#العشق_المتمرد
#جمان_فريد❤❤
الجزء69
القسم الاول
🍁🍁🍁🍁🍁🍁🍁
" ﻋﺮﻭﺑﻪ "
ﺍﻧﻔﺠﻌﺖ .. ﻭﺍﻟﺘﻔﺘﺖ ﻷﻣﻬﺎ .. ﻭﻣﺸﺘﻠﻬﺎ ﻃﻮﻝ ﺣﻀﻨﺘﻬﺎ ﻭﻫﻲ ﺗﺮﻋﺶ ﺯﻱ ﺍﻟﺠﺮﻳﺪﻩ ..
ﺍﻣﺎﻧﻪ ﺑﻘﻠﻖ : ﻫﻲ ﺗﻌﺎﻟﻲ ﺧﺸﻲ ﻣﻌﺎﺵ ﻓﻲ ﻃﻠﻮﻉ ﺑﻜﻞ ﻓﻮﺿﻊ ﻛﻴﻒ ﻫﺎﻟﻮﺿﻊ ..
ﺑﻌﺪﺕ ﻋﻠﻴﻬﺎ ﺍﻣﻬﺎ ﻭﺧﺸﻮﺍ ﻭﺍﻣﺎﻧﻪ ﻗﺎﻟﺖ ..
ﺍﻣﺎﻧﻪ : ﺷﻦ ﺻﺎﻳﺮ ﺑﺎﻟﺰﺑﻂ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻣﺶ ﻋﺎﺭﻓﻪ .. ﺳﻴﺎﺭﺍﺕ ﺗﺠﺮﻱ .. ﻭﺍﺻﻮﺍﺕ ﺭﺻﺎﺹ ﻣﺶ ﻓﺎﻫﻤﻪ ﺷﻲ ﻣﻦ ﺍﻟﻠﻲ ﺻﺎﺭ ..
ﻭﺻﻠﻮﺍ ﻓﻲ ﺍﻟﺼﺎﻟﻪ ..
ﻭﻛﺎﻥ ﻣﻔﺘﻮﺡ ﻓﻴﻬﺎ ﺍﻟﺘﻠﻔﺰﻳﻮﻥ ..
ﺍﺗﻔﺎﺟﺌﻮﺍ ﺑﺴﻴﻒ ﺍﻟﻘﺬﺍﻓﻲ ﻳﻠﻘﻲ ﻓﺨﻄﺎﺏ ..
🍃 ﺧﻄﺎﺏ ﺗﻬﺪﻳﺪ ﺍﻟﺴﺒﺎﺑﺔ 🍃
ﻋﺪﺩ ﻓﻴﻪ ﺍﻟﺤﺎﺟﺎﺕ ﺍﻟﻠﻲ ﺣﺘﺼﻴﺮ ﻓﻲ ﻟﻴﺒﻴﺎ ﻟﻮ ﺍﻟﻠﻴﺒﻴﻦ ﺍﺳﻘﻄﻮﺍ ﻧﻈﺎﻡ ﺍﻟﻮﺍﻟﺪ ..
ﻣﻦ ﺍﻟﻤﻀﺤﻚ ﻭﺍﻟﻠﻲ ﻳﺪﻝ ﻉ ﺑﺴﺎﻃﺔ ﺷﻌﺒﻨﺎ ﻭﻗﻠﻪ ﺍﻟﻮﻋﻲ ﻋﻨﺪ ﺍﻏﻠﺒﻨﺎ ..
ﺍﻥ ﺍﻟﻜﻞ ﻳﻌﻠﻖ ﻉ ﺍﻟﻮﺿﻊ ﺍﻟﺤﺎﻟﻲ ﻭﻳﻘﻮﻝ ..
ﺭﻳﺘﻮﺍ ﺻﺎﺭ ﺯﻱ ﻣﺎﻗﺎﻝ ﺳﻴﻒ ...
ﻣﺎﻫﻮ ﻃﺒﻴﻌﻲ ﺍﻟﻠﻲ ﻗﺎﻟﻪ ﺳﻴﻒ ﻳﺘﺤﻘﻖ ..
ﻻ ﻫﻮ ﻧﺒﻲ ﻭﻻﻣﻠﻬﻢ ..
