المتمردين

العشق المتمرد

#رمضان_احلا_مع_جمان_فريد👌

#العشق_المتمرد

الجزء36

ﺍﻟﺴﺎﻋﻪ 9:00 ﺻﺒﺎﺣﺎ ...
ﻭﺍﻗﻒ ﻭﻫﻮ ﺣﺎﻁ ﺍﻳﺪﻳﻪ ﻓﺠﻴﻮﺑﻪ ﺣﺪﺍ ﺍﻟﺴﺮﻳﺮ ﻭﻳﺘﺄﻣﻞ ﻓﻴﻬﺎ ﻭﻫﻲ ﺭﺍﻗﺪﺓ ...
ﻭﺍﻗﻒ ﻭﻣﺎﻣﻠﺶ ﺗﺄﻣﻞ ... ﻧﺎﺳﻲ ﺍﻟﺪﻧﻴﺎ ﻭﻣﺎﻓﻴﻬﺎ ...
ﻫﻮ ﻳﺸﻮﻑ ﻓﻴﻬﺎ ﺍﺷﺒﻪ ﺑﺎﻟﺪﺭﺓ ... ﺑﺎﻟﺠﻮﻫﺮﺓ ﺍﻟﻐﺎﻟﻴﻪ .. ﺑﺤﺎﺟﺔ ﻣﺎﻟﻴﻬﺎﺵ ﺯﻱ ...
ﻣﺴﺤﻮﺭ ﺑﻴﻬﺎ ﻷﺑﻌﺪ ﺣﺪ ..
ﻧﻘﻮﻟﻠﻜﻢ ...
ﺍﻟﺮﺍﺟﻞ ﺍﻟﻨﺎﺿﺞ ﻋﻘﻠﻴﺎ .. ﻟﻤﺎ ﻳﻄﻴﺢ ﻓﻲ ﺣﺐ ﺑﻨﻴﺔ ﺻﻐﻴﺮﺓ ﻓﻲ ﺍﻟﺴﻦ ﻭﺗﻜﻮﻥ ﺟﻤﻴﻠﻪ ﻭﺩﻟﻮﻋﻪ ﻭﻗﻮﻳﺔ ﻓﻲ ﺍﻟﻨﻔﺲ ﺍﻟﻮﻗﺖ ﻭﻣﺪﻫﺸﺎﺗﻪ ﻭﺭﺍﻫﺎ ... ﺍﻟﻨﻀﺞ ﻣﺘﺎﻋﻪ ﻳﺤﻄﻪ ﻉ ﺗﺮﻛﻴﻨﻪ .. ﻳﺒﺪﺍ ﻣﺮﺍﺕ ﺯﻱ ﺍﻟﻄﻔﻞ ﻟﻤﺎ ﻳﺘﻠﻬﻒ ... ﻭﺯﻱ ﺍﻟﻤﺮﺍﻫﻖ ﻟﻤﺎ ﻳﺸﺘﺎﻕ ﻭﻳﻌﺒﺮ ...
ﺑﺲ ﻳﻜﻮﻥ ﻧﺎﺿﺞ ﻓﻲ ﺣﺎﻟﻪ ﻭﺣﺪﻩ ﻫﻲ ﺍﻟﻐﻴﺮﺓ ..
ﻻﻻ ﻓﻲ ﺍﻟﻐﻴﺮﺓ ﻳﻄﻠﻊ ﻋﻦ ﺍﻟﻄﺒﻴﻌﻪ ﺍﻟﺒﺸﺮﻳﺔ ﻭﻳﻮﻟﻲ ﻭﺣﺶ ..
💕💕💕
ﻓﺎﻗﺖ ... ﺗﺤﺮﻛﺖ ﺷﻮﻳﻪ ﺑﻌﺪﻳﻦ ﻓﺘﺤﺖ ﻋﻴﻮﻧﻬﺎ ...
ﻭﺯﻱ ﻋﺎﺩﺗﻬﺎ ﺗﺒﻲ ﺷﻮﻳﻪ ﺑﺶ ﺗﺴﺘﻮﻋﺐ ﻫﻲ ﻭﻳﻦ ..😅
" ﺻﺒﺎﺡ ﺍﻟﻌﺴﻞ ﻭﺟﻤﻴﻊ ﺍﻟﺤﺎﺟﺎﺕ ﺍﻟﺤﻠﻮﺓ .."
ﺍﺳﺘﺎﻗﻀﺖ .. ﻭﻗﺎﻣﺖ ﻋﻴﻮﻧﻬﺎ ﻭﺷﺒﺤﺘﻠﻪ ... ﺍﺑﺘﺴﻤﺖ ..
ﻭﻫﻮ ﻭﻳﻦ ﺗﻠﻘﻮﻩ ﻋﺎﺩ ...💓💓💓💓💓💓💓💓
ﻗﻌﻤﺰﺕ ﻭﻗﺎﻟﺖ : ﺻﺒﺎﺡ ﺍﻟﺨﻴﺮ ..
ﺍﺑﺘﺴﻢ ﻭﻗﺎﻝ : ﻫﻲ ﺻﺒﻲ ﺗﻮﺿﻲ ﻭﺻﻠﻲ ﻭﻏﻴﺮﻱ ﻭﺗﻌﺎﻟﻲ ﺍﻓﻄﺮﻱ ..
ﺩﻻﻝ : ﻫﻬﻬﻬﻬﻬﻬﻬﻪ ..
ﻋﻤﺎﺭ : ﺧﻴﺮﻙ 💓
ﺩﻻﻝ ﺷﺒﺤﺘﻠﻪ : ﺧﻄﺮﺕ ﻋﻠﻴﺎ ﺗﻮﺗﺎﻳﺘﻚ ﻟﻠﻔﻄﻮﺭ ﺍﻟﻤﺮﺓ ﺍﻟﻔﺎﺗﺖ ...
ﻋﻤﺎﺭ ﺑﺮﻓﻌﺔ ﺣﺎﺟﺐ ﻭﻫﻮ ﻣﺒﺘﺴﻢ : ﻣﺎﻋﺠﺒﻜﺶ؟ !
ﺩﻻﻝ ﺑﻀﺤﻜﻪ : ﻭﻳﻀﺤﻚ ﺯﻳﺎﺩﺓ ...
ﻋﻤﺎﺭ ﻣﺶ ﻗﺎﺩﺭ ﻳﻘﺎﻭﻣﻬﺎ ﺑﺲ ﻗﺎﻋﺪ ﻳﺘﻤﺎﻟﻚ ﻓﻨﻔﺴﻪ ﻗﺪ ﻣﺎﻳﻘﺪﺭ : ﺑﺎﻫﻲ ﺍﻧﺘﻲ ﻏﻴﺮ ﺻﺒﻲ ﺗﻮﺍ ﻭﺩﻳﺮﻱ ﺍﻟﻠﻲ ﻗﺘﻠﻚ ﻋﻠﻴﻪ ﻭﺑﻌﺪﻳﻦ ﻧﺘﻔﺎﻫﻤﻮﺍ ﻓﻴﻬﺎ ﺣﻜﺎﻳﺔ ﺍﻟﻔﻄﻮﺭ ﻫﺪﻱ ...
ﺩﻻﻝ ﺑﺈﺑﺘﺴﺎﻣﻪ : ﺍﻣﺒﺎﻩ ...
ﻟﻒ ﻭﺑﻴﻄﻠﻊ ... ﺑﺲ ﻭﻗﻒ ... ﻭﺗﻠﻔﺘﻠﻬﺎ ..
ﺩﻻﻝ ﺑﺈﺳﺘﻐﺮﺍﺏ : ﺧﻴﺮﻙ؟
ﻋﻤﺎﺭ ﺑﻨﻈﺮﺓ ﻋﺸﻖ ﻣﻤﺰﻭﺟﻪ ﺑﺎﻟﻠﻬﻔﻪ ﻭﻫﻮ ﺣﺎﻁ ﻳﺪ ﻓﻲ ﺟﻴﺒﻪ ﻭﺍﻟﺘﺎﻧﻴﻪ ﻳﺄﺷﺮ ﺑﻴﻬﺎ : ﺑﻮﺳﻪ ﻭﺣﺪﻩ ﺑﺲ 💓
ﺩﻻﻝ ﺷﻘﻠﺒﺖ ﻋﻴﻮﻧﻬﺎ ﻭﻫﻲ ﺷﺎﺩﺓ ﺍﺑﺘﺴﺎﻣﺘﻬﺎ ..
ﻧﺎﺿﺖ ﻣﻦ ﺍﻟﺴﺮﻳﺮ ﻭﻭﻗﻔﺖ ﻗﺪﺍﻣﻪ .. ﻭﻣﺪﺗﻠﻪ ﺧﺪﻫﺎ ..
ﻋﻤﺎﺭ ﺗﻨﻬﺪ ﺑﻀﺤﻜﻪ : ﺧﻴﺮ ﻣﻦ ﺑﻼﺵ ...
ﺑﺎﺱ ﺧﺪﻫﺎ ﺑﻘﻮﺓ ﻭﻫﻲ ﺣﺎﺳﻪ ﺑﺸﻌﻮﺭ ﻗﻮﻱ ﺑﺎﻟﺪﺍﺕ ﻭﺭﻳﺤﺔ ﻋﻄﺮﻩ ﺍﺧﺘﺮﻗﺖ ﺍﻧﻔﻬﺎ 💕....
ﺑﻌﺪ ﺑﺎﺳﻬﺎ ﻧﺘﺸﻬﺎ ..
ﺩﻻﻝ ﺗﻮﺟﻌﺖ : ﺍﺍﺍﻱ ... ﺷﻦ ﻫﺪﺍ ؟؟ !
ﻋﻤﺎﺭ : ﻫﻬﻬﻬﻬﻬﻬﻬﻪ ... ﻭﻟﻒ ﻭﻃﻠﻊ ﻭﺧﻼﻫﺎ ...
ﺩﻻﻝ ﻭﻭﺟﻬﺎ ﻣﻌﻜﺮﺵ : ﻛﻴﻒ ﺑﻨﺘﻔﺎﻫﻢ ﺍﻧﻲ ﻭﻳﺎﻩ ﻫﺪﺍ ﺑﺲ !!
ﺗﺄﻓﻔﺖ .. ﺑﻌﺪﻳﻦ ﻏﻠﺒﺘﻬﺎ ﺍﻟﻀﺤﻜﻪ ﻭﻣﺎﺯﺍﻟﺖ ﻣﺤﺘﻔﻈﻪ ﺑﻤﻼﻣﺢ ﺍﻟﻐﻀﺐ ﻉ ﻭﺟﻬﻬﺎ ﻭﺍﺗﺠﻬﺖ ﻟﻠﺪﻭﻻﺏ ﺑﺶ ﻃﻠﻊ ﺣﻮﺍﻳﺠﻬﺎ ...
🍁🍁🍁🍁🍁🍁
ﻃﺮﺍﺑﻠﺲ ...
ﺟﺎﻣﻌﺔ ﺍﻟﻔﺎﺗﺢ ...
ﻛﻠﻴﺔ ﺍﻟﻬﻨﺪﺳﻪ ...
ﻣﻘﻌﻤﺰﻳﻦ ﻭﻳﻬﺪﺭﺯﻭﺍ ....
ﺭﺍﻧﻴﺎ : ﺑﺎﻫﻲ ﻣﺎﻋﺮﻓﺘﺶ ﻣﻦ ﻫﻲ ..
ﺭﻣﺰﻱ : ﺷﻦ ﺑﻴﻌﺮﻓﻨﻲ ...
ﺭﺍﻧﻴﺎ : ﻳﻌﻨﻲ ﻣﺎﺳﺄﻟﺘﺎﺵ ..
ﺭﻣﺰﻱ : ﻣﺤﻼﻧﻲ ﻭﺍﻧﻲ ﻧﺴﺄﻝ ﻓﻴﻪ ﺍﺳﺌﻠﺔ ﻛﻴﻒ ﻫﺪﻱ !
ﺭﺍﻧﻴﺎ ﺑﻀﺤﻜﻪ : ﺧﺎﻃﺮﻱ ﻧﻌﺮﻑ ...
ﺭﻣﺰﻱ : ﻛﺎﻥ ﻓﻲ ﺣﺎﺟﻪ ﺟﺪﻳﻪ ﺗﻮ ﻧﻌﺮﻓﻮﻫﺎ .... ﺧﻠﻴﻨﻲ ﻣﻦ ﻫﺎﻧﻴﺒﺎﻝ ﺗﻮ ﻭﻗﻮﻟﻴﻠﻲ ﺷﻦ ﺍﻟﺴﺮﻭﺍﻝ ﺍﻟﻠﻲ ﻻﺑﺴﺘﻴﻪ ﻫﺪﻯ ! ؟
ﺭﺍﻧﻴﺎ ﺷﺒﺤﺖ ﻟﻠﺴﺮﻭﺍﻝ : ﺧﻴﺮﻩ ..
ﺭﻣﺰﻱ : ﺷﻦ ﺧﻴﺮﻩ؟ ﺿﻴﻖ .. ﻭﺍﻟﻤﺎﻟﻴﺔ ﺍﻟﻠﻲ ﻻﺑﺴﺘﻴﻬﺎ ﻓﻮﻗﻪ ﻗﺼﻴﺮﺓ ﻭﻳﻦ ﺍﺗﻔﺎﻗﻨﺎ ! ؟
ﺭﺍﻧﻴﺎ : ﻭﺍﻟﻠﻪ ﻋﺎﺩﻳﻪ ﻟﺒﺴﺘﻲ ﻭﺑﻌﺪﻳﻦ ﻟﻤﺎ ﻗﻌﻤﺰﺕ ﺑﺎﻧﺖ ﻫﻜﻲ ..
ﺭﻣﺰﻱ : ﻻﺍﻻ ﻣﻦ ﻗﺒﻠﻬﺎ ﻭﺍﻧﺘﻲ ﺟﺎﻳﻪ ﺷﻔﺘﻬﺎ ﻣﺎﻟﻴﻪ ﻗﺼﻴﺮﺓ ﻭﺍﻟﺴﺮﻭﺍﻝ ﺿﻴﻖ ...
ﺭﺍﻧﻴﺎ ﻏﻤﻀﺖ ﻋﻴﻮﻧﻬﺎ ﺑﻨﻔﺎﺩ ﺻﺒﺮ : ﺍﻓﻒ ﻧﻜﺪ ﻧﻜﺪ ..
ﺭﻣﺰﻱ : ﻭﻣﺎﺯﻟﺘﻲ ﺗﻌﺎﻭﺩﻱ ﻓﻴﻬﺎ ﻭﺗﻘﻮﻟﻲ ﻧﻜﺪ ... ﺍﻧﻲ ﻭﺍﺣﺪ ﻣﺎﻧﺮﺿﺎﺵ ﻳﺎﻟﻌﻮﺝ ﻭﺍﻟﻠﺒﺰ ﻳﺎﺑﻨﺖ ﺍﻟﻨﺎﺱ .. ﻭﻳﻦ ﻧﻘﻮﻟﻚ ﻉ ﻛﻠﻤﻪ ﺗﻤﺸﻲ ﺧﻼﺹ ...
ﺭﺍﻧﻴﺎ ﺑﻨﺮﻓﺰﺓ : ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ..
ﺭﻣﺰﻱ : ﻣﺶ ﻋﺎﺟﺒﻚ ..
ﺭﺍﻧﻴﺎ ﺷﺒﺤﺘﻠﻪ : ﺟﺎﻱ ﺗﺘﻌﺎﺭﻙ ﺍﻧﺖ ﺷﻜﻠﻚ ..
ﺭﻣﺰﻱ : ﻻﻣﺶ ﺟﺎﻱ ﻧﺘﻌﺎﺭﻙ ﺍﻧﺘﻲ ﺍﻟﻠﻲ ﺗﺴﻜﺮﻱ ﻓﺮﺍﺳﻚ ﻭﺗﻌﺎﻧﺪﻱ ..
ﺭﺍﻧﻴﺎ : ﻋﻨﺪﻙ ﻋﻠﻢ ﺍﻧﻚ ﺗﻌﺒﺘﻠﻲ ﻧﻔﺴﻴﺘﻲ ..
ﺭﻣﺰﻱ ﺷﺒﺤﻠﻬﺎ ﺑﺮﻓﻌﺔ ﺣﻮﺍﺟﺐ : ﻻ ﺍﻧﻲ ﺍﻟﻠﻲ ﻧﻔﺴﻴﺘﻲ ﺗﻤﺎﻡ !!
ﺭﺍﻧﻴﺎ ﺑﻨﺮﻓﺰﺓ : ﺧﻼﺹ ﻣﺎﺩﺍﻡ ﺍﻧﻲ ﻣﺘﻌﺒﺘﻠﻚ ﻧﻔﺴﻴﺘﻚ ﺳﻴﺒﻨﻲ ..
ﺭﻣﺰﻱ ﻣﺪ ﻗﻔﺎ ﻳﺪﻩ : ﺿﻤﻲ ﻓﻤﻚ ﺿﻤﻲ ..
ﺭﺍﻧﻴﺎ ﻭﺯﻋﺖ ﻧﻈﺮﻫﺎ ﺣﻮﺍﻟﻴﻬﺎ : ﻧﺰﻝ ﻳﺪﻙ ﻳﺎﻫﻤﻲ .. ﻋﻠﻴﻚ ﻋﺎﺭ ..
ﻧﺰﻝ ﻳﺪﻩ ﻭﻗﺎﻝ : ﺍﻧﺘﻲ ﺍﻟﻠﻲ ﺍﻃﻠﻌﻲ ﺍﻟﻮﺍﺣﺪ ﻣﻦ ﻃﻮﺭﻩ ...
ﺭﺍﻧﻴﺎ ﻟﻔﺖ ﻭﺟﻬﻬﺎ ﻋﻨﻪ ...
ﻫﻮ ﺷﺒﺤﻠﻬﺎ ﻉ ﺟﻨﺐ ﺑﻌﺪﻳﻦ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻭﺷﺒﺢ ﻟﻠﺠﻬﺔ ﺍﻟﺘﺎﻧﻴﻪ ... ﻟﻘﻲ ﻋﻤﺎﺩ ﻭﺍﻗﻒ ﻳﻬﺪﺭﺯ ﻉ ﻭﺣﺪﻩ ﺿﺤﻚ ﻋﻠﻴﻪ ..
ﺭﺍﻧﻴﺎ ﺷﺒﺤﺘﻠﻪ ﻟﻘﺖ ﻭﺣﺪﻩ ﻭﺍﻗﻔﺔ ﻣﻊ ﺻﺎﺣﺒﺘﻬﺎ ﻭ ﺗﺸﺒﺢ ﻟﺮﻣﺰﻱ
ﺭﺍﻧﻴﺎ : ﺍﺷﺒﺤﻠﻲ ﻫﻨﻲ ..
ﻫﻮ ﺭﻓﻊ ﺣﺎﺟﺒﻪ ﻭﺷﺒﺤﻠﻬﺎ : ﺧﻴﺮ ..
ﺭﺍﻧﻴﺎ : ﺍﺷﺒﺤﻠﻲ ﻭﺧﻼﺹ ..
ﺭﻣﺰﻱ ﺿﺤﻚ : ﻋﻨﺰ ..
ﺭﺍﻧﻴﺎ ﺷﺪﺕ ﺿﺤﻜﺘﻬﺎ ﻭﻣﺎﺯﺍﻟﺖ ﻣﺤﺎﻓﻈﻪ ﺑﻤﻼﻣﺢ ﺍﻟﻌﺼﺒﻴﻪ ﻉ ﻭﺟﻬﻬﺎ ...
ﺗﻨﻬﺪﺕ ﺑﻌﺪﻳﻦ ﻗﺎﻟﺖ : ﺍﺳﺘﺎﺣﺸﺖ ﺩﻟﻮﻟﻪ ﻭﻓﺎﻗﺪﺗﻬﺎ ﻫﻠﺒﻪ ..
ﺭﻣﺰﻱ : ﻣﺎﻛﻠﻤﺘﻴﻬﺎﺵ ..
ﺭﺍﻧﻴﺎ : ﻣﺎﻗﺪﺭﺗﺶ .. ﺑﺲ ﺗﻌﺮﻑ ﺷﻜﻠﻲ ﺑﻨﺘﺼﻞ ﻭﻧﺸﻮﻑ ..
ﺭﻣﺰﻱ ﺷﺒﺢ ﻟﺴﺎﻋﺘﻪ : ﺍﻟﺴﺎﻋﻪ 9:30 ﺯﻋﻢ ﻭﻗﺖ ﻣﻨﺎﺳﺐ ..
ﺭﺍﻧﻴﺎ ﺿﺤﻜﺖ : ﻧﺠﺮﺏ ﻭﻧﺸﻮﻑ ...
ﺭﻣﺰﻱ ﺑﻀﺤﻜﻪ : ﺟﺮﺑﻲ ...
ﺍﺑﺘﺴﻤﺖ .. ﻭﺑﺪﺕ ﺗﻀﺮﺏ ﻉ ﺭﻗﻢ ﺩﻻﻝ ...
💕 ﻓﻲ ﻧﻔﺲ ﺍﻟﻮﻗﺖ ..
ﻛﺎﻧﺖ ﺩﻻﻝ ﻣﻘﻌﻤﺰﻩ ﻫﻲ ﻭﻋﻤﺎﺭ ﻓﻲ ﺍﻟﻜﻮﺟﻴﻨﻪ ﻭﻳﻔﻄﺮﻭﺍ ....
ﺍﻭ ﻫﻲ ﺗﻔﻄﺮ ...
ﻭﻫﻮ ﻳﺘﺄﻣﻞ ﻓﻴﻬﺎ ...
ﻛﺎﻧﺖ ﻻﺑﺴﻪ ﻟﺒﺴﺔ ﻃﻠﻌﻪ .. ﻭﺭﺍﻓﻌﻪ ﺷﻌﺮﻫﺎ ﻛﻌﻜﻪ .. ﻭﻣﺶ ﺣﺎﻃﻪ ﻭﻻﺫﺭﺓ ﻣﻜﻴﺎﺝ ..
ﻣﺶ ﻗﺎﺩﺭ ﻳﺤﻮﻝ ﻋﻴﻮﻧﻪ 💓...
ﻭﻫﻲ ﺑﺪﺕ ﺗﻀﺎﻳﻖ ...
ﺩﻻﻝ ﻭﻫﻲ ﺗﺸﺒﺢ ﻟﺼﻮﻧﻴﺔ ﺍﻟﻌﺴﻞ ﺍﻟﻠﻲ ﻗﺪﺍﻣﻬﺎ : ﻣﻌﺎﺵ ﺗﺸﺒﺤﻠﻲ ..
ﻋﻤﺎﺭ ﺑﻀﺤﻜﻪ : ﻻﺍﺍﺍ ﻓﻲ ﻫﺪﻱ ﺳﺎﻣﺤﻴﻨﻲ ... ﻭﺍﺟﺪ ﺭﻩ .. ﻻﻧﻄﻘﻚ ﻭﻻﻧﺤﻘﻚ ﻉ ﻗﻮﻟﺖ ﺍﻟﺸﺮﺍﻗﻪ ..
ﻫﻲ ﺿﺤﻜﺖ ﻭﻫﻲ ﺗﺪﻫﻦ ﻓﻲ ﺍﻟﺒﺮﻳﻮﺷﻪ ﻭﻭﺟﻬﻬﺎ ﻣﻮﻟﻲ ﺍﺣﻤﺮ ...
ﺭﻥ ﺗﻠﻴﻔﻮﻧﻬﺎ ..
ﺍﻟﺰﻭﺯ ﺷﺒﺤﻮﻟﻪ ..
ﺩﻻﻝ ﺳﻴﺒﺖ ﺍﻟﻠﻲ ﻓﻴﺪﻫﺎ ﻭﺧﺪﺍﺗﻪ ... ﻟﻘﺖ ﺍﻟﻤﺘﺼﻞ ﺭﺍﻧﻴﺎ ﺭﺩﺕ ﻃﻮﻝ ..
ﺩﻻﻝ : ﻫﻼ ﺭﻧﻮﺷﻪ ..
...
ﺭﺍﻧﻴﺎ ﻭﻫﻲ ﺗﺸﺒﺢ ﻟﺮﻣﺰﻱ : ﺣﺒﻴﺒﺘﻲ ﺩﻟﻮﻟﻪ ﺍﺳﺘﺎﺣﺸﺸﺸﺘﻚ ﻣﻮﻭﻭﺕ ..
ﺩﻻﻝ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺣﺘﻰ ﺍﻧﻲ ﻫﻠﺒﻪ .. ﺷﻦ ﺟﻮﻙ ﻭﺷﻦ ﺩﺍﻳﺮﺓ ..
ﺭﺍﻧﻴﺎ : ﺗﻤﺎﻡ ﺣﺒﻴﺒﺘﻲ ﺍﻧﺘﻲ ﺷﻦ ﺣﺎﻟﻚ ﻳﺎﻋﺮﻭﺱ ..
ﺩﻻﻝ : ﺗﻤﺎﻡ ... ﺳﻤﻌﺖ ﺻﻮﺕ ﺍﻟﺪﻭﺷﻪ ... ﻓﻲ ﺍﻟﻜﻠﻴﻪ ﺍﻧﺘﻲ ..
ﺭﺍﻧﻴﺎ : ﺍﻳﻪ .. ﺷﺒﺤﺖ ﻟﺮﻣﺰﻱ ﺍﻟﻠﻲ ﻛﺎﻥ ﻳﺄﺷﺮﻟﻬﺎ .. ﻳﺴﻠﻢ ﻋﻠﻴﻚ ﺭﻣﺰﻱ ..
ﺩﻻﻝ ﺿﺤﻜﺖ ﻭﺩﻣﻮﻋﻬﺎ ﻃﺎﺣﻮﺍ : ﺗﻬﻴﺠﻮﺍ ﻳﺎﻗﺮﻭﺩ ..
ﻋﻤﺎﺭ ﺍﺿﺎﻳﻖ ﻉ ﺍﻵﺧﺮ ..
ﺭﺍﻧﻴﺎ ﺑﻀﺤﻜﻪ : ﺍﻳﻪ ...
ﺩﻻﻝ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﺭﻫﻮ ﻳﻄﺐ ﻋﻠﻴﻜﻢ ﺧﻮﻙ .
ﺭﺍﻧﻴﺎ ﺍﺿﺎﻳﻘﺖ ﻭﻳﻦ ﺟﺖ ﺳﻴﺮﺓ ﺧﻮﻫﺎ ﺑﺲ ﻗﺎﻟﺖ : ﻫﻬﻬﻬﻬﻬﻬﻪ ... ﺧﺎﻟﻲ ﻫﺎﻧﻴﺒﺎﻝ ﺷﺎﺩﻩ ..
ﺩﻻﻝ : ﻫﻬﻬﻬﻬﻬﻬﻪ ... ﺑﻌﺪﻳﻦ ﺍﻧﻘﻠﺒﺖ ﺿﺤﻜﺘﻬﺎ ﻟﺒﻜﻲ ..
ﺭﺍﻧﻴﺎ ﺗﻼﺷﺖ ﺿﺤﻜﺘﻬﺎ : ﺩﻟﻮﻟﻪ ..!
ﺩﻻﻝ ﺍﻧﻬﺎﺭﺕ ﺑﺎﻟﺒﻜﻲ ...
ﻋﻤﺎﺭ ﺍﻟﻠﻲ ﺍﺿﺎﻳﻖ ﻭﻋﺼﺐ ﻓﻲ ﻧﻔﺲ ﺍﻟﻮﻗﺖ .. ﺧﺪﻱ ﺍﻟﺘﻠﻴﻔﻮﻥ ﻣﻨﻬﺎ ﻭﺳﻜﺮﻩ ﻓﻲ ﻣﺮﺓ ﻭﺣﺪﻩ ...
ﻭﻗﻌﺪ ﻳﺸﻮﻑ ﻟﺪﻻﻝ ﻛﻴﻒ ﺣﺎﻃﻪ ﻳﺪﻫﺎ ﻉ ﻭﺟﻬﻬﺎ ﻭﻫﻲ ﺗﺒﻜﻲ .. ﻭﻗﻠﺒﻪ ﻳﺘﻘﻄﻊ ... ﺑﺲ ﻣﺶ ﻗﺎﺩﺭ ﻳﻘﺮﺏ ...
ﻷﻧﻪ ﻫﻮ ﺍﻟﺴﺒﺐ ...🍃
ﻋﻤﺎﺭ : ﺩﻻﻝ ...
ﺩﻻﻝ ﺑﻨﻔﺲ ﺍﻟﻮﺿﻌﻴﻪ : ﺍﺳﺘﺎﺣﺸﺖ ﻣﺎﻣﺎ ﻭﺑﺎﺑﺎ .. ﻭﺍﺧﺘﻲ .. ﺍﺳﺘﺎﺣﺸﺖ ﺣﻮﺷﻨﺎ .. ﻭﻗﺮﺍﻳﺘﻲ ﺍﺳﺘﺎﺣﺸﺖ ﻛﻞ ﺷﻲ ... ﺧﻴﻴﻲ ﻛﻞ ﺷﻲ ﻣﻦ ﻏﻴﺮﻫﻢ ﺧﻴﻴﻲ ..
ﻋﻤﺎﺭ ﺣﻂ ﻗﺒﻀﺔ ﻳﺪﻩ ﻉ ﻓﻤﻪ ﻭﻫﻮ ﻳﺸﻮﻓﻠﻬﺎ ﺑﻀﻴﻖ .. ﻭﻋﻴﻮﻧﻪ ﻣﻌﺒﻴﺎﺕ ﺩﻣﻮﻉ ... ﺣﻮﻝ ﻳﺪﻩ ﻭﻗﺎﻝ : ﺣﺘﻰ ﻫﻨﻰ ﺣﺪﻳﺮﻱ ﺣﻴﺎﺓ ﺍﺧﺮﻯ .. ﻭﺗﻘﺮﻱ ﻭﺩﻳﺮﻱ ﺻﺎﺣﺒﺎﺕ ﻭﺗﺤﺒﻲ ﻧﺎﺱ ﻫﺎﻟﺒﻼﺩ ﻭﻫﻠﻬﺎ .. ﻭﻧﺘﺄﻣﻠﻮﺍ ﻣﻦ ﺍﻟﻠﻪ ﺍﻧﻪ ﻳﺤﻨﻦ ﻗﻠﺒﻚ ﻭﺗﺤﺒﻴﻨﺎ ..
ﺣﻮﻟﺖ ﺍﻳﺪﻳﻬﺎ ﻭﺷﺒﺤﺘﻠﻪ : ﺍﻟﻤﻬﻢ ﻣﺎﺗﺤﺴﺶ ﺑﺎﻟﺬﻧﺐ ..
ﻋﻤﺎﺭ ﺑﻀﺤﻜﻪ : ﺑﺎﻟﻠﻪ ﻋﻠﻴﻚ ﻫﺪﻱ ﺑﺲ .. ﻭﻗﻒ ﻭﻗﺮﺏ ﻣﻨﻬﺎ ﺷﺪ ﻭﺟﻬﻬﺎ ﺑﺈﻳﺪﻳﻪ ﻭﺑﺎﺱ ﻋﻴﻮﻧﻬﺎ ﺍﻟﺰﻭﺯ ... ﺑﻌﺪﻳﻦ ﺑﺎﺱ ﺭﺍﺳﻬﺎ ..
ﻫﻲ ﻣﺸﻜﻠﺘﻪ ﻟﻤﺎ ﺗﺸﻢ ﺭﻳﺤﺔ ﻋﻄﺮﻩ ﺷﺒﻪ ﺗﺘﺨﺪﺭ ...💕
ﻭﺧﺮ ﻭﻗﻌﻤﺰ ﻭﻫﻮ ﻳﻀﺤﻚ ﻗﺎﻝ : ﺍﺳﻒ .. ﺑﺲ ﻣﺎﻗﺪﺭﺗﺶ ﻧﻘﺎﻭﻣﻬﻦ ﺍﻟﺪﻣﻮﻉ ﻳﺤﻠﻦ ﻓﻴﻬﻦ ﺑﺰﻳﺎﺩﻩ 💓💓💓..
ﻣﺶ ﻋﺎﺭﻓﻪ ﺷﻦ ﺩﻳﺮ ﻣﻌﺎﻩ .. ﺗﺒﻴﻪ ﻳﺤﺲ ﺑﺎﻟﺬﻧﺐ ﻭﻳﺤﺲ ﺑﺎﻟﻠﻲ ﺩﺍﺭﻩ ﻓﻴﻬﺎ .. ﺑﺲ ﻛﺎﻥ ﻳﺘﺼﺮﻑ ﺑﺒﺮﻭﺩ ﻭﺑﺄﺳﻠﻮﺏ ﺍﺷﺒﻪ ﺑﺎﻟﺘﺠﺎﻫﻞ ..
ﻋﻤﺎﺭ ﺑﺈﺑﺘﺴﺎﻣﻪ : ﺷﻦ ﺭﺍﻳﻚ ﻧﻄﻠﻌﻮﺍ ﻧﺪﻳﺮﻭﺍ ﺩﻭﺭﺓ ﻓﻲ ﺍﻟﺒﻼﺩ ﻭﺗﺸﻮﻓﻲ ﺳﺮﺕ ..
ﺩﻻﻝ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﺭﺑﻲ ﻳﻌﻄﻴﻨﻲ ﺷﻮﻳﻪ ﻣﻦ ﺑﺮﻭﺩﻙ ..
ﻋﻤﺎﺭ : ﻫﻬﻬﻬﻬﻬﻬﻪ ... ﺍﻓﻄﺮﻱ ﻳﺎﺳﻤﺤﻪ ﺍﻓﻄﺮﻱ ﻭﺭﺍﻱ ﺣﺎﺟﺎﺕ ﻭﺍﺟﺪﻩ ﺍﻟﻴﻮﻡ ﺭﺍﻫﻮ ..
ﺩﻻﻝ ﻗﻌﺪﺕ ﺗﺸﺒﺤﻠﻪ ﺑﻨﺺ ﻋﻴﻦ ..
ﻫﻮ ﺍﺑﺘﺴﻢ ﻭﺭﻓﻊ ﺣﻮﺍﺟﺒﻪ ﻭﻧﺰﻟﻬﻢ ..
ﻫﻲ ﺷﺒﺤﺖ ﻟﻠﺒﺮﻳﻮﺷﻪ ﺧﺪﺗﻬﺎ ﺑﻐﻴﻆ ﻭﺑﺪﺕ ﺗﺎﻛﻞ ﻭﻋﻤﺎﺭ ﻳﻀﺤﻚ ﻋﻠﻴﻬﺎ 💕
🍁🍁🍁🍁🍁🍁
ﺟﺎﻣﻌﺔ ﺍﻟﻔﺎﺗﺢ ....
ﻛﻠﻴﺔ ﺍﻟﺼﻴﺪﻟﻪ ...
ﺍﻳﻴﻴﻪ ﻳﺎﻭﻟﺪﻱ ﺍﻳﻴﻴﻴﻪ .. ﻳﺎﻣﺎ ﺗﻌﻴﺶ ﻭﻳﺎﻣﺎ ﺗﺸﻮﻑ ...
ﺣﻤﺰﺓ ﺗﻨﻬﺪ ﺑﻀﻴﻖ ﻭﻫﻮ ﻳﺸﺒﺢ ﺍﻟﻘﺪﺍﻡ ...
ﻫﺎﻧﻴﺒﺎﻝ : ﻳﺎﺣﻤﺰﺓ ﺧﺎﻟﻚ ﺍﻟﻠﻲ ﻗﺪﺍﻣﻚ ﺗﻌﺮﺽ ﻟﺤﺎﺟﺎﺕ ﻭﺍﻋﺮﺓ ﻓﻜﺮﺕ ﻭﻗﺘﻬﺎ ﺍﻥ ﺍﻟﺤﻴﺎﺓ ﻭﻗﻔﺖ ﺧﻼﺹ ... ﺑﺲ ﻣﻊ ﺍﻷﻳﺎﻡ ﺗﻌﻮﺩﺕ ﻭﺗﺠﺎﻭﺯﺕ ﻭﻛﻤﻠﺖ ﺣﻴﺎﺗﻲ ﻭﺍﻫﻮ ﺗﺸﻮﻑ ﻓﻴﺎ ﻗﺪﺍﻣﻚ ..
ﺣﻤﺰﺓ : ﻳﺎﺧﺎﻝ ﺣﺮﺍﻡ ﺍﻟﻠﻲ ﺍﻧﺪﺍﺭ ﻓﻴﻬﺎ ﻭﺍﻟﻠﻪ ... ﻟﻮ ﺍﻧﻬﺎ ﺗﺒﻴﻪ ﺗﻬﻮﻥ ﻋﻠﻴﺎ ﺷﻮﻳﻪ ... ﻟﻜﻦ ﻫﻲ ﻣﺎﺗﺒﻴﺸﻲ ﻳﺎﺧﺎﻟﻲ ﻣﺠﺒﻮﺭﺓ ..
ﺷﺒﺤﻠﻪ ﻫﺎﻧﻴﺒﺎﻝ ﺑﺘﻀﻴﻴﻘﺔ ﻋﻴﻮﻥ : ﻛﻴﻒ ﻣﺠﺒﻮﺭﺓ !! ؟
ﺣﻤﺰﺓ : ﻳﺎﺧﺎﻝ ﻫﻮ ﺍﻟﻠﻲ ﻃﻠﻊ ﺑﻮﻫﺎ ﻭﻻ .. ﻭﺍﺿﺢ ﺍﻥ ﻫﺎﺩﻱ ﻣﻘﺎﺑﻞ ﻫﺎﺩﻱ .. ﻭﻻ ﺷﻦ ﻳﺨﻠﻴﻬﺎ ﺗﻮﺍﻓﻖ ﻋﻠﻴﻪ ﺑﻌﺪ ﺭﺩﺍﺗﻪ ..
ﻫﺎﻧﻴﺒﺎﻝ : ﺗﺲ ﺗﺲ .. ﻋﻤﺎﺭ ﻣﺶ ﻫﻜﻲ .. ﻭﺑﻌﺪﻳﻦ ﺷﻦ ﺍﻟﻔﺮﻕ ﻓﻲ ﺍﻟﺤﺎﻟﺘﻴﻦ ﻭﻟﺖ ﻣﻦ ﻧﺼﻴﺐ ﻏﻴﺮﻙ ﺧﻼﺹ ﺗﺄﻗﻠﻢ ﻣﻊ ﺍﻟﻮﺿﻊ ﻭﺍﻧﺴﻰ ﻭﺍﻃﻠﻊ ﻣﻦ ﺍﻟﺤﺎﻟﻪ ﺍﻟﻠﻲ ﺍﻧﺖ ﻓﻴﻬﺎ ﺻﺪﻗﻨﻲ ﻣﺎﻓﻲ ﺣﺎﺟﻪ ﺗﺴﺘﺎﻫﻞ ﺗﻮﻗﻒ ﺣﻴﺎﺗﻚ ﻟﻮ ﺩﻗﻴﻘﻪ ﻉ ﺧﺎﻃﺮﻫﺎ ..
ﺣﻤﺰﺓ ﻗﻌﺪ ﺳﺎﻛﺖ ﻭﺩﺍﺧﻠﻪ ﻣﺎﺯﺍﻟﺖ ﺍﻟﻨﺎﺭ ﻭﺍﻟﻌﻪ 🔥...
🍁🍁🍁🍁🍁
ﺍﻟﺴﺎﻋﻪ 10:30 ﺻﺒﺎﺣﺎ ...
ﺳﺮﺕ 💓
ﻭﺍﻟﺸﻮﻕ ﻫﺪﺍ ﺣﺎﻟﻲ ﺫﻭﺑﻨﻲ ﺣﻨﻴﻨﻲ ..
ﻻﻗﺪﺭﺕ ﻧﺼﺒﺮ ﻻﻧﺮﻳﺢ ﺑﺎﻟﻲ .. ﻭﻻﺭﻳﺤﺘﻨﻲ ﻋﻴﻨﻲ ...
ﺗﺴﻤﻊ ﻓﻲ ﺍﻷﻏﻨﻴﺔ ... ﻭﻫﻮﻳﻐﻨﻲ ﻣﻌﺎﻫﺎ ..
ﺗﺸﺒﺢ ﻣﻦ ﺍﻟﺮﻭﺷﻦ ﻭﺗﺘﻔﺮﺝ ﻉ ﺳﺮﺕ ...
ﻫﻲ ﻭﺍﺧﺪﻩ ﻋﻨﻬﺎ ﻓﻜﺮﻩ .. ﺍﻧﻬﺎ ﻣﺪﻳﻨﺔ ﺍﻟﻘﺬﺍﻓﻲ ﻳﻌﻨﻲ ﻣﺪﻳﻨﺔ ﺗﻔﺮﻕ ﻋﻦ ﻛﻞ ﺍﻟﻤﺪﻥ .. ﻭﺍﻛﻴﺪ ﺗﺘﻤﻴﺰ ﻋﻠﻴﻬﻢ ﻫﻠﺒﻪ ...
ﻋﻤﺎﺭ ﻧﻘﺺ ﺍﻟﺼﻮﺕ ﺷﻮﻳﻪ ﻭﻗﺎﻝ : ﺳﻤﺤﻪ ﺳﺮﺕ؟
ﺩﻻﻝ : ﺍﻳﻪ ﺣﻠﻮﺓ .. ﻫﺪﺍ ﺳﻮﻕ ...
ﻋﻤﺎﺭ : ﺍﻳﻪ ﺍﺳﻤﻪ ﻣﻜﻤﺪﺍﺱ ...
ﺩﻻﻝ : ﺍﻣﻤﻢ ...
ﺍﺑﺘﺴﻢ ﻭﺷﺒﺢ ﺍﻟﻘﺪﺍﻡ ﻭﻋﻼ ﺍﻟﺼﻮﺕ ..
ﻛﻤﻠﻮﺍ ﻃﺮﻳﻘﻬﻢ ﻭﺩﻻﻝ ﻛﻞ ﻣﺮﺓ ﺗﺴﺄﻟﻪ ﻉ ﻣﻜﺎﻥ ﻭﻫﻮ ﻳﺠﺎﻭﺏ ﻓﻴﻬﺎ ..
ﺩﻻﻝ : ﺷﻨﻲ ﺍﺳﻤﻪ ﺍﻟﻤﻜﺎﻥ ﻫﺪﺍ ﻓﻴﻪ ﻛﻞ ﺷﻲ ..
ﻋﻤﺎﺭ : ﺣﻲ ﺭﻗﻢ 2 ﻫﺪﻯ ﺍﻟﺴﻨﺘﺮ ﻣﺘﺎﻉ ﺍﻟﺒﻼﺩ ..
ﺩﻻﻝ ﻭﻫﻲ ﺗﺘﻔﺮﺝ : ﺍﻫﺎ .... ﺷﺒﺤﺘﻠﻪ ﻭﻗﺎﻟﺖ .. ﺑﺎﻫﻲ ﺍﺭﻓﻌﻨﻲ ﻟﻤﻜﺎﻧﺎﺕ ﺍﻟﻜﺎﺑﻮﺍﺕ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻪ ... ﺍﺍﺍﻩ .. ﻫﻬﻬﻬﻪ .. ﺑﺎﻫﻲ ﺳﻤﺢ ﺍﻧﺖ ﻳﺎﻛﺎﺑﻮ ﻗﻠﺒﻲ 💓...
ﻫﻲ ﺿﺤﻜﺖ ﺑﺨﺠﻞ ﻭﻟﻔﺖ ﻭﺟﻬﻬﺎ ﻟﻠﺮﻭﺷﻦ ..
ﻭﻫﻮ ﻣﺎﺯﺍﻝ ﻳﻀﺤﻚ ﻋﻠﻴﻬﺎ 💕
💓 ﻛﻤﻞ ﺑﻴﻬﺎ ﻓﻲ ﺷﻮﺍﺭﻉ ﺳﺮﺕ ...
ﻭﺭﻓﻌﻬﺎ ﻟﻠﻤﻨﺎﻃﻖ ﺍﻟﻤﻬﻤﻪ ﻓﻴﻬﺎ ...
ﺯﻱ ﺍﺑﻮﻫﺎﺩﻱ ..
ﻭﻣﻨﻄﻘﺔ ﺍﻟﺠﻴﺰﺓ ﺍﻟﻌﺴﻜﺮﻳﻪ ... ﺍﻟﻠﻲ ﺗﺒﺪﺍ ﺑﻘﺎﻋﺔ ﻭﺍﻗﺎﺩﻭﻗﻮ
ﻻﺣﻈﺖ ﺩﻻﻝ ﻣﻦ ﻟﻤﺎ ﺧﺸﻮﺍ ﻟﻠﺠﻴﺰﺓ ﻛﻴﻒ ﻛﺎﻧﻮﺍ ﺍﻟﻠﻲ ﻳﻘﺎﺑﻠﻮﺍ ﻓﻴﻬﻢ ﻳﺘﻌﺎﻣﻠﻮﺍ ﻣﻊ ﻋﻤﺎﺭ ﺑﺈﺣﺘﺮﺍﻡ ...
ﻭﻛﻴﻒ ﻫﻮ ﺷﺨﺼﻴﺘﻪ ﺗﺘﺒﺪﻝ ﻟﻤﺎ ﻳﺘﻌﺎﻣﻞ ﻣﻊ ﻏﻴﺮﻫﺎ ..
ﺗﺤﺲ ﺑﺠﻼﻓﺘﻪ ﻭﺷﺪﺗﻪ .. ﻭﺗﺤﺲ ﺑﺒﻌﺾ ﺍﻟﺨﻮﻑ ...
ﺷﻮﻳﻪ ﻭﻃﻠﻌﻮﺍ ﻣﻦ ﺍﻟﻤﻨﻄﻘﻪ ﻣﺘﻮﺟﻬﻴﻦ ﻟﺤﻲ ﺍﻟﺪﻭﻻﺭ ﻭﻳﻦ ﻣﺎﻳﺴﻜﻨﻮﺍ ﺍﻫﻠﻪ ...
ﺷﺒﺤﻠﻬﺎ : ﻋﺠﺒﺎﺗﻚ ﺳﺮﺕ ..
ﺩﻻﻝ : ﺣﻠﻮﺓ ﺑﺲ ﻳﻌﻨﻲ ﻭﺑﺪﻭﻥ ﺗﺤﻴﺰ ﻣﺎﻓﻴﺶ ﺍﺣﻠﻰ ﻣﻦ ﻃﺮﺍﺑﻠﺲ ﺍﻟﻠﻲ ﺣﺘﻰ ﻣﻦ ﻫﻮﺍﻫﺎ ﻓﻴﻪ ﺍﻟﺰﺍﻳﺪ ..
ﻋﻤﺎﺭ ﺍﺑﺘﺴﻢ : ﻷﻧﻚ ﻛﺒﺮﺗﻲ ﻭﺗﺮﺑﻴﺘﻲ ﻓﻴﻬﺎ ..
ﺩﻻﻝ : ﻻ ﻷﻥ ﻃﺮﺍﺑﻠﺲ ﻏﻴﺮ ﻓﻲ ﻛﻞ ﺷﻲ ....
ﻋﻤﺎﺭ ﺳﻜﺖ ﻭﻫﻮ ﻣﺒﺘﺴﻢ ..
ﺩﻻﻝ ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻣﺎﺷﻲ ﻟﺒﺎﺏ ﺍﻟﻌﺰﻳﺰﻳﻪ ...
ﻋﻤﺎﺭ : ﺍﻳﻪ ..
ﺩﻻﻝ ﺿﺤﻜﺖ ﺑﺘﻬﻜﻢ : ﻫﺎﺩﻳﻜﺎ ﺍﻟﻤﻨﻄﻘﻪ ﺣﺮﺍﻡ ﻧﻔﻮﺗﻮﺍ ﻣﻦ ﺟﻴﻬﺘﻬﺎ ..
ﻧﺬﻛﺮ ﺑﺎﺑﺎ ﺭﻓﻌﻨﻲ ﻣﺮﺓ ﻟﻠﺠﺎﻣﻌﻪ ﻭﺧﻄﻤﻨﺎ ﻉ ﻣﻜﺎﻥ ﻗﺮﻳﺐ ﻋﻠﻴﻬﺎ .. ﺍﻟﺴﻮﺭ ﻛﺎﻥ ﺯﻱ ﺍﻟﻘﻠﻌﻪ ﻭﻓﻲ ﻛﺎﻣﻴﺮﺍﺕ ﻭﻣﻤﻨﻮﻉ ﺣﺪ ﻳﻜﻤﻞ ﻃﺮﻳﻘﻪ ﻭﻳﻔﻮﺕ ﻣﻦ ﻫﺪﻳﻜﺎ ﺍﻟﻄﺮﻳﻖ ..
ﻋﻤﺎﺭ : ﺍﻳﻴﻴﻪ ﻧﺴﻴﺖ ﻧﻮﺭﻳﻚ ﺟﺎﻣﻌﺔ ﺍﻟﺘﺤﺪﻱ ..
ﺩﻻﻝ ﺗﺴﺘﻔﺰ ﺑﻴﻪ : ﻣﺎﻋﺠﺒﻜﺶ ﻛﻼﻣﻲ ﻭﻻ ..
ﻋﻤﺎﺭ : ﻛﻞ ﺍﻟﻠﻲ ﻳﻄﻠﻊ ﻣﻦ ﻓﻤﻚ ﻋﺴﻞ ...💕
ﺩﻻﻝ ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺮﻭﺷﻦ ..
ﻭﻫﻮ ﺿﺤﻚ ﺿﺤﻜﻪ ﺧﻔﻴﻔﻪ ..
ﻭﻏﻴﺮ ﻃﺮﻳﻘﻪ ﻭﻳﻦ ﻣﺎﻓﻲ ﺍﻟﺠﺎﻣﻌﻪ
ﻋﻤﺎﺭ : ﻭﻫﺪﻱ ﻳﺎﺳﻤﺤﻪ ﺟﺎﻣﻌﺔ ﺍﻟﺘﺤﺪﻱ ...
ﺩﻻﻝ ﻗﻌﺪﺕ ﺗﺸﻮﻑ ﻟﺒﻮﺍﺑﺘﻬﺎ ﻋﺠﺒﺘﻬﺎ .
ﻋﻤﺎﺭ : ﻣﻊ ﻧﺺ ﺷﻬﺮ ﺍﻟﻨﻮﺍﺭ ﺇﻥ ﺷﺎﺀ ﺍﻟﻠﻪ ﺗﺒﺪﻱ ﺗﻘﺮﻱ ﻓﻴﻬﺎ ..
ﺷﺒﺤﺘﻠﻪ ﺩﻻﻝ : ﻧﻈﺎﻡ ﺍﻟﺘﻌﻠﻴﻢ ﻫﻨﻲ ﻛﻮﻳﺲ؟
ﻋﻤﺎﺭ : ﺍﻳﻪ ﻛﻮﻳﺲ .. ﺑﺲ ﻣﻤﻜﻦ ﻋﺎﺩ ﻣﺶ ﻛﻴﻒ ﻃﺮﺍﺑﻠﺲ ﺍﻟﻠﻲ ﻏﻴﺮ ﻓﻜﻞ ﺷﻲ .. ﻭﺍﺑﺘﺴﻢ ..
ﺩﻻﻝ ﺑﻐﺮﻭﺭ : ﺍﻛﻴﺪ ﻭﻣﻦ ﻏﻴﺮ ﻛﻼﻡ ....
ﻋﻤﺎﺭ ﺗﻨﻬﺪ ﻭﻗﺎﻝ : ﺁﺍﺍﺍﺍﺧﺨﺦ ﻳﺎﺳﻤﺤﻪ ﻳﺎﻣﻐﺮﻭﺭﺓ ...💓
ﺍﺑﺘﺴﻤﺖ ﻭﻫﻲ ﺗﺸﻮﻑ ﻟﻠﺮﻭﺷﻦ ...
ﻭﺭﺟﻊ ﻛﻤﻞ ﻃﺮﻳﻘﻪ ﺑﻴﻬﺎ ﻟﺤﻮﺵ ﺃﻫﻠﻪ ....
🍁🍁🍁🍁🍁🍁
ﺍﻟﺴﺎﻋﻪ 12:00 ﻗﺒﻞ ﺍﻟﻈﻬﺮ ..
ﻭﺍﻗﻔﺎﺕ ﻓﻲ ﻭﺍﺟﻬﺔ ﻛﻠﻴﺔ ﺍﻟﻌﻠﻮﻡ ...
ﻣﺠﺪﻭﻟﻴﻦ : ﻫﻮ ﻗﺎﻟﻲ ﺑﻴﺠﻲ ..
ﺷﻴﻤﺎﺀ : ﻣﺮﻛﺰﺓ ﻉ ﺭﻭﺣﻚ ﻣﺠﺪﻭﻟﻴﻦ ﺍﻟﻠﻲ ﺍﻧﺘﻲ ﻓﻴﻪ ﺍﻭﻓﺮ ﻣﻦ ﻟﻤﺎ ﻋﺮﻓﺘﻚ ﻭﻻﻣﺮﺓ ﺭﻳﺘﻚ ﺩﺭﺗﻲ ﻉ ﺧﺎﻃﺮ ﺣﺪ ﻫﻜﻲ ..
ﻣﺠﺪﻭﻟﻴﻦ ﺗﻨﻬﺪﺕ ﻭﻗﺎﻟﺖ : ﻷﻧﻪ ﻣﺶ ﺯﻱ ﺍﻱ ﺣﺪ ﻳﺎﺷﻴﻤﺎﺀ ..
ﺷﻴﻤﺎﺀ : ﻻﻋﺎﺩﻱ ﺟﺪﺍ ﺟﺪﺍ ﻭﺯﻳﺎﺩﺓ ﻣﻦ ﺍﻟﺪﻭﺍﺧﻞ ﻭﻣﺎﻓﻴﺶ ﻣﻤﻴﺰﺍﺕ ﺑﻜﻞ ..
ﻣﺠﺪﻭﻟﻴﻦ : ﺍﻧﺘﻲ ﻋﻘﻠﻴﺘﻚ ﻭﺳﺎﻣﺤﻴﻨﻲ ﻓﻴﻬﺎ ﺳﻄﺤﻴﻪ ﺻﻌﺐ ﺗﻔﻬﻤﻲ ﻋﻠﻴﺎ ..
ﺷﻴﻤﺎﺀ : ﺑﺎﻫﻲ ﻳﺎ ﺃﻡ ﻋﻘﻞ ﻛﺒﻴﺮ 😑
ﺿﺤﻜﺖ ﻣﺠﺪﻭﻟﻴﻦ .. ﺑﻌﺪﻳﻦ ﺭﻥ ﺗﻠﻴﻔﻮﻧﻬﺎ .. ﻟﻘﺎﺗﻪ ﻫﻮ .. ﺷﺒﺤﺖ ﺣﻮﺍﻟﻴﻬﺎ ﺍﺩﻭﺭ ﻓﻴﻪ ﻟﻘﺎﺗﻪ ﻭﺍﻗﻒ ﺣﺪﺍ ﻣﻜﺎﻥ ﻣﻌﺸﺐ ..
ﺍﺑﺘﺴﻤﺖ ﻭﻧﺰﻟﺘﻠﻪ ﻃﻮﻝ ....
ﻫﻮ ﻳﺸﻮﻓﻠﻬﺎ .. ﻭﻣﺶ ﻋﺎﺭﻑ ﻟﻴﺶ ﺣﺎﺱ ﺭﻭﺣﻪ ﻣﻨﺠﺬﺑﻠﻬﺎ ﻫﻠﺒﻪ ..
ﻭﺻﻠﺖ ﻓﻴﻪ : ﻫﺎﻱ ..
ﻫﺎﻧﻴﺒﺎﻝ : ﻭﺭﺍﺱ ﺑﻮﻙ ﻓﻜﻴﻨﻲ ﻣﻦ ﺍﻟﺘﺠﻌﻮﻳﻦ ﻭﺗﻜﻠﻤﻲ ﺯﻳﻨﺎ ..
ﺿﺤﻜﺖ ﻣﺠﺪﻭﻟﻴﻦ : ﺑﺎﻫﻲ ﺣﺎﺿﺮ ... ﺍﻣﻢ .. ﺷﻦ ﺟﻮ ..
ﻫﺎﻧﻴﺒﺎﻝ : ﺗﻤﺎﻡ .. ﻭﺍﻧﺘﻲ ..
ﻣﺠﺪﻭﻟﻴﻦ : ﺗﻤﺎﻡ ... ﺍﻳﻪ ﻗﻮﻟﻲ ﺑﺘﺮﻭﺡ ﺗﻮﺍ ﻝ *****
ﻫﺎﻧﻴﺒﺎﻝ : ﻻ ﺑﻨﺨﻄﻢ ﻉ ﺻﺎﺣﺐ ﺑﻨﺘﻐﺪﺍ ﻋﻨﺪﻩ ﻭﻣﻨﻪ ﺑﻨﺮﻭﺡ ﻃﻮﻝ ..
ﻣﺠﺪﻭﻟﻴﻦ : ﺍﻟﺪﻛﺘﻮﺭ ﺳﻮﺳﺎﻥ ..
ﻫﺎﻧﻴﺒﺎﻝ ﺑﻀﺤﻜﻪ : ﺗﺤﺸﻤﻲ ..
ﻣﺠﺪﻭﻟﻴﻦ : ﻫﻬﻬﻬﻬﻬﻪ ... ﺍﻣﻢ .. ﺑﺎﻫﻲ ﺍﻣﺘﻲ ﻧﻘﺪﺭ ﻧﺸﻮﻓﻚ ﺗﺎﻧﻲ ..
ﻫﺎﻧﻴﺒﺎﻝ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ : ﺧﻠﻴﻬﺎ ﻟﻠﻮﻗﺖ ... ﻫﻲ ﻻﺯﻡ ﻧﻌﺪﻱ ﺗﻮ ..
ﻣﺠﺪﻭﻟﻴﻦ ﺍﺑﺘﺴﻤﺖ ﺑﻀﻴﻖ : ﺑﺎﻫﻲ .. ﻓﻲ ﺍﻣﺎﻥ ﺍﻟﻠﻪ ..
ﺍﺑﺘﺴﻢ ﻭﻗﺎﻝ : ﺗﻮﺻﻲ ﻉ ﺷﻲ ﻳﺎﻧﻮﺍﻝ ..
ﻣﺠﺪﻭﻟﻴﻦ ﺿﺤﻜﺖ ﺑﺈﺳﺘﻐﺮﺍﺏ : ﻧﻮﺍﻝ !! ؟
ﻫﺎﻧﻴﺒﺎﻝ : ﺍﺣﻠﻰ ﻣﻦ ﺍﺳﻤﻚ ﺍﻟﻠﻲ ﺍﺷﺒﺢ ﻛﻴﻒ ..
ﺿﺤﻜﺖ ﻣﺠﺪﻭﻟﻴﻦ ﻭﻗﻠﺒﻬﺎ ﺑﺪﻕ ﺑﻘﻮﺓ :💓 ﺑﺎﻫﻲ ﻧﻮﺍﻝ .. ﻧﻮﺍﻝ .. ﺣﻠﻮ 💕
ﻫﺎﻧﻴﺒﺎﻝ ﺍﺑﺘﺴﻢ ﻭﻟﺒﺲ ﻧﻈﺎﺭﺍﺗﻪ : ﻣﺎﺗﻮﺻﻲ ﺷﻲ ..
ﻣﺠﺪﻭﻟﻴﻦ ﺍﺑﺘﺴﻤﺖ ﺑﺤﺐ : ﺳﻼﻣﺘﻚ ..💓
ﻫﺎﻧﻴﺒﺎﻝ : ﻫﻲ ﻣﺎﻻ ﺑﺎﻟﺴﻼﻣﻪ .. ﻟﻒ ﻭﻣﺸﻲ ﻟﺮﻣﺰﻱ ﺍﻟﻠﻲ ﻛﺎﻥ ﻳﺮﺍﺟﻲ ﻓﻴﻪ ﺣﺪﺍ ﺍﻟﻬﻨﺪﺳﻪ ..
ﻭﻫﻲ ﻗﻌﺪﺕ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﺭﻛﺐ ﺍﻟﺴﻴﺎﺭﺓ ﻭﻣﻌﺎﻩ ﺭﻣﺰﻱ ﻭﺗﺤﺮﻛﺖ ﺳﻴﺎﺭﺗﻪ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ... ﻭﺣﺴﺖ ﺑﺸﻮﻕ ﻟﻴﻪ ﻣﺠﺮﺩ ﻣﺸﺖ ﺍﻟﺴﻴﺎﺭﺓ ..
ﺿﺤﻜﺖ ﻭﻗﺎﻟﺖ : ﻃﺤﺘﻲ ﻳﺎﻣﻨﺪﻭﻟﻴﻦ .. ﻫﻬﻬﻬﻬﻪ ...
ﻟﻔﺖ ﻭﻣﺸﺖ ﻟﺼﺎﺣﺒﺘﻬﺎ ﻭﻫﻲ ﻓﻲ ﺣﺎﻟﺔ ﺣﻠﻮﺓ ﻋﻤﺮﻫﺎ ﻣﺎﻋﺎﺷﺘﻬﺎ ..
💕💕💕💕💕💕💕💕💕💕💕💕💕💕💕💕💕
🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴
ﻓﻲ ﺍﻟﻜﻮﺟﻴﻨﻪ ...
ﻏﺎﻟﻴﻪ ﺍﻃﻴﺐ ..
ﻭﺣﺪﺍﻫﺎ ﺣﻤﻴﺪﻩ ﻭﺳﻤﻴﻪ ﻳﻬﺪﺭﺯﻭﺍ ...
ﺳﻤﻴﻪ : ﻋﻴﻠﻪ ﻛﻮﻳﺴﻪ ﺭﺍﻫﻢ ﻳﺎﺣﻤﻴﺪﻩ ﻭﻭﻟﺪﻫﻢ ﺧﺪﺍﻡ ﻉ ﺭﺍﺳﻪ ﺳﺎﻝ ﻋﻠﻴﻪ ﺍﻟﻬﺎﺩﻱ ﻭﺍﺟﺪ .
ﺍﻟﺘﻔﺘﺖ ﻏﺎﻟﻴﻪ ﻷﺧﺘﻬﺎ ﻭﺍﺑﺘﺴﻤﺖ ..
ﻭﺣﻤﻴﺪﻩ ﺍﺑﺘﺴﻤﺖ ﻭﻗﺎﻟﺖ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﺳﻤﻴﻪ ﺑﻀﺤﻜﻪ : ﻣﺎﻧﻘﻮﻝ ﻏﻴﺮ ﺗﻮﻛﻠﻲ ﻉ ﺍﻟﻠﻪ ﺑﻌﺪ ﺻﻠﻴﺘﻲ ﺍﺳﺘﺨﺎﺭﺓ ﻭﺗﺮﻳﺤﺘﻲ ﺧﻼﺹ ..
ﺣﻤﻴﺪﻩ ﺑﺈﺑﺘﺴﺎﻣﻪ : ﺍﻟﻠﻲ ﻓﻴﻬﺎ ﺍﻟﺨﻴﺮﺓ ﻳﺠﻴﺒﻬﺎ ﺍﻟﻠﻪ ..
ﺳﻤﻴﻪ : ﺍﻳﻪ ﻭﺍﻟﻠﻪ ..
ﻉ ﺧﻄﻤﺔ ﺳﻌﻴﺪﻩ ﻣﻦ ﺣﺪﺍ ﺍﻟﺮﻭﺷﻦ : ﺧﺎﻳﻨﺎﺍﺍﺕ ﺑﺎﺑﻨﺎﺕ ﻋﻤﻲ ..
ﺧﺸﺖ ﻣﻦ ﻓﻢ ﺍﻟﺒﻮﺍﺑﻪ ﻭﻭﺻﻠﺖ ﻟﻠﻜﻮﺟﻴﻨﻪ ..
ﺳﻌﻴﺪﻩ : ﺍﺧﺮ ﻣﻦ ﻳﻌﻠﻢ ﺍﻧﻲ ﻳﺎﺣﻤﻴﺪﻩ !!
ﺣﻤﻴﺪﻩ : ﺍﻧﺘﻲ ﻳﺎﺣﻨﻪ ﻗﺪﻳﺶ ﻟﻴﻚ ﻻﺗﺠﻲ ﻭﻻﻃﻠﻲ ﻛﺎﻥ ﻫﺪﻯ ﺭﺍﻙ ﺍﻭﻝ ﻣﻦ ﻋﺮﻓﺘﻲ ..
ﺧﺸﺖ ﻭﻗﺎﻟﺖ ﺑﻀﺤﻜﻪ : ﻻ ﻳﺎﺣﻨﺎﺗﻲ ﻓﻲ ﻏﻴﺮﻱ ﻛﻠﻲ ﻋﻠﻴﺎ ﺍﻟﺠﻮ ..
ﺳﻤﻴﻪ ﺑﻀﺤﻜﻪ : ﻏﻴﺮ ﻗﻮﻟﻲ ﺷﻨﻮ ﺣﺎﻟﻜﻢ ﻳﺎﻋﺮﺏ ﻛﻴﻔﻨﻜﻢ ﺣﻴﻴﻦ ﻭﻻﻣﻴﺘﻴﻦ ..
ﺳﻌﻴﺪﻩ ﻭﺟﻬﻬﺎ ﺗﻐﻴﺮ ﻟﻜﻦ ﺍﺑﺘﺴﻤﺖ ﻣﺠﺎﻣﻠﻪ ﻭﺳﻠﻤﺖ ﻋﻠﻴﻬﺎ : ﻛﻴﻒ ﺣﺎﻟﻚ ﻳﺎﺣﻨﻪ ..
ﺳﻤﻴﻪ : ﺍﻟﺤﻤﺪ ﻟﻠﻪ ﻳﺎﺣﻨﻪ ...
ﺳﻌﻴﺪﻩ ﻗﻌﻤﺰﺕ ﻉ ﺭﻭﺱ ﺻﻮﺍﺑﻌﻬﺎ ﺣﺪﺍ ﺳﻤﻴﻪ : ﺍﻳﻪ ﺍﺣﻜﻠﻲ ..
ﻏﺎﻟﻴﻪ : ﻗﺒﻞ ﻧﺤﻜﻮﻟﻚ ﺍﻧﺘﻲ ﺍﺣﻜﻴﻠﻨﺎ ﻉ ﻣﻮﺿﻮﻉ ﺍﻣﺎﻝ ..
ﺿﺤﻜﺖ ﺣﻤﻴﺪﻩ ..
ﺳﻌﻴﺪﻩ ﺑﻀﺤﻜﻪ : ﻭﺍﺍﻙ ﻣﻨﻜﻦ ﺍﻧﺘﻦ ...
ﺿﺤﻜﻮﺍ ﺣﻤﻴﺪﻩ ﻏﺎﻟﻴﻪ ﺑﻌﺪ ﺷﺒﺤﻮﺍ ﻟﺒﻌﺾ ..
ﻭﺳﻤﻴﻪ ﺗﺸﻮﻑ ﻟﺴﻌﻴﺪﺓ ﺑﺮﻓﻌﺔ ﺣﻮﺍﺟﺐ ...
ﺳﻌﻴﺪﻩ : ﻳﺎﻛﻠﺒﺎﺕ ﺳﺎﻟﻢ ﻟﻄﻴﻒ ﺑﻌﺖ ﻫﻠﻪ ...
🍁🍁🍁🍁🍁🍁
ﺍﻟﺴﺎﻋﻪ 5:30 ﻋﺼﺮﺍ ...
ﻛﺎﻥ ﻋﻤﺮ ﻣﺮﻭﺡ ﻣﻦ ﺍﻟﺨﺪﻣﻪ ﺑﺴﻴﺎﺭﺗﻪ ...
ﺗﻼﻗﻰ ﻫﻮ ﻭﺗﻮﻓﻴﻖ ﻭﻟﺪ ﺧﻮﻩ ﻓﻲ ﺍﻟﻄﺮﻳﻖ ﻉ ﺭﺟﻠﻴﻪ ..
ﻛﻠﻜﺴﻠﻪ ... ﻭﻭﻗﻒ ﺣﺪﺍﻩ ..
ﻓﺘﺢ ﺍﻟﺒﺎﺏ ﺗﻮﻓﻴﻖ ﻭﺭﻛﺐ : ﺍﻟﺴﻼﻡ ﻋﻠﻴﻜﻢ ..
ﻋﻤﺮ : ﻭﻋﻠﻴﻜﻢ ﺍﻟﺴﻼﻡ ... ﺧﻴﺮﻙ ﻣﺮﻭﺡ ﻉ ﻛﺮﻋﻴﻚ ..
ﺗﻮﻓﻴﻖ : ﻣﺎﺣﺼﻠﺘﺶ ﻣﻦ ﻳﻮﺻﻠﻨﻲ ..
ﻋﻤﺮ : ﻭﺧﺎﻟﻚ ﻛﻠﺐ ﺯﻳﻨﻪ ﻭﻳﻦ ..
ﺗﻮﻓﻴﻖ : ﺭﻭﺡ ﻣﻦ ﺍﻟﺴﺎﻋﻪ ﺗﻼﺗﻪ ..
ﻋﻤﺮ : ﻭﻣﺨﻠﻲ ﻛﻞ ﺷﻲ ﻉ ﺭﺍﺳﻚ ..
ﺗﻮﻓﻴﻖ ﻗﻌﺪ ﺳﺎﻛﺖ ﻭﺗﺒﺎﻥ ﻉ ﻭﺟﻬﻪ ﻣﻼﻣﺢ ﺍﻟﻀﻴﻖ ..
ﻋﻤﺮ ﻫﺰ ﺭﺍﺳﻪ ﺑﺈﻳﺠﺎﺏ : ﺑﺎﻫﻲ ﺑﺎﻫﻲ ...
ﺷﻐﻞ ﺳﻴﺎﺭﺗﻪ ﻭﺗﺤﺮﻙ ﻃﻮﻝ ..
🍁🍁🍁🍁🍁
ﻃﻠﻌﺖ ﻃﺎﺟﻴﻦ ﺍﻟﻜﻴﻜﻪ ﻣﻦ ﺍﻟﻜﻮﺷﻪ ... ﻭﺣﺎﻃﺘﻪ ﻓﻮﻗﻬﺎ ﺑﻌﺪ ﻃﻔﺘﻬﺎ ...
ﻭﺧﻠﺘﻬﺎ ﺗﺒﺮﺩ ... ﺧﻄﺮﺕ ﻋﻠﻴﻬﺎ ﺍﺧﺘﻬﺎ ﻛﻴﻒ ﻛﺎﻧﺖ ﻓﻨﺎﻧﻪ ﻓﻲ ﺍﻟﺤﻠﻮ ...
ﺗﻌﺒﻮﺍ ﺍﻟﺪﻣﻮﻉ ﻓﻌﻴﻮﻧﻬﺎ ﻭﻃﺎﺣﻮﺍ ..
ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ﻭﻣﺸﺖ ﻷﻣﻬﺎ ...
ﻭﺻﻠﺖ ﻓﻲ ﺍﻟﺪﺍﺭ ..
ﻧﻮﺭ : ﻣﺎﻣﺎ ..
ﻧﻌﻴﻤﻪ ﻭﻫﻲ ﺗﺨﻴﻂ ﻓﻲ ﺍﻟﻤﺨﺪﻩ : ﺍﻣﻤﻢ ..
ﻧﻮﺭ : ﺍﻣﺘﻰ ﻧﻤﺸﻮﺍ ﻟﺪﻻﻝ ...
ﻧﻌﻴﻤﻪ ﻭﻗﻔﺖ ﺧﻴﺎﻃﻪ ﻭﺗﻨﻬﺪﺕ ﺑﺄﻟﻢ : ﺗﻮ ﺗﺠﻴﻨﺎ ﻫﻲ ﺯﺍﻳﺮﺓ ﻭﺣﻨﻲ ﺑﻌﺪﻳﻦ ﻧﻤﺸﻮﻟﻬﺎ ..
ﻧﻮﺭ : ﺑﺎﻩ ﺍﻣﺘﻰ ﺗﺠﻴﻨﺎ ﺯﺍﻳﺮﺓ ..
ﻧﻌﻴﻤﻪ : ﻣﺎﻧﻌﺮﻓﺶ ﻳﺎﺑﻨﺘﻲ ....
ﻧﻮﺭ : ﺑﺎﻫﻲ ﻋﺎﺩﻱ ﻧﺘﺼﻠﻮﺍ ﺑﻴﻬﺎ ...
ﻧﻌﻴﻤﻪ ﺑﻌﺪ ﻓﻜﺮﺕ ﺷﻮﻳﻪ ﻗﺎﻟﺖ : ﺑﺎﻫﻲ ﺑﺮﻱ ﺟﻴﺒﻲ ﺗﻠﻴﻔﻮﻧﻲ ﻉ ﺍﻟﻤﺪﺧﻞ ﺗﻠﻘﻴﻪ ..
ﻧﻮﺭ ﻃﻠﻌﺖ ﻣﻦ ﺣﺪﺍﻫﺎ ﻭﺗﻮﺟﻬﺖ ﻟﻠﻤﺪﺧﻞ ﺧﺪﺕ ﺍﻟﺘﻠﻴﻔﻮﻥ ﻭﻣﺸﺖ ﻃﻮﻝ ﻷﻣﻬﺎ ...
ﺧﺸﺖ ﺍﻟﺪﺍﺭ ﻭﻋﻄﺎﺗﻪ ﻷﻣﻬﺎ ..
ﺧﺪﺕ ﻧﻌﻴﻤﻪ ﺍﻟﺘﻠﻴﻔﻮﻥ ﻭﺿﺮﺑﺖ ﻉ ﺭﻗﻢ ﺩﻻﻝ ...
🍁🍁🍁🍁🍁🍁🍁
ﺧﻼﺹ ﺩﻟﻮﻟﻪ ...
ﻗﺪﻣﺖ ﺭﺍﺳﻬﺎ ﻭﺷﺒﺤﺖ ﻟﻠﻤﺮﺍﻳﻪ : ﻣﺎﺷﺎﺀﺍﻟﻠﻪ ﺍﺻﺎﻟﻪ ﻓﻨﺎﻧﻪ ..
ﺍﺻﺎﻟﻪ ﺑﻀﺤﻜﻪ : ﺍﻧﺘﻲ ﺍﻟﻠﻲ ﻗﻤﺮ ﻭﻛﻞ ﺷﻲ ﻳﻄﻠﻊ ﻋﻠﻴﻚ ..
ﺍﺑﺘﺴﻤﺖ ﺩﻻﻝ ﺑﺨﺠﻞ : ﺗﺴﻠﻤﻲ ...
ﺭﻥ ﺗﻠﻴﻔﻮﻧﻬﺎ ... ﺧﺪﺍﺗﻪ ..
ﺷﺒﺤﺖ ﺍﺻﺎﻟﻪ ﻟﻠﺘﻠﻴﻔﻮﻥ ﻭﺍﺳﺘﻐﺮﺑﺖ ﻛﻴﻒ ﻋﻤﺎﺭ ﻣﺎﺧﺪﺍﻟﻬﺎﺵ ﻧﻮﻉ ﺟﺪﻳﺪ ﻭﻏﺎﻟﻲ ..
ﺭﺩﺕ ﺩﻻﻝ ﻃﻮﻝ : ﺍﻳﻮﻩ ﻣﺎﻣﺎ ﺍﺳﺘﺎﺣﺸﺸﺘﻚ ﻫﻠﻠﻠﻠﺒﻪ ...
ﻃﻖ ﺍﻟﺒﺎﺏ ...
ﻣﺸﺖ ﺍﺻﺎﻟﻪ ﻓﺘﺤﺎﺗﻪ ﻭﺍﺑﺘﺴﻤﺖ؛ﺧﻴﺮ !!
ﻋﻤﺎﺭﺧﺶ ؛ﺗﺮﺍ ﻭﺳﻌﻲ ﻭﺍﻃﻠﻌﻲ ﻣﺮﺓ ﻭﺣﺪﻩ ..
ﺿﺤﻜﺖ ﺍﺻﺎﻟﻪ : ﺣﺎﺿﺮ .. ﺑﺲ ﺭﺍﻫﻲ ﻣﺎﺯﺍﻝ ﻣﺎﻛﻤﻠﺘﺶ ..
ﻋﻤﺎﺭ : ﻏﻴﺮ ﻋﺪﻱ ﺗﻮﺍ ..
ﻃﻠﻌﺖ ﺍﺻﺎﻟﻪ ﻭﻫﻮ ﺳﻜﺮ ﺍﻟﺒﺎﺏ ...
ﺩﻻﻝ : ﺍﻟﺤﻤﺪ ﻟﻠﻪ ﻣﺎﻣﺎ ﻛﻞ ﺷﻲ ﺗﻤﺎﻡ ...
ﺍﺗﻜﻰ ﻉ ﺍﻟﺒﺎﺏ ﺑﻜﺘﻔﻪ ﻭﺍﻳﺪﻳﻪ ﻓﺠﻴﻮﺑﻬﺎ ﻭﻳﺘﺄﻣﻞ ﻓﻴﻬﺎ 💕
ﻫﻲ ﻣﺎﺣﺴﺘﺶ ﺑﻴﻪ ...
ﺩﻻﻝ؛ﻛﻴﻒ ﺣﺎﻝ ﺑﺎﺑﺎ ﻭﻧﻮﺭ ...... ﻫﻬﻬﻬﻬﻬﻪ ﻋﻄﻴﻬﺎﻟﻲ ﺍﻟﺠﺤﺸﻪ ....... ﻧﻮﺍﺭﺗﻲ ... ﺍﺳﺘﺎﺣﺸﺸﺘﻚ ﻳﺎﻋﻤﺮﻱ .... ﻫﻬﻬﻬﻬﻪ .. ﺧﺰﻱ ﻳﺎﻛﻠﺒﻪ ...... ﻋﻴﻨﻚ ﺍﻧﻲ ﻟﺴﺎﻧﻲ ﻋﺴﻞ ﻣﻊ ﻛﻞ ﺍﻟﻨﺎﺱ ..
ﺿﺤﻚ ﻋﻤﺎﺭ ....
ﺩﻻﻝ : ﺍﻟﺤﻤﺪ ﻟﻠﻪ ............ ﻣﺶ ﻋﺎﺭﻓﻪ ﻧﺴﻴﺘﻬﺎ ﺍﻟﺤﺎﺟﻪ ﻫﺎﺩﻱ ........
ﺑﺎﻫﻲ ........ ﺍﻋﻄﻴﻨﻲ ﻣﺎﻣﺎ ....... ﺷﺒﺤﺖ ﻟﻠﻤﺮﺍﻳﻪ ﻭﻗﻌﺪﺕ ﺗﺸﻮﻑ ﻓﻔﻤﻬﺎ ﻭﺗﺤﺮﻙ ﻓﺸﺎﻓﻴﻔﻬﺎ ﻭﺗﻮﺯﻉ ﻓﻲ ﺍﻟﺮﻭﺝ ...
ﻭﻫﻮ 🔥💓💓💓💓
ﺩﻻﻝ : ﺍﻳﻪ ﻣﺎﻣﺎ ﺷﻦ ﺍﻟﺤﻜﺎﻳﻪ ﺍﻟﻠﻲ ﻗﺎﻟﺘﻬﺎ ﻧﻮﺭ .. ﺭﺍﻫﻮ ﻧﺴﻴﺘﻬﺎ ﺑﻜﻞ ................. ﺍﻣﻤﻢ ............ ﺣﺮﻛﺖ ﺷﻌﺮﻫﺎ ﺑﺈﻳﺪﻳﻬﺎ ...
ﻭﻫﻮ ﻳﺮﺍﻗﺐ ﻭﻗﻠﺒﻪ 💓💓💓💓💓 ﻓﻲ ﺣﺎﺍﻟﻪ ..
ﺩﻻﻝ : ﺧﻼﺹ ﺗﻮ ﻧﻜﻠﻢ ﻋﻤﺎﺭ ﻭﻧﺸﻮﻑ ...
💓💓💓 ﺣﻲ ﻭﺣﻲ ﻗﺎﻟﺖ ﺍﺳﻤﻪ .... ﻣﺎﺗﺴﺄﻟﻮﺵ ﻋﻦ ﺍﻟﻠﻲ ﺻﺎﺭ ﻓﻴﻪ .. ﻗﻠﺒﻪ ﻫﺪﺍ ﻓﺮ ﻓﺮﺍﻥ ﺑﻴﻄﻠﻊ ﺧﻼﺹ 💓💓💓💓
ﺩﻻﻝ : ﺑﺎﻫﻲ ﻣﺎﻣﺎ ... ﺍﻳﻪ ﺑﻨﻘﻮﻟﻚ ... ﻋﻤﺎﺭ ﺭﻗﻮﻩ ...
ﻋﻤﺎﺭ " ﺍﺍﺍﺍﺍﺍﺍﺍﻩ ﻳﺎﻭﻳﻞ ﻋﻤﺎﺭ ﻭﻳﻞ ﻣﻨﻚ "💓💓💓💓
ﺩﻻﻝ ﺑﻀﺤﻜﻪ : ﻣﻼﺯﻡ ﺍﻭﻝ ..... ﻫﻬﻬﻬﻬﻬﻬﻬﻬﻬﻪ ..... ﺗﺴﻠﻤﻲ ﻣﺎﻣﺎ ..... ﺑﺎﻫﻲ ﺗﻮ ﻧﺸﻮﻑ ﻭﻧﻘﻮﻟﻚ .... ﺳﻠﻤﻴﻠﻲ ﻋﻠﻴﻬﻢ ﻭﺑﺎﻟﺬﺍﺕ ﺑﺎﺑﺎ .... ﺳﻼﻡ .... ﺑﺎﻱ .... ﺻﻜﺮﺕ ﻭﺣﻄﺖ ﺍﻟﺘﻠﻴﻔﻮﻥ ﻉ ﺍﻟﺰﻳﺎﻧﻪ ﻭﺑﻠﻌﺖ ﺭﻳﻘﻬﺎ ﻭﺧﺪﺕ ﻧﻔﺲ ﻭﺗﺤﺎﻭﻝ ﻉ ﻗﺪ ﻣﺎﺗﻘﺪﺭ ﺗﻤﺴﻚ ﺑﻜﺎﻫﺎ ...
ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ... ﻓﻘﺪﺕ ﺍﺻﺎﻟﻪ ﺷﺒﺤﺖ ﺟﻨﺒﻬﺎ ﺍﻧﺨﻠﻌﺖ ...
ﻗﺪﻣﻠﻬﺎ : ﺍﺳﻢ ﺍﻟﻠﻪ .... ﺧﻴﺮﻙ ..
ﺩﻻﻝ : ﺍﻣﺘﻰ ﺧﺸﻴﺖ ..
ﺣﻂ ﻳﺪﻩ ﻉ ﻇﻬﺮﻫﺎ ﻭﻗﻌﺪ ﻳﻤﺸﻲ ﻋﻠﻴﻪ : ﺑﻜﺮﻱ ﺷﻮﻱ ... ﺍﺑﺘﺴﻢ ﻭﻗﺎﻝ .. ﻧﺨﻮﻑ ﻟﻬﺎﻟﺪﺭﺟﻪ !!
ﺩﻻﻝ ﺳﻜﺘﺖ ..
ﺍﺑﺘﺴﻢ ﻭﻃﺒﺲ ﺑﺎﺱ ﺭﺍﺳﻬﺎ ﻭﻫﻮ ﻣﻐﻤﺾ ﻋﻴﻮﻧﻪ ..
ﻭﻫﻲ ﺗﺸﻮﻓﻠﻪ ﻣﻦ ﺍﻟﻤﺮﺍﻳﻪ ..
ﺑﻌﺪ ﻭﻭﻗﻒ ﻉ ﺣﻴﻠﻪ ﻭﻫﻮ ﺣﺎﻁ ﻳﺪﻩ ﻉ ﺭﺍﺳﻬﺎ ﻭﺑﺪﻱ ﻳﺮﻗﻲ ﻓﻴﻬﺎ ...
ﻭﻫﻲ ﺗﺸﻮﻓﻠﻪ ﻣﻦ ﺍﻟﻤﺮﺍﻳﻪ ..
ﻛﻴﻒ ﻻﺑﺲ ﺍﻟﺒﺪﻟﻪ ﺍﻟﻌﺴﻜﺮﻳﻪ ... ﻭﻻﺑﺲ ﺯﻣﺎﻟﺔ ﻟﻮﻧﻬﺎ ﻗﻬﻮﻱ ... ﻛﺎﻧﺖ ﻫﻴﺒﺘﻪ ﺯﺍﻳﺪﻩ ﺑﺄﺿﻌﺎﻑ ...💓💓💓
ﺷﺒﺤﺖ ﻟﻴﺪﻩ ﺍﻟﻤﺤﻄﻮﻃﻪ ﻉ ﻛﺘﻔﻬﺎ ﻭﺭﻛﺰﺕ ﻉ ﺍﻟﺪﺑﻠﻪ ﻷﻭﻝ ﻣﺮﺓ ﺗﻨﺘﺒﻬﻠﻬﺎ .... ﺍﻭﻝ ﻣﺮﺓ ﺗﺮﻛﺰ ﻓﺘﻔﺎﺻﻴﻠﻪ ﻫﻜﻲ ...
ﻛﻤﻞ ﻭﻃﺒﺲ ﺑﺎﺱ ﺭﺍﺳﻬﺎ ﻣﻦ ﺟﺪﻳﺪ ... ﻭﺑﻌﺪﻳﻦ ﻗﻌﺪ ﻳﻤﺴﺢ ﻉ ﺷﻌﺮﻫﺎ : ﺗﻐﺪﻳﺘﻲ ﺑﺎﻫﻲ ..
ﺩﻻﻝ : ﺍﻳﻪ ﺍﻟﺤﻤﺪ ﻟﻠﻪ ....
ﻋﻤﺎﺭ : ﻛﻮﻳﺲ .. ﺍﺳﻤﻌﻲ ﻧﺒﻴﻚ ﺗﺎﻛﻠﻲ ﺯﻳﺪﻱ ﺍﺳﻤﻨﻲ ﺑﺶ ﻳﺒﺎﻧﻦ ﺧﺪﻭﺩﻙ ... ﻭﻧﺰﻝ ﻉ ﺧﺪﻫﺎ ﻭﺑﺎﺳﻪ ...
ﺩﻻﻝ ﺿﺤﻜﺖ ﻭﺑﻌﺪﺕ ...
ﻫﻮﺿﺤﻚ ﺯﺑﻄﻬﺎ ﺧﺎﻓﺖ ﻳﻌﻀﻬﺎ ..
ﻋﻤﺎﺭ ﺑﻀﺤﻜﻪ : ﺧﻮﺍﻓﻪ ...
ﺷﺒﺤﺘﻠﻪ : ﺑﺎﻫﻲ ﺣﻮﻝ ...
ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﺍﻟﻤﺮﺳﻮﻣﺎﺕ .... ﺑﻨﻈﺮﺓ ﻫﻴﺎﻡ ... ﻭﻗﺎﻝ 💕...
❣ ﺣﺮﺕ ﻓﻮﺻﻔﻬﺎ ﻣﻦ ﺯﻳﻨﻬﺎ .. ﻭﺣﺮﺕ ﻓﻮﺻﻒ ﻧﻘﺶ ﻋﻴﻮﻧﻬﺎ
ﺑﻴﻀﺎ ﺟﻤﻴﻠﻪ ﻣﺴﻤﺢ ﻟﻮﻧﻬﺎ
ﺍﻟﺸﻌﺮ ﺳﺎﻳﺐ ﻭﻓﺎﻳﺖ ﻋﻴﻨﻬﺎ ... ﻣﺴﻤﺢ ﻫﺪﺑﻬﺎ ﻭﺭﻣﺶ ﺟﻔﻮﻧﻬﺎ
ﻭﻋﻴﻮﻧﻬﺎ ﺍﻟﺤﻠﻮﺍﺕ ﻳﺎﻣﻘﻨﻴﻨﻬﺎ .. ﻭﺑﺎﻧﺖ ﻣﻊ ﺍﻟﻀﺤﻜﺎﺕ ﺑﻴﺾ ﺳﻨﻮﻧﻬﺎ ....
ﺗﻨﻬﺪ ﻭﻗﺎﻝ : ﺣﺮﺕ ﻓﻮﺻﻔﻬﺎ ... ﻣﻦ ﺯﻳﻨﻬﺎ ...
ﻫﻲ ﺑﺈﺭﺗﺒﺎﻙ : ﺑﺎﻫﻲ ﺍﻃﻠﻊ .. ﻣﻌﺶ ﻓﻲ ﻭﻗﺖ ..
ﻋﻤﺎﺭ ﺍﺑﺘﺴﻢ ﺑﻌﺪ ﺗﻨﻬﺪ ﻣﻦ ﻗﻠﺒﻪ ﻭﻭﻗﻒ ﻉ ﺣﻴﻠﻪ ﻭﻗﺎﻝ؛ﺑﻌﺪ ﺗﻜﻤﻠﻲ ﺍﻗﺮﻱ ﺁﻳﺔ ﺍﻟﻜﺮﺳﻲ ﺭﺩ ﺑﺎﻟﻚ ﺗﻨﺴﻲ ..
ﺷﺒﺤﺖ ﻟﻠﺰﻳﺎﻧﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻫﻮ ﻟﻒ ﺑﻴﻄﻠﻊ ﻭﺯﻉ ﻧﻈﺮﻩ ﻉ ﺍﻟﺪﺍﺭ ﻭﻗﺎﻝ : ﺩﺍﺭﻱ ﻗﻌﺪﺕ ﻣﺰﻳﻦ ..
ﺿﺤﻜﺖ ..
ﺿﺤﻚ ﻭﻫﻮ ﻳﺸﻮﻓﻠﻬﺎ ﺑﻌﺪﻳﻦ ﻗﺎﻝ : ﻓﺪﺍﻙ ﻳﺎﻟﺮﻳﻢ ﺍﻟﻔﺎﻟﻲ ..
ﺍﺑﺘﺴﻤﺖ ﺑﺨﺠﻞ ..
ﻫﻮ ﺗﻨﻬﺪ ﻭﺣﻂ ﻳﺪﻩ ﻉ ﻣﻘﺒﺾ ﺍﻟﺒﺎﺏ ﻭﻓﺘﺤﻪ ..
ﺍﺻﺎﻟﻪ ﺍﻟﻠﻲ ﻛﺎﻧﺖ ﻭﺍﻗﻔﺔ ﺑﻌﻴﺪ ﺷﻮﻱ ﻭﻻﻫﻴﻪ ﺑﺘﻠﻴﻔﻮﻧﻬﺎ : ﻭﺍﺧﻴﻴﻴﻴﺮﺍ ..
ﻋﻤﺎﺭ : ﺧﺸﻲ ﺗﺤﺮﻛﻲ ... ﻓﺎﺗﺖ ﻣﻦ ﺟﻨﺒﻪ ﺷﺪ ﻳﺪﻫﺎ .. ﻋﻴﻨﻜﻢ ﻣﻨﻬﺎ ﻳﺎﺍﺻﺎﻟﻪ ..
ﺍﺻﺎﻟﻪ : ﻓﻌﻴﻮﻧﻲ ..
ﻋﻤﺎﺭ ﻃﻠﻖ ﻳﺪﻫﺎ ﻭﻛﻤﻞ ﻃﺮﻳﻘﻪ ..
ﻭﺍﺻﺎﻟﻪ ﺧﺸﺖ ﻟﻠﺪﺍﺭ ....
🌴🌴🌴🌴🌴🌴🌴🌴🌴🌴🌴🌴🌴🌴🌴
ﺍﻟﻜﻠﺐ ﻫﺪﻯ ﻭﻫﻮ ﺷﻦ ﺩﺧﻠﻪ ..
ﺳﻌﻴﺪﻩ : ﺍﻟﺤﻘﻴﺮ ﺍﻟﺼﺎﻳﻊ ﻫﺪﻯ ... ﻣﺎﺧﻼ ﻣﺎﻗﺎﻝ ﻗﺪﺍﻡ ﺳﻤﻴﻪ
ﻋﺰﻳﺰﺓ : ﻋﻤﺮ ﻣﻦ ﻳﻮﻣﻪ ﻻﻣﻨﻄﻖ ﻻﺃﺳﻠﻮﺏ ..
ﺣﺪﻫﻢ : ﺍﻫﻮﺟﺎﻱ ﺳﻠﻴﻤﺎﻥ ...
ﺧﺶ ﻋﻠﻴﻬﻢ ..
ﺳﻠﻴﻤﺎﻥ : ﺧﻴﺮﻙ ﺳﻌﻴﺪﻩ ...
🍁🍁🍁🍁🍁🍁🍁
ﻣﻘﻌﻤﺰﻳﻦ ﻓﻲ ﺍﻟﺪﺍﺭ ﺍﻟﻠﻲ ﻓﻮﻕ ﺍﻟﺴﻄﺢ ..
ﻋﻤﺮ : ﻣﻊ ﺍﻟﺼﻴﻒ ﻳﻌﻄﻮﻧﻲ ..
ﻫﺎﻧﻴﺒﺎﻝ : ﺍﻧﻲ ﺍﺧﺮ ﺍﻟﺴﺒﻮﻉ ﺍﻟﺠﺎﻱ ..
ﻋﻤﺮ : ﻭﺷﻦ ﻧﺎﻭﻱ ﺑﺪﻳﺮ ..
ﻫﺎﻧﻴﺒﺎﻝ : ﻟﻌﻨﺪ ﺗﻮﺍ ﻣﺶ ﻣﻔﻜﺮ ﻓﺸﻲ ....
.......
ﺣﻤﻴﺪﻩ : ﻣﻨﻔﺠﻪ ﺟﺖ ..
ﻏﺎﻟﻴﻪ : ﺍﻟﻜﻴﻜﻪ ﻫﺪﻱ ﻻﺯﻡ ﺗﺠﻲ ﻣﻨﻔﺠﻪ .. ﺯﻳﻨﻴﻬﺎ ... ﺧﻞ ﺑﻨﻌﺪﻱ ﻧﺤﻤﻲ ..
ﺣﻤﻴﺪﻩ : ﺑﺎﻫﻲ ..
ﻃﻠﻌﺖ ﻏﺎﻟﻴﻪ ﻣﻦ ﺍﻟﻜﻮﺟﻴﻨﻪ ..
ﻭﺑﻄﺮﻳﻘﻬﺎ ﻟﻔﻢ ﺍﻟﺒﻮﺍﺑﻪ ...
ﻣﺸﺖ ﻃﻮﻝ .. ﻭﻗﻔﺖ ﻟﻤﺎ ﺧﻄﻢ ﻗﺪﺍﻣﻬﺎ ﺳﻠﻴﻤﺎﻥ ..
ﺍﻟﻠﻲ ﻛﺎﻥ ﻣﺎﺷﻲ ﺑﻌﺼﺒﻴﻪ ... ﻭﻗﻒ ﻭﻗﻌﺪ ﻳﻨﺎﺩﻱ ..
ﺳﻠﻴﻤﺎﻥ : ﻋﻤﺮ ﻳﺎﻛﻠﺐ .. ﻛﺎﻧﻚ ﺭﺍﺟﻞ ﺍﻧﺰﻝ ...
..... ﻳﺘﺒﻊ