المتمردين

العشق المتمرد

#العشق_المتمرد
الجزء86
القسم الاول
#جمان_فريد

.🌟
ﻓﻲ ﺍﻟﺼﺎﻟﻪ ..
ﺍﻫﻮ ﻳﻤﻲ ﻣﺎﺷﻲ ﺣﺎﻟﻬﺎ ... ﻣﺮﺍﺕ ﺗﺬﻛﺮﻧﺎ ﻣﺮﺍﺕ ﺗﻨﺴﺎﻧﺎ .. ﻭﺩﻳﻤﺎ ﺭﺍﻗﺪﻩ ﻓﺘﺮﻛﻴﻨﻪ ﻣﺎﺗﻨﺪﺭﻱ ﻋﻠﻰ ﺷﻲ ..
ﻓﺎﻃﻤﻪ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﺯﻳﻨﺐ : ﺣﺘﻰ ﻫﻲ ﻛﺒﻴﺮﺓ ﺭﺍﻫﻮ ﻣﺶ ﺻﻐﻴﺮﻩ .
ﻧﻌﻴﻤﻪ : ﺍﻳﻪ ﻛﺒﺮﺕ ﺧﻼﺹ .. ﻟﻜﻦ ﻋﺒﺎﻟﺴﻼﻡ ﻣﺘﺄﺛﺮ ﺑﺎﻟﺬﺍﺕ ﻭﻳﻦ ﻳﺠﻮﻫﺎ ﻳﺴﻠﻤﻮﺍ ﻋﻠﻴﻬﺎ ﺗﻘﻌﺪ ﺗﻨﺸﺪ ﺍﻧﺖ ﻣﻨﻮ ..
ﻛﻔﺎﻳﻪ : ﺯﻋﻤﻪ ﻣﺶ ﺯﻫﺎﻳﻤﺮ ..
ﻧﻌﻴﻤﻪ : ﻻﻻ ﻣﺶ ﺯﻫﺎﻳﻤﺮ .. ﻛﺒﺮ ﺧﻼﺹ ﻣﻌﺎﺵ ﺗﺠﻤﻊ ..
ﻓﺎﻃﻤﻪ : ﻳﻠﻄﻒ ﺑﻴﻬﺎ ﺍﻟﻠﻪ ..
ﺳﻌﻴﺪﻩ : ﺣﻤﺎﺗﻚ ﺧﻮﻟﻪ ﻟﻌﻨﺪ ﺗﻮﺍ ﻣﺎﺧﺪﺗﺶ ..
ﻧﻌﻴﻤﻪ : ﻻﻻ ﻣﻌﺎﺵ ﺟﺎﻫﺎ ﺣﺪ ..
ﻓﺎﻃﻤﻪ : ﺍﻟﻔﺠﻲ ﻓﻴﻬﻢ ﻭﺧﻼﺹ ..
ﻓﻲ ﺍﻟﻜﻮﺟﻴﻨﻪ ..
ﻏﺎﻟﻴﻪ : ﻋﻄﻴﻚ ﺍﻟﻬﻨﻲ ﺗﻬﺒﺒﺒﻠﻲ .
ﺭﺑﺎﺏ ﻭﻫﻲ ﺗﻠﻌﺐ ﺑﺸﻌﺮﻫﺎ ﺍﻟﻠﻲ ﻗﺼﺎﺗﻪ : ﺣﻠﻮ؟
ﻏﺎﻟﻴﻪ : ﻳﻬﺒﻞ ﻣﺶ ﺣﻠﻮ ﺑﺲ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﻣﻦ ﻗﺒﻞ ﺭﺑﺎﺏ ﻣﺎﺗﺤﺒﺶ ﺷﻌﺮﻫﺎ ﻳﻄﻮﻝ ﺍﺳﺘﻐﺮﺑﺖ ﻛﻴﻒ ﺧﻼﺗﻪ ﻓﺘﺮﺓ ﻃﻮﻳﻠﻪ ﻃﻮﻳﻞ .. ﻭﺗﻮﺍ ﻣﻨﻴﻦ ﻗﺼﺎﺗﻪ ﺣﺴﻴﺖ ﺑﺤﺎﺟﺎﺕ ﻣﺘﻐﻴﺮﺓ ﻓﻴﻬﺎ ..
ﺍﺑﺘﺴﻤﺖ ﻏﺎﻟﻴﻪ ﺑﻔﺮﺡ : ﻗﻮﻟﻦ ﺷﻦ ﺻﺎﻳﺮ ﻣﻦ ﻭﺭﺍﻱ ..
ﻉ ﺧﺸﺔ ﺩﻻﻝ ﻭﻫﻲ ﺷﺎﺩﻩ ﺍﺳﻴﺎ ﻓﻐﻤﺮﻫﺎ : ﺑﺎﻟﻠﻪ ﻳﺎﺑﻨﺎﺕ ﻛﻠﻤﻮﻟﻲ ﺳﻨﺪ ﻳﺠﻲ ﻧﺒﻴﻪ ﻳﺮﻓﻊ ﺍﺳﻴﺎ ﻟﻠﻮﻻﺩ ..
ﺍﺑﺘﺴﻤﺖ ﺭﺑﺎﺏ ..
ﺭﺍﻧﻴﺎ : ﻫﻲ ﺷﻮﻳﻪ ﺑﺲ ..
ﻗﺪﻣﺖ ﻏﺎﻟﻴﻪ ﻵﺳﻴﺎ : ﺗﺒﺎﺭﻙ ﺍﻟﺮﺣﻤﻦ ﻋﺴﺴﺴﻞ ..
ﺩﻻﻝ : ﻗﻮﻟﻴﻠﻬﺎ ﺷﻦ ﺍﺳﻤﻚ ..
ﻏﺎﻟﻴﻪ ﺑﻀﺤﻜﻪ : ﺷﻦ ﺍﺳﻤﻚ ﻳﺎﺳﻤﺤﻪ ..
ﺍﺳﻴﺎ : ﺁﺳﺎ ..
ﺿﺤﻜﻮﺍ ..
ﻗﺪﻣﺖ ﺭﺑﺎﺏ ﻗﺮﺻﺘﻬﺎ ﻣﻦ ﺧﺪﻫﺎ ﻗﺮﺻﻪ ﺧﻔﻴﻔﻪ : ﻋﺴﺴﺴﻞ ﻭﺳﻜﺮ ..
ﺍﺳﻴﺎ ﺗﻀﺤﻚ .. ﻭﺩﻻﻝ ﻣﺒﺘﺴﻤﻪ ..
ﻗﺪﻣﺖ ﺭﺍﻧﻴﺎ ﺑﻌﺪ ﻛﻤﻠﺖ ﻣﻜﺎﻟﻤﻪ : ﺍﻫﻮ ﺟﺎﻱ .. ﺷﺒﺤﺖ ﻵﺳﻴﺎ .. ﺍﻣﻮﺭﻩ ﻋﺴﻮﻟﻪ .. ﻫﺘﺸﻲ ﻫﺘﺸﻲ ﻫﺘﺸﻲ ﻫﺘﺸﻲ ..
ﻭﺍﺳﻴﺎ ﺗﻀﺤﻚ ..
ﺷﻮﻳﻪ ﻭﺟﻲ ﺳﻨﺪ ..
ﻋﻴﻮﻧﻪ ﻟﻮﻃﺎ ﻗﺎﻝ : ﻛﻴﻒ ﺣﺎﻟﻚ ﺑﻨﺖ ﺧﺎﻟﺘﻲ ..
ﺩﻻﻝ؛ﺍﻟﺤﻤﺪ ﻟﻠﻪ .. ﻣﺪﺕ ﺍﺳﻴﺎ ﻟﺮﺍﻧﻴﺎ ﺧﺪﺗﻬﺎ ..
ﻭﻗﺪﻣﺖ ﺭﺍﻧﻴﺎ ﻣﺪﺕ ﺁﺳﻴﺎ ﻟﺴﻨﺪ ..
ﺧﺪﺍﻫﺎ ﺳﻨﺪ ﻭﻫﻮ ﻳﻀﺤﻚ : ﻣﺎﺷﺎﺍﺍﺀ ﺍﻟﻠﻪ ..
ﺩﻻﻝ ﺑﺈﺑﺘﺴﺎﻣﻪ : ﺗﺴﻠﻢ ..
ﺳﻨﺪ ﺑﻀﺤﻜﻪ؛ﻣﻌﻤﺮ ﻛﻠﻲ ﺍﻟﺠﻮ ﺑﻠﺴﺎﻧﻪ .
ﺿﺤﻜﻮﺍ ﻭﺩﻻﻝ ﻗﺎﻋﺪﻩ ﻣﺒﺘﺴﻤﻪ ..
ﻣﺸﻲ ﺳﻨﺪ ...
ﻭﺩﻻﻝ ﻣﺸﺖ ﺧﺸﺖ ﺩﺍﺧﻞ ..
ﻏﺎﻟﻴﻪ : ﻗﺪﻳﺶ ﻭﺍﺟﻌﺘﻨﻲ ﺭﻳﺘﻨﻬﺎ ﻛﻴﻒ ﺭﺍﺣﺖ ..
ﺗﻨﻬﺪﺕ ﺭﺑﺎﺏ ﺑﻀﻴﻖ : ﺭﺑﻲ ﻳﻬﻮﻥ ﻋﻠﻴﻬﺎ ..
ﻏﺎﻟﻴﻪ ﺷﺒﺤﺖ ﻟﺮﺑﺎﺏ ﻭﺷﺪﺗﻬﺎ ﻣﻦ ﻳﺪﻫﺎ : ﺍﻳﻪ ﺗﻌﺎﻟﻲ ﻗﻮﻟﻴﻠﻲ ﺷﻦ ﺻﺎﻳﺮ ﻣﻦ ﻭﺭﺍﻱ ..
ﺷﺒﺤﺖ ﺭﺑﺎﺏ ﻟﺮﺍﻧﻴﺎ ﻭﺍﺑﺘﺴﻤﻮﺍ ﻟﺒﻌﺾ ..
ﺭﺑﺎﺏ : ﺗﻌﺎﻟﻲ ﻧﺨﺸﻮﺍ ﺍﻟﻜﻮﺟﻴﻨﻪ ﻗﺒﻞ ..
🍁🍁🍁🍁🍁
ﻧﻮﺭ : ﻟﻮ ﻳﺪﻳﺮ ﻣﺎﻳﺪﻳﺮ ﻳﺎﺭﻓﻘﻪ ﻣﺎﻋﺎﺩ ﻣﺎﺯﺍﻝ ﻧﺸﺒﺤﻠﻪ .. ﺭﺍﻫﻮ ﻫﺪﺍ ﺷﻚ ﻓﻴﺎ !! ﺗﻌﺮﻓﻲ ﺷﻦ ﻣﻌﻨﺎﻫﺎ ؟
ﺭﻓﻘﻪ : ﻣﺶ ﺷﻚ ﻳﺎﻧﻮﺭ ﻏﻴﺮﻩ ﻫﺎﺩﻱ ..
ﻧﻮﺭ : ﻟﻤﺎ ﻳﻤﺸﻲ ﻟﻠﻮﻟﺪ ﻭﻳﻬﺪﺩﻩ ﻭﻳﻘﻮﻟﻪ ﻗﻮﻟﻲ ﻣﻨﻴﻦ ﺗﻌﺮﻓﻬﺎ ﻭﺷﻦ ﻓﻲ ﺑﻴﻨﻚ ﻭﺑﻴﻨﻬﺎ ﻣﺶ ﺷﻚ ﻫﺪﺍ؟ !
ﺭﺯﺍﻥ : ﻫﺪﻯ ﻣﺮﺽ !
ﺭﻓﻘﻪ : ﺭﺯﺍﻥ !
ﻧﻮﺭ؛ ﻗﺎﻟﺖ ﺍﻟﺤﻖ .. ﻓﻲ ﻓﺮﻕ ﺑﻴﻦ ﺍﻟﻐﻴﺮﻩ ﻭﺍﻟﺸﻚ ﻭﺍﻧﻲ ﺑﺼﺮﺍﺣﻪ ﻣﺎﻟﻚ ﺑﺘﺼﺮﻓﺎﺗﻪ ﻫﺎﺩﻱ ﺧﻼﻧﻲ ﻧﻨﻔﺮ ﻣﻨﻪ .. ﺧﻠﻴﻬﺎ ﺗﻮﺻﻠﻪ ﻗﻮﻟﻴﻠﻪ ﻗﺘﻠﻚ ﻧﻮﺭ ﻻﻳﻤﻜﻦ ﻣﺎﺯﺍﻝ ﻳﺼﻴﺮ ﻣﻨﻲ ﺍﻧﻲ ﻭﻳﺎﻙ ..
ﻭﻧﺎﺿﺖ ﻃﻠﻌﺖ ﻣﻦ ﺣﺪﺍﻫﻢ ..
ﺭﻓﻘﻪ ﺑﻀﻴﻖ : ﻛﺎﻥ ﻗﻌﺪﺗﻲ ﺳﺎﻛﺘﻪ ﻳﺎﺭﻭﺯﻱ ..
ﺭﺯﺍﻥ : ﺍﻟﺼﺮﺍﺣﻪ .. ﻣﺎﻳﻨﺴﻜﺘﺶ ﻋﻠﻴﻪ ﺍﻟﻠﻲ ﺳﻤﻌﺘﻪ ﻭﺑﻜﻼﻣﻲ ﻭﻣﻦ ﻏﻴﺮﻩ ﻫﻲ ﻭﺍﺧﺪﻩ ﻗﺮﺍﺭﻫﺎ ﺧﻼﺹ ..
🍁🍁🍁🍁🍁
ﻫﺪﺍﻛﺎ ﺍﻟﻴﻮﻡ ﻛﺎﻧﺖ ﻋﻨﺪﻱ ﻟﻠﺤﺼﺔ ﺍﻟﺜﺎﻟﺘﻪ ﻳﻌﻨﻲ ﻣﻊ 11 ﺭﻭﺣﺖ ..
ﻃﻠﻌﺖ ﻣﻦ ﺍﻟﻤﺪﺭﺳﻪ ﻭﻛﺎﻟﻌﺎﺩﻩ ﻧﺮﻭﺡ ﻉ ﺭﺟﻠﻴﺎ ﻹﻥ ﺍﻟﻤﺴﺎﻓﻪ ﻣﺶ ﺑﻌﻴﺪﻩ ..
ﻗﻄﻌﺖ ﻣﻤﻜﻦ ﺭﺑﻊ ﺍﻟﻤﺴﺎﻓﻪ ﻟﻌﻨﺪ ﻣﺎ
⚡ ﻓﻼﺵ ﺑﺎﻙ ..
ﻣﺎﺷﻴﻪ ﺭﺑﺎﺏ ﻓﺄﻣﺎﻥ ﺍﻟﻠﻪ ..
ﻓﺠﺎﺓ ﻭﻗﻔﺖ ..
ﻟﻤﺎ ﺍﻧﺠﺒﺪﺕ ﺷﻨﻄﺘﻬﺎ ..
ﺍﻟﺘﻔﺘﺖ ﺑﺘﻌﻴﻂ ..
ﻟﻜﻦ ﺳﻜﺘﺖ ﻭﺟﻤﺪﺕ ﻣﺮﺓ ﻭﺣﺪﻩ ﻟﻤﺎ ﺷﺎﻓﺖ ﺍﻟﻠﻲ ﺟﺒﺪ ﺍﻟﺸﻨﻄﻪ ..
ﻛﺎﻥ ﻻﺑﺲ ﻓﺎﻧﻴﻠﻴﺎ ﻛﻢ ﻟﻮﻧﻬﺎ ﺑﻴﺞ ﻭﺳﺮﻭﺍﻝ ﺟﻴﻨﺰ ﺍﺯﺭﻕ ..
ﻭﻃﺎﻗﻴﻪ ﻉ ﺭﺍﺳﻪ ﻟﻮﻧﻬﺎ ﺑﻴﺞ ...
ﻛﺎﻧﺖ ﻣﻼﻣﺤﻪ ﻫﻲ ﻫﻲ ..
ﺑﺲ ﺍﻟﻠﻲ ﻣﺘﻐﻴﺮ ﻓﻴﻪ ﺍﻧﻪ ﻣﺤﻠﻖ ﻟﺤﻴﺘﻪ ..
ﺭﺑﺎﺏ؛ﺍﻧﺖ ؟
ﺍﺑﺘﺴﻢ ﻭﻗﺎﻝ : ﺷﻦ ﺍﻧﺖ ﻫﺪﻱ ﻣﺎﻋﻨﺪﻳﺶ ﺍﺳﻢ ﻭﻻ ﻣﺘﻌﺮﻓﻴﻪ .. ﻭﻻ ﻧﺴﺘﻴﻪ ﺑﻜﻞ؟ !
ﺭﺑﺎﺏ ﻭﻫﻲ ﺗﺸﻮﻑ ﺣﻮﺍﻟﻴﻬﺎ : ﻻﻣﺶ ﻫﻜﻲ .. ﺷﺒﺤﺘﻠﻪ ﻭﻗﺎﻟﺖ .. ﺗﻔﺎﺟﺌﺖ ..
ﺑﺈﺑﺘﺴﺎﻣﻪ ﻗﺎﻝ : ﺑﺎﻫﻲ ﺷﻦ ﺍﺳﻤﻲ؟
ﺭﺑﺎﺏ ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻬﺎ : ﻣﺆﻧﺲ ..
ﺗﻨﻬﺪ ﻣﻦ ﺍﻋﻤﺎﻕ ﺍﻋﻤﺎﻗﻪ ..
ﺗﻠﻔﺖ ﺍﻳﻤﻴﻦ ﻭﺍﻳﺴﺎﺭ .. ﺑﻌﺪﻳﻦ ﺷﺒﺢ ﻟﻠﺸﻨﻄﻪ ﻓﺘﺢ ﺍﻟﺴﺮﻳﺘﻪ " ﺳﻮﺳﺘﻪ ..." ﺣﻂ ﺣﺎﺟﻪ ... ﻭﻗﺎﻝ ... ﺿﺮﻭﺭﻱ ﺗﻜﻠﻤﻴﻨﻲ ..
ﻭﻃﻮﻝ ﻟﻒ ﻭﻣﺸﻲ ..
💚💚💚
ﻏﺎﻟﻴﻪ : ﻛﻠﻤﺘﻴﻪ ..
ﺗﻨﻬﺪﺕ ﻭﻗﺎﻝ : ﻣﻦ ﺍﻭﻝ ﻣﺎﺭﻭﺣﺖ ﻃﻮﻝ ﺑﺪﻟﺖ ﻭﻏﺴﻠﺖ ﻭﺟﻬﻲ ﻭﻗﻠﺖ ﻷﻣﻲ ﺑﻨﺮﻗﺪ ﻧﻮﺿﻴﻨﻲ ﻟﻤﺎ ﻳﺄﺫﻥ ﺍﻟﻈﻬﺮ .. ﺧﺸﻴﺖ ﺍﻟﺪﺍﺭ ..
ﺻﻜﺮﺗﻬﺎ ﻋﻠﻴﺎ .. ﻭﻣﺸﻴﺖ ﻟﻠﺸﻨﻄﻪ ﻭﻓﺘﺤﺘﻬﺎ ﺟﺖ ﻗﺪﺍﻣﻲ ﺍﻟﻮﺭﻗﻪ ﻭﻛﺎﻥ ﻓﻴﻬﺎ ﺭﻗﻢ ..
ﻏﺎﻟﻴﻪ : ﻳﺎﺭﺑﻲ .. ﺍﻧﻲ ﺑﺲ ﻧﺒﻲ ﻧﻌﺮﻑ ﻛﻴﻒ ﻋﺪﺍ ﻟﻄﺮﺍﺑﻠﺲ ﺍﻟﻮﺿﻊ ﺧﻄﻴﺮ ﻋﻠﻴﻪ !!
