المتمردين

العشق المتمرد

#العشق_المتمرد
الجزء  100/ القسم الاول

#جمان_فريد

🍃🍃🍃🍃🍃🍃
ﻋﺸﺮﺓ 25 ﺳﻨﻪ ﻭﺍﻛﺜﺮ ﻭﻓﻲ ﺍﻷﺧﻴﺮ ﻫﺪﺍ ﻇﻨﻚ ﻓﻴﺎ؟؟؟
ﺗﺸﺒﺤﻠﻪ ﺑﻌﻴﻮﻥ ﻣﻌﺒﻴﺎﺕ ﺩﻣﻮﻉ ﻭﻣﺶ ﻗﺎﺩﺭﺓ ﺗﺘﻜﻠﻢ ..
ﺍﺑﺘﺴﻢ ﺑﺘﻌﺠﺐ ﻭﻗﺎﻝ : ﻭﺍﻟﻠﻪ ﺍﻟﻌﻈﻴﻢ ﻣﺎﻗﺎﺩﺭ ﻧﺴﺘﻮﻋﺐ ﻛﻠﻤﻪ ﻣﻦ ﺍﻟﻠﻲ ﺳﻤﻌﺘﻬﻢ ﻣﻨﻚ .. ﺍﺷﺮ ﻋﻠﻴﻬﺎ .. ﻣﻨﻚ ﺍﻧﺘﻲ !! ﻭﺍﻧﻲ ﺍﻟﻠﻲ ﻧﻘﻮﻝ ﻓﻴﻬﺎ ﺣﺘﻰ ﻗﺪﺍﻡ ﺻﺤﺎﺑﻲ ﺍﻧﻲ ﻣﺎﺣﺪ ﻓﺎﻫﻢ ﻋﻠﻴﺎ ﻭﻋﺎﺭﻓﻨﻲ ﺯﻳﻦ ﻓﻲ ﻫﺎﻟﺪﻧﻴﺎ ﺍﻛﺜﺮ ﻣﻦ ﻣﺮﺗﻲ .. ﺣﺘﻰ ﺍﻣﻲ ﺍﻟﻠﻪ ﻳﺮﺣﻤﻬﺎ ﻣﺎﻛﺎﻧﺘﺶ ﺗﻌﺮﻓﻨﻲ ﺯﻳﻬﺎ ... ﺿﺤﻚ ﺳﺨﺮﻳﻪ ﻭﻗﺎﻝ .. ﻃﻠﻌﺘﻲ ﺍﻧﺘﻲ ﺍﻛﺜﺮ ﻭﺣﺪﻩ ﻓﻲ ﺍﻟﺪﻧﻴﺎ ... ﻣﺎﺗﻌﺮﻓﻨﻴﺶ ..
ﻏﻴﺮﺕ ﻋﻴﻮﻧﻬﺎ ﻋﻨﻪ ﻭﻗﻌﺪﺕ ﺗﺸﺒﺢ ﻟﻠﻜﺎﺗﺮﻭ ﺍﻟﻠﻲ ﻉ ﺍﻟﺤﻴﻂ ﻭﻋﻴﻮﻧﻬﺎ ﻣﺮﻛﺰﺍﺕ ﻉ ﺍﻟﻮﺭﺩ ﺍﻟﻤﺮﺳﻮﻡ ﻓﻲ ﺍﻟﻠﻮﺣﻪ .. ﺑﺲ ﻋﻘﻠﻬﺎ ﻣﻌﺎﻩ ﻭﻣﻊ ﻛﻼﻣﻪ .. ﻭﻗﻠﺒﻬﺎ ﻳﻨﺒﺾ ﺑﻘﻮﺓ ﻣﻦ ﺍﻟﺨﻮﻑ ﻭﺍﻟﺘﻮﺗﺮ ..
ﺳﻌﺪ ﻣﺒﺘﺴﻢ ﺑﺨﻴﺒﻪ ﻭﻫﻮ ﻳﻘﻮﻝ : ﺗﻌﺮﻓﻲ ﺣﺘﻰ ﺍﻟﻠﻮﻡ ﻓﻴﻚ ﺧﺴﺎﺭﻩ ..
ﺷﺒﺤﺘﻠﻪ ﺑﺼﺪﻣﻪ ..
ﺳﻌﺪ : ﻣﺎﺩﺍﻡ ﺍﻧﺘﻲ ﻫﻜﻲ .. ﻃﻠﻊ ﻫﻮ ﻫﺪﺍ ﻇﻨﻚ ﻓﻴﺎ ﻭﻫﺎﺩﻱ ﻧﻈﺮﺗﻚ ﻟﻴﺎ ﺣﺘﻰ ﺍﻟﻠﻮﻡ ﻓﻴﻚ ﺧﺴﺎﺭﻩ ... ﺷﺒﺤﻠﻬﺎ ﺑﻨﻈﺮﻩ ﺃﻟﻢ .. ﺑﻌﺪﻳﻦ ﻣﺸﻲ ..
ﻫﻲ ﺯﻱ ﺍﻟﻠﻲ ﺣﺼﻠﺖ ﻛﻒ ﻉ ﻭﺟﻬﻬﺎ ﻓﻴﻘﻬﺎ ..
ﻛﻒ ﻭﻗﻀﻬﺎ .. ﻧﺒﻬﻬﺎ ﻣﻦ ﻫﻮ ﺍﻟﺮﺍﺟﻞ ﺍﻟﻠﻲ ﻛﺎﻥ ﻭﺍﻗﻒ ﻗﺪﺍﻣﻬﺎ ﻗﺒﻞ ﺷﻮﻱ .. ﺍﻟﺮﺍﺟﻞ ﺍﻟﻠﻲ ﻋﺸﺮﺗﻪ ﻃﻴﺒﻪ ﺍﻟﻠﻲ ﻳﺤﺒﻬﺎ ﺣﺐ ﻛﺒﻴﺮ ﺍﻟﻠﻲ ﻟﻤﺎ ﺗﺰﻋﻠﻪ ﻫﻮ ﺍﻟﻠﻲ ﻳﺮﺿﻴﻬﺎ .. ﻭﻟﻤﺎ ﺗﺘﻌﺐ ﻭﻻﺗﻤﺮﺽ ﻳﻘﻌﺪ ﺳﺎﻫﺮ ﻋﻠﻴﻬﺎ .. ﻭﻟﻤﺎ ﺗﺒﻌﺪ ﻋﻨﻪ ﻣﺎﻳﺒﻄﻠﺶ ﺳﺆﺍﻝ ﻋﻨﻬﺎ ﻣﻦ ﺷﻮﻗﻪ ﻟﻴﻬﺎ ﺍﻟﺮﺍﺟﻞ ﺍﻟﻠﻲ ﺩﻳﻤﺎ ﻣﻘﺪﺭﻫﺎ ﻭﻣﺤﺘﺮﻣﻬﺎ ﺍﻟﺮﺍﺟﻞ ﺍﻟﻠﻲ ﻳﻌﺰ ﻛﻞ ﺷﻲ ﻫﻲ ﺗﻌﺰﻩ .. ﻭﻻﻋﻤﺮﻩ ﻗﺎﻟﻠﻬﺎ ﻻ ﻭﻻ ﻛﺴﺮﻟﻬﺎ ﺧﺎﻃﺮ ..
ﻋﺸﺮﺓ 26 ﺳﻨﻪ ﻣﺎﻓﻲ ﻳﻮﻡ ﺭﺕ ﻣﻨﻪ ﻋﻴﺐ ﻭﻻﻏﻠﻂ ﻭﻻﻓﻨﻬﺎﺭ ﺟﺮﺣﻬﺎ ..
ﻫﻲ ﺍﻟﻠﻲ ﻛﺴﺮﺕ ﺑﺨﺎﻃﺮﻩ ﻭﺟﺮﺣﺎﺗﻪ .. ﻭﻏﻠﻄﺖ ﻓﻴﻪ .. ﻫﻲ ﻣﺶ ﻫﻮ ..
ﺑﺪﺕ ﺗﺘﻨﻔﺲ ﺑﺎﻟﻘﻮﺓ ﻭﺷﻮﻳﻪ ﺑﺪﺕ ﺗﺒﻜﻲ ...
ﻣﻌﺎﺵ ﻗﺪﺭﺕ ﺗﻮﻗﻒ ﻉ ﺣﻴﻠﻬﺎ .. ﻗﻌﻤﺰﺕ ﻉ ﺍﻟﻜﺮﺳﻲ
ﻭﺍﻧﻬﺎﺭﺕ ﺑﺎﻟﺒﻜﻲ ..
ﻭﺑﻨﺘﻬﺎ ﺍﻟﻠﻲ ﺳﻤﻌﺖ ﺻﻮﺕ ﺑﻜﺎﻫﺎ ﺟﺘﻬﺎ ﻭﻭﻗﻔﺖ ﻓﻲ ﺍﻟﺒﺎﺏ ﻗﻌﺪﺕ ﺗﺸﻮﻓﻠﻬﺎ ﺑﺤﺰﻥ ﻭﺩﻣﻮﻋﻬﺎ ﺗﻨﺰﻝ ..
🍃 ﻭﺳﺎﻭﺱ ﺷﻴﺎﻃﻴﻦ ﺍﻹﻧﺲ ﻭﺍﻟﺠﻦ ﻳﻌﻤﻮﺍ ﺍﻟﺒﻨﺎﺩﻡ ﻋﻦ ﺣﺎﺟﻠﻦ ﻫﻠﺒﻪ ﺃﻭﺿﺢ ﻣﻦ ﺍﻟﺸﻤﺲ 🍃
🍁🍁🍁🍁🍁
ﺍﻟﺴﺎﻋﻪ 4:30 ﻗﺒﻞ ﺍﻟﻌﺼﺮ
ﺧﻼﺹ ﻳﺎﺍﻣﻲ ﺧﻼﺹ ..
ﺑﺸﻬﻘﻪ ﻭﺑﻜﻲ ﻭﺑﺼﻮﺕ ﺷﺒﻪ ﻣﺨﺘﻔﻲ : ﻗﺪﺍﻡ ﻋﻴﻮﻧﻲ ﻳﻤﺎﺍﺍ .. ﻳﻤﺎﺍ
ﻃﻠﻌﺖ ﺍﻟﺮﻭﺡ .. ﻏﺎﺭﻗﻪ ﺑﺪﻣﻬﺎ ... ﺑﻠﻌﺖ ﺭﻳﻘﻬﺎ ﻭﻗﺎﻟﺖ .. ﻭﺧﻮﻫﺎ ... ﺧﻮﻫﺎ ﻳﻤﺎﺍﺍ .. ﺭﺍﺍﺟﻞ .. ﺭﺍﺍﺍﺍﺟﻞ .. ﺧﻠﻮﻩ ﻳﻌﻴﻂ ﻋﻠﻴﻬﺎ .. ﺯﻱ ﺍﻟﻤﺮﺍﺓ ﻳﻤﺎﺍﺍﺍﺍ ..
ﺯﻳﻨﺐ ﺑﺒﻜﻲ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﻭﺧﺪﺕ ﺭﺍﻧﻴﺎ ﻭﺣﻀﻨﺘﻬﺎ ﻭﺭﺍﻧﻴﺎ ﺗﺒﻜﻲ ﺑﻌﻴﺎﻁ
ﻭﺭﺑﺎﺏ ﺟﻨﺒﻬﺎ ﺗﺒﻜﻲ ﺑﺎﻟﻌﺒﺮﻩ
ﻭﺑﻮﻫﺎ ﻭﺧﻮﺗﻬﺎ ﺑﺮﺍ ﻳﺴﻤﻌﻮﺍ ﻭﻣﺘﺄﺛﺮﻳﻦ ﻫﻠﺒﻪ ..
ﺣﻤﺰﺓ ﻭﻋﻴﻮﻧﻪ ﻣﻌﺒﻴﺎﺕ ﺩﻣﻮﻉ : ﺍﻗﺴﻢ ﺑﺎﻟﻠﻪ ﻣﺎﻗﺎﺩﺭ ﻧﺤﻮﻝ ﻣﻨﻈﺮﻩ ﻣﻦ ﻋﻴﻮﻧﻲ .. ﺭﺍﻓﻊ ﺍﺧﺘﻪ ﻓﻐﻤﺮﻩ ﻭﻳﻌﻴﻂ .. ﺗﻌﺮﻓﻮﺍ .. ﺑﺼﻮﺕ ﻓﻴﻪ ﺭﻋﺸﻪ ﻛﻤﻞ ﻳﻘﻮﻝ .. ﺑﻌﺪ ﺣﻄﻬﺎ ﻓﺴﻴﺎﺭﺗﻪ ﺍﻏﻤﻰ ﻋﻠﻴﻪ ..
ﺳﻨﺪ ﺑﻐﻀﺐ ﻭﺩﻣﻮﻋﻪ ﻃﺎﺣﻮﺍ : ﻛﻼﺏ ﺍﻟﻠﻪ ﻳﻠﻌﻨﻬﻢ ﻫﺎﻟﻜﻼﺏ ﺍﻟﻴﻬﻮﺩ .. ﻭﻟﻒ ﻭﻣﺸﻲ ...
ﺧﻴﺮﻱ ﺑﻌﻴﻮﻥ ﻣﻌﺒﻴﻪ ﻓﻴﻬﻢ ﺍﻟﺪﻣﻌﻪ : ﺍﻟﻠﻪ ﻳﺮﺣﻤﻬﺎ ﻣﺴﻜﻴﻨﻪ ﻭﻳﺼﺒﺮﻩ ﻭﻳﺼﺒﺮ ﻛﻞ ﺍﻟﻠﻲ ﻟﻴﻬﺎ ..
ﻓﺠﺄﺓ ﻃﻠﻌﺖ ﺭﺍﻧﻴﺎ ﺗﺠﺮﻱ ﻭﻭﺭﺍﻫﺎ ﺍﻣﻬﺎ ﻭﺍﺧﺘﻬﺎ ..
ﺧﻴﺮﻱ ﻭﺣﻤﺰﺓ ﻟﺤﻘﻮﻫﻢ ..
ﺧﺸﺖ ﺭﺍﻧﻴﺎ ﻟﻠﺤﻤﺎﻡ ﻭﺻﻜﺮﺕ ﺍﻟﺒﺎﺏ ﻭﻗﻌﺪﺕ ﺗﺮﺟﻊ ..
ﺯﻳﻨﺐ ﺣﻄﺖ ﻳﺪﻫﺎ ﻉ ﺟﺒﻬﺘﻬﺎ ﻭﻫﻲ ﺗﺮﻋﺶ ﻣﻴﺘﻪ ﺧﻮﻑ ﻉ ﺑﻨﺘﻬﺎ ..
🍁🍁🍁🍁
ﺟﻴﺒﻲ ﻷﺧﺘﻚ ﻣﻴﺔ ﻭﺳﻜﺮ ﺗﺤﺮﻛﻲ ..
ﻧﻮﺭ ﺑﺒﻜﻲ : ﺑﺎﻫﻲ .. ﻭﻣﺸﺖ ﺟﺮﻱ ..
ﻧﻌﻴﻤﻪ ﻭﺩﻣﻮﻋﻬﺎ ﻳﻨﺰﻟﻮﺍ ﺷﺎﺩﻩ ﻳﺪ ﺑﻨﺘﻬﺎ ﺍﻟﻠﻲ ﻛﺎﻧﺖ ﻣﺘﻤﺪﺩﻩ ﻉ ﺍﻟﺴﺮﻳﺮ ..
ﻭﺟﻬﻬﺎ ﺷﺎﺣﺐ .. ﻭﺩﻣﻮﻋﻬﺎ ﻳﻨﺰﻟﻮﺍ .. ﻭﺗﺘﻨﻔﺲ ﺑﻘﻮﺓ ..
ﻭﻋﺒﺪﺍﻟﺴﻼﻡ ﺍﻟﻠﻲ ﺷﻬﺪ ﻉ ﺍﻟﻠﻲ ﺻﺎﺭ ﻛﺎﻥ ﻭﺍﺧﺪ ﺍﻟﺼﻐﺎﺭ ﻭﺣﺎﻃﻬﻢ ﻓﺎﻟﺪﺍﺭ ﺍﻟﺘﺎﻧﻴﻪ ﻭﻣﺼﻜﺮ ﻋﻠﻴﻬﻢ ﻭﻓﺎﺗﺢ ﺍﻟﺘﻠﻔﺰﻳﻮﻥ ﻉ ﺍﻟﺮﺳﻮﻡ ﻭﻣﻌﻠﻲ ﺍﻟﺼﻮﺕ ..
ﻭﻫﻮ ﻳﺮﺟﻒ ﻣﻊ ﺑﻌﻀﻪ ﺷﺎﻑ ﻛﻞ ﺷﻲ ﻣﻨﻈﺮ ﻓﺮﺡ ﺍﻟﻠﻲ ﻏﺎﺭﻗﻪ ﺑﺪﻣﻬﺎ .. ﻭﻣﻨﻈﺮ ﺯﻳﻦ ﻭﻫﻮ ﻗﺎﻳﻤﻬﺎ ﻭﻳﻌﻴﻂ ﻭﻛﻴﻒ ﺑﻌﺪ ﺣﻄﻬﺎ ﻓﺎﻟﺴﻴﺎﺭﺓ .. ﻣﺠﺮﺩ ﺻﻜﺮ ﺍﻟﺒﺎﺏ .. ﻃﺎﺡ ﻣﻦ ﻃﻮﻟﻪ ﻣﻐﻤﻰ ﻋﻠﻴﻪ ..
ﻣﻨﻈﺮ ﻻﻳﻤﻜﻦ ﻳﻨﻤﺤﻰ ﻣﻦ ﺍﻟﺬﺍﻛﺮﺓ .. ﻻﻳﻤﻜﻦ ﻣﺎﻳﺪﻳﺮﺵ ﻓﻲ ﺍﻟﻘﻠﺐ ﺍﺛﺮ ﻗﻮﻱ ﻳﺨﻠﻲ ﺍﻟﻠﻲ ﻳﺸﻮﻓﻪ ﻳﺤﺲ ﺍﻥ ﻫﻮ ﺻﺎﺣﺐ ﺍﻟﻤﺼﻴﺒﻪ ..
🍁🍁🍁🍁
ﻟﻄﻔﻚ ﻳﺎﻟﻄﻴﻒ ..
ﺭﻓﻘﻪ ﻭﻫﻲ ﺗﻘﺮﺍ ﻓﻲ ﺍﻟﺨﺒﺮ : ﻗﺎﻟﻮﺍ ﺍﺧﺖ ﺍﺳﺘﺎﺫ ﻓﻲ ﻛﻠﻴﺔ ﺍﻟﻬﻨﺪﺳﻪ ..
ﻟﻄﻴﻔﻪ : ﻭﻳﻦ ﻳﻘﺮﻭﺍ ﺑﻨﺎﻭﻳﺖ ﻋﻤﺎﺗﻚ ..!! ﺑﺴﺮﻋﻪ ﺟﻴﺒﻴﻠﻲ ﺗﻠﻴﻔﻮﻧﻲ ﻣﻦ ﺍﻟﺪﺍﺭ ﺧﻞ ﻧﻜﻠﻢ ﻧﻌﻴﻤﻪ ﻭﺯﻳﻨﺐ ..
ﺭﻓﻘﻪ : ﺣﺎﺿﺮ .. ﻭﻧﺎﺿﺖ ﺑﺴﺮﻋﻪ ﺗﺠﺮﻱ ﻟﻠﺪﺍﺭ ..
