#العشق_المتمرد
الجزء 21
الساعه 4عصرا...
غير خود ياأمي التفاحه كولها عادي ره ولدي مازال صغير راك..
حمزة وهو راقد وشاد راسه: لايما مانيش فاطر..
زينب بخوف :افففف..ياخيري...خيييري..
طلع خيري من الدار وجاهم للمربوعه: خيرك شن في؟
زينب:زود لولدك مسكر راسه يقعد صايم..
خيري: بابا حمزة كان معاش قادر افطر..
حمزة: لالا نقدر..
زينب : تساير فيه انت!!خليه يفطر غصب عنه..
خيري :شن غصب عنه هادي!!شبح لولده..حمزة ارقد لين يأذن المغرب بابا...وانتي نوضي اطلعي وخليه..
زينب : ياخير....
خيري : نوضي قلنا..
شافت لولدها بضيق بعدين ناضت وطلعت من حداه وهي مضايقه...وكيف وصلت للكوجينه لقت رباب ورانيا واخدين طرف طرف بيتزا..
زينب :ياحماراات!!!..اطلعوا..اطلعوا..قدمتلهم وقعد تكر فيهم برا الكوجينه ..وجبدت الباب وصكراته..
🌴🌴🌴🌴🌴🌴🌴
الساعه 5:39 عصرا
ولدك المطيور يلعب في الكورة وهو صايم
سعيده وهي متكيه: وصايم من غيرسحور
حدهم تخض في شيشة الحليب متاع المعيز: حي عليك ره يدوخ ويقعد يقذف..
سعيده بلامبالاة : مايصيرله شي..
امال : المغرب قريب مفروض تعدي لعربك..
سعيده: تو نعدي لما يأذن..
حدهم :وفاطمه تطلق فيك لسانها.
سعيده:حامل ونتوحم..
🍁🍁🍁🍁
تقول مافي وحده حملت غير هي ...
غاليه بضحكه: هدي تالت مرة ..
حميده بغيظ: ااه عليك قهرة نخدموا ونجروا ونتعبوا وهي تجي تلقاه واتي تاكل وتروح..
خشت فاطمه: وتيتن الفطور..
غاليه: ايه يمي اهي صفرة سيدي..خدت غاليه الصفرة ومدتها لأمها..
خدتها فاطمه وطلعت..
غاليه : حطي العصير فصفرة الولاد..
حميده : باهي...مشت خدت المالقي من ع الدولاب وحطاته في الصفرة..
☕🥛🍸 الصفرة كان فيها..
شنينه...تمر..عصير وغالبا رمان "الرزاطه متاع صابرين"..قهوة....
كانوا يحطوا فيه كله مع بعضه..
🍁نذكر لما كنت صغيرة كنا نحطوا كل شي في الصفرة...
بسيسه"حويرة"..تمر...عصير...كيكه ولاحلو وقهوة...
بس توا عصير وبسيسة وتمر فقط🍁
🍁🍁🍁🍁🍁
انفتح الباب وخش للحوش..
دلال:بابا جييي بابا جييي بابا جيييي..
ضحك عبدالسلام وصكر الباب...
عبدالسلام:حباااااااا..وفتح ايديه اللي كانت فوحده منهم حاجه..
خشت حضنه وقامه...
جتهم نعيمه مبتسمه:سفنز..
مدلها عبدالسلام فردتين سفنز بالدحي مغلفات: ايه سخون حطيه في الصفرة..
خدت نعيمه منه ولفت ومشت للكوجينه..
عبدالسلام: صايمه
دلال: ايه
عبدالسلام بضحكه:زينا ...باهي تاكلي بسيسه وتمر..
دلال:ونشرب قهوة..
عبدالسلام:لالا قهوة لا..دلو الحلوة قهوة ماتشربهاش...
وكمل بيها للدار..
🍁🍁🍁
عماااااااد..
جاه يجري :نعم...
كفايه مدتله :هاك ارفع المفرش..خداه منها وطلع بيه..
وهي حاسه روحها بدوخ...
شدت الصفرة...بعدين طلقتها..سععععد..