ﻟﻜﻨﻪ ﻛﺎﻥ ﻋﺎﺭﻑ ﻛﻮﻳﺲ ﺍﻟﻨﻈﺎﻡ ﺍﻟﻠﻲ ﻣﺎﺷﻴﻪ ﺑﻴﻪ ﺍﻟﺒﻼﺩ ﻭﻋﺎﺭﻑ ﺳﻘﻮﻁ ﻫﺎﻟﻨﻈﺎﻡ ﺣﻴﺪﻳﺮ ﻫﻜﻲ ..
ﻳﻌﻨﻲ ﺍﻣﺮ ﻣﺴﻠﻢ ﺑﻴﻪ ..
ﺍﺻﻼ ﻫﻮ ﻛﺎﻥ ﻋﺎﺭﻑ ﻛﻮﻳﺲ ﺍﻱ ﻧﻮﻉ ﻣﻦ ﺍﻟﺸﻌﻮﺏ ﻳﺤﻜﻤﻮﺍ ﻓﻴﻪ ..
ﺭﺍﻫﻲ ﺗﺮﺑﻴﺔ 40 ﻋﺎﻡ ... ﻋﻤﺮ ﺑﻦ ﺁﺩﻡ ..
🍃 ﺍﻧﻲ ﻭﺣﺪﻩ ﻣﻦ ﺍﻟﻨﺎﺱ ﺍﻟﻠﻲ ﺍﻧﺼﺪﻣﺖ ﺑﺴﻴﻒ ..
ﻣﺶ ﻋﺎﺭﻓﻪ ﻛﻨﺖ ﻧﺸﻮﻑ ﻓﻴﻪ ﻭﻃﻨﻲ ﻭﻏﻴﺮ ﻋﻦ ﺑﻮﻩ ﻭﻳﺤﺐ ﺑﻼﺩﻩ ﻭﺧﺎﻃﺮﻩ ﻳﻄﻮﺭﻫﺎ ..
ﺑﻌﺪ ﻃﺮﺡ ﻣﺸﺮﻭﻉ ﻟﻴﺒﻴﺎ ﺍﻟﻐﺪ ..
ﺍﻟﻤﺸﺮﻭﻉ ﺍﻟﻠﻲ ﻃﺮﺣﻪ ﻓﻲ ..2006
ﻭﺍﻟﻠﻴﺒﻴﻦ ﻛﻠﻬﻢ ﻃﺎﺭﻭﺍ ﻣﻌﺎﻩ ﻓﻲ ﺍﻟﻌﺎﻟﻢ ﺍﺍﻟﻮﺭﺩﻱ ﺍﻟﻠﻲ ﺣﻜﻲ ﻋﻠﻴﻪ ..
ﻭﺣﻠﻤﻨﺎ ﻭﺗﺄﻣﻠﻨﺎ ﻭﻇﻨﻴﻨﺎ ﺧﻴﺮ ..
ﻟﻌﻨﺪ ﻣﺎﻃﻠﻊ ﻋﺎﻡ 2008 ﻓﻲ ﺧﻄﺎﺏ ﻛﺎﻧﻮﺍ ﻗﺪ ﺍﻋﻠﻨﻮﺍ ﻋﻨﻪ ﻓﻲ ﺍﻷﺧﺒﺎﺭ ﺍﻥ ﻣﻔﺎﺟﺄﺓ ﻳﺤﻤﻠﻬﺎ ﺳﻴﻒ ﻟﻠﺸﻌﺐ ..
ﻭﺭﺟﻌﻨﺎ ﻃﺮﻧﺎ ﻣﻌﺎﻩ ﻣﺮﺓ ﺗﺎﻧﻴﻪ ..
ﻭﻃﻠﻊ ﻭﻗﺎﻝ .. ﺍﻧﻲ ﺑﻨﻨﺴﺤﺐ ﻣﻦ ﻣﺸﺮﻭﻉ ﻟﻴﺒﻴﺎ ﺍﻟﻐﺪ ..
ﻭﻓﺠﺎﺓ .. ﻃﺎﺍﺍﻑ .. ﺳﻘﻮﻁ ﻣﺪﻭﻱ ...
ﻷﻧﻪ ﺍﺗﺤﺎﺭﺏ ﺍﻧﺴﺤﺐ ..
ﻷﻧﻪ ﺑﻮﻩ ﺍﻟﻠﻲ ﺩﻋﻤﻪ ﻓﻲ ﺍﻷﻭﻝ .. ﺑﻌﺪ ﺭﺟﻊ ﺷﺎﻑ ﻟﻠﻤﻮﺿﻮﻉ ﺑﻨﻈﺮﻩ ﺗﺎﻧﻴﻪ ..