🍁🍁🍁🍁
ﻏﺎﻟﻴﻪ ﺑﺪﻣﻮﻉ : ﻳﺎﻧﺎﺭﻱ ﻋﻠﻰ ﺑﻨﺎﺗﻲ ﺭﻧﻪ ﻛﻠﻪ ﺑﻌﻴﻮﻧﻬﻦ !!
ﺭﺑﺎﺏ ﺑﺒﻜﻲ : ﺍﻧﻲ ﺍﻟﻠﻲ ﻣﺎﺷﻔﺖ ﺷﻲ ﻗﻠﺒﻲ ﺗﻘﻄﻊ ﻳﺎﺑﺎﻝ ﻫﻤﺎ ..
ﻏﺎﻟﻴﻪ ﺑﺄﻟﻢ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﺭﺍﺣﺖ ﻏﺎﺑﻪ ﺍﻟﺒﻼﺩ ﻫﺪﻱ ..
ﺭﺑﺎﺏ : ﻏﺎﺑﻪ ﻭﺳﻜﺘﻲ !! ﻭﺍﻟﻠﻪ ﺍﻟﻐﺎﺑﻪ ﻣﺎﺯﺍﻝ ﺧﻴﺮ ..
ﻏﺎﻟﻴﻪ ﺑﻜﺮﻩ : ﺍﻟﻠﻪ ﻻﻳﺴﺎﻣﺢ ﻫﺪﺍﻛﺎ ﺍﻟﻨﻬﺎﺭ ﺍﻻﺳﻮﺩ ..
🍁🍁🍁🍁
ﻣﺴﺘﺤﻴﻞ ﺍﻟﻜﻼﺏ ﻫﺎﺩﻭﺍ ﻳﻜﻮﻥ ﻟﻴﻬﻢ ﻋﻼﻗﻪ ﺑﺎﻟﺜﻮﺭﺓ ..
ﺗﻴﻔﺴﺎ : ﺗﻲ ﻓﻲ ﻧﺎﺱ ﻳﺎﻋﻤﺎﺩ ﻛﺎﻧﻮﺍ ﻣﻊ ﺍﻟﺜﻮﺭﺓ ﺍﻳﺎﻡ ﺍﻟﺜﻮﺭﺓ ﻭﻫﻤﺎ ﻣﺎﻟﻬﻤﺶ ﻋﻼﻗﻪ ﺑﻴﻬﺎ ... ﻭﺯﻳﺎﺩﻩ ﻉ ﻫﻜﻲ ﺑﻌﺪ ﻧﻬﺎﺭ 2011\8\20 ﻫﻠﺒﻪ ﻧﺎﺱ ﺑﺪﻟﺖ ﺟﻠﻮﺩﻫﺎ ...
ﻋﻤﺎﺩ ﺑﺘﻬﻜﻢ : ﺻﺪﻗﺖ .. ﺗﻌﺮﻓﻪ ﺑﻮﻋﺎﻳﺸﻪ ..
ﺗﻴﻔﺴﺎ : ﻫﺪﺍ ﺍﻟﻠﻲ ﻗﻠﺖ ﻋﻠﻴﻪ ﻭﺍﺣﺪ ﻣﻦ ﺟﻤﺎﻋﺔ ﺍﻟﻤﺜﺎﺑﻪ ﻗﺒﻞ ﻭﻻ؟
ﻋﻤﺎﺩ : ﺍﻳﻪ .. ﻫﺪﺍ ﻟﻴﻠﺔ 20 8| ﻗﺮﻳﺐ ﺯﻭﻕ ﻋﻴﻮﻧﻪ ﺑﻌﻠﻢ ﺍﻹﺳﺘﻘﻼﻝ ..
ﺗﻴﻔﺴﺎ ﺿﺤﻚ ﺑﺘﻬﻜﻢ ﻭﻗﺎﻝ : ﻏﻴﺮ ﻫﻮ ﺑﺲ .. ﻳﺎﻣﺎ ﻣﻨﻬﻢ ..
ﺗﻨﻬﺪ ﻋﻤﺎﺩ ﻭﻗﺎﻝ : ﻫﻲ ﻣﺎﺷﻮﻫﻬﺎ ﻛﺎﻥ ﺍﻟﻤﺘﺴﻠﻘﻴﻦ ﻭﺍﻟﻠﻲ ﻧﺎﺿﻮﺍ ﻣﻌﺎﻫﺎ ﻉ ﺧﺎﻃﺮ ﻣﺼﺎﻟﺤﻬﻢ ﺑﺲ ..
ﺗﻴﻔﺴﺎ : ﺻﺪﻗﺖ ..
🍃 ﺑﺪﻭﻥ ﺗﺼﻨﻴﻔﺎﺕ ﻭﻻ ﺗﻮﺍﺭﻳﺦ 17 ﻓﺒﺮﺍﻳﺮ ﺍﻭ ﻏﻴﺮﻫﺎ .. ﺍﻟﻤﺤﺼﻠﻪ ﺍﻥ ﺍﻟﻠﻴﺒﻴﻦ ﻫﻤﺎ ﺍﻟﻠﻲ ﺷﻮﻫﻮﺍ ﺑﻼﺩﻫﻢ ﻭﺩﻣﺮﻭﻫﺎ 🍃
🍁🍁🍁🍁
ﺩﻳﻤﺎ ﺍﻟﻤﻮﺕ ..
ﺍﺻﻞ ﺍﻷﻟﻢ ... ﺍﻟﻔﻘﺪ ﺍﻟﻄﻮﻳﻞ .. ﻭﻣﻤﻜﻦ ﺍﻷﺑﺪﻱ ..
ﻟﻤﺎ ﻳﺠﻲ ﺧﺒﺮ ﺍﻟﻤﻮﺕ ﻭﻧﺴﻤﻌﻮﻩ ..
ﺑﺎﻟﺬﺍﺕ ﻟﻮ ﺍﻟﻠﻲ ﻣﺎﺕ ﺣﺪ ﻋﺰﻳﺰ ﻭﻏﺎﻟﻲ ..
ﻏﺎﻟﺒﺎ ﻧﺨﺸﻮﺍ ﻓﺤﺎﻟﺔ ﺻﺪﻣﻪ ..
ﻫﺪﺍ ﺍﻟﻠﻲ ﺻﺎﺭ ﻟﺒﻮﻫﺎ ﻭﺧﻮﺗﻬﺎ ...
ﺍﻟﺼﺪﻣﻪ ﻋﻠﻴﻬﻢ ﻛﺎﻧﺖ ﺷﺪﻳﺪﻩ ..
ﺑﻮﻫﺎ ﺧﺶ ﻓﻌﺎﻟﻢ ﻏﻴﺮ ﻫﺎﻟﻌﺎﻟﻢ ﻣﺶ ﻣﺼﺪﻕ ﻭﻻﻣﺴﺘﻮﻋﺐ ..
ﻓﺒﺎﻟﻪ ﺍﻧﻪ ﻛﺎﺑﻮﺱ .. ﺍﺿﻐﺎﺕ ﺍﺣﻼﻫﻢ ...
ﺍﻱ ﺷﻲ ﻏﻴﺮ ﺍﻧﻪ ﻳﻜﻮﻥ ﻭﺍﻗﻊ ﻭﺣﻘﻴﻘﻪ ...
ﺑﻴﻨﻤﺎ ..
ﺍﻣﻬﺎ ..
ﺧﺎﻻﺗﻬﺎ .. ﻋﻤﺎﺗﻬﺎ .. ﻧﺴﺎﻭﻳﻦ ﺧﻮﺗﻬﺎ .. ﺑﻨﺎﺕ ﺍﻟﻌﻴﻠﻪ ..
ﺍﻟﻠﻲ ﻛﺎﻧﺖ ﺑﺎﻟﻨﺴﺒﻪ ﻟﻴﻬﻢ ﻓﺮﺡ ﺍﻟﻠﻲ ﻟﻴﻬﺎ ﻣﺎﺇﺳﻤﻬﺎ ﻧﺼﻴﺐ ..
ﺍﻟﻄﻒ ﺑﻨﻲ ﺁﺩﻡ ﻋﺮﻓﻮﻩ ﻓﺎﻟﺪﻧﻴﺎ .. ﻣﺼﺪﺭ ﺑﻬﺠﻪ .. ﺳﺒﺐ ﺍﻟﻀﺤﻜﻪ ﺍﻟﻠﻲ ﻣﺎﺧﻠﻔﺖ ﻭﺭﺍﻫﺎ ﻓﻘﻠﻮﺑﻬﻢ ﺍﻻﺍﻟﺤﺐ ﻭﻛﻞ ﺷﻲ ﺣﻠﻮ ﻭﻃﻴﺐ ..
ﺑﻴﻬﺒﻠﻮﺍ ...
ﺑﻤﻌﻨﻰ ﺍﻟﻜﻠﻤﻪ ..
ﺑﻴﻬﺒﻠﻮﺍ ...
ﻛﺎﻧﺖ ﺍﻟﻤﺼﻴﺒﻪ ﺍﻛﺒﺮ ﻣﻦ ﻃﺎﻗﻪ ﺍﻟﺼﺒﺮ ﻋﻨﺪﻫﻢ ..
ﺍﻣﻬﺎ ﺑﺘﻔﺮ ... ﻉ ﻗﺪ ﻣﺎﺣﺎﻭﻟﻮﺍ ﻳﻬﺪﻭﻫﺎ ﺍﻟﺠﻴﺮﺍﻥ ﻭﺍﻟﺼﺤﺎﺏ ﺍﻟﻤﺮﺍﺓ ﻧﺎﺭﻫﺎ ﻛﺎﻧﺖ ﻧﺎﺭ ﻗﻮﻳﻪ ﺻﺒﺮ ﺍﻟﺼﺪﻣﻪ ﺍﻻﻭﻟﻰ ﻣﺎﻛﺎﻧﺶ ﻋﻨﺪﻫﺎ ...
ﻣﻤﻜﻦ ﺍﻣﻬﺎ ﻟﻮ ﺷﺎﻓﺘﻬﺎ ﻛﻴﻒ ﻣﺎﺗﺖ ..
ﻳﺎﺗﻔﻘﺪ ﻋﻘﻠﻬﺎ ... ﻳﺎﺗﺮﻭﺡ ﺭﻭﺣﻬﺎ ﻓﺠﺮﺗﻬﺎ ...
🍃 ﺍﻣﺎ ﺯﻳﻦ ..
ﺍﻟﻠﻲ ﻛﺎﻥ ﻋﺎﺭﻑ ﺍﻥ ﻫﻮ ﺍﻟﺴﺒﺐ ﻓﺈﻧﻄﻔﺎﺀ ﺭﻭﺣﻬﺎ ..
ﺭﻭﺡ ﺍﺧﺘﻪ .. ﺍﺟﻤﻞ ﺷﻲ ﻓﺤﻴﺎﺗﻪ ...
ﻣﺎﺑﺎﺵ ﻳﻔﺎﺭﻕ ﻣﻜﺎﻥ ﺍﻟﺜﻼﺟﻪ ... ﻣﺎﺑﺎﺵ ﻳﻨﻮﺽ ﻣﻦ ﻗﺪﺍﻣﻬﺎ ﻉ ﻗﺪ ﻣﺎﺩﺍﺭﻭﻟﻪ ... ﻳﺒﻜﻲ ﻭﺑﺲ ﻳﺒﻜﻲ ﺑﺼﻤﺖ ﻳﺒﻜﻲ ﺑﻜﻞ ﺷﻲ ﻓﻴﻪ ..
ﺩﻣﻮﻋﻪ ..
ﻗﻠﺒﻪ ...
ﺭﻭﺣﻪ ..
ﻳﺒﻜﻲ ﻭﻳﺒﻜﻲ .. ﻉ ﺍﺧﺘﻪ ﺍﻟﻮﺣﻴﺪﻩ ﺍﻟﻠﻲ ﻛﺎﻥ ﺍﻛﺒﺮ ﻫﻤﻬﺎ ﺍﻣﻨﻴﺘﻬﺎ ﺗﺸﻮﻑ ﺍﻟﻀﺤﻜﻪ ﻉ ﻭﺟﻬﻪ ...
ﺭﺍﺣﺖ ﺿﺤﻴﻪ ﻓﺴﺒﻴﻞ ﺗﺤﻘﻴﻖ ﻫﺎﻷﻣﻨﻴﻪ ﺍﻟﻐﺎﻟﻴﻪ ﻋﻠﻴﻬﺎ 🍃...
🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 1:45 ﻇﻬﺮﺍ ..
ﺑﻌﺪ ﺻﻠﻮﺍ ﻋﻠﻴﻬﺎ ﺻﻼﺓ ﺍﻟﺠﻨﺎﺯﺓ ..
ﺳﻜﻨﺖ ﻓﺮﺡ ﺍﺧﺮ ﻣﺜﻮﻯ ﻟﻴﻬﺎ ﻓﺎﻟﺪﻧﻴﺎ .. ﺍﻟﻘﺒﺮ ..
ﺍﻧﺪﻓﻨﺖ ..
ﺧﻮﺗﻬﺎ ﻳﺒﻜﻮﺍ ..
ﺍﻟﺮﺟﺎﻟﻪ ﻳﺒﻜﻮﺍ ﺑﺎﻟﺼﻮﺕ ..
ﻭﺍﻟﺮﺍﺟﻞ ﺩﻣﻌﺘﻪ ﻣﺎﺗﻨﺰﻟﺶ ﺇﻻ ﻉ ﺍﻟﻐﺎﻟﻲ ﻭﺍﻟﻘﻮﻳﻪ ..
ﺑﻮﻫﺎ ﻳﺸﻮﻓﻠﻬﻢ ﻛﻴﻒ ﻳﺤﻄﻮﺍ ﻋﻠﻴﻬﺎ ﻓﺎﻟﺘﺮﺍﺏ ..
ﻧﻈﺮﺗﻪ ﻛﺎﻧﺖ ﻧﻈﺮﺓ ﺣﺎﺩﻩ .. ﻭﺍﻟﺪﻣﻮﻉ ﻣﻦ ﺍﻟﻌﻴﻮﻥ ﻳﺼﺒﻮﺍ ..
ﺯﻳﻦ ﻛﺎﻥ ﻭﺍﻗﻒ ﻳﺸﻮﻑ ﺣﺘﻲ ﻫﻮ ﻻﺑﺲ ﻧﻈﺎﺭﺍﺕ ﺳﻮﺩ ..
ﻣﺎﻗﺪﺭﻭﺵ ﻳﺨﻔﻮﺍ ﺳﻴﻞ ﺍﻟﺪﻣﻮﻉ ﺍﻟﻨﺎﺯﻟﻪ ..
ﺑﻌﺪ ﻛﻤﻠﻮﺍ ..
ﺑﻮﻫﺎ ﻓﺠﺄﺓ ﻗﻌﺪ ﻳﺪﻭﺭ ﻉ ﺣﺪ ..
ﺷﺎﻓﻪ ..
ﻋﻴﻮﻧﻪ ﻗﺪﺣﻮﺍ ﺷﺮﺍﺭ ..
ﻣﺸﺎﻟﻪ ﺑﺈﻧﺪﻓﺎﻉ ..
ﻫﺒﻂ ﺍﻳﺪﻳﻪ ﻉ ﻛﺘﻒ ﻭﻟﺪﻩ ﺑﻘﻮﺓ ﻭﻗﻌﺪ ﻳﺪﻑ ﻓﻴﻪ ﻭﻳﻘﻮﻝ ﺑﺼﻮﺕ ﻋﺎﻟﻲ ﻛﻠﻪ ﻏﻀﺐ : ﺍﻧﺖ ﺍﻟﻠﻲ ﻗﺘﻠﺖ ﺍﺧﺘﻚ ﺍﻧﺖ .. ﺍﻧﺖ ﺍﻟﻠﻲ ﺧﺪﻳﺖ ﺭﻭﺡ ﺑﻨﺘﻲ ﺍﻧﺖ ...
ﺍﻟﺮﺟﺎﻟﻪ ﻭﻭﻻﺩﻩ ﻳﺤﺎﻭﻟﻮﺍ ﻳﺒﻌﺪﻭﻩ ..
ﻭﻫﻮ ﻣﻦ ﺣﺰﻧﻪ ﻭﻏﻀﺒﻪ ﺍﻟﺸﺪﻳﺪﻳﻦ ﻛﺎﻥ ﺍﻗﻮﻯ ﻣﻨﻬﻢ ..
ﻳﻨﻔﺾ ﻓﻴﻬﻢ ﻋﻨﻪ ﻭﻳﺮﺟﻊ ..
ﻳﺨﺒﻂ ﻓﻴﻪ ﻭﻳﻘﻮﻟﻪ ﺑﺼﻮﺕ ﻋﺎﻟﻲ ﺟﺪﺍ ﻧﺒﺮﺗﻪ ﺍﺷﺒﻪ ﺑﺎﻟﺼﺮﺍﺥ : ﻗﺘﻠﻚ ﻗﺒﻞ ﻗﻠﺖ ﻧﺼﺤﺖ ﺗﻜﻠﻤﺖ .. ﺳﻴﺐ ﺍﻟﻄﺮﻳﻖ ﺍﻟﻠﻲ ﻣﺎﺷﻲ ﻓﻴﻪ ... ﺳﻴﻴﻴﺒﻪ .. ﺷﻦ ﻧﺎﺍﺍﻗﺼﻚ ﺷﺸﺸﻦ .. ﺑﺶ ﺗﻮﻟﻲ ﻫﻜﻲ ..
ﺯﻳﻦ ﻛﺎﻥ ﻳﺘﻠﻘﻰ ﻓﺎﻟﻀﺮﺏ ﻣﻦ ﺑﻮﻩ ﻭﻣﺶ ﻗﺎﺩﺭ ﻳﺪﻳﺮ ﺍﻱ ﺭﺩﺓ ﻓﻌﻞ ..
ﻫﻮ ﻳﺒﻲ ﻳﺘﻌﺎﻗﺐ ﻉ ﺍﻟﻠﻲ ﺩﺍﺭﻩ ﻣﻌﺘﺮﻑ ﺍﻥ ﻫﻮ ﺍﻟﻤﺬﻧﺐ ﻭﺍﻥ ﺍﺧﺘﻪ ﻣﺎﺗﺖ ﺑﺴﺒﺒﻪ ...
ﻧﺰﻟﻮﺍ ﺩﻣﻮﻋﻪ ﺍﻛﺜﺮ ﻟﻤﺎ ﺳﻤﻊ ﺑﻮﻩ ﻳﻘﻮﻝ ﺑﺼﻮﺕ ﻣﺒﺤﻮﺡ ..
" ﺑﺮﺍﺍﺍﺍ .. ﺑﺮﺍﺍﺍﺍ .. ﻣﻌﺎﺵ ﺗﻮﺭﻳﻴﻨﻲ ﻭﺟﻬﻚ .. ﺑﺮﺍﺍﺍﺍ ... ﻣﺘﺒﺮﻱ ﻣﻨﻚ ﻟﻴﻮﻡ ﺍﻟﺪﻳﻦ "..
ﺧﻮﺗﻪ ﺻﺮﺧﻮﺍ ﻭﻫﻤﺎ ﻳﻘﻮﻟﻮﺍ : ﺑﻮﻱ !!
ﺍﻟﺮﺟﺎﻟﻪ ﺣﻮﺍﻟﻴﻪ ﺑﺄﺻﻮﺍﺕ ﻣﺘﻘﻄﻌﻪ : ﺻﻞ ﻉ ﺍﻟﻨﺒﻲ .. ﻭﺣﺪ ﺍﻟﻠﻪ ... ﻣﺶ ﻫﻜﻲ ﻳﺎﻣﺤﻤﺪ !!
