باقي الجزء104 القسم الثاني
#العشق_المتمرد
#جمان_فريد
رباب كانت واقفه فوق سطح حوش خالها ومدرقه وهي تتفرج عليهم بروحها..
اما الباقي كلهم لوطا..
بعد السلام الحار بين الرجاله..
كانوا الشباب واقفين يتفرجوا ..
ماعدا واحدفيهم عيونه ماكانوش ع الحدث ..
عيونه كانوا على شخص واحد من ضمن هالحدث..
كانت رزان واقفه تصفق وهي لابسه وشاح ياجوري ع توته من نفس درجة اللون..
الوشاح محطوط حط..
وخصلات من شعرها طالعه...
كان يلقى كيف يمشي يدخلهم ويقنط الوشاح قنطه صح..
عيونه طول تحركوا جهة الشباب..
كان يوزع فنظره عادي..
لعند ماجت عينه ع اصيل وهو واقف مربع ايديه..
ومبتسم ع جنب..
وانظاره حتى هو ماكانتش ع الحدث..
بل ع نفس الشخص اللي كانت انظار عيون عماد عليه..
قعد يشبحله ويشبحلها ..
يشبحله ويشبحلها..
يشبحله ويشبحلها..
ونار راكبه فيه نار...ليها وقت ماتبي تخمد..
🍁🍁🍁🍁
الساعه 2:00ظهرا..
بري اقري مادرويش بعد تكملي تعالي..
ابتسمت رزان :تمام..
دلال:ايه رزان بالله كان ريتي واحد من ولادي برا قوليله قتلك امك خش داخل..
ضحكت رزان وقالت: حاضر..
برا..
كان فسيارته..
خدي منها حاجه..
طلع..
صكرها..
بعدين جي بيمشي يخش للحوش..
سمع صوت حد نازل يجري من الدروج..
شبح جيهته...
شيئا فشيئا ارتسمت ع وجهه ابتسامه اعجاب..
وهو يشوف فيها..
كيف لابسه عبايه ووشاح..
حاطه شنطة اللاب ع كتفها وفيدها زوز كتابات..
وهي ماشيه طاح منها واحد..
رزان:اوفففف..
طبست بتقيمه..
تفاجئت بيد تانيه قاماته..
رفعت عيونها وهي متفاجئة..
من وراء القيطون اللي كان داير حاجز بين المربوعه الخارجيه والساحه اللي قدامها ومستراحها..
طلع عماد بيمشي لسيارته..
وقف فمكانه جامد لما شاف اللي شافه..
🍁تشوفله وهو يتصفح في الكتاب بإستغراب..
قام عيونه وشبحلها برفعة حواجب وقال:فضولي..
ضيقت عيونها..
ضحك وقال؛نا بطبعي فضولي واجد..ابتسم وقال..تقري حاسب؟
رزان هزت راسها بإيجاب وهي تشوف لكتابها بضيق..
اصيل ابتسم وقال:لكن مااعتقدش ان هدى كتاب ضمن المنهج..ع الأرجح بديري بحث عن حاجه فيه صح؟
رزان بإندهاش:صح..
اصيل ابتسم وقال:جهازك للقرايه بس ولا فيه خصوصيات..
رزان :احمم..القرايه بس..
اصيل:ترا شوي..
رزان شبحتله من فوق لوطا..
اصيل:هههههه...اني ياستي عندي خلفيه كويسه ع الموضوع خلال نص ساعه نتملك بحثك..
رزان:شكرا..عطيني الكتاب بنعدي..
اصيل برفعة حاجب:مالا والله العظيم هالبحث هدى لما نديرهلك..
رزان انصدمت..
اصيل:نحنث تكسبي اثمي..
هي شبحت حواليها دون ماتشوف جهة القيطون..
بعدين مدتله الجهاز...
هو ابتسم وخداه بعدين قال :عدي توا وبعد نص ساعه تعالي..
ولف ومشي..
قعمز ع بلوكه قدام الحوش..
وفتح شنطة اللاب..
وطلعه وفتحه..
وطلع من جيبه جهازه متاع النت وفتحه..
وبدي يخدم..
هي سمعت صوت سيارة خوها توفيق..
طول لفت وركبت تجري..
شبحلها أصيل وشبح للسيارة وابتسم..
درست ونزل منها توفيق..
صكر الباب وشبح جهة أصيل..
توفيق:اووووه شيخ اصيل..
ضحك اصيل وقال:الخديوي توفيق..
ضحك توفيق..
وقدمله سلم عليه..
هدا كله..
كله..
كان تحت انظار عماد..
اللي حس روحه فهديكا اللحظه وكأنه فعلا...
بدي يخسر..
حس..بالخسارة ..
وعرف معناها الحقيقي...
وهو مش عارف..
لو يرضى بيها انتصارا لكبريائه..
او يرفضها ويخسر كبريائه..
...يتبع...