ﺭﺍﻧﻴﺎ ﺑﻀﺤﻜﻪ؛ﻉ ﺧﺎﻃﺮ ﻋﻴﻮﻥ ﻫﺎﻳﺪﻱ ﻫﺎﻧﻢ ﺗﺤﺪﻯ ﺍﻷﻫﻮﺍﻝ ﻭﺍﻟﻤﺨﺎﻃﺮ ..
ﺭﻣﺸﺖ ﺭﺑﺎﺏ ﻋﻴﻮﻧﻬﺎ ﺑﻐﺮﻭﺭ ..
ﻏﺎﻟﻴﻪ ﺑﻀﺤﻜﻪ ﺍﺳﺘﻐﺮﺍﺏ : ﻫﺎﻳﺪﻱ ! .. ﺍﺍﺍﺍﻩ .. ﻫﻬﻬﻬﻬﻬﻬﻪ .. ﻣﻮﻗﻒ ﺍﻟﺨﺮﻓﺎﻥ ... ﺭﻓﻌﺖ ﺣﻮﺍﺟﺒﻬﺎ .. ﻗﺼﺪﻙ ﺳﻤﺎﻙ ﻫﺎﻳﺪﻱ ..
ﺿﺤﻜﺖ ﺭﺑﺎﺏ : ﺍﻳﻪ ... ﻏﻴﺮ ﺧﻞ ﻧﻜﻤﻠﻚ .. ﺍﻟﻤﻬﻢ .. ﻛﻨﺖ ﻓﻲ ﺍﻻﻭﻝ ﻣﺘﺮﺩﺩﻩ ﺑﺲ ﺑﻌﺪﻳﻦ ﺗﺸﺠﻌﺖ ﻭﺿﺮﺑﺖ ﻉ ﺍﻟﺮﻗﻢ ..
💚💚💚
" ﺍﻟﻮ .."
ﺭﺑﺎﺏ : ﺍﺣﻤﻢ .. ﻣﺆﻧﺲ !
ﻣﺆﻧﺲ ﺑﺘﻨﻬﻴﺪﻩ : ﺍﻟﻨﺎﺱ ﻛﻠﻬﺎ ﻳﻄﻠﻊ ﻣﻨﻬﺎ ﺍﺳﻤﻲ ﻋﺎﺩﻱ ﺍﻻ ﺍﻧﺘﻲ .. ﻋﺎﺩ ﺷﻦ ﺟﺎﺑﻚ ﻟﻠﻨﺎﺱ .. ﺍﻧﺖ ﺑﺮﻭﺣﻚ ..
ﺭﺑﺎﺏ ﺿﺤﻜﺖ ﺑﺼﻤﺖ ﻭﻗﻌﺪﺕ ﺗﻤﺮﻭﺡ ﻉ ﺭﻭﺣﻬﺎ ..
ﻣﺆﻧﺲ : ﺑﺘﻘﻮﻟﻲ ﻫﺪﻯ ﺧﻴﺮﻩ ﻣﻨﺪﻓﻊ ﻫﻜﻲ ﻧﻘﻮﻟﻚ ﺭﺍﻧﻲ ﺻﺒﺮﺕ ﺳﻨﻴﻦ .. ﺍﻟﻐﻼ ﻓﻘﻠﺒﻲ ﻋﻤﺮﻩ ﻣﺶ ﻳﻮﻡ ﻭﻻﻳﻮﻣﻴﻦ ﺗﻼﺕ ﺳﻨﻴﻦ ﺭﺍﻫﻦ ..
💚
ﺭﺑﺎﺏ : ﻛﻼﻣﻪ ﻳﺎﺧﺎﻟﺘﻲ ﻛﻼﻣﻪ .. ﺍﺳﻠﻮﺑﻪ ﺍﻟﻠﻜﻨﻪ .. ﻭﺍﻟﻠﻪ ﻳﺎﺧﺎﻟﺘﻲ ﻣﺎﻧﻠﻮﻡ ﺩﻻﻝ ﻉ ﺣﺎﻟﻬﺎ ﻫﺪﺍ .. ﺍﺫﺍ ﻛﺎﻥ ﻣﺆﻧﺲ ﻫﻜﻲ ﻣﺎﻻ ﻋﻤﺎﺭ ﻛﻴﻒ ..
ﻏﺎﻟﻴﻪ ﻭﺭﺍﻧﻴﺎ : ﺍﻟﻠﻪ ﻳﺮﺣﻤﻪ ..
" ﺍﻟﻠﻪ ﻳﺮﺣﻤﻪ ﻭﻳﺴﺎﻣﺤﻪ .. ﻓﺸﻦ ﺟﺖ ﺳﻴﺮﺗﻪ ﺍﻟﻐﺎﻟﻲ "
ﺍﺑﺘﺴﻤﻮﺍ ﺑﺄﻟﻢ .
ﺭﺑﺎﺏ : ﻧﺤﻜﻴﻠﻬﻢ ﻉ ﻣﺆﻧﺲ ..
ﺩﻻﻝ ﻗﻌﻤﺰﺕ ﻉ ﺍﻟﻜﺮﺳﻲ : ﻭﻧﻌﻢ ﺍﻟﺮﺍﺟﻞ ﻳﺎﺭﺑﺎﺏ ﺣﻈﻚ ﻣﻦ ﺍﻟﺴﻤﻲ ..
ﺭﺑﺎﺏ ﺿﺤﻜﺖ ﺑﺨﺠﻞ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ ﻛﻤﻠﻲ ..
ﺭﺑﺎﺏ : ﺍﺣﻤﻢ .. ﺍﻟﻤﻬﻢ ..
💚
ﺭﺑﺎﺏ : ﻣﺴﺘﻐﺮﺑﻪ ﺍﻟﺤﻖ ﻓﺘﻤﺴﻜﻚ ﺑﻴﺎ ﺑﻌﺪ ﻛﻞ ﺍﻟﻠﻲ ﺻﺎﺭ ..
ﻣﺆﻧﺲ؛ﺍﻟﻠﻲ ﺻﺎﺭ ﺻﺎﺭ ... ﻣﺎﻛﻨﺘﻲ ﻣﻦ ﻗﺴﻢ ﺍﻟﺸﺮﻗﺎﻭﻱ .. ﺭﺑﻲ ﻳﺒﻴﻚ ﻟﻠﺴﺮﺗﺎﻭﻱ ..
ﺭﺑﺎﺏ ﺿﺤﻜﺖ ﻭﻗﺎﻟﺖ : ﻧﺤﺲ ﻓﻴﻚ ﻣﻌﺘﺰ ﺑﻨﻔﺴﻚ ﻫﻠﺒﻪ ٠٠
ﻣﺆﻧﺲ : ﻉ ﺍﻟﻤﻠﻴﺎﻥ ﻣﺶ ﻉ ﺍﻟﻔﺎﺿﻲ .. ﻭﺍﻟﻔﺨﺮ ﻣﺶ ﻣﺬﻣﻮﻡ ..
ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﺍﻓﺘﺨﺮ ﺑﻨﻔﺴﻪ ﻭﻧﺴﺒﻪ ﻳﻮﻡ ﻣﻦ ﺍﻷﻳﺎﻡ ﻟﻤﺎ ﻗﺎﻝ .. ﺍﻧﺎ ﺍﻟﻨﺒﻲ ﻻﻛﺬﺏ .. ﺍﻧﺎ ﺍﺑﻦ ﻋﺒﺪﺍﻟﻤﻄﻠﺐ ..
💚
ﺭﺑﺎﺏ : ﻗﻌﺪﺕ ﻧﻘﻮﻝ ﻟﺮﻭﺣﻲ ﺷﻦ ﻫﺪﺍ ﻳﺎﺭﺑﺎﺏ ﺭﺍﺟﻞ ﺯﻱ ﻫﺪﺍ ﺷﻦ ﺷﺎﻑ ﻓﻴﻚ ﻭﺷﻦ ﻋﺠﺒﻪ ﻓﻴﻚ ﻭﺧﻼﻩ ﻳﺪﻳﺮ ﻉ ﺧﺎﻃﺮﻙ ﻫﺪﺍ ﻛﻠﻪ ..
ﺭﺍﻧﻴﺎ : ﻭﺧﻴﺮﻙ ﺷﻦ ﻧﺎﻗﺼﻚ .. ﺗﻬﺒﻠﻲ ﻭﺩﻣﻚ ﻋﺴﻞ ﻭﺷﺨﺼﻴﺘﻚ ﻗﻮﻳﻪ ﻋﻼﺵ ﻣﺎﻳﺤﺒﻜﺶ ..
ﺩﻻﻝ : ﺻﺪﻗﺖ .. ﺗﻌﺮﻓﻲ ﻫﻮ ﻋﻼﺵ ﺯﺍﺩ ﺗﻤﺴﻚ ﺑﻴﻚ ﻭﻫﺪﺍ ﺷﻲ ﺍﻧﻲ ﺍﺳﺘﻨﺘﺠﺘﻪ .. ﻭﻓﺎﺋﻚ ﻟﻄﺎﺭﻕ ﻭﻃﺮﻳﻘﺔ ﺭﺩﻙ ﻋﻠﻴﻪ ﻟﻤﺎ ﻛﻠﻤﻚ ﺍﻭﻝ ﻣﺮﺓ ﻟﻤﺎ ﻛﺎﻥ ﻳﺤﺴﺎﺑﻚ ﺭﺍﻧﻴﺎ ..
ﻏﺎﻟﻴﻪ : ﺻﺢ .. ﻓﻲ ﺑﻨﺎﺕ ﻋﻜﺴﻚ ﻣﺎﻳﺼﺪﻗﻦ ﻳﺤﺼﻠﻦ ﻭﺍﺣﺪ ﻛﻴﻒ ﻣﺆﻧﺲ ﻭﻗﺘﻬﺎ ﻣﺮﻛﺰ ﻭﻋﺰ .. ﻳﺨﻄﻦ ﺣﺘﻰ ﻓﻬﻠﻬﻦ ﻉ ﺧﺎﻃﺮﻩ ﻟﻜﻦ ﺍﻧﺘﻲ ﺗﻤﺴﻜﺘﻲ ﺑﻄﺎﺭﻕ ﺭﻏﻢ ﻛﻞ ﺷﻲ ﺻﺎﺭ ﺑﻴﻨﺎﺗﻜﻢ ..
ﺗﻨﻬﺪﺕ ﺭﺑﺎﺏ : ﻣﻤﻜﻦ ﺻﺢ .. ﺍﺑﺘﺴﻤﺖ .. ﺍﻟﻤﻬﻢ ..
💚
ﺭﺑﺎﺏ ﺑﺈﺑﺘﺴﺎﻣﻪ؛ﻉ ﺍﻟﻌﻤﻮﻡ ﻳﺎﺳﻴﺪﻱ ﺑﺎﻟﺠﻮﺩﻩ ..
ﺿﺤﻚ ﻭﻗﺎﻝ : ﺑﻴﻚ ﺍﺟﻮﺩ ﻳﺎﺑﻨﺖ ..*****
ﺭﺑﺎﺏ ﺑﻐﺮﻭﺭ ﻣﺼﻄﻨﻊ : ﻭﺍﻓﺘﺨﺮ ..
ﻣﺆﻧﺲ : ﻫﻬﻬﻬﻬﻬﻪ ..
ﻫﺎﻣﺖ ﻓﻀﺤﻜﺘﻪ ﺭﺍﺣﺖ ﻓﻌﺎﻟﻢ ﺗﺎﻧﻲ ..
ﺿﺤﻜﻪ ﻣﻤﻴﺰﺓ ﺟﺪﺍ ..
💚
ﺭﺑﺎﺏ : ﺿﺤﻜﻪ ﺭﺟﻮﻟﻴﻪ ﻳﺎﺧﺎﻟﺘﻲ ﻫﻜﻲ ﺿﺤﻜﺔ ﺭﺍﺟﻞ .. ﻫﻜﻲ ﺗﺤﺴﻴﻪ ﻣﻠﻴﺎﻥ ﺭﺟﻮﻟﻪ ﻣﻌﺒﻲ ﺭﺟﻮﻟﻪ ﻳﻘﻄﺮ ﺭﺟﻮﻟﻪ .. ﻳﺸﻊ ﺭﺟﻮﻟﻪ .. ﺍﻳﻲ .. ﺍﻳﻲ ... ﺗﻨﻬﺪﺕ ... ﺍﻩ ﻳﺎﻗﻠﺒﻲ 💓..
ﺿﺤﻜﻮﺍ ﻋﻠﻴﻬﺎ ..
ﻏﺎﻟﻴﻪ ﺑﻀﺤﻜﻪ : ﻫﺪﻯ ﻛﻠﻪ ﻣﻦ ﺿﺤﻜﻪ ﺑﺲ !
ﺭﺑﺎﺏ : ﺍﻟﻀﺤﻜﻪ ﺑﺮﻭﺣﻬﺎ ﺗﺒﻲ ﺩﻭﺍﻭﻳﻦ ﺷﻌﺮ ﻭﺍﻟﻠﻪ ..
ﺭﺍﻧﻴﺎ : ﺍﻳﻪ ﺣﻘﻪ ﻣﺎﻳﻘﻮﻟﺶ ﻓﺸﻌﺮ؟
ﺭﺑﺎﺏ : ﻗﺎﻟﻲ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﻣﺎﻓﻠﺤﺘﺶ ﻓﻴﻬﺎ ﻋﻜﺲ ﺍﻳﻤﻦ ﻭﻟﺪ ﺧﺎﻟﻪ .. ﻗﺎﻝ ﻋﻨﺪﻩ ﺍﻟﻤﻮﻫﺒﻪ ..
ﺩﻻﻝ ﺍﺑﺘﺴﻤﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺭﺑﺎﺏ : ﺍﻟﻤﻬﻢ .. ﺑﻌﺪﻳﻦ ﻗﺘﻠﻪ ..
💚
ﺭﺑﺎﺏ : ﺍﻧﺖ ﻛﻴﻒ ﺟﻴﺖ ﻫﻨﻲ؟
ﻣﺆﻧﺲ : ﺍﻧﻲ ﻟﻮ ﺑﻨﺤﻜﻴﻠﻚ ﻛﻴﻒ ﺟﻴﺖ ﺗﻘﻮﻟﻲ ﻫﺪﻯ ﻭﺍﺣﺪ ﻣﺘﻠﻒ .. ﻟﻜﻦ ﻓﻲ ﺣﺎﺟﺎﺕ ﺗﺴﺘﺤﻖ ﺍﻟﻮﺍﺣﺪ ﻳﻬﺒﻞ ﻉ ﺧﺎﻃﺮﻫﻦ .
ﺭﺑﺎﺏ ﺍﺑﺘﺴﻤﺖ ﺑﺨﺠﻞ ﻭﻗﻠﺒﻬﺎ ﻳﺮﻓﺮﻑ 💓
ﻣﺆﻧﺲ : ﺷﻮﻓﻲ ﺍﻧﻲ ﺭﺍﻧﻲ ﺟﺪﻱ ﻣﻌﺎﻙ .. ﻻﻧﺒﻲ ﻧﻀﻴﻊ ﻣﻌﺎﻙ ﻭﻗﺖ ﻭﻻ ﻧﺨﺶ ﺳﺮﻳﺐ ﺍﻟﻌﻼﻗﺎﺕ .. ﺍﻧﻲ ﺑﺲ ﻧﺒﻲ ﻧﻀﻤﻨﻚ ﻧﺒﻲ ﻧﺘﺮﻳﺢ ﻣﻦ ﻳﺎﻻﻙ .. ﻧﺒﻴﻚ ﺗﻌﻄﻴﻨﻲ ﻛﻠﻤﻪ ﺗﺨﻠﻴﻨﻲ ﻧﺨﺶ ﻉ ﺍﻟﺠﺎﻱ ﺑﻘﻠﺐ ﻗﻮﻱ ...
ﺭﺑﺎﺏ : ﻣﺎﻓﻬﻤﺘﺶ؟
ﻣﺆﻧﺲ ﺑﺠﺪﻳﻪ : ﺗﻘﺒﻠﻲ ﺑﻴﺎ ﺭﻓﻴﻖ ﻋﻤﺮ؟ ..
💚
ﺭﺑﺎﺏ : ﺍﻻﺳﻠﻮﺏ ﻳﺎﻧﺎﺱ ﺍﻷﺳﻠﻮﺏ ﺣﺘﻰ ﺍﻟﻜﻠﻤﺎﺕ ﺗﻘﻮﻝ ﻳﺨﺘﺎﺭ ﻓﻴﻬﻢ ﻗﺒﻞ ﻳﻘﻮﻟﻬﻢ .. ﻗﺼﺪﻱ ﻣﻌﻠﻴﺸﻲ ﺑﺘﻘﻮﻟﻮﺍ ﻋﻠﻴﺎ ﺧﻔﻴﻔﻪ ﻗﻮﻟﻮﺍ ﺑﺘﻘﻮﻟﻮﺍ ﻣﺎﺻﺪﻗﺖ .. ﻧﻘﻮﻟﻠﻜﻢ ﺍﻳﻪ ﻣﺎﺻﺪﻗﺖ .. ﻃﻮﻝ ﻗﺘﻠﻪ .. ﻧﻘﺒﻞ ..
ﺍﻟﺘﻼﺗﻪ : ﻫﻬﻬﻬﻬﻬﻬﻬﻬﻬﻬﻬﻪ ..
ﺭﺑﺎﺏ ﺑﻀﺤﻜﻪ : ﺍﺿﺤﻜﻮﺍ ﻭﺍﻟﻠﻪ ﻣﺎﻫﺎﻣﻨﻲ .. ﻳﻌﻨﻲ ﻭﺍﺣﺪ ﺯﻱ ﻫﺪﺍ ﺩﺍﺭ ﻫﺪﺍ ﻛﻠﻪ ﻉ ﺧﺎﻃﺮﻱ ﻭﺗﺒﻮﻧﻲ ﻧﺰﻳﺪ ﻧﺸﺤﻄﻪ ﻭﻧﺪﻳﺮ ﺟﻮ ﺍﻟﺜﻘﻞ ﺍﻟﻔﺎﺿﻲ ﻻ ﻭﺍﻟﻠﻪ ...
ﻏﺎﻟﻴﻪ ﺑﻀﺤﻜﻪ : ﺑﺎﻫﻲ ﺷﻦ ﻗﺎﻟﻚ ..
💚
ﻣﺆﻧﺲ : ﺍﻗﺴﻤﻠﻚ ﺑﺎﻟﻠﻪ .. ﺑﻌﺪ ﺍﻟﻠﻲ ﺳﻤﻌﺘﻪ ﻣﻨﻚ ﺗﻮﺍ .. ﻫﺎﻧﺖ ﻋﻠﻴﺎ ﻏﺮﺑﺘﻲ ﻭﺍﻻﻳﺎﻡ ﺍﻟﺼﻌﺒﻪ ﺍﻟﻠﻲ ﻋﺎﻳﺸﻬﻦ ..
ﺭﺑﺎﺏ ﺍﺑﺘﺴﻤﺖ ..
ﻣﺆﻧﺲ : ﺑﺈﺫﻥ ﺍﻟﻠﻪ ﺣﻨﻔﺘﺢ ﺍﻟﻤﻮﺿﻮﻉ ﻣﻊ ﺑﺎﺗﻚ ﻓﻌﺮﺱ ﺧﺎﻟﻚ .. ﺑﺲ ﻗﺒﻠﻬﺎ ﻧﺒﻲ ﻧﻘﻮﻟﻚ ..
ﺭﺑﺎﺏ : ﺷﻨﻮ ..
