#العشق_المتمرد
باقي الجزء88 القسم الثالث
#جمان_فريد
💕💕💕
ﻭﺍﺧﻴﺮﺍ ..
ﺧﺸﺖ ﻣﺮﺍﻡ ﻟﻠﻘﻄﻌﻪ ﻫﺎﻟﻤﺮﺓ ﻋﺮﻭﺳﻪ ..
ﻭﺑﻴﺰﻓﻮﻫﺎ ﻟﻬﺎﻧﻴﺒﺎﻝ ... ﺣﻠﻢ ﺣﻴﺎﺗﻬﺎ .. ﻓﺎﺭﺱ ﺍﺣﻼﻡ ﺍﻟﻨﻮﻡ ﻭﺍﻟﻴﻘﻈﻪ ..
ﻳﺎﺍﺍﻩ ﻗﺪﺍﺵ ﻫﺎﻟﺤﻠﻢ ﻛﺎﻥ ﺑﻌﻴﺪ ﺑﻌﻴﺪ ﻫﻠﺒﻪ ..
ﻟﺪﺭﺟﺔ ﺍﻧﻪ ﺍﺻﺒﺢ ﻣﺴﺘﺤﻴﻞ ..
ﺳﺒﺤﺎﻥ ﺍﻟﻠﻪ .. ﺻﺎﺭ ﺍﻟﻴﻮﻡ ﺣﻘﻴﻘﻪ ﻭﺍﻗﻌﻪ ..
ﻳﻘﻴﻦ ﻻﺷﻚ ﻓﻴﻪ ..
🍃 ﻟﻮ ﻧﺮﺟﻌﻮﺍ ﻟﻠﺨﻠﻒ ﻭﻧﺬﻛﺮﻭﺍ ﻛﻞ ﺍﻟﻤﻮﺍﻗﻒ ﺍﻟﻠﻲ ﺟﻤﻌﺘﻬﺎ ﺑﻴﻪ ..
ﻣﻦ ﻟﻤﺎ ﻛﺎﻧﺖ ﺑﻨﺖ 9 ﺳﻨﻴﻦ ...
ﻟﻴﻮﻡ ﺍﻧﻀﺮﺑﺖ ﻓﻴﻪ ﻭﻫﻤﺎ ﻓﻲ ﺍﻟﺴﻮﻕ ﻭﻫﻮ ﻃﺎﻟﻊ ﻭﻫﻲ ﺧﺎﺷﻪ ..
ﻟﻤﺎﺍﺻﺒﺤﺖ ﺑﻨﺖ 22 ﺳﻨﻪ ..
ﻟﻤﺎ ﺷﺎﻓﺎﺗﻪ .. ﺷﺎﺩ ﺗﻠﻴﻔﻮﻧﻬﺎ ﻓﻲ ﻋﺮﺱ ﺣﻤﻴﺪﻩ ..
ﻭﺍﻟﺸﻌﻮﺭ ﺍﻟﻐﺮﻳﺐ ﺍﻟﻠﻲ ﺣﺴﻪ ..
ﻛﺎﻥ ﻭﻗﺘﻬﺎ ﻟﻐﻴﺮﻫﺎ ..
ﻟﻤﺎ ﻃﻠﻖ ..
ﻭﺭﺟﻊ ﺧﻄﺐ ﺑﺲ ﻏﻴﺮﻫﺎ ..
ﻟﻤﺎ ﻛﺎﻧﺖ ﺗﺤﺪﺩ ﻓﺴﻮﺍﺭﻱ ﺧﻮﺗﻬﺎ ﻳﻮﻡ ﻓﻀﺎﻧﻴﺘﻪ ﻭﺗﻘﻮﻝ ..
ﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎ ﻭﻳﺠﻌﻞ ﺍﻟﻠﻪ ﻓﻴﻪ ﺧﻴﺮﺍ ﻛﺜﻴﺮﺍ ..
ﻛﻞ ﺷﻲ ﻛﻞ ﺷﻲ ﻛﺎﻥ ﻳﻘﻮﻝ ﺍﻥ ﻣﺮﺟﻮﻋﻪ ﻟﻴﻬﺎ .. ﻭﺍﻧﻪ ﻣﻦ ﺍﻟﺒﺪﺍﻳﻪ ﻣﻜﺘﻮﺑﺘﻠﻪ ﻭﻣﻜﺘﻮﺑﻠﻬﺎ ...
ﻭﻧﺼﻴﺐ ﺣﺪ ﻣﺎﻳﺎﺧﺪﻩ ﺣﺪ 🍃
💕 ﻧﺰﻟﻬﺎ ﺿﻮ ﻣﻦ ﺍﻟﺴﻴﺎﺭﺓ ﻭﻫﻲ ﺗﺤﺖ ﺟﺮﺩﻩ ..
ﻟﻌﻨﺪ ﻣﺎﻭﻗﻒ ﺑﻴﻬﺎ ﻗﺪﺍﻡ ﺍﻟﺨﻴﻤﻪ ..
ﺣﻮﻝ ﺟﺮﺩﻩ ﻭﻭﺧﺮ .. ﻭﺩﺧﻠﻮﻫﺎ ﺧﺎﻟﺘﻬﺎ ﻭﺯﻳﻨﺐ ﻭﺍﻟﻠﻲ ﻣﻌﺎﻫﺎ ..
ﻛﺎﻧﻮﺍ ﻭﺍﻗﻔﺎﺕ ﻛﻠﻬﻢ ﻓﻲ ﺍﺳﺘﻘﺒﺎﻟﻬﺎ ..
ﺣﻮﻟﺘﻠﻬﺎ ﺧﺎﻟﺘﻬﺎ ﺍﻟﻜﺎﺏ ...
ﻭﺑﺎﻧﺖ ﻋﻠﻴﻬﻢ ﻋﺮﻭﺳﻪ .. ﺁﻳﻪ ﻣﻦ ﺍﻟﺠﻤﺎﻝ ...
ﺑﺎﻟﻔﻴﻠﻮ ﺍﻷﺑﻴﺾ ﻧﺎﺻﻊ ﺍﻟﺒﻴﺎﺽ ..
ﺭﺑﻊ ﻛﻢ ..
ﻣﻦ ﻓﻮﻕ ﻣﻦ ﺍﻋﻠﻰ ﺍﻟﺼﺪﺭ ﻟﻌﻨﺪ ﺍﻟﻜﻤﺎﻡ ﺩﺍﻧﺘﻴﻞ ..
