الجزء 102
لمياء الفتانه مع غالية شريني عاقلة ومع حميدة تسخن فيها ... شكلها ح تخرب الدنيا الفترة الجاية وتشعل نار الفتنه 💦💦
حميد عايش حياته ومتفاهم مع الاثنين يا بخته ... ❤❤
الصديق معقولة تصرفاته جراء سحر يعني مش لدرجة يرضاها في امه ... بس انا حتى لما كان يجي في صف حميدة ضد امه كنت نستغرب ... هو صح كنت نفرح عشان انصف حميدة لكن تصرفه كان غريب .... يعني نعتبره مش بار بأمه مالاول والشيطانه حليمه استغلت الشي هذا ...
... عماد قصدا كان يبين انه سعيد ومش متأثر لانه كان عارف ان رزان ح تاخذ تليفون غاليه ... مايبيش،يصعب عليها بالذات انها باعاته من وجهة نظرة وكانت تضخك عليه وتستغل فيه ...ف مستحيل يخليها تشوفة ضعيف ويصعب عليها ولا تتشمت فيه ...
رزان ورفقة
وجعني همهن واحد بسبب سوء ظنهن خربن على ارواحهن
ضحكت لما خشت رزان عالباشاميل وهو مسقع كلاته كله😂
ياخوفي تفش غلها فالاكل وتقعد دبدوبه
...
مرة اخرى الصديق شن النذالة اللي استقبل بيها ميلاد والهادي
يعني لوين يبي يوصل ... وخايفة انه مازال مخطط لأشياء ثانيه يمكن حتى يخرب سمعة حميدة لأنه فات توقعاتنا بنذالته ...
حنين ياناري عليها مش ح يحس بيها الا اللي مجرب ...
تشوف العيال كلهم مع امهم ولوهم وهي ناقصها وجود بوها وتيتمت وهو عايش ... حتى لما كانت معاه فالحوش ماكانش معبرها ...
حميدة مضيقة الخناق على غالية وواقفتلها عالوحدة ...
الجزء وترني وعطاني اسئلة بدون اجوبة
🌷🌷🌷
