣﺘﻠﻬﺎ ﻣﺮﺍﻡ ﻭﺣﻀﻨﺘﻬﺎ : ﺳﻠﻤﻬﺎ ﻳﺎﺭﺑﻲ ..
ﺿﺤﻜﺖ ﺭﺯﺍﻥ ﻭﻏﺎﻟﻴﻪ ﺗﺸﻮﻓﻠﻬﻢ ﻭﻫﻲ ﻣﺒﺘﺴﻤﻪ ..
ﻓﺠﺄﺓ ..
ﺍﻧﻘﻠﺒﺖ ﺍﻟﺪﻧﻴﺎ ﺑﺄﺻﻮﺍﺕ ﺍﻟﻜﻼﻛﺴﺎﺕ ..
ﺍﻧﺨﻠﻌﻮﺍ ...
ﻏﺎﻟﻴﻪ : ﺷﻨﻮ ﻫﺪﻯ؟
ﺧﺸﺖ ﺍﺻﻮﺍﺕ ﺍﻷﻟﻌﺎﺏ ﺍﻟﻨﺎﺭﻳﻪ ..
ﻃﻠﻌﻮﺍ ﻭﻗﻔﻮﺍ ﻓﻢ ﺍﻟﺒﻮﺍﺑﻪ ..
ﻗﻌﺪﻭﺍ ﻳﺘﻔﺮﺟﻮﺍ ﻉ ﺍﻷﻟﻌﺎﺏ ﺍﻟﻨﺎﺭﻳﻪ ﺑﺈﻧﺒﻬﺎﺭ ..
ﻏﺎﻟﻴﻪ ﻧﺰﻟﺖ ﻋﻴﻮﻧﻬﺎ ..
ﺷﺎﻓﺖ ﺳﻴﺎﺭﺍﺕ ﻋﻤﺎﺩ ﻭﺗﻮﻓﻴﻖ ﻭﻣﺤﻤﺪ ﻭﺳﻨﺪ ﻫﻤﺎ ﺍﻟﻠﻲ ﻛﺎﻧﻮﺍ ﻳﻜﻠﻜﺴﻮﺍ ﻣﻊ ﺑﻌﺾ ..
ﻏﺎﻟﻴﻪ : ﺷﻨﻮ ﻓﻲ؟ .
ﻉ ﻃﻠﻌﺔ ﺣﻤﻴﺪﻩ : ﺧﻴﺮﻫﻢ ﻫﺪﻳﻢ؟؟؟
ﺑﺎﻥ ﻋﻠﻴﻬﻢ ﻣﺤﻤﺪ ﻳﺄﺷﺮﻟﻬﻢ ﻳﺨﺸﻮﺍ ﺩﺍﺧﻞ ..
ﺧﺸﻮﺍ ..
ﻏﺎﻟﻴﻪ : ﺷﻦ ﻓﻲ ﻧﺒﻲ ﻧﻔﻬﻢ؟ !!
ﻓﺠﺄﺓ ..
ﺍﻧﻔﺘﺢ ﺑﺎﺏ ﺍﻟﺤﻮﺵ ﻣﻦ ﺍﻟﻘﺪﺍﻡ ..
ﻭﻧﺎﺩﻯ ﻣﺤﻤﺪ : ﻏﺎﻟﻴﻪ .. ﺣﻤﻴﺪﻩ ..
ﻗﺪﻣﻮﺍ ﺍﻟﺰﻭﺯ ﻭﻫﻤﺎ ﻣﺴﺘﻐﺮﺑﺎﺕ ..
ﻃﻠﻌﻮﺍ ..
ﻣﺤﻤﺪ ﻭﻋﻤﺮ : ﺷﺪﻭﺍ ..
ﺗﻔﺎﺟﺌﻮﺍ ﺍﻟﺰﻭﺯ ﺑﺒﺎﻛﻮﺍ ﻛﺒﻴﺮ ﻳﺒﺎﻥ ﻣﺘﺎﻉ ﻃﻮﺭﻃﺎ ﻟﻮﺣﺪﻩ ﻣﻦ ﺍﻛﺒﺮ ﺍﻷﺳﻤﺎﺀ ﺍﻟﻤﺸﻬﻮﺭﺓ ﻓﻌﺎﻟﻢ ﺻﻨﻊ ﺍﻟﺤﻠﻮﻳﺎﺕ ﻓﻲ ﺍﻟﺒﻼﺩ ..
ﻣﺤﻤﺪ : ﻫﻴﺎ ...