ﺑﻮﻩ ﻏﻤﺾ ﻋﻴﻮﻧﻪ ﺑﺸﺪﻩ ﻭﻗﺎﻝ : ﻣﻌﺎﺍﺵ ﻧﺒﻴﻪ ﺍﻧﻲ ﻣﻌﺎﺵ ﻧﺒﻴﻪ ﻣﻌﺎﺵ ﻧﻌﺘﺮﻑ ﺑﻴﻪ ...
ﻓﺘﺢ ﻋﻴﻮﻧﻪ ﺍﻟﻠﻲ ﻛﻠﻬﻢ ﻏﻀﺐ ﻭﺍﻧﺪﻓﻌﻠﻪ ﻣﻦ ﺟﺪﻳﺪ ﻭﻗﻌﺪ ﻳﺪﻑ ﻓﻴﻪ ﺑﻜﻞ ﻗﻮﺗﻪ : ﻣﻌﺎﺵ ﻧﺒﻴﻪ .. ﺑﺮﺍﺍﺍﺍ ﺑﺮﺍﺍﺍﺍ ﺑﺮﺍ ﻳﺎﻳﻬﻮﺩﻱ ﺑﺮﺍﺍﺍﺍ ..
ﺩﻓﻌﻪ ﺑﻘﻮﺓ ﻟﻴﻦ ﻭﺧﺮ ﻟﻠﺨﻠﻒ ﺑﻤﺴﺎﻓﻪ ﻛﺎﺩ ﻳﻄﻴﺢ ﺑﺲ ﺗﻤﺎﺳﻚ ..
ﻣﺎﻗﺪﺭﺵ ﻳﻘﻴﻢ ﺭﺍﺳﻪ ..
ﻃﻮﻝ ﻟﻒ ﻭﻣﺸﻲ ﺑﺴﺮﻋﻪ ..
ﻭﺑﻮﻩ ﻣﺎﺯﺍﻝ ﻳﻘﻮﻝ
" ﻣﺘﺒﺮﻱ ﻣﻨﻪ .. ﺍﺷﻬﺪﻭﺍ ﻳﺎﻧﺎﺱ ﻣﺘﺒﺮﻱ ﻣﻨﻪ ﻟﻴﻮﻡ ﺍﻟﺪﻳﻦ 󐰼"
🍃🍃🍃🍃🍃
ﺑﻌﺪ ﺗﻼﺗﻪ ﺃﻳﺎﻡ ..
ﻃﻖ ﺑﺎﺏ ﺍﻟﺪﺍﺭ ..
ﺭﺩ ﺑﺼﻮﺕ ﻣﺘﻌﺐ ﺑﻌﺾ ﺍﻟﺸﻲ : ﺧﺶ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﻓﺎﻳﺰﺓ ﻓﻴﺪﻫﺎ ﺍﻟﺘﻠﻴﻔﻮﻥ ﻗﺎﻟﺖ ﻭﻫﻲ ﻣﺒﺘﺴﻤﻪ : ﺗﻘﺪﺭ ﺗﺘﻜﻠﻢ ﺑﺎﻟﻬﺎﺗﻒ ..
ﺍﺷﺮﻟﻬﺎ ﺑﻌﻴﻮﻧﻪ ﺑﻤﻌﻨﻰ " ﻣﻨﻮ .."
ﻓﺎﻳﺰﺓ ﺑﺈﺑﺘﺴﺎﻣﻪ ﺧﺒﻴﺜﻪ : ﺩﻻﻝ ..
ﻧﺎﺽ ﺟﺒﺪ ﻣﻨﻬﺎ ﺍﻟﺘﻠﻴﻔﻮﻥ ﻭﺍﺷﺮﻟﻬﺎ ﺑﺤﻮﺍﺟﺒﻪ ﺗﻄﻠﻊ ..
ﻓﺎﻳﺰﺓ ﺑﻀﺤﻜﻪ : ﻏﻴﺮ ﺑﺎﻟﺸﻮﻱ ﻉ ﺟﺮﺣﻚ ﺭﺍﻫﻮ ﻳﻨﺸﺮﻙ ..
ﻓﻨﺺ ﻓﻴﻬﺎ ...
ﻟﻔﺖ ﻭﻃﻠﻌﺖ ﻭﻫﻲ ﺗﻀﺤﻚ ... ﻣﺠﺮﺩ ﺻﻜﺮﺕ ﺍﻟﺒﺎﺏ ..
ﻫﻮ ﺧﺪﻱ ﻧﻔﺲ .. ﻭﺣﻂ ﺍﻟﺘﻠﻴﻔﻮﻥ ﻉ ﻭﺫﻧﻪ ..
ﺿﻮ : ﺍﻳﻮﻩ ..
ﺩﻻﻝ : ﺍﻟﺴﻼﻡ ﻋﻠﻴﻜﻢ ..
ﺍﺭﺗﺴﻤﺖ ﻉ ﻭﺟﻬﻪ ﺇﺑﺘﺴﺎﻣﻪ ﺣﻠﻮﻩ ﻣﺠﺮﺩ ﺳﻤﻊ ﺻﻮﺗﻬﺎ ﻭﻗﻠﺒﻪ ﺯﺍﺩ ﻓﻲ ﺍﻟﻨﺒﺾ 💓
ﺿﻮ : ﺍﺣﻤﻢ .. ﻭﻋﻠﻴﻜﻢ ﺍﻟﺴﻼﻡ .. ﻛﻴﻒ ﺍﻟﺤﺎﻝ ..
ﺩﻻﻝ : ﺍﻟﺤﻤﺪ ﻟﻠﻪ .. ﺍﻧﺖ ﻛﻴﻒ ﺣﺎﻟﻚ ﺇﻥ ﺷﺎﺀ ﺍﻟﻠﻪ ﺍﺣﺴﻦ؟ !
ﺿﻮ : ﺍﻟﺤﻤﺪ ﻟﻠﻪ ﺍﺣﺴﻦ ..
ﺩﻻﻝ ﺗﻨﻬﺪﺕ ﻭﻗﺎﻟﺖ : ﺗﺒﻲ ﺍﻟﺤﻖ ﻣﺘﺤﺸﻤﻪ ﻣﻨﻚ ﻫﻠﺒﻪ .. ﻣﺶ ﻋﺎﺭﻓﻪ ﺷﻦ ﻧﻘﻮﻟﻚ ﻭﻻ ﻗﺎﺩﺭﺓ ﻧﺮﺩﻟﻚ ﺍﻟﻠﻲ ﺩﺭﺗﻪ ﻣﻌﺎﻱ .. ﺑﺲ ﻧﺒﻲ ﺗﻌﺘﺬﺭ ﻭﻋﺎﺭﻓﻪ ﺣﺘﻰ ﺍﻹﻋﺘﺬﺍﺭ ﻣﺎﻳﺪﻳﺮ ﺷﻲ . ﻳﻌﻨﻲ ﻟﻮ ﻻﻗﺪﺭ ﺍﻟﻠﻪ ﺻﺎﺭﻟﻚ ﺷﻲ .. ﺷﻦ ﺑﻴﻨﻔﻊ ﺍﻋﺘﺬﺍﺭﻱ .. ﺗﻨﻬﺪﺕ ﻣﺮﺓ ﺗﺎﻧﻴﻪ ﻭﻗﺎﻟﺖ .. ﻣﺤﺮﺟﻪ ﻭﺍﻟﻠﻪ ﻣﺤﺮﺟﻪ ﻫﻠﺒﻪ ..
ﺿﻮ ﺑﻀﺤﻜﻪ : ﻏﻴﺮ ﺑﺎﻟﺸﻮﻱ ﻋﻠﻴﻚ .. ﺧﻮﺩﻱ ﻧﻔﺲ .. ﻟﻴﺶ ﻫﺪﻯ ﻛﻠﻪ ﻟﻴﺶ .. ﺭﺍﻙ ﺍﻧﺘﻲ ﻣﺎﺍﺟﺒﺮﺗﻴﻨﻲ ﻧﺪﻳﺮ ﺷﻲ ﻫﻮ ﻭﺍﺟﺐ ﻋﻠﻴﺎ ﺍﻟﻠﻲ ﺩﺭﺗﻪ ﺳﻮﺍ ﺍﻧﻲ ﻭﻻﺣﺪ ﻛﺎﻥ ﻣﻜﺎﻧﻲ ﻭﻳﺨﺎﻑ ﻉ ﺍﻋﺮﺍﺽ ﺍﻟﻨﺎﺱ ﻛﻴﻒ ﻣﺎﻳﺨﺎﻑ ﻉ ﺍﻋﺮﺍﺿﻪ ﻫﻜﻲ ﺑﻴﺪﻳﺮ ... ﻭﺑﻌﺪﻳﻦ ﻣﻌﺎﻙ ﺍﻧﺘﻲ ﻭﻻ ﻣﻊ ﻏﻴﺮﻙ .. ﻛﻨﺖ ﺣﻨﺪﻳﺮ ﻧﻔﺲ ﺍﻟﺸﻲ ..
ﺍﺑﺘﺴﻤﺖ ﻭﻗﺎﻟﺖ : ﺑﺎﺭﻙ ﺍﻟﻠﻪ ﻓﻴﻚ ﺍﺳﺘﺎﺫ ﻭﺭﺑﻲ ﻳﺤﻔﻈﻚ ..
ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﻭﻫﻮ ﻣﺒﺘﺴﻢ ﻭﻗﺎﻝ : ﺗﺴﻠﻤﻲ .. ﺍﺣﻤﻢ .. ﺍﻟﻤﻬﻢ ﺗﻮﺍ .. ﺗﻌﺪﻱ ﻟﻠﺠﺎﻣﻌﻪ؟ !
ﺩﻻﻝ ﺑﺤﺰﻥ : ﺍﻟﻴﻮﻡ ﻣﺎﻣﺸﻴﺘﺶ ..
ﺿﻮ : ﺑﺴﺒﺐ ﺍﻟﺤﺎﺩﺙ ﺍﻟﻠﻲ ﺻﺎﺭ ﺍﺧﺮ ﻣﺮﻩ؟
ﺩﻻﻝ ﺑﺄﻟﻢ : ﺍﻳﻪ ... ﺍﻟﺒﻨﻴﻪ ﻧﻌﺮﻓﻬﺎ .. ﻭﺧﻮﻫﺎ ﻣﻘﺮﻳﻨﻲ ﻗﺒﻞ ..
ﺿﻮ ﺑﺄﺳﻒ : ﺍﻟﻠﻪ ﻳﺮﺣﻤﻬﺎ ﻭﻳﻐﻔﺮﻟﻬﺎ ﻭﻳﺼﺒﺮ ﺍﻫﻠﻬﺎ ..
ﺩﻻﻝ ﺑﻌﻴﻮﻥ ﻣﺪﻣﻌﻪ : ﺁﻣﻴﻦ .. ﺗﻤﺎﻡ .. ﻣﺎﻧﻌﻄﻠﺶ ﻋﻠﻴﻚ .. ﺇﻥ ﺷﺎﺀ ﺍﻟﻠﻪ ﻫﺪﺍ ﺣﺪ ﺍﻟﺴﻮ .. ﻭﺳﺎﻣﺤﻨﻲ ﻣﺮﺓ ﺗﺎﻧﻴﻪ ..
ﺿﺤﻚ ﻭﻗﺎﻝ : ﻣﺼﺮﺓ .. ﺍﺑﺘﺴﻢ ﻭﻫﻮﻳﻘﻮﻝ .. ﻳﺎﻭﺩﻱ ﺑﺎﻫﻲ ﺳﺎﻣﺤﺘﻚ ..
ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ .. ﻣﻊ ﺍﻟﺴﻼﻣﻪ ..
ﺿﻮ : ﻓﻲ ﺃﻣﺎﻥ ﺍﻟﻠﻪ ..
ﻣﺎﺻﻜﺮﺵ ﻟﻴﻦ ﺻﻜﺮﺕ ..
ﻗﻌﺪ ﻣﺒﺘﺴﻢ ﻭﻳﻔﻜﺮ ﻓﻴﻬﺎ ... ﺑﻌﺪﻳﻦ ﺭﺟﻊ ﺗﻤﺪﺩ ﻉ ﺳﺮﻳﺮﻩ ﻭﻫﻮ ﻣﺒﺘﺴﻢ ﻭﻣﻐﻤﺾ ﻋﻴﻮﻧﻪ ﻭﻳﺘﺨﻴﻞ ﻓﻴﻬﺎ 💓
🍁🍁🍁🍁
ﻗﻮﻟﻲ ﻟﻠﺪﻛﺘﻮﺭﺓ ﻗﺎﻟﺘﻠﻚ ﺭﺍﻧﻴﺎ ﺑﻨﺴﻘﻂ ﺍﻟﻤﺸﺮﻭﻉ ..
ﺗﺘﻜﻠﻢ ﺑﺎﻟﺘﻠﻴﻔﻮﻥ ﺑﺼﻮﺕ ﻣﻐﺼﻮﺹ ﻭﻣﺒﺤﻮﺡ ...
ﻭﺍﺧﺘﻬﺎ ﺗﺸﻮﻓﻠﻬﺎ ﺑﻨﻈﺮﺍﺕ ﻛﻠﻬﺎ ﺣﺰﻥ ..
ﺭﺍﻧﻴﺎ : ﺍﻳﻪ ... ﺗﺒﺪﻟﺖ ﻣﻼﻣﺢ ﻭﺟﻬﻬﺎ ﺍﻟﺤﺰﻳﻨﻪ ﻟﻠﺒﻜﺎﺀ ﻭﻫﻲ ﺗﻘﻮﻝ .. ﻣﺶ ﻗﺎﺩﺭﻩ ﻧﻨﺴﻰ ﺣﺘﻰ ﺷﻮﻳﻪ ﻳﺎﻋﺎﺋﺸﻪ ....... ﺍﻟﻠﻪ ﻳﻨﺘﻘﻢ ﻣﻨﻬﻢ ﻳﺎﺭﺑﻲ ..
ﺗﻨﻬﺪﺕ ﺭﺑﺎﺏ ﺑﺄﻟﻢ ..
ﺭﻥ ﺗﻠﻴﻔﻮﻧﻬﺎ ..
ﺷﺎﻓﺖ ﺍﻟﻤﺘﺼﻞ ﻧﺎﺿﺖ ﻭﻃﻠﻌﺖ ﻣﻦ ﺣﺪﺍﻫﺎ ..
ﻭﺭﺩﺕ ..
ﺭﺑﺎﺏ : ﺍﻟﻮ ..
ﻣﺆﻧﺲ : ﺣﺒﻴﺒﺔ ﻗﻠﺒﻲ ..
ﺭﺑﺎﺏ ﺑﺤﺰﻥ : ﻫﻼ ﺭﻭﺣﻲ ..
ﻣﺆﻧﺲ ﺿﻴﻖ ﻋﻴﻮﻧﻪ ﻭﻗﺎﻝ : ﺧﻴﺮﻫﺎ ﺷﻘﻴﻘﺔ ﺍﻟﻘﻠﺐ .. ﺍﻟﺼﻮﺕ ﻣﺶ ﻋﺎﺟﺒﻨﻲ ﺭﺍﻫﻮ ...
ﺭﺑﺎﺏ : ﻗﺎﻋﺪ ﻣﺄﺛﺮ ﻓﻴﺎ ﺍﻟﻠﻲ ﺻﺎﺭ ﻟﻠﺒﻨﻴﻪ ﺻﺎﺣﺒﺔ ﺭﺍﻧﻴﺎ ..
ﺗﻨﻬﺪ ﻭﻗﺎﻝ : ﺍﻳﻴﻴﻪ ﻳﺎﺭﺑﺎﺏ ﻳﺎﻣﺎ ﺻﺎﻳﺮ .. ﻭﻛﺎﻥ ﻧﺤﻜﻴﻠﻚ ﺗﺒﻜﻲ ﻣﻦ ﻫﻨﻰ ﻟﻌﻨﺪ ﺍﺧﺮ ﺍﻟﻌﺎﻡ .. ﺍﻟﺒﻼﺩ ﻣﻌﺎﺵ ﺗﺴﻤﻌﻲ ﻋﻨﻬﺎ ﻛﺎﻥ ﺍﻟﻠﻲ ﻳﻮﺟﻊ ﺍﻟﻘﻠﺐ ﺑﺲ ..
ﺭﺑﺎﺏ ﺑﺄﻟﻢ : ﺭﺑﻲ ﻳﻔﺮﺝ ..
ﻣﺆﻧﺲ : ﺍﻟﻠﻬﻢ ﺁﻣﻴﻦ .. ﺍﻳﻪ ﻗﻮﻟﻴﻠﻲ ﺷﻨﻮ ﺣﺎﻝ ﻫﻠﻚ ..
ﺭﺑﺎﺏ : ﺍﻟﺤﻤﺪ ﻟﻠﻪ .. ﺷﻨﻮ ﺣﺎﻝ ﺍﻫﻠﻚ ﺍﻧﺖ ..
ﻣﺆﻧﺲ : ﻛﻠﻤﺘﻬﻢ ﺍﻣﺲ ﻣﺎﺑﻴﻬﻤﺶ ..
ﺭﺑﺎﺏ : ﻣﺆﻧﺲ ... ﻟﻮ ﺗﻌﻄﻴﻨﻲ ﻓﺎﻳﺒﺮ ﻋﻤﺘﻲ ﺑﺶ ﻣﺮﺓ ﻣﺮﺓ ﻧﻜﻠﻤﻬﺎ ..
ﻣﺆﻧﺲ : ﺣﺎﺿﺮ .. ﻧﺒﻌﺘﻠﻚ ﺭﻗﻤﻬﺎ ﺑﻌﺪﻳﻦ ..
ﺭﺑﺎﺏ : ﻛﻮﻳﺲ ..
ﻣﺆﻧﺲ : ﺍﻳﻪ ﺑﻨﻘﻮﻟﻚ ﺣﺒﻴﺒﺔ ﻗﻠﺒﻲ .. ﻓﻲ ﺣﺎﺟﺎﺕ ﻧﺒﻲ ﻧﺎﺧﺪ ﺭﺍﻳﻚ ﻓﻴﻬﻦ ﻓﺎﻟﺤﻮﺵ ..
ﺭﺑﺎﺏ : ﺣﺒﻴﺒﻲ ﺩﻳﺮﻩ ﻉ ﺫﻭﻗﻚ ﺍﻧﻲ ﻭﺍﺛﻘﻪ ﻓﻴﻪ ..
ﺍﺑﺘﺴﻢ ﻭﻗﺎﻝ : ﺣﻮﺷﻨﺎ ﻫﺪﻯ ﺍﻧﺘﻲ ﻣﻮﻻﺗﻪ ﻻﺯﻡ ﻳﻜﻮﻥ ﻛﻞ ﺷﻲ ﻓﻴﻪ ﻛﻴﻒ ﻣﺎﺗﺒﻲ .. ﻛﻴﻒ ﻣﺎﻳﻌﺠﺒﻚ ..
ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ ..
ﺳﻤﻌﺖ ﺑﺎﺏ ﺍﻟﺤﻮﺵ ﺍﻧﻔﺘﺢ ..
ﻃﻮﻝ ﻟﻔﺖ ﻭﻭﻟﺖ ﻟﻠﺪﺍﺭ ..
ﻉ ﺧﺸﺔ ﺑﻮﻫﺎ ..
ﺧﻴﺮﻱ : ﺯﻳﻨﺐ ... ﺯﻳﻨﺐ ..