ﺣﺎﺭﺑﻪ ﺑﻘﻮﺓ .. ﻷﻧﻪ ﻣﺸﺮﻭﻋﻪ ﻓﻴﻪ ﺷﺒﻪ ﺗﺤﺠﻴﻢ ﻣﻦ ﺳﻠﻄﺘﻪ ﻭﺳﻠﻄﺔ " ﺍﻟﻜﺤﻴﻼﺕ .."
🍁🍁🍁🍁
ﻭﻭﻙ ﻋﻠﻴﺎ ﺍﻟﻮﻟﺪ ﻭﻳﻨﻪ .. ﻭﻳﻨﻪ ﻳﺎﺳﻌﺪ ﻭﻳﻨﻪ ..
ﺳﻌﺪ : ﻏﻴﺮ ﺍﻫﺪﻱ ﻳﺎﻣﺮﺍﺓ ﺍﻛﻴﺪﻩ ﻗﺮﻳﺐ ﻳﺨﺶ ..
ﻫﻮ ﻗﺎﻝ ﻛﻠﻤﺘﻪ ﻣﻦ ﻫﻨﻲ ﺍﻧﻔﺘﺢ ﺍﻟﺒﺎﺏ ﻣﻦ ﻫﻨﻲ ﻭﺧﺶ ﻣﺎﻟﻚ ..
ﺟﺎﺗﻪ ﺗﺠﺮﻱ ﻭﻫﻲ ﺗﺘﻔﺤﺺ ﻓﻴﻪ : ﻣﺎﺻﺎﺭﻟﻚ ﺷﻲ .. ﻣﺎﻓﻴﻚ ﺷﻲ ..
ﻣﺎﻟﻚ ﺻﻜﺮ ﺍﻟﺒﺎﺏ ﻭﻗﺎﻝ : ﻣﺎﻓﻲ ﺷﻲ ﻳﺎﻡ .. ﻟﻜﻦ ﺍﻟﻮﺿﻊ ﺑﺮﺍ ﺍﻟﻠﻪ ﺍﻟﻤﺴﺘﻌﺎﻥ ...
ﺳﻌﺪ : ﺷﻦ ﺻﺎﻳﺮ ﺑﺎﻟﺰﺑﻂ ..
ﻣﺎﻟﻚ : ﻭﺍﺣﺪ ﺻﺎﺣﺒﻲ ﻗﺎﻟﻲ ﺍﻟﻨﺎﺱ ﺍﻟﻠﻲ ﻃﻠﻌﺖ ﻓﻲ ﺍﻟﺴﺎﺣﻪ ﺿﺮﺑﻮﺍ ﻋﻠﻴﻬﻢ ﺭﺻﺎﺹ ﻭﻓﻲ ﺟﺜﺚ ﻗﻌﺪﺕ ﻣﻠﻮﺣﻪ ..
ﺳﻌﺪ ﻭﻛﻔﺎﻳﻪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﻣﺎﻟﻚ : ﻳﺴﺘﺮ ﺍﻟﻠﻪ ﻭﺧﻼﺹ ..
ﺳﻌﺪ ﺑﺤﺰﻡ : ﻣﻌﺎﺵ ﻓﻲ ﻃﻠﻮﻉ ﻣﻦ ﺍﻟﺤﻮﺵ ﻟﻴﻦ ﻧﺸﻮﻓﻮﺍ ﺷﻦ ﻳﺼﻴﺮ ﻭﻗﻠﺖ ﺍﻟﻜﻼﻡ ﻫﺪﺍ ﻟﺨﻮﺗﻚ ..
ﻛﻔﺎﻳﻪ : ﺍﻳﻪ ﺑﺮﺍ ﻋﺘﺒﺔ ﺍﻟﺤﻮﺵ ﻭﺍﻟﻠﻪ ﻣﺎﻓﻲ ﻭﺍﺣﺪ ﻓﻴﻜﻢ ﻗﺎﺻﻬﺎ ﺧﻄﻮﺓ ..
ﻣﺎﻟﻚ ﻭﻭﺟﻬﻪ ﺍﺻﻔﺮ : ﺗﻤﺎﻡ ..
ﺑﻌﺪ ﺭﻣﻲ ﻛﻨﺪﺭﺗﻪ ﺧﺶ ﺩﺍﺧﻞ ..