سمع صوتها من الدار جاها يجري لقاها شاده في الرخامه قرب منها وشدها:تعالي ارتاحي.تعالي.
طلعها برا وهو يديدش فيها..لين وصل بيها للدار قعمزها ...وطول مشي للكوجينه يجيب الصفرة..
🍁كفاية بنيتها ضعيفه الصيام متعب بالنسبه ليها واول يوم ديما تتعب هكي 🍁
🍁🍁🍁🍁
الساعه 5:56
رانيا بنشدك نعجنك..
رانيا :عطيني تمرة..
رباب :خلاص رانيا.
رانيا :تمممممرة..
ع جية حمزة وبوه...
قعمزوا ع الصفرة معاهم...
خيري :خيرك تعيطي عليها..خودي تمرة بابا..
زينب: تمقرس فيها عليا هكي ره..
خيري بضحكه: غير افطري بعدين نتعاركوا..
ضحكت بعصبيه...
🌴🌴🌴🌴🌴🌴
اللااأااأاه اىىىىىكبر..
اللاأااااه اىىىىىكبر...
الهادي: استغفر الله مافيش غيره يأذن..
عمر : هههههههه..استغفر الله حتى الدعاء نسيته..
هانيبال يدعي وهو مبتسم..
....
حميده بضحكه:والله مالايم عليه واحد عمي عبودة كان ماادنش اول مغرب فرمضان..
فاطمه بضحكه:افطري واسكتي..
غاليه تاكل وتضحك..
"عبودة راجل خمسيني ويأذن من زمان..اسلوبه في الأذان غريب ويضحك..ولانه كبير ليه قدره واحترامه ماقدروش يكلموه ولا ينصحوه"..
🍁🍁🍁🍁
طرابلس...
🌙🕌
💣💭
انطلق الآن مدفع الافطار معلنا نهاية اول ايام شهر رمضان المبارك...
صياما مقبولا وافطارا شهيا...
🕌الله اكبر الله اكبر...
بعد دعي الدعاء اللي علمهوله بوه فطر...وكان في قمة السعاده اللي حقق هالإنجاز..
خيري: صحه ليك يابطل..
ضحك حمزة..وزينب تشوفله وتضحك..
رباب بغيرة:حتى اني غدوة بنصيم..
زينب :ايه بش تموتي...
رباب تكنطت وقعدت تشبح لحمزة بغيظ..وهو يشوفلها و يرقص فحواجبه...
رباب:بابا قوووله..
ضحك خيري: خلااااص ياسر..
ضحكت زينب ومدت تمرة لرانيا اللي تاكل فيهم تمرة ورا التانيه..
🍁🍁🍁🍁
ماشاء الله ع رمزي صايم من غير سحور وماصارله شي..
سعيده:الله وحد ع وليدي..
حميده : قالت ماشاء الله..
فاطمه :هيا صبن وتن صفرة الشربه..
ناضوا الزوز وغاليه رفعت الصفرة..وللا هديكا قعدت مقعمزة..وفاطمه متحملتها بالسيف..
....
محمد: قول الحق صمته كامل..
رمزي ضحك وقال: بالله حلف صمته كامل..
عمر: تحسابه زيك كبير بطنوو...
محمد: انت اسكت احسلك😒
عمر ورمزي :😂😂
🍁🍁🍁🍁
🎤تأليف واخراج الطاهر جديع
بسباااسي...
وقعد عبدالسلام يسمع فحوار البسباسي ومرته وحداه دلال تلعب...
وفي الكوجينه نعيمه كيف خشت بعد كملت صلاة توتي في الصفرة...
🍁🍁🍁🍁🍁
حطي الكبه غادكيا...
خدت عروبه الصونيه متاع الكبه وحطتها في الصفرة...
وباقي نساوين عمامها يوتوا في الصفر ..
من 6سنين ..من لما مات بوها وهما اول يوم رمضان لازم يفطروا معاهم...
عروبه: نقل الصفرة هدي ؟
مرت عمها:ايه خلاص..
قامت عروبه الصفرة ووحده من بنات عمها عاونتها...