ﻣﺆﻧﺲ : ﺑﺘﺼﺒﺮﻱ ﻣﻌﺎﻱ ﻓﺤﺪﻭﺩ ﺍﻟﻌﺎﻡ ﻫﻜﻲ ﻟﻴﻦ ﺍﻧﻈﻢ ﺍﻣﻮﺭﻱ ﻭﺑﻌﺪﻳﻦ ﻧﺘﻮﻛﻠﻮﺍ ﻉ ﺍﻟﻠﻪ ﻭﻧﺪﻳﺮﻭﺍ ﺍﻟﻌﺮﺱ ..
ﺿﺤﻜﺖ ﺑﺨﺠﻞ ..
ﻣﺆﻧﺲ : ﻫﺎﻩ ﺷﻦ ﻗﻮﻟﻚ ..
ﺭﺑﺎﺏ : ﻧﺼﺒﺮ ﺯﻱ ﻣﺎﺃﻧﺖ ﺻﺒﺮﺕ ..
ﺍﺑﺘﺴﻢ ﻣﻦ ﻗﻠﺒﻪ ﻭﻗﺎﻝ : ﻧﺤﺒﻚ ﻭﺍﻟﻠﻪ ﺍﻟﻌﻈﻴﻢ ..
ﺣﻄﺖ ﻳﺪﻫﺎ ﻳﺪﻫﺎ ﻉ ﻗﻠﺒﻬﺎ ﻭﺍﺑﺘﺴﻤﺖ ..
ﻣﺆﻧﺲ ﺣﻚ ﺣﺎﺟﺒﻪ ﻭﻗﺎﻝ : ﺍﺳﻒ .. ﻗﻠﺒﻬﺎ ﻗﺎﻟﻬﺎ ﺭﺍﻫﻮ ..
ﻫﻲ ﺣﻄﺖ ﻳﺪﻫﻂ ﺍﻟﺸﻨﻄﻪ ﻓﻔﻤﻬﺎ ﻭﻗﻌﺪﺕ ﺗﻨﺘﺶ ﻓﻴﻪ ﻭﻫﻲ ﺗﻀﺤﻚ ..
💚
ﻏﺎﻟﻴﻪ : ﻛﺎﻧﻲ ﻣﻜﺎﻧﻚ ﻳﺎﺑﻨﺘﻲ ﺍﻏﻤﻰ ﻋﻠﻴﺎ ..
ﺭﺑﺎﺏ : ﻫﻬﻬﻬﻬﻬﻬﻪ ..
ﺷﻮﻳﻪ ﻭﺧﺶ ﻣﺤﻤﺪ ﻭﻣﻌﺎﻩ ﺣﻤﺰﺓ ﻭﻓﻐﻤﺮﻩ ﺍﺳﻴﺎ ..
ﺩﻻﻝ ﻟﻤﺎ ﺷﺎﻓﺘﻬﻢ ﻭﺟﻬﻬﺎ ﺍﻧﻘﻠﺐ ..
ﻗﻌﺪﺕ ﺗﺴﺎﻭﻱ ﻓﺸﺎﺭﺑﺘﻬﺎ ﻭﻫﻲ ﺗﺸﺒﺢ ﻗﺪﺍﻣﻬﺎ ..
ﻣﺤﻤﺪ : ﻭﻳﻦ ﻗﻬﻮﺗﻜﻢ ﻭﺳﺮﻳﺒﻜﻢ ..
ﻏﺎﻟﻴﻪ : ﺍﻫﻮ ﻛﻠﻪ ﻭﺍﺗﻲ ..
ﺣﻤﺰﺓ : ﻣﺎﺷﺎﺀ ﺍﻟﻠﻪ ﻉ ﺑﻨﺘﻚ ﻳﺎﺩﻻﻝ ﺗﺎﺧﺪ ﺍﻟﻘﻠﺐ ..
ﺩﻻﻝ ﺑﺠﺪﻳﻪ : ﺷﻜﺮﺍ ..
ﺍﻟﺒﻨﺎﺕ ﺷﺎﻓﻮﻟﻬﺎ ..
ﻗﺪﻣﺖ ﺭﺍﻧﻴﺎ : ﺗﺮﺍ ﻫﺎﺗﻬﺎ ﺣﻤﺰﺓ ﻭﺍﺭﻓﻊ ﺻﻔﺮﺓ ﺍﻟﻤﻴﻪ ..
ﻋﻄﻲ ﺍﺳﻴﺎ ﻟﺮﺍﻧﻴﺎ ﻭﻫﻮ ﻣﻀﺎﻳﻖ ..
ﻓﺎﺕ ﻣﻦ ﺣﺪﺍﻩ ﻣﺤﻤﺪ ﻭﻓﻴﺪﻩ ﺻﻔﺮﺓ ﺍﻟﻘﻬﻮﺓ ﻭﺍﻟﺤﻠﻮﻳﺎﺕ ..
ﻭﺣﻤﺰﺓ ﺧﺪﻱ ﺍﻟﺼﻔﺮﺓ ﺍﻟﻠﻲ ﻓﻴﻬﺎ ﺍﻟﻤﻴﻪ ﻭﻫﻮ ﻣﺎﺷﻲ ﺷﺒﺢ ﻟﺪﻻﻝ ﺑﻄﺮﻑ ﻋﻴﻨﻪ ﻭﻣﺸﻲ ﻃﻠﻊ ..
ﻗﺪﻣﺖ ﺭﺍﻧﻴﺎ ﻟﺪﻻﻝ ﻭﻋﻄﺘﻬﺎ ﺑﻨﺘﻬﺎ ..
ﻭﺩﻻﻝ ﺧﺪﺕ ﺑﻨﺘﻬﺎ ﻭﻗﻌﻤﺰﺗﻬﺎ ﻓﺤﺠﺮﻫﺎ ..
ﻏﺎﻟﻴﻪ : ﻏﺮﻳﺒﻪ ﻧﻮﺭ ﻣﺨﺘﻔﻴﻪ ..
ﺩﻻﻝ ؛ﻧﻮﺭ ﻧﺎﺻﺒﺎﺗﻪ ﻫﻲ ﻭﻣﺎﻟﻚ ..
ﻏﺎﻟﻴﻪ : ﺧﻴﺮﻫﻢ !!
ﺭﺑﺎﺏ : ﻣﺎﻟﻚ ﺣﺎﺭ ﻫﻠﺒﻪ ..
ﺭﺍﻧﻴﺎ : ﻭﻣﺎﻳﺘﻔﺎﻫﻤﺶ ..
ﺣﺮﻛﺖ ﺭﺍﺳﻬﺎ ﻏﺎﻟﻴﻪ ﺍﻳﻤﻴﻦ ﻭﻳﺴﺎﺭ ﺑﺄﺳﻒ ..
🍁🍁🍁🍁
ﺑﺎﻫﻲ ﺷﻦ ﻓﻴﻬﺎ ﺣﻨﻴﻨﻪ ﺧﻴﺮﻫﺎ ﺭﺯﺍﻥ !
ﺣﺪﻫﻢ ﺍﻟﺠﺪﻩ : ﺭﺯﺍﻥ ﻫﻠﻬﺎ ﻳﺎﺑﻨﺘﻲ ﻣﺶ ﻛﻴﻔﻚ ﺍﻧﺘﻲ ..
ﺣﺪﻫﻢ ﺗﺄﻓﻔﺖ : ﻛﺴﺎﺩ ﻟﻜﻦ ..
ﺍﻟﺠﺪﻩ : ﻣﻌﻠﻴﺸﻲ ﻋﺪﻱ ﺣﺘﻰ ﺑﻌﺪﻳﻦ ﺍﻟﻌﺸﻴﻪ ..
ﺗﻨﻬﺪﺕ ﺣﺪﻫﻢ ﻭﻗﺎﻟﺖ : ﺑﺎﻫﻲ ..
ﻉ ﺧﺸﺔ ﻋﺰﻳﺰﺓ : ﺻﺒﻲ ﺍﻏﺴﻠﻲ ﻣﺎﻋﻴﻦ ﺍﻟﻔﻄﻮﺭ ..
ﺣﺪﻫﻢ : ﻫﻴﻴﻴﻴﻲ .. ﻗﺼﺪﻙ ﻗﺎﻋﺪﻳﻦ ﻳﺮﺍﺟﻮ ﻓﻴﺎ ﻫﻤﺎ؟
ﻋﺰﻳﺰﺓ : ﺩﻭﺭﻙ ﻳﺎﺣﻨﻪ ﻭﺍﺣﻨﻲ ﻫﻜﻲ ﻣﺘﻔﻘﻴﻦ ..
ﺣﺪﻫﻢ ﺷﺒﺤﺖ ﻟﺤﻨﺎﻫﺎ ..
ﺍﻟﺠﺪﻩ : ﻣﻌﻠﻴﺸﻲ ﺑﻨﻴﺘﻲ ﻫﻨﺎ ﻛﻠﻬﻦ ﻃﺎﺳﺘﻴﻦ ﻭﺻﻔﺮﻩ ﺻﺒﻲ ﺍﻏﺴﻠﻴﻬﻦ ﻭﺗﺮﻳﺤﻲ ..
ﺣﺪﻫﻢ ﺗﺄﻓﻔﺖ ﻭﻧﺎﺿﺖ ﺧﻄﻤﺖ ﺣﺪﺍ ﻋﺰﻳﺰﻩ ﻭﻗﺎﻟﺖ ﺑﻬﻤﺲ : ﻃﻨﻪ ..
ﻋﺰﻳﺰﺓ ﻓﻨﺼﺖ ﻋﻴﻮﻧﻬﺎ : ﺳﻤﻌﺘﻴﻬﺎ ﻳﻤﻲ ﺷﻦ ﻗﺎﻟﺖ ..
ﺍﻟﺠﺪﻩ : ﺍﻳﻪ ﻋﺎﺩ ﺍﻧﺘﻲ ﺷﻮﺭﻙ ﺗﺒﻲ ﺍﻟﻤﺸﺎﻛﻞ ﻭﺧﻼﺹ .. ﺭﻳﺘﻬﺎ ﺑﻌﻴﻨﻲ ﻃﻠﻌﺖ ﻣﺎﻗﺎﻟﺖ ﺷﻲ ..
ﻋﺰﻳﺰﺓ؛ ﻻ ﻳﻤﻲ ﻕ ..
ﻗﺎﻃﻌﺘﻬﺎ ﺍﻣﻬﺎ ﻭﻫﻲ ﻧﺎﻳﻀﻪ ﺗﻘﻮﻝ : ﺍﺩﻭﺭﻱ ﻓﻲ ﺍﻟﺤﺲ ﺩﻭﺍﺭﻩ ﻏﻴﺮ ﺍﻣﺘﻲ ﻧﻌﺮﺳﻠﻚ ﻭﻧﻔﺘﻚ ﻣﻨﻚ .. ﻭﻣﺸﺖ ﻃﻠﻌﺖ ﻣﻦ ﺍﻟﺼﺎﻟﻪ ..
ﻋﺰﻳﺰﺓ ﺑﺼﺪﻣﻪ : ﺗﻲ ﺍﻧﻲ ﺍﻟﻠﻲ ﺑﻨﻔﺘﻚ ﻣﺶ ﺍﻧﺘﻢ ..
🍁🍁🍁🍁🍁
ﺟﻦ ﺧﻮﺍﺗﻲ ﻛﻠﻬﻦ ..
ﻫﺎﻧﻴﺒﺎﻝ : ﺣﺘﻰ ﺍﻧﻲ ﺟﻦ ﺧﻮﺍﺗﻲ ﻛﻠﻬﻦ " ﻗﺎﻟﻬﺎ ﻭﻫﻮ ﻳﻘﻠﺪ ﻓﻴﻬﺎ "
ﻣﺮﺍﻡ : ﻫﻬﻬﻬﻬﻪ ..
ﻫﺎﻧﻴﺒﺎﻝ ﺑﻀﺤﻜﻪ : ﻣﺎﻧﺎﻗﺼﻚ ﺷﻲ .. ﻣﺎﺗﺒﻲ ﺷﻲ ..
ﻣﺮﺍﻡ ﺑﺈﺑﺘﺴﺎﻣﻪ : ﻻﺳﻼﻣﺘﻚ ﻣﺎﻧﺒﻲ ﺷﻲ ..
ﻫﺎﻧﻴﺒﺎﻝ ﺑﺠﺪﻳﻪ : ﺗﻌﺮﻓﻲ ﻳﺎﻣﺮﺍﻡ ﻟﻮ ﻧﻌﻠﻢ ﺍﻥ ﻧﺎﻗﺼﺎﺗﻚ ﺣﺎﺟﻪ ﻭﻣﺎﻗﻠﺘﻲ ﻧﺤﺮﺝ ﻭﺭﺍﻫﻮ ﺍﻟﺤﺮﺝ ﻣﺘﺎﻋﻲ ﺍﻟﻠﻪ ﻻﻳﻮﺭﻳﻬﻠﻚ ..
ﻣﺮﺍﻡ : ﻭﺍﻟﻠﻪ ﻭﺍﻟﻠﻪ ﻳﺎﻫﺎﻧﻲ ﻣﺎﻧﺎﻗﺼﺘﻨﻲ ﺣﺎﺟﻪ ..
ﻫﺎﻧﻴﺒﺎﻝ ﺍﺑﺘﺴﻢ ﻭﻗﺎﻝ : ﺗﻤﺎﻡ ﺗﻤﺎﻡ ... ﻫﺎﻩ ﻳﺨﻄﺮ ﻋﻠﻴﻚ ﺷﻲ ﻗﻮﻟﻴﻠﻲ ﻃﻮﻝ ..
ﻣﺮﺍﻡ ﺑﻀﺤﻜﻪ : ﺑﺎﻫﻲ ..
" ﻣﺮﺍﺍﻡ "
ﻣﺮﺍﻡ : ﻫﺪﻱ ﺍﺧﺘﻲ ﻓﺎﻳﺰﺓ ﺗﻨﺎﺩﻱ ..
ﻫﺎﻧﻴﺒﺎﻝ ﺣﻚ ﻟﺤﻴﺘﻪ ﻭﻗﺎﻝ : ﻗﻮﻟﻴﻠﻬﺎ ﺗﺮﺍﺟﻲ ﺷﻮﻱ ..
" ﻳﺎﻣﺮﺍﺍﺍﺍﻡ "
ﻣﺮﺍﻡ ﺑﻀﺤﻜﻪ : ﺧﻼﺹ ﻻﺯﻡ ﻧﺼﻜﺮ ﻫﺎﻧﻲ ..
ﺗﻨﻬﺪ ﻭﻗﺎﻝ : ﻳﻠﻼ ﻧﺼﺒﺮﻭﻟﻨﺎ ﻫﺎﻟﻜﻢ ﻳﻮﻡ ﻭﺍﻟﻠﻪ ﻏﺎﻟﺐ ..
ﺿﺤﻜﺖ ﻣﺮﺍﻡ ﻭﻗﺎﻟﺖ : ﻫﻲ ﺳﻼﻡ .. ﺭﺩ ﺑﺎﻟﻚ ﻉ ﺭﻭﺣﻚ ..
ﻫﺎﻧﻴﺒﺎﻝ : ﺣﺘﻰ ﺍﻧﺘﻲ ..
ﻣﺮﺍﻡ ﺑﺈﺑﺘﺴﺎﻣﻪ : ﺗﻤﺎﻡ ... ﺳﻼﻡ ..
ﻫﺎﻧﻴﺒﺎﻝ : ﺳﻼﻡ ..
ﺻﻜﺮﺕ ..
ﻭﻫﻮ ﻧﺰﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ﻭﺣﻄﻪ ﻓﺠﻴﺒﻪ ﻭﻭﻻ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ..
🍁🍁🍁🍁
ﺍﻧﻲ ﻭﻧﻌﻴﻤﻪ ﻭﺭﺍﻧﻴﺎ ﻭﺭﺯﺍﻥ ﺑﻨﺸﺪﻭﺍ ﺍﻟﻤﻘﺮﻭﺽ ﻭﺍﻟﻘﺮﻳﻨﺎﺕ .. ﻭﺍﻧﺘﻲ ﻭﻛﻔﺎﻳﻪ ﻭﺣﻤﻴﺪﻩ ﻭﻛﺎﻥ ﻳﺒﻦ ﺳﻌﻴﺪﻩ ﻭﻟﻄﻴﻔﻪ ﺗﻌﺪﻥ ﻟﻠﺤﻮﺵ ﺍﻟﻘﺪﻳﻢ .. ﺩﻳﻦ ﻣﻨﻜﻦ ﻳﻀﻢ .. ﻭﺩﻳﻦ ﻳﻐﺴﻞ ﺍﻟﻄﻨﺎﺟﺮ ﻭﺍﻟﻤﺎﻋﻴﻦ .. ﺷﻦ ﻗﻮﻟﻜﻦ ..
ﺯﻳﻨﺐ : ﺍﻧﻲ ﻋﻨﺪﻱ ﻋﺎﺩﻱ ..
ﻛﻔﺎﻳﻪ : ﺣﺘﻰ ﺍﻧﻲ ..
ﺳﻌﻴﺪﻩ : ﻭﺍﻧﻲ ..
ﻟﻄﻴﻔﻪ : ﺧﻼﺹ ﺍﻧﻲ ﻣﻌﺎﻛﻢ ..
ﺣﻤﻴﺪﻩ ﻗﻌﺪﺕ ﺳﺎﻛﺘﻪ ﻛﺎﻧﺖ ﺳﺎﺭﺣﻪ ﻣﺶ ﻣﻌﺎﻫﻢ ..
ﻏﺎﻟﻴﻪ : ﺍﻭﻭﻭ ﺣﻤﻴﺪﻩ ..
ﺍﺳﺘﺎﻗﻀﺖ ﻭﺷﺒﺤﺖ ﻟﻐﺎﻟﻴﻪ : ﺷﻨﻮ ..
ﻟﻄﻴﻔﻪ : ﺗﻤﺸﻲ ﻣﻌﺎﻧﺎ ﻟﻠﺤﻮﺵ ﺍﻟﺘﺎﻧﻲ ﻓﺎﻟﻌﺸﻴﻪ ﺑﻨﻀﻤﻮﻩ ..
ﺣﻤﻴﺪﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺑﺎﻫﻲ ..
ﻏﺎﻟﻴﻪ ﺭﻛﺰﺕ ﻋﻠﻴﻬﺎ .. ﺿﺎﻋﻔﻪ ﻭﺑﺎﻳﻦ ﻓﻮﺟﻬﻬﺎ ﺍﻟﻬﻢ ﻭﻣﺘﺎﻛﺪﻩ ﺍﻥ ﻓﻲ ﺷﻲ ﺻﺎﻳﺮ ..
ﻭﺍﻟﻤﺸﻜﻠﻪ ﺍﻥ ﺣﻤﻴﺪﻩ ﻭﻟﺖ ﻛﺘﻮﻣﻪ ﻣﻌﺎﺵ ﺗﺤﻜﻲ ﻓﺄﻱ ﺷﻲ ﻳﺼﻴﺮ ﻣﻌﺎﻫﺎ ..
🍁🍁🍁🍁
ﻓﻲ ﺍﻟﺪﺍﺭ ..
ﺩﻻﻝ ﺗﺘﻜﻠﻢ ﺑﺎﻟﺘﻠﻴﻔﻮﻥ : ﺑﺎﻫﻲ ﺑﺎﺑﺎ ﻋﻴﻨﻚ ﻋﻠﻴﻬﻢ ..... ﺗﻤﺎﻡ .. ﺑﺎﻟﺴﻼﻣﻪ ..
ﺭﺑﺎﺏ : ﻭﺍﺧﺪﻳﻦ ﻉ ﺟﺪﻫﻢ ﻫﻠﺒﻪ ..
ﺩﻻﻝ : ﻓﻮﻕ ﻣﺎﺗﺘﺼﻮﺭﻱ .. ﺣﺘﻰ ﺑﺎﺑﺎ ﻣﺘﻌﻠﻖ ﺑﻴﻬﻢ ..
ﺭﺍﻧﻴﺎ : ﺭﺑﻲ ﻳﺤﻔﻈﻬﻢ ﻭﻳﺤﻔﻈﻪ ..
