#العشق_المتمرد
باقي الجزء72
#جمان_فريد
🍁🍁🍁
ﺳﻤﻴﻪ : ﻫﺪﻱ ﺻﺎﺣﺒﺔ ﺣﻤﻴﺪﻩ !! ؟
ﺭﺑﺎﺏ : ﻭﻋﻼﺵ ﻻ؟ !
ﺳﻤﻴﻪ : ﻣﺶ ﻗﺼﺪﻱ ﺑﺲ ﻣﻦ ﻃﺮﺍﺑﻠﺲ .. ﻭﻳﻦ ﻋﺮﻓﺘﻬﺎ ..
ﺭﺑﺎﺏ : ﻛﻴﻒ ﻣﺎﻋﺮﻓﺘﻬﺎ ﻋﺮﻓﺘﻬﺎ ﺍﻟﻤﻬﻢ ﺻﺎﺣﺒﺘﻬﺎ ..
ﺳﻤﻴﻪ ﺍﺑﺘﺴﻤﺖ ﻣﺠﺎﻣﻠﻪ : ﺻﺢ ".. ﻋﻠﻴﻚ ﻟﻔﻌﻪ .."
ﺷﻮﻳﻪ ﻭﻧﺎﺿﺖ ﺩﻻﻝ ﻃﻠﻌﺖ ...
ﻭﺍﻣﻬﺎ ﻣﻌﺎﻫﺎ ﺑﻌﻴﻮﻧﻬﺎ ..
ﻭﻫﻲ ﻃﺎﻟﻌﻪ ﺷﺎﻓﺖ ﻟﺼﻐﺎﺭﻫﺎ ﺑﺤﺪﺍ ﺧﺎﻟﺘﻬﻢ ..
ﻛﻤﻠﺖ ﻃﺮﻳﻘﻬﺎ ﺑﺮﺍ ..
ﻧﺎﺿﺖ ﻧﻌﻴﻤﻪ ﻓﺠﺮﺗﻬﺎ
ﻉ ﺧﺸﺔ ﻣﺮﺍﻡ ﻭﻓﺎﻳﺰﺓﻭﺍﻣﻬﻢ ﻣﻦ ﻓﻢ ﺍﻟﺒﻮﺍﺑﻪ ..
ﺭﺗﻬﻢ ﻧﻌﻴﻤﻪ ﺳﻠﻤﻮﺍ ﻉ ﺑﻌﺾ ﻭﺧﺸﻮﺍ
ﻭﻧﻌﻴﻤﻪ ﺷﺪﺕ ﻣﺮﺍﻡ : ﺍﺳﻤﻌﻲ .. ﺍﻧﺘﻲ ﻋﻨﺪﻙ ﻃﺮﻳﻘﺔ ﻣﻘﻨﻌﻪ ﻓﻲ ﺍﻟﻜﻼﻡ ﺍﻃﻠﻌﻲ ﻟﺪﻻﻝ ﺷﻮﻓﻴﻬﺎ ﺗﻜﻠﻤﻲ ﻣﻌﺎﻫﺎ ..
ﻣﺮﺍﻡ : ﺻﺎﺭﺕ ﺣﺎﺟﻪ ! ؟
ﻧﻌﻴﻤﻪ ﺑﺄﻟﻢ : ﺍﻟﻴﻮﻡ ﻋﺰﻭﺯﺗﻬﺎ ﻭﺣﻤﻮﺍﺗﻬﺎ ﺭﻭﺣﻮﺍ ..
ﻣﺮﺍﻡ ﺑﺄﺳﻒ : ﻓﻬﻤﺖ .. ﺑﺎﻫﻲ ﺣﺎﺿﺮ ﺗﻮ ﻧﻄﻠﻊ ﻧﺸﻮﻓﻬﺎ ..
ﻧﻌﻴﻤﻪ : ﺻﺤﻴﺘﻲ ..
ﺍﺑﺘﺴﻤﺖ ﻣﺮﺍﻡ ﺑﻌﺪﻳﻦ ﻣﺸﺖ ﻭﻃﻠﻌﺖ ﻣﻦ ﺑﺎﺏ ﺍﻟﺤﻮﺵ ﺍﻟﻘﺪﺍﻣﻲ ..
ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻓﻲ ﺩﻻﻝ .. ﻟﻘﺘﻬﺎ ﻭﺍﻗﻔﻪ ﺣﺪﺍ ﺍﻟﺠﺮﺩﻳﻨﻪ ...
ﻣﺸﺘﻠﻬﺎ ﻃﻮﻝ ...
ﻣﺮﺍﻡ : ﺩﻻﻝ ...
ﺩﻻﻝ : ﻳﺤﺐ ﺍﻟﺠﺮﺩﻳﻨﻪ ﻫﺎﺩﻱ ﻫﻠﺒﻪ ..
ﻣﺮﺍﻡ ﻗﻌﺪﺕ ﺗﺴﻤﻊ ..
ﺩﻻﻝ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﺩﻳﻤﺎ ﻳﺤﻜﻴﻠﻲ ﻉ ﺍﻟﻤﻮﻗﻒ ﺍﻟﻠﻲ ﺻﺎﺭ ﻓﻴﻬﺎ ﻭﺍﻧﻲ ﺻﻐﻴﺮﺓ .. ﻭﻳﻘﻌﺪ ﺑﺎﺳﺒﻮﻉ ﺑﻌﺪ ﻳﺤﻜﻴﻪ ﻳﻨﺎﺩﻳﻨﻲ ﺩﻻﻝ ﻣﺘﻴﺎﺝ ..
ﺿﺤﻜﺖ ﻣﺮﺍﻡ ﺑﺈﺳﺘﻐﺮﺍﺏ ...
ﺩﻻﻝ ﺑﻨﺒﺮﺓ ﺑﺎﻛﻴﻪ : ﻋﻼﺵ ﻫﻜﻲ ﺍﻟﺪﻧﻴﺎ .. ﻋﻼﺵ ﻣﺎﻧﻔﺮﺣﻮﺵ ﻓﻴﻬﺎ ﺩﻳﻤﺎ ﻋﻼﺵ ﺍﻟﺤﺎﺟﻪ ﺍﻟﺤﻠﻮﺓ ﻓﻴﻬﺎ ﻋﻤﺮﻫﺎ ﻗﺼﻴﺮ ﻋﻼﺵ ﺑﺲ ..
ﻣﺮﺍﻡ : ﺍﻟﺪﻧﻴﺎ ﻳﻮﻡ ﻫﻜﻲ ﻭﻳﻮﻡ ﻫﻜﻲ .. ﺭﺍﻫﻮ ﺯﻱ ﻣﺎﺍﻟﻔﺮﺡ ﻓﻴﻬﺎ ﻣﺎﻳﻄﻮﻟﺶ ﺣﺘﻰ ﺍﻟﺤﺰﻥ ﻛﻴﻔﻪ ..
ﺩﻻﻝ ﺑﺒﻜﺐ : ﺇﻻ ﺣﺰﻧﻲ ﺍﻧﻲ .. ﺣﺰﻧﻲ ﺣﻴﻘﻌﺪ ﻷﺧﺮ ﻳﻮﻡ ﻓﻌﻤﺮﻱ .
ﻣﺮﺍﻡ ﻗﻠﺒﻬﺎ ﻭﺟﻌﻬﺎ ﻉ ﺍﻷﺧﺮ ...
ﻓﺠﺄﺓ ﺩﻻﻝ ﺣﺴﺖ ﺭﻭﺣﻬﺎ ﺑﺪﻭﺥ ...
ﺷﺪﺕ ﻓﻤﺮﺍﻡ ..
ﻣﺮﺍﻡ ﺷﺪﺗﻬﺎ ﺩﻻﻝ : ﺧﻴﺮﻙ ..
ﺩﻻﻝ : ﺑﻨﺪﻭﺥ ..
ﻣﺮﺍﻡ ﻗﻌﺪﺕ ﺷﺎﺩﺗﻬﺎ : ﺷﻦ ﺗﺤﺴﻲ ... ﺩﻻﻝ ..
ﺩﻻﻝ ﺷﺒﻪ ﻣﻌﺎﺵ ﺗﺴﻤﻊ ﻓﻴﻬﺎ ..
ﻓﻲ ﻧﻔﺲ ﺍﻟﻠﺤﻈﻪ ..
ﻗﺎﻡ ﻫﺎﻧﻴﺒﺎﻝ ﺍﻟﻘﻴﻄﻮﻥ ﺍﻟﻠﻲ ﻣﺪﺍﻳﺮﻳﻨﻪ ﻛﻔﺎﺻﻞ ..
ﻟﻘﻲ ﺩﻻﻝ ﺷﺎﺩﻩ ﻓﻲ ﻭﺣﺪﻩ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ﺍﺭﺯﻕ ﻛﺤﻠﻲ ..
ﻫﻮ ﻃﻮﻝ ﻗﺪﻡ ﻳﺠﺮﻱ ..
ﻫﺎﻧﻴﺒﺎﻝ : ﺩﻻﻝ ..
ﻣﺮﺍﻡ ﻗﺮﻳﺐ ﻣﺎﺗﺖ ..
ﻫﺎﻧﻴﺒﺎﻝ ﻭﻫﻮ ﻳﺸﻮﻑ ﻟﺪﻻﻝ : ﺩﻻﻝ ﺧﺎﻟﻮ ..
ﻣﺮﺍﻡ ﺗﻤﺎﺳﻜﺖ ﻭﻗﺎﻟﺖ : ﺩﺍﻳﺨﻪ ﺭﺍﻫﻮ ﻭﺣﺘﻔﻘﺪ ﺍﻟﻮﻋﻲ ..
ﻫﺎﻧﻴﺒﺎﻝ ﻋﻨﺪﻩ ﻋﻠﻢ ﺍﻧﻬﺎ ﺣﺎﻣﻞ .. ﻷﻧﻬﺎ ﺑﻮﻫﺎ ﻭﺻﺎﻩ ﻋﻠﻴﻬﺎ ﻭﺍﺿﻄﺮ ﻳﻘﻮﻟﻪ ..
ﻃﻮﻝ ﺧﺪﺍﻫﺎ ﻭﻗﺎﻣﻬﺎ ﻭﻣﺸﻲ ﺑﻴﻬﺎ ﻟﺴﻴﺎﺭﺗﻪ ..
ﻭﻣﺮﺍﻡ ﻣﺸﺖ ﻟﻠﺤﻮﺵ ..
ﻭﻗﻔﺖ ﻓﻲ ﺍﻟﺒﺎﺏ .. ﺷﺎﻓﺖ ﻟﺮﺯﺍﻥ ﺍﺷﺮﺗﻠﻬﺎ ﺗﺠﻲ ..
ﺭﺯﺍﻥ ﻧﺎﺿﺖ ﻃﻮﻝ ﻭﺟﺘﻬﺎ : ﺷﻨﻲ !!
ﻣﺮﺍﻡ : ﺗﻌﺎﻟﻲ ﻣﻌﺎﻱ ..
ﺧﺪﺗﻬﺎ ﻣﻦ ﻳﺪﻫﺎ ﻭﻣﺸﻮﺍ ﺍﻟﺰﻭﺯ ..
ﻭﻗﻔﺖ ﻣﺮﺍﻡ؛ﻋﺪﻱ ﻣﻊ ﺧﺎﻟﻚ ﺩﻻﻝ ﺩﺍﺧﺖ ﻭﺑﻴﺮﻓﻌﻬﺎ ﺍﻟﻤﺴﺘﺸﻔﻰ ..
ﺳﻤﻌﺖ ﻛﻼﻣﻬﺎ ﻷﻧﻬﺎ ﺍﺑﻠﺘﻬﺎ ﺑﺲ ..
ﻣﺸﺖ ﻃﻮﻝ ﻟﺴﻴﺎﺭﺓ ﺧﺎﻟﻬﺎ ..
ﺭﺯﺍﻥ : ﺑﻨﻌﺪﻱ ﻣﻌﺎﻙ ..
ﻫﺎﻧﻴﺒﺎﻝ : ﻟﻴﺶ ..
ﺭﺯﺍﻥ : ﺍﺑﻠﻪ ﻣﺮﺍﻡ ﻗﺎﻟﺘﻠﻲ ﺍﻟﻠﻲ ﺻﺎﺭ ..
ﻫﻮ ﻓﻬﻢ ﺍﻥ ﻣﺮﺍﻡ ﻣﺎﺗﺒﻲ ﺣﺪ ﻳﻌﺮﻑ ﺑﺶ ﻣﺎﺗﺼﻴﺮﺵ ﺭﺑﻜﻪ ..
ﻫﺎﻧﻴﺒﺎﻝ : ﺍﺭﻛﺒﻲ
ﺭﻛﺒﺖ ..
ﻭﺗﺤﺮﻙ ﻃﻮﻝ ﻭﻣﺮﺍﻡ ﻣﻦ ﺑﻌﻴﺪ ﺗﺸﻮﻓﻠﻬﻢ ..
ﻟﻴﻦ ﻣﺸﻮﺍ ..
ﺗﻨﻬﺪﺕ ﻭﻭﻟﺖ ﺧﺸﺖ ﻟﻠﺤﻮﺵ ..
ﻓﻲ ﺍﻟﺴﻴﺎﺭﺓ ..
ﺩﻻﻝ ..
ﺩﻻﻝ : ﺍﻣﻤﻢ ..
ﺭﺯﺍﻥ : ﻋﻨﺪﻙ ﺣﺎﺟﻪ ﺣﻠﻮﺓ ﻣﺮﺍﺕ ﺳﻜﺮﻫﺎ ﻧﺰﻝ ..
ﻓﺘﺢ ﺍﻟﻘﺠﺮ ﻃﻠﻊ ﻣﻨﻪ ﺣﻠﻮﺓ ﺑﻄﻌﻢ ﺍﻟﻔﺮﻭﺍﻟﻪ ﻣﺪﻫﺎ ﻟﺮﺯﺍﻥ ..
ﺭﺯﺍﻥ ﻓﺘﺤﺘﻬﺎ ﻭﻗﻌﺪﺕ ﺗﺤﻂ ﻓﻴﻬﺎ ﻓﻲ ﻓﻢ ﺩﻻﻝ : ﻛﻮﻟﻲ ..
ﺩﻻﻝ ﻛﻠﺘﻬﺎ ﺑﺎﻟﺴﻴﻒ ﻭﻗﻌﺪﺕ ﺗﻤﺺ ﻓﻴﻬﺎ ..
ﺷﻮﻳﻪ ﺷﻮﻳﻪ ﻭﺑﺪﺕ ﺷﺒﻪ ﺗﺴﺘﻌﻴﺪ ﻭﻋﻴﻬﺎ ..
ﻫﺎﻧﻴﺒﺎﻝ ﺷﺒﺢ ﻟﺮﺯﺍﻥ؛ﺍﺑﻠﺘﻚ ﺗﻌﺮﻓﻚ ﻛﻮﻳﺲ ..
ﺭﺯﺍﻥ : ﺍﺑﻠﻪ ﻣﺮﺍﻡ ﺗﻌﺮﻓﻨﺎ ﻛﻠﻨﺎ ﺍﺻﻼ ﻫﻲ ﻛﻴﻒ ﺻﺎﺣﺒﺘﻨﺎ ﻣﺶ ﺍﺑﻠﺘﻨﺎ ﺑﺲ ..
ﺩﻻﻝ ﺍﺑﺘﺴﻤﺖ ﺑﺘﻌﺐ ﻭﻗﺎﻟﺖ ﻛﻠﻤﻪ ﻭﻫﻲ ﻣﺪﺭﻭﺧﻪ : ﻧﺨﻄﺒﻬﺎﻟﻚ ﻫﺎﻧﻲ ..
ﺭﺯﺍﻥ ﺑﺤﻤﺎﺱ : ﺣﻴﻴﻲ ﻛﺎﻥ ﻳﺎﺧﺪﻫﺎ ﻭﺗﻮﻟﻲ ﺍﺑﻠﻪ ﻣﺮﺍﻡ ﻣﺮﺕ ﻋﻤﻲ ﻫﺎﻧﻴﺒﺎﻝ
ﻟﻤﺎ ﻗﺎﻟﺖ ﺭﺯﺍﻥ ﺟﻤﻠﺘﻬﺎ ﺍﻷﺧﻴﺮﺓ ﺍﺿﺎﻳﻖ ..
ﻫﻮ ﻣﻮﺿﻮﻉ ﺍﻹﺭﺗﺒﺎﻁ ﺑﺸﻜﻞ ﻋﺎﻡ ﻧﻔﺮ ﻣﻨﻪ ...
ﻏﻴﺮ ﺍﻟﻤﻮﺿﻮﻉ ﻭﻗﺎﻝ : ﺣﺎﻟﻚ ﺑﺎﻫﻲ ﻳﺎﺩﻻﻝ ﻣﻌﻨﺎﻫﺎ ..
ﺩﻻﻝ : ﺍﻣﻤﻢ .. ﺑﺎﻫﻲ ..
ﻫﺎﻧﻴﺒﺎﻝ؛ﺧﻼﺹ ﻧﺮﻭﺣﻮﺍ ...
🍁🍁🍁🍁🍁
ﻋﺪﺍ ﻳﺪﻫﻮﺭ ﺑﻴﻬﺎ ﻓﻲ ﺍﻟﺴﻴﺎﺭﺓ ﻫﻜﻲ ﻗﺎﻝ ﻟﺮﺯﺍﻥ ﻭﻫﻲ ﻗﺎﻟﺘﻠﻲ ﻧﻘﻮﻟﻠﻜﻢ ..
ﺯﻳﻨﺐ؛ﺑﻴﺪﻫﻮﺭ ﺑﺪﻻﻝ ﻳﺮﻓﻊ ﺭﺯﺍﻥ ﻋﻼﺵ؟
ﻧﻌﻴﻤﻪ؛ﺑﺎﻙ ﺧﺎﻑ ﻳﺼﻴﺮﻟﻬﺎ ﺷﻲ ﻓﻲ ﺍﻟﻄﺮﻳﻖ ..
ﺯﻳﻨﺐ : ﻭﻫﺪﻳﻜﺎ ﺍﻟﻔﺮﻓﻮﻃﻪ ﺑﺘﻌﺎﻧﻴﻬﺎ ..
ﻣﺮﺍﻡ : ﺭﺯﺍﻥ ﻓﺎﻟﺤﻪ ﻭﻧﺎﺷﻄﻪ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ..
ﺷﻘﻠﺒﺖ ﺯﻳﻨﺐ ﻋﻴﻮﻧﻬﺎ ﻭﻣﺸﺖ ﻭﻣﻦ ﺣﺪﺍﻫﻢ ..
ﻣﺮﺍﻡ ﺍﺳﺘﻐﺮﺑﺖ ..
ﻧﻌﻴﻤﻪ : ﺍﺣﻤﻢ .. ﺻﺤﻴﺘﻲ ﻣﺮﺍﻡ ..
ﺍﺑﺘﺴﻤﺖ ﻟﻨﻌﻴﻤﻪ : ﺳﻠﻤﻚ ..
🍁🍁🍁🍁🍁
ﻛﻴﻒ ﺧﺎﺵ ﻫﺎﻧﻴﺒﺎﻝ ﺑﺎﻟﺴﻴﺎﺭﺓ ﻟﻠﻘﻄﻌﻪ ﻟﻘﻲ ﺿﻮ ﺧﺎﺵ ﻉ ﺭﺟﻠﻴﻪ ﺑﻴﻤﺸﻲ ﻟﺨﻴﻤﺔ ﺍﻟﺮﺟﺎﻟﻪ ﻣﻦ ﺟﻬﺔ ﺍﻟﺤﻮﺵ ﺍﻟﻘﺪﻳﻢ ..
ﻛﻠﻜﺴﻠﻪ ﻫﺎﻧﻴﺒﺎﻝ ..
ﺍﻟﺘﻔﺖ ﺿﻮ ﻭﻭﻗﻒ ..
ﺩﺭﺱ ﻫﺎﻧﻴﺒﺎﻝ ﺳﻴﺎﺭﺗﻪ ﻓﺘﺮﻛﻴﻨﻪ ..
ﻧﺰﻟﻮﺍ ﺩﻻﻝ ﻭﺭﺯﺍﻥ ...
ﺿﻮ ﻛﺎﻥ ﻳﺸﺒﺢ ﺍﻟﻘﺪﺍﻡ ..
ﺑﻌﺪﻳﻦ ﻏﻴﺮ ﻋﻴﻮﻧﻪ ﻭﺷﺒﺢ ﻭﻳﻦ ﻣﺎﻓﻲ ﻫﺎﻧﻴﺒﺎﻝ ..
ﺑﺲ ﻋﻴﻮﻧﻪ ﺟﻮ ﻉ ﺩﻻﻝ ...
ﺻﺢ ﺗﻌﺒﺎﻧﻪ ﻭﺣﺎﻟﺘﻬﺎ ﺍﻟﻨﻔﺴﻴﻪ ﻣﺬﺑﻠﻪ ﺟﻤﺎﻟﻬﺎ ..
ﻟﻜﻦ ﻣﻊ ﻫﺪﺍ ﻗﺎﻋﺪﻩ ﺩﻟﻮﻟﻪ ﺍﻟﻠﻲ ﻃﻴﺢ ﺍﻟﻄﻴﺮ ﻣﻦ ﻋﺸﻪ ..
ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ﻣﻦ ﻗﺪﺍﻣﻪ ..
ﻫﻮ ﻏﻴﺮ ﻋﻴﻮﻧﻪ ﻭﻭﺿﻌﻪ ﺗﻠﺨﺒﻂ ﺑﺎﻟﻤﺮﺓ ...
ﺟﺎﻩ ﻫﺎﻧﻴﺒﺎﻝ : ﺍﻫﻼ ..
ﺿﻮ : ﺍﺣﻤﻢ .. ﻛﻴﻒ ﺍﻟﺤﺎﻝ ..
ﻫﺎﻧﻴﺒﺎﻝ : ﻣﺎﺷﻴﻪ ..
ﻭﻣﺸﻮﺍ ﺍﻟﺰﻭﺯ ﻣﻊ ﺑﻌﺾ ..
🍁🍁🍁🍁
ﺍﻟﺤﻘﻴﺮ ﻛﻞ ﻟﻴﻠﺘﻴﻦ ﺗﻼﺗﻪ ﻗﺪﺍﻡ ﺍﻟﺤﻮﺵ ﻫﻮ ﻭﻛﻼﺑﻪ ﺩﺍﺭﻭﺍ ﺍﻟﻌﺎﺭ ﻳﺎﺳﻤﻴﺮﺓ ..
ﺳﻤﻴﺮﺓ : ﺍﻟﻠﻪ ﻳﻨﺰﻋﻪ ..
ﻋﺮﻭﺑﻪ ﺑﺒﻜﻲ؛ﻛﺎﻥ ﻧﻠﻘﻰ ﻧﻬﺮﺏ ﻧﻬﺞ ﻣﺎﻧﺒﻴﺶ ﻧﻘﻌﺪ ﺧﻼﺹ ..
ﺳﻤﻴﺮﺓ : ﺧﻮﻙ ﻋﻨﺪﻩ ﻋﻠﻢ ..
ﻋﺮﻭﺑﻪ ﺭﺷﻔﺖ ﻗﺎﻟﺖ : ﻣﺎﻗﺪﺭﻧﺎﺵ ﻧﻘﻮﻟﻮﻟﻪ ... ﺧﻔﻨﺎ ﻟﻮ ﺟﻲ ﻫﻨﻰ ﻳﻘﺘﻠﻪ ﻫﺎﻟﻜﻠﺐ .. ﻭﺑﻌﺪﻳﻦ ﺍﻻﻭﺿﺎﻉ ﻓﺴﻮﺭﻳﺎ ﺑﺮﻭﺣﻬﺎ ﻣﻠﺨﺒﻄﻪ ..
ﺣﺎﺳﺔ ﺑﺎﻟﻌﺠﺰ .. ﺑﻨﻬﺒﻞ ﻳﺎﺳﻤﻴﺮﺓ ..
ﺳﻤﻴﺮﺓ : ﺭﺍﺟﻞ ﺍﺧﺘﻚ ..
ﻋﺮﻭﺑﻪ : ﻫﺪﺍﻙ ﺣﺮﻣﻨﺎ ﺣﺘﻰ ﻧﺴﻤﻌﻮﺍ ﺻﻮﺗﻬﺎ ...
ﺳﻤﻴﺮﺓ : ﻣﺤﻘﺮﻩ ...... ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ .. ﻭﻫﺎﻧﻴﺒﺎﻝ ..
ﻋﺮﻭﺑﻪ ﺍﺑﺘﺴﻤﺖ ﺑﺘﻬﻜﻢ؛ﺍﺣﺴﻦ ﺣﺎﺟﻪ ﺻﺎﺭﺕ ﺍﻧﻪ ﻓﺴﺦ ﻭﺍﻟﻠﻪ ﺍﺣﺴﻦ ﺣﺎﺟﻪ ﺻﺎﺭﺕ .. ﺍﺻﻼ ﻫﻜﻲ ﺧﻴﺮ .. ﺍﻧﻲ ﻣﺎﻳﺠﻴﻪ ﻣﻦ ﻭﺭﺍﻱ ﻏﻴﺮ ﺍﻟﻌﺬﺍﺏ ﻭﻭﺟﻊ ﺍﻟﻘﻠﺐ .. ﻭﻫﻮ ﻭﺍﻟﻠﻪ ﻣﺎﻳﺴﺘﺎﻫﻞ .. ﺍﻟﻠﻪ ... ﻭﻗﻌﺪﺕ ﺗﺒﻜﻲ ...
ﺳﻤﻴﺮﺓ ﺷﺪﺕ ﺍﻳﺪﻳﻬﺎ ﺑﻘﻮﺓ ﻭﻫﻲ ﺗﻘﻮﻝ : ﺣﻨﺪﻳﺮ ﻛﻞ ﺍﻟﻠﻲ ﻧﻘﺪﺭ ﻋﻠﻴﻪ ﻣﺎﻧﻴﺶ ﻣﺨﻠﻴﺎﺗﻚ ..
ﻋﺮﻭﺑﻪ ﺑﺒﻜﻲ؛ﻣﺎﺧﺎﻳﻔﻪ ﻛﺎﻥ ﻉ ﺃﻣﻲ ﻳﺎﺳﻤﻴﺮﺓ ﺍﻣﻲ ﺻﺤﺘﻬﺎ ﻛﻞ ﻳﻮﻡ ﻟﺘﺎﻟﻲ ..
ﺳﻤﻴﺮﺓ : ﻭﺣﻴﺎﺗﻚ ﻣﺎﻧﻲ ﻣﺨﻠﻴﺎﺗﻚ ﻏﻴﺮ ﺍﺻﺒﺮﻱ ﻋﻠﻴﺎ ..
🍁🍁🍁🍁🍁🍁
ﻣﺘﺮﺍﻓﻘﻴﻦ ﺣﻨﻲ ﻭﺣﻤﺰﺓ ﻓﻲ ﺍﻟﻄﺮﻳﻖ ..
ﻛﻔﺎﻳﻪ : ﺑﺎﻫﻲ ﺳﻠﻢ ﻭﻟﻴﺪﺍﺗﻲ ﺭﺩﻭﺍ ﺑﺎﻟﻜﻢ ﺗﺮﺑﺤﻮﺍ ..
ﻣﺎﻟﻚ ﺑﺎﺱ ﺭﺍﺱ ﺍﻣﻪ ﻭﻗﺎﻝ : ﻃﻤﻨﻲ ﺑﺎﻟﻚ ..
ﻣﺮﻭﺍﻥ ﺑﺎﺱ ﺭﺍﺳﻬﺎ ﺣﺘﻰ ﻫﻮ ..
ﻭﺑﻌﺪﻳﻦ ﻣﺸﻮﺍ ﺍﻟﺰﻭﺯ ...
ﻭﻛﻔﺎﻳﻪ ﺗﺸﻮﻓﻠﻬﻢ ﺑﺄﻟﻢ ..
ﺑﻌﺪﻳﻦ ﺍﻟﺘﻔﺘﺖ ﺑﺘﺨﺶ ﻗﺎﺑﻠﺘﻬﺎ ﺣﻤﻴﺪﻩ ..
ﺣﻤﻴﺪﻩ؛ﻋﺪﻭﺍ ..
ﻛﻔﺎﻳﻪ : ﺍﻳﻪ ..
ﺣﻤﻴﺪﻩ؛ﻛﻔﺎﻳﻪ ..
ﻛﻔﺎﻳﻪ : ﻧﻌﻢ ..
ﺣﻤﻴﺪﻩ؛ﻣﻌﻘﻮﻟﻪ ﻳﺎﻛﻔﺎﻳﻪ ﺣﺘﻰ ﺑﺎﻟﺘﻠﻴﻔﻮﻥ ﻣﺎﻳﻌﺰﻱ ﺣﻨﺎﻩ ﻉ ﺍﻷﻗﻞ ..
ﻛﻔﺎﻳﻪ ﺑﺮﺑﻜﻪ : ﻗﺎﻟﻲ .. ﺑﻨﺮﻭﺡ ﺧﻼﺹ ..
ﺣﻤﻴﺪﻩ؛ﺑﺎﻫﻲ ﺍﻣﺘﻰ؟
ﻛﻔﺎﻳﻪ : ﺍﺳﺒﻮﻉ ﻫﺪﺍ ..
ﺣﻤﻴﺪﻩ؛ﺍﻧﻲ ﻛﻼﻣﻲ ﻉ ﺧﺎﻃﺮﻩ ﻫﻮ ﺭﺍﻫﻮ ﺧﻮﺍﻟﻪ ﻣﻀﺎﻳﻘﻴﻦ ﻣﻨﻪ ﻭﺍﺟﺪ ..
ﻛﻔﺎﻳﻪ ﺑﺤﺪﻩ : ﺧﻼﺹ ﺗﻮ ﻳﺮﻭﺡ ﻗﻠﻨﺎ .. ﻭﻓﺎﺗﺖ ﻣﻦ ﺣﺪﺍﻫﺎ ..
ﺣﻤﻴﺪﻩ ﻗﻌﺪﺕ ﺗﺸﻮﻓﻠﻬﺎ ﻭﻫﻲ ﺗﻤﺸﻲ ﻭﻓﻲ ﺷﻲ ﺷﺎﻛﻪ ﻓﻴﻪ ﻭﺗﺪﻋﻲ ﻣﻦ ﻗﻠﺒﻬﺎ ﻳﻄﻠﻊ ﻏﻠﻂ ...
🍁🍁🍁🍁🍁🍁
ﺍﻟﺴﺎﻋﻪ 8:00 ﻣﺴﺎﺀﺍ ..
ﻭﺍﻟﻠﻪ ﺍﻟﻮﺿﻊ ﻫﺪﻯ ﻟﺨﺒﻂ ﺍﻣﻮﺭﻧﺎ ﻛﻠﻬﺎ ..
ﺍﻟﺼﺪﻳﻖ : ﺻﺪﻗﺖ .. ﻭﻗﻔﻠﻲ ﺣﺎﺟﺎﺕ ﻭﺍﺟﺪﻩ ..
: ﺭﺑﻚ ﻳﻔﺮﺝ ..
ﺍﻟﺼﺪﻳﻖ : ﺁﻣﻴﻦ ..
ﻭﺻﻠﻮﺍ ﻗﺪﺍﻡ ﺣﻮﺵ ..
ﻧﺰﻝ ﺍﻟﺮﺍﺟﻞ : ﺍﻧﺰﻝ ﺍﺷﺮﺏ ﻗﻬﻮﺓ ..
ﺍﻟﺼﺪﻳﻖ : ﻻﺻﺤﻴﺖ ﻋﻨﺪﻱ ﻣﺎﻧﺪﻳﺮ ..
: ﺧﻼﺹ ﻣﺮﺓ ﺗﺎﻧﻴﻪ ﻏﺼﺒﺎ ﻋﻨﻚ ..
ﺍﻟﺼﺪﻳﻖ ﺑﻀﺤﻜﻪ؛ﺍﻥ ﺷﺎﺀ ﺍﻟﻠﻪ .. ﻫﻲ ﻓﻲ ﺍﻣﺎﻥ ﺍﻟﻠﻪ ﻳﺎﻧﺎﺟﻲ ..
ﻧﺎﺟﻲ : ﺑﺎﻟﺴﻼﻣﻪ ...
ﻭﺗﺤﺮﻙ ﺍﻟﺼﺪﻳﻖ ...
ﻭﻧﺎﺟﻲ ﺗﻮﺟﻪ ﻟﺤﻮﺷﻪ ..
ﺩﺍﺧﻞ ..
: ﺣﻨﻲ ﻧﻄﻴﺒﻮﺍ ﻭﻧﺘﻤﺮﻣﺪﻭﺍ ﻭﻫﻲ ﻣﻨﻄﻤﺮﺓ ﻗﺪﺍﻡ ﺍﻟﺘﻠﻔﺰﻳﻮﻥ ..
: ﻋﻄﻴﻬﺎ ﻣﺎﻳﺮﻓﻌﻬﺎ ﺣﺘﻰ ﻧﻬﺎﺭ ﻗﻠﻨﺎ ﺗﺰﻭﺟﺖ ﻭﺍﻓﺘﻜﻴﻨﺎ ﻣﻨﻬﺎ ﻣﺎﺳﻜﺮﺗﺶ ﺷﻬﺮ ﺍﻻ ﻭﺭﻭﺣﺖ ﺣﺮﺟﺎﻧﻪ ..
: ﻣﻦ ﻳﺘﺤﻤﻠﻬﺎ ﻫﺪﻱ ..
" ﺷﻦ ﺩﻳﺮﻥ .."
: ﺍﻫﻮ ﻳﺎﻋﻤﺘﻲ ﻧﻄﻴﺒﻮﺍ ﻓﻲ ﺍﻟﻤﻌﺸﻲ ..
ﺷﻌﻠﻪ : ﻣﻌﻠﻴﺶ ﺍﻟﻠﻪ ﻏﺎﻟﺐ ﺗﺤﻤﻠﻦ ﻟﻴﻦ ﻳﺪﺑﺮﻭﺍ ﺗﺮﻳﺴﻜﻦ ﻓﻲ ﺣﻞ ..
🍃 ﻫﺪﺍ ﺍﻟﺤﺪﻳﺚ ﻛﺎﻥ ﻳﺪﻭﺭ ﺑﻴﻦ ﻋﺰﻭﺯ ﻭﻛﻨﺎﻳﻨﻬﺎ ﻉ ﺑﻨﺘﻬﺎ ...
ﺑﻨﺘﻬﺎ ﺍﻟﺼﻐﻴﺮﺓ ...
ﻣﻮﺍﻟﻴﺪ ...89
ﻧﺎﺭ ﺣﻤﺮﺍ .. ﺟﻬﻨﻢ ﻣﺎﺗﻨﻘﺮﺏ ﻭﻣﺎﻳﻘﺪﺭﻫﺎ ﺣﺪ ﺣﺘﻰ ﺍﻣﻬﺎ ﻣﺶ ﻻﻗﻴﻪ ﻣﻌﺎﻫﺎ ﺍﺣﺘﺮﺍﻡ 🍃..
ﺍﻧﻔﺘﺢ ﺍﻟﺒﺎﺏ ﻭﺧﺶ ﻧﺎﺟﻲ ..
ﻧﺎﺟﻲ : ﺍﻟﺴﻼﻡ ﻋﻠﻴﻜﻢ ..
" ﻧﺎﺍﺍﺟﻲ "
ﻓﻨﺺ ﻋﻴﻮﻧﻪ ...
ﺷﻮﻳﻪ ﻭﺑﺎﻧﺖ ﻋﻠﻴﻪ ..
ﻧﺎﺟﻲ ﺑﺼﺪﻣﻪ : ﺣﻠﻴﻤﻪ !!
ﺣﻠﻴﻤﻪ : ﺍﺳﻤﻊ ﺑﻨﻄﻠﻖ ﻣﻨﻪ ﻫﺪﺍﻙ ﺍﻟﺤﻘﻴﺮ ﻣﺎﻧﻮﻟﻴﻠﻪ ﻟﻮ ﻉ ﻗﻄﻊ ﺭﻗﺒﺘﻲ .. ﺍﻧﻲ ﻳﻀﺮﺑﻨﻲ ﻛﻒ .. ﺍﺟﻌﻨﻬﺎ ﺗﻨﻘﺺ ﻣﻦ ﻣﻨﺒﺘﻬﺎ ﻳﺪﻩ ...
ﺍﻫﻮ ﻛﻴﻒ ﻣﺎﻗﺘﻠﻚ ﺍﻟﻄﻼﺍﺍﺍﻕ .. ﻭﻟﻤﺎ ﻳﺮﻭﺡ ﺳﻴﺪﻱ ﻧﺒﻴﻪ ﻳﺠﻴﺒﻠﻲ ﺣﻘﻮﻗﻲ ﻣﻦ ﻋﻴﻮﻧﻪ ..
ﻭﻣﺸﺖ ﻭﺧﻠﺖ ﺧﻮﻫﺎ ﻭﺍﻗﻒ ﻣﺼﺪﻭﻡ ﻗﺎﻝ : ﻋﻤﺮ ﺍﺣﺮﻑ ﻫﻮ ..
🍃 ﻣﺎﺗﺴﺘﻐﺮﺑﻮﺵ ..
ﺍﻳﻪ ﺧﻮﺗﻬﺎ ﻣﺎﻋﻨﺪﻫﻤﺶ ﺷﺨﺼﻴﻪ ﻗﺪﺍﻣﻬﺎ ﺑﻨﺖ ﺑﻮﻫﺎ ﺍﻟﻤﺪﻟﻌﻪ ﺍﻟﻠﻲ ﻣﺎﺣﺪ ﻳﻘﺪﺭ ﻳﻌﻔﺴﻠﻬﺎ ﻉ ﻃﺮﻑ .. ﺑﻮﻫﺎ ﻉ ﺣﻴﺎﺓ ﻋﻴﻨﻪ ﻛﺎﺗﺒﻠﻬﺎ ﺍﻣﻼﻙ .. ﻣﺘﻌﻠﻖ ﺑﻴﻬﺎ ﻫﻠﺒﻪ .. ﻭﻓﺴﺪﻫﺎ ﺑﺎﻟﺪﻻﻝ ..
ﻛﻠﻤﺘﻬﺎ ﺗﻤﺸﻲ ﻭﺍﻟﻠﻲ ﺗﺒﻴﻪ ﻳﺼﻴﺮ ﻭﻟﻮ ﺣﻄﺖ ﺣﺎﺟﺎﺕ ﻓﺮﺍﺳﻬﺎ ﺗﻮﺻﻠﻬﺎ ﺗﻮﺻﻠﻬﺎ 🍃...
... ﻳﺘﺒﻊ
