المتمردين

العشق المتمرد

#العشق_المتمرد
#جمان_فريد

الجزء73

💖 ﺍﺷﺎﺭﺕ ﺑﻄﺮﻑ ﺍﻟﻌﻴﻦ ﺧﻴﻔﺔ ﺃﻫﻠﻬﺎ
ﺇﺷﺎﺭﺓ ﻣﺤﺰﻭﻥ ﻭﻟﻢ ﺗﺘﻜﻠﻢ
ﻓﺄﻳﻘﻨﺖ ﺃﻥ ﺍﻟﻄﺮﻑ ﻗﺎﻝ ﻣﺮﺣﺒﺎ
ﻭﺃﻫﻼ ﻭﺳﻬﻼ ﺑﺎﻟﺤﺒﻴﺐ ﺍﻟﻤﺘﻴﻢ 💖
ﺗﻴﻔﺴﺎ : ﺍﻟﻠﻪ ﻋﻠﻴﻚ ﻗﺴﻮﻣﻪ ﻛﻼﻡ ﻳﻤﺲ ﺍﻟﻘﻠﺐ ﻣﻦ ﺩﺍﺧﻞ ..
ﻃﻪ ﺑﻀﺤﻜﻪ : ﺑﺘﻘﻨﻌﻨﻲ ﺍﻧﻚ ﻋﻤﺮﺕ ﻣﺎﺣﺒﻴﺖ ..
ﻗﺎﺳﻢ ﺑﻀﺤﻜﻪ : ﺍﻗﺴﻢ ﺑﺎﻟﻠﻪ ﻭﻻ ﻣﺮﺓ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﻋﻤﺮﻙ ﺭﺍﺡ ﺧﺴﺎﺭﺓ ..
ﺭﺍﻓﻊ ﺑﺘﻨﻬﻴﺪﻩ : ﺑﺎﻟﻌﻜﺲ ﻫﻮ ﺑﺎﻟﺬﺍﺕ ﻓﺎﺯ ﻣﺎﺧﺴﺮ ﺷﻲ ..
ﺷﺒﺤﻮﻟﻪ .. ﻭﺣﺴﻮﺍ ﺇﻥ ﻓﻲ ﺃﻟﻢ ﻛﺒﻴﺮ ﻣﺨﻔﻲ ﻭﺭﺍ ﻫﺎﻟﻜﻠﻤﺎﺕ ..
ﻃﻪ : ﺍﺣﻤﻢ .. ﺑﺎﻫﻲ ﻭﺍﻧﺖ ﻳﺎﺣﻴﺪﺭ ..
ﺣﻴﺪﺭ ﺑﻀﺤﻜﻪ : ﺍﻟﺤﻖ .. ﻫﻮ ﺍﻳﻪ ﺗﻌﺮﻓﺖ ﻭﻣﺮﻳﺖ ﺑﻌﻼﻗﺎﺕ ﻫﻜﻲ .. ﺗﻘﺪﺭ ﺗﻘﻮﻝ ﻋﺎﺑﺮﺓ ﻟﻜﻦ ﺣﺐ ﺣﺐ ﻻ ..
ﻃﻪ ﺗﻨﻬﺪ ﻭﻗﺎﻝ : ﺍﻧﻲ ﻣﺮﺓ ﻭﺣﺪﻩ ﻓﻌﻤﺮﻱ .. ﻭﺭﺑﻚ ﻣﺎﻛﺘﺐ ﻧﺼﻴﺐ ﻋﺪﺕ ﻓﺤﺎﻟﻬﺎ ﻣﻊ ﻧﺼﻴﺒﻬﺎ ..
ﺗﻴﻔﺴﺎ : ﻳﻌﻮﺿﻚ ﺭﺑﻲ ﺧﻴﺮ ..
ﻃﻪ ﺑﻀﺤﻜﻪ : ﻛﺎﻥ ﻋﻄﺎﻧﺎ ﻋﻤﺮ ...
ﻉ ﺟﻴﺔ ﻋﻤﺎﺩ : ﺗﻴﻔﺴﺎ .. ﺑﺮﺍ ..
ﺭﺍﻓﻊ ﺑﻀﺤﻜﻪ؛ﻗﺼﺪﻙ ﻗﺎﻝ ﺑﺎﻫﻲ ..
ﻋﻤﺎﺩ ﻭﻫﻮ ﺭﺍﻓﻊ ﺣﺎﺟﺒﻪ : ﻳﺎﻋﻴﻨﻲ ﻭﺍﻟﻠﻪ ..
ﺿﺤﻜﻮﺍ ..
ﺭﺍﻓﻊ : ﺻﺤﺔ ﻹﻳﺪﻙ ..
ﺗﻴﻔﺴﺎ : ﻣﺶ ﻧﺎﺳﻴﻬﺎﻟﻚ ﻳﺎﻋﻤﺪﻩ .. ﺧﺒﻄﻪ ﺧﺒﻄﺔ ﺧﻔﻴﻔﻪ ﻉ ﻛﺘﻔﻪ ﻭﻣﺸﻲ ﻃﻮﻝ ﻟﻠﺴﺎﻳﺢ ..
ﻗﻌﺪﻭﺍ ﻣﻌﺎﻩ ﺑﻌﻴﻮﻧﻬﻢ ..
ﺣﻴﺪﺭ : ﺭﺍﺟﻞ ﻣﻦ ﺍﻷﺧﻴﺮ ﺭﺑﻴﻊ ..
ﻗﺎﺳﻢ : ﻭﻧﻌﻢ ﺍﻟﺮﺟﺎﻝ ﺭﺟﺎﻝ ﺍﻟﺠﺒﻞ ..
ﻋﻤﺎﺩ ﺍﺑﺘﺴﻢ ﺑﺄﻟﻢ ﻭﻗﺎﻝ : ﺻﺪﻗﺖ ..
ﻃﻪ ﺷﺒﺤﻠﻪ : ﻗﻮﻝ ﻋﻤﺎﺩ .
ﻋﻤﺎﺩ : ﺍﻱ ﻧﻌﻢ ..
ﺍﺑﺘﺴﻤﻮﺍ ﺍﻟﻮﻻﺩ ..
ﻃﻪ : ﺑﻨﺴﺄﻟﻚ ﺳﺆﺍﻝ ﺳﺄﻟﺘﻪ ﻟﻠﺸﺒﺎﺏ ﻗﺒﻠﻚ .. ﺣﺒﻴﺖ ﻗﺒﻞ؟
ﻗﺎﺳﻢ ﺑﻀﺤﻜﻪ : ﺩﻭﻧﺠﻮﺍﻥ ﻉ ﻗﻮﻟﺖ ﺭﺑﻴﻊ ..
ﺣﻴﺪﺭ : ﺍﻭﻭﻭ .. ﺗﺼﺪﻕ .. ﺑﺎﻳﻦ ﻋﻠﻴﻚ ..
ﺭﺍﻓﻊ : ﻭﺍﻟﻠﻪ ﻣﺎﺑﺎﻳﻦ ﻋﻠﻴﻪ ﺣﺎﺟﻪ ﻏﻴﺮ ﻭﺟﻬﻪ ﺍﻟﻠﻲ ﺗﺤﻤﺮﻁ ﻓﺠﺄﺓ ..
ﺍﺑﺘﺴﻢ ﻋﻤﺎﺩ ﺑﺈﺣﺮﺍﺝ؛ﺗﻲ ﻭﺍﻟﻨﺒﻲ ﺣﻨﻲ ﻓﺸﻨﻲ ﻭﻻ ﻓﺸﻨﻲ ﺗﻲ ﻏﻴﺮ ﻧﻨﺠﻮﺍ ﻗﺒﻞ ﻭﺑﻌﺪﻳﻦ ﻳﺼﻴﺮ ﺧﻴﺮ ...
ﺿﺤﻜﻮﺍ ..
ﺣﻴﺪﺭ ﺑﻀﺤﻜﻪ : ﻋﻨﺪﻙ ﺣﻖ ..
....
ﺗﻴﻔﺴﺎ : ﺧﺴﻐﺎﺍﺍﺍﺍﺍﻡ ..
ﻣﺠﺮﺩ ﻗﺎﻝ ﺍﻟﻜﻠﻤﻪ ...
ﺍﻃﻴﺢ ﻗﺮﻳﺐ ﻋﻠﻴﻬﻢ ﻗﺬﻳﻔﻪ ...
ﺍﺩﻳﺮ ﺍﻧﻔﺠﺎﺭ ﻳﻬﺰ ﺍﻷﺭﺽ ﻫﺰ ..
ﺳﺎﻳﺢ : ﺍﻧﺴﺤﺒﻮﻭﻭﻭﺍ ..
ﻃﻮﻝ ﺗﻴﻔﺴﺎ ﻃﻠﻊ ﻳﺠﺮﻱ ﻭﻭﺭﺍﻩ ﻧﺰﺍﺭ ..
ﻭﺍﻟﺒﺎﻗﻲ ﻗﺪﺍﻣﻬﻢ ...
ﺍﻟﺴﺎﻳﺢ ﻭﻫﻮ ﻳﺠﺮﻱ ﻗﻌﺪ ﻳﺘﻜﻠﻢ ﺑﺎﻟﻼﺳﻠﻜﻲ : ﻳﺎﺣﺎﺝ ...
: ﺷﻦ ﻓﻲ ﻳﺎﻧﺰﺍﺭ .
ﻧﺰﺍﺭ : ﻫﺠﻤﻮﺍ ..
ﻓﻴﺼﻞ : ﺍﻧﺴﺤﺒﻮﺍ ﻝ ...***** ﺳﻤﻌﺘﻨﻲ ..
ﻧﺰﺍﺭ : ﺗﻢ ..
ﺍﻭﻝ ﻣﺎﻭﺻﻠﻮﺍ ﻟﻠﺴﻴﺎﺭﺍﺕ ..
ﺭﻛﺒﻮﺍ ﻭﻃﻠﻌﻮﺍ ﻟﻴﻬﻢ ﺑﺄﻗﺼﻰ ﺳﺮﻋﻪ ..
ﺗﺒﺎﻋﺪﻭﺍ ﺷﻮﻳﻪ ﻋﻦ ﻣﻜﺎﻥ ﺳﻘﻮﻁ ﺍﻟﻘﺬﺍﺋﻒ ..
ﻧﺰﺍﺭ ﻳﺘﻜﻠﻢ ﺑﺎﻟﻼﺳﻠﻜﻲ : ﻛﻴﻒ ﺻﺎﺭ ﻳﺎﺿﺮﺍﺭ ..
ﺿﺮﺍﺭ : ﺍﻟﺘﻔﺎﻑ ﻳﺎﺳﺎﻳﺢ ..
ﻧﺰﺍﺭ : ﺗﻮﻗﻌﺘﻪ .. ﻭﻧﺰﻝ ﺍﻟﺠﻬﺎﺯ ..
ﺭﺍﻓﻊ ﺍﻟﻠﻲ ﻳﺴﻮﻕ : ﺍﻟﺴﻼﺡ ﻳﺠﻲ ﺍﻟﻴﻮﻡ ..
ﻧﺰﺍﺭ : ﺍﻳﻪ .. ﺑﺴﺮﻋﻪ ﻳﺎﻧﻤﺲ ..
ﻗﻮﻯ ﺍﻟﺴﺮﻋﻪ ﺭﺍﻓﻊ ..
ﻭﻛﺎﻧﺖ ﻗﺪﺍﻣﻬﻢ ﺳﻴﺎﺭﺓ ﺗﺎﻧﻴﻪ ﻣﻌﺒﻴﻪ ﺣﺘﻰ ﻫﻲ ..
🍁🍁🍁🍁🍁🍁
ﻃﻠﻊ ﻣﻦ ﺍﻟﺪﻭﺵ ﻭﻫﻮ ﻳﻨﺸﻒ ﻓﻲ ﺷﻌﺮﻩ ..
ﻣﺎﻟﻚ : ﻏﺪﻭﺓ ﺍﻣﺘﺤﺎﻧﻚ ..
ﻣﺮﻭﺍﻥ : ﺍﻳﻪ ..
ﻣﺎﻟﻚ : ﺗﻤﺎﻡ ..
" ﻧﺤﻨﺎ ﻋﻴﻠﻪ ﻭﻫﺪﺍ ﺑﻮﻧﺎ .. ﻭﻫﺪﺍ ﺑﻮﻧﺎ ..
ﻧﺤﻨﺎ ﻋﻴﻠﻪ ﻭﻫﺪﺍ ﺑﻮﻧﺎ .. ﻭﻫﺪﺍ ﺑﻮﻧﺎ "
ﻣﺎﻟﻚ : ﻣﺼﻄﺎﺭﺩﻳﻪ ..
ﻣﺮﻭﺍﻥ : ﺗﻌﺮﻑ ﺍﻧﻪ ﻭﻟﺪﻋﻤﻬﺎ؟
ﻣﺎﻟﻚ ﺍﺗﻔﺎﺟﺄ : ﺷﻨﻲ؟؟
ﻣﺮﻭﺍﻥ : ﻭﺍﻟﻠﻪ ﺯﻱ ﻣﺎﻧﺤﻜﻴﻠﻚ ..
ﻣﺎﻟﻚ : ﺑﻨﺖ ﻋﻤﻪ ﻭﻳﺪﻳﺮ ﻓﻴﻬﺎ ﻫﻜﻲ ..!! ﺣﻠﻮﻑ ﻫﺪﺍ ﺩﻳﻮﺙ ..
ﻣﺮﻭﺍﻥ : ﺷﻦ ﺗﺘﻮﻗﻊ ﻣﻦ ﺍﻟﺸﻜﺎﻻﺕ ﻫﺎﺩﻱ ..
ﺑﺮﺍ
" ﻳﺴﻠﻢ ﻗﺎﻳﺪﻧﺎ ﻭﻭﻟﺪﻧﺎ ... ﻗﺎﻳﺪﻧﺎ ﻭﻭﻟﺪﻧﺎ ..
ﻫﻠﻲ ﺑﻔﻜﺮﻩ ﺭﺷﺪﻧﺎ .. ﺑﻔﻜﺮﻩ ﺭﺷﺪﻧﺎ "
ﻫﺎﻳﻞ : ﻭﻭﻭﻭﻭﻭﻭﻩ ... ﻫﺎﻩ .. ﻫﺎﻩ ... ﻫﺎﻩ ...
ﻭﻫﺪﺍ ﺑﻮﻭﻭﻭﻭﻭﻧﺎﺍﺍﺍ ..
ﻭﻛﻤﻠﻬﺎ ﺭﻗﻴﺺ ﻫﻮ ﻭﺟﻤﺎﻋﺘﻪ ﻭﻏﻨﻲ ..
ﻭﻋﺮﻭﺑﻪ ﻭﺍﻣﻬﺎ ﻳﺪﻋﻮﺍ ﻋﻠﻴﻪ ..
ﻓﻲ ﺍﻟﻮﻗﺖ ﻧﻔﺴﻪ ..
ﺟﻲ ﻋﻼﺀ ﻋﻠﻰ ﺭﺟﻠﻴﻪ ﻟﺤﻮﺵ ﺳﻌﺪ ﺷﺎﻑ ﺍﻟﻌﺎﺭ ﺍﻟﻠﻲ ﻗﺪﺍﻡ ﺣﻮﺵ ﺟﻴﺮﺍﻧﻬﻢ ..
ﻃﺎﺭﺗﻠﻪ ﻟﻴﻦ ﺧﻼﺹ .. ﻭﻛﺎﻥ ﻳﻠﻘﻰ ﻳﻔﺠﺮ ﻓﻴﻬﻢ ..
ﺷﺒﺢ ﻟﺒﺎﺏ ﺣﻮﺵ ﺳﻌﺪ ..
ﻟﻘﻲ ﻓﻴﻪ ﺟﺮﺱ ﺭﻧﻪ ....
ﺩﺍﺧﻞ ..
ﻣﺎﻟﻚ ﻛﺎﻥ ﻃﺎﻟﻊ ﻟﻬﺎﻳﻞ ﻭﺟﻤﺎﻋﺘﻪ ﻭﻣﺮﻭﺍﻥ ﻓﺠﺮﺗﻪ ﻳﺒﻲ ﻳﻮﻗﻔﻪ ..
ﻣﺮﻭﺍﻥ : ﺑﺎﻟﻠﻪ ﻋﻠﻴﻚ ﻳﺎﺭﺍﺟﻞ ﻭﻟﻲ ﺍﻣﻚ ﻣﺶ ﻧﺎﻗﺼﻪ ..
ﻣﻌﺪﻟﺶ ﻭﻛﻤﻞ ﻃﺮﻳﻘﻪ ..
ﻟﻌﻨﺪ ﻭﺻﻞ ﻓﻲ ﺍﻟﺒﺎﺏ ..
ﺷﺪﻩ ﻣﺮﻭﺍﻥ ﻭﻗﺎﻝ ﺑﺤﺰﻡ : ﺍﺿﺮﺑﻨﻲ ﻗﺒﻞ ﺑﻌﺪﻳﻦ ﺍﻃﻠﻊ ..
ﻣﺎﻟﻚ ﺑﻨﻔﺎﺩ ﺻﺒﺮ : ﺗﻲ ﺗﻔﻮﺕ ﻋﻤﻲ ﻳﺎﺭﺍﺟﻞ ..
ﻧﻔﺾ ﻳﺪ ﻣﺮﻭﺍﻥ .. ﻭﻓﺘﺢ ﺍﻟﺒﺎﺏ ..
ﺭﻥ ﺍﻟﺠﺮﺱ ...
ﺍﺳﺘﻐﺮﺑﻮﺍ ﺍﻟﺰﻭﺯ ..
ﻃﻠﻊ ﻣﺎﻟﻚ ﻟﻠﺒﺎﺏ ﺍﻟﺨﺎﺭﺟﻲ ﻭﻣﺮﻭﺍﻥ ﻭﺭﺍﻩ ..
ﻓﺘﺢ ﺍﻟﺒﺎﺏ ﻃﻮﻝ ..
ﻟﻘﻮﺍ ﻭﺍﺣﺪ ﺿﻌﻴﻒ ﻭﻃﻮﻳﻞ ﺷﻮﻳﻪ ﻭﻣﻦ ﻏﻴﺮ ﻟﺤﻴﺔ ﻭﻭﺍﺿﺢ ﻣﺤﻠﻖ ﺷﻌﺮﻩ ﺟﺪﻳﺪ ..
ﺷﺒﺤﻮﻟﻪ ﺍﻟﺰﻭﺯ ﺑﺈﺳﺘﻐﺮﺍﺏ ..
ﻋﻼﺀ ﺑﺈﺑﺘﺴﺎﻣﻪ : ﻣﻨﺰﻝ ﺳﻌﺪ ﺍﻟﺤﺪﺍﺩ ..
ﻣﺎﻟﻚ : ﺍﻳﻪ ﺗﻔﻀﻞ ﺍﻱ ﺧﺪﻣﻪ .
ﻋﻼﺀ : ﺍﻧﺖ ﻣﺎﻟﻚ .. ﻭﺍﻟﻠﻲ ﺟﻨﺒﻚ ﻣﺮﻭﺍﻥ ﺻﺢ ..
ﻣﺎﻟﻚ ﻭﻣﺮﻭﺍﻥ ﺯﺍﺩﻭ ﺍﺳﺘﻐﺮﺑﻮﺍ ﺍﻛﺜﺮ ..
ﻋﻼﺀ ﺑﻀﺤﻜﻪ : ﻋﻤﺎﺩ ﺣﻜﻲ ﻋﻠﻴﻜﻢ ﻫﻠﺒﻪ ..
ﻣﺎﻟﻚ ﻣﻦ ﻓﺮﺣﺘﻪ ﻣﺎﻗﺪﺭﺵ ﻳﺘﺤﻜﻢ ﻓﻲ ﻧﻔﺴﻪ ﺣﻀﻦ ﻋﻼﺀ ﺑﻘﻮﺓ ﻭﻛﺄﻧﻪ ﻋﻤﺎﺩ ﻗﺪﺍﻣﻪ ..
ﻭﻣﺮﻭﺍﻥ ﻛﺎﻥ ﻣﺶ ﺍﻗﻞ ﻣﻨﻪ ﻓﻲ ﺍﻟﻔﺮﺣﻪ ﻟﻴﻦ ﻋﻴﻮﻧﻪ ﺩﻣﻌﻮﺍ ...
🌴🌴🌴🌴🌴🌴🌴🌴🌴🌴🌴
ﻣﻘﻌﻤﺰﺓ ﻗﺪﺍﻡ ﺍﻟﺤﻮﺵ ..
ﻻﺑﺴﺔ ﻋﺒﺎﻳﻪ ﻭﻭﺷﺎﺡ ..
ﻭﻧﺴﻤﻪ ﺑﺎﺭﺩﻩ ﺗﻬﻔﻬﻒ ﺣﻮﺍﻟﻴﻬﺎ ..
ﻓﻴﺪﻫﺎ ﺗﻠﻴﻔﻮﻧﻬﺎ ..
ﺗﺸﻮﻑ ﻟﺼﻮﺭﻩ ﻓﻴﻪ ﻭﺗﺘﺄﻣﻞ ...
ﻭﺍﻟﺪﻣﻮﻉ ﺗﻨﺰﻝ ...
ﺭﺟﻌﺖ ﺑﻴﻬﺎ ﺫﺍﻛﺮﺗﻬﺎ ﻟﻠﻴﻮﻡ ﺍﻟﻠﻲ ﺧﺪﺕ ﻓﻴﻪ ﺍﻟﺼﻮﺭﺓ ..
⚡ ﻓﻼﺵ ﺑﺎﻙ ..
ﻃﻠﻌﺖ ﻣﻦ ﺩﺍﺭ ﺍﻟﻨﻮﻡ ..
ﻛﺎﻧﺖ ﻻﺑﺴﻪ ﻗﻔﻄﺎﻥ ﻣﻨﺎﺳﺒﻪ ﻟﻮﻧﻪ ﺃﺧﻀﺮ ...
ﻭﻛﺎﻧﺖ ﻃﺎﻟﻌﻪ ﻏﺎﻳﻪ ﻓﻲ ﺍﻟﺠﻤﺎﻝ ..
ﻭﻫﻲ ﻣﺎﺷﻴﻪ ﺍﻟﺼﺎﻟﻪ ..
ﻭﻗﻔﺖ ﻣﺘﻔﺎﺟﺌﻪ ..
ﺩﻻﻝ : ﻳﺎﺍﺭﻭﻭﻭﻭﻭﺣﻲ .... ﺍﻟﻠﻪ ﻭﺣﺪ ..
ﻟﻘﺖ ﻭﻻﺩﻫﺎ ﺍﻟﻠﻲ ﻣﻠﺒﺴﺘﻬﻢ ﻋﺮﺑﻲ ﻣﻠﻔﻮﻑ ﻋﻠﻰ ﺭﻭﺳﻬﻢ ﺯﻣﺎﻻﺕ
ﻃﺎﻟﻌﻴﻦ ﻳﺠﻨﻨﻮﺍ ...
ﻭﺑﻮﻫﻢ ﺟﻨﺒﻬﻢ ﻣﻘﻌﻤﺰ ﻭﻻﺑﺲ ﺯﻳﻬﻢ ﻃﺒﻌﺎ 💓
ﻋﻤﺎﺭ ﺑﻀﺤﻜﻪ : ﺷﻦ ﺭﺍﻳﻚ ...
ﺩﻻﻝ ﺑﻀﺤﻜﻪ : ﺗﻬﺒﻠﻮﺍ ﺗﻬﺒﻠﻮﺍ .. ﺍﺻﺒﺮﻭﺍ ﺷﻮﻳﻪ ..
ﻗﺎﻣﺖ ﻗﻔﻄﺎﻧﻬﺎ ﻭﻣﺸﺖ ﺗﺠﺮﻱ ﻟﻠﺪﺍﺭ ..
ﻋﻤﺎﺭ ﺑﻀﺤﻜﻪ ﻭﻫﻮ ﻳﺸﻮﻑ ﻟﻮﻻﺩﻩ : ﺑﺘﺼﻮﺭﻧﺎ ﻛﺎﻟﻌﺎﺩﻩ ..
ﻃﻠﻌﺖ ﺗﻤﺸﻲ ﺑﺴﺮﻋﻪ ﺑﺎﻟﺘﻠﻴﻔﻮﻥ ..
ﺩﻻﻝ : ﻫﻴﺎ ﻫﻴﺎ .. ﺩﻳﺮﻭﻟﻲ ﻟﻘﻄﻪ ﺳﻤﺤﻪ ﻫﻲ ..
ﺿﺤﻚ ﻋﻤﺎﺭ ..
ﺧﺪﻱ ﻣﻌﻤﺮ ﻭﻗﺎﻣﻪ ..
ﻭﻣﺸﻲ ﺑﻴﻪ ﻟﻜﺮﺳﻲ ﻓﻲ ﺍﻟﺼﺎﻟﻪ ..
ﻗﻌﻤﺰ ﻭﻫﻮ ﻳﻘﻮﻝ : ﺗﻌﺎﻝ ﺟﻮﺍﺩ ﻫﻲ ..
ﻗﺪﻡ ﺟﻮﺍﺩ ﺑﺨﻄﻮﺍﺕ ﺭﺟﻠﻴﻪ ﺍﻟﺼﻐﻴﺮﻭﻧﺎﺕ ﻟﺒﻮﻩ ﻭﺻﻞ ﻓﻴﻪ .
ﺷﺪﻩ ﻋﻤﺎﺭ ﻣﻦ ﻳﺪﻩ ﻭﺟﺎﺑﻪ ﺣﺪﺍﻫﻢ ﻭﺍﻗﻒ ..
ﺷﺒﺢ ﻋﻤﺎﺭ ﻟﺪﻻﻝ : ﻫﺎﻩ ﻫﻜﻲ ﻛﻮﻳﺲ ..
ﺗﻨﻬﺪﺕ ﺩﻻﻝ ﻭﻗﺎﻟﺖ ﺑﻀﺤﻜﻪ : ﻧﻤﻮﺕ ﻓﻴﻜﻢ 💖
ﻫﻮ ﺿﺤﻚ ﻭﻗﺎﻝ : ﻫﻴﺎ ﺻﻮﺭﻱ ...
ﺿﺤﻜﺖ ﻭﺻﻮﺭﺗﻬﻢ ﺑﺎﻟﺘﻠﻴﻔﻮﻥ .. ﺑﻌﺪﻳﻦ ﻗﺎﻟﺖ ﺻﺒﺮ
ﺷﻮﻳﻪ ﺑﺲ .. ﻭﻣﺸﺖ ﻟﺪﺍﺭ ﺍﻟﻤﻜﺘﺐ ..
ﻋﻤﺎﺭ ﻭﻫﻮ ﻳﺘﺒﻊ ﻓﻴﻬﺎ ﺑﻌﻴﻮﻧﻪ ﻗﺎﻝ ﺑﻀﺤﻜﻪ : ﻣﻌﺎﺵ ﺗﺤﺰ ..
ﺷﺒﺢ ﻟﻤﻌﻤﺮ ﻟﻘﺎﻩ ﻳﺸﺒﺤﻠﻪ ﺑﻄﺮﻳﻘﻪ ﺍﺿﺤﻚ .. ﺿﺤﻚ ﻋﻤﺎﺭ ..
ﺟﻮﺍﺩ : ﻫﻴﺎ ﺑﺎﺑﺎ ..
ﻉ ﺟﻴﺔ ﺍﻣﻪ ﺑﺎﻟﻜﺎﻣﻴﺮﺍ ﻣﺘﺎﻉ ﺍﻟﺘﺼﻮﻳﺮ ﺍﻟﺜﺎﺑﺖ ..
ﺩﻻﻝ : ﺍﻫﻮ ﺟﻴﻴﺖ ..
ﻭﻗﻔﺖ ﻗﺪﺍﻣﻬﻢ ..
ﺷﺎﻓﺖ ﻣﻌﻤﺮ ﻳﻠﻌﺐ ﻉ ﺭﺑﻄﺔ ﺟﺮﺩ ﺑﻮﻩ ..
ﺩﻻﻝ : ﺭﺍﻫﻮ ﻳﻔﻜﻪ .
ﻋﻤﺎﺭ ﺷﺪ ﻳﺪﻩ ﻣﻌﻤﺮ : ﺗﻲ ﺳﻘﺪﻳﻨﺎ ﻳﺎﻭﺩﻱ .
ﺿﺤﻜﺖ ﺩﻻﻝ : ﺑﺎﻫﻲ ..
ﺣﻄﺖ ﺍﻟﻜﺎﻣﻴﺮﺍ ﻗﺪﺍﻡ ﻋﻴﻨﻬﺎ ﻭﻗﺎﻟﺖ : ﻧﺤﺒﺒﺒﻜﻢ ..
ﺷﺒﺤﻮﻟﻬﺎ ﺍﻟﻮﻻﺩ .. ﻭﻋﻤﺎﺭ ﺿﺤﻚ ..
ﻭﺧﺪﺗﻠﻬﻢ ﺍﻟﺼﻮﺭﺓ ..
🍁 ﻛﺎﻧﻮﺍ ﻳﺴﺘﻌﺪﻭﺍ ﻟﺤﻀﻮﺭ ﻋﺮﺱ ﺍﺣﺪ ﺍﻗﺎﺭﺏ ﺍﻟﻌﻴﻠﻪ .. ﻭﻫﺎﻟﺼﻮﺭﺓ ﻛﺎﻧﺖ ﺍﺧﺮ ﺻﻮﺭﺓ ﻟﻴﻪ ﻣﻊ ﺻﻐﺎﺭﻩ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﺣﻀﻨﺖ ﺍﻟﺘﻠﻴﻔﻮﻥ ﺑﺈﻳﺪﻳﻬﺎ ﺍﻟﺰﻭﺯ ﻭﻫﻲ ﺗﺒﻜﻲ ﺑﺼﻤﺖ ..
ﻭﺑﺤﺮﻗﻪ .. ﻣﺎ ﺗﻮﻗﻌﺘﺶ ﻳﺠﻴﻬﺎ ﻳﻮﻡ ﺗﺘﻔﺮﺝ ﻉ ﻫﺎﻟﺼﻮﺭ ﻭﺗﺘﺤﺴﺮ ﻋﻠﻲ ﺍﻳﺎﻣﻬﻢ ..
ﻛﺎﻧﺖ ﺭﺑﺎﺏ ﺗﺸﻮﻓﻠﻬﺎ ﻭﻫﻲ ﻭﺍﻗﻔﻪ ﺣﺪﺍ ﺍﻟﺒﺎﺏ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻗﺪﻣﺖ ﻟﻴﻦ ﻭﺻﻠﺖ ﻓﻴﻬﺎ ﻭﻗﻌﻤﺰﺕ ﺣﺪﺍﻫﺎ ..
ﺩﻻﻝ ﻃﻮﻝ ﺧﺸﺖ ﺣﻀﻦ ﺭﺑﺎﺏ ﻭﻫﻲ ﺗﺒﻜﻲ ﺑﺎﻟﻌﺒﺮﺓ ..
ﻭﺭﺑﺎﺏ ﺣﻀﻨﺘﻬﺎ ﻭﻫﻲ ﺗﻘﻮﻝ : ﺧﻼﺹ .. ﺧﻼﺹ .. ﻭﻗﻌﺪﺕ ﺗﻤﺴﺢ ﻉ ﻇﻬﺮﻫﺎ ..
🍁 ﺣﺎﻝ ﺭﺍﻧﻴﺎ ﻣﺎﻛﺎﻧﺶ ﺧﻴﺮ ﻣﻦ ﺣﺎﻝ ﺩﻻﻝ ..
ﺍﻟﻠﻲ ﻛﺎﻧﺖ ﻓﻲ ﻫﺎﻟﻮﻗﺖ ﻣﻘﻌﻤﺰﺓ ﻗﺪﺍﻡ ﺑﻮﺍﺑﺔ ﺍﻟﺤﻮﺵ ﺍﻟﻘﺪﻳﻢ ..
ﺿﺎﻣﻪ ﺭﻛﺎﺑﻬﺎ ﻟﻴﻬﺎ ﻭﺗﺒﻜﻲ ﻭﻫﻲ ﺗﺬﻛﺮ ﻓﻲ ﻛﻞ ﺫﻛﺮﻳﺎﺗﻬﻢ ﻓﻲ ﻫﺎﻟﻤﻜﺎﻥ ...
ﻭﻧﻮﺭ ﺣﺪﺍﻫﺎ ﻭﺗﺒﻜﻲ ﻣﻌﺎﻫﺎ ﺑﺼﻤﺖ ..
ﺷﻮﻳﻪ ﻭﺟﺎﻫﻢ ﻣﺤﻤﺪ ..
ﻛﺎﻥ ﻣﺘﺄﻟﻢ ﻉ ﺍﻵﺧﺮ ..
ﻭﻗﻒ ﻋﻠﻴﻬﻢ ..
ﻟﻤﺎ ﺭﺍﺗﻪ ﻧﻮﺭ ﻭﻗﻔﺖ .. ﻟﻜﻦ ﺭﺍﻧﻴﺎ ﻗﻌﺪﺕ ﻉ ﺣﺎﻟﻬﺎ ..
ﻫﻮ ﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ..
ﺷﺒﺢ ﻟﺨﺎﺗﻢ ﻣﻤﻴﺰ ﺯﻱ ﺍﻟﺪﺑﻠﻪ ﻓﻲ ﻳﺪ ﺭﺍﻧﻴﺎ ﻗﺎﻝ ﺑﺄﻟﻢ : ﺃﺧﺮ ﻣﺮﺓ ﻗﺒﻞ ﻳﻌﺪﻱ ﻛﻨﺖ ﻣﻌﺎﻩ ..
ﺳﻜﺘﺖ ﺭﺍﻧﻴﺎ ﻭﻗﻌﺪﺕ ﺗﺸﻮﻓﻠﻪ ﺑﺈﻧﺘﺒﺎﻩ ..
ﻣﺤﻤﺪ : ﻭﺻﺎﻧﻲ .. ﻧﻮﺻﻠﻚ ﻛﻼﻡ ..
ﺭﺍﻧﻴﺎ ﺑﻠﻬﻔﻪ : ﺷﻦ ﻗﺎﻝ ! ؟؟
ﻣﺤﻤﺪ ﻏﻴﺮ ﻋﻴﻮﻧﻪ ﻟﺠﻬﺔ ﺗﺎﻧﻴﻪ ﻭﻗﺎﻝ : ﺍﻟﺨﺎﺗﻢ ﺭﺩﻱ ﺑﺎﻟﻚ ﺗﺤﻮﻟﻴﻪ .. ﻭﺧﻠﻴﻨﻲ ﺩﻳﻤﺎ ﻓﺒﺎﻟﻚ ..
ﻧﻮﺭ ﺣﻄﺖ ﻳﺪﻫﺎ ﻉ ﻓﻤﻬﺎ ﻭﻟﻔﺖ ﻭﺗﺒﺎﻋﺪﺕ ﻋﻨﻬﻢ ﻭﻫﻲ ﺗﺒﻜﻲ ..
ﺭﺍﻧﻴﺎ ﺑﻠﻮﻡ : ﻋﻼﺵ ﺧﻠﻴﺘﻪ ﻳﻤﺸﻲ ﻋﻼﺵ ﻳﺎﺧﺎﻟﻲ ﻋﻼﺵ ..
ﻣﺤﻤﺪ ﻧﺎﺽ ﻃﻮﻝ ﻭﻓﺎﺕ ﺑﺴﺮﻋﻪ ﻣﻦ ﺣﺪﺍﻫﻢ ..
ﻭﺭﺍﻧﻴﺎ ﺗﻘﻮﻝ ﻋﻼﺵ ﻭﻫﻲ ﺗﺒﻜﻲ ﺑﺎﻟﻌﺒﺮﺓ ..
ﺟﺘﻬﺎ ﻧﻮﺭ : ﺧﻼﺹ ﺭﺍﻧﻴﺎ ... ﺣﺒﻴﺒﺘﻲ .. ﺣﻀﻨﺘﻬﺎ ﻭﺭﺍﻧﻴﺎ ﺷﺪﺕ ﻋﻠﻴﻬﺎ ﻭﻫﻲ ﺗﻘﻮﻝ ..
" ﻋﻼﺵ ﺧﻠﻮﻩ ﻳﻤﺸﻲ ﻟﻠﻤﻮﺕ ﻋﻼﺵ "
🍁🍁🍁🍁🍁
ﻭﺍﻟﻠﻪ ﺍﻣﻮﺭﻩ ﻛﻠﻬﺎ ﺗﻤﺎﻡ .. ﻣﺸﻐﻮﻝ ﻋﻠﻴﻜﻢ ﺑﺲ ..
ﻣﺎﻟﻚ : ﺍﻟﺤﻤﺪ ﻟﻠﻪ ..
ﻣﺮﻭﺍﻥ : ﻳﻌﻨﻲ ﻣﺎﺍﻧﺼﺎﺑﺶ ﺑﻜﻞ ﻣﺎﺻﺎﺭﻟﻪ ﺷﻲ ..
ﺷﺒﺢ ﻋﻼﺀ ﻟﻤﺎﻟﻚ ﺑﻌﺪﻳﻦ ﻣﺮﻭﺍﻥ : ﺍﻟﺤﻖ ﻣﻦ ﻣﺪﺓ ﻫﻜﻲ ﺍﻧﺼﺎﺏ ﻓﻲ ﻛﺘﻔﻪ ﺑﺲ ﺍﻟﺤﻤﺪ ﻟﻠﻪ ﺗﻮﺍ ﻭﺿﻌﻪ ﻛﻮﻳﺲ ﻫﻠﺒﻪ .. ﻳﺨﻲ ﺑﻌﺪ ﺍﺳﺒﻮﻉ ﻣﻦ ﺍﺻﺎﺑﺘﻪ ﻭﻻ ﻟﻠﺠﺒﻬﻪ ... ﻉ ﻗﺪ ﻣﺎﺩﺭﻧﺎ ﻓﻴﻪ ﺷﻲ .. ﺑﻴﺪ ﻭﺣﺪﻩ ﻳﺤﺎﺭﺏ ..
ﻣﺎﻟﻚ : ﻏﻴﺮ ﺩﻗﻴﻘﻪ .. ﻣﺎﺗﻘﻮﻟﺶ ﻳﺪﻩ ﺍﻟﺘﺎﻧﻴﻪ ﺻﺎﺭﺗﻠﻬﺎ ﺣﺎﺟﻪ ..
ﻋﻼﺀ ﺑﻀﺤﻜﻪ : ﺍﻹﺻﺎﺑﻪ ﻗﻠﻨﺎ ﻓﻲ ﻛﺘﻔﻪ .. ﻭﻭﺍﻟﻠﻪ ﺧﻠﻴﺘﻪ ﺍﻣﻮﺭﻩ ﺗﻤﺎﻡ ..
ﻣﺮﻭﺍﻥ ﺑﻀﺤﻜﻪ : ﻭﺍﻟﻠﻪ ﺍﻟﻌﻈﻴﻢ ﻋﻤﺎﺩ ﻣﺨﻠﻴﻨﻲ ﻧﻤﺸﻲ ﺑﻴﻦ ﺍﻟﻨﺎﺱ ﻭﺍﻧﻲ ﻧﺎﻓﺦ ﺭﻭﺣﻲ .. ﺑﺮﻏﻢ ﺍﻥ ﻣﺎﻓﻲ ﺣﺪ ﻳﻌﺮﻑ ﻟﻜﻦ ﺳﻴﻮﺭﻫﻢ ﻳﻌﺮﻓﻮﺍ ﺍﻥ ﻋﻨﺪﻱ ﺧﻮ ﺭﺍﺟﻞ ﺑﻤﻮﺍﻗﻔﻪ ..
ﻣﺎﻟﻚ ﺑﺈﺑﺘﺴﺎﻣﻪ : ﺻﺪﻗﺖ ﻋﻤﺎﺩ ﺭﺍﺟﻞ ﺑﻤﻮﺍﻗﻔﻪ .. ﻳﻀﺤﻚ ﻭﻳﺒﺼﺮ ﻭﻳﺒﺎﻥ ﻣﺨﺘﺶ ﻣﺮﺍﺕ .. ﻟﻜﻦ ﻓﻲ ﺍﻟﺮﺟﻮﻟﻴﻪ ﻣﺎﺣﺪ ﻳﻄﻠﻌﻠﻪ ﻣﻌﺎﻩ ..
ﻋﻼﺀ : ﻭﺍﻧﻲ ﻧﺸﻬﺪ .. ﺍﺻﻼ ﺍﻹﺻﺎﺑﻪ ﺟﺎﺗﻪ ﻭﻫﻮ ﻳﺤﺎﻭﻝ ﻳﻄﻠﻊ ﻭﺍﺣﺪ ﻣﻦ ﺍﻟﻤﺼﺎﺑﻴﻦ ﻓﻲ ﺧﻂ ﺍﻟﻨﺎﺭ ﻣﺎﻗﺪﺭﺵ ﻳﺨﻠﻴﻪ ..
ﺗﻠﻘﺎﺋﻴﺎ ﻣﺎﻟﻚ ﻭﻣﺮﻭﺍﻥ ﺍﺑﺘﺴﻤﻮﺍ ﺑﻔﺨﺮ ..
ﻣﺮﻭﺍﻥ ﻣﺎﻗﺪﺭﺵ ﻳﺘﺤﻜﻢ ﻓﺪﻣﻮﻋﻪ ﻧﺎﺽ ﻣﻦ ﺣﺪﺍﻫﻢ ..
ﻋﻼﺀ ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﻃﻠﻊ ﻣﻦ ﺣﺪﺍﻫﻢ ..
ﺑﻌﺪﻫﺎ ﻧﺎﺽ ..
ﻣﺎﻟﻚ ﻧﺎﺽ ﻣﻌﺎﻩ : ﻭﻳﻦ .. ﺧﻠﻴﻚ ﻳﺎﺭﺍﺟﻞ ﺍﻟﻮﺍﻟﺪ ﻗﺮﻳﺐ ﻳﺮﻭﺡ ﺗﻌﺮﻑ ﻋﻠﻴﻪ ﻭﻧﻜﺴﺒﻮﻙ ﻉ ﺍﻟﻌﺸﻲ ..
ﻋﻤﺎﺩ ﺍﺑﺘﺴﻢ ﺍﺧﻔﺎﺀ ﻟﻀﻴﻖ ﻓﻨﻔﺴﻪ؛ﺍﻟﻌﻴﻠﻪ ﻳﺴﺘﻨﻮﺍ ﻓﻴﺎ ..
ﻣﺎﻟﻚ : ﻻ ﻛﺎﻥ ﻫﻜﻲ ﻣﺎﻋﻨﺪﻱ ﻣﺎﻧﻘﻮﻝ ..
ﻓﺠﺄﺓ ..
ﺳﻤﻌﻮﺍ ﺻﻮﺕ ﺿﺮﺏ ﺭﺻﺎﺹ ﻓﻲ ﺍﻟﻬﻮﺍ ...
ﻋﻼﺀ ﺑﻐﻀﺐ : ﺧﻴﺮ ﺑﻼﻫﻢ ﺍﻟﻬﻤﺞ ﻫﺎﺩﻡ ..
ﻣﺎﻟﻚ ﺑﻐﻀﺐ ﻣﻤﺰﻭﺝ ﺑﺈﺯﺩﺭﺍﺀ : ﻛﻤﺸﺔ ﻣﺴﺨﻴﻦ ﻳﺎﺭﺍﺟﻞ ﻛﻞ ﻳﻮﻣﻴﻦ ﻳﺠﻮﺍ ﻫﻨﻲ ﻳﺪﻳﺮﻭﺍ ﻓﻲ ﺍﻟﻌﺎﺭ ﻟﻌﻘﺎﺑﺎﺕ ﺍﻟﻠﻴﻞ ..
ﻋﻼﺀ : ﻗﺮﻳﺐ ﺍﻥ ﺷﺎﺀ ﺍﻟﻠﻪ ﻳﻨﺴﺤﻘﻮﺍ ..
ﻣﺎﻟﻚ : ﺇﻥ ﺷﺎﺀ ﺍﻟﻠﻪ ..
🍁 ﺳﻘﺪ ﻣﺎﻟﻚ ﻋﻼﺀ ..
ﻭﺍﻟﺰﻭﺯ ﻛﺎﻧﻮﺍ ﻓﻲ ﺍﻟﺒﺎﺏ ﻳﺸﻮﻓﻮﺍ ﻟﻬﺎﻳﻞ ﻭﺟﻤﺎﻋﺘﻪ ..
ﻣﺎﻟﻚ ﺟﻲ ﺑﻴﻤﺸﻴﻠﻪ .. ﻟﻜﻦ ﻋﻼﺀ ﻭﻗﻔﻪ ﻭﻣﺎﻣﺸﺎﺵ ﻟﻴﻦ ﺷﺎﻓﻪ ﺧﺶ ﺩﺍﺧﻞ ﻭﺻﻜﺮ ﺍﻟﺒﺎﺏ ..
ﻗﻌﺪ ﻳﺸﺒﺤﻠﻪ ﻋﻼﺀ ﺑﺤﻘﺪ ﻭﻳﺸﻮﻑ ﻓﻴﻪ ﻭﻫﻮ ﻳﺮﻗﺺ ﻣﻊ ﺟﻤﺎﻋﺘﻪ ﻭﻭﺍﺿﺢ ﻣﺘﻌﺎﻃﻴﻴﻦ ﺷﻲ ..
ﻟﻒ ﻭﻣﺸﻲ ﻭﺩﻣﻪ ﻣﺤﺮﻭﻕ ﻉ ﺍﻵﺧﺮ ..
🌴🌴🌴🌴🌴🌴🌴
ﻧﻌﻴﻤﻪ ..
ﺷﺒﺤﺖ ﺟﻨﺒﻬﺎ ﻟﻘﺖ ﺣﻤﻴﺪﻩ ﺧﺎﺷﻪ ﻭﻫﻲ ﻗﺎﻳﻤﻪ ﺑﻨﺘﻬﺎ ﻭ ﺗﻘﻮﻝ : ﺻﺒﻲ ﻟﻮﻟﺪﻙ ﺿﺎﺭﺏ ﻓﺆﺍﺩ ﻭﻟﺪ ﺍﻟﻬﺎﺩﻱ ﺍﻟﻮﻟﺪ ﻓﻲ ﻋﻴﻄﻪ ﻭﺣﺪﻩ ..
ﻧﺎﺿﺖ ﻧﻌﻴﻤﻪ؛ﻭﺍﺍﺍﻙ ﺑﻴﻬﺒﻠﻨﻲ ..
ﻃﻠﻌﺘﻠﻪ ...
ﻟﻘﺖ ﺳﻤﻴﻪ ﻗﺎﻳﻤﻪ ﻭﻟﺪﻫﺎ ﻭﺣﺎﺿﻨﺎﺗﻪ ﻭﻫﻲ ﺗﻘﻮﻝ : ﺧﻼﺹ ﻣﺎﻣﺎ ﺧﻼﺹ ..
ﻧﻌﻴﻤﻪ : ﺳﺎﻣﺤﻴﻨﻲ ﻳﺎﺳﻤﻴﻪ ﺑﺎﻟﻠﻪ .. ﻭﻗﺪﻣﺖ ﻟﻮﻟﺪﻫﺎ ﻗﻌﺪﺕ ﺗﻀﺮﺏ ﻓﻴﻪ ﻉ ﻳﺪﻩ ﺑﻘﻮﺓ ﻭﻫﻲ ﺗﻘﻮﻝ .. ﻋﻴﺐ ﻫﻜﻲ ﻋﻴﺐ .
ﺳﻤﻴﻪ : ﺧﻼﺹ ﻳﺎﻧﻌﻴﻤﻪ ﻣﻌﻠﻴﺸﻲ ﺻﻐﺎﺭ ﺑﻴﺘﻌﺎﺭﻛﻮﺍ ﻭﻳﻀﺎﺭﺑﻮﺍ ..
ﻧﻌﻴﻤﻪ : ﻻ ﻳﺒﻴﻬﺎ ﺍﻟﻄﺮﻳﺤﻪ .. ﻗﺎﻣﺎﺗﻪ ﻭﻣﺸﺖ ﺑﻴﻪ .. ﻭﺍﻟﻠﻪ ﻣﺎﻋﻨﺪﻱ ﻟﻴﻚ ﺟﻬﺪ ﻳﺎﺩﻋﻮﺓ ...
ﻭﻣﺸﺖ ﻭﺭﺍﻫﺎ ﺳﻤﻴﻪ ..
ﺭﺯﺍﻥ ﻛﺎﻧﺖ ﺗﺸﻮﻑ ﻭﻫﻲ ﻭﺭﻓﻘﻪ ﻓﻲ ﺍﻟﻤﻮﻗﻒ ﻭﻫﻤﺎ ﻓﻢ ﺍﻟﺒﻮﺍﺑﻪ ..
ﺭﺯﺍﻥ : ﺭﻳﺘﻴﻬﺎ ﺍﻟﻤﻨﺎﻓﻘﻪ ﻛﻴﻒ ﻗﺎﻟﺖ ﻣﻌﻠﻴﺸﻲ ﺻﻐﺎﺭ ﻳﺘﻌﺎﺭﻛﻮﺍ ﻭﻳﻀﺎﺭﺑﻮﺍ ﻭﻫﻲ ﻗﺒﻠﻬﺎ ﺩﻋﺖ ﻋﻠﻰ ﻣﺠﺪ ﺑﻀﺮﺑﻪ ﻭﺭﺍﺱ ﺣﺮﺑﻪ ..
ﺭﻓﻘﻪ : ﺩﻋﻮﺗﻬﺎ ﺧﻠﺖ ﺷﻌﺮ ﺟﺴﻤﻲ ﻳﻮﻗﻒ ..
ﺭﺯﺍﻥ : ﻣﺮﺕ ﻋﻤﻲ ﺍﻟﻬﺎﺩﻱ ﻭﺣﺪﻩ ﻣﻨﺎﻓﻘﻪ ﻟﻠﻤﻠﻴﻮﻥ ..
ﺭﻓﻘﻪ : ﺍﻧﻲ ﻣﺎﻫﻀﻤﺘﻬﺎﺵ ﺍﻟﺤﻖ ..
ﺩﺍﺧﻞ ..
ﻓﻲ ﺍﻟﺪﺍﺭ ﻛﺎﻧﻮﺍ ﻣﻘﻌﻤﺰﻳﻦ ﻣﻊ ﺑﻌﺾ ..
ﺣﻤﻴﺪﻩ : ﻣﻌﺎﺵ ﺳﻤﻌﺘﻮﺍ ﺷﻲ ﻋﻦ ﺳﻴﺪﻙ ﻳﺎﺳﻤﻴﻪ ..
ﺳﻤﻴﻪ ﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﺑﺄﺳﻒ ..
ﺯﻳﻨﺐ : ﻫﻮ ﻣﺸﻲ ﻳﺤﺎﺭﺏ ﻓﻲ ﻣﺼﺮﺍﺗﻪ ﻭﻻ؟
ﺳﻤﻴﻪ : ﺍﻳﻪ .. ﻫﻮ ﻛﺎﻥ ﻋﺴﻜﺮﻱ ﻗﺪﻳﻢ .. ﻭﻟﻴﻪ ﻓﺘﺮﻩ ﻣﺘﻘﺎﻋﺪ ﺑﻌﺪ ﺻﺎﺭ ﺍﻟﻠﻲ ﺻﺎﺭ ﺗﻮﺍ ﻋﺪﺍ ﺍﻃﻮﻉ
ﻛﻔﺎﻳﻪ : ﻣﺎﻟﻪ ﻭﻣﺎﻝ ﻫﺎﻟﻤﻌﻤﻌﻪ ﻳﺨﺶ ﻓﻴﻬﺎ ﻋﻘﺎﺏ ﻋﻤﺮﻩ
ﺯﻳﻨﺐ : ﻣﺎﺷﻲ ﻳﺪﻳﺮ ﻓﻮﺍﺟﺒﻪ ﻳﺎﻛﻔﺎﻳﻪ ﺭﺍﻫﻮ ﻫﺪﺍ ﻭﺍﺟﺐ ﻭﻃﻨﻲ ﻉ ﺍﻟﻜﻞ ..
ﺣﻤﻴﺪﻩ : ﺣﺘﻰ ﺍﻟﻨﺴﻮﺍﻥ ﻳﺤﺎﺭﺑﻦ ﻳﺎﻛﻔﺎﻳﻪ ..
ﺳﻤﻴﻪ : ﺭﻳﺘﻮﻫﻦ ﻋﺰﺍﻳﺰ ﻭﺭﺍﻛﺒﺎﺕ ﻉ ﺍﻟﻤﻴﻢ ﻃﺎ ..
ﻛﻔﺎﻳﻪ : ﻣﺎﻗﺪﺭﻭﻫﺎ ﺍﻟﺘﺮﻳﺲ ..
ﺷﺒﺤﻮﻟﻬﺎ ﺯﻳﻨﺐ ﻭﺣﻤﻴﺪﻩ ﺑﺈﺳﺘﻐﺮﺍﺏ ..
ﺳﻤﻴﻪ : ﻫﻦ ﺑﻴﺪﺍﻓﻌﻦ ﻋﻦ ﺍﺭﻭﺍﺣﻬﻦ ﻻﻗﺪﺭ ﺍﻟﻠﻪ ﻟﻮ ﺧﺸﻮﺍ ﻋﻠﻴﻬﻦ ﻫﺎﻟﻤﺠﺎﺭﻡ ﻣﺎﻳﺪﻳﺮﻭﻟﻬﻦ ﺷﻲ ..
ﻏﺎﻟﻴﻪ : ﺍﻳﻪ ﻫﺎﻟﻜﻼﺏ ﻳﻐﺘﺼﺒﻮﻫﻦ ..
ﺣﻤﻴﺪﻩ : ﻗﺎﻝ ﺣﻤﺰﺓ ﻣﺎﻓﻴﺶ ﻣﺪﻳﻨﻪ ﺧﺸﻮﻫﺎ ﺍﻻ ﻭﺍﻏﺘﺼﺒﻮﺍ ﻧﺴﺎﻭﻳﻨﻬﺎ ..
ﺯﻳﻨﺐ : ﻭﻗﺎﻟﻮﺍ ﺣﺘﻰ ﺍﻟﺮﺟﺎﻟﻪ ..
ﻏﺎﻟﻴﻪ : ﻋﻄﻴﻬﻢ ﻣﺎﻳﻤﺴﺤﻬﻢ ..
ﻛﻔﺎﻳﻪ ﻗﺮﻳﺐ ﺗﻨﻔﺠﺮ ﺧﻼﺹ ..
ﻧﺎﺿﺖ ﻣﻦ ﺣﺪﺍﻫﻢ ..
ﺣﻤﻴﺪﻩ : ﺧﻴﺮﻙ ﻛﻔﺎﻳﻪ ..
ﻛﻔﺎﻳﻪ ﻭﻫﻲ ﻣﺎﺷﻴﻪ : ﺑﻨﺸﻮﻑ ﺑﻨﺘﻲ ..
ﻟﻄﻴﻔﻪ ﻗﻌﺪﺕ ﻣﻌﺎﻫﺎ ﺑﻌﻴﻮﻧﻬﺎ ﻟﻴﻦ ﻃﻠﻌﺖ ...
ﺯﻳﻨﺐ ﺷﺒﺤﺖ ﻟﺤﻤﻴﺪﻩ ﻭﻗﺎﻟﺖ : ﻣﺶ ﻣﻼﺣﻈﻴﻦ ﺍﻥ ﻋﻤﺎﺩ ﺣﺘﻰ ﺑﺎﻟﺘﻠﻴﻔﻮﻥ ﻣﺎﻋﺰﺍﺵ ..
ﻏﺎﻟﻴﻪ : ﻛﻔﺎﻳﻪ ﻗﺎﻟﺖ ﺑﻴﺠﻲ ﺍﺳﺒﻮﻉ ﻫﺪﻯ .
ﺯﻳﻨﺐ ﺑﺮﻓﻌﺔ ﺣﻮﺍﺟﺐ؛ﻣﻌﻨﺎﻫﺎ ﻣﻜﻠﻤﻬﺎ !
ﺣﻤﻴﺪﻩ : ﻛﻠﻤﻬﺎ ﻭﻣﺎﻗﺎﻝ ﻫﺎﺗﻲ ﻳﺎﺃﻣﻲ ﺣﻨﺎﻱ ﻭﺧﺎﻻﺗﻲ ﺧﻞ ﻧﻌﺰﻳﻬﻦ !
ﻏﺎﻟﻴﻪ : ﻫﻮ ﺣﺘﻰ ﺧﻮﺍﻟﻪ ﻣﺎﻋﺰﺍﻫﻢ .. ﻣﺎﻧﻴﺶ ﻋﺎﺭﻓﻪ ﺧﻴﺮﻩ ..
ﺳﻤﻴﻪ : ﺑﺎﻟﻚ ﺍﻧﻈﺮ ﺷﻦ ﺻﺎﻳﺮ ﻣﻌﺎﻩ ﺑﺮﺍ ..
ﻟﻄﻴﻔﻪ ﺷﺒﺤﺖ ﻟﺴﻤﻴﻪ ﺑﻌﺪﻳﻦ ﺷﺒﺤﺖ ﻟﻠﺒﻨﺎﺕ ﻛﻴﻒ ﻳﺸﻮﻓﻮﺍ ﻟﺒﻌﺾ ﺑﺎﻟﺬﺍﺕ ﺣﻤﻴﺪﻩ ﻭﺯﻳﻨﺐ ..
ﻗﺎﻟﺖ ﻓﻲ ﻧﻔﺴﻬﺎ " ﺭﺑﻲ ﻳﺴﺘﺮ .."
ﻓﻲ ﺍﻟﺪﺍﺭ ﺍﺍﻟﻠﻲ ﺟﻨﺒﻬﻢ ..
ﻣﻘﻌﻤﺰﺓ ﻛﻔﺎﻳﻪ ﺣﺪﺍ ﻧﻌﻴﻤﻪ ﺍﻟﻠﻲ ﺗﺮﻗﺪ ﻓﻲ ﻭﻟﺪﻫﺎ ﺣﺪﺍ ﻭﻻﺩ ﺍﺧﺘﻪ ..
ﻧﻌﻴﻤﻪ ﺑﻬﻤﺲ : ﺧﻴﺮﻙ ..
ﻛﻔﺎﻳﻪ ﻭﻫﻲ ﺗﺮﺷﻒ ﻗﺎﻟﺖ ﺑﻨﻔﺲ ﻣﺴﺘﻮﻯ ﺍﻟﺼﻮﺕ : ﻣﺶ ﻣﺘﺤﻤﻠﻪ ﻳﺎﻧﻌﻴﻤﻪ ﻧﺒﻲ ﻳﻌﻴﻂ ..
ﻧﻌﻴﻤﻪ : ﺍﺻﺺ .. ﺷﺪﻱ ﺭﻭﺣﻚ ..
ﻛﻔﺎﻳﻪ : ﻳﺪﻋﻮﺍ ﻋﻠﻴﻪ ﻗﺪﺍﻣﻲ ﻭﻳﻘﻮﻟﻮﺍ ﻓﻜﻼﻡ ﻳﺤﺮﻕ ﺍﻟﺪﻡ ..
ﻧﻌﻴﻤﻪ : ﺍﻧﻲ ﺩﻻﻝ ﺗﺪﻋﻲ ﻭﻧﻘﻮﻝ ﻭﺭﺍﻫﺎ ﺍﻣﻴﻦ ﻭﻫﻲ ﻣﺎﺗﻨﺪﺭﻳﺶ ﺍﻧﻬﺎ ﺗﺪﻋﻲ ﻉ ﺑﻮﻫﺎ .. ﻋﺒﺎﻟﺴﻼﻡ ﻗﺎﻟﻲ ﻣﻬﻤﺎ ﺗﻘﻮﻝ ﻣﺎﺩﻭﺭﻳﺶ ..
ﺗﻨﻬﺪﺕ ﻛﻔﺎﻳﻪ ﺑﺄﻟﻢ ﻭﺳﻜﺘﺖ ﻭﻗﻌﺪﺕ ﺗﻤﺴﺢ ﻉ ﺷﻌﺮ ﺑﻨﺘﻬﺎ ﺍﻟﻠﻲ ﺭﺍﻗﺪﻩ ..
ﺷﻮﻳﻪ ﻭﻗﺎﻟﺖ : ﻗﻠﺒﻲ ﺑﻜﺮﻱ ﻧﺨﺼﻨﻲ ﺧﺎﻳﻔﻪ ﺗﻜﻮﻥ ﺻﺎﻳﺮﺗﻠﻪ ﺣﺎﺟﻪ ..
ﻧﻌﻴﻤﻪ : ﺍﻣﺘﻰ ﺍﺧﺮ ﻣﺮﺓ ﻭﺻﻠﻜﻢ ﻋﻨﻪ ﺷﻲ ..
ﻛﻔﺎﻳﻪ : ﻣﻦ ﻗﺒﻞ ﻳﻤﻮﺕ ﺑﻮﻱ ﺑﺄﺳﺒﻮﻋﻴﻦ ﻋﻦ ﻃﺮﻳﻖ ﺧﺎﻟﻪ ﺣﻤﻴﺪ ..
ﺗﻨﻬﺪﺕ ﻧﻌﻴﻤﻪ ﻭﻗﺎﻟﺖ : ﺭﺑﻲ ﻳﺤﻔﻈﻪ ﺑﺤﻔﻈﻪ ..
ﻛﻔﺎﻳﻪ؛ﺁﺍﺍﻣﻴﻦ ..
🍃 ﻋﺮﻓﺖ ﻧﻌﻴﻤﻪ ﺻﺪﻓﻪ .. ﻓﻲ ﻟﻴﻠﻪ ﻭﻫﻲ ﻧﺎﻳﻀﻪ ﺍﺩﻳﺮ ﻣﺮﺿﻌﻪ ﻟﺤﻔﻴﺪﻫﺎ ﺷﺎﻓﺖ ﻛﻔﺎﻳﻪ ﻭﺍﻗﻔﻪ ﻓﻲ ﺍﻟﻜﻮﺟﻴﻨﻪ ﺗﺒﻜﻲ .. ﻭﻟﻤﺎ ﺳﺄﻟﺘﻬﺎ ﻛﻔﺎﻳﻪ ﻗﺎﻟﺘﻠﻬﺎ ﻛﻞ ﺷﻲ ﺗﺒﻲ ﺗﻔﻀﻔﺾ ﻭﺍﻃﻠﻊ ﺍﻟﻠﻲ ﻓﻘﻠﺒﻬﺎ ﻭﺗﻮﻗﻌﺖ ﻧﻌﻴﻤﻪ ﺣﺘﺘﻔﻬﻤﻬﺎ ﻟﻜﻨﻬﺎ ﺗﻔﺎﺟﺌﺖ ﻟﻤﺎ ﻋﺮﻓﺖ ﺍﻥ ﻧﻌﻴﻤﻪ ﻋﺎﻳﺸﻪ ﻧﻔﺴﻬﺎ ﺣﺎﻟﺘﻬﺎ ﻭﻣﻤﻜﻦ ﺣﺎﻟﺔ ﻧﻌﻴﻤﻪ ﻣﺎﺯﺍﻝ ﺍﺻﻌﺐ 🍃
🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 4:30 ﻗﺒﻞ ﺍﻟﻌﺼﺮ ..
ﺗﻜﺜﻔﺖ ﺍﻟﻐﺎﺭﺍﺕ ﻉ ﻃﺮﺍﺑﻠﺲ ﻓﻲ ﺷﻬﺮ ﻳﻮﻧﻴﻮ ﺗﺤﺪﻳﺪﺍ ...
ﻣﻤﻜﻦ ﻫﺎﻟﺸﻬﺮ ﺷﻬﺪ ﺍﻗﻮﻯ ﻏﺎﺭﺍﺕ ﺣﻠﻒ ﺷﻤﺎﻝ ﺍﻷﻃﻠﺴﻲ ..
🍁 ﻓﻲ ﻳﻮﻡ ﻣﻦ ﺃﻳﺎﻡ ﻫﺎﻟﺸﻬﺮ ..
ﻓﻲ ﻭﺭﺷﺔ ﺃﺑﻨﺎﺀ ﺍﻟﺰﻟﻴﻄﻨﻲ ..
" ﻧﺤﻨﺎ ﻋﻴﻠﻪ ﻭﻫﺪﺍ ﺑﻮﻧﺎ ﻭﻫﺪﺍ ﺑﻮﻧﺎ ..
ﻧﺤﻨﺎ ﻋﻴﻠﻪ ﻭﻫﺪﺍ ﺑﻮﻧﺎ .. ﻭﻫﺪﺍ ﺑﻮﻧﺎ .."
ﺍﺑﺮﺍﻫﻴﻢ ﺧﻮ ﺣﻤﺪﻱ ﻭﺍﻟﻠﻲ ﻳﺨﺪﻣﻮﺍ ﻋﻨﺪﻫﻢ ﻛﺎﻧﻮﺍ ﻳﺴﻤﻌﻮﺍ ﻓﻴﻬﺎ ﻭﻳﺮﻗﺼﻮﺍ ﻓﻲ ﺍﻟﻮﺭﺷﻪ ﻉ ﺍﻷﻏﻨﻴﻪ ﺍﻟﻠﻲ ﺭﺍﻓﻘﺘﻬﺎ ﺍﺻﻮﺍﺕ ﺍﻟﻐﺎﺭﺍﺕ ..
ﻭﺣﻤﺪﻱ ﻳﺼﻔﻘﻠﻬﻢ ﻭﻳﻐﻨﻲ : ﻭﻫﺪﺍ ﺑﻮﻭﻭﻭﻭﻧﺎﺍﺍﺍ ...
ﻋﻼﺀ ﺑﻀﺤﻜﻪ : ﻳﺎﺭﻳﺖ ﺍﻹﺫﺍﻋﻪ ﺗﺠﻲ ﺗﺼﻮﺭ ..
ﺣﻤﺪﻱ ﻗﺮﺏ ﻟﻮﺫﻥ ﻋﻼﺀ ﻭﻫﻮ ﻳﺼﻔﻖ : ﺻﻮﺭﻭﺍ ﻫﻨﻲ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ .. ﺿﺤﻚ ﻭﻗﺎﻝ .. ﻭﻋﺮﺿﻮﻫﻢ ﻭﻗﺎﻟﻮﺍ ﺗﺤﺪﻱ ﺍﻟﺸﻌﺐ ﺍﻟﻠﻴﺒﻲ ﻟﻠﻌﺪﻭﺍﻥ ﺍﻟﺼﻠﻴﺒﻲ ﺍﻟﺒﺮﺑﺮﻱ ﺍﻟﻐﺎﺷﻢ ..
ﺑﻌﺪ ﻭﻫﻮ ﻳﻀﺤﻚ ﻭﻋﻼﺀ ﻳﻀﺤﻚ ﻣﻌﺎﻩ ..
ﺣﻤﺪﻱ : ﻭﻛﻞ ﺍﻟﻜﻮﻥ ﻓﺪﺍ ﻟﻌﻴﻮﻧﻪ .. ﻓﺪﺍ ﻟﻌﻴﻮﻧﻪ ...
ﻭﺳﻤﻌﻮﺍ ﺻﻮﺕ ﺍﻧﻔﺠﺎﺭ ﻗﻮﻱ ...
ﺑﺼﻮﺕ ﻭﺍﺣﺪ : ﻭﻫﺪﺍﺍﺍ ﺑﻮﻭﻭﻭﻭﻭﻧﺎﺍﺍﺍﺍﺍ ...
ﺑﺮﺍ ..
ﺩﺭﺳﺖ ﺳﻴﺎﺭﺓ ﺳﻤﻴﺮﺓ ..
ﺩﺍﺭﺕ ﻛﻼﻛﺲ ..
ﺷﺒﺤﻮﺍ ﺑﺮﺍ ..
ﻟﻤﺎ ﺭﺍﻫﺎ ﺣﻤﺪﻱ ﻃﻮﻝ ﻋﺮﻓﻬﺎ ..
ﻭﻗﻒ ﺗﺼﻔﻴﻖ ﻭﻧﺎﺽ : ﺷﻮﻱ ﻭﺟﺎﻱ ..
ﻃﻠﻊ ﻣﻦ ﺣﺪﺍﻫﻢ ﻭﻋﻼﺀ ﻣﻌﺎﻩ ﺑﻌﻴﻮﻧﻪ ..
ﺍﻣﺎ ﺍﻟﺒﺎﻗﻲ ﻗﺎﻋﺪﻳﻦ ﻳﻬﻴﺠﻮﺍ ﻉ ﺍﻏﻨﻴﺔ ﺗﺎﻧﻴﻪ ..
" ﻻﻓﻴﺘﻮ ﻭﻻﻧﻴﺘﻮ .."
.....
ﻭﺻﻞ ﺣﻤﺪﻱ ﻓﻲ ﺳﻴﺎﺭﺓ ﺳﻤﻴﺮﺓ ..
ﻫﻲ ﻧﺰﻟﺖ ﺍﻟﻤﺮﺵ : ﺣﻤﺪﻱ ..
ﺣﻤﺪﻱ : ﺧﻴﺮﻙ؟
ﺳﻤﻴﺮﺓ : ﺍﺳﻤﻊ ﻋﺮﻭﺑﻪ ﺻﺎﻳﺮﺓ ﻣﻌﺎﻫﺎ ﻣﺸﻜﻠﻪ ﻧﺒﻴﻚ ﺗﻌﺪﻱ ﻟﻠﺸﺎﺭﻉ ﺍﻟﻠﻲ ﻓﻴﻪ ﺣﻮﺷﻬﺎ ﻭﺗﺸﻮﻑ ﺑﻌﻴﻮﻧﻚ ..
ﺣﻤﺪﻱ ﺑﺨﻮﻑ : ﺑﺎﻫﻲ ﺑﺎﻫﻲ .. ﺑﺮﻱ ..
ﻭﺧﺮ ﻣﻦ ﻉ ﺍﻟﺴﻴﺎﺭﺓ ..
ﻭﺳﻤﻴﺮﺓ ﻃﻮﻝ ﺗﺤﺮﻛﺖ ..
🍃 ﺣﻤﺪﻱ ﻭﺳﻤﻴﺮﺓ ﻭﻣﺠﻤﻮﻋﻪ ﺗﺎﻧﻴﻪ ﻫﻤﺎ ﻣﻦ ﺿﻤﻦ ﻣﺠﻤﻮﻋﺎﺕ ﺍﻟﺜﻮﺍﺭ ﻓﻲ ﻃﺮﺍﺑﻠﺲ .. ﺍﻭ ﺯﻱ ﻣﺎﻳﺴﻤﻮﺍ ﻓﻴﻬﻢ ﺍﻟﻄﺮﻑ ﺍﻟﻤﻘﺎﺑﻞ " ﺧﻼﻳﺎ ﻧﺎﺋﻤﻪ .." ﺑﺲ ﻓﻲ ﺍﻟﻌﻠﻦ ﺩﺍﻳﺮﻳﻦ ﺍﺭﻭﺍﺣﻬﻢ ﻣﺆﻳﺪﻳﻦ ﻟﻠﻨﻈﺎﻡ .. ﻛﺎﻧﻮﺍ ﻳﺪﻋﻤﻮﺍ ﻓﻲ ﺍﻟﺜﻮﺭﺓ ﺑﻜﻞ ﺍﻟﻮﺳﺎﺋﻞ .. ﻭﻓﻲ ﻣﻨﻬﻢ ﻛﺎﻥ ﻣﻘﻠﻖ ﻧﻮﻡ ﺍﻟﻜﺘﺎﻳﺐ ﻛﻞ ﻟﻴﻠﻪ 🍃
ﻗﺪﻡ ﺣﻤﺪﻱ ﻭﺧﺶ ﻟﻠﻮﺭﺷﻪ ..
ﻗﻌﻤﺰ ﺣﺪﺍ ﻋﻼﺀ ..
ﺷﺒﺤﻠﻪ ﻭﻗﺎﻝ : ﺍﻧﺖ ﺍﻣﺘﻰ ﻣﻮﻟﻲ ..
ﻋﻼﺀ : ﻏﺪﻭﺓ ..
ﺣﻤﺪﻱ : ﺗﻤﺎﻡ ..
ﻋﻼﺀ : ﺻﺎﻳﺮ ﺷﻲ ..
ﺣﻤﺪﻱ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ : ﻣﺎﻓﻲ ﺷﻲ ..
ﺻﻮﺕ ﺍﻧﻔﺠﺎﺭ ﻗﻮﻱ ﻧﺎﺟﻢ ﻋﻦ ﺍﻟﻘﺼﻒ ...
" ﺗﻤﺎﺍﺍﺍﺍﺍﻡ ﺳﻴﺪﻱ ﺗﻤﺎﺍﺍﺍﻡ ﺳﻴﺪﻱ "
ﺿﺤﻜﻮﺍ ﻋﻼﺀ ﻭﺣﻤﺪﻱ .. ﻉ ﻫﺒﺎﻝ ﺍﺑﺮﺍﻫﻴﻢ ﻭﺍﻟﻠﻲ ﻣﻌﺎﻩ ..
🌴🌴🌴🌴🌴🌴🌴🌴🌴🌴
ﻫﺎﻩ ﺷﻦ ﻗﺎﻟﻚ ..
ﻧﻮﺭ : ﻗﺎﻝ ﻧﺮﻓﻌﻜﻢ ﺗﻮﺍ ﻭﺗﻮ ﺍﺭﻭﺍﺣﻜﻢ ..
ﻧﺎﺿﺖ ﻧﻌﻴﻤﻪ ﻭﻣﺸﺖ ﻃﻮﻝ ﻟﻠﺪﺍﺭ ﺍﻟﺘﺎﻧﻴﻪ : ﻫﻴﺎ ﺩﻻﻝ ﻣﺎﻣﺎ ..
ﺩﻻﻝ ﺑﺘﻌﺐ : ﺣﺎﺿﺮ ..
ﻧﺎﺿﺖ ﺩﻻﻝ ﻟﺒﺴﺖ ..
"⚡ ﺗﻔﺼﻴﻼ ﻟﻠﺒﻌﺾ .. ﺍﻛﻴﺪ ﺭﺍﺑﻄﻪ ﻭﻓﻲ ﻋﺪﺗﻬﺎ ﻭﻣﻦ ﺗﻠﻘﺎﺀ ﻧﻔﺴﻜﻢ ﻣﻔﺮﻭﺽ ﺗﻌﺮﻓﻮﺍ ﺷﻦ ﺷﻜﻞ ﻟﺒﺴﻬﺎ "...
ﻓﻲ ﺍﻟﻜﻮﺟﻴﻨﻪ ..
ﻏﺎﻟﻴﻪ : ﻳﻤﻲ ﻗﺎﻟﻚ ﻫﺎﻧﻴﺒﺎﻝ ﻭﺗﻲ ﺭﻭﺣﻚ ﺧﻞ ﻧﺮﻓﻌﻚ ﻣﻊ ﻧﻌﻴﻤﻪ ﻭﺩﻻﻝ ﺗﻌﺎﻳﻨﻲ ..
ﻣﺼﻤﺼﺖ ﻓﺎﻃﻤﻪ ﺍﻳﺪﻳﻬﺎ ﻭﻫﻲ ﺗﻘﻮﻝ : ﺑﺎﻫﻲ ..
ﺑﻌﺪﻳﻦ ﻣﺸﺖ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻭﻟﻬﺖ ﻏﺎﻟﻴﻪ ﺑﺎﻟﻤﺤﻠﺒﻴﻪ ..
🍁 ﺑﻌﺪ ﻭﺗﻮﺍ ﺭﻭﺍﺣﻬﻢ ﻃﻠﻌﻮﺍ ..
ﻧﻮﺭ : ﺑﺎﻟﻠﻪ ﻋﻠﻴﻚ ﺭﻓﻘﻪ ﺷﺪﻱ ﻣﻌﻤﺮ ﺷﻮﻳﻪ .
ﺍﺑﺘﺴﻤﺖ ﺭﻓﻘﻪ ﻭﺧﺪﺕ ﻣﻨﻬﺎ ﻣﻌﻤﺮ ﻭﻗﻌﺪﺕ ﺗﻠﻌﺐ ﻓﻴﻪ ...
ﻛﺎﻧﺖ ﺗﺼﻴﺮ ﻟﺮﻓﻘﻪ ﺣﺎﺟﻪ ﻭﻳﻦ ﺗﺸﺪ ..
ﻻﺣﻈﺘﻬﺎ ﻉ ﻧﻔﺴﻬﺎ ﻭﻣﺎﻋﺮﻓﺘﺶ ﺳﺒﺒﻬﺎ ..
ﺷﺎﻓﺖ ﻧﻮﺭ ﺑﺪﻱ ﺭﻓﻘﻪ ﻣﻦ ﺟﻬﺔ ﺍﻟﺼﺪﺭ .. ﺑﻘﻌﻪ ﻣﺒﻠﻮﻟﻪ ..
ﻧﻮﺭ : ﻛﻨﺘﻲ ﺗﻐﺴﻠﻲ ﻓﻲ ﺍﻻﻣﺎﻋﻴﻦ ..
ﺭﻓﻘﻪ : ﻻﻻ ﻋﻼﺵ؟
ﻧﻮﺭ : ﺷﻮﻓﻲ ﺍﻟﺒﺪﻱ ﻣﺘﺎﻋﻚ ..
ﺷﺒﺤﺖ ﺭﻓﻘﻪ ﻭﺗﻔﺎﺟﺌﺖ ﺍﻟﺒﻘﻌﻪ ﻛﺎﻧﺖ ﻓﻤﻜﺎﻥ ﻏﺮﻳﺐ ..
ﻃﻮﻝ ﻣﺸﺖ ﻟﻠﺤﻤﺎﻡ ﻭﻧﻮﺭ ﻣﻌﺎﻫﺎ ﺑﻌﻴﻮﻧﻬﺎ ﻭﻫﻲ ﻣﺴﺘﻐﺮﺑﻪ ..
ﺍﺳﺘﺎﻗﻀﺖ ﻟﻤﺎ ﺳﻤﻌﺖ ﻋﻴﺎﻁ ﻧﻮﺭﻫﺎﻥ .. ﺍﻟﺘﻔﺘﺖ ..
ﻧﻮﺭ : ﻣﺠﺠﺠﺠﺪ ..
ﻭﺧﺮ ﻣﺠﺪ ﻋﻦ ﻧﻮﺭﻫﺎﻥ ﻭﻫﻮ ﻳﻘﻮﻝ : ﺣﻤﺎﻟﻪ ﻛﻠﺒﻮﺑﻪ ..
ﻉ ﺧﻄﻤﺔ ﻏﺎﻟﻴﻪ ﻟﻤﺎ ﺳﻤﻌﺎﺗﻪ ﻗﺎﻟﻬﺎ ﺿﺤﻜﺖ ﻏﺼﺐ ﻋﻨﻬﺎ : ﻛﻠﺒﻮﺑﻪ !
ﻧﻮﺭ ﺑﺈﺑﺘﺴﺎﻣﻪ : ﻳﺴﻤﻊ ﻓﻴﺎ ﻧﻘﻮﻝ ﻓﻴﻬﺎ ﻟﻴﻪ ﻫﻮ ﻭﺟﻮﺍﺩﺧﺪﺍﻫﺎﻣﻨﻲ ..
ﺍﺑﺘﺴﻤﺖ ﻏﺎﻟﻴﻪ : ﻫﻲ ﺗﻌﺎﻟﻰ ﻣﺠﻮﺩﻩ ﻛﺎﻥ ﺑﺘﺎﻛﻞ ﻣﺤﻠﺒﻴﻪ ﺍﻧﺖ ﻭﻗﺼﻲ ﻭﻓﺆﺍﺩ ﻫﻲ ..
ﻋﻴﻮﻥ ﻣﺠﺪ ﻭﻟﻮﺍ ﻗﻠﻮﺏ ﻣﺸﻲ ﻟﻐﺎﻟﻴﻪ ﻳﺠﺮﻱ ..
ﻧﻮﺭﻫﺎﻥ : ﻭﺍﻧﻲ !!
ﻏﺎﻟﻴﻪ ﺑﻀﺤﻜﻪ : ﺗﻌﺎﻟﻲ ﺣﺘﻰ ﺍﻧﺘﻲ ...
ﺿﺤﻜﺖ ﻧﻮﺭ ...
ﻣﺸﺖ ﻧﻮﺭﻫﺎﻥ ﻭﺭﺍ ﻣﺠﺪ ﻭﺧﺸﻮﺍ ﻣﻊ ﻏﺎﻟﻴﻪ ﻭﺑﺎﻗﻲ ﺍﻟﺼﻐﺎﺭ ﺍﻟﺪﺍﺭ ﻗﻌﻤﺰﺕ ﻓﺘﺮﻛﻴﻨﻪ ﻭﻫﻲ ﻻﻣﺘﻬﻢ ﺣﻮﺍﻟﻴﻬﺎ ﻭﻗﻌﺪﺕ ﺗﻮﻛﻞ ﻓﻴﻬﻢ ..
🍁 ﻭﻋﻴﻮﻥ ﺭﺍﻧﻴﺎ ﻣﻌﺎﻫﻢ ...
ﺗﺬﺭﻑ ﻓﻲ ﺩﻣﻮﻋﻬﺎ ... ﻟﻤﺎ ﺟﺎﺑﻠﻬﺎ ﻋﻘﻠﻬﺎ ﺫﻛﺮﻯ ﺑﻌﻴﺪﻩ 🍁
⚡ ﻓﻼﺵ ﺑﺎﻙ ..
ﺻﻴﻒ 1998
ﺑﻌﺪ ﺍﻟﻌﺼﺮ
ﺧﺸﻮﺍ ﺩﻻﻝ ﻭﺭﺑﺎﺏ ﻭﺭﺍﻧﻴﺎ ﻟﻠﻜﻮﺟﻴﻨﻪ ..
ﻟﻘﻮﺍ ﻏﺎﻟﻴﻪ ﻭﺍﻗﻔﻪ ﺗﺤﺮﻙ ﻓﻲ ﻃﻨﺠﺮﺓ ﺍﻟﻤﺤﻠﺒﻴﻪ ..
ﺭﺑﺎﺏ ﻭﻫﻲ ﻣﺼﺪﻭﻣﻪ : ﻣﺎﺯﺍﻝ ﺧﺎﻟﺘﻲ !!!
ﺩﻻﻝ : ﻣﺶ ﻧﻮﺿﻮﺍ ﻗﺒﻞ ﻭﻧﻠﻘﻮﻫﺎ ﻓﻲ ﺍﻟﺘﻼﺟﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﻗﻴﻠﺖ ﻣﻌﺎﻛﻢ ﻭﻧﺴﻴﺘﻬﺎ ..
ﺭﺍﻧﻴﺎ : ﺑﺎﻫﻲ ﺍﻣﺘﻰ ﻧﺎﻛﻠﻮﻫﺎ ..
ﻏﺎﻟﻴﻪ : ﺑﻌﺪ ﺍﻃﻴﺐ ﻭﺍﻧﺼﺒﻬﺎ ﻓﻲ ﺍﻟﺼﻮﺍﻧﻲ ﻭﻧﺤﻄﻬﺎ ﻓﻲ ﺍﻟﺘﻼﺟﻪ ﻧﺪﻳﺮﻟﻜﻢ ﺭﺯ ﻣﻘﻠﻲ ﻧﺎﻛﻠﻮﻩ ﻟﻌﻨﺪ ﻣﺎﺗﺼﻘﻊ ﺍﻟﻤﺤﻠﺒﻴﻪ ..
ﺍﺑﺘﺴﻤﻮﺍ ﺑﻔﺮﺡ ..
ﻉ ﺧﺸﺔ ﺭﻣﺰﻱ ﻭﻋﻤﺎﺩ ﻭﺣﻤﺰﺓ ﻭﻣﺎﻟﻚ ..
ﻣﺎﻟﻚ : ﻣﺎﺯﺍﻝ !!!!
ﺭﺑﺎﺏ : ﺑﺪﻳﺮ ﻟﻨﺎ ﺭﺯ ﻣﻘﻠﻲ ..
ﻣﺎﻟﻚ : ﻣﺎﻧﺤﺒﺎﺵ .. ﺩﻳﺮﻱ ﺳﺒﻮﻝ ..
ﺭﻣﺰﻱ : ﺣﺘﻰ ﺍﻧﻲ ﻧﺒﻲ ﺳﺒﻮﻝ ..
ﻋﻤﺎﺩ : ﺍﻧﻲ ﻣﻜﺮﻭﻧﻪ ﻣﻘﻠﻴﻪ ..
ﻉ ﺧﺸﺔ ﺣﻤﻴﺪﻩ : ﺗﺒﻮﺍ ﻣﺤﻮﺭ ﻳﺸﻔﻄﻜﻢ ﻣﻊ ﺑﻌﻀﻜﻢ .. ﻣﺤﻠﺒﻴﻪ ﺳﺎﺩﻩ ..
ﻋﻤﺎﺩ : ﻧﺒﻲ ﻣﻜﺮﻭﻧﻪ ﻭﺭﺯ ﻭﺳﺒﻮﻝ ﻭﻣﺤﻠﺒﻴﻪ ﺑﺎﻫﻲ ..
ﺟﺎﺗﻪ ﺣﻤﻴﺪﻩ ﻗﺮﺻﺎﺗﻪ ﻣﻦ ﻭﺫﻧﻪ : ﻋﺎﻭﺩ ..
ﻋﻤﺎﺩ ﺑﻀﺤﻜﻪ : ﺍﻳﻲ ... ﻭﺣﻠﻮﺓ ﻛﺎﻛﺎﻭﻳﻪ ..
ﺿﺤﻜﻮﺍ ..
ﺣﻤﻴﺪﻩ ﺑﻀﺤﻜﻪ ﻃﻠﻘﺎﺗﻪ : ﻟﺴﺎﻥ ﻳﺒﻲ ﺍﻟﻘﺺ ..
ﺿﺤﻚ ﻋﻤﺎﺩ ﻭﻫﻮ ﺷﺎﺩ ﻭﺩﻧﻪ ..
ﺭﻣﺰﻱ ﺑﻀﺤﻜﻪ : ﺑﺎﻫﻲ ﺷﻦ ﺑﺪﻳﺮﻱ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻟﻴﻮﻡ ﺭﺯ ﻣﻘﻠﻲ ﻉ ﺧﺎﻃﺮ ﺭﺍﻧﻴﺎ ﺗﺤﺒﻪ ﻭﻏﺪﻭﺓ ﺳﺒﻮﻝ ﻭﻣﻜﺮﻭﻧﻪ ..
ﺷﺒﺢ ﺭﻣﺰﻱ ﻟﺮﺍﻧﻴﺎ ﻣﻂ ﺷﻮﺍﺭﺑﻪ ﺑﺈﺯﺩﺭﺍﺀ ..
ﻫﻲ ﺣﻄﺖ ﻗﺒﻀﺔ ﻳﺪﻫﺎ ﺍﻟﻴﻤﻴﻦ ﻉ ﻛﻔﻬﺎ ﺍﻟﻴﺴﺎﺭ ﻭﻗﻌﺪﺕ ﺗﺤﺮﻙ ﻓﻴﻬﺎ ﺣﺮﻛﺔ ﺩﺍﺋﺮﻳﻪ " ﺣﺮﻛﺔ ﺍﻟﺴﺤﻨﻪ " ﻭﻫﻲ ﺗﺸﻘﻠﺐ ﻓﻌﻴﻮﻧﻬﺎ ..
ﻏﺎﻟﻴﻪ ﺷﺎﻓﺘﻬﻢ : ﻣﺎﺯﻟﺘﻮﺍ ﻣﺘﻌﺎﺭﻛﻴﻦ ..
ﺭﺍﻧﻴﺎ : ﺍﻳﻪ ﻭﻣﻌﺎﺵ ﺑﻨﻜﻠﻤﻪ ﺑﻜﻞ ..
ﺭﻣﺰﻱ : ﺍﺣﺴﻦ ..
ﻋﻤﺎﺩ ﺑﻀﺤﻜﻪ : ﻉ ﺧﺎﻃﺮ ﻓﺎﺯ ﻋﻠﻴﻬﺎ ﻓﻲ ﺟﻤﺎﺩ ﺣﻴﻮﺍﻥ ..
ﺣﻤﻴﺪﺓ : ﻫﻬﻬﻬﻬﻬﻪ ﺗﺒﻴﻪ ﺩﻳﻤﺎ ﻳﺴﻤﻴﻠﻬﺎ ﻭﻫﻲ ﺗﺮﺑﺢ ..
ﺭﺍﻧﻴﺎ : ﺍﻧﻲ ﻧﻌﺮﻑ ﺍﻛﺜﺮ ﻣﻨﻪ ..
ﺭﻣﺰﻱ : ﺗﻌﺮﻓﻲ ﺍﻟﻔﺮﻱ ..
ﺭﺍﻧﻴﺎ؛ﺑﺮﺍ ﻳﺎﻏﺒﻲ ..
ﻗﺪﻣﺖ ﺣﻤﻴﺪﻩ ﻭﺣﻄﺖ ﻳﺪﻫﺎ ﻉ ﻓﻢ ﺭﺍﻧﻴﺎ ﻭﻛﻠﻬﻢ ﻳﻀﺤﻜﻮﺍ ﻋﻠﻴﻬﺎ : ﻋﺪﻭﺍ ﺍﻧﺘﻢ ﺑﺎﻫﻲ ..
ﺣﻤﺰﺓ ﺑﻀﺤﻜﻪ : ﺑﺎﻫﻲ ﻧﺎﺩﻭﻧﺎ ﻟﻤﺎ ﺗﻜﻤﻠﻲ ﺧﺎﻟﺘﻲ ﻏﺎﻟﻴﻪ ..
ﻏﺎﻟﻴﻪ ﻭﻫﻲ ﺗﻀﺤﻚ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺟﺎﻫﻢ ﻣﺤﻤﺪ : ﻣﺎﺯﺍﻝ ..
ﻏﺎﻟﻴﻪ : ﻣﺎﺯﺍﻝ ..
ﻣﺤﻤﺪ : ﺑﺎﻫﻲ .. ﺷﺒﺢ ﻟﻼﻭﻻﺩ .. ﻫﻴﺎ ﺗﻌﺎﻟﻮﺍ ﻧﻠﻌﺒﻮﺍ ﺯﺭﺍﺑﻴﻂ ..
ﺍﻻﻭﻻﺩ ﺑﺄﺻﻮﺍﺕ ﻣﺘﻘﻄﻌﻪ : ﻫﻴﺎ .. ﻫﻲ ..
ﻭﻣﺸﻮﺍ ﻛﻠﻬﻢ ..
ﺣﻤﻴﺪﻩ ﺣﻮﻟﺖ ﻳﺪﻫﺎ ﻣﻦ ﻓﻢ ﺭﺍﻧﻴﺎ ..
ﺭﺍﻧﻴﺎ : ﻏﺒﻲ ﻭﺣﻤﺎﺭ ..
ﺭﺑﺎﺏ ﻭﺩﻻﻝ : ﻫﻬﻬﻬﻬﻬﻬﻬﻬﻬﻬﻪ ..
ﺣﻤﻴﺪﻩ ﺑﻀﺤﻜﻪ : ﺍﻟﻤﻬﻢ ﺍﻃﻠﻊ ﺍﻟﻠﻲ ﻋﻨﺪﻫﺎ ..
ﻏﺎﻟﻴﻪ ﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﻫﻲ ﺗﻀﺤﻚ ..
ﻭﺭﺍﻧﻴﺎ ﺗﺸﻮﻓﻠﻬﻢ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ﻓﻮﻕ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﻗﺎﻟﺖ ﻓﻲ ﻧﻔﺴﻬﺎ ﻭﻫﻲ ﺗﺘﺄﻣﻞ ﻓﻲ ﺍﻟﺼﻐﺎﺭ ﺣﻮﺍﻟﻴﻦ ﺧﺎﻟﺘﻬﺎ ﻏﺎﻟﻴﻪ ..
" ﻳﺎﺭﻳﺘﻨﺎ ﻣﺎﻛﺒﺮﻧﺎ .."
ﺷﻮﻳﻪ ..
ﻭﺧﺸﺖ ﺭﻓﻘﻪ ﻟﻠﺪﺍﺭ ﻭﺟﺖ ﻗﻌﻤﺰﺕ ﺣﺪﺍ ﻋﻤﺘﻬﺎ ..
ﺭﻓﻘﻪ : ﻋﻤﺘﻲ ﻏﺎﻟﻴﻪ ..
ﺷﺒﺤﺘﻠﻬﺎ ﺭﺍﻧﻴﺎ ..
ﻏﺎﻟﻴﻪ : ﺧﻴﺮﻙ ..
ﺭﻓﻘﻪ : ﻓﻲ ﺣﺎﺟﺔ ﺗﺼﻴﺮﻟﻲ ﻟﻤﺎ ﻧﺸﺪ ﺍﻟﺼﻐﺎﺭ ﻻﺣﻈﺘﻬﺎ .. ﻣﺎﻗﺪﺭﺗﺶ ﻧﺤﻜﻲ ﻟﻤﺎﻣﺎ ﺗﺤﺸﻤﺖ ..
ﻏﺎﻟﻴﻪ ﻭﻫﻲ ﺗﻮﻛﻞ ﻓﻲ ﻣﺠﺪ : ﺷﻨﻮ؟
ﺭﻓﻘﻪ : ﻳﻨﺰﻝ ﻣﻦ ﺻﺪﺭﻱ ﺣﻠﻴﺐ ..
ﺭﺍﻧﻴﺎ ﺍﺗﻔﺎﺟﺌﺖ ..
ﺍﺑﺘﺴﻤﺖ ﻏﺎﻟﻴﻪ : ﺗﺤﺒﻲ ﺍﻟﺼﻐﺎﺭ ..
ﺭﻓﻘﻪ : ﺍﻳﻪ ﻫﻠﺒﻪ .. ﺩﻳﻤﺎ ﺧﺎﻃﺮﻱ ﻣﺎﻣﺎ ﺗﺠﻴﺐ ﺗﺎﻧﻲ ..
ﺍﺑﺘﺴﻤﺖ ﺭﺍﻧﻴﺎ ..
ﻏﺎﻟﻴﻪ : ﻫﻮ ﺍﻧﻲ ﺯﻣﺎﻥ ﻧﻌﺮﻑ ﺍﻥ ﺍﻟﻠﻲ ﻳﺼﻴﺮ ﻣﻌﺎﻫﺎ ﻫﻜﻲ ﻳﻘﻮﻟﻮﺍ ﻋﻨﺪﻫﺎ ﺣﻦ ﺯﺍﻳﺪ ﻉ ﺍﻟﺼﻐﺎﺭ ﻭﺍﻟﺼﻐﺎﺭ ﻳﺤﺒﻮﻫﺎ ..
ﺭﺍﻧﻴﺎ ﺑﺼﻮﺕ ﻣﺒﺤﻮﺡ : ﺻﺢ ﺭﻓﻘﺔ ﻣﺤﺒﻮﺑﻪ ﻋﻨﺪ ﺍﻟﺼﻐﺎﺭ ..
ﺍﺑﺘﺴﻤﺖ ﺭﻓﻘﻪ ﺑﺨﺠﻞ ﺑﻌﺪﻳﻦ ﻗﺎﻟﺖ : ﻳﻌﻨﻲ ﻋﺎﺩﻱ ﻣﺶ ﻣﺮﺽ ﻭﻻﺷﻲ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﻻ ﺑﻌﻴﺪ ﺍﻟﺴﻮ ﻋﻠﻴﻚ ..
ﻉ ﺧﺸﺔ ﺍﻣﻬﺎ ﻭﻣﻌﺎﻫﺎ ﺣﻤﻴﺪﻩ ﻭﺯﻳﻨﺐ ..
ﻗﻌﻤﺰﻭﺍ ..
ﻟﻄﻴﻔﻪ : ﻻﻻ ﻣﺎﻧﻴﺶ ﻣﻮﻟﻴﻪ ﻟﻠﺨﺪﻣﻪ ﻗﺒﻞ ﻳﺴﺘﻘﺮ ﻭﺿﻊ ﺍﻟﺒﻼﺩ ..
ﺣﻤﻴﺪﻩ : ﻣﺮﺍﺕ ﺍﻃﻮﻝ ..
ﺯﻳﻨﺐ : ﻻ ﺇﻥ ﺷﺎﺀ ﺍﻟﻠﻪ ﻻ ..
ﺧﺸﺖ ﻛﻔﺎﻳﻪ ﻭﻗﻌﻤﺰﺕ ﺷﺒﺤﺖ ﻟﻐﺎﻟﻴﻪ ﻭﺍﻟﺼﻐﺎﺭ : ﻣﺤﻠﺒﻴﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻳﻪ ..
ﺑﺮﺍ ..
ﻏﺪﻭﺓ ﺟﺎﻳﻴﻦ ﻳﻌﺰﻭﺍ ﻗﺎﻟﻮﺍ ﻛﻴﻒ ﺭﻭﺣﻮﺍ ﻣﻦ ﺗﺮﻛﻴﺎ ﻋﻦ ﻃﺮﻳﻖ ﺗﻮﻧﺲ ..
ﺣﻤﻴﺪ : ﻓﻴﻬﻢ ﺍﻟﺨﻴﺮ ﺟﻴﺮﺍﻥ ﻗﺪﻡ ﺻﺢ ﻟﻜﻦ ﺍﻟﻮﺩ ﻣﺎﺯﺍﻝ ﻗﺎﻋﺪ ..
ﻋﻤﺮ : ﺍﻳﻪ ﺑﺎﻟﺬﺍﺕ ﺟﻤﻌﻪ ﺻﺎﺣﺐ ﻭﺍﺟﺐ ..
ﻣﻴﻼﺩ : ﺻﺢ .. ﺟﻤﻌﻪ ﺍﺣﺴﻦ ﻭﺍﺣﺪ ﻓﻴﻬﻢ ..
ﻣﺤﻤﺪ ﺑﺘﻬﻜﻢ؛ﻓﻴﻬﻢ ﺍﻟﺨﻴﺮ ﺧﻴﺮ ﻣﻦ ﺍﻟﻘﺮﻳﺐ ..
ﺣﻤﻴﺪ : ﻣﻨﻮ ﺗﻘﺼﺪ ..
ﻣﺤﻤﺪ : ﻭﻟﺪ ﺍﺧﺘﻚ ﻋﻤﺎﺩ
ﻋﻤﺮ : ﺍﻟﺤﻖ ﺩﺍﺭﻫﺎ ﺑﻌﻴﻨﻬﺎ .. ﻣﺎﻓﻲ ﺣﺪ ﻣﺎﺟﺎﺵ ﻋﺰﺍ ﺣﺘﻰ ﻭﻻﺩ ﻋﻤﻲ ﺣﻤﺪ ﺍﻟﻠﻪ ﻳﺮﺣﻤﻪ ﺍﻟﻠﻲ ﻋﻤﺮﻫﻢ ﻣﺎﻋﻔﺴﻮﺍ *** ﺟﻮ .. ﺟﺪﻩ ﻭﻭﻟﺪ ﺧﺎﻟﻪ ﻣﺎﻳﺠﻴﺶ ..
ﻣﻴﻼﺩ : ﻣﺴﺘﻐﺮﺏ ﻓﻴﻪ ﺣﺘﻰ ﺍﻧﻲ ..
ﻣﺤﻤﺪ : ﻋﻤﺎﺩ ﺧﺪﻧﻪ ﺍﻟﻔﻠﻮﺱ ﻭﺍﻟﺴﻔﺮ ﻭﺍﻟﻬﻴﺎﺟﻪ ..
ﻣﻴﻼﺩ : ﻟﻜﻦ ﻋﺎﺩ ﻣﺶ ﻟﺪﺭﺟﻪ ﻳﻤﻮﺗﻮﺍ ﺟﺪﻩ ﻭﻭﻟﺪ ﺧﺎﻟﻪ ﻣﺎﻳﺠﻴﺶ ..
ﻣﺤﻤﺪ : ﻳﻌﺪﻱ ﻓﻲ ﺳﺘﻴﻦ ﺩﺍﻫﻴﻪ ...
ﻋﻤﺮ : ﻏﻴﺮ ﺑﺎﻟﺸﻮﻱ ﻳﺎﺭﺍﺟﻞ ﺧﻴﺮﻙ ﻣﺶ ﻫﻜﻲ
ﻣﺤﻤﺪ : ﺷﻦ ﻫﻮ ﺍﻟﻠﻲ ﻣﺶ ﻫﻜﻲ ﻗﻮﻟﻲ ﺗﺮﺍ .. ﻣﻮﺕ ﻫﺪﻯ ﺭﺍﻫﻲ ﻣﻮﺕ ..
ﺣﻤﻴﺪ ﻣﺘﻤﺎﻟﻚ ﻧﻔﺴﻪ ﺑﺎﻟﻘﻮﺓ ..
ﻣﻴﻼﺩ : ﺍﻟﻐﺮﻳﺐ ﺍﻥ ﻋﻤﺎﺩ ﺑﺎﻟﺬﺍﺕ ﻏﺎﻟﻴﻴﻦ ﻋﻠﻴﻪ ﺣﻴﺎﺓ ﺟﺪﻩ ﻭﺭﻣﺰﻱ ﻭﺍﺟﺪ ..
ﻣﺤﻤﺪ : ﺍﻟﺒﺰﻧﺲ ﻭﺍﻟﻔﻠﻮﺱ ﺍﻏﻠﻰ .. ﻫﺎﺩﻡ ﺍﻟﺘﺠﺎﺭ ﺩﻳﻦ ﺍﻣﻬﻢ ﻓﻠﻮﺱ .. ﻭﻫﻮ ﺭﺍﺡ ﻛﻴﻔﻬﻢ ..
" ﻋﻤﺎﺩ ﻣﻊ ﺍﻟﺘﻮﺍﺭ ﻓﻲ ﺍﻟﺠﺒﻞ .."
🍃
ﻭﻛﺄﻥ ﺻﺎﻋﻘﻪ ﻧﺰﻟﺖ ﻋﻠﻴﻬﻢ ...
ﺑﻨﻈﺮﺍﺕ ﻣﺼﺪﻭﻣﻪ ﻗﻌﺪﻭﺍ ﻳﺸﺒﺤﻮﺍ ﻟﺤﻤﻴﺪ ﻭﻫﻤﺎ ﻣﺶ ﻣﺴﺘﻮﻋﺒﻴﻦ ﺍﻟﻠﻲ ﺳﻤﻌﻮﻩ .. ﻭﻻ ﻣﺼﺪﻗﻴﻦ ﻭﺩﺍﻧﻬﻢ ..
ﻋﻤﺮ ﺑﺼﺪﻣﻪ : ﻣﻨﻮ ﻣﻊ .. ﻣﻨﻮ؟؟؟ !!!
ﻣﻴﻼﺩ : ﻗﺼﺪﻙ ﻋﻤﺎﺩ ﻳﺤﺎﺭﺏ ﻓﻲ ﺟﺒﻞ !! ؟ .
ﺣﻤﻴﺪ : ﻋﻤﺎﺩﻣﻦ ﺍﻟﺜﻮﺍﺭ ﻟﻴﻪ ﻗﺮﻳﺐ ﺗﻼﺗﻪ ﺷﻬﻮﺭ ﻓﻲ ﺍﻟﺠﺒﻞ ..
ﺯﺍﺩ ﺍﻛﺪﻟﻬﻢ ﺍﻥ ﺍﻟﻠﻲ ﺳﻤﻌﻮﻩ ﻣﺶ ﻏﻠﻂ ...
ﻣﻦ ﺻﺪﻣﺘﻬﻢ ﻣﻌﺎﺵ ﻗﺎﻟﻮﺍ ﺣﺮﻑ ﺯﻳﺎﺩﻩ ..
ﻳﻔﻜﺮﻭﺍ ﻓﻲ ﺍﻟﻠﻲ ﺳﻤﻌﻮﻩ ﻭﺑﺲ
ﻟﻜﻦ ﻣﺤﻤﺪ ﻣﻌﻄﺎﺵ ﻻﻣﺠﺎﻝ ﻭﻻﻓﺮﺻﻪ ﻟﻠﺘﻔﻜﻴﺮ ..
" ﺟﺮﺫ ﺍﻟﻨﺎﺗﻮ ﺍﻟﻤﺴﺦ .."
ﻃﻮﻝ ﻣﺸﻲ ﻟﻠﺤﻮﺵ ..
ﻭﻫﻤﺎ ﻧﺎﺿﻮﺍ ﻓﻲ ﺟﺮﺗﻪ ..
ﺩﺍﺧﻞ ..
ﻏﻴﺮ ﺍﻟﻠﻪ ﻳﺮﺩ ﻛﻴﺪﻫﻢ ﻓﻲ ﻧﺤﺮﻫﻢ ﻭﻳﻨﺼﺮ ﺍﻟﻘﺬﺍﻓﻲ ﻭﺗﻮ ﻳﻘﻄﺮ ﻓﻲ ﻋﻴﻮﻧﻬﻢ ﺍﻟﺜﻮﻡ ﺍﻟﺠﻴﻒ ﻫﺎﺩﻡ ..
ﺣﻤﻴﺪﻩ : ﻣﺎﻳﻤﺸﻮﺵ ﺍﻻ ﺑﺎﻟﻨﺎﺭ ..
ﻛﻔﺎﻳﻪ ﺷﺒﺤﺖ ﻟﻠﻄﻴﻔﻪ ..
ﻟﻄﻴﻔﻪ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ﺑﻤﻌﻨﻲ " ﻣﻌﻠﻴﺸﻲ "
" ﻛﻔﺎﺍﺍﺍﺍﻳﻪ .."
ﻫﻨﻲ ﻛﻔﺎﻳﻪ ﻗﻠﺒﻬﺎ ﺍﻧﻘﺒﺾ ﺑﻘﻮﺓ ..
ﻛﻠﻬﻢ ﺷﺒﺤﻮﺍ ﻟﺒﺎﺏ ﺍﻟﺪﺍﺭ ..
" ﻛﻔﺎﻳﻪ ﺍﻃﻠﻌﻲ ﻫﻨﻰ .."
ﺣﻤﻴﺪ : ﺷﻦ ﻋﻨﺪﻙ ﻣﻌﺎﻫﺎ ..
ﻣﺤﻤﺪ ﻣﺎﺑﺎﺵ ﻳﺮﺩ ..
ﻧﺎﺿﺖ ﻛﻔﺎﻳﻪ ﻭﻃﻠﻌﺖ ﻣﻦ ﺍﻟﺪﺍﺭ ﻭﺧﻮﺍﺗﻬﺎ ﻭﺭﺍﻫﺎ ...
ﻛﻔﺎﻳﻪ : ﺧﻴﺮﻙ ﻣﺤﻤﺪ ..
ﻣﺤﻤﺪ : ﺣﻖ ﻭﻟﺪﻙ ﻣﻊ ﺍﻟﺠﺮﺫﺍﻥ ..!!
ﺷﺒﺤﻮﻟﻬﺎ ﺯﻳﻨﺐ ﻭﻏﺎﻟﻴﻪ ﺑﺼﺪﻣﻪ ..
ﺑﻴﻨﻤﺎ ﺣﻤﻴﺪﻩ ﺑﺮﻓﻌﺔ ﺣﺎﺟﺐ ..
ﻟﻄﻴﻔﻪ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ..
ﺭﺍﻧﻴﺎ ﺿﻴﻘﺖ ﻋﻴﻮﻧﻬﺎ ﻟﻤﺎ ﺳﻤﻌﺖ ﻛﻼﻡ ﻣﺤﻤﺪ ﻭﻛﺎﻧﺖ ﻧﻔﺲ ﺭﺩﺓ ﻓﻌﻞ ﻧﻮﺭ ﻭﺭﺑﺎﺏ ..
ﻋﻜﺲ ﺭﻓﻘﻪ ﺍﻟﻠﻲ ﻛﺎﻧﺖ ﻋﺎﺭﻓﻪ ﻭﺗﺸﻮﻑ ﻟﻌﻤﺘﻬﺎ ﺑﺄﺳﻒ ..
ﺧﺸﺖ ﺭﺯﺍﻥ ﻣﻦ ﻓﻢ ﺍﻟﺒﻮﺍﺑﻪ ﻉ ﻛﻠﻤﺔ ﻋﻤﺘﻬﺎ ﻭﻫﻲ ﺗﻘﻮﻝ ..
" ﻭﻟﺪﻱ ﻣﻊ ﺍﻟﺜﻮﺍﺭ .."
ﻋﻤﺮ ﺍﻧﺼﺪﻡ ﺑﺰﻳﺎﺩﻩ ...
ﻭﻣﻴﻼﺩ ﻟﻒ ﻭﻣﺸﻲ ﻃﻮﻝ ..
ﺯﻳﻨﺐ ؛ﺛﻮﺍﺭ ...!!!!!
ﺣﻤﻴﺪﻩ؛ﻣﺄﻳﺪﺗﻴﻪ ﺍﻧﺘﻲ ﺻﺎﺭ !!
ﻣﺤﻤﺪ : ﺗﻌﺮﻓﻲ ﺍﻧﺘﻢ ﺷﻨﻮ ﻳﺎﻛﻔﺎﻳﻪ .. ﺍﻧﺘﻢ ﺧﻮﻧﻪ ..
ﺣﻤﻴﺪﻩ : ﻣﻮﺍﻟﻴﻴﻦ ﻟﻠﻴﻬﻮﺩ ﻣﺄﻳﺪﻳﻦ ﺩﻣﺎﺭ ﺍﻟﺒﻼﺩ ..
ﺯﻳﻨﺐ : ﻣﺎﻳﺪﻳﻦ ﻣﻮﺕ ﺭﻣﺰﻱ ﻭﻗﺒﻠﻬﺎ ﻋﻤﺎﺭ ..
ﻣﺤﻤﺪ : ﺍﺷﻤﺘﻲ ﻓﻮﻟﺪ ﺧﻮﻙ ﻭﻭﻟﺪ ﺧﺎﻟﻚ !! ﻗﻠﺘﻲ ﺍﻟﻠﻪ ﺃﻛﺒﺮ ﻣﻨﻴﻦ ﻃﺎﺣﺖ ﻣﺼﺮﺍﺗﻪ ﻭﻗﺼﻔﻮﺍ ﺍﻟﺮﺗﻞ !!
ﺯﻳﻨﺐ : ﻣﻌﻘﻮﻟﻪ ﻳﺎﻛﻔﺎﻳﻪ ﻣﻌﻘﻮﻟﻪ !! ﺗﺨﻠﻲ ﻭﻟﺪﻙ ﻳﻤﺸﻲ ﻓﻲ ﻫﺎﻟﻄﺮﻳﻖ .. ﺗﺨﻠﻴﻪ ﻳﻮﻟﻲ ﻣﻊ ﻛﻤﺸﺔ ﻫﺎﻟﻤﺠﺎﺭﻡ ﺍﻟﻔﺎﺳﺪﻳﻦ ﺍﻟﻠﻲ ﻧﺴﻤﻌﻮﺍ ﺑﺒﻼﻫﻢ ﻛﻞ ﻳﻮﻡ ﻻﺭﺍﻋﻮﺍ ﺣﺮﻣﻪ ﻭﻻﺻﺎﻧﻮﺍ ﻋﺮﺽ ..
ﺗﺴﻤﻊ ﻓﻲ ﺍﻟﻜﻼﻡ ﻭﻣﺶ ﻗﺎﺩﺭﻩ ﺗﻨﻄﻖ ﺑﺤﺮﻑ ..
ﻋﻨﺪﻫﺎ ﻫﻠﺒﻪ ﻛﻼﻡ ﺍﺩﺍﻓﻊ ﺑﻴﻪ ﻉ ﻭﻟﺪﻫﺎ ﻭﻣﻮﻗﻔﻪ ﻟﻜﻦ ﺍﻟﻠﻲ ﺯﻳﻬﻢ ﻣﺴﺘﺤﻴﻞ ﻳﻘﺘﻨﻌﻮﺍ ..
ﺣﻤﻴﺪ : ﻋﻤﺎﺩ ﺭﺍﺟﻞ ﻭﻣﺮﺑﻴﻨﻪ ﺳﻌﺪ ﻭﻛﻔﺎﻳﻪ ﺍﻟﻄﺮﻳﻖ ﺍﻟﻠﻲ ﻣﺎﺷﻲ ﻓﻴﻬﺎ ﻫﻮ ﺍﻛﻴﺪ ﺣﺘﻜﻮﻥ ﺻﺢ ..
ﻣﺤﻤﺪ؛ﺍﻳﻦ ﺻﺢ ﺍﻧﺖ ﺍﻟﺘﺎﻧﻲ .. ﻭﺑﻌﺪﻳﻦ ﻣﻦ ﺍﻣﺘﻰ ﻋﻤﺎﺩ ﻣﺎﺷﻲ ﻓﻲ ﻃﺮﻳﻖ ﺻﺢ ﻣﺘﺎﻉ ﺍﻟﺒﻨﺎﺕ ﻗﺼﺪﻙ ﻭﻻ ﺭﺍﺟﻞ ﺑﻴﻦ ﻳﻮﻡ ﻟﻴﻠﻪ ﻭﻗﺎﻡ ﺳﻼﺡ ﻭﺧﺶ ﺣﺮﺏ .. ﻭﻻ ﺧﺸﻬﺎ ﻉ ﺷﺎﻥ ﺣﺎﺟﺎﺕ ﺗﺎﻧﻴﻪ ..
ﺯﻳﻨﺐ : ﻫﻠﺒﻪ ﺷﺒﺎﺏ ﺩﺍﺭﻭ ﺯﻳﻪ ﻉ ﺧﺎﻃﺮ ﺍﻟﺤﺎﺟﺎﺕ ﻫﺎﺩﻱ ..
ﺣﻤﻴﺪﻩ : ﻭﺍﻟﻠﻮﻡ ﻫﻨﻰ ﻉ ﺍﻻﻡ ﻭﺍﻷﺏ ..
ﻛﻔﺎﻳﻪ ﻣﻦ ﺻﺪﻣﺘﻬﺎ ﻣﺶ ﻗﺎﺩﺭﺓ ﺗﻨﻄﻖ ﻣﺶ ﻗﺎﺩﺭﺓ ﺗﺘﻜﻠﻢ ﺍﻟﻤﺮﺍﺓ ﻣﺼﺪﻭﻣﻪ ﺑﻘﻮﺓ ﻣﺶ ﻣﺴﺘﻮﻋﺒﻪ ﺍﻥ ﺍﻟﻠﻲ ﻗﺪﺍﻣﻬﺎ ﺧﻮﺗﻬﺎ ﻣﺶ ﻣﺼﺪﻗﻪ ..
ﺑﻨﺎﺕ ﺧﻮﺍﺗﻬﺎ ﻭﻏﺎﻟﻴﻪ ﻭﻟﻄﻴﻔﻪ ﻭﺭﻓﻘﻪ ﻳﺸﻮﻓﻮﻟﻬﺎ ﺑﺄﻟﻢ ..
ﻭﺑﻨﺘﻬﺎ ﺷﺎﺩﻩ ﻓﻲ ﻗﻔﻄﺎﻧﻬﺎ ﻭﺗﻌﻴﻂ ..
ﻣﺎﻓﻴﺶ ﻣﻦ ﻳﺮﺩ ﻋﻠﻴﻬﻢ ﻣﺎﻓﻴﺶ ..
ﻭﺣﻤﻴﺪ ﺧﺎﻳﻒ ﻟﻮ ﻛﺜﺮ ﺟﺪﻝ ﻳﻌﺮﻓﻮﺍ ﺍﻧﻪ ﻣﺸﺎﺭﻙ ﻓﻴﻬﺎ ﻭﺗﻮﺻﻞ ﺍﻟﺤﻜﺎﻳﻪ ﻟﻤﺪﺍﻥ ﺍﻟﻴﺪ ﻭﻳﻄﻴﺢ ﺍﻟﻘﺪﺭ ..
ﻫﻤﺎ ﻋﺎﺭﻓﻴﻨﻪ ﺿﺪ ﺍﻟﻘﺬﺍﻓﻲ ﻟﻜﻦ ﻣﺎﻫﻤﺶ ﻋﺎﺭﻓﻴﻦ ﺍﻧﻪ ﻣﺸﺎﺭﻙ .. ﻭﻓﻲ ﻓﺮﻕ ﺑﻴﻦ ﺍﻟﺤﺎﻟﺘﻴﻦ ﻋﻨﺪﻫﻢ ..
ﻓﻲ ﻋﺰ ﻫﺎﻟﺼﻤﺖ ..
ﺻﻮﺕ ﻭﺍﺣﺪ ﺑﺲ ﺩﺍﻓﻊ ﻋﻦ ﻋﻤﺎﺩ ﺑﻜﻞ ﺟﺮﺍﺓ ﻭﻗﻮﺓ ..
ﺭﺯﺍﻥ : ﻟﻮ ﻋﻤﺎﺩ ﻣﺶ ﺭﺍﺟﻞ ﺭﺍﻙ ﻓﻲ ﺍﻟﺤﺒﺲ ﺗﻮﺍ ﻉ ﺧﺎﻃﺮ ﺩﻳﻨﻚ ﺍﻟﻠﻲ ﺧﺪﻳﺘﻪ ﻣﻦ ﻭﻟﺪ ﺯﺑﻴﺪﻩ .. ﺗﺤﺴﺎﺏ ﺭﻣﺰﻱ ﺩﻓﻊ ﻋﻨﻚ ﺭﺍﻫﻮ ﻋﻤﺎﺩ ﺍﻟﻠﻲ ﺩﻓﻌﻬﻦ ﻭﻗﺎﻝ ﻟﺮﻣﺰﻱ ﻣﺎﺗﻘﻮﻟﺶ ﺍﻧﻬﻦ ﻣﻨﻲ ﻭﻻﺍﻧﻲ ﻧﻌﺮﻑ ..
ﻟﻮ ﻋﻤﺎﺩ ﻣﺶ ﺭﺍﺟﻞ ﺭﺍﻫﻮ ﻣﺎﺧﺸﺶ ﻓﺤﻜﺎﻳﻪ ﺍﻟﺒﻀﺎﻋﻪ ﺍﻟﻠﻲ ﺷﺪﺗﻬﺎ ﺍﻟﺠﻤﺎﺭﻙ ﻣﺘﺎﻉ ﻗﻬﻮﺓ ﻋﻤﺮ ﻭﺧﻼﻫﻢ ﻃﻠﻘﻮﻫﺎ ...
ﺍﻟﻠﻲ ﻳﺪﻳﺮ ﻛﻴﻒ ﻣﺎﺩﺍﺭ ﻋﻤﺎﺩ ﻫﻮ ﺍﻟﻠﻲ ﺭﺍﺟﻞ .. ﺭﻳﺖ ﺭﻣﺰﻱ ﺣﻲ ﻭﻳﺨﺒﺮ ﺑﺮﻭﺣﻪ ..
🍃 ﻣﻤﻜﻦ ﻫﺎﺩﻱ ﺍﻟﻔﺎﻳﺪﻩ ﺍﻟﻮﺣﻴﺪﻩ ﺍﻟﻠﻲ ﻃﻠﻌﺖ ﺑﻴﻬﺎ ﺭﺯﺍﻥ ﻣﻦ ﺗﺠﺴﺴﻬﺎ ﻉ ﺧﻮﻫﺎ 🍃
ﺑﺲ ﺯﻱ ﻣﺎﻳﻘﻮﻟﻮﺍ ﻛﻼﻡ ﺍﻟﺤﻖ ﻭﺟﺎﻉ ...
ﻗﺪﻡ ﻣﺤﻤﺪ ﻟﺮﺯﺍﻥ ﻭﻧﺰﻝ ﻉ ﻭﺟﻬﻬﺎ ﺑﻜﻒ ..
ﺧﻼ ﺭﺯﺍﻥ ﺗﺮﺗﺞ ﻣﻊ ﺑﻌﻀﻬﺎ ..
ﻛﻔﺎﻳﻪ ﺷﺒﺤﺘﻠﻬﺎ ﺑﺼﺪﻣﻪ ﺑﻌﺪﻳﻦ ﺷﺎﻓﺖ ﻟﻤﺤﻤﺪ ﺑﻐﻞ ..
ﻣﺤﻤﺪ : ﻋﺪﻱ ﺭﻭﺣﻲ ﻳﺎﻓﺎﺳﺪﻩ ﻋﺪﻱ ..
ﺭﺯﺍﻥ ﺷﺒﺤﺘﻠﻪ ﺑﺤﻘﺪ ﺑﻌﺪﻳﻦ ﻟﻔﺖ ﻭﻣﺸﺖ ﺑﺴﺮﻋﻪ ..
ﺣﻤﻴﺪ : ﻛﻔﺎﻳﻪ ﻟﻄﻔﻴﻪ ﻭﺗﻮﺍ ﺭﻭﺍﺣﻜﻢ ..
ﻭﻟﻒ ﻭﻣﺸﻲ ﻃﻠﻊ ..
ﻣﺤﻤﺪ : ﺗﻲ ﻋﺪﻭﺍ ﻛﻠﻜﻢ ﻣﻊ ﺑﻌﻀﻜﻢ ﻓﻲ ﺳﺘﻴﻦ ﻭﺩﺭﺓ ..
ﻋﻤﺮ : ﻣﺤﻤﻤﺪ ..
ﻣﺤﻤﺪ ﻭﻫﻮ ﻣﺎﺷﻲ ﻭﻳﺤﺮﻙ ﻓﻴﺪﻩ : ﻓﻮﺗﻨﻲ ﺍﻧﺖ ﺍﻟﺘﺎﻧﻲ ..
ﻃﻠﻊ .. ﻭﻋﻤﺮ ﻭﺭﺍﻩ ..
ﻭﻛﻔﺎﻳﻪ ﺗﺸﻮﻑ ﻟﻠﺒﺎﺏ .. ﺑﻌﺪﻳﻦ ﻧﺰﻟﺖ ﻋﻴﻮﻧﻬﺎ ﻟﺒﻨﺘﻬﺎ ﻗﺎﻣﺘﻬﺎ ﻓﻐﻤﺮﻫﺎ ..
ﺯﻳﻨﺐ ﻣﺸﺖ ﻫﻲ ﻭﺣﻤﻴﺪﻩ ﻟﺪﺍﺭ ﺧﺸﻮﺍ ﻭﺳﻜﺮﻭﺍ ﺍﻟﺒﺎﺏ ...
ﻭﺍﺿﺤﻪ ..
ﻫﻲ ﺷﺒﺤﺖ ﻟﻠﺒﺎﺏ ﺷﻮﻳﻪ ..
ﻧﺰﻟﻮﺍ ﺩﻣﻮﻋﻬﺎ .. ﻣﺸﺖ ﺑﻌﺪﻫﺎ ﻟﻠﺪﺍﺭ ﺍﻟﺘﺎﻧﻴﻪ ﺑﺶ ﺗﻮﺗﻲ ﺭﻭﺣﻬﺎ ..
ﻭﻟﻄﻴﻔﻪ ﻭﺭﻓﻘﻪ ﻭﺭﺍﻫﺎ ..
ﺭﺑﺎﺏ : ﻗﺼﺪﻛﻢ ﻉ ﺧﺎﻃﺮ ﺩﻭﺓ ﻓﺎﺿﻴﻪ ﺯﻱ ﻫﺎﺩﻱ ﻳﺘﻌﺎﺭﻛﻮﺍ ﻫﻜﻲ !!
ﺭﺍﻧﻴﺎ : ﻣﺤﻤﺪ ﻣﺶ ﺣﻴﻮﺟﻌﻪ ﺭﻣﺰﻱ ﻛﻴﻒ ﻣﺎﻭﺟﻌﻨﻲ ﺍﻧﻲ .. ﻟﻜﻦ ﻣﺴﺘﺤﻴﻞ ﻧﺪﻳﺮ ﺯﻱ ﻣﺎﺩﺍﺭ ...
ﻏﺎﻟﻴﻪ : ﻣﺤﻤﺪ ﻛﻴﻒ ﺍﻟﻠﻲ ﺣﺎﺱ ﺑﺎﻟﺬﻧﺐ ..
ﻧﻮﺭ : ﺑﺎﻫﻲ ﻛﺎﻥ ﻻﻗﺪﺭ ﺍﻟﻠﻪ ﻋﻤﺎﺩ ﺍﻟﻠﻲ ﻣﺎﺕ !!
ﺷﺒﺤﻮﺍ ﻟﺒﻌﻀﻬﻢ ...
ﺑﻌﺪﻳﻦ ..
ﻏﺎﻟﻴﻪ ﺗﻨﻬﺪﺕ ﺑﺤﺮﻗﻪ ﻭﻗﺎﻟﺖ : ﻓﺘﻨﻪ ﻭﺍﻟﻠﻪ ﻓﺘﻨﻪ ..
ﺭﺍﻧﻴﺎ ﺑﺪﻣﻮﻉ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﻏﺎﻟﻴﻪ : ﺣﺪﺍﻙ ﺍﻷﻭﻻﺩ ﻳﺎﻧﻮﺭ ..
ﺳﻤﻌﻮﺍ ﺻﻮﺕ ﻋﻴﺎﻁ ﺟﻮﺍﺩ ..
ﻧﻮﺭ : ﻧﺎﺽ ..
ﺭﺑﺎﺏ : ﺧﺸﻲ ﺷﻮﻓﻴﻪ ﺗﻮ ﺍﻧﻲ ﻧﺮﺩ ﺑﺎﻟﻲ ﻣﻨﻬﻢ ..
🍁🍁🍁🍁🍁
ﺧﺸﺖ ﻟﻠﺼﺎﻟﻪ ..
ﻟﻘﺖ ﺧﻮﻫﺎ ﻣﻘﻌﻤﺰ .. ﺍﻟﺘﻠﻔﺰﻳﻮﻥ ﻣﻔﺘﻮﺡ ..
ﻟﻜﻦ ﻫﻮ ﻣﺎﻳﺘﻔﺮﺟﺶ ﻋﻠﻴﻪ ..
ﻛﺎﻥ ﺳﺎﺭﺡ ..
ﻫﻲ ﺍﺳﺘﻐﺮﺑﺖ ..
ﻗﺪﻣﺘﻠﻪ : ﺿﻮ ..
ﻣﺎﺳﻤﻌﻬﺎﺵ ..
ﻣﺮﺍﻡ ﺑﺼﻮﺕ ﺃﻋﻠﻰ : ﺿﻮﻭﻭ ..
ﻗﺎﻡ ﻋﻴﻮﻧﻪ ﻓﻴﻬﺎ : ﺧﻴﺮﻙ ﺗﺼﻴﺤﻲ !!
ﻣﺮﺍﻡ ﺑﻀﺤﻜﻪ : ﺍﻧﺖ ﻛﻨﺖ ﺳﺎﺭﺡ ..
ﺍﺑﺘﺴﻢ : ﻻ ﻻﺳﺎﺭﺡ ﻻﺷﻲ ﻧﻔﻜﺮ ﻓﻲ ﻭﺿﻊ ﺍﻟﺒﻼﺩ ..
ﻣﺮﺍﻡ : ﺭﺑﻚ ﻳﻔﺮﺟﻬﺎ .. ﺍﻳﻪ ﻗﻮﻟﻲ ﺗﺒﻲ ﻣﻨﻲ ﺣﺎﺟﻪ ﺑﻨﻌﺪﻱ ﻧﺮﻗﺪ ..
ﺿﻮ : ﻏﻴﺮ ﺩﻗﻴﻘﻪ ﺗﺮﺍ ﻗﻌﻤﺰﻱ ..
ﺍﺳﺘﻐﺮﺑﺖ ﻣﺮﺍﻡ ...
ﻗﻌﻤﺰﺕ ..
ﻣﺮﺍﻡ : ﺧﻴﺮ !
ﺿﻮ : ﺭﻣﻀﺎﻥ ﻫﺪﻯ ﺑﻨﻘﻌﺪ ﻓﻄﺮﺍﺑﻠﺲ .. ﻧﺒﻴﻚ ﺗﻌﺪﻱ ﻣﻌﺎﻱ ..
ﻣﺮﺍﻡ ﺑﻀﺤﻜﻪ : ﺷﻦ ﺧﻄﺮ ﻋﻠﻴﻚ ..
ﺿﻮ : ﻋﻨﺪﻱ ﻣﺎﻧﺪﻳﺮ ﻏﺎﺩﻱ ..
ﻣﺮﺍﻡ ﺑﺘﻔﻜﻴﺮ : ﻣﺶ ﻋﺎﺭﻓﻪ .. ﻉ ﺳﻴﺪﻱ ﻭﺍﻣﻲ ..
ﺿﻮ : ﻛﻠﻤﺘﻬﻢ ﺍﻣﺲ ﻭﻗﺎﻟﻮﺍ ﺑﺎﻫﻲ ..
ﻣﺮﺍﻡ : ﻓﻲ ﺍﻭﺿﺎﻉ ﻛﻴﻒ ﻫﺪﻱ؟
ﺿﻮ : ﻣﻌﺎﻙ ﺧﻮﻙ ﻣﺎﺗﺨﺎﻓﻲ ﻣﻦ ﺷﻲ ..
ﻣﺮﺍﻡ ﺑﻀﺤﻜﻪ : ﺍﻟﺮﺟﻞ ﺍﻷﺧﻀﺮ ..
ﺿﻮ ﺑﻀﺤﻜﻪ : ﻻﻣﺶ ﺍﻧﻲ ﻫﺪﻯ ..
ﻣﺮﺍﻡ : ﻫﻬﻬﻬﻬﻬﻬﻪ ..
ﺿﻮ ﺑﻀﺤﻜﻪ : ﻫﺎ ﺷﻦ ﻗﺘﻲ ..
ﻣﺮﺍﻡ ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ ..
ﺍﺑﺘﺴﻢ .. ﺑﻌﺪ ﺗﻨﺤﻨﺢ ﻭﻗﺎﻝ : ﻣﺎﻛﻤﺶ ﻣﺎﺷﻴﻦ ﻟﻌﻴﺖ ﺭﻣﻀﺎﻥ ..
ﻣﺮﺍﻡ : ﻻ ﺧﻼﺹ ﺳﺎﺩ ﻧﻬﺎﺭ ﻣﻦ ﺍﻟﻨﻬﺎﺭﺍﺕ ﺍﺳﺒﻮﻉ ﺍﻟﺠﺎﻱ ﻧﻌﺪﻭﺍ ..
ﻫﺰ ﺭﺍﺳﻪ ﺑﺈﻳﺠﺎﺏ ..
ﻣﺮﺍﻡ : ﻓﻲ ﺣﺎﺟﻪ؟ ..
ﺿﻮ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﺑﺎﻟﻨﻔﻲ ..
ﻣﺮﺍﻡ : ﺑﺎﻫﻲ .. ﻣﺎﺗﺒﻲ ﺷﻲ ..
ﺿﻮ ﺑﺈﺑﺘﺴﺎﻣﻪ؛ﻋﺪﻱ ﺍﺭﺗﺎﺣﻲ ..
ﻧﺎﺿﺖ ﻭﻫﻲ ﻣﺒﺘﺴﻤﻪ ..
ﻭﻣﺸﺖ ﻃﻠﻌﺖ ﻣﻦ ﺍﻟﺼﺎﻟﻪ ....
ﻭﺭﺟﻊ ﺿﻮ ﺳﺮﺡ ﻣﺮﺓ ﺗﺎﻧﻴﻪ ..
🍁🍁🍁🍁
ﻓﻢ ﺍﻟﺒﻮﺍﺑﻪ ..
ﻃﻠﻌﻮﺍ ﻟﻄﻴﻔﻪ ﻭﺭﻓﻘﻪ ﻭﻫﻤﺎ ﻣﻀﺎﻳﻘﺎﺕ ﻉ ﺍﻵﺧﺮ ..
ﻭﺗﻮﺟﻬﻮﺍ ﺑﻄﺮﻳﻘﻬﻢ ﻟﻠﺴﻴﺎﺭﺓ ...
ﺩﺍﺧﻞ ..
ﻗﺎﻣﺖ ﻛﻔﺎﻳﻪ ﺑﻨﺘﻬﺎ ﻓﻲ ﻏﻤﺮﻫﺎ ..
ﻭﻫﻲ ﻣﺎﺷﻴﻪ ﻟﻠﺒﺎﺏ ﻭﻗﻔﺖ ..
ﺍﻟﺘﻔﺘﺖ ﻟﻠﺪﺍﺭ ﺍﻟﻤﺴﻜﺮﺓ ..
ﻏﺎﻟﻴﻪ ﺗﺸﺒﺤﻠﻬﺎ ..
" ﺍﻟﻴﻮﻡ ﻫﺪﺍ ﺭﺩﻭ ﺑﺎﻟﻜﻢ ﺗﻨﺴﻮﻩ ..
ﺭﺩﻱ ﺑﺎﻟﻚ ﺗﻨﺴﻴﻪ ﻳﺎﺣﻤﻴﺪﻩ ..
ﺭﺩﻱ ﺑﺎﻟﻚ ﺗﻨﺴﻴﻪ ﻳﺎﺯﻳﻨﺐ ..
ﻭﺣﺘﻰ ﺍﻧﺖ ﻳﺎﻣﺤﺎﺍﺍﺍﻣﺪ
ﻷﻧﻲ ﻟﻴﻦ ﻧﻤﻮﺕ ﻣﺎﻧﻲ ﻧﺎﺳﻴﺎﺗﻪ .."
ﻏﺎﻟﻴﻪ ﺩﻣﻮﻋﻬﺎ ﻧﺰﻟﻮﺍ ﻭﻫﻲ ﺗﺸﻮﻑ ﻟﻜﻔﺎﻳﻪ ﻛﻴﻒ ﻃﺎﻟﻌﻪ ﺑﺒﻨﺘﻬﺎ ﻣﻦ ﻓﻢ ﺍﻟﺒﻮﺍﺑﻪ ...
ﻗﻌﺪﺕ ﺗﺒﻜﻲ ﺑﻘﻬﺮﺓ ﻉ ﻛﻞ ﺷﻲ ..
ﻉ ﺑﻮﻫﺎ ..
ﻉ ﺭﻣﺰﻱ ..
ﻉ ﻋﻤﺎﺩ ..
ﻉ ﺍﻟﻠﻲ ﺻﺎﺭ ﻗﺒﻞ ﺷﻮﻳﻪ ﺑﻴﻦ ﺍﻟﺨﻮﺕ ..
ﻛﻠﻪ ﻳﻘﻬﺮ .. ﻛﻠﻪ ..
ﺍﻣﺎ ﻛﻔﺎﻳﻪ ..
ﻓﻜﺎﻧﺖ ﺭﺍﻓﻀﻪ ﺗﻨﺰﻝ ﺩﻣﻌﻪ ﻗﺒﻞ ﺗﻮﺻﻞ ﻟﺴﻴﺎﺭﺓ ﺧﻮﻫﺎ ..
ﻭﺻﻠﺖ ..
ﺭﻛﺒﺖ ﻫﻲ ﻭﺑﻨﺘﻬﺎ ..
ﻭﺭﻛﺐ ﺣﻤﻴﺪ .. ﻭﻃﻮﻝ ﺗﺤﺮﻙ ...
ﺩﺍﺧﻞ ..
ﻓﺘﺤﺖ ﺍﻟﺒﺎﺏ ﺑﻘﻮﺓ : ﻛﻮﻳﺲ ﻫﻜﻲ !! ﺍﺭﺗﺤﺘﻦ ..
ﺣﻤﻴﺪﻩ : ﻣﺎﻏﻠﻄﺖ ﻓﺸﻲ ..
ﺯﻳﻨﺐ : ﻭﻻ ﺍﻧﻲ ﻗﻠﻨﺎ ﺍﻟﺤﻖ ..
ﻏﺎﻟﻴﻪ : ﻃﻴﺢ ﺳﻌﺪﻛﻦ ﻭﺳﻌﺪ ﺍﻟﺤﻖ ﺍﻟﻠﻲ ﺗﻌﺮﻓﻨﻪ ..
ﻭﻃﻠﻌﺖ ﻭﺭﻓﻌﺖ ﺍﻟﺒﺎﺏ ﻓﻴﺪﻫﺎ ﺑﻘﻮﺓ ..
🍃 ﺣﻤﻴﺪﺓ ﻭﺯﻳﻨﺐ ﻓﻘﺮﺍﺭﺓ ﻧﻔﺴﻬﻢ ﻋﺎﺭﻓﻴﻦ ﺍﺭﻭﺍﺣﻬﻢ ﻏﻠﻄﻮﺍ ﻣﻊ ﺍﺧﺘﻬﻢ .. ﻟﻜﻨﻬﻢ ﻣﻘﺘﻨﻌﻴﻦ ﺍﻗﺘﻨﺎﻉ ﺗﺎﻡ ﺑﻮﺟﻬﺔ ﻧﻈﺮﻫﻢ ﻓﻲ ﺍﻟﻠﻲ ﺩﺍﺭﻩ ﻭﻟﺪﻫﺎ
ﺍﻣﺎ ﻣﺤﻤﺪ ﺍﻟﻤﺘﻌﺼﺐ ﺑﻄﺒﻌﻪ .. ﻓﻤﻮﺕ ﺭﻣﺰﻱ ﺧﻼﻩ ﻳﻮﻟﻲ ﺷﺮﺱ ﻓﻲ ﻣﻮﺍﻗﻔﻪ ﻛﻠﻬﺎ ﺑﺎﻟﺬﺍﺕ ﺍﻟﺴﻴﺎﺳﻴﻪ .. ﻣﻤﻜﻦ ﺗﻜﻮﻥ ﺭﺩﺓ ﻓﻌﻠﻪ ﻣﺒﺎﻟﻎ ﻓﻴﻬﺎ .. ﻟﺴﺒﺐ ﻭﺍﺣﺪ .. ﻣﻘﻬﻮﺭ ﻉ ﺭﻣﺰﻱ 🍃
🍁🍁🍁
ﻃﻮﻝ ﺍﻟﻄﺮﻳﻖ ﻭﻛﻔﺎﻳﺔ ﺗﺒﻜﻲ ﺑﺎﻟﻌﺒﺮﺓ ..
ﻭﺧﻮﻫﺎ ﻭﻣﺮﺗﻪ ﻭﺑﻨﺘﻪ ﻳﻮﺍﺳﻮﺍ ﻓﻴﻬﺎ ﺑﺎﻟﻜﻼﻡ ..
ﺍﻟﻠﻲ ﺻﺎﺭ ﺑﺎﻟﻨﺴﺒﻪ ﻟﻴﻬﺎ ﻣﺘﻮﻗﻊ ..
ﺑﺲ ﻣﺎﺗﻤﻨﺘﺎﺵ ﻳﺼﻴﺮ ﻭﻛﺎﻧﺖ ﻫﺎﺭﺑﻪ ﻣﻨﻪ ..
ﺑﺲ ﻣﺎﻓﻴﺶ ﻣﻬﺮﺏ ﻣﻦ ﺷﻲ ﻣﺼﻴﺮﻩ ﻳﻨﻜﺸﻒ ..
ﻭﻓﻲ ﺍﻟﻤﻮﺍﻗﻒ ﻫﺎﺩﻱ ﻳﻨﻌﺮﻑ ﻛﻞ ﺣﺪ ﻓﻤﻜﺎﻧﻪ 🍃
🍁🍁🍁🍁🍁
ﻟﻤﺎ ﺭﻭﺡ ﻫﺎﻧﻴﺒﺎﻝ ﺑﺄﻣﻪ ﻭﺍﺧﺘﻪ ﻭﺑﻨﺘﻬﺎ ..
ﺍﻟﻜﻞ ﺍﺗﻔﻘﻮﺍ ﻳﺴﻜﺘﻮﺍ ﻗﺪﺍﻡ ﺩﻻﻝ ﻭﻣﺎﻳﻘﻮﻟﻮﺍ ﺷﻲ ﻋﻦ ﺍﻟﻠﻲ ﻋﺮﻓﻮﻩ ..
ﻟﻤﺎ ﺳﺄﻟﺖ ﺍﻟﺤﺎﺟﻪ ﻓﺎﻃﻤﻪ ﻗﺎﻟﻮﻟﻬﺎ ﺭﺍﺟﻠﻬﺎ ﻳﺒﻴﻬﺎ ﺗﺮﻭﺡ ..
ﻟﻜﻦ ﻫﺎﻧﻴﺒﺎﻝ ﻣﺎﻣﺸﺘﺶ ﻋﻠﻴﻪ ..
ﻋﺎﺭﻑ ﺣﻤﻴﺪ ﻣﺎﻳﻄﻮﻟﺶ ﻓﻲ ﺍﻟﻘﻌﺎﺩ .. ﻟﻜﻦ ﻛﻔﺎﻳﻪ ﻋﻜﺴﻪ ﺗﻤﺎﻣﺎ ..
ﺑﻌﺪ ﺍﺻﺮﺍﺭ ﻣﻨﻪ ﻉ ﻋﻤﺮ ﺍﻧﻪ ﻳﻌﺮﻑ ..
ﻋﻤﺮ ﺣﻜﺎﻟﻪ ﻛﻞ ﺷﻲ ..
ﻫﺎﻧﻴﺒﺎﻝ : ﺍﻗﺴﻢ ﺑﺎﻟﻠﻪ ﺗﻮﻗﻌﺘﻬﺎ ﻣﻦ ﺍﻟﻮﻗﺖ ﺍﻟﻠﻲ ﺳﻤﻌﺖ ﻓﻴﻪ ﺑﻤﻮﺕ ﺳﻴﻔﺎﻭ ..
ﻋﻤﺮ ﺗﻨﻬﺪ ﻭﻗﺎﻝ : ﺍﻟﻤﺸﻜﻠﻪ ﻣﺤﻤﺪ ﻟﺒﺰ ﻭﺍﺍﺍﺟﺪ ﻓﻲ ﺍﻟﺪﻭﺓ ﻭﺍﺍﺍﺟﺪ ..
ﻫﺎﻧﻴﺒﺎﻝ : ﻣﺤﻤﺪ ﻣﺘﺄﺛﺮ ﺑﺎﻟﻠﻲ ﺻﺎﺭ ﻟﺮﻣﺰﻱ .. ﺷﺒﺢ ﺟﻬﺔ ﺣﻮﺵ ﻋﻤﻪ ... ﻭﺳﻜﺖ ..
ﻋﻤﺮ : ﻳﺴﺘﺮ ﺍﻟﻠﻪ ﻣﻦ ﻋﻘﺎﺑﻬﺎ ﻭﺧﻼﺹ ..
ﻫﺎﻧﻴﺒﺎﻝ : ﻳﺴﺘﺮ ﺍﻟﻠﻪ ﻉ ﺑﻼﺩ ﻛﻠﻬﺎ ﻣﻦ ﻋﻘﺎﺑﻬﺎ .. ﺷﺒﺢ ﻟﻌﻤﺮ .. ﺗﻌﺪﻱ ﻣﻌﺎﻱ ﻧﺸﻮﻓﻮﺍ ﻋﻤﻲ .. ﻣﺶ ﻋﺎﺟﺒﻨﻲ ﻭﺿﻌﻪ ..
ﻋﻤﺮ : ﻣﺎﺯﺍﻝ ﻣﺘﺄﺛﺮ ... ﻧﺎﺽ ..
🍁 ﻭﻣﺸﻮﺍ ﻣﻊ ﺑﻌﺾ ﻭﻛﻤﻠﻮﺍ ﻫﺪﺭﺯﺗﻬﻢ ﻟﻴﻦ ﺧﺸﻮﺍ ﻟﺤﻮﺵ ﻋﻤﻬﻢ
🍁🍁🍁🍁🍁
ﺍﻟﺴﺎﻋﻪ 9:00 ﻟﻴﻼ ..
ﻋﺮﻓﻮﺍ ﺑﺎﻳﻨﻪ ..
ﻣﺎﻟﻚ ﻭﻫﻮ ﻳﺼﺐ ﻓﻲ ﺍﻟﻌﺼﻴﺮ : ﻛﺎﻥ ﻧﻌﺮﻑ ﺷﻦ ﻗﺎﻟﻮﻟﻬﺎ ..
ﺳﻌﺪ : ﻣﺶ ﻣﻬﻢ ..
ﺣﻂ ﻣﺎﻟﻚ ﺍﻟﻄﺎﺳﻪ : ﻛﻴﻒ ﻣﺶ ﻣﻬﻢ ﻳﺎﺑﻮﻱ .. ﻣﻦ ﻟﻤﺎ ﺭﻭﺣﺖ ﺧﺸﺖ ﻃﻮﻝ ﺭﻗﺪﺕ ﻭﺍﻟﻠﻪ ﻣﻦ ﺧﻮﻓﻲ ﻋﻠﻴﻬﺎ ﻗﻌﺪﺕ ﻛﻞ ﺷﻮﻳﻪ ﻧﺨﺶ ﻧﺸﻮﻑ ﻓﻴﻬﺎ ..
ﺳﻌﺪ ﺷﺮﺏ ﻣﻦ ﺍﻟﻌﺼﻴﺮ ﺑﻌﺪﻳﻦ ﻗﺎﻝ : ﺍﻟﻤﻮﺍﻗﻒ ﺍﻟﻠﻲ ﺯﻱ ﻫﺎﺩﻱ ﻳﺎﻣﺎﻟﻚ ﻳﻄﻠﻊ ﻓﻴﻬﺎ ﻛﻼﻡ ﻣﺶ ﻣﺤﺴﻮﺏ ﻛﻼﻡ ﻓﻠﺤﻈﺔ ﻏﻀﺐ ﻣﺎﺗﺎﺧﺪﺵ ﺑﻴﻪ ﺑﺎﻟﺬﺍﺕ ﻣﻦ ﺍﻟﻌﺰﻳﺰ ﻋﻠﻴﻚ ..
ﻣﺎﻟﻚ : ﺑﺎﻟﻌﻜﺲ ﺍﻟﻜﻼﻡ ﺍﻟﻠﻲ ﻓﻠﺤﻈﺔ ﻏﻀﺐ ﻫﻮ ﺍﻟﻜﻼﻡ ﺍﻟﻠﻲ ﻳﻄﻠﻊ ﻣﻦ ﺍﻟﻘﻠﺐ ..
ﺳﻌﺪ : ﻳﻌﻨﻲ ﺗﺒﻲ ﺗﻔﻬﻤﻨﻲ ﺗﻮﺍ ﺍﻥ ﺧﺎﻻﺗﻚ ﻭﺧﻮﺍﻟﻚ ﻳﻜﺮﻫﻮﻛﻢ ﻭﻻﻛﻴﻒ ! ؟
ﺳﻜﺖ ﻣﺎﻟﻚ ..
ﺳﻌﺪ : ﻫﺎﻩ ﺭﻳﺖ ... ﻫﺪﺍ ﻋﻼﺵ ﻗﺘﻠﻚ ﻣﺶ ﻣﻬﻢ ﺗﻌﺮﻑ ﺍﻟﻠﻲ ﺍﻧﻘﺎﻝ ﻷﻣﻚ ﻷﻥ ﻣﺼﻴﺮﻫﻢ ﻳﻨﺪﻣﻮﺍ ﻋﻠﻴﻪ .. ﻭﻳﻄﻠﺒﻮﺍ ﺍﻟﺴﻤﺎﺡ ﻣﻨﻬﺎ ﻭﻫﻲ ﺣﺘﺴﺎﻣﺤﻬﻢ ﻷﻧﻬﻢ ﺍﻫﻠﻬﺎ ﻭﻳﺘﺼﺎﻓﻮﺍ ..
ﺗﻨﻬﺪ ﻣﺎﻟﻚ ﺑﻀﻴﻖ ﻭﻗﻌﺪ ﺳﺎﻛﺖ ..
ﺷﺮﺏ ﺳﻌﺪ ﻃﺎﺳﺔ ﺍﻟﻌﺼﻴﺮ ﻛﻠﻬﺎ ﻭﻃﻠﻊ ﻣﻦ ﺍﻟﻜﻮﺟﻴﻨﻪ ..
ﻣﺎﻟﻚ ﺑﺮﻓﻌﺔ ﺣﺎﺟﺐ : ﺗﻮ ﻧﻌﺮﻑ ﺷﻦ ﻗﺎﻟﻮﺍ ..
ﻓﺠﺄﺓ ...
ﻫﺮﺏ ﺍﻟﻀﻲ ..
ﻣﺎﻟﻚ ﺑﺘﻬﻜﻢ : ﻣﻈﻠﻤﻪ ﺑﺮﻭﺣﻬﺎ ﻫﻲ ﺳﻮﺍ ﻫﺮﺏ ﻭﻻ ﻗﻌﺪ ..
🌴🌴🌴🌴🌴🌴🌴🌴🌴🌴🌴🌴
ﻭﺷﻦ ﺑﺪﻳﺮ ﺗﻮ؟
ﺍﻟﺼﺪﻳﻖ ﻭﻫﻮ ﻳﺎﻛﻞ ﻓﻲ ﺍﻟﺸﺮﻣﻮﻟﻪ : ﻭﺍﺣﺪ ﻧﻌﺮﻓﻪ ﺧﺶ ﻣﻌﺎﻱ ﺷﺮﻳﻚ ﻭﺳﺎﻋﺪﻧﻲ ..
ﺣﻤﻴﺪﻩ : ﺍﻟﺤﻤﺪ ﻟﻠﻪ ..
ﺍﻟﺼﺪﻳﻖ : ﺷﻨﻮ ﺣﺎﻝ ﻫﻠﻚ ..
ﺗﻨﻬﺪﺕ ﻭﻗﺎﻟﺖ : ﺍﻫﻮ ﻣﺮﺓ ﻳﻨﺴﻮﺍ ﻭﻣﺮﺓ ﻳﺘﻔﻜﺮﻭﺍ ..
ﺍﻟﺼﺪﻳﻖ ﺑﺄﺳﻒ : ﻗﺪﻳﺶ ﻭﺟﻌﻨﻲ ﺭﻣﺰﻱ ﻭﺍﻧﻘﻬﺮﺕ ﻋﻠﻴﻪ ﺑﺠﺪ .. ﺷﺎﺏ ﻣﺎﺷﺎﺀ ﺍﻟﻠﻪ ﻋﻠﻴﻪ ﻏﻴﺮ ﺷﻦ ﺯﺭﻩ ﻉ ﻫﺎﻟﺒﻠﻲ ﺑﺲ ..
ﺣﻤﻴﺪﻩ : ﻫﻮ ﺩﻣﻪ ﺣﺎﻣﻲ ﻣﺎﺗﺤﻤﻠﺶ ﺍﻟﻠﻲ ﻗﺎﻋﺪ ﻳﺼﻴﺮ ﻓﻲ ﺍﻟﺒﻼﺩ
ﺍﻟﺼﺪﻳﻖ : ﻛﻼ ﺍﻟﺒﻼﺩ ﻫﺪﻱ ﻣﺎﻓﻲ ﻭﺍﺣﺪ ﻓﺎﻫﻢ ﺍﻟﻠﻲ ﺻﺎﻳﺮ ﻓﻴﻬﺎ .. ﺍﻧﻲ ﻧﺸﻮﻑ ﺍﻧﻪ ﻓﺘﻨﻪ ﻭﺍﻟﻮﺍﺣﺪ ﺍﺳﻠﻤﻠﻪ ﻳﺒﻌﺪ ﻋﻨﻬﺎ ..
ﺣﻤﻴﺪﻩ : ﺭﺑﻚ ﻳﻔﺮﺝ ﻭﺧﻼﺹ ..
ﺍﻟﺼﺪﻳﻖ : ﺍﻳﻪ ﻫﻮ ﻫﺪﻯ ..
ﻛﻠﻲ ﺍﺧﺮ ﻓﻢ ﻭﻧﺎﺽ ﻭﻫﻮ ﻳﻘﻮﻝ : ﺭﺍﻗﺪﻩ ﺣﻨﻴﻦ ..
ﺣﻤﻴﺪﻩ ﻭﻫﻲ ﺗﻘﻴﻢ ﻓﻲ ﺍﻟﺼﻔﺮﻩ : ﺍﻳﻪ ..
ﺍﻟﺼﺪﻳﻖ : ﺑﺎﻫﻲ ..
ﻭﻣﺸﻲ ﻃﻠﻊ ﻣﻦ ﺍﻟﺪﺍﺭ ﻭﻫﻲ ﻭﺭﺍﻩ ..
🍁🍁🍁🍁🍁🍁🍁
ﺍﻟﺴﺎﻋﻪ 12:00 ﻟﻴﻼ ..
" ﺗﻤﺎﺍﺍﺍﻡ ﺳﻴﺪﻱ .. ﺗﻤﺎﺍﻡ ﺳﻴﺪﻱ ..."
ﻳﻘﺮﺑﻊ ﺍﻟﺒﺎﺏ ﻭﻳﻘﻮﻝ : ﺍﻓﺘﺤﻮﻭﻭﻭﺍ ... ﻳﺎﻫﻮﻭﻭﻭﻭ ..
ﻭﻫﻤﺎ ﻓﻲ ﺍﻟﺤﻮﺵ
ﺣﺎﻟﻬﻢ ﺯﻱ ﺣﺎﻝ ﻛﻞ ﻟﻴﻠﻪ ﻳﺠﻲ ﻓﻴﻬﺎ ..
ﻋﺮﻭﺑﻪ : ﻳﺎﺭﺏ ﺧﻮﺩﻩ ﻳﺎﺭﺏ ﻳﺎﺍﺍﺭﺏ ﺍﺭﺣﻤﻨﺎ ﻭﺧﻮﺩﻩ ﻳﺎﺭﺏ ..
ﺍﻣﺎﻧﻪ ﺑﺒﻜﻲ : ﻳﺎﺭﺑﻲ ﺷﻦ ﺩﺍﻳﺮﺓ ﻓﻌﻤﺮﻱ ﺑﻴﺶ ﻳﺼﻴﺮ ﻓﻴﺎ ﻫﻜﻲ ﺷﻦ ﺩﺍﻳﺮﺓ ..
ﻭﻣﺎﺯﺍﻝ ﻳﻘﺮﺑﻊ ﻉ ﺍﻟﺒﺎﺏ ...
ﻫﺎﻳﻞ : ﺍﻓﺘﺤﻮﺍ ﻭﻻ ﻧﻜﺴﺮﻩ ﻭﻧﺨﺶ ﺑﺮﻭﺣﻲ ..
ﺍﻣﺎﻧﻪ ﺑﺨﻠﻌﻪ : ﺣﻲ ﻋﻠﻴﻨﺎ ﺣﻲ ..
ﻋﺮﻭﺑﻪ ﻣﺴﺤﺖ ﺑﺈﻳﺪﻳﻬﺎ ﻉ ﺷﻌﺮﻫﺎ ﺑﻌﻨﻒ ﻭﻫﻲ ﺗﻘﻮﻝ : ﺁﺍﺍﺍﺍﺍﺍﺥ .. ﻳﺎﺭﺑﻲ ..
....
ﻣﺎﻟﻚ ... ﻣﺎﻟﻚ ..
ﻓﺘﺢ ﺑﺎﺏ ﺍﻟﺤﻮﺵ ﺍﻟﺒﺮﺍﻧﻲ ﻭﻃﻠﻊ ﻭﻭﺭﺍﻩ ﺑﻮﻩ ﻭﺧﻮﻩ ..
ﻗﺪﻡ ﻟﻬﺎﻳﻞ ﻭﻗﺎﻝ : ﻟﻢ ﻛﻤﺸﺔ ﺍﻟﻌﻔﻦ ﺍﻟﻠﻲ ﺟﺎﻳﺒﻬﻢ ﻭﻃﻴﺮ ﻫﻲ ..
ﺷﺒﺤﻮﻟﻪ ..
ﺑﻌﺪﻳﻦ ﺷﺒﺤﻮﺍ ﻟﺒﻌﺾ ﻭﻗﻌﺪﻭﺍ ﻳﻀﺤﻜﻮﺍ ..
ﻫﺎﻳﻞ : ﺗﻲ ﻫﺪﻯ ﻭﻳﻦ ﻭﻟﻲ ﺍﻣﺮ ﻃﺎﻟﻘﻪ ﺑﺮﻭﺣﻪ ﻓﺎﻟﺸﺎﺭﻉ ﻋﻘﺎﺑﺎﺕ ﺍﻟﻠﻴﻞ ...
ﻣﺎﻟﻚ : ﻭﻻ ﻣﺎﻓﻲ ﻋﻴﻞ ﻫﻨﻲ ﻏﻴﺮﻙ ﺍﻧﺖ ﻭﺑﺰﻕ ﺍﻟﻠﻴﻒ ﺍﻟﻠﻲ ﺟﺎﻳﺒﻬﻢ ﻳﺎﺣﻠﻮﻑ ﻳﺎﻣﺴﺦ ..
ﻣﻦ ﻓﻮﻕ ..
ﻋﺮﻭﺑﻪ : ﺣﻲ ﻋﻠﻴﻪ ﻛﺎﻥ ﻣﺎﻳﺪﻳﺮ ﻓﻴﻪ ﺣﺎﺟﻪ .
ﺍﻣﺎﻧﻪ : ﻳﻨﺠﻴﻪ ﺭﺑﻲ ﻣﻦ ﺷﺮﻩ ..
....
ﻛﻔﺎﻳﻪ ﺗﺸﻮﻑ ﻭﺩﻣﻮﻋﻬﺎ ﻳﻨﺰﻟﻮﺍ : ﻣﺎﺟﺒﺘﻲ ﻛﺎﻥ ﺍﻟﺮﺍﺟﻞ ﻭﺧﻮﻩ ﻳﺎﻛﻔﺎﻳﻪ .. ﺍﺑﺘﺴﻤﺖ ﺑﻴﻦ ﺩﻣﻮﻋﻬﺎ ﺍﺑﺘﺴﺎﻣﻪ ﻓﺨﺮ ..
ﻟﻜﻦ ﻓﻴﺴﻊ ﻣﺎﺗﻼﺷﺖ ﻟﻤﺎ ﺷﺎﻓﺖ ﻫﺎﻳﻞ ﻣﺼﻮﺏ ﺳﻼﺣﻪ ﻉ ﻣﺎﻟﻚ ..
.....
ﺳﻌﺪ ﻳﺸﻮﻑ ﻟﻬ?