ﻧﻮﺭ ﻭﺩﻻﻝ ﺑﺈﺑﺘﺴﺎﻣﻪ؛ﺁﻣﻴﻦ ..
ﺭﻥ ﺗﻠﻴﻔﻮﻥ ﻭﻛﺎﻥ ﻟﻨﻮﺭ ..
ﺷﺎﻓﺖ ﺍﻟﻤﺘﺼﻞ ﺻﻜﺮﺕ ﻋﻠﻴﻪ ..
ﺷﺒﺤﻮﻟﻬﺎ ﻟﻜﻦ ﻣﺎﺑﻮﺵ ﻳﻌﻠﻘﻮﺍ ...
🍁🍁🍁🍁
ﻣﺎﻟﻚ ﺧﻼﺹ ﻓﻮﺕ ﺍﻷﻳﺎﻡ ﻫﺎﺩﻱ ﻟﻴﻦ ﺗﺒﺮﺩ ﺍﻟﻘﺼﻪ ..
ﻣﺎﻟﻚ ﺑﻐﻀﺐ : ﻟﻴﺎ ﺷﻬﺮﻳﻦ ﻓﺎﻳﺖ ﻳﺎﻣﺮﻭﺍﻥ ﻭﻻ ﻻﻧﺖ .. ﺗﻘﻮﻝ ﻣﺎﺻﺪﻗﺖ ﺍﻟﻬﺎﻧﻢ ..
ﻣﺮﻭﺍﻥ : ﺍﻧﺖ ﻣﺎﺑﻄﻠﺘﺶ ﺍﺗﺼﺎﻻﺕ ﺑﻴﻬﺎ ﺍﻟﻤﺪﻩ ﺍﻟﻠﻲ ﻓﺎﺗﺖ ﻣﺎﻋﻄﻴﺘﺶ ﻓﺮﺻﻪ ﻟﺰﻋﻠﻬﺎ ﻳﻬﺪﺍ ﻭﻳﻤﺸﻲ ..
ﻣﺎﻟﻚ ﺷﺒﺤﻠﻪ : ﺣﺘﻰ ﺗﺰﻋﻞ .. ﺗﻜﻠﻤﻨﻲ .. ﺗﻜﺸﺦ ﻋﻠﻴﺎ ﺗﺴﺒﻨﻲ ﺗﻌﻄﻴﻨﻲ ﻉ ﺭﺍﺳﻲ ﻟﻜﻦ ﺗﻔﻮﺗﻨﻲ ﻫﻜﻲ ﻣﺮﺓ ﻭﺣﺪﻩ ﻻ ..
ﻣﺮﻭﺍﻥ : ﺑﺎﻫﻲ ﻛﻮﻳﺲ ﺯﻳﺪ ﺍﺿﻐﻂ ﻋﻠﻴﻬﺎ ﻟﻴﻦ ﺗﺴﻴﺒﻚ ﻣﺮﺓ ﻭﺣﺪﻩ ..
ﻣﺎﻟﻚ ﺿﺤﻚ ﺑﺘﻬﻜﻢ ﻭﻗﺎﺍﻝ : ﺑﻌﺪﻫﺎ ... ﻟﻤﺎ ﻳﻄﻠﻌﻮﺍ ﺍﻟﻨﺠﻮﻡ ﻓﺎﻟﻘﺎﻳﻠﻪ ﻧﺨﻠﻴﻬﺎ ﺍﺩﻳﺮﻫﺎ ﻭﺗﺴﻴﺒﻨﻲ .
ﻭﻣﺸﻲ ﺑﻌﻴﺪ ﺷﻮﻳﻪ ﻋﻦ ﺧﻮﻩ ﻭﻋﺎﻭﺩ ﺍﺗﺼﻞ ﻟﻘﺎﻫﺎ ﺣﻄﺎﺗﻪ ﻓﺎﻟﺤﻈﺮ ..
ﻭﻃﺒﻌﺎ ﻓﻬﺎﻟﺤﺎﻟﻪ ﻣﻌﺮﻭﻑ ﻣﺎﻟﻚ ﺷﻦ ﺑﻴﺪﻳﺮ ..
ﻟﻮﺡ ﺍﻟﺘﻠﻴﻔﻮﻥ ﻉ ﻃﻮﻝ ﻳﺪﻩ .. ﻃﺎﺡ ﻣﻦ ﻉ ﺍﻟﺠﺮﻑ ﺍﻟﻠﻲ ﺟﺎﻱ ﻣﻘﺎﺑﻞ ﺍﻟﻮﺍﺩﻱ ..
ﺿﺤﻚ ﻣﺮﻭﺍﻥ ﻭﻟﻒ ﻭﻣﺸﻲ ﻫﺎﺭﺏ ﻋﻦ ﻣﺎﻳﻔﺶ ﻏﻠﻪ ﻓﻴﻪ ..
ﻣﺎﻟﻚ ﺑﻐﻀﺐ : ﺑﺎﻫﻲ ﻳﺎﻧﻮﺭ ﺑﺎﻫﻲ .. ﺑﺎﺍﺍﺍﻫﻲ ..
🍁🍁🍁🍁
ﻣﺎﺑﻴﻦ ﺍﻟﺼﻐﻴﺮ ﺍﻟﻠﻲ ﻋﺎﻳﺶ ﻋﻼﻗﺔ ﺣﺒﻪ ﺑﻬﺪﻭﺀ ﻭﻟﻄﺎﻓﻪ ..
ﻭﺍﻟﻮﺳﻄﺎﻧﻲ ﺍﻟﻠﻲ ﻋﺎﻳﺸﻬﺎ ﻓﻨﺎﺭ ﻭﻣﺸﺎﻛﻞ ..
ﻛﺎﻥ ﺍﻟﻜﺒﻴﺮ ﻋﺎﻳﺶ ﻓﻌﺬﺍﺏ ﺍﻟﺼﺪ ﺍﻟﻤﺴﺘﻤﺮ ..
ﻭﺍﻟﻤﺸﻜﻠﻪ ﺍﻧﻪ ﻣﻊ ﻛﻞ ﺻﺪﻩ ﻋﺸﻘﻪ ﻳﺰﻳﺪ ﺍﻛﺜﺮ ﻭﺍﻛﺜﺮ ..
ﺧﺶ ﻟﻠﻜﻮﺟﻴﻨﻪ ﻋﻄﺸﺎﻥ ﺑﻴﺸﺮﺏ ..
ﻟﻘﺎﻫﺎ ﻓﻲ ﺍﻟﻜﻮﺟﻴﻨﻪ ﺗﻐﺴﻞ ﻓﻤﺎﻋﻴﻦ ﺍﻟﻘﻬﻮﺓ ﻣﺘﺎﻉ ﺍﻟﺮﺟﺎﻟﻪ ..
ﺍﺑﺘﺴﻢ ..
ﻭﻣﺸﻲ ﻗﻌﻤﺰ ﻉ ﺍﻟﻄﺎﻭﻟﻪ ﺍﻟﺼﻐﻴﺮﻩ ﻭﻫﻮ ﻳﻘﻮﻝ : ﻳﺎﺻﺒﻮﺭ ﺻﺒﺮﻧﺎﺍﺍﺍﺍ ..
ﻫﻲ ﺷﺎﺩﻩ ﺿﺤﻜﺘﻬﺎ ﻭﺩﺍﻳﺮﻩ ﺭﻭﺣﻬﺎ ﻋﺎﺩﻳﻪ ..
ﻋﻤﺎﺩ : ﺷﻦ ﺟﻮ ﻳﺎﻣﻠﻌﻘﻪ ..
ﻣﺎﺑﺘﺶ ﺗﺮﺩ ..
ﻋﻤﺎﺩ : ﻓﻤﻦ ﻧﻜﻠﻢ ﺍﻧﻲ ..
ﻣﺎﺑﺘﺶ ﺗﻌﺪﻝ ..
ﻋﻤﺎﺩ : ﺍﺳﻤﻌﻲ ﺍﻟﻠﻲ ﺩﻳﺮﻱ ﻓﻴﻪ ﻣﺶ ﻓﺼﺎﻟﺤﻚ ﺭﺍﻫﻮ ..
ﻭﻻﻋﺒﺮﺍﺗﻪ ..
ﻋﻤﺎﺩ : ﺍﺳﺘﻜﺮﺍﺩ ..
ﺗﻜﻔﻲ ﻓﻲ ﺍﻟﻄﻮﺍﺳﻲ ﻓﻮﺳﻂ ﺍﻟﺸﺒﺎﻙ ﻭﻻﺑﺖ ﺗﻘﻮﻝ ﻛﻠﻤﻪ ...
ﻋﻤﺎﺩ : ﻣﺶ ﺣﺎﺳﺒﺘﻨﻲ ﺑﻨﺎﺩﻡ ﻭﻻﻛﻴﻒ ..
ﻫﻲ ﺍﺿﺎﻳﻘﺖ ﻭﻗﺎﻟﺖ : ﺧﻠﻴﻨﻲ ﻓﺤﺎﻟﻲ ..
ﻋﻤﺎﺩ : ﻭﺍﻧﻲ ﺷﻨﻮ .. ﻣﺎﻫﻮ ﺍﻧﻲ ﺣﺎﻟﻚ .
ﺿﺤﻜﺖ ﺑﺼﻤﺖ ..
ﻋﻤﺎﺩ : ﺗﻠﻔﺘﻲ ﻳﺎﺩﻋﻮﺓ ﺍﺷﺒﺤﻴﻠﻲ ﻫﻨﻲ ..
ﺍﺑﺘﺴﻤﺖ ﺑﻌﺪﻳﻦ ﻏﻴﺮﺕ ﻣﻼﻣﺤﻬﺎ ﻟﻺﻣﺘﻌﺎﺽ ﻭﺍﻟﺘﻔﺘﺖ : ﺷﻨﻮ ..
ﻋﻤﺎﺩ ﺍﺑﺘﺴﻢ ﻭﻫﻮ ﻳﻤﺮﺭ ﻓﻨﻈﺮﻩ ﻉ ﻣﻼﻣﺤﻬﺎ ﺍﻟﺤﻠﻮﺓ .. ﺑﺎﻟﺬﺍﺕ ﻋﻴﻮﻧﻬﺎ ..
ﺭﺯﺍﻥ ﻭﺟﻬﻬﺎ ﻭﻻ ﺍﺣﻤﺮ : ﺷﻨﻮ ﺗﺒﻲ ..
ﻋﻤﺎﺩ ﺑﺈﺑﺘﺴﺎﻣﺔ ﻋﺸﻖ : ﻻﺷﻲ ﻧﺒﻲ ﻧﺘﺄﻣﻞ ﺯﻭﻣﺘﻚ ﺑﺲ ..
ﺭﺯﺍﻥ ﺑﻨﺮﻓﺰﺓ : ﻣﺒﺮﺩﻙ ﻭﻣﺜﻘﻞ ﺩﻣﻚ ﻳﺎﺭﺑﻲ ﻣﻨﻚ ﺑﺎﺍﺍﺍﺭﺩ ﻣﺴﺘﻔﺰ ..
ﻃﻠﻌﺖ ﻣﻦ ﺣﺪﺍﻩ ﻫﻮ ﻣﻌﺎﻫﺎ ﺑﻌﻴﻮﻧﻪ ﻭﻳﻀﺤﻚ : ﻳﺎﻭﺍﻟﻠﻪ ﻋﻠﻴﻚ ﻣﻠﻌﻘﻪ ﻭﺧﻼﺹ .. ﻋﺴﻞ 💓
ﻧﺎﺽ ﻭﻣﺸﻲ ﻟﻠﻄﺮﻣﺲ ﻳﺶ ﻳﺸﺮﺏ ﻣﻴﻪ ..
🍁🍁🍁🍁
ﻣﻊ ﺍﻟﺴﺎﻋﻪ 2:30
ﻛﺎﻥ ﻏﺪﺍﻫﻢ ﻭﺍﺗﻲ ..
ﻏﺪﻭﺍ ﺍﻟﺮﺟﺎﻟﻪ ﻭﺗﻐﺪﻭﺍ ﺍﻟﻨﺴﺎﻭﻳﻦ ..
ﻭﺟﻲ ﻭﻗﺖ ﻏﺴﻞ ﺍﻟﻤﺎﻋﻴﻦ ..
ﻧﻮﺭ : ﻟﻤﺎ ﻳﺠﻴﺒﻮﺍ ﺍﻟﺼﻔﺮ ﻛﻠﻬﻢ ﻧﺎﺩﻭﻧﻲ ﺑﺎﻫﻲ ..
ﺭﻓﻘﻪ ﺑﻀﺤﻜﻪ : ﺑﺎﻫﻲ ..
ﻃﻠﻌﺖ ﻧﻮﺭ ﻣﻦ ﺍﻟﻜﻮﺟﻴﻨﻪ ﻉ ﺧﺸﺔ ﻣﺎﻟﻚ ﺑﺎﻟﺼﻔﺮﻩ ..
ﻟﻤﺎ ﺷﺎﻓﺎﺗﻪ ﺭﻋﺸﺖ ﻣﻊ ﺑﻌﻀﻬﺎ ..
ﻟﻜﻦ ﺍﻇﺎﻫﺮﺕ ﺑﻼﻣﺒﺎﻻﻩ ﻭﻛﻤﻠﺖ ﻃﺮﻳﻘﻬﺎ ﻭﻻﻛﺄﻧﻬﺎ ﺷﺎﻓﺎﺗﻪ ..
ﺍﻣﺎﻫﻮ ﺯﺍﺩ ﻉ ﺍﻟﻐﻀﺐ ﻏﻀﺐ ﻭﻉ ﺍﻟﻌﺼﺎﺏ ﻋﺼﺎﺏ ..
ﺣﻂ ﺍﻟﺼﻔﺮﺓ ﻟﻮﻃﺎ ﺑﺘﻘﺮﺑﻴﻊ ﻭﻣﺸﻲ ﻃﻠﻊ ..
ﺭﺯﺍﻥ ﺿﺤﻜﺖ .. ﻭﺭﻓﻘﻪ ﻣﻌﺎﻫﺎ ..
ﺷﻮﻳﻪ ﻭﺟﻲ ﺣﻤﺰﺓ ﺑﺎﻟﺼﻔﺮﺓ ﺍﻟﺘﺎﻧﻴﻪ ﻟﻜﻦ ﻣﺎﺑﺎﺵ ﻳﺨﺶ ﻧﺎﺩﻯ ﻭﻗﺎﻝ : ﻳﻠﻲ ﻓﻲ ﺍﻟﻜﻮﺟﻴﻨﻪ ..
ﻃﻠﻌﺘﻠﻪ ﺭﺯﺍﻥ ...
ﺣﻤﺰﺓ : ﺍﻭﻭ ﺭﺯﺍﻥ ﺷﺠﻮ ..
ﺭﺯﺍﻥ ﻭﻫﻲ ﻣﺒﺘﺴﻤﻪ : ﺗﻤﺎﻡ ..
ﺣﻤﺰﺓ : ﺩﺭﺗﻮﺍ ﺍﻣﺘﺤﺎﻧﺎﺕ ﻭﻻﻣﺎﺯﺍﻝ ..
ﺭﺯﺍﻥ : ﻓﺸﻬﺮ 7
ﺣﻤﺰﺓ : ﺗﻤﺎﻡ ﺷﺪﻱ ﻛﻮﻳﺲ ..
ﺭﺯﺍﻥ : ﺇﻥ ﺷﺎﺀ ﺍﻟﻠﻪ ..
ﺣﻤﺰﺓ؛ﺷﻦ ﻧﺎﻭﻳﻪ ﺗﺨﺸﻲ ﺍﻧﺘﻲ ..
ﺭﺯﺍﻥ : ﺣﺎﺳﺐ ..
ﺣﻤﺰﺓ : ﻛﻮﻳﺲ ﻛﻮﻳﺲ .. ﻭﻟﻮ ﺍﻧﻪ ﻳﻤﺸﻲ ﻣﻌﺎﻙ ﺗﻜﻮﻥ ﺟﺮﺍﺣﻪ .
ﺿﺤﻜﺖ : ﻟﻴﺶ ..
ﺣﻤﺰﺓ : ﻗﻮﻳﻪ ﻭﺍﻋﺼﺎﺑﻚ ﺑﺎﺭﺩﻩ ﻓﻲ ﺍﻛﺜﺮ ﺍﻟﻤﻮﺍﻗﻒ ..
ﺍﺑﺘﺴﻤﺖ ﻭﻗﺎﻟﺖ : ﻣﺶ ﻋﺎﺭﻓﻪ ..
ﺿﺤﻚ ﻭﻗﺎﻝ : ﻫﺎﻛﻲ ﺧﻮﺩﻱ ﻣﻨﻲ ﺍﻟﺼﻔﺮﻩ ..
ﺧﺪﺗﻬﺎ ﺭﺯﺍﻥ ﻭﺧﺸﺖ ﺑﻴﻬﺎ ..
ﻭﺣﻤﺰﺓ ﻣﺸﻲ ..
ﻗﺎﺑﻠﻪ ﻋﻤﺎﺩ ﻭﺍﻗﻒ ﻓﻲ ﺑﺪﺍﻳﺔ ﺍﻟﻤﻤﺮ ﻭﻳﺒﺎﻥ ﻋﻠﻴﻪ ﺍﻧﻪ ﻣﻌﺼﺐ ..
ﺣﻤﺰﺓ : ﻫﺪﺭﺯﺓ ﻋﺎﺩﻳﻪ ﻳﺎﺑﺮﻭ ﻣﺎﺗﻜﺒﺮﺵ ﺍﻟﻤﻮﺿﻮﻉ ..
ﻋﻤﺎﺩ ﺳﻜﺮ ﻋﻴﻮﻧﻪ ﺑﺸﺪﻩ ﻭﻗﺎﻝ ﺑﺤﺪﻩ : ﻻ ﻋﺎﺩﻳﻪ ﻻ ﻣﻠﻮﻧﻪ .. ﺧﻠﻴﻨﺎ ﺻﺤﺎﺏ ﻳﺎﺣﻤﺰﺓ ..
ﻭﻓﺘﺢ ﻋﻴﻮﻧﻪ ﻭﻣﺸﻲ ﺑﺎﻟﺼﻔﺮﻩ ﻣﺘﺎﻉ ﻃﻮﺍﺳﻲ ﺍﻟﻤﺸﺮﻭﺏ ..
ﺣﻤﺰﺓ ﺑﻀﺤﻜﻪ : ﺣﺎﻝ ﻳﻀﺤﻚ ﺍﻗﺴﻢ ﺑﺎﻟﻠﻪ ..
ﻭﻟﻒ ﻭﻣﺸﻲ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ﻭﻫﻮ ﻳﺤﺮﻙ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ ..
ﻓﻲ ﻧﻔﺲ ﺍﻟﻮﻗﺖ ..
ﺧﺶ ﻋﻤﺎﺩ ﻭﻫﻮ ﻗﺎﺭﻧﻬﻢ ..
ﻭﺍﻟﺒﻨﺎﺕ ﻛﺎﻧﻮﺍ ﻳﻠﻤﻮﺍ ﻓﻲ ﺍﻟﻤﺎﻋﻴﻦ ..
ﺣﻂ ﺍﻟﺼﻔﺮﻩ ﺑﻘﻮﻩ ﻉ ﺍﻟﺮﺧﺎﻣﻪ ﻟﻴﻦ ﺍﻟﻄﻮﺍﺳﻲ ﻃﺎﺣﻮﺍ ﻉ ﺑﻌﺾ ..
ﺷﺒﺤﻮﻟﻪ ..
ﺷﺒﺢ ﻟﺮﺯﺍﻥ ﻭﻗﺎﻝ : ﺍﻟﺠﻮ ﺍﻟﻠﻲ ﺍﺩﻳﺮﻱ ﻓﺄﻣﻪ ﻭﺍﻟﻠﻪ ﻟﻤﺎ ﻧﺪﻣﻚ ﻋﻠﻴﻪ ..