ﻛﻔﺎﻳﻪ ﺷﺒﺤﺖ ﻟﺮﺍﺟﻠﻬﺎ ﺑﺨﻮﻑ : ﺧﺎﻳﻔﻪ ﻳﺎﺳﻌﺪ ..
ﺳﻌﺪ ﺣﺎﻭﻁ ﻛﺘﺎﻓﻬﺎ ﺑﺬﺭﺍﻋﻪ : ﻏﻴﺮ ﺧﺸﻲ ﺗﻮﺍ ﺍﺭﻗﺪﻱ ﻭﺍﺭﺗﺎﺣﻲ ﺭﺑﻚ ﻳﻔﺮﺟﻬﺎ ﻣﻦ ﻋﻨﺪﻩ ..
ﻭﻣﺸﻮﺍ ﺧﺸﻮﺍ ﺍﻟﺰﻭﺯ ..
ﻓﻲ ﻧﻔﺲ ﺍﻟﻮﻗﺖ ..
ﺷﺮﺑﺖ ﻋﺮﻭﺑﻪ ﺍﻟﻤﻴﺔ ﻭﺍﻟﺴﻜﺮ ﻭﻫﻲ ﺗﻘﻮﻝ : ﺍﻟﻠﻲ ﻳﺸﻮﻑ ﺍﻟﺠﻮ ﻛﻴﻒ ﻛﺎﻥ ﻫﺎﺩﻱ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ ﻣﺎﻳﻘﻮﻟﺶ ﻳﺼﻴﺮ ﻫﻜﻲ ﺍﻟﻴﻮﻡ ...
ﺍﻣﺎﻧﻪ : ﺇﻥ ﺷﺎﺀ ﺍﻟﻠﻪ ﻋﻘﺎﺑﻬﺎ ﺧﻴﺮ ﻳﺎﺭﺑﻲ ..
ﻋﺮﻭﺑﻪ : ﻳﺎﺭﺏ ..
ﺭﻥ ﺗﻠﻴﻔﻮﻧﻬﺎ .. ﻗﻌﺪﺕ ﺍﻃﻠﻊ ﻓﻴﻪ ﻣﻦ ﺍﻟﺸﻨﻄﻪ ..
ﺑﻌﺪ ﻃﻠﻌﺎﺗﻪ ﻭﺷﺎﻓﺖ ﺍﻟﻤﺘﺼﻞ ﻟﻘﺎﺗﻪ ..
ﻫﺎﻧﻴﺒﺎﻝ ..
ﻃﻮﻝ ﻧﺎﺿﺖ ﻣﻦ ﺣﺪﺍ ﺍﻣﻬﺎ ﻭﺗﻮﺟﻬﺖ ﻟﻠﺪﺭﻭﺝ ﺑﺶ ﺗﺮﻛﺐ ﻟﺪﺍﺭﻫﺎ ..
ﺍﻣﺎﻧﻪ : ﺭﺑﻲ ﻳﺴﺘﺮ ﻋﻠﻴﻨﺎ ...
ﻓﻮﻕ ..
ﺭﺩﺕ ﻭﻫﻲ ﺗﺮﻛﺐ ..
ﻋﺮﻭﺑﻪ ﻭﻫﻲ ﺗﻠﻬﺖ : ﻫﺎﻧﻴﺒﺎﻝ ...
ﻫﺎﻧﻴﺒﺎﻝ : ﻭﻳﻨﻚ ﺍﻧﺘﻲ
ﻋﺮﻭﺑﻪ : ﻓﻲ ﺍﻟﺤﻮﺵ ..
ﻫﺎﻧﻴﺒﺎﻝ : ﻛﻨﺘﻲ ﺑﺮﺍ ..
ﻭﺻﻠﺖ ﻟﺪﺍﺭﻫﺎ ﻓﺘﺤﺘﻬﺎ ﻭﺧﺸﺖ : ﺍﻳﻪ ﻭﺍﻟﻮﺿﻊ ﻳﺨﻮﻑ ﻭﺍﺟﺪ
ﻫﺎﻧﻴﺒﺎﻝ : ﻳﻌﻨﻲ ﻃﻠﻌﺘﻲ ﻓﻲ ﻇﺮﻭﻑ ﺯﻱ ﻫﺪﻳﻦ؟
ﻋﺮﻭﺑﻪ ﻏﻤﻀﺖ ﻋﻴﻮﻧﻬﺎ ﻭﻗﺎﻟﺖ : ﻛﻨﺖ ﻓﻲ ﺧﺪﻣﺘﻲ ..