ﺍﻧﻔﺘﺢ ﺑﺎﺏ ﺩﺍﺭ ﺍﻟﻨﻮﻡ ﻭﻃﻠﻌﺖ ﺯﻳﻨﺐ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ﻭﻓﻴﺪﻫﺎ ﺑﻨﺘﻬﺎ ﻗﺎﻟﺖ : ﻫﺎﻧﺎ ﻭﺍﺗﻴﻴﻦ ..
ﺧﻴﺮﻱ ﻗﺮﺏ ﻟﺒﻨﺘﻪ ﺧﺪﺍﻫﺎ ﻭﺭﻓﻌﻬﺎ ﻭﻗﺎﻝ : ﻫﻲ ..
ﻣﺸﻲ ﻭﺯﻳﻨﺐ ﻗﺒﻞ ﻟﺘﻄﻠﻊ ﻗﺎﻟﺖ : ﺭﺑﺎﺏ ﺩﻳﺮﻱ ﺷﺮﺑﻪ ﻭﺭﺯ ﺍﻟﻌﺸﻲ ..
ﺭﺑﺎﺏ ﻣﻦ ﺍﻟﺪﺍﺭ : ﺣﺎﺍﺍﺿﺮ ..
ﺳﻤﻌﺖ ﺑﺎﺏ ﺍﻟﺤﻮﺵ ﺗﺼﻜﺮ ..
ﺭﺍﻧﻴﺎ : ﺑﻴﻤﺸﻮﺍ ﻳﻌﺎﻳﻨﻮﺍ ﺭﻭﺍﻥ ..
ﺭﺑﺎﺏ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻫﺰﺕ ﺭﺍﻧﻴﺎ ﺣﺘﻲ ﻫﻲ ﺭﺍﺳﻬﺎ ﺑﺈﻳﺠﺎﺏ ﻭﺭﺟﻌﺖ ﺗﻤﺪﺩﺕ ﻉ ﻓﺮﺍﺷﻬﺎ ﻋﻄﺖ ﺍﺧﺘﻬﺎ ﺑﺎﻟﻈﻬﺮ ﻭﺭﻗﺪﺕ ..
ﺷﺒﺤﺘﻠﻬﺎ ﺭﺑﺎﺏ ﺑﺤﺰﻥ ﺑﻌﺪﻳﻦ ﺧﺪﺕ ﺗﻠﻴﻔﻮﻧﻬﺎ ﻭﻧﺎﺿﺖ ﻃﻠﻌﺖ ﺑﻴﻪ ﺑﺶ ﺗﻌﺎﻭﺩ ﻉ ﻣﺆﻧﺲ ..
🍁🍁🍁🍁
ﻃﺎﻱ ﻃﺎﻱ ﻃﺎﻳﺮﻱ ..
ﺭﻧﻲ ﺭﻧﻲ ﻳﺎﺯﻫﺮﻱ ..
ﻭﺍﻟﻜﻮﺭﺓ ﻃﺎﺣﺖ ﻓﻲ ﺍﻟﺒﻴﺮ
ﻃﻴﺤﻬﺎ ﻭﻟﺪ ﺍﻟﺨﻨﺰﻳﺮ
ﻭﺍﻟﻤﻜﺮﻭﻧﻪ ﺍﻟﺼﺎﻟﺼﻪ ..
ﻳﺨﺮﺏ ﺑﻴﺖ ﻓﺮﻧﺴﺎ ..
ﻭﺍﻟﻤﻜﺮﻭﻧﻪ ﺍﻟﻨﻴﻪ ..
ﻳﺨﺮﺏ ﺑﻴﺖ ﺭﻗﻴﻪ ..
" ﺍﻛﺒﺮﻱ ﺍﻛﺒﺮﻱ ﺍﻛﺒﺮﺑﻴﻴﻲ .."
ﻓﺮﺡ : ﻫﻬﻬﻬﻬﻬﻬﻬﻬﻬﻪ ...
ﺯﻳﻦ : ﻋﺰﻭﺯ ﺭﺍﻙ ﺗﻠﻌﺒﻲ ﻣﻊ ﻋﻮﻳﻠﻪ ..
ﻓﺮﺡ ﺑﻀﺤﻜﻪ : ﻋﻤﻲ ﺟﻼﻝ ﻣﺎﻋﻨﺪﺍﺵ ﺍﻻ ﻫﺎﻟﺒﻨﻮﺗﺎﺕ ﺍﻟﻌﺴﻼﺕ ﻫﺎﺩﻡ .. ﺷﺒﺤﺘﻠﻬﻢ ﻭﺩﺍﺭﺗﻠﻬﻢ ﺣﺮﻛﻪ ﺑﺨﺸﻤﻬﺎ ﺿﺤﻜﻮﺍ .. ﺷﺒﺤﺘﻠﻪ ﻭﻗﺎﻟﺖ .. ﻻﺯﻡ ﻧﺴﺎﻳﺮﻫﻢ ..
ﺯﻳﻦ : ﺍﻳﻪ ﺍﻳﻪ ﺗﺴﺒﻠﻲ ﺑﻴﻬﻢ .. ﺍﻧﺘﻲ ﺗﺒﻲ ﺗﻠﻌﺒﻲ ﻭﺧﻼﺹ ..
ﻓﺮﺡ : ﺍﻳﻴﻴﻪ ﻧﺒﻲ ﻧﻠﻌﺐ ﻟﻤﺎ ﻛﻨﺖ ﺻﻐﻴﺮﻩ ﻣﺎﻛﺎﻧﺶ ﻋﻨﺪﻱ ﺧﻮﺍﺕ ﻧﻠﻌﺐ ﻣﻌﺎﻫﻢ ﺑﻨﻌﻮﺽ ﺗﻮﺍ ..
ﺭﻓﻊ ﺣﺎﺟﺒﻪ ﻭﻗﺎﻝ : ﺑﺎﻫﻲ ﻋﻤﻲ ﺟﻼﻝ ﻗﺎﻋﺪ ..
ﻓﺮﺡ ﺑﻀﺤﻜﻪ : ﺍﻳﻪ ﻓﻲ ﺍﻟﻤﺮﺑﻮﻋﻪ ..
ﺷﺒﺢ ﻟﻠﺒﻨﺎﺕ ﺑﻌﺪﻳﻦ ﺷﺒﺤﻠﻬﺎ ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻭﻣﺸﻲ ..
ﻓﺮﺡ ﺑﺼﻮﺕ ﻋﺎﻟﻲ : ﻃﺎﺍﺍﺍﻱ ﻃﺎﺍﺍﺍﺍﻱ ﻃﺎﺍﺍﺍﺍﻳﺮﻳﻴﻴﻴﻲ ..
🍃🍃🍃
ﺷﺒﺢ ﺍﻟﺬﻛﺮﻳﺎﺕ ..
ﺍﻛﺜﺮ ﺷﺒﺢ ﻣﺨﻴﻒ .. ﻳﻼﺣﻖ ﺍﻟﺒﻨﻲ ﺁﺩﻡ ..
ﺍﻟﺒﻨﻲ ﺁﺩﻡ ﺍﻟﻠﻲ ﻳﺤﺎﻭﻝ ﻳﻨﺴﻰ ﺁﻻﻣﻪ ﻭﺣﺰﻧﻪ ..
ﺑﺲ ﺍﻟﻠﻲ ﺯﻳﻬﺎ ﻣﺴﺘﺤﻴﻞ ﻳﻨﺘﺴﻰ ..
ﻓﻲ ﻛﻞ ﻣﺮﺍﺣﻞ ﺣﻴﺎﺗﻬﺎ ﻟﻌﻨﺪ ﻟﺤﻈﻪ ﻣﻮﺗﻬﺎ ..
ﻣﺎﻓﻲ ﺷﻲ ﻳﻘﺪﺭ ﻳﻨﺴﺎﻩ ..
ﻣﻘﻌﻤﺰ ﻓﻲ ﻓﻴﺮﻧﺪﺍ ﺣﺠﺮﺓ ﺍﺣﺪ ﺍﻟﻔﻨﺎﺩﻕ ﻓﻲ ﻓﺮﻧﺴﺎ ..
ﻓﺮﻧﺴﺎ ﺍﻟﺪﻭﻟﻪ ﺍﻟﻠﻲ ﻛﺎﻧﺖ ﺗﺘﻤﻨﻰ ﻓﺮﺡ ﺗﻤﺸﻴﻠﻬﺎ .. ﺗﺠﺪﺍﺗﻪ ﻫﻠﺒﻪ ﻳﺮﻓﻌﻬﺎ ﻟﻜﻦ ﻫﻮ ﺭﻓﺾ ..
ﻭﺗﻮﺍ ﻳﺘﻤﻨﻰ ﻟﻮ ﻳﺪﻓﻊ ﻋﻤﺮﻩ ﻛﻠﻪ ﻭﺗﺮﺟﻊ ﻟﻠﺪﻧﻴﺎ ﺑﺶ ﻳﺤﻘﻖ ﺍﻣﻨﻴﺘﻬﺎ ..
ﺑﺲ ﻣﻬﻤﺎ ﺩﻓﻊ ..
ﻣﺴﺘﺤﻴﻞ .. ﺗﺮﺟﻊ ..
ﺣﺎﻟﺔ ﺍﻟﺤﺰﻥ ﺍﻟﻠﻲ ﻫﻮ ﻓﻴﻬﺎ ﻋﺰﻻﺗﻪ ﻋﻦ ﻛﻞ ﺷﻲ ..
ﻓﻜﺮﺓ ﺍﻹﻧﺘﻘﺎﻡ ﺍﻭ ﻏﻴﺮﻫﺎ ﻣﺎﻛﺎﻧﺘﺶ ﻭﺍﺭﺩﻩ ﻓﺒﺎﻟﻪ ..
ﺣﺎﻟﺔ ﺍﻟﺼﺪﻣﻪ ﺍﻟﻠﻲ ﻫﻮ ﻓﻴﻬﺎ ﺧﻼﺗﻪ ﻣﻌﺎﺵ ﻳﻔﻜﺮ ﻓﻲ ﺷﻲ ..
ﻫﻮ ﻣﺶ ﻣﺴﺘﻮﻋﺐ ﻭﻻﺃﻱ ﺣﺎﺟﻪ ﻣﻦ ﺍﻟﻠﻲ ﺻﺎﺭﺕ ..
ﻣﺶ ﻣﺴﺘﻮﻋﺐ ﻣﺎﺯﺍﻝ ﺍﻧﻬﺎ ﻣﺎﺗﺖ ﺑﺶ ﻳﻨﺘﻘﻤﻠﻬﺎ ..
ﺍﻳﺎﻣﻪ ﻓﻬﺎﻟﺒﻼﺩ ﺍﻟﻠﻲ ﺟﺎﻩ ﺑﻌﺪ ﻣﺎﻃﺮﺩﻩ ﺑﻮﻩ ﻣﻦ ﺣﻴﺎﺗﻬﻢ ..
ﻛﻠﻬﺎ ﺑﻜﺎﺀ ﻭﻧﺤﻴﺐ ﻭﻛﺮﻩ ﺣﻘﻴﻘﻲ ﻟﻠﺤﻴﺎﺓ ..
🌴🌴🌴🌴🌴🌴
ﺍﻟﺴﺎﻋﻪ 9:45 ﻟﻴﻼ ..
ﻓﻲ ﺍﻟﺪﺍﺭ .
ﻣﻜﺎﻟﻤﻪ ﻫﺎﺗﻔﻴﻪ ..
ﻏﺎﻟﻴﻪ : ﺍﻳﻪ ﻭﺷﻦ ﻗﺎﻟﻮﻟﻚ ..
ﺯﻳﻨﺐ : ﻗﺎﻟﺘﻠﻲ ﺍﻟﺪﻛﺘﻮﺭﻩ ﺑﻨﺘﻚ ﻣﺎﻓﻴﻬﺎ ﺷﻲ ﻣﺴﺄﻟﺔ ﻭﻗﺖ ﻭﺧﻼﺹ ﻭﺍﻧﺘﻢ ﺯﻳﺪﻭﺍ ﺳﺎﻋﺪﻭﻫﺎ ﻫﺪﺭﺯﻭﺍ ﻣﻌﺎﻫﺎ ﻫﺪﺭﺯﺓ ﻛﺒﺎﺭ ﻭﺷﻮﻱ ﺷﻮﻱ ﻳﻨﻄﻠﻖ ﻟﺴﺎﻧﻬﺎ ..
ﻏﺎﻟﻴﻪ : ﺍﻫﻢ ﺷﻲ ﺍﻥ ﻣﺎﻓﻴﻬﺎ ﺷﻲ ﻭﺍﻟﺒﺎﻗﻲ ﻛﻠﻪ ﻋﺎﺩﻱ ..
ﺯﻳﻨﺐ : ﺍﻳﻪ .. ﺍﻭﻻﻣﺲ ﻛﻠﻤﺘﻨﻲ ﻏﺰﻻﻥ ﻭﻗﺎﻟﺘﻠﻲ ﻭﻛﻠﻴﻬﺎ ﺣﻮﺕ " ﺍﻟﺒﻮﻟﻢ "
ﻏﺎﻟﻴﻪ : ﺍﻟﺒﻮﻟﻢ؟
ﺯﻳﻨﺐ : ﺍﻳﻪ .. ﻗﻠﺖ ﻋﻠﻴﻪ ﻟﺨﻴﺮﻱ ﻭﻗﺎﻟﻲ ﺗﻮ ﻧﺠﻴﺒﻪ ..
ﻏﺎﻟﻴﻪ : ﻛﺎﻥ ﺗﺄﻛﺪﺗﻮﺍ ﺍﻥ ﻓﻴﻪ ﻓﺎﻳﺪﻩ ﻭﻛﻠﻮﻫﻠﻬﺎ ﻳﺎﺣﻨﻪ .
ﺿﺤﻜﺖ ﺯﻳﻨﺐ ﺑﻌﺪﻳﻦ ﻗﺎﻟﺖ : ﺷﻦ ﺟﻮﻛﻢ ﺍﻧﺘﻢ
ﻏﺎﻟﻴﻪ ﺗﻨﻬﺪﺕ ﻭﻗﺎﻟﺖ : ﺍﻫﻮ ﻧﺠﺮﻭﺍ ﻉ ﺍﻟﻌﺮﺱ ﻭﻣﻮﺍﻟﻪ .. ﺍﺳﻤﻌﻦ ﻧﺮﺍﺟﻲ ﻓﻴﻜﻦ ﺭﺍﻫﻮ ﻟﻠﻜﺴﻮﺓ ﻣﺎﺧﺪﻳﺖ ﺷﻲ ﻟﻌﻨﺪ ﺗﻮ ﻧﺒﻲ ﺫﻭﻗﻜﻦ ﻣﻌﺎﻱ .
ﺯﻳﻨﺐ : ﻭﺍﻟﻠﻪ ﺫﻭﻗﻚ ﻳﻬﺒﻞ ﻳﺎﻏﺎﻟﻴﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ .. ﻟﻜﻦ ﻓﻲ ﺣﺎﺟﺎﺕ ﺍﻧﺘﻦ ﺗﻔﻬﻤﻦ ﻓﻴﻬﺎ ﺍﻛﺜﺮ ﻣﻨﻲ ..
ﺯﻳﻨﺐ : ﺑﺎﻫﻲ ﺇﻥ ﺷﺎﺀ ﺍﻟﻠﻪ .. ﺍﻧﻲ ﺍﺧﺮ ﺍﺳﺒﻮﻉ ﻑ 4 ﺟﺎﻳﻪ ..
ﻏﺎﻟﻴﻪ : ﻭﻧﻌﻴﻤﻪ ﺣﺘﻰ ﻫﻲ ﻗﺎﻟﺖ ﻫﻜﻲ .. ﻟﻜﻦ ﻛﻔﺎﻳﻪ ﻟﻴﻬﺎ ﻓﺘﺮﺓ ﻣﺎﺍﺗﺼﻠﺖ ﻭﺍﻟﻴﻮﻡ ﺻﺒﺢ ﺍﺗﺼﻠﺖ ﺑﻴﻬﺎ ﻣﺎﺭﺩﺕ ..
ﺯﻳﻨﺐ ﺑﻀﻴﻖ : ﺗﻮ ﻧﺸﻮﻓﻬﺎ ﺍﻧﻲ ..
ﻏﺎﻟﻴﻪ : ﺑﺎﻫﻲ ..
ﺯﻳﻨﺐ؛ﺑﺎﻫﻲ ﻭﻣﻮﺍﻝ ﺣﻤﻴﺪﺍ ..
ﻏﺎﻟﻴﻪ : ﻧﺺ 4 ﺍﻥ ﺷﺎﺀ ﺍﻟﻠﻪ ﺍﻟﺘﻠﺒﻴﺴﻪ .
ﺯﻳﻨﺐ : ﻣﻦ ﺑﻴﻤﺸﻲ ..
ﻏﺎﻟﻴﻪ : ﺍﻧﻲ ﻭﺍﻣﻲ ﻭﺳﻌﻴﺪﻩ ﻭﺍﻣﻬﺎ ﻭﺭﺯﺍﻥ ..
ﺯﻳﻨﺐ : ﻭﺣﻤﻴﺪﻩ؟ !
ﻏﺎﻟﻴﻪ : ﺧﺎﻃﻪ ﻓﻴﻨﺎ ﺑﻜﻞ ..
ﺯﻳﻨﺐ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
🍁🍁🍁🍁
ﺍﻟﺤﻮﺵ ﺑﻴﻮﻟﻲ ﺣﻮﺷﻚ ﺍﻧﺘﻲ ..
ﺣﻠﻴﻤﻪ : ﻳﻌﻨﻲ ﻧﻬﺎﺭ 5\30 ﻧﺨﺶ ﻟﻠﺤﻮﺵ ﻣﺎﻓﻴﻪ ﻻﻫﻲ ﻭﻻﺃﻱ ﺷﻲ ﻟﻴﻪ ﻋﻼﻗﻪ ﺑﻴﻬﺎ ..
ﺍﻟﺼﺪﻳﻖ ﺑﺈﺑﺘﺴﺎﻣﻪ ﻣﻤﺰﻭﺟﻪ ﺑﺎﻟﻠﻬﻔﻪ : ﻭﻻ ﺣﺎﺟﻪ ﺍﻟﺤﻮﺵ ﻛﻠﻪ ﻣﻦ ﺑﺎﺑﻪ ﻟﻤﺤﺮﺍﺑﻪ ﻉ ﺧﺎﻃﺮﻙ ﺑﻨﻐﻴﺮﻩ ..
ﺣﻠﻴﻤﻪ ﺑﺮﻓﻌﺔ ﺣﺎﺟﺐ : ﻭﺍﻣﺘﻰ ﻃﻠﻘﻬﺎ ..
ﺍﻟﺼﺪﻳﻖ : ﺭﺍﺟﻲ ﻋﻠﻴﺎ ﺷﻮﻱ ﺍﻟﺤﻜﺎﻳﻪ ﻣﺶ ﺳﺎﻫﻠﻪ ..
ﺣﻠﻴﻤﻪ : ﺍﻣﻤﻢ .. ﻗﺼﺪﻙ ﻣﻦ ﻧﺎﺣﻴﻪ ﺍﻟﺤﻘﻮﻕ ﻭﺍﻟﻨﻔﻘﻪ ..
ﺍﻟﺼﺪﻳﻖ : ﻋﻠﻴﻚ ﻧﻮﺭ .. ﺑﻜﺮﻩ ﻛﻤﻞ ﻳﻘﻮﻝ ... ﺣﺮﺍﻡ ﻓﻴﻬﺎ ﻗﺮﺵ ﻣﺼﺪﻱ ..
ﺍﺑﺘﺴﻤﺖ ﺣﻠﻴﻤﻪ ﺑﺮﻓﻌﺔ ﺣﺎﺟﺐ : ﺗﻤﺎﻡ .. ﻧﺼﺒﺮ ﻣﻌﺎﻙ ..
ﺍﺑﺘﺴﻢ ﺍﻟﺼﺪﻳﻖ ﻭﻫﻮ ﻳﺸﻮﻓﻠﻬﺎ ﺑﻠﻬﻔﻪ .. ﻭﻣﻨﻌﻤﻲ ﺑﻴﻬﺎ ﺗﻤﺎﻣﺎ ﻋﻦ ﻛﻞ ﺷﻲ ...
🍁🍁🍁🍁
ﺭﺍﻗﺪﻩ ﺑﻨﺘﻬﺎ ﻉ ﺭﺟﻠﻬﺎ ﻭﻫﻲ ﺳﺮﺣﺎﻧﻪ ﺗﺸﺒﺢ ﻓﻲ ﺍﻟﻔﺮﺍﻍ ..
ﻭﺗﻔﻜﺮ ..
ﻫﻮ ﺧﻼﺹ ﺑﻴﺘﺰﻭﺝ ﺍﻣﺮ ﻭﺍﻗﻊ ...
ﺑﺎﻫﻲ ﺍﻟﺴﺆﺍﻝ ﻫﻨﻲ .. ﺍﻟﻠﻲ ﺑﻴﺎﺧﺪﻫﺎ ﻭﻳﻦ ﺑﻴﺤﻄﻬﺎ؟
ﻭﻛﻴﻒ ﺑﻴﺪﻳﺮ ﺑﻴﻨﺎﺗﻬﻢ .. ﻫﻞ ﺣﻴﻜﻮﻥ ﻋﺎﺩﻝ ... ﻭﻻ ﻳﻨﺴﺎﻫﺎ ﺑﺎﻟﻤﺮﺓ ﻭﻳﺨﻠﻴﻬﺎ ﻣﺠﺮﺩ ﻣﺮﺑﻴﺔ ﻟﺒﻨﺘﻬﺎ ! ؟
ﺑﺎﻫﻲ ﻟﻮ ﺭﻓﻀﺖ ﻫﺎﻟﻌﻴﺸﻪ ﺍﻛﻴﺪ ﺣﺘﻄﻠﻖ ..
ﺑﺎﻫﻲ ﻛﺎﻥ ﺍﻃﻠﻘﺖ .. ﺷﻦ ﺑﻴﺼﻴﺮ ﻓﻴﻬﺎ .. ﺷﻦ ﺣﺘﻜﻮﻥ ﺭﺩﺓ ﻓﻌﻞ ﺍﻫﻠﻬﺎ؟ !!
ﺍﻟﺘﺨﻤﻴﻢ ﻫﺪﺍ ..
ﻫﻮ ﺍﻟﻠﻲ ﺧﻼ ﺣﻤﻴﺪﻩ ﺗﻨﺴﻰ ﻛﻞ ﺷﻲ ﻭﻣﻌﺎﺵ ﺗﻬﺘﻢ ﻟﺸﻲ ﺍﻛﺜﺮ ﻣﻦ ﻣﻌﺮﻓﺔ ﻣﺼﻴﺮﻫﺎ ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
2014\4\14
ﺍﻃﻠﻮﺏ ﺍﺗﻤﻨﻰ ﺗﺼﻴﺮ ﺟﻨﻮﻧﻲ ..
ﺑﺘﺼﻴﺮ ﺑﻠﻤﺢ ﺍﻟﺒﺼﺮ ..
ﻟﻮ ﺑﺪﻙ ﺗﺴﻬﺮ ﺑﻌﻴﻮﻧﻲ ..
ﺑﻨﺴﻬﺮ ﻟﻴﻐﻔﻰ ﺍﻟﺴﻬﺮ ..
ﻭﻉ ﺍﻧﻐﺎﻡ ﺍﻏﻨﻴﻪ ﺇﻟﻴﺴﺎ ﻫﺎﺩﻱ ..
ﻟﺒﺴﺖ ﻏﺎﻟﻴﻪ ﺍﻟﺪﺑﻠﻪ ﻟﺒﻠﻘﻴﺲ ..
ﺑﻠﻘﻴﺲ ﺍﻟﻠﻲ ﻣﺶ ﻋﺎﺭﻓﻪ ﻭﻳﻦ ﺗﺤﻂ ﻓﺮﺣﺘﻬﺎ ..
ﺍﺑﺘﺴﺎﻣﺘﻬﺎ ﻉ ﻭﺟﻬﻬﺎ ﻃﻮﻝ ﺍﻟﻮﻗﺖ ..
ﻭﻣﻦ ﺩﺍﺧﻞ ﺗﺰﻏﺮﻁ ﻭﺗﺮﻗﺺ ..
ﻛﺎﻧﺖ ﻣﻮﺟﻮﺩﻩ ﺧﺎﻟﺘﻬﺎ ﻛﺬﻟﻚ ...
ﻭﺑﻨﺖ ﺧﺎﻟﺘﻬﺎ ﺍﺭﻳﺞ ...
ﺍﺭﻳﺞ : ﻛﻴﻒ ﺣﺎﻟﻚ ﻋﻤﺘﻲ ﻭﺷﻦ ﺩﺍﻳﺮﺓ ..
ﺳﻌﻴﺪﻩ : ﺍﻟﺤﻤﺪ ﻟﻠﻪ .. ﺍﻧﺘﻲ ﺷﻦ ﻣﺪﺍﻳﺮﺓ ﻓﻘﺮﺍﻳﺘﻚ ..
ﺍﺭﻳﺞ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻛﻠﻪ ﻣﺎﺷﻲ ﺗﻤﺎﻡ ..
ﺳﻌﻴﺪﻩ ﺣﻄﺖ ﻳﺪﻫﺎ ﻉ ﻇﻬﺮ ﺍﺭﻳﺞ ﻭﻗﺎﻟﺖ : ﺷﺪﻱ ﺣﻴﻠﻚ ﻭﻛﻤﻠﻲ ﻗﺮﺍﻳﺘﻚ ﻧﺒﻲ ﻧﻔﺮﺡ ﺑﻮﻟﻴﺪﻱ ﻭﻧﺠﻴﺐ ﻛﻨﺘﻲ ﺣﺪﺍﻱ ..
ﺍﺑﺘﺴﻤﺖ ﺍﺭﻳﺞ ﺑﺨﺠﻞ ..
ﻭﺳﻌﻴﺪﻩ ﺿﺤﻜﺖ ..
ﻣﻦ ﺟﻬﺔ ﺗﺎﻧﻴﻪ ..
ﺑﻠﻘﻴﺲ ﺑﻀﺤﻜﻪ : ﺍﻧﺴﺠﻤﺖ ﺍﺭﻳﺞ ﻣﻊ ﺃﻣﻚ ..
ﺭﺯﺍﻥ ﺑﺈﺑﺘﺴﺎﻣﻪ : ﻫﻲ ﻛﻮﻳﺴﻪ ﻭﺍﺟﺪ ﺩﻳﻤﺎ ﺗﺘﺼﻞ ﻭﺗﻨﺸﺪ ..
ﺑﻠﻘﻴﺲ : ﻛﻴﻒ ﻋﺎﺩ ﺣﺘﻰ ﻫﻲ ﺑﻨﺖ ﺧﺎﻟﺘﻲ ..
ﺭﺯﺍﻥ ﺿﺤﻜﺖ ﻭﻗﺎﻟﺖ : ﺑﺎﻫﻲ ﻳﺎﺳﻤﺤﻪ ﺍﻧﻲ ﺍﻟﻴﻮﻡ ﻣﻜﻠﻔﻴﻨﻲ ﺑﻤﻬﻤﻪ ﺧﻮﻱ ﻭﻋﻤﻲ ..
ﺑﻠﻘﻴﺲ ﻭﻫﻲ ﺗﺸﻘﻠﺐ ﻓﻌﻴﻮﻧﻬﺎ : ﻋﻤﻚ .. ﻗﺼﺪﻙ ﺧﺘﺸﻴﺒﻲ؟ !
ﺿﺤﻜﺖ ﺭﺯﺍﻥ ﻭﻗﺎﻟﺖ : ﺍﻳﻪ ﻳﺎﺣﻨﻪ ﺧﺸﻴﺒﻚ .. ﺍﻟﻤﻬﻢ ﺧﻮﻱ ﻭﻋﻤﻲ ﻳﺒﻮﺍ ﺍﺭﻗﺎﻣﻜﻦ ..
ﺭﻓﻌﺖ ﺑﻠﻘﻴﺲ ﺣﺎﺟﺒﻬﺎ ﻭﻫﻲ ﻣﺒﺘﺴﻤﻪ ﻗﺎﻟﺖ : ﻋﺪﻱ ﻷﺭﻳﺞ ﺷﻮﻓﻴﻬﺎ ﺑﺎﻙ ﺗﻘﻮﻝ ﺑﺎﻫﻲ .. ﺍﻣﺎ ﺍﻧﻲ ﻳﺎﺣﻨﻪ ﻻ ..
ﺭﺯﺍﻥ ﺑﺼﺪﻣﻪ : ﻻ !! ؟
ﺑﻠﻘﻴﺲ : ﺍﻳﻪ ﻻ ﻣﺎﻝ ﺷﻨﻮ ﻗﺎﺭﻱ ﻓﻴﺎ ﻓﺎﺗﺤﻪ ﺑﻴﺶ ﻧﻜﻠﻤﻪ؟؟ ﻻ ﻳﺎﻣﺎﻣﺎ ﺑﻌﺪ ﻧﻘﺮﻭﺍ ﻓﺎﺗﺤﻪ ﻣﻤﻜﻦ ..
ﺭﺯﺍﻥ ﺑﺮﻓﻌﺔ ﺣﻮﺍﺟﺐ : ﺑﻠﻘﻴﺲ ! ؟؟
ﺑﻠﻘﻴﺲ ﺑﺮﻓﻌﺔ ﺣﺎﺟﺐ : ﻧﻌﻢ ...
ﺿﺤﻜﺖ ﺭﺯﺍﻥ ﻭﻫﻲ ﻣﺘﻔﺎﺟﺌﺔ ..
💕💕💕💕
ﺑﻌﺪﻳﻦ ﻣﺸﺖ ﻟﺨﻄﻴﺒﺔ ﺧﻮﻫﺎ ﻭﻋﺮﺿﺖ ﻋﻠﻴﻬﺎ ﻧﻔﺲ ﺍﻟﻌﺮﺽ ..
ﺍﺭﻳﺞ : ﺍﺳﻔﻪ ﻗﺒﻞ ﻳﻘﺮﺍ ﻓﻴﺎ ﻓﺎﺗﺤﻪ ﻣﺎﻧﻜﻠﻤﺎﺵ ﻣﻌﺎﻫﺪﻩ ﺧﻮﺗﻲ ..
ﺍﺑﺘﺴﻤﺖ ﺭﺯﺍﻥ ﻭﻗﺎﻟﺖ : ﺑﺎﻫﻲ ..
🍁🍁🍁🍁🍁
ﻛﻴﻒ !!!!! ؟
ﺭﺯﺍﻥ ﻭﻫﻲ ﺷﺎﺩﻩ ﺿﺤﻜﺘﻬﺎ : ﻫﺪﻯ ﺍﻟﻠﻲ ﻗﺎﻻﺗﻪ ﻭﺍﻟﻠﻪ ﻣﺎﺯﺩﺕ ﻛﺎﻥ ﺍﻟﻨﻔﺲ ..
ﻣﺤﻤﺪ ﺑﻌﺼﺒﻴﻪ : ﻏﻴﺮ ﺧﺎﻳﻒ ﻣﻦ ﻛﻼﻡ ﺍﻟﻨﺎﺱ ﻭﺍﻟﻤﺸﺎﻛﻞ ﺑﺎﻟﻠﻪ ﺍﻟﻌﺰﻳﺰ ﺍﻟﺪﺍﻳﻢ ﻛﻨﺖ ﺍﻟﻴﻮﻡ ﻧﺎﻫﻲ ﺍﻟﻤﻮﺿﻮﻉ ﻣﻊ ﺳﻴﺪﻫﺎ ﻭ ﻧﺨﻠﻴﻬﺎ ﺗﻌﺪﻱ ﻓﺤﺎﻟﻬﺎ ... ﻏﻴﺮ ﺟﻴﺖ ﻧﺨﺎﻑ ﺭﺑﻲ ﺑﺲ ..
ﻭﻟﻒ ﻭﻣﺸﻲ ﻭﻫﻮ ﻳﻘﻮﻝ .. ﻏﻴﺮ ﺟﻴﺖ ﻧﺨﺎﻑ ﺭﺑﻲ ﺑﺲ .. ﻏﻴﺮ ﺟﻴﺖ ﻧﺨﺎﻑ ﺭﺑﻲ ..
ﻭﺭﺯﺍﻥ ﻣﻴﺘﻪ ﺑﺎﻟﻀﺤﻚ ...
....
ﻫﻲ ﻫﻜﻲ ﻗﺎﻟﺖ؟
ﺭﺯﺍﻥ : ﺍﻳﻪ ..
ﺍﺑﺘﺴﻢ ﺗﻮﻓﻴﻖ ﻭﻗﺎﻝ : ﺑﺎﻫﻲ .. ﻋﺪﻱ ..
ﺭﺯﺍﻥ ﻟﻔﺖ ﻭﻃﻠﻌﺖ ﻣﻦ ﺩﺍﺭ ﺧﻮﻫﺎ ..
ﻭﻣﺸﺖ ﻟﺪﺍﺭﻫﺎ ..
ﺧﺸﺖ ﻭﺻﻜﺮﺕ ﺍﻟﺒﺎﺏ ..
ﺭﺯﺍﻥ : ﻣﺎﻙ ﺳﺎﻫﻠﻪ ﻳﺎﻓﺮﺧﻪ ﺑﻠﻘﻴﺲ ﻳﺎﻣﺼﺪﻳﻪ .. ﺿﺤﻜﺖ ..
ﺑﻌﺪﻳﻦ ﻣﺸﺖ ﻗﻌﻤﺰﺕ ﻉ ﺳﺮﻳﺮﻫﺎ ﻭﺧﺪﺕ ﺗﻠﻴﻔﻮﻧﻬﺎ ﻣﻦ ﻉ ﺍﻟﻜﺎﻣﺪﻳﻨﻮ ..
ﻟﻘﺖ ﺭﺳﺎﻟﻪ ﻭﺍﺻﻠﺘﻬﺎ ..
ﻓﺘﺤﺘﻬﺎ ..
‏( ﻭﺗﻲ ﺍﻟﻜﻨﺎﻓﻪ ... ﺧﻠﻴﻚ ﻋﻨﺪ ﻭﻋﺪﻙ ‏)
ﺍﺑﺘﺴﻤﺖ ﺑﺘﻬﻜﻢ ..
ﻭﺭﺩﺕ ﻋﻠﻴﻪ ﺑﺮﺳﺎﻟﻪ ..
‏( ﺍﻧﺖ ﻏﻴﺮ ﺗﻌﺎﻝ ﺑﺲ ‏)
ﺟﺎﻫﺎ ﻃﻮﻝ ﺍﻟﺮﺩ ..
‏( ﻣﺴﺘﺎﺣﺸﺘﻴﻨﻲ ﻫﻠﺒﻪ ﺷﻜﻠﻚ (💓
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻛﺘﺒﺖ ﺑﺈﻳﺪﻳﻬﺎ ﺍﻟﻠﻲ ﻳﺮﺟﻔﻮﺍ
‏( ﻭﺍﺟﺪ ‏)
ﺷﻮﻳﻪ ﻭﺑﻌﺖ ..
‏( ﻳﺎﻋﻤﺮﻱ .. ﺗﺮﻭﺣﻲ ﻏﺪﻭﺓ ﻣﻦ ﺍﻟﺠﺎﻣﻌﻪ ﺗﻠﻘﻴﻨﻲ ﻗﺪﺍﻣﻚ .. ﻏﻴﺮ ﻭﺗﻲ ﺍﻟﻜﻨﺎﻓﻪ ﻣﻦ ﺍﻟﻠﻴﻞ ‏)
ﻧﺰﻟﻮﺍ ﺩﻣﻮﻋﻬﺎ ..
ﻭﻛﺘﺒﺖ ﺭﺩﻫﺎ ..
ﻭﺑﻌﺘﺎﺗﻪ ..
🍃 ﺟﺎﻩ ..
ﻗﺮﺍﻩ ..
‏( ﺣﺎﺿﺮ (💓
ﺗﻨﻬﺪ ﺑﺈﺑﺘﺴﺎﻣﻪ ..
ﻭﺧﻮﺗﻪ ﺍﻟﻠﻲ ﻣﻘﻌﻤﺰﻳﻦ ﺣﺪﺍﻩ ﻳﺸﻮﻓﻮﻟﻪ ﺑﺤﺴﺪ ..
ﻫﻮ ﻗﺎﻡ ﻋﻴﻮﻧﻪ ... ﺷﺎﻓﻬﻢ ﻛﻴﻒ ﻳﺸﺒﺤﻮﻟﻪ ..
ﻋﻤﺎﺩ ﺑﺮﻓﻌﺔ ﺣﻮﺍﺟﺐ : ﺧﻴﺮﻛﻢ؟؟
ﻣﺮﻭﺍﻥ ﺑﺮﻓﻌﺔ ﺣﺎﺟﺐ : ﻧﺮﺍﺟﻮ ﻓﺤﻀﺮﺗﻚ ﺗﻜﻤﻞ ..
ﻣﺎﻟﻚ ﺑﺮﻓﻌﺔ ﺣﺎﺟﺐ : ﻧﺎﺳﻲ ﺷﻜﻠﻚ ..
ﻋﻤﺎﺩ : ﺍﺣﻤﻢ .. ﻻ ﻣﺶ ﻧﺎﺳﻲ .. ﺍﻟﻤﻬﻢ ﺗﻮﺍ .. ﺍﻧﻲ ﺍﻟﺼﺒﺢ ﺍﻥ ﺷﺎﺀ ﺍﻟﻠﻪ ﻣﺎﺷﻲ ﻟﻺﺳﺘﺮﺍﺣﻪ ﺑﺶ ﻧﻘﻨﻌﻪ ﻳﺮﻭﺡ ﻟﻠﺤﻮﺵ ..
ﻣﺎﻟﻚ : ﻭﻛﺎﻥ ﺻﻜﺮ ﺭﺍﺳﻪ ..
ﻣﺮﻭﺍﻥ : ﻧﺮﻓﻌﻮﻟﻪ ﺍﻣﻲ .. ﻫﻲ ﻗﺎﻟﺖ ﺍﻧﻲ ﻏﻠﻄﺖ ﻓﻴﻪ .. ﻭﻣﺎﺩﺍﻡ ﺍﻋﺘﺮﻓﺖ ﺑﻐﻠﻄﻬﺎ ﻣﻔﺮﻭﺽ ﻫﻲ ﺗﻤﺸﻲ ﻭﺗﻌﺘﺬﺭ ..
ﻋﻤﺎﺩ : ﺻﺢ ..
ﻣﺎﻟﻚ : ﺍﻟﺨﻼﺻﻪ ..
" ﻋﻴﺪ ﻣﻴﻼﺩ ﺑﺎﺑﺎ .."
ﺍﻟﺘﻔﺘﻮﺍ ﻣﺎﻟﻚ ﻭﻣﺮﻭﺍﻥ ﻟﻠﺒﺎﺏ ..
ﻋﻤﺎﺩ : ﺷﻦ ﻳﺎﺧﻨﻔﻮﺳﻪ؟؟ !
ﻧﻮﺭﻫﺎﻥ : ﻣﺶ ﺧﻨﻔﻮﺳﻪ ﺍﻧﻲ ..
ﻣﺎﻟﻚ ﺑﻀﺤﻜﻪ : ﺑﺎﻫﻲ ﺣﺒﻲ ﺷﻦ ﻗﻠﺘﻲ؟
ﺍﺑﺘﺴﻤﺖ ﻭﻫﻲ ﺗﺸﻮﻑ ﻟﻤﺎﻟﻚ : ﺑﺎﺑﺎ ﻋﻴﺪ ﻣﻴﻼﺩﻩ ﻣﺶ ﻑ ..4
ﻭﺍﺷﺮﺕ ﺑﺼﻮﺍﺑﻌﻬﺎ .. ﺑﺮﻗﻢ ..4
ﻣﺎﻟﻚ ﺑﻀﺤﻜﻪ : ﺻﺢ .. ﻭﻏﺪﻭﺓ ..
ﻋﻤﺎﺩ ﺑﻀﺤﻜﻪ : ﺍﻧﺘﻲ ﻳﺎﻓﻜﺮﻭﻧﻪ ﻣﻦ ﻗﺎﻟﻚ؟
ﻧﻮﺭﻫﺎﻥ : ﺑﺎﺑﺎ .. ﻭﺍﻟﻠﺒﻠﻪ ﻓﺎﻟﺮﻭﺿﻪ ﻗﺎﻟﺖ ﺍﺣﻨﻲ ﺗﻮﺍ ﻓﻲ ﺍﺑﺮﻳﻞ .. ﻧﻄﻘﺘﻬﺎ ﺑﺎﻟﻠﻐﺔ ﺍﻹﻧﺠﻠﻴﺰﻳﻪ ..
ﻣﺮﻭﺍﻥ ﺑﻀﺤﻜﻪ؛ﺍﻳﻮﻩ ﻳﺎﺍﺑﺮﻳﻞ ﺍﻧﺖ ..
ﺿﺤﻜﺖ ﻧﻮﺭﻫﺎﻥ ..
ﻋﻤﺎﺩ : ﺗﻌﺎﻟﻲ ﻳﺎﻋﺒﻤﺒﺮﻩ ﺗﻌﺎﻟﻲ .. ﻓﺘﺢ ﺍﻳﺪﻳﻪ ..
ﺟﺎﺗﻪ ﺗﺠﺮﻱ ﻭﺧﺸﺖ ﻓﺤﻀﻨﻬﺎ ..
ﺿﻤﻬﺎ ﻭﻋﺼﺮﻫﺎ ﺑﺎﻟﻘﻮﺓ ..
ﻭﻫﻲ ﺗﻀﺤﻚ ﻭﺗﻌﻴﻂ ..
ﻭﺧﻮﺗﻬﺎ ﻳﻀﺤﻜﻮﺍ ...
🍁 ﺑﻴﻨﻤﺎ ﺍﻣﻬﻢ ﻭﺑﻮﻫﻢ ﻛﻞ ﻭﺍﺣﺪ ﻗﻠﺒﻪ ﻣﺘﻮﻟﻊ ﻣﻦ ﺷﻮﻗﻪ ﻟﻠﺘﺎﻧﻲ ..
ﻭﻛﻔﺎﻳﻪ ﺑﺰﻳﺎﺩﻩ ﻷﻧﻬﺎ ﻫﻲ ﺍﻟﻠﻲ ﺯﻋﻼﺗﻪ ﻭﻏﻠﻄﺖ ﻓﺤﻘﻪ ...
🌴🌴🌴🌴🌴
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 11:00 ﺻﺒﺎﺣﺎ ..
ﻃﻠﻌﺖ ﻣﻦ ﺍﻟﻘﺎﻋﻪ ﺑﻌﺪ ﺗﻤﺖ ﻣﺤﺎﺿﺮﺗﻬﺎ ﻭﻣﻌﺎﻫﺎ ﺯﻣﻴﻠﻪ ..
ﺑﻠﻘﻴﺲ ﺑﺈﺑﺘﺴﺎﻣﻪ : ﺧﻼﺹ ﻧﺘﻼﻗﻮﺍ ﻓﻲ ﺍﻟﻤﺤﺎﺿﺮﺓ ﻣﺘﺎﻉ ﺍﻟﺴﺎﻋﻪ 2 ﻭﻧﻌﻄﻴﻬﻠﻚ ..
ﺯﻣﻴﻠﺘﻬﺎ : ﺗﻤﺎﻡ .. ﺑﺎﻱ .
ﺑﻠﻘﻴﺲ : ﺑﺎﻱ ..
ﻭﻛﻞ ﻭﺣﺪﻩ ﻣﺸﺖ ﻓﺠﻬﻪ ..
ﻛﻤﻠﺖ ﺑﻠﻘﻴﺲ ﻃﺮﻳﻘﻬﺎ ﻭﻫﻲ ﻓﺎﺗﺤﻪ ﺍﻟﻤﺬﻛﺮﺓ ﻭﺗﺘﺼﻔﺢ ﻓﻴﻬﺎ ..
ﺑﻠﻘﻴﺲ : ﺧﻄﻬﺎ ﺳﻤﺢ .. ﻛﻮﻳﺲ ..
ﺻﻜﺮﺗﻬﺎ ﻭﺷﺒﺤﺖ ﺍﻟﻘﺪﺍﻡ ..
ﻭﻗﻔﺖ ﻣﺨﻠﻮﻋﻪ ..
" ﺷﻔﺘﻲ ﺟﻦ؟؟ "!
ﺑﻠﻘﻴﺲ ﺑﻀﺤﻜﻪ : ﻃﻠﻌﺘﻠﻲ ﻛﻴﻒ ﺍﻟﺠﻦ ..
ﻣﺤﻤﺪ : ﺑﺎﻟﻠﻪ؟ !
ﺑﻠﻘﻴﺲ ﺑﻀﺤﻜﻪ : ﺑﺴﻼﻣﺘﻚ ﺗﺨﻮﻑ ﻣﻦ ﻏﻴﺮ ﺷﻲ ..
ﺭﻓﻊ ﺣﺎﺟﺒﻪ ..
ﺑﻠﻘﻴﺲ ﺑﺈﺑﺘﺴﺎﻣﻪ؛ﺟﺎﻱ ﻟﺤﺪ ﻫﻨﻰ؟ !
ﻣﺤﻤﺪ ﻭﻫﻮ ﻣﻀﻴﻖ : ﺣﺮﻛﺎﺕ ﺍﻹﺳﺘﻐﺒﺎﺀ ﻫﺪﻳﻦ ﻣﺎﺩﻳﺮﻫﻨﺶ ﻋﻠﻴﺎ ﻫﺪﻯ ﺍﻭﻻ .. ﺗﺎﻧﻴﺎ .. ﺷﻦ ﻗﺼﺔ ﻣﺎﻧﻌﻄﻲ ﺭﻗﻤﻲ ﻛﺎﻥ ﺑﻌﺪ ﺍﻟﻔﺎﺗﺤﻪ ..
ﺑﻠﻘﻴﺲ ﺑﺈﺑﺘﺴﺎﻣﻪ : ﺍﻭﻻ ﻣﺎﻧﺴﺘﻐﺒﻰ ﻷﻧﻲ ﻣﺶ ﻣﺼﺪﻗﻪ ﺍﻧﻚ ﺟﺎﻱ ﻫﻨﻰ ﻉ ﺧﺎﻃﺮﻱ .. ﺗﺎﻧﻴﺎ ﻣﺎﻓﻲ ﻻﻗﺼﻪ ﻻﻏﻴﺮﻩ ﻣﻜﺎﻟﻤﺎﺕ ﺑﻌﺪ ﺍﻟﻔﺎﺗﺤﻪ ﻭﻫﺪﻯ ﺍﻟﺼﺢ ..
ﺭﻓﻊ ﺣﺎﺟﺒﻪ ﻭﻗﺎﻝ : ﻭﻟﻴﺶ ﻣﺶ ﻣﺼﺪﻗﻪ ﺍﻧﻲ ﺟﺎﻱ ﻉ ﺧﺎﻃﺮﻙ؟
ﺑﻠﻘﻴﺲ ﺑﻀﺤﻜﻪ : ﻷﻧﻚ ﺑﺴﻼﻣﺘﻚ ﺣﺎﺻﻞ ﻓﺮﻭﺣﻚ ﻭﺗﺨﺎﻑ ﻳﺸﻮﻓﻚ ﺣﺪ ﺟﺎﻳﻨﻲ ﻫﻨﻰ ..
ﻣﺤﻤﺪ ﻓﻨﺺ ﻭﻗﺎﻝ؛ﻧﺨﺎﻑ ﻋﻴﻨﻚ .. ﻫﺪﻯ ﺍﻟﻠﻲ ﻧﺎﻗﺺ ..
ﻫﻲ ﺭﻣﺸﺖ ﻋﻴﻮﻧﻬﺎ ﺑﺨﻮﻑ ﻭﻫﻲ ﺗﻀﺤﻚ : ﻳﺎﻭﺩﻱ ﺑﺎﻫﻲ ﺍﻧﻲ ﺍﻟﻠﻲ ﻧﺨﺎﻑ ﺧﻮﺗﻲ ﻳﺸﻮﻓﻮﻧﻲ ﻣﻌﺎﻙ .. ﺑﺎﻱ ..
ﻭﻃﻮﻝ ﺍﺗﺴﻠﺤﺒﺖ ﻭﻫﺮﺑﺖ ..
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﺍﻟﻤﺼﺪﻭﻣﺎﺕ ..
ﻭﻫﻲ ﻟﻤﺎ ﻛﺎﻧﺖ ﻣﺎﺷﻴﻪ ﺍﻟﺘﻔﺘﺖ ﺷﺒﺤﺘﻠﻪ ﻭﺿﺤﻜﺖ ﺑﻌﺪﻳﻦ ﺷﺒﺤﺖ ﺍﻟﻘﺪﺍﻡ ﻭﻛﻤﻠﺖ ﻃﺮﻳﻘﻬﺎ ..
ﻣﺤﻤﺪ " ﻫﺪﻱ ﻧﺎﻭﻳﻪ ﺗﻬﺒﻠﻨﻲ ﺭﺳﻤﻲ ! ؟ .."
ﻣﺸﻲ ﻭﻫﻮ ﻣﺎﺯﺍﻝ ﺗﺤﺖ ﺗﺄﺛﻴﺮ ..
ﺑﻠﻘﻴﺲ ﻭﺷﻘﺎﻭﺗﻬﺎ 💓
🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ...
ﻭﺍﻗﻒ ﻓﻢ ﺍﻟﺒﻮﺍﺑﻪ ..
ﻣﺎﺷﻲ ﺟﺎﻱ ﻭﻳﺮﺍﺟﻲ ﻉ ﻧﺎﺭ ..
ﻭﻛﻞ ﻣﺮﺓ ﻳﺸﻮﻑ ﻟﻠﺠﻬﺔ ﺍﻟﻠﻲ ﺑﺘﺠﻲ ﻣﻨﻬﺎ ..
ﻓﻲ ﺍﺧﺮ ﻟﻔﻪ ..
ﻭﻗﻒ ..
ﻟﻤﺎ ﺷﺎﻓﻬﺎ ﺟﺎﻳﻪ ﻭﻓﻴﺪﻫﺎ ﺣﺎﻓﻈﻪ ..
ﻭﺍﺑﺘﺴﺎﻣﻪ ﺣﻠﻮﺓ ﻉ ﻭﺟﻬﻬﺎ ﻭﻫﻲ ﺗﺸﻮﻓﻠﻪ ..
ﻫﻮ ﻗﻠﺒﻪ ﺑﻴﻄﻴﺮ 💓...
ﺧﺎﻃﺮﻩ ﻳﺤﻀﻨﻬﺎ ..
ﺑﻴﻤﻮﺕ ﺑﺶ ﻳﺤﻀﻨﻬﺎ ..
ﺑﺲ ﻫﺎﻟﺸﻲ ﻣﺴﺘﺤﻴﻞ ﺣﺎﻟﻴﺎ ..
ﻭﺻﻠﺖ ﻓﻴﻪ ﻭﻗﺎﻟﺖ : ﺷﻦ ﺟﻮ ..
ﻋﻤﺎﺩ ﺑﻨﻈﺮﺍﺕ ﻋﺸﻖ : ﻣﺎﺗﺴﺄﻟﻨﻴﺶ ﻉ ﺟﻮﻱ ﻭﺍﻧﺘﻲ ﻣﻌﺎﻱ ﻣﻦ ﺗﻠﻘﺎﺀ ﻧﻔﺴﻚ ﻣﻔﺮﻭﺽ ﺗﻌﺮﻓﻲ ﺍﻹﺟﺎﻳﻪ ..
ﻧﺰﻟﺖ ﻋﻴﻮﻧﻬﺎ ﻟﻮﻃﺎ ..
ﻫﺒﺖ ﻧﺴﻤﻪ ﺣﻠﻮﻩ ﻃﻴﺮﺕ ﺧﺼﻼﺕ ﺷﻌﺮﻫﺎ ﻉ ﻭﺟﻬﻬﺎ .
ﻫﻮ ﻗﺎﻝ : ﺭﺯﺍﻥ ..
ﻗﺎﻣﺖ ﻋﻴﻮﻧﻬﺎ ﻓﻴﻪ ..
ﻛﺎﻥ ﻣﻨﻈﺮﻫﺎ ﻳﻬﺒﻞ .. ﺣﻠﻮ ﺑﺎﻟﻤﺮﻩ ..
ﺟﻨﻨﻪ ..
ﺑﺲ ﻫﻮ ﻗﺎﻋﺪ ﻣﺘﻤﺎﻟﻚ ﻧﻔﺴﻪ ﺑﻘﻮﺓ ...
ﻣﺪ ﻳﺪﻩ ﻭﻗﺎﻝ : ﻫﺎﺗﻲ ..
ﻣﺪﺗﻠﻪ ﺍﻟﺤﺎﻓﻈﻪ ..
ﺧﺪﺍﻫﺎ ..
ﻭﻣﺸﻲ ﻗﻌﻤﺰ ﺑﻴﻬﺎ ...
ﻫﻲ ﻣﺸﺖ ﻗﻌﻤﺰﺕ ﺟﻨﺒﻪ ﺑﻤﺴﺎﻓﻪ ﺑﺴﻴﻄﻪ ..
ﻓﺘﺢ ﺍﻟﺤﺎﻓﻈﻪ ..
ﻭﺷﺎﻑ ﺍﻟﻜﻨﺎﻓﻪ ﻛﺎﻥ ﻣﻠﻔﻮﻓﻪ ﻭﻣﻨﻈﺮﻫﺎ ﻳﺴﻬﻒ ..💕
ﻗﺎﻡ ﻭﺣﺪﻩ ﻭﻛﻼﻫﺎ ﻓﻔﻢ ﻭﺍﺣﺪ ..
ﻫﻲ ﻓﻨﺼﺖ ..
ﻭﻫﻮ ﻳﺎﻛﻞ ﻭﻣﻨﺴﺠﻢ ﻭﻓﻤﻪ ﺑﺎﻟﺴﻴﻒ ﻣﺴﻜﺮ ..
ﻗﻌﺪﺕ ﺗﺘﺄﻣﻞ ﻓﻴﻪ ﻛﻴﻒ ﻳﺎﻛﻞ ﺑﺸﻬﻴﻪ ..
ﻛﺎﻥ ﻋﻔﻮﻱ ﺯﻱ ﻋﺎﺩﺗﻪ ..
ﻃﺒﻴﻌﻲ ﺟﺪﺍ .. ﻟﺪﺭﺟﻪ ﻓﻲ ﺷﻮﻳﻪ ﻣﻦ ﺍﻟﻜﺮﻳﻤﻪ ﻗﻌﺪ ﻉ ﺷﺎﺭﺑﻪ .. ﺣﺲ ﺑﻴﻬﺎ .. ﺑﺈﺑﻬﺎﻣﻪ ﺣﻮﻟﻬﺎ ﻭﻟﺤﺴﻬﺎ ..
ﺑﻌﺪﻳﻦ ﺑﻠﻊ .. ﺧﺪﻱ ﺍﻟﺘﺎﻧﻴﻪ ﻭﺣﻄﻬﺎ ﻓﻲ ﻓﻢ ﻭﺍﺣﺪ .. ﺑﻌﺪﻳﻦ ﺧﺪﻱ ﻭﺣﺪﻩ ﻭﻣﺪﻫﺎﻟﻬﺎ ..
ﻫﻲ ﻛﺎﻧﺖ ﺗﺸﻮﻓﻠﻪ ﻛﻴﻒ ﻓﻤﻪ ﻣﻌﺒﻲ ﻭﻳﻘﻮﻟﻠﻬﺎ ﺧﻮﺩﻱ ﺑﺎﻹﺷﺎﺭﻩ ﻣﻦ ﻋﻴﻮﻧﻪ ..
ﻫﻲ ﺧﺪﺗﻬﺎ ﻣﻨﻪ ... ﺑﻌﺪﻳﻦ ﺿﺤﻜﺖ ..
ﻫﻮ ﺿﺤﻚ ﺑﺈﺣﺮﺍﺝ ﺷﺒﺢ ﺍﻟﻘﺪﺍﻡ ﻭﻗﻌﺪ ﻳﻤﻀﻎ ..
ﻭﻫﻲ ﺗﺘﺄﻣﻞ ﻓﻴﻪ ..
ﺗﻤﻮﺕ ﻓﻌﻔﻮﻳﺘﻪ .. ﻓﺘﻠﻘﺎﺋﻴﺘﻪ ...
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻟﻜﻦ ﺿﺤﻜﺖ ﻟﻤﺎ ﻟﻘﺎﺗﻪ ﺧﺪﻱ ﻃﺮﻑ ﺗﺎﻧﻲ ﻭﺍﻟﻠﻲ ﻓﻔﻤﻪ ﻗﺎﻋﺪ ﻣﺎﺑﻠﻌﺎﺵ ..
ﻫﻮ ﺷﺒﺤﻠﻬﺎ .
ﻭﻫﻲ ﺗﻀﺤﻚ ..
ﻫﻮ ﺿﺤﻚ ..
ﺟﻮ ﻋﻴﻮﻧﻬﺎ ﻓﻌﻴﻮﻧﻪ ..
ﻫﻮ ﻓﻨﺺ ﻭﻗﺎﻝ ﻭﻫﻮ ﻳﻤﻀﻎ : ﻋﻼ .. ﺵ ﺗﻀﺤﻜﻲ !!
ﺯﺍﺩﺕ ﺿﺤﻜﺖ ..
ﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ ..
ﺿﺤﻜﺖ ﺗﺎﻧﻲ ..
ﺑﻌﺪﻳﻦ ﺷﺒﺢ ﺍﻟﻘﺪﺍﻡ ﻭﺧﺪﻱ ﺍﻟﻄﺮﻑ ﺍﻟﻠﻲ ﻓﻴﺪﻩ ..
ﻭﻫﻲ ﺗﺘﺎﻣﻞ ﻓﻴﻪ ﺑﻌﻴﻮﻥ ﻣﺪﻣﻌﻪ .. ﻭﺿﺤﻜﻪ ﺍﻟﻢ .. ﻭﻗﻠﺐ ﻳﻨﺰﻑ💔
🍁🍁🍁🍁
ﻛﺎﻥ ﻣﻘﻌﻤﺰ ﻗﺪﺍﻡ ﺍﻟﺸﺎﺷﻪ ﻳﺘﻔﺮﺝ ﻉ ﺑﺮﻧﺎﻣﺞ ﻧﻘﻄﺔ ﺣﻮﺍﺭ ﻉ ﻗﻨﺎﺓ ..BBC
ﻭﻣﻨﺴﺠﻢ ﺗﻤﺎﻣﺎ ...
ﺍﺳﺘﺎﻗﺾ ﻟﻤﺎ ﺳﻤﻊ ﺻﻮﺕ ﺑﻮﺍﺑﻪ ﺍﻟﺤﻮﺍﺯﺓ ...
ﺳﻌﺪ : ﺷﻜﻠﻪ ﻣﺎﻟﻚ ..
ﻭﺭﺟﻊ ﺍﻧﺴﺠﻢ ﻣﻊ ﺍﻟﺒﺮﻧﺎﻣﺞ ...
ﺷﻮﻳﻪ ..
ﻭﺍﻧﻔﺘﺢ ﺑﺎﺏ ﺍﻟﺤﻮﺵ ..
ﺧﺸﺖ ﻧﻮﺭﻫﺎﻥ ﺗﺠﺮﻱ : ﺑﺎﺑﺘﻲ ..
ﻫﻮ ﺿﺤﻚ ﺑﻤﻔﺎﺟﺄﺓ : ﺧﻨﻔﻮﺳﺘﻲ ..
ﻭﺻﻠﺖ ﻓﻴﻪ ﺧﺪﺍﻫﺎ ﺭﻓﻌﻬﺎ ﻭﻗﻌﻤﺰﻫﺎ ﻉ ﺭﺟﻠﻪ ﻭﺣﻀﻨﻬﺎ ﻭﻫﻮ ﻳﻀﺤﻚ ﻭﻳﻘﻮﻝ : ﻓﻠﻴﻠﻴﺴﺘﻲ ..
ﺿﺤﻜﺖ ..
" ﺍﻟﺴﻼﻡ ﻋﻠﻴﻜﻢ .."
ﺗﻼﺷﺖ ﺿﺤﻜﺘﻪ ..
ﻭﻗﻠﺒﻪ ﺩﻕ ﺑﻘﻮﺓ ﺷﺪﻳﺪﻩ ..
ﻗﺎﻡ ﻋﻴﻮﻧﻪ ﻓﻴﻬﺎ ...
ﻭﻧﻈﺮﺗﻪ ﺍﻟﻠﻲ ﻛﺎﻧﺖ ﻛﻠﻬﺎ ﺷﻮﻕ ﻓﻴﻬﺎ ﺷﻲ ﻛﺒﻴﺮ ﻣﻦ ﺍﻟﺰﻋﻞ ..
ﻛﻔﺎﻳﻪ : ﺷﻦ ﺟﻮ؟ ..
ﺷﺒﺢ ﻟﻠﺘﻠﻔﺰﻳﻮﻥ ﻭﻗﺎﻝ : ﺗﻤﺎﻡ ..
ﻫﻲ ﺍﺑﺘﺴﻤﺖ ﻭﻗﺪﻣﺖ ﺗﺸﻮﻑ ﻟﻠﺸﺎﺷﻪ : ﺣﻲ ﺑﺎﻫﻲ ﺍﻟﻠﻲ ﻣﺎﻓﺎﺗﻨﻴﺶ ..
ﻗﻌﻤﺰﺕ ﻉ ﺍﻟﻜﺮﺳﻲ ﺣﺪﺍﻩ ﻭﻫﻲ ﺗﻘﻮﻝ : ﺍﻟﺤﻠﻘﻪ ﺍﻟﻴﻮﻡ ﻉ ﻟﻴﺒﻴﺎ ﻭﺍﻳﺎﻣﺎﺗﻬﺎ ﺍﻟﺴﻮﺩ ﺍﻟﻤﻌﺠﺠﺎﺕ ..
ﻫﻮ ﺷﺪ ﺿﺤﻜﺘﻪ .. ﻭﺣﺎﻭﻝ ﻳﺤﺎﻓﻆ ﻉ ﻣﻼﻣﺢ ﺍﻟﺠﺪﻳﻪ .. ﻭﻓﻌﻼ ﺍﺩﺭﻙ ﻧﻔﺴﻪ ﻭﻧﺠﺢ ..
ﺷﻮﻳﻪ ﻭﺑﺪﺕ ﻛﻔﺎﻳﻪ ﺗﻌﻠﻖ ﻉ ﺍﺭﺍﺀ ﺍﻟﻨﺎﺱ ﻭﻧﻘﺎﺷﻬﻢ ﻣﻊ ﺍﻟﻤﺬﻳﻊ ﻭﻫﻮ ﺭﻏﻤﺎ ﻋﻨﻪ ﺷﺎﺭﻛﻬﺎ ..
ﻭﻗﻌﺪﻭﺍ ﻳﺘﻨﺎﻗﺸﻮﺍ ﻭﻳﻬﺪﺭﺯﻭﺍ ..
ﺣﺘﻰ ﺍﻥ ﻧﻮﺭﻫﺎﻥ ﻃﻠﻌﺖ ﻣﻦ ﺣﺪﺍﻫﻢ ﻭﻫﻤﺎ ﻣﺶ ﻣﺮﻛﺰﻳﻦ ﻋﻠﻴﻬﺎ ..
ﺑﺮﺍ ..
ﺷﺒﺤﻮﻫﺎ ﺧﻮﺗﻬﺎ ﻃﺎﻟﻌﻪ ﻧﺎﺩﻭﻫﺎ ..
ﻣﺸﺘﻠﻬﻢ ﺗﺠﺮﻱ ..
ﻣﺎﻟﻚ : ﺷﻦ ﺻﺎﺭ ..
ﻧﻮﺭﻫﺎﻥ : ﻳﺘﻜﻠﻤﻮﺍ ﻉ ﻟﻴﺒﻴﺎ ..
ﻣﺎﻟﻚ ﻭﻣﺮﻭﺍﻥ : ﺷﻨﻲ؟؟؟ !!
🍁🍁🍁🍁
》 ﺍﺿﺤﻚ ﺑﺎﻟﻠﻪ ﺍﺿﺤﻚ ﺧﺎﻃﺮﻱ ﻧﺸﻮﻑ ﺿﺤﻜﺘﻚ ﻣﺮﺓ ﻓﻌﻤﺮﻱ 《..
》 ﻓﻀﺎﻧﻴﺘﻲ ﻳﻮﻡ ﺍﻟﺨﻤﻴﺲ .. ﺭﻛﺰ ﻫﺎﻩ ﺍﺧﺘﻚ ﺍﻟﺼﻐﻴﺮﻩ ﺑﺘﺘﺰﻭﺝ ﻗﺒﻠﻚ .. ﻭﻻﻧﻲ ﻣﺶ ﺭﺍﺿﻴﺘﻬﺎﻟﻚ ﻗﺮﺭﺕ ﻧﺨﻠﻲ ﻋﺮﺳﻲ ﻭﻋﺮﺳﻚ ﻓﻨﻬﺎﺭ ﻭﺍﺣﺪ 《..
》 ﺍﻳﻪ .. ﺷﻦ ﺭﺍﻳﻚ ﺗﺮﻓﻌﻨﻲ ﻟﻠﻜﻠﻴﻪ ﻣﺮﺓ ﺗﺎﻧﻴﻪ ﻧﻜﻠﻤﻬﺎ ﻫﺎﻟﻤﺮﺓ ﺣﻨﺪﻳﺮ ﺟﻬﺪﻱ 《..
ﺻﻮﺕ ﻋﺒﺮﺗﻪ ﻭﻫﻮ ﻳﺒﻜﻲ ﻛﺎﻥ ﺻﺪﺍﻩ ﻣﻌﺒﻲ ﻏﺮﻓﺘﻪ ﺍﻟﻠﻲ ﻫﻮ ﻓﻴﻬﺎ ..
ﻭﺻﻞ ﻟﺬﺭﻭﺓ ﺍﻟﺤﺰﻥ ...
ﺍﻟﺸﻌﻮﺭ ﺑﺎﻟﺬﻧﺐ ..
ﺍﻟﻮﺟﻊ ..
ﺍﻷﻟﻢ ..
ﺳﻜﺖ ﺷﻮﻳﻪ ﻭﻫﻮ ﻣﺮﻛﺰ ﺑﻨﻈﺮﻩ ﻉ ﻣﺴﺪﺳﻪ ﺍﻟﻤﺤﻄﻮﻁ ﻉ ﺍﻟﻄﺎﻭﻟﻪ ﻗﺪﺍﻣﻪ ..
ﻭﻫﻮ ﻳﺘﻨﻔﺲ ﺑﻘﻮﺓ ..
ﻗﺪﻡ ﻳﺪﻩ ﺍﻟﻠﻲ ﺗﺮﺟﻒ ﻟﻠﻄﺎﻭﻟﻪ ..
ﻭﺧﺪﺍﻩ ..
ﻧﺰﻝ ﺭﺍﺳﻪ ﻭﻋﻴﻮﻧﻪ ﻳﺘﻐﻤﻀﻮﺍ ﺑﺸﺪﺓ ..
》 ﺍﻧﺖ ﺍﻟﻠﻲ ﻗﺘﻠﺖ ﺍﺧﺘﻚ ﺍﻧﺖ .. ﺍﻧﺖ ﺍﻟﻠﻲ ﺧﺪﻳﺖ ﺭﻭﺡ ﺑﻨﺘﻲ ﺍﻧﺖ 《...
ﻃﻮﻝ ﺣﻂ ﻓﻮﻫﺔ ﺍﻟﻤﺴﺪﺱ ﻉ ﺟﺒﻬﺘﻪ ...
》 ﻣﺘﺒﺮﻱ ﻣﻨﻪ .. ﺍﺷﻬﺪﻭﺍ ﻳﺎﻧﺎﺱ ﻣﺘﺒﺮﻱ ﻣﻨﻪ ﻟﻴﻮﻡ ﺍﻟﺪﻳﻦ 《
ﻭﺿﻐﻂ ﻉ ﺯﻧﺎﺩ 🍃
🍁🍁🍁🍁🍁
ﻣﺶ ﻋﺎﺭﻓﻪ ﺷﻦ ﺣﺴﻴﺖ ﻛﻴﻒ ﻓﻜﺮﺕ ﻫﻜﻲ .. ﺑﺲ ﻳﻌﻨﻲ ﺍﻟﺤﺎﺟﺎﺕ ﺍﻟﻠﻲ ﻗﺘﻠﻚ ﻋﻠﻴﻬﺎ ﺍﻟﻠﻲ ﻻﺣﻈﺘﻬﺎ ﻋﻠﻴﻚ ﺧﻠﺘﻨﻲ ﻧﺤﺲ ﺍﻥ ﺷﻜﻲ ﻓﻤﺤﻠﻪ ..
ﺳﻌﺪ : ﻣﻔﺮﻭﺽ ﺟﻴﺘﻲ ﻭﺍﺟﻬﺘﻲ ﺗﻜﻠﻤﺘﻲ ﺍﻗﻞ ﺷﻲ ﻋﻄﺘﻴﻨﻲ ﺣﻖ ﻧﺪﺍﻓﻊ ﻋﻦ ﻧﻔﺴﻲ !!
ﻧﺰﻟﺖ ﻋﻴﻮﻧﻬﺎ ﺧﺠﻼ ﻭﻫﻲ ﺗﻘﻮﻝ : ﻛﻨﺖ ﻣﺘﺄﻛﺪﻩ ﺍﻧﻚ .. ﻣﺶ ﺣﺘﻘﻮﻝ ﺍﻟﺤﻖ .
ﺭﻓﻊ ﺣﻮﺍﺟﺒﻪ ﻭﻗﺎﻝ : ﻭﻃﻠﻌﺖ ﻛﺬﺍﺏ ﺯﻳﺎﺩﻩ !!
ﺷﺒﺤﺘﻠﻪ : ﺳﻌﺪ ﺍﻧﻲ ﻣﻌﺘﺮﻓﻪ ﺍﻧﻲ ﻏﺎﻟﻄﻪ ﻣﻌﺘﺮﻓﻪ ﺑﺲ ﺍﻧﻲ ﻧﺒﻴﻚ ﺗﺤﻂ ﻧﻔﺴﻚ ﻓﻤﻜﺎﻧﻲ ﺑﺲ ..
ﺳﻌﺪ : ﻭﻻ ﻧﺤﻂ ﻧﻔﺴﻲ ﻓﻤﻜﺎﻧﻚ ﻭﻻﻧﻔﻜﺮ ﺣﺘﻰ ﻷﻧﻲ ﻋﺎﺭﻓﻚ ﻛﻮﻳﺲ ﺣﺎﻓﻈﻚ ﺍﻛﺜﺮ ﻣﺎﺣﺎﻓﻆ ﻧﻔﺴﻲ ..
ﻛﻔﺎﻳﻪ : ﻣﺶ ﺯﻱ ﺍﻟﺮﺍﺟﻞ ﺯﻱ ﺍﻟﻤﺮﺍﺓ ..
ﺳﻌﺪ : ﻻ ﻓﻲ ﻗﻠﺔ ﺍﻷﺻﻞ ﻭﻧﻜﺮﺍﻥ ﺍﻟﻌﺸﺮﺓ ﺍﻟﻄﻴﺒﻪ ﻣﺎﻓﻴﺶ ﻣﺮﺍﺓ ﻭﺭﺍﺟﻞ .. ﺍﻧﻲ ﻣﺎﺭﻳﺖ ﻣﻨﻚ ﺍﻻ ﻛﻞ ﺑﺎﻫﻲ ﻗﺎﻳﻤﺘﻴﻨﻲ ﻣﻦ ﺟﻤﻴﻊ ﺍﻟﻨﻮﺍﺣﻲ ﻣﺎﺗﻘﺎﺑﻠﻲ ﻓﻴﺎ ﻛﺎﻥ ﺑﺎﻟﻀﺤﻜﻪ ﻭﺍﻟﻮﺟﻪ ﺍﻟﺒﺸﻮﺵ .. ﻻﻣﺮﺓ ﺷﻜﻴﺘﻲ ﻭﻻﺑﻜﻴﺘﻲ .. ﻭﻻ ﺷﻔﺖ ﻣﻨﻚ ﻣﺎﻭﺟﻌﻨﻲ ..
ﺍﻟﻌﺸﺮﺓ ﺍﻟﻄﻴﺒﻪ ﻳﺎﻛﻔﺎﻳﻪ ﻣﺎﺗﻬﻮﻧﺶ ﺍﻻ ﻉ ﻗﻠﻴﻞ ﺍﻷﺻﻞ ﻭﺍﻧﻲ ﻣﺶ ﻗﻠﻴﻞ ﺍﺻﻞ ﻳﺎﻛﻔﺎﻳﻪ ..
ﻭﻣﻘﺎﺭﻧﺘﻚ ﻟﻨﻔﺴﻚ ﺑﻤﺮﺕ ﺧﻮﻙ ﻭﻣﻘﺎﺭﻧﻪ ﻭﺿﻊ ﺣﻤﻴﺪ ﺑﻮﺿﻌﻲ ﺍﻧﻲ ﺍﻛﺒﺮ ﻏﻠﻂ .. ﻭﺳﺎﻣﺤﻴﻨﻲ ﻓﻴﻬﺎ .. ﻏﺒﺎﺀ ﻭﻗﻠﺔ ﻋﻘﻞ ..
ﺳﻜﺘﺖ ﻭﻧﺰﻟﺖ ﻋﻴﻮﻧﻬﺎ ﻟﻮﻃﺎ ﻭﻫﻲ ﻣﺘﺤﺸﻤﻪ ﻣﻨﻪ ﻉ ﺍﻵﺧﺮ ..
ﺳﻌﺪ : ﻛﻔﺎﻳﻪ ... ﺯﻋﻠﻲ ﻣﻨﻚ ﻗﺎﻋﺪ .. ﻭﺗﻮﺍ ﺯﺍﺩ .. ﻭﺻﻌﺐ ﺍﻟﻠﻲ ﺻﺎﺭ ﻧﻨﺴﺎﻩ ﺑﺴﻬﻮﻟﻪ ..
ﺷﺒﺤﺘﻠﻪ ﻭﻗﺎﻟﺖ : ﺑﺎﻫﻲ ﺍﺯﻋﻞ ﺧﻮﺩ ﻭﻗﺘﻚ ﺑﺶ ﺗﺮﺿﻰ ﻟﻜﻦ ﻓﺤﻮﺷﻚ ﻳﺎﺳﻌﺪ ﺑﺎﻟﻠﻪ ﻋﻠﻴﻚ .. ﻧﺰﻟﻮﺍ ﺩﻣﻮﻋﻬﺎ .. ﺑﺎﻟﻠﻪ ﻋﻠﻴﻚ ﻳﺎﺳﻌﺪ ..
ﻣﺎﺗﺤﻤﻠﺶ ﻳﺸﻮﻑ ﺩﻣﻮﻋﻬﺎ ﻧﻬﺎﺋﻲ ..
ﻃﻮﻝ ﺟﺎﻫﺎ ﻗﻌﻤﺰ ﺣﺪﺍﻫﺎ ﻭﺧﺪﺍﻫﺎ ﻓﺤﻀﻨﻪ ﻭﻫﻮ ﻳﻘﻮﻝ : ﺣﺎﺿﺮ ﺣﺒﻴﺒﺘﻲ ﺣﺎﺿﺮ .. ﺗﻮ ﻧﺰﻋﻞ ﻓﺎﻟﺤﻮﺵ .. ﺣﺎﺿﺮ ..
ﻭﻫﻲ ﺣﻀﻨﺎﺗﻪ ﺑﻘﻮﺓ ﻭﻗﻌﺪﺕ ﺗﺒﻜﻲ ﻓﺤﻀﻨﻪ ﺑﺎﻟﺼﻮﺕ ..
ﻭﻫﻮ ﺯﺍﺩ ﺣﻀﻨﻬﺎ ﻭﻗﻌﺪ ﻳﻤﺴﺢ ﻉ ﻇﻬﺮﻫﺎ ﻭﻫﻮ ﻳﻘﻮﻝ : ﺧﻼﺹ ﺣﺒﻴﺒﺘﻲ 💓
🍃🍃🍃🍃🍃🍃🍃🍃🍃🍃🍃🍃🍃🍃🍃🍃
ﻭﻋﺪﻭﺍ ﺍﻷﻳﺎﻡ ..
ﻭﻏﺎﻟﻴﻪ ﺗﺠﺮﻱ ﻣﻦ ﺗﺮﻛﻴﻨﻪ ﻭﻋﻤﺮ ﻣﻦ ﺗﺮﻛﻴﻨﻪ ﻉ ﺍﻟﻌﺮﺱ ..
ﻛﻤﻞ ﺗﻔﺮﻳﺶ ﺣﻮﺷﻪ ﻉ ﺫﻭﻕ ﻟﻤﻴﺎﺀ ..
ﺍﻣﺎ ﻏﺎﻟﻴﻪ ..
ﻓﻜﻞ ﻣﺎﻳﻠﺰﻡ ﺧﺪﺍﺗﻪ ..
ﻣﺎﻗﻌﺪ ﺷﻲ ﺍﻻ ﺍﻟﻜﺴﻮﺓ ﺗﺮﺍﺟﻲ ﺧﻮﺍﺗﻬﺎ ﺑﺶ ﻳﺠﻮﺍ ﻭﻳﺎﺧﺪﻭﻫﺎ ﻣﻊ ﺑﻌﺾ ..
🍁🍁🍁
ﻧﻬﺎﺭ ...4\30
ﺟﻮﺍ ﺍﻟﺒﻨﺎﺕ ...
ﺯﻳﻨﺐ ﻭﺭﻭﺍﻥ ﺑﺲ ..
ﻭﻛﻔﺎﻳﻪ ﻭﻧﻮﺭﻫﺎﻥ ﺑﺲ ..
ﻭﻧﻌﻴﻤﻪ ﺑﺲ ..
ﺍﻣﺎ ﺍﻟﺒﺎﻗﻲ ﻓﻜﺎﻥ ﻋﻨﺪﻫﻢ ﺍﻟﺘﺰﺍﻣﺎﺕ ﻗﻌﺪﻭﺍ ﻉ ﺧﺎﻃﺮﻫﺎ ﺑﻴﻦ ﻗﺮﺍﻳﻪ ﻭﺧﺪﻣﻪ ...
🍁🍁🍁
ﻫﺪﺍﻛﺎ ﺍﻷﺳﺒﻮﻉ ...
ﻛﺎﻧﻮﺍ ﻓﻴﻪ ﺍﻣﺘﺤﺎﻧﺎﺕ ﺩﻻﻝ ﻭﺭﺍﻧﻴﺎ ﺍﻟﻨﺼﻔﻲ ﺍﻟﺘﺎﻧﻲ ..
ﻣﻦ ﻟﻤﺎ ﺻﺎﺭ ﺍﻟﻠﻲ ﺻﺎﺭ ﻣﺎﺟﻮﺵ ﺍﻻ ﻓﻲ ﺍﻷﺳﺒﻮﻉ ﺍﻟﻠﻲ ﻳﺴﺒﻖ ﺍﻹﻣﺘﺤﺎﻥ ﺑﺶ ﻳﺎﺧﺪﻭﺍ ﺍﻟﻤﻬﻢ ﻭﻳﻘﺮﻭﺍ ..
ﻭﻳﺤﻀﺮﻭﺍ ﺍﻟﺪﻭﺭﺱ ﺍﻟﻌﻤﻠﻴﻪ ...
ﻓﻴﻮﻡ ...
ﻛﺎﻧﻮﺍ ﻣﺎﺷﻴﺎﺕ ﺍﻟﺰﻭﺯ ﻭﻳﻬﺪﺭﺯﻭﺍ ..
ﺩﻻﻝ : ﻣﺶ ﻋﺎﺭﻓﻪ ﻛﻴﻒ ﻧﺪﻳﺮ ..
ﺭﺍﻧﻴﺎ : ﺑﺼﺮﺍﺣﻪ ﻣﺎﻧﻘﺪﺭﺵ ﻧﻤﺸﻲ ﺍﻻ ﻧﻬﺎﺭ ﺍﻹﺭﺑﻌﺎﺀ ﻓﺄﺳﺒﻮﻉ ﺍﻟﻌﺮﺱ ..
ﺩﻻﻝ : ﺍﻧﻲ ﺍﻟﺨﻤﻴﺲ ...
ﺭﺍﻧﻴﺎ ﻓﻬﻤﺖ ﻋﻠﻴﻬﺎ ﻭﻗﻌﺪﺕ ﺳﺎﻛﺘﻪ .
ﻧﺰﻟﺖ ﺭﺍﺳﻬﺎ ﻭﻗﻌﺪﺕ ﺗﻤﺸﻲ ﻭﺗﻔﻜﺮ ..
ﻭﺩﻻﻝ ﺗﻮﺯﻉ ﻓﻨﻈﺮﻫﺎ ﻉ ﺍﻟﻤﻜﺎﻥ ..
ﻓﺠﺄﺓ ..
ﺩﻻﻝ : ﺍﺳﺘﺎﺫ ﺯﻳﻦ !!
ﻭﻗﻔﺖ ﺭﺍﻧﻴﺎ ﻭﺭﻓﻌﺖ ﺭﺍﺳﻬﺎ ..
ﺷﺎﻓﺖ ﻭﺍﺣﺪ ﻣﻦ ﺍﻟﺪﻛﺎﺗﺮﺓ ﻳﺤﻀﻦ ﻓﻴﻪ ..
ﻫﻮ ﻛﺎﻥ ﻻﺑﺲ ﺍﺳﻮﺩ ..
ﺗﻴﺸﺮﺕ ﺍﺳﻮﺩ ﻧﺺ ﻛﻢ ..
ﻭﺳﺮﻭﺍﻝ ﺟﻴﻨﺰ ﺍﺳﻮﺩ ..
ﻭﻣﺪﺍﻳﺮ ﻟﺤﻴﻪ ﻭﺷﻌﺮﻩ ﺯﺍﻳﺪ ..
ﻭﻻﺑﺲ ﻧﻈﺎﺭﺍﺕ ..
ﻭﺟﻌﻬﺎ ..
ﻭﻷﻭﻝ ﻣﺮﺓ ﺗﺤﺲ ﺗﺠﺎﻫﻪ ﺑﺸﻌﻮﺭ ﺗﺎﻧﻲ ﺍﺧﻄﻰ ﺍﻟﻜﺮﻩ ...
ﺷﻮﻳﻪ ..
ﻭﺍﻻﺳﺘﺎﺫ ﺍﻟﻠﻲ ﻛﺎﻥ ﻭﺍﻗﻒ ﻋﻠﻴﻪ ﻣﺸﻲ ﻭﻫﻮ ﻛﻤﻞ ﻃﺮﻳﻘﻪ ..
ﻟﻤﺎ ﻓﺎﺕ ﻣﻦ ﺣﺪﺍﻫﻢ ..
ﻣﺸﺘﻠﻪ ﺩﻻﻝ ..
ﺩﻻﻝ : ﺍﺳﺘﺎﺫ ﺯﻳﻦ ..
ﻭﻗﻒ ﻭﺷﺒﺤﻠﻬﺎ ..
ﺩﻻﻝ ﺑﺄﻟﻢ : ﻋﻈﻢ ﺍﻟﻠﻪ ﺍﺟﺮﻙ ..
ﺯﻳﻦ : ﺍﺟﺮﻧﺎ ﻭﺍﺟﺮﻙ ﺑﺎﺭﻙ ﺍﻟﻠﻪ ﻓﻴﻚ ..
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺯﻳﻦ : ﺷﻜﺮﺍ .. ﻭﻣﺸﻲ ﻛﻤﻞ ﻃﺮﻳﻘﻪ ﺩﻭﻥ ﻣﺎﻳﻌﻴﺮ ﻟﺮﺍﻧﻴﺎ ﺍﻱ ﺍﻧﺘﺒﺎﻩ ..
ﺑﻴﻨﻤﺎ ﻫﻲ ﻛﺎﻧﺖ ﻣﻌﺎﻩ ﺑﻌﻴﻮﻧﻬﺎ ﺍﻟﻤﻌﺒﻴﺎﺕ ﺩﻣﻮﻉ ..
ﺟﺘﻬﺎ ﺩﻻﻝ : ﺧﻴﺮﻙ ﻣﺎﻋﺰﺗﻴﺸﻲ؟ !!
ﺷﺒﺤﺖ ﻟﺪﻻﻝ ..
ﺑﻌﺪﻳﻦ ..
ﻣﺸﺖ ﻟﺤﻘﺎﺗﻪ ..
ﻭﺩﻻﻝ ﺗﺸﻮﻓﻠﻬﺎ ..
ﻫﻮ ﻛﺎﻥ ﻛﻌﺎﺩﺗﻪ ﺳﺮﻳﻊ ﻓﻲ ﺍﻟﻤﺸﻲ ..
ﻭﻫﻲ ﺗﻤﺸﻲ ﻭﺭﺍﻩ ﺑﺴﺮﻋﻪ ..
ﻧﺎﺩﺕ ..
" ﺍﺳﺘﺎﺫ ﺯﻳﻦ "
ﻗﻠﺒﻪ ﻗﺮﻳﺐ ﺗﻘﻠﻊ ﻣﻦ ﻣﻜﺎﻧﻪ 💓
ﺑﺲ ﻣﻊ ﻫﺪﺍ ﺗﺠﺎﻫﻠﻬﺎ ..
ﻭﻫﻲ ﺍﺿﻄﺮﺕ ﺗﺠﺮﻱ ....
ﻟﻌﻨﺪ ﻣﺎ ﻭﺻﻠﺖ ﻓﻴﻪ ..
ﻭﺟﺖ ﻗﺪﺍﻣﻪ ﻭﻭﻗﻔﺖ ..
ﻫﻮ ﻭﻗﻒ ..
ﺭﺍﻧﻴﺎ ﻭﻫﻲ ﺩﺍﻫﺸﻪ : ﺍﺱ .. ﺗﺎﺫ ..
ﺯﻳﻦ ﺑﺤﺪﻩ : ﻧﻌﻢ ..
ﺭﺍﻧﻴﺎ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻋﻈﻢ ﺍﻟﻠﻪ ﺍﺟﺮﻙ ..
ﻓﺎﺕ ﻣﻦ ﺣﺪﺍﻫﺎ ﻭﻫﻮ ﻳﻘﻮﻝ : ﻳﺎﺭﻳﺖ ﻣﻌﺎﺵ ﺗﻮﺭﻳﻨﻲ ﻭﺟﻬﻚ ﺍﺣﺴﻠﻚ ..
ﻫﻲ ﻗﻌﺪﺕ ﻣﻌﺎﻩ ﺑﻨﻈﺮﺍﺕ ﻋﻴﻮﻧﻬﺎ ﺍﻟﻤﺼﺪﻭﻣﻪ
ﺟﺘﻬﺎ ﺩﻻﻝ ﻭﻗﺎﻟﺖ : ﺷﻦ ﺻﺎﺭ؟
ﺭﺍﻧﻴﺎ ﻭﻫﻲ ﺗﺸﻮﻓﻠﻪ ﻛﻴﻒ ﻳﻤﺸﻲ ﻧﺰﻟﺖ ﺩﻣﻌﻪ ﻣﻦ ﻋﻴﻨﻬﺎ ﻭﻗﺎﻟﺖ : ﺍﻧﻲ ﺍﻟﺴﺒﺐ ﻓﻤﻮﺗﺔ ﻓﺮﺡ ..
ﺩﻻﺍﻝ : ﺷﻦ ﺗﻘﻮﻟﻲ؟ !!
ﺭﺍﻧﻴﺎ ﺑﻨﺒﺮﺓﺑﺎﻛﻴﻪ : ﺍﻟﻠﻲ ﺳﻤﻌﺘﻴﻪ ﻳﺎﺩﻻﻝ
ﻭﻟﻔﺖ ﻭﻣﺸﺖ ﻭﻫﻲ ﺗﺒﻜﻲ
ﻭﺩﻻﻝ ﻟﺤﻘﺘﻬﺎ ..
🌴🌴🌴🌴🌴
ﺍﻟﺴﺎﻋﻪ 2:00 ﻇﻬﺮﺍ ..
ﻃﻠﻌﺖ ﺑﺸﻨﻄﺘﻬﺎ ﻣﻦ ﺍﻟﺪﺍﺭ ﻭﻓﻴﺪﻫﺎ ﺑﻨﺘﻬﺎ ..
ﺍﻟﺸﻨﻄﻪ ﻛﺎﻧﺖ ﺯﻱ ﺍﻟﺴﺎﻛﻮﺍ ..
ﺣﺎﻃﻪ ﻓﻴﻬﺎ ﻣﺎﻳﺴﺪﻫﺎ ﻗﻌﺎﺩ ﺍﺳﺒﻮﻋﻴﻦ ﻫﻲ ﻭﺑﻨﺘﻬﺎ ..
ﻟﻜﻦ ﻣﺎﻫﻴﺶ ﻋﺎﺭﻓﻪ ﻋﻼﺵ ﺣﺎﺳﻪ ﺍﻥ ﻃﻠﻌﺘﻬﺎ ﻣﻦ ﺣﻮﺷﻬﺎ ﻫﺪﺍ ﻣﻌﺎﺵ ﻓﻲ ﺑﻌﺪﻫﺎ ﺭﺟﻌﻪ ..
ﻭﻫﺎﻟﺸﻌﻮﺭ ﻳﺰﻳﺪ ﻣﻊ ﻛﻞ ﺧﻄﻮﻩ ﺗﺨﻄﻴﻬﺎ ﺍﻟﻘﺪﺍﻡ ..
ﻟﻌﻨﺪ ﻣﺎﻭﺻﻠﺖ ﻓﻲ ﺍﻟﺒﺎﺏ ﻭﻃﻠﻌﺖ ﺑﺒﻨﺘﻬﺎ ..
ﺻﻜﺮﺕ ﺍﻟﺒﺎﺏ ..
ﻭﻗﻠﺒﻬﺎ ﺍﻧﻘﺒﺾ ﺑﻘﻮﺓ ..
" ﻫﻴﺎﺍﺍ .."
ﺍﻧﺨﻠﻌﺖ ..
ﺷﺒﺤﺘﻠﻪ ..
ﻛﻤﻠﺖ ﺗﻤﺸﻲ ﺑﺒﻨﺘﻬﺎ ..
ﻓﺘﺤﺖ ﺍﻟﺒﺎﺏ ﻭﺭﻛﺒﺖ ..
ﻭﺭﻛﺒﺖ ﺑﻨﺘﻬﺎ ﻓﺤﺠﺮﻫﺎ ﺑﻌﺪ ﺣﻄﺖ ﺳﺎﻛﻮﻫﺎ ﻋﻨﺪ ﺭﺟﻠﻴﻬﺎ ..
ﻭﺻﻜﺮﺕ ﺍﻟﺒﺎﺏ ..
ﺗﺤﺮﻙ ﺍﻟﺼﺪﻳﻖ ...
ﻭﻫﻲ ﻛﺎﻧﺖ ﺗﺸﺒﺢ ﻟﻠﺴﺎﻛﻮ ..
ﻭﺣﺎﻟﺔ ﻣﻦ ﺍﻟﺨﻮﻑ ﺍﻟﺸﺪﻳﺪ ﺗﻤﻠﻜﺘﻬﺎ ..
ﻛﻞ ﻣﺎﻟﻬﺎ ﺗﺰﻳﺪ ..
ﺑﺎﻟﺬﺍﺕ ﺑﻌﺪ ﻃﻠﻌﻮﺍ ﺑﺮﺍ ﺍﻟﻜﻮﻧﺸﻴﻠﻮ ...
🍃 ﻭﺻﻠﻬﺎ ﻟﺤﻮﺵ ﺍﻫﻠﻬﺎ ..
ﻭﻃﻮﻝ ﻭﻻ ﻟﺤﻮﺵ ..
ﻭﻛﺎﻧﺖ ﺳﺎﺑﻘﺎﺗﻪ ﻛﺎﻧﺘﺮ ..
ﻧﺰﻟﻮﺍ ﻣﻨﻬﺎ ﺭﺟﺎﻟﻪ ..
ﺧﺸﻮﺍ ﺩﺍﺧﻞ ..
ﻣﻌﺎﻩ
ﻫﻮ ﺧﺶ ﻟﻠﺪﺍﺭﺍﻻﻭﻝ
ﺟﺖ ﻋﻴﻨﻪ ﻉ ﺻﻮﺭﺗﻬﺎ ..
ﺑﺪﻭﻥ ﻣﺎﻳﺸﻌﺮ ..
ﻗﺪﻡ ﻭﺣﻮﻟﻬﺎ ﻣﻦ ﺍﻟﺤﻴﻂ ..
ﻭﺧﺪﺍﻫﺎ ﻭﻗﻠﺒﻬﺎ ﻭﺗﻜﺎﻫﺎ ﻉ ﺍﻟﺤﻴﻂ ﺗﺤﺖ ﺍﻟﺮﻭﺷﻦ ..
ﻛﺎﻥ ﻭﻫﻮ ﻳﺪﻳﺮ ﻓﻬﺎﻟﺸﻲ ..
ﺣﺎﺱ ﺑﻤﺸﺎﻋﺮ ﻣﻠﺨﺒﻄﻪ ﻫﻠﺒﻪ ..
ﺧﻼﺗﻪ ﻣﺶ ﻓﺎﻫﻢ ﺭﻭﺣﻪ ..
ﻓﺸﻲ ﻓﺪﺍﺧﻠﻪ ﻳﻘﺎﻭﻡ ﺑﻘﻮﺓ ...
ﻃﻮﻝ ﺗﻠﻔﺖ ﻭﻣﺸﻲ ﻟﻠﺪﻭﺍﻟﻴﺐ ﻓﺘﺤﻬﻢ ﻭﻃﻠﻊ ﺍﻟﺤﻮﺍﻳﺞ ﺍﻟﻠﻲ ﻓﻴﻬﺎ ﻛﻠﻬﻢ ..
ﻭﺧﺪﻱ ﺷﺮﺷﺎﻑ ﻭﻏﻄﺎﻫﻢ ﺑﻴﻪ ..
ﺑﻌﺪ ﻛﻤﻞ ﻗﺎﻝ؛ﺗﻌﺎﻟﻮﺍ ..
ﺟﻮﺍ ﻧﺼﻬﻢ ﻻﻥ ﺍﻟﻨﺺ ﺍﻟﺘﺎﻧﻲ ﻛﺎﻧﻮﺍ ﻳﻄﻠﻌﻮﺍ ﻓﺒﺎﻗﻲ ﺍﺛﺎﺕ ﺍﻟﺤﻮﺵ ..
ﻗﻌﺪﻭﺍ ﻳﻔﻜﻮﺍ ﻗﺪﺍﻣﻪ ﻓﻲ ﺍﻟﺪﻭﻻﺏ ..
ﻭﺍﻟﺴﺮﻳﺮ ..
ﻭﻳﻄﻠﻌﻮﺍ ..
ﻫﻮ ﻛﺎﻥ ﻳﺸﻮﻑ ﺑﻨﻈﺮﺓ ﻓﻴﻬﺎ ﺷﻲ ﻣﻦ ﺍﻹﺳﺘﻨﻜﺎﺭ ...
ﺍﻟﺮﺍﺟﻞ ﻭﻛﺄﻧﻪ ﻗﺎﻋﺪ ﻳﺪﻳﺮ ﻓﺸﻲ ﻳﺒﻴﻪ ﻭﻣﺶ ﺭﺍﺿﻲ ﻋﻨﻪ ﻓﻨﻔﺲ ﺍﻟﻮﻗﺖ ...
ﻓﻀﺖ ﺩﺍﺭ ﺍﻟﻨﻮﻡ ﺗﻤﺎﻣﺎ ..
ﻫﻮ ﻃﻠﻊ ﻭﺭﺍﻫﻢ ..
ﻭﻛﺈﻧﻪ ﻳﺠﺮ ﻓﻨﻔﺴﻪ ﺟﺮ ..
ﺑﻜﻞ ﻗﻮﺓ ﻭﻳﻦ ﻃﻠﻊ ﺻﻜﺮ ﺍﻟﺒﺎﺏ ..
ﻣﻦ ﻗﻮﺓ ﺍﻟﺘﻘﺮﺑﻴﻌﻪ ..
ﻃﺎﺣﺖ ﺻﻮﺭﺓ ﺣﻤﻴﺪﻩ ﺍﻟﻠﻲ ﻛﺎﻧﺖ ﺗﺤﺖ ﺍﻟﺮﻭﺷﻦ ﻉ ﺍﻷﺭﺽ
ﻭﺍﻧﺸﻖ ﺍﻟﻤﺮﺵ ﻣﺘﺎﻋﻬﺎ ....
.... ﻳﺘﺒﻊ