ﻟﻒ ﻭﺿﺮﺏ ﺍﻟﺒﺎﺏ ﺑﻘﺒﻀﺔ ﻳﺪﻩ ﻭﻃﻠﻊ ..
ﺭﻓﻘﻪ ﻭﺭﺯﺍﻥ ﻣﺼﺪﻭﻣﺎﺕ ..
ﺭﻓﻘﻪ : ﺧﻴﺮﻩ ﻫﺪﺍ ﺍﻟﺘﺎﻧﻲ؟
ﺭﺯﺍﻥ ﺑﺼﺪﻣﻪ : ﻣﺘﻠﻒ ..!
🍁🍁🍁🍁
ﻓﻲ ﺍﻟﺪﺍﺭ ..
ﺩﻻﻝ : ﺑﺎﻟﻠﻪ ﺭﺑﺎﺏ ﺳﻜﺮﻱ ﺍﻟﺒﺮﺳﻴﺎﻧﻪ ..
ﺭﺑﺎﺏ : ﺑﺎﻫﻲ ..
ﻓﺘﺤﺖ ﺍﻟﺮﻭﺷﻦ ﺑﺘﺴﻜﺮ ﺍﻟﺒﺮﺳﻴﺎﻧﻪ ..
ﺷﺎﻓﺖ ﻣﺆﻧﺲ ﻣﺎﺷﻲ ﺑﻄﺮﻳﻘﻪ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ..
ﻫﻮ ﺳﻤﻊ ﺻﻮﺕ ﺍﻟﺮﻭﺷﻦ ﻟﻤﺎ ﺍﻧﻔﺘﺢ ﺷﺒﺤﻠﻪ ﻃﻮﻝ ..
ﺷﺎﻓﻬﺎ ..
ﻫﻲ ﺍﺑﺘﺴﻤﺖ ..
ﻫﻮ ﺍﺑﺘﺴﻢ ﻉ ﺟﻨﺐ ﺑﻌﺪﻳﻦ ﺷﺒﺢ ﺟﻬﺔ ﺍﻟﺰﺭﻳﺒﻪ ﻭﺷﺒﺢ ﺍﻟﻘﺪﺍﻡ ﻭﻛﻤﻞ ﻃﺮﻳﻘﻪ ﻟﻠﻤﺮﺑﻮﻋﻪ ..
ﻛﻔﺎﻳﻪ : ﺗﻤﺤﻤﻄﻨﺎ ..
ﺍﺳﺘﺎﻗﻀﺖ ﺭﺑﺎﺏ ﻭﺳﻜﺮﺕ ﺍﻟﺒﺮﺳﻴﺎﻧﻪ ﻭﺍﻟﺮﻭﺷﻦ ..
ﺍﻟﺘﻔﺘﺖ ﺟﺖ ﻋﻴﻨﻬﺎ ﻓﻌﻴﻦ ﺩﻻﻝ ..
ﺩﻻﻝ ﺍﺑﺘﺴﻤﺖ ﻭﺑﻌﺪﻳﻦ ﺷﺒﺤﺖ ﻟﺒﻨﺘﻬﺎ ﻭﻗﻌﺪﺕ ﺍﻃﺒﻄﺐ ﻋﻠﻴﻬﺎ ..
ﺍﺑﺘﺴﻤﺖ ﺭﺑﺎﺏ ﺑﺨﺠﻞ ﻭﻣﺸﺖ ﻟﻮﺍﺣﺪ ﻣﻦ ﺍﻟﻔﺮﺍﺷﺎﺕ ﻭﺗﻤﺪﺩﺕ ﻋﻠﻴﻪ .. ﻭﺳﺮﺣﺖ ﺑﺎﻟﺘﻔﻜﻴﺮ ﻓﻲ ﺍﻟﺸﺎﻣﺦ ...
⚡ ﻓﻼﺵ ﺑﺎﻙ ..
💚
ﻣﺆﻧﺲ : ﺑﺎﻫﻲ ﻳﺎﻫﺎﻳﺪﻱ ﻣﺎﺗﺒﻲ ﺷﻲ ..
ﺭﺑﺎﺏ ﺑﻀﺤﻜﻪ : ﻫﺎﻳﺪﻱ !!
ﻣﺆﻧﺲ ﺑﻀﺤﻜﻪ؛ﻣﻦ ﻟﻤﺎ ﺭﻳﺘﻚ ﻭﺍﻧﺘﻲ ﺷﺎﺩﻩ ﺍﻟﻔﻄﻴﻤﻪ ﺧﻄﺮﺕ ﻋﻠﻴﺎ ﻫﺎﻳﺪﻱ ..
ﺭﺑﺎﺏ : ﻫﻬﻬﻬﻬﻬﻪ ..
ﻣﺆﻧﺲ ﺑﻀﺤﻜﻪ : ﻋﺠﺒﺎﺗﻚ ..
ﺭﺑﺎﺏ ﺑﺈﺑﺘﺴﺎﻣﻪ : ﺍﻳﻪ ..
ﻣﺆﻧﺲ : ﻛﻮﻳﺲ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﺭﻗﺪﺕ ﻉ ﺟﻨﺒﻬﺎ ﺍﻟﻴﺴﺎﺭ ﻭﺍﺑﺘﺴﻤﺖ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ... ﻭﻗﻠﺒﻬﺎ ﻳﺪﻕ ﻳﺪﻕ ﻳﺪﻕ ﻳﺪﻕ .. ﺑﺄﻗﻮﻯ ﻣﺎﻓﻴﻪ ..
🍁🍁🍁🍁
ﺍﻟﺴﺎﻋﻪ 6:00 ﻣﺴﺎﺀﺍ ..
ﻓﻲ ﺍﻟﺤﻮﺵ ﺍﻟﻘﺪﻳﻢ ..
ﺯﻳﻨﺐ : ﻋﺰﻣﺘﻮﻫﺎ؟ !!
ﺣﻤﻴﺪﻩ : ﺍﻳﻪ ﻛﻴﻒ ﻣﺎﻫﻲ ﻋﺰﻣﺖ ﺍﻣﻲ ..
ﻛﻔﺎﻳﻪ : ﻣﺶ ﻣﻨﻄﻘﻴﻪ ﺍﻟﺤﻖ ﻧﻌﺰﻣﻮﺍ ﺧﺎﻟﺔ ﺧﻄﻴﺒﺔ ﺧﻮ ﺍﻟﻌﺮﻳﺲ ..
ﺣﻤﻴﺪﻩ : ﻣﺎﻓﻴﻬﺎ ﺷﻲ ﻣﺎﺗﻜﺒﺮﻧﻬﺎﺵ ﻭﺍﻟﻨﺒﻲ ..
ﻭﻣﺸﺖ ﻣﻦ ﺣﺪﺍﻫﻢ ﻭﺧﺸﺖ ﺍﻟﻜﻮﺟﻴﻨﻪ ..
ﺯﻳﻨﺐ ﺷﺪﺕ ﻗﻔﻄﺎﻧﻬﺎ ﻣﻦ ﺟﻬﺔ ﺍﻟﺮﻗﺒﻪ ﻭﻗﺎﻟﺖ : ﺑﺪﻳﺖ ﻧﻨﺨﻨﻖ ﻭﻣﺸﺖ ﻟﻠﺪﺍﺭ ﺍﻟﻘﺒﻠﻴﻪ ..
ﻭﻛﻔﺎﻳﻪ ﺗﻨﻬﺪﺕ ﻭﻟﺖ ﻟﺸﻐﻠﻬﺎ ...
ﻓﻲ ﻭﺣﺪﻩ ﻣﻦ ﺍﻟﺪﻳﺎﺭ ..
ﺳﻌﻴﺪﻩ : ﺭﺍﺣﺖ ﻣﻌﺎﺩ ﺗﻨﻄﺎﻕ .
ﻟﻄﻴﻔﻪ : ﺑﺼﺮﺍﺣﻪ ﻣﻦ ﻗﺒﻞ ﻣﺰﻋﺠﻪ ﻣﺶ ﻏﻴﺮ ﺗﻮﺍ ..
ﺳﻌﻴﺪﻩ : ﺭﺑﻲ ﻳﺴﺘﺮ ﻭﻳﻌﺪﻱ ﻫﺎﻟﻌﺮﺱ ﻉ ﺧﻴﺮ ..
ﻟﻄﻴﻔﻪ : ﺍﻛﺜﺮ ﺩﻋﻮﻩ ﻧﺪﻋﻲ ﻓﻴﻬﺎ ..
ﺳﻜﺘﻮﺍ ﻭﻭﻟﻮﺍ ﻟﺨﺪﻣﺘﻬﻢ ﻫﻤﺎ ﺍﻟﺰﻭﺯ ..
ﺑﻌﺪﻳﻦ ﻟﻄﻴﻔﻪ ﻗﺎﻟﺖ : ﺍﻻ ﺑﻨﻨﺸﺪﻙ ﻣﺮﺕ ﺍﻟﻬﺎﺩﻱ ﻭﻳﻦ ..
ﺳﻌﻴﺪﻩ : ﻋﻨﺪ ﻫﻠﻬﺎ ﺗﺎﻛﺘﻬﺎ ﻫﻲ ﻭﺍﻟﻬﺎﺩﻱ ..
ﻟﻄﻴﻔﻪ ﺑﻀﺤﻜﻪ : ﺭﺑﻲ ﻳﻬﺪﻱ ..
🍁🍁🍁🍁
ﺧﺸﺖ ﻟﻠﻘﻄﻌﻪ ..
ﺗﻌﻮﺩﺕ ﻓﻲ ﻣﻨﺎﺳﺒﺎﺕ ﺍﻟﻘﺒﻴﻠﻪ ﺗﺤﻀﺮ ﻫﻲ ﺍﻷﻭﻟﻰ ..
ﺑﺎﻟﻨﺴﺒﻪ ﻟﻴﻬﻢ ﻭﻟﺖ ﺍﻫﻢ ﻭﺣﺪﻩ ﻓﻲ ﺍﻱ ﻣﻨﺎﺳﺒﻪ ﻣﻦ ﻧﺎﺣﻴﺔ ﺍﻟﻌﻮﺍﻟﻪ ﻭﺍﻟﻬﻴﺎﺟﻪ ..
ﺑﺮﻏﻢ ﺍﻧﻬﺎ ﻗﻨﻴﻨﻪ ﻭﺩﻣﻬﺎ ﺧﻔﻴﻒ ﻟﻜﻦ ﻟﺘﻮﺍ ﺍﻟﻨﺼﻴﺐ ﻣﺎﺟﺎﻫﺎﺵ ..
ﻓﻀﻴﻠﻪ ...
ﻣﻮﺍﻟﻴﺪ ...1976
ﻃﻴﺒﻪ ﻭﺷﻬﻠﻮﻟﻴﻪ ﻭﺗﺤﺐ ﻋﻴﺖ ﺭﻣﻀﺎﻥ ﻫﻠﺒﻪ ﺑﺰﻣﺎﻧﺎﺗﻬﺎ ﻛﺎﻧﺖ ﺣﺎﻃﻪ ﺍﻟﻌﻴﻦ ﻉ ﺍﻟﻬﺎﺩﻱ ﻟﻜﻦ ﺍﻟﻬﺎﺩﻱ ﺧﺪﺍﺗﻪ ﺳﻤﻴﻪ ..
ﺍﺿﺎﻳﻘﺖ ﻟﻜﻦ ﻓﻴﺴﻊ ﺗﻘﺒﻠﺖ ﺍﻟﻤﻮﺿﻮﻉ ﻭﻗﺎﻟﺖ ﻧﺼﻴﺒﺎﺕ ﻭﻓﻌﺮﺳﻪ ﻋﻮﻟﺖ ﻭﻫﻴﺠﺖ ﻭﺟﻮﻫﺎ ﻓﻮﻕ ﺍﻟﺮﻳﺢ ..
🍁 ﺍﻧﻔﺘﺤﺖ ﻋﺒﺎﻳﺘﻬﺎ ..
ﻓﻀﻴﻠﻪ : ﻭﺍﺍﻙ ﻋﻠﻴﻚ ﻫﻢ ..
ﻭﻗﻔﺖ ﺗﺼﻜﺮ ﻓﻴﻬﺎ ..
" ﺍﺣﻤﻤﻢ ﺣﻤﻢ .."
ﻭﻫﻲ ﺗﺴﻜﺮ ﻓﻴﻬﺎ ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻥ ﺣﺴﻦ ﺍﻟﻠﻲ ﻛﺎﻥ ﻣﺎﺷﻲ ﺑﻴﻄﻠﻊ ﻣﻦ ﺍﻟﻘﻄﻌﻪ ..
ﻫﻲ ﺗﺤﺸﻤﺖ ﻭﻧﺰﻟﺖ ﻋﻴﻮﻧﻬﺎ ﻭﻛﻤﻠﺖ ﻃﺮﻳﻘﻬﺎ ﻭﻫﻲ ﺷﺎﺩﻩ ﺍﻟﻌﺒﺎﻳﻪ ﻓﺎﺕ ﻣﻦ ﺣﺪﺍﻫﺎ ..
ﻳﺪﻭﺏ ﺷﺒﺤﻠﻬﺎ ﺑﻄﺮﻑ ﺍﻟﻌﻴﻦ ﻭﻣﺸﻲ ..
ﻭﻫﻲ ﺧﺸﺖ ﻟﻠﺤﻮﺵ ﺍﻟﻘﺪﻳﻢ ..
🍁🍁🍁🍁
ﻓﺎﻟﺤﻮﺵ ﺍﻟﺘﺎﻧﻲ ..
ﻣﻠﻤﻮﻣﻴﻦ .. ﻏﺎﻟﻴﻪ ﻭﻧﻌﻴﻤﻪ
ﻭﺭﺍﻧﻴﺎ ﻭﺭﺯﺍﻥ ﻭﺣﺪﻫﻢ ..
ﺍﻟﻜﺒﺎﺭ ﻳﺪﻳﺮﻭﺍ ﻓﻲ ﺍﻟﻤﻘﺮﻭﺽ ..
ﻭﺍﻟﺼﻐﻴﺮﺍﺕ ﻳﻨﻘﺸﻮﺍ ..
ﻉ ﺧﺸﺔ ﻋﻤﺮ ﻭﻋﻤﺎﺩ ﻭﻣﺮﻭﺍﻥ ..
ﻋﻤﺮ : ﻣﺎﻓﻴﺶ ﻭﺣﺪﺍﺕ ﻃﺎﻳﺒﺎﺕ .
ﻏﺎﻟﻴﻪ ﺑﺤﺪﻩ : ﻣﺎﻓﻴﻴﻴﺶ ..
ﻋﻤﺮ : ﺗﻲ ﻏﻴﺮ ﻣﻦ ﻧﺸﺪﻙ ﺍﻧﺘﻲ ﻳﺎﺻﺒﺎﺡ ..
ﻧﻌﻴﻤﻪ ﺑﻀﺤﻜﻪ : ﻣﺎﺯﺍﻝ ﻣﺎﻃﻴﺒﻨﺎﺵ ..
ﻋﻤﺎﺩ ﻋﻴﻮﻧﻪ ﻉ ﺭﺯﺍﻥ ﻭﻫﻲ ﺗﻨﻘﺶ ..
ﺣﻠﻮ ﻣﻨﻈﺮﻫﺎ ﺑﺎﻟﻤﺮﺓ ﻟﻤﺎ ﺗﺒﺪﺍ ﻻﻫﻴﻪ ...
ﺗﻨﻬﺪ ﻭﻗﺎﻝ : ﺑﺎﻟﻠﻪ ﺃﻣﺮﻭﺍ ﻣﻘﺮﻭﺿﺎﺗﻜﻢ ﻳﺎﺣﺪﻫﻢ ﻭﺭﺍﻧﻴﺎ ..
ﻛﻠﻬﻢ ﺷﺒﺤﻮﻟﻪ ..
ﻭﻫﻲ ﺍﻧﻘﻤﺼﺖ ..
ﻧﻌﻴﻤﻪ : ﻋﻼﺵ !!
ﻋﻤﺎﺩ : ﻧﺒﻲ ﻣﻘﺮﻭﺽ ﺍﻟﻨﺎﺱ ﺍﻟﺼﺎﻓﻴﻪ ..
ﻏﺎﻟﻴﻪ ﻓﻨﺼﺖ ..
ﻭﻋﻤﺮ ﺿﺤﻚ ﻭﻣﺮﻭﺍﻥ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
ﻋﻤﺎﺩ : ﻣﻘﺮﻭﺽ ﺍﻟﻨﺎﺱ ﺍﻟﻤﺴﻤﻪ ﻣﺎﻧﺒﻴﺸﻲ .. ﻳﻘﻄﺮ ﺳﻢ ﻣﺶ ﻋﺴﻞ ..
ﺿﺤﻜﻮﺍ ...
ﺣﺪﻫﻢ ﻣﺎﺻﺪﻗﺖ : ﻭﻣﻘﺮﻭﺽ ﺍﻟﻨﺎﺱ ﺍﻟﺼﺎﻓﻴﻪ ..
ﻋﻤﺎﺩ : ﻳﻘﻄﺮ ﻋﺴﻞ ﺻﺎﻓﻲ ﺯﻳﻬﻢ ..
ﺣﺪﻫﻢ : ﺍﻟﺤﻤﺪ ﻟﻠﻪ ﺍﻧﻲ ﻣﻨﻬﻢ ..
ﻏﺎﻟﻴﻪ ﺷﺒﺤﺖ ﻟﺮﺯﺍﻥ ..
ﻟﻘﺖ ﺩﻣﻮﻋﻬﺎ ﻳﻨﺰﻟﻮﺍ ﻭﻫﻲ ﺗﻨﻘﺶ ﻭﺗﺮﻋﺶ ﻓﻨﻔﺲ ﺍﻟﻮﻗﺖ ..
ﻧﻌﻴﻤﻪ ﺷﺒﺤﺘﻠﻬﺎ : ﺭﺯﺍﻥ ﺑﻨﺘﻲ !
ﻃﻠﻘﺖ ﺍﻟﻤﻨﻘﺸﻪ ﻭﺣﻄﺖ ﺍﻟﻤﻘﺮﻭﺽ ﻭﻧﺎﺿﺖ ﻣﺸﺖ ﻃﺎﻟﻌﻪ ﺑﺴﺮﻋﻪ ﻭﻫﻲ ﺗﺒﻜﻲ ﺑﺎﻟﻌﺒﺮﺓ ...
ﻃﻠﻌﺖ ﺩﻻﻝ ﻣﻦ ﺍﻟﻜﻮﺟﻴﻨﻪ ﺑﺎﻟﻤﺮﺿﻌﻪ ﺷﺎﻓﺘﻬﺎ ﻭﻫﻲ ﻃﺎﻟﻌﻪ ﺗﺠﺮﻱ ﻭﺗﺒﻜﻲ ..
ﻗﺪﻣﺘﻠﻬﻢ : ﺧﻴﺮﻫﺎ ..
ﻏﺎﻟﻴﻪ : ﻟﻴﺶ ﻫﻜﻲ ﻳﺎﻋﻤﺎﺩ ﺣﺮﺍﻡ ﻋﻠﻴﻚ ...
ﻫﻮ ﺷﺒﺢ ﻟﺨﺎﻟﺘﻪ ﺑﻌﺪﻳﻦ ﻟﻒ ﻭﻃﻠﻊ ..
ﻋﻤﺮ : ﺍﻟﻔﺮﺧﻪ ﺗﺪﻟﻊ ﻣﺎﻗﺎﻟﻠﻬﺎ ﺷﻲ ﻫﻮ ﻳﺒﺼﺮ ﻋﻠﻴﻬﺎ ..
ﻣﺮﻭﺍﻥ : ﻣﺶ ﺑﺼﺎﺭﺓ ﻫﺎﺩﻱ ..