وهما طالعين يسمعوا فصوت التلفزيون..
"اللمه والشاهي..وللوز اللوز اللوز كسرلي حارة وزوز"
عروبه: هنا يتفرجن وحني نلهدوا..
ضحكت بنت عمها..
وصلوا بالصفرة حدا المربوعه نزلوها...
عروبه تنادي : عمو خالد..
شويه وطلع هايل وهو يشوفلها بنظرات حب مع ابتسامه:كل عام وانتي بخير بنت عمي..
عروبه :وانت بخير..مشت طول ولحقتها بنت عمهم..
هو تبددت ابتسامته وطارتله هلبه ..طبس رفع الصفرة وخش..
🍁🍁🍁🍁
حطوا الشربه وخبزة الفرن ومعاها طروف امبطن..
هدا مايتعشوا قبل التروايح بش يمشوا خفاف للصلاة..
في دار الهادي..
بككل ياراجل..
عمر: وكان خللونا ع ام بي سي قاعد خير..
هانيبال ياكل وماباش يعلق...
....
صامت شوي المبطن متاعك ياغاليه..
حميده:بالعكس ملحه كويس..
فاطمه: باك انتي توحمي ع المالح..
سعيده وهي تشبح للمبطن بحده: بالك..وكلتها ففم واحد من الغل وهي تتفرج ع التلفزيون..
🍁🍁🍁
يمي تربحي تعشي والله صكرتيلي النيه..
حدهم وهي تمسح فدموعها بطرف الردي : خلاص كولي كولي...
وبدت تاكل وهي مخنوقه بدمعتها..وامال تاكل بالسيف حتى هي...عقلها بس معاه..والغيرة حارقه قلبها...
☘شويه
واذن العشي..
والرجاله وتوا رواحهم للصلاة...
وتسقدوا كلهم مع بعض..
رمضان وخوه عبدالله..وضراريهم...
وسعيده تعشت ودارت روحها بتموت ..انطرحت ع الفراش ورقدت..وحصلوا غاليه وحميده في الماعين...
🍁🍁🍁🍁
💓سرت..
في حوش عبدالقادر عم عمار الكبير..
الخوت التموا وفطروا مع بعض..
سمر كانت تتهرب من مرت عمها وبناتها ..تحسابهم يعرفوا..
وامها متحشمه حتى هي من كامله وتهدرز بالسيف..
مشت سمر لمكان معين في الحوش كان فاضي وقفت فيه وهي تشوف من الروشن مضايقه لين خلاص..
بان عليها عمار يهدرز مع خوها وواحد تاني من ولاد العيله..
وقعدت مركز ع زمالته القهويه والكشابية اللي من نفس اللون..كيف شادها ..
قريب تموت ..
شويه وشافتهم طالعين...ماشيين لصلاة التراويح...
تنهدت بألم ولفت ومشت..
☘☘☘☘☘☘☘☘
صقع....
والمطر بدت تصب..
النساوين داخل كل وحده ع فراش راقدة ومتغطيه..
والكانون يدفي فيهم....
نفس الحاله...
عايشتها زينب بعد رقدت بناتها وصلت العشي طول رقدت...
🍁وكفايه اللي كانت تاعبه رقدت من قبل تصلي من كتر التعب...
ونعيمه اللي رقدت ورقدت بناتها حداها...
🌙اول يوم متعب شوي الجسم مازال ماخداش ع وضع الصيام..وهدا غير الجري والحركه في المطبخ تهد الحيل..
~~~~~~
🕌تموا الرجاله صلاة التراويح...
قبلها بشوي فاطمه نوضت بناتها..بش يوتوا العشي..
عصبان وكسكسي...
وتوه....
وتعشوا...
واللا سعيده تاكل وترقد بس ..وياريتها غير مصكرة فمها..
تاخد وتعلق هدا مالح وهدا صامت وهدا ناقص طياب
والمشكله انها ماخلت شي تبلع وترص فيه ورا بعضه..
وبعد كملوا وغسلوا الماعين..
بدت ادير الحاجه فاطمه فشاهي العاله ع الكانون..