ﻫﺎﻧﻴﺒﺎﻝ : ﻣﺴﻜﺮﺓ ﺭﺍﺳﻚ ﻣﺎﺯﻟﺘﻲ ﻭﺗﻌﺪﻱ ﻓﻮﻗﻬﺎ ﻓﻲ ﻇﺮﻭﻑ ﻛﻴﻒ ﻫﺎﻟﻈﺮﻭﻑ ﻳﺎﻋﺮﻭﺑﻪ !!
ﻋﺮﻭﺑﻪ : ﻫﺎﻧﻴﺒﺎﻝ ﻭﺍﻟﻠﻪ ﻣﺎﻧﺎﻗﺼﻪ ﺣﺮﻕ ﺍﻋﺼﺎﺏ ..
ﻫﺎﻧﻴﺒﺎﻝ : ﻫﺎﻙ ﺑﺮﻭﺣﻚ ﻗﻠﺘﻴﻬﺎ ﺣﺮﻕ ﺍﻋﺼﺎﺏ ... ﻳﻌﻨﻲ ﺧﻔﺘﻲ .. ﺻﻮﺗﻚ ﻳﺮﻋﺶ ﻳﺎﻋﺮﻭﺑﻪ ..
ﻋﺮﻭﺑﻪ : ﺑﺎﻫﻲ ﺗﻮﺍ ﻳﻌﻨﻲ ﻣﻜﻠﻤﻨﻲ ﺑﻴﺶ ﺗﻄﻤﻦ ﻭﻻﺑﻴﺶ ﺗﺘﻌﺎﺭﻙ ..
ﺗﻨﻬﺪ ﻭﻗﺎﻝ : ﻋﺮﻭﺑﻪ ... ﺭﺍﻧﻲ ﻧﺨﺎﻑ ﻋﻠﻴﻚ .. ﻭﻣﻦ ﺣﻘﻲ ﻧﻐﻴﺮ ﻋﻠﻴﻚ ﻭﻣﻦ ﺣﻘﻲ ﻧﺤﺎﻓﻆ ﻉ ﺍﻟﻤﺮﺍﺓ ﻟﻠﻲ ﻧﺤﺒﻬﺎ ﺑﻜﻞ ﺍﻟﻮﺳﺎﻳﻞ ..
ﻫﻲ ﺍﺑﺘﺴﻤﺖ ﻭﻗﻌﺪﺕ ﺳﺎﻛﺘﻪ ..
ﻫﺎﻧﻴﺒﺎﻝ : ﻣﺎﺯﺍﻝ ﻣﺶ ﻋﺎﺟﺒﻚ ﺍﻟﻜﻼﻡ !
ﻋﺮﻭﺑﻪ ﺑﻀﺤﻜﻪ : ﻋﺎﺟﺒﻨﻲ ..
ﺍﺑﺘﺴﻢ ..
ﻋﺮﻭﺑﻪ : ﻟﻜﻦ ﻛﻞ ﺷﻲ ﺑﺎﻟﻌﻘﻞ ﻭﺍﻟﺘﻔﺎﻫﻢ ...
ﻫﺎﻧﻴﺒﺎﻝ : ﺍﻳﻮﻩ ﻛﻞ ﺷﻲ ﺑﺎﻟﻌﻘﻞ .. ﻳﻌﻨﻲ ﻓﻲ ﺍﻭﺿﺎﻉ ﻛﻴﻒ ﻫﺪﻱ ﻣﺎﺗﻄﻠﻌﻴﺶ ﻣﻦ ﺍﻟﺤﻮﺵ ﺑﻜﻞ ..
ﻋﺮﻭﺑﻪ ﺑﺈﺑﺘﺴﺎﻣﻪ : ﺗﻤﺎﻡ ...
🍁🍁🍁🍁🍁🍁
ﻭﺟﻬﻪ ﻣﺎﻳﺒﺸﺮﺵ ﺑﺎﻟﺨﻴﺮ ..
ﺯﻳﻨﺐ : ﻟﻜﻦ ﻛﻼﻣﻪ ﻛﻠﻪ ﺻﺢ ..
ﺧﻴﺮﻱ : ﻳﺴﺘﺮ ﺍﻟﻠﻪ ﻣﻦ ﻋﻘﺎﺑﻬﺎ ..
ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ﻳﺴﻤﻌﻮﺍ ﻓﻲ ﺧﻄﺎﺏ ﺳﻴﻒ ..