ﻧﻌﻴﻤﻪ : ﺣﺴﻬﺎ ﻭﺟﻌﺘﻨﻲ ..
ﻏﺎﻟﻴﻪ ﻣﺎﺗﺤﻤﻠﺘﺶ ..
ﻧﺎﺿﺖ ﻃﻮﻝ ..
ﻭﻓﺎﺗﺖ ﻣﻦ ﺣﺪﺍ ﺩﻻﻝ ﻟﺒﺴﺖ ﻓﺮﺟﻠﻴﻬﺎ ﻭﻃﻠﻌﺖ ..
ﺗﻨﻬﺪﺕ ﺩﻻﻝ ﻭﻣﺸﺖ ﻟﻠﺪﺍﺭ ..
ﻭﻋﻤﺮ ﻭﻣﺮﻭﺍﻥ ﻃﻠﻌﻮﺍ ..
ﻧﻌﻴﻤﻪ : ﻫﻴﺎ ﻳﺎﺑﻨﺎﺕ ﺧﻔﻮﺍ ﺍﻳﺪﻳﻜﻢ ..
ﺭﺍﻧﻴﺎ ﻭﺣﺪﻫﻢ ﻛﻤﻠﻮﺍ ﺷﻐﻠﻬﻢ ﻭﻛﻞ ﻭﺣﺪﻩ ﻓﻬﻢ ﻗﻠﺒﻬﺎ ﺑﺮﺩ ﻉ ﺍﻵﺧﺮ ..
🍃 ﺣﺪﻫﻢ ﺯﻱ ﺭﺍﻧﻴﺎ ﻣﺶ ﻗﺎﺩﺭﺓ ﺗﺘﺠﺎﻭﺯ ﺍﻟﻤﺎﺿﻲ ﺍﻟﻤﺆﻟﻢ ﺍﻟﻠﻲ ﺭﺯﺍﻥ ﻛﺎﻥ ﻟﻴﻬﺎ ﺩﻭﺭ ﻛﺒﻴﺮ ﻓﻴﻪ .. ﻟﻤﺎ ﻛﺎﻧﺖ ﺗﻌﺎﻭﺩ ﻓﻲ ﺍﻟﺪﻭﺓ ﺍﻟﻠﻲ ﺗﺴﻤﻌﻬﺎ ﻣﻦ ﺭﺍﻭﻳﻪ ﻷﻣﻬﺎ ﻭﺧﺎﻟﺘﻬﺎ ﻭﺗﺼﻴﺮ ﻣﻦ ﻭﺭﺍﻫﺎ ﻣﺸﺎﻛﻞ ﻛﺒﻴﺮﻩ ﻭﺻﻠﺖ ﺑﺮﺯﺍﻥ ﺍﻧﻬﺎ ﺍﻓﺘﺮﺕ ﻣﺮﺓ ﻉ ﺭﺍﻭﻳﻪ ﺍﻧﻬﺎ ﺿﺮﺑﺘﻬﺎ ﻭﻷﻥ ﺭﺯﺍﻥ ﻭﻗﺘﻬﺎ ﺣﻔﻴﺪﻩ ﺍﻟﻌﻴﻠﻪ ﺍﻟﻤﺪﻟﻌﻪ ﺍﻟﻠﻲ ﻣﺎﺣﺪ ﻳﻘﺮﺑﻬﺎ ﻗﻠﺒﻮﺍ ﺍﻟﺪﻧﻴﺎ ﻗﻠﺐ ﻉ ﺭﺍﺱ ﺭﺍﻭﻳﻪ ﻭﻛﻠﺖ ﻃﺮﻳﺤﻪ ﻣﻦ ﺣﺴﻦ ﻛﺎﻟﻌﺎﺩﻩ ... ﻭﺍﻟﺴﺒﺐ ﺭﺯﺍﻥ ﻭﺣﺪﻫﻢ ﺑﺮﻏﻢ ﺻﻐﺮ ﺳﻨﻬﺎ ﻛﺎﻧﺖ ﺗﺴﺠﻞ ﻓﻴﻪ ﻛﻠﻪ 🍃
🍁🍁🍁🍁🍁
ﺍﻧﻲ ﻧﻨﺼﺤﻜﻦ ﺑﺎﺯﻳﻦ ﻭﻛﺴﻜﺴﻲ ﺣﺎﺿﺮﺓ ﻋﺮﺍﺱ ﺍﻟﻘﺒﻴﻠﻪ ﻛﻠﻬﻦ ﺍﻟﺮﺟﺎﻟﻪ ﻏﺎﻟﻲ ﻋﻠﻴﻬﻢ ﺍﻟﺒﺎﺯﻳﻦ ﺑﺸﻜﻞ ..
ﺯﻳﻨﺐ : ﻫﻮ ﺻﺢ ﻛﻼﻣﻚ ﺍﻟﺒﺎﺯﻳﻦ ﻻﺑﺪ ﻣﻨﻪ ..
ﺣﻤﻴﺪﻩ : ﻉ ﻫﻜﻲ ﻧﺪﺑﺤﻮﺍ ﺍﻟﺴﻌﻲ ﻛﻠﻪ ..
ﺷﺒﺤﺘﻠﻬﺎ ﻛﻔﺎﻳﻪ : ﻭﻋﻼﺵ ﺣﺘﻰ 5 ﺧﺮﻓﺎﻥ ﺳﺎﺩﻳﻦ ..
ﻓﻀﻴﻠﻪ : ﺧﻠﻮﻫﻢ ﺳﺘﻪ ﺑﺎﻟﻮﺳﻊ ..
ﺳﻌﻴﺪﻩ : ﻛﻮﻳﺴﺎﺕ ..6
ﻛﻔﺎﻳﻪ : ﺧﻼﺹ ﻣﻌﻨﺎﻫﺎ ﺑﺎﺯﻳﻦ ﻭﻛﺴﻜﺴﻲ ..
ﺣﻤﻴﺪﻩ : ﻧﻨﺸﺪﻭﺍ ﺍﻣﻲ ﻗﺒﻞ ..
ﺯﻳﻨﺐ : ﺧﻼﺹ ﻧﺸﻮﻑ ﻗﻮﻝ ﺍﻣﻲ ﻭﻧﻘﺮﺭﻭﺍ ..
🍁🍁🍁
ﻉ ﺧﺎﻃﺮﻱ ﺭﺯﻭﻧﻪ ..
ﺭﺯﺍﻥ ﺑﺒﻜﻲ : ﻫﺎﻧﻨﻲ ﻗﺪﺍﻣﻬﻢ ﻳﺎﻋﻤﺘﻲ ﻭﺷﻤﺖ ﻓﻴﺎ ﺍﻟﻠﻲ ﻳﻜﺮﻫﻮﻧﻲ ..
ﻏﺎﻟﻴﻪ : ﺗﻲ ﻏﻴﺮ ﻣﻨﻮ ﺍﻟﻠﻲ ﻳﻜﺮﻫﻚ ﺑﺲ .. ﻛﺎﻧﻚ ﻋﻠﻴﻪ ﻫﻮ ﻳﻤﻮﺕ ﻓﺨﻄﺎﻭﻱ ﻛﺮﻋﻴﻚ ..
ﺭﺯﺍﻥ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﻣﺶ ﻋﻠﻴﻪ ﺍﻟﺒﺎﺭﺩ ﻫﺪﺍ .. ﺍﻧﻲ ﻉ ﻏﻴﺮﻩ ﺣﺪﻫﻢ ﺳﻤﻌﺘﻴﻬﺎ ؟ !
ﻏﺎﻟﻴﻪ : ﻣﺎﺗﻌﺪﻟﻴﺶ ﻉ ﺣﺪ ﻭﻫﻮ ﺗﻮ ﻧﻮﺭﻳﻪ ﻉ ﺑﺼﺎﺭﺗﻪ ﺍﻟﺼﺎﻣﺘﻪ ..
ﺭﺯﺍﻥ ﺑﺒﻜﻲ : ﻻ ﻭﻳﻘﻮﻟﻲ ﻧﺤﺒﻚ ﻭﻛﺒﻴﺪﺗﻲ ﻭﻗﻠﺒﻲ .. ﻣﺎﻝ ﻛﺎﻥ ﻳﻜﺮﻫﻨﻲ ﺷﻦ ﺩﺍﺭ ..
ﻏﺎﻟﻴﻪ ﺑﻀﺤﻜﻪ : ﻋﺎﺩ ﺍﻧﺘﻲ ﻣﺶ ﻣﻘﺼﺮﺓ ﺑﻜﻞ ﺭﺍﻙ ﺣﺎﺭﻗﻪ ﻗﻠﺒﻪ ﺣﺮﻕ ﻣﺴﻜﻴﻦ .. ﻉ ﻗﺪ ﻣﺎﻳﺪﻳﺮ ﻣﻌﺎﻙ ﻣﺶ ﻋﺎﺟﺒﻚ ..
ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﺍﻧﻲ ﻳﺎﻋﻤﺘﻲ ﺧﺎﻳﻔﻪ ﻣﻨﻪ ..
ﻏﺎﻟﻴﻪ : ﻣﻦ ﺷﻦ ﺧﺎﻳﻔﻪ؟
ﺭﺯﺍﻥ ﺭﺷﻔﺖ ﻭﻗﺎﻟﺖ : ﻫﻮ ﺯﻣﺎﻥ ﻛﺎﻳﻦ ﻣﺘﺎﻉ ﺑﻨﺎﺕ ﻭﻋﻴﻨﻪ ﺯﺍﻳﻐﻪ ﻭﻋﻨﺪﻩ ﻋﻼﻗﺎﺕ ﻭﺍﺟﺪ .. ﻳﻌﻨﻲ ﻭﺍﺣﺪ ﻛﻴﻔﻪ ﻣﻌﻘﻮﻟﻪ ﻳﺘﻐﻴﺮ ﻉ ﺧﺎﻃﺮ ﺑﻨﺖ ..!!
ﻏﺎﻟﻴﻪ : ﺍﻟﺮﺍﺟﻞ ﺣﻠﻔﻠﻚ .. ﻭﻋﻤﺎﺩ ﻣﻌﺮﻭﻑ ﻟﻤﺎ ﻳﺤﻠﻒ ﻻﻳﻜﺬﺏ ﻭﻻﻳﺤﻨﺚ ..
ﺭﺯﺍﻥ : ﺧﺎﻳﻔﻪ ﻣﺎﺯﻟﺖ ﺧﺎﻳﻔﻪ ﻣﺶ ﻗﺎﺩﺭﻩ ﻧﻄﻤﻦ ...
ﻏﺎﻟﻴﻪ : ﺑﺎﻫﻲ ﻟﻌﻨﺪ ﺍﻣﺘﻰ ﻉ ﻫﺎﻟﺤﺎﻝ ﻟﻴﻦ ﻳﻤﻞ ﻭﻳﻌﺪﻱ ﻟﻐﻴﺮﻙ ..
ﻗﻠﺒﻬﺎ ﻭﻟﻌﺖ ﻓﻴﻪ ﺍﻟﻨﺎﺭ ﻟﻜﻦ ﺭﺩﻫﺎ ﻛﺎﻥ : ﻟﻮ ﻋﺪﺍ ﻟﻐﻴﺮﻱ ﻣﺶ ﺣﻨﺰﻋﻞ ﻋﻠﻴﻪ ﻭﻻ ﻳﻌﻨﻴﻨﻲ ﻷﻥ ﻫﺪﻯ ﻳﺄﻛﺪﻟﻲ ﺍﻧﻪ ﻣﻦ ﺍﻟﺒﺪﺍﻳﻪ ﻣﺎﻛﺎﻧﺶ ﺻﺎﺩﻕ ..
ﻏﺎﻟﻴﻪ : ﺻﺪﻗﻴﻨﻲ ﻋﻤﺎﺩ ﻣﻌﺎﻙ ﺻﺎﺩﻕ .. ﻟﻜﻦ ﻛﺮﺍﻣﺘﻪ ﻣﺶ ﺣﺘﻬﻮﻥ ﻋﻠﻴﻪ ﻭﺍﺟﺪ ﺭﺍﻫﻮ ...
ﺭﺯﺍﻥ ﻧﺰﻟﺖ ﻋﻴﻮﻧﻬﺎ ﻭﻣﺎﺑﺘﺶ ﺗﺮﺩ ..
🍁 ﻭﺑﻌﺪ ﻣﺤﺎﻭﻻﺕ ﺍﻗﻨﺎﻉ ﺗﺎﻧﻴﻪ ﻣﻦ ﻏﺎﻟﻴﻪ ﻭﻟﺖ ﻣﻌﺎﻫﺎ ﻟﻠﺤﻮﺵ ﻭﻛﻤﻠﻮﺍ ﺷﻐﻠﻬﻢ ﻉ ﺍﻟﻤﻘﺮﻭﺽ ﻭﺍﻟﻘﺮﻳﻨﺎﺕ .
ﻭﺍﻧﻀﻤﻮﻟﻬﻢ ﺩﻻﻝ ﻭﺭﺑﺎﺏ ﻭﻛﻤﻠﻮﺍ ﻓﻴﺴﻊ ..
ﺑﻴﻨﻤﺎ ﻧﻮﺭ ﺑﻌﺪ ﻧﺎﺿﻮﺍ ﻫﻲ ﻭﺭﻓﻘﻪ ﻣﻦ ﺍﻟﻨﻮﻡ ﻣﺸﻮﺍ ﻃﻠﻌﻮﺍ ﻟﻠﺤﻮﺵ ﺍﻟﻘﺪﻳﻢ ﺑﺶ ﻳﻌﺎﻭﻧﻮﺍ ﺍﻟﻨﺴﺎﻭﻳﻦ ﺍﻟﻜﺒﺎﺭ ..
ﺑﻌﺪ ﻛﻤﻠﻮﺍ ...
ﻣﺸﻮﺍ ﺭﻭﺣﻮﺍ ﻟﻠﺤﻮﺵ ﺍﻟﺘﺎﻧﻲ ..
ﻣﺎﻋﺪﺍ ﻓﻀﻴﻠﻪ ﺍﻟﻠﻲ ﺭﻭﺣﺖ ﻟﺤﻮﺷﻬﻢ ..
ﻭﺳﻌﻴﺪﻩ ﺍﻟﻠﻲ ﻣﺸﺖ ﻟﺤﻮﺷﻬﺎ ..
🍁 ﺍﺧﺮ ﻣﻦ ﺭﻭﺡ ﻣﻦ ﺍﻟﺤﻮﺵ ﺍﻟﻘﺪﻳﻢ ﺭﻓﻘﻪ ﻭﻧﻮﺭ ..
ﻣﺎﺷﻴﺎﺕ ﻳﻬﺪﺭﺯﻭﺍ ﻭﻳﻀﺤﻜﻮﺍ ..
ﻭﺻﻠﻮﺍ ﺑﺪﺍﻳﺔ ﻣﻤﺮ ﻓﻢ ﺍﻟﺒﻮﺍﺑﻪ ﻟﻘﻮﺍ ﻣﺮﻭﺍﻥ ﻭﺣﻤﺰﺓ ﻭﻣﺤﻤﺪ ﻭﻣﺎﻟﻚ ﻗﺪﺍﻡ ﺍﻟﺒﻮﺍﺑﻪ ..
ﻧﻮﺭ ﺟﺖ ﻋﻴﻨﻬﺎ ﻓﻌﻴﻨﻪ ..
ﻫﻮ ﻗﻠﺒﻪ ﻗﺮﻳﺐ ﻃﻠﻊ ﻣﻦ ﺻﺪﺭﻩ ..
ﺍﻣﺎ ﻫﻲ ﺑﺮﻏﻢ ﺭﺟﻔﺔ ﻗﻠﺒﻬﺎ ..
ﺍﻻ ﺍﻧﻬﺎ ﻭﻟﺖ ﻭﻣﺸﺖ ﺑﺘﺨﺶ ﻟﻠﺤﻮﺵ ﻣﻦ ﺍﻟﺒﺎﺏ ﺍﻟﻘﺪﺍﻣﻲ ..
ﺷﺒﺤﺖ ﺭﻓﻘﻪ ﻟﻤﺮﻭﺍﻥ ..
ﻭﻣﺮﻭﺍﻥ ﺷﺒﺢ ﻟﻤﺎﻟﻚ ..
ﺍﻟﻠﻲ ﻣﺎﺯﺍﻟﻮﺍ ﻋﻴﻮﻧﻪ ﺍﻟﻤﻌﺒﻴﺎﺕ ﺩﻣﻮﻉ ﻳﺸﺒﺤﻮﺍ ﻭﻳﻦ ﻣﺎﻛﺎﻧﺖ ﻧﻮﺭ ﻭﺍﻗﻔﻪ ..
ﺭﻓﻘﻪ ﻛﻤﻠﺖ ﻃﺮﻳﻘﻬﺎ ﻭﺧﺸﺖ ..
ﻣﺤﻤﺪ : ﺧﻼﺹ ﻛﺎﻥ ﻫﻜﻲ .. ﻏﺪﻭﺓ .. ﺿﻴﻖ ﻋﻴﻮﻧﻪ ﻭﻗﺎﻝ .. ﻻ ﻣﺶ ﻏﺪﻭﺓ ﻏﺪﻭﺓ ﺟﻤﻌﻪ .. ﻧﻬﺎﺭ ﺍﻟﺴﺒﺖ ﺇﻥ ﺷﺎﺀ ﺍﻟﻠﻪ ﻧﻌﺪﻭﺍ ﻣﻊ ﺑﻌﻀﻨﺎ ..
ﺣﻤﺰﺓ : ﺇﻥ ﺷﺎﺀ ﺍﻟﻠﻪ ..
ﺧﺶ ﻣﺎﻟﻚ ﺩﺍﺧﻞ ..
ﻣﺮﻭﺍﻥ ﻣﻌﺎﻩ ﻉ ﺍﻟﺨﻂ ..
ﻭﻗﻒ ﻣﺎﻟﻚ ﺣﺪﺍ ﺑﺎﺏ ﺍﻟﻤﺮﻭﺣﻪ ﻭﻗﺎﻝ : ﺍﻣﻲ ..
ﻓﻲ ﺍﻟﺪﺍﺭ ..
ﻣﻘﻌﻤﺰﺓ ﻣﺮﺑﻌﻪ ﺍﻳﺪﻳﻬﺎ ﻭﺗﻬﺰ ﺑﺮﺟﻠﻬﺎ ﻭﺣﺎﺟﺒﻬﺎ ﻣﺮﻓﻮﻉ ﻟﻜﻦ ﻭﺟﻬﻬﺎ ﺍﺣﻤﺮ ..
ﺩﻻﻝ : ﻛﻠﻤﻚ ..
ﺭﻓﻘﻪ : ﻻﻻ ﻫﻲ ﺧﺸﺖ ﻣﻦ ﺍﻟﻘﺪﺍﻡ ﻟﻤﺎ ﺷﺎﻓﺎﺗﻪ ﻭﺍﻗﻒ ﻓﻢ ﺍﻟﺒﻮﺍﺑﻪ
ﺭﺑﺎﺏ : ﻣﺮﻣﺪﻳﻪ ﺑﺎﻟﻠﻪ ﻋﻠﻴﻚ .. ﻛﻠﻪ ﻭﻻﺍﻟﺸﻚ ..
ﺻﻜﺮﺕ ﻏﺎﻟﻴﻪ ﺑﺎﺏ ﺍﻟﺪﻭﻻﺏ : ﻋﻠﻴﻚ ﻣﺴﻤﻮﻣﺎﺕ .. ﻣﻌﺎﺵ ﺗﺰﻳﺪﻥ ﺍﻟﻨﺎﺭ ﺣﻄﺐ ..