وحداها صفرة..فيها كعك مالح وحلو وغريبه..
🌙🌙🌙🌙🌙🌙🌙🌙🌙🌟🌟🌟
🍃عدت ايام الشهر الفضيل يوم بعد يوم كل يوم احلى من التاني ومافيش احلى من اجواء رمضان نهائي🌟💓
لعند جي يوم27...
الساعه 5:30..
هدا هو اللي جاباته..
هناء:دايرة روحها تتوحم...
نجيه : ماحمل وجاب كان هي..
وطلعت من الكوجينه ولحقتها اختها..
نجيه وهي تقعمز:اسااامه ..خلي بنت خالك..
اسامه ولدها الكبير: يما تاخد في البطش تو تاكله..
نجيه :فرخه رانيه تحركي امشي حدا امك..
رانيا شبحتلها بكره طفولي ومشت طول لأمها..اللي كانت ساكته وخلاص ...
رمضان ويوم مبارك ماتبيش دير فيه مشاكل..وسلفتها جنبها تغيرلها فجوها ..
🌴🌴🌴🌴🌴
خلال الأيام اللي فاتوا..
الحاج رمضان تيسرت معاه وربي رزقه وخدي حاجتين..
سيارة جديده نوع مازدا...وتليفون...
☎️التليفون محطوط فمربوعه الحوش اللي فيه ميلاد...
وفي اللي محصل عليه جو😂..
عمر: صابر ولد عبودة.
الهادي بضحكه: والله ماضال الا مصدقها ديما يحكي ع مسابقات الإم بي سي..
هانيبال بضحكه؛ترا جرب...
عمر ضحك وضرب ع رقم حوش صابر ورد..
عمر: الو مرحبا اخي صابر.....
ضحكوا هانيبال والهادي بكتمان..
عمر: معك المزيع طوني من قناة الإم بي سي في لندن........ايه ايه اخي صابر قناة الإم بي سي........ايه والله الأم بي سي..
هانيبال بهمس: تحلف كذب وانت صايم ياجرو
مادروش عمر: اهلا وسهلا بيك معنا بمسابقتنا الرمضانيه...جاهز للسؤال................كتير حلو......الجائزة!؟؟
شبح لخوته..
الهادي بهمس: 400دولار .
عمر: 400دولار امريكي.....
هانيبال يهز مع بعضه من الضحك...
عمر : إن شاء الله اخي ......جاهز هلأ للسؤال....
الهادي : فات رزان المغربي..
هانيبال مازال يضحك..
عمر : سؤالنا هو....كم عدد المرات اللي أكلت فيهن فلئة من الشيخ عبودة بالجامع...
هني هانيبال والهادي انفجروا بالضحك...
وعمر صكر طول وقعد يضحك حتى هو....
اللااااااااه اكبىىىىىر
اللااااااه اكبىىىىىر
زادو ضحكوا وناضوا طول مشوا يجروا للحوش وهما يضحكوا...وين خطموا حدا بوهم وخوتهم وهما يفطروا شدوا ارواحهم...وخشوا للحوش ....
وكملوا ضحكهم..
في الدار..
كانوا كيف باديات يفطروا فاطمه وبناتها وكناينها الزوز..
حميد جاهم من ساعه..بيقعد معاهم لأول يوم العيد...
البنات مركزات ع لطيفه كيف تشم في الطواسي قبل لتشرب..
طيرتلهم النيه بحركاتها...هالمرة مزودتها اكثر وحتى هي مدايرة سبلتها الوحم...
وسعيده تراقب في المشهد وعاجبها ع الآاااخر...
🍁🍁🍁🍁🍁
الله اكبر في الآسلام عزتنا...
الله اكبر في الإسلام قوتنا..
الله اكبر الله اكبر في الإسلام وحدتنا...
السابع والعشرين من شهر رمضان المبارك...
ليله القدر...
والحاج حمد بو عبدالسلام قعمز يسمع بعد كمل صلاة المغرب وجو قعمزوا حداه ولاده...