ﺍﻟﺰﻭﺯ ﺍﺳﺘﻘﺎﺿﻮﺍ ﻭﺩﺧﻠﻮﻫﺎ ..
ﺍﻟﻜﻞ ﻣﺘﻔﺎﺟﺌﻴﻦ ﻫﻠﺒﻪ ...
ﺣﻄﻮﺍ ﺣﻤﻴﺪﻩ ﻭﻏﺎﻟﻴﻪ ﺍﻟﺒﺎﻛﻮ ﻉ ﺍﻟﻄﺎﻭﻟﻪ ..
ﺍﻟﺘﺮﺍﻫﻨﻪ ﻭﻓﺎﻃﻤﻪ ﻭﺍﻟﺒﺎﻗﻲ ﻣﺬﻫﻮﻟﻴﻦ ﻉ ﻣﺴﺘﻐﺮﺑﻴﻦ ..
ﻗﺎﻣﺖ ﺣﻤﻴﺪﻩ ﻏﻄﺎ ﺍﻟﺒﺎﻛﻮ ...
ﻭﻫﻨﻲ ﻛﺎﻧﺖ ﺍﻟﻤﻔﺎﺟﺄﺓ ..
ﺍﻟﻠﻲ ﻛﺎﻥ ﻭﻗﻌﻬﺎ ﻗﻮﻱ ﻫﻠﺒﻪ ﻫﻠﺒﻪ ﻫﻠﺒﻪ ﻉ ﺭﺯﺍﻥ .. ﻫﻠﺒﻪ ...
ﺍﻣﺎ ﺍﻟﺒﺎﻗﻲ ﺗﻔﺎﺟﺌﻮﺍ ﻭﺿﺤﻜﻮﺍ ..
ﺍﻟﻄﻮﺭﻃﺎ ﻛﺎﻧﺖ ﻉ ﻫﻴﺌﺔ ﺍﻟﺴﻴﺪﻩ ﻣﻠﻌﻘﻪ ﻻﺑﺴﻪ ﺑﺪﻟﻪ ﺗﺨﺮﺝ ..
ﻏﺎﻟﻴﻪ ﺑﻀﺤﻜﻪ : ﻳﺎﺭﺑﻲ ﻣﻨﻪ ﻫﺎﻟﻌﻤﺎﺩ ﻭﺣﻖ ﺍﻟﻠﻪ ﻣﺎﻓﻲ ﻣﻨﻪ ﺑﻜﻞ ..
ﻣﺮﺍﻡ ﺑﻀﺤﻜﻪ : ﺭﺑﻲ ﻳﺤﻔﻈﻪ .. ﻭﻳﺎﺑﺨﺖ ﺑﻌﺾ ﺍﻟﻨﺎﺱ ..
ﺿﺤﻜﺖ ﺳﻌﻴﺪﻩ ﻭﻫﻲ ﺗﺸﻮﻑ ﻟﺒﻨﺘﻬﺎ ﺍﻟﻠﻲ ﻛﺎﻧﺖ ﺗﺸﻮﻑ ﻟﻠﻄﻮﺭﻃﺎ ﺑﻌﻴﻮﻥ ﻣﻌﺒﻴﺎﺕ ﺩﻣﻮﻉ ﻭﻭﺟﻬﻬﺎ ﺍﺣﻤﺮ ..
ﻓﺠﺮﻩ : ﺑﻤﻨﺎﺳﺒﺔ ﻧﺠﺎﺡ ﺭﺯﺍﻥ؟
ﻏﺎﻟﻴﻪ ﺑﺈﺑﺘﺴﺎﻣﻪ؛ﺍﻳﻪ .. ﺧﻄﻴﺒﻬﺎ ﺟﺎﻳﺒﻬﺎ ..
ﺿﺤﻜﻮﺍ ﺍﻟﺒﻨﺎﺕ ...
ﺭﺯﺍﻥ ﺷﺒﺤﺖ ﻟﻌﻤﺘﻬﺎ ﻟﻤﺎ ﺳﻤﻌﺖ ﻛﻠﻤﺔ ﺧﻄﻴﺒﻬﺎ ..
ﺍﻟﺒﻨﻴﻪ .. ﻻﻋﺎﺭﻓﻪ ﺗﻔﺮﺡ ﻭﻻﺗﻀﺎﻳﻖ ..
ﻣﺸﺎﻋﺮﻫﺎ ﺻﺎﺭﺗﻠﻬﺎ ﻟﺨﺒﻄﻪ ﻗﻮﻳﻪ ..