ﺭﺯﺍﻥ؛ﻣﺶ ﻫﻜﻲ ﻋﻤﺘﻲ ﺑﺲ ﻫﻲ ﻛﺎﻥ ﺧﺪﺕ ﺗﻔﻮﺗﻠﻪ ﺣﺎﺟﺎﺕ ﻛﻴﻒ ﻫﺪﻳﻦ ﺣﻴﺘﻤﺎﺩﻯ ﻭﺍﺟﺪ ﺑﻌﺪﻫﺎ ..
ﺩﻻﻝ : ﺻﺢ ..
ﺭﺯﺍﻥ ﺷﺒﺤﺖ ﻟﺪﻻﻝ ﻭﺍﺑﺘﺴﻤﺖ ﻭﺩﻻﻝ ﺭﺩﺗﻠﻬﺎ ﺍﻹﺑﺘﺴﺎﻣﻪ ..
ﻏﺎﻟﻴﻪ : ﻣﺎﻧﻘﻮﻝ ﻛﺎﻥ ﻳﺎﻧﺎﺭﻱ ﻉ ﺿﺮﺍﺭﻳﻚ ﻳﺎﻛﻔﺎﻳﻪ ..
ﺿﺤﻜﻮﺍ ..
ﺭﻓﻘﻪ : ﻣﺶ ﻋﻠﻴﺎ ﺍﻟﻜﻼﻡ ..
ﻏﺎﻟﻴﻪ : ﻣﺎﻧﺒﻴﺶ ﻧﺪﻭﻱ ﻋﻠﻴﻚ ﺍﻧﺘﻲ ﻧﺨﺎﻑ ﻧﺎﺧﺪﻛﻢ ﺑﺎﻟﻌﻴﻦ ..
ﺿﺤﻜﺖ ﺭﻓﻘﻪ ..
ﻉ ﺧﺸﺔ ﻛﻔﺎﻳﻪ ..
ﻭﻗﻔﺖ ﻓﻲ ﺍﻟﺒﺎﺏ ﻭﻫﻲ ﺗﺸﻮﻑ ﻟﻨﻮﺭ ..
ﻫﻤﺎ ﻛﻠﻬﻢ ﺷﺎﻓﻮﺍ ﻟﻨﻮﺭ ..
ﻧﻮﺭ ﺷﺒﺤﺘﻠﻬﻢ ﺑﻌﺪﻳﻦ ﻗﺎﻣﺖ ﻋﻴﻮﻧﻬﺎ ﻓﺨﺎﻟﺘﻬﺎ .. ﻭﻧﺰﻟﺘﻬﻢ ..
ﻛﻔﺎﻳﻪ ﺑﻤﺰﺡ : ﺧﻴﺮﻙ ﻣﻊ ﻭﻟﺪﻱ ﻳﺎﺑﺸﻴﺸﺔ ﺍﻫﺎﺍﺍ ..
ﺿﺤﻜﻮﺍ ..
ﻣﺎﻋﺪﺍ ﻧﻮﺭ ..
ﻗﺪﻣﺖ ﻛﻔﺎﻳﻪ ﻭﻗﻌﻤﺰﺕ ﻗﺪﺍﻣﻬﺎ : ﺧﻴﺮﻛﻢ ﺷﻦ ﻓﻲ ..
ﻧﻮﺭ ﻣﺘﺤﺸﻤﻪ ﻣﻦ ﺧﺎﻟﺘﻬﺎ ﻗﻌﺪﺕ ﺳﺎﻛﺘﻪ ..
ﻛﻔﺎﻳﻪ : ﺑﺎﻫﻲ ﻣﺎﺗﺒﻴﺶ ﺗﻘﻮﻟﻲ ﻣﺎﺗﻘﻮﻟﻴﺶ ﻟﻜﻦ ﻧﻮﺿﻴﻠﻪ ﺗﻔﺎﻫﻤﻮﺍ ﺗﻌﺎﺭﻛﻮﺍ .. ﻫﺰﺑﻴﻪ ﻛﺎﻥ ﺗﺒﻲ ﺗﻬﺰﺑﻴﻪ ..
ﻧﻮﺭ : ﺧﺎﻟﺘﻲ ﺳﺎﻣﺤﻴﻨﻲ ﺍﻧﻲ ﻣﺎﻧﺒﻴﺶ ﻧﻜﻠﻤﻪ ﺑﻜﻞ ..
ﻛﻔﺎﻳﻪ : ﺑﺎﻫﻲ ﻉ ﺧﺎﻃﺮﻱ ..
ﻧﻮﺭ : ﺧﺎﻃﺮﻙ ﻛﺒﻴﺮ ﻭﻏﺎﻟﻲ ﺧﺎﻟﺘﻲ ﻟﻜﻦ ﺍﻧﻲ ﻣﻌﺎﺵ ﻧﺒﻲ ﻧﻜﻠﻤﻪ ..
ﺳﻜﺘﺖ ﻛﻔﺎﻳﻪ ﻭﻫﻲ ﺗﺸﻮﻓﻠﻬﺎ ﺑﻌﺪﻳﻦ ﻗﺎﻟﺖ : ﻉ ﺭﺍﺣﺘﻚ ﺑﻨﺘﻲ ..
ﻧﺎﺿﺖ ..
ﻧﻮﺭ : ﺧﻮﻳﻠﻪ ﺣﺮﺟﺘﻲ؟
ﻛﻔﺎﻳﻪ ﺑﻀﺤﻜﻪ : ﻻﺑﻨﺘﻲ ﻋﻼﺵ ﺑﻨﺤﺮﺝ ﺍﺻﻼ ﺍﻧﻲ ﻃﺎﻟﻌﻪ ﺑﻨﻬﺰﺑﻪ .. ﻛﻠﻪ ﺍﻻ ﻛﻨﻴﻨﺎﺗﻲ ..
ﺿﺤﻜﻮﺍ ..
ﻭﻧﻮﺭ ﺿﺤﻜﺖ ﻏﺼﺐ ﻋﻨﻬﺎ ..
ﻟﻔﺖ ﺑﺘﻤﺸﻲ ﻭﻫﻲ ﺗﺸﻮﻑ ﻟﺮﺯﺍﻥ ﺑﻄﺮﻑ ﻋﻴﻨﻬﺎ : ﺣﺘﻰ ﻛﺎﻧﻬﻢ ﻣﺴﻤﺎﺕ ﻧﻮﻗﻒ ﻣﻌﺎﻫﻢ ..
ﻭﻃﻠﻌﺖ ..
ﺭﺯﺍﻥ ﺑﺮﻓﻌﺔ ﺣﻮﺍﺟﺐ : ﻗﺼﺪﻫﺎ ﻋﻠﻴﺎ !!
ﺭﺑﺎﺏ ﺑﻀﺤﻜﻪ : ﻗﺼﺪﻙ ﻣﻌﺘﺮﻓﻪ ﺍﻧﻚ ﻛﻨﺘﻬﺎ؟ !
ﺿﺤﻜﻮﺍ ..
ﻭﺭﺯﺍﻥ ﻧﺰﻟﺖ ﻋﻴﻮﻧﻬﺎ ﻭﻫﻲ ﺗﻀﺤﻚ ﺑﺨﺠﻞ ..
🍁🍁🍁🍁
ﻭﻗﻔﺖ ﻛﻔﺎﻳﻪ ﺣﺪﺍ ﺑﺎﺏ ﺍﻟﻤﺮﻭﺣﻪ ﺗﻜﻠﻢ ﻓﻲ ﻣﺎﻟﻚ
ﻓﻢ ﺍﻟﺒﻮﺍﺑﻪ ﻣﺤﻤﺪ ﻛﺎﻥ ﻳﺸﺒﺤﻠﻬﺎ
🍃 ﻋﻼﻗﺘﻬﺎ ﺑﻤﺤﻤﺪ ﻣﻘﻄﻮﻋﻪ ﻣﻦ ﻧﻬﺎﺭ ﺻﺎﺭ ﺍﻟﻠﻲ ﺻﺎﺭ ﻭﻫﻲ ﺭﺍﻓﻀﺔ ﺗﻜﻠﻤﻪ ﻭﻭﻳﻦ ﺗﺸﻮﻓﻪ ﺗﻐﻴﺮ ﻭﺟﻬﻬﺎ ﻋﻨﻪ ﻭﺍﻟﻤﻜﺎﻥ ﺍﻟﻠﻲ ﻫﻮ ﻓﻴﻪ ﺗﻄﻠﻊ ﻣﻨﻪ .. ﻭﻣﺤﻤﺪ ﻣﻀﺎﻳﻖ ﻫﻠﺒﻪ ﻭﻣﻮﺟﻮﻉ ﺍﻟﻮﺣﻴﺪ ﺍﻟﻠﻲ ﻣﺎﺗﻜﻠﻤﺶ ﻓﻴﻪ ﻛﻔﺎﻳﻪ ﻭﻣﺴﺘﻜﺮﺩﺍﺗﻪ 🍃
ﻃﻠﻊ ﻣﺎﻟﻚ ﻭﻫﻮ ﻣﻌﺼﺐ ..
ﻭﻫﻲ ﻣﻌﺎﻩ ﺑﻌﻴﻮﻧﻬﺎ .. ﻟﻴﻦ ﺍﺧﺘﻔﻲ ..
ﻏﻴﺮﺕ ﻋﻴﻮﻧﻬﺎ ﺟﻮ ﻓﻌﻴﻮﻥ ﻣﺤﻤﺪ ..
ﻭﺟﻬﻬﺎ ﺍﻧﻘﻠﺐ ﻭﻃﻮﻝ ﻣﺸﺖ ﺧﺸﺖ ﺩﺍﺧﻞ ...
ﻫﻮ ﺷﺒﺢ ﺍﻟﻘﺪﺍﻡ ﺑﻀﻴﻖ ...
🍁🍁🍁🍁
ﻓﺎﺗﺖ ﻫﺪﻳﻜﺎ ﺍﻟﻠﻴﻠﻪ ...
ﻭﺍﻻﺟﻮﺍﺀ ﻛﺎﻧﺖ ﻋﺎﺩﻳﻪ ..
ﻭﻛﻞ ﺍﻟﻬﺪﺭﺯﺓ ﻋﻦ ﺍﺳﺒﻮﻉ ﺍﻟﻌﺮﺱ ..
ﺑﻌﺪ ﺣﻮﺳﺔ ﺍﻟﻌﺸﻲ ..
ﺩﺍﺭﺕ ﻏﺎﻟﻴﻪ ﻧﺴﻜﺎﻓﻴﻪ ﻭﺣﻄﺖ ﻣﻦ ﻣﻘﺮﻭﺽ ﻛﻔﺎﻳﻪ ..
ﺟﺎﻳﺒﻪ ﻣﻌﺎﻫﺎ ﻣﻘﺮﻭﺽ ﺯﻳﺎﺩﻩ ﻉ ﺍﻟﻠﻲ ﺩﺍﺭﻭﻩ ..
ﺭﺯﺍﻥ : ﻫﻜﻲ ﺑﺎﻫﻲ ﻋﻤﺘﻲ ..
ﻏﺎﻟﻴﻪ : ﻛﻮﻳﺲ ..
ﺣﻄﺖ ﺭﺯﺍﻥ ﺍﻟﻤﺘﺮﺩ ﻓﺎﻟﺼﻔﺮﺓ ..
ﻏﺎﻟﻴﻪ : ﺗﺮﻓﻌﻴﻬﺎ ﻭﻻ ﻧﺮﻓﻌﻬﺎ ..
ﺭﺯﺍﻥ ﺑﻀﺤﻜﻪ : ﺍﺭﻓﻌﻴﻬﺎ ﺍﻧﺘﻲ ..
" ﻣﻠﻌﻘﻪ ﻫﺎﺩﻱ ﻳﺎﻏﺎﻟﻴﻪ ﻛﺎﻥ ﺗﺮﻓﻌﻬﺎ ﺍﻃﻴﺢ ﻫﻲ ﻭﻳﺎﻫﺎ "
ﻃﻮﻝ ﺭﺯﺍﻥ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻋﻤﺎﺩ ﻭﻫﻮ ﻭﺍﻗﻒ ﻓﺎﻟﺮﻭﺷﻦ : ﺍﻗﺴﻢ ﺑﺎﻟﻠﻪ ﻗﺮﻳﺐ ﻧﻤﺸﻲ ﻟﺨﺎﻟﻲ ﻧﻜﻠﻤﻪ ..
ﻏﺎﻟﻴﻪ : ﺭﺩﺑﺎﻟﻚ ..
ﻋﻤﺎﺩ ﺑﺘﻀﻴﻴﻘﺔ ﻋﻴﻮﻥ : ﻋﻼﺵ؟
ﻏﺎﻟﻴﻪ : ﺧﺎﻟﻚ ﻣﻴﻼﺩ ﺭﺍﺩ ﻗﺒﻠﻚ ﺳﺒﻌﻪ ..
ﻓﻨﺺ ﻋﻴﻮﻧﻪ ..
ﻭﺍﺳﺘﻌﺮﺕ ﻧﺎﺭ ﻓﻲ ﺻﺪﺭﻩ ..
ﻋﻤﺎﺩ : ﺷﻦ ﻫﻲ؟؟؟
ﻏﺎﻟﻴﻪ ﺑﺮﺑﻜﻪ؛ﺍﻳﻪ ﻳﻌﻨﻲ ﺗﻮ ﺑﻴﺮﺩﻙ ﻭﻳﻘﻮﻝ ﻟﻴﻦ ﺗﻜﻤﻞ ﻗﺮﺍﻳﺘﻬﺎ ..
ﻋﻤﺎﺩ ﺑﻘﺮﻧﺔ ﺣﻮﺍﺟﺐ : ﻭﻣﻦ ﻫﻤﺎ 7 ﻛﻼﺏ ﻫﺎﺩﻭﺍ ﻭﻻﺩ 70 ﻛﻠﺐ؟ !!
ﻏﺎﻟﻴﻪ ﺑﻀﺤﻜﻪ : ﻃﻘﻴﺖ ﻓﻲ ﺍﻟﺤﻲ ﻭﺍﻟﻤﻴﺖ ..
ﻋﻤﺎﺩ ﺑﻨﻔﺎﺩ ﺻﺒﺮ : ﻏﻴﺮ ﺟﺎﻭﺑﻴﻨﻲ ﻳﺎﻏﺎﻟﻴﻪ .
ﻏﺎﻟﻴﻪ ﺑﺈﺑﺘﺴﺎﻣﻪ : ﻣﻦ ﺑﻌﺪ ﻋﺮﺱ ﺧﺎﻟﻬﺎ ﺳﻠﻴﻤﺎﻥ ﺍﻟﻤﻮﺍﺿﻴﻊ ﺑﺪﻥ ﻳﺠﻨﻬﺎ ﻭﺭﺍ ﺑﻌﻀﻬﻦ ..
ﺑﻠﻊ ﺭﻳﻘﻪ ﻭﻗﺎﻝ : ﻭﻫﻲ ﺷﻦ ﺗﻘﻮﻝ ..
ﻏﺎﻟﻴﻪ : ﻫﻲ ﻣﺎﺗﻔﻜﺮ ﻓﺸﻲ ﻛﺎﻥ ﻗﺮﺍﻳﺘﻬﺎ ..
ﻋﻤﺎﺩ ﺷﺪ ﺣﺪﻳﺪﺍﻟﺮﻭﺷﻦ ﻭﺷﺒﺢ ﺍﻳﻤﻴﻦ ﺑﻌﺪﻳﻦ ﺷﺒﺢ ﻟﺨﺎﻟﺘﻪ : ﻣﺎﻳﺮﺩﻧﻴﺶ ﺧﺎﻟﻲ ..
ﻏﺎﻟﻴﻪ؛ﻻﻳﺮﺩﻙ ﻳﺎﻋﻤﺎﺩ ﻣﻴﻼﺩ ﻣﻊ ﺭﺯﺍﻥ ﻣﺎﻳﻌﺮﻓﺶ ﺍﻟﺒﺼﺎﺭﺓ ..
ﺷﺒﺢ ﻟﺨﺎﻟﺘﻪ ﺷﻮﻳﻪ ﺑﻌﺪﻳﻦ ﻗﺎﻝ : ﺑﺎﻫﻲ ﺍﻧﻲ ﻭﻧﻌﺘﺮﻑ ﻋﺠﺰﺕ ﻣﻌﺎﻫﺎ ﻣﺶ ﻻﻗﻲ ﻣﻔﺘﺎﺣﻬﺎ ﻣﺶ ﻋﺎﺭﻑ ﺷﻦ ﻧﺪﻳﺮﻟﻬﺎ ﺑﺶ ﻧﺨﻠﻴﻬﺎ ﺗﻘﺒﻠﻨﻲ ﻣﺶ ﻃﺎﻟﺐ ﻣﻨﻬﺎ ﺣﺐ ﻧﺒﻴﻬﺎ ﺗﻘﺒﻠﻨﻲ ﺑﺲ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ ﺍﻧﺖ ﻣﺶ ﻛﻨﺖ ﺗﻘﻮﻝ ﺍﻥ ﻫﻲ ﺗﺒﺎﺩﻟﻚ ﻧﻔﺲ ﺍﻟﻤﺸﺎﻋﺮ ..
ﻋﻤﺎﺩ : ﺗﺲ .. ﻭﻫﻢ ..
ﻉ ﺧﺸﺔ ﺭﻓﻘﻪ : ﻭﻳﻦ ﺍﻟﻨﺴﻜﺎﻓﻴﻪ ﻋﻤﺘﻲ ..
ﻏﺎﻟﻴﻪ : ﺍﻳﻴﻴﻴﻪ ﻧﺴﻴﺘﻪ ..
ﺍﺭﻓﻌﻲ ﺍﻟﺼﻔﺮﺓ ﺭﻭﻓﻲ ..
ﺭﻓﻘﻪ : ﺣﺎﺿﺮ ..
ﺧﺪﺕ ﺭﻓﻘﻪ ﺍﻟﺼﻔﺮﺓ ﻭﻃﻠﻌﺖ ﺑﻴﻬﺎ ..
ﻋﻤﺎﺩ ﺗﻨﻬﺪ : ﻣﺶ ﻋﺎﺭﻑ ﻛﻴﻒ ﻫﻲ ﻭﺭﻓﻘﻪ ﺻﺎﺣﺒﺎﺕ ..
ﻏﺎﻟﻴﻪ : ﻣﻌﺎﺵ ﺗﻘﺎﺭﻧﻬﺎ ﺑﺤﺪ ﻳﺎﻋﻤﺎﺩ ..
ﻋﻤﺎﺩ : ﻋﻨﺪﻙ ﺣﻖ ﻛﺎﻧﻬﻲ ﺗﺘﻘﺎﺭﻥ ﻣﻊ ﺣﺪ ﺭﺍﻧﻲ ﻣﺎﻃﺤﺘﺶ ﻓﻴﻬﺎ ﻉ ﻭﺟﻬﻲ ..
ﺿﺤﻜﺖ ﻏﺎﻟﻴﻪ .
ﺿﺤﻚ ﺑﻌﺪﻳﻦ ﺗﻨﻬﺪ ﻭﻗﺎﻝ : ﻏﺪﻭﺓ ﺍﻟﻌﺸﻴﻪ ﺑﻨﺮﻓﻌﻜﻢ ﺍﻟﺴﻮﻕ ﺑﺎﻫﻲ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ ..
ﻋﻤﺎﺩ : ﺗﺲ ﻣﺶ ﻋﺎﺭﻑ ﻛﻴﻒ ﻣﻌﺎﻙ 24 ﺳﺎﻋﻪ ﻭﻣﺎﺧﺪﺗﺶ ﻣﻨﻚ ﺷﻮﻳﻪ ﻃﻴﺒﻪ ﺑﺲ ..
ﻏﺎﻟﻴﻪ : ﺷﻦ ﻗﻠﻨﺎ ﺣﻨﻲ ..
ﺿﺤﻚ ﺑﻌﺪﻳﻦ ﻗﺎﻝ : ﺗﺼﺒﺤﻲ ﻉ ﺧﻴﺮ ..