ﺗﺴﺮﻳﺤﺘﻬﺎ ﻣﺎﻛﺎﻧﺶ ﻣﺒﺎﻟﻎ ﻓﻴﻬﺎ ﻭﻟﻮﻧﻪ ﺷﻌﺮﻫﺎ ﻫﻮ ﻫﻮ ﻣﺎﻏﻴﺮﺗﺎﺵ ﻭﻫﺪﺍ ﺍﻟﻠﻲ ﻓﺎﺟﺊ ﺍﻟﻜﻞ ﻭﻫﻠﺒﻪ ﺍﺳﺘﻬﺠﻨﻮﻩ ..
" ﻛﻴﻒ ﻋﺮﻭﺳﻪ ﻣﺎﺗﺼﺒﻐﺶ ﻭﺗﻤﻴﺶ "..
ﻭﺍﻭﻟﻬﻢ ﺳﻤﻴﻪ ..
ﻃﺮﺣﺘﻬﺎ ﻛﺎﻧﺖ ﻧﻈﺎﻡ ﺍﻟﻄﺮﺣﻪ ﺍﻟﺨﻠﻴﺠﻴﻪ ﺍﻟﻠﻲ ﻛﺎﻧﺖ ﻣﻮﺿﺔ ﻭﻉ ﺷﻌﺮﻫﺎ ﺗﺎﺝ ﻟﻜﻦ ﻣﺶ ﺗﻘﻠﻴﺪﻱ ﻣﻤﻴﺰ ﺟﺪﺍ ﻭﻗﺘﻬﺎ ﻭﻣﻜﻴﺎﺟﻬﺎ ﺣﻠﻮ ﻫﻠﺒﻪ ﺍﺑﺮﺯ ﻣﻼﻣﺤﻬﺎ ...
ﻭﻃﻘﻢ ﺫﻫﺐ ﺍﺑﻴﺾ ﺣﻠﻮ ﻻﺑﺴﺎﺗﻪ ..
💕 ﺭﺑﺎﺏ ﺑﺪﺕ ﺍﻃﻖ ﻉ ﺍﻟﺪﺭﺑﻮﻛﻪ ..
ﻭﺧﻮﺍﺗﻪ ﻳﻐﻨﻮﺍ ﻣﻊ ﺑﻨﺎﺗﻬﻢ ...
ﻣﺮﺣﺒﺎ ﻳﺎﻻﻓﻴﻪ .. ﻣﺮﺣﺒﺎ ﻳﺎﻻﻓﻴﻪ .
ﻣﺮﺣﺒﺎ ﻳﺎﻻﻓﻴﻪ .. ﻣﺮﺣﺒﺎ ﻳﺎﻻﻓﻴﻪ ..
ﻣﺮﺣﺒﺎ ﻳﺎﻻﻓﻴﻪ ﻭﺑﻘﺪﻭﻡ ﺍﻟﻌﺎﻓﻴﻪ ..
ﻣﺮﺣﺒﺎ ﺑﻤﺮﺕ ﺧﻮﻱ ..
ﻣﺮﺣﺒﺎ ﺑﻤﺮﺕ ﺧﻮﻱ ..
ﻣﺮﺣﺒﺎ ﺑﻤﺮﺕ ﺧﻮﻱ .
ﻳﺎﻣﻌﻤﺮﻩ ﺣﻮﺵ ﺑﻮﻱ ...
ﻫﻲ ﻛﺎﻧﺖ ﺗﺸﻮﻓﻠﻬﻢ ﻭﻉ ﻭﺟﻬﻬﺎ ﺍﺑﺘﺴﺎﻣﻪ ﺣﻠﻮﺓ ..
ﻭﻓﺮﺣﺖ ﺑﺈﺳﺘﻘﺒﺎﻟﻬﻢ ..
ﺑﺲ ﻓﻌﻴﻮﻥ ﺍﻋﻮﺫ ﺑﺎﻟﻠﻪ ﻟﻮ ﺍﻟﻨﻈﺮﺍﺕ ﺗﻘﺘﻞ ﻛﺎﻧﺖ ﻣﺮﺍﻡ ﻣﺎﺗﺖ ﻭﻗﺘﻲ ﻣﻦ ﻧﻈﺮﺍﺕ ﺳﻤﻴﻪ ﺍﻟﻠﻲ ﻛﻠﻬﺎ ﺣﺴﺪ ..
💕 ﻭﺷﻮﻳﻪ ﺷﻮﻳﻪ ﺩﺭﺟﻮﻫﺎ ...
ﻟﻴﻦ ﻭﺻﻠﻮﻫﺎ ﻟﻠﻜﻮﺷﻪ ﻭﻗﻌﻤﺰﻭﻫﺎ ﻋﻠﻴﻬﺎ ..
ﻭﺑﺪﻱ ﺷﻮﻁ ﺍﻟﺪﺭﺑﻮﻛﻪ ..
ﻓﻀﻴﻠﻪ ..
ﻗﻮﻟﻲ ﺑﺴﻢ ﺍﻟﻠﻪ ﻭﺧﺸﻲ ﻓﺤﻮﺵ ﺍﻟﺰﻧﻴﻦ ﺗﻤﺸﻲ ..
ﺭﺩﻭﺍ ﻭﺭﺍﻫﺎ ...
ﺯﻳﻨﺐ
ﻣﺮﺣﺒﺘﻴﻦ ﺍﻫﻼ ﺍﻧﺴﺘﻲ .. ﻳﻠﻲ ﺟﻴﺶ ﺍﻟﻴﺎﺱ ﻛﻨﺴﺘﻲ ..
ﺭﺩﻭﺍ ﻭﺭﺍﻫﺎ ..
ﻛﻔﺎﻳﻪ
ﻫﻲ ﺯﻳﻨﻪ ﻭﺯﻳﻦ ﺧﺪﺍﺗﻪ ﻣﺒﺮﻭﻛﻴﻦ ﻋﺎﻟﻠﻲ ﺟﺎﺗﻪ ..
ﺭﺩﻭﺍ ﻭﺭﺍﻫﺎ
ﻧﻌﻴﻤﻪ
ﺍﺟﻌﻨﻚ ﻛﻲ ﻋﺮﻕ ﺍﻟﻨﻌﻨﺎﻉ .. ﺍﻣﻴﻪ ﻭﺍﻟﺤﻴﻀﺎﻥ ﺍﻭﺳﺎﻉ ..
ﺭﺩﻭﺍ ﻭﺭﺍﻫﺎ ..
ﻏﺎﻟﻴﻪ
ﺟﺎﺑﻬﺎ ﺍﻟﻨﺼﻴﺐ ﻭﺟﺘﻨﺎ ... ﻧﺪﻳﺮﻭﻫﺎ ﺯﻱ ﻭﺧﻴﺘﻨﺎ ..
ﺭﺩﻭﺍ ﻭﺭﺍﻫﺎ ..
ﺣﻤﻴﺪﻩ ..
ﺣﺼﻠﺘﻴﻪ ﻭﻟﺪ ﻣﺘﺴﻤﻲ .. ﻻﺗﺒﻜﻲ ﻭﻻﺗﻘﻮﻟﻲ ﺍﻣﻲ ..
ﻓﻌﺰ ﺍﻟﺸﻮﻁ ..
ﺟﺘﻬﺎ ﻓﺎﻃﻤﻪ
ﻧﺎﺿﺖ ﻣﺮﺍﻡ ..
ﻗﺪﻣﺘﻠﻬﺎ ﻓﺎﻃﻤﻪ ...
ﺷﺪﺕ ﻣﺮﺍﻡ ﺭﺍﺳﻬﺎ ﻭﻛﺒﺖ ﻋﻠﻴﻪ ..
ﻭﻛﻠﻬﻢ ﻳﺸﻮﻓﻮﻟﻬﺎ ﺑﺈﺑﺘﺴﺎﻣﻪ ..
ﺭﻳﻼ ..
ﻳﺎﺟﻌﻨﻚ ﻋﺮﺻﻪ ﻣﺎﻃﻴﺤﻲ .. ﻭﻳﻦ ﺗﻤﻴﺢ ﻋﺰﻭﺯﻙ ﻣﻴﺤﻲ ..
ﺯﻏﺮﻃﻮﺍ ﻭﺭﺩﻭﻫﺎ ﻭﺭﺍﻫﺎ ...
ﺧﺎﻟﺘﻬﺎ : ﻗﻮﻟﻮﺍ ﻟﻠﺴﻠﻄﺎﻥ ﺗﻬﻨﻰ .. ﺟﺒﻨﺎﻟﻪ ﻧﻘﺮﺍﺵ ﺍﻟﺤﻨﻪ
ﻭﻗﻌﺪﻭﺍ ﻳﻌﺎﻭﺩﻭﺍ ﻓﻴﻬﺎ ﻭﺭﺍﻫﺎ ...
ﺧﺎﻟﺘﻬﺎ ..
ﻫﺪﺍ ﺣﺪ ﺍﻟﻘﺪﺭ ﻣﻌﺎﻛﻢ .... ﻧﻮﺍﺭ ﺍﻟﺤﻮﺵ ﻋﻄﻴﻨﺎﻛﻢ
💕💕💕💕💕💕💕💕
ﻧﺺ ﺍﻟﺴﺎﻋﻪ ﺑﺎﻟﺰﺑﻂ ..
ﻭﺯﻳﻨﺐ ﻭﻛﻔﺎﻳﻪ ﺧﺪﻭﺍ ﻣﺮﺍﻡ ﻣﺘﻮﺟﻬﻴﻦ ﺑﻴﻬﺎ ﻟﺤﻮﺷﻬﺎ 💕...
💓 ﺍﻣﺎ ﻋﻨﺪ ﺍﻟﺮﺟﺎﻟﻪ ..
ﺩﺍﺭﻭ ﺟﺮﺩ ﻛﺒﻴﺮ ﻗﺎﻳﻤﻴﻨﻪ ﻭﺍﻗﻔﻴﻦ ﺗﺤﺘﻪ ﻭﻣﺎﺑﻴﻨﺎﺗﻬﻢ ﺍﻟﻌﺮﻳﺲ ..
ﻭﺑﺪﻭﺍ ﻳﻜﺸﻜﻮﻟﻪ ...
ﻭﺻﻮﺕ ﺍﻟﻜﺸﻚ ﻭﺍﻟﻐﻨﻲ ..
ﺭﻗﺺ ﺍﻟﻨﺴﺎﻭﻳﻦ ﻓﻲ ﺍﻟﺨﻴﻤﻪ ..
ﺑﻌﺪﻫﺎ ﻗﻌﺪﻭﺍ ﻳﻤﺸﻮﺍ ﺑﻴﻪ ﺑﻴﻪ ﻓﻲ ﺍﻟﻘﻄﻌﻪ ﻭﻳﻜﺸﻜﻮﺍ ﻭﻳﻐﻨﻮﺍ ...
ﻟﻌﻨﺪ ﻭﻣﺎﺻﻠﻮﺍ ﺑﻴﻪ ﻗﺪﺍﻡ ﺍﻟﺤﻮﺵ ..
ﻓﻮﻕ ..
ﻣﺮﺍﻡ ﻛﺎﻧﺖ ﻣﺘﻮﺗﺮﺓ ﻭﻣﺮﺗﺒﻜﻪ ..
ﻭﻣﺎﺯﺍﻝ ﻣﺶ ﻣﺴﺘﻮﻋﺒﻪ ﺍﻟﻠﻲ ﻓﻴﻪ .. ﻟﻤﺎ ﺳﻤﻌﺖ ﺍﺻﻮﺍﺗﻬﻢ ﻗﺮﺑﻲ ﺍﻧﻤﻐﺼﺖ ..
ﻃﺒﻴﻌﻲ 💕
💕💕💕💕💕
ﻭﺻﻠﻮﺍ ﺑﻴﻪ ..
ﺿﺮﺑﻪ ﺍﻟﻬﺎﺩﻱ ﻉ ﻇﻬﺮﻩ ﺿﺮﺑﻪ ﺧﻔﻴﻔﻪ ..
ﻫﻮ ﻗﺮﻥ ﺣﻮﺍﺟﺒﻪ ﻭﺍﺑﺘﺴﻢ ..
ﻭﻃﻮﻝ ﻣﺸﻲ ﻟﻠﺪﺭﻭﺝ ..
💕💕💕💕💕💕
ﻫﻲ ﻛﺎﻧﺖ ﻭﺍﻗﻔﻪ ﻓﻲ ﺍﻟﺪﺍﺭ ..
ﺗﺎﺧﺪ ﻓﻲ ﻧﻔﺲ ﻭﺗﺰﻓﺮ ..
ﺳﻤﻌﺖ ﺑﺎﺏ ﺍﻟﺤﻮﺵ ﺍﻧﻔﺘﺢ ..
ﻗﻠﺒﻬﺎ ﻗﺮﻳﺐ ﺍﺗﻘﻠﻊ ﻣﻦ ﻣﻜﺎﻧﻪ 💓
ﺯﺍﺩﺕ ﺧﺎﻓﺖ ...
ﻭﺗﺸﺒﺢ ﻟﻠﺒﺎﺏ ﺑﺘﺮﻗﺐ ...
" ﺑﻨﺖ ﻋﺒﻮﺩﺓ .."
ﺍﺑﺘﺴﻤﺖ ﺭﻏﻢ ﺧﻮﻓﻬﺎ ..
ﺑﺎﻥ ﻋﻠﻴﻬﺎ ..
ﻫﻮ ﻟﻤﺎ ﺷﺎﻓﻬﺎ ﻭﻗﻒ .. ﻭﺯﺍﺩ ﻉ ﻗﺮﻧﻪ ﺣﻮﺍﺟﺒﻪ ﺿﻴﻖ ﻋﻴﻮﻧﻪ ..
ﻫﺎﻧﻴﺒﺎﻝ؛ﻫﺪﻯ ﻭﺟﻬﻚ ﺍﻟﺘﺎﻧﻲ ﺑﺎﻳﻨﻪ ...
ﻫﻲ ﻗﻌﺪﺕ ﺗﺸﻮﻓﻠﻪ ..
ﺭﻓﻊ ﺣﺎﺟﺒﻪ ﺍﻹﻳﺴﺎﺭ ﻭﻗﺎﻝ : ﺑﺘﻌﺒﻴﻨﺎ ﺷﻜﻠﻚ ..
ﺿﺤﻜﺖ ﻭﻧﺰﻟﺖ ﻋﻴﻮﻧﻬﺎ ﻟﻮﻃﺎ ..
ﺧﺪﻱ ﻧﻔﺲ ﻭﺧﺶ ..
ﻫﻲ ﺭﺟﻌﺖ ﺧﺎﻓﺖ ...
ﻭﻗﻒ ﻗﺪﺍﻣﻬﺎ ﺑﺎﻟﺰﺑﻂ ..
ﻫﺎﻧﻴﺒﺎﻝ : ﻗﻴﻤﻲ ﺭﺍﺳﻚ ..
ﻫﻲ ﻗﺎﻣﺎﺗﻪ .. ﻟﻤﺎﺟﻮ ﻋﻴﻮﻧﻬﺎ ﻓﻌﻴﻮﻧﻪ ﻧﻈﺮﺍﺗﻪ ﻛﻌﺎﺩﺗﻬﻢ ﺍﺭﺑﻜﻮﻫﺎ ...
ﻧﺰﻟﺘﻬﻢ ﻣﻦ ﺟﺪﻳﺪ ..
ﻫﻮ ﺷﺪ ﺭﺍﺳﻬﺎ ﺑﺈﻳﺪﻳﻪ .. ﻭﻧﻄﺤﻬﺎ : ﻓﻜﻴﻨﺎ ﻣﻦ ﺍﻟﺤﺸﻢ ﺍﻟﺰﺍﻳﺪ ..
ﻫﻲ ﺿﺤﻜﺖ ..
ﻭﻫﻮ ﺿﺤﻚ .. ﺑﻌﺪﻳﻦ ﻗﺮﺏ ﻟﺠﺒﻴﻨﻬﺎ ﻭﻃﺒﻊ ﻋﻠﻴﻪ ﻗﺒﻠﻪ 💓
ﻫﻲ ﺭﺟﻔﺖ ..
ﺣﺴﻬﺎ ﺧﺎﻳﻔﻪ ..
ﻭﺧﺮ ﻭﻗﺎﻝ ﺑﺼﻮﺕ ﻫﺎﺩﻱ : ﻣﺎﺗﺨﺎﻓﻲ ﻣﻦ ﺷﻲ ﺧﻠﻴﻚ ﻋﺎﺩﻳﻪ ..
ﺗﻨﻬﺪﺕ ..
ﻫﺎﻧﻴﺒﺎﻝ : ﺍﺷﺒﺤﻴﻠﻲ ﻫﻨﻰ ..
ﻗﺎﻣﺖ ﻋﻴﻮﻧﻬﺎ ﻭﺷﺒﺤﺘﻠﻪ ..
ﻫﻮ ﻗﻌﺪ ﻳﻤﺮﺭ ﻓﻨﻈﺮﻩ ﻉ ﻭﺟﻬﻬﺎ ﻭﻗﺎﻝ : ﻣﺎﺗﺨﺎﻓﻴﺶ ﻛﻞ ﺷﻲ ﺑﺎﻟﺮﺍﺣﻪ ﻣﺎﻧﻲ ﻣﺴﺘﻌﺠﻞ ﻉ ﺷﻲ ..
ﻫﻲ ﺍﺑﺘﺴﻤﺖ ﺑﺨﺠﻞ ﻭﻧﺰﻟﺖ ﻋﻴﻮﻧﻬﺎ ..
ﻫﻮ ﺿﺤﻚ ﻭﻗﺎﻝ : ﻧﻄﻠﻊ ﻧﺒﺪﻝ ﻭﺍﻧﺘﻲ ﺑﺪﻟﻲ ﺑﻴﺶ ﻧﺼﻠﻮﺍ ..
ﻫﻲ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺍﺑﺘﺴﻢ ..
ﻃﻠﻘﻬﺎ ﻭﻣﺸﻲ ﻟﻠﺪﻭﻻﺏ .. ﻭﻫﻲ ﺗﺸﻮﻓﻠﻪ ﺑﻌﺸﻖ ..
ﻗﺎﻋﺪﻩ ﺗﻐﺮﻕ ﻓﻴﻪ ﺍﻛﺜﺮ ﻣﺎﻫﻲ ﻏﺎﺭﻗﻪ 💕
ﻫﻮ : ﻋﺠﺒﻚ ﺍﻟﺤﻮﻳﺶ ..
ﺿﺤﻜﺖ ﻭﻗﺎﻟﺖ : ﺣﻠﻮ ﻭﻳﻬﺒﻞ ﻭﻟﻮﺍ ﺍﻧﻲ ﻛﻴﻒ ﺍﻟﻠﻲ ﺍﻧﺨﺪﻋﺖ ..
ﻫﻮ ﺗﻠﻔﺖ ﻭﺿﺤﻚ ..
ﻣﺎﺭﺩﺵ ﻋﻠﻴﻬﺎ ..
ﻣﺸﻲ ﻟﻠﺒﺎﺏ ﻃﻠﻊ ﻭﻫﻮ ﻳﺸﻮﻓﻠﻬﺎ ﺑﺈﺑﺘﺴﺎﻣﻪ ﻭﺻﻜﺮﻩ ﻭﺭﺍﻩ ..
ﻫﻲ ﺧﺪﺕ ﻧﻔﺲ ﻋﻤﻴﻖ ﻭﺍﺭﺗﺎﺣﺖ ..
ﺷﺒﺤﺖ ﻟﺴﺎﻛﻮﻫﺎ ﻭﻣﺸﺘﻠﻪ ..
ﺭﻓﻌﺎﺗﻪ ﻭﺣﻄﺎﺗﻪ ﻉ ﺍﺍﻟﺴﺮﻳﺮ ..
ﻓﺘﺤﺖ ﺍﻟﺴﺮﻳﺘﻪ ..
ﺑﻄﻠﻊ ﺍﻟﺮﻭﺏ ﻣﺘﺎﻉ ﺍﻟﺪﺧﻮﻝ ..
ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ﻟﻤﺎ ﻟﻘﺖ ﻭﺍﺣﺪ ﻏﻴﺮ ﺍﻟﻠﻲ ﺣﻄﺎﺗﻪ .
ﻣﺮﺍﻡ : ﻓﺎﻳﺰﺓ !!
💕💕💕💕💕💕💕
ﺗﻲ ﻋﺪﻭﺍ ﺍﺭﻗﺪﻭﺍ ﻳﺎﺭﺍﺟﻞ ﺣﺎﻟﻒ ﺑﺎﻟﻠﻪ ﺳﺮﻳﺐ ﺍﻟﻌﺎﺭ ﻫﺪﺍﻙ ﻣﺎﻫﻮ ﺩﺍﻳﺮﻩ ..
ﻣﺤﻤﺪ : ﻭﺍﻟﻠﻪ ﻋﻨﺪﻩ ﺣﻖ ..
ﺍﻟﻬﺎﺩﻱ ﺑﻀﺤﻜﻪ : ﺍﻧﻲ ﻣﺎﺷﻲ ﻟﺤﻮﺷﻲ .. ﺗﺼﺒﺤﻮﺍ ﻉ ﺧﻴﺮ ..
ﺣﻤﺰﺓ ﻭﻣﺤﻤﺪ : ﻗﺪﺍﻣﻚ ﻛﻞ ﺧﻴﺮ ..
ﻣﺸﻲ ﺍﻟﻬﺎﺩﻱ ﻟﺤﻮﺷﻪ ..
ﻭﺣﻤﺰﺓ ﻭﻣﺤﻤﺪ ﻣﺸﻮﺍ ﻟﻠﺤﻮﺵ ﺑﻴﺨﺸﻮﺍ .. ﻗﺎﺑﻠﺘﻬﻢ ﺑﻠﻘﻴﺲ ﻭﺍﻗﻔﻪ ﺗﺎﻛﻞ ﻣﻦ ﺑﺎﻛﻮﺍ ﺍﻟﺤﻠﻮﻳﺎﺕ ..
ﻣﺤﻤﺪ ﺩﻑ ﺣﻤﺰﺓ ﻭﺟﺒﺪ ﻓﺮﺍﺩﻱ ﺍﻟﺒﺎﺏ ﺍﻟﺰﻭﺯ ﻭﺻﻜﺮﻩ ﺑﻘﻮﺓ ..
ﻫﻲ ﺍﻧﺨﻠﻌﺖ ﺷﺒﺤﺖ ﻟﻠﺒﺎﺏ ﻭﻗﺎﻟﺖ : ﻳﺎﻟﻄﻴﻒ ..
ﻃﻮﻝ ﻃﻠﻌﺖ ﻣﻦ ﻓﻢ ﺍﻟﺒﻮﺍﺑﻪ ﻫﺎﺭﺑﻪ ..
💕💕💕💕💕
ﻣﻜﺎﻟﻤﻪ ﻫﺎﺗﻔﻴﻪ ..
ﻻ ﺑﺎﻟﻠﻪ ﻛﺎﻥ ﺗﺒﻲ ﻧﺨﻄﺒﻬﺎﻟﻚ ﻋﺎﺩﻱ ﺭﺍﻫﻮ !
ﻣﺎﻟﻚ ﺑﻀﺤﻜﻪ : ﺗﻲ ﺑﺎﻫﻲ ﺧﻼﺹ ﺑﺸﻴﺸﺘﻲ ﺣﺒﺎﻝ ﺳﻮ ﻭﻃﺎﺣﻦ ﻓﻲ ﺑﻴﺮ ..
ﻫﻲ ﺿﺤﻜﺖ ..
ﻣﺎﻟﻚ : ﺣﺐ ﻗﻠﺒﻲ ..
ﻧﻮﺭ ﺳﺎﻛﺘﻪ ..
ﻣﺎﻟﻚ : ﺭﻭﺡ ﻣﺎﻟﻚ ..
ﺳﺎﻛﺘﻪ ...
ﻫﻮ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﻭﻗﺎﻝ؛ﺯﻗﺰﻭﻗﻪ ..
ﻓﻨﺼﺖ ﻭﻗﺎﻟﺖ : ﻣﺎﺻﺪﻗﺖ ﺍﻧﺖ ﻋﺎﺩ ..
ﻣﺎﻟﻚ : ﻫﻬﻬﻬﻬﻬﻬﻬﻬﻬﻬﻪ 💕
💕💕💕💕💕💕💕💕💕
ﺣﺪﺍ ﺷﺠﺮﺓ ﺍﻟﺴﺮﻭﻝ ..
ﺍﻧﻲ ﻳﺎﻭﻟﺪﻱ ﻋﻄﻴﺘﻚ .. ﻟﻜﻦ ﻭﻻ ﺣﺎﺟﻪ ﺭﺳﻤﻴﻪ ﻧﺒﻴﻬﺎ ﺗﺼﻴﺮ ﻟﻌﻨﺪ ﺗﻜﻤﻞ ﻗﺮﺍﻳﺘﻬﺎ ﻫﺪﻯ ﺷﺮﻃﻲ ﻭﻣﺎﻧﻲ ﻣﺘﻨﺎﺯﻝ ﻋﻨﻪ ..
ﻋﻤﺎﺩ ﺍﺑﺘﺴﻢ ﻭﻗﺎﻝ؛ﺷﺮﻃﻚ ﻉ ﺭﺍﺳﻲ ﻳﺎﺧﺎﻟﻲ ﺍﻟﻠﻲ ﺗﺒﻴﻪ ﺍﻧﻲ ﻓﻴﻪ ..
ﻣﻴﻼﺩ ﺍﺑﺘﺴﻢ ﻭﻗﺎﻝ : ﻛﻮﻳﺲ .. ﺭﺑﻲ ﻳﺤﻔﻈﻚ ﺇﻥ ﺷﺎﺀ ﺍﻟﻠﻪ ..
ﻋﻤﺎﺩ : ﻭﻳﻄﻮﻝ ﻓﻌﻤﺮﻙ ﻳﺎﺧﺎﻝ ..
ﻣﻴﻼﺩ ﻃﺒﻄﺐ ﻉ ﻛﺘﻔﻪ ﻭﻣﺸﻲ ﻃﻮﻝ ﻟﻠﻤﺮﺑﻮﻋﻪ ..
ﻋﻤﺎﺩ ﺧﺪﻱ ﺷﻬﻴﻖ ﻭﺯﻓﻴﺮ ..
ﻭﻣﺸﻲ ﻃﻮﻝ ﻟﻤﻤﺮ ﻓﻢ ﺍﻟﺒﻮﺍﺑﻪ ..
ﻭﻛﺎﻳﻦ ﻓﻘﻤﻪ ﺍﻟﺴﻌﺎﺩﺓ ..
ﻭﺻﻞ ﻟﺒﺪﺍﻳﺘﻪ ﻣﻦ ﺟﻬﻪ ..
ﺭﺯﺍﻥ ﺑﺎﻧﺖ ﻋﻠﻴﻪ ﻣﻦ ﺍﻟﺠﻬﺔ ﺍﻟﺘﺎﻧﻴﻪ .
ﺗﻤﺸﻲ ﻭﻗﺎﻳﻤﻪ ﻋﺒﺎﻳﺘﻬﺎ ﺷﻮﻳﻪ ..
ﻋﻤﺎﺩ : ﻣﻠﻌﻘﻪ ..
ﻭﻗﻔﺖ ﻭﺷﺒﺤﺘﻠﻪ ..
ﻋﻤﺎﺩ : ﺭﺍﺟﻲ ﺷﻮﻳﻪ ..
ﺭﺯﺍﻥ : ﻣﺶ ﻭﻗﺖ ﺑﺮﺍﺩﺗﻚ ﺭﺍﻫﻮ ..
ﻋﻤﺎﺩ ﻭﻫﻮ ﺟﺎﻳﻬﺎ ﻗﺎﻝ ﺑﻀﺤﻜﻪ : ﺑﺎﻫﻲ ﻋﻼﺵ ﻭﻗﻔﺘﻲ ..
ﺭﺯﺍﻥ : ﺍﻟﺤﻖ ﻣﺶ ﻓﻴﻚ ..
ﻛﻴﻒ ﺟﺖ ﺑﺘﺨﺶ ﺷﺪ ﻳﺪﻫﺎ ..
ﻫﻲ ﺍﻧﺼﺪﻣﺖ ﻭﻗﻌﺪﺕ ﺗﺸﺒﺤﻠﻪ ...
ﻟﻘﺎﺗﻪ ﺣﺎﻁ ﻳﺪﻩ ﻓﻲ ﺟﻴﺐ ﺟﺎﻛﻴﺘﻪ ﺍﻟﺪﺧﻼﻧﻲ ..
ﻃﻠﻊ ﻣﻨﻪ ﺧﺎﺗﻢ ﻣﻦ ﺧﻮﺍﺗﻤﻪ ..
ﻭﻟﻤﺎ ﺟﻲ ﺑﻴﻠﺒﺴﻬﻮﻟﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻪ ..
ﺭﺯﺍﻥ : ﻋﻠﻴﻚ ﻏﺒﺎﺀ .. ﺷﻦ ﺟﺎﺏ ﻳﺪﻱ ﻟﻴﺪﻙ .. ﺻﺒﺢ ﻭﺍﺣﺪ ﻣﻦ ﺻﺒﺎﻋﻚ ﺑﺮﺩﻉ ﻳﺪﻱ ﻛﻠﻬﺎ ..
ﺿﺤﻚ ﺑﻌﺪﻳﻦ ﻗﺎﻝ : ﺍﻟﻤﻬﻢ ﻳﺎﺣﻠﻮ ﻳﻘﻌﺪ ﻋﻨﺪﻙ ... ﻭﺗﻮﻧﺠﻴﺒﻠﻚ ﻭﺍﺣﺪ ﻉ ﻗﻴﺎﺳﻚ ﺗﻠﺒﺴﻴﻪ .. ﻭﺗﻮﺭﻳﻪ ﻟﻠﻨﺎﺱ ﺗﻤﺎﻡ .. ﻗﻮﻟﻴﻠﻬﻢ .. ﻗﺮﺏ ﻣﻨﻬﺎ ... ﺍﻧﻲ ﻣﺘﺎﻉ ... ﻋﻤﺎﺩ .. ﺑﺲ .. ﺑﺲ .. ﺑﺲ ..
ﻫﻲ ﺗﻨﻬﺪﺕ ﺗﻠﻘﺎﺋﻴﺎ ﻣﻦ ﻗﺮﺑﻪ ﻭﻧﻈﺮﺍﺗﻪ ..
ﺑﻌﺪﻳﻦ ﺟﺒﺪﺕ ﻳﺪﻫﺎ ﻭﺧﺪﺕ ﺍﻟﺨﺎﺗﻢ ﻭﺭﻓﻌﺖ ﻋﺒﺎﻳﺘﻬﺎ ﻭﺧﺸﺖ ﺑﺴﺮﻋﻪ ..
ﻫﻮ ﻣﺴﺢ ﺑﻴﺪﻩ ﻉ ﻭﺟﻬﻪ ﻭﻗﺎﻝ : ﺭﺑﻲ ﻳﺴﺎﻣﺤﻚ ﻳﺎﺧﺎﻟﻲ 💓..
💕💕💕💕💕💕💕💕
ﺍﻟﻌﺮﺳﺎﻥ 💓💓
ﺑﻌﺪ ﺑﺪﻟﻮﺍ ...
ﻭﺻﻠﻮﺍ ...
ﻗﻌﻤﺰﻭﺍ ﻳﺎﻛﻠﻮﺍ ﻭﻳﻬﺪﺭﺯﻭﺍ ..
ﻫﺎﻧﻴﺒﺎﻝ ﻣﺎﻛﻨﺶ ﻳﺒﻲ ﻳﻀﻐﻂ ﻋﻠﻴﻬﺎ ﻳﺒﻲ ﻛﻞ ﺷﻲ ﻳﺠﻲ ﻉ ﺭﺍﺣﺘﻬﺎ ..
ﻭﻟﻮ ﺍﻥ ﻃﺒﻴﻌﺘﻪ ﻛﺮﺍﺟﻞ ﻛﺎﻧﺖ ﺗﺼﺎﺭﻉ ﻓﻌﻘﻠﻪ .. ﻟﻜﻦ ﻫﻮ ﺣﻜﻤﻪ ﺑﻘﻮﺓ ..
ﺍﻣﺎﻫﻲ ﻓﻜﺎﻧﺖ ﻣﺘﺤﺸﻤﻪ ﻣﻦ ﺍﻟﺮﻭﺏ ﺍﻟﻠﻲ ﻻﺑﺴﺎﺗﻪ ﺣﺘﻰ ﻃﺮﻓﻪ ﺍﻟﻔﻮﻗﻲ ﺷﺒﻪ ﻣﺎﺩﺭﻕ ﺷﻲ ﻷﻧﻪ ﺷﻔﺎﻑ ..
ﻟﻜﻦ ﺭﻛﺎﺯﺓ ﻧﻈﺮﺍﺕ ﻫﺎﻧﻴﺒﺎﻝ ﻣﺨﻠﻴﺘﻬﺎ ﻣﺮﺗﺎﺣﻪ ﺷﻮﻳﻪ ﻣﻦ ﻫﺎﻟﻨﺎﺣﻴﻪ ..
ﺑﻌﺪ ﺗﻌﺸﻮﺍ ..
ﻟﻤﺖ ﺍﻟﺤﺎﺟﺎﺕ ﻭﻫﻮ ﻋﺎﻭﻧﻬﺎ ﺑﺲ ﺍﻟﻮﺿﻊ ﺑﻴﺒﺪﺍ ﻳﻄﻠﻊ ﻋﻦ ﺳﻴﻄﺮﺗﻪ ..
ﻟﻬﺪﺍ ﻃﻠﻊ ﻣﻦ ﺍﻟﻜﻮﺟﻴﻨﻪ ﻭﺧﻼﻫﺎ ..
ﻫﻲ ﺗﻨﻬﺪﺕ ﻭﻛﻤﻠﺖ ﺗﻐﻠﻴﻒ ﺍﻟﺤﺎﺟﺎﺕ ﻭﺩﺳﺎﻧﻬﻢ ..
ﺑﻌﺪﻫﺎ ﻣﺸﺖ ﻟﻠﺤﻤﺎﻡ ﻣﺼﻤﺼﺖ ﻓﻤﻬﺎ ﻭﻏﺴﻠﺖ ﺍﻳﺪﻳﻬﺎ .. ﻧﺸﻔﺘﻬﻢ ﻭﻃﻠﻌﺖ ..
ﻣﺸﺖ ﻟﺪﺍﺭ ﺍﻟﻨﻮﻡ ...
ﺧﺪﺕ ﻧﻔﺲ ﺑﻌﺪﻳﻦ ﺧﺸﺖ ..
ﻟﻘﺎﺗﻪ ﻣﻘﻌﻤﺰ ﻉ ﺍﻟﺴﺮﻳﺮ ﺑﻄﻮﻟﻪ .. ﻭﺷﺎﺩ ﺳﺎﻋﺘﻪ ﺯﻱ ﺍﻟﻠﻲ ﻳﻌﺪﻝ ﻓﻴﻬﺎ ..
ﻫﻲ ﺗﺸﺠﻌﺖ ﻭﻗﺮﺑﺖ ﻣﻨﻪ ﻭﻗﻌﻤﺰﺕ ..
ﻗﻌﺪﺕ ﺗﺘﺄﻣﻞ ﻓﻴﻪ ...
ﻭﻣﺎﺯﺍﻝ ﻣﺶ ﻣﺼﺪﻗﻪ 💕...
ﻭﻷﻭﻝ ﻣﺮﺓ ﺷﻌﻮﺭﻫﺎ ﺍﺗﺠﺎﻫﻪ ﻳﻄﻮﺭ .. ﻭﻳﺒﺪﺍ ﻋﻨﺪﻫﺎ ﺭﻏﺒﻪ ﺷﺪﻳﺪﻩ ﺇﻧﻪ ﻳﻀﻤﻬﺎ ﻟﺤﻀﻨﻪ ..
ﺭﻓﻊ ﺭﺍﺳﻪ ﻭﺷﺎﻓﻠﻬﺎ ﻭﺍﺑﺘﺴﻢ؛ﻋﺪﻟﻨﺎﻫﺎ ..
ﻣﺮﺍﻡ : ﺧﻴﺮﻫﺎ؟
ﻫﺎﻧﻴﺒﺎﻝ : ﻣﺶ ﻋﺎﺭﻑ ﻟﻘﻴﺘﻬﺎ ﻣﻘﺪﻣﻪ ..
ﻣﺮﺍﻡ : ﺍﻣﻢ ﺗﺼﻴﺮ ..
ﺭﻓﻌﺖ ﺭﺟﻠﻴﻬﺎ ﺑﺶ ﺑﺘﺤﻄﻬﻢ ﻉ ﺍﻟﺴﺮﻳﺮ ...
ﺍﻟﻄﺮﻑ ﺍﺍﻓﻮﻗﺎﻧﻲ ﺍﻧﻔﺘﺢ ..
ﻏﺼﺐ ﻋﻨﻪ ﻋﻴﻮﻧﻪ ﻫﺮﺑﻮﺍ ﻟﺮﺟﻠﻴﻬﺎ ﺍﻟﻤﻜﺸﻮﻓﺎﺕ ﺍﻟﻠﻲ ﺑﺪﺕ ﺗﻐﻄﻲ ﻓﻴﻬﻢ ﺑﺈﺣﺮﺍﺝ ..
ﺷﺎﻑ ﻟﻮﺟﻬﻬﺎ ﻟﻘﺎﻫﺎ ﺍﺣﻤﺮ ﺩﻣﻲ ...
ﺍﺑﺘﺴﻢ ...
ﺷﺒﺢ ﻟﻠﻤﻜﻴﻒ ﺑﻌﺪﻳﻦ ﻗﺎﻝ : ﺗﺒﻲ ﻧﻘﻮﻳﻪ ﻭﻻﻧﻘﺼﻪ ..
ﻣﺮﺍﻡ ﺑﺨﺠﻞ : ﻗﻮﻳﻪ ..
ﺳﺨﻨﺖ ﻣﻦ ﻗﻮﺓ ﺍﻟﻠﻘﻄﻪ ﺍﻟﻠﻲ ﺻﺎﺭﺕ ..
ﻫﻮ ﻗﺎﻝ : ﺗﻤﺎﻡ .. ﻗﻌﺪ ﻳﺪﻭﺭ ﻉ ﺍﻟﺠﻬﺎﺯ ﻣﺎﻟﻘﺎﺷﻲ .. ﻭﻳﻦ ﻋﺪﻳﺖ ﺑﻴﻪ ..
ﻗﻌﺪﺕ ﺍﺩﻭﺭ ﻣﻌﺎﻩ ﺑﻌﻴﻮﻧﻬﺎ .
ﻫﻮ ﺷﺒﺢ ﺟﻴﻬﺘﻬﺎ ﻟﻘﺎﻩ ..
ﺍﺑﺘﺴﻢ ﺑﺮﻓﻌﺔ ﺣﺎﺟﺐ ..
ﻭﻗﺮﺏ ﻣﻨﻬﺎ ﺣﺎﻭﻃﻬﺎ ﺑﺈﻳﺪﻳﻪ ﻭﺧﺪﺍﻩ ..
ﻫﻲ ﻟﻤﺎ ﻗﺮﺑﻠﻬﺎ ﺗﻠﺨﺒﻄﺖ ﻫﻠﺒﻪ ..
ﺭﻳﺤﺘﻪ ﻭﻗﺮﺑﻪ ﺍﺭﺑﻜﻮﻫﺎ ..
ﻗﺎﻣﺖ ﻋﻴﻮﻧﻪ ﻭﺷﺎﻓﺘﻠﻪ ..
ﻧﻈﺮﺍﺗﻪ ﺯﺍﺩﺗﻬﺎ ﻉ ﻣﺎﺑﻴﻬﺎ ..
ﻗﺎﻟﺖ ﺑﺼﻮﺕ ﻫﺎﺩﻱ : ﻟﻘﻴﺘﻪ ...
ﻫﻮ ﻗﻌﺪ ﻣﺮﻛﺰ ﺑﻨﻈﺮﻩ ﻉ ﻣﻜﺎﻥ ﻭﺍﺣﺪ ﻓﻮﺟﻬﻬﺎ ﺍﻟﻤﺤﻤﺮ ﺧﺠﻼ ..
ﻫﺎﻧﻴﺒﺎﻝ : ﻗﻮﻟﻲ ﻟﻘﻴﺘﻬﺎ ...
ﺿﻤﻬﺎ ﻟﻴﻪ ﺑﺤﻨﺎﻥ ...
ﻭﻗﺮﺑﻠﻬﺎ ....
ﻭﺑﺎﺳﻬﺎ 💓...
ﻫﻲ ﻃﻮﻝ ﺍﻧﺴﺠﻤﺖ ﻣﻌﺎﻩ ﻭﺑﺎﺩﻻﺗﻪ ...
ﺭﺍﻫﻮ ﺣﺐ ﻋﻤﺮﻩ ﺳﻨﻴﻦ ﻻ ﻣﺶ ﺣﺐ .. ﻋﺸﻖ ... ﻭﺍﻟﻤﺸﺎﻋﺮ ﻟﻤﺎ ﺍﺛﻮﺭ ﻣﺎﻳﻘﺪﺭ ﺣﺪ ﻳﺮﺩﻫﺎ 💕
ﺍﻣﺎ ﻫﻮ ﻓﻜﺎﻥ ﺣﺎﺱ ﻣﻌﺎﻫﺎ ﺑﺸﻌﻮﺭ ﺣﻠﻮ ﺑﺎﻟﻤﺮﺓ ﻭﻗﻠﺒﻪ ﻛﺎﻥ ﻳﺪﻕ ﺑﻘﻮﺓ ﺷﺪﻳﺪﻩ ..
ﺑﻌﺪ ..
ﺯﺍﺩ ﺿﻤﻬﺎ ... ﻟﻴﻪ ... ﻭﻗﺎﻝ : ﺍﻧﺘﻲ .. ﺭﺍﺣﻪ ... ﺭﺍﺣﻪ ... ﺭﺍﺣﺘﻲ ﺭﺍﻙ ..💕
ﻭﻫﻲ ﺿﻤﺎﺗﻪ ﺑﻘﻮﺓ ﻭﺩﻣﻮﻋﻬﺎ ﺭﻏﻢ ﻋﻨﻬﺎ ﻧﺰﻟﻮﺍ 💓
💕💕💕💕💕💕
ﻭﻛﺎﻧﺖ ﺣﺮﻓﻴﺎ ...
ﺍﺟﻤﻞ ﻟﻴﻠﻪ ﺗﻤﺮ ﻋﻠﻴﻬﻢ ﻓﺤﻴﺎﺗﻬﻢ 💓💓💓💓...
... ﻳﺘﺒﻊ