طلعت عبير بالصفرة حطتها قدام بوها وخوتها وولت للكوجينه..وهي تشوف لدلال كيف ماشيه لبوها...
خشت عبير للكوجينه : بري جيبي بنتك من حدا بوها عيب هكي..
نعيمه وهي ساكته مشت طلعت من الكوجينه بش تجيب بنتها..
عبير:اسمعي يما ماتحطيش من اللي دارته بعدين لما يجوا متاعيني..
امباركه:وخيره المقروض قنين..
عبير: نندري عليها شن دايرة فيه اني..ولانسيتي قصة الحجابات..
خوله :عندها الحق يام..الحسد ياما يدير..
امباركه فكرت فكلامهم وقالت؛باهي..
طبعا نعيمه كانت جايه وسمعت الدوة...بلعتها وسكتت وخشت للكوجينه وهي شادة دلال وشادة دمعتها 💔...
🌴🌴🌴🌴🌴
كانوا يتعشوا قبل صلاة التروايح...
ومازالت لطفيه مستمرة فحركاتها اللي تمرض...
مهناك ماتاكل والحاجه اللي تقيمها تقعد تشوفلها كويس وماهناك ماتاكل منها...
حركاتها الوقحه هادي..كانت تمسح ع كبد سعيده...
وتخلي في فاطمه وبناتها ياكلوا بعضهم...
برغم الضجيج اللي صاير في النفوس من داخل...
الا ان الجو من برا غلب عليه الهدوء التام......
لعندما...
قطع هالهدوء صوت عياط ودوشه..
فاطمه:اللطف ياسيدي ربي..
قعدوا مركزات مع الصوت..
سعيده: جهة عيت عبودة..
ناضت فاطمه وطلعت من الدار وتوجهت برا الحوش
لقت ولادها طالعين يجروا برا القطعه ومعاهم ولاد عمهم ..
ووراهم الحاج رمضان والحاج عبدالله يمشوا بالعكاكيز..
وصلوا فحوش عبودة...
حميد بخلعه: خيركم شن في..
صابر بخوف: سيدي طاح من طوله..
هانيبال :يالطيف ..
يسمعوا فعياط النساوين..
ع طلعت ضو يجري :كرهبه ع رحمة والديكم كرهبه..
مشي حميد يجري بش يجيب سيارته...
وهانيبال شد ضو: شد حيلك
ضو يبلع فريقه ويهز فراسه بإيجاب..
جي يجري حميد بالسيارة...
وخشوا الولاد طلعوا الحاج عبوده حطوه في السيارة..
مشوا معاهم رمضان وعبدالله ومعاهم صابر ...وتحركوا طول للمستشفى...
هانيبال شبح لضو لقاه يرعش: تعال ياضو...
خششوه للحوش هو والهادي وسليمان وخليفه معاهم..ولحقوا عليهم رجاله من الجيران وخشوا....
.......
حميدة: استغفر الله وخلاص قديش وجعني..
غاليه : ربي يلطف بيه..جاي عيد ربي يستر..
برا...
لطيفه : قريب رميت من الخلعه...
فاطمه : بعيد وبر يابنتي ..
لطيفه : لازم نروح من هني مريضه..
فاطمه انصدمت..وسعيده رفعت حواجبها..
ناضت فاطمه وخشت للكوجينه..
سعيده:قوية كلمتك..
لطيفه؛قلت الحق...
سعيده ضحكت ولطيفه ضحكت معاها...
🍁🍁🍁🍁
من دايرة امبطن..
نعيمه بإبتسامه :اني ياعمي ..
حمد :ماشااااء الله تبارك الله..
ابتسم عبدالسلام...
امباركه:سلم حراراتي اللي درتهم بعتلها منهم مع عبدالسلام..
عبير وخوله ابتسموا وهما ياكلوا...
نعيمه : ايه حقه ماشاءالله عليهم حرارتك ياعمتي..
عبدالسلام ابتسم مرة تانيه...
الحاج حمد: ايه ماشاء الله عليك حتى انتي ياامباركه...
ضحكوا الولاد وبوهم...والبنات تكنطوا..وامباركه تاكل وتسحن..