ﻏﺎﻟﻴﻪ ﺑﺈﺑﺘﺴﺎﻣﻪ؛ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ..
ﻣﺸﻲ ﻋﻤﺎﺩ ..
ﻭﻏﺎﻟﻴﻪ ﻛﻴﻒ ﺟﺎﻳﻪ ﺑﺘﻄﻠﻊ ﻣﻦ ﺍﻟﻜﻮﺟﻴﺘﻪ ﺭﻥ ﺗﻠﻴﻔﻮﻧﻬﺎ ﻃﻠﻌﺎﺗﻪ ﻣﻦ ﺟﻴﺐ ﺍﻟﻘﻔﻄﺎﻥ ﺍﺑﺘﺴﻤﺖ ﻟﻤﺎ ﺷﺎﻓﺖ ﺍﻟﻤﺘﺼﻞ ﺭﺩﺕ ..
ﻏﺎﻟﻴﻪ : ﻧﺠﻤﻲ ..
ﻧﺠﻢ ﺍﻟﺪﻳﻦ : ﻭﻳﻨﻚ ﺍﻟﻴﻮﻡ ﻓﺎﻳﺘﻴﻨﺎ ﺑﻜﻞ ..
ﻏﺎﻟﻴﻪ : ﻛﻴﻒ ﻣﺎﻗﺘﻠﻚ ﻋﺮﺱ ﻭﺩﻭﺷﻪ ﻣﺶ ﺣﻨﻔﻀﻰ ..
ﻧﺠﻢ ﺍﻟﺪﻳﻦ : ﺗﻤﺎﻡ ﻣﺎﻗﻠﻨﺎ ﺷﻲ .. ﻟﻜﻦ ﻋﻄﻴﻨﺎ 10 ﺩﻗﺎﻳﻖ ﻣﻦ ﻭﻗﺘﻚ ﺑﺲ ..
ﻏﺎﻟﻴﻪ ﺍﺑﺘﺴﻤﺖ ﻭﻗﺎﻟﺖ : ﺗﻮ ﻧﺸﻮﻑ ﻭﻧﺮﻥ ﻋﻠﻴﻚ ..
ﻧﺠﻢ؛ﻧﺮﺍﺟﻮ ﺍﻟﻠﻪ ﻏﺎﻟﺐ ﻋﻠﻴﻨﺎ ..
ﺿﺤﻜﺖ ﺑﻌﺪﻳﻦ ﻗﺎﻟﺖ : ﺗﺼﺒﺢ ﻉ ﺧﻴﺮ ..
ﻧﺠﻢ ﺍﻟﺪﻳﻦ : ﻗﺪﺍﻣﻚ ﻛﻞ ﺧﻴﺮ ﻳﺎﻧﺴﻤﻪ ..
ﺍﺑﺘﺴﻤﺖ ﺑﺨﺠﻞ ﻭﺻﻜﺮﺕ ..
ﺗﻨﻬﺪﺕ ﺑﻌﺪﻳﻦ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
🍃 ﺍﺻﺮﺍﺭ ﻧﺠﻤﻲ ﺧﻼ ﻏﺎﻟﻴﻪ ﺗﺴﺘﺴﻠﻢ ﺗﻤﺎﻣﺎ ﺍﻟﻲ ﺟﺎﻧﺐ ﺍﺣﺘﻴﺎﺟﻬﺎ ﺍﻟﺸﺪﻳﺪ ﻟﻠﺤﺐ ﻟﻮﺟﻮﺩ ﺭﺍﺟﻞ ﻓﺤﻴﺎﺗﻬﺎ ﻟﺘﻌﻮﻳﺾ ﺍﻟﻨﺎﻗﺺ ﻓﻴﻬﺎ .. ﻣﻤﻜﻦ ﻫﺪﺍ ﻣﺶ ﻣﺒﺮﺭ .. ﺑﺲ ﺍﺣﻴﺎﻧﺎ ﺍﻟﻈﺮﻭﻑ ﺗﺠﺒﺮﻧﺎ ﻧﺪﻳﺮﻭﺍ ﺣﺎﺟﺎﺕ ﻣﻦ ﺩﺍﺧﻠﻨﺎ ﻣﺶ ﻣﻘﺘﻨﻌﻴﻦ ﺑﻴﻬﺎ 🍃
ﻗﺒﻞ ﺛﻼﺗﻪ ﺍﺷﻬﺮ ..
ﻣﻜﺎﻟﻤﻪ ﻫﺎﺗﻔﻴﻪ ..
ﻧﺠﻢ ﺍﻟﺪﻳﻦ : ﻳﻌﻨﻲ ﻣﺎﺗﺒﻴﺶ ﺗﻌﺮﻓﻴﻨﻲ ﻋﻠﻴﻚ ..
ﻏﺎﻟﻴﻪ : ﺻﻌﺐ ..
ﻧﺠﻢ ﺍﻟﺪﻳﻦ : ﺗﻤﺎﻡ ﺣﺘﻰ ﺍﻧﻲ ﻧﻜﺘﻔﻲ ﺑﻤﻌﺮﻓﺘﻚ ﻹﺳﻤﻲ ﺑﺲ ﺍﻣﺘﻰ ﺗﺤﺴﻲ ﺭﻭﺣﻚ ﺍﺭﺗﺤﺘﻴﻠﻲ ﻓﻌﻼ ﺣﻨﺘﻌﺎﺭﻓﻮﺍ ﻉ ﺑﻌﺾ ﺍﻛﺜﺮ ..
ﻏﺎﻟﻴﻪ : ﺗﻤﺎﻡ ..
🍃 ﻳﻌﻨﻲ ﻏﺎﻟﻴﻪ ﻣﺎﻳﻌﺮﻓﺶ ﻋﻨﻬﺎ ﺍﻟﻰ ﺍﻵﻥ ﻧﺠﻤﻲ ﺍﻱ ﺷﻲ .. ﻭﻫﻲ ﻣﺎﺗﻌﺮﻓﺶ ﻏﻴﺮ ﺍﺳﻤﻪ 🍃
🍁🍁🍁🍁
ﺟﻲ ﺗﺎﻧﻲ ﻳﻮﻡ ..
ﺍﻟﺴﺎﻋﻪ 4:30 ﻋﺼﺮﺍ ..
ﻏﺎﻟﻴﻪ ﻭﺍﻗﻔﻪ ﻉ ﺍﻟﺸﺎﻫﻲ ..
ﺧﺸﺖ ﻋﻠﻴﻬﺎ ﺭﺯﺍﻥ : ﺍﻳﻦ ﺳﻮﻕ ﻫﺪﻯ ﺍﻟﻠﻲ ﺑﻨﻌﺪﻭﻟﻪ ﻭﻣﻦ ﺑﻴﺮﻓﻌﻨﺎ
ﺍﻟﺘﻔﺘﺖ ﻏﺎﻟﻴﻪ ﺑﺘﺠﺎﻭﺑﻬﺎ ﺷﺒﺤﺖ ﻟﺮﻭﺷﻦ ﻭﻗﺎﻟﺖ : ﺍﺷﺒﺤﻲ ﻭﺭﺍﻙ ..
ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻣﻦ ﺍﻟﻐﻀﺐ ..
ﻭﺍﻟﺘﻔﺘﺖ ﺑﺘﻄﻠﻊ ..
ﻋﻤﺎﺩ : ﻗﺴﻤﺎ ﺑﺮﺑﻲ ﺗﻄﻠﻌﻲ ﻧﺨﺶ ﻧﺠﺒﺪﻙ ﻣﻦ ﺩﺍﺧﻞ .. ﺣﻠﻔﺖ ﻳﺎﺭﺯﺍﻥ ..
ﻭﻗﻔﺖ ..
ﻏﺎﻟﻴﻪ ﺿﺤﻜﺖ ﻭﻣﺸﺘﻠﻬﺎ : ﺧﻼﺹ ﺑﻼﺵ ﺗﺼﻜﻴﺮ ﺭﺍﺱ ﻭﺗﻔﺎﻫﻤﻲ ﻣﻌﺎﻩ ..
ﻃﻠﻌﺖ ﻭﺻﻜﺮﺕ ﺍﻟﺒﺎﺏ .
ﺭﺯﺍﻥ ﺑﺪﻭﻥ ﻣﺎﺗﺸﻮﻓﻠﻪ : ﺷﻦ ﺗﺒﻲ ..
ﻋﻤﺎﺩ ﺑﺈﺑﺘﺴﺎﻣﻪ ﺣﺐ : ﻋﺎﺭﻓﺘﻴﻨﻲ ﺷﻦ ﻧﺒﻲ ..
ﺷﺒﺤﺘﻠﻪ ﻭﻗﺎﻟﺖ : ﺭﺍﺿﻲ ﻉ ﺍﻟﺤﺮﻛﻪ ﺍﻟﻠﻲ ﺩﺭﺗﻬﺎ ﺍﻣﺲ ..
ﻋﻤﺎﺩ : ﻭﺍﻧﺘﻲ ﺭﺍﺿﻴﻪ ﻉ ﻛﻞ ﺍﻟﻠﻲ ﺩﻳﺮﻱ ﻓﻴﻪ ﻣﻌﺎﻱ ..
ﺭﺯﺍﻥ ﺑﺮﻓﻌﺔ ﺣﺎﺟﺐ : ﺍﻳﻪ ..
ﻗﻌﺪ ﻳﺸﻮﻓﻠﻬﺎ ﺑﻨﻔﺲ ﺍﻟﻨﻈﺮﺍﺕ ﺍﻟﻠﻲ ﺗﺮﺑﻚ ﻓﻴﻬﺎ ..
ﻧﻈﺮﺍﺕ ﺗﻔﺼﻞ ﻣﻼﻣﺢ ﻭﺟﻬﻬﺎ ﻭﺍﻟﺘﺮﻛﻴﺰ ﺍﻛﺜﺮ ﺷﻲ ﻉ ﺍﻟﻌﻴﻮﻥ ..
ﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ : ﺍﻟﻜﻼﻡ ﺍﻟﻠﻲ ﻗﻠﺘﻪ ﻗﺪﺍﻡ ﺍﻟﻜﻞ ﺍﻫﻨﺘﻨﻲ ﺑﻴﻪ ﻗﺪﺍﻣﻬﻢ ﻭﺧﻠﻴﺖ ﺍﻟﻠﻲ ﻳﻜﺮﻫﻨﻲ ﻳﺘﺸﻤﺖ ﻓﻴﺎ ..
ﻋﻤﺎﺩ : ﺍﺳﻒ ..
ﺷﺒﺤﺘﻠﻪ : ﻭﻳﻦ ﻧﺼﺮﻓﻬﺎ ﻫﺪﻱ؟
ﺿﺤﻚ ﻭﻗﺎﻝ : ﻓﻤﺼﺮﻑ ﻗﻠﺒﻚ ﺍﻟﻠﻲ ﺍﻧﻲ ﻣﺎﺳﻜﻪ ..
ﺭﺯﺍﻥ : ﺍﻟﺜﻘﺔ ﺍﻟﺰﺍﻳﺪﻩ ﻓﺮﻭﺣﻚ ﻫﺪﻱ ﺑﺘﻮﺩﺭﻙ ﺭﺍﻫﻮ ..
ﺗﻨﻬﺪ ﻭﻗﺎﻝ : ﻭﺣﻖ ﺍﻟﻠﻪ ﻣﺎﻣﻮﺩﺭﻧﻲ ﻛﺎﻥ ﻗﻠﺒﻲ ﺍﻟﻠﻲ ﻣﺪﺍﻳﺮﺗﻴﻠﻪ ﻛﺘﻴﺒﻪ ﺷﻜﻠﻚ .. ﻣﺴﺤﻮﺭ ﺍﻟﺪﻋﻮﻩ .. ﻣﺎﻓﻴﻪ ﻛﺎﻥ ﺍﻧﺘﻲ .. ﺣﺘﻰ ﻭﻳﻦ ﻳﺪﻕ ﻳﻘﻮﻝ .. ﻣﻠﻌﻘﻪ ﻣﻠﻌﻘﻪ ﻣﻠﻌﻘﻪ ..
ﻫﻲ ﺿﺤﻜﺖ ﻭﻣﺸﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ..
ﻫﻮ ﻗﻌﺪ ﻳﻀﺤﻚ .. ﺑﻌﺪﻳﻦ ﺗﻨﻬﺪ : ﺍﺍﺍﺍﻩ .. ﻭﺧﻼﺍﺍﺻﺼﺺ ..
ﻭﺧﺮ ﻭﻣﺸﻲ ...
🍁🍁🍁🍁
ﺍﻟﺴﺎﻋﻪ 6:00 ﻣﺴﺎﺀﺍ ..
ﻃﻠﻌﻮﺍ ﺭﺑﺎﺏ ﻭﻧﻮﺭ ﻭﺭﺍﻧﻴﺎ ﻭﻏﺎﻟﻴﻪ ..
ﻭﺭﺯﺍﻥ ﻃﻠﻌﺖ ﻣﻦ ﺣﻮﺷﻬﻢ ..
ﻋﻤﺎﺩ ﺷﺒﺤﻠﻬﺎ ﻣﻦ ﻣﺮﺍﻳﺔ ﺍﻟﺴﻴﺎﺭﺓ ﻧﺰﻝ ..
ﻣﺸﺎﻟﻬﺎ ﻃﻮﻝ .
ﺭﺑﺎﺏ : ﺧﻴﺮﻩ؟؟
ﻏﺎﻟﻴﻪ : ﺍﺭﻛﺒﻦ ..
ﻭﻣﺸﺖ ﻟﺤﻘﺎﺗﻪ ..
ﻋﻤﺎﺩ : ﺧﺸﻲ ﻏﻴﺮﻱ ﺷﻼﺗﻴﺘﻚ ﻭﺍﻣﺴﺤﻲ ﺍﻟﻠﻲ ﻓﻌﻴﻮﻧﻚ ..
ﺭﺯﺍﻥ ﻭﻫﻲ ﺗﺸﻘﻠﺐ ﻓﻌﻴﻮﻧﻬﺎ : ﺍﻓﻔﻔﻔﻔﻔﻒ ..
ﻏﺎﻟﻴﻪ : ﺍﺳﻤﻌﻲ ﺍﻟﻜﻼﻡ ﺗﺤﺮﻛﻲ ..
ﺷﺒﺤﺖ ﻟﻌﻤﺎﺩ ﺑﻐﻞ ..
ﺑﻌﺪﻳﻦ ﻟﻔﺖ ﻭﻭﻟﺖ ﻟﻠﺤﻮﺵ ..
ﻋﻤﺎﺩ : ﺑﺘﺠﻴﺐ ﺍﺧﺮﺗﻲ ..
ﻏﺎﻟﻴﻪ ﺑﻀﺤﻜﻪ : ﺑﻌﻴﺪ ﺍﻟﺴﻮ ﻋﻠﻴﻚ ..
ﻫﻮ ﺿﺤﻚ ﺿﺤﻜﻪ ﺧﻔﻴﻔﻪ ..
ﺷﻮﻳﻪ ﻭﻃﻠﻌﺖ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ..
ﻛﻌﺎﺩﺗﻬﺎ ﻣﻼﻣﺢ ﺍﻹﻣﺘﻌﺎﺽ ﻉ ﻭﺟﻬﻬﺎ ..
ﻓﺎﺗﺖ ﻣﻦ ﺣﺪﺍﻫﻢ ﻃﻮﻝ ﻟﻠﺴﻴﺎﺭﻩ ..
ﻋﻤﺎﺩ ﺑﺈﺑﺘﺴﺎﻣﻪ : ﻫﻴﺎ ﻏﻠﻮﺷﻲ ..
ﻏﺎﻟﻴﻪ ﺑﻀﺤﻜﻪ : ﻫﻴﺎ ..
ﻣﺸﻮﺍ ﻟﻠﺴﻴﺎﺭﺓ ..
ﺭﻛﺐ ﻋﻤﺎﺩ ..
ﻭﺭﻛﺒﺖ ﻏﺎﻟﻴﻪ ﺟﻨﺒﻪ ..
ﺷﺒﺢ ﻟﻠﻤﺮﺍﻳﺎ ﺟﺖ ﻋﻴﻨﻪ ﻓﻌﻴﻨﻬﺎ ..
ﻫﻲ ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺮﻭﺷﻦ ..
ﺍﺑﺘﺴﻢ ﻭﺳﺎﻭﺍ ﺍﻟﻤﺮﺍﻳﺎ ﺑﺶ ﺗﺠﻲ ﻋﻠﻴﻬﺎ ﺑﺎﻟﺰﺑﻂ ..
ﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ..
....
ﻃﺎﻟﻌﻪ ﻣﻊ ﻋﻤﺎﺩ ﻟﻠﺴﻮﻕ ..
ﻣﺮﻭﺍﻥ : ﻗﺼﺪﻙ ﺍﻧﺖ ﻣﺎﺯﺍﻝ ﻣﺎﺷﻌﻔﺘﺶ !! ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﻣﺸﻲ ﻣﻦ ﺣﺪﺍﻩ ..
ﻭﻗﻌﺪ ﻣﺎﻟﻚ ﻳﺤﺮﻕ ﻭﻳﺴﺤﻦ ..
🍁🍁🍁🍁
ﻣﻘﻌﻤﺰﻳﻦ ﻳﻬﺪﺭﺯﻭﺍ ﻓﻲ ﺍﻟﺼﺎﻟﻪ ..
ﻛﻔﺎﻳﻪ : ﻋﻨﺪﻫﺎ ﺯﻭﺯ ﺧﻮﺕ ﻣﺶ ﻣﺘﺰﻭﺟﻴﻦ ..
ﺯﻳﻨﺐ؛ﺿﻮ ﻧﺪﻳﺪ ﻫﺎﻧﻴﺒﺎﻝ ..
ﻧﻌﻴﻤﻪ : ﺩﺍﺭ ﻣﻮﻗﻒ ﻣﻊ ﺩﻻﻝ ﻓﺎﻟﻜﻠﻴﻪ ﺍﺛﺒﺖ ﺑﻴﻪ ﻃﻴﺐ ﺍﺻﻞ ﻫﺎﻟﻌﻴﻠﻪ ..
ﺯﻳﻨﺐ ﺷﺒﺤﺖ ﻟﺪﻻﻝ : ﻣﻮﻗﻒ ﺷﻨﻲ؟ .
ﺩﻻﻝ ﺍﺑﺘﺴﻤﺖ : ﻧﻬﺎﺭ ﻛﺎﻥ ﻋﻨﺪﻱ ﺍﻣﺘﺤﺎﻥ ..
⚡ ﻓﻼﺵ ﺑﺎﻙ ..
ﻛﺎﻧﺖ ﺩﻻﺍﻝ ﻣﻦ ﺗﻮﺗﺮ ﻣﻘﻌﻤﺰﻩ ﺗﺒﻜﻲ ..
ﺭﺍﻧﻴﺎ ﻳﻮﻣﻬﺎ ﻣﺶ ﻣﻌﺎﻫﺎ ﻷﻧﻬﻢ ﻣﺶ ﻣﻨﺰﻟﻴﻦ ﻧﻔﺲ ﺍﻟﻤﺎﺩﻩ ..
ﻣﺎﻛﺎﻧﺶ ﻓﻲ ﺣﺪ ﻣﻌﺎﻫﺎ ﺗﺒﻜﻲ ﺑﺮﻭﺣﻬﺎ ﻭﺧﻼﺹ ..
ﻫﻮ ﻛﺎﻥ ﻛﻌﺎﺩﺗﻪ ﻳﺴﺮﻗﻠﻪ ﺳﺎﻋﺔ ﺯﻣﺎﻥ ﻳﻤﺸﻲ ﻓﻴﻬﺎ ﻟﻠﻬﻨﺪﺳﻪ ﺑﺶ ﻳﺸﻮﻓﻬ?