باقي الجزء 98 / القسم الثاني
#العشق_المتمرد
🍁🍁🍁
ﻣﻘﻌﻤﺰﻳﻦ ﻓﻤﺮﺑﻮﻋﺔ ﻋﻴﺖ ﻋﺒﺪﺍﻟﻤﻘﺼﻮﺩ ..
ﻋﻤﺮ : ﻻﺑﺎﺱ ﻋﻠﻴﻪ .. ﺍﻥ ﺷﺎﺀ ﺍﻟﻠﻪ ﻏﺪﻭﺓ ﻧﻌﺪﻭﻟﻪ ..
ﺟﻤﻌﻪ : ﻻﻳﻮﺭﻳﻚ ﺑﺎﺱ ..
ﻭﺍﺣﺪ ﻣﻦ ﺍﻟﺤﺎﺿﺮﻳﻦ : ﻭﺍﻟﻠﻪ ﻣﺤﻤﻮﺩ ﺭﺍﺟﻞ ﺑﺎﻫﻲ ﻭﻣﺎﻳﺪﻳﺮ ﻛﺎﻥ ﻓﻲ ﺍﻟﺨﻴﺮ ﻭﺍﻟﻠﻲ ﺟﺎﻩ ﺍﺟﺮ ..
ﺟﻤﻌﻪ : ﺇﻥ ﺷﺎﺀ ﺍﻟﻠﻪ ..
ﻛﻤﻞ ﺍﻟﺮﺍﺟﻞ ﻳﻘﻮﻝ : ﺍﺣﻤﻢ .. ﺍﻟﺤﻖ ﻋﻴﺖ ﻋﺒﺪﺍﻟﻤﻘﺼﻮﺩ ﺍﻟﻠﻲ ﻳﺠﺎﻭﺭﻛﻢ ﻳﺴﻌﺪ ..
ﻣﺤﻤﺪ ﺍﻟﻠﻲ ﻛﺎﻥ ﻣﻘﻌﻤﺰ ﻣﻊ ﺍﻟﻤﻮﺟﻮﺩﻳﻦ ﻓﻲ ﺍﻟﻤﺮﺑﻮﻋﻪ ﻗﻠﺒﻪ ﺍﺗﺸﺎﻏﺐ ﺣﺲ ﺍﻟﺤﻜﺎﻳﻪ ﺑﻴﺼﻴﺮ ﻓﻴﻬﺎ ﺷﻲ ﻣﺶ ﺣﻴﻌﺠﺒﻪ ..
ﺟﻤﻌﻪ : ﺗﺴﻠﻢ ﻫﺪﻯ ﻣﻦ ﻃﻴﺐ ﺍﺻﻠﻚ ..
ﺍﻟﺮﺍﺟﻞ : ﻭﺍﺻﻠﻜﻢ ... ﻭﻟﻴﻨﺎ ﺍﻟﺸﺮﻑ ﺑﻤﻌﺮﻓﺘﻜﻢ ..
ﻣﺤﻤﺪ ﺣﺲ ﺍﻥ ﺍﻟﺤﻜﺎﻳﻪ ﻓﻌﻼ ﺯﻱ ﻣﺎﻓﻜﺮ ﻓﻴﻬﺎ ﻣﺶ ﻫﻮ ﺑﺲ ﻛﻞ ﺍﻟﺤﺎﺿﺮﻳﻦ ... ﺑﺪﻭﻥ ﻣﺎﻳﻔﻜﺮ ﻭﻻ ﻳﺤﺴﺐ ﺣﺴﺎﺏ ﻷﻱ ﺷﻲ ﻗﺎﻝ .
ﻣﺤﻤﺪ ﺑﺠﺮﺃﺓ ﻭﺛﻘﻪ : ﺻﺪﻕ ﻭﺍﻟﻠﻪ ﻓﻲ ﻛﻞ ﻛﻠﻤﻪ ﻗﺎﻟﻬﺎ ﻋﻨﻜﻢ .. ﻫﺪﻯ ﻟﻴﺶ ﺍﻧﻲ ﺗﻮﺍ ﻗﺪﺍﻣﻚ ﻭﻗﺪﺍﻡ ﻛﻞ ﺍﻟﺤﺎﺿﺮﻳﻦ ﺑﻨﺴﺒﻖ ﺑﺸﺮﻑ ﻃﻠﺐ ﻧﺴﺒﻜﻢ ...
ﺍﻧﺼﺪﻡ ﻋﻤﺮ ..