ﺷﻮﻳﻪ ﻭﻧﺎﺿﺖ ﺯﻳﻨﺐ ﻭﺗﻮﺟﻬﺖ ﻃﻮﻝ ﻟﻠﻤﺮﺑﻮﻋﻪ ..
ﻭﻗﻔﺖ ﻓﻲ ﺍﻟﺒﺎﺏ ﻭﻗﺎﻟﺖ : ﻣﺎﻧﻌﺮﻓﺶ ﻭﺍﺣﺪ ﻓﻴﻜﻢ ﻳﻄﻠﻊ ﻏﺪﻭﺓ ..
ﺣﻤﺰﺓ ﻭﻫﻮ ﻳﺘﻔﺮﺝ ﻉ ﺍﻟﺠﺰﻳﺮﺓ ﻫﺰ ﺭﺍﺳﻪ ﺑﺈﻳﺠﺎﺏ ..
ﻭﺳﻨﺪ ﺭﺩ : ﺣﺎﺿﺮ ﻳﺎﻡ ..
ﺗﻨﻬﺪﺕ ﺯﻳﻨﺐ ﻭﻃﻠﻌﺖ ﻣﻦ ﺣﺪﺍﻫﻢ ... ﻭﻭﻟﺖ ﻟﻠﺼﺎﻟﻪ ..
ﻭﻫﻲ ﻣﺎﺷﻴﻪ ﺧﻄﻤﺖ ﺣﺪﺍ ﺩﺍﺭ ﺍﻟﺒﻨﺎﺕ ..
ﺍﻟﻠﻲ ﻛﺎﻧﻮﺍ ﻳﻬﺪﺭﺯﻭﺍ ﻓﻴﻬﺎ ..
ﺭﺍﻧﻴﺎ : ﺭﺑﺎﺏ ﺧﺎﻳﻔﻪ ﻫﻠﺒﻪ ﻫﻠﺒﻪ .. ﻗﻠﺒﻲ ﻗﺎﺑﻀﻨﻴﻴﻴﻲ ..
ﻗﺎﻟﺘﻬﺎ ﻭﻫﻲ ﺣﺎﻃﻪ ﻳﺪﻫﺎ ﻉ ﺻﺪﺭﻫﺎ ..
ﺭﺑﺎﺏ : ﻭﺍﻟﻠﻪ ﺣﺘﻰ ﺍﻧﻲ ﺯﻳﻚ ﺍﻭﻝ ﻣﺮﺓ ﻳﺼﻴﺮ ﺷﻲ ﺯﻱ ﻫﺪﺍ ﻓﻲ ﺍﻟﺒﻼﺩ ..
ﺭﺍﻧﻴﺎ : ﺑﺎﻫﻲ ﺍﻧﺘﻲ ﺷﻦ ﺗﺘﻮﻗﻌﻲ ..
ﺭﺑﺎﺏ : ﻣﺶ ﻗﺎﺩﺭﺓ ﻧﺘﻮﻗﻊ ﺷﻲ ﺍﻟﺤﻖ ..
ﺳﻜﺘﻮﺍ ﺍﻟﺰﻭﺯ ﻭﻫﻤﺎ ﻳﺨﻤﻤﻮﺍ ...
ﺑﺲ ﺭﺑﺎﺏ ..
ﻋﻘﻠﻬﺎ ﺭﻓﻌﻬﺎ ﻟﻠﺸﺮﻕ .. ﻭﻗﻌﺪﺕ ﺗﺴﺄﻝ ﻓﻲ ﻧﻔﺴﻬﺎ ﻋﻦ ﺣﺎﻝ ﻃﺎﺭﻕ ﻭﺯﻋﻤﺎ ﺷﻦ ﺻﺎﺭ .. ﻓﻴﻪ ﺷﻦ ﺩﺍﺭ .. ﻫﻮ ﺗﺒﻊ ﻣﻨﻲ
ﺑﺮﻏﻢ ﺍﻟﻠﻲ ﺩﺍﺭﻩ ﺑﺲ ﻣﺎﺯﺍﻝ ﺷﺎﻏﻠﻬﺎ ﺣﺎﻟﻪ ...
ﻣﻬﻤﺎ ﻛﺎﻥ
ﻓﻲ ﺑﻴﻨﺎﺗﻬﻢ ﻛﺎﻥ ﻓﻲ ﻋﺸﺮﺓ ﻭﻣﺸﺎﻋﺮ ﺣﻠﻮﺓ ..
🍁🍁🍁🍁🍁