اما نعيمه توكل في دلال وساكته....
🌴🌴🌴🌴🌴
اطمنوا ع حاج عبودة كان مجرد هبوط في الضغط اسعفوه وحاله باهي ...وروحوا بيه للحوش بعد ساعتين..
والرجاله قعدوا تعشوا عندهم...
والجيران اللي هدا بعت عشاه بش يبد ع الكل....
💕مرام طلعي الخبزة للشواهي..
خدت مرام الخبزة وطلعتها للخرفان...
وصلت في الزريبه وحطت الخبزة...والخرفان جوها يجروا...
هي لفت بتولي...
"واحد تااافه ياضووو هههههههههه"
شبحت جنبها لقت خوها مع ولاد جيرانهم..بس هي الطفله الصغيرة بنت 7سنين عيونها انجذبوا ليه هو بس..
هانيبال💓..
اللي من نهار الموقف اللي حماها فيه وحطها ورا ظهره لما شاف الكلب يجري وراها...وهي برغم صغر سنها كانت تشوفله بنظرة مختلفه...نظرة بريئة نظرة البطل...
تحشمت ومشت طول خشت للكوجينه....
مرام : محلاه ولد خالتي فاطمه..
ضحكوا خواتها..
حواء بضحكه : اين منهم..
مرام وجهها احمر: هانيبال...
خديجه :حييي عليك يافرخه من توا..
بثينه :ردن بالكن منها هدي راهي سابقه سنها فكل شي..
ضحكوا خواتها...وهي تحشمت وطلعت وخلتهم..
"ماتقولوليش صغيرة ومافيش مشاعر زي هادي فهديكا السن..لافي وهلبه...وع فكرة قصة مرام مع هانيبال حقيقية💕"...
🍁🍁🍁🍁
جو اهل خطيب عبير وجابوا الموسم ...
وكانت عبير طايرة بيهم...
كانوا جايات امه وخالته واخته...
اخت خطيبها كانت غايه في الجمال والرقه وصغيرة...
بعد روحوا...
مقعمزة عبير في الصاله مع اختها امنه وعبدالسلام وامهم يهدرزوا..
وفي الكوجينه..
نعيمه وخولة يوتوا في السحور...
برا..
عبير: اخته زي الغزاله وبنت عليه وراقيه خسارة ياعبدالسلام استعجلت.....
فنصت فيها امنه..
في نفس الوقت..
كانت نعيمه طالعه لبنتها نور في وحده من الديار كانت تعيط..
وقفت لما سمعت جملة عبير...وكانت تراجي فرد عبدالسلام وهي تبلع فريقها...
عبدالسلام: علاش خسارة..الحمد لله اني راضي بنصيبي ومقتنع بيه ونعيمه بنت ناس وعيله وماريتش زيها..
امنه ابتسمت..
انصدمت عبير فرده وقالت:ربي يعقد عسلكم..
امباركه شبحتله ع جنب وطارتلها من رد ولدها..
ونعيمه مشت للدار وهي متفااااااجئة ع الآخر ومش مصدقه نهائي اللي سمعاته من راجلها اللي ياما سمعت منه كلام جرحها وقليل ماكان يقول فكلمة طيبه..
🍁🍁🍁🍁
تحملت هلبه هلبه اني معاش عندي حيل ياخيري..
خيري : نقصي صوتك كله نهار اللي فطرتيه معاهم ...
زينب ببكي : معاملتهم ليا والله مامدورتها لكن الصغار حرام هادو صغارهم..
خيري : اسمعي هادوا عماتهم دمهم ولحمهم...وبعدين تعلمي تفوتي زي ماأني فوتت كف خوك ميلاد يازينب..واحد تاني ره حرم عليهم المشي غادي..
زينب انصمتت وسكتت معاش عرفت شن ترد ...
خيري : لكن بنقولك تتكرر مرة تانيه والله مامعديها ...وتوا تحركي جيبيلي السحور...
طلعت من حداه زينب وجهها اسود من اللي سمعاته وقعدت تدعي فداخلها ع نجيه فليلة القدر....
....يتبع....