ﻭﻛﻞ ﺍﻟﻤﻮﺟﻮﺩﻳﻦ ﺗﻔﺎﺟﺌﻮﺍ ﺑﻤﺎ ﻓﻴﻬﻢ ﺟﻤﻌﻪ ﺑﻮﺑﻠﻘﻴﺲ 💖
🍁🍁🍁🍁
ﻏﺎﻟﻴﻪ : ﻫﻲ ﺗﻌﺎﻟﻲ ﺣﺒﻴﺒﺘﻲ ..
ﺍﺭﻳﺞ ﺍﺑﺘﺴﻤﺖ ﻭﻫﻲ ﺗﻘﺼﻒ ﻣﻊ ﺑﻌﻀﻬﺎ ﻣﻦ ﺍﻟﺨﻮﻑ ﻭﺍﻟﺘﻮﺗﺮ ..
ﻃﻘﺖ ﺍﻟﺒﺎﺏ ..
ﻭﻟﺖ ﻏﺎﻟﻴﻪ ﻟﻠﺼﺎﻟﻪ ...
ﻣﻦ ﺩﺍﺧﻞ ﻭﺍﺣﺪ ﻣﻦ ﺧﻮﺕ ﺍﺭﻳﺞ ﻗﺎﻝ : ﺧﺸﻲ ..
ﺧﺸﺖ ﻭﻋﻴﻮﻧﻬﺎ ﻟﻮﻃﺎ ..
ﻭﺗﻮﻓﻴﻖ ﻋﻴﻮﻧﻪ ﻟﻮﻃﺎ ﺣﺘﻰ ﻫﻮ ..
ﻗﻌﻤﺰﺕ ﻣﻘﺎﺑﻼﺗﻪ ..
ﻭﺍﻟﺰﻭﺯ ﻭﻻ ﺣﺮﻑ ﻭﻻﻛﻠﻤﻪ ..
ﺧﻮﻫﺎ ﺗﻨﺤﻨﺢ ﻭﻗﺎﻝ : ﺷﻮﻳﻪ ﻭﺟﺎﻱ ..
ﻧﺎﺽ ﻭﻣﺸﻲ ﻃﻠﻊ ﺑﺮﺍ ...
ﻭﻓﻀﻲ ﺍﻟﺠﻮ ..
ﻗﺎﻡ ﻋﻴﻮﻧﻪ ﻓﻴﻬﺎ ﻭﻫﻮ ﻣﺒﺘﺴﻢ ﺭﻛﺰ ﻋﻠﻴﻬﺎ ﻛﻴﻒ ﻣﺸﺒﻜﻪ ﺍﻳﺪﻳﻬﺎ ﻓﺒﻌﺾ ﻣﻦ ﺍﻟﺘﻮﺗﺮ ..
ﺗﻮﻓﻴﻖ : ﻛﻴﻒ ﺍﻟﺤﺎﻝ ..
ﻳﺪﻭﺏ ﺍﺑﺘﺴﻤﺖ ﺍﺭﻳﺞ ﻭﻗﺎﻟﺖ : ﺍﻟﺤﻤﺪ ﻟﻠﻪ ..
ﺗﻮﻓﻴﻖ : ﺷﻦ ﺩﺍﻳﺮﺓ ﻓﻲ ﺍﻟﻘﺮﺍﻳﻪ ..
ﺍﺭﻳﺞ : ﺍﺣﻤﻢ .. ﺗﻤﺎﻡ ﺍﻟﺤﻤﺪ ﻟﻠﻪ ..
ﺗﻮﻓﻴﻖ ﺑﻀﺤﻜﻪ : ﺑﺎﻫﻲ ﻗﻴﻤﻲ ﺭﺍﺳﻚ ﺧﻞ ﻧﺸﻮﻓﻮﻙ ..
ﺿﺤﻜﺖ ﺑﺨﺠﻞ ..
ﻭﻗﺎﻣﺖ ﺭﺍﺳﻬﺎ ﺟﻮ ﻋﻴﻮﻧﻬﺎ ﻓﻌﻴﻮﻧﻪ ..
ﺍﺑﺘﺴﻢ ﺍﺑﺘﺴﺎﻣﻪ ﺣﻠﻮﺓ ..
ﻫﻲ ﺍﺑﺘﺴﻤﺖ ﺧﺠﻼ ﻭﻧﺰﻟﺖ ﻋﻴﻮﻧﻬﺎ ..
ﺿﺤﻚ ﻭﻗﺎﻝ؛ﺍﺣﻤﻢ .. ﺷﻮﻓﻲ .. ﺍﻧﻲ ﺧﺮﻳﺞ ﺍﻗﺘﺼﺎﺩ .. ﻧﺨﺪﻡ ﻓﻌﻤﻞ ﺣﻜﻮﻣﻲ ﺍﻟﻲ ﺟﺎﻧﺐ ﺍﻟﻌﻤﻞ ﺍﻟﺤﺮ ﻭﺍﻟﺤﺎﻝ ﻣﺘﻴﺴﺮﺓ ﻭﺍﻟﺤﻤﺪ ﻟﻠﻪ ..
ﺑﺤﻮﺷﻲ ﻛﺎﻣﻞ ﻣﺎﻧﺎﻗﺼﻪ ﺷﻲ .. ﻭﺭﺍﻫﻮ ﺻﺪﻗﻴﻨﻲ ﺍﻟﺤﻴﺎﺓ ﻏﺎﺩﻱ ﺳﻤﺤﻪ ﻭﺍﺟﺪ .. ﻳﻌﻨﻲ .. ﺑﺼﺮﺍﺣﻪ ﻣﺎﻧﻘﺪﺭ ﻧﺴﻴﺐ **** ﺍﻣﻲ ﺣﺒﺴﺔ ﺧﻮﻱ ﻛﺴﺮﺗﻬﺎ ﻭﺍﺟﺪ .. ﻣﺎﻧﻘﺪﺭ ﻧﺨﻠﻴﻬﺎ ﺣﺘﻰ ﺍﻧﻲ ...
ﻫﻲ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺗﻮﻓﻴﻖ : ﻣﺎﻋﻨﺪﻙ ﺷﻲ ﺗﺒﻲ ﺗﻘﻮﻟﻴﻪ ..
ﺍﺭﻳﺞ : ﺍﺣﻤﻤﻢ .. ﻣﺸﻜﻠﺔ ﺍﻟﺴﻜﻦ ﻣﺶ ﻣﻬﻤﻪ ﻋﻨﺪﻱ ﻭﺍﺟﺪ .. ﻗﺪ ﻣﺎﻣﻬﻤﻪ ﻋﻨﺪﻱ ﻗﺮﺍﻳﺘﻲ ﻧﺒﻲ ﻧﻜﻤﻞ ﻓﻲ ﺍﻟﺠﺎﻣﻌﻪ ..
ﺍﺑﺘﺴﻢ ﺑﻔﺮﺡ ﻭﻗﺎﻝ : ﺍﺑﺪﺍ ﻣﺎﻋﻨﺪﻳﺶ ﻣﺸﻜﻠﻪ ﺑﺎﻟﻌﻜﺲ ﻧﺸﺠﻌﻚ ﻋﻠﻴﻬﺎ .. ﻭﻛﺎﻥ ﺗﺒﻲ ﺗﺸﺮﻃﻴﻬﺎ ﻋﻠﻴﺎ ﻓﺎﻟﻌﻘﺪ ﺭﺍﺿﻲ ﻭﻗﺎﺑﻞ ﻭﻣﻘﺘﻨﻊ ..
ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻬﺎ ﻟﻮﻃﺎ ﻭﻗﺎﻟﺖ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻧﺎﺿﺖ ﻭﻗﺖ ﻭﻫﻲ ﺗﻘﻮﻝ : ﻧﺴﺘﺄﺫﻥ ..
ﻭﻣﺸﺖ ﻃﻮﻝ ﻃﻠﻌﺖ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ... ﺯﺍﺩ ﻗﻠﺒﻪ ﺗﻌﻠﻖ ﺑﻴﻬﺎ ﺍﻛﺜﺮ ﻭﺍﻛﺜﺮ 💕
💕💕💕💕
ﺍﺗﻔﻘﻮﺍ ﻉ ﺍﻟﻔﻀﺎﻧﻴﻪ ﺗﻜﻮﻥ ﺑﻌﺪ ﻳﺘﻢ ﺍﻟﻔﺼﻞ ﻫﺪﺍ ﻣﻦ ﺍﻟﻘﺮﺍﻳﻪ ..
ﻭﺍﻟﻌﺮﺱ ﻓﺼﻴﻒ ....2015
🌴🌴🌴🌴🌴🌴
ﺍﻟﺴﺎﻋﻪ 9:00 ﻟﻴﻼ ..
ﻭﺍﻟﻠﻪ ﻳﻤﻲ ﺩﺑﺮﻭﺍ ﺭﻭﺳﻜﻢ ..
ﻓﺎﻃﻤﻪ : ﺷﻦ ﺗﻘﻮﻝ ﺍﻧﺖ ﺷﻦ ﺗﻘﻮﻝ .. ﻓﺒﺎﺑﻪ ﺍﻧﺖ ﻓﺒﺎﺑﻪ ﺗﻮ ..
ﻣﺤﻤﺪ : ﺍﻳﻪ ﺍﻳﻪ ﻓﺒﺎﺑﻪ .. ﺍﻟﻤﻬﻢ ﺗﻌﺪﻭﺍ ﺗﻌﻄﻮﺍ ﻓﻲ ﺍﻟﺒﻨﺖ ﻛﻠﻤﻪ ﻭﺍﻟﻠﻪ ﻣﺎﻧﻌﺮﻓﻜﻢ ..
ﻓﺎﻃﻤﻪ ﺑﺘﻌﺠﺐ : ﻻ ﺇﻟﻪ ﺇﻻ ﺍﻟﻠﻪ !!
ﻣﺤﻤﺪ؛ﻣﺤﻤﺪ ﺭﺳﻮﻝ ﺍﻟﻠﻪ .. ﻫﺪﻯ ﺍﺧﺮ ﻛﻼﻡ ﻋﻨﺪﻱ ..
ﻭﻟﻒ ﻭﻣﺸﻲ ..
ﺷﺒﺤﺖ ﻓﺎﻃﻤﻪ ﻟﻐﺎﻟﻴﻪ ﺑﺼﺪﻣﻪ ..
ﻭﻏﺎﻟﻴﻪ ﻛﺎﻧﺖ ﺷﺎﺩﻩ ﺿﺤﻜﺘﻬﺎ ﻭﺧﻼﺹ ..
🍁🍁🍁🍁
ﻫﺎﺍﺍﺍﺍﺍﺍﻉ .. ﺷﻨﻮﻭﻭﻭ .. ﺷﻦ ﻳﻤﻲ ﺷﻦ ﻗﺘﻲ ﺷﻨﻲ ﺷﻨﻲ !!! ؟
ﻧﺠﺎﻩ ﺑﻀﺤﻜﻪ ﻭﻫﻲ ﺗﻔﻨﺺ : ﺍﺳﻜﺘﻲ ﻳﺎﺣﻤﺎﺭﺓ ﺧﻮﺗﻚ ﻳﺴﻤﻌﻮﻙ ..
ﺑﻠﻘﻴﺲ : ﻫﻬﻬﻬﻬﻬﻬﻬﻪ .. ﺧﻞ ﻳﺴﻤﻌﻮﺍ ... ﺣﻴﻴﻲ ﻳﻤﻲ .. ﺣﻴﻲ ﻣﺤﻤﺪ ﻭﻟﺪ ﻋﻤﺘﻲ ﻓﺎﻃﻤﻪ ﻭﻋﻤﻲ ﺭﻣﻀﺎﻥ ﺍﻟﻠﻪ ﻳﺮﺣﻤﻪ .. ﻣﺤﻤﺪ ﻭﻟﺪﻫﻢ ﺍﻟﺼﻐﻴﺮ ﻳﻤﻲ ﻫﻮ ﻫﻮ ﻫﻮ ﻣﺘﺎﻛﺪﻳﻦ !!
ﻧﺠﺎﺓ ﺑﻀﺤﻜﻪ : ﺍﻟﺒﻨﺖ ﺍﻧﻜﻠﺒﺖ !! ﺍﻳﻪ ﻫﻮ ﻳﺎﻣﺘﻠﻔﻪ ﻫﻮ ...
ﺑﻠﻘﻴﺲ ﻗﻌﺪﺕ ﺗﺮﻗﺺ ﻭﺗﻐﻨﻲ ..
ﻫﺎﻟﻨﻬﺎﺭ ﺗﻤﻴﻨﺘﻪ ﻃﻠﺒﺖ ﺍﻟﻌﺎﻟﻲ ﻭﻟﻘﻴﺘﻪ ..
ﻃﺮﺣﺖ ﺍﻟﺼﻼﻳﻪ ﻭﺻﻠﻴﺖ ﻋﻄﺎﻧﻲ ﺍﻟﻠﻲ ﻣﺎﻗﺎﻝ ﻋﻄﻴﺖ ..
ﻧﺠﺎﻩ : ﺣﻴﻴﻲ ﻉ ﻣﻬﺒﻮﻟﻪ ..
ﻗﻌﺪﺕ ﺍﺩﻭﺭ ﻭﻫﻲ ﻫﻲ ﺗﺮﻗﺺ ﻭﺗﻐﻨﻲ ..
ﺧﻠﻮﻧﻲ ﺑﻨﻄﻴﺮ ﻃﻴﺎﺭﺓ ﺧﻠﻮﻧﻲ ﺯﻱ ﺍﻟﻔﺮﺍﺭﺓ ...
ﻧﺠﺎﻩ : ﻫﻬﻬﻬﻬﻬﻬﻬﻬﻬﻬﻪ
.... ﻳﺘﺒﻊ