ﺯﻳﺎﺩﻩ ﻉ ﺫﻟﻚ ..
ﻃﻖ ﺍﻟﺒﺎﺏ ..
ﻭﻧﺎﺩﻱ ﻋﻤﺎﺩ ..
" ﻏﺎﻟﻴﻪ .."
ﺍﺑﺘﺴﻤﺖ ﻣﺸﺘﻠﻪ ﻃﻮﻝ ..
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻭﺻﻜﺮﺍﺗﻪ ﻭﺭﺍﻫﺎ ..
ﻟﻘﺎﺗﻪ ﻗﺎﻳﻢ ﺑﻮﻛﺲ ﻣﺘﻮﺳﻂ ﺍﻟﺤﺠﻢ ﻗﺎﻝ : ﺷﻦ ﺭﺩﺓ ﻓﻌﻠﻬﺎ ..
ﻏﺎﻟﻴﻪ : ﻣﺼﺪﻭﻣﻪ ﻣﻦ ﺍﻟﻤﻔﺎﺟﺄﺓ ﻭﺍﻛﻴﺪ ﺑﻄﻴﺮ ﻣﻦ ﺍﻟﻔﺮﺡ ..
ﺍﺑﺘﺴﻢ ﻋﻤﺎﺩ ﻭﻗﺎﻝ : ﺧﻮﺩﻱ ﻫﺎﺩﻱ ﻋﻄﻴﻬﺎﻟﻬﺎ ..
ﻏﺎﻟﻴﻪ ﺧﺪﺕ ﺍﻟﺼﻨﺪﻭﻕ ﻭﻗﺎﻟﺖ؛ﺭﺑﻲ ﻳﺤﻤﻴﻚ ﻳﺎﻋﻤﺎﺩ ﻭﻳﺤﻔﻈﻚ ﻭﻳﺠﻤﻊ ﺑﻴﻨﻚ ﻭﺑﻴﻨﻬﺎ ﻉ ﺧﻴﺮ ﻳﺎﺭﺏ ..
ﺍﺑﺘﺴﻢ ﻭﻗﺎﻝ : ﺁﻣﻴﻦ ﻳﺎﺭﺏ ..
ﻓﺘﺤﻠﻬﺎ ﺍﻟﺒﺎﺏ ..
ﺧﺸﺖ ﻏﺎﻟﻴﻪ ﻭﻫﻲ ﻣﺒﺘﺴﻤﻪ ﺑﺎﻟﺼﻨﺪﻭﻕ ..
ﻣﺮﺍﻡ ﺑﻀﺤﻜﻪ؛ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ..
ﺻﻜﺮﺕ ﻏﺎﻟﻴﻪ ﺍﻟﺒﺎﺏ ﺑﺮﺟﻠﻬﺎ ..
ﻭﻗﺪﻣﺖ ﻟﺮﺯﺍﻥ ﻭﺣﻄﺎﺗﻪ ﻗﺪﺍﻣﻬﺎ ..
ﻏﺎﻟﻴﻪ : ﺍﻓﺘﺤﻴﻪ ﻭﺷﻮﻓﻲ ..
ﺳﻤﻴﻪ ﺑﻔﻀﻮﻝ؛ﻫﻴﺎ ﺭﺯﻭﻧﻪ ..
ﻫﻲ ﻛﺎﻧﺖ ﺗﺮﺟﻒ ﻣﻊ ﺑﻌﻀﻬﺎ ..
ﻭﻣﺼﺪﻭﻭﻭﻣﻪ ..
ﻗﺎﻣﺖ ﻏﻄﺎ ﺍﻟﺒﻮﻛﺲ ..
ﻭﺍﻧﺼﺪﻣﺖ ..
ﺍﻟﺸﻨﻄﻪ .. ﻭﺍﻟﻜﻨﺪﺭﻩ ﻭﺍﻟﻨﻈﺎﺭﺍﺕ ﺍﻟﻠﻲ ﻗﺎﻟﺖ ﻋﻠﻴﻬﻢ ..
ﻭﺻﻨﺪﻭﻕ ﺻﻐﻴﺮ ﻳﺒﺎﻥ ﻣﺘﺎﻉ ﻣﺠﻮﻫﺮﺍﺕ ﻓﺎﻟﻨﺺ .
ﺍﻟﻠﻲ ﻗﺎﻟﺖ ﻋﻠﻴﻪ ﺗﺘﻤﻨﺎﻩ .. ﺟﺎﺑﻪ ..
ﻛﻠﻬﻢ ﻣﺒﻬﻮﺭﻳﻦ ..
ﻭﻓﻌﻴﻮﻥ ﺣﺎﺳﺪﻩ ﺍﻟﺤﺴﺪ ﻳﺎﻛﻞ ﻓﻴﻬﺎ ﻣﺎﻛﻠﻪ ..
ﺣﻤﻴﺪﻩ ﺗﺸﻮﻑ ﻟﻬﺪﺍ ﻛﻠﻪ ﻭﺍﻟﺪﻣﻌﻪ ﻓﻌﻴﻨﻬﺎ ﻭﻗﺮﻳﺐ ﺗﻤﻮﺕ ..
ﻛﻠﻬﻢ ﺑﺎﺭﻛﻮﺍ ﻟﺮﺯﺍﻥ ﻭﻓﺮﺣﻮﻟﻬﺎ ..
ﻭﻫﻲ ﻣﺎﺯﺍﻟﺖ ﺗﺤﺖ ﺗﺄﺛﻴﺮ ﺍﻟﺼﺪﻣﻪ .. ﻣﺶ ﻋﺎﺭﻓﻪ ﺷﻲ .. ﻣﺶ ﻓﺎﻫﻤﻪ ﺷﻲ ﻣﻦ ﺷﻲ ..
ﻣﺎﻳﺪﻳﺮﺵ ﻫﻜﻲ ﺍﻻ ﺍﻟﻠﻲ ﻳﺤﺐ ﻣﻦ ﻗﻠﺒﻪ ..
ﺑﺎﻫﻲ ﻛﺎﻥ ﻳﺤﺒﻬﺎ ﻋﻼﺵ ﻳﻜﻠﻢ ﻓﻐﻴﺮﻫﺎ ﻋﻼﺵ !!!!!!
🍁🍁🍁🍁
ﺍﻟﺴﺎﻋﻪ 12:00 ﻟﻴﻼ ..
ﻓﻲ ﺩﺍﺭﻫﺎ ..
ﺗﺘﻔﺮﺝ ﻉ ﺍﻟﻬﺪﺍﻳﺎ ﻭﺩﻣﻮﻋﻬﺎ ﺳﻴﻞ ..
ﺗﺸﺒﺢ ﻣﺮﺓ ﻣﺮﺓ ﻟﻠﺘﻠﻴﻔﻮﻥ ﺗﺮﺍﺟﻴﻪ ﻳﺘﺼﻞ ..
ﻣﺎﺍﺗﺼﻠﺶ ..
ﺯﺍﺩﺕ ﺍﺿﺎﻳﻘﺖ ﺍﻛﺜﺮ ﻭﺍﻛﺜﺮ ..
ﺧﺪﺕ ﺗﻠﻴﻔﻮﻧﻬﺎ ..
ﻓﺘﺤﺖ ﺍﻟﻔﻴﺲ .. ﺑﺶ ﺑﺘﻜﻠﻢ ﺭﻓﻘﻪ ..
ﺟﻲ ﻗﺪﺍﻣﻬﺎ ﻣﻨﺸﻮﺭ ﻟﻌﻤﺎﺩ ..
ﻣﻜﺘﻮﺏ ﻓﻴﻪ ..
💓 ﺁﺻﻞ ﺍﻟﻐﻴﺔ ,, ﻓﻴﻜﻤﺶ ﻣﻦ ﻳﻌﺮﻑ ﻳﺮﺩ ﻋﻠﻴﺎ ,, ﻳﻤﻜﻦ ﺍﻟﻘﻠﺐ ﺍﺳﺒﺎﺑﻪ
ﺳﺮﻳﺐ ﺍﻟﻐﻼ ﺇﻟﻠﻲ ﺩﺍﻳﺮﻩ ﻣﺤﺮﺍﺑﻪ ,, ﺷﻦ ﻭﻗﻌﻪ ﻓﻲ ﺩﻫﻮﻣﺘﻪ ﺷﻦ ﺟﺎﺑﻪ ,, ﺇﻳﺪﻳﺮ ﻋﻤﻠﺘﻪ ﻭ ﻣﺎ ﻳﻬﺎﺏ ﻣﺴﺆﻭﻟﻴﺔ
ﻣﻦ ﺍﻟﻘﻠﺐ ﻭﻻ ﺍﻟﻌﻴﻦ ,, ﺍﺻﻞ ﺍﻟﻐﻴﺔ 💓
ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ﺣﻠﻮﺓ .. ﻭﻗﻠﺒﻬﺎ ﻗﻌﺪ ﻳﺪﻕ ﺑﻘﻮ ﻗﻮﻭﻩ ..
ﻟﻘﺖ ﻉ ﺍﻟﻤﻨﺸﻮﺭ 200 ﻻﻳﻚ ﺗﻌﻠﻴﻘﺎﺕ 10 ﺑﺰﺍﻳﺪ ..
ﻓﺘﺤﺖ ﺍﻟﺘﻌﻠﻴﻘﺎﺕ ..
ﻛﻠﻬﻢ ﻭﻻﺩ ﺻﺤﺎﺑﻪ .. ﻗﻌﺪﺕ ﺗﻘﺮﺍ ﻓﺘﻌﻠﻴﻘﺎﺗﻬﻢ ﻭﺭﺩﻭﺩﻩ ﻋﻠﻴﻬﻢ ﻭﺗﻀﺤﻚ ..
ﻟﻌﻨﺪ ﻣﺎﻭﺻﻠﺖ ﻓﻲ ﺍﺧﺮ ﺗﻌﻠﻴﻖ ..
ﻛﺎﻥ ﻣﻦ ﺣﺴﺎﺏ ﺍﺳﻢ ..
‏( Nahed Queen ‏)
ﺗﻌﻠﻴﻘﻬﺎ ﻛﺎﻥ ﺏ ..💓
ﻭﻣﺪﺍﻳﺮ ﻋﻠﻴﻪ ﻻﻳﻚ ﺑﺲ ﻣﺶ ﺭﺍﺩ ..
ﺯﺍﺩﺕ ﻧﺎﺭﻫﺎ ﻧﺎﺭ ...
ﻭﺩﻣﻮﻋﻬﺎ ﻃﻮﻝ ﺻﺒﻮﺍ ...
ﻣﺸﺖ ﻃﻮﻝ ﻟﻠﺨﺎﺹ ﻭﻫﻲ ﺗﺮﺟﻒ ..
ﺑﻌﺘﺖ ﺭﺳﺎﻟﻪ ﻟﺮﻓﻘﻪ ..
‏( ﺷﻦ ﺍﺳﻤﻬﺎ ﺍﻟﺒﻨﺖ ﺍﻟﻠﻲ ﻗﻠﺘﻴﻠﻲ ﻋﻨﻬﺎ ‏)
ﻗﻌﺪﺕ ﺗﺮﺍﺟﻲ ﻓﻲ ﺍﻟﺮﺩ ﻭﺭﺟﻠﻬﺎ ﺗﻬﺰ ﻭﺗﺒﻠﻊ ﻓﺮﻳﻘﻬﺎ ﺍﻟﻠﻲ ﻳﻨﺰﻝ ﻋﻠﻴﻬﺎ ﺳﻢ .. ﻭﺩﻣﻮﻉ ﺳﻴﻮﻝ ﺩﺍﺭﻭ ﻉ ﺍﻟﺨﺪ ﻃﺮﻳﻖ ..
ﺟﺎﻫﺎ ﺍﻟﺮﺩ
‏( ﺍﻟﺤﻘﻴﺮﺓ ﻧﺎﻫﺪ ‏)
ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺖ ﻓﻤﻬﺎ ﺷﻮﻳﻪ ﻣﻦ ﺍﻟﺼﺪﻣﻪ ..
ﻭﻟﻮﺣﺖ ﺍﻟﺘﻠﻴﻔﻮﻥ ﻉ ﺍﻟﺴﺮﻳﺮ ﺣﺪﺍﻫﺎ ..
ﺣﻄﺖ ﻳﺪﻫﺎ ﻉ ﺻﺪﺭﻫﺎ ﻭﻗﻌﺪﺕ ﺗﺒﻜﻲ ﺑﻜﺘﻤﺎﻥ ...
ﺷﺎﻓﺖ ﻟﻠﻬﺪﺍﻳﺎ ﺯﺍﺩﺕ ﺍﻧﺤﺮﻗﺖ ..
ﻧﺎﺿﺖ ﻏﻄﺖ ﺍﻟﺒﻮﻛﺲ ﺑﻌﻨﻒ ..
ﻭﺣﺪﻓﺎﺗﻪ ﺑﺮﺟﻠﻬﺎ ﺟﻲ ﻭﺭﺍ ﺍﻟﺒﺎﺏ ..
ﻗﻌﺪﺕ ﺗﺸﻮﻓﻠﻪ ﻭﻛﺎﻥ ﺗﻠﻘﻰ ﺗﻮﻟﻊ ﻓﻴﻪ ﺍﻟﻨﺎﺭ ...
ﺭﻥ ﺗﻠﻴﻔﻮﻧﻬﺎ ..
ﻟﻔﺖ ..
ﺑﻌﺪﻳﻦ ﻣﺸﺖ ﻟﻠﺘﻠﻴﻔﻮﻥ ...
ﺷﺎﻓﺖ ﺍﻟﻤﺘﺼﻞ ﻛﺎﻥ ﻫﻮ ..
ﻗﻌﺪﺕ ﺗﺸﺒﺤﻠﻪ ﺷﻮﻳﻪ ...
ﺧﺪﺕ ﻧﻔﺲ ..
ﻣﺴﺤﺖ ﺩﻣﻮﻋﻬﺎ ..
ﺧﺪﺕ ﺍﻟﺘﻠﻴﻔﻮﻥ ..
ﻓﺘﺤﺖ ﺍﻟﺨﻂ ﻭﺭﺩﺕ ..
ﺭﺯﺍﻥ ﺑﻀﺤﻜﻪ ﻣﺼﻄﻨﻌﻪ : ﻭﺍﺧﻴﺮﺍ ﺍﺗﺼﻠﺖ ..
ﻋﻤﺎﺩ ﺑﺈﺑﺘﺴﺎﻣﺔ ﻓﺮﺡ ﻷﻧﻬﺎ ﺗﺮﺍﺟﻲ ﻓﻲ ﺍﺗﺼﺎﻟﻪ؛ﻫﺪﺍ ﻭﻳﻦ ﻗﺪﺭﺕ ﻧﻘﻌﺪ ﺑﺮﻭﺣﻲ ﻋﻤﺮﻱ .. ﻫﺎ ﻗﻮﻟﻴﻠﻲ ﺷﻦ ﺭﺍﻳﻚ ..
ﺭﺯﺍﻥ؛ﻛﻠﻪ ﺣﻠﻮ ﻭﻳﺠﻨﻦ ﻓﺎﺟﺌﺘﻨﻲ ﻓﺎﺟﺌﺘﻨﻲ .. ﺑﺠﺪ ﻋﻤﺎﺩ ..
ﻋﻤﺎﺩ ﻭﺧﺮ ﺷﻌﺮﻩ ﺑﻴﺪﻩ ﻟﻠﺨﻠﻒ ﻭﻫﻮ ﻓﺮﺣﺎﻥ ﻫﻠﺒﻪ ﻟﻔﺮﺣﺘﻬﺎ : ﻫﺪﺍ ﺍﻟﻠﻲ ﻧﺒﻴﻪ ﻳﺎﻗﻠﺒﻲ ﻧﻔﺎﺟﺌﻚ ﻭﻧﻔﺮﺣﻚ ﺑﺲ .. ﻧﺒﻴﻚ ﺗﻌﺮﻓﻲ ﺍﻥ ﻋﻤﺎﺩ ﻣﺎﻳﻬﻤﻪ ﻓﺎﻟﺪﻧﻴﺎ ﺷﻲ ﻗﺪ ﻣﺎﺗﻬﻤﻪ ﻓﺮﺣﺘﻚ ﻳﺎﺑﻨﺖ ﺍﻟﻘﻠﺐ ﺍﻧﺘﻲ ﻭﺭﻭﺣﻪ ...
ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ ﻓﻨﻔﺴﻬﺎ " ﻛﺬﺍﺏ ﻭﺍﻃﻲ :" ﺗﺴﻠﻢ ﻳﺎﺍﺍﺭﺏ ..
🍃 ﻃﺒﻌﺎ ﻋﻤﺎﺩ ﺣﺴﺎﺑﻪ ﻉ ﺍﻟﻔﻴﺲ ﻋﺎﻡ ﻭﻧﺎﻫﺪ ﻗﺪﺭﺕ ﺗﻌﻠﻖ ﻋﺎﺩﻱ ﻭﻻﻳﻚ ﺍﻧﺪﺍﺭﺗﻠﻘﺎﺋﻲ .. ﻳﻌﻨﻲ ﻫﻮ ﺣﺘﻰ ﺗﻌﻠﻴﻘﻬﺎ ﻣﺎﺷﺎﻓﺎﺵ ﻭﻻﻳﻨﺪﺭﻱ ﻋﻠﻴﻪ 🍃..
.... ﻳﺘﺒﻊ