المتمردين

العشق المتمرد

#العشق_المتمرد
الجزء98/القسم الاخير
#جمان_فريد
..🌟
ﻃﻠﻌﺖ ﻣﻦ ﺍﻟﺪﺍﺭ ﻣﺎﺷﻴﻪ ﻟﻠﻜﻮﺟﻴﻨﻪ ﺑﺘﺸﺮﺏ ﻣﻴﻪ ..
ﻭﺻﻠﺖ ﻓﻴﻬﺎ ﻟﻘﺘﻬﺎ ﻣﺴﻜﺮﻩ ..
ﺍﺳﺘﻐﺮﺑﺖ ..
ﻗﺪﻣﺖ ﺑﺘﻔﺘﺢ ﺍﻟﺒﺎﺏ .. ﻭﻗﻔﺖ ﻟﻤﺎ ﺳﻤﻌﺖ ..
" ﻣﺘﺰﻭﺝ ﻋﻠﻴﻚ ﻳﺎﻣﺎﻣﺎ ﺧﺎﻧﻚ "
ﻓﻨﺼﺖ ﻭﻗﺮﺑﺖ ﻭﺫﻧﻬﺎ ﻟﻠﺒﺎﺏ ﺑﺶ ﺗﺴﻤﻊ ..
ﺩﺍﺧﻞ ..
ﻟﻄﻴﻔﻪ : ﺍﻫﺪﻱ ﺭﻓﻘﻪ .. ﺭﻓﻘﻪ ﺍﻫﺪﻱ ﻣﺎﻣﺎ ﻭﺍﻧﻲ ﺗﻮ ﻧﺸﺮﺣﻠﻚ ..
ﻣﺪﺕ ﻛﻔﺎﻳﻪ ﻃﺎﺳﺔ ﻣﻴﻪ ﻟﺒﻨﺖ ﺧﻮﻫﺎ : ﺧﻮﺩﻱ ﺑﻨﺘﻲ ..
ﺧﺪﺕ ﺭﻓﻘﻪ ﻃﺎﺳﻪ ﺍﻟﻤﻴﻪ ﻭﻫﻲ ﺗﺸﻬﻖ ﺑﻌﺒﺮﺗﻬﺎ .. ﺷﺮﺑﺖ ﻣﻨﻬﺎ ﺷﻮﻳﻪ ﺑﻌﺪﻳﻦ ﺷﺒﺤﺖ ﻷﻣﻬﺎ ﻭﻗﺎﻟﺖ : ﻛﻴﻒ .. ﻓﻬﻤﻴﻨﻲ ﻛﻴﻒ ﺑﺎﺑﺎ ﻳﺨﻮﻧﻚ ﻛﻴﻒ؟ !!
ﻟﻄﻴﻔﻪ : ﻫﻮ ﻣﺎﺧﺎﻧﻴﺶ ﻳﺎﻣﺎﻣﺎ ﻫﻮ ﺗﺰﻭﺝ ﻭﻫﺪﺍ ﺷﺮﻉ ﻣﺎﻳﺴﻤﻮﺷﻲ ﺧﻴﺎﻧﻪ ..
ﻛﻔﺎﻳﻪ ﻣﺶ ﻣﺴﺘﻮﻋﺒﻪ ﻣﻮﻗﻒ ﻟﻄﻴﻔﻪ ﻧﻬﺎﺋﻲ ..
ﺭﻓﻘﻪ ﺑﻨﺒﺮﺓ ﺑﺎﻛﻴﻪ : ﻛﻴﻒ ﻣﺶ ﺧﻴﺎﻧﻪ؟؟ ! ﺍﻧﺘﻲ ﺷﻦ ﻣﻨﻘﺼﻪ ﻋﻠﻴﻪ ﻳﺎﻣﺎﻣﺎ ﻋﻼﺵ ﻳﺎﺧﺪ ﻋﻠﻴﻚ ﻋﻼﺵ ﻳﺨﻮﻧﻚ؟ !
ﺗﻨﻬﺪﺕ ﻟﻄﻴﻔﻪ ﻭﻗﺎﻟﺖ : ﺣﺒﻴﺒﺘﻲ ﻓﻲ ﺍﻣﻮﺭ ﻣﻊ ﺍﻟﻮﻗﺖ ﺗﻌﺮﻓﻴﻬﺎ ﻭﺗﻔﻬﻤﻴﻬﺎ .. ﺍﻣﺎ ﺗﻮﺍ ﻓﺄﺳﻤﻌﻲ ﻣﻨﻲ .. ﻧﻬﺎﺋﻲ ﺑﻮﻙ ﻣﺎﺧﺎﻧﻴﺶ ﻭﺍﻧﻲ ﻣﺶ ﻭﺍﺧﺪﻩ ﻣﻨﻪ ﺍﻱ ﻣﻮﻗﻒ ﻭﻻ ﻣﻀﺎﻳﻘﻪ ﻭﻻ ﺯﻋﻼﻧﻪ ﻳﺎﻣﺎﻣﺎ ﻋﺎﺩﻱ ﺭﺍﻫﻮ ..
ﻣﻦ ﺑﺮﺍ ..
ﺣﻤﻴﺪﻩ ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻟﻤﻔﺎﺟﺄﺓ ﺍﻟﻤﻤﺰﻭﺟﻪ ﺑﺎﻟﻀﺤﻜﻪ ﺣﻄﺖ ﻳﺪﻫﺎ ﻉ ﻓﻤﻬﺎ ﻭﻗﻌﺪﺕ ﺗﻀﺤﻚ ﺑﻜﺘﻤﺎﻥ ﻭﻫﻲ ﻣﻔﻨﺼﻪ ﻋﻴﻮﻧﻬﺎ ..
ﺩﺍﺧﻞ ..
ﺑﻌﺪ ﺳﻤﻌﺖ ﻛﻼﻡ ﺍﻣﻬﺎ ﺍﻟﻠﻲ ﺻﺪﻣﻬﺎ .. ﺗﺒﺪﻟﺖ ﻣﻼﻣﺢ ﻭﺟﻬﻬﺎ ﻟﻠﺤﺪﻩ .. ﻧﺎﺿﺖ ﻭﻫﻲ ﺗﻘﻮﻝ : ﻣﺎﺩﺍﻡ ﻫﺪﺍ ﻣﻮﻗﻔﻚ ﻣﻌﻨﺎﻫﺎ ﺍﻧﺘﻲ ﻋﻤﺮﻙ ﻣﺎﺣﺒﻴﺘﻲ ﺑﺎﺑﺎ ﻭﻻ ﺑﺎﺑﺎ ﺣﺒﻚ ﻭﺍﻟﻘﺼﺔ ﺍﻟﻠﻲ ﺳﻤﻌﻨﺎﻫﺎ ﻋﻨﻜﻢ ﺯﻣﺎﻥ ﻭﺍﻟﻠﻲ ﺍﻧﻲ ﻭﻳﻦ ﻣﺎﻧﻤﺸﻲ ﻧﺤﻜﻲ ﻓﻴﻬﺎ ﻛﻠﻬﺎ ﻛﺬﺏ ﻓﻜﺬﺏ ﻭﻭﻫﻢ ﻭﻫﻢ ﻋﻴﺸﺘﻮﻧﺎ ﻓﻴﻪ ﺑﺲ ..
ﻟﻄﻴﻔﻪ ﺿﻤﺖ ﺷﻮﺍﺭﺑﻬﺎ ﻟﺒﻌﺾ ﺑﺄﺳﻒ ﻭﻫﻲ ﺗﺸﻮﻑ ﻟﺒﻨﺘﻬﺎ ..
ﻭﻛﻔﺎﻳﻪ ﺗﺸﻮﻓﻠﻬﻢ ﺑﻀﻴﻖ ..
ﺭﻓﻘﻪ : ﻭﻗﺘﻨﺎ ﻫﺪﺍ ﻣﻌﺎﺵ ﻓﻴﻪ ﺷﻲ ﻛﺎﻥ ﺍﻟﻜﺬﺏ ﻭﺑﺲ .. ﻣﻦ ﺑﻌﺪ ﺍﻟﻠﺤﻈﻪ ﻫﺎﺩﻱ ﺍﻧﻲ ﻣﻌﺎﺵ ﻧﻘﺪﺭ ﻧﺼﺪﻕ ﺣﺪ ﻭﻻﻧﻮﺛﻖ ﻓﻲ ﺣﺪ ﺧﻼﺹ ..
ﻭﻟﻔﺖ ﻭﻣﺸﺖ ﻃﻮﻝ ﻟﻠﺒﺎﺏ .. ﻓﺘﺤﺎﺗﻪ ﻭﻃﻠﻌﺖ ..
ﻟﻄﻴﻔﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ؛ﺯﻱ ﻣﺎﺗﻮﻗﻌﺖ .. ﻟﻜﻦ ﻣﻌﻠﻴﺸﻲ ﺳﻴﻮﺭﻫﺎ ﺗﻘﺒﻞ ﺑﺎﻷﻣﺮ ﺍﻟﻮﺍﻗﻊ .. ﺗﻨﻬﺪﺕ ﻭﻗﺎﻟﺖ .. ﺗﺼﺒﺤﻲ ﻉ ﺧﻴﺮ ..
ﻭﻣﺸﺖ ﻃﻮﻝ ﻃﻠﻌﺖ ..
ﻭﻛﻔﺎﻳﻪ ﻣﻌﺎﻫﺎ ﺑﻌﻴﻮﻧﻬﺎ ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﻟﻮ ﻛﻨﺘﻲ ﺗﺤﺒﻲ ﺣﻤﻴﺪ ﺭﺍﻙ ﻣﺘﻲ ﻭﻻﺳﻠﻤﺘﻲ ﻓﻴﻪ .. ﺧﻠﺘﻴﻨﻲ ﻧﻌﺬﺭﻩ ...
ﺑﻌﺪﻳﻦ ﻣﺸﺖ ﺣﺘﻰ ﻫﻲ ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﺧﻄﻤﺖ ﻣﻦ ﺣﺪﺍ ﺍﻟﺤﻤﺎﻡ ﺍﻟﻠﻲ ﻛﺎﻧﺖ ﻓﻴﻪ ﺣﻤﻴﺪﻩ ..
ﺣﻤﻴﺪﻩ ﺑﻀﺤﻜﻪ : ﻋﻠﻴﻚ ﺩﻧﻴﺎ .. ﻗﻴﺴﻄﻮ .. ﻫﻬﻬﻬﻬﻪ ...
🍁🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 10:30 ﺍﻟﺼﺒﺢ ..
ﺯﻳﻨﺐ ﻭﻧﻌﻴﻤﻪ ﻭﻛﻔﺎﻳﻪ ﻭﻟﻄﻴﻔﻪ ﻣﻘﻌﻤﺰﺍﺕ ﻓﻲ ﺍﻟﺼﺎﻟﻪ ﻳﺸﺮﺑﻮﺍ ﻓﻲ ﺍﻟﻘﻬﻮﺓ ﻭﻳﻬﺪﺭﺯﻭﺍ ..
ﻭﺣﺪﺍﻫﻢ ﺍﻟﺤﺎﺟﻪ ﻓﺎﻃﻤﻪ ﻣﺘﻜﻴﻪ ﻭﺗﺴﺒﺢ ﺑﺎﻟﺴﺒﺤﻪ ﻭﺗﺴﻤﻊ ﻓﻲ ﻫﺪﺭﺯﺗﻬﻢ ..
ﻓﻲ ﺍﻟﺪﺍﺭ ﺍﻟﻠﻲ ﺣﺪﺍﻫﻢ ..
ﺭﺍﻧﻴﺎ ﺍﻃﺒﻖ ﻓﻲ ﺍﻟﺒﻄﺎﻃﻴﻦ ﻭﺍﺿﻢ ..
ﻭﻓﺪﺍﺭ ﺗﺎﻧﻴﻪ ﺩﻻﻝ ﺍﺿﻢ ﻭﺗﻘﻴﻢ ﻓﻔﺮﺍﺷﺎﺗﻬﺎ ﻫﻲ ﻭﺻﻐﺎﺭﻫﺎ ..
ﻓﻲ ﺍﻟﻜﻮﺟﻴﻨﻪ
ﻏﺎﻟﻴﻪ ﻭﺣﻤﻴﺪﻩ ﻭﻧﻮﺭ ﻭﺭﺑﺎﺏ ﻳﻮﺗﻮﺍ ﻓﺎﻟﻔﻄﻮﺭ ..
ﺭﺑﺎﺏ : ﻛﺎﻥ ﻧﻘﻮﻟﻚ ﺭﺟﻠﻴﻨﺎ ﺍﻧﻲ ﻭﺍﻣﻲ ﻃﺎﺣﻮﺍ ﻭﺣﺘﻲ ﻧﺪﻭﺭﻭﺍ ﻓﺎﻟﺤﻨﺎﻳﻪ ﺍﻟﻠﻲ ﻗﺎﻟﺘﻠﻨﺎ ﻋﻠﻴﻬﺎ ﺟﺎﺭﺗﻨﺎ .. ﻭﺍﻟﺤﻖ ﺗﺴﺘﺎﻫﻞ ﺍﻟﺘﻌﺐ ..
ﻏﺎﻟﻴﻪ ﻭﻫﻲ ﺗﻘﺼﺺ ﻓﺎﻟﺨﺒﺰﺓ : ﺻﺢ ﺣﻨﺘﻚ ﺳﻤﺤﻪ ..
ﺣﻤﻴﺪﻩ : ﺑﺲ ﺗﺒﻲ ﺍﻟﺤﻖ ﺭﺑﻮﺑﻪ ﺍﻟﻘﻔﻄﺎﻥ ﺍﻟﻠﻲ ﺧﺪﺗﻴﻪ ﻣﺶ ﺳﻤﺢ ﻭﺍﺟﺪ ..
ﺷﺒﺤﻮﻟﻬﺎ ..
ﺭﺑﺎﺏ : ﻋﻼﺵ ﺧﻴﺮﻩ؟ ..
ﺣﻤﻴﺪﻩ : ﻣﻘﺎﺭﻧﻪ ﺑﻘﻔﻄﺎﻧﻬﻢ ﻭﻻﺣﺎﺟﻪ؟
ﻏﺎﻟﻴﻪ : ﺑﺎﻟﻌﻜﺲ ﺳﻤﺢ ﻭﺍﺣﺪ ﻭﻓﻲ ﻛﻞ ﻭﺍﺣﺪ ﻃﻠﻌﺖ ﺣﻠﻮﺓ ﺑﺸﻜﻞ ﺗﻐﻴﺮﺕ ﻓﻲ ﺍﻟﻘﻔﻄﺎﻧﻴﻦ ..
ﻧﻮﺭ : ﺑﻌﺪﻳﻦ ﻣﺎﺗﺠﻴﺶ ﺍﻟﻤﻘﺎﺭﻧﻪ ﺑﻴﻦ ﻗﻔﻄﺎﻥ ﻛﺒﻴﺮ ﻭﻗﻔﻄﺎﻥ ﺳﻴﻤﺒﻞ ... ﻛﻞ ﻭﺍﺣﺪ ﻭﻣﻮﺩﻳﻠﻪ .. ﻭﺍﻟﺰﻭﺯ ﻃﻠﻌﻮﺍ ﻋﻠﻴﻬﺎ ﻫﻠﺒﻪ ..
ﺣﻤﻴﺪﻩ ﺑﻀﺤﻜﻪ : ﻏﻴﺮ ﺑﺎﻟﺸﻮﻱ ﺷﻦ ﻗﻠﻨﺎ ﻫﻮ ﺭﺃﻱ ﻋﺎﺩﻱ ﺟﺪﺍ ﺭﺍﻫﻮ ...
ﺭﺑﺎﺏ ﺑﺤﺪﻩ : ﺍﺣﺘﻔﻈﻲ ﺑﺂﺭﺍﺋﻚ ﻟﻨﻔﺴﻚ ..
ﺣﻄﺖ ﺑﺎﻛﻮ ﺍﻟﺠﺒﻨﻪ ﻓﺎﻟﺼﻔﺮﺓ .. ﻭﻟﻔﺖ ﻭﻣﺸﺖ ﻃﻠﻌﺖ ..
ﺣﻤﻴﺪﻩ : ﺍﺧﺒﻄﻲ ﺭﺍﺳﻚ ﻓﺎﻟﺤﻴﻂ ..
ﻏﺎﻟﻴﻪ ﻭﻫﻲ ﺗﺸﺒﺢ ﻟﺤﻤﻴﺪﻩ ﺑﺤﺪﻩ : ﻧﻮﺭ ﺗﺮﺍ ﻗﺼﻲ ﺧﺒﺰﺓ ﺍﻟﻔﺮﻥ ..
ﻧﻮﺭ ﺑﻀﻴﻖ : ﺣﺎﺿﺮ ..
ﺭﻓﻌﺖ ﺣﻤﻴﺪﻩ ﺣﺎﺟﺒﻬﺎ .. ﺧﺪﺕ ﻓﻨﺠﺎﻥ ﻗﻬﻮﺗﻬﺎ ﻭﻣﺸﺖ ﻃﻠﻌﺖ ..
ﻭﺻﻠﺖ ﺍﻟﺼﺎﻟﻪ .. ﻗﻌﻤﺰﺕ ﺣﺪﺍ ﺍﻣﻬﺎ ..
ﺭﺷﻔﺖ ﻗﻬﻮﺗﻬﺎ ﻭﻫﻲ ﺗﺸﻮﻑ ﻟﻠﻄﻴﻔﻪ ﻛﻴﻒ ﺗﻬﺪﺭﺯ ﻭﺟﻮﻫﺎ ﻋﺎﺩﻱ ﻭﻻ ﻛﺄﻥ ﻓﻲ ﺣﺎﺟﻪ ..
ﻏﻴﺮﺕ ﻋﻴﻮﻧﻬﺎ ﻟﺪﻻﻝ ..
ﺍﻟﻠﻲ ﻛﺎﻧﺖ ﻣﺎﺷﻴﻪ ﻭﺷﺎﺩﻩ ﺑﻨﺘﻬﺎ ﻣﻦ ﻳﺪﻫﺎ ..
ﻭﺻﻠﻮﺍ ﻗﺪﺍﻡ ﺍﻟﺤﻤﺎﻡ ..
ﻃﻠﻘﺖ ﺩﻻﻝ ﻳﺪ ﺍﺳﻴﺎ ﺑﺶ ﺑﺘﻔﺘﺢ ﺍﻟﺤﻤﺎﻡ ..
ﻭﺍﺳﻴﺎ ﻣﺎﺗﺼﺪﻕ ..
ﻃﻮﻝ ﺍﻧﻄﻠﻘﺖ ﺗﺠﺮﻱ ﻟﻔﻢ ﺍﻟﺒﻮﺍﺑﻪ ..
ﺩﻻﻝ : ﺍﺳﻮﻭﻭ ..
ﻃﻠﻌﺖ ..
ﻭﻳﻼﻗﻴﻬﺎ ﺳﻨﺪ ..
ﺷﺪﻫﺎ ﻭﺭﻓﻌﻬﺎ ﻭﻫﻮ ﻳﻀﺤﻚ : ﺑﻄﻪ ..
ﺍﺳﻴﺎ : ﺍﻣﺴﻲ ..
ﺳﻨﺪ : ﻭﻳﻦ .. ﺑﺘﻤﺴﻲ ﻭﻳﻦ ..
ﺍﺳﻴﺎ : ﺑﻌﺎﺍﺍ ..
ﺿﺤﻚ ..
ﻉ ﻃﻠﻌﺔ ﺍﻣﻬﺎ : ﻳﺎﻣﻌﻔﻨﻪ .. ﺟﻴﺒﻬﺎ ﺳﻨﺪ .
ﻣﺪﻫﺎ ﻷﻣﻬﺎ ﻟﻜﻦ ﻫﻲ ﺗﻜﻤﺸﺖ ﻓﻴﻪ .. ﻫﻮ ﺿﺤﻚ ..
ﺩﻻﻝ : ﺍﺳﻴﺎﺍﺍﺍ ..
ﺍﺳﻴﺎ : ﺗﻠﻮ ..
ﺿﺤﻜﺖ ﺩﻻﻝ ﻭﻗﺪﻣﺘﻠﻬﺎ ﺧﺪﺗﻬﺎ ﻣﻨﻪ ..
ﻭﻫﻮ ﻳﻀﺤﻚ ﻋﻠﻴﻬﺎ ..
ﺩﻻﻝ : ﺗﻮ ﻧﻮﺭﻳﻚ ﻳﺎﺟﺤﺸﻪ ﺗﻮ ﺗﺸﻮﻓﻲ ..
ﺿﻤﺖ ﺷﻮﺍﺭﺑﻬﺎ ﻭﻗﺮﺑﺖ ﻟﺨﺪ ﺍﻣﻬﺎ ﻭﺑﺎﺳﺎﺗﻪ ..
ﺳﻨﺪ : ﻫﻬﻬﻬﻬﻬﻬﻬﻬﻬﻬﻪ ..
ﺩﻻﻝ ﺑﻀﺤﻜﻪ : ﺭﻳﺘﻬﺎ ﺍﻟﺸﻮﻳﻄﻨﻪ ..
ﺳﻨﺪ ﺑﻀﺤﻜﻪ : ﺭﺑﻲ ﻳﺤﻔﻈﻬﺎ ..
ﺩﻻﻝ : ﺗﺴﻠﻢ .. ﻟﻔﺖ ﻭﻣﺸﺖ ﺧﺸﺖ ﺑﻴﻬﺎ ﺩﺍﺧﻞ ..
ﻭﻛﻤﻞ ﺳﻨﺪ ﻟﺮﻭﺷﻦ ﺍﻟﻜﻮﺟﻴﻨﻪ : ﺻﺒﺎﺡ ﺍﻟﺨﻴﺮ ..
ﺭﺩﻭﺍ ﻋﻠﻴﻪ : ﺻﺒﺎﺡ ﺍﻟﻨﻮﺭ ..
ﺳﻨﺪ : ﻫﺎﻩ ﺷﻨﻮ ﻓﻄﻮﺭﻛﻢ ﻭﺍﺗﻲ ..
ﻏﺎﻟﻴﻪ : ﺍﻳﻪ ﻫﻴﺎ ﺧﺶ ﺍﺭﻓﻊ ..
ﺳﻨﺪ : ﺗﻢ ...
ﻣﺸﻲ ﺧﺶ ﺩﺍﺧﻞ ..
ﺧﺪﻱ ﺍﻟﺼﻔﺮﺓ ﻣﻦ ﻏﺎﻟﻴﻪ ﻭﻃﻠﻊ ﺑﻴﻬﺎ ..
ﻭﻧﻮﺭ ﻗﺎﻣﺖ ﺻﻔﺮﺓ ﻭﻃﻠﻌﺖ ﺑﻴﻬﺎ ﻟﻠﺼﺎﻟﻪ ..
ﺍﻣﺎ ﻏﺎﻟﻴﻪ ﻛﻤﻠﺖ ﺗﺠﻬﻴﺰ ﺻﻔﺮﺓ ﺍﻟﺮﺟﺎﻟﻪ ﺍﻟﺘﺎﻧﻴﻪ ..
ﺍﻟﻠﻲ ﻭﻻ ﺳﻨﺪ ﻣﺮﺓ ﺗﺎﻧﻴﻪ ﺑﺶ ﻳﺮﻓﻌﻬﺎ ..
ﻭﻫﻮ ﺟﺎﻱ ..
ﺭﺯﺍﻥ ﻛﺎﻧﺖ ﺟﺎﻳﻪ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ..
ﺳﻨﺪ ﺑﺈﺑﺘﺴﺎﻣﻪ : ﺍﻭﻭﻭﻭﻭ ﺍﻡ ﺍﻟﺮﻭﺯ ..
ﺿﺤﻜﺖ ﻭﻗﺎﻟﺖ : ﺻﺒﺎﺡ ﺍﻟﺨﻴﺮ ..
ﺳﻨﺪ : ﺻﺒﺎﺡ ﺍﻟﻨﻮﺭ .. ﺷﺠﻮ ..
ﺭﺯﺍﻥ : ﺗﻤﺎﻡ ..
ﻭﻗﻔﻮﺍ ﻉ ﺑﻌﺾ ﻭﻗﻌﺪﻭﺍ ﻳﻬﺪﺭﺯﻭﺍ ..
ﻓﻲ ﺍﻟﻮﻗﺖ ﺍﻟﻠﻲ ﻛﺎﻥ ﻓﻴﻪ ﻋﻤﺎﺩ ﻓﺴﻴﺎﺭﺗﻪ ﺑﻴﺤﻂ ﻓﻴﻬﺎ ﺣﺎﺟﻪ ..
ﻃﻠﻊ ﻣﻨﻬﺎ ﻭﺷﺒﺢ ﺟﻬﺔ ﻓﻢ ﺍﻟﺒﻮﺍﺑﻪ ..
ﺗﻮﺳﻌﻮﺍ ﻋﻴﻮﻧﻪ ﺷﻮﻳﻪ ﻭﺭﻓﻊ ﺣﺎﺟﺒﻪ .. ﻭﻗﻌﺪ ﻳﺸﻮﻓﻠﻬﻢ ..
ﻫﻲ ﺗﻀﺤﻚ ﻭﺗﻬﺪﺭﺯ ﻋﺎﺩﻱ ﺟﺪﺍ ..
ﻭﺯﻳﺎﺩﻩ ﻉ ﻫﻜﻲ ﻣﺶ ﺣﺎﻃﻪ ﺷﻲ ﻉ ﺭﺍﺳﻬﺎ ..
ﻭﺯﻳﺪﻱ ﺍﻭﻟﻌﻲ ﻳﺎﻧﺎﺭ ..
ﻭﻫﻮ ﻳﺸﻮﻑ ﻛﻴﻒ ﻃﻖ ﺳﻨﺪ ﻓﻴﺪﻫﺎ ﻭﻫﻤﺎ ﻳﻀﺤﻜﻮﺍ ..
ﺍﻧﺤﺮﻕ ﺣﺮﻕ ﺑﻨﺎﺭﻩ ..
ﺧﺶ ﺳﻨﺪ ..
ﻭﻫﻲ ﻗﻌﺪﺕ ﻭﺍﻗﻔﻪ ﺗﺸﻮﻑ ﻓﺘﻠﻴﻔﻮﻧﻬﺎ ..
ﺟﻲ ﺑﻴﻤﺸﻴﻠﻬﺎ ..
ﺧﻄﻢ ﻣﻦ ﻗﺪﺍﻣﻪ ﺍﺻﻴﻞ ﺑﻴﻤﺸﻲ ﻟﻠﻤﺮﺑﻮﻋﻪ .
ﺷﺎﻓﻪ ﻭﻳﻦ ﻳﺸﺒﺢ ﺑﻌﻔﻮﻳﻪ ﺷﺒﺢ ﻟﻨﻔﺲ ﺍﻟﺠﻬﺔ ﻭﺍﻃﻴﺢ ﻋﻴﻨﻪ ﻉ ﺭﺯﺍﻥ ..
ﺍﻧﺘﺒﻬﻠﻪ ﻋﻤﺎﺩ ..
ﺧﻼﺹ ﺍﻟﺮﺍﺟﻞ ﺑﻴﻨﻔﺠﺮ ﺭﺳﻤﻲ ..
ﻫﻲ ﻫﻨﻲ ﺧﺸﺖ ..
ﺍﺻﻴﻞ ﺗﻠﺨﺒﻂ ﺑﺎﻟﻤﺮﺓ .. ﻛﻤﻞ ﻃﺮﻳﻘﻪ ﻭﻫﻮ ﻣﺶ ﻣﻨﺘﺒﻪ ﺍﻧﻪ ﻻﺳﻠﻢ ﻉ ﻋﻤﺎﺩ ﻭﻻﺻﺒﺢ ﻋﻠﻴﻪ ..
ﻋﻤﺎﺩ ﺑﻐﻀﺐ : ﺑﺎﻫﻲ .. ﺑﺎﻫﻲ ﻳﺎﺭﺯﺍﻥ ..
ﺭﺟﻊ ﻟﺴﻴﺎﺭﺗﻪ ﻓﺘﺢ ﺍﻟﺒﺎﺏ ﻭﺭﻛﺐ ..
ﻭﺧﺪﻱ ﺗﻠﻴﻔﻮﻧﻪ ﺍﻟﻠﻲ ﻣﺪﺍﻳﺮﻫﻮﻟﻬﺎ ﻭﺿﺮﺏ ﻉ ﺭﻗﻤﻬﺎ ﺑﺼﻮﺍﺑﻌﻪ ﺍﻟﻠﻲ ﻳﺮﺟﻔﻮﺍ ﻣﻦ ﺍﻟﻌﺼﺒﻴﻪ ..
🍁🍁🍁🍁
ﺭﺯﺍﻥ : ﻋﻤﺘﻲ ﺭﻭﻓﻲ ﻭﻳﻦ؟ .
ﻏﺎﻟﻴﻪ : ﻓﺪﺍﺭ ﺣﻨﺎﻙ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﺖ ﻟﻠﺪﺍﺭ ..
ﺻﺒﺤﺖ ﻉ ﺍﻟﻠﻲ ﻓﺎﻟﺼﺎﻟﻪ ﻭﺧﺸﺖ ﺍﻟﺪﺍﺭ ..
ﻟﻘﺖ ﺭﻓﻘﻪ ﺭﺍﻗﺪﻩ ﻓﻤﻜﺎﻧﻬﺎ ﺑﺲ ﻓﺎﻳﻘﻪ ﻭﻋﻴﻮﻧﻬﺎ ﺣﻤﺮ ﻭﻣﻨﻔﺨﺎﺕ ..
ﺭﺯﺍﻥ ﺑﺨﻮﻑ : ﺭﻭﻓﻲ ..
ﻗﻌﺪﺕ ﺗﺸﻮﻓﻠﻬﺎ ﺑﺤﺰﻥ ..
ﺭﻥ ﺗﻠﻴﻔﻮﻥ ﺭﺯﺍﻥ .. ﺻﻤﺘﺎﺗﻪ .. ﻭﻣﺸﺖ ﻗﻌﻤﺰﺕ ﺣﺪﺍ ﺑﻨﺖ ﻋﻤﻬﺎ : ﺭﻭﻓﻲ ﺧﻴﺮﻙ ؟
ﻧﺰﻟﻮﺍ ﺩﻣﻮﻉ ﺭﻓﻘﻪ ﻭﻫﻲ ﺗﻘﻮﻝ : ﻛﺮﻫﺘﻬﺎ ﺍﻟﺪﻧﻴﺎ ﻫﺎﺩﻱ ﻛﺮﻫﺘﻬﺎ ﻛﻞ ﺷﻲ ﻓﻴﻬﺎ ﻛﺬﺏ ..
ﺭﺯﺍﻥ ﺑﻌﻴﻮﻥ ﻣﺪﻣﻌﻪ ﻗﺎﻟﺖ : ﺷﻦ ﺻﺎﻳﺮ ..
ﺭﻥ ﺗﻠﻴﻔﻮﻧﻬﺎ ﻣﻦ ﺟﺪﻳﺪ : ﺗﺲ .. ﺻﻜﺮﺕ ﻋﻠﻴﻪ .. ﻭﺩﺍﺭﺍﺗﻪ ﺻﺎﻣﺖ .. ﻭﻗﺎﻟﺖ : ﺭﻭﻓﻲ ﺣﺒﻴﺒﺘﻲ ﺍﺣﻜﻲ ..
....
ﻗﻌﺪ ﻳﺸﻮﻑ ﻟﻠﺘﻠﻴﻔﻮﻥ ﺑﻐﻀﺐ ..
ﺍﻟﺮﺍﺟﻞ ﺑﺪﻱ ﻳﺤﺲ ﺍﻥ ﻻﻋﻨﺪﻩ ﻗﻴﻤﻪ ﻭﻻ ﻟﻴﻪ ﻗﺪﺭ .. ﻭﺍﻥ ﺍﻟﻤﺴﺎﻳﺮﺓ ﻣﺘﺎﻋﻪ ﻭﻟﺖ ﻋﻠﻴﻪ ﺑﺎﻟﻌﻜﺲ ..
ﺻﻜﺮ ﺑﺎﺏ ﺳﻴﺎﺭﺗﻪ ﻭﻗﻌﺪ ﻓﻴﻬﺎ .. ﻻﻧﻪ ﻏﺎﻟﺒﺎ ﻳﻔﻀﻞ ﻳﻘﻌﺪ ﺑﺮﻭﺣﻪ ﻟﻤﺎ ﻳﻜﻮﻥ ﺑﻬﺎﻟﺤﺎﻟﻪ ..
🍁🍁🍁🍁
ﺭﺯﺍﻥ ﺑﺄﻟﻢ : ﺣﺒﻴﺒﺘﻲ ﺩﺍﻡ ﻫﻤﺎ ﻣﺘﻔﺎﻫﻤﻴﻦ ﺧﻼﺹ ..
ﺭﻓﻘﻪ ﺑﺒﻜﻲ : ﻳﺎﺭﺯﺍﻥ ﺍﻓﻬﻤﻴﻨﻲ ﺍﻧﻲ ﻣﺼﺪﻭﻣﻪ ﻭﻣﺶ ﻣﺼﺪﻗﻪ ﻛﻴﻒ ﻫﻜﻲ ﻋﺎﺩﻱ .. ﻳﻌﻨﻲ ﻻﻫﻲ ﻭﻻﻫﻮ ﻳﺤﺒﻮﺍ ﺑﻌﺾ .. ﻋﻴﺸﻮﻧﺎ ﻓﻜﺬﺑﻪ ﻭﺧﻼﺹ ..
ﺭﺯﺍﻥ ﺗﺸﻮﻓﻠﻬﺎ ﺑﺄﻟﻢ ﻭﻣﺶ ﻗﺎﺩﺭﻩ ﺗﺘﻜﻠﻢ ..
ﺭﻓﻘﻪ : ﻣﺶ ﻋﺎﺭﻓﻪ ﻛﻴﻒ ﻣﺮﺍﺓ ﺗﺮﺿﻰ ﻟﺮﺍﺟﻠﻬﺎ ﻳﺎﺧﺪ ﻏﻴﺮﻫﺎ .. ﻭﻳﻌﻴﺶ ﻣﻌﺎﻫﺎ .. ﻭﻳﺮﻗﺪ ﻣﻌﺎﻫﺎ .. ﻭﻏﻴﺮﻩ ﻭﻏﻴﺮﺍﺗﻪ .. ﻛﻴﻒ ﺑﺒﺮﻭﺩ ﺗﻘﺒﻞ ﺷﻲ ﺯﻱ ﻫﺪﺍ ... ﻟﻬﺎﻟﺪﺭﺟﻪ ﺑﺎﺑﺎ ﻣﺎﻳﻔﺮﻗﺶ ﻋﻨﺪﻫﺎ .. ﻭﻻ ﻫﻮ ﻛﻴﻒ ﻗﻌﺪ ﺍﻟﺴﻨﻴﻦ ﻫﺎﺩﻱ ﻛﻠﻬﺎ ﻣﻮﻫﻤﻨﺎ ﺍﻥ ﻣﺎﻓﻴﺶ ﻓﺤﻴﺎﺗﻪ ﻏﻴﺮﻧﺎ .. ﻭﺧﺮﺕ ﺷﻌﺮﻫﺎ ﺑﺈﻳﺪﻳﻬﺎ ﻭﻫﻲ ﺗﻘﻮﻝ .. ﻗﺼﺪﻱ ﻳﺎﺭﺯﺍﻥ ﺍﻧﻲ ﻣﻌﺎﺵ ﻗﺎﺩﺭﻩ ﻧﺼﺪﻕ ﺣﺪ ﻭﻻﻧﻮﺛﻖ ﺑﺤﺪ ﺑﻌﺪ ﺍﻟﻠﻲ ﺷﻔﺘﻪ ﺍﻟﻜﺬﺏ ﻭﺍﻟﺨﻴﺎﻧﻪ ﺍﺳﻬﻞ ﺷﻲ ﻋﻨﺪ ﺍﻟﻨﺎﺱ ﺗﻮﺍ .. ﻭﻭﻟﻮﺍ ﺣﺎﺟﻪ ﻋﺎﺩﻳﻪ ﺟﺪﺍ ..
ﺭﺯﺍﻥ : ﺻﺪﻗﺘﻲ .. ﻳﻜﺬﺑﻮﺍ ﻋﻠﻴﻚ ﺑﻀﻤﻴﺮ ﻣﺮﺗﺎﺡ .. ﻭﻳﺨﻮﻧﻮﺍ ﻭﻋﺎﺩﻱ ﻋﻨﺪﻫﻢ ﻛﺄﻧﻬﻢ ﻣﺎﻳﻐﻠﻄﻮﺵ ..
ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺷﻦ ﺩﺍﻳﺮﺓ ﻣﻊ ﻋﻤﺎﺩ ..
ﺭﺯﺍﻥ ﺑﻀﻴﻖ : ﻳﺒﻲ ﻳﻔﺘﺢ ﻣﻮﺿﻮﻉ ﺗﺤﺪﻳﺪ ﻣﻮﻋﺪ ﺍﻟﻌﺮﺱ ﻣﻊ ﺳﻴﺪﻱ .. ﻗﺎﻟﻲ ﻏﻴﺮ ﺗﻜﻤﻠﻲ ﻫﺎﻟﺴﻨﻪ ..
ﺭﻓﻘﻪ : ﺯﻱ ﻣﺎﺗﻮﻗﻌﺖ .. ﺭﻳﺘﻲ .. ﻣﺎﻳﺒﻴﻜﺶ ﺗﻜﻤﻠﻲ ﻗﺮﺍﻳﻪ .. ﺍﻣﻢ .. ﺍﻳﻪ ﻭﺍﻧﺘﻲ ﺷﻦ ﻗﻠﺘﻲ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻧﺴﺎﻳﺮ ﻓﻴﻪ ﻭﺧﻼﺹ ..
ﺭﻓﻘﻪ : ﺗﺤﺒﻴﻪ ﻫﻠﺒﻪ ﺍﻧﺘﻲ ..
ﻧﺰﻟﺖ ﺭﺯﺍﻥ ﻋﻴﻮﻧﻬﺎ ﻭﺩﻣﻮﻋﻬﺎ ﻃﻮﻝ ﻃﺎﺣﻮﺍ .
ﺭﻓﻘﻪ : ﺑﺲ ﺣﺒﻚ ﺧﺴﺎﺭﺓ ﻓﻴﻪ ..
ﺭﺯﺍﻥ : ﻋﺎﺭﻓﻪ ..
ﺭﻓﻘﻪ : ﺻﺪﻗﻴﻨﻲ ﺣﺘﻨﺴﻴﻪ ﺑﻌﺪ ﻳﻨﺘﻬﻲ ﻛﻞ ﺷﻲ .. ﻧﺼﻴﺤﻪ ﻣﻨﻲ ﻋﻴﺸﻲ ﺑﺲ ﻟﻨﻔﺴﻚ ﻣﺎﻓﻲ ﺣﺪ ﻳﺴﺘﺎﻫﻞ ﺍﺿﻴﻌﻲ ﺩﻗﻴﻘﻪ ﺗﻔﻜﻴﺮ ﻓﻴﻪ ..
ﻧﺎﺿﺖ .. ﻭﻣﺸﺖ ﻃﻠﻌﺖ ﻣﻦ ﺍﻟﺪﺍﺭ ﻣﺘﻮﺟﻬﻪ ﻟﻠﺤﻤﺎﻡ ..
ﻭﺧﻠﺖ ﺭﺯﺍﻥ ﻭﺭﺍﻫﺎ ﺗﻔﻜﺮ ﻓﻜﻼﻣﻬﺎ ﻭﺩﻣﻮﻋﻬﺎ ﺗﻨﺰﻝ ..
🍁 ﻓﻲ ﺍﻟﺼﺎﻟﻪ ..
ﺷﻨﻴﻴﻲ !!!!!
ﻓﺎﻃﻤﻪ : ﺍﻟﻠﻲ ﺳﻤﻌﺘﻨﻪ ﻳﺎﺣﻨﺎﺗﻲ ..
ﺯﻳﻨﺐ : ﺯﻱ ﺣﺮﻛﺔ ﺍﻟﺒﻴﺎﻥ ..
ﻧﻌﻴﻤﻪ : ﻣﻌﻨﺎﻫﺎ ﺣﺘﻰ ﺍﻟﻜﺴﻮﺓ ﺗﻮ ﺗﻘﻮﻝ ﺧﻮﺗﻲ ﻳﺒﻮﻫﺎ ..
ﻛﻔﺎﻳﻪ : ﺑﺎﻫﻲ ﻣﻦ ﻭﻳﻨﻠﻪ ﺍﻟﺰﻓﺖ ﺍﻻﺣﺮﻑ !! ؟
ﻏﺎﻟﻴﻪ : ﻫﺎﻧﻴﺒﺎﻝ ﺑﻴﻌﻄﻴﻪ ﺍﻟﺸﻘﻪ ﻣﺘﺎﻋﻪ ..
ﺯﻳﻨﺐ : ﻭﻫﻮ ﺷﻦ ﺑﻴﺼﻴﺮ ﻓﻴﻪ؟
ﻓﺎﻃﻤﻪ : ﻫﻮ ﺑﻴﺴﺎﻓﺮ ﻳﺎﺑﻨﺘﻲ ﻣﺎﻫﻮ ﻗﺎﻋﺪ .. ﻭﺑﻌﺪﻳﻦ ﻭﻳﻦ ﺑﻴﺴﺎﻓﺮ ﺑﻴﻮﻛﻞ ﺧﻮﺗﻪ ﻳﻜﻤﻠﻮﻟﻪ ﻋﻘﺎﺏ ﺣﻮﺷﻪ ..
ﺯﻳﻨﺐ : ﻳﺒﻲ ﻳﻤﻲ ﻛﻠﻪ ﻳﺒﻲ ﻭﺗﻮﺍ ﻛﻞ ﺷﻲ ﻏﺎﻟﻲ ﻭﻛﻞ ﺷﻲ ﺷﺎﻳﻄﻪ ﻓﻴﻪ ﺍﻟﻨﺎﺭ ..
ﻧﻌﻴﻤﻪ : ﺧﻼﺹ ﺗﻮﺍ ﺍﻣﺮ ﻭﺍﻗﻊ ﻭﺍﻧﺤﻂ ﻓﻴﻪ ..
ﻛﻔﺎﻳﻪ : ﻳﺴﻴﺐ ﺍﻟﺒﻠﻲ ﺧﺎﻑ ﻣﺎﻫﻨﺎﻙ ﻛﺎﻥ ﺯﻭﻳﻠﻬﺎ ..
ﺣﻤﻴﺪﻩ : ﺳﺎﻫﻠﻪ ﻋﻨﺪﻙ ﻟﺪﺭﺟﻪ ﻫﺪﻱ ﺗﺮﺿﻴﻬﺎ ﻟﻨﻮﺭﻫﺎﻥ؟ !
ﻛﻔﺎﻳﻪ : ﺷﻦ ﺗﺤﻜﻲ ﺍﻧﺘﻲ ﻳﺎﺣﻤﻴﺪﻩ ﺷﻦ ﺩﺧﻞ ﻫﺎﺩﻱ ﻓﻬﺎﺩﻱ؟ !!ﻭﺑﻌﺪﻳﻦ ﺍﻧﺘﻲ ﻋﺎﺟﺒﻚ ؟ .
ﺣﻤﻴﺪﻩ : ﻋﻨﺪﻫﺎ ﺍﻟﺤﻖ ﺳﻨﺘﻴﻦ ﻣﺶ ﺷﻮﻳﻪ .. ﻭﺗﻄﻮﻳﻞ ﺍﻟﺨﻴﻂ ﻳﺮﻳﺢ ﺍﻟﻴﺒﺮﺓ ..
ﻧﻌﻴﻤﻪ : ﻭﻋﻼﺵ ﻣﻦ ﺍﻷﻭﻝ؟ !!
ﺣﻤﻴﺪﻩ : ﺧﻼﺹ ﺗﻮﺍ ﻫﺪﻯ ﺍﻟﻠﻲ ﺻﺎﺭ .. ﻭﺭﺍﻫﻮ ﺧﻮﻫﺎ ﺍﺑﺮﺍﻫﻴﻢ ﻭﺍﻋﺮ ﻭﺍﺟﺪ ﻭﻛﻠﻤﺘﻪ ﻛﻠﻤﻪ ﺣﺘﻰ ﺳﻴﺪﻩ ﻣﺎﻳﺨﺎﻟﻒ ﻓﻴﻪ ..
ﺯﻳﻨﺐ : ﻭﻋﻼﺵ ﺍﻻﻓﻨﺪﻱ ﻣﺶ ﻣﻦ ﺍﻷﻭﻝ ﺗﻜﻠﻢ ..
ﺣﻤﻴﺪﻩ : ﻣﻦ ﺍﻷﻭﻝ ﻭﻻ ﻣﻦ ﺍﻷﺧﻴﺮ ﻫﺪﻯ ﺍﻟﻠﻲ ﺻﺎﺭ ﺗﻮ .. ﻭﺑﻌﺪﻳﻦ ﺍﻧﺘﻢ ﻟﻴﺶ ﻣﻌﻘﺪﻳﻨﻬﺎ ﻣﺴﺄﻟﻪ ﺍﻟﺤﻮﺵ ﻭﺍﻧﺤﻠﺖ ﻛﻠﻪ ﻳﺴﻬﻞ ﺑﻌﺪﻳﻦ ..
ﻟﻄﻴﻔﻪ ﺑﻀﺤﻜﻪ : ﻳﺎﺑﺨﺘﻬﺎ ﻫﺎﻟﻠﻤﻴﺎ ﺍﻟﻠﻲ ﻋﻨﺪﻫﺎ ﺣﻤﻲ ﻭﺍﻗﻔﻪ ﻣﻌﺎﻫﺎ ﻭﺍﺩﺍﻓﻊ ﻋﻨﻬﺎ ﺣﺘﻰ ﻗﺒﻞ ﻣﺎﺗﻮﺻﻞ ..
ﺣﻤﻴﺪﻩ ﺑﺈﺑﺘﺴﺎﻣﻪ ﻣﻜﺮ : ﺗﺴﺘﺎﻫﻞ ﻳﺎﺣﻨﻪ ﻣﻦ ﺗﻮﺍ ﺧﺎﺷﻪ ﻓﻴﻨﺎ ﺗﺴﺄﻝ ﻭﺗﻨﺸﺪ ﻭﺗﺴﺎﻋﺪ ﻓﻬﺪﺍ ﻭﻫﺪﺍﻙ ﻣﺶ ﺟﺎﺑﺪﻩ ﺭﻭﺣﻬﺎ ..
ﻟﻄﻴﻔﻪ : ﺗﻠﻘﺤﻲ ﻭﻻ ..
ﻛﻠﻬﻢ ﺷﺒﺤﻮﺍ ﻟﻠﻄﻴﻔﻪ ..
ﺣﻤﻴﺪﻩ : ﺍﻟﺤﻖ ﻳﻨﻘﺎﻝ ﻳﺎﻟﻄﻴﻔﻪ ﺟﺒﺪﺗﻲ ﺭﻭﺣﻚ ﻭﺟﺒﺪﺗﻲ ﺍﻟﺼﻐﺎﺭ ﻣﻌﺎﻙ ﻏﻴﺮ ﺭﻓﻘﻪ ﻣﺴﻜﻴﻨﻪ ﺗﺤﺎﻭﻝ ﺍﺩﺧﻞ ﺭﻭﻳﺤﺘﻬﺎ ﺷﻮﻱ ﺗﺮﺍﻫﻮ ﻛﺎﻥ ﻫﺪﻯ ﺣﺎﻟﻬﺎ ﻣﻦ ﺣﺎﻝ ﺧﻮﺗﻬﺎ ﺍﻟﻠﻲ ﻛﺎﻥ ﺟﻮ ﻳﺪﻭﺏ ﻳﺴﻠﻤﻮﺍ ﻭﻳﻌﺪﻭﺍ ﻭﻣﻌﺎﺩ ﻧﺸﻮﻓﻮﻟﻬﻢ ﺷﺒﺢ ﻭﺟﻪ ..
ﻓﺎﻃﻤﻪ : ﺣﻤﻴﻴﺪﻩ؟ !
ﺣﻤﻴﺪﻩ : ﻛﻠﻤﺔ ﺍﻟﺤﻖ ﻳﻤﻲ ﻣﺎﺗﺰﻋﻞ ..
ﻟﻄﻴﻔﻪ ﻭﺻﻠﺖ ﺣﺪﻫﺎ ﻋﻨﺪﻫﺎ : ﻛﻠﻤﺔ ﺍﻟﺤﻖ ﻣﺎﺗﺰﻋﻠﺶ ﻭﻻ .. ﺗﻤﺎﻡ .. ﺑﺼﺮﺍﺣﻪ ﻻﻳﻤﻜﻦ ﻧﻘﻌﺪ ﻓﻤﻜﺎﻥ ﺍﻧﺴﺎﻧﻪ ﺳﻠﺒﻴﻪ ﺯﻳﻚ ﻓﻴﻪ .. ﻭﺟﻮﺩﻙ ﻣﻮﻟﻲ ﻫﻢ ﺛﻘﻴﻞ ﻉ ﺍﻟﻜﻞ .. ﻭﺍﻧﻲ ﺍﻭﻟﻬﻢ ..
ﺯﻳﻨﺐ : ﺧﻴﺮﻛﻢ ﺑﺴﻢ ﺍﻟﻠﻪ ﺍﻟﻜﺮﻳﻢ ﺷﻦ ﺻﺎﺭ ..
ﺣﻤﻴﺪﻩ ﺑﺼﺪﻣﻪ : ﺍﻧﻲ ﻭﻟﻴﺖ ﻫﻢ ﺛﻘﻴﻞ ﻋﻠﻴﻜﻢ؟؟
ﻧﺎﺿﺖ ﻟﻄﻴﻔﻪ ﻭﻫﻲ ﺗﻘﻮﻝ : ﺑﺈﺫﻥ ﺍﻟﻠﻪ ﻫﺎﺩﻱ ﺍﺧﺮﻟﻲ ﺟﻴﻪ ﻫﻨﻲ ..
ﺍﻟﺒﻨﺎﺕ : ﻟﻄﻴﻔﻪ !!!
ﻣﺸﺖ ﺧﺸﺖ ﻟﻠﺪﺍﺭ ﻭﺻﻜﺮﺗﻬﺎ ﻋﻠﻴﻬﺎ ..
ﻓﺎﻃﻤﻪ ﺷﺒﺤﺖ ﻟﺤﻤﻴﺪﻩ : ﻟﻴﻪ ﻋﻠﻴﻚ ﻳﺎﺑﻨﺘﻲ ﻟﻴﻪ !!
ﺣﻤﻴﺪﻩ : ﻟﻴﺶ ﺍﻧﻲ ﻓﺸﻦ ﻏﻠﻄﺖ؟ !! ﻭﺑﻌﺪﻳﻦ ﻫﻰ ﺳﺒﻠﻪ ﻭﺍﺩﻭﺭ ﻓﻴﻬﺎ ..
ﻻﺗﺤﺒﻨﺎ ﻭﻻﺗﺒﻴﻠﻨﺎ ﺷﺒﺢ ﻭﺟﻪ ..
ﻛﻔﺎﻳﻪ : ﺧﻼﺹ ﺍﺳﻜﺘﻲ ﻋﺎﺩ ﻳﺎﺳﺮ ..
ﺣﻤﻴﺪﺓ ﺑﻌﺼﺒﻴﻪ : ﻟﻴﺶ ﻧﺴﻜﺖ ﻟﻴﺶ؟؟ﻣﺶ ﻫﺪﻯ ﺍﻟﺤﻖ ﻣﺶ ﻫﺪﻯ ﻛﻼﻣﻜﻢ ﻛﻠﻜﻢ .. ﻣﺶ ﻛﻠﻜﻢ ﺗﻘﻮﻟﻮﺍ ﺍﻥ ﻟﻄﻴﻔﻪ ﻃﻠﻌﺖ ﺣﻤﻴﺪ ﻣﻦ ﻫﻠﻪ ﻭﺧﺪﺍﺗﻪ ﻣﻨﻬﻢ !!
ﺧﻮﺍﺗﻬﺎ ﺍﻧﺼﺪﻣﻮﺍ ..
ﻉ ﻃﻠﻌﺔ ﺭﻓﻘﻪ ﻣﻦ ﺍﻟﺤﻤﺎﻡ ﻭﻫﻲ ﻣﺨﻠﻮﻋﻪ ..
ﻭﻗﻔﺖ ﻓﺒﺎﺏ ﺍﻟﻤﺮﻭﺣﻪ ﻭﻫﻲ ﺗﺘﻔﺮﺝ ﻭﺗﺴﻤﻊ ﺑﺼﺪﻣﻪ ..
ﻭﺭﺯﺍﻥ ﺍﻟﻠﻲ ﻭﺍﻗﻔﻪ ﺗﺸﻮﻑ ﻟﻠﻲ ﻗﺎﻋﺪ ﻳﺼﻴﺮ ﺑﻌﻴﻦ ﻣﺴﺘﻨﻜﺮﺓ ..
ﻓﺎﻃﻤﻪ : ﺍﺳﻜﺘﻲ ﺍﺳﻜﺘﻲ ﺧﻼﺹ ﺍﺳﻜﺘﻲ ..
ﻧﺎﺿﺖ ﺣﻤﻴﺪﻩ ﻭﻫﻲ ﺗﺘﻜﻠﻢ ﺑﺼﻮﺕ ﻋﺎﻟﻲ : ﺍﻧﺘﻲ ﻫﺪﻯ ﺍﻟﻠﻲ ﻋﻨﺪﻙ ﺍﺳﻜﺘﻲ ﺍﺳﻜﺘﻮﺍ ﺍﺻﺺ .. ﻗﻌﺪﻧﺎ ﻃﻮﻝ ﻋﻤﺮﻧﺎ ﻧﺴﻜﺘﻮﺍ ﻭﻧﺒﻠﻌﻮﺍ ﻭﻧﻐﺼﻮﺍ ﻭﻧﺮﺍﻋﻮ ﻓﻤﺸﺎﻋﺮ ﺍﻟﻐﻴﺮ ﻭﺣﻨﻲ ﻋﺎﺩﻱ ﻣﺶ ﻣﻬﻢ ﺍﻥ ﺷﺎﺀ ﺍﻟﻠﻪ ﻧﻨﺤﺮﻗﻮﺍ ... ﺳﻜﺎﺍﺍﺕ ﺧﻼﺹ ﻣﻌﺎﺩ ﻓﻲ .. ﻣﺎﻧﻴﺶ ﺳﺎﻛﺘﻪ ﻣﺎﻧﻴﺶ ﺳﺎﻛﺘﻪ ..
ﻧﻌﻴﻤﻪ ﺑﺼﺪﻣﻪ : ﺣﻤﻴﻴﺪﻩ؟ !!
ﺍﻣﻬﺎ ﺗﺸﻮﻓﻠﻬﺎ ﻣﺶ ﺑﺼﺪﻣﻪ ﻻ .. ﺑﻞ ﺑﻨﻈﺮﺓ ﺗﺎﻧﻴﻪ ﺍﻋﻤﻖ ﺣﺎﺳﻪ ﺍﻥ ﻓﻲ ﺷﻲ ﺻﺎﻳﺮ ﻣﻌﺎﻫﺎ ﻭﻫﻲ ﻗﺎﻋﺪﻩ ﺗﻔﺶ ﻓﻐﻠﻬﺎ ﻣﻨﻪ ...
ﺍﻧﻔﺘﺢ ﺍﻟﺒﺎﺏ ﻭﻃﻠﻌﺖ ﻟﻄﻴﻔﻪ ﺷﺒﺤﺖ ﺭﻓﻘﻪ ﻭﻗﺎﻟﺖ : ﺗﻌﺎﻟﻲ ﺗﺤﺮﻛﻲ ﻭﺗﻲ ﺭﻭﺣﻚ ..
ﻭﻟﻔﺖ ﻭﺧﺸﺖ ﻟﻠﺪﺍﺭ .. ﻭﺑﻨﺘﻬﺎ ﻃﻮﻝ ﻟﺤﻘﺘﻬﺎ ﺧﺸﺖ ﻭﺻﻜﺮﺕ ﺍﻟﺒﺎﺏ ..
ﻓﺎﻃﻤﻪ ﻧﺎﺿﺖ ﻭﻣﺸﺖ ﻟﻠﺒﺎﺏ ﻭﻫﻲ ﺗﻨﺎﺩﻱ : ﻟﻄﻴﻔﻪ ﻳﺎﻟﻄﻴﻔﻪ .. ﻳﺎﺑﻨﻴﺘﻲ ..
ﺣﻤﻴﺪﻩ : ﻳﺎﺳﺮﻙ ﻳﻤﻲ ﻳﺎﺳﺮﻙ ﻭﺍﻧﺘﻲ ﻃﺒﻄﺒﻲ ﻋﻠﻴﻬﻦ ﻭﺗﺴﺎﻳﺮﻱ ﻓﻴﻬﻦ ..
ﻉ ﺧﺸﺔ ﺳﻌﻴﺪﻩ ﻣﻦ ﻓﻢ ﺍﻟﺒﻮﺍﺑﻪ ..
ﻭﺳﻤﻴﻪ ﻣﻦ ﺍﻟﻘﺪﺍﻡ .. ﻭﺍﻟﺰﻭﺯ ﻛﺎﻧﻮﺍ ﻣﺼﺪﻭﻣﺎﺕ ..
ﺣﻤﻴﺪﻩ : ﻭﻻ ﻭﺣﺪﻩ ﻓﻴﻬﻦ ﺗﺴﺘﺎﻫﻞ ﻭﻻﻭﺣﺪﻩ ﺍﺑﺪﻳﻬﺎ ﺑﻜﻨﺘﻚ ﺍﻟﻜﺒﻴﺮﺓ ﺑﻨﺖ ﻋﻤﻨﺎ ﻧﺴﻴﺘﻲ ﺷﻦ ﺩﺍﺭﺕ ﻓﻴﻨﺎ ﻧﺴﻴﺘﻲ ﺑﻼﻫﺎ ﺍﻷﺳﻮﺩ ..
ﺭﺯﺍﻥ ﺟﺖ ﺑﺘﺘﻜﻠﻢ .. ﺍﻣﻬﺎ ﺣﻄﺖ ﻳﺪﻫﺎ ﻉ ﻓﻤﻬﺎ ..
ﻭﻫﻲ ﺗﺴﻤﻊ ﻓﻜﻼﻡ ﺣﻤﻴﺪﻩ ..
ﺣﻤﻴﺪﻩ : ﻓﻮﻕ ﻣﻦ ﻫﺪﻯ ﺳﺎﻣﺤﺘﻲ ﻭﻣﺸﻴﺘﻲ ﻭﺧﻠﻴﺘﻴﻨﺎ ﻧﻤﺸﻮﺍ ﻣﻌﺎﻙ .. ﻭﻻ ﻣﺮﺕ ﺍﻟﻬﺎﺩﻱ ﻭﺍﻟﻠﻲ ﺩﺍﻳﺮﺍﺗﻪ ﻓﻮﻟﺪﻙ ﻭﺍﻟﻌﺮﻛﻪ ﺍﻟﻠﻲ ﻧﺼﺒﺘﻬﻠﻪ ﻟﻴﺶ ﻋﻄﻲ ﻟﺨﻮﻩ ﺍﻟﺪﺍﺭ .. ﻭﻣﺎﺯﺍﻝ ﻣﺎﺯﺍﻝ ﻳﺎﻣﺎ ﺟﺎﻳﻚ ﺩﺍﻣﻚ ﺑﺘﻘﻌﺪﻱ ﻫﻜﻲ ..
ﻧﺎﺿﺖ ﺯﻳﻨﺐ ﺟﺒﺪﺕ ﺣﻤﻴﺪﻩ ..
ﺣﻤﻴﺪﻩ : ﺧﻠﻴﻨﻲ ﺧﻠﻴﻨﻲ ﻧﺪﻭﻱ ﺧﻠﻴﻨﻲ ﻧﺘﻜﻠﻢ ..
ﻭﺯﻳﻨﺐ ﺗﺠﺒﺪ ﻓﻴﻬﺎ ﺑﻘﻮﺓ ﻟﻴﻦ ﺩﺧﻠﺘﻬﺎ ﺍﻟﺪﺍﺭ ﻭﺧﻮﺍﺗﻬﺎ ﻧﻌﻴﻤﻪ ﻭﻛﻔﺎﻳﻪ ﻟﺤﻘﻮﻫﺎ ..
ﻭﻏﺎﻟﻴﻪ ﻭﺍﻗﻔﻪ ﺗﺸﺒﺢ ﻷﻣﻬﺎ ﻛﻴﻒ ﻭﺟﻬﻬﺎ ﺭﺍﻳﺢ ﺍﺣﻤﺮ ﻭﺗﺮﻋﺶ ﻣﻊ ﺑﻌﻀﻬﺎ ...
ﺳﻤﻴﻪ ﺧﺪﺕ ﺑﻌﻀﻬﺎ ﻭﻭﻟﺖ ﻣﻦ ﻭﻳﻦ ﻣﺎﺟﺖ ..
ﺑﻴﻨﻤﺎ ﺳﻌﻴﺪﻩ ﻃﻠﻘﺖ ﻓﻢ ﺭﺯﺍﻥ ﻭﻗﺪﻣﺖ ﻟﺤﻤﺎﺗﻬﺎ ﻭﻋﺰﻭﺯﺗﻬﺎ ..
ﺳﻌﻴﺪﻩ ﺑﺈﺳﺘﻐﺮﺍﺏ : ﺷﻦ ﺻﺎﻳﺮ !! ؟
ﻉ ﺟﻴﺔ ﺣﻤﻴﺪ : ﻳﻤﻲ !!..
ﻓﻮﺣﺪﻩ ﻣﻦ ﺍﻟﺪﻳﺎﺭ ﺍﻟﻤﺼﻜﺮﺓ ..
ﺩﻻﻝ : ﻏﺒﺎﺭﺓ ﻛﺎﻥ ﻣﺎﻳﺨﺸﻮﺍ ﻓﻴﻬﺎ ﺍﻟﺮﺟﺎﻟﻪ ..
ﺭﺑﺎﺏ : ﻃﻴﺮ ﺍﻟﺸﺮ ﺧﺎﻟﺘﻚ ﻫﺎﺩﻱ ﻣﺎﻣﺨﻠﻴﻪ ﺣﺪ ﻓﺤﺎﻟﻪ ..
ﺑﺮﺍ ..
ﻃﻠﻌﺖ ﻓﺎﻃﻤﻪ ﻟﻮﻟﺪﻫﺎ ..
ﺣﻤﻴﺪ : ﺷﻨﻮ ﻓﻲ ﺷﻦ ﺩﺍﻳﺮﻳﻦ ﻟﻠﻄﻴﻔﻪ ﺍﻭﻝ ﻣﺮﺓ ﺍﻟﻤﺮﺍﺓ ﺗﻜﻠﻤﻨﻲ ﻭﻫﻲ ﺗﺒﻜﻲ ﻫﻜﻲ ..
ﻓﻲ ﺍﻟﺪﺍﺭ ﺍﻟﻠﻲ ﻓﻴﻬﺎ ﺣﻤﻴﺪﻩ ﻭﺧﻮﺍﺗﻬﺎ ..
ﺣﻤﻴﺪﻩ ﺑﺼﻮﺕ ﻋﺎﻟﻲ : ﺧﺎﺍﻳﻒ ﻋﻠﻴﻬﺎ ﻳﺎﻧﺎﺍﺍﺭﻱ .. ﺿﺤﻜﺖ ﺑﺘﻬﻜﻢ ﻭﻗﺎﻟﺖ .. ﻛﺎﻧﻚ ﻣﺶ ﻭﺍﺧﺪ ﻋﻠﻴﻬﺎ ﺭﺍﻧﻲ ﺻﺪﻗﺖ ..
ﻛﻔﺎﻳﻪ : ﺿﻤﻲ ﻓﻤﻚ ﺿﻤﻴﻪ ..
ﺣﻤﻴﺪ : ﺧﻴﺮ ﺑﻼﻫﺎ ﻫﺎﺩﻱ ﺷﻦ ﺗﻘﻄﻒ ..
ﻓﺎﻃﻤﻪ ﺑﺘﻮﺳﻞ : ﻭﺭﺍﺍﺍﺱ ﻭﻟﻴﺪﻱ .. ﻧﺤﻠﻔﻚ ﺑﺎﻟﻠﻪ ﺗﻌﺪﻱ ﺗﺮﺑﺢ ..
ﺣﻤﻴﺪ ﻣﺎﺗﺤﻤﻠﺶ ﺍﻣﻪ ﺗﺘﺮﺟﺎﻩ .. ﻃﻮﻝ ﻟﻒ ﻭﻣﺸﻲ ﻭﻫﻮ ﻣﻌﺼﺐ ..
ﺍﻧﻔﺘﺢ ﺍﻟﺒﺎﺏ ﻭﻃﻠﻌﺖ ﺭﻓﻘﻪ ﻭﻫﻲ ﻓﻘﻤﺔ ﺍﻟﻐﻀﺐ ..
ﻭﻗﻔﺖ ﻗﺪﺍﻡ ﺍﻟﺪﺍﺭ ﻭﻗﺎﻟﺖ : ﺍﺣﺘﺮﻣﻲ ﻧﻔﺴﻚ ﻭﺍﻟﺰﻣﻲ ﺣﺪﻙ ﻳﺎﺳﺮ ﺳﺎﻳﺮﻧﺎﻙ ﺑﻤﺎ ﻓﻴﻪ ﺍﻟﻜﻔﺎﻳﻪ ﺧﻼﺹ ..
ﺣﻤﻴﺪﻩ ﺑﻀﺤﻜﻪ ﺳﺨﺮﻳﻪ : ﻣﺎﺷﺎﺍﺍﺀ ﺍﻟﻠﻪ ﺭﺯﺍﻥ ﺭﻗﻢ ﺍﺗﻨﻴﻦ ..
ﺭﺯﺍﻥ : ﺷﻨﻲ ﻫﻲ ! ؟
ﺳﻌﻴﺪﻩ : ﺭﺯﺍﺍﺍﺍﺍﻥ ..
ﺷﺒﺤﺖ ﻷﻣﻬﺎ ..
ﺳﻌﻴﺪﻩ ﺑﺤﺪﻩ : ﻋﺪﻱ ﺭﻭﺣﻲ .. ﺗﺤﺮﻛﻴﻲ ..
ﺿﻤﺖ ﺷﻮﺍﺭﺑﻬﺎ ﻟﺪﺍﺧﻞ ﺑﻐﻀﺐ ... ﺑﻌﺪﻳﻦ ﻣﺸﺖ ﻃﻮﻝ ﻃﻠﻌﺖ ..
ﺭﻓﻘﻪ : ﻣﺎﺳﻠﻢ ﺣﺪ ﻣﻦ ﺷﺮﻙ ﺍﻧﺘﻲ ﺣﺪ ..
ﻃﻠﻌﺖ ﻟﻄﻴﻔﻪ ﺟﺒﺪﺕ ﺑﻨﺘﻬﺎ ﻣﻦ ﺫﺭﺍﻋﻬﺎ ﻭﺩﺧﻠﺘﻬﺎ ﻟﻠﺪﺍﺭ ﻭﺻﻜﺮﺗﻬﺎ ..
ﺣﻤﻴﺪﻩ : ﺗﻮﺍ ﺍﻧﻲ ﻃﻠﻌﺖ ﺷﺮﻳﺮﺓ ﻭﻃﻠﻊ ﺍﻟﺒﻠﻲ ﻛﻠﻪ ﻣﻨﻲ ﻷﻧﻲ ﻗﺖ ﻛﻠﻤﺔ ﺍﻟﺤﻖ ﻭﻻ ..
ﺯﻳﻨﺐ : ﺍﺳﻜﺘﻲ ﺧﻼﺹ ﺍﺳﻜﺘﻲ ..
ﻧﻌﻴﻤﻪ : ﺗﻌﻮﺩﻱ ﻣﻦ ﺍﻟﺸﻴﻄﺎﻥ ﻳﺎﺣﻤﻴﺪﻩ ..
ﻛﻔﺎﻳﻪ ﺗﺸﻮﻓﻠﻬﺎ ﺑﺤﺪﻩ ﻭﺧﺎﻳﻔﻪ ﻟﻮﻓﺘﺤﺖ ﻓﻤﻬﺎ ﺗﺰﻳﺪ ﺗﻘﺮﺑﻌﻬﺎ ..
ﺣﻤﻴﺪﻩ : ﺍﻟﺸﻴﻄﺎﻥ ﻫﻦ ﻳﻌﺮﻓﻨﻪ ﻣﺶ ﺍﻧﻲ .. ﻫﻦ ﺷﻴﻄﺎﻧﺎﺕ ﻫﻦ ..
ﻏﻤﻀﺖ ﻏﺎﻟﻴﻪ ﻋﻴﻮﻧﻬﺎ ﺑﻌﺪﻳﻦ ﻓﺘﺤﺘﻬﻢ ..
ﻭﻣﺸﺖ ﺧﺸﺖ ﻟﻠﺪﺍﺭ ﺍﻟﻠﻲ ﻓﻴﻬﺎ ﺧﻮﺍﺗﻬﺎ ﺑﻐﻀﺐ ﻫﻲ ﺗﻘﺪﻡ ﻟﺤﻤﻴﺪﻩ ﻭﺗﻘﻮﻝ ﺑﺼﻮﺕ ﻋﺎﻟﻲ : ﺍﺳﺴﻜﺘﻲ ﺍﺻﺺ .. ﺍﺻﺼﺺ .. ﺳﻜﺮﻳﻪ ﻓﻤﻚ ..
ﺿﻤﻴﻪ ... ﻭﺻﻠﺖ ﻓﻴﻬﺎ ... ﺗﺒﻜﺸﻲ ... ﻃﺒﺴﺖ ﻋﻠﻴﻬﺎ ﻭﺣﻄﺖ ﻳﺪﻫﺎ ﻉ ﻓﻤﻬﺎ ﻭﻫﻲ ﺗﻔﻨﺺ ﻓﻴﻬﺎ ..
ﺣﻤﻴﺪﻩ ﺳﻜﺘﺖ ﻣﺮﺓ ﻭﺣﺪﻩ ﻭﻫﻲ ﺗﺸﻮﻓﻠﻬﺎ ﺑﺤﺪﻩ ..
ﻭﺧﻮﺍﺗﻬﺎ ﻳﺸﻮﻓﻮﻟﻬﺎ ..
ﺣﻮﻟﺖ ﻏﺎﻟﻴﻪ ﻳﺪﻫﺎ ﻭﻫﻲ ﻣﺎﺯﺍﻝ ﺗﺸﻮﻓﻠﻬﺎ ﺑﻨﻔﺲ ﺍﻟﻨﻈﺮﻩ ..
ﺑﻌﺪﻳﻦ ﻟﻔﺖ ﻭﻣﺸﺖ ﻃﻠﻌﺖ .. ﺗﻮﺟﻬﺖ ﻟﻠﺪﺍﺭ ﺍﻟﻠﻲ ﻓﻴﻬﺎ ﻟﻄﻴﻔﻪ ﻭﻗﻌﺪﺕ ﺍﻃﻖ ..
ﻏﺎﻟﻴﻪ : ﻟﻄﻴﻔﻪ .. ﻟﻄﻴﻔﻪ .. ﻟﻮﺳﻤﺤﺘﻲ ﺍﻓﺘﺤﻲ ..
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ..
ﻏﺎﻟﻴﻪ : ﺧﺸﻲ ﻳﻤﻲ ..
ﺧﺸﺖ ﻓﺎﻃﻤﻪ ﻭﻫﻲ ﺗﺮﻋﺶ .. ﻭﻏﺎﻟﻴﻪ ﻭﺭﺍﻫﺎ ﻭﺻﻜﺮﺕ ﺍﻟﺒﺎﺏ ..
ﺗﻨﻬﺪﺕ ﺳﻌﻴﺪﻩ ..
ﺑﻌﺪﻳﻦ ﻣﺸﺖ ﺣﺘﻰ ﻫﻲ ﻭﻃﻠﻌﺖ ﻣﻦ ﺍﻟﺤﻮﺵ ..
ﻓﻲ ﺍﻟﺪﺍﺭ ..
ﻗﻌﺪﺕ ﺣﻤﻴﺪﻩ ﺳﺎﻛﺘﻪ ﻭﻫﻲ ﺗﻬﺰ ﻓﺮﺟﻠﻬﺎ ﺑﻌﺼﺒﻴﻪ ﻭﺩﻣﻮﻋﻬﺎ ﻳﻨﺰﻟﻮﺍ ..
ﺍﻣﺎ ﺧﻮﺍﺗﻬﺎ ﺧﻠﻮﻫﺎ ﻭﻃﻠﻌﻮﺍ ﻣﻦ ﺣﺪﺍﻫﺎ ﻭﻛﻞ ﻭﺣﺪﻩ ﻣﻨﻬﻢ ﻭﺍﺧﺪﻩ ﻣﻨﻬﺎ ﻣﻮﻗﻒ ..
🍁🍁🍁
ﻓﻮﻕ ﻣﺮﺍﻡ ﻛﺎﻧﺖ ﺑﺮﻭﺣﻬﺎ ﻓﺸﻘﺘﻬﺎ ﺗﺴﻤﻊ ﻓﻲ ﺍﻟﺪﻭﺷﻪ ﻭﻣﺎﺑﺘﺶ ﺗﻨﺰﻝ ﻷﻥ ﻫﺎﻧﻴﺒﺎﻝ ﻣﺤﺬﺭﻫﺎ ﻣﻦ ﻗﺒﻞ ﻣﻦ ﺍﻟﺪﺧﻮﻝ ﻓﻲ ﺍﻟﻤﺸﺎﻛﻞ ﻭﻫﻲ ﺳﻤﻌﺖ ﻛﻼﻣﻪ ﻋﻦ ﻗﻨﺎﻋﻪ .. ﺑﺲ ﻛﺎﻧﺖ ﺧﺎﻳﻔﻪ ﻓﻨﻔﺲ ﺍﻟﻮﻗﺖ ﻭﻫﻲ ﻣﺶ ﻋﺎﺭﻓﻪ ﺷﻦ ﺻﺎﻳﺮ ..
🍁🍁🍁🍁
ﻟﻄﻴﻔﻪ : ﻭﺍﻟﻠﻪ ﺍﻟﻌﻈﻴﻢ ﻣﺎﺳﻜﺘﺖ ﺍﻻ ﻉ ﺧﺎﻃﺮﻙ ﻳﺎﻋﻤﺘﻲ ﺍﺣﺘﺮﺍﻣﺎ ﻟﻴﻚ .. ﻟﻜﻦ ﻣﻌﻠﻴﺸﻲ ﺳﺎﻣﺤﻴﻨﻲ ﺑﻌﺪ ﺍﻟﻠﻲ ﺻﺎﺭ ﻓﻤﻜﺎﻥ ﻭﺍﺣﺪ ﺍﻧﻲ ﻭﺑﻨﺘﻚ ﺣﻤﻴﺪﻩ ﻻﻳﻤﻜﻦ ﻧﺠﺘﻤﻌﻮﺍ .. ﻭﺑﺎﻟﻨﺴﺒﻪ ﻟﺼﻐﺎﺭﻛﻢ ﻣﺶ ﺣﻨﺸﺪﻫﻢ ﻋﻨﻜﻢ .. ﻛﺎﻥ ﻳﺒﻮﺍ ﻳﺠﻮﺍ ﻳﺠﻮﺍ ..
ﻓﺎﻃﻤﻪ : ﻻﺣﻮﻝ ﻭﻻﻗﻮﺓ ﺍﻻﺑﺎﻟﻠﻪ ..
ﻏﺎﻟﻴﻪ : ﺍﻟﻠﻪ ﻏﺎﻟﺐ ﻭﺧﻼﺹ .. ﺍﻟﻤﻬﻢ ﺳﺎﻣﺤﻴﻨﺎ ..
ﻟﻄﻴﻔﻪ : ﻣﺎﻏﻠﻄﻮﺵ ﻓﻴﺎ ﺑﺶ ﻧﺴﺎﻣﺤﻜﻢ .. ﻣﺎﺭﻳﺖ ﻣﻨﻜﻢ ﺍﻻ ﻛﻞ ﺑﺎﻫﻲ ..
ﻫﺰﺕ ﻏﺎﻟﻴﻪ ﺭﺍﺳﻬﺎ ﺑﺈﻳﺠﺎﺏ ..
ﺍﻟﺤﺎﺟﻪ ﻓﺎﻃﻤﻪ ﻟﻔﺖ ﻭﻣﺸﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ﻭﺑﻨﺘﻬﺎ ﻟﺤﻘﺘﻬﺎ ..
...
ﺭﺍﻧﻴﺎ : ﺧﻴﻲ ﻋﻠﻴﻬﺎ ﻭﺧﻼﺹ ﺑﺎﻫﻲ ﻫﻜﻲ ﺗﻮﺍ ..
ﻧﻮﺭ : ﻣﻦ ﺑﻜﺮﻱ ﺣﺴﻴﺘﻬﺎ ﺍﺩﻭﺭ ﻓﻲ ﺍﻟﺤﺲ ..
ﺩﻻﻝ ﻭﻫﻲ ﺗﺸﻮﻑ ﻟﻠﺒﻨﻴﺎﺕ ﺍﻟﺼﻐﺎﺭ ﻛﻴﻒ ﻳﻠﻌﺒﻮﺍ : ﻣﻌﻘﻮﻟﻪ ﺍﻟﺒﻨﺎﺩﻡ ﺍﻟﻠﻲ ﺗﺼﻴﺮ ﻣﻌﺎﻩ ﻣﺸﺎﻛﻞ ﻓﺤﻴﺎﺗﻪ ﻳﺘﻐﻴﺮ ﻫﻜﻲ ! ؟
ﺭﺑﺎﺏ : ﺗﺲ ﻣﺎﺗﻐﻴﺮﺗﺶ ﻃﻠﻌﺖ ﻉ ﺣﻘﻴﻘﺘﻬﺎ ﺑﺲ ..
ﺷﺒﺤﻮﺍ ﻟﺮﺑﺎﺏ ..
ﻭﺭﺑﺎﺏ ﻗﻌﺪﺕ ﺗﺸﻮﻑ ﻟﻠﺒﻨﺎﺕ ﺍﻟﺼﻐﺎﺭ
🍁🍁🍁🍁🍁
ﻃﺒﻌﺎ ﻋﻴﺖ ﺍﻟﺤﺎﺝ ﻣﺨﺘﺎﺭ ﻗﺎﻋﺪﻳﻦ ﻣﻊ ﻭﻻﺩﻫﻢ ﻓﺎﻟﺸﻘﻪ ..
ﺑﺲ ﺍﻟﺮﺟﺎﻟﻪ ﻻﺣﻈﻮﺍ ﺍﻥ ﺣﻤﻴﺪ ﻣﺶ ﻉ ﺑﻌﻀﻪ ..
ﻭﺣﺴﻮﺍ ﺍﻥ ﻓﻲ ﺷﻲ ﻣﻦ ﻗﺮﺍﺭ ﻣﺮﻭﺍﺣﻪ ﺍﻟﻤﻔﺎﺟﺊ ..
ﻭﻛﺎﻟﻌﺎﺩﻩ ﺍﻛﺜﺮ ﻣﻦ ﻳﺪﻗﻖ ﻓﻲ ﺍﻟﺤﺎﺟﺎﺕ ﻫﺎﺩﻱ ﻫﺎﻧﻴﺒﺎﻝ ..
🍁 ﻃﻠﻌﺖ ﻟﻄﻴﻔﻪ ﻫﻲ ﻭﺑﻨﺘﻬﺎ ﺑﻌﺪ ﺳﻠﻤﻮﺍ ﻉ ﺍﻟﻌﻴﻠﻪ ..
ﻭﻣﺸﻮﺍ ﻟﻠﺴﻴﺎﺭﺓ ﺭﻛﺒﻮﺍ ﻣﻊ ﺍﻟﻮﻻﺩ ﻭﺑﻮﻫﻢ ﻭﻃﻮﻝ ﺣﻤﻴﺪ ﺗﺤﺮﻙ ..
ﺑﻌﺪﻫﺎ ﺑﻌﺸﺮﻩ ﺩﻗﺎﻳﻖ ..
ﻃﻠﻌﺖ ﺣﻤﻴﺪﻩ ﺑﺒﻨﺘﻬﺎ ﻟﺴﻴﺎﺭﺓ ﺧﻮﻫﺎ ﻋﻤﺮ .. ﺍﻟﻠﻲ ﺭﻭﺡ ﺑﻴﻬﺎ ﻟﺤﻮﺷﻬﺎ ﻷﻥ ﺭﺍﺟﻠﻬﺎ ... ﻣﺶ ﻓﺎﺿﻲ 🍃
ﺣﺎﻭﻝ ﻋﻤﺮ ﻳﻌﺮﻑ ﻣﻨﻬﺎ ﺷﻦ ﺻﺎﺭ ﻟﻜﻦ ﻫﻲ ﻣﺎﺑﺘﺶ ﺗﻌﻄﻴﻪ ﺍﺟﺎﺑﻪ ..
ﻟﻌﻨﺪ ﻣﺎﻭﺻﻠﻬﺎ ﻟﺤﻮﺷﻬﺎ .. ﻭﺑﻌﺪﻳﻦ ﻭﻟﻰ ..
🍁🍁🍁🍁
ﻣﺸﻲ ﺑﺎﻗﻲ ﺍﻟﻨﻬﺎﺭ ﻧﻜﺪ ..
ﻭﺍﻟﻠﻲ ﻫﺪﺍ ﺷﺎﺩ ﺭﻭﺣﻪ ﻭﺳﺎﻛﺖ ..
ﻣﺮﺍﻡ ﻣﺎﻧﺰﻟﺘﺶ ..
ﻭﺳﻤﻴﻪ ﻭﺳﻌﻴﺪﻩ ﻣﻌﺎﺵ ﻭﻟﻮﺍ ..
🍁🍁🍁
ﺑﻌﺪ ﺍﻟﻌﺼﺮ ..
ﻗﺪﺍﻡ ﺷﻘﻪ ﺣﺴﻦ ..
ﻋﺠﺒﺘﻨﻲ ﻭﺍﺟﺪ ﻳﻤﻲ ..
ﺍﻣﻴﻨﻪ ﺑﻀﺤﻜﻪ : ﺑﺎﻫﻲ ﻣﺎﻧﻜﺶ ﻣﺬﻛﺮ ﺷﻦ ﺷﻜﻠﻬﺎ ﺑﺎﻟﺰﺑﻂ ..
ﺍﺻﻴﻞ ﺑﺪﻭﻥ ﻣﺎﻳﺸﺒﺤﻠﻬﺎ ﻭﻫﻮ ﻣﺒﺘﺴﻢ ﺑﺈﺣﺮﺍﺝ ﻗﺎﻝ : ﺑﻴﻀﺎ ﻭﺷﻌﺮﻫﺎ ﻗﺼﻠﻲ .. ﻫﻜﻲ ﻳﻌﻨﻲ ..
ﺍﻣﻴﻨﻪ ﻗﻌﺪﺕ ﺗﻔﻜﺮ ﺧﻄﺮﻭﺍ ﻓﺒﺎﻟﻬﺎ ﺯﻭﺯ ﺭﺯﺍﻥ ﻭﻧﻮﺭ ...
ﺑﻌﺪﻳﻦ ﻓﻜﺮﺕ ﻓﻨﻮﺭ ﻭﻗﺎﻟﺖ ﻣﻤﻜﻦ ﺗﻜﻮﻥ ﻫﻲ ..
ﻭﺍﻫﻮ ﻛﺎﻥ ﻣﺎﺻﺎﺭﺵ ﻣﻦ ﺭﺯﺍﻥ ﻳﺼﻴﺮ ﻣﻦ ﻧﻮﺭ ...
ﺍﻣﻴﻨﻪ : ﺑﺎﻫﻲ .. ﺣﻨﻲ ﺗﻮﺍ ﺑﻨﻌﺪﻭﺍ ﻷﻧﻬﻢ ﻋﺰﻣﻮﻧﺎ ﻉ ﺍﻟﻌﺸﻲ ﻭﺗﻮ ﻧﻔﺘﺢ ﺍﻟﻤﻮﺿﻮﻉ ﻣﻊ ﺍﻣﻬﺎ ..
ﺍﺻﻴﻞ : ﻗﺼﺪﻙ ﻋﺮﻓﺘﻴﻬﺎ؟
ﺍﻣﻴﻨﻪ ﺑﺈﺑﺘﺴﺎﻣﻪ : ﺍﻳﻪ ﻋﺮﻓﺘﻬﺎ ..
ﺍﺑﺘﺴﻢ ﺍﺻﻴﻞ ﻭﻗﺎﻝ : ﺗﻢ .. ﺍﻳﻪ ﺑﻨﻌﺪﻭﺍ ﺗﻮﺍ ﻭﻳﻦ ﻣﺎﻳﺨﺪﻣﻮﺍ ﻣﺆﻧﺲ ﻭﺍﻳﻤﻦ .. ﻣﺎﺗﺒﻮﺍ ﺷﻲ ..
ﺍﻣﻴﻨﻪ : ﺳﻼﻣﺘﻜﻢ ..
ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ..
🍁🍁🍁🍁
ﺍﻟﺰﻭﺯ ﻳﺘﻤﺸﻮﺍ ﻓﻲ ﺍﻟﻘﻄﻌﻪ ﻭﻳﻬﺪﺭﺯﻭﺍ ..
ﺭﺍﻧﻴﺎ : ﺑﻨﺰﻝ ﺍﻟﻤﺸﺮﻭﻉ ﺧﻼﺹ ..
ﺩﻻﻝ : ﺳﻌﺪﻭﺩﻙ ﻗﺮﻳﺐ ﺗﻜﻤﻠﻲ ﺍﻧﻲ ﻣﺎﺯﺍﻟﻲ ﻋﺎﻡ ﺗﺎﻧﻲ ﺯﻳﺎﺩﺓ ﻉ ﻫﺪﺍ ..
ﺭﺍﻧﻴﺎ ﺑﻀﺤﻜﻪ : ﺳﻴﻮﺭﻙ ﺗﻜﻤﻠﻲ ..
ﺩﻻﻝ ﺗﻨﻬﺪﺕ ﻭﻗﺎﻟﺖ : ﻳﺎﺍﺭﺏ ..
ﺗﺒﺪﻟﺖ ﻣﻼﻣﺢ ﺍﻟﻀﺤﻜﻪ ﻉ ﻭﺟﻪ ﺭﺍﻧﻴﺎ ﻟﻠﻘﻠﻖ ﻭﻗﺎﻟﺖ : ﺯﻋﻤﺎ ﻫﺪﺍﻛﺎ ﺍﻟﻤﺮﻳﺾ ﻉ ﺷﻦ ﻧﺎﻭﻱ؟؟
ﺩﻻﻝ : ﻣﺎﻋﻨﺪﻩ ﻣﺎﻳﺪﻳﺮ ﻳﺎﺭﺍﻧﻴﺎ ﻣﻌﺎﺵ ﺩﻭﺭﻳﻪ ..
ﺭﺍﻧﻴﺎ ﺗﻨﻬﺪﺕ ﺑﻀﻴﻖ : ﻛﻞ ﻟﻴﻠﺔ ﻧﻜﻮﺑﺲ ﺑﻴﻪ ﻭﺑﺮﻣﺰﻱ ﻛﻞ ﻣﺮﺓ ﻧﺘﺨﺎﻳﻞ ﻓﻴﻪ ﺩﺍﻳﺮﻟﻪ ﺷﻲ .. ﻭﺍﻧﺘﻲ ﺗﻌﺮﻓﻴﻪ ﻫﺪﺍ ﻟﻤﺎ ﻳﺴﻜﺖ ﻳﻜﻮﻥ ﻧﺎﻭﻱ ﻉ ﻓﺎﻟﻄﻪ ﻧﻌﺮﻓﻪ ..
ﺩﻻﻝ : ﺭﺑﻚ ﻳﻜﻔﻴﻨﺎ ﺷﺮﻩ ﻳﺎﺭﺏ ...
🌳 ﻓﻲ ﺍﻟﺠﺮﺩﻳﻴﻨﻪ ..
ﻗﺪﺍﻡ ﺷﺠﺮﺓ ﺍﻟﻠﻴﻤﻮﻥ ..
ﻛﺎﻧﺖ ﺭﺯﺍﻥ ﻏﺎﻳﺼﻪ ﺑﻮﺟﻬﻬﺎ ﺑﻴﻦ ﺍﻋﺮﺍﻑ ﺍﻟﺸﺠﺮﺓ ..
ﺯﻫﺮ ﺍﻟﻠﻴﻤﻮﻥ ﻃﺎﻟﻊ .. ﻭﺭﻳﺤﺘﻪ ﻣﻌﺒﻴﻪ ﺍﻟﻤﻜﺎﻥ ..
ﻣﺠﺮﺩ ﺗﺸﻤﻪ ﺗﻨﺘﻌﺶ ﻭﻧﻔﺴﻴﺘﻬﺎ ﺗﺮﺗﺎﺡ ..
ﺑﺲ ﻣﺎﻃﻮﻟﺘﺶ ﺣﺎﻟﻪ ﺍﻹﺳﺘﺮﺧﺎﺀ ﺍﻟﻠﻲ ﻫﻲ ﻓﻴﻬﺎ ..
" ﺍﺳﻤﻌﻲ .."
ﻓﻨﺼﺖ ..
ﻭﺍﻟﺘﻔﺘﺖ .. ﺭﻛﺰﺕ ﻋﻠﻴﻪ .. ﻳﺒﺎﻥ ﻋﻠﻴﻪ ﻣﻌﺼﺐ ﻣﻦ ﺣﻄﺔ ﻳﺪﻩ ﻓﺠﻴﺒﻪ ﻭﺭﺟﻠﻪ ﺍﻟﻠﻲ ﺗﻬﺰ .. ﻭﺣﺎﺟﺒﻪ ﺍﻹﻳﺴﺎﺭ ﺍﻟﻤﺮﻓﻮﻉ ﻭﻧﻈﺮﺓ ﻋﻴﻮﻧﻪ ﺍﻟﻠﻲ ﻛﻠﻬﺎ ﻏﻀﺐ ..
ﺍﺷﺮ ﺑﺴﺒﺎﺑﺘﻪ ﻋﻠﻴﻬﺎ ﻭﻫﻮ ﻳﻘﻮﻝ : ﺍﻧﺘﻲ ﺷﻦ ﺗﺒﻲ ﻓﺮﺍﺳﻚ ﺑﺎﻟﺰﺑﻂ ﻭﻳﻦ ﺗﺒﻲ ﺗﻮﺻﻠﻲ !! ؟ ..
ﻫﻲ ﺿﻴﻘﺖ ﻋﻴﻮﻧﻬﺎ ﺑﺈﺳﺘﻐﺮﺍﺏ ﻭﻗﺎﻟﺖ : ﺷﻦ ﺗﻘﻮﻝ؟
ﺍﺷﺮ ﻉ ﻧﻔﺴﻪ ﻭﻫﻮ ﺭﻓﻊ ﺣﻮﺍﺟﺒﻪ ﻗﺎﻝ : ﺍﻧﻲ ﺷﻦ ﻧﻘﻮﻝ؟؟ !!ﻭﻻﺍﻧﺘﻲ ﺍﻟﻠﻲ ﺷﻦ ﺩﻳﺮﻱ؟ﻗﺮﻥ ﺣﻮﺍﺟﺒﻪ ﻭﻛﻤﻞ ﻳﻘﻮﻝ .. ﺍﻧﻲ ﺭﺍﻫﻮ ﻧﺴﺎﻳﺮ ﻭﻧﻔﻮﺕ ﻭﻧﻤﺸﻲ ﻉ ﺣﺴﺎﺏ ﻧﻔﺴﻲ ﻭﻛﻠﻪ ﻉ ﻗﻠﺒﻲ ﺯﻱ ﺍﻟﻌﺴﻞ ﻭﺭﺍﺿﻲ ﺑﻴﻪ .. ﻟﻜﻦ ﺍﻣﺘﻰ ﻣﺎﻧﺤﺲ ﺍﻥ ﻛﺮﺍﻣﺘﻲ ﺑﺪﺕ ﺗﻨﻬﺎﻥ ﻭﺍﻧﻲ ﻣﺎﻟﻴﺶ ﻗﻴﻤﻪ ﻭﻻﻗﺪﺭ ﻋﻨﺪﻙ ﺍﻧﻲ ﻫﻨﻲ ﻻﻧﻌﺮﻑ ﻧﻔﻮﺕ ﻭﻻﻧﺴﺎﻳﺮ ..
ﺭﺯﺍﻥ ﻗﻠﺒﻬﺎ ﻗﺒﻀﻬﺎ : ﺷﻦ ﺗﻘﻮﻝ ﺍﻧﺖ ﺍﻧﻲ ﻣﺶ ﻓﺎﻫﻤﻪ ﻣﻨﻚ ﺷﻲ ..
ﻋﻤﺎﺩ ﺑﺤﺪﻩ : ﻣﺶ ﻓﺎﻫﻤﻪ ﺷﻲ ﻭﻻﺗﺴﺘﻌﺒﻄﻲ !! ﻗﻮﻟﻨﺎﻟﻚ ﺧﻠﻲ ﺗﻌﺎﻣﻠﻚ ﻣﻊ ﻭﻻﺩ ﺍﻟﻌﻴﻠﻪ ﺑﺤﺪﻭﺩ .. ﻗﻠﻨﺎ ﺍﻟﺒﺴﻲ ﻟﺒﺲ ﻣﺤﺘﺮﻡ ﻗﺪﺍﻣﻬﻢ .. ﺷﻌﺮﻙ ﻏﻄﻴﻪ .. ﺍﻟﻜﻼﻡ ﻫﺪﺍ ﺍﻧﻲ ﻗﻠﺘﻪ ﻓﻲ ﺍﻟﺴﺎﺑﻖ ﻭﻻ ﻣﺎﻗﻠﺘﺎﺵ ! ؟ﺑﺎﻟﻄﻴﺐ ﻭﺑﺎﻟﻌﻴﺎﻁ ﻗﻠﺘﻪ .. ﻭﺍﻧﺘﻲ ﻣﺎﺯﺍﻝ ﻣﺴﻜﺮﺓ ﺭﺍﺳﻚ ﻭﻣﺪﺍﻳﺮﺓ ﻣﺎﺗﺒﻲ ﻭﻣﺶ ﺣﺎﺳﺒﺘﻴﻨﻲ ﻣﻮﺟﻮﺩ ﻣﺮﺓ ﻭﺣﺪﻩ ..
ﺭﺯﺍﻥ ﻣﻦ ﻏﻴﺮ ﺷﻲ ﻧﻔﺴﻴﺘﻬﺎ ﺗﺎﻋﺒﻪ ﻣﻨﻪ ﻭﻣﺸﻜﻠﺔ ﺍﻟﻴﻮﻡ ﺯﺍﺩﺗﻬﺎ ﺍﻧﻔﺠﺮﺕ ﻓﻴﻪ ﻣﺮﺓ ﻭﺣﺪﻩ ﻭﻫﻲ ﺗﻘﻮﻝ : ﻭﺍﻟﻠﻪ ﻻﻧﻚ ﻗﺎﺭﻱ ﻓﻴﺎ ﻓﺎﺗﺤﻪ ﻭﻻﺑﻴﻨﻲ ﻭﺑﻴﻨﻚ ﺷﻲ ﺭﺳﻤﻲ ﻣﺶ ﻣﻦ ﺣﻘﻚ ﺗﻔﺮﺽ ﻋﻠﻴﺎ ﺷﻲ .. ﻓﻲ ﺍﻟﺤﺎﺟﺎﺕ ﻫﺪﻱ ﺍﻧﻲ ﻣﺎﻧﺴﻤﻊ ﻛﻼﻡ ﺣﺪ ﺑﻜﻞ ﺍﺧﻄﺎ ﺳﻴﺪﻱ ﻭﺧﻮﺗﻲ ﻭﺑﺲ .. ﻳﻌﻨﻲ ﻣﺎﻟﻜﺶ ﺍﻱ ﺣﻖ ﺗﺤﺴﺎﺑﻨﻲ .. ﻓﻬﻤﺖ ..!!.
ﻭﻣﺸﺖ ﻣﻦ ﺣﺪﺍﻩ ﻭﺧﻼﺗﻪ ﻭﺍﻗﻒ ﻣﺼﺪﻭﻡ ﻭﻫﻮ ﻳﺘﺒﻊ ﻓﻴﻬﺎ ﺑﻌﻴﻮﻧﻪ ..
ﻓﻌﻼ ﻋﻤﺎﺩ ﻓﻬﺎﻟﻠﺤﻈﻪ ﺣﺲ ﺍﻧﻪ ﻧﺰﻝ ﻣﻦ ﻧﻔﺴﻪ ﻫﻠﺒﻪ .. ﻭﺍﻥ ﻣﻌﺎﻣﻠﺘﻪ ﻟﻴﻬﺎ ﻫﻲ ﺍﻟﻠﻲ ﺧﻠﺘﻬﺎ ﻣﺎﺩﻳﺮﻻﺵ ﻗﺪﺭ ﻭﻻﺗﺤﺘﺮﻣﻪ ..
ﻃﻮﻝ ﻣﺸﻲ .. ﻟﺴﻴﺎﺭﺗﻪ .. ﻭﻫﻮ ﻓﻘﻤﺔ ﺍﻟﻐﻀﺐ ..
ﻓﺘﺢ ﺍﻟﺒﺎﺏ ﻭﺭﻛﺒﻬﺎ ﻭﺗﺤﺮﻙ ...
ﻣﺘﻮﺟﻪ ﻟﻄﺮﺍﺑﻠﺲ ...
🍁 ﻭﻫﻲ ﻓﺪﺍﺭﻫﺎ ﻣﻨﻬﺎﺭﻩ ﺑﺎﻟﺒﻜﻲ ﻭﻗﻠﺒﻬﺎ ﻭﺍﺟﻌﻬﺎ ﻫﻠﺒﻪ 🍁
🍁🍁🍁🍁
ﺍﺻﻮﺍﺕ ﻫﺪﺭﺯﺓ ﻭﺿﺤﻚ ..
ﻳﺴﻤﻊ ﻓﻴﻬﻢ ﻭﻫﻮ ﻧﺎﺯﻝ ﻣﻦ ﺍﻟﺪﺭﻭﺝ ..
ﻭﺻﻞ ﻟﻮﻃﺎ ..
" ﻻﻻﻻﻫﻠﺒﻪ ﻫﻜﻲ ﺑﺎﺑﺎ ﺍﻧﻲ ﺑﻨﺖ ﻋﺎﺩﻳﻪ ﻣﺶ ﺳﻮﺑﺮ ﻭﻣﺎﻥ "
ﺍﺑﺘﺴﻢ ﻧﺺ ﺍﺑﺘﺴﺎﻣﻪ ..
ﻭﻣﺸﻲ ﻛﻤﻞ ﻃﺮﻳﻘﻪ ﻟﻠﺼﺎﻟﻪ ..
ﻓﺮﺡ : ﺗﺒﻲ ﻏﺪﻱ ﺍﻟﺠﻤﻌﻪ ﺍﻟﻠﻲ ﻗﻠﺖ ﻋﻠﻴﻪ ﻗﻮﻝ ﻟﻜﻨﻜﻮﻧﺎﺗﻚ ﻳﻌﺎﻭﻧﻮﻧﻲ ..
ﺿﺤﻜﻮﺍ ..
ﻭﺣﺪﻩ ﻣﻦ ﺍﻟﻜﻨﺎﻳﻦ؛ﺍﻧﻲ ﻋﻠﻴﺎ ﺍﻟﻤﺒﻄﻦ ..
ﺍﻟﺘﺎﻧﻴﻪ : ﺍﻧﻲ ﺍﻟﻤﺤﺸﻲ ..
ﺍﻟﺘﺎﻟﺘﻪ : ﺍﻟﺪﺟﺎﺝ ﻓﻲ ﺍﻟﻜﻮﺷﻪ ﺍﻧﻲ ﻣﺎﻻ ..
ﺍﻡ ﻓﺮﺡ ﺑﻀﺤﻜﻪ : ﻭﺍﻫﻮ ﻳﺎﺷﻨﻌﻮﺑﻪ ﻣﺎﻗﻌﺪﻟﻚ ﺷﻲ ﻛﺎﻥ ﺍﻟﻔﺎﺻﻮﻟﻴﺎﺀ ﺑﺲ
ﻓﺮﺡ ﺑﺘﻔﻨﻴﺼﻪ : ﻻ ﻭﻳﻦ ﺍﻟﻔﺎﺻﻮﻟﻴﺎ ﺑﺲ !! ﻭﺍﻟﺴﻼﻃﻪ ﺍﻟﻤﺸﻮﻳﻪ ﻭﺍﻟﻤﻘﻠﻴﻪ ﻭﺍﻟﺴﻼﻃﻪ ﺍﻟﺨﻀﺮﺍ .. ﻭﺍﻟﻔﻮﺍﻛﻪ .. ﻭﺍﻟﺤﻠﻮ .. ﻭﺍﻟﻞ .. ﻗﻌﺪﺕ ﺗﺘﻨﻔﺲ ﺑﻘﻮﺓ ﺗﺼﻨﻌﺎ ﻭﺑﻌﺪﻫﺎ ﻗﺎﻟﺖ .. ﺩﻫﺸﺖ ..
ﺿﺤﻜﻮﺍ ..
ﺑﻮﻫﺎ ﺑﻀﺤﻜﻪ : ﺑﺎﻫﻲ ﺍﻟﻤﻬﻢ ﺍﻟﻠﻲ ﻧﺒﻴﻪ ﺗﺴﺘﺮﻭﻧﻲ ﻗﺪﺍﻡ ﺍﻟﺮﺍﺟﻞ ..
ﻓﺮﺡ : ﻋﻴﺐ ﻳﺎ ﻗﺎﻳﺪ ﺩﻳﻤﺎ ﻣﺸﺮﻓﻴﻨﻚ ﺣﻨﻲ ..
ﺧﺶ ﻋﻠﻴﻬﻢ : ﺩﻭﺓ ﺩﻭﺓ ﺩﻭﺓ ﺩﻭﺓ .. ﻟﺴﺎﻧﻚ ﻣﺎﻳﻌﻴﺎﺵ ..
ﻭﺍﺣﺪ ﻣﻦ ﺧﻮﺗﻪ : ﺍﻭﻭﻭ ﺯﻳﻦ ﺑﺎﺷﺎ ﺟﺎﻧﺎ ﻛﺒﻴﺮﺓ ..
ﻭﻗﻒ ﺣﺪﺍ ﺍﻣﻪ ﻣﺪ ﻳﺪﻩ ..
ﺿﺤﻜﺖ ﺣﻄﺘﻠﻪ ﻛﻤﺸﺔ ﻟﻮﺯ ﻓﻴﻬﺎ ..
ﺧﺪﺍﻩ ﻭﺭﻓﻊ ﻳﺪﻩ ﻭﻫﻮ ﻳﻘﻮﻝ : ﺷﻦ ﺟﻮﻛﻢ ..
ﺧﻮﺗﻪ ﺑﺄﺻﻮﺍﺕ ﻣﺘﻘﻄﻌﻪ : ﺗﻤﺎﻡ .. ﻣﻠﻴﺢ .. ﺍﻟﺤﻤﺪ ﻟﻠﻪ ..
ﺍﻣﻪ : ﻗﻌﻤﺰ ..
ﺯﻳﻦ ﻭﻫﻮ ﻳﺎﻛﻞ ﻓﺎﻟﻠﻮﺯ : ﺍﻣﻢ .. ﻃﺎﻟﻊ ..
ﺑﻮﻩ : ﺷﻦ ﻳﺼﻴﺮ ﻛﺎﻥ ﻗﻌﺪﺕ ﻣﻌﺎﻧﺎ ﻧﻬﺎﺭ !! ﺣﺘﻰ ﺷﻜﻠﻚ ﻧﺎﺳﻴﻪ ..
ﺿﺤﻜﻮﺍ ..
ﻓﺮﺡ ﻭﻫﻲ ﺗﻀﺤﻚ ﺑﺸﻘﺎﻭﺓ : ﺗﻮ ﻗﺮﻳﺐ ﺍﻥ ﺷﺎﺀ ﺍﻟﻠﻪ ﻳﻘﻌﻤﺰ ﺗﻘﻌﻴﻤﺰﺓ ﺧﻮﺗﻪ .. ﺍﺷﺮﺕ ﻉ ﻣﻜﺎﻥ ﺗﻘﻌﻤﻴﺰ ﺍﻟﻜﻨﺎﻳﻦ .. ﻭﻛﻨﻴﻨﻪ ﺭﺍﺑﻌﻪ ﺗﻜﻤﻞ ﺍﻟﺘﺸﻜﻴﻠﻪ ﻫﻨﻲ ..
ﻫﻮ ﻓﻨﺺ ﻓﻴﻬﺎ ..
ﺍﻣﻪ ﺷﺒﺤﺘﻠﻪ ﺑﻤﻔﺎﺟﺄﺓ ﻗﺎﻟﺖ : ﺣﻖ !!
ﺑﻮﻩ : ﺯﻳﻦ ﺍﻟﺪﻳﻦ ..!!
ﻭﺍﺣﺪﻣﻦ ﺧﻮﺗﻪ؛ﻫﻬﻬﻬﻬﻬﻬﻪ .. ﻭﺍﺧﻴﺮﺍ ..
ﺯﻳﻦ ﻭﻫﻮ ﻳﻔﻨﺺ : ﺷﻦ ﻓﻬﻤﺘﻮﺍ ﺍﻧﺘﻢ !! ﻣﺎﺗﻌﺮﻓﻮﻫﺎﺵ ﺍﻟﻤﺨﺘﺸﻪ ﻫﺎﺩﻱ ... ﺗﻬﺘﺮﻱ !! ؟؟
ﺍﻣﻪ ﺑﻀﺤﻜﻪ : ﻭﺑﺎﻫﻲ ﺧﻴﺮﻩ ﻭﺟﻬﻚ ﻭﻻ ﺍﻟﻮﺍﻥ ..
ﺷﺒﺢ ﻟﻨﺴﺎﻭﻳﻦ ﺧﻮﺗﻪ ﻟﻘﺎﻫﻢ ﺷﺎﺩﻳﻦ ﺿﺤﻜﺘﻬﻢ ﺍﻧﺤﺮﺝ ﻉ ﺍﻵﺧﺮ ﻭﻗﺎﻝ : ﺑﻜﻞ ﻳﺎﻡ ﺣﺘﻰ ﺍﻧﺘﻲ ..
ﻭﻣﺸﻲ ﻣﻦ ﺣﺪﺍﻫﻢ ﺑﻌﺪ ﻋﻄﻲ ﻧﻈﺮﻩ ﻭﺍﻋﺮﻩ ﻷﺧﺘﻪ ..
ﻭﻫﻲ ﺗﻀﺤﻚ ﻭﻫﻤﺎ ﻛﺬﻟﻚ ﻳﻀﺤﻜﻮﺍ ﻋﻠﻴﻪ ..
ﺍﻣﻬﺎ : ﻏﻴﺮ ﻗﻮﻟﻲ ﻓﺮﻭﺣﻪ ﺷﻦ ﻓﻲ ..
ﻓﺮﺡ ﺑﻀﺤﻜﻪ : ﻣﺶ ﺗﻮﺍ ﺍﻣﺘﻰ ﺗﺼﻴﺮ ﺣﺎﺟﻪ ﻗﻮﻳﻪ ﺗﻮ ﻧﺤﻜﻴﻠﻜﻢ ..
ﺑﻮﻫﺎ : ﺭﺑﻲ ﻳﻔﺮﺣﻨﺎ ﺑﻴﻪ ﻋﺎﺟﻼ ﻏﻴﺮ ﺍﺟﻞ ..
ﺍﻣﻪ : ﺁﻣﻴﻦ ..
ﻓﺮﺡ ﺑﺈﺑﺘﺴﺎﻣﻪ : ﺁﻣﻴﻦ ...
ﺭﺟﻌﻮﺍ ﻟﻬﺪﺭﺯﺗﻬﻢ ﺍﻷﻭﻟﻰ ...
ﺑﻌﺪ ﻟﺤﻈﺎﺕ ..
ﻭﺻﻠﺖ ﺭﺳﺎﻟﻪ ﻟﻔﺮﺡ ﻉ ﺗﻠﻴﻔﻮﻧﻬﺎ ..
ﻓﺘﺤﺘﻬﺎ ..
‏( ﺗﺤﻤﻠﻲ ﻣﺎﻳﺠﻴﻚ ‏)
ﺿﺤﻜﺖ ﻭﻫﻲ ﺗﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﺭﺟﻌﺖ ﻟﻬﺖ ﻣﻌﺎﻫﻢ ﻓﻲ ﺍﻟﻬﺪﺭﺯﺓ ﻛﺎﻧﻮﺍ ﻳﻀﺤﻜﻮﺍ ﻫﻲ ﺑﺤﻤﺎﺱ ﺳﺄﻟﺖ : ﺷﻦ ﻫﻲ ﺷﻦ ﻫﻲ ﺭﻳﻤﻪ .. ﻋﺎﻭﺩﻱ ..
🌴🌴🌴🌴🌴🌴
ﻓﻲ ﺍﻟﻜﻮﺟﻴﻨﻪ ..
ﻭﻫﺪﻯ ﺍﻟﻠﻲ ﺻﺎﺭ ﻳﺎﺳﻴﺪﻱ ..
ﻫﺎﻧﻴﺒﺎﻝ : ﺗﺲ ﺗﺲ ﺗﺲ ..
ﻣﻦ ﺍﻟﺮﻭﺷﻦ ..
ﻣﺮﻭﺍﻥ : ﻻﺣﻮﻝ ﻭﻻﻗﻮﺓ ﺍﻻﺑﺎﻟﻠﻪ ..
ﺣﻤﺰﺓ : ﺩﻭﺓ ﻓﺎﺿﻴﻪ ﺻﺎﺭ ﻣﻦ ﻭﺭﺍﻫﺎ ﻫﺪﺍ ﻛﻠﻪ ..
ﻫﺎﻧﻴﺒﺎﻝ : ﻋﺮﺍﻙ ﻧﺴﺎﻭﻳﻦ ﻭﺍﻟﺸﻴﻄﺎﻥ ﺧﺶ ﻓﻴﻪ ﺷﻦ ﻣﺘﻮﻗﻊ ..
ﻏﺎﻟﻴﻪ : ﺻﺪﻗﺖ ..
ﻉ ﺧﺸﺔ ﺯﻳﻨﺐ ﻭﻫﻲ ﺗﻀﺤﻚ : ﻳﺎﻭﺍﻟﻠﻪ ﻋﻠﻴﻚ ﺟﻮ ..
ﻛﻠﻬﻢ ﺍﺳﺘﻐﺮﺑﻮﺍ ..
ﻏﺎﻟﻴﻪ : ﺧﻴﺮﻙ ..
ﺯﻳﻨﺐ ﺑﻀﺤﻜﻪ : ﻋﻴﺖ ﺧﺎﻟﻲ ﺣﺎﻟﻔﻴﻦ ﻣﺎﻳﺎﺧﺪﻭﺍ ﻏﻴﺮ ﻣﻦ ﻫﻨﻲ ﺷﻮﺭﻫﻢ ..
ﺿﻴﻖ ﻫﺎﻧﻴﺒﺎﻝ ﻋﻴﻮﻧﻪ ﻭﻣﺮﻭﺍﻥ ﻭﺣﻤﺰﺓ ﻣﺮﻛﺰﻳﻦ ..
ﻏﺎﻟﻴﻪ ﺑﻀﺤﻜﻪ : ﻛﻴﻒ؟
ﺯﻳﻨﺐ : ﺍﻣﻴﻨﻪ ﺗﻮﺍ ﻛﻠﻤﺖ ﻧﻌﻴﻤﻪ ﻉ ﻧﻮﺭ ..
ﻣﺮﻭﺍﻥ ﺭﻓﻊ ﺣﺎﺟﺒﻪ ﻭﻗﺎﻝ : ﻭﻫﻲ ﺷﻦ ﻗﺎﻟﺖ ..
ﺯﻳﻨﺐ : ﻃﻠﻌﺖ ﻣﻦ ﺣﺪﺍﻫﻢ ﻗﺒﻞ ﺗﺮﺩ ﺧﺎﻟﺘﻚ ..
ﻫﺰ ﻣﺮﻭﺍﻥ ﺭﺍﺳﻪ ﺑﺈﻳﺠﺎﺏ ﻭﺣﻤﺰﺓ ﻳﺸﺒﺤﻠﻪ ...
ﻫﺎﻧﻴﺒﺎﻝ : ﺍﻟﻤﻬﻢ ﺗﻮﺍ .. ﺣﻨﻲ ﺍﻥ ﺷﺎﺀ ﺍﻟﻠﻪ ﺑﻨﺘﻮﻛﻠﻮﺍ ﺍﻟﺨﻤﻴﺲ ﺍﻟﺠﺎﻱ ..
ﺻﺪﺭ ﺯﻳﻨﺐ ﺍﻧﻐﻢ ..
ﻭﻏﺎﻟﻴﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺑﻴﻨﻤﺎ ﻭﻻﺩ ﺧﻮﺍﺗﻪ ﻭﺟﻮﻫﻬﻢ ﺗﻐﻴﺮﺕ ..
ﻫﺎﻧﻴﺒﺎﻝ : ﺑﻌﺪ ﺍﻟﻠﻲ ﺳﻤﻌﺘﻪ ﻣﻦ ﻏﺎﻟﻴﻪ ﺣﻄﻴﺖ ﺍﻳﺪﻱ ﻉ ﻗﻠﺒﻲ .. ﻭﻣﺎﻧﻴﺶ ﻋﺎﺭﻑ ﺷﻦ ﻣﺎﺯﺍﻝ ﻳﺼﻴﺮ ﺍﻟﻘﺪﺍﻡ .. ﺍﻣﻮﺭ ﻭﺍﺟﺪﻩ ﺷﺎﻏﻠﻪ ﻋﻘﻠﻲ .. ﻟﻮﻻ ﺍﻟﻜﻠﻤﻪ ﺍﻟﻠﻲ ﻋﻄﻴﺘﻬﺎ ﻟﺒﻨﺖ ﺍﻟﻨﺎﺱ ﻭﺍﻟﻠﻪ ﻣﻦ ﻫﻨﻰ ﻣﺎﺗﺤﺮﻛﺖ ..
ﻛﻠﻬﻢ ﻳﺴﻤﻌﻮﻟﻪ ﻭﺧﻮﻓﻪ ﺍﻧﺘﻘﻠﻠﻬﻢ ..
ﻫﺎﻧﻴﺒﺎﻝ : ﻧﺸﻮﻑ ﻓﻴﻜﻦ ﺍﻧﺘﻦ ﺍﻟﻜﺒﻴﺮﺍﺕ ﺭﺍﻫﻮ ﻟﻤﻦ ﺍﻟﻌﻴﻠﻪ ﻉ ﻗﺪ ﻣﺎﺗﻘﺪﺭﻥ ﺭﺍﻫﻮ ﻛﻞ ﺷﻲ ﺑﺈﻳﺪ ﺍﻟﻨﺴﻮﺍﻥ .. ﻳﺎﻫﻦ ﺍﻟﻠﻲ ﻳﻠﻤﻦ ﻳﺎﻫﻦ ﺍﻟﻠﻲ ﻳﺸﺮﺗﻌﻦ .. ﺭﺩﻥ ﺑﺎﻟﻜﻦ .. ﻣﺎﻧﺒﻮﺍ ﺍﻟﻠﻲ ﻧﺴﻤﻌﻮﺍ ﺑﻴﻪ ﻳﺼﻴﺮ ﻋﻨﺪ ﻧﺎﺱ ﻳﺼﻴﺮ ﻟﻨﺎ .. ﻭﻧﻘﻌﺪﻭﺍ ﺑﻌﺪﻳﻦ ﻛﻴﻒ ﺍﻟﺨﺒﺰﺓ ﻭﺍﻟﻜﻌﻚ ﻳﻌﺪﻭﻧﺎ ﻣﻊ ﺍﻟﺸﺎﻫﻲ ﻓﻠﻤﺎﺗﻬﻢ ﻭﻫﺪﺍﺭﺯﻫﻢ .. ﻋﻤﺮﻫﺎ ﻣﺎﺻﺎﺭﺕ ﻭﻻ ﻧﺒﻮﻫﺎ ﺗﺼﻴﺮ .. ﺳﻤﻌﺘﻮﺍ؟
ﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ..
ﺷﺒﺢ ﻟﻐﺎﻟﻴﻪ ﻭﻗﺎﻝ : ﺳﻘﺪﻱ ﺑﺎﻟﺸﺎﻫﻲ .. ﺷﺒﺢ ﻟﻠﻮﻻﺩ ﻣﻦ ﺍﻟﺮﻭﺷﻦ .. ﻭﺍﺑﻌﺘﻴﻪ ﻣﻊ ﻭﺍﺣﺪ ﻣﻦ ﺍﻟﺸﺒﺎﺏ .. ﻭﻟﻒ ﻭﻃﻠﻊ ..
ﻣﺠﺮﺩ ﻣﺸﻲ ..
ﺯﻳﻨﺐ ﻃﻠﻌﺖ ﺣﺘﻰ ﻫﻲ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻏﺎﻟﻴﻪ ﻏﻴﺮﺕ ﻋﻴﻮﻧﻬﺎ ﻟﻠﺒﺮﺍﺩ ﻭﻫﻲ ﺗﺸﻮﻓﻠﻪ ﺑﺤﺰﻥ ﻭﻗﻌﺪﺕ ﺗﺮﺍﺟﻲ ﺍﻣﺘﻰ ﻳﻄﻴﺐ ..
ﻭﺍﻟﻮﻻﺩ ﻗﻌﺪﻭﺍ ﺳﺮﺣﺎﻧﻴﻦ ﻭﻳﻔﻜﺮﻭﺍ ﻓﻜﻼﻡ ﺧﺎﻟﻬﻢ ..
🍁🍁🍁🍁
ﻗﺎﻟﺖ ﻻ ﺭﺩﺗﻬﻢ ..
ﻣﺎﻟﻚ ﺑﺤﺪﻩ : ﻭﻳﻦ ﺷﺎﻳﻔﻚ ﻭﻟﺪﻫﺎ ﻫﻮ ..
ﻧﻮﺭ : ﻣﺎﻧﻌﺮﻓﺶ ﺍﻧﻲ ﺍﺻﻼ ﻣﺎﻃﻠﻌﺘﺶ ﻣﻦ ﺍﻟﺤﻮﺵ ﺑﻜﻞ ..
ﻣﺎﻟﻚ : ﻣﺘﺄﻛﺪﻩ ! ؟؟
ﻧﻮﺭ : ﻣﺎﺍﺍﻟﻚ ..
ﻏﻤﺾ ﻋﻴﻮﻧﻪ ﺑﻐﻀﺐ ﻭﻗﺎﻝ : ﻣﺎﺗﻌﻴﻄﻴﺶ ﻉ ﻓﻴﺔ ﺍﺻﻠﻲ ﻣﺎﺍﺗﻌﻠﻴﺶ ﺻﻮﺗﻚ .. ﻓﺘﺢ ﻋﻴﻮﻧﻪ ﻭﻗﺎﻝ .. ﻭﻟﺪﻫﺎ ﻫﻮ ﺍﻟﻠﻲ ﺑﺎﻋﺘﻬﺎ ﻫﻜﻲ ﺍﻣﻲ ﻗﺎﻟﺖ ..
ﻧﻮﺭ : ﺭﺑﻲ ﻳﻬﺪﻳﻬﺎ ..
ﻣﺎﻟﻚ : ﺗﻜﻠﻤﻲ ﻛﻮﻳﺲ ..
ﻧﻮﺭ : ﺍﻧﻲ ﺷﻦ ﻗﻠﺖ .. ﻣﺎﻗﻠﺖ ﺷﻲ ..
ﻣﺎﻟﻚ؛ﻓﻜﻴﻨﻲ ﻣﻦ ﺍﻟﻘﻄﺎﻑ ﺍﻟﺰﺍﻳﺪ ﻭﺍﺳﻤﻌﻴﻨﻲ ﺟﺎﻱ .. ﺍﻧﻲ ﺑﻮﻙ ﺑﻨﻜﻠﻤﻪ ﺗﻤﺎﻡ ..
ﻧﻮﺭ : ﻛﻠﻤﻪ ﻛﺎﻥ ﺗﺒﻴﻪ ﻳﺮﺩﻙ ﻛﻠﻤﻪ .. ﻭﺍﺫﻛﺮ ﺍﻧﻲ ﻧﺒﻬﺘﻚ .. ﺗﻤﺎﺍﺍﻡ ..
ﺯﺑﻄﻬﺎ ﺑﺘﺼﻜﺮ ﻗﺎﻝ ﺑﺼﻮﺕ ﻋﺎﻟﻲ : ﺑﻴﻨﻲ ﻭﺑﻴﻨﻚ ﻳﺎﻧﻮﺭ ﺗﺼﻜﺮﻱ ﻓﻮﺟﻬﻲ ﺗﻮﺍ ..
ﻏﻤﻀﺖ ﻋﻴﻮﻧﻬﺎ ﻣﺤﺎﻭﻟﺔ ﻣﻨﻬﺎ ﻟﺘﻬﺪﺋﺔ ﻧﻔﺴﻬﺎ ..
ﻣﺎﻟﻚ : ﺑﻨﻜﻠﻤﻪ ﻳﻌﻨﻲ ﺑﻨﻜﻠﻤﻪ ... ﻭﺻﻜﺮ ﻋﻠﻴﻬﺎ ..
ﻧﻮﺭ ﺣﻮﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ ﻭﻗﺎﻟﺖ : ﻣﺎﻓﻴﺶ ﻓﺎﻳﺪﻩ ..
🍁🍁🍁🍁
ﻓﻌﻼ ﻣﻦ ﺍﻟﺤﺮﺍﺭﺓ ﺍﻟﻠﻲ ﻛﺎﻧﺖ ﺭﺍﻛﺒﺎﺗﻪ ﻣﻦ ﻏﻴﺮﺗﻪ ﻭﻓﺘﺢ ﺍﻟﻤﻮﺿﻮﻉ ﻣﻊ ﻋﺒﺪﺍﻟﺴﻼﻡ ..
ﻟﻸﺳﻒ ﻣﺎﻟﻚ ﺍﺭﺗﻜﺐ ﻏﻠﻄﻪ ﻟﻤﺎ ﺗﻌﺪﺍ ﺑﻮﻩ ﻭﻛﻠﻢ ﺭﺍﺟﻞ ﺧﺎﻟﺘﻪ ﻣﻨﻪ ﻟﻴﻪ ..
ﻭﻋﺒﺪﺍﻟﺴﻼﻡ ﺭﺩ ﻃﻮﻝ .. ﻭﻗﺎﻝ ﺑﻌﺪ ﺗﺘﺨﺮﺝ ﻣﻤﻜﻦ ﻧﻔﻜﺮ ﻓﻲ ﺍﻟﻤﻮﺿﻮﻉ ..
ﻭﺍﻟﺮﺩﺓ ﺍﺣﺮﺟﺖ ﻣﺎﻟﻚ ﻫﻠﺒﻪ ﺧﺼﻮﺻﺎ ﺍﻥ ﺍﺳﻠﻮﺏ ﻋﺒﺪﺍﻟﺴﻼﻡ ﻛﺎﻥ ﺣﺎﺩ ﺷﻮﻳﻪ .. ﻷﻧﻪ ﺗﻠﻘﺎﺋﻴﺎ ﺍﺳﺘﻨﺘﺞ ﺍﻥ ﻓﻲ ﺷﻲ ﺑﻴﻦ ﻣﺎﻟﻚ ﻭﺑﻨﺘﻪ ..
🍁🍁🍁🍁
ﻣﺮ ﻋﻘﺎﺏ ﺍﻟﻴﻮﻡ ﻛﻴﻒ ﻣﺎﻣﺮ ..
ﻭﺍﻟﻴﻮﻡ ﺍﻟﻠﻲ ﺑﻌﺪﻩ
ﺍﻟﺠﻤﻌﻪ ... ﺍﻟﺼﺒﺢ ..
ﺍﻟﻠﻲ ﻫﺎﺩﻱ ﺭﻭﺣﺖ .. ﺑﺮﻏﻢ ﺍﻧﻬﻢ ﻛﺎﻧﻮﺍ ﻧﺎﻭﻳﻴﻦ ﺍﻟﻤﺮﻭﺍﺡ ﻧﻬﺎﺭ ﺍﻟﺴﺒﺖ ﺑﺲ ﺍﻟﺠﻮ ﺍﻟﻠﻲ ﺗﻠﺨﺒﻂ ﻓﺠﺄﺓ ﺧﻼﻫﻢ ﻏﻴﺮﻭﺍ ﺭﺍﻳﻬﻢ ...
🍁🍁🍁
ﺍﻣﺎ ﺑﺎﻟﻨﺴﺒﻪ ﻟﻌﺮﺏ ﺳﺮﺕ ﻓﻤﺮﻭﺍﺣﺘﻬﻢ ﻛﺎﻧﺖ ﺍﻟﻌﺸﻴﻪ ﻷﻥ ﻃﻴﺮﺍﺗﻬﻢ ﻳﻮﻡ ﺍﻟﺴﺒﺖ ﺍﻟﺼﺒﺢ ...
🍃🍃🍃🍃
ﻭﻋﺪﺕ ﺑﺎﻗﻲ ﺍﻳﺎﻡ ﺍﻟﻌﻄﻠﻪ ...
ﻭﻛﺎﻧﻮﺍ ﺍﻳﺎﻡ ﺻﻌﺒﻪ ﻫﻠﺒﻪ ﻉ ﺭﺯﺍﻥ ﺍﻟﻠﻲ ﻋﻤﺎﺩ ﻓﺎﺗﻬﺎ ﻣﺮﺓ ﻭﺣﺪﻩ ..
ﻭﺣﺘﻰ ﺍﻟﻔﻴﺲ ﻣﻌﺎﺵ ﺧﺶ ﻟﻴﻪ ﻭﻗﺖ ..
ﺑﻌﺪﻩ ﻫﺪﺍ ﺧﻼﻫﺎ ﺧﺸﺖ ﺣﺎﻟﻪ ﺍﺷﺒﻪ ﺑﺎﻟﻜﺂﺑﻪ .. ﻭﺯﺍﺩﻫﺎ ﻉ ﻣﺎ ﺑﻴﻬﺎ ﻋﻘﻠﻬﺎ ﺍﻟﻠﻲ ﻗﺎﻟﻠﻬﺎ ﺍﻧﻪ ﺍﻛﻴﺪ ﻣﻔﻮﺕ ﺍﻟﻮﻗﺖ ﻣﻊ ﻏﻴﺮﻫﺎ ..
🍁 ﺑﺲ ﻫﻮ ﻣﺴﻜﻴﻦ ﻛﺎﻥ ﺗﺎﻋﺐ ﻫﻠﺒﻪ ﻣﻦ ﻏﻴﺮﻫﺎ ..
ﺑﻌﺪ ﻋﻨﻬﺎ ﻏﺼﺐ ﻋﻨﻪ ﻳﺒﻴﻬﺎ ﺗﺤﺲ ﺑﻘﻴﻤﺘﻪ ﻭﻓﻨﻔﺲ ﺍﻛﺮﺍﻣﺎ ﻟﻜﺮﺍﻣﺘﻪ ﺍﻟﻠﻲ ﺣﺲ ﺍﻥ ﺭﺯﺍﻥ ﻗﺎﻋﺪﻩ ﺗﻬﺪﺭ ﻓﻴﻬﺎ ..
ﺑﺲ ﺍﻟﻘﻠﺐ ﺍﻷﺣﺮﻑ ﻣﺎﻫﻨﺎﺷﻲ .. ﻳﻮﻣﻴﺎ ﻳﺘﺼﻞ ﺑﻐﺎﻟﻴﻪ ﻭﻳﺴﺎﻝ ﻋﻨﻬﺎ ﻭﻳﻮﺻﻴﻬﺎ ﻭﻳﺤﻠﻔﻬﺎ ﻣﺎﺗﻘﻮﻟﺶ ..
ﻭﻫﻲ ﻣﻦ ﻏﻴﺮ ﺷﻲ ﻣﺶ ﺣﺘﻘﻮﻝ ﻻﻧﻬﺎ ﺗﺒﻲ ﻫﺎﻟﺘﺄﺩﻳﺒﻪ ﻟﺮﺯﺍﻥ ﻣﻦ ﺯﻣﺎﻥ ...
🍃🍃🍃
ﻣﻦ ﺟﻬﺔ ﺗﺎﻧﻴﻪ ..
ﻛﺎﻧﻮﺍ ﻣﺮﺍﻡ ﻭﻫﺎﻧﻴﺒﺎﻝ ﻳﺠﻬﺰﻭﺍ ﻓﺎﻧﻔﺴﻬﻢ ﻟﻠﺴﻔﺮ .. ﺷﺮﻭﺍ ﺣﻮﺍﻳﺞ ﻭﺑﻀﺎﻋﻪ ﺑﺶ ﻳﺮﻓﻌﻮﻫﻢ ﻣﻌﺎﻫﻢ .. ﻭﺭﺗﺒﻮﺍ ﺍﻣﻮﺭﻫﻢ ﻛﻠﻬﺎ ..
ﻗﻬﻮﺓ ﻫﺎﻧﻴﺒﺎﻝ ﺳﻠﻤﻬﺎ ﻟﻤﺤﻤﺪ ﻳﺪﻳﺮﻫﺎ ... ﻭﺳﻨﺪ ﻣﻌﺎﻩ ﻳﺴﺎﻋﺪﻩ ﻓﻴﻬﺎ ﻣﺮﺓ ﻣﺮﺓ ...
ﺍﺗﻔﻖ ﻛﺬﻟﻚ ﻫﻮ ﻭﺿﻮ ﺑﻌﺪ ﻳﻄﻠﻊ ﻛﻞ ﺍﺛﺎﺛﻪ ﺍﻟﻠﻲ ﻋﻨﺪﻩ ﻓﻲ ﺍﻟﺸﻘﻪ .. ﻳﺤﻄﻮﻩ ﻓﺸﻘﺘﻪ ﻭﻫﻤﺎ ﺣﺎﺟﺎﺕ ﺑﺴﻴﻄﻪ ﺍﺛﻘﻞ ﺷﻲ ﻓﻴﻬﻢ ﺩﺍﺭ ﺍﻟﻨﻮﻡ ..
🍃🍃🍃
ﺍﻣﺎ ﻋﻤﺮ ...
ﻓﻤﻮﺿﻮﻉ ﻋﺮﺳﻪ ﺗﻢ ﻟﻤﺎ ﺣﺪﺩﻭﺍ ﻓﺎﻃﻤﻪ ﻭﺍﻡ ﻟﻤﻴﺎﺀ ﺍﻟﻌﺮﺱ ﺑﺘﺎﺭﻳﺦ ...5\15
ﻭﻋﻤﺮ ﺑﺪﻱ ﻳﺠﺮﻱ ﻉ ﺣﺎﻟﻪ ﻭﻳﻠﻘﻂ ﺑﺎﺵ ﻳﺪﻳﺮ ﺍﻟﻌﺮﺱ ...
ﻭﻟﻤﻴﺎﺀ ﻛﺬﻟﻚ ﺑﺪﺕ ﺗﻮﺗﻲ ﻣﻌﺎﺵ ﻣﺎﺯﺍﻝ ﺷﻲ ..
🍁🍁🍁🍁
ﻣﻘﻌﻤﺰﺓ ﻗﺪﺍﻡ ﺍﻟﺘﻠﻔﺰﻳﻮﻥ ﺣﺎﻃﻪ ﻉ ﻗﻨﺎﺓ ﺳﻤﻴﺮﺓ ..
ﻏﺎﻟﻴﻪ : ﺣﻠﻮ ... ﻭﺑﺪﺕ ﺗﻜﺘﺐ ﺍﻟﻠﻲ ﺗﺸﻮﻑ ﻓﻴﻪ ..
ﺷﻮﻳﻪ ﺭﻥ ﺗﻠﻴﻔﻮﻧﻬﺎ ..
ﻃﻠﻘﺖ ﺍﻟﻠﻲ ﻓﻴﺪﻫﺎ ﺧﺪﺍﺗﻪ ﻭﺷﺎﻓﺖ ﺍﻟﻤﺘﺼﻞ ..
ﻓﺘﺤﺖ ﺍﻟﺨﻂ ﻭﺭﺩﺕ : ﺍﻳﻮﻩ ..
ﺣﻤﻴﺪﻩ : ﺍﻟﺴﻼﻡ ﻋﻠﻴﻜﻢ ..
ﻏﺎﻟﻴﻪ : ﻭﻋﻠﻴﻜﻢ ﺍﻟﺴﻼﻡ ..
ﺣﻤﻴﺪﻩ : ﺍﻣﺘﻰ ﺑﻴﺘﺴﻘﺪ ﻫﺎﻧﻴﺒﺎﻝ ﻟﻄﺮﺍﺑﻠﺲ ..
ﻏﺎﻟﻴﻪ : ﻏﺪﻭﺓ ﺍﻟﻌﺸﻴﻪ ﺇﻥ ﺷﺎﺀ ﺍﻟﻠﻪ ..
ﺣﻤﻴﺪﻩ : ﺑﺎﻫﻲ .. ﺑﺎﻟﺴﻼﻣﻪ .. ﻭﺻﻜﺮﺕ ..
ﺗﻨﻬﺪﺕ ﻏﺎﻟﻴﻪ .. ﺑﻌﺪﻳﻦ ﺣﻮﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ ..
ﻓﺘﺤﺖ ﺍﻟﻨﺖ ..
ﻭﺧﺸﺖ ﻉ ﺍﻟﻔﻴﺲ ..
ﺟﻲ ﺧﺎﻃﺮﻫﺎ ﺗﻜﺘﺐ ﺑﻮﺳﺖ ...
ﻭﻓﻌﻼ ﻛﺘﺒﺖ ..
‏( ﻫﻮﻧﻬﺎ ﻳﺎﺭﺏ ‏) ..
ﻧﺸﺮﺍﺗﻪ ..
ﺑﻌﺪﻳﻦ ﻗﻌﺪﺕ ﺗﺘﺼﻔﺢ ..
ﻟﻌﻨﺪ ﻣﺎﺷﺎﻓﺖ ﻣﻨﺸﻮﺭ ﻟﺮﺯﺍﻥ ..
🌟 ﺟﺮﺣﻲ ﺟﺮﺡ ﻣﺎﻓﺎﺩﻩ ﻓﻬﻴﻢ ..
ﻭﻻﻃﺒﺎﺏ ﻭﻻ ﻟﻘﻮﻟﻪ ﺩﻭﺍﺀ ..
ﺟﺮﺣﻲ ﺟﺮﺡ ﺻﺎﻋﺐ ﻳﺎﺣﻜﻴﻢ ..
ﺟﺮﺡ ﺍﻟﻐﺪﺭ ﻣﻦ ﺑﻌﺪ ﺍﻟﻮﻓﺎ ..
ﻟﻘﺖ ﻋﻠﻴﻪ 20 ﻻﻳﻚ ..
ﺧﺸﺖ ﻉ ﺍﻟﺘﻌﻠﻴﻘﺎﺕ ..
ﻟﻘﺖ ﺑﻨﺎﺕ ﻣﻌﻠﻘﺎﺕ ..
ﻭﻛﻠﻬﻢ ﻳﻮﺍﺳﻮﺍ ﻭﻓﻲ ﺍﻟﻠﻲ ﺩﺍﻳﺮﻳﻦ ﻗﻠﻮﺏ ﻣﻜﺴﻮﺭﺓ ..
ﻭﻟﻘﺖ ﺣﺪﻫﻢ ﻣﻌﻠﻘﻪ .. ﺭﺑﻲ ﻣﺎﻳﺠﺮﺣﻠﻚ ﻗﻠﺐ ..
ﻭﺑﻠﻘﻴﺲ ﺗﺤﺘﻬﺎ .. ﺧﻴﺮﻙ ﺭﻭﺯﺍ ﻭﻓﻲ ﺍﻵﺧﺮ ﻗﻠﺐ ﻣﻜﺴﻮﺭ ..
ﻭﺭﻓﻘﻪ ﻣﻌﻠﻘﻪ ... ﺍﻟﻠﻲ ﻳﻐﺪﺭ ﻳﺠﻴﻪ ﻳﻮﻡ ﻳﻐﺪﺭﻭﺍ ﺑﻴﻪ ..
ﻏﺎﻟﻴﻪ : ﻓﻲ ﺣﺎﺟﻪ ﺻﺎﻳﺮﺓ .. ﻣﺶ ﺑﻼﺵ .. ﺑﺎﻟﺬﺍﺕ ﺗﻌﻠﻴﻖ ﺭﻓﻘﻪ ﻣﺶ ﻣﻦ ﻓﺮﺍﻍ ..
ﻃﻠﻌﺖ ﻣﻦ ﺍﻟﻤﻨﺸﻮﺭ ..
ﻟﻘﺖ ﻋﻨﺪﻫﺎ ﺍﺷﻌﺎﺭﺍﺕ ..
ﺧﺸﺖ ﻋﻠﻴﻬﻢ ﻟﻘﺖ 8 ﺍﻋﺠﺎﺑﺎﺕ ﻉ ﻣﻨﺸﻮﺭﻫﺎ ﻭ 9 ﺗﻌﻠﻴﻘﺎﺕ ..
ﺧﺸﺖ ﺷﺎﻓﺘﻬﻢ ..
ﺍﻭﻝ ﺗﻌﻠﻴﻖ ﺭﺑﺎﺏ .. ﺁﻣﻴﻦ ..
ﺑﻌﺪﻫﺎ ﻋﻤﺎﺩ .. ﻳﺎﺍﺍﺍﺭﺏ ..
ﺍﺿﺎﻳﻘﺖ ..
ﺷﺎﻓﺖ ﺍﻟﺘﻌﻠﻴﻖ ﺍﺍﻟﻲ ﺑﻌﺪﻩ ..
ﺩﻻﻝ .. ﺍﻥ ﻣﻊ ﺍﻟﻌﺴﺮ ﻳﺴﺮﺍ ..
ﺍﺑﺘﺴﻤﺖ ..
ﺑﻌﺪﻫﺎ ﻣﺎﻟﻚ ..
ﻭﺑﺸﺮ ﺍﻟﺼﺎﺑﺮﻳﻦ ..
ﺍﺑﺘﺴﻤﺖ ﺗﺎﻧﻲ ..
ﺑﻌﺪﻩ ﺭﺍﻧﻴﺎ ..
ﻳﺎﺭﺏ ..
ﻭﺑﻌﺪﻫﺎ ﻧﻮﺭ ..
ﻛﺎﻧﺖ ﻛﺎﺗﺒﻪ ﺩﻋﺎﺀ ﺍﻟﻠﻬﻢ ﺍﻧﻲ ﻋﺒﺪﻙ ..
ﺩﺍﺭﺗﻠﻪ ﻻﻳﻚ ..
ﺑﻌﺪﻫﺎ ﺭﺯﺍﻥ ﺩﺍﻳﺮﺓ ﻗﻠﺐ ..
ﻭﺑﻌﺪﻫﺎ ﺣﺪﻫﻢ ..
ﺁﻣﻴﻦ .. ﺭﺑﻲ ﻳﺤﻔﻈﻚ ﺧﻮﻳﻠﻪ ...
ﺍﺑﺘﺴﻤﺖ ﻭﺩﺍﺭﺕ ﻻﻳﻚ ..
ﺑﻌﺪﻫﺎ ﺑﻠﻘﻴﺲ ..
ﺭﺑﻲ ﻳﻌﻄﻴﻚ ﻉ ﻗﻴﺲ ﻧﻴﺘﻚ ﻳﺎﺍﻡ ﻗﻠﺐ ﺍﺑﻴﺾ ..
ﺍﺑﺘﺴﻤﺖ ﻭﺩﺍﺭﺕ ﻻﻳﻚ ..
ﺍﺧﺮ ﺗﻌﻠﻴﻖ .. ﺧﻼﻫﺎ ﺗﻔﻨﺺ ﺑﺼﺪﻣﻪ ..
ﻛﺎﻥ ﻣﻦ ﻧﺠﻤﻲ .. ﻭﺍﻵﻥ ..
ﻫﻮﻥ ﺍﻟﻠﻪ ﻉ ﻗﻠﺐ ﺍﻧﺘﻲ ﺻﺎﺣﺒﺘﻪ ..
ﻏﺎﻟﻴﻪ : ﻳﻌﻄﻴﻨﻲ ﻣﺎﻳﺮﻓﻌﻨﻲ .. ﻃﻮﻝ ﺣﺪﻓﺎﺗﻪ ﻭﻫﻲ ﺗﻘﻮﻝ .. ﻫﺪﻯ ﻣﻨﻴﻦ ﺧﺶ !!
ﻃﻠﻌﺖ ﻣﻦ ﺍﻟﻤﻨﺸﻮﺭ ..
ﺷﻮﻳﻪ ﻭﺟﺘﻬﺎ ﺭﺳﺎﻟﻪ ..
ﺧﺸﺖ ﻋﻠﻴﻬﺎ ﻟﻘﺘﻬﺎ ﻣﻨﻪ ﻫﻮ ..
ﻭﻻﻧﻬﺎ ﻣﺎﺗﻌﺮﻓﺶ ﻫﻠﺒﻪ ﻋﻦ ﺍﻟﻔﻴﺲ ﻭﺑﺮﻧﺎﻣﺠﻪ ..
ﻓﺘﺤﺘﻬﺎ ﻭﻗﺮﺗﻬﺎ ﻭﻫﻲ ﻣﺶ ﻋﺎﺭﻓﻪ ﺍﻧﻪ ﺣﻴﻌﺮﻑ ﺍﻧﻬﺎ ﻗﺮﺗﻬﻢ ..
‏( ﻋﻼﺵ ﺣﺪﻓﺘﻲ ﺗﻌﻠﻴﻘﻲ ‏)
ﻏﺎﻟﻴﻪ : ﻣﺒﺮﺩ ﺩﻣﻚ ..
ﺷﻮﻳﻪ ﺑﻌﺘﻠﻬﺎ ﺗﺤﺘﻬﺎ ﻃﻮﻝ ..
‏( ﻫﻮ ﺩﻋﺎﺀ ﻣﺎﻓﻴﺸﻲ ﺣﺎﺟﻪ ﻏﻠﻂ ‏)
ﻏﺎﻟﻴﻪ : ﻛﻴﻒ ﺍﻟﻤﺮﺍﻫﻘﻴﻦ ﻛﻼﻣﻪ ..
ﺟﺘﻬﺎ ﺭﺳﺎﻟﻪ ﺗﺤﺘﻬﺎ ﻃﻮﻝ ..
‏( ﻗﻮﻟﻴﻠﻲ ﺷﻜﻠﻚ ﺯﻱ ﺍﻟﺼﻮﺭﺓ ﺍﻟﻠﻲ ﺩﺍﻳﺮﺗﻴﻬﺎ ﺑﺮﻭﻓﺎﻳﻞ ﻛﺎﻧﻚ ﺯﻳﻬﺎ ﺑﻨﻜﺒﺪ ‏)
ﻏﺎﻟﻴﻪ : ﻋﻠﻴﻚ ﺣﻘﻴﺮ ...
ﻃﻮﻝ ﻃﻠﻌﺖ ﻣﻦ ﺍﻟﺮﺳﺎﻳﻞ ﻭﺍﻟﻔﻴﺲ ﻣﺮﺓ ﻭﺍﺣﺪ ..
ﻏﺎﻟﻴﻪ : ﻣﺎﺗﻘﻮﻝ ﻧﻔﺴﻪ ﺍﻟﻠﻲ ﻛﺎﻥ ﻳﻜﻠﻢ ﻓﻴﺎ ﻗﺒﻞ .. ﻣﻔﻠﺤﻬﻢ ﻓﺎﻟﻜﺬﺏ ﻭﺍﻟﺘﻤﺜﻴﻞ ..
" ﻏﺎﺍﺍﺍﻟﻴﻪ "
ﻏﺎﻟﻴﻪ : ﻫﻴﺎ ﻳﻤﻲ ﺟﺎﺍﺍﻳﻪ ..
ﺣﻄﺖ ﺗﻠﻴﻔﻮﻧﻬﺎ ﻓﺠﻴﺐ ﺍﻟﻘﻔﻄﺎﻥ ﻭﻟﻮﺣﺖ ﺍﻟﻠﻲ ﻓﻴﺪﻫﺎ .. ﻭﻧﺎﺿﺖ ﺗﺠﺮﻱ ..
🍁🍁🍁🍁
ﻳﻮﻡ ﺍﻟﺨﻤﻴﺲ ..
ﺍﻟﺴﺎﻋﻪ 4:45 ﻋﺼﺮﺍ ..
ﺣﺎﺿﻨﻪ ﻭﻟﺪﻫﺎ ..
ﺍﻟﻠﻲ ﺩﺍﻓﻦ ﻭﺟﻬﻪ ﻓﺮﻗﺒﺘﻬﺎ ..
ﻓﺎﻃﻤﻪ ﺑﺪﻣﻮﻉ؛ﺑﺎﻟﺴﻼﻣﻪ ﻳﻤﻲ ﺑﺎﻟﺴﻼﻣﻪ .. ﺭﺩﺑﺎﻟﻚ ﻉ ﺭﻭﺣﻚ .. ﻭﻉ ﺑﻨﺖ ﺍﻟﻨﺎﺱ ... ﻭﺭﺍﻋﻮﺍ ﺭﺑﻲ ﻓﺒﻌﻀﻜﻢ ﻭﻓﻐﺮﺑﺘﻜﻢ ﻳﺎﻭﻟﺪﻱ ..
ﻫﺎﻧﻴﺒﺎﻝ : ﺇﻥ ﺷﺎﺀ ﺍﻟﻠﻪ ﻳﻤﻲ .. ﻭﺍﻧﺘﻲ ﺭﺩﻱ ﺑﺎﻟﻚ ﻉ ﺭﻭﺣﻚ .. ﻭﺻﺤﺘﻚ ﻳﻤﻲ ... ﺻﺤﺘﻚ ..
ﻓﺎﻃﻤﻪ : ﺣﺎﺿﺮ .. ﺣﺎﺿﺮ ..
ﺑﻌﺪ .. ﻛﺐ ﻉ ﺭﺍﺳﻬﺎ .. ﺑﻌﺪﻳﻦ ﻧﺰﻝ ﻉ ﺍﻳﺪﻳﻬﺎ ﻭﺑﺎﺳﻬﻢ ..
ﺑﻌﺪﻳﻦ ﻃﻠﻘﻬﺎ ..
ﺟﺘﻬﺎ ﻣﺮﺍﻡ ..
ﻭﻫﻮ ﻣﺸﻲ ﻟﻐﺎﻟﻴﻪ ..
ﻛﺎﻧﺖ ﻣﺘﻤﺎﺳﻜﻪ ﺑﺎﻟﺴﻴﻒ ..
ﺍﺑﺘﺴﻢ .. ﻭﺧﺪﺍﻫﺎ ﻓﺤﻀﻨﻪ ..
ﺷﺪﺕ ﺫﺭﺍﻋﻪ ﺑﻘﻮﺓ ﻭﺩﻣﻮﻋﻬﺎ ﻧﺰﻟﻮﺍ ...
ﻫﺎﻧﻴﺒﺎﻝ : ﻋﺎﺑﻲ ﻋﻠﻴﻚ ..
ﻛﺐ ﻉ ﺭﺍﺳﻬﺎ ...
ﻭﺑﻌﺪﻫﺎ ..
ﻫﻲ ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ﺑﺼﻤﺖ ..
ﺷﺒﺢ ﻟﺤﻤﻴﺪﻩ ..
ﺟﺎﺗﻪ ﻃﻮﻝ ﺣﻀﻨﺎﺗﻪ ﺑﻘﻮﺓ ﻭﺍﻧﻬﺎﺭﺕ ﺑﺎﻟﺒﻜﻲ ..
ﻫﻮ ﻗﻌﺪ ﻳﻀﻢ ﻓﻴﻬﺎ ﻭﻗﻠﺒﻪ ﻛﺎﻥ ﻭﺍﻛﻠﻪ ﻋﻠﻴﻬﺎ ﻫﻠﺒﻪ ..
ﻫﺎﻧﻴﺒﺎﻝ : ﺧﻼﺹ .. ﺑﻌﺪﻫﺎ .. ﻛﺐ ﻉ ﺭﺍﺳﻬﺎ ..
ﻭﻛﺎﻥ ﻳﻔﻨﺺ ﻃﻮﻝ ﺍﻟﻮﻗﺖ ﺑﺶ ﻳﻤﻨﻊ ﺩﻣﻌﺘﻪ ﻣﻦ ﺍﻟﻨﺰﻭﻝ .
ﺷﺒﺢ ﻟﺴﻌﻴﺪﻩ ﻭﺳﻤﻴﻪ ﻗﺎﻝ : ﺑﺎﻟﺴﻼﻣﻪ ..
ﺳﻌﻴﺪﻩ ﻭﺳﻤﻴﻪ ﻭﺩﻣﻮﻋﻬﻢ ﺗﻨﺰﻝ : ﺑﺎﻟﺴﻼﻣﻪ ..
ﺗﻠﻔﺖ ﻟﻘﻲ ﺭﺯﺍﻥ ﻓﻲ ﺍﻟﺒﺎﺏ ﺗﺒﻜﻲ ..
ﺟﺎﻫﺎ ﻭﺣﻀﻨﻬﺎ ﻭﻫﻮ ﻳﻘﻮﻝ : ﺍﺷﺸﺶ ﺧﻼﺹ .. ﺗﻮ ﻧﺮﻭﺡ ﺍﻥ ﺷﺎﺀ ﺍﻟﻠﻪ ﻭﻧﺠﻴﺒﻠﻚ ﻣﻌﺎﻱ ﻫﺪﺍﻳﺎ ﻭﺍﺟﺪ ..
ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ .. ﺍﺑﺘﺴﻢ ..
ﻃﺒﺲ ﺑﺎﺳﻬﺎ ﻉ ﺭﺍﺳﻬﺎ ﻭﻗﺎﻝ : ﻣﻠﻌﻘﻪ ...
ﺿﺤﻜﻮﺍ ﻣﻦ ﺑﻴﻦ ﺩﻣﻮﻋﻬﻢ ..
ﻣﺴﺢ ﺑﻴﺪﻩ ﻉ ﺷﻌﺮﻫﺎ .. ﻭﻃﻠﻊ ﻭﻫﻮ ﻳﻘﻮﻝ : ﺍﺳﺘﻮﺩﻋﻜﻢ ﺍﻟﻠﻪ ..
ﻏﺎﻟﻴﻪ ﻭﻫﻲ ﺗﺸﻮﻓﻠﻪ ﻛﻴﻒ ﻣﺎﺷﻲ ﻗﻠﺒﻬﺎ ﺍﻧﻘﺒﺾ ﺑﻘﻮﺓ ..
ﺧﻄﺮﺕ ﻋﻠﻴﻬﺎ ﻃﻮﻝ ﺣﻠﻤﺔ ﺍﻟﺒﺎﺏ ﺍﻟﻠﻲ ﻃﺎﺡ ..
ﺣﻄﺖ ﻳﺪﻫﺎ ﻉ ﺻﺪﺭﻫﺎ ﻭﻫﻲ ﺣﺎﺳﻪ ﺑﺨﻮﻑ ﺷﺪﻳﺪ ..
ﻣﺮﺍﻡ ﺑﻌﺪ ﺳﻠﻤﺖ ﻋﻠﻴﻬﻢ ﻛﻠﻬﻢ ﻗﺎﻟﺖ : ﻧﺸﻮﻓﻮﻛﻢ ﻉ ﺧﻴﺮ ..
ﻛﻠﻬﻢ : ﺁﻣﻴﻦ .. ﺑﺎﻟﺴﻼﻣﻪ ..
ﻣﺮﺍﻡ ﺑﺪﻣﻮﻉ : ﺑﺎﻟﺴﻼﻣﻪ ...
ﻭﻣﺸﺖ ﻃﻠﻌﺖ ..
ﻟﻘﺖ ﻋﻤﺮ ﻭﺍﻟﻬﺎﺩﻱ ﺣﺎﺿﻨﻴﻦ ﻫﺎﻧﻴﺒﺎﻝ ﺑﻘﻮﺓ ..
ﻭﻣﺤﻤﺪ ﻣﻘﻌﻤﺰ ﻓﺎﻟﺠﺮﺩﻳﻨﻪ ..
ﻧﺰﻟﻮﺍ ﺩﻣﻮﻋﻬﺎ ..
ﺑﻌﺪﻳﻦ ﺷﺎﻓﺖ ﻣﻴﻼﺩ ﻛﻴﻒ ﺑﻌﺪﻫﻢ ﻋﻨﻪ ..
ﻭﺧﺪﺍﻩ ﻣﻨﻬﻢ .. ﻭﻣﺸﻲ ﺑﻴﻪ ﻟﻠﺴﻴﺎﺭﺓ ..
ﻛﻞ ﻭﺍﺣﺪ ﻓﻴﻬﻢ ﻣﺸﻲ ﻭﻫﻮ ﻳﻤﺴﺢ ﻓﺪﻣﻮﻋﻪ ..
ﻗﻠﺒﻬﺎ ﻭﺟﻌﻬﺎ ..
ﺗﻨﻬﺪﺕ ﺑﺄﻟﻢ ..
ﻭﻣﺸﺖ ﻟﺤﻘﺖ ﺭﺍﺟﻠﻬﺎ ..
ﻭﻳﻦ ﻭﺻﻞ ﻫﺎﻧﻴﺒﺎﻝ ﻟﺴﻴﺎﺭﺓ ﺗﻮﻓﻴﻖ ..
ﺣﻀﻦ ﻣﻴﻼﺩ ﺑﻘﻮﺓ ...
ﺑﻌﺪﻳﻦ ﺑﻌﺪﻭﺍ ﻋﻦ ﺑﻌﺾ ﻓﻴﺴﻊ ..
ﻣﻴﻼﺩ ﻣﺸﻲ ﺑﺴﺮﻋﻪ ..
ﻭﻫﺎﻧﻴﺒﺎﻝ ﺭﻛﺐ ..
ﻫﻲ ﻣﺸﺖ ﻃﻮﻝ ﻟﻠﺒﺎﺏ ﺍﻟﺨﻠﻔﻲ ﻭﺭﻛﺒﺖ ..
ﺭﻛﺐ ﺗﻮﻓﻴﻖ ..
ﻭﺷﻐﻞ ﺍﻟﺴﻴﺎﺭﺓ ..
ﺗﻮﻓﻴﻖ : ﻧﺘﻮﻛﻠﻮﺍ ..
ﻫﺎﻧﻴﺒﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ..
ﺗﺤﺮﻙ ﺗﻮﻓﻴﻖ ...
ﻭﺧﺮ ﺑﺎﻟﺴﻴﺎﺭﻩ .. ﺑﻌﺪﻳﻦ ﻟﻒ ... ﻭﺗﺤﺮﻙ ﻃﻮﻝ ﻟﺒﻮﺍﺑﺔ ﺍﻟﻘﻄﻌﻪ ﺍﻟﻘﺪﺍﻣﻴﻪ ...
ﺍﻟﺴﻴﺎﺭﻩ ﺗﻤﺸﻲ ..
ﻭﻛﻠﻬﻢ ﻃﻠﻌﻮﺍ ﻭﻗﻔﻮﺍ ﻓﻲ ﺍﻟﻤﺴﺘﺮﺍﺡ ﻭﻫﻤﺎ ﻳﺸﻮﻓﻮﺍ ﻓﻴﻬﺎ ..
ﻟﻌﻨﺪ ﻣﺎﻃﻠﻌﺖ ﺑﺮﺍ ﺍﻟﻘﻄﻌﻪ ..
ﺍﻧﻬﺎﺭﻭﺍ ﻏﺎﻟﻴﻪ ﻭﺣﻤﻴﺪﻩ ﻭﺭﺯﺍﻥ ﺑﺎﻟﺒﻜﻲ ..
ﻭﺳﻤﻴﻪ ﻭﺳﻌﻴﺪﻩ ﺩﻣﻮﻋﻬﻢ ﺗﻨﺰﻝ ..
ﻭﺍﻟﺤﺎﺟﻪ ﻓﺎﻃﻤﻪ ﺍﻟﻠﻲ ﻛﺎﻧﺖ ﺗﺒﻊ ﻓﻲ ﻃﺮﻳﻘﻬﻢ ﺗﻤﺴﺢ ﻓﺪﻣﻮﻋﻬﺎ ﺑﻄﺮﻑ ﺭﺩﺍﻫﺎ 🍃..
🍁🍁🍁🍁
ﺍﺻﻌﺐ ﻣﻦ ﻫﺎﻟﻮﺩﺍﻉ ..
ﻭﺩﺍﻉ ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻓﺤﻮﺵ ﺍﺧﺘﻪ ﻛﻔﺎﻳﻪ ..
ﻗﺒﻞ ﻣﻮﻋﺪ ﺍﻟﻄﻴﺎﺭﺓ ﺑﺴﺎﻋﺘﻴﻦ ..
ﺧﻮﺍﺗﻪ ﻭﺑﻨﺎﺗﻬﻢ ...
ﻛﺎﻧﻮﺍ ﻳﺒﻜﻮﺍ ﺑﺎﻟﺼﻮﺕ ..
ﻫﻮ ﺷﺪ ﺭﻭﺣﻪ ﺷﺪ ﺭﻭﺣﻪ ..
ﻟﻴﻦ ﻭﺻﻞ ﻓﻲ ﺩﻻﻝ ﺍﻟﻠﻲ ﺗﻌﻠﻘﺖ ﻓﺮﻗﺒﺘﻪ ﻭﻗﻌﺪﺕ ﺗﺒﻜﻲ ﺑﺎ