المتمردين

العشق المتمرد

#العشق_المتمرد
الجزء100/القسم الثاني

#جمان_فريد

.🌟
ﻗﺎﺕ ﺗﺒﻲ ﺍﻟﻤﺎﻳﺮ ..
ﺯﻳﻨﺐ : ﺍﻟﻤﺎﻳﺮ ﻣﻌﺮﻭﻑ ﺑﺪﻟﻪ ﻛﺒﻴﺮﺓ ﻭﺑﺪﻟﻪ ﺻﻐﻴﺮﺓ ﻭﺗﻮﺍﺑﻌﻬﻢ ..
ﻗﻔﻄﺎﻥ ﻛﺒﻴﺮ ﻭﺑﺪﻟﻪ ﺭﺳﻤﻴﻪ ﻭﺍﻟﺘﻔﺘﻒ ﺍﻟﺘﺎﻧﻲ ..
ﻛﻔﺎﻳﻪ : ﻭﺍﻟﻌﻼﻗﻪ ..
ﺯﻳﻨﺐ : ﺍﻛﻴﺪ ..
ﻧﻌﻴﻤﻪ : ﻏﻴﺮ ﺭﺍﻫﻲ ﺗﻄﻠﻌﻠﻨﺎ ﺑﻘﺼﺔ ﺟﺪﻳﺪﻩ ﻭﺗﻘﻮﻝ ﻧﺒﻲ ﺫﻫﺐ ..
ﻏﺎﻟﻴﻪ : ﻻ ﻳﺎﺣﻨﻪ ﺳﺎﺩﻫﺎ ﺍﻟﺘﻌﻠﻴﻘﻪ ..
ﺯﻳﻨﺐ ﺷﺒﺤﺖ ﻟﺤﻤﻴﺪﻩ ﻭﻗﺎﻟﺖ : ﻣﺎﻋﻠﻘﺘﻴﺶ ..
ﺣﻤﻴﺪﻩ : ﻣﺎﻋﻨﺪﻱ ﺷﻲ ﻧﻘﻮﻟﻪ ﻗﻠﺘﻦ ﻛﻞ ﺷﻲ ..
ﻛﻔﺎﻳﻪ : ﺗﻜﻠﻤﻲ ﻓﻴﻬﺎ ؟
ﺣﻤﻴﺪﻩ : ﺍﺧﺮ ﻣﺮﺓ ﺍﺳﺒﻮﻉ ﺍﻟﻠﻲ ﻓﺎﺕ ﻭﻗﺎﺕ ﺍﻟﺬﻫﺐ ﻣﺶ ﻻﺯﻡ ﺑﻮﻫﺎ ﺩﺍﻳﺮﻟﻬﺎ ﻃﺎﻛﻢ ..
ﺯﻳﻨﺐ : ﺍﺣﺴﻦ ..
ﺣﻤﻴﺪﻩ : ﻣﺎﻧﻲ ﻋﺎﺭﻓﻪ ﺧﻴﺮﻛﻦ ﻣﺘﺤﺎﻣﻼﺕ ﻋﻠﻴﻬﺎ ﺗﻮ ﺭﺍﻫﻲ ﺑﻨﻴﻪ ﻛﻮﻳﺴﻪ ﻭﻧﺸﺎﺩﻩ ..
ﻧﻌﻴﻤﻪ : ﻭﺣﺮﻛﺎﺗﻬﺎ ﻫﺎﺩﻱ؟ !!
ﺣﻤﻴﺪﻩ : ﻣﻦ ﺳﻴﺪﻫﺎ ﻭﺧﻮﺗﻬﺎ ﻫﻲ ﻣﺎﺩﺧﻠﻬﺎ .. ﻛﺎﻥ ﻋﻠﻴﻬﺎ ﺭﺍﻫﻲ ﺟﺖ ﺑﻔﺮﺍﺷﻴﻪ ..
ﺭﻓﻌﺖ ﺯﻳﻨﺐ ﺣﺎﺟﺒﻬﺎ ﻭﻣﺮﺭﺕ ﻧﻈﺮﻫﺎ ﻉ ﺧﻮﺍﺗﻬﺎ ﺍﻟﻠﻲ ﺑﺎﻳﻦ ﺟﺪﺍ ﺍﻥ ﻛﻼﻡ ﺣﻤﻴﺪﻩ ﻣﺶ ﻋﺎﺟﺒﻬﻢ ..
ﺑﻌﺪﻳﻦ ﻗﺎﻟﺖ : ﻳﺎﻭﺩﻱ ﺑﺎﻫﻲ ﻏﻴﺮ ﺗﺨﻠﻴﻨﺎ ﻧﻜﻤﻠﻮﺍ ﻫﺎﻟﻌﺮﺱ ﻉ ﺧﻴﺮ ﻭﻣﺎﺗﻄﻠﻌﺶ ﺑﻘﺼﺔ ﺟﺪﻳﺪﻩ ..
ﻫﺰﺕ ﺣﻤﻴﺪﻩ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺸﻮﻑ ﻟﺒﻨﺘﻬﺎ ..
ﻭﻋﻴﻮﻥ ﻏﺎﻟﻴﻪ ﻋﻠﻴﻬﺎ ..
🍁🍁🍁🍁🍁
ﻭﺍﻟﻠﻪ ﻳﺎﻭﻟﺪﻱ ﻫﺪﺍ ﺍﻟﻠﻲ ﺻﺎﺭ ﺑﺎﻟﺰﺑﻂ ..
ﻋﻤﺮ ﺑﺼﺪﻣﻪ : ﺑﺎﻫﻲ ﻧﺒﻲ ﻧﻔﻬﻢ ﻟﻴﺶ ﺍﻟﺤﺎﺟﺎﺕ ﻫﺪﻳﻦ ﻣﺎﻳﺨﻄﺮﻥ ﻛﺎﻥ ﺑﻌﺪﻳﻦ ..
ﻧﺎﺩﺭﺓ " ﺍﻡ ﻟﻤﻴﺎﺀ :" ﻣﺎﻫﻮ ﻳﺎﻭﻟﺪﻱ ﻣﺎﻧﻚ ﻏﺎﺑﻲ ﻓﻲ ﺍﻟﻤﺸﺎﻛﻞ ﺍﻟﻠﻲ ﺻﺎﻳﺮﺓ ﻓﺎﻟﻌﻴﻠﻪ ﻭﺍﻛﻴﺪ ﻟﻤﻴﺎ ﺣﻜﺘﻠﻚ .. ﻣﺎﻧﺒﻮ ﺣﺪ ﻳﺘﺸﻤﺖ ﻭﺍﻛﻴﺪ ﺍﻧﺖ ﻣﺎﺗﺮﺿﺎﺵ ﻳﻬﺰﻭﺍ ﻉ ﻛﺴﻮﺗﻬﺎ ﺍﻟﻠﻲ ﺍﻧﺖ ﺟﺎﻳﺒﻬﺎﻟﻬﺎ ﻭﻳﺸﻤﺘﻮﺍ ﻓﻴﻬﺎ ..
ﻋﻤﺮ ﻗﻌﺪ ﺳﺎﻛﺖ ﻭﺻﺪﺭﻩ ﺍﻃﺒﻖ ﻉ ﺍﻹﺧﺮ ..
ﻧﺎﺩﺭﻩ : ﻭﺭﺍﺱ ﻭﻟﻴﺪﻱ ﺣﺎﻭﻝ ﻉ ﻗﺪ ﻣﺎﺗﻘﺪﺭ ﺧﻠﻲ ﻋﺮﺳﻜﻢ ﻳﺘﻢ ﻉ ﺧﻴﺮ ﻷﻥ ﻣﺎﻧﻀﻤﻠﻚ ﺭﺩ ﻓﻌﻞ ﺑﻮﻫﺎ ..
ﺗﻨﻬﺪ ﺑﻀﻴﻖ ﻭﻗﺎﻝ : ﺑﺎﻫﻲ ﺑﺎﻫﻲ ﺇﻥ ﺷﺎﺀ ﺍﻟﻠﻪ .. ﺍﺣﻤﻢ .. ﻭﻳﻨﻬﺎ ﻟﻤﻴﺎ ﻫﻲ ..
ﻧﺎﺩﺭﻩ : ﺷﺎﺩﻩ ﺗﺮﻛﻴﻨﻪ ﻓﺪﺍﺭﻫﺎ ﻭﺗﺒﻜﻲ ﺑﻌﺪ ﺗﻌﺎﺭﻛﺖ ﻫﻲ ﻭﺑﻮﻫﺎ ﻉ ﺧﺎﻃﺮﻙ .. ﺑﻌﺪ ﺗﺮﻭﻕ ﻛﻠﻤﻬﺎ ..
ﻋﻤﺮ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﻐﻤﺾ ﻋﻴﻮﻧﻪ ﺑﺸﺪﻩ ﻭﻗﺎﻝ : ﺑﺎﻫﻲ ﺑﺎﻫﻲ ..
ﻧﺎﺩﺭﻩ : ﺳﺎﻣﺤﻨﻲ ﻭﻟﻴﺪﻱ ﺍﻟﻠﻪ ﻏﺎﻟﺐ ﻫﺪﺍ ﺍﻟﻠﻲ ﺻﺎﺭ ..
ﻋﻤﺮ : ﻣﺎﻓﻴﺶ ﻣﺸﻜﻠﻪ ..
ﻧﺎﺩﺭﻩ : ﺑﺎﻫﻲ ﻫﻲ ﺑﺎﻟﺴﻼﻣﻪ ﺗﻮﺍ ..
ﻋﻤﺮ : ﺑﺎﻟﺴﻼﻣﻪ ..
ﺻﻜﺮﺕ ﻧﺎﺩﺭﻩ ﻭﺷﺒﺤﺖ ﻗﺪﺍﻡ ..
ﻟﻤﻴﺎ ﺑﻀﺤﻜﻪ : ﺑﻄﻠﻪ ﺑﻄﻠﻪ ﻳﺎﻧﻮﻧﻲ ..
ﺳﻨﺎﺀ : ﺧﻴﺮ ﻣﻦ ﺧﺪﻭﺟﻪ ﺻﺒﺮﻱ ﻓﺎﻟﺘﻤﺜﻴﻞ ..
ﻧﺎﺩﺭﻩ ﺑﻀﺤﻜﻪ ﻭﻫﻲ ﺭﺍﻓﻌﻪ ﺣﺎﺟﺒﻬﺎ : ﺗﺒﻲ ﻣﺮﺕ ﻋﻤﻚ ﻭﻣﺮﺕ ﺧﺎﻟﻚ ﻭﺑﻨﺖ ﻋﻤﺔ ﺑﻮﻙ ﻳﺘﺸﻤﺘﻮﺍ ﻓﻴﻨﺎ ﻭﻻ ﻳﺸﺪﻭﺍ ﻋﻠﻴﻨﺎ ﺣﺎﺟﻪ ﺑﻌﺪﻫﻢ ..
ﺿﺤﻜﻮﺍ ﺍﻟﺒﻨﺎﺕ ..
ﺑﻌﺪﻳﻦ ﺳﻨﺎﺀ ﻗﺎﻟﺖ : ﺍﻣﻲ ﺑﺘﺠﻲ ﺩﻧﻴﺎ؟ " ﺍﺧﺘﻬﻢ ﻣﻦ ﺍﻣﻬﻢ "
ﻧﺎﺩﺭﺓ : ﺍﻳﻪ ﺑﺘﺠﻲ ..
ﻟﻤﻴﺎﺀ : ﻣﻦ ﺍﻭﻝ ﻳﻮﻡ ﻧﺒﻴﻬﺎ ﺗﺠﻴﻨﻲ ..
ﻧﺎﺩﺭﻩ : ﺣﻜﻤﺖ ﻋﻠﻴﻪ ﺗﺒﺎﺕ ﺍﺳﺒﻮﻉ ﻛﺎﻣﻞ ..
ﺳﻨﺎﺀ : ﻭﻫﻮ ﺭﺿﺦ ﻃﺒﻌﺎ ..
ﻧﺎﺩﺭﺓ ﺑﻀﺤﻜﻪ : ﻣﺎﻝ ﺷﻨﻮ ﻳﺎﺣﻨﻪ ..
ﻟﻤﻴﺎﺀ ﺑﻀﺤﻜﻪ : ﺑﻨﺎﺕ ﻧﺎﺩﺭﺓ ﺭﺍﻧﺎ ﻣﻦ ﻳﻘﺪﺭﻧﺎ ..
ﺿﺤﻜﻮﺍ ..
ﻭﻧﺎﺩﺭﻩ ﺗﻀﺤﻚ ﺑﻔﺨﺮ
🍃 ﻧﺎﺩﺭﻩ ﺍﻡ ﻟﻤﻴﺎﺀ ﺗﻜﻮﻥ ﺑﻨﺖ ﺧﺎﻟﺔ ﺑﻮﻫﺎ .. ﺳﺒﻘﻠﻬﺎ ﺍﻟﺰﻭﺍﺝ ﻗﺒﻞ ﺯﻭﺟﻬﺎ ﺍﻟﺤﺎﻟﻲ ﻭﻷﻧﻬﻢ ﻣﺎﺍﺗﻔﻘﻮﺵ ﻣﻊ ﺑﻌﺾ ﺑﺴﺒﺐ ﺣﺮﺍﻓﺔ ﻧﺎﺩﺭﺓ ﻭﺭﻓﻀﻬﺎ ﻟﻌﺰﻭﺯﺗﻬﺎ ﺍﻟﻀﺮﻳﺮﺓ .. ﺍﻃﻠﻘﺖ ﺑﻌﺪ ﺟﺎﺑﺖ ﺑﻨﺘﻬﺎ ﺍﻻﻭﻟﻰ ..
ﺑﻌﺪ ﺳﻨﻪ ﻣﻦ ﻃﻼﻗﻬﺎ .. ﻻﺩﺕ ﻉ ﻭﻟﺪ ﺧﺎﻟﺘﻬﺎ ﺍﻟﻠﻲ ﻛﺎﻥ ﺧﺎﻃﺐ ﺑﻨﺖ ﻋﻤﻪ ﻭﻋﺮﻓﺖ ﻛﻴﻒ ﺗﺠﻴﺒﻪ ﻟﻠﻄﺮﻳﻖ ﻓﺎﺕ ﺑﻨﺖ ﻋﻤﻪ ﻭﻗﺮﺭ ﻳﺨﻄﺒﻬﺎ ﻭﺍﻣﻪ ﺍﻟﻠﻲ ﺗﻜﻮﻥ ﺧﺎﻟﺘﻬﺎ ﺍﻟﻠﻲ ﺗﻌﺮﻑ ﺑﻨﺖ ﺍﺧﺘﻬﺎ ﻛﻮﻳﺲ ﺭﻓﻀﺖ ﺭﻓﺾ ﺍﻟﺘﺎﻡ ﺯﻭﺍﺟﻪ ﺑﻴﻬﺎ ﻭﻭﻟﺪﻫﺎ ﻛﺒﺶ ﻓﻴﻬﺎ ﺍﻣﻪ ﻗﺎﻟﺖ ﺑﺎﻟﺤﺮﻑ
ﻟﻮ ﺧﺪﻳﺘﻬﺎ ﻧﻘﺺ ﺛﺪﻳﻲ ﺍﻟﻠﻲ ﺭﺿﻌﺘﻚ ﻣﻨﻪ .. ﻭﺑﺮﻏﻢ ﺫﻟﻚ ﻣﺸﻲ ﻣﺸﻲ ﻭﺧﺪﺍﻫﺎ ﻭﺍﻣﻪ ﻣﺎﺗﺖ ﻭﻫﻲ ﻣﺶ ﺭﺍﺿﻴﻪ ﻻﻋﻠﻴﻪ ﻭﻻ ﻋﻠﻰ ﺯﻭﺍﺟﻪ ...
ﻭﺑﺮﻏﻢ ﻫﺪﺍ ﻋﺎﻳﺸﻴﻦ ﻋﺎﺩﻱ ﺟﺪﺍ ﻭﻻﻛﺄﻧﻬﻢ ﺩﺍﺭﻭ ﺣﺎﺟﻪ 🍃
🍁🍁🍁🍁🍁🍁
ﺟﺎﻣﻌﺔ ﻃﺮﺍﺑﻠﺲ _ ﻗﺎﻃﻊ ﺏ " ﻧﺎﺻﺮ ﺳﺎﺑﻘﺎ "
ﻛﻠﻴﺔ ﺍﻟﻠﻐﺎﺕ ..
ﻣﻘﻌﻤﺰﺓ ﻣﻊ ﺯﻣﻴﻠﻪ ﻟﻴﻬﺎ ﺗﺴﺘﻨﻰ ﻓﺒﻮﻫﺎ ..
ﺭﻓﻘﻪ : ﺧﻼﺹ ﺍﺳﺒﻮﻋﻴﻦ ﻭﻳﺒﺪﺍ ﺍﻟﻔﺎﻳﻨﻞ .. ﺗﻌﺮﻓﻲ ﺑﻴﺠﻲ ﻣﻊ ﻋﺮﺱ ﻋﻤﻲ .. ﻣﺎﻧﻘﺪﺭﺵ ﻧﺤﻀﺮﻣﻨﻪ ﻛﺎﻥ ﻳﻮﻡ ﺍﻟﺨﻤﻴﺲ ﺑﺲ ..
ﻧﺠﻮﻯ : ﺧﻴﻲ ﻣﺸﻨﺎﻫﺎ ﺍﻟﻠﻘﻄﻪ ﻫﺎﺩﻱ ﻋﺮﺱ ﺣﺪ ﻓﻲ ﺍﻟﻌﻴﻠﻪ ﻣﻊ ﺍﻹﻣﺘﺤﺎﻧﺎﺕ ..
ﺭﻓﻘﻪ : ﺻﺢ ..
" ﻫﻬﻬﻬﻬﻬﻬﻬﻪ "
ﺍﻟﺰﻭﺯ ﺷﺒﺤﻮﺍ ﻟﻤﺼﺪﺭ ﺍﻟﺼﻮﺕ ..
ﺭﻓﻘﻪ ﺿﻴﻘﺖ ﻋﻴﻮﻧﻬﺎ ﻭﻗﺎﻟﺖ : ﻧﻌﺮﻓﻬﺎ ﻫﺎﺩﻱ ..
ﻧﺠﻮﻯ : ﺧﻴﺮﻙ ﻧﺴﻴﺘﻴﻬﺎ ﻧﺎﻫﺪ ﻫﺎﺩﻱ ﻛﺎﻧﺖ ﺗﻘﺮﺍ ﻣﻌﺎﻧﺎ ﻓﻲ ﺍﻟﻤﺪﺭﺳﻪ ﺗﺤﺪﻳﺪﺍ ﻣﻌﺎﻱ ﺍﻧﻲ ﻓﻨﻔﺲ ﺍﻟﻔﺼﻞ .. ﻭﺑﻨﺖ ﺟﻴﺮﺍﻧﺎ ﺯﻳﺎﺩﻩ ...
ﺭﻓﻌﺖ ﺭﻓﻘﻪ ﺣﺎﺟﺒﻬﺎ ﻭﻗﺎﻟﺖ : ﺍﻳﻪ ﺍﺫﻛﺮﺗﻬﺎ .. ﺗﻘﺮﺍ ﻫﻨﻲ؟ﻣﺎﺭﻳﺘﻬﺎﺵ ﻗﺒﻞ؟ !!
ﻧﺠﻮﻯ : ﺍﻳﻪ .. ﻟﻜﻦ ﺍﻧﺘﺴﺎﺏ .. ﺭﻳﺘﻲ ﺍﻟﻠﻲ ﻣﻌﺎﻫﺎ ﻫﺪﺍ ﺭﺍﺟﻠﻬﺎ ..
ﻓﻨﺼﺖ ﺭﻓﻘﻪ ﻭﺷﺒﺤﺖ ﻟﻨﺠﻮﻯ : ﺭﺍﺟﻠﻬﺎ؟؟ ! ﻳﺒﺎﻥ ﻛﺒﻴﺮ ﻋﻠﻴﻬﺎ ..
ﻧﺠﻮﻯ ﺑﻀﺤﻜﻪ : ﻣﺎﻫﻮ ﻳﺎﺣﻨﻪ ﻭﺑﻴﻨﻲ ﻭﺑﻴﻨﻚ ﺩﺍﺭﺕ ﻋﻤﻠﻪ ﺍﻛﺒﺮ ﻣﻦ ﺭﺍﺳﻬﺎ ﻫﺪﺍ ﻋﻼﺵ ﺗﺰﻭﺟﺎﺗﻪ ..
ﺭﻓﻘﻪ ﺑﺸﻲ ﻣﻦ ﺍﻹﺷﻤﺌﺰﺍﺯ : ﻗﺼﺪﻙ؟؟ !!
ﻧﺠﻮﻯ : ﻻﻻ ﻣﺶ ﺯﻱ ﻣﺎﻓﻬﻤﺘﻲ .. ﺍﺳﻤﻌﻲ .. ﻫﺎﺩﻱ ﻳﺎﺣﻨﻪ ﻗﺒﻞ ﻛﺎﻧﺖ ﺣﺎﻃﻪ ﻋﻴﻨﻬﺎ ﻉ ﺻﺎﺣﺐ ﺧﻮﻱ ﺳﻴﻔﺎﻭ ﺍﻟﻠﻪ ﻳﺮﺣﻤﻪ ﻛﺎﻥ ﻳﺠﻴﻨﺎ ﻣﺮﺓ ﻣﺮﺓ ﻳﺸﻮﻑ ﺑﻮﻱ ﻭﺍﻣﻲ ﻭﻳﻬﺪﺭﺯ ﻉ ﺧﻮﺗﻲ .. ﻭﻫﻲ ﻛﺎﻧﺖ ﺗﺸﻮﻑ ﻓﻴﻪ ﺻﺪﻑ ﻟﻤﺎ ﺗﺠﻴﻨﺎ .. ﺍﻟﻮﻟﺪ ﻃﺮﻑ ﻭﻳﻬﺒﻞ ﻭﻫﻲ ﻛﺒﺪﺕ ﻓﻴﻪ ﻉ ﻗﺪ ﻣﺎﺣﺎﻭﻟﺖ ﻓﻴﻪ ﺷﻲ ﻣﺎﺑﻲ ﻳﻌﺒﺮﻫﺎ ﻟﻴﻦ ﻣﺮﺓ ﻋﻨﻜﺸﺖ ﻓﻴﺎ ﻧﺠﻴﺒﻠﻬﺎ ﺭﻗﻤﻪ .. ﻭﺟﺒﺘﻬﻮﻟﻬﺎ .. ﺑﻌﺪﻫﺎ ﻣﻌﺎﺵ ﻗﺎﻟﺘﻠﻲ ﺷﻦ ﺻﺎﺭ ﻣﻌﺎﻫﺎ ﺑﺎﻟﺘﻔﺼﻴﻞ ﻟﻜﻦ ﻗﺎﻟﺖ ﺷﺪ ﻣﻌﺎﻱ .. ﺍﻟﻤﻬﻢ ﺑﺮﺍ ﺑﺮﺍ ... ﻟﻌﻨﺪ ﺍﻭﻝ ﻣﺎﺑﺪﻳﻨﺎ ﻗﺮﺍﻳﻪ ﻓﻲ ﺍﻟﻜﻠﻴﻪ ﻫﻲ ﻛﺎﻧﺖ ﻣﻊ ﻣﺎﻟﻴﻬﺎ ﻓﺒﻼﺩﻫﻢ ﺭﻭﺣﻮﺍ ﻉ ﺧﺎﻃﺮ ﻗﺮﺍﻳﺘﻬﺎ .. ﻋﺸﻴﺔ ﻫﺪﺍﻛﺎ ﺍﻟﻨﻬﺎﺭ ﻫﺠﻢ ﻋﻠﻴﻬﻢ ﺍﻟﻮﻟﺪ ﺍﻟﻠﻲ ﻗﺘﻠﻚ ﻋﻠﻴﻪ ﻗﻠﺐ ﺍﻟﺪﻧﻴﺎ ﻉ ﺭﻭﺳﻬﻢ ﻭﺣﻀﺮﻭﺍ ﻣﻌﺎﻩ ﺧﻮﺗﻲ .. ﻗﻮﻟﻲ ﻋﻼﺵ؟
ﺭﻓﻘﻪ ﺑﻌﻴﻮﻥ ﻣﺘﻮﺳﻌﻪ : ﻋﻼﺵ ! ؟
ﻧﺠﻮﻯ : ﻃﻠﻌﺖ ﺍﻟﻜﻠﺒﻪ ﻣﻬﻜﺮﻩ ﺣﺴﺎﺑﻪ ﻭﻭﺍﺧﺪﻩ ﺻﻮﺭﻩ ﻭﻓﻴﺪﻳﻮﺍﺗﻪ ﻭﺗﻨﺸﺮ ﻓﻴﻬﺎ ﻉ ﺻﻔﺤﻪ ﻟﻴﻬﺎ ﻭﻫﻤﻴﻪ ﻭﺗﻨﺰﻝ ﻣﻌﺎﻫﻢ ﻓﻜﻼﻡ ﺣﺐ ﻭﻏﻴﺮﻩ ﻉ ﺍﺳﺎﺱ ﺻﺎﺣﺒﻬﺎ ﻭﻫﻮ ﻟﻤﺎ ﻋﺮﻑ ﻗﻠﺐ ﺍﻟﺪﻧﻴﺎ ﻋﻠﻴﻬﻢ ﻭﻫﺪﺩﻫﻢ ﻭﺭﻭﺡ .. ﻳﻮﻣﻬﺎ ﺧﻮﺗﻬﺎ ﻗﺮﻳﺐ ﺫﺑﺤﻮﻫﺎ ﻏﻴﺮ ﺧﺸﻮﺍ ﻓﻴﻬﺎ ﻣﺎﻟﻴﺎ ﻭﺑﺎﻗﻲ ﺍﻟﺠﻴﺮﺍﻥ ﻭﻭﻗﻔﻮﻫﻢ ... ﻣﺎﻃﻮﻟﺘﺶ ﺍﺳﺒﻮﻉ ﻭﻋﻄﻮﻫﺎ ﻟﻮﺍﺣﺪ ﻣﺘﺰﻭﺝ ..
ﺭﻓﻘﻪ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻫﻮ ﻧﻔﺴﻪ ﺍﻟﻮﻟﺪ ﺍﻟﻠﻲ ﻗﺎﻟﺖ ﺍﻥ ﺻﺎﺣﺒﻬﺎ ﻭﻳﺠﻴﺒﻠﻬﺎ ﻓﺎﻟﻬﺪﺍﻳﺎ ﻭﺗﻮﺭﻱ ﻓﺼﻮﺭﻩ ﻭﻓﻴﺪﻳﻮﺍﺗﻪ ﻟﻠﺒﻨﺎﺕ !!
ﻧﺠﻮﻯ : ﺍﻳﻪ .. ﺻﺎﺣﺐ ﺧﻮﻱ ﻗﺘﻠﻚ .. ﺳﻤﺎﻩ ﻋﻤﺎﺩ ﺍﻟﺤﺪﺍﺩ .. ﺍﻟﺮﺍﺟﻞ ﻣﻌﻨﺪﺍﺵ ﻓﺎﻟﻠﺒﺰ ﺍﻟﺰﺍﻳﺪ ﻭﺯﻳﺎﺩﻩ ﻃﻠﻊ ﺧﺎﻃﺐ ﻣﺴﻜﻴﻦ ﻗﺮﻳﺐ ﻋﻔﺴﺖ ﻓﻴﻪ ...
🍃 ﻛﻞ ﺍﻟﻠﻲ ﺗﻤﻨﺎﺗﻪ ﺭﻓﻘﻪ ﻓﻲ ﺍﻟﻠﺤﻈﻪ ﻫﺎﺩﻱ ..
ﺍﻥ ﺍﻟﺸﺮﻳﻂ ﻳﺮﺟﻊ ﻟﻠﺨﻠﻒ ..
ﺍﻟﺰﻣﺎﻥ ﻳﻮﻟﻲ ﻟﻠﻮﺭﺍﺀ ﺳﻨﻪ ﻭﺣﺪﻩ ﺑﺲ ..
ﻟﻠﺤﻈﻪ ﺍﻟﻠﻲ ﺳﻤﻌﺖ ﻓﻴﻬﺎ ﺍﻟﻜﻼﻡ ﻣﻦ ﻧﺎﻫﺪ ..
ﻟﻮ ﺍﻧﻬﺎ ﺑﻌﺪ ﺳﻤﻌﺎﺗﻪ ﺩﺍﺭﺕ ﺷﻲ ﻭﺍﺣﺪ .. ﺑﺲ ...
ﻫﻲ ﺍﻧﻬﺎ ﻗﺎﻟﺖ ﻟﻤﺮﻭﺍﻥ ...
ﺣﻮﻟﺖ ﺧﻮﻓﻬﺎ ﻣﻨﻪ ﺍﻧﻪ ﻳﺎﺧﺪ ﻣﻨﻬﺎ ﻣﻮﻗﻒ ﻭﻗﺎﻟﺘﻠﻪ ﺑﺲ .. ﻭﺑﻌﺪﻫﺎ ﻣﺮﻭﺍﻥ ﻳﺘﺼﺮﻑ ..
ﻭﻻﻫﻲ ﺩﺍﺭﺕ ﺍﻟﻠﻲ ﺩﺍﺭﺍﺗﻪ ...
ﻫﻲ ﻣﻦ ﺩﺍﻓﻊ ﺣﺐ ..
ﺯﻋﻞ ﻉ ﺣﺪ ﺗﺤﺒﻪ ..
ﻓﻜﺮﺕ ﺍﻧﻬﺎ ﻟﻮ ﻭﺻﻠﺘﻠﻪ ﺍﻟﻠﻲ ﻋﺮﻓﺎﺗﻪ ﻫﻲ ﻫﻜﻲ ﺗﻔﺘﺢ ﻋﻴﻮﻧﻪ ﻭﺗﻮﻗﻀﻪ ..
ﺑﺲ ﺑﻌﺪ ﺍﻟﻠﻲ ﺳﻤﻌﺎﺗﻪ ﺣﺎﻟﻴﺎ ..
ﺍﻛﺘﺸﻔﺖ ﺍﻧﻬﺎ ﺍﺭﺗﻜﺒﺖ ﻏﻠﻄﻪ ﻓﺎﺩﺣﻪ ..
ﻣﺶ ﻋﺎﺭﻓﻪ ﻛﻴﻒ ﺗﺼﻠﺤﻬﺎ ..
ﺷﺒﺤﺖ ﻟﻨﺠﻮﻯ ﻭﻗﺎﻟﺖ : ﻛﻼﻣﻚ ﻫﺪﺍ ﺧﻄﻴﺮ ﻫﻠﺒﻪ ﻳﺎﻧﺠﻮﻯ ﺭﺍﻫﻮ ...
ﻧﺠﻮﻯ ﺑﺈﺳﺘﻐﺮﺍﺏ : ﺍﻧﻲ ﺣﻜﻴﺘﻠﻚ ﺷﻲ ﻗﺪﻳﻢ ﻭﺭﺍﺡ ﻉ ﺣﺎﻟﻪ ..
ﺭﻓﻘﻪ ﺑﺼﺪﻣﻪ : ﻳﻌﻨﻲ ﺍﻧﺘﻲ ﻣﺘﺄﻛﺪﻩ ﻣﻦ ﺍﻟﻠﻲ ﺗﻘﻮﻟﻲ ﻓﻴﻪ؟
ﻧﺠﻮﻯ : ﻗﺘﻠﻚ ﺭﺍﻫﻲ ﺑﻨﺖ ﺟﻴﺮﺍﻧﺎ ﻧﺎﻫﺪ ﻭﺍﻧﻲ ﺷﺎﻫﺪﻩ ﻉ ﺍﻟﻠﻲ ﺩﺍﺭﺍﺗﻪ ...
ﺣﻄﺖ ﺭﻓﻘﻪ ﻳﺪﻫﺎ ﻉ ﺟﺒﻬﺘﻬﺎ ﻭﻫﻲ ﺗﻘﻮﻝ : ﺣﻲ ﻋﻠﻴﺎ ﺍﻧﻲ ﺷﻦ ﺩﺭﺕ !!!!!
ﻧﺠﻮﻯ ﺑﺈﺳﺘﻐﺮﺍﺏ ﺷﺪﻳﺪ : ﺧﻴﺮﻙ ﺭﻓﻘﻪ؟ !
ﻧﺰﻟﺖ ﻳﺪﻫﺎ ﻭﻫﻲ ﺗﻮﺯﻉ ﻓﻨﻈﺮﻫﺎ ﺣﻮﺍﻟﻴﻬﺎ ..
ﺗﺘﻨﻔﺲ ﺑﺴﺮﻋﻪ ﻭﺩﻣﻮﻋﻬﺎ ﻧﺰﻟﻮﺍ ﻃﻮﻝ ...
ﻧﺠﻮﻯ : ﺗﻌﺮﻓﻲ ﻋﻤﺎﺩ ﺍﻧﺘﻲ؟
ﺭﻓﻘﻪ ﺑﺼﻮﺕ ﻳﺮﺟﻒ : ﻭﻟﺪ ﻋﻤﺘﻲ ..
ﻧﺠﻮﻯ ﻭﻫﻲ ﻣﺘﻔﺎﺟﺌﺔ : ﺍﻳﻪ؟
ﺭﻓﻘﻪ : ﺧﺮﺑﺖ ﻋﻠﻴﻪ .. ﻓﺴﺪﺕ ﻋﻠﻴﻪ ﺑﺤﻤﺎﻗﺘﻲ ...
ﻧﺠﻮﻯ ﺿﻴﻘﺖ ﻋﻴﻮﻧﻬﺎ ﻭﻫﻲ ﻣﺶ ﻓﺎﻫﻤﻪ ﺷﻲ ..
ﻉ ﺟﻴﺔ ﺣﻤﻴﺪ ..
ﺷﺎﻓﺎﺗﻪ ﺭﻓﻘﻪ ..
ﺭﻥ ﻋﻠﻴﻬﺎ ..
ﻣﺴﺤﺖ ﺩﻣﻮﻋﻬﺎ ﻭﻧﺎﺿﺖ ﻭﻫﻲ ﺗﻤﺸﻲ ﺑﺨﻄﻮﺍﺕ ﺛﻘﻴﻠﻪ ﺑﻌﺾ ﺍﻟﺸﻲ ..
ﻭﻧﺠﻮﻯ ﻣﻌﺎﻫﺎ ﺑﻌﻴﻮﻧﻬﺎ : ﺯﻋﻤﻪ ﻛﻴﻒ ﻓﺴﺪﺕ ﻋﻠﻴﻪ ...!!
ﺷﺎﻓﺘﻬﺎ ﻟﻴﻦ ﺭﻛﺒﺖ ﺳﻴﺎﺭﺓ ﺑﻮﻫﺎ ﻭﺗﺤﺮﻛﺖ ﺍﻟﺴﻴﺎﺭﺓ ..
ﻭﻧﺠﻮﻯ ﻣﺎﺯﺍﻝ ﺗﻔﻜﺮ ﺑﺈﺳﺘﻐﺮﺍﺏ ...
🌴🌴🌴🌴🌴🌴
ﻭﺍﻗﻔﻪ ﻗﺪﺍﻡ ﺍﻟﻤﺮﺍﻳﻪ ﺗﺸﻮﻑ ﻟﺸﻌﺮﻫﺎ ﺍﻟﻠﻲ ﻗﺼﺎﺗﻪ ﻓﻲ ﺍﻟﻤﺰﻳﻦ ..
ﺭﺯﺍﻥ : ﺳﻤﺢ ﻣﻊ ﺍﻹﺳﺘﺸﻮﺍﺭ ...
ﺭﻥ ﺗﻠﻴﻔﻮﻧﻬﺎ .. ﺍﺗﺼﺎﻝ ﻓﺎﻳﺒﺮ ..
ﺭﺯﺍﻥ : ﺣﻴﻲ ﻧﺴﻴﺖ ﺍﻟﻨﺖ ﻣﻔﺘﻮﺡ ...
ﻣﺸﺖ ﺷﺎﻓﺖ ﺍﻟﺸﺎﺷﻪ ﻟﻘﺎﺗﻪ ﻋﻤﺎﺩ ﻣﺘﺼﻞ ﻓﻴﺪﻳﻮ ..
ﺧﺪﺕ ﺳﺘﻴﺮﺗﺸﺎ ﻟﻤﺖ ﺷﻌﺮﻫﺎ ﺫﻳﻞ ﺣﺼﺎﻥ ﻭﻷﻧﻪ ﻗﺼﻴﺮ ﺟﺰﺀ ﻣﻨﻪ ﻣﺎﺃﻟﺘﻤﺶ ..
ﻓﺘﺤﺖ ﺍﻟﻤﻜﺎﻟﻤﻪ ..
ﺑﺎﻥ ﻋﻠﻴﻬﺎ ..
ﻛﺎﻥ ﻻﺑﺲ ﻧﻈﺎﺭﺍﺗﻪ ﺍﻟﻌﺴﻠﻴﻪ ..
ﻭﻃﺎﻗﻴﻪ ﻉ ﺭﺍﺳﻪ ﻟﻮﻧﻬﺎ ﺯﻳﺘﻲ .. ﻭﻣﺒﺘﺴﻢ ﺍﺑﺘﺴﺎﻣﻪ ﺣﻠﻮﺓ ..
ﻋﻤﺎﺩ ﺑﻀﺤﻜﻪ : ﻣﺸﻔﺸﻔﻪ ..
ﺷﺒﺤﺖ ﻟﺸﻜﻠﻬﺎ ﻓﻲ ﺍﻟﻜﺎﻣﻴﺮﺍ ﻣﺘﺎﻋﻬﺎ ﺿﺤﻜﺖ ..
ﻋﻤﺎﺩ : ﻗﺼﺘﻴﻪ؟ !
ﺭﺯﺍﻥ ﻭﻫﻲ ﺗﻮﺧﺮ ﻓﻴﻪ ﻭﺭﺍ ﻭﺫﻧﻬﺎ : ﺍﻳﻪ ..
ﻋﻤﺎﺩ : ﺗﻌﺮﻓﻲ ﻗﻠﺒﻲ ﺍﻟﻄﻮﻳﻞ ﻋﻠﻴﻚ ﺍﺣﻼ ..
ﺭﺯﺍﻥ : ﻳﻘﻮﻟﻮﻟﻲ ﻓﻴﻬﺎ ﻟﻜﻦ ﺍﻧﻲ ﻓﻲ ﺍﻟﺼﻴﻒ ﻳﻘﻠﻖ ﻓﻴﺎ ﻭﺍﺟﺪ ﻫﺪﻯ ﻟﻴﺶ ﻧﻘﺺ ﻓﻴﻪ .. ﻫﻮ ﻳﻌﻨﻲ ﺑﺸﻜﻞ ﻋﺎﻡ ﻧﺤﺒﻪ ﻗﺼﻴﺮ ﺍﻛﺜﺮ ..
ﻋﻤﺎﺩ ﺑﺈﺑﺘﺴﺎﻣﻪ : ﺍﻟﻤﻬﻢ ﻓﻜﻞ ﺣﺎﻻﺗﻚ ﻋﺴﻞ ..
ﺍﺑﺘﺴﻤﺖ ﺑﺨﺠﻞ ﻭﻗﺎﻟﺖ : ﻭﻳﻨﻚ ﺗﻮﺍ؟
ﻋﻤﺎﺩ : ﻧﺘﻤﺸﻰ ﻉ ﺍﻟﺒﺤﺮ ... ﻭﺟﻪ ﺍﻟﻜﺎﻣﻴﺮﺍ ﺍﻟﻘﺪﺍﻡ ﻭﺭﺍﻫﺎ ﺍﻟﻤﻜﺎﻥ ﺑﻌﺪﻳﻦ ﺭﺟﻊ ﻭﺟﻬﺎ ﻟﻴﻪ ﻭﻗﺎﻝ .. ﺭﺑﻲ ﻳﻘﺮﺏ ﺍﻟﺒﻌﻴﺪ ﻭﻧﺠﻴﺒﻚ ﻫﻨﺎﻳﺎ ..
ﺍﺑﺘﺴﻤﺖ ﺍﺑﺘﺴﺎﻣﻪ ﺗﺨﻔﻲ ﺍﻷﻟﻢ ﻗﺎﻟﺖ : ﺍﻣﺘﻰ ﺍﻣﺮﻭﺡ ..
ﺿﺤﻚ ﻭﻗﺎﻝ : ﻗﺒﻞ ﻳﺒﺪﺍ ﺍﺳﺒﻮﻉ ﺍﻟﻌﺮﺱ ﺑﻨﻬﺎﺭ .. ﺍﻳﻪ ﻗﻠﺒﻲ ﺑﻌﺘﺖ ﺻﻮﺭ ﻟﻐﺎﻟﻴﻪ ﺗﻤﺎﻡ .. ﺍﺧﺘﺎﺭﻱ ﻣﻨﻬﻢ ﺍﻟﻠﻲ ﻳﻌﺠﺒﻚ .. ﺍﺣﻤﻢ ﻭﺍﻋﻄﻴﻬﺎ ﻣﻘﺎﺳﺎﺗﻚ ﺗﻤﺎﻡ ..
ﻫﻲ ﻭﺟﻬﻬﺎ ﻭﻻ ﺍﺣﻤﺮ : ﻳﺎﺳﺮﻙ ﻋﻤﺎﺩ ﻣﺶ ﻣﻌﻘﻮﻟﻪ ﻫﻜﻲ ﻣﺎﺗﻔﻮﺕ ﻣﻨﺎﺳﺒﻪ ﻭﻻﻋﻴﺪ ﺍﻻ ﻭﺍﻧﺖ ﺗﺎﺧﺪﻟﻲ ﻓﻲ ﺍﻟﺪﺑﺶ ﻭﺍﻟﻜﻨﺎﺩﺭ .. ﺑﺪﻳﺖ ﻧﺘﺤﺸﻢ ﻣﻨﻚ ﻭﺍﺟﺪ .. ﺣﺘﻰ ﺍﻧﻲ ﻣﺶ ﻋﺎﺭﻓﻪ ﺷﻦ ﻧﺮﺩﻟﻚ .. ﺑﺼﺮﺍﺣﻪ ﻛﻠﻪ ﺍﻛﺒﺮ ﻣﻦ ﺍﻣﻜﺎﻧﻴﺎﺗﻲ ..
ﻋﻤﺎﺩ : ﻋﻤﺮﻱ ﺷﻦ ﺍﻟﺪﻭﺓ ﺍﻟﻠﻲ ﺗﻘﻮﻟﻲ ﻓﻴﻬﺎ ﻫﺎﺩﻱ !! ﺑﺎﻟﻠﻪ ﻳﺎﻗﻠﺒﻲ ﺩﻭﺓ ﺯﻱ ﻫﺎﺩﻱ ﻣﻌﺎﺵ ﺗﻌﺎﻭﺩﻳﻬﺎ ﺗﻤﺎﻡ ..!! ﻭﺍﻧﻲ ﻣﺎﻧﺒﻲ ﻣﻨﻚ ﺷﻲ .. ﻧﺒﻲ ﻧﻔﺮﺣﻚ ﺑﺲ ﻭﻣﺎﻧﺨﻠﻲ ﺷﻲ ﻓﺨﺎﻃﺮﻙ .. ﺣﺘﻰ ﺍﻟﺤﺎﺟﻪ ﺍﻟﻠﻲ ﻣﺎﺗﻤﻨﺘﻴﻬﺎ ﻧﺠﻴﺒﻬﺎﻟﻚ ﺍﻟﻤﻬﻢ ﺗﻔﺮﺣﻲ ﺑﺲ ﺑﺲ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻗﺎﻟﺖ ﺑﻨﺒﺮﺓ ﺃﻟﻢ : ﺷﻜﺮﺍ ..
ﺿﺤﻚ ﻭﻗﺎﻝ : ﺑﻜﻞ ﻳﺎﻣﻠﻌﻘﻪ ﺍﻧﺘﻲ ﺩﻳﻤﺎ ﺍﻃﻠﻌﻲ ﻓﻴﺎ ﻋﻦ ﻃﻮﺭﻱ ...
ﺍﻟﻤﻬﻢ ﺷﻔﺸﻮﻧﺘﻲ .. ﺍﺷﺒﺤﻴﻠﻲ ..
ﻗﺎﻣﺖ ﻋﻴﻮﻧﻪ ﻓﻴﻪ ..
ﺿﺤﻚ ﻭﻗﺎﻝ : ﻣﻨﻈﺮﻙ ﺧﻴﺎﻟﻲ ﻭﺻﻮﺭﺗﻚ ﻣﺸﻮﺷﻪ ..
ﺿﺤﻜﺖ ﻭﻗﺎﻟﺖ : ﺍﻟﺘﻐﻄﻴﻪ ﻫﻨﻰ ﺍﻟﻠﻪ ﻻﺗﻮﺭﻳﻚ ..
ﻋﻤﺎﺩ ﺑﻀﺤﻜﻪ : ﻋﺎﺭﻑ .. ﺍﻟﻤﻬﻢ ﻣﻠﻌﻘﺘﻲ .. ﺗﻮﺍ ﺑﺮﻱ ﻟﻐﺎﻟﻴﻪ ﻭﺷﻮﻓﻲ ﺷﻦ ﻋﻨﺪﻫﺎ ﻭﺭﺩﻭﺍ ﻋﻠﻴﺎ ﻓﻴﺴﻊ ﺗﻤﺎﻡ؟
ﺭﺯﺍﻥ : ﺗﻤﺎﻡ ..
ﻋﻤﺎﺩ ﻭﻫﻮ ﻳﻘﻠﺪ ﻓﺼﻮﺗﻬﺎ : ﺗﻤﺎﺍﻡ .. ﺿﺤﻚ ﻭﻗﺎﻟﻲ .. ﻧﺠﻴﻠﻲ ﺍﻟﺰﺭﻳﺎﻛﻪ ﻳﺎﺭﺑﻲ ..
ﺭﺯﺍﻥ ﺑﻀﺤﻜﻪ : ﻣﺒﺮﺩﻙ ..
ﻋﻤﺎﺩ ﻭﺭﺯﺍﻥ : ﻳﺎﺑﺎﺍﺍﺍﺭﺩ ..
ﺍﻟﺰﻭﺯ : ﻫﻬﻬﻬﻬﻬﻬﻬﻬﻬﻬﻬﻪ ..
ﻋﻤﺎﺩ ﺑﻀﺤﻜﻪ : ﺧﻼﺹ ﺣﺒﻲ ﺍﻟﻮﻟﺪ ﺟﺎﻧﻲ ﻳﻠﻼ ﺗﺸﺎﻭ ..
ﺭﺯﺍﻥ : ﺑﺎﻱ ...
ﺻﻜﺮﺕ ..
ﺿﺤﻜﺖ ﻣﻦ ﺟﺪﻳﺪ ..
ﺑﺲ ﻓﻴﺴﻊ ﻫﺎﻟﻀﺤﻜﻪ ﻣﺎﺗﻼﺷﺖ ..
ﺗﻌﻴﺶ ﻣﻌﺎﻩ ﺑﺤﺎﻟﺘﻴﻦ .. ﻭﺍﻟﺤﺎﻟﺘﻴﻦ ﺍﻟﺘﻨﺎﻗﺾ ﻣﺘﺎﻋﻬﻢ ﻓﻲ ﺍﻟﻤﺸﺎﻋﺮ ﻣﺘﻌﺒﻬﺎ ﻫﻠﺒﻪ ..
🍃 ﺍﻱ ﻧﻌﻢ ﻛﻼﻡ ﻋﻤﺎﺩ ﺣﻠﻮ ﺗﺼﺮﻓﺎﺗﻪ ﺣﻠﻮﻩ ﻛﻞ ﺷﻲ ﻳﺪﻳﺮ ﻓﻴﻪ ﺣﻠﻮ ﻭﻳﺪﻝ ﻉ ﺍﻧﻪ ﻳﺤﺒﻬﺎ ... ﺑﺲ ﺷﻦ ﻓﺎﻳﺪﻩ ﺍﻟﺤﺐ ﻓﻮﺟﻮﺩ ﺍﻟﺨﻴﺎﻧﻪ ..
ﻫﻠﺒﻪ ﺭﺟﺎﻟﻪ ﻫﻜﻲ .. ﻳﺤﺒﻮﺍ ﻣﺮﺍﻩ ﻟﺤﺪ ﺍﻟﺠﻨﻮﻥ ﻟﻜﻦ ﻳﺨﻮﻧﻮﻫﺎ ﻣﺮﺍﺕ ﻭﻣﺮﺍﺕ .. ﻻﻥ ﻋﻴﻮﻧﻬﻢ ﺯﺍﻳﻐﻪ ﻭﻳﺤﺒﻮﺍ ﺩﻳﻤﺎ ﻳﻌﻴﺸﻮﺍ ﺩﻭﺭ ﺍﻟﺴﻠﻄﺎﻥ ﺍﻟﻤﺤﺎﻁ ﺑﺎﻟﺠﻮﺍﺭﻱ ... ﻣﺎﻳﻜﺘﻔﻴﺶ ﺑﻤﺮﺍﻩ ﻭﺣﺪﻩ ﺑﺲ .. ﻭﺭﺯﺍﻥ ﺗﺸﻮﻑ ﻟﻌﻤﺎﺩ ﺑﻬﺎﻟﻨﻈﺮﺓ 🍃
🍁🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ..
ﻣﺎﻣﺎ .. ﺑﺸﻜﻮﻁ ..
ﺯﻳﻨﺐ ﺧﺪﺕ ﻣﻦ ﺍﻟﺒﺸﻜﻄﻲ ﺍﻟﻠﻲ ﻓﻲ ﺍﻟﻤﺘﺮﺩ ﻭﻣﺪﺗﻬﻮﻟﻬﺎ : ﻭﻫﻲ ﺗﻘﻮﻝ : ﺧﻼﺹ ﺑﺮﻱ ﺍﻟﻌﺒﻲ ..
ﻃﻠﻌﺖ ﺭﻭﺍﻥ ﺗﺠﺮﻱ ﺑﺎﻟﺒﺸﻜﻮﻃﻲ ﻟﻠﺼﺎﻟﻪ ..
ﻛﻔﺎﻳﻪ : ﺍﻧﻄﻠﻖ ﻟﺴﺎﻧﻬﺎ ..
ﺯﻳﻨﺐ : ﺍﻳﻪ ﺍﻟﺤﻤﺪ ﻟﻠﻪ ﺗﻌﺮﻓﻲ ﺍﻟﺤﻮﺗﻪ ﻫﺎﺩﻱ ﺗﻘﻮﻝ ﺳﺤﺮ ..
ﻧﻌﻴﻤﻪ : ﺍﻳﻪ ﺣﺘﻰ ﺣﻤﺎﺗﻲ ﻗﺎﻟﺘﻠﻲ ﻋﻠﻴﻬﺎ ﻟﻤﺎ ﺣﻜﻴﺘﻠﻬﺎ ﻋﻦ ﺭﻭﺍﻥ ..
ﺯﻳﻨﺐ ﺑﺈﺑﺘﺴﺎﻣﻪ : ﻏﺰﻻﻥ ﺑﺎﺭﻙ ﺍﻟﻠﻪ ﻓﻴﻬﺎ .. ﻭﺍﻟﻠﻪ ﺩﻳﻤﺎ ﻭﻫﻲ ﺗﻨﺸﺪ ﻓﻴﺎ ﻋﻨﻬﺎ ..
ﻧﻌﻴﻤﻪ : ﺿﺎﻳﻔﻴﻨﻬﺎ ﺍﻟﺒﻨﺎﺕ ﻉ ﺍﻟﻔﻴﺲ ﻳﺸﻜﺮﻭﺍ ﻓﻴﻬﺎ ﻫﻠﺒﻪ ..
ﺯﻳﻨﺐ : ﺍﻳﻪ ﺣﺘﻰ ﺭﺍﻧﻴﺎ ﻭﺭﺑﺎﺏ ..
ﺣﻤﻴﺪﻩ : ﻧﺮﺍﺟﻲ ﻓﺠﻴﺘﻬﺎ ﺑﻔﺎﺭﻍ ﺍﻟﺼﺒﺮ ..
ﻛﻔﺎﻳﻪ : ﻗﺎﺗﻠﻲ ﻏﺎﻟﻴﻪ ﺣﻤﻴﺪ ﺑﻴﺠﻴﺒﻬﺎ ﻧﻬﺎﺭ ﺍﻟﻜﺴﻮﺓ ﻟﺤﻮﺵ ﺍﻫﻞ ﻟﻤﻴﺎ ﻭﻣﻨﻬﺎ ﺑﻴﺮﻭﺣﻮﺍ ﻣﻌﺎﻧﺎ ﻫﻨﻲ ..
ﺣﻤﻴﺪﻩ ﺑﺮﻓﻌﻪ ﺣﺎﺟﺐ : ﺍﻫﺎ ..
ﻉ ﺧﺸﺔ ﻏﺎﻟﻴﻪ ﻭﻣﻼﻣﺢ ﺍﻟﻐﻀﺐ ﻉ ﻭﺟﻬﻬﺎ ..
ﻏﺎﻟﻴﻪ : ﻏﻴﺮ ﻭﻳﻦ ﻃﺎﺡ ﻓﻴﻬﺎ ﺍﻟﻌﻴﻠﻪ ﺍﻟﺰﻓﺘﻪ ﻫﺪﻱ ﺑﺲ ..
ﺷﺒﺤﻮﻟﻬﺎ ﻭﺷﺒﻪ ﻓﻬﻤﻮﺍ ﺷﻦ ﻓﻲ ..
ﻉ ﺧﺸﺔ ﺍﻟﺤﺎﺟﻪ ﻓﺎﻃﻤﻪ : ﺷﻨﻮ ﻓﻲ ﻳﺎﻏﺎﻟﻴﻪ ..
ﻏﺎﻟﻴﻪ ﺑﻌﺼﺒﻴﻪ : ﺍﻟﺰﻓﺘﻪ ﻫﺪﻱ ﺗﺒﻲ ﻃﺎﻛﻢ ..
ﺍﻷﺭﺑﻌﻪ ﺑﺼﻮﺕ ﻭﺍﺣﺪ : ﺷﻨﻮ؟؟ !
ﻏﺎﻟﻴﻪ : ﺍﻟﻠﻲ ﺳﻤﻌﺘﻨﻪ ..
ﺯﻳﻨﺐ : ﺣﻴﻮﺍﺍﺍﻧﻪ ﺣﻴﻮﺍﺍﺍﻧﻪ ..
ﻓﺎﻃﻤﻪ : ﻭﻃﻲ ﺣﺴﻚ .. ﺷﺒﺤﺖ ﻟﻐﺎﻟﻴﻪ .. ﺷﻦ ﺟﺎﻫﻢ ﺗﻮ ﻣﻨﻮ ﻣﻦ ﻫﻠﻬﺎ ﺍﻟﻠﻲ ﺗﻔﻜﺮ ﺣﺎﺟﻪ ﺟﺪﻳﺪﻩ !!
ﻏﺎﻟﻴﻪ : ﻭﻣﺎﻳﺘﻬﺎ ﻭﻣﻴﻪ ..
ﻛﻔﺎﻳﻪ : ﺍﺍﺍﺥ ﺑﺲ ﺍﺍﺍﺥ ﺧﺎﻃﺮﻱ ﻧﻤﺮﺝ ﻓﻴﺔ ﺍﻣﻬﺎ ﻃﺮﻳﺤﻪ ..
ﻧﻌﻴﻤﻪ : ﺍﻟﻄﺮﻳﺤﻪ ﻳﺒﻴﻬﺎ ﻋﻤﺮ ﺍﻟﻠﻲ ﻳﻬﺰ ﻓﺮﺍﺳﻪ ﻭﺭﺍﻫﺎ ..
ﺯﻳﻨﺐ : ﺻﺪﻗﺘﻲ ..
ﻓﺎﻃﻤﻪ ﺑﻀﻴﻖ : ﺧﻠﻨﻲ ﻣﻦ ﻫﺎﻟﻘﻄﺎﻑ ﻭﻗﻮﻟﻦ ﻛﻴﻒ ﺍﻟﺪﺑﺎﺭﺓ ﺗﻮ؟ !!
ﺳﻜﺘﻮﺍ ﻭﻫﻤﺎ ﻳﻔﻜﺮﻭﺍ ..
ﻟﻌﻨﺪ ﻣﺎﺗﻜﻠﻤﺖ ﻛﻔﺎﻳﻪ ﻭﻗﺎﻟﺖ : ﺍﻧﻲ ﻧﺎﺧﺪﻫﻮﻟﻪ ..
ﺷﺒﺤﻮﻟﻬﺎ ..
ﻛﻔﺎﻳﻪ : ﻣﺎﻧﺒﻴﺶ ﻧﻘﺼﺮ ﺭﻗﺒﺔ ﺧﻮﻱ ﻗﺪﺍﻣﻬﻢ .. ﺍﻟﻠﻪ ﻏﺎﻟﺐ ﻫﺪﺍ ﻧﺼﻴﺒﻪ ﻭﻫﻮ ﻳﺒﻴﻬﺎ .. ﺣﺘﻰ ﻟﻮ ﻣﺶ ﺭﺍﺿﻴﻪ ﻋﻠﻴﻬﺎ ﻣﺎﻧﺨﻠﻴﺸﻲ ﻳﺤﺘﺎﺝ ﻭ ﻧﻘﻌﺪ ﻧﺘﻔﺮﺝ ﻋﻠﻴﻪ ..
ﺍﺑﺘﺴﻤﺖ ﻏﺎﻟﻴﻪ ..
ﺣﻤﻴﺪﻩ : ﺭﺍﺟﻲ ﺧﻞ ﻧﻜﻠﻤﻬﺎ ﻗﺒﻞ ﻭﻧﻔﻬﻢ ﻣﻨﻬﺎ .
ﻓﺎﻃﻤﻪ : ﻻﺗﻜﻠﻤﻴﻬﺎ ﻻﺗﻜﻠﻤﻚ ..
ﻭﻟﻔﺖ ﻃﻠﻌﺖ ﻣﻦ ﺣﺪﺍﻫﻢ ..
ﺯﻳﻨﺐ : ﺣﺘﻰ ﺍﻣﻲ ﻣﺶ ﻃﺎﻳﺐ ﻋﻠﻴﻬﺎ ..
ﻧﻌﻴﻤﻪ : ﻏﻴﺮ ﻣﻦ ﺍﻟﻠﻲ ﻃﺎﻳﺐ ﻋﻠﻴﻪ ﺑﺎﻟﻠﻪ .. ﻏﻴﺮ ﺍﻟﻠﻪ ﻏﺎﻟﺐ ﻭﺧﻼﺹ ..
ﺗﻨﻬﺪﺕ ﻏﺎﻟﻴﻪ ﻭﻗﺎﻟﺖ : ﺭﺑﻲ ﻳﻜﻤﻠﻨﺎ ﻋﻘﺎﺏ ﻫﺎﻟﻌﺮﺱ ﻉ ﺧﻴﺮ ..
ﺣﻤﻴﺪﻩ : ﺗﻮ ﻳﺘﻢ ﻛﻴﻔﻪ ﻛﻴﻒ ﺍﻟﻌﺮﺍﺱ ﺍﻟﻠﻲ ﻓﺎﺗﻦ ﻏﻴﺮ ﺍﻧﺘﻦ ﻣﺎﺗﻜﺒﺮﻫﻨﺎﺵ ﺑﺲ ..
ﺷﺒﺤﻮﺍ ﻟﺒﻌﺾ .. ﻭﺗﻤﺎﻟﻜﻮﺍ ﺍﻧﻔﺴﻬﻢ ﻭﺳﻜﺘﻮﺍ ..
ﺑﻴﻨﻤﺎ ﻏﺎﻟﻴﻪ ﻃﻠﻌﺖ ﻣﻦ ﺣﺪﺍﻫﻢ ﻣﺮﺓ ﻭﺣﺪﻩ ..
🍁🍁🍁🍁
ﺍﻟﺴﺎﻋﻪ 8:00 ﻣﺴﺎﺀﺍ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﺗﺴﻠﻤﻠﻲ ﻳﺎﺭﺑﻲ ﺭﺑﻲ ﻣﺎﻳﺤﺮﻣﻨﻲ ﻣﻨﻚ ﻋﻤﻮﺭﻱ ........ ﺣﺒﻴﺒﻲ ﻛﺎﻧﻚ ﻋﻠﻴﺎ ﺍﻧﻲ ﻭﺍﻟﻠﻪ ﻣﺎﻧﺒﻲ ﻛﺎﻥ ﺗﻘﺮﺍ ﻓﺎﺗﺤﺘﻲ ﻭﺗﺮﻭﺡ ﺑﻴﺎ ﻃﻮﻝ ﻟﻜﻦ ﺍﻟﻠﻪ ﻏﺎﻟﺐ ﻫﻜﻲ ﺍﻟﺪﻧﻴﺎ ﻣﺎﺷﻴﻪ ..
........... ﺑﺎﻫﻲ ﺣﺒﻴﺒﻲ ... ﻧﺤﺒﻚ ﻣﻮﺕ ....... ﺑﺎﻱ ........ ﺻﻜﺮﺕ ..
ﻗﻠﺒﺖ ﻭﺟﻬﻬﺎ ﻭﻗﺎﻟﺖ .. ﻓﻘﺮﻱ ..
ﺳﻨﺎﺀ : ﺩﻳﻤﺎ ﻧﺴﺄﻝ ﻓﻨﻔﺴﻲ ﺷﻦ ﺍﻟﻠﻲ ﻋﺠﺒﻚ ﻓﻴﻪ ..
ﻟﻤﻴﺎﺀ : ﻫﻮ ﻓﻴﻪ ﺣﺎﺟﺎﺕ ﺣﻠﻮﻩ .. ﻟﻜﻦ ﻣﻜﺤﺖ ﺗﻜﺤﻴﺘﻪ ﺳﻮﺩﺍ .. ﻣﺶ ﻋﺎﺭﻓﻪ ﻗﺒﻞ ﺷﻮﺭﻧﻲ ﺻﻐﻴﺮﻩ ﻭﻣﺎﻛﻨﺘﺶ ﻧﻔﻜﺮ ﺻﺢ ﻟﻤﺎ ﻃﺤﺖ ﻓﻴﻪ ..
ﺳﻨﺎﺀ ﺑﺮﻓﻌﺔ ﺣﻮﺍﺟﺐ : ﺷﻦ ﺟﺒﺮﻙ ﺗﻜﻤﻠﻲ؟
ﻟﻤﻴﺎﺀ : ﻫﻮ ﺍﻧﻲ ﻧﺤﺒﻪ .. ﻭﻏﻴﺮ ﻫﻜﻲ ﻣﺶ ﺣﻨﻠﻘﻰ ﻭﺍﺣﺪ ﻫﻤﻪ ﺭﺿﺎﻱ ﺯﻳﻪ ﻫﻮ .. ﻭﺍﻟﻠﻲ ﻧﻘﻮﻟﻪ ﻋﻠﻴﻪ ﻳﺪﻳﺮﻩ .. ﻳﻠﻼ ﺧﻴﺮ ﻣﻦ ﺑﻼﺵ ..
ﺗﻨﻬﺪﺕ ﺳﻨﺎﺀ ﻭﻗﺎﻟﺖ : ﻭﻟﺪ ﺍﺧﺘﻪ ﻳﺎﻟﻤﻮﺷﻲ ﻭﻟﺪ ﺍﺧﺘﻪ ..
ﻟﻤﻴﺎﺀ : ﻏﻴﺮ ﺟﻲ ﺍﺻﻐﺮ ﻣﻨﻲ ﺧﺴﺎﺭﻩ .. ﻛﺎﻧﻬﺪﺍ ﻣﺎﻓﻮﺗﻪ ..
ﺳﻨﺎﺀ : ﻭﺍﻧﻲ ﻣﺎﻧﺒﻴﺶ ﻧﻔﻮﺗﻪ ﻳﺎﻟﻤﻴﺎ ... ﺑﺠﺪﻳﺎﺕ ﻋﺎﺟﺒﻨﻲ ﻉ ﺍﻵﺧﺮ ..
ﻟﻤﻴﺎﺀ : ﻣﺎﻻ ﺧﻠﻴﻚ ﻓﺎﻟﺤﻪ ﻭﻣﺎ ﺗﺨﻴﺒﻴﺶ ﺧﻴﺒﺘﻲ .. ﻋﻤﺎﺩ ﻫﺪﺍ ﻳﻤﺸﻲ ﻉ ﺍﻟﻔﻠﻮﺱ ﻣﺸﻲ ... ﻭﻏﻴﺮ ﻫﻜﻲ ﻣﺼﺎﺣﺐ ﻧﺎﺱ ﺛﻘﻴﻠﻪ ﻓﻲ ﺍﻟﺒﻼﺩ
ﺳﻨﺎﺀ ﺑﺘﻨﻬﻴﺪﻩ : ﻭﻃﺮﻑ ﻭﺟﻨﺘﻞ ﻭﻳﻬﺒﺒﺒﻞ ..
ﻟﻤﻴﺎﺀ ﺑﻀﺤﻜﻪ : ﻛﺎﺍﺍﻣﻞ ﻭﻣﻜﻤﻞ .. ﺗﻮﺍ ﺷﻐﻠﻲ ﺩﻣﺎﻏﻚ ﺑﺲ ..
ﺳﻨﺎﺀ ﺑﺈﺳﺘﻴﺎﺀ : ﻣﺎﻫﻮ ﻳﺤﺐ ﻫﺪﻳﻜﺎ ﺍﻟﻠﻲ ﺍﺳﻤﻬﺎ ﺭﺯﺍﻥ ..
ﻟﻤﻴﺎﺀ : ﺭﺯﺍﻥ ﺧﻠﻴﻬﺎ ﻋﻠﻴﺎ ... ﻧﻄﻠﻌﻬﺎ ﻫﻲ ﻣﻦ ﻫﻨﻲ ..
ﻧﺪﺧﻠﻚ ﺍﻧﺘﻲ ﻣﻦ ﻫﻨﻲ .... ﻏﻴﺮ ﺍﻓﺘﺤﻲ ﺩﻣﺎﻏﻚ ﻣﻌﺎﻱ ..
ﺳﻨﺎﺀ ﺑﺤﻤﺎﺱ : ﻣﻔﺘﻮﺡ ﻭﺣﻴﺎﺗﻚ ﻏﻴﺮ ﻫﺎﺗﻲ ﺍﻟﻠﻲ ﻋﻨﺪﻙ ..
🍁🍁🍁🍁🍁
ﺭﺍﻧﻴﺎﺍﺍﺍﺍ ..
ﺍﺳﺘﺎﻗﻀﺖ ﻭﺷﺒﺤﺘﻠﻬﺎ ..
ﺭﺑﺎﺏ : ﺗﻌﺸﻲ ..
ﻧﺰﻟﺖ ﻋﻴﻮﻧﻬﺎ ﺭﺍﻧﻴﺎ ﻟﻠﺒﻴﺘﺰﺍ ﺗﻨﻬﺪﺕ ﺑﻌﺪﻳﻦ ﺭﺟﻌﺖ ﺳﺮﺣﺖ ..
》 ﻳﺎﺭﻳﺖ ﻣﻌﺎﺵ ﺗﻮﺭﻳﻨﻲ ﻭﺟﻬﻚ ﺍﺣﺴﻠﻚ 《..
ﻧﺎﺿﺖ ﻣﻦ ﺣﺪﺍ ﺍﺧﺘﻬﺎ ﻭﻣﺸﺖ ﻟﻠﺪﺍﺭ ...
ﺭﺑﺎﺏ ﺑﻠﻌﺖ ﻟﻘﻤﺘﻬﺎ ﻭﻗﺎﻟﺖ ﺑﻀﻴﻖ : ﺗﺲ ﺷﻦ ﺑﻴﻄﻠﻌﻬﺎ ﻣﻦ ﻫﺎﻟﺤﺎﻟﻪ ﻫﺎﺩﻱ ﺗﻮﺍ ..!!
🍁🍁🍁🍁🍁
》 " ﺍﺳﺘﺎﺫ ﺯﻳﻦ 《"
ﻏﻤﺾ ﻋﻴﻮﻧﻪ .. ﻭﺷﺮﺏ ﻃﺎﺳﺔ ﺍﻟﻤﻴﻪ ﻓﻤﺮﺓ ﻭﺣﺪﻩ ..
ﺑﻌﺪﻳﻦ ﻓﺘﺤﻬﻢ
ﻭﺣﻂ ﺍﻟﻄﺎﺳﻪ ﺣﺪﺍ ﺍﻟﺘﻼﺟﻪ ..
ﻭﻣﺸﻲ ﻟﺪﺍﺭﻩ ...
ﻭﺻﻞ ﻓﻴﻬﺎ ﻓﺘﺢ ﺍﻟﺒﺎﺏ ..
ﺧﺶ ..
ﻣﺸﻲ ﻭﻳﻦ ﻓﻲ ﻃﺎﻭﻟﻪ ﺑﻜﺮﺳﻲ ..
ﻋﻠﻴﻬﺎ ﻻﺏ ﺗﻮﺏ ..
ﻭﺧﺮ ﺍﻟﻜﺮﺳﻲ ﻭﻗﻌﻤﺰ ..
ﻭﻓﺘﺢ ﺍﻟﻼﺏ ..
ﻃﻠﻌﺖ ﻗﺪﺍﻣﻪ ﺻﻮﺭﺓ ﻓﺮﺡ ..
ﻗﻌﺪ ﻳﺸﻮﻓﻠﻬﺎ ﻭﻳﺘﺄﻣﻞ ﻓﻴﻬﺎ ..
ﻧﺰﻟﺖ ﺩﻣﻌﺔ ﻗﻬﺮ ﻣﻦ ﻋﻴﻮﻧﻪ ..
ﻓﻴﺴﻊ ﻣﺴﺤﻬﺎ .. ﻭﺧﺶ ﻉ ﻣﻠﻒ ﺍﻟﻤﺎﺩﺓ ﺍﻟﻠﻲ ﻳﻌﻄﻲ ﻓﻴﻬﺎ ﻭﻛﻤﻞ ﻛﺘﻴﺒﻪ ﺑﺎﻗﻲ ﺍﻷﺳﺌﻠﻪ ﺍﻟﻠﻲ ﺗﺨﺺ ﺍﻹﻣﺘﺤﺎﻥ ..
🍁🍁🍁🍁
ﺭﺍﻗﺪﻩ ﻉ ﺳﺮﻳﺮﻫﺎ ..
ﺗﺸﺒﺢ ﻟﻠﺴﻘﻒ ..
ﻭﺗﻔﻜﺮ ﻭﺗﻔﻜﺮ ..
ﺩﻣﺎﻏﻬﺎ ﻗﺮﻳﺐ ﻳﻨﻔﺠﺮ ﻣﻦ ﻛﺘﺮ ﺗﻔﻜﻴﺮ ..
ﺑﻌﺪ ﺍﻟﻠﻲ ﻋﺮﻓﺎﺗﻪ ﺍﻟﻴﻮﻡ .. ﺍﻟﻠﻲ ﺻﺪﻣﻬﺎ ﺑﺸﺪﻩ ..
ﺍﻟﻠﻲ ﺧﻼﻫﺎ ﺗﻜﺮﻩ ﻧﻔﺴﻬﺎ .. ﺑﻌﺪ ﺍﻛﺘﺸﻔﺖ ﺍﻧﻬﺎ ﻇﺎﻟﻤﻪ ﻭﻣﺤﺮﺿﻪ ﻉ ﺍﻟﻈﻠﻢ ..
ﻣﺶ ﻋﺎﺭﻓﻪ ﻛﻴﻒ ﺗﺼﻠﺢ ﻏﻠﻄﻬﺎ ..
ﺍﻟﻤﺸﻜﻠﻪ ..
ﺍﻥ ﺍﻟﺨﻮﻑ ﻫﺎﻟﻤﺮﻩ ﻣﻨﻌﻬﺎ ﻣﻦ ﺍﻧﻬﺎ ﺗﻘﻮﻝ ﻟﺒﻨﺖ ﻋﻤﻬﺎ ﺍﻟﻠﻲ ﻋﺮﻓﺎﺗﻪ ..
ﺧﺎﻓﺖ ﺭﺯﺍﻥ ﺗﻔﻬﻤﻬﺎ ﻏﻠﻂ ..
ﺗﺎﺧﺪ ﻣﻨﻬﺎ ﻣﻮﻗﻒ ...
ﺗﻘﺎﻃﻌﻬﺎ ..
ﻫﻮ ﻧﻔﺲ ﺍﻟﺨﻮﻑ ﺍﻟﻠﻲ ﺣﺴﺖ ﺑﻴﻪ ﻟﻤﺎ ﻓﻜﺮﺕ ﺗﻘﻮﻝ ﻟﻤﺮﻭﺍﻥ ﻓﻲ ﺍﻟﺒﺪﺍﻳﻪ ﺑﻜﻞ ..
ﻭﻫﻲ ﺭﻓﻘﻪ ﻫﻜﻲ .. ﺗﻌﺮﻑ ﺍﻟﻐﻠﻂ .. ﻭﺗﻌﺎﻭﺩ ﺗﺮﺗﻜﺒﻪ ﻣﺎﺗﺘﻌﻠﻤﺶ ﻟﻸﺳﻒ ..
ﺭﻥ ﻫﺎﺗﻔﻬﺎ ﻓﺠﺄﺓ ..
ﺍﻧﻔﺰﻋﺖ ..
ﺧﺪﺍﺗﻪ ﻣﻦ ﺗﺤﺖ ﺍﻟﻤﺨﺪﻩ ..
ﺷﺎﻓﺖ ﺍﻟﻤﺘﺼﻞ ... ﺗﻔﺎﺟﺌﺖ ﻟﻤﺎ ﻟﻘﺎﺗﻪ ﻣﺮﻭﺍﻥ ..
ﻗﻠﺒﻬﺎ ﺩﻕ ﺑﻘﻮﺓ .. ﺷﻮﻗﺎ .. ﻭﺣﺒﺎ ... ﻭﺧﻮﻓﻬﺎ ..
ﻣﻮﻗﻒ ﺭﻓﻘﻪ ﺑﻌﺪ ﺍﻟﻠﻲ ﺳﻤﻌﺎﺗﻪ ﺣﺘﻰ ﺍﺗﺠﺎﻩ ﺑﻮﻫﺎ ﺗﻐﻴﺮ ..
ﺍﻧﻘﻠﺒﺖ 180 ﺩﺭﺟﻪ ..
ﻓﺘﺤﺖ ﺍﻟﺨﻂ ﻃﻮﻝ ﻭﺭﺩﺕ ..
ﺭﻓﻘﻪ ﺑﻠﻬﻔﻪ : ﻣﺮﻭﺍﻧﻲ 💓
ﻫﻮ ﺗﻔﺎﺟﺊ : ﺭﻓﻘﻪ !
ﻓﺠﺄﺓ ﺍﻧﻬﺎﺭﺕ ﺑﺎﻟﺒﻜﻲ ..
ﻫﻮ ﺍﻧﺼﺪﻡ ﻭﻗﺎﻝ : ﺭﻓﻘﻪ .. ﺭﻭﻓﻲ ﺧﻴﺮﻙ ... ﺭﻓﻘﻪ .!!
ﻣﺎﻗﺪﺭﺗﺶ ﺗﺮﺩ .. ﺗﺒﻜﻲ ﻭﺑﺲ ..
ﻣﺮﻭﺍﻥ ﺑﺨﻮﻑ : ﺻﻜﺮﻱ ﺻﻜﺮﻱ .. ﺍﻧﻲ ﺟﺎﻳﻜﻢ ..
ﺭﻓﻘﻪ ﺑﺒﻜﻲ : ﻻﻻ ﻣﺮﻭﺍﻥ ﺧﻠﻴﻚ ..
ﻣﺮﻭﺍﻥ ﺑﺈﻧﻔﻌﺎﻝ : ﺑﺎﻫﻲ ﻗﻮﻟﻲ ﺧﻴﺮﻙ ﺷﻦ ﺻﺎﻳﺮ !
ﺭﻓﻘﻪ ﺑﻨﺒﺮﺓ ﺑﺎﻛﻴﻪ : ﺍﺳﺘﺎﺣﺸﺘﻚ ﻫﻠﺒﻪ ..
ﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻺﺑﺘﺴﺎﻣﻪ ﻭﻗﺎﻝ : ﻭﺍﻧﻲ ﺍﻛﺜﺮ ﻳﺎﻗﻠﺒﻲ ﺍﻛﺜﺮ ﺑﻬﻠﺒﻪ ..
ﺳﻜﺘﺖ ﻭﺩﻣﻮﻋﻬﺎ ﻣﺎﺯﺍﻟﻮﺍ ﻳﻨﺰﻟﻮﺍ ..
ﺑﺎﻫﻲ ﻫﻲ ﺗﻮﺍ ﻣﺶ ﻣﻔﺮﻭﺽ ﺗﺤﻜﻴﻠﻪ؟ !!
ﺍﻳﻪ ﺑﺎﻫﻲ ﻭﻛﺎﻥ ﺣﻜﻴﺘﻠﻪ ﻛﻞ ﺷﻲ
ﻫﻞ ﻣﻤﻜﻦ ﻳﺘﻘﺒﻞ ﺍﻟﻠﻲ ﺑﻴﺴﻤﻌﻪ .. ﻭﻣﺎﻳﺎﺧﺪﺵ ﻣﻨﻲ ﻣﻮﻗﻒ ﻭﺣﺘﻰ ﻫﻮ ﻳﻘﺎﻃﻌﻨﻲ ﻣﺮﺓ ﻭﺣﺪﻩ؟ !
ﻭﺍﻗﻌﺪﻱ ﻫﻜﻲ ﻳﺎﺭﻓﻘﻪ ﻓﻜﺮﻱ ..
ﺧﻮﻓﻚ ﻭﺗﺮﺩﺩﻙ ﻫﺎﺩﻡ ﻣﺶ ﺣﺘﺠﻨﻲ ﻣﻨﻬﻢ ﺷﻲ ﻏﻴﺮ ﺍﻟﻨﺪﻡ 🍃
🍃🍃🍃🍃🍃
ﺍﺳﺘﻤﺮ ﺳﻜﻮﺕ ﺭﻓﻘﻪ ..
ﺣﺘﻰ ﺑﻌﺪ ﺭﺟﻌﻮﺍ ﻫﻲ ﻭﻣﺮﻭﺍﻥ .. ﻣﺎﻗﺪﺭﺕ ﺗﻘﻮﻟﻪ ﺷﻲ .. ﺷﺎﻓﺖ ﺍﻫﺘﻤﺎﻣﻪ ﺑﻴﻬﺎ ﺍﻟﻠﻲ ﺯﺍﺩ ﺑﻌﺪ ﺗﺼﺎﻟﺤﻮﺍ ..
ﻋﺮﻓﺖ ﻭﻗﺘﻬﺎ ﺍﻧﻪ ﻇﻠﻤﺎﺗﻪ ﻫﻠﺒﻪ .. ﻭﺍﻥ ﺧﺴﺎﺭﺗﻬﺎ ﻟﻴﻪ ﻻﻳﻤﻜﻦ ﺗﻌﻮﺿﻬﺎ ...
ﻭﻛﺬﻟﻚ ﺧﺴﺎﺭﺗﻬﺎ ﻟﺮﺯﺍﻥ ...
ﺧﻠﺖ ﺍﻻﻣﻮﺭ ﺗﻤﺸﻲ ﻛﻴﻒ ﻣﺎﻫﻲ ﻭﺧﻼﺹ ..
ﺍﻳﻪ ﺗﻤﺸﻲ ﻛﻴﻒ ﻣﺎﻫﻲ ..
ﺗﺰﻳﺪ ﺭﺯﺍﻥ ﺗﻌﻠﻖ ﻋﻤﺎﺩ ﻓﻴﻬﺎ ..
ﻭﻋﻤﺎﺩ ﻳﺰﻳﺪ ﻳﺘﻌﻠﻖ ﻭﻳﺤﻠﻢ ﻭﻳﻌﺸﻖ ﻭﻳﺸﺘﺎﻕ ﻭﻳﺬﻭﺏ ﻭﻳﻬﻴﻢ ..
ﻭﻫﻮ ﻣﺶ ﻋﺎﺭﻑ ﺍﻧﻪ ﺣﻴﺘﻠﻘﻰ ﺍﻛﺒﺮ ﺿﺮﺑﻪ ﻋﻦ ﻗﺮﻳﺐ ..
ﺿﺮﺑﻪ ﻓﻲ ﺍﻟﻘﻠﺐ ﻣﺒﺎﺷﺮﺓ ..
ﻭﺍﻟﻠﻪ ﺍﻋﻠﻢ ...
ﺑﻌﺪﻫﺎ ﺷﻦ ﻣﻤﻜﻦ ﻳﺼﻴﺮ ﻓﻴﻪ ... ﻭﻣﻨﻪ ...
🍃 ﻣﻦ ﺟﻬﺔ ﺍﺧﺮﻯ ..
ﻛﺎﻧﻮﺍ ﺍﻟﺒﻨﺎﺕ ﻳﺠﺮﻭﺍ ﻉ ﺍﻟﻜﺴﻮﺓ ...
ﺧﺪﻭﻫﺎ ﻛﺎﻣﻠﻪ .. ﻭﻃﻘﻢ ﺍﻟﺬﻫﺐ ﺧﺪﻭﻩ ﻣﻦ ﺯﻟﻴﻄﻦ ﺏ ..3000
ﻭﻫﻠﺒﻪ ﻓﻴﻬﺎ ...
🍃🍃🍃
ﺧﺸﻮﺍ ﺍﺳﺒﻮﻉ ﺍﻟﻌﺮﺱ ..
ﻟﻸﺳﻒ ﺑﻨﺎﺕ ﺍﻟﻌﻴﻠﻪ ﻣﺎﻛﺎﻧﺘﺶ ﻓﻴﻬﻢ ﻭﻻ ﻭﺣﺪﻩ ﺣﺎﺿﺮﻩ ..
ﺑﺴﺒﺐ ﺍﻹﻣﺘﺤﺎﻧﺎﺕ ﻭﺍﻹﻟﺘﺰﺍﻣﺎﺕ ..
ﻟﻬﺎﻟﺴﺒﺐ ﺍﻟﺠﻮ ﻛﺎﻥ ﺷﺒﻪ ﺑﺎﺭﺩ ..
ﺍﻛﺜﺮ ﺷﻲ ﻭﺟﻊ ﻗﻠﺐ ﻋﻤﺮ ..
ﻣﻦ ﻏﻴﺮ ﺷﻲ ﻣﺘﻨﻜﺪ ﻣﻦ ﺍﻟﻤﻮﺍﻗﻒ ﺍﻟﻠﻲ ﺻﺎﺭﺕ ﻭﺍﻧﺤﻂ ﻓﻴﻬﺎ ..
ﻣﺎﺣﺴﺶ ﺑﺎﻟﻔﺮﺣﻪ ..
ﺍﻟﻔﺮﺣﻪ ﺍﻟﻠﻲ ﺭﺍﻫﺎ ﻓﻌﻴﻮﻥ ﺧﻮﺗﻪ ﻓﺄﻓﺮﺍﺣﻬﻢ ﻭﻛﺎﻥ ﻳﺮﺍﺟﻲ ﺍﻣﺘﻰ ﻳﺠﻲ ﺩﻭﺭﻩ ﺑﺶ ﻳﺤﺴﻬﺎ ...
ﺟﻲ ﺩﻭﺭﻩ ﻭﻣﺎﺣﺲ ﺑﺸﻲ .. ﻏﻴﺮ ﺿﻴﻘﺔ ﺍﻟﺼﺪﺭ ..
ﻭﺧﻮﺍﺗﻪ ﺣﺴﻮﺍ ﺑﻴﻪ ..
ﺑﺲ ﺍﻛﺜﺮ ﻣﻦ ﺣﺲ ﺑﻴﻪ ﺍﻣﻪ 🍃
🍃🍃🍃
ﺭﺍﻧﻴﺎ ﻭﺩﻻﻝ ..
ﻻﻫﻴﻴﻦ ﺑﺎﻹﻣﺘﺤﺎﻧﺎﺕ ﻭﺑﺲ ..
ﺭﺍﻧﻴﺎ ﺗﻜﻤﻞ ﻗﺒﻞ ﺩﻻﻝ ﺑﻴﻮﻡ ..
ﺭﺍﻧﻴﺎ ﺍﻹﺛﻨﻴﻦ ..
ﺩﻻﻝ .. ﺍﻟﺜﻼﺗﺎﺀ ...
🍁🍁
ﻓﻲ ﺃﺧﺮ ﻳﻮﻡ ﻟﺮﺍﻧﻴﺎ ﻓﻲ ﺍﻣﺘﺤﺎﻧﻬﺎ ..
ﺑﻌﺪ ﻃﻠﻌﺖ ﻣﻦ ﺍﻟﻘﺎﻋﻪ ..
ﻛﺎﻧﺖ ﻣﺘﻮﺟﻪ ﻟﻠﻮﺍﺟﻬﻪ ..
ﻫﻲ ﻃﺎﻟﻌﻪ ..
ﺟﻲ ﺯﻳﻦ ﺧﺎﺵ ..
ﻓﺎﺕ ﻣﻦ ﺟﻨﺒﻬﺎ ﻭﻛﺄﻧﻪ ﻣﺎﻳﻌﺮﻓﻬﺎﺵ ..
ﻫﻲ ﺗﻠﻘﺎﺋﻴﺎ ﻟﻔﺖ ﻭﻟﺤﻘﺎﺗﻪ ..
ﻭﻗﻌﺪﺕ ﺗﻤﺸﻲ ﺑﺴﺮﻋﻪ ﻭﺗﺸﻮﻑ ﺣﻮﺍﻟﻴﻬﺎ .
ﻫﻮ ﺭﻛﺰ ﻉ ﻇﻠﻬﺎ ﻋﺮﻓﻬﺎ ﺗﻠﺤﻖ ﻓﻴﻪ ..
ﺭﺍﻧﻴﺎ : ﺍﺳﺘﺎﺩ .. ﺍﺳﺘﺎﺩ ﺯﻳﻦ ﺍﻟﺪﻳﻦ ..
ﻫﻮ ﻛﻤﻞ ﻣﺸﻲ ﻭﻣﺶ ﻣﻌﺒﺮﻫﺎ ..
ﻫﻲ ﻣﺎﺑﺘﺶ ﺗﻌﺪﻝ ﻉ ﺍﻱ ﺣﺪ ..
ﺟﺮﺕ ﺑﺴﺮﻋﻪ ..
ﻭﻋﺎﻭﺩﺕ ﺍﻟﻜﺮﺓ ﻭﻭﻗﻔﺖ ﻗﺪﺍﻣﻪ ..
ﺯﻳﻦ ﺑﻐﻀﺐ : ﺷﻦ ﻗﻠﺖ ﺍﻧﻲ ﻗﺒﻞ !! ؟
ﺭﺍﻧﻴﺎ ﺑﺤﺰﻥ : ﺍﺭﺟﻮﻙ ﺑﺎﻟﻠﻪ ﻋﻠﻴﻚ ﺍﺳﻤﻌﻨﻲ .. ﺍﻧﻲ ﻣﻦ ﻧﻬﺎﺭ ﺻﺎﺭ ﺍﻟﻠﻲ ﺻﺎﺭ ﻭﺍﻧﻲ ﻣﺶ ﻗﺎﺩﺭﻩ ﻧﺮﺗﺎﺡ ... ﻭﺍﻟﻠﻪ ﺍﻟﻌﻈﻴﻢ ﻧﺒﻜﻲ ﺩﻳﻤﺎ ﻋﻠﻴﻬﺎ .. ﺣﺎﺳﻪ ﺭﻭﺣﻲ ﺍﻧﻲ .. ﺍﻧﻲ ..
ﻧﺰﻟﺖ ﻋﻴﻮﻧﻬﺎ ﻭﺩﻣﻮﻋﻬﺎ ﻃﺎﺣﻮﺍ ..
ﻫﻮ ﻗﻠﺒﻪ ﺍﻧﻔﻄﺮ ..💔
ﺑﺲ ﻣﻊ ﻫﺪﺍ ﻗﺎﻝ : ﻟﻮ ﺗﺒﻜﻲ ﻣﻦ ﻫﻨﻲ ﻻﺧﺮ ﻳﻮﻡ ﻓﻌﻤﺮﻙ ﻣﺎﻙ ﻣﻐﻴﺮﺓ ﺣﺎﺟﻪ ﺑﺎﻟﻨﺴﺒﻪ ﻟﻴﺎ .. ﻭﺣﻨﻘﻌﺪ ﺩﻳﻤﺎ ﺣﺎﻗﺪ ﻋﻠﻴﻚ ﻭﻛﺎﺭﻩ ﺷﻮﻓﺘﻚ ..
ﺭﻓﻌﺖ ﻋﻴﻮﻧﻬﺎ ﺍﻟﻤﻌﺒﻴﺎﺕ ﺩﻣﻮﻉ : ﺍﻧﻲ ﺷﻦ ﺫﻧﺒﻲ ﺑﺎﻫﻲ ! ؟
ﺗﺨﻄﺎﻫﺎ ﻃﻮﻝ ﻭﻣﺸﻲ ...
ﻫﻲ ﻗﻌﺪﺕ ﺗﺸﻮﻓﻠﻪ ﺑﺤﺰﻥ ﺷﺪﻳﺪ .. ﻟﻴﻦ ﺍﺧﺘﻔﻲ ﻣﻦ ﻗﺪﺍﻡ ﻋﻴﻮﻧﻬﺎ ..
ﺭﻥ ﺗﻠﻴﻔﻮﻧﻬﺎ ﻋﺮﻓﺖ ﺳﻨﺪ ﺟﻲ ..
ﻟﻔﺖ ﻭﻣﺸﺖ ﺑﺘﻄﻠﻌﻠﻪ .. ﻭﻫﻲ ﺣﺰﻳﻨﻪ ﺟﺪﺍ ﻭﻗﻠﺒﻬﺎ ﻣﻮﺟﻮﻉ ..
🍁🍁🍁🍁
ﺍﻟﺴﺎﻋﻪ 7:00 ﻣﺴﺎﺀﺍ ..
ﻣﺎﺍﺍﻣﺎﺍﺍ .. ﻣﺎﺍﺍﻣﺎﺍﺍ ..
ﺳﻴﺒﺖ ﺍﻟﻤﺴﻄﺮﺓ ﻭﺍﻟﻘﻠﻢ .. ﻭﺷﺒﺤﺖ ﻟﻠﺒﺎﺏ ..
ﺍﻧﻔﺘﺢ ..
ﻭﺧﺸﻮﺍ ﺟﻮﺍﺩ ﻭﻣﻌﻤﺮ ..
ﻭﻣﻌﺎﻫﻢ ﺍﺳﻴﺎ ﺗﺠﺮﻱ ﺯﻱ ﺍﻟﺒﻄﺮﻳﻘﻪ 💓
ﺟﻮﺍﺩ ﻣﺪ ﻷﻣﻪ ﺣﺎﺟﻪ ﺗﺸﻮﻓﻠﻬﺎ ..
ﺿﺤﻜﺖ : ﺳﻨﻚ ﻃﺎﺣﺖ؟
ﺍﺑﺘﺴﻢ ﺟﻮﺍﺩ ﻭﻫﻮ ﻳﺒﻴﻦ ﻓﺴﻨﻮﻧﻪ ..
ﺿﺤﻜﺖ ﺗﺎﻧﻲ .. ﻭﺿﻤﺎﺗﻪ .. ﻟﻴﻬﺎ ﻭﻫﻲ ﺗﻘﻮﻝ : ﻭﻟﺪﻱ ﺭﺍﺡ ﺭﺍﺟﻞ ﺍﻟﻠﻬﻢ ﺑﺎﺭﻙ ..
ﻣﻌﻤﺮ ﺑﻐﻴﺮﻩ : ﻭﺍﻧﻲ ﺍﻣﺘﻲ ﻳﻄﻴﺤﻮﺍ ﺳﻨﻮﻧﻲ؟
ﺿﺤﻜﺖ ﻭﻗﺎﻟﺖ : ﻟﻤﺎ ﺗﻮﻟﻲ ﺯﻱ ﺟﻮﺍﺩﻱ ..
ﻗﺮﻥ ﺣﻮﺍﺟﺒﻪ .. ﻭﻗﺪﻡ ﻷﻣﻪ ﻭﺣﻀﻨﻬﺎ ..
ﺩﻻﻝ : ﻫﻬﻬﻬﻬﻬﻬﻬﻪ ..
ﻋﻤﺘﻚ ﺍﺳﻴﺎ ﻟﻤﺎ ﺷﺎﻓﺖ ﺍﻟﻤﻨﻈﺮ ﻭﻣﺎﻋﺮﻓﺘﺶ ﻛﻴﻒ ﺗﺘﺼﺮﻑ ..
ﺑﺪﺕ ﺗﺰﺭﻙ ﺑﺼﻮﺕ ﻋﺎﻟﻲ ...
ﻓﻨﺼﺖ ﺩﻻﻝ .
ﻉ ﺧﺸﺖ ﻧﻮﺭ ﺗﺠﺮﻱ : ﺑﻌﺪﻳﻬﻢ ﻳﺎﺩﻻﻝ ..
ﺩﻻﻝ ﻭﻫﻲ ﺗﻀﺤﻚ ﺑﻌﺪﺕ ﻭﻻﺩﻫﺎ ..
ﺳﻜﺘﺖ ﺁﺳﻴﺎ ﻭﺟﺘﻬﺎ ﻃﻮﻝ ﺭﻓﻌﺖ ﺍﻳﺪﻳﻬﺎ ﻭﻗﺎﻝ : ﺗﻮﺑﻴﻨﻲ " ﻃﺒﻴﻨﻲ "
ﺿﺤﻜﻮﺍ ..
ﺭﻓﻌﺘﻬﺎ ﺍﻣﻬﺎ ﻭﻫﻲ ﺗﺒﻮﺱ ﻓﺨﺪﻭﺩﻫﺎ ﺍﻟﻤﻨﻔﺠﺎﺕ 💓
ﻭﺟﻮﺍﺩ ﻳﻀﺤﻚ ... ﺑﻴﻨﻤﺎ ﻣﻌﻤﺮ ﻳﺸﺒﺤﻠﻬﺎ ﺑﻐﻴﻆ ..
ﻧﻮﺭ ﺑﻀﺤﻜﻪ : ﺣﺮﻧﻴﻔﺔ ﺍﻟﺤﺮﻳﻨﻔﺎﺕ ..
ﺍﺳﻴﺎ : ﺭﻧﻴﻔﺎﺕ ﺍﻧﺘﻲ ..
ﺩﻻﻝ ﺿﺤﻜﺖ ﺑﺼﺪﻣﻪ : ﺷﻨﻌﺐ ﻳﺎﺑﻨﺘﻲ ﺷﻨﻌﺐ ..
ﻫﻲ ﻏﻄﺴﺖ ﻭﺟﻬﻬﺎ ﻓﺮﻗﺒﺔ ﺍﻣﻬﺎ ..
ﻭﻗﻌﺪﻭﺍ ﻳﻀﺤﻜﻮﺍ ﻋﻠﻴﻬﺎ ...
ﻭﻭﺭﺍﻫﻢ ﻣﺒﺎﺷﺮﺓ ﺻﻮﺭﺓ ﺑﻮﻫﺎ ﻉ ﺍﻟﺤﻴﻂ ...
ﺍﻟﺤﺎﺿﺮ ﺍﻟﻐﺎﻳﺐ ... ﺍﻟﻠﻲ ﻻﻳﻤﻜﻦ ﻳﻌﺒﻲ ﻣﻜﺎﻧﻪ ﺍﻟﻔﺎﺿﻲ ﺣﺪ ..
🍁 ﻋﻤﺎﺭ ..
ﺯﻱ ﻣﺎﻛﺎﻥ ﻋﺎﺷﻖ ﻣﻦ ﺍﻟﻄﺮﺍﺯ ﺍﻟﺮﻓﻴﻊ ..
ﺍﻛﻴﺪ ﺣﻴﻜﻮﻥ ﺍﺏ ﻓﺮﻳﺪ ﻣﻦ ﻧﻮﻋﻪ ..
🍃 ﻫﻲ ﻟﻤﺎ ﺟﻦ ﻋﻠﻴﻬﺎ ﺍﻟﻠﻴﻞ ..
ﻛﺎﻧﺖ ﺗﻔﻜﺮ ﻓﻬﺎﻟﺸﻲ ..
ﺗﺨﻴﻠﺖ ﻟﻮ ﻛﺎﻥ ﻋﻤﺎﺭ ﺑﻴﻨﺎﺗﻬﻢ .. ﻭﺣﻀﺮ ﻫﺎﻟﺘﻔﺎﺻﻴﻞ ﺍﻟﺼﻐﻴﺮﺓ ﺍﻟﺤﻠﻮﺓ ..
ﻛﺎﻧﺖ ﺗﺸﻮﻑ ﻟﺼﻮﺭﺗﻪ ﺑﺄﻟﻢ ...
ﻭﻫﻲ ﺗﺘﺨﻴﻞ ﻓﺮﺩﺓ ﻓﻌﻠﻪ ﻟﻮ ﺟﻮﺍﺩ ﺟﺎﻩ ﻭﻭﺭﺍﻩ ﺍﻟﺴﻦ ﺍﻟﻠﻲ ﻃﺎﺣﺖ ﻛﻴﻒ ﺣﻴﺘﻌﺎﻣﻞ ﻣﻌﺎﻩ ..
🍃🍃🍃🍃🍃🍃
ﺩﻳﺪﺵ ﺣﺐ ﺍﻟﺮﻣﺎﻥ ﺩﻳﺪﺵ ﺧﺒﺰﺓ ﻭﺩﻫﺎﻥ ..
ﻫﻲ ﻫﻲ .. ﻫﻲ ﺟﻮﺍﺩ ﻫﻲ ..
ﻫﻲ ﺗﻌﺎﻟﻰ ﻫﻲ .. ﻣﺎﻧﺪﻳﺮﻭﻟﻚ ﺷﻲ ..
ﻛﺎﻥ ﻳﻤﺸﻲ ﻟﻠﺨﻠﻒ ..
ﻭﻗﺪﺍﻣﻪ ﺑﻤﺴﺎﻓﻪ ﻭﻟﺪﻫﻢ ﻳﻤﺸﻲ ﻓﺄﻭﻝ ﺧﻄﻮﺍﺗﻪ ..
ﻭﻫﻲ ﺗﺼﻮﺭ ﻓﻴﻬﻢ ﺑﻜﺎﻣﻴﺮﺍ ﺍﻟﻔﻴﺪﻳﻮ ..
ﻋﺘﺮ ﺟﻮﺍﺩ ..
ﺩﻻﻝ ﺑﻌﺪﺕ ﺍﻟﻜﺎﻣﻴﺮﺍ ﻭﻗﺎﻟﺖ : ﺣﻴﻲ ..
ﺷﺎﻓﺖ ﻟﻌﻤﺎﺭ ﻭﻫﻮ ﺭﺍﻓﻊ ﻳﺪﻩ ﺟﻴﻬﺘﻬﺎ ...✋
ﻫﻲ ﺳﻜﺘﺖ ..
ﻋﻤﺎﺭ : ﻫﻲ ﺍﻧﻬﺾ ﻫﻲ .. ﺻﺒﻲ .. ﻫﻲ ..
ﺩﻳﺪﺵ ﺩﻳﺪﺵ .. ﻏﻨﻲ ﺩﻟﻮﻟﻪ ..
ﺍﺑﺘﺴﻤﺖ ﻭﺑﺪﺕ ﺗﻐﻨﻲ : ﺩﻳﺪﺵ ﻳﺎﻣﺤﻼ ﺧﻄﻮﺍﺗﻪ ..
ﻧﺎﺽ ﺟﻮﺍﺩ ﻣﺮﺓ ﺗﺎﻧﻴﻪ .. ﻭﻗﻌﺪ ﻳﺪﺏ ..
ﺿﺤﻜﺖ ﻭﻛﻤﻠﺖ ﺗﻐﻨﻲ : ﻛﻞ ﺧﻄﻮﺓ ﺗﻔﺘﺢ ﺑﺴﺘﺎﻥ ..
ﺩﻳﺪﺵ ﺣﺐ ﺍﻟﺮﻣﺎﻥ ..
ﻭﻗﻌﺪ ﻳﺪﺏ ﻟﻌﻨﺪ ﻣﺎﻭﺻﻞ ﻓﺮﺟﻞ ﺑﻮﻩ ﻭﺷﺪ ﻓﻴﻬﺎ ﻭﻗﻌﺪ ﻳﺸﺒﺤﻠﻪ ..
ﺿﺤﻚ ﻋﻤﺎﺭ ﻭﺭﻓﻌﻪ ﻓﻮﻕ ﻭﻗﺎﻝ : ﺻﻘﺮ ﻃﺎﻟﻊ ﻟﺒﺎﺗﻚ ..
ﺩﻻﻝ : ﺣﻴﻪ ﺍﺣﻴﻪ ..
ﻋﻤﺎﺭ ﺷﺒﺤﻠﻬﺎ ﺑﺮﻓﻌﺔ ﺣﺎﺟﺐ : ﺑﺎﻙ ﻋﻨﺪﻙ ﺍﻋﺘﺮﺍﺽ .
ﺩﻻﻝ ﺑﻀﺤﻜﻪ : ﺍﺑﺪﺍ ﻫﻮ ﺍﻧﺎ ﺍﺋﺪﺭ ﻳﺎﺑﺎﺷﺎ ..
ﺿﺤﻚ .. ﻭﺑﻌﺘﻠﻬﺎ ﺑﻮﺳﻪ ﻃﺎﻳﺮﻩ .. ﻭﻫﻲ ﺭﺩﺗﻬﺎﻟﻪ 💓..
🍃🍃🍃🍃
ﺗﻨﻬﺪﺕ ﺑﺤﺮﻗﻪ ..
ﻣﺴﺤﺖ ﺑﻴﺪﻫﺎ ﻉ ﻭﺟﻬﻬﺎ ﻭﻗﺎﻟﺖ : ﺍﻟﻠﻪ ﻳﺮﺣﻤﻪ ﻭﻳﻐﻔﺮﻟﻪ ..
ﻧﺰﻟﺖ ﺍﻳﺪﻳﻬﺎ ﻭﺣﻄﺘﻬﻢ ﻉ ﺑﻌﻀﻬﻢ ﻓﻮﻕ ﺻﺪﺭﻫﺎ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ..
ﻗﺮﺕ ﻓﺴﺮﻫﺎ ﺳﻮﺭﺓ ﺍﻟﺸﺮﺡ ...
ﺗﻼﺗﻪ ﻣﺮﺍﺕ ..
ﺑﻌﺪﻳﻦ ﻓﺘﺤﺖ ﻋﻴﻮﻧﻬﺎ ﺍﻟﻠﻲ ﻃﺎﺣﻮﺍ ﻣﻨﻬﻢ ﺍﻟﺪﻣﻮﻉ ..
ﻧﺰﻟﺖ ﺍﻳﺪﻳﻬﺎ ...
ﻭﺗﻤﺪﺩﺕ ﻉ ﺍﻟﺴﺮﻳﺮ ..
ﺭﺟﻌﺖ ﻏﻤﻀﺖ ﻋﻴﻮﻧﻬﺎ ﻭﻫﻲ ﺗﺪﻋﻴﻠﻪ ﺯﻱ ﻛﻞ ﻟﻴﻠﻪ 🍃
🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 11:15 ﺻﺒﺎﺣﺎ ..
ﺟﺎﻳﻪ ﺑﺎﺩﻭﺍﺗﻬﺎ ﺗﻤﺸﻲ ﺑﺴﺮﻋﻪ ﻣﻦ ﺍﻟﻬﻨﺪﺳﻪ ﻟﻠﻌﻠﻮﻡ ..
ﻉ ﺟﻴﺘﻪ ﻫﻮ ..
ﻭﻗﻔﻮﺍ ﺍﻟﺰﻭﺯ ﻟﻤﺎ ﺷﺎﻓﻮﺍ ﺑﻌﺾ ..
ﻫﻲ ﺍﺑﺘﺴﻤﺖ ﻳﺈﺣﺮﺍﺝ ..
ﺍﻣﺎ ﻫﻮ ﻓﺈﺑﺘﺴﺎﻣﺘﻪ ﻛﺎﻧﺖ ﺍﺑﺘﺴﺎﻣﻪ ﺣﻠﻮﺓ ﻗﺎﻝ ﺑﻴﻬﺎ : ﻛﻴﻒ ﺍﻟﺤﺎﻝ ..
ﻫﻲ ﺭﺩﺕ : ﺍﺣﻤﻢ .. ﺍﻟﺤﻤﺪ ﻟﻠﻪ .. ﺍﻧﺖ ﻛﻴﻒ ﺣﺎﻟﻚ ﻭﺟﺮﺣﻚ ﺷﻦ ﺻﺎﺭ ﻓﻴﻪ؟
ﺿﺤﻚ ﻭﻗﺎﻝ : ﻧﺴﻴﺘﻪ ﺑﺎﻟﻤﺮﺓ ..
ﺩﻻﻝ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ..
ﺿﻮ : ﺍﻟﻠﻪ ﻳﺴﻠﻤﻚ .. ﻭﺯﻉ ﻧﻈﺮﻩ ﺣﻮﺍﻟﻴﻪ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﺗﺒﻲ ﺷﻲ؟
ﺩﻻﻝ : ﻻ .. ﺟﺎﻳﻪ ﻧﺮﺍﺟﻲ ﻓﺒﺎﺑﺎ ﻫﻨﻲ ﺟﺎﻱ ﻣﻦ ﺍﻟﺒﻮﺍﺑﻪ ﺍﻟﺮﺋﻴﺴﻴﻪ ..
ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ﻭﻗﺎﻝ : ﺗﻤﺎﻡ .. ﺍﻣﻢ .. ﻣﺎﺗﺒﻲ ﺷﻲ ..
ﺩﻻﻝ ﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ : ﻻ .. ﺷﻜﺮﺍ ..
ﺑﺈﺑﺘﺴﺎﻣﻪ ﺭﺩ ﻳﻘﻮﻝ : ﺍﻟﻌﻔﻮ ..
ﺷﺒﺤﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻝ : ﺑﺎﻹﺫﻥ ..
ﺩﻻﻝ : ﺍﺫﻧﻚ ﻣﻌﺎﻙ ..
ﻣﺸﻲ ..
ﻭﻫﻲ ﻗﺪﻣﺖ ﻭﻭﻗﻔﺖ ﺗﺸﻮﻑ ﻟﻠﻄﺮﻳﻖ ..
ﻫﻮ ﻗﺒﻞ ﻳﺨﺶ .. ﻭﻗﻒ .. ﺍﻟﺘﻔﺖ ﻭﻗﻌﺪ ﻳﺸﻮﻓﻠﻬﺎ ..
ﺭﻛﺰ ﻋﻠﻰ ﻫﻴﺌﺘﻬﺎ .. ﻣﺎﺯﺍﻟﺖ ﻫﻲ ﻫﻲ .. ﺭﺍﺑﻂ ﻋﻠﻴﻪ ..
ﺑﺮﻏﻢ ﺍﻥ ﻟﻴﻪ ﻗﺮﻳﺐ ﺗﻼﺗﻪ ﺳﻨﻴﻦ ﻣﻴﺖ ..
ﻟﻜﻦ ﻫﻲ ﻣﺎﺯﺍﻝ ﺍﻟﺮﺑﺎﻁ ﻣﺎﻓﻜﺎﺗﻪ ..
ﻗﻠﺒﻪ ﻛﺎﻥ ﻣﺼﻬﻮﺩ ..
ﻏﺎﺭ ﻣﻨﻪ ﻫﻠﺒﻪ ﻫﻠﺒﻪ ...
ﺭﻛﺰ ﻋﻠﻴﻬﺎ ﺑﺎﻟﻨﻈﺮ ﻭﻫﻲ ﻣﺎﺷﻴﻪ ﻟﺴﻴﺎﺭﺓ ﺑﻮﻫﺎ ..
ﻓﺘﺤﺖ ﺍﻟﺒﺎﺏ ﻭﺭﻛﺒﺖ .. ﺻﻜﺮﺍﺗﻪ ..
ﻭﺑﻮﻫﺎ ﺗﺤﺮﻙ ﻃﻮﻝ ..
ﺿﻮ " ﺍﻟﺒﺎﻳﻦ ﺣﺘﻌﺬﺑﻴﻨﻲ ﻭﺍﺟﺪ ﻳﺎﺑﻨﺖ ﻋﺒﺎﻟﺴﻼﻡ ﻭﺍﺍﺍﺟﺪ .."
ﺗﻨﻬﺪ ..
ﺑﻌﺪﻳﻦ ﻟﻒ ﻭﺧﺶ ..
🌴🌴🌴🌴🌴🌴
ﻓﻬﺎﻟﻴﻮﻡ ..
ﻛﺎﻧﻮﺍ ﺣﻴﺮﻓﻌﻮﺍ ﺍﻟﻜﺴﻮﺓ ﺑﺎﻟﺰﺑﻂ ﺍﻟﺴﺎﻋﻪ 3 ﻧﺎﻭﻳﻴﻦ ﻳﻄﻠﻌﻮﺍ ..
ﺯﻳﻨﺐ ﻭﻛﻔﺎﻳﻪ ﻭﺣﻤﻴﺪﻩ ﺻﺪﺭﻭﺍ ... ﺍﻟﺘﻼﺗﻪ ﺑﺎﻟﺒﺪﻟﻪ ﺍﻟﺼﻐﻴﺮﻩ ..
ﻭﺳﻤﻴﻪ ﻟﺒﺴﺖ ﺍﻟﺒﺪﻟﻪ ﺍﻟﻜﺒﻴﺮﺓ ..
ﺍﻣﺎ ﻧﻌﻴﻤﻪ ﺑﺪﻟﺔ ﺭﺳﻤﻴﻪ .. ﻭﺳﻌﻴﺪﻩ ﻗﻔﻄﺎﻥ ﻣﻨﺎﺳﺒﻪ ﻣﺶ ﻣﺒﻬﺮﺝ ..
ﺑﻴﻤﺸﻮﺍ ﻣﻌﺎﻫﻢ ﺣﺘﻰ ﺍﻣﺎﻝ ﻭﺣﺪﻫﻢ ..
ﺍﻣﺎﻝ ﺻﺪﺭﺕ ﺑﺎﻟﺼﻐﻴﺮﺓ ﺣﺘﻰ ﻫﻲ ...
ﺑﻴﻨﻤﺎ ﻏﺎﻟﻴﻪ ﻟﺒﺴﺖ ﻗﻔﻄﺎﻥ ﻗﻬﻮﻱ ﻗﺼﻴﺮ ﻟﻠﺮﻛﺒﻪ ﺭﺑﻊ ﻛﻢ ﻓﻨﺼﻪ ﺣﺰﺍﻡ ﻳﻨﺮﺑﻂ ﻉ ﺟﻨﺐ .. ﻭﻃﻠﻌﺖ ﺗﻬﺒﻞ ﻣﺎﺗﻨﻌﻄﺎﺵ ﻋﻤﺮﻫﺎ ..
ﻭﺍﻟﺒﻨﻴﺎﺕ ﺍﻟﺼﻐﺎﺭ ﻗﻔﺎﻃﻴﻦ ﺣﻠﻮﺍﺕ ﺑﺎﻟﻤﺮﺓ ﺍﺑﺮﺯﻭﺍ ﺑﺮﺍﺋﺘﻬﻢ 💓
ﺍﻣﺎ ﺭﺯﻭﻧﻪ ..
ﻓﻜﺎﻧﺖ ﻏﻴﺮ ﺍﻟﻐﻴﺮ ..
ﻟﻤﺎ ﻟﺒﺴﺖ ﺍﻟﻘﻔﻄﺎﻥ ﺍﻟﻠﻲ ﺟﺎﺑﻪ ﺍﻟﻌﻤﺪﻩ ﻫﻲ ﺍﺧﺘﺎﺭﺗﻪ ﺑﺮﻭﺣﻬﺎ ..
ﺷﺎﻣﻮﺍ .. ﻗﺼﻴﺮ ﻟﻔﻮﻕ ﺍﻟﺮﻛﺒﻪ ﺑﺸﻮﻱ ..
ﺑﺄﻛﻤﺎﻡ .. ﺑﺲ ﻛﺘﺎﻓﻪ ﻧﺎﺯﻻﺕ .. ﻟﻮﻧﻪ ﺳﻤﺎﻭﻱ ﻟﻤﺎﻉ ...
ﺿﺎﺑﻂ ﻉ ﺟﺴﻤﻬﺎ ..
ﺷﻌﺮﻫﺎ ﺭﻓﻌﺎﺗﻪ ﻓﻮﻕ ..
ﻭﻟﺒﺴﺖ ﻓﺮﻗﺒﺘﻬﺎ ﺍﻟﺴﻠﺴﻠﻪ ﺍﻟﻠﻲ ﺟﺎﺑﻬﺎﻟﻬﺎ ﻗﺒﻞ ﻭﺍﻟﺨﺎﺗﻢ ﻓﻴﺪﻫﺎ ﻭﺣﺪﻳﺪﻩ ..
ﻭﺧﺮﺍﺹ ﻭﻛﻠﻬﻢ ﺫﻫﺐ ..
ﻭﻛﻨﺪﺭﻩ ﻛﻌﺐ ﻋﺎﻟﻲ ﺳﻮﺩﺍ ﺷﺎﻣﻮﺍ ..
ﻣﻜﻴﺎﺟﻬﺎ ﺑﻨﺎﺗﻲ ﺣﻠﻮ ﺑﺎﻟﻤﺮﺓ ..
ﺑﺎﻟﻤﺨﺘﺼﺮ ﻃﻠﻌﺖ ﻣﻠﻜﺔ ﺟﻤﺎﻝ ..💓
ﺗﺴﻠﺐ ﺍﻟﻌﻘﻞ ﺳﻠﺐ ..
ﻛﻔﺎﻳﻪ : ﻻﻻ ﻳﺎﻛﺒﺪﻱ ﻣﺎﻃﺎﻟﻌﻪ ﻣﻦ ﻫﻨﻲ ﻗﺒﻞ ﻧﺮﻗﻴﻬﺎ ..
ﺍﺑﺘﺴﻤﺖ ﺭﺯﺍﻥ ﺑﺨﺠﻞ ..
ﻭﺍﻣﻬﺎ ﻣﺒﺘﺴﻤﻪ ..
ﺑﺮﺍ ...
ﻛﺎﻥ ﻋﻤﺎﺩ ﻣﺎﺷﻲ ﻭﻳﺼﻮﺭ .. ﺗﻮﺛﻴﻖ ﻟﻜﻞ ﺍﻟﻠﻲ ﺻﺎﻳﺮ ﻓﻬﺎﻟﻤﻨﺎﺳﺒﻪ ...
ﻋﻤﺎﺩ : ﻣﻨﻮﺭ ﺗﻴﻔﻮﻭﻭﻭ ..
ﺗﻮﻓﻴﻖ ﺷﺒﺤﻠﻪ ﻭﺭﻓﻌﻠﻪ ﺍﺑﻬﺎﻣﻪ ...
ﺿﺤﻚ ﻭﻛﻤﻞ ﺍﻟﻘﺪﺍﻡ ..
ﺷﺒﺢ ﺟﻬﺔ ﻓﻢ ﺍﻟﺒﻮﺍﺑﻪ ﻟﻘﻲ ﺍﻟﺒﻨﺎﺕ ﺍﻟﺼﻐﺎﺭ ﻭﺍﻗﻔﺎﺕ ..
ﻣﺸﺎﻟﻬﻢ ﻭﻫﻮ ﻳﻀﺤﻚ ﻗﺎﻝ : ﺧﺸﻮﺍ ﺩﺍﺧﻞ .. ﻗﺎﻳﻠﻪ ..
ﺧﺸﻮﺍ ﺭﻭﺍﻥ ﻭﺣﻨﻴﻦ ﻳﺠﺮﻭﺍ ..
ﻧﻮﺭﻫﺎﻥ : ﻫﺨﻠﻌﺘﻬﻢ ..
ﻋﻤﺎﺩ : ﻭﺍﻧﺘﻲ ﻣﺎﻫﺨﻌﻠﺘﻴﺶ ..
ﻧﻮﺭﻫﺎﻥ : ﻻ ..
ﺿﺤﻚ ﻭﺣﻂ ﺍﻟﻜﺎﻣﻴﺮﺍ ﻉ ﻋﻴﻨﻪ ﻭﺧﺪﺍﻟﻬﺎ ﺻﻮﺭﺓ ﻭﻫﻲ ﺩﺍﻳﺮﺗﻠﻪ ﻟﻘﻄﻪ ..
ﺿﺤﻚ ﺑﻌﺪ ﺻﻮﺭﻫﺎ ﻭﻗﺎﻝ : ﺧﺸﻲ ..
ﺧﺸﺖ ﺗﺠﺮﻱ ..
ﺷﺎﻑ ﺍﻟﺒﻨﺎﺕ ﻓﻲ ﺍﻟﺴﻘﻴﻔﻪ ..
ﺟﻲ ﺑﻴﺼﻮﺭﻫﻢ ..
ﻫﺮﺑﻮﺍ ..
ﻗﻌﺪ ﻳﻀﺤﻚ ..
ﺷﻮﻱ ﻭﺑﻴﻨﻮﺍ ﺭﻭﺳﻬﻢ ..
ﺣﻂ ﺍﻟﻜﺎﻣﻴﺮﺍ ﻉ ﻋﻴﻨﻪ ..
ﺍﺩﺭﻗﻮﺍ ..
ﺿﺤﻚ ..
ﻋﺎﻭﺩﻭﺍ ﺍﻟﻜﺮﺓ ..
ﺩﺍﺭ ﻧﻔﺲ ﺍﻟﺸﻲ ..
ﺍﺩﺭﻗﻮﺍ ﺑﺴﺮﻋﻪ ..
ﻋﻤﺎﺩ : ﻫﻬﻬﻬﻬﻬﻬﻬﻪ ... ﻭﺍﻟﻠﻪ ﻟﻤﺎ ﻧﺼﻮﺭﻫﻢ ﺗﻮﺍ ..
ﺷﺎﻑ ﻇﻞ ﺟﺎﻱ ..
ﻃﻮﻝ ﺣﻂ ﺍﻟﻜﺎﻣﻴﺮﺍ ﻉ ﻋﻴﻨﻪ ..
ﻣﺠﺮﺩ ﻃﻠﻊ ﺣﺪ ﻗﺪﺍﻣﻪ .. ﻃﻮﻝ ﺻﻮﺭ ...
ﻫﻲ ﻓﻼﺵ ﺍﻟﻜﺎﻣﻴﺮﺍ ﺟﻲ ﻋﻠﻴﻬﺎ ..
ﻭﻫﻮ ﺑﻌﺪ ﺻﻮﺭﻫﺎ .. ﻧﺰﻝ ﺍﻟﻜﺎﻣﻴﺮﺍ ﺑﺒﻂﺀ ..
ﻭﻗﻠﺒﻪ ﻳﺪﻕ ﻳﺪﻕ ﻳﺪﻕ ... ﺩﻟﻒ ﻣﺶ ﺩﻕ ..
ﺑﻴﻄﻠﻊ ﺍﻟﻘﻠﺐ ﺧﻼﺹ 💓
ﻭﺍﻟﻌﻴﻮﻥ ﻧﻈﺮﺍﺗﻬﻢ ﻛﺎﻧﺖ ﻣﺠﻨﻮﻧﻪ ﻭﻫﻤﺎ ﻳﺸﻮﻓﻮﻟﻬﺎ ﺑﺈﻧﺒﻬﺎﺭ 💓
ﻫﻲ ﻛﺎﻧﺖ ﻣﺼﺪﻭﻣﻪ ..
ﻋﻴﻮﻧﻬﺎ ﻣﺘﻮﺳﻌﺎﺕ .. ﻓﻤﻬﺎ ﻣﻔﺘﻮﺡ ﺷﻮﻳﻪ ..
ﺑﺴﺮﻋﻪ ..
ﻫﺮﺑﺖ ﻟﻠﺪﺍﺭ .. ﺧﺸﺖ ﻭﺻﻜﺮﺗﻬﺎ ﻋﻠﻴﻬﺎ ..
ﺍﻣﺎ ﻫﻮ ..
ﻓﻘﻌﺪ ﻭﺍﻗﻒ ﻣﺴﺘﻮﻩ ..💓
ﻋﻴﻮﻧﻪ ﺍﻟﺪﺑﻼﻧﻪ .. ﻣﺎﺯﺍﻟﻮﺍ ﻳﺸﻮﻓﻮﺍ ﻓﻴﻬﺎ ...
ﺣﻂ ﻳﺪﻩ ﻉ ﻓﻤﻪ .. ﺑﻌﺪﻳﻦ ﻣﺴﺢ ﻉ ﺫﻗﻨﻪ .. ﻭﻧﺰﻝ ﻳﺪﻩ ﻉ ﺻﺪﺭﻩ ..
ﺗﻨﻬﺪ ..
ﻭﺷﺒﺢ ﻳﻤﻴﻨﻪ ..
ﺑﻌﺪﻳﻦ ﻣﺸﻲ ..
ﻭﻧﺎﺭﻩ ﻭﺍﻟﻌﻪ ...
ﺍﻟﺮﺍﺟﻞ ﻣﻌﺎﺵ ﻳﻘﺪﺭ ﻳﺼﺒﺮ ﺧﻼﺹ ..
ﻳﻌﺸﻘﻬﺎ ﻳﺒﻴﻬﺎ .. ﺑﻴﻤﻮﺕ ﻋﻠﻴﻬﺎ ...
ﻣﻌﺎﺵ ﻋﻨﺪﻩ ﺻﺒﺮ ﺯﻳﺎﺩﻩ ﻉ ﺍﻟﺼﺒﺮ ﺍﻟﻠﻲ ﺻﺒﺮﻩ ..
ﺑﺪﻱ ﺑﺸﻜﻞ ﺟﺪﻱ ﻳﺨﻄﻂ ﻟﺰﻭﺍﺟﻪ ﻣﻨﻬﺎ ﺑﻌﺪ ﺭﻣﻀﺎﻥ ﻣﺒﺎﺷﺮﻩ ﺧﻼﺹ ... ﺗﻢ ...
ﻭﻃﺒﻌﺎ ﻫﻲ ﻣﺎﻓﻴﺶ ﺩﺍﻋﻲ ﻧﺸﺮﺡ ﺣﺎﻟﺘﻬﺎ .. ﺍﻟﻤﻌﺮﻭﻓﻪ ﻣﺴﺒﻘﺎ ..🍃
🍁🍁🍁🍁🍁
ﺟﺖ ﺍﻟﺴﺎﻋﻪ 3
ﻭﺗﺴﻘﺪﻭﺍ ﻛﻠﻬﻢ ﻟﻄﺮﺍﺑﻠﺲ
ﺧﻴﺮﻱ ﺑﺰﻳﻨﺐ ﻭﻏﺎﻟﻴﻪ ..
ﻋﺒﺪﺍﻟﺴﻼﻡ ﺑﻨﻌﻴﻤﻪ ﻭﺍﻟﺤﺎﺟﻪ ﻓﺎﻃﻤﻪ ..
ﺳﻌﺪ ﺑﻜﻔﺎﻳﻪ ﻭﺑﻨﺘﻪ
ﺗﻮﻓﻴﻖ ﺑﺄﻣﻪ ﻭﺍﺧﺘﻪ
ﺍﻟﻬﺎﺩﻱ ﻭﻣﺮﺗﻪ
ﻭﺍﻣﺎﻝ ﻭﺣﺪﻫﻢ ﺍﻟﺤﻔﻴﺪﻩ ﻭﺍﻟﺠﺪﻩ ﺭﺍﻓﻌﻬﻢ ﺣﺴﻦ
ﻭﺭﺍﻫﻢ ﺧﻠﻴﻔﻪ ﺑﻤﺮﺗﻪ ... ﻭﺳﻠﻴﻤﺎﻥ ﺑﻤﺮﺗﻪ ..
ﻭﺑﺎﻗﻲ ﺍﻟﺴﻴﺎﺭﺍﺕ ﻓﻴﻬﺎ ﺍﻟﻮﻻﺩ ..
ﺍﻟﻄﺮﻳﻖ ﻃﻮﻳﻠﻪ ﻫﻠﺒﻪ
ﺑﺲ ﻫﻤﺎﻛﺎﻧﻮﺍ ﻳﺴﻮﻗﻮﺍ ﺑﺴﺮﻋﻪ ..
ﻭﺍﻟﺠﻮ ﻋﺎﺩ ﻫﻴﺎﺟﻪ ﻏﻨﻲ ﻭﺗﺼﻔﻴﻖ ﻃﻮﻝ ﺍﻟﻄﺮﻳﻖ ..
ﻣﺎﻋﺪﺍ ﺳﻴﺎﺭﺓ ﻭﺣﺪﻩ ..
ﺳﻴﺎﺭﺓ ﺍﻟﺼﺪﻳﻖ ﻭﺣﻤﻴﺪﻩ ..
ﺍﻟﺼﺪﻳﻖ : ﺗﻮ ﻟﻴﺶ ﻫﺎﻟﻘﻮﻡ ﻫﺎﺩﻭﺍ ﻛﻠﻬﻢ ﻣﺎﺷﻴﻴﻦ؟ ! ﻋﻠﻴﻚ ﺣﺎﻟﻪ ﻭﺧﻼﺹ ..
ﻫﻲ ﻣﺎﺑﺘﺶ ﺗﺮﺩ ﺑﻜﻠﻤﻪ ..
ﺍﻟﺼﺪﻳﻖ : ﻣﺴﺎﻓﻪ ﻭﻧﻮ ﻭﻧﻬﺎﺭ ﺍﺳﻮﺩ ..
ﺣﻤﻴﺪﻩ : ﺍﻓﺘﺢ ﺍﻟﻤﻜﻴﻒ ..
ﺍﻟﺼﺪﻳﻖ : ﺧﺎﺭﺏ ..
ﻫﻲ ﺳﻜﺘﺖ ﻭﻗﻌﺪ ﺗﻤﺮﻭﺡ ﻉ ﺭﻭﺣﻬﺎ ﺑﺎﻟﻤﺮﻭﺣﻪ ﻣﻦ ﺗﺤﺖ ﺍﻟﻜﺎﺏ ..
ﻓﺎﺗﻮﺍ ﻣﻦ ﺣﺪﺍﻫﻢ ﺳﻴﺎﺭﺍﺕ ﺧﻴﺮﻱ ﻭﺳﻌﺪ ﺍﻟﻠﻲ ﻓﻴﻬﺎ ﻳﺼﻔﻘﻮﺍ ﻭﻳﻬﻴﺠﻮﺍ ..
ﺍﻟﺼﺪﻳﻖ : ﻋﻴﻠﺔ ﺩﺭﺩﻧﻮ ..
ﺣﻤﻴﺪﻩ : ﺷﻨﻮ !! ؟
ﺍﻟﺼﺪﻳﻖ : ﻋﻴﻠﻪ ﺩﺭﺩﻧﻮ ..
ﺣﻤﻴﺪﻩ ﺗﻜﻨﻄﺖ ﻉ ﺍﻵﺧﺮ ﺑﺲ ﻣﺎﻃﻠﻌﺘﺶ ﻣﻦ ﻓﻤﻬﺎ ﺍﺧﻄﺎ ﻛﻠﻤﻪ ﻭﺣﺪﻩ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﺍﻟﺼﺪﻳﻖ : ﺗﺮﺍ ﺿﻤﻲ ﻓﻤﻚ ﺿﻤﻴﻪ ﺧﻴﺮ ﻣﺎﻧﻌﻄﻴﻚ ﺑﻮﻧﻲ ﻉ ﻓﻤﻚ ﺗﻮ ..
ﺳﻜﺘﺖ ﻭﻛﻤﺪﺗﻬﺎ ..
ﻭﺍﻟﺒﻨﻴﻪ ﺗﺸﻮﻑ ﻟﺒﻮﻫﺎ ﺑﻜﺮﻩ ﺷﺪﻳﺪ ..
🍁🍁🍁🍁
ﺑﻌﺪ ﺣﻮﺍﻟﻲ ﺳﺎﻋﻪ ﻭﻧﺺ ..
ﻭﺻﻠﻮﺍ ﻟﻄﺮﺍﺑﻠﺲ ..
ﻭﻣﻨﻬﺎ ﻟﻠﻤﻨﻄﻘﻪ ﺍﻟﻠﻲ ﺗﺴﻜﻦ ﻓﻴﻬﺎ ﻟﻤﻴﺎﺀ ..
ﻭﻫﻤﺎ ﻣﺎﺷﻴﻴﻦ ﻭﺭﺍ ﺑﻌﺾ ..
ﺗﻮﻓﻴﻖ ﻭﺧﺮ ﺑﺎﻟﺴﻴﺎﺭﺓ .. ﻭﺟﻲ ﻗﺪﺍﻡ ﺍﻟﺼﺪﻳﻖ ..
ﺍﻟﺼﺪﻳﻖ : ﻣﻌﻘﻮﻟﻪ ﻫﻜﻲ ﻳﺎﺭﺍﺍﺟﻞ ﻗﺮﻳﺐ ﺩﺭﺕ ﻛﺎﺭﺗﻪ ..
ﺗﻮﻓﻴﻖ ﻛﺎﻥ ﻣﻌﺼﺐ ﺩﺍﺭﻟﻪ ﺣﺮﻛﻪ ﺑﻴﺪﻩ ﺑﻤﻌﻨﻰ ﺑﺮﺍ ..
ﺍﻟﺼﺪﻳﻖ : ﺷﻦ ﻗﺼﺪﻙ ﺑﻴﻬﺎ؟؟
ﺗﻮﻓﻴﻖ : ﺍﻗﻌﺪ ﻭﺭﺍﺱ ﺍﻣﻚ ..
ﻭﻣﺸﻲ ﻫﻮ ...
ﺍﻟﺼﺪﻳﻖ ﺑﺮﻓﻌﺔ ﺣﻮﺍﺟﺐ : ﺍﻟﻜﻠﺐ ﻫﺪﻯ !!
ﺣﻤﻴﺪﻩ ﺑﺨﻮﻑ : ﻣﺎﻋﻠﻴﻜﺶ ﻓﻴﻪ ﺗﻮ ﻧﻮﺭﻳﻪ ..
ﺍﻟﺼﺪﻳﻖ ﺑﻌﺼﺒﻴﻪ : ﺍﻧﺘﻲ ﻓﻤﻚ ﺗﺼﻜﺮﻳﻪ ﻓﻤﻚ ﺿﻤﻴﻴﻴﻪ ..
ﺳﻜﺘﺖ ﻭﻫﻲ ﺗﺮﻋﺶ ..
ﻗﻌﺪ ﻳﻠﻒ ﻓﻲ ﺍﻟﺪﻭﻣﺎﻥ ﺑﻌﺼﺒﻴﻪ ﺷﺪﻳﺪﻩ : ﺗﻮ ﻧﻮﺭﻳﻜﻢ
ﺗﻮ ﺗﺸﻮﻓﻮﺍ ....
ﻭﺣﻤﻴﺪﻩ ﺗﺮﻋﺶ ﻣﻊ ﺑﻌﻀﻬﺎ ..
🍁 ﻭﺻﻠﻮﺍ ﻛﻠﻬﻢ ﻗﺪﺍﻡ ﺍﻟﺤﻮﺵ ..
ﻭﺑﺪﻭﺍ ﻳﻨﺰﻟﻮﺍ ...
ﻛﺎﻥ ﺣﻤﺰﺓ ﻭﺍﺻﻞ ﻭﻣﻌﺎﻩ ﺭﺑﺎﺏ ﻭﻧﻮﺭ ﺍﻟﻠﻲ ﺧﻄﻢ ﻋﻠﻴﻬﺎ ﻭﺭﻓﻌﻬﺎ ﻣﻌﺎﻫﻢ ..
ﻭﻛﺎﻥ ﺣﻤﻴﺪ ﻳﺮﺍﺟﻲ ﻓﻴﻬﻢ ﻭﻣﻌﺎﻩ ﻏﺰﻻﻥ ..
ﻧﺰﻟﻮﺍ ﺍﻟﺴﻮﺍﺑﻴﺖ ..
ﻭﺧﺸﻮﺍ ..
ﺍﺳﺘﻘﺒﻠﻮﻫﻢ ﺍﻫﻞ ﻟﻤﻴﺎﺀ ﻭﺍﻗﺎﺭﺑﻬﺎ ﺑﺎﻟﺪﺭﺑﻮﻛﻪ ﻭﺍﻷﻏﺎﻧﻲ ..
ﻣﻦ ﺑﻌﻴﺪ ﺷﻮﻱ ..
ﻛﺎﻧﺖ ﻟﻴﻠﻰ ﻭﺍﻗﻔﻪ ﺗﺼﻔﻖ ﻭﺗﺸﻮﻑ ﻓﺄﻫﻞ ﻋﻤﺮ ﻛﻴﻒ ﺧﺎﺷﻴﻦ ﺑﺎﻟﺴﻮﺍﺑﻴﺖ ..
ﻣﻐﺼﻮﺻﻪ ﺑﺎﻟﺪﻣﻌﻪ ..
ﺧﺎﻧﻘﺘﻬﺎ ﺍﻟﻌﺒﺮﻩ ..
ﻭﻗﻠﺒﻬﺎ ﻣﺰﺍﻝ ﺟﺮﺡ ﺍﻟﻐﺪﺭ ﺍﻟﻠﻲ ﻓﻴﻪ ﻳﺼﻄﺮ ..
ﺑﺲ ﺗﻤﺎﺳﻜﺖ ﻭﺍﺧﻔﺖ ﺑﺈﺑﺘﺴﺎﻣﻪ ﻣﺼﻄﻨﻌﻪ ﻫﺪﺍ ﻛﻠﻪ ..
ﻫﻲ ﺗﺤﺪﻳﺎ ﻓﻠﻤﻴﺎﺀ ﺟﺖ ﻭﻻﺯﻡ ﺗﻜﻤﻞ ﺍﻟﺘﺤﺪﻱ ﻟﻠﻨﻬﺎﻳﻪ ..
🍁🍁🍁🍁
ﺳﻄﺮ ﺻﺪﺍﺭﺍﺕ ﻣﻦ ﺍﻟﻌﻴﻠﺘﻴﻦ ..
ﺑﺲ ﺍﻣﻴﺰﻫﻢ ﻛﺎﻧﺖ ﻏﺰﻻﻥ .. ﺍﻟﻠﻲ ﻛﻔﺎﻳﻪ ﻭﺣﻤﻴﺪﻩ ﻣﺎﻧﺰﻟﻮﺵ ﻋﻴﻮﻧﻬﻢ ﻣﻦ ﻋﻠﻴﻬﺎ ﻋﺠﺒﺘﻬﻢ ﻉ ﺍﻵﺧﺮ ﻭﺗﻔﺎﺟﺌﻮﺍ ﺑﻴﻬﺎ ﻗﺒﻞ ﻳﺤﺴﺎﺑﻮﺍ ﺧﻮﺍﺗﻬﻢ ﻳﺒﺎﻟﻐﻮﺍ ﻓﻲ ﺍﻟﻮﺻﻒ ﻟﻜﻦ ﻃﻠﻌﻮﺍ ﻗﺎﻳﻠﻴﻦ ﻓﻴﻬﺎ ﺣﻘﻬﺎ ﻻﺍﻛﺜﺮ ..
ﻧﺎﺩﺭﺓ ﻛﺎﻧﺖ ﺗﺸﻮﻓﻠﻬﻢ ﻛﻠﻬﻢ ﺑﺲ ﻋﻴﻮﻧﻬﺎ ﺍﻛﺜﺮ ﺷﻲ ﻉ ﺭﺯﺍﻥ ﻋﺠﺒﺘﻬﺎ ﻉ ﺍﻵﺧﺮ ﻭﺗﻤﻨﺘﻬﺎ ﻣﺮﺓ ﺗﺎﻧﻴﻪ ﻟﻮﻟﺪﻫﺎ ﺍﺑﺮﺍﻫﻴﻢ ..
ﺑﻴﻨﻤﺎ ﻧﻈﺮﺍﺕ ﺳﻨﺎﺀ ﻟﻴﻬﺎ ﻛﺎﻧﺖ ﻧﻈﺮﺍﺕ ﺳﻢ ..
ﺑﺘﻤﻮﺕ ﻏﻴﺮﻩ ﻣﻨﻬﺎ ﻭﺣﺴﺪ ..
ﻭﻣﺎﺍﺳﺘﻐﺮﺑﺘﺶ ﺇﻋﺮﺍﺽ ﻋﻤﺎﺩ ﻋﻨﻬﺎ ﻟﻤﺎ ﻣﺸﺘﻠﻪ ﺍﻟﻤﺤﻞ ﺍﺧﺮ ﻣﺮﻩ ﺗﻌﺎﻣﻞ ﻣﻌﺎﻫﺎ ﺑﺮﺳﻤﻴﻪ ﺗﺎﻣﻪ ..
ﻭﻣﻊ ﻫﺪﺍ ﺣﻄﺖ ﻋﻤﺎﺩ ﻓﺮﺍﺳﻬﺎ ﺍﻛﺜﺮ ﻭﺍﻛﺜﺮ ..
ﻭﺭﺯﺍﻥ ﻣﻦ ﻟﻤﺎ ﺷﺎﻓﺘﻬﺎ ﺟﻲ ﻓﺨﺎﻃﺮﻫﺎ ﺗﺸﺪﻫﺎ ﺗﺨﻨﻘﻬﺎ ﻟﻴﻦ ﻃﻠﻊ ﺭﻭﺣﻬﺎ .. ﺑﻌﺪ ﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ﻣﻦ ﺭﻓﻘﻪ ﻋﻦ ﺟﻴﺘﻬﻢ ﻟﻠﻤﺤﻞ ..
🍁🍁🍁
ﺷﻮﻳﻪ ...
ﻭﻃﻠﻌﻮﺍ ﻟﻤﻴﺎﺀ ...
ﻭﺩﺍﺭﻭﻟﻬﺎ ﺍﻟﺴﺒﺮ ﺍﻟﻤﻌﺮﻭﻑ ..
ﻭﺩﺍﺭﻭﺍ ﺑﻌﺪﻫﺎ ﺷﻮﻁ ﺩﺭﺑﻮﻛﻪ ..
ﻭﻣﻦ ﺛﻢ ﺩﺧﻠﻮﻫﺎ ﺩﺍﺧﻞ ..
ﻭﻟﻴﻠﻰ ﻣﻊ ﻛﻞ ﻣﺮﺣﻠﻪ ﻛﺎﻥ ﻗﻠﺒﻬﺎ ﻳﺰﻳﺪ ﻳﻮﺟﻌﻬﺎ ﺍﻛﺜﺮ ﻭﺍﻛﺜﺮ ..
🍁🍁🍁
ﺟﺎﺑﻮﺍ ﺍﻟﻐﺪﻱ ...
ﻭﻛﺎﻥ ..
ﻣﻜﺮﻭﻧﻪ ﻣﺒﻮﺧﻪ ...
ﻭﺷﺎﻭﺭﻣﺎ ﻭﻃﻌﻤﻴﻪ ﻭﻃﺎﺟﻴﻦ ..
ﺍﻟﻄﻌﻤﻴﻪ ﻫﺎﺩﻱ ﺻﺪﻣﺖ ﺧﻮﺍﺗﻪ ..
ﻣﺶ ﺑﺲ ﻫﻲ .. ﺍﻟﺒﺼﻠﻪ ﺑﻴﻀﺎ " ﺍﻟﺘﻘﻠﻴﻪ "
ﻭﺍﻟﻄﺎﺟﻴﻦ ﺍﻟﻨﺎﺷﻒ ..
ﻭﺷﺎﻭﺭﻣﺎ ﺍﻷﺷﺒﻪ ﺑﺼﺒﻊ ﺍﻟﺴﺒﺎﺑﻪ ﻓﻴﻬﺎ ﺗﻨﺘﻮﻓﺔ ﺩﺟﺎﺝ ...
ﻭﺻﻨﺔ ﻫﺮﻳﺴﻪ ..
ﺍﻣﺎ ﺍﻟﻠﺤﻢ ...
ﻛﺎﺭﺗﻪ ...
ﺑﺮﻏﻢ ﺍﻧﻬﻢ ﺟﺎﺑﻮﻟﻬﺎ ﺑﻀﺎﻋﻪ ﻛﺎﻣﻠﻪ ...
ﻭﻣﻦ ﻫﻨﻲ ﺯﺍﺩﻭﺍ ﺍﻛﺘﺸﻔﻮﺍ ﺣﺎﺟﻪ ﺟﺪﻳﺪﻩ ﻻﺣﻈﻮﻫﺎ ﻣﻦ ﺍﻟﺒﻴﺎﻥ ﺑﺲ ﺗﻐﺎﺿﻮﺍ ﻋﻨﻬﺎ ..
" ﺍﻟﺒﺨﻞ .."
🍁🍁🍁🍁🍁
ﺑﻌﺪ ﺍﻟﻌﺼﺮ ..
ﺍﻧﻘﺮﺕ ﺍﻟﻔﺎﺗﺤﻪ ﻓﺠﺎﻣﻊ ﻓﻨﻔﺲ ﺍﻟﻤﻨﻄﻘﻪ ...
ﺑﻌﺪ ﻭﺻﻞ ﻟﻠﻨﺴﺎﻭﻳﻦ ﺧﺒﺮ ﻗﺮﺍﻳﺘﻬﺎ ..
ﺩﺍﺭﻭ ﺷﻮﻁ ﺩﺭﺑﻮﻛﻪ ...
ﻭﺧﺸﻮﺍ ﺍﻗﺎﺭﺏ ﻟﻤﻴﺎﺀ ﻟﺪﺍﺭﻫﺎ ﻭﻗﻌﺪﻭﺍ ﻳﻬﻨﻮﺍ ﻓﻴﻬﺎ ﻭﻫﻲ ﻛﺎﻧﺖ ﻓﺮﺣﺎﻧﻪ ﺑﻄﻴﺮ ..
ﻓﻲ ﺍﻟﻮﻗﺖ ﺍﻟﻠﻲ ﻛﺎﻧﺖ ﻓﻴﻪ ﻟﻴﻠﻰ ﻣﻦ ﺩﺍﺧﻞ ﻗﺎﻋﺪﻩ ﺗﻤﻮﺕ ...💔
🍁🍁🍁🍁🍁
ﺟﻲ ﻭﻗﺖ ﺍﻟﻤﺮﻭﺍﺡ ..
ﻃﻠﻌﻮﺍ ﻛﻠﻬﻢ ...
ﺑﺸﻮﻁ ﺩﺭﺑﻮﻛﻪ ...
ﻭﺑﻌﺪﻫﺎ
ﺷﺪﻭﺍ ﺍﻟﺮﺣﺎﻝ ﻟﻠﺒﻼﺩ ..
ﺭﺑﺎﺏ ﺭﻭﺣﺖ ﻣﻌﺎﻫﻢ ﻭﻏﺰﻻﻥ ﻛﺬﻟﻚ ...
ﺑﻌﺪ ﺳﺎﻋﻪ ﻭﻧﺺ ...
ﻭﺻﻠﻮﺍ ....
ﺧﺸﻮﺍ ﻭﺭﺍ ﺑﻌﺾ ﻟﻠﻘﻄﻌﻪ ...
ﻧﺰﻟﻮﺍ ﻣﻦ ﺍﻟﺴﻴﺎﺭﺍﺕ ﺍﻟﻨﺴﺎﻭﻳﻦ ﻭﺧﺸﻮﺍ ..
ﺑﻌﺪﻫﺎ ﻧﺰﻝ ﺍﻟﺼﺪﻳﻖ ..
ﺟﻲ ﻗﺪﺍﻡ ﺍﻟﻬﺎﺩﻱ ﻭﻗﺎﻝ : ﻣﻜﺎﻥ ﻣﺶ ﻻﻗﻲ ﻗﺪﺭﻱ ﻓﻴﻪ ﻣﻌﺎﺵ ﻧﺠﻴﻪ ﻣﺮﺓ ﺗﺎﻧﻴﻪ ..
ﻭﻟﻒ ﻭﻣﺸﻲ ﻃﻮﻝ ﻭﺍﻟﻬﺎﺩﻱ ﻗﻌﺪ ﻭﺍﻗﻒ ﻣﺼﺪﻭﻡ ﻣﺶ ﻓﺎﻫﻢ ﺷﻲ ...
ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﻃﻠﻊ ﻣﻦ ﺍﻟﻘﻄﻌﻪ ﺑﺴﻴﺎﺭﺗﻪ ..
ﻃﻮﻝ ﻟﻒ ﻭﻣﺸﻲ ﻟﻠﺤﻮﺵ ..
ﻭﻗﻒ ﻓﻲ ﺍﻟﺒﺎﺏ ﻭﻧﺎﺩﻯ : ﺣﻤﻴﺪﻩ .. ﻳﺎﺣﻤﻴﺪﻩ ..
ﻓﻲ ﺍﻟﺪﺍﺭ ﻛﻠﻬﻢ ﺍﻧﺨﻠﻌﻮﺍ ..
ﺑﻴﻨﻤﺎ ﺣﻤﻴﺪﻩ ﻗﻠﺒﻬﺎ ﻗﺒﻀﻬﺎ ..
ﻃﻠﻌﺖ ﻟﺨﻮﻫﺎ ﺑﺼﺪﺭﺗﻬﺎ ﻭﻫﻲ ﺗﺮﻋﺶ : ﺧﻴﺮﻙ؟ ..
ﺍﻣﻬﺎ ﺟﺖ ﻭﺭﺍﻫﺎ ﻭﻗﻌﺪﺕ ﻭﺍﻗﻔﻪ ﺗﺮﺍﺟﻲ ﻓﻲ ﺍﺟﺎﺑﺔ ﻭﻟﺪﻫﺎ ..
ﺍﻟﻬﺎﺩﻱ : ﺗﻮﺍ ﻗﺒﻞ ﻳﻌﺪﻱ ﺍﻟﺼﺪﻳﻖ ﻗﺎﻝ ﺍﻟﻤﻜﺎﻥ ﺍﻟﻠﻲ ﻣﺶ ﻻﻗﻲ ﻗﺪﺭﻱ ﻓﻴﻪ ﻣﻌﺎﺩ ﻧﺠﻴﻪ .. ﺷﻦ ﻗﺼﺪﻩ؟ !!
ﺣﻤﻴﺪﻩ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﺗﻌﺎﺭﻙ ﻫﻮ ﻭﺗﻮﻓﻴﻖ ..
ﺿﻴﻖ ﻋﻴﻮﻧﻪ ﻭﻗﺎﻝ : ﺷﻨﻮ؟؟ !!
ﺣﻤﻴﺪﻩ : ﻋﺪﻱ ﻟﺘﻮﻓﻴﻖ ﻭﺃﺳﺄﻟﻪ ..
ﻭﻣﺸﺖ ﻫﺮﺑﺖ ﻃﻮﻝ ﺧﺸﺖ ﻟﻠﺪﺍﺭ ﻭﺻﻜﺮﺗﻬﺎ ..
ﻭﺧﻮﺍﺗﻬﺎ ﻭﺍﻗﻔﺎﺕ ﻳﺸﻮﻓﻮﻟﻬﺎ ..
ﺍﻟﻬﺎﺩﻱ ﻃﻮﻝ ﻣﺸﻲ ﻟﺘﻮﻓﻴﻖ ..
ﻭﺍﻟﺤﺎﺟﻪ ﻓﺎﻃﻤﻪ ﻗﻌﺪﺕ ﻭﺍﻗﻔﻪ ﺗﺸﻮﻑ ﻟﻠﺒﺎﺏ ﻭﻫﻲ ﺗﻘﻮﻝ ﻓﻨﻔﺴﻬﺎ " ﺧﻼﺹ ﺍﻟﺮﺍﺟﻞ ﻧﻮﻱ ..."
🍁🍁🍁🍁
ﻃﺒﻌﺎ ﺗﻮﻓﻴﻖ ﻋﻤﺎﻣﻪ ﺩﺍﺭﻭﻟﻪ ﻣﺸﻜﻠﻪ ﻛﺒﻴﺮﺓ ﻭﺣﺘﻰ ﺑﻮﻩ ﻣﺎﺧﻼ ﻣﺎﻗﺎﻟﻪ ..
ﻭﻉ ﻗﺪ ﻣﺎﺍﺗﺼﻠﻮﺍ ﺑﺎﻟﺼﺪﻳﻖ ﻣﺎﺑﺎﺵ ﻳﺮﺩ ﻧﻬﺎﺋﻲ ..
ﻻﻋﻠﻴﻬﻢ ﻭﻻ ﻋﻠﻴﻬﺎ ..
ﺑﻌﺪ ﺍﺧﺮ ﻣﺤﺎﻭﻟﻪ ..
ﻃﻠﻘﺖ ﺣﻤﻴﺪﻩ ﺗﻠﻴﻔﻮﻧﻬﺎ ..
ﻭﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﺍﻧﻬﺎﺭﺕ ﺑﺎﻟﺒﻜﻲ ..
ﺧﻮﺍﺗﻬﺎ ﺍﻧﺼﺪﻣﻮﺍ ...
ﻏﺎﻟﻴﻪ : ﺣﻤﻴﺪﻩ .. ﺑﻴﺎﺧﺪ ﺧﻼﺹ؟ ..!
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺒﻜﻲ ..
ﺧﻮﺍﺗﻬﺎ ﺷﺒﺤﻮﺍ ﻟﺒﻌﻀﻬﻢ ﺑﺄﻟﻢ ... ﺑﻌﺪﻳﻦ ﻏﻴﺮﻭﺍ ﻧﻈﺮﻫﻢ ﻟﻴﻬﺎ ..
ﻃﻮﻝ ﻣﺸﺘﻠﻬﺎ ﻛﻔﺎﻳﻪ ﻗﻌﻤﺰﺕ ﺣﺪﺍﻫﺎ ﻭﺧﺪﺗﻬﺎ ﻓﺤﻀﻨﻬﺎ ..
ﻭﺣﻤﻴﺪﻩ ﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ ...
💔💔💔💔💔
ﻳﺘﺒﻊ